Adhikarana atha rasabhedIyo nAmA~aShTAdasho~adhyAyaHpratij~jA (1) · Śloka 1
অথাতো রসভেদীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो रसभेदीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
পূর্বস্মিন্নধ্যাযে দ্রব্যবীর্যবিপাকপ্রভাবা নির্ণীতাঃ| রসস্তু বহুবক্তব্যত্বাত্ পুনরত্রোচ্যতে|| ১||
Adhikarana ApyasyAvyaktasya ca rasasya ShoDhA vipariNAmaH (2) · Śloka 2
রসঃ খল্বাপ্যঃ প্রাগব্যক্তশ্চ| স ষডৃতুকত্বাত্ কালস্য মহাভূতগুণৈরূনাতিরিক্তৈঃ সংসৃষ্টো বিষমং বিদগ্ধঃ ষোঢা পৃথগ্বিপরিণমতে মধুরাদিভেদেন||২||
रसः खल्वाप्यः प्रागव्यक्तश्च| स षडृतुकत्वात् कालस्य महाभूतगुणैरूनातिरिक्तैः संसृष्टो विषमं विदग्धः षोढा पृथग्विपरिणमते मधुरादिभेदेन||२||
🔊 Audio coming soon
রসঃ খল্বাপ্যঃ যোঽযং জিহ্বেন্দ্রিযগ্রাহ্যঃ, সোঽবাখ্যান্ মহাভূতাত্ সম্পদ্যতে| স চ রসঃ প্রাক্ প্রথমমনাসাদিতান্যমহাভূতানুরাগোঽব্যক্ত এব স্বরূপেণ| ততো মহাভূতানাং পৃথিব্যাদীনাং গুণৈঃ পার্থিবাদিভিঃ পঞ্চভিঃ কৈশ্চিদধিকৈঃ সংস্পৃষ্টস্তৈশ্চ গুণৈর্বিষমমূনাধিক্যাদিনিযমেন বিদগ্ধঃ পরিণত্যা গৃহীতমহাভূতগুণানুরাগ এক এব রসঃ পৃথড্মধুরাম্লাদিভেদেন ষড্ভির্বিকারৈর্বিপরিণমতে|| ২||
Adhikarana raseShu mahAbhUtabAhulyam (3) · Śloka 3
তত্র ভূজলযোর্বাহুল্যান্মধুরো রসঃ| ভূতেজসোরম্লঃ জলতেজসোর্লবণঃ| বায্বাকাশযোস্তিক্তঃ| বাযুতেজসোঃ কটুকঃ| বাযূর্ব্যোঃ কষাযঃ||৩||
तत्र भूजलयोर्बाहुल्यान्मधुरो रसः| भूतेजसोरम्लः जलतेजसोर्लवणः| वाय्वाकाशयोस्तिक्तः| वायुतेजसोः कटुकः| वायूर्व्योः कषायः||३||
🔊 Audio coming soon
কথং মহাভূতানামূনাধিক্যমুচ্যতে| কালস্য সংবত্সরাখ্যস্য ষডৃতুকত্বাদ্রসস্যাপি ষড্ভেদত্বং তথা চ শিশিরে বাব্যাকাশযোরাধিক্যাদ্রসস্য তিক্ততা| বসন্তে বাযুপৃথিব্যোঃ কষাযতা| গ্রীষ্মেঽগ্নিবায্বোঃ কটুকতা| বর্ষাস্বগ্নিপৃথিব্যোরম্লতা| শরদ্যগ্ন্যুদকযোর্লবণতা| হেমন্তে পৃথিব্যুদকযোর্মধুরতেতি| প্রধান্যাদ্ ব্যপদেশঃ তেনান্যর্তূদ্ভবানামপি রসানাং যথোক্তমহাভূতদ্বযাধিক্যমেব কারণং বিজ্ঞেযম্|| ৩||
Adhikarana madhurAdirasAnAM lakShaNam (4) · Śloka 4
তেষাং স্বাদুরাস্বাদ্যমানো মুখমুপলিম্পতীন্দ্রিযাণি প্রসাদযতি| দেহং প্রহ্লাদযতি| ষট্পদপিলীলিকাদীনামপীষ্টতমঃ| অম্লস্তু জিহ্বামুদ্বেজযত্যুরঃ কণ্ঠং বিদহতি| মুখং স্রাবযত্যক্ষিভ্রুবং সঙ্কোচযতি দশনান্ হর্ষযতি রোমাণি চ| লবণো মুখং বিষ্যন্দযতি কণ্ঠকপোলং বিদহতি অন্নং প্ররোচযতি| তিক্তো বিশদযতি বদনং বিশোধযতি কণ্ঠং প্রতিহন্তি রসানাম্| কটুকো ভৃশমুদ্বেজযতি জিহ্বাগ্রং চিমিচিমাযতি কণ্ঠকপোলং স্রাবযতি মুখাক্ষিনাসিকং বিদহতি দেহম্| কষাযস্তু জডযতি জিহ্বাং বধ্নাতি কণ্ঠং পীডযতি হৃদযম্||৪||
तेषां स्वादुरास्वाद्यमानो मुखमुपलिम्पतीन्द्रियाणि प्रसादयति| देहं प्रह्लादयति| षट्पदपिलीलिकादीनामपीष्टतमः| अम्लस्तु जिह्वामुद्वेजयत्युरः कण्ठं विदहति| मुखं स्रावयत्यक्षिभ्रुवं सङ्कोचयति दशनान् हर्षयति रोमाणि च| लवणो मुखं विष्यन्दयति कण्ठकपोलं विदहति अन्नं प्ररोचयति| तिक्तो विशदयति वदनं विशोधयति कण्ठं प्रतिहन्ति रसानाम्| कटुको भृशमुद्वेजयति जिह्वाग्रं चिमिचिमायति कण्ठकपोलं स्रावयति मुखाक्षिनासिकं विदहति देहम्| कषायस्तु जडयति जिह्वां बध्नाति कण्ठं पीडयति हृदयम्||४||
🔊 Audio coming soon
