34. yantraśastravidhiḥ

Adhikarana atha yantrashastravidhirnAma catustriMsho~adhyAyaH pratij~jA (1) · Śloka 1

অথাতো যন্ত্রশস্ত্রবিধিং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

অত্র হি নিজাগন্তুভেদেন দ্বিবিধস্য রোগস্য চিকিত্সা প্রস্তুতা | উভযত্রাপি চ যন্ত্রশস্ত্রোপযোগাত্তন্নির্ণযাযাধ্যাযারম্ভস্তত্রাপি যন্ত্রেণ দৃষ্টং গৃহীতং বা পশ্চাচ্ছাস্ত্রেণ যুজ্যত ইতি প্রথমং যন্ত্রাণি নির্ণীযন্তে-অথাত ইত্যাদি | শল্যোপাযত্বাদ্যন্ত্রাণামিদমুচ্যতে || ১ ||

Adhikarana ynatraprayojanaM yantrANAmasa~gKyeyatva~jca (2) · Śloka 2

মনঃশরীরবাধকরাণি শল্যানি| তেষাং নানাবিধানাং শল্যানাং নানাপ্রদেশনিবিষ্টানামাহরণেঽভ্যুপাযো যন্ত্রাণ্যর্শোভগন্দরাদিষু| শস্ত্রক্ষারাগ্ন্যবচারণে শেষাঙ্গরক্ষণে চ| তথা বস্তিপ্রণযনাদৌ শৃঙ্গালাবুঘটিকাদযো জাম্ববৌষ্ঠাদীনি| অন্যান্যপি চানেকরূপাণ্যনেককর্মাণি স্বস্থাতুরোপকরণানি| অতঃ কর্মবশত্তেষামিযত্তাবধারণমশ্ক্যম্||২||

মন ইত্যাদি | শল্যানি মনসঃ শরীরস্য চাবাধং কুর্বন্তি | তত্র শল্যানামাকর্ষণোপাযো নানাবিধাকৃতিপ্রদেশানাং যন্ত্রাণি | নিজানামপ্যর্শোভগন্দরাদীনাং শস্ত্রাদিযোজনে শেষাঙ্গরক্ষণে চ পরমভ্যুপাযো যন্ত্রাণীতি সম্বন্ধঃ | তথা শৃঙ্গাদীনি চ | তেষাং তু যন্ত্রাণাং নানাকারত্বান্নানাপ্রমাণাত্বান্নানাকর্মত্বাচ্চ সঙ্খ্যালক্ষণাদীনামিযত্তযাঽবধারণং কর্তু ন পার্যতে | নানাবিধা হি বাহ্যাধ্যাত্মিকানাং ভাবানাং সন্নিবেশবিশেষাঃ | ন হ্যেকোঽন্যেন কথঞ্চিদপি সাদৃষ্যং যাতীত্যতো বহুত্বম্ || ২ ||

Adhikarana yantrasa~gKyAviShaye matAntaraM svamata~jca (3) · Śloka 3

অন্যে পুনরেকোত্তরং যন্ত্রশতমিত্যাচক্ষতে| ইহ পুনঃ সমা সতঃ ষোঢা নির্দিশ্যন্তে| তদ্যথা স্বস্তিকসন্দংশতালনাডীশলাকাখ্যান্যনুযন্ত্রাণি চ||৩||

অন্যে পুনরাচার্যাঃ একোত্তরং যন্ত্রশতমাচক্ষতে | ইহ পুনঃ সংগ্রহে সমাসতঃ সংক্ষেপতঃ স্বস্তিকাদিভিঃ ষড্ভিঃ প্রকারৈর্যন্ত্রাণ্যুচ্যন্তে | তেন সর্বাণি যন্ত্রণীমং স্বস্তিকাদিষট্কং নাতিবর্তন্ত ইত্যর্থঃ || ৩ ||

Adhikarana svastikayantravarNanamupayogasthala~jca (4) · Śloka 4

তত্র স্বস্তিকযন্ত্রাণি কঙ্কসিংহগৃধ্রকুররাদিবিবিধব্যালমুখান্যাকারানুগতাভিধানানি| প্রাযশৌ লৌহান্যষ্টাদশাঙ্গুলানি| মসূরাকারপ্রান্তৈঃ কণ্ঠে কীলরৈববদ্ধানি মূলেঽঙ্কুশবদাবৃত্তবারঙ্গাণ্যস্থিবিনষ্টশল্যোদ্ধরণার্থানি| তেষাং সিংহব্যাঘ্রভুজঙ্গমকরাদিমুখানি দৃশ্যবারঙ্গেষু শল্যেষু প্রযোজযেত্| ইতরেষু তু যথাযোগং ব্রণাকারানুরোধেন কঙ্ককাককুররাদিমুখানি||৪||

স্বস্তিকমিব স্বস্তিকং দক্ষিণস্য বাহোর্বামে গমনং বামস্য দক্ষিণ ইতি স্বস্তিকতা | তানি চ সিংহাদিমুখসাদৃশ্যেন বহুবিধান্যষ্টাদশাঙ্গুলান্যাযামেন কণ্ঠে যন্ত্রগ্রন্থৌ কীলেন বদ্ধঃ | বারঙ্গং গ্রহণস্থানম্ | ইতরেষু ইত্যদৃশ্যবারঙ্গেষু এষাং শরীরে মগ্নত্বাদ্বারঙ্গং ন দৃশ্যতে || ৪ ||

