Adhikarana atha doShopakramaNIyo nAmaikaviMSo&dhyAyaH pratij~jA (1) · Śloka 1
অথাতো দোষোপক্রমণীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो दोषोपक्रमणीयमध्यायं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
পূর্বে&অম্প্;ধ্যাযে বিকৃতান্ দোষানাশ্বেবোপক্রমেতেত্যুক্তং তমেবোপক্রমং রোগবিশেষানপেক্ষযা সামান্যরূপেণৈবাস্মিন্ন্ন্ধ্যাযে দর্শযতি-অথাত ইত্যাদি||১||
Adhikarana vAtasyopakramaH (2) · Śloka 2
বাতস্যোপক্রমঃ স্নেহঃ স্বেদো মৃদূনি স্নিগ্ধোষ্ণমধুরাম্ললবণানি সংশোধনান্যভ্যবহার্যাণি চাভ্যঙ্গপূর্বমুপনাহনোপবেষ্টনোন্মর্দনপরিষেকাবগাহসংবাহনপীডনানি বিত্রাসনবিধ্মাপনবিস্মরণানি সুরাসববিধানং স্নেহাশ্চানেকযোনযো দীপনীযপাচনীযবাতহরবিরেচনীযদ্রব্যোপহিতাস্তথা শতপাকসহস্রপাকাঃ সর্বশঃ প্রযোগার্থা বস্তযো বস্তিনিযমো বিশেষতস্তৈলং মাংসরসো&অম্প্;নুবাসনানি সুখশীলতা স্ত্রীসম্পর্কবর্জ্যশ্চ হৈমন্তো বিধিঃ||২||
वातस्योपक्रमः स्नेहः स्वेदो मृदूनि स्निग्धोष्णमधुराम्ललवणानि संशोधनान्यभ्यवहार्याणि चाभ्यङ्गपूर्वमुपनाहनोपवेष्टनोन्मर्दनपरिषेकावगाहसंवाहनपीडनानि वित्रासनविध्मापनविस्मरणानि सुरासवविधानं स्नेहाश्चानेकयोनयो दीपनीयपाचनीयवातहरविरेचनीयद्रव्योपहितास्तथा शतपाकसहस्रपाकाः सर्वशः प्रयोगार्था बस्तयो बस्तिनियमो विशेषतस्तैलं मांसरसो&अम्प्;नुवासनानि सुख़शीलता स्त्रीसम्पर्कवर्ज्यश्च हैमन्तो विधिः||२||
🔊 Audio coming soon
তত্র বাতস্যোপক্রমঃ স্নেহস্বেদৌ শোধনপ্রযোজনে তু সংশোধনান্যৌষধানি | কিম্ভূতান্যাহ- মৃদূন্যতীক্ষ্ণানি স্নিগ্ধাদিগুণসংযুক্তানি অভ্যবহার্যাণি চ| চ শব্দান্মৃদ্বাদিগুণযুক্তান্যেবাহারদ্রব্যাণি| তথোপনাহাদীনি পীডিতান্তান্যভ্যঙ্গপূর্বকমেবাঙ্গেষু কার্যাণি|উপনাহঃ স্নিগ্ধোষ্ণবাতহরকৃতঃ পিণ্ডবন্ধঃ | উপবেষ্টনং বস্ত্ররজ্বাদিনা | উন্মর্দনং পাণ্যাদিভিঃ| অবগাহো বাতহরদ্রব্যপূর্ণদ্রোন্যাং মজ্জনম্| সংবাহনং মৃদুসুখং পাণিমর্দনম্| তথা বিত্রাসনাদীনি| বিত্রাসনং ভযঙ্করৈর্জটিতি ত্রাসনম্| বিস্মরণং বাতবেগোদ্ভূতস্য সম্বাধস্য| সুরাযা আসবস্য চ বিধানম্| বিধান শব্দেন মাংসাপূপসংযোগাদিশাস্ত্রোক্তং বিধানং দর্শযতি| স্নেহা অনেকযোনযঃ স্থাবরজঙ্গমজাঃ | তথা দীপনীযাদিভিঃ সহিতাঃ সিদ্ধাশ্চ তৈঃ শতপাকসহস্রপাকগ্রহণেন স্নেহানাং যথাশ্ক্যং পুনঃ পুনর্দ্রব্যেণ পাকঃ প্রদর্শিতঃ| প্রাযোগিক বলস্তযো বক্ষ্যমাণলক্ষণাঃ | বস্তাবনুপযুজ্যমানে&অম্প্;পি বস্তিনিযমো বস্তিবিধ্যুক্ত আচারঃ| সর্বেভ্যো&অম্প্;পি বিশেষাত্তৈলাদি প্রাধান্যেনাবশ্যং যোজ্যমিত্যর্থঃ| সুখশীলতা সৌখ্যবৃত্তিত্বং হৈমন্ত ঋতুচর্যাযাং হেমন্তোক্তঃ| ইতি বাতস্যোপক্রমঃ||২||
Adhikarana pittasyopakramaH (3) · Śloka 3
পিত্তস্য সর্পিষ্পানং সর্পিষা স্নেহনমধোদোষহরণং মধুরতিক্তকষাযাণামৌষধাভ্যবহার্যাণামুপযোগো মৃদুসুরভিশীতহৃদ্যানাং গন্ধানামুপসেবা পরমশিশিরসুরভিসলিলমজ্জনম্| মনোনুকূলসংস্পর্শসুখানাং মুক্তামণিবৈডূর্যাশ্মগর্ভশঙ্খশিলাপদ্মরাগচন্দ্রকান্তকান্ততরতরলাবলীনাং ভ্রামরত্রাসিতসহস্রপত্রাসিতোত্পলকদলীদলনবমালিকাকুন্দমল্লিকাদিবিবিধবর্ণপ্রসূনবিরচিতানাং স্রজাঞ্চ ধারণমুরসা| ক্ষণে ক্ষণে চাগুরুচন্দনপ্রিযঙ্গুকালেযকমৃণালকর্পূরসুগন্ধিশীতস্বচ্ছগন্ধবারিভিঃ সকমলকুমুদকুবলযৈর্ভূমিতলকবাটবাতাযনহর্ম্যভিত্তীনামভিপ্রোক্ষণম্| শ্রুতিসুখমৃদুমধুরমনোনুগানাং গীতবাদিত্রাণামভ্যুদযানাঞ্চ শ্রবণম্| অযন্ত্রণৈঃ সমানবিষযবেষচরিতৈরুত্সবোত্সবতরান্যোন্যদর্শনৈঃ সুহৃদ্ভিঃ সহাসনম্| অনৃতবচনবিরহস্বভাবসুরভিতরবদনকুড্মলানাং নাতিস্পষ্টাভিদাযিনামনুপচারমধুরকোমলোল্লাপানাং প্রিযাণামপত্যকানাং সদযমাশ্লেষঃ| নির্দযঞ্চ তনুতরমৃদুসুরভিনিবসনাভির্মল্লিকামুকুলানুকারিমুক্তাফলপ্রযালঙ্কারিভিঃ সহচরীনিনাদসঞ্জল্পোপজনিতৌত্সুক্যকলহংসানুনাদিতনূপুররশনাকলাপশিঞ্জিতানুগমনসম্মুগ্ধমৃদুবচনাভির্নিজজঘননিবিডকুচযুগলালঙ্কারভারোদ্বহনশ্রমশ্বসনকম্পিতমধ্যমুকুলিতলোচনোত্পলাভিঃ কিঞ্চিদ্বিগলিতনবযৌবনাভিঃ প্রিযাঙ্গসঙ্গমাত্রাতিমাত্রসুখাস্বাদবিস্রংস্যমানাংশুকৈককালোপজাতব্রীডাবৈলক্ষ্যপ্রগল্ভতাবৈক্লব্যহর্ষবিষাদবিস্মযস্মিতকোপপ্রসাদসাধ্বসস্রস্তস্বিন্নসর্বাঙ্গদ্রবীকৃতহিমাঙ্গরাগাভিঃ সমস্তদেহহৃদযপ্রহ্লাদকারিণীভির্বিলাসবতীভিশ্চতুরঙ্গমিবানঙ্গবলমঙ্গৈস্তনুভিরপি সমুদ্বহন্তীভিরঙ্গনাভিরাশ্লেষঃ| সকলরজনীকরকরনিকরাবকীর্ণশিশিরতরাণি ভবনতলসলিলপুলিনানি| অতিসিতসিকতোপস্তৃততলমনেককাযযন্ত্রপ্রবৃত্তবিমলসলিলধারং