ননু কেন রূপেণ রসবিশেষো বিজ্ঞাযতে? অত আহ-তেষামিত্যাদি| তেষাং রসানাং মধ্যে যো রসো মুখলেপাদিকরঃ স স্বাদুরিতি বিজ্ঞেযঃ| আস্বাদ্যমানো জিহ্বযা সংযোগং নীযমানঃ| আস্বাদ্যমান ইতিসর্বরসানাং যোজ্যঃ| প্রহ্লাদনঃ আশ্বাসকরঃ| অম্লরসো জিহ্বোদ্বেজনাদিস্বরূপঃ উরসি কণ্ঠে চ বিদাহং করোতি| লবণো মুখমন্তর্বিষ্যন্দযতি স্রাবযতি কণ্ঠে কপোলযোশ্চ বিদাহং করোতি অন্নে চ রুচিমুত্পাদযতি| তিক্তো মুখবৈশদ্যাদিকরণস্বরূপঃ| বৈশদ্যং পৈচ্ছিল্যনাশঃ| কণ্ঠং চোপলেপনাশনেন শোধযতি রসনমিন্দ্রিযং প্রতিহন্তি অন্যরসগ্রহণশক্তিং নাশযতি ইত্যর্থঃ| কটুক আস্বাদ্যমানো ভৃশমত্যর্থমুদ্বেজযতি জিহ্বাগ্রং| উদ্বেগং করোতীত্যর্থঃ| কণ্ঠে কপোলযোশ্চ তৈক্ষ্ণ্যাচ্চিমিচিমাযনমগ্নি জ্বালাসংস্পর্শাদিব করোতি মুখাদিকং বিস্রাবযতি সকলে চ শরীরে বিদাহং করোতি| কষাযো জিহ্বাং জডযতি রসনাদিক্রিযাসু মন্দীকরোতি| কণ্ঠবন্ধং শ্বাসাদীনামযথাপ্রবৃত্তিমিব করোতি||৪||
Adhikarana madhurarasya karmANyatisevane doShAshca (5) · Śloka 5
তত্র মধুরো রসো জন্মপ্রবৃতি সাত্ম্যাত্সর্বধাতুবিবর্ধন আযুষ্যো বালবৃদ্ধক্ষতক্ষীণবলবর্ণেন্দ্রিযত্বক্কেশকণ্ঠহিতঃ প্রীণনো বৃংহণো জীবনস্তর্পণঃ স্থৈর্যসন্ধানস্তন্যকরোবাতপিত্তবিষদাহমূর্চ্ছাতৃষ্ণা প্রশমনঃ স্নিগ্ধঃ শীতো মৃদুর্গুরুশ্চ| এবঙ্গুণোঽপি স সদাত্যুপযুজ্যমানঃ স্থৌল্যাগ্নিসাদগুরুতালসকাতিনিদ্রাঃ| শ্বাসপ্রমেহগলরোগবিসংজ্ঞতাস্য মাধুর্যলোচনগলার্বুদগণ্ডমালাঃ| ছর্দ্যুদর্দমূর্ধরুক্কাসপীনসক্রিমীন্| শ্লীপদজ্বরোদরষ্ঠীবনানি চাবহেত্||৫||
तत्र मधुरो रसो जन्मप्रबृति सात्म्यात्सर्वधातुविवर्धन आयुष्यो बालवृद्धक्षतक्षीणबलवर्णेन्द्रियत्वक्केशकण्ठहितः प्रीणनो बृंहणो जीवनस्तर्पणः स्थैर्यसन्धानस्तन्यकरोवातपित्तविषदाहमूर्च्छातृष्णा प्रशमनः स्निग्धः शीतो मृदुर्गुरुश्च| एवङ्गुणोऽपि स सदात्युपयुज्यमानः स्थौल्याग्निसादगुरुतालसकातिनिद्राः| श्वासप्रमेहगलरोगविसंज्ञतास्य माधुर्यलोचनगलार्बुदगण्डमालाः| छर्द्युदर्दमूर्धरुक्कासपीनसक्रिमीन्| श्लीपदज्वरोदरष्ठीवनानि चावहेत्||५||
🔊 Audio coming soon
ইতি রসানাং স্বরূপমুক্ত্বা তত্র মধুরেত্যাদিনা কর্ম নির্দিশতি| তত্র তেষু রসেষু মধ্যে মধুর উপযুক্তো ধাতূনাং রসাদীনাং সপ্তানাং বৃদ্ধিকরঃ| কুতঃ আজন্মসাত্ম্যাত্ জন্মনঃ প্রভৃতি দেহস্য সত্ম্যাদিত্যর্থঃ| বালভাব এব ক্ষীরাদিনা মধুরেণ দেহবৃত্তিঃ পুরুষস্য| হিত ইতি বালাদিভিঃ সম্বধ্যতে| প্রীণনস্তুষ্টিকরঃ| জীবন ওজস্যঃ| এবঙ্গুণোঽপি মধুরো রসঃ সদৈবাত্যুপযুজ্যমানঃ স্থৌল্যাদীন্ রোগান্ কুরুতে| যদা ত্বতিমাত্রত্বেন রহিতঃ সদোপযুজ্যতে তদা সুখকর এব| স্থৌল্যাদযো রোগাঃ কেচিদ্বক্ষ্যমাণলক্ষণাঃ| অর্বুদশব্দস্য লোচনগলাভ্যাং সম্বন্ধঃ||৫||
Adhikarana amlarasakarmANyatisevane doShAshca (6) · Śloka 6
অম্লোঽনিলবর্হণোঽনুলোমনঃ কোষ্ঠবিদাহী রক্তপিত্তকৃদুষ্ণবীর্যঃ শীতস্পর্শো বোধযতীন্দ্রিযাণি রোচনঃ পাচনো দীপনো বৃংহণস্তর্পণঃ প্রীণনঃ ক্লেদনো ব্যবাযী লঘুঃ স্নিগ্ধো হৃদ্যশ্চ| জনযতি শিথিলত্বং সেবিতঃ সোঽতিদেহে কফবিলযনকণ্ডূপাণ্ডুতারক্তদৃগ্বিঘাতান্| ক্ষতবিহিতবিসর্পং রক্তপিত্তং পিপাসাং শ্বযথুমপি কৃশানাং তৈজসত্বাত্ ভ্রমঞ্চ||৬||
अम्लोऽनिलबर्हणोऽनुलोमनः कोष्ठविदाही रक्तपित्तकृदुष्णवीर्यः शीतस्पर्शो बोधयतीन्द्रियाणि रोचनः पाचनो दीपनो बृंहणस्तर्पणः प्रीणनः क्लेदनो व्यवायी लघुः स्निग्धो हृद्यश्च| जनयति शिथिलत्वं सेवितः सोऽतिदेहे कफविलयनकण्डूपाण्डुतारक्तदृग्विघातान्| क्षतविहितविसर्पं रक्तपित्तं पिपासां श्वयथुमपि कृशानां तैजसत्वात् भ्रमञ्च||६||
🔊 Audio coming soon
অম্লোঽনিলনিবর্হণত্বাদিযুক্তঃ স চাতিসেবিতো দেহে শৈথিল্যাদীন্ জনযতি||৬||