Adhikarana sandaMshayantravarnanantadadhikArashca (5) · Śloka 5

সনিবন্ধনো নির্নিবন্ধনশ্চ ষোডশাঙ্গুলৌ সন্দংশৌ দ্বৌ ভবতঃ| তৌ ত্বঙ্মাংসসিরাস্নাযুগতশল্যোদ্ধরণার্থমুপদিশ্যেতে| তথান্যঃ সন্দংশঃ ষডঙ্গুলোঽর্ধাঙ্গুলবিস্তৃতো বক্রদ্বিবাহুরঙ্গুষ্ঠাঙ্গুলিপ্রান্তসমাগমাকৃতিঃ সূক্ষ্মশল্যাক্ষিপক্ষ্মব্রণাধিমাংসাহরণে||৫||

সনিবন্ধনঃ কীলবদ্ধঃ | অনিবন্ধনঃ অস্পষ্টবাহুরঙ্গুলীভ্যামিব পুরুষঃ প্রযত্নেন গৃহ্ণাতি | অর্ধাঙ্গুলবিস্তৃতো বাহ্বোঃ স্পষ্টবাহ্বোঃ সঙ্গমেঽঙ্গুষ্ঠাঙ্গুলিসমাগমাকৃতিঃ || ৫ ||

Adhikarana mucuTIvarNanamadhikArashca (6) · Śloka 6

তদ্বচ্চ মুচুটী| সা তু ঋজুশ্লক্ষ্ণা সূক্ষ্মদন্তর্জুর্দ্বিভুজা মূলে রুচকনদ্ধা বলযপীডনাচ্ছিন্নার্মশেষগম্ভীরব্রণাধিমাংসাহরণে||৬||

তদ্বচ্চ মুচুটী | তস্য মুচুট্যা দন্তা অন্তর্বাহ্বগ্রে ভবন্তি | তস্যাং রুচকং বলযো যথা যথা মূলাদগ্রং গচ্ছতি তথা তথা তদ্ বাহূ সংযোজযতি || ৬ ||

Adhikarana tAlayantravarNanantadadhikArashca (7) · Śloka 7

তালযন্ত্রে অপি দ্বে দ্বাদশাঙ্গুলে মত্স্যগলতালকবদেকতালকদ্বিতালকে কর্ণনাডীশল্যাহরণার্থে||৭||

তালযন্ত্রে দ্বে | তযোরেক একপার্শ্বতালকঃ, অন্য উভযপার্শ্বতালকঃ || ৭ ||

Adhikarana nADIyantrANi tadadhikArashca (8) · Śloka 8

নাডীযন্ত্রাণি সুষিরাণ্যনেকপ্রকারাণ্যনেকপ্রযোজনান্যনেকতোমুখান্যেকতোমুখানি চ ভবন্তি| স্রোতোগতশল্যদর্শনার্থমাহরণার্থং ক্রিযাসৌকর্যার্থমাচূষণার্থঞ্চেতি| তানি স্রোতোদ্বারপরিণাহানি যথাযোগপ্রদীর্ঘাণি চ কুর্যাত্||৮||

নাডীযন্ত্রাণ্যুচ্যন্তে-নাডীযন্ত্রাণীতি | সুষিরাণ্যন্তঃ সাবকাশানি বেণুনালাদিবত্ | সুবোধম্ | কানিচিদনেকতোমুখানি কানিচিদেকতোমুখানি | তানীতি নাডীযন্ত্রাণি | পরিণাহো বর্তুলত্বম্ || ৮ ||

Adhikarana katicidvishiShTanADIyantrANi (9) · Śloka 9

কণ্ঠশল্যদর্শনার্থং নাডীং দশঙ্গুলাযতাং পঞ্চাঙ্গুলপরিণাহাং দ্বিকর্ণস্য তু বারঙ্গস্য সংগ্রহার্থং ত্রিচ্ছিদ্রমুখাং নাডীং তত্প্রমণতঃ কুর্যাত্| তথা চতুষ্কর্ণস্য পঞ্চচ্ছিদ্রমুখাম্| শল্যনির্ঘাতিনীং তু পদ্মকর্ণিকাকারশীর্ষাং দ্বাদশাঙ্গুলাং ত্র্যঙ্গুলসুষিরাম্||৯||

কণ্ঠস্যান্তর্গতশল্যাবলোকনার্থং দশাঙ্গুলাদিগুণাং নাডীং কুর্যাত্ | পঞ্চমুখাযাস্ত্রিমুখাযাশ্চ নাড্যা মুখানাং মূলমেকং বিশতি | তত্র মধ্যমং মুখং বারঙ্গগ্রহণে শেষাণি তত্কর্ণানাম্ | নির্ঘাতিন্যা সুষিরে ভাগে নির্ঘাত্য শল্যং প্রবিষ্টং মুখেন নির্গচ্ছতি || ৯ ||

Adhikarana arshoyantrantadadhikArashca (10) · Śloka 10

অর্শোযন্ত্রং ত্রিবিধম্| তাম্রাযোহৈমং দান্তং শার্ঙ্গং বার্ক্ষং বা গোস্তনাকারং চতুরঙ্গুলাযতং হস্ততলাযতমেকং পঞ্চাঙ্গুলানি পরিণাহেন পুংসাং ষডঙ্গুলানি স্ত্রীণাম্| দ্বিচ্ছিদ্রং দর্শনার্থমেকচ্ছিদ্রং কর্মণি| তথা হি সুখেন দর্শনং শস্ত্রক্ষারাগ্ন্যনতিক্রমশ্চ| ছিদ্রং তু ত্র্যঙ্গুলাযতমঙ্গুষ্ঠোদরবিস্তারম্| যদঙ্গুলমবশিষ্টং তস্যাধোঽর্ধাঙ্গুলমুপরি তথার্ধাঙ্গুলোচ্ছ্রিতোদ্দৃত্তকর্ণিকম্| তৃতীযং তু তাদৃষমেব শম্যাখ্যং পার্শ্বচ্ছিদ্ররহিতং পীডনার্থম্| ভগন্দরে তু ছিদ্রাদূর্ধ্বমোষ্ঠমপনীয কুর্বীত| তদ্বচ্চ ঘ্রাণার্শোঽর্বুদযন্ত্রং নাড্যাকারং দ্ব্যঙ্গুলাযতমেকচ্ছিদ্রং প্রদেশিনীপরীণাহম্||১০||

