Adhikarana pratij~jA (1) · Śloka 1
অথাঽতঃ শিষ্যোপনযনীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथाऽतः शिष्योपनयनीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
তন্ত্রার্থং সর্বং পূর্বস্মিন্নধ্যাযে সূত্রযিত্বা এবংবিধঃ শিষ্যঃ তন্ত্রং শিক্ষযিতব্য ইতি প্রদর্শনার্থমধ্যায আরভ্যতে- অথাত ইতি| অথেতি সর্বাধ্যাযেষু মঙ্গলার্থঃ| তথা অত ইত্যানন্তর্যে| `অধিকৃত্য কৃতে গ্রন্থ' ইতি ছপ্রত্যযঃ|| ১||
Adhikarana shiShyaguNAH (2) · Śloka 2
গুরুভক্তোঽভিযুক্তোঽতিযুক্তো ধীস্মৃতিপাটবৈঃ| ঋজ্বাস্যনাসানযনস্তনুস্নিগ্ধনখচ্ছবিঃ| ব্রহ্মচারী জিতদ্বন্দ্বো ধীরঃ সুচরিতঃ স্থিরঃ| ষণ্মাসানুষিতঃ শক্লো লজ্জাশৌচকুলান্বিতঃ| শিষ্যোঽধ্যাপ্যো গতো যাবদন্তং তন্ত্রার্থকর্মণাম্||২||
गुरुभक्तोऽभियुक्तोऽतियुक्तो धीस्मृतिपाटवैः| ऋज्वास्यनासानयनस्तनुस्निग्धनखच्छविः| ब्रह्मचारी जितद्वन्द्वो धीरः सुचरितः स्थिरः| षण्मासानुषितः शक्लो लज्जाशौचकुलान्वितः| शिष्योऽध्याप्यो गतो यावदन्तं तन्त्रार्थकर्मणाम्||२||
🔊 Audio coming soon
গুরুভক্তত্বাদিযুক্তঃ শিষ্যোঽধ্যাপ্যঃ শিক্ষযিতব্যঃ| আতন্ত্রার্থকর্মণামন্তগমনাত্| তন্ত্রান্তঃ তন্ত্রপাঠনিষ্পত্তিঃ| অর্থান্তঃ তন্ত্রাববোধঃ| কর্মান্তো জ্ঞাতস্য শাস্ত্রস্য লক্ষ্যে নিযোগঃ| গুরোরুপাধ্যাযস্য ভক্তঃ সেবাতত্পরঃ| অভিযুক্তঃ শাস্ত্রবিজ্ঞানে যত্নপরঃ| তথা ধীস্মৃতিপাটবৈরতিযুক্তঃ অতিশযেন যুক্তঃ ধীর্গ্রহণশক্তিঃ স্মৃতিঃ স্মরণং পাটবমিন্দ্রিযসৌষ্ঠবম্| স্পষ্টমুখঃ স্পষ্টনাশঃ স্পষ্টনেত্রঃ| তনুনখঃ স্নিগ্ধনখঃ| তনুত্বক্ স্নিগ্ধত্বক্| ব্রহ্মচারী নির্ব্যবাযঃ| জিতদ্বন্দ্বো নির্দোষঃ| ধীরো বিগতভীঃ| সাধুশীলঃ সচ্চরিতঃ| স্থিরঃ অচপলস্বভাবঃ| ষণ্মাসানুপাধ্যাযনিকটে উষিতঃ এতাবতা হি সাধ্বসাধুস্বভাবতাং শিষ্যস্যোপাধ্যাযোঽধিগচ্ছতি| শক্লঃ প্রিযংবদঃ| লজ্জযান্বিতঃ শৌচেন চ শারীরমানসযা শুদ্ধ্যা সমন্বিতঃ সুকুলীনঃ|| ২||
Adhikarana anadhyAyAH (3) · Śloka 3
নাঽকালবিদ্যুত্স্তনিতে ভূকম্পে রাহুদর্শনে| পঞ্চদশ্যামচন্দ্রাযাং পরোক্ষে বা গুরোঃ পঠেত্||৩||
नाऽकालविद्युत्स्तनिते भूकम्पे राहुदर्शने| पञ्चदश्यामचन्द्रायां परोक्षे वा गुरोः पठेत्||३||
🔊 Audio coming soon
স চ শিষ্যঃ অকালবিদ্যুদাদিষু ন পঠেত্| অকালবিদ্যুদ্যা বর্ষাকালাদন্যস্মিন্ কালে দৃষ্টা, তদ্বদকালস্তনিতম্| স্তনিতং মেঘশব্দঃ| ভূকম্পরাহুদর্শনে প্রসিদ্ধে| অচন্দ্রা পঞ্চদশী অমাবাস্যা যা কুহূরিত্যুচ্যতে| গুরাবনবস্থিতে ন পঠেত্| এতাবতা হি দুঃশিক্ষিতো ভবতি|| ৩||
Adhikarana adhyayanavidhiH (4) · Śloka 4
নাবিচ্ছিন্নপদং নাতিমন্দং নাত্যুচ্চনীচকৈঃ||৪||
नाविच्छिन्नपदं नातिमन्दं नात्युच्चनीचकैः||४||
🔊 Audio coming soon