Adhikarana lavaNarasakarmANyatisevane doShAshca (7) · Śloka 7
লবণঃ স্তম্ভবন্ধসঙ্ঘাতবিধ্মাপনঃ সর্বরসপ্রত্যনীকো দীপনো রোচনঃ পাচনঃ ক্লেদনঃ শোষণঃ স্নেহনঃ স্বেদনঃ ভেদনশ্ছেদনঃ সরো ব্যবাযী বিকাষী হরতি পবনং বিষ্যন্দযতি কফং বিশোধযতি স্রোতাংসি নাতিগুরুঃ স্নিগ্ধতীক্ষোষ্ণশ্চ| খলতিপলিততৃষ্ণাতাপমূর্চ্ছাবিসর্প- শ্বযথুকিটিভকোঠাক্ষেপরোধাস্রপিত্তম্| ক্ষতবিষমদবৃদ্ধিং বাতরক্তং করোতি ক্ষপযতি বলমোজঃ সোঽতি বা সেবনেন||৭||
लवणः स्तम्भबन्धसङ्घातविध्मापनः सर्वरसप्रत्यनीको दीपनो रोचनः पाचनः क्लेदनः शोषणः स्नेहनः स्वेदनः भेदनश्छेदनः सरो व्यवायी विकाषी हरति पवनं विष्यन्दयति कफं विशोधयति स्रोतांसि नातिगुरुः स्निग्धतीक्षोष्णश्च| खलतिपलिततृष्णातापमूर्च्छाविसर्प- श्वयथुकिटिभकोठाक्षेपरोधास्रपित्तम्| क्षतविषमदवृद्धिं वातरक्तं करोति क्षपयति बलमोजः सोऽति वा सेवनेन||७||
🔊 Audio coming soon
লবণরসঃ স্তম্ভাদীনাং বিধ্মাপনো বিনাশকরঃ| স্তম্ভোঽঙ্গদোষাদেঃ বন্ধঃ তস্যৈব মার্গরোধঃ সঙ্ঘাতো ভাবানাং নিবিডত্বম্| প্রতিপক্ষো বিঘাতিত্বাত্| বিষ্যন্দযতি স্রাবযতি| নাতিগুরুর্নাতিস্নিগ্ধশ্চ| সোঽতিসেবিতঃ খলত্যাদীন্ করোতি বলাদীংশ্চ ক্ষপযতি||৭||
Adhikarana tiktarasakarmANyatisevane doShAshca (8) · Śloka 8
তিক্তঃ স্বযমরোচিষ্ণুররুচিবিষকৃমিমূর্চ্ছোত্ক্লেদজ্বরদাহতৃট্কুষ্ঠকণ্ডূহরঃ ক্লেদমেদোবসামজ্জবিণ্মূত্রপিত্তশ্লেষ্মোপশোষণো দীপনঃ পাচনো লেখনঃ স্তন্যকণ্ঠবিশোধনো মেধ্যো নাতিরূক্ষঃ শীতো লঘুশ্চ| ধাতুবলক্ষযমূর্চ্ছাগ্লানিভ্রমবাতরোগপরুষত্বম্| খরবিশদরৌক্ষ্যভাবৈঃ সোঽতিসমাসেবিতঃ কুর্যাত্||৮||
तिक्तः स्वयमरोचिष्णुररुचिविषकृमिमूर्च्छोत्क्लेदज्वरदाहतृट्कुष्ठकण्डूहरः क्लेदमेदोवसामज्जविण्मूत्रपित्तश्लेष्मोपशोषणो दीपनः पाचनो लेखनः स्तन्यकण्ठविशोधनो मेध्यो नातिरूक्षः शीतो लघुश्च| धातुबलक्षयमूर्च्छाग्लानिभ्रमवातरोगपरुषत्वम्| खरविशदरौक्ष्यभावैः सोऽतिसमासेवितः कुर्यात्||८||
🔊 Audio coming soon
তিক্তো রসঃ স্বযং পুরুষস্যারোচনশীলঃ| অরুচিং চাহারদ্রব্যবিষযান্ নাশযতি| বিষাদীংশ্চ| দেহে চ ক্লেদাদীনামুপশোষণঃ| সোঽতিসেবিতো ধাতুক্ষযাদীন্ করোতি খরত্বাদ্বৈশদ্যাদ্রৌক্ষ্যাচ্চ|
Adhikarana kaTurasakarmANyatisevane doShAshca (9) · Śloka 9
কটুকোঽলসকশ্বযথূদর্দস্থৌল্যাভিষ্যন্দকৃমিবক্ত্ররোগবিষকুষ্ঠ কণ্ডূপ্রসাধনো ব্রণাবসাদনঃ স্নেহক্লেদশোষণো রোচনঃ পাচনো দীপনো লেখনঃ শোধনঃ শোষযত্যন্নং স্ফুটযতীন্দ্রিযাণি ভিনত্তি শোণিতসঙ্ঘাতং ছিনত্তি বন্ধান্ বিবৃণোতি স্রোতাংসি ক্ষপযতি শ্লেষ্মাণং লঘুরূক্ষতীক্ষোষ্ণশ্চ| কুরুতেঽতিনিষেবিতঃ স তৃষ্ণাং মদমূর্চ্ছাবমিমোহদেহসাদান্| বলশুক্রগলোপ শোষকম্পভ্রমতাপগ্লপনাতিকর্শনানি| করচরণপার্শ্বপৃষ্ঠপ্রভৃতিষ্বনিলস্য কোপমতিতীব্রম্| সঙ্কোচতোদভেদৈঃ বায্বগ্নিগুণাধিকত্বেন||৯||
कटुकोऽलसकश्वयथूदर्दस्थौल्याभिष्यन्दकृमिवक्त्ररोगविषकुष्ठ कण्डूप्रसाधनो व्रणावसादनः स्नेहक्लेदशोषणो रोचनः पाचनो दीपनो लेखनः शोधनः शोषयत्यन्नं स्फुटयतीन्द्रियाणि भिनत्ति शोणितसङ्घातं छिनत्ति बन्धान् विवृणोति स्रोतांसि क्षपयति श्लेष्माणं लघुरूक्षतीक्षोष्णश्च| कुरुतेऽतिनिषेवितः स तृष्णां मदमूर्च्छावमिमोहदेहसादान्| बलशुक्रगलोप शोषकम्पभ्रमतापग्लपनातिकर्शनानि| करचरणपार्श्वपृष्ठप्रभृतिष्वनिलस्य कोपमतितीव्रम्| सङ्कोचतोदभेदैः वाय्वग्निगुणाधिकत्वेन||९||
🔊 Audio coming soon