অত্শোযন্ত্রং ত্রিপ্রকারমেকমেকপার্শ্বচ্ছিদ্রং দ্বিতীযমুভযপার্শ্বচ্ছিদ্রং তৃতীযং ছিদ্ররহিতমিতি | সর্বং পরিণাহে পঞ্চাঙ্গুলমাযামে চতুরঙ্গুলং ছিদ্রস্যোপর্যধশ্চ শিষ্টেঽর্ধে ঊর্ধ্বে অর্ধাঙ্গুলে কর্ণিকাদ্বযযুক্তং ভগন্দরে অর্শোযন্ত্রস্যোষ্ঠরহিতত্বম্ || ১০ ||

Adhikarana a~ggulitrANakamupayogashca (11) · Śloka 11

তথাঙ্গুলীত্রাণকমঙ্গুলীপ্রবেশিতং কিঞ্চিত্স্থূলবৃত্তৌষ্ঠমূর্ধ্বাধশ্ছিদ্রং গোস্তনাকৃতি চতুরঙ্গুলন্দান্তং শার্ঙ্গং বার্ক্ষং বা| তদৃঢেন সূত্রেণ মণিবন্ধপ্রতিবদ্ধমাস্যবিস্রাবণে যোজ্যম্|১১|

অঙ্গুলীত্রাণকমঙ্গুল্যাং প্রবিষ্টমঙ্গুলীমুখং নাবৃণোতীত্যুভযচ্ছিদ্রম্ || ১১ ||

Adhikarana yonivraNadarshanayantram (11) · Śloka 11

যোনিব্রণদর্শনে যন্ত্রং ষোডশাঙ্গুলম্| মধ্যে সুষিরং চতুর্ভিত্তং চতুশ্শলাকং সঞ্চারিণ্যা মুদ্রযোর্ধ্বং নিবদ্ধমুত্পলমুকুলবক্ত্রং মূলে শলাকাক্রমণাদুর্ধ্ববিকাসি চ||১১||

Adhikarana nADIvraNaprakShAlanABya~jjanayantre (12) · Śloka 12

নাডীব্রণপ্রক্ষালনাভ্যঞ্জনযন্ত্রে ষডঙ্গুলে বস্তিযন্ত্রাকারে মুখতোঽকর্ণিকে মূলমুখযোরঙ্গুষ্ঠকলাযপ্রবেশস্ত্রোতসী|১২|

Adhikarana dakodare nADIyantravisheShaH (12) · Śloka 12

দকোদরে নাডীমুভযতোদ্বারাং পিচ্ছনাডীম্ ব যুঞ্জ্যাত্|১২|

Adhikarana snehabastyAdiShu yathAsvaM yantroprayogaH (12) · Śloka 12

স্নেহবস্ত্যুত্তরবস্তিপ্রধমনধূমমূত্রবৃদ্ধিনিরুদ্ধমণিপ্রভৃতিষু যথাস্বমেব যন্ত্রাণ্যুক্তানি||১২||

চতুর্ভিত্তং চতুশ্শকলং শকলানাং মূলে মুদ্রা তস্যাঃ কোণেষু চতস্রশ্শলাকাঃ মূলে চান্তর্বক্রাঃ কারযেত্ | যথা মুকুলোত্পলমুখং যন্ত্রং ভবতি | পিচ্ছং পক্ষিণাং পশ্চিমা পক্ষসংহতিঃ | নিরুদ্ধমণির্গুহ্যরোগেশু বক্ষ্যতে || ১২ ||

Adhikarana shRu~ggayantramupayogas (13) · Śloka 13

শৃঙ্গন্তু হ্রস্বমধ্যদীর্ঘমষ্টাদশদ্বাদশাঙ্গুলাযতং ত্র্যঙ্গুলপ্রবেশমুকমগ্রে সর্ষপোপমচ্ছিদ্রং তনুচর্মনদ্ধং চূচুকাকারং মুখঞ্চ| তদ্বাতবিষরক্তাম্বুদুষ্টস্তন্যচূষণার্থ|১৩|

Adhikarana alAbuyantramupayogashca (13) · Śloka 13

শ্লেষ্মরক্তাচূষণার্থস্ত্বলাবুঃ| স দ্বাদশাঙ্গুলদীর্ঘোঽষ্টাদশাঙ্গুলপরিণাহস্ত্রিচতুরঙ্গুলবৃত্তসমুচ্ছ্রিতমুখঃ পরিবেষ্টিতদীপ্তকুশবল্বজপিচুগর্ভশ্চ প্রযোজ্যঃ|১৩|

Adhikarana ghaTIyantramupayogashca (13) · Śloka 13

তদ্বদেব চ মানকর্মাভ্যাং ঘটী| সা তু গুল্মোন্নমনবিলযনার্থং চ||১৩||

চর্মনদ্ধং চূচুকাকারং চাগ্রে | চূচুকং স্তনাগ্রং স্ত্রিযাঃ | প্রদীপ্তানি কুশাদীনি গর্ভে যস্য তত্তথোক্তম্ || ১৩ ||