তথা অবিচ্ছিন্নপদং ন পঠেত্ সংহিতযা ন পঠেত্| তথা হি বিসন্ধ্যভ্যাসো ভবতি| অতিমন্দমতিস্তব্ধঞ্চ ন পঠেত্| ইতি প্রযত্নবিশেষঃ| নাত্যুচ্চৈর্নাতিনীচৈশ্চ ইতি স্বরবিশেষঃ|| ৪||
Adhikarana guruparicaryAkramaH (5) · Śloka 5
হীনান্যবেষ আচার্যং পর্যুপাসীত রাজবত্| শযীত সুপ্ত এবাস্মিন্নুত্তিষ্ঠেতাস্য পূর্বতঃ| ন ব্রূযাত্কেবলং নাম নাঽসাধ্বপি বিনাটযেত্||৫||
हीनान्यवेष आचार्यं पर्युपासीत राजवत्| शयीत सुप्त एवास्मिन्नुत्तिष्ठेतास्य पूर्वतः| न ब्रूयात्केवलं नाम नाऽसाध्वपि विनाटयेत्||५||
🔊 Audio coming soon
অন্যচ্চেদং শিষ্যঃ কুর্যাত্| রাজবন্নৃপবচ্চাচার্যং পর্যুপাসীত সেবেত| কিম্ভূতঃ? হীনান্যবেষঃ প্রকরণাদ্গুরুত এব হীনবেষঃ| গুরুবেষাত্ স্বল্পবেষঃ, অন্যবেষঃ বিসদৃশবেষঃ| তথা অস্মিন্ গুরৌ সুপ্ত এব শযীত নাসুপ্তে স্বপ্যাত্| অস্য চ গুরোঃ পূর্বতঃ পূর্বমুত্তিষ্ঠেত্ অস্মিন্ শযনাদনুত্থিত এবোত্তিষ্ঠেত্| অন্যচ্চ তস্য গুরোঃ কেবলং পূজাবাচকোপপদরহিতং নাম ন কীর্তযেন্ন কেবলং নাম ব্রূযাত্| যাবদসাধ্বপি ন বিনাটযেত্ গুরুকৃতাং দুরীহামুপহাসপূর্বকং নানুকুর্যাদিত্যর্থঃ|| ৫||
Adhikarana BiShaglakShaNam (6) · Śloka 6
অভেদ্যোঽনুদ্ধতঃ স্তব্ধঃ সূনৃতঃ প্রিযদর্শনঃ| বহুশ্রুতঃ কালবেদী জ্ঞাতগ্রন্থোঽর্থশাস্ত্রবিত্| অনাথান্ রোগিণো যশ্চ পুত্রবত্সমুপাচরেত্| গুরুণা সমনুজ্ঞাতঃ স ভিষক্ছব্দমশ্নুতে||৬||
अभेद्योऽनुद्धतः स्तब्धः सूनृतः प्रियदर्शनः| बहुश्रुतः कालवेदी ज्ञातग्रन्थोऽर्थशास्त्रवित्| अनाथान् रोगिणो यश्च पुत्रवत्समुपाचरेत्| गुरुणा समनुज्ञातः स भिषक्छब्दमश्नुते||६||
🔊 Audio coming soon
স চ শিষ্যঃ অভেদ্যত্বাদিগুণযোগাদ্ভিষক্ছব্দঃ ভিষগিতি নাম অশ্নুতে প্রাপ্নোতি| অভেদ্যঃ পরৈঃ প্রতিবাদিতধূর্ত্তাদিভিরধৃষ্যঃ| অনুদ্ধতঃ প্রসিদ্ধঃ| স্তব্ধঃ চিরকারী| সূনৃতঃ সুখোপগমনীযঃ| প্রিযদর্শনঃ সুমুখঃ সুবেষশ্চ| বহুশ্রুতঃ প্রসিদ্ধঃ| কালবেদী রোগিণোঽন্যস্য চাবস্থাস্বভাববিশেষং জানাতি| জ্ঞাতগ্রন্থঃ অভ্যস্তশাস্ত্রঃ| তথা শাস্ত্রার্থজ্ঞশ্চিকিত্সিতশ্চ| যশ্চ শিষ্যঃ অনাথান্ স্বামিবান্ধবাদ্যভাবান্নিরুপাযান্ ব্যাধিতান্| পুত্রস্নেহেন পরিপালযেত্ গুরুণা যোগ্যত্বাচ্চিকিত্সাকরণে সমনুজ্ঞাতঃ| স ভিষক্ছব্দমশ্নুতে|| ৬||
Adhikarana kevalashAstraj~jasya doShAH (7) · Śloka 7
যস্তু কেবলশাস্ত্রজ্ঞঃ কর্মস্বপরিনিষ্ঠিতঃ| স মুহ্যত্যাতুরং প্রাপ্য প্রাপ্য ভীরুরিবাহবম্||৭||
यस्तु केवलशास्त्रज्ञः कर्मस्वपरिनिष्ठितः| स मुह्यत्यातुरं प्राप्य प्राप्य भीरुरिवाहवम्||७||
🔊 Audio coming soon
যঃ পুনঃ কেবলশাস্ত্রজ্ঞঃ কর্মসু চিকিত্সিতেষ্বপরিনিষ্ঠিতঃ অবিজ্ঞাতযাথাতথ্থঃ স আতুরং প্রাপ্য মুহ্যতি| যথা ভীরুরাহবং সংগ্রামং প্রাপ্য মুহ্যতি| ন হ্যাতুরস্য গ্রন্থপদার্থবাক্যার্থাববোধাদ্ রোগোপশমঃ|| ৭||
Adhikarana shAstravidhurasya nindyatvam (8) · Śloka 8