ধারাগৃহম্| সাগরানুকারিতোযাশযোপতীরসুনিবিষ্টকুসুমিতবহুবিটপপৃথুতুঙ্গবিবিধতরতটরুহতরুনিবহবহলচ্ছাযোপস্ঞ্ছন্নং ধবলরক্তনীলিনীরজরজোব্যাপ্তসমস্তজলবিপুলসিকতিলতলোপকল্পিতং দোলাযমানগণতিপৃথুদৃতিকলশসরণকরকস্রবদুদকপ্রবাহাহিতমৃত্সৌরভভূতৈলকদশং প্রলম্বমানাম্বজম্বূকদম্ববিদুলনিচুলাদিকিসলযমঞ্জরীস্তবকপ্রত্যুপ্তপটালিকং মুহুর্মুহুঃ পুরুষপ্রযত্নপ্রেরিতঘটমুখোদ্গীর্ণোশীরচন্দনানুবিদ্ধাবলগ্নপতিতশেষমুক্তাফলাযমানজললবমুচ্ছ্রাযবিস্তারবদনিষিদ্ধদূরবিস্তৃতশীতবাতপ্রবেশমত্যর্থসন্ততাম্বুশীতশীকরাভিষেকপ্রতিহতসন্তাপদাহমোহশ্রমক্লমপিপাসমতিশযপ্রাপ্তরামণীযকং হিমাচলস্পর্দ্ধিশৈত্যমম্বুধরকাললীলাবিডম্বিকাযমানম্| প্রফুল্লপদ্মোত্পলপুণ্ডরীকসৌগন্ধিককোকনদশতপত্রপরাগরাগানুরঞ্জিতজলচরবিহগগণকলনিনদরম্যা দীর্ঘিকাঃ| মধুপানলোভনিলীযমানালিকুলচলিতলতাপ্রতাননিপতিতবিবিধকুসুমনিচযশযনরচনাসব্যাপারমৃদুপবনান্যুপবনানি| বিশেষস্তু ঘৃতং পযো বিরেচনানি সৌম্যাঃ সর্বে ভাবাঃ দিবাস্বপ্নবর্জ্যশ্চ গ্রৈষ্মো বিধিঃ||৩||
पित्तस्य सर्पिष्पानं सर्पिषा स्नेहनमधोदोषहरणं मधुरतिक्तकषायाणामौषधाभ्यवहार्याणामुपयोगो मृदुसुरभिशीतहृद्यानां गन्धानामुपसेवा परमशिशिरसुरभिसलिलमज्जनम्| मनोनुकूलसंस्पर्शसुखानां मुक्तामणिवैडूर्याश्मगर्भशङ्खशिलापद्मरागचन्द्रकान्तकान्ततरतरलावलीनां भ्रामरत्रासितसहस्रपत्रासितोत्पलकदलीदलनवमालिकाकुन्दमल्लिकादिविविधवर्णप्रसूनविरचितानां स्रजाञ्च धारणमुरसा| क्षणे क्षणे चागुरुचन्दनप्रियङ्गुकालेयकमृणालकर्पूरसुगन्धिशीतस्वच्छगन्धवारिभिः सकमलकुमुदकुवलयैर्भूमितलकवाटवातायनहर्म्यभित्तीनामभिप्रोक्षणम्| श्रुतिसुखमृदुमधुरमनोनुगानां गीतवादित्राणामभ्युदयानाञ्च श्रवणम्| अयन्त्रणैः समानविषयवेषचरितैरुत्सवोत्सवतरान्योन्यदर्शनैः सुहृद्भिः सहासनम्| अनृतवचनविरहस्वभावसुरभितरवदनकुड्मलानां नातिस्पष्टाभिदायिनामनुपचारमधुरकोमलोल्लापानां प्रियाणामपत्यकानां सदयमाश्लेषः| निर्दयञ्च तनुतरमृदुसुरभिनिवसनाभिर्मल्लिकामुकुलानुकारिमुक्ताफलप्रयालङ्कारिभिः सहचरीनिनादसञ्जल्पोपजनितौत्सुक्यकलहंसानुनादितनूपुररशनाकलापशिञ्जितानुगमनसम्मुग्धमृदुवचनाभिर्निजजघननिबिडकुचयुगलालङ्कारभारोद्वहनश्रमश्वसनकम्पितमध्यमुकुलितलोचनोत्पलाभिः किञ्चिद्विगलितनवयौवनाभिः प्रियाङ्गसङ्गमात्रातिमात्रसुखास्वादविस्रंस्यमानांशुकैककालोपजातव्रीडावैलक्ष्यप्रगल्भतावैक्लव्यहर्षविषादविस्मयस्मितकोपप्रसादसाध्वसस्रस्तस्विन्नसर्वाङ्गद्रवीकृतहिमाङ्गरागाभिः समस्तदेहहृदयप्रह्लादकारिणीभिर्विलासवतीभिश्चतुरङ्गमिवानङ्गबलमङ्गैस्तनुभिरपि समुद्वहन्तीभिरङ्गनाभिराश्लेषः| सकलरजनीकरकरनिकरावकीर्णशिशिरतराणि भवनतलसलिलपुलिनानि| अतिसितसिकतोपस्तृततलमनेककाययन्त्रप्रवृत्तविमलसलिलधारं धारागृहम्| सागरानुकारितोयाशयोपतीरसुनिविष्टकुसुमितबहुविटपपृथुतुङ्गविविधतरतटरुहतरुनिवहबहलच्छायोपस्ञ्छन्नं धवलरक्तनीलिनीरजरजोव्याप्तसमस्तजलविपुलसिकतिलतलोपकल्पितं दोलायमानगणतिपृथुदृतिकलशसरणकरकस्रवदुदकप्रवाहाहितमृत्सौरभभूतैलकदशं प्रलम्बमानाम्बजम्बूकदम्बविदुलनिचुलादिकिसलयमञ्जरीस्तबकप्रत्युप्तपटालिकं मुहुर्मुहुः पुरुषप्रयत्नप्रेरितघटमुखोद्गीर्णोशीरचन्दनानुविद्धावलग्नपतितशेषमुक्ताफलायमानजललवमुच्छ्रायविस्तारवदनिषिद्धदूरविस्तृतशीतवातप्रवेशमत्यर्थसन्तताम्बुशीतशीकराभिषेकप्रतिहतसन्तापदाहमोहश्रमक्लमपिपासमतिशयप्राप्तरामणीयकं हिमाचलस्पर्द्धिशैत्यमम्बुधरकाललीलाविडम्बिकायमानम्| प्रफुल्लपद्मोत्पलपुण्डरीकसौगन्धिककोकनदशतपत्रपरागरागानुरञ्जितजलचरविहगगणकलनिनदरम्या दीर्घिकाः| मधुपानलोभनिलीयमानालिकुलचलितलताप्रताननिपतितविविधकुसुमनिचयशयनरचनासव्यापारमृदुपवनान्युपवनानि| विशेषस्तु घृतं पयो विरेचनानि सौम्याः सर्वे भावाः दिवास्वप्नवर्ज्यश्च ग्रैष्मो विधिः||३||
🔊 Audio coming soon