Adhikarana shalAkAyantrANyeShaNAdiShu (14) · Śloka 14

শলাকাযন্ত্রাণ্যপি নানাকৃতীনি নানার্থানি যথাযোগং দৈর্ঘ্যপরিণাহানি চ ভবন্তি| তেষামেষণকর্মণী দ্বে গণ্ডূপদমুখে| স্রোতোগতশল্যাহরণার্থেঽষ্টাঙ্গুলনবাঙ্গুলে দ্বে মসূরদলমুখে| ষট্ শঙ্কবঃ| তেষাং ব্যহনক্রিযৌ দ্বাদশশোডশাঙ্গুলৌ দ্বাবহিফণামুখৌ| তথা চালনার্থে দশদ্বাদশাঙ্গুলৌ শরপুঙ্খমুখৌ| আহরণার্থে বডিশমুখৌ| তথা গর্ভশঙ্কঃ শঙ্কুতুল্যোঽষ্টাদশাঙ্গুলঃ প্রণতাগ্রো মূঢগর্ভাহরণে| তথা সর্পফণাবদেবাগ্রাবক্রং তদাখ্যমশ্মর্যাহরণার্থম্| তথা দন্তনির্ঘাতনং চতুরঙ্গুলং শরপুঙ্খমুখং স্থূলবৃত্তপ্রান্তম্||১৪||

এষণং মার্গপর্যেষণং কর্ম যযোঃ শলাকাযন্ত্রযোস্তে তথোক্তে | ব্যূহনং বিপরীতস্থানাং মাংসাদীনাং সম্যগ্রচনম্ | চালনায শরপুঙ্খমুখৌ আহরণায বডিশমুখৌ || ১৪ ||

Adhikarana kArpAsoShNIShashalAkAdi pramArjanAdiShu (15) · Śloka 15

ষট্ কার্পাসকৃতোষ্ণীষাণি বিবিধব্রণক্লেদক্ষারপ্রমার্জনক্রিযাসু| তেষামপি দূরাসন্নঘ্রাণব্রণোপযোগীনি ষট্ সপ্তাঙ্গুলে দ্বে| পাযৌ দশদ্বাদশাঙ্গুলে কর্ণশোধনং স্রুবমুখমশ্বত্থপত্রাগ্রম্| তথা ক্ষারাগ্নিকর্মার্থে জাম্ববোষ্ঠানি দ্বাদশাষ্টাঙ্গুলানি ক্রমাদ্ব্যঙ্গুলাঙ্গুলার্দ্ধাঙ্গুলফলানি||১৫||

দূরে ঘ্রাণব্রণে সপ্তাঙ্গুলঃ | আসন্নে ঘ্রাণব্রণে ষডঙ্গুলঃ ||১৫||

Adhikarana sthUlashalAkAdi AntravRuddhyAdiShu (16) · Śloka 16

শালাকাশ্চ স্থূলসূক্ষ্মদীর্ঘহ্র্স্বমধ্যাঃ| আন্ত্রবৃদ্ধৌ ত্বর্ধেন্দুবক্রা মধ্যোর্ধ্বনির্গতশলাকাঃ দহনে নাসার্শোঽর্বুদযোঃ কোলাস্থিদলমাত্রমুখা বেল্লিতৌষ্ঠা| ক্ষারবিষৌষধপ্রাণিধানায চ দর্ব্যস্তিস্রোঽষ্টাঙ্গুলা দর্ব্যাকারাঃ কনিষ্ঠিকানামিকামধ্যমাঙ্গুলিনখপরিমাণনিম্নমুখাস্তথাঞ্জলিসংস্থানাঃ| উত্তরবস্ত্যঞ্জনাদিষু যথাযথমেবোপদিষ্টানি||১৬||

ইন্দুবক্রাযাং বক্রাদন্যস্মিন্ পার্শ্বে দণ্ডো বিধেযঃ | বেল্লন্তৌ চলাবোষ্ঠৌ যস্যাঃ সা তথোক্ত || ১৬ ||

Adhikarana anuyantrANi (17) · Śloka 17

অনুযন্ত্রাণ্যযস্কান্তরজ্জুচর্মান্ত্রবস্ত্রাশ্মমুদ্গরপাণিপাদতলাঙ্গুলিজিহ্বাদন্তমুকশাকা-নখবালাশ্বকালপাকহর্ষভযানি| এতানি দেহে সর্বস্মিন্ দেহস্যাবযবেঽপি বা| সন্ধৌ কোষ্ঠধমন্যাং চ যথাযোগং প্রযোজযেত্||১৭||

অযস্কান্তাদীন্যনুযন্ত্রাণি যথাযোগং দেহে যোজযেদিতি সম্বন্ধঃ ||১৭||

Adhikarana yantrakarmANi (18) · Śloka 18

যন্ত্রকর্মাণি তু নির্ঘাতনপূরণবন্ধনব্যহনপরিবর্ত্তনচালনবিবরণপীডনমার্গশোধনবিকর্ষণাহরণব্যথনোন্নমনবিনমনভঞ্জনোন্মথনাচূষণৈষণদারণর্জুকরণপ্রক্ষালনপ্রধমনাঞ্জনপ্রমার্জনানি বাহুল্যেন চতুর্বিংশতির্ভবন্তি||১৮||

যন্ত্রাণাং যথাসম্ভবং নির্ঘাতনাদীনি কর্মাণি বিদধ্যাত্ | অন্যমুখস্য স্বমূলসম্মুখীকরণং পরিবর্ত্তনম্ | বিবরণং প্রকাশনম্ | বিকর্ষণমন্যমার্গনযনম্ || ১৮ ||

Adhikarana ka~gkamuKayantrasya shreShThatA (19) · Śloka 19

নিবর্ত্ততে সাধ্ববগাহতে চ গ্রাহ্যং গৃহীত্বোদ্ধরতে চ যস্মাত্| যন্ত্রেষ্বতঃ কঙ্কমুখং প্রধানং স্থানেষু সর্বেষ্বধিকারি যচ্চ||১৯||