যঃ পুনঃ কুরুতে কর্ম ধার্ষ্ট্যাচ্ছাস্ত্রবিবর্জিতঃ| স সত্সু গর্হামাপ্নোতি বধং চর্চ্ছতি রাজতঃ||৮||
यः पुनः कुरुते कर्म धार्ष्ट्याच्छास्त्रविवर्जितः| स सत्सु गर्हामाप्नोति वधं चर्च्छति राजतः||८||
🔊 Audio coming soon
যঃ পুনঃ ভিষগাভাসঃ শাস্ত্রার্থজ্ঞানেনৈব রহিতঃ ধার্ষ্ট্যাত্ চিকিত্সাং করোতি স সত্সু সাধুষু মধ্যে গর্হাং প্রাপ্নোতি রাজতশ্চ বধম্| যতঃ স রাজ্যকণ্টকত্বাদ্রাজ্ঞা বধ্যঃ আম্নাতঃ শাস্ত্রান্তরে|| ৮||
Adhikarana BiShaktamalakShaNam (9) · Śloka 9
হেতৌ লিঙ্গে প্রশমনে রোগাণামপুনর্ভবে| জ্ঞানং চতুর্বিধং যস্য স রাজার্হো ভিষক্তমঃ||৯||
हेतौ लिङ्गे प्रशमने रोगाणामपुनर्भवे| ज्ञानं चतुर्विधं यस्य स राजार्हो भिषक्तमः||९||
🔊 Audio coming soon
ভিষগ্দোষানুক্ত্বা ভিষগ্গুণানাহ-হেতাবিত্যাদি| চতুঃপ্রকারং যস্য জ্ঞানং স ভিষক্তমো রাজার্হঃ| ভিষজশ্চিকিত্সাজ্ঞান-যোগাদতিশযঃ| হেতৌ নিদানে, লিঙ্গে লক্ষণে| প্রশমনে রোগাণামপুনর্ভবে নষ্টো রোগো যথা ন পুনর্জাযত ইতি জ্ঞানচাতুর্বিধ্যম্|| ৯||
Adhikarana bAhushrutyena praj~jAmupabRuMhayet (10) · Śloka 10
শস্ত্রং শাস্ত্রাণি সলিলং গুণাদোষপ্রবৃত্তযে| পাত্রাপেক্ষীণ্যতঃ প্রজ্ঞাং বাহুশ্রুত্যেন বৃংহযেত্||১০||
शस्त्रं शास्त्राणि सलिलं गुणादोषप्रवृत्तये| पात्रापेक्षीण्यतः प्रज्ञां बाहुश्रुत्येन बृंहयेत्||१०||
🔊 Audio coming soon
অন্যত্ ভিষজা কিং কার্যম্? বাহুশ্রুত্যেন প্রভূতশাস্ত্রশ্রবণেন প্রজ্ঞাং প্রজ্ঞানং বৃংহযেত্| যতো দৃষ্টং গুণদোষকরণং ভাবাঃ পাত্রমপেক্ষন্তে| তথা চ শস্ত্রং শৌর্যযুক্তে পাত্রে স্থিতং কার্যকরং ভবতি, ভীরৌ চ দোষকরম্| এবং শাস্ত্রসলিলেঽপি পরিকল্পনীযে| বাহুশ্রুত্যোপবৃংহিতপ্রজ্ঞে স্থিতং শাস্ত্রং শোভনতাং যাতীত্যর্থঃ|| ১০||
Adhikarana praj~jopabRuMhaNe hetuH (11) · Śloka 11
প্রদীপভূতং শাস্ত্রং হি দর্শনং বিপুলা মতিঃ| তাভ্যাম্ভিষক্সুযুক্তাভ্যাঞ্চিকিত্সন্নাপরাধ্যতি||১১||
प्रदीपभूतं शास्त्रं हि दर्शनं विपुला मतिः| ताभ्याम्भिषक्सुयुक्ताभ्याञ्चिकित्सन्नापराध्यति||११||
🔊 Audio coming soon
কিমর্থং প্রজ্ঞামুপবৃংহযেদিত্যত আহ-প্রদীপভূতমিত্যাদি| শাস্ত্রপ্রদীপযোঃ সাদৃশ্যম্| বিস্তীর্ণা মতির্দৃষ্ট্যা সমানা| যথা প্রদীপোপবৃংহীতা দৃষ্টির্ভাবগ্রহণে সমর্থা ভবত্যেবং শাস্ত্রোপবৃংহিতা বিপুলা মতিশ্চিকিত্সিতযোগ্যা| এবং হি চিকিত্সান্নাপরাধবান্ ভবতি|| ১১||
Adhikarana siddhiBAgvaidyalakShaNam (12) · Śloka 12
আহূত এব যো যাতি সুবেষঃ সুনিমিত্ততঃ| গত্বাঽতুরার্থাদন্যত্র ন নিধত্তে মনঃ ক্বচিত্| ব্যাধীন্ পরীক্ষতে সম্যঙ্নিদানাদিবিশেষতঃ| হ্রেপণীযাং চ তদ্বার্ত্তাং ন প্রকাশযতে বহিঃ| সহসা ন চ তস্যাপি ক্রিযাকালমহাপযন্| জানাতি চোপচরিতুং স বৈদ্যঃ সিদ্ধিমশ্নুতে||১২||