পিত্তস্যোচ্যতে| সর্পিষ্পানমভ্যাসেন| ভবিষ্যত্ সংশোধনায চ সর্পিষৈব স্নেহনম্ ন তৈলাদিনা| তথাঽধোমার্গেণৈব দোষহরণং বিরেচনমেব,ন বমনমিত্যর্থঃ| মধুরাদিগুণযুক্তানামৌষধানামভ্যবহার্যাণাং চোপযোগঃ| তথা মৃদ্বাদিগুণযুক্তানাং গন্ধানামুপসেবনম্| মৃদুরতীক্ষ্ণঃ| চন্দনাদিশীতদ্রব্যপ্রভাবত্বাত্ গন্ধঃ শীতঃ| অথবা গন্ধানামিতি গন্ধদ্রব্যাণাম্| সর্বত্র চৈবং গন্ধশব্দেন গন্ধদ্রব্যাণাং ব্যবহারঃ| পরমশিশিরসুরভিণি জলে মজ্জনম্| পরমশব্দোঽত্যর্থ পর্যাযঃ| তথোরসা বক্ষসা তরলাবলীনাং স্রজাং চ ধারণম্| আবল্য আভরণগুণাঃ| তরলৈরুপলক্ষিতা আবল্যস্তরলাবল্যঃ| তরলোহরমধ্যমণিঃ| মুক্তাদিভির্মণিরত্নৈঃ কান্ততরাস্তরলাবল্যস্তথোক্তাঃ|স্রজো মালাস্তাশ্চ কিম্ভূতাস্তামরসাদিভির্নানাবর্ণৈঃ প্রসূনৈঃ পুষ্পৈর্বিরচিতাস্তথা ক্ষণে ক্ষণে প্রতিক্ষণং বাসগৃহে ভূমিতলাদীনাং গন্ধবারিভিঃ প্রোক্ষণং সিঞ্চনম্| গন্ধোপলক্ষিতানি বারীণি গন্ধবারীণি স্বচ্ছানি চ তানি গন্ধবারীণি স্বচ্ছগন্ধবারীণি| অগ্র্যচন্দনাদিভিঃ সুগন্ধীনি শীতানি চ স্বচ্ছগন্ধবারীণি তথোক্তানি | তৈঃ সকলাদিভিরগ্র্যচন্দনং হরিচন্দনম্| কালেযচন্দনং রক্তচন্দনম্| কমলং পদ্মম্| কুমুদং শ্বেতসরোজম্| কুবলযং নীলোত্পলম্| কবাটো দ্বারচ্ছাদন পটঃ| বাতযনং গবাক্ষঃ | হর্ম্যং গৃহম্ | তথা শৃতিসুখত্বাদিযুক্তানাং গীতাদীনাং শ্রবণম্| অযন্ত্রণত্বদিগুণযুক্তৈঃ সুহৃদ্ভিঃ সহাসনম্| প্রিযাণামপত্যকানাং চ সদযং কৃত্বাঽঽশ্লেষঃ কিম্ভূতানামনৃতবচনবিরহস্বভাবেনৈব সুরভিতমিববদনকুড্মলং যেষামিত্যর্থঃ| কুড্মলং মুকুলম্| অতিস্পষ্টং ন বদন্তীতি নাতিস্পষ্টাভিধযিনঃ| অনুপচারেণ স্বভাবেনৈব মধুরঃ কোমলশ্চোল্লাপ আলপো যেষাং তে তথোক্তাঃ| নির্দযমঙ্গনাভিরাশ্লেষ ইতি সম্বন্ধঃ| কিম্ভূতাভিস্তনূনি মৃদূনি সুরভীণিচ বসনানি বাসাংসি যাসাং তাভিঃ তথ মল্লিকামুকুলসদৃশমুক্তফলভূযিষ্ঠালঙ্কারাভিঃ| তথা সহচারীনিনাদসঞ্জল্পেনোপজনিতমৌত্সুক্যং যস্য কলহংসস্য তেনানুনাদিতং যন্নূপুরযো রশনাকলাপস্য চ শিঞ্জিতং তদনুগমনেন সম্মুগ্ধমস্ফুটোপলক্ষ্যমাণং মুগ্ধস্নিগ্ধমপ্রৌঢং মৃদুবচনং যাসাং তাভিঃ|তথা নিজজঘনবন্নিবিডং যত্ কুচযুগলং তত্সম্বন্ধী যোলঙ্কারভারস্তদ্বহনেন যোঽসৌ শ্রমশ্বসনস্তেন কম্পিতানি মধ্যমুকুলিতানি লোচনোত্পলানি যাসাং তাভিঃ| তথা কিঞ্চিদ্বিগলিতং নবযৌবনং যাসাং তাভিঃ | তথা প্রিযঙ্গসঙ্গমাত্রাদ্যোঽতিমাত্রঃ সুখস্তস্যাস্বাদনে একাগ্রচিত্ততযা যোঽসৌ বিস্রংস্যমানঃ স্থানাত্ ভ্রশ্যমান অংশুকস্তেনৈককালোপজাতৈর্ব্ড়ীডাবৈলক্ষ্যাদিভির্যানি স্রস্তানি শিথিলানি স্বিন্নানি চাঙ্গানি তৈর্দ্রবীকৃতো হিমঃ শীতোঽঙ্গরাগো যাসাং তাভিঃ| তথা স্পর্শনেন সকলদেহপ্রহ্লাদকারিণীভির্দর্শনেন হৃদযপ্রহ্লাদকারিণীভিঃ| তথা বিলাসবতীভিঃ | তথা তনুভিরপ্যঙ্গৈরনঙ্গস্য বলং চতুরঙ্গমিবোদ্বহন্তীভিঃ অনঙ্গবলং কমস্য সকলজযসম্পাদনী সেনা | চতুরঙ্গহস্ত্যশ্বরথপদাতিসঙ্কুলং তথা ভবনতলসলিলপুলিনানি ক্রীডাজলাশযতটানীত্যর্থঃ | কিম্ভূতান্যাহ- সকলরজনীকরস্য করনিকরাবকিরণেন শিশিরতরাণি | তথা ধারাগৃহং অতিসিতাভিঃ সিকতাভিরুপাস্তৃততলমনেকৈর্যন্ত্রৈঃ প্রবৃত্তিবিমলসলিলধারং চ| তথা কাযমানম্ | কিম্ভূতং সাগরানুকারী যস্তোযাশযঃ তস্যোপতীরে যঃ সুনিবিষ্টঃ কুসুমিতবহুবিটপানাং পৃথুতঙ্গানাং বিবিধানাং তটরুহাণাং তরূণাং নিবহঃ তচ্ছাযযোপসঞ্ছন্নে ধবলানাং রক্তানাঞ্চ নীরজানাং রজসা ব্যাপ্তসমস্তজলে বিপুলে সিকতিলে প্রদেশ উপকল্পিতম্| তথা দোলাযমানানাং গণতিথানাং বহুপ্রকারাণাং দৃতিকলশানাং সরণেনকরকস্রবন্ত্য উদকপ্রবাহঃ তেনাহিতমৃত্সৌরভো ভূতলৈকদেশো যস্মিন্ | সরণং পাতঃ | করকস্তুষারঃ| তথা প্রলম্বমানৈরাম্রজম্ব্বাদিকিসলযাদিভিঃ প্রত্যুপ্তাঃ পরিকলিতাঃ পটালিকাঃ পটকুট্যো যস্মিন্| তথা মুহুর্মুহুঃ প্রতিক্ষণং পুরুষযত্নপ্রেরিতানাং ঘটানাং মুখোদ্গীর্ণশ্চন্দনেনানুবিদ্ধা অবলগ্নাঃ সন্তঃ পতিতশেষা মুক্তাফলাযমানা জললবা যস্মিন্| তথা উছ্রাযবিস্তারবন্তো নিষিদ্ধা দূরপ্রবিসৃতাঃ শীতবাতপ্রবেশা বাতাযনাদযো যত্র | তথাত্যর্থসন্ততাম্বুনঃ শীতশীকরাভিষেকেণ প্রতিহতাঃ সন্তাপাদযো যস্মিন্| তথাতিশযপ্রাপ্তং রামণীযকং রম্যত্বং যস্মিন্ | হিমাচলেন স্পর্ধতে শৈত্যং যস্মিন্ যথোক্তেন ছাযাম্বুশৈত্যাদিনা বর্ষাকাললীলাং বিডম্বযন্তীতি | তথা গুহপুষ্করিণ্যঃ কিম্ভূতা প্রফুল্লানাং পদ্মাদীনাং পরাগরাগেণানুরঞ্জিতানাং জলচরবিহগগণানাং নিনাদেন রম্যাঃ | তথোপবনানি কিম্ভূতানি মধুপানলোভেন নিলীযমানেনালিকুলেন চলিতাল্লাতপ্রতানান্নিপতিতকুসুমনিচযেন শয্যারচনাযাং সব্যাপরো মৃদুপবনো যেষু| ইতি পিত্তোপক্রমঃ | বিশেষস্তু ঘৃতাদিঃ পিত্তোপক্রমঃ| দিবস্বপ্নঃ পিত্তশ্লেষ্মকরত্বাদহিতঃ||৩||
Adhikarana kaphasyopakramaH (4) · Śloka 4
শ্লেষ্মণঃ পুনর্বিধিবিহিতানি তীক্ষানি সংশোধনানি রূক্ষপ্রাযাণ্যভ্যবহার্যাণি কটুতিক্তকষাযোপহিতানি তীক্ষ্ণানি দীর্ঘকালস্থিতানি হৃদ্যানি মদ্যানি ধাবনলন্মর্দনস্নানোচ্ছাদনানি| বিশেষতঃ ক্ষৌদ্রং যূষো বমনানি সর্বশশ্চোপবাসঃ সধূমগডূষঃ সুখপ্রতিষেধঃ সুখার্থমেব বাসন্তিকো বিধিরিতি||৪||