সর্বযন্ত্রেষু মধ্যে কঙ্কমুখং প্রধানং কুত ইত্যাহ-বিবর্ত্তত ইত্যাদি | অবগাহতে সাধু প্রবিশতি | গ্রাহ্যং শল্যং গৃহ্ণাতি | যদ্যস্মাত্ সর্বেষ্বপি স্থানেষু বিকারং ন দর্শযত্যতঃ কঙ্কমুখং প্রধানম্ || ১৯ ||

Adhikarana shastrANi ShaDviMshatiH (20) · Śloka 20

শস্ত্রাণি তু ষড্বিংশতির্ভবন্তি| তদ্যথা দন্তলেখনমণ্ডলাগ্রবৃদ্ধিপত্রোত্পলপত্রাধ্যর্ধধারমুদ্রিকাকর্ত্তরীসর্পবক্ত্রকরপত্রকুশাপত্রাটীমুখান্তর্মুখশরারীমুখত্রিকূর্চকুঠারিকাব্রীহিমুখশলাকাবেতসপত্রারাকর্ণব্যধনসূচীসূচীকূর্চখর্জষিণীবডিশনখশস্ত্রাণি চেতি| প্রাযশ্চ তানি ষডঙ্গুলানি সুধ্মতাবর্তিতাযোঘটিতান্যুত্পলপত্রনীলানি সুগ্রহাণি সুরূপাণি সুধারাণি সুসমাহিতমুখাগ্রাণ্যকরালানি প্রত্যেকং চ প্রাযো দ্বিত্রাণি স্বপ্রমাণার্ধচতুর্থভাগফলানি| তানি ব্যাধিদেশবশাত্ প্রযুঞ্জীত| তেষাং নামভিরেবাকৃতযঃ প্রাযেণ যন্ত্রবদ্ব্যাখ্যাতাঃ||২০||

দন্তলেখনানি ষড্বিংশতিঃ শস্ত্রাণি ভবন্তি | আবর্তিতং পিণ্ডীকৃত্য পক্বমযঃ | স্বপ্রমাণাদর্ধচতুর্থফলানি সার্ধত্রিভাগানীত্যর্থঃ | ব্যাধিবশাদ্দেশবশাচ্চ প্রযুঞ্জীত দেহদেশো বাহ্বাদিঃ ||২০||

Adhikarana shastrmaNAmupayogasthAnam (21) · Śloka 21

তত্র ত্র্যমাদ্যং লেখনে| বৃদ্ধিপত্রাদীনি ত্রীণি পাটনে| চত্বারি ভেদনে| মণ্ডলাগ্রাদীন্যষ্টৌ ছেদনে| কুশপত্রাদীনি পঞ্চ প্রচ্ছানে| কুঠারিকাদীনি ষট্ ব্যধনে| তেষামারাব্রীহিমুখে ভেদনে ছেদনে চ| সূচ্যঃ সীবনে| সূচীকূর্চঃ কুট্টনে| খজো মথনে| এষিণ্যেষণে ভেদনে চ| বডিশো গ্রহণে| নখশস্ত্রমুদ্ধরণে| ছেদ্যভেদ্যলেখ্যপ্রচ্ছানেষু চ| ইতি দ্বাদশবিধে শস্ত্রকর্মণ্যুপযোগঃ||২১||

তত্রাদ্যং ত্রযং দন্তলেখনমণ্ডলাগ্রবৃদ্ধিপত্রাণি লেখনে | লেখনং লেখাভির্বিলিখনম্ | বৃদ্ধিপত্রোত্পলপত্রাধ্যর্ধধারাণি পাটনে | বৃদ্ধিপত্রোত্পলপত্রাধ্যর্ধধারামুদ্রিকাখ্যানি চত্বারি ভেদনে | মণ্ডলাগ্রবৃদ্ধিপত্রোত্পলপত্রাধ্যর্ধধারমুদ্রিকাকর্তরীসর্পবক্ত্রকরপত্রাণ্যষ্টৌ ছেদনে | কুশপত্রাটীমুখান্তর্মুখশরারীমুখত্রিকূর্চানি পঞ্চ প্রচ্ছানে | কুঠারিকাব্রীহিমুখশলাকাবেতসপত্রারাকর্ণব্যধনসূচ্যঃ ষড্ ব্যধনে তাডন ইত্যর্থঃ | তেষামেব মধ্যাদ্ ব্রীহিমুখাকারসূচীনাং নির্ধারণম্ | ছেদ্যাদিষু নখশস্ত্রমিতি সম্বন্ধঃ | ইতি সর্বেষাং শস্ত্রাণাং দ্বাদশবিধে কর্মণ্যুপযোগঃ || ২১ ||

Adhikarana dantaleKanashastramupayogashca (22) · Śloka 22

বিশেষতস্তু দন্তলেখনং সুপ্রবন্ধবচ্চতুরস্রমেকধারং দন্তশর্করালেখনে||২২||

চতুরস্রস্যৈকস্যাং দিশি ধারাযন্দ্রপ্রবন্ধাকৃতিঃ || ২২ ||

Adhikarana maNDalAgrashastramupayogashca (23) · Śloka 23

মণ্ডলাগ্রং, প্রদেশিন্যন্তর্নখবিস্তৃতফলং তত্লেখনচ্ছেদনযোর্বর্ত্মরোগোত্সন্নদন্তমাংসদুর্নিবিষ্টব্রণগলশুণ্ডিকাদিষু প্রযোজ্যম্||২৩||

অন্তর্মুখং মাংসনিকটং তদাকৃতি ফলং যস্য তত্তথোক্তম্ | তল্লেখনাদিষু প্রযোজ্যমিতি সম্বন্ধঃ || ২৩ ||

Adhikarana dvividhaM vRuddhipatramupayogashca (24) · Śloka 24

বৃদ্ধিপত্রং ক্ষুরাকারং তত্তূন্নতে গম্ভীরে বা শ্বযথাবৃজুসূচ্যগ্রমিষ্টম্| বিপরীতে তু পৃষ্ঠতোঽবনতধারম্||২৪||