आहूत एव यो याति सुवेषः सुनिमित्ततः| गत्वाऽतुरार्थादन्यत्र न निधत्ते मनः क्वचित्| व्याधीन् परीक्षते सम्यङ्निदानादिविशेषतः| ह्रेपणीयां च तद्वार्त्तां न प्रकाशयते बहिः| सहसा न च तस्यापि क्रियाकालमहापयन्| जानाति चोपचरितुं स वैद्यः सिद्धिमश्नुते||१२||
🔊 Audio coming soon
কিম্ভূতশ্চ বৈদ্যঃ সিদ্ধিং প্রাপ্নোতীত্যাহ-আহূত ইতি| য আহূত এবতুরগৃহং যাতি| সুবেষঃ দূতাদিবিজ্ঞানীযোক্তকুচেলাদিবেষরহিতঃ| সুনিমিত্ততো যাতি দুর্নিমিত্তং দৃষ্ট্বা নযাতীত্যর্থঃ| গত্বা চাতুরার্থং বর্জযিত্বাঽন্যত্র মনো ন নিধত্তে| আতুরার্থো নিদানাদিভিঃ পংচভিঃ বিশেষৈর্ব্যাধিপরীক্ষণং তদ্যোগ্যা চ চিকিত্সা| হ্রেপণীযাং গোপ্যাং লজ্জাবহাং চাতুরবার্তাং বহির্জনসংসদি ন প্রকাশযেত্| আতুরস্যাপি ঝটিতি ন প্রকাশযেত্ ঈদৃশী তবোপগতা পীডেতি| এবং হ্যাতুরস্য ব্যাধিস্বরূপং কথযতো ভিষজঃ কদাচিচ্চিকিত্সাহানির্ভবতি| ক্রিযাকালং চিকিত্সাকালমত্যজন্নুপচরিতুং চিকিত্সিতুং চ যো জানাতি চিকিত্সামার্গে স্পষ্টবিকল্পযোগ্যা বুদ্ধিরিত্যর্থঃ| এবম্ভূতো বৈদ্যো রোগোপশমলক্ষণাং সিদ্ধিং প্রাপ্নোতি|
Adhikarana vaidyena varjanIyam (13) · Śloka 13
নাবদীতাঽমিষং স্ত্রীভ্যস্তদধ্যক্ষে পরাঙ্মুখে| তাভিশ্চ রহসি স্থানং পরিহাসং চ বর্জযেত্||১৩||
नावदीताऽमिषं स्त्रीभ्यस्तदध्यक्षे पराङ्मुखे| ताभिश्च रहसि स्थानं परिहासं च वर्जयेत्||१३||
🔊 Audio coming soon
এতত্ প্রসঙ্গেনৈব বৈদ্যেনেদমনুষ্ঠেযং নেদমনুষ্ঠেযমিত্যাহ-নাদদীতেতি| পরস্ত্রীভ্য আমিষমর্থাদিকং নাঽঽদদীত ন গৃহ্ণীযাত্| `আমিষং ভোগ্যবস্তুনি' ইতি কোশঃ| তদধ্যক্ষে আমিষদাতৃযোষিদ্রক্ষাধিকৃতে পরাঙ্মুখে পরোক্ষে তাভিঃ স্ত্রীভিশ্চ রহসি একান্তে স্থিতিং পরিহাসঞ্চ বর্জযেত্|| ১৩ ||
Adhikarana acikitsyAH (14) · Śloka 14
আর্ত্তং চ নৃপসদ্বৈদ্যৈর্দ্বিষ্টং তদ্দ্বেষিণং দ্বিষম্| চণ্ডং শোকাতুরং ভীরুং কৃতঘ্নং বৈদ্যমানিনম্| হীনোপকরণং ব্যগ্রমবিধেযং গতাযুষম্||১৪||
आर्त्तं च नृपसद्वैद्यैर्द्विष्टं तद्द्वेषिणं द्विषम्| चण्डं शोकातुरं भीरुं कृतघ्नं वैद्यमानिनम्| हीनोपकरणं व्यग्रमविधेयं गतायुषम्||१४||
🔊 Audio coming soon
আর্ত্তং রোগিণঞ্চৈবম্ভূতং ভিষগ্বর্জযেত্| কিম্ভূতম্? নৃপেণ রাজ্ঞা দ্বিষ্টং সদ্বৈদ্যৈশ্চ| অথবা নৃপেণ সদ্ভিশ্চ বৈদ্যৈশ্চ| তদ্দ্বেষিণং তান্ নৃপসদ্বৈদ্যান্ যো দ্বেষ্টি তম্| দ্বিষং শত্রুং চ ন চিকিত্সেত্| চণ্ডং দর্পিণম্| শোকাতুরাদযঃ প্রসিদ্ধাঃ| বৈদ্যমানিনং অবৈদ্যোঽপি যো বৈদ্যমাত্মানং মন্যতে স্বমতেনৌষধং করোতীত্যর্থঃ| হীনোপকরণং হীনচিকিত্সাঙ্গম্| ব্যগ্রং কার্যবহুলম্| অবিধেযং ভিষজঃ| গতাযুষং রিষ্টজ্ঞানেন|| ১৪||
Adhikarana varjanIyavaidyAH (15) · Śloka 15
জিজীবিষুর্ব্যাধিতোঽপি পূর্বোক্তগুণবর্জিতান্| ক্রিযাবিক্রিযিণো বৈদ্যান্ মৃত্যোরগ্রেসরা হি তে||১৫||