কটুকোঽলসকশ্বযথূদর্দস্থৌল্যাভিষ্যন্দকৃমিবক্ত্ররোগবিষকুষ্ঠ কণ্ডূপ্রসাধনো ব্রণাবসাদনঃ স্নেহক্লেদশোষণো রোচনঃ পাচনো দীপনো লেখনঃ শোধনঃ শোষযত্যন্নং স্ফুটযতীন্দ্রিযাণি ভিনত্তি শোণিতসঙ্ঘাতং ছিনত্তি বন্ধান্ বিবৃণোতি স্রোতাংসি ক্ষপযতি শ্লেষ্মাণং লঘুরূক্ষতীক্ষোষ্ণশ্চ| কুরুতেঽতিনিষেবিতঃ স তৃষ্ণাং মদমূর্চ্ছাবমিমোহদেহসাদান্| বলশুক্রগলোপ শোষকম্পভ্রমতাপগ্লপনাতিকর্শনানি|| করচরণপার্শ্বপৃষ্ঠপ্রভৃতিষ্বনিলস্য কোপম্ করোতি| কিম্ভূতং সঙ্কোচাদিভিস্তীব্রং দুস্সহমেতচ্চ তৃষ্ণাদিকং বায্বগ্নিগুণাধিক্যেন হেতুনা করোতি| হেতুকীর্তনং দেশাদিবশাদ্ধেতোরূনাধিক্যেন তত্কার্যস্যাপি তথাভাবসূচনাযান্যত্র চ তদ্ধেতুসদ্ভাবে তথৈবেতি প্রদর্শনায চ||৯||
Adhikarana kaShAyarasakarmANyatisevane doShAshca (10) · Śloka 10
কষাযো বলাসং সপিত্তং সরক্তং নিহন্ত্যাশু বধ্নাতি বর্চোতিরূক্ষঃ| গুরুস্ত্বক্সবর্ণত্বকৃত্ ক্লেদশোষী হিমঃ প্রীণনো রোপণো লেখনশ্চ| অত্যভ্যাসাত্মোঽপি শুক্রোপরোধং তৃষ্ণাধ্মানস্তম্ভবিষ্টম্ভকার্শ্যম্| স্রোতোবন্ধং বাতবিণ্মূত্রসঙ্গং পক্ষাঘাতাক্ষেপকাদীংশ্চ কুর্যাত্||১০||
कषायो बलासं सपित्तं सरक्तं निहन्त्याशु बध्नाति वर्चोतिरूक्षः| गुरुस्त्वक्सवर्णत्वकृत् क्लेदशोषी हिमः प्रीणनो रोपणो लेखनश्च| अत्यभ्यासात्मोऽपि शुक्रोपरोधं तृष्णाध्मानस्तम्भविष्टम्भकार्श्यम्| स्रोतोबन्धं वातविण्मूत्रसङ्गं पक्षाघाताक्षेपकादींश्च कुर्यात्||१०||
🔊 Audio coming soon
কষাযঃ বলাসং শ্লেষ্মাণং সপিত্তং সরক্তং চাশু নিহন্তি| বর্চঃ পুরীষং বধ্নাতি রুণদ্ধি| সোঽপ্যত্যভ্যাসাত্ শুক্রোপঘাতাদীন্ কুর্যাত্||১০||
Adhikarana madhuradravyaskandhaH (11) · Śloka 11
অথ মধুরস্কন্ধো ঘৃতমধুতৈলক্ষীরমেদোমজ্জেক্ষুবিকৃতিদ্রাক্ষাক্ষোড খর্জূরমোচচোচপনসসিঞ্চতিকাপ্রিযালরাজাদনখর্জূরীতালমস্তক কাশ্মর্যমধূকপরূষকতামলকীবীরবিদারীশতাবরীতুগাক্ষীরী জীবকর্ষভক্ষীরশুক্লামধূলিকাত্মগুপ্তাবলাতিবলাবিশ্বদেবাসহদেবা সালিপর্ণীমুদ্গপর্ণীপৃশ্নিপর্ণীমাষপর্ণীমহাসহাক্ষুদ্রসহাঋদ্ধি বৃদ্ধিশ্রাবণীচ্ছত্রাতিচ্ছত্রর্শ্যপ্রোক্তাশ্বগন্ধাশ্বদংষ্ট্রামৃণালিকা পুষ্করবীজশৃঙ্গাটককশেরুকতককনকবিম্বীপ্রপৌণ্ডরীকপ্রভৃতীনি জীবনীযো গণস্তৃণপঞ্চমূলঞ্চ||১১||
अथ मधुरस्कन्धो घृतमधुतैलक्षीरमेदोमज्जेक्षुविकृतिद्राक्षाक्षोड खर्जूरमोचचोचपनससिञ्चतिकाप्रियालराजादनखर्जूरीतालमस्तक काश्मर्यमधूकपरूषकतामलकीवीरविदारीशतावरीतुगाक्षीरी जीवकर्षभक्षीरशुक्लामधूलिकात्मगुप्ताबलातिबलाविश्वदेवासहदेवा सालिपर्णीमुद्गपर्णीपृश्निपर्णीमाषपर्णीमहासहाक्षुद्रसहाऋद्धि वृद्धिश्रावणीच्छत्रातिच्छत्रर्श्यप्रोक्ताश्वगन्धाश्वदंष्ट्रामृणालिका पुष्करबीजशृङ्गाटककशेरुकतककनकबिम्बीप्रपौण्डरीकप्रभृतीनि जीवनीयो गणस्तृणपञ्चमूलञ्च||११||
🔊 Audio coming soon
অথানন্তরমেতেষাং রসানামাশ্রযদ্রব্যস্কন্ধা দ্রব্যসমূহা উচ্যন্তে| তত্র ঘৃতাদিতৃণপঞ্চমূলান্তো মধুরস্কন্ধঃ| প্রভৃতিশব্দেনাপঠিতানি মধুরদাডিমাদীনি গৃহ্যন্তে||১১||
Adhikarana amladravyaskandhaH (12) · Śloka 12
অম্লদ্রব্যস্কন্ধো দাডিমামলকাম্রাম্রাতকশীশাম্রমাতুলুঙ্গবৃক্ষাম্লাম্লীকাম্লবেতস কুবললকুচপারাবতভব্যকরমর্দধবধন্বনকোলবদরৈরাবতকপিত্থ দন্তশঠপ্রাচীনামলকনারঙ্গতিলকণ্টকরূপ্যদধিমস্তুতক্রধান্যাম্ল মদ্যশুক্তপ্রভৃতীনি||১২||
अम्लद्रव्यस्कन्धो दाडिमामलकाम्राम्रातकशीशाम्रमातुलुङ्गवृक्षाम्लाम्लीकाम्लवेतस कुवललकुचपारावतभव्यकरमर्दधवधन्वनकोलबदरैरावतकपित्थ दन्तशठप्राचीनामलकनारङ्गतिलकण्टकरूप्यदधिमस्तुतक्रधान्याम्ल मद्यशुक्तप्रभृतीनि||१२||
🔊 Audio coming soon
দাডিমাদিশুক্তান্তোঽম্লদ্রব্যস্কন্ধঃ||১২||
Adhikarana lavaNadravyaskandhaH (13) · Śloka 13
লবণদ্রব্যস্কন্ধঃ সৈন্ধবাদীনি ক্ষারান্তানি ত্রপুসীসপ্রভৃতীনি চ||১৩||
लवणद्रव्यस्कन्धः सैन्धवादीनि क्षारान्तानि त्रपुसीसप्रभृतीनि च||१३||
🔊 Audio coming soon
সৈন্ধবাদীনি সীসকান্তান্যন্যানি চৈবংরসানি লবণস্কন্ধঃ|
Adhikarana tiktadravyaskandhaH (14) · Śloka 14
তিক্তদ্রব্যস্কন্ধোঽগরুতগরোশীরবালকচন্দননলদকৃতমালনক্তমালা পামার্গহরিদ্রাদ্বযমুস্তমূর্বামদনফলাজশৃঙ্গীত্রাযমাণাকটুকা কিরাততিক্তককরবীরবিশালাসুষব্যতিবিষাযবাসকজ্যোতিষ্মতীপাঠা বিকঙ্কতার্ককাকমাচীবচাবরণবত্সকবৈজযন্তীবেতসসপ্তপর্ণসোমবল্ক সুমনঃকাংস্যলোহপ্রভৃতীনি পটোলাদিশ্চ শাকবর্গঃ||১৪||
तिक्तद्रव्यस्कन्धोऽगरुतगरोशीरवालकचन्दननलदकृतमालनक्तमाला पामार्गहरिद्राद्वयमुस्तमूर्वामदनफलाजशृङ्गीत्रायमाणाकटुका किराततिक्तककरवीरविशालासुषव्यतिविषायवासकज्योतिष्मतीपाठा विकङ्कतार्ककाकमाचीवचावरणवत्सकवैजयन्तीवेतससप्तपर्णसोमवल्क सुमनःकांस्यलोहप्रभृतीनि पटोलादिश्च शाकवर्गः||१४||
🔊 Audio coming soon
অবর্গাদীনি লোহান্তান্যন্যানি চৈবংবিধরসানি পটোলসপ্তলেত্যাদিনা গ্রন্থেন পটোলাদিকটুকান্তশ্চ শাকবর্গস্তিক্তস্কন্ধঃ|
Adhikarana kaTukadravyaskandhaH (15) · Śloka 15
কটুকদ্রব্যস্কন্ধো মরিচহিঙ্গুতেজোবতীহস্তিপিপ্পলীবিডঙ্গভল্লাতকাস্থিমূলকসর্ষপলশুন পলাণ্ডুকরঞ্জমনঃশিলালদেবদারুকুষ্ঠৈলাসুরসচোরকহরেণুকামূত্র পিত্তপ্রভৃতীনি কুঠেরাদিশ্চ হরিতবর্গঃ পঞ্চকোলঞ্চ||১৫||
कटुकद्रव्यस्कन्धो मरिचहिङ्गुतेजोवतीहस्तिपिप्पलीविडङ्गभल्लातकास्थिमूलकसर्षपलशुन पलाण्डुकरञ्जमनःशिलालदेवदारुकुष्ठैलासुरसचोरकहरेणुकामूत्र पित्तप्रभृतीनि कुठेरादिश्च हरितवर्गः पञ्चकोलञ्च||१५||
🔊 Audio coming soon
মরীচাদীনি হরেণুকান্তান্যন্যানি চৈবংরসানি মূত্রাণি গবাদীনাং পূর্বনির্দিষ্টানি সর্বং চ প্রাণিনোঽন্তর্ভবমবযবরূপং পিত্তং কুঠেরাদিশ্চ পূর্বোক্তো হরিতবর্গঃ পঞ্চকোলং চেতি কটুকস্কন্ধঃ||১৫||
Adhikarana kaShAyadravyaskandhaH (16) · Śloka 16
কষাযদ্রব্যস্কন্ধো হরীতকীপ্রিযঙ্গ্বনন্তাক্ষৌদ্রলোধ্রকট্ফলধবধন্বনধাত্রীফলধাতুকীপুষ্পপদ্মাপদ্মকপদ্মপুষ্পনাগকেসরকুমুদোত্পলতঙ্গতিন্দুককদম্বোদুম্বরজম্ব্বাম্রপ্লক্ষবটবিভীতকবিকঙ্কতজম্ব্বাম্রাস্থ্যামকপিত্থাশ্বত্থমোচরসসমঙ্গাসোমবল্কসপ্তপর্ণস্যন্দনাসনসল্লকীসালতালপ্রিযালৈলাবাস্তুকপরিপেলবজিঙ্গিণীবদরীখদিরকদরারিমেদকাশকশেরুকবংশাশ্মন্তকাশোকশিরীষশিংশপাপলাশশমশিণশঙ্খনাভিমেষশৃঙ্গীতরুণখর্জ্জূরস্ফূর্জ্জকভূর্জ্জার্জুনাজকর্ণবরণপ্রিযালমুক্তাঞ্জনগৈরিকবিসমৃণালপ্রভৃতীনি||১৬||
कषायद्रव्यस्कन्धो हरीतकीप्रियङ्ग्वनन्ताक्षौद्रलोध्रकट्फलधवधन्वनधात्रीफलधातुकीपुष्पपद्मापद्मकपद्मपुष्पनागकेसरकुमुदोत्पलतङ्गतिन्दुककदम्बोदुम्बरजम्ब्वाम्रप्लक्षवटबिभीतकविकङ्कतजम्ब्वाम्रास्थ्यामकपित्थाश्वत्थमोचरससमङ्गासोमवल्कसप्तपर्णस्यन्दनासनसल्लकीसालतालप्रियालैलावास्तुकपरिपेलवजिङ्गिणीबदरीखदिरकदरारिमेदकाशकशेरुकवंशाश्मन्तकाशोकशिरीषशिंशपापलाशशमशिणशङ्खनाभिमेषशृङ्गीतरुणखर्ज्जूरस्फूर्ज्जकभूर्ज्जार्जुनाजकर्णवरणप्रियालमुक्ताञ्जनगैरिकबिसमृणालप्रभृतीनि||१६||
🔊 Audio coming soon
হরীতক্যাদীনি মৃণালান্তান্যন্যানি চৈবং রসানি কষাযস্কন্ধঃ|
Adhikarana madhurAdirasAnAM shleShmalatvAdi tatrApavAdashca (17) · Śloka 17
তত্র প্রাযো মধুরং শ্লেষ্মলমন্যত্র পুরাণশালিযবগোধূমমুদ্গমধুশর্করাজাঙ্গলমাংসাত্| প্রাযোঽম্লং পিত্তলমন্যত্র দাডিমামলকাত্ প্রাযো লবণমবৃষ্যং চান্যত্রামৃতাপটোলীনাগরপিপ্পলীলশুনাত্| প্রাযঃ কষাযং শীতং স্তম্ভনং চান্যত্র হরীতক্যা||১৭||
तत्र प्रायो मधुरं श्लेष्मलमन्यत्र पुराणशालियवगोधूममुद्गमधुशर्कराजाङ्गलमांसात्| प्रायोऽम्लं पित्तलमन्यत्र दाडिमामलकात् प्रायो लवणमवृष्यं चान्यत्रामृतापटोलीनागरपिप्पलीलशुनात्| प्रायः कषायं शीतं स्तम्भनं चान्यत्र हरीतक्या||१७||
🔊 Audio coming soon
তত্র সর্বেষাং মধুরাদীনাং সামান্যেন শ্লেষ্মলাদিত্বমুক্তং যত্র চৈতত্ ব্যভিচরতি তদ্দর্শযতি| পুরাণশাল্যাদি বর্জযিত্বা সর্বং মধুরং প্রাযঃ শ্লেষ্মকরম্| মধুরদাডিমাদি মধুরমপি ন শ্লেষ্মকরমিতি প্রদর্শনার্থং প্রাযোগ্রহণম্| এবং সর্বেষু প্রাযোগ্রহণেষূহ্যম্| অন্যত্ সুবোধম্| অমৃতাপটোল্যৌ তিক্তানাং নাগরপিপ্পলীলশুনং কটুকানাম্|| ১৭||
Adhikarana rasadravyasaMgrahopasaMhAraH (18) · Śloka 1
ইতি যথাস্থূলং নিত্যোপযোগিনাং প্রধানতমানাঞ্চোপসংগ্রহঃ||১||
इति यथास्थूलं नित्योपयोगिनां प्रधानतमानाञ्चोपसंग्रहः||१||
🔊 Audio coming soon
ইত্যেবংবিধৈঃ স্কন্ধৈর্বাহুল্যানতিক্রমেণ নিত্যোপযোগিনাং প্রধানতমানাং চ দ্রব্যাণাং সঙ্গ্রহঃ কৃতঃ||১৮||
Adhikarana madhurAdiskandheShu shreShThadravyanirdeshaH (19) · Śloka 19
ঘৃতামলকসিন্ধূত্থপটোলীনাগরাভযাঃ| শ্রেষ্ঠা যথাস্বং স্কন্ধেষু.............||১৯||
घृतामलकसिन्धूत्थपटोलीनागराभयाः| श्रेष्ठा यथास्वं स्कन्धेषु.............||१९||
🔊 Audio coming soon
তত্র ষট্সু মধুরাদিষু স্কন্ধেষু মধ্যে ঘৃতাদিকং যথাক্রমং শ্রেষ্ঠম্||১৯||
Adhikarana AnUpadeshalakShaNaM tasya madhurarasayonitva~jca (20) · Śloka 20
.......................রসদেশস্তু বক্ষ্যতে| অথ যঃ শিশিরপবনধরণীধরবিবিধবনগহননদীতটাকপল্বলোদপান কমলকুমুদকুবলযাবকীর্ণো রম্যঃ স্থিরস্নিগ্ধভূমির্ভূরিহরিততৃণোঽতি দূরবিস্তৃতপ্রতানপ্রবালোপসঞ্ছন্নপাদপঃ সস্যসরীসৃপখগবহুলঃ শ্লেষ্মপিত্তপ্রাযো গুর্বৌষধিসলিলঃ শ্লীপদগলরোগাপচীজ্বরাদ্যামযোপদ্রুতজনপদঃ সোঽনূপো মধুররসযোনিঃ||২০||
.......................रसदेशस्तु वक्ष्यते| अथ यः शिशिरपवनधरणीधरविविधवनगहननदीतटाकपल्वलोदपान कमलकुमुदकुवलयावकीर्णो रम्यः स्थिरस्निग्धभूमिर्भूरिहरिततृणोऽति दूरविस्तृतप्रतानप्रवालोपसञ्छन्नपादपः सस्यसरीसृपखगबहुलः श्लेष्मपित्तप्रायो गुर्वौषधिसलिलः श्लीपदगलरोगापचीज्वराद्यामयोपद्रुतजनपदः सोऽनूपो मधुररसयोनिः||२०||
🔊 Audio coming soon
এষাং চ রসানামথ যঃ শিশিরেত্যাদিনা উত্পত্ত্যাধারো দেশ উচ্যতে| শিশিরশ্চাসৌ পবনঃ শিশিরপবনঃ| ধরণীধরঃ পর্বতঃ| বনানাং গহনানি বনগহনানি বনসঙ্কটানি বিবিধানি চ বনগহনানি বিবিধবনগহনানি| পল্বলং নড্বলমুদপানং কূপপ্রাযো জলাশযঃ| এতৈঃ কুবলযান্তৈরাকীর্ণো ব্যাপ্তঃ| রম্যঃ মনোরমঃ| স্থিরঃ অসরণশীলঃ| তথা স্নিগ্ধঃ তথা প্রভূতানি হরিতানি চ তৃণানি যত্র স ভূরিহরিততৃণঃ| তথাতিদূরং বিসৃতৈঃ প্রতানৈঃ লতাসন্ততিভিঃ প্রবালৈশ্চ সুজাতৈরঙ্কুরৈরুপসঞ্ছন্নাঃ স্থগিতাঃ পাদপা যত্র| তথা সস্যাদিবহুলঃ| সরীসৃপাঃ সর্পাদযঃ| শ্লেষ্মপিত্তপ্রকৃতিজনপদৌষধাদিঃ| গর্বৌষধপানীযঃ শ্লীপদাদ্যামযোপদ্রুত জনপদৌ যো দেশঃ স আনূপনামা মধুররস্য যোনিরুত্পত্তিস্থানম্|| ২০||
Adhikarana jA~ggaladeshalakShaNaM tasya kaTukarasayonitva~jca (21) · Śloka 21
যস্তু বিষমবিপুলসিকতাস্থলবহুলোঽতিদূরাবগাঢবিরসসলিলঃ ক্লেশসহারোগশরীরদীর্ঘাযুঃপ্রাযো জনপদোঽনূপপরীতশ্চ স জাঙ্গলঃ কটুকরসযোনিঃ||২১||
यस्तु विषमविपुलसिकतास्थलबहुलोऽतिदूरावगाढविरससलिलः क्लेशसहारोगशरीरदीर्घायुःप्रायो जनपदोऽनूपपरीतश्च स जाङ्गलः कटुकरसयोनिः||२१||
🔊 Audio coming soon
যস্তু পুনর্বিষমশ্চাসৌ বিপুলো বিষমবিপুলঃ পুনর্বিষমবিপুলেন সিকতাস্থলবহুলস্য কর্মধারযঃ| নিম্নোন্নতো বিস্তীর্ণঃ প্রভূতস্থলঃ স্বল্পজলশ্চেত্যর্থঃ| তথাতিদূরমবগাঢং স্বল্পত্বান্মগ্নং বিরসং চ সলিলং যস্মিন্ স তথা| কঠিনাঃ ক্লেশসহাঃ অরোগশরীরাঃ দীর্ঘাযুঃপ্রাযা জনপদা যত্র| তথানন্তরোক্তানূস্বরূপবিপরীতশ্চ যো দেশঃ স জাঙ্গলনামা কটুকরসযোনিঃ|
Adhikarana sAdhAraNedeshasya dvaividhyam (22) · Śloka 22
অত এব চানূপসাধারণো জাঙ্গলসাধারণশ্চ বিকল্প্যঃ| তযোরাদ্যো লবণাম্লযোর্যোনিরিতরশ্চেতরযোঃ||২২||
अत एव चानूपसाधारणो जाङ्गलसाधारणश्च विकल्प्यः| तयोराद्यो लवणाम्लयोर्योनिरितरश्चेतरयोः||२२||
🔊 Audio coming soon
উভযলক্ষণমিশ্রীভাবাত্ সাধারণঃ| স চ দ্বিবিধঃ আনূপলক্ষণানামাধিক্যাদানূপসাধারণঃ| স চ পাঠক্রমে আদ্যো লবণাম্লযোর্যোনিঃ| ইতরো জাঙ্গললক্ষণাধিক্যাজ্জাঙ্গলসাধারণঃ| স ইতরযোঃ শেষযোস্তিক্তকষাযযোর্যোনিঃ|| ২২||
Adhikarana saptapa~jcAshadrasasaMyogAH triShaShTirasabhedAshca (23) · Śloka 23
সম্যোগাস্ত্বেষাং সপ্তপঞ্চাশদ্ভবন্তি- স্বাদুর্দ্বিকেষু পঞ্চাম্লশ্চতুরো লবণস্ত্রযম্| দ্বৌ তিক্তঃ কটুকশ্চৈকং যাতি পঞ্চদশৈব তে| ত্রিকেষু মধুরঃ সাম্লশ্চতুরো লবণান্বিতঃ| ত্রীন্যুক্তস্তিক্তকেন দ্বৌ কটুনৈকং নিষেবতে| স্বাদুর্দশৈবমম্লঃ ষট্ সংযোগান্ পূর্ববত্ক্রিযা| লবণস্ত্রীন্ ভজত্যেকং তিক্ত এবং তু বিশংতিঃ| স্বাদ্শ্চাম্লশ্চতুষ্কেষু ষট্ ত্রযং লবণানুগঃ| একং তিক্তযুতো যাতি দশৈব মধুরো রসঃ| চত্বারোঽম্লঃ পটুশ্চৈকং ভেদাঃ পঞ্চদশেতি চ| একৈকস্য পরিত্যাগাত্ সংযোগাঃ পঞ্চকে চ ষট্| একশ্চ ষড্রসঃ ষট্ চ পৃথগেবং ত্রিষষ্টিধা||২৩||
सम्योगास्त्वेषां सप्तपञ्चाशद्भवन्ति- स्वादुर्द्विकेषु पञ्चाम्लश्चतुरो लवणस्त्रयम्| द्वौ तिक्तः कटुकश्चैकं याति पञ्चदशैव ते| त्रिकेषु मधुरः साम्लश्चतुरो लवणान्वितः| त्रीन्युक्तस्तिक्तकेन द्वौ कटुनैकं निषेवते| स्वादुर्दशैवमम्लः षट् संयोगान् पूर्ववत्क्रिया| लवणस्त्रीन् भजत्येकं तिक्त एवं तु विशंतिः| स्वाद्श्चाम्लश्चतुष्केषु षट् त्रयं लवणानुगः| एकं तिक्तयुतो याति दशैव मधुरो रसः| चत्वारोऽम्लः पटुश्चैकं भेदाः पञ्चदशेति च| एकैकस्य परित्यागात् संयोगाः पञ्चके च षट्| एकश्च षड्रसः षट् च पृथगेवं त्रिषष्टिधा||२३||
🔊 Audio coming soon
এষাং চ মধুরাদীনাং রসানাং রসান্তরসংযোগেন সপ্তপঞ্চাশত্ সংযোগা ভবন্তি বক্ষ্যমাণেন প্রকারেণ| ভবন্তি চাত্রেতি পদ্যবস্ত্বারম্ভে তন্ত্ররীতিঃ| তে চ সংযোগাঃ দ্বাভ্যাং ত্রিভিশ্চতুর্ভিঃ পঞ্চভিঃ ষড্ভিশ্চ রসৈর্নিষ্পদ্যন্তে| তে চ স্বাদুরিত্যাদিনা ক্রমেণোচ্যন্তে| দ্বিকেষু সংযোগেষু স্বাদুর্মধুরঃ পঞ্চসংযোগান্ জনযতি| মধুরাম্লঃ| মধুরলবণঃ| মধুরতিক্তঃ| মধুরকটুকঃ| মধুরকষাযঃ| অম্লোলবণাদিভিশ্চতুর্ভিঃ সম্বদ্ধশ্চতুরঃ সংযোগান্ জনযতি| অম্ললবণঃ| অম্লতিক্তঃ| অম্লকটুকঃ| অম্লকষাযশ্চেতি| লবণস্তু তিক্তাদিভিস্ত্রিভিঃ সম্বদ্ধস্ত্রীনেব সংযোগান্ জনযতি| লবণতিক্তঃ| লবণকটুকঃ| লবণকষাযশ্চেতি| তিক্তঃ কটুকষাযাভ্যাং সম্বদ্ধৌ দ্বৌ সংযোগৌ জনযতি| তিক্তকটুকঃ| তিক্তকষাযশ্চেতি| কটুকশ্চৈকং সংযোগং জনযতি| কটুকষাযঃ| এবং দ্বিকসংযোগাঃ পঞ্চদশ| ত্রিকেষু সংযোগেষু মধুরো রসঃ সাম্লো লবণাদিভিশ্চতুর্ভিঃ ক্রমেণ যুক্তশ্চতুরঃ সংযোগান্ জনযতি| মধুরাম্ললবণঃ| মধুরাম্লতিক্তঃ| মধুরাম্লকটুকঃ| মধুরাম্লকষাযঃ| স