বৃদ্ধিপত্রমুন্নতে বা গম্ভীরে বা শোফে অগ্রে স্পষ্টং সূক্ষ্মং চ | বিপরীতে ঊর্ধ্ববক্ত্রম্ || ২৪ ||

Adhikarana a~ggulishastrakamupayogashca (25) · Śloka 25

অঙ্গুলিশস্ত্রকং মুদ্রিকানির্গতমুখং বৃদ্ধিপত্রমণ্ডলাগ্রাধ্যর্ধধারান্যতমতুল্যার্ধাঙ্গুলাযতধারং প্রদেশিনীপ্রথমপর্বপ্রমাণর্পণবৃত্তমুদ্রিকং দৃঢসূত্রপ্রতিবন্ধং কণ্ঠরোগেষু প্রযুজ্যতে||২৫||

অঙ্গুলিশস্ত্রস্যার্ধাঙ্গুলা ধারা আকৃত্যা বৃদ্ধিপত্রাদ্যন্যতমসদৃশফালাদূর্ধ্বং তত্র মুদ্রিকা কার্যা তাং চাঙ্গুল্যাং প্রবেশ্য কার্যং ক্রিযতে || ২৫ ||

Adhikarana kartarishastramupayogashca (26) · Śloka 26

কর্তরী ত্রিভাগপাশা ব্রণস্নাযুকেশসূত্রচ্ছেদনার্থা|২৬|

Adhikarana sarpavaktrashastramupayogashca (26) · Śloka 26

সর্পবক্ত্রং বক্রমর্ধাঙ্গুলফলং ঘ্রাণকর্ণার্শোঽর্বুদচ্ছেদনার্থম্|২৬|

Adhikarana karapatrashastramupayogashca (26) · Śloka 26

করপত্রশস্ত্রং দশাঙ্গুলং দ্ব্যঙ্গুলবিস্তারং সূক্ষ্মদন্তং খরধারং সুত্সরুনিবদ্ধমস্থিচ্ছেদনার্থম্|২৬|

Adhikarana kushapatrATImuKe shastre ,antarmuKashastram (26) · Śloka 26

কুশপত্রাটীমুখে দ্ব্যঙ্গুলফলে| অন্তর্মুখমর্ধচন্দ্রাকারমধ্যর্ধাঙ্গুলফলম্||২৬||

কর্তর্যাস্তৄতীযভাগে পাশো গ্রহণস্থানং কার্যম্ | সা চ প্রসিদ্ধা ||২৬||

Adhikarana kuThArikAshastramupayogashca (27) · Śloka 27

কুঠারিকা পৃথুদণ্ডা গোদন্তাকারা অর্ধাঙ্গুলফলাস্থ্যাশ্রিতসিরাব্যধার্থা|২৭|

Adhikarana vrIhimuKashastramupayogashca (27) · Śloka 27

ব্রীহিমুখমধ্যর্ধাঙ্গুলফলং মাংসলপ্রদেশসিরাব্যধার্থং বর্ধ্মোদরগুল্মবিদ্রধ্যাদিব্যধনভেদনার্থং চ|২৭|

Adhikarana li~gganAshavyadhArthaM shalAkA (27) · Śloka 27

শলাকোভযতোমুখী কুরবকমুকুলাগ্রা তাম্রমযী লিঙ্গনাশব্যধনার্থা||২৭||

কুঠারিকা কুঠারাকারা গোদন্তফলা কুরবকস্য মুকুলমাননে ত্র্যস্রং ভবতি || ২৭ ||

Adhikarana ArAshastramupayogashca (28) · Śloka 28

আরা চতুরস্রার্ধাঙ্গুলবৃত্তমুখা তাবত্প্রবেশা বহলকর্ণপালীব্যধার্থা পক্বামশোফসন্দেহভেদনার্থা চ|২৮|

Adhikarana karNavyadhanashastram (28) · Śloka 28

কর্ণব্যধনং ত্র্যঙ্গুলাযতমঙ্গুলসুষিরং ঘনং বা যূথিকামুকুলাগ্রম্||২৮||

আরা দৈর্ঘ্যাচ্চতুরঙ্গুলা মুখে অর্ধাঙ্গুলাবৃত্তা চ শোফস্য পক্বত্বসন্দেহে ভেদনার্থা | কর্ণব্যধনং সুষিরভাগে ভের্যাকৃতিঃ ||২৮||

Adhikarana sUcIshastram (29) · Śloka 29

সূচ্যস্তিস্রো বৃত্তা নিগূঢদৃঢপাশাঃ| তত্র মাংসলেষ্ববকাশেষু ত্র্যঙ্গুলা ত্র্যস্রা| সন্ধ্যস্থিব্রণেষ্বল্পমাংসেষু চ দ্ব্যঙ্গুলা বৃত্তা| পক্বামাশযযোর্মর্মসু চ সার্ধদ্ব্যঙ্গুলা ধনুর্বক্রা ব্রীহিমুখা চ||২৯||

নিগূঢঃ পাশো যস্য পাশস্য পার্শ্বযোর্মগ্নং সূত্রং ন দৃশ্যতে | ধনুর্বক্রাভ্যধিকং ন প্রবিশতি প্রবিশত্যেব দ্বিতীযেন ব্রণোষ্ঠেনাগচ্ছতি || ২৯ ||

Adhikarana sUcIkUrcashastramupayogashca (30) · Śloka 30

সূচীকূর্চো বৃত্তৈকমূলোঽগ্রে সুনিবদ্ধসপ্তাষ্টসূচিকঃ কুষ্ঠশ্বিত্রব্যঙ্গেলুপ্তসুপ্তাদিষু|৩০|