श्लेष्मणः पुनर्विधिविहितानि तीक्षानि संशोधनानि रूक्षप्रायाण्यभ्यवहार्याणि कटुतिक्तकषायोपहितानि तीक्ष्णानि दीर्ग़कालस्थितानि हृद्यानि मद्यानि धावनलन्मर्दनस्नानोच्छादनानि| विशेषतः क्षौद्रं यूषो वमनानि सर्वशश्चोपवासः सधूमगडूषः सुख़प्रतिषेधः सुख़ार्थमेव वासन्तिको विधिरिति||४||
🔊 Audio coming soon
শ্লেষ্মণঃ উপক্রমঃ শাস্ত্রোক্তবিধিনা বিহিতানি তীক্ষ্ণানি সংশোধনানি বমনবিরেচনানি | বিধিগ্রহণমুত্কেশরক্ষণার্থম্| আহারদ্রব্যাণি চ রূক্ষভূযিষ্ঠানি কট্বাদিরসমিশ্রাণি | মদ্যানি তীক্ষ্ণাদি গুণযুক্তানি| ধাবনাদ্যাশ্চ ক্রিযাঃ| ধাবনং দ্রুতগমনম্| লঙ্ঘনঙ্গমনম্| প্লবনং পদ্ভ্যামুত্প্লবনম্| নিযুদ্ধং বাহুযুদ্ধং যুদ্ধং কাষ্ঠাদিভিঃ| ব্যবাযঃ স্ত্রীগমনম্| ব্যাযামো বাহনাদি শরীরাযসজননং কর্ম| তথারূক্ষাণি রূক্ষদ্রব্যকৃতান্যঙ্গানামুন্মর্দনাদীনি| বিশেষতো মধ্বাদীন্যুপক্রমঃ| সর্বশোবমনানি সর্বাণীত্যর্থঃ সুখকারণস্যাসেবা সুখপ্রতিষেধঃ| স চ সুখার্থং দোষোপশমাযেত্যর্থঃ||৪||
Adhikarana saMsargasannipAteShu cikitsAtideSaH (5) · Śloka 5
ভবন্তি চাত্র- উপক্রমঃ পৃথগ্দোষান্ যোঽযমুদ্দিশ্য কীর্তিতঃ| সংসর্গসন্নিপাতেষু তং যথাস্বং বিকল্পযেত্| গ্রৈষ্মঃ প্রাযো মরুত্পিত্তে বসন্তঃ কফমারুতে| মরুতো যোগবাহিত্বাত্ কফপিত্তে তু শারদঃ||৫||
भवन्ति चात्र- उपक्रमः पृथग्दोषान् योऽयमुद्दिश्य कीर्तितः| संसर्गसन्निपातेषु तं यथास्वं विकल्पयेत्| ग्रैष्मः प्रायो मरुत्पित्ते वसन्तः कफमारुते| मरुतो योगवाहित्वात् कफपित्ते तु शारदः||५||
🔊 Audio coming soon
ভবন্তি চাত্রেতি পদ্যারম্ভে সমুচ্চযতীতি| দোষান্ পৃথগুদ্দিশ্য যোঽযমুপক্রমঃ কীর্তিতঃ স এব সংসর্গেষু সন্নিপাতেষু চ যথাস্বং কার্যঃ প্রবৃদ্ধদোষানুসরণেনেতি যথাস্বশব্দার্থঃ| ন কেবলমেতদ্যাবদিদমপি| মরুত্পিত্তে বাতপিত্তে গ্রৈষ্মো বিধিঃ শীতপধানঃ কার্যঃ| কফ্মারুতে বসন্তো বিধি রূক্ষপ্রধানঃ কার্যঃ| ননু গ্রৈষ্মবাসন্তিকযোঃ কথং সংসর্গস্য বাতশমকারণত্বং শীতাদিসাদৃষ্যাদাহ- মরুতো যোগবাহিত্বাদ্বাযুর্যোগবাহী| যেনৈব সংযুজ্যতে তেনৈবৈকযোগক্ষেমো ভবতীত্যর্থঃ| তেন পিত্তেন সহিতস্য বাযোঃ পিত্তচিকিত্সা | কফেন সহিতস্য কফচিকিত্সেতি| অত্র স্বভাবো হেতুঃ| কফপিত্তে তু শারদো বিধিরিতি সম্বন্ধঃ||৫||
Adhikarana vAtAdiShu krameNa lavaNAdiprayogavidhiH (6) · Śloka 6
যোজ্যঃ পট্বম্লমধুরা বাযৌ ক্রুদ্ধো রসাঃ ক্রমাত্| পিত্তে তিক্তস্ততঃ স্বাদুঃ কষাযশ্চ রসো হিতঃ| কটুকঃ প্রাক্ ততস্তিক্তঃ কষাযোঽন্তে কফামযে||৬||
योज्यः पट्वम्लमधुरा वायौ क्रुद्धो रसाः क्रमात्| पित्ते तिक्तस्ततः स्वादुः कषायश्च रसो हितः| कटुकः प्राक् ततस्तिक्तः कषायोऽन्ते कफामये||६||
🔊 Audio coming soon
তথা ক্রুদ্ধে বাযবাদৌ লবণো রসো যোজ্যঃ| পশ্চাদম্লঃ| ততো মধুরঃ| এবং ক্রমেণৈব পিত্তে তিক্তাদযঃ| কফে কটুকাদযঃ | যুক্তিশ্চাত্র মন্দবুদ্ধিসম্মোহভযান্নোচ্যতে||৬||
Adhikarana vAyvAdInA~jcayAdiShu kAlastatra hetuSca (7) · Śloka 7
চযপ্রকোপপ্রশমা বাযোর্গ্রীষ্মাদিষু ত্রিষু| বর্ষাদিষু তু পিত্তস্য শ্লেষ্মণঃ শিশিরাদিষু| চীযতে লঘু রূক্ষাভিরোষদীভিঃ সমীরণঃ| তদ্বিধস্তদ্বিধে দেহে কালস্যৌষ্ণ্যান্ন কুপয্তি| অদ্ভিরম্লবিপাকাভিরোষধীভিশ্চ তাদৃশম্| পিত্তং যাতি চযং কোপং ন তু কালস্য শৈত্যতঃ| চীযতে স্নিগ্ধশীতাভিরুদকৌষধীভিঃ কফঃ| তুল্যেঽপি কালে দেহে চ স্কন্নত্বান্ন প্রকুপ্যতি| ইতি কালস্বভাবোঽযম্..........................||৭||
चयप्रकोपप्रशमा वायोर्ग्रीष्मादिषु त्रिषु| वर्षादिषु तु पित्तस्य श्लेष्मणः शिशिरादिषु| चीयते लग़ु रूक्षाभिरोषदीभिः समीरणः| तद्विधस्तद्विधे देहे कालस्यौष्ण्यान्न कुपय्ति| अद्भिरम्लविपाकाभिरोषधीभिश्च तादृशम्| पित्तं याति चयं कोपं न तु कालस्य शैत्यतः| चीयते स्निग्धशीताभिरुदकौषधीभिः कफः| तुल्येऽपि काले देहे च स्कन्नत्वान्न प्रकुप्यति| इति कालस्वभावोऽयम्..........................||७||
🔊 Audio coming soon
এষাং চ দোষাণামাহারাদ্যনপেক্ষযা কালস্বভাবেনৈব চযাদয উচ্যন্তে| তত্র বাযোর্গ্রীষ্মাদিষু ত্রিষ্বৃতুষু ক্রমেণ্ চযাদযো ভবন্তি| গ্রীষ্মে বাতবৃদ্ধিকারণবহুত্বাচ্ছীতরহিতত্বেনাপরিপূর্ণত্বাচ্চ বাতস্য চয এব ভবতি| বর্ষাসু তু শীতপূরণাদৌষ্ণ্যাভাবাদ্বাযুঃ কুপ্যত্যেব| সরদি তু বৈপরীত্যাত্ কালস্য প্রশাম্যতি| এবং পিত্তকফযোরপি ঋতুষু ক্রমেণৈব চযাদযো বাচ্যাঃ| গ্রীষ্মবর্ষাশিশিরেষু বাতাদযশ্চযমেব যান্তি| ননু কুপ্যন্তীত্যত্র তন্ত্রকারঃ স্বযমেব হেতুং বক্তি-চীযত ইত্যাদি| গ্রীষ্মে লঘুত্বাদ্রূক্ষত্বাচ্চৌষধীনাং সমীরণো বাযুঃ স্বরূপেণ তদ্বিধ ঔষধীসদৃশো লঘুরূক্ষ অদানত্বাচ্চ তদ্বিধে লঘুরূক্ষে দেহে চীযত এব| ন তু কুপ্যতি, কালস্যোষ্ণত্বাত্| বর্ষাস্বদ্ভিরৌষধীভিশ্চাম্লবিপাকাভিস্তাদৃশমম্লং পিত্তং চযমেব যাতি| নতু কোপম্| কালস্য শৈত্যেন পিত্তবৈপরীত্যাত্| শিশিরে স্নিগ্ধশীতেনোদকেন ওষধীভিশ্চ কালেঽপি কফেন সদৃশে বিসর্গত্বাদ্দেহেঽপি স্নিগ্ধশীতে কফঃ শিতত্বেন স্কন্নত্বাত্ স্ত্যানত্বান্ন কুপ্যতি| চযমেব যাতি| ইত্যাহারাদিনিরপেক্ষঃ কালস্বভাবঃ||৭||