এব চ মধুরোঽম্লত্যাগেন তত্স্থানে লবণান্বিতঃ তিক্তাদিভিস্ত্রিভিঃ ক্রমেণ সংযুক্তস্ত্রীন্ ভেদান্ জনযতি| মধুরলবণতিক্তঃ| মধুরলবণকটুকঃ| মধুরলবণকষাযশ্চেতি| স এব মধুরো লবণত্যাগেন তত্স্থানে সতিক্তঃ কটুকষাযাভ্যাং ক্রমেণ সংযুক্তৌ দ্বৌ সংযোগৌ জনযতি| মধুরতিক্তকটুকঃ| মধুরতিক্তকষাযশ্চেতি| স এব তিক্তত্যাগেন তত্স্থানে কটুকসংযুক্ত একং সংযোগং জনযতি| মধুরকটুকষাযঃ| এবং জনযতি মধুরঃ সংযোগান্ দশ| অম্লস্তু ত্রিকসংযোগাত্ ষড্ জনযতি| পূর্ববত্তু ক্রিযা| তত্রাম্ললবণঃ তিক্তাদিভিঃ ক্রমেণ সম্বদ্ধস্ত্রীন্ সংযোগান্ জনযতি| অম্ললবণতিক্তঃ| অম্ললবণকটুকঃ| অম্ললবণকষাযঃ| স এবাম্লো লবণত্যাগেন তত্স্থানে সতিক্তঃ কটুকষাযাভ্যাং ক্রমেণ সম্বদ্ধৌ দ্বৌ সংযোগৌ জনযতি| অম্লতিক্তকটুকঃ| অম্লতিক্তকষাযঃ| এবং স তিক্তত্যাগেন অম্লকটুককষাযঃ ইত্যম্লঃ ষট্| লবণঃ সতিক্তঃ কটুকষাযাভ্যাং ক্রমেণ সম্বদ্ধৌ দ্বৌ সংযোগৌ জনযতি| লবণতিক্তকটুকঃ| লবণতিক্তকষাযঃ| এবং স তিক্তত্যাগেনৈকং জনযতি, লবণকটুকষাযঃ| এবং লবণস্ত্রীন্| তিক্ত একং সযোগং জনযতি| তিক্তকটুকষাযঃ| এবং ত্রিকসংযোগা বিংশতিঃ| চতুষ্কসংযোগা উচ্যন্তে| তত্র মধুরঃ পূর্ববত্ সাম্লো লবণাদিভিশ্চতুর্ভির্যুক্তঃ ষট্ সংযোগান্ জনযতি| মধুরাম্ললবণতিক্তঃ| মধুরাম্ললবণকটুকঃ| মধুরাম্ললবণকষাযঃ| মধুরাম্লতিক্তকটুকঃ| মধুরাম্লতিক্তকষাযঃ| মধুরাম্লকটুকষাযঃ| স এব মধুরোঽম্লত্যাগেন তত্স্থানে লবণানুগস্ত্রীন্ সংযোগান্ জনযতি| মধুরলবণকটুকঃ| মধুরলবণকষাযঃ| স এব লবণত্যাগেন তত্স্থানে তিক্তযুক্ত একং সংযোগং জনযতি| মধুরতিক্তকটুককষাযঃ| এবং চতুষ্কেষু মধুরো দশ সংযোগান্ জনযতি| অম্লঃ পূর্ববচ্চচতুরঃ সংযোগান্ জনযতি| অম্ললবণতিক্তকটুকঃ| অম্ললবণতিক্তকষাযঃ| অম্ললবণকটুককষাযঃ| স এব লবণত্যাগেন তত্স্থানে তিক্তযুক্ত একং সংযোগং জনযতি| অম্লতিক্তকটুককষাযঃ| এবং চতুষ্কেষ্বম্লশ্চচতুরঃ| ততোঽম্লাদনন্তরো লবণ একং ভেদং যাতি| লবণতিক্তকটুককষাযঃ| এবং চতুষ্কভেদাঃ পঞ্চদশ| পঞ্চকসংযোগে একৈকস্য রসস্য ক্রমেণ ত্যাগাত্ ষট্ সংযোগা উত্পদ্যন্তে| তত্র মধুরত্যাগাদম্ললবণতিক্তকটুককষাযঃ| অম্লত্যাগাত্ মধুরলবণতিক্তকটুককষাযঃ| লবণত্যাগাত্ মধুরাম্লতিক্তকটুককষাযঃ| তিক্তত্যাগান্মধুরাম্ললবণকটুককষাযঃ| কটুকত্যাগান্মধুরাম্লতিক্তকটুকঃ| এবমেকীকৃতাঃ ষট্পঞ্চাশত্ সংযোগা ভবন্তি| সপ্তপঞ্চাশচ্চা ষড্রসঃ সংযোগঃ| ষট্ চ রসাঃ পৃথগ্ভূতাঃ| এবং ত্রিষষ্টিপ্রকারা রসাঃ|| ২৩||
Adhikarana rasAnAmAnantyaM teShAmupayogaprakArashca (24-25) · Śloka 25
তে রসানুরসতো রসভেদাস্তারতম্যপরিকল্পনযা চ| সম্ভবন্তি গণানাং সমতীতা দোষভেষজবশাদুপযোজ্যাঃ||২৪|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে রসভেদীযোনামাষ্টাদশোঽধ্যাযঃ||২৫||
ते रसानुरसतो रसभेदास्तारतम्यपरिकल्पनया च| सम्भवन्ति गणानां समतीता दोषभेषजवशादुपयोज्याः||२४|| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने रसभेदीयोनामाष्टादशोऽध्यायः||२५||
🔊 Audio coming soon
তে চ ত্রিষষ্টিসঙ্খ্যাভেদা গণানাং সমতীতা অহুত্বাত্ গণযিতুমশক্যাঃ সম্ভবন্তি নিষ্পদ্যন্তে| কুতঃ? আহ- রসানুরসতঃ ক্বচিত্কশ্চিদ্বিশিষ্টো যো রসঃ স এবাঽন্যত্রাঽনুরসঃ| তথা কশ্চিদ্বিশিষ্টসঙ্খ্যঃ ক্বচিদধিকঃ| ক্বচিদধিকতরঃ ইত্যতস্তে চ রসভেদা নানাবিধা নানাবিধানাং দোষাণাং রসাশ্রযাণাং চ ভেষজানাং বিশেষং বিকল্প্য শরীরিণ উপযোজ্যা ইতি|| ২৪|| ইতি শ্রীমন্মহামহোপাধ্যাযেন্দুবিরচিতাযাম্ অষ্ঠাঙ্গসংগ্রহব্যাখ্যাযাং শশিলেখাযাং সূত্রস্থানে অষ্টাদশোঽধ্যাযঃ