Adhikarana Kajashastramupayogashca (30) · Śloka 30

খজস্ত্বর্ধাঙ্গুলাযতাষ্টকণ্টকমুখস্তাম্রো লৌহো বা নাসাভ্যন্তরগতঃ শোণিতমোক্ষণার্থঃ|৩০|

Adhikarana dvividhameShaNIshastramupayogashca (30) · Śloka 30

এষণ্যা দ্বে সুশ্লক্ষ্ণস্পর্শে তযোরেকাষ্টাঙ্গুলা গতিকোথশল্যস্রাববত্সু ব্রণেষু সুষিরান্বেষণে| অন্যা সূচী সংস্থানা ক্ষারাক্তসূত্রপ্রতিবদ্ধা নাডীনাং ভগন্দরগতীনাং চ ভেদনে|৩০|

Adhikarana baDishashastramupayogashca (30) · Śloka 30

বডিশোঽত্যবনতমুখঃ সূচীতীক্ষ্ণাগ্রো গ্রহণে গলশুণ্ডিকার্মাদেঃ|৩০|

Adhikarana naKashastramupayogashca (30) · Śloka 30

নখশস্ত্রমষ্টাঙ্গুলমেকতোঽশ্বকর্ণমুখমন্যতো বত্সদন্তমুখং সূক্ষ্মশল্যোদ্ধতৌ||৩০||

সূচীকূর্চঃ কুষ্ঠাদিষু যোজ্যঃ | সুবোধমন্যত্ || ৩০ ||

Adhikarana anushastrANi (31) · Śloka 31

অনুশস্ত্রণি তু জলৌকঃ ক্ষারাগ্নিসূর্যকান্তকাচস্ফটিককুরুবিন্দনখশাকশেফালিকাদিখরপত্রসমুদ্রফেনশুষ্কগোমযাদীনি|৩১|

Adhikarana svabuddhyA yantrashastrakalpanam (31) · Śloka 31

স্ববুদ্ধ্যা চ বিকল্প্য বিবিধানি যন্ত্রশস্ত্রাণি তত্কর্মাণি চোপকল্পযেত্|৩১|

Adhikarana hastasya yantrashastreShu prAdhAnyam (31) · Śloka 31

হস্ত এব চাত্র প্রধানতমমস্তদধীনত্বাদ্যন্ত্রশস্ত্রাণাম্||৩১||

অশস্ত্রাণ্যেব শস্ত্রকার্যং কুর্বন্তীত্যনুশস্ত্রাণি || ৩১ ||

Adhikarana yantrashastradoShAH apavAdashca (32) · Śloka 32

তত্র দীর্ঘহ্রস্বস্থূলতনুবক্রবিষমগ্রাহ্যগ্রাহিশিথিলতা ইত্যষ্টৌ যন্ত্রদোষাঃ| অত্রাদ্যাঃ পঞ্চ কুণ্ঠখণ্ডখরধারাশ্চেত্যষ্টাবেব শস্ত্রদোষাঃ| অন্যত্র করপত্রাত্||৩২||

দীর্ঘাদযোঽষ্টৌ যন্ত্রদোষাঃ | একতো গৃহ্ণাত্যন্যত নেতি বিষমগ্রাহী গ্রাহ্যং ন গৃহ্ণাত্যেবেত্যগ্রাহি | শিথিলতা শিথিলগ্রহণম্ | অত্রাদ্যাঃ পঞ্চ দীর্ঘহ্রস্বস্থূলতনুবক্রাঃ কুণ্ঠতাদযস্ত্রয ইত্যষ্টৌ শস্ত্রদোষাঃ | করপত্রস্য হি খণ্ডত্বং চ খরধারত্বং স্বভাবঃ ||৩২||

Adhikarana shastrakarmavisheSheNa pAyanAvisheShaH (33) · Śloka 33

তত্র ক্ষারেণ পাযিতং শস্ত্রং শরশল্যাস্থিচ্ছেদনেষু উদকেন মাংসচ্ছেদনেশু| তৈলেন পাটনভেদনেষু সিরাব্যধস্নাযুচ্ছেদনেষু চ প্রযুঞ্জীত||৩৩||

পাযযিতমিতি দ্রবেণ তৈক্ষ্ণ্যকরণে শিল্পিনাং ভাষা | শেষং সুবোধম্ || ৩৩ ||

Adhikarana dhArApramANam (34) · Śloka 34

ধারা পুনঃ ছেদনানাং মাসূরী লেখনানামর্ধমাসূরী| ব্যধনানাং বিস্রাবণানাং চ কৈশিকী||৩৪||

ধারা পুনর্মাসূর্যা সূর্যপর্যন্তাকারাঃ | অর্ধমাসূরিকা পাটিতমসূরিকাদলধারাসদৃশা | কৈশিকী বালাকৃতিঃ || ৩৪ ||

Adhikarana vividhaShashastragrahaNaprakAraH (35) · Śloka 35

তেষাং ছেদনভেদনলেখনানাং বৃন্তসাধারণে ভাগে প্রদেশিনীমধ্যমাঙ্গুষ্ঠৈঃ সুসমাহিতো গৃহ্ণীযাত্| বৃন্তাগ্রে বিস্রাবণানি প্রদেশিন্যঙ্গুষ্ঠাঙ্গুলীভ্যাম্| হস্ততলপ্রচ্ছাদিতবৃন্তাগ্রং ব্রীহিমুখং মুখে| মূলেষ্বাহরণার্থানি| পাশস্যোপরি মধ্যে লঘুসন্দেশং কর্তরীং চ| শেষাণ্যপি যথাযোগং ক্রিযাসৌকর্যেণ||৩৫||