Adhikarana AhArAdivaSattu sadya eva doShANAM cayAdisamBavAsamBavau (8) · Śloka 8
................................আহারাদিবশাত্ পুনঃ| চযাদীন্ যান্তি সদ্যোঽপি দোষাঃ কালেঽপি বা ন তু||৮||
................................आहारादिवशात् पुनः| चयादीन् यान्ति सद्योऽपि दोषाः कालेऽपि वा न तु||८||
🔊 Audio coming soon
আহারাদিবশত্ যথাযথং বাতাদযশ্চযং বা কোপং বা শমং বা সদ্য এব প্রাপ্নুবন্তি| পূর্বোক্তে বা কালে ন প্রাপ্নুবন্তি| যথা বর্ষাস্বপি বাতবিপরীতাহারাদিসেবনেন বাযুর্ন কুপ্যতি | শীতাদি সেবনাত্তু গ্রীষ্মে কুপ্যতি| এবং সর্বত্রোহ্যম্||৮||
Adhikarana kupitadoShavyAptinivRuttikramaSca (9) · Śloka 9
ব্যাপ্নোতি সহসা দেহমপাদতলমস্তকম্| নিবর্ততে তু কুপিতো মলোঽল্পাল্বং জলৌঘবত্||৯||
व्याप्नोति सहसा देहमपादतलमस्तकम्| निवर्तते तु कुपितो मलोऽल्पाल्वं जलौग़वत्||९||
🔊 Audio coming soon
অযং চ সঞ্চিতো মলো বাতাদিদোষঃ কুপিতঃ সন্ সহসা ক্ষিপ্রতরমেবাপাদতলমস্তকং দেহং ব্যাপ্নোতি| কোপাত্তু যদা নিবর্ততে তদাল্পাল্পম্| অত্র দৃষ্টান্তো জলৌঘঃ| যথা জলৌঘো জটিত্যাক্রামতি| আক্রম্য চ কারণান্তরেণ ক্ষীযমাণঃ ক্রমেণ ক্ষযং যাতি | তদ্বত্ কুপিতো দোষ ইতি||৯||
Adhikarana doShasyopakramakAlaH kramaSca parASarasammatiH (10) · Śloka 10
চয এব জযেদ্দোষং কুপিতং ত্ববিরোধযন্| সর্বকোপো বলীযাংসং শেষদোষাবিরোধতঃ| ক্রমান্মরুত্পিত্তকফান্ সর্বত্র সদৃশে বলে| বাতাদীনাং যথা পূর্বং যতঃ স্বাভাবিকং বলম্| ঊচে পরাশরোঽপ্যর্থমমুমেব প্রমাণযন্| যথোপন্যাসতঃ প্রাপ্তমাদৌ দোষভিষগ্জিতম্| নেতৃভঙ্গেন দৃষ্টো হি সমং সৈন্যপরাজযঃ||১০||
चय एव जयेद्दोषं कुपितं त्वविरोधयन्| सर्वकोपो बलीयांसं शेषदोषाविरोधतः| क्रमान्मरुत्पित्तकफान् सर्वत्र सदृशे बले| वातादीनां यथा पूर्वं यतः स्वाभाविकं बलम्| ऊचे पराशरोऽप्यर्थममुमेव प्रमाणयन्| यथोपन्यासतः प्राप्तमादौ दोषभिषग्जितम्| नेतृभङ्गेन दृष्टो हि समं सैन्यपराजयः||१०||
🔊 Audio coming soon
সর্বং চ দোষং চয এব চয কালএব জযেত্| যদা তু চযকাল উপেক্ষিতঃ সন্ কুপিতস্তদাঽবিরোধযন্ অকুপিতেন দোষান্তরেণেত্যর্থাল্লভ্যতে| তেন কুপিতস্তথা জেতব্যঃ যথা তদ্বিপরীতৈরাহারাদিভিঃ সদৃশত্বাদ্দোষান্তরং ন কুপ্যতীতি| যদা তু সর্বে দোষা অসাম্যেন যুগপত্কুপিতাস্তদা বলীযাংসমধিককুপিতং জযেত্| শেষযোস্ত্বল্পকুপিতযোরবিরোধেন| যদ তু সর্বে সাম্যেন কুপিতাস্তদা মরুত্পিত্তকফান্ ক্রমাজ্জযেত্| আদৌ বাযুর্জেতব্যঃ| ততঃ পিত্তং | ততঃ কফ ইতি| কুতঃ যতো বাতাদীনাং যথাপূর্বং স্বাভাবিকং বলম্| স্বভাবেনৈব কফাত্ পিত্তং বলবত্| ততো বাযুরিতি| পরাশরোঽপ্যৃষিরমুমেবাস্মদুক্তমর্থং প্রমাণযন্ দৃঢীকুর্বন্ যথোক্তোপন্যাসেন বাতাদিক্রমেণ দোষাণাং ভিষগ্জিতমৌষধং প্রাপ্তমিত্যূচে বক্তি স্ম| দৃষ্টান্তরূপেণ্ চ হেতুং বক্তি| নেতৃভঙ্গেন সমং নাযকবিনাশেনৈককালং সৈন্যপরাজযো দৃষ্টঃ| বাযুশ্চ নেতৃস্থানীযঃ তদাযত্তত্বাচ্ছারীরাণাম্ দোষধাত্বাদীনাম্| পিত্তকফৌ সৈন্যস্থানীযৌ| স্থানান্তরগমনাদিষু বাযুপরাযত্বাত্| তেন বাযাবাদৌ প্রধানে নাশিতে পিত্তকফনাশঃ সুকর ইতি||১০||
Adhikarana keShA~jcinmatena sthAnAnukrameNopakramaH (11) · Śloka 11
স্থানতঃ কেচিদিচ্ছন্তি প্রাক্তাবচ্ছ্লেষ্মণো বধম্| শিরস্যুরসি কণ্ঠে চ প্রলিপ্তেঽন্নরুচিঃ কুতঃ| তদভাবে কথং ভোজ্যপানদ্রব্যাবচারণম্| অসত্যভ্যবহারে চ কুতো দোষবিনিগ্রহঃ| তস্মাদাদৌ কফো ঘাত্যঃ কাযদ্বারার্গলো হি সঃ| মধ্যস্থাযি যতঃ পিত্তমাশুকারি চ চিন্ত্যতে| অতো বাতসখস্যাস্য কুর্যাত্তদনু নিগ্রহম্||১১||
स्थानतः केचिदिच्छन्ति प्राक्तावच्छ्लेष्मणो वधम्| शिरस्युरसि कण्ठे च प्रलिप्तेऽन्नरुचिः कुतः| तदभावे कथं भोज्यपानद्रव्यावचारणम्| असत्यभ्यवहारे च कुतो दोषविनिग्रहः| तस्मादादौ कफो ग़ात्यः कायद्वारार्गलो हि सः| मध्यस्थायि यतः पित्तमाशुकारि च चिन्त्यते| अतो वातसख़स्यास्य कुर्यात्तदनु निग्रहम्||११||
🔊 Audio coming soon
কেচিত্ পুনরাচার্যাঃ শরীরস্থানানুক্রমেণ প্রথমং শ্লেষ্মণো বধং নাশমিচ্ছন্তি স্থানানুক্রমাত্ততঃ পিত্তস্য ততো বাযুরিতি| অস্মিংশ্চার্থে যুক্তিঃ কা? আহ- শিরসীত্যাদি| শিরসি বক্ষসি কণ্ঠে চ বৃদ্ধেন সন্নিপাতকুপিতেন শ্লেষ্মণা প্রলিপ্তে সতি কুতোঽন্নরুচেঃ সম্ভবঃ| রুচ্যভাবে চ ভোজ্যাদীনামবচারণং কথম্| ন সজ্জত ইত্যর্থঃ| অসতি চ ভোজ্যাভ্যবহারে দোষস্য নাশযিতব্যস্য ক্ষযং কর্তুং ন পার্যতে| অত আদাবেব কফো ঘাত্যঃ| যস্মাত্ কফঃ প্রবৃদ্ধঃ কাযদ্বারস্য মহাস্রোতোমুখস্যার্গল ইবার্গলো বন্ধ ইত্যর্থঃ| ততঃ কফে নষ্টে বাতসখং পিত্তম্| তত্রাপি পিত্তস্যৈবাদৌ নিগ্রহং কুর্যাত্| যতঃ পিত্তং দেহস্য মধ্যে প্রধানে ভাগে তিষ্ঠতি| আশু চ স্বং কর্ম রোগাখ্যং করোতি| পিত্তে জিতে বাযুর্জেতব্যঃ ইত্যনুক্তমপি বলাল্লভতে||১১||
Adhikarana suSrutamatena pittAdikaPAntakramaH jvarAtisArayorviSeShaSca (12) · Śloka 12
অত এব চ পিত্তাদিঃ কফান্তোঽন্যৈ ক্রমঃ স্মৃতঃ| সুশ্রুতশ্চ ন সর্বত্র মতমেতত্ ব্রবীতি তু| জযেজ্জ্বরেঽতিসারে চ ক্রমাত্পিত্তকফানিলান্| প্রাযেণ তাপাত্মতযা জ্বরে তেজো বিশিষ্যতে| বিশশ্চ সরণং পিত্তস্তথা চ মৃদুকোষ্ঠতা| তস্য চাঽনুবলঃ শ্লেষ্মা গৌরবাঽপক্তিজাড্যকৃত্| বাযুশ্চ বর্ধতেঽবশ্যং যাত্যহস্সু তযোঃ ক্ষযে| জ্বরাতিসারযোস্তস্মাদেষ দোষজযে কৃতঃ||১২||
अत एव च पित्तादिः कफान्तोऽन्यै क्रमः स्मृतः| सुश्रुतश्च न सर्वत्र मतमेतत् ब्रवीति तु| जयेज्ज्वरेऽतिसारे च क्रमात्पित्तकफानिलान्| प्रायेण तापात्मतया ज्वरे तेजो विशिष्यते| विशश्च सरणं पित्तस्तथा च मृदुकोष्ठता| तस्य चाऽनुबलः श्लेष्मा गौरवाऽपक्तिजाड्यकृत्| वायुश्च वर्धतेऽवश्यं यात्यहस्सु तयोः क्षये| ज्वरातिसारयोस्तस्मादेष दोषजये कृतः||१२||
🔊 Audio coming soon
অথবা পিত্তস্য বাতসখস্য নিগ্রহং কুর্যাদিতি বাযোর্যোগবাহিত্বাত্ পিত্তৈককালমেব চিকিত্সাং কুর্যাত্| অন্যৈশ্চাচার্যৈরত এব পিত্তস্য মধ্যস্থাযিত্বাদাশুকারিত্বাচ্চ হেতোঃ পিত্তাদি কফান্তঃ সন্নিপাতে ক্রম আশ্রিতঃ| কাযে বিচারাদিক্ষমত্বাত্ পিত্তানন্তর্যেণ বাযোশ্চিকিত্সা | এতচ্চ যঃ পিত্তাদিঃ কফান্তে দোষজযক্রমস্তত্ সুশ্রুতস্য মতমেব ন তু সর্বত্র| কথমেতদ্বিজ্ঞাযত ইত্যাহ- ব্রবীতিতু সুশ্রুতঃ| কিমিত্যাহ- জযেদিতাদি| অনেন শ্লোকত্রযেণ সুশ্রুতমতং সুযুক্তিকং পঠতি| জ্বরেঽতিসারে চাঽদৌ পিত্তং জযেত্| ততঃ কফম্| ততোঽনিলমিতি| কথমেবমিত্যাহ- প্রাযেণেত্যাদি| সর্বো জ্বরঃ সন্তাপস্বরূপত্বাত্ পিত্তকার্যঃ| এবমতিসারোঽপি বিট্সরণমৃদুকোষ্ঠস্বরূপত্বাত্ পিত্তকার্য এব| অতো জ্বরাতিসারযোরেবাদৌ পিত্তং জযেত্| পিত্তে চ জিতে তদুভযাঙ্গভূতানাং গৌরবাদীনাং কারণং শ্লেষ্মা জেযঃ| তযোঃ পিত্তশ্লেষ্মণোঃ ক্ষীণযোস্তত্ক্ষযপ্রভাবাদেবাহস্সু যাত্যবশ্যং বাযুবৃদ্ধিং যাত্যতস্স জেযঃ| অতঃ কারণাত্ সুশ্রুতেন দোষজযে এষ পিত্তদির্বাতান্তঃ ক্রমঃ আশ্রিতঃ||১২||
Adhikarana jvarAtIsArayoScikitsAkrame matAntarANi (13) · Śloka 13
কফপিত্তানিলানন্যে ক্রমাদাহুস্তযোরপি| যস্মাদামাশযোত্ক্লেশাদ্ভূযিষ্ঠং তত্সমুদ্ভবঃ| ক্রমেণাদ্যেন তত্রাপি প্রবৃদ্ধান্ স্বাশ্রযে স্থিতান্| স্বাশ্রযেষু প্রদুষ্টানাং স্থিতৈব হ্যাষুকারিতা||১৩||
कफपित्तानिलानन्ये क्रमादाहुस्तयोरपि| यस्मादामाशयोत्क्लेशाद्भूयिष्ठं तत्समुद्भवः| क्रमेणाद्येन तत्रापि प्रवृद्धान् स्वाश्रये स्थितान्| स्वाश्रयेषु प्रदुष्टानां स्थितैव ह्याषुकारिता||१३||
🔊 Audio coming soon
অন্যে পুনরাচার্যাস্তযোরপি জ্বরাতিসারযোঃ ক্রমাত্ কফপিত্তানিলান্ জেযানাহুঃ| অত্র চ যুক্তিং বদন্তি- আদ্যেন পিত্তাদিনা বাতান্তেন ক্রমেণ ভূযিষ্ঠমত্যর্থং তত্সমুদ্ভবঃ জ্বরাতিসারসমুদ্ভবঃ| কুতঃ আমাশযোত্ক্লেশাত্তযোঃ | আমাশযোত্ক্লেশে চ পিত্তহরং শীতাদিকমপথ্যমিত্যাহুর্মতানি| তত্রাপি স্থিতেঽপ্যেবং সর্বাশ্রযে স্থিতান্ সতঃ প্রবৃদ্ধান্ জযেত্||১৩||
Adhikarana pUrvoktakramaNe BeShajaM yojayet (14) · Śloka 14
বিজ্ঞায কর্মভিঃ স্বৈঃ স্বৈর্দোষোদ্রেকং যথাবলম্| ভেষজং যোজযেত্তত্তত্ তন্ত্রীকুর্যান্নন্ তু ক্রমম্||১৪||
विज्ञाय कर्मभिः स्वैः स्वैर्दोषोद्रेकं यथाबलम्| भेषजं योजयेत्तत्तत् तन्त्रीकुर्यान्नन् तु क्रमम्||१४||
🔊 Audio coming soon
যতঃ স্বাশ্রযেষু দুষ্টানাং বলিত্বাদাশুকারিতা স্থিতৈব | অথবা দোষাণাং পূর্বোক্তৈর্যথাস্বং কর্মভিরুদ্রেকং বলঞ্চ বিজ্ঞায ভেষজং যোজযেত্| ন তু তন্ত্রী | তন্ত্রজ্ঞঃ ক্রমং কুর্যাত্||১৪||
Adhikarana SuddhaprayogalakShaNam (15) · Śloka 15
প্রযোগঃ শমযেদ্ ব্যাধিং যোন্যমন্যমুদীরযেত্| নাসৌ বিশুদ্ধঃ শুদ্ধস্তু শমযেদ্যো ন কোপযেত্||১৫||
प्रयोगः शमयेद् व्याधिं योन्यमन्यमुदीरयेत्| नासौ विशुद्धः शुद्धस्तु शमयेद्यो न कोपयेत्||१५||
🔊 Audio coming soon
তথা য ঔষধাহারাদিযোজনারূপঃ প্রযোগঃ একং ব্যাধিং শমযত্যন্যমুদরীযতি চ | অসৌ প্রযোগো ন বিশুদ্ধঃ | যস্ত্বেকং শমযেদন্যং চ ন কোপযেত্ সঃ শুদ্ধঃ||১৫||
Adhikarana doShA anyonyaM na jayanti (16) · Śloka 16
ক্রুদ্ধং মলমলং জেতুং নাল্পভাবাদুভাবপি| দোষা দোষাত্মকত্বাচ্চ ন সমেঽপি পরস্পরম্| শীতদ্রবাম্ললবণকট্বাদিগুণতুল্যতা| দৃষ্টা মিথশ্চ দোষেষু নাতোঽন্যোন্যং জযন্তি তে||১৬||
क्रुद्धं मलमलं जेतुं नाल्पभावादुभावपि| दोषा दोषात्मकत्वाच्च न समेऽपि परस्परम्| शीतद्रवाम्ललवणकट्वादिगुणतुल्यता| दृष्टा मिथश्च दोषेषु नातोऽन्योन्यं जयन्ति ते||१६||
🔊 Audio coming soon
ননু চ সর্বরোগস্ত্রিদোষজ ইত্যুক্তং তে দোষাঃ পরস্পরবিরুদ্ধাঃ| অথ কথমেকঃ ক্রুদ্ধো দ্বযোর্বিরুদ্ধযোঃ সতোঃ শমং ন যাতি | তথা পরস্পরবিরুদ্ধাঃ সন্তঃ কথং রোগাখ্যমেকং কার্যং জনযিতুং সমর্থা ভবন্তি| অত উত্তরদ্বযমাহ- ক্রুদ্ধমিত্যাদি| দ্বিবিধঃ সন্নিপাতঃ| বিষমদোষঃ সমদোষশ্চ| তত্র বিষমদোষে একং ক্রুদ্ধং জেতুং শেষাববলত্বাদুভাবপি নালমপর্যাপ্তৌ | সমেঽপি দোষাঃ সন্নিপাতে পরস্পরং জেতুং নালম্| কুতঃ দোষাত্মকত্বাত্| দোষাণাং হি দুষ্টীকরণ স্বভাবাত্ | ন তু পরস্পরোপশমঃ| অন্যচ্চাসাধারণো দোষাণাং গুণঃ প্রাযেণ দুর্লভঃ,যেনবিপরীতত্বাত্ দোষোঽন্যং ন শমযতি| এতদেবাহ-শীতদ্রবেত্যাদি| শীতাদযো হি গুণাঃ দোষাণাং তুল্যাঃ সদৃশা দৃষ্টাঃ | তথা চ বাতশ্লেষ্মাণৌ শীতৌ পিত্তশ্লেষ্মাণৌ দ্রবৌ| অতঃ শীতো গুণো যথা বাতস্য হেতুঃ শ্লেষ্মণোঽপি| এবমম্লো লবণশ্চ | কটুর্বাতপিত্তযোঃ| আদিগ্রহণাল্লঘু বাতপিত্তযোঃ| এবমন্যদপ্যূহ্যম্| তস্মাদ্দোষাঃ পরস্পরগুণসাদৃশ্যেনাবৈপরীত্যাদন্যোঽন্যং পরস্পরং ন জযন্তি| সন্নিপাতে সমং কুপ্যন্তীত্যর্থঃ| ইতি দোষাঃ পরস্পরং জেতুং নালম্||১৬||
Adhikarana viruddhairapi doShaiH vyAdhyutpAdastatra dRuShTAntaSca (17) · Śloka 17
আরম্ভকং বিরোধেঽপি মিথো যদ্যত্ গুণত্রযম্| বিশ্বস্য দৃষ্টং যুগপদ্ব্যাধের্দোষত্রযং তথা||১৭||
आरम्भकं विरोधेऽपि मिथो यद्यत् गुणत्रयम्| विश्वस्य दृष्टं युगपद्व्याधेर्दोषत्रयं तथा||१७||
🔊 Audio coming soon
বিরুদ্ধানাং এককার্যজনকত্বে হেতুরুচ্যতে-আরম্ভকমপিত্যাদি| যথা পরস্পরবিরুদ্ধমপি সত্বরজস্তম ইত্যাখ্যং গুণত্রযং যুগপদ্বিশ্বস্য সর্বস্য কারণং দৃষ্টম্| তদ্বত্ ব্যাধেরপি দোষত্রযং বিজ্ঞেযম্||১৭||
Adhikarana vAtAdInAM sAmanirAmalakShaNAni (18) · Śloka 18
বাযুরামান্বযঃ সার্তিরাধ্মানকৃদসঞ্চরঃ| দুর্গন্ধমসিতং পিত্তং কটুকং বহলং গুরু| আবিলস্তন্তুমাংস্ত্যানঃ প্রলেপী পিচ্ছিলঃ কফঃ| বিপর্যযে তু পক্বত্বং তথা তাম্রং সমেচকম্| পীতঞ্চ পিত্তমচ্ছঞ্চ শ্লেষ্মাঽচ্ছঃ পিণ্ডিতোঽথবা| বিশদশ্চ সফেনশ্চ ধবলো মধুরো রসে||১৮||
वायुरामान्वयः सार्तिराध्मानकृदसञ्चरः| दुर्गन्धमसितं पित्तं कटुकं बहलं गुरु| आविलस्तन्तुमांस्त्यानः प्रलेपी पिच्छिलः कफः| विपर्यये तु पक्वत्वं तथा ताम्रं समेचकम्| पीतञ्च पित्तमच्छञ्च श्लेष्माऽच्छः पिण्डितोऽथवा| विशदश्च सफेनश्च धवलो मधुरो रसे||१८||
🔊 Audio coming soon
অস্মিন্ দোষোপক্রম প্রসঙ্গে দোষাণাং সামানাং লক্ষণং প্রতীকারশ্চোচ্যতে-বাযুরিত্যাদি| তত্র বাযুরামান্বযঃ সামঃ সার্তিঃ সন্ অধ্মানকৃদসঞ্চরশ্চ ভবতি| পিত্তমামান্বযং দুর্গন্ধত্বাদি গুণযুক্তং ভবতি| কফ আমান্বয আবিলত্বাদিযুক্তঃ| আবিলো ঘনঃ| তন্তবো রজ্জবঃ শ্লেষ্মমযাঃ যথোক্তস্বরূপবিপর্যযে তু বাতাদীনাং পক্বত্বং নিরামত্বং বিজ্ঞেযম্| পিত্তশ্লেষ্মণোস্তু নিরামযোর্বিশেষ উচ্যতে| পিত্তং নিরামং তাম্রত্বাদিগুণযুক্তম্| সমেচকমনেকবর্ণম্| শ্লেষ্মা নিরাম অচ্ছো ভবতি| শুষ্কত্বাত্ পিণ্ডিতো বা ভবতি| বিশদত্বাদিগুণযুক্তশ্চ| মধুরোঽতিশযেন||১৮||
Adhikarana AmalakShaNamatra matAntara~jca (19) · Śloka 19
ঊষ্মণোঽল্পবলত্বেন ধাতুমদ্যমপাচিতম্| দুষ্টমামাশযগতং রসমামং প্রচক্ষতে| অন্যে দোষেভ্য এবাতি দুষ্টেভ্যোঽন্যোন্যমূর্ছনাত্| কোদ্রবেভ্যো বিষস্যেব বদন্ত্যামস্য সম্ভবম্||১৯||
ऊष्मणोऽल्पबलत्वेन धातुमद्यमपाचितम्| दुष्टमामाशयगतं रसमामं प्रचक्षते| अन्ये दोषेभ्य एवाति दुष्टेभ्योऽन्योन्यमूर्छनात्| कोद्रवेभ्यो विषस्येव वदन्त्यामस्य सम्भवम्||१९||
🔊 Audio coming soon
ননু চাঽমং কিমুচ্যত? আহ-ঊষ্মণ ইত্যাদি| অদ্যং ধাতুমাহারসারাখ্যং স্বস্যোষ্মণো অগ্নেরল্পত্বেনাঽপাচিতং দুষ্টমামাশযগতং সন্তং রসমামমিত্যাচার্যাঃ প্রচক্ষতে| অন্যে পুনরাচার্যা অন্যথা আমস্য সম্ভবং বর্ণযন্তি| কথমিত্যাহ-দোষেভ্য এব বাতাদিভ্যোঽতিদুষ্টেভ্যোঽন্যোন্যং পরস্পরং সম্মূর্ছনাত্ ফেনবদামসম্ভবঃ| যথা কোদ্রবাখ্যেভ্যঃ শালিভ্যো দেশকালাপেক্ষযা বিষসম্ভবঃ| তেনৈতদুক্তং ভবতি- যথা কোদ্রবা এব বিষং সম্পদ্যন্তে| এবম্ দোষাঃ অপ্যতিদুষ্টাঃ স্বেনৈব ভাবেনাঽঽমঃ সম্পদ্যন্তে||১৯||
Adhikarana sAmadoSheShu SodhananiShedhaH pakveShu tadvidhiSca (20) · Śloka 20
সর্বদেহপ্রবিসৃতান্ সামান্ দোষান্ ন নির্হরেত্| লীনান্ধাতুষ্বনুত্ক্লিষ্টান্ ফলাদামাদ্রসানিব| আশ্রযস্য হি নাশায তে স্যুর্দুর্নির্হরত্বতঃ| পাচনৈর্দীপনৈঃ স্নেহৈস্তান্স্বেদৈশ্চ পরিষ্কৃতান্| শোধযেচ্ছোধনৈঃ কালে যথাসন্নং যথাবলম্||২০||
सर्वदेहप्रविसृतान् सामान् दोषान् न निर्हरेत्| लीनान्धातुष्वनुत्क्लिष्टान् फलादामाद्रसानिव| आश्रयस्य हि नाशाय ते स्युर्दुर्निर्हरत्वतः| पाचनैर्दीपनैः स्नेहैस्तान्स्वेदैश्च परिष्कृतान्| शोधयेच्छोधनैः काले यथासन्नं यथाबलम्||२०||
🔊 Audio coming soon
এবং ভূতেনাঽঽমেন সম্পৃক্তান্ দোষান্ ধাতুষু রসাদিষু লীনান্ সর্বদেহপ্রবিসৃতান্ ব্যাপ্তাঽশেষকাযান্ অনুত্ক্লিষ্টাংশ্চ ন নির্হরেত্| উত্ক্লেষঃ চলনম্| তে চ দোষা দুর্নির্হরত্বোদ্ধতোরাশ্রযস্য শরীরাখ্যস্য নির্হ্রিযমাণা দোষায স্যুঃ| দৃষ্টান্তো যথা আমাত্ ফলান্নির্হ্রিযমাণো রসো দুর্নির্হরত্বাদাশ্রযস্য ফলাখ্যস্য নাশায ভবতি| এবং দোষা অপি| তস্মাত্তাংস্তথাবিধান্ পাচনাদিভিঃ কৃতসংস্কারান্ যথাসন্নং যথাবলঞ্চ কৃত্বা যথোক্তে কালে শোধনৈর্দব্যৈঃ শোধযেত্| ঊর্ধ্বমাসন্নান্ বমনেন| অধ আসন্নান্ বিরেচনবস্তিভিশ্চ| শির আশ্রিতাংস্তদ্বিরেচনেনেতি| প্রকৃষ্টবলান্ তীক্ষ্ণৈঃ শোধনৈঃ | মধ্যান্ মধ্যবলৈঃ | হীনান্ মৃদুভিরিতি যথাবলম্||২০||
Adhikarana yathAMsannatvavyAkaraNam (21) · Śloka 21
হন্ত্যাশু যুক্তং বক্ত্রেণ দ্রব্যমামাশযান্মলান্| ঘ্রাণেন চোর্ধ্বজত্রূত্থান্ পক্বধানাত্ গুদেন তু||২১||
हन्त्याशु युक्तं वक्त्रेण द्रव्यमामाशयान्मलान्| ग़्राणेन चोर्ध्वजत्रूत्थान् पक्वधानात् गुदेन तु||२१||
🔊 Audio coming soon
যথাসন্নমিতি স্বযং ব্যাকরোতি} বক্ত্রেণ প্রযুক্তমৌষধমামাশযাদাশু মলান্ হন্তি| ঘ্রাণেন প্রযুক্তমূর্ধ্বজত্রূত্থানাশু মলান্ হন্তি| গুদেন প্রযুক্তং পক্বাশযাদাশু মলান্ হন্তি সকলশরীরমাকর্ষণেঽপি বিশেষার্থমাশুগ্রহণম্||২১||
Adhikarana svayampravRuttAnAM doShANAmadhAryatvaM dhAraNe doShASca vibaddhAnAM pAcanapUrvakaM Sodhanam (22-23) · Śloka 23
উত্ক্লিষ্টানধ ঊর্ধ্বং বা ন চাঽঽমান্ বহতঃ স্বযম্| ধারযেদৌষধৈর্দোষান্বিধৃতাস্তে হি কুর্বতে| রোগানুত্পদনির্দিষ্টানতিস্থৌল্যাদিকান্ গদান্| প্রবৃত্তান্ প্রাগতো দোষানুপেক্ষেত হিতাশিনঃ| বিবদ্ধান্ পাচনৈস্তৈস্তৈঃ পাচযন্নির্হরেত বা||২২|| ইতি শ্রীবদ্যপতিসিংহগুপ্তস্য সুনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে দোষোপক্রমণীযোনামৈকবিংশোঽধ্যাযঃ||২৩||
उत्क्लिष्टानध ऊर्ध्वं वा न चाऽऽमान् वहतः स्वयम्| धारयेदौषधैर्दोषान्विधृतास्ते हि कुर्वते| रोगानुत्पदनिर्दिष्टानतिस्थौल्यादिकान् गदान्| प्रवृत्तान् प्रागतो दोषानुपेक्षेत हिताशिनः| विबद्धान् पाचनैस्तैस्तैः पाचयन्निर्हरेत वा||२२|| इति श्रीवद्यपतिसिंहगुप्तस्य सुनोर्वाग्भटस्य कृतौ अष्टाङ्गसंग्रहसंहितायां सूत्रस्थाने दोषोपक्रमणीयोनामैकविंशोऽध्यायः||२३||
🔊 Audio coming soon
ততোত্ক্লিষ্টানামান্ দোষান্ অধোমার্গেণোর্ধ্বমার্গেণ বা স্বযমযত্নেন বহতঃ ঔষধৈঃ স্তভনৈর্ন ধারযেত্| তে হি বিধৃতাঃ সন্তোঽতিস্থৌল্যাদিকান্ রোগনুত্পাদনীযাধ্যাযনির্দিষ্টান্ গদান্ কুর্বতে| তে চ ভেষজদ্বেষিণানুপক্রম্যা গদা অতিস্থৌল্যাগ্নিসদনেত্যাদ্যুক্তাঃ| অতো বিধারণস্য রোগোত্পত্তিহেতুত্বাত্ প্রাগুপেক্ষেত প্রবৃত্তদোষানুগুণ্যেন হিতাশনঃ সন্ যাবদামক্ষযস্তাবত্ স্তম্ভনং যেদিতি প্রাগ্রহণাল্লভ্যতে| অথবা বিবদ্ধানীষত্প্রবৃত্তাংস্তৈস্তৈঃ যথোক্তৈর্যথাযোগ্যপাচনৈঃ পাচযন্ নির্হরেত্||২২|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহখ্যাযাং শশিলেখাযাং সূত্রস্থানে একবিংশোঽধ্যাযঃ