जिजीविषुर्व्याधितोऽपि पूर्वोक्तगुणवर्जितान्| क्रियाविक्रियिणो वैद्यान् मृत्योरग्रेसरा हि ते||१५||
🔊 Audio coming soon
ন কেবলং ভিষগেবম্ভূতমাতুরং বর্জযেত্ যাবদাতুরোঽপি জীবিতুমিচ্ছুঃ পূর্বোক্তবৈদ্যগুণবর্জিতান্ বৈদ্যাংস্ত্যজেত্| ক্রিযাবিক্রযিণঃ পণ্যচিকিত্সকান্| তে হি মৃত্যোরগ্রেসরাঃ পুরস্সরাঃ পুরুষাঃ, পদাতযঃ|| ১৫||
Adhikarana cikitsAyAH pAdacatuShTayam (16) · Śloka 16
ভিষগ্দ্রব্যাণ্যুপস্থাতা রোগী পাদচতুষ্টযম্| চিকিত্সিতস্য নির্দিষ্টং প্রত্যেকং তচ্চতুর্গুণম্||১৬||
भिषग्द्रव्याण्युपस्थाता रोगी पादचतुष्टयम्| चिकित्सितस्य निर्दिष्टं प्रत्येकं तच्चतुर्गुणम्||१६||
🔊 Audio coming soon
চিকিত্সাযাঃ প্রকৃতত্বাত্ ইদমুচ্যতে-ভিষগিত্যাদি| চিকিত্সিতস্য রোগোপশমলক্ষণস্য পাদচতুষ্টযমঙ্গচতুষ্টযমুক্তম্| প্রত্যেকং তচ্চতুর্গুণম্| উপস্থাতা পরিচারকঃ|| ১৬||
Adhikarana BiShagguNAH (17) · Śloka 17
দক্ষস্তীর্থাত্তশাস্ত্রার্থো দৃষ্টকর্মা শুচির্ভিষক্||১৭||
दक्षस्तीर्थात्तशास्त्रार्थो दृष्टकर्मा शुचिर्भिषक्||१७||
🔊 Audio coming soon
ভিষক্ বৈদ্যশ্চতুর্গুণঃ| দক্ষশ্চতুরঃ| তীর্থাত্তশাস্ত্রার্থঃ উপাধ্যাযাত্ প্রাপ্তশাস্ত্রস্বরূপঃ| দৃষ্টকর্মা বহুশশ্চিকিত্সিতরোগঃ| শুচিঃ শরীরেণ মনসা বা|| ১৭||
Adhikarana auShadhaguNAH (18) · Śloka 18
বহুকল্পং বহুগুণং সম্পন্নং যোগ্যমৌষধম্||১৮||
बहुकल्पं बहुगुणं सम्पन्नं योग्यमौषधम्||१८||
🔊 Audio coming soon
ঔষধমপি চতুর্বিধম্| বহুকল্পং বহবঃ কল্পাঃ স্বরসক্বাথচূর্ণাদিকাঃ কল্পনা যস্য ন তু লবণবদেককল্পম্| বহবো গুণাঃ সত্ত্বাদযো যস্য তদ্বহুগুণম্| সম্পন্নং পাকসংস্কারাদিযুক্তম্| যোগ্যং রোগস্য রোগিণশ্চ দেশকালাদ্যবস্থাপেক্ষযা|| ১৮||
Adhikarana paricArakaguNAH (19) · Śloka 19
অনুরক্তঃ শুচির্দক্ষো বুদ্ধিমান্ পরিচারকঃ||১৯||
अनुरक्तः शुचिर्दक्षो बुद्धिमान् परिचारकः||१९||
🔊 Audio coming soon
উপস্থাতাঽপি চতুর্বিধঃ| আতুরস্যানুরক্তঃ| শুচির্দক্ষৌ ব্যাখ্যাতৌ| বুদ্ধিমান্ প্রসিদ্ধঃ|| ১৯||
Adhikarana rogiguNAH (20) · Śloka 20
আঢ্যো রোগী ভিষগ্বশ্যো জ্ঞাপকস্সত্ত্ববানপি||২০||
आढ्यो रोगी भिषग्वश्यो ज्ञापकस्सत्त्ववानपि||२०||
🔊 Audio coming soon
রোগ্যপি চতুর্বিধঃ| আঢ্যো ধনবান্| বৈদ্যবশ্যঃ| জ্ঞাপকঃ বৈদ্যং রোগাহারবিহারাদীনামন্বযব্যতিরেকং বোধযিতুং সমর্থঃ| সত্ত্ববানভীরুঃ|| ২০||
Adhikarana cikitsAyAH pradhAnaM kAraNaM BiShak (21) · Śloka 21
যদ্বৈদ্যে বিগুণে পাদা গুণবন্তোঽপ্যনর্থকাঃ| স পাদহীনানপ্যার্ত্তান্ গুণবান্ যচ্চ যাপযেত্| চিকিত্সাযাস্তমেবাতঃ প্রধানং কারণং বিদুঃ||২১||
यद्वैद्ये विगुणे पादा गुणवन्तोऽप्यनर्थकाः| स पादहीनानप्यार्त्तान् गुणवान् यच्च यापयेत्| चिकित्सायास्तमेवातः प्रधानं कारणं विदुः||२१||
🔊 Audio coming soon
চিকিত্সাযাশ্চ যদ্যপি কারণং চতুষ্টযমুক্তং তথাপি বৈদ্য এব প্রধানং কারণম্| কুতঃ? আহ- যদ্বৈদ্য ইতি| যদ্যস্মাদ্বৈদ্যে বিগুণে যথোক্তগুণরহিতে, শেষাস্ত্রযঃ পাদাঃ গুণবন্তো যথোক্তগুণা অপ্যনর্থকাঃ| অযমপরো হেতুঃ- যচ্চ যস্মাত্ চ বৈদ্যো গুণবান্ পাদহীনানপ্যার্তান্ যাপযেত্ মরণাদ্রক্ষতি| অতোঽপি তমেব প্রধানম্ কারণং বিদুর্বিদ্বাংসঃ||২১||
Adhikarana vyAdhiprakArAH (22) · Śloka 22
সাধ্যোঽসাধ্য ইতি ব্যাধির্দ্বিধা তৌ তু পুনস্ত্রিধা| সুসাধ্যঃ কৃচ্ছ্রসাধ্যশ্চ ব্যাপ্যো যশ্চানুপক্রমঃ||২২||
साध्योऽसाध्य इति व्याधिर्द्विधा तौ तु पुनस्त्रिधा| सुसाध्यः कृच्छ्रसाध्यश्च व्याप्यो यश्चानुपक्रमः||२२||
🔊 Audio coming soon
চিকিত্সা প্রকৃতা| সা চ ব্যাধের্নাশনম্| অত উচ্যতে, দ্বিবিধো ব্যাধিঃ সাধ্যোঽসাধ্যশ্চ| সাধ্যো দ্বিবিধঃ সুখসাধ্যঃ কৃচ্ছ্রসাধ্যশ্চ| অসাধ্যোঽপি দ্বিবিধঃ যাপ্যঃ অনুপক্রমশ্চেতি|| ২২||
Adhikarana suKasAdhyavyAdhilakShaNam (23) · Śloka 23
সর্বৌষধক্ষমে দেহে যূনঃ পুংসো জিতাত্মনঃ| অমর্মগোঽল্পহেত্বগ্ররূপরূপোঽনুপদ্রবঃ| অতুল্যদূষ্যদেশর্তুপ্রকৃতিঃ পাদস্ম্পদি| গ্রহেষ্বনুগুণেষ্বেকদোষমার্গো নবঃ সুখঃ| সুখসাধ্যঃ সুখোপাযঃ কালেনাল্পেন সাধ্যতে||২৩||
सर्वौषधक्षमे देहे यूनः पुंसो जितात्मनः| अमर्मगोऽल्पहेत्वग्ररूपरूपोऽनुपद्रवः| अतुल्यदूष्यदेशर्तुप्रकृतिः पादस्म्पदि| ग्रहेष्वनुगुणेष्वेकदोषमार्गो नवः सुखः| सुखसाध्यः सुखोपायः कालेनाल्पेन साध्यते||२३||
🔊 Audio coming soon
সুখসাধ্যাদিকস্য ব্যাধিচতুষ্টযস্য লক্ষণমুচ্যতে| সর্বৌষধক্ষমে দেহে উত্পন্নো ব্যাধিঃ সুখঃ সুখসাধ্যঃ| যূনঃ তরুণস্য| পুংসঃ পুরুষস্য| জিতাত্মনো জিতেন্দ্রিযস্য গেযশব্দাদীনামলোলুপস্য দেহ উত্পন্নঃ| অন্যচ্চ কিম্ভূতঃ? অমর্মগঃ হৃত্ কণ্ঠাদিপীডাকরণে অসমর্থঃ| স্বল্পনিদানঃ স্বল্পপূর্বরূপঃ স্বল্পলক্ষণশ্চ সুসাধ্যঃ| তথোপদ্রবরহিতঃ উত্পন্নে ব্যাধাবুত্পন্নং দুঃখানুবন্ধিব্যাধ্যন্তরমুপদ্রবশব্দেনোচ্যতে| তথা অতুল্যদূষ্যঃ যস্মিন্ ব্যাধৌ বিসদৃশেন দোষেণ দূষিতো দূষ্যঃ| যথা শ্লেষ্মণা শীতেন রক্তমুষ্ণং দূষিতম্| তথা অতুল্যদেশো ব্যাধিঃ, যথা আনূপদেশে পিত্তসম্ভূতঃ| অতুল্যর্তুর্যথা শরদি কফোদ্ভবঃ| অতুল্যপ্রকৃতির্যথা পিত্তপ্রকৃতেঃ শ্লেষ্মসম্ভবঃ| পাদসম্পদ্যঙ্গচতুষ্টযপরিপূর্ণত্বে সতি ব্যাধিঃ সুখসাধ্যঃ| তথা গ্রহেষু অনুগুণেষু অনুকূলরাশিস্থিতেষু| তথৈকেন বাতাদীনামন্যতমেন দোষেণ যো জাতঃ তথা একমার্গঃ অন্তর্মার্গ এব বা বহির্মার্গ এব বা| এতচ্চ পরস্তাদ্বক্ষ্যামঃ| তথা নবঃ| ইতি সুখসাধ্যস্য লক্ষণমুক্তম্| তস্যৈব সুখসাধ্যস্য অন্বর্থতাঽপ্যুচ্যতে| সুখসাধ্যো যঃ সুখোপাযঃ স্বল্পোপায ইত্যল্পেন চ কালেন সিদ্ধ্যতি|| ২৩||
Adhikarana kRucCrasAdhyalakShaNam (24) · Śloka 24
কৃচ্ছ্রৈরুপাযৈঃ কৃচ্ছ্রস্তু মহদ্ভিশ্চ চিরেণ বা| অসাধ্যলিঙ্গসঙ্কীর্ণস্তথা শস্ত্রাদিসাধনঃ||২৪||
कृच्छ्रैरुपायैः कृच्छ्रस्तु महद्भिश्च चिरेण वा| असाध्यलिङ्गसङ्कीर्णस्तथा शस्त्रादिसाधनः||२४||
🔊 Audio coming soon
কৃচ্ছ্রসাধ্যস্তু কৃচ্ছ্রৈঃ সুদুষ্করৈরুপাযৈর্মহদ্ভিঃ প্রভূতৈশ্চিরেণ চ সিদ্ধ্যতি| অসাধ্যলিঙ্গানি যথাস্বং বক্ষ্যমাণানি| তৈঃ সঙ্কীর্ণো মিশ্রিতঃ| তথা শস্ত্রাদিকং সাধনমুপাযো যস্য| আদিগ্রহণেনাগ্নিক্ষারাদীনাং গ্রহণমিতি কৃচ্ছ্রসাধ্যলক্ষণানি|| ২৪||
Adhikarana yApyavyAdhilakShaNam (25) · Śloka 25
শেষত্বাদাযুষঃ পথ্যৈর্যাপ্যঃ প্রাযো বিপর্যযে| দত্ত্বাঽল্পং সুখমল্পেন হেতুনা স প্রতন্যতে| যাতি নাশেষতাং রোগঃ কর্মজো নিযতাযুষঃ| প্রপতন্নিব বিষ্কম্ভৈর্ধার্যতেঽত্রাতুরো হিতৈঃ||২৫||
शेषत्वादायुषः पथ्यैर्याप्यः प्रायो विपर्यये| दत्त्वाऽल्पं सुखमल्पेन हेतुना स प्रतन्यते| याति नाशेषतां रोगः कर्मजो नियतायुषः| प्रपतन्निव विष्कम्भैर्धार्यतेऽत्रातुरो हितैः||२५||
🔊 Audio coming soon
যাপ্য উচ্যতে- শেষত্বাদিত্যাদি| বাহুল্যেন বিপর্যযে সাধ্যলক্ষণবিপরীতত্বে সত্যাযুষো জীবিতস্য শেষত্বাদক্ষীণত্বান্মারযিতুমসমর্থঃ| পথ্যৈরাহারবিহারৈর্যাপ্যঃ| স চ ব্যাধিঃ চিকিত্সিতেনাল্পং সুখং দত্ত্বা পুনঃ সোঽল্পেনৈব হেতুনা প্রতন্যতে বিস্তীর্যতে| যতশ্চ দুষ্কৃতকর্মজো রোগো নিযতাযুষ উত্পন্নো ন চ নশ্যতি নাপি মারযতি| অত্র চ যাপ্যে ব্যাধৌ আতুরো হিতৈরাহারবিহারাদিকৈর্ধার্যতে, যথা- প্রপতন্ পিপতিষুঃ কুড্যাদির্বিষ্কম্ভৈঃ স্তম্ভৈর্ধার্যতে| ইতি যাপ্যলক্ষণানি|| ২৫||
Adhikarana asAdhyavyAdhilakShaNam (26) · Śloka 26
পরোঽসাধ্যঃ ক্রিযাঃ সর্বাঃ প্রত্যাখ্যেযোঽতিবর্ত্ততে| তস্মাদুপেক্ষ্য এবাসৌ স্থিতোঽত্যন্তবিপর্যযে| ভ্রমমোহারতিকরো দৃষ্টিরিষ্টোঽক্ষনাশনঃ||২৬||
परोऽसाध्यः क्रियाः सर्वाः प्रत्याख्येयोऽतिवर्त्तते| तस्मादुपेक्ष्य एवासौ स्थितोऽत्यन्तविपर्यये| भ्रममोहारतिकरो दृष्टिरिष्टोऽक्षनाशनः||२६||
🔊 Audio coming soon
অনুপক্রমণলক্ষণান্যুচ্যন্তে| পরশ্চৈষাং শেষ অসাধ্যঃ প্রত্যাখ্যেযঃ সন্ সর্বাঃ ক্রিযাঃ চিকিত্সাঃ অতিবর্ত্ততে কুণ্ঠযতি| তস্মাত্সুখসাধ্যলক্ষণেভ্যোঽত্যন্তবিপরীতত্বে স্থিত উপেক্ষণীয এব| তথা ভ্রমাদিকরঃ ভ্রম ইব ভ্রমঃ চিত্তস্য বহুস্বরূপমবস্থানম্| মোহো বৈ চৈতন্যম্| অরতিঃ কুত্রচিদনবস্থিতিঃ| তথাঽক্ষনাশনো দর্শনাদীন্দ্রিযনাশন| ইত্যনুক্রমলক্ষণানি|
Adhikarana vyAdhIn vimRushya cikitsAmAraBeta (27) · Śloka 27
ব্যাধীন্ পুরা পরীক্ষৈবমারভেত ততঃ ক্রিযাম্| স্বার্থবিদ্যাযশোহানিমন্যথা ধ্রুবমাপ্নুযাত্||২৭||
व्याधीन् पुरा परीक्षैवमारभेत ततः क्रियाम्| स्वार्थविद्यायशोहानिमन्यथा ध्रुवमाप्नुयात्||२७||
🔊 Audio coming soon
ইত্যেবমনন্তরোক্তপ্রকারেণ ব্যাধীন্ পুরাঽঽতুরসংযোগ এব সমীক্ষ্য ততঃ ক্রিযাং চিকিত্সামারভেত| অন্যথৈতদকুর্বন্ ধ্রুবমবশ্যং স্বার্থাদিহানিমবাপ্নুযাদশ্নুবীত|| ২৭||
Adhikarana sAdhyasyA~apyasAdhyatAprAptiH (28) · Śloka 28
সাধ্যযোরপি সংযোগো বলিনোর্যাত্যসাধ্যতাম্| বিদ্যাদসাধ্যমেবাতঃ সাধ্যাসাধ্যসমাগমম্| নাসাধ্যস্সাধ্যতাং যাতি সাধ্যো যাতি ত্বসাধ্যতাম্||২৮||
साध्ययोरपि संयोगो बलिनोर्यात्यसाध्यताम्| विद्यादसाध्यमेवातः साध्यासाध्यसमागमम्| नासाध्यस्साध्यतां याति साध्यो याति त्वसाध्यताम्||२८||
🔊 Audio coming soon
বেদ্যস্য পরীক্ষণীযপ্রসঙ্গঃ ইদমপ্যাহ- সাধ্যযোরিত্যাদি| বলিনোর্বলযুক্তযোঃ সাধ্যলক্ষণযুক্তযোঃ সংযোগোঽপ্যসাধ্যতাং যাতি| অত এব সংযোগাদ্ধেতোঃ সাধ্যাসাধ্যসমাগমমপ্যসাধ্যং বিদ্যাত্| তথা যোঽসাধ্যো ব্যাধিঃ স ন কদাচিদপি সাধ্যতামেতি| সাধ্যঃ পুনরসাধ্যতামেতি|| ২৮||
Adhikarana vyAdhInAmavasthAntaragamane hetuH (29) · Śloka 29
পাদাপচারাদ্দৈবাচ্চ যান্তবস্থান্তরং গদাঃ||২৯||
पादापचाराद्दैवाच्च यान्तवस्थान्तरं गदाः||२९||
🔊 Audio coming soon
কথমিত্যাহ- পাদাপচারাদিত্যাদি| পাদাপচারো যথোক্তানামঙ্গানামপরিপূর্ণত্বম্| অথবা সর্ব এব ব্যাধযঃ পাদনিরপেক্ষা এব দৈবাদ্ধেতোরবস্থান্তরং স্বরূপাদ্বিলক্ষণতাং যান্তি| দৈবমন্যজন্মকৃতং কর্ম|| ২৯||
Adhikarana vaidyavRuttam (30) · Śloka 30
বরমাশীবিষবিষং দীপ্তমগ্নিমযোঽপি বা| উপযুঞ্জীত ন ত্বর্ত্তাদামিষং কৃপণাজ্জনাত্||৩০||
वरमाशीविषविषं दीप्तमग्निमयोऽपि वा| उपयुञ्जीत न त्वर्त्तादामिषं कृपणाज्जनात्||३०||
🔊 Audio coming soon
বৈদ্যস্যানুষ্ঠেযপ্রসঙ্গ ইদমপ্যাহ- বরমিত্যাদি| বরমাশীবিষাণাং দংষ্ট্রিণাং বিষমুপযুক্তম্| দীপ্তো বাঽগ্নিরুপযুক্তঃ| দীপ্তামযোঽপি বা উপযুক্তং শরীরেণ সংযোগং নীতম্| ন তু কৃপণাজ্জনাদামিষমর্থাদিকমুপযুক্তম্| অথবা আশীবিষাশ্চ বরম্| বিষশ্চ বরম্|| ৩০||
Adhikarana antya (2) · Śloka 2
বরো ভূতদযা ধর্ম ইত্যার্ত্তেষু ভিষগ্বরঃ| বর্ত্ততে যস্তু সিদ্ধার্থঃ স সর্বমতিবর্ত্ততে||৩১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং সূত্রস্থানে শিষ্যোপনযনীযো নাম দ্বিতীযোঽধ্যাযঃ||২||
वरो भूतदया धर्म इत्यार्त्तेषु भिषग्वरः| वर्त्तते यस्तु सिद्धार्थः स सर्वमतिवर्त्तते||३१|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां सूत्रस्थाने शिष्योपनयनीयो नाम द्वितीयोऽध्यायः||२||
🔊 Audio coming soon
ইতি যো ভিষগ্বৈদ্যঃ ভূতদযা বরঃ শ্রেষ্ঠো ধর্মঃ ইতি বিদিত্বাঽর্ত্তেষু রোগিষু বর্ত্ততে, স সিদ্ধার্থঃ অর্থসিদ্ধ্যা যুক্তঃ সর্বং সদাচারং জনমতিবর্ত্ততে তেষামুপরি ভবতীত্যর্থঃ|| ৩১|| ইতি শ্রীমন্মহামহোপাধ্যাযেন্দুবিরচিতাযা-মষ্টাঙ্গসংগ্রহব্যাখ্যাযাং শশিলেখাযাং সূত্রস্থানে দ্বিতীযোঽধ্যাযঃ||২||