তেষামিত্যাদিনা কর্মকালে ভিষক্করগ্রহণে সন্নিবেশঃ | বৃন্তসাধারণং মুখবারঙ্গসন্ধিঃ | প্রদেশিনী তর্জনী | বিস্রাবণানি বৃন্তাগ্রে মূলপ্রান্তে নাতিমূল ইতি যাবত্ | হস্ততলেন প্রচ্ছাদিত বৃন্তাগ্রং তত্তথোক্তম্ | বৃন্তমূলং তস্যাগ্রং মধ্যনিকটম্ || ৩৫ ||

Adhikarana nishAtanI , dhArAsaMsthApanam (36) · Śloka 36

নিশাতনী তু তেষাং সুশ্লক্ষ্ণা শিলা মাষমুদ্গপ্রভা| ধারাসংস্থাপনং চ শাল্মলীফলকম্||৩৬||

নিশাতনী তৈক্ষ্ণ্যায ঘর্ষণশিলা | ধারাসংস্থাপনং যেন ধারা স্পষ্টমৃদ্বীব ক্রিযতে || ৩৬ ||

Adhikarana vaidyasya yogyAkaraNAvashyakatA (37) · Śloka 37

ন চাধিগতশাস্ত্রোঽপ্যকৃতযোগ্যঃ সুবহুশো বাপ্যদৃষ্টকর্মা শস্ত্রকর্মণি প্রবর্ত্তেত| সিরাস্নাযুমর্মাদিব্যাপ্তত্বাদ্দেহস্য| তস্মাত্ সরোমচর্মপুষ্পফলালাবুত্রপুসোদকপঙ্কপূর্ণদৃতিবস্তিবর্ধ্মমাংসপেশিকোত্পলনালাদিষু কুর্যাত্| তথা ঘটপার্শ্বস্রোতস্যম্ভোভিঃ পূর্ণেন নেত্রেণ বস্তিপীডনযোগ্যাং মৃদুমাংসখণ্ডেষ্বগ্নিক্ষারাবচরণযোগ্যাম্| পুস্তমযপুরুষাঙ্গপ্রত্যঙ্গেষু বন্ধনযোগ্যাম্||৩৭||

ন চাধিগতশাস্ত্রোঽপ্যকৃতযোগ্যঃ কর্মণি প্রবর্তেতেতি সম্বন্ধঃ | ন কৃতা যোগ্যা কর্মশিশিক্ষাভ্যাসো যেনাসাবকৃতযোগ্যঃ | তস্মাত্ সরোমচর্মাদীনামাহরণাদিযোগ্যাং কুর্যাদিতি সম্বন্ধঃ | তত্র সরোমে চর্মণি ঘর্ষণযোগ্যাম্ | পুষ্পফলে ভেদনযোগ্যাম্ | অলাবুত্রপুসযোঃ পাটনযোগ্যাম্ | ভেদনাহরণযোগ্যং চ | উদকপূর্ণদৃতৌ স্রাবণযোগ্যাম্ | পঙ্কপূর্ণদৃতৌ সীবনাদিযোগ্যাং চ | দৃতির্ভস্ত্রা | বস্তির্মূত্রাধারঃ | তত্র সীবনাদি | বর্ধ্মে আহরণং কৃন্তনং চ | মাংসপেশ্যাং সীবনং তক্ষণং চ | উত্পলনালাদিষ্বেষণাদীনি যথার্হার্থঃ সুবোধম্ || ৩৭ ||

Adhikarana vaidyaH mRutashIrasyA~ggapratya~ggAnAM pratyakShadarshanaM kuryAt (38) · Śloka 38

অপি চ-যুক্তকারী ভিষগ্বুভূষুঃ পুরুষং সম্পুর্ণগাত্রমবিষহতমদীর্ঘব্যাধিপীডিতং নিষ্কৃষ্টদৃষ্টান্ত্রমাবহন্ত্যামাপগাযাং মুঞ্জবল্বজবেষ্টিতং পঞ্চরস্থমপ্রকাশে দেশে কোথযেত্| তং সম্যক্প্রকুথিতং চোদ্ধৃত্যাযতদেহং কৃত্বোশীরবেণুকূর্চাদীনামন্যতমেন শনৈঃ শনৈরবঘৃষ্য ত্বগাদীন্ সর্বানেব বাহ্যাভ্যন্তরানঙ্গসিরাস্নায্বাদীনবযবানাচার্যোপদর্শিতেনাগমেন চক্ষুষা চ লক্ষযেত্||৩৮||

অপি চেতি সমুচ্চযে | যুক্তকারী ভবিতুমিচ্চুর্ভিষগিব কুর্যাত্ | কিমিত্যাহ-পুরুষমিত্যাদি | সম্পূর্ণগাত্রং মৃতং পুরুষং জলে ক্লেদিতং প্রক্ষাল্য তত্র স্নায্বাদীনাচর্যৈরুপদর্শিতেনাগমেন চক্ষুষা চোপলক্ষযেত্ ||৩৮||

Adhikarana shAstradarshanaM pratyakShadarshana~jca j~jAnavardhanAya (39) · Śloka 39

ইতি শাস্ত্রেণ যদ্দৃষ্টং দৃষ্টং প্রত্যক্ষতশ্চ যত্| সমাগতং তদুভযং ভূযো জ্ঞানং বিবর্ধযেত্||৩৯||

যতঃ শাস্ত্রদৃষ্টং প্রত্যক্ষদৃষ্টং চোভযং সমাগতং মিশ্রীভূতং ভূযোঽত্যর্থং জ্ঞানবৃদ্ধিং করোতি || ৩৯ ||

Adhikarana shastrakoshaH (40-41) · Śloka 41

স্যান্নবাঙ্গুলবিস্তারঃ সুঘনো দ্বাদশাঙ্গুলঃ| ক্ষৌমপত্রোর্ণকৌশেযদুকূলমৃদুচর্মজঃ| বিন্যস্তপাশঃ সুস্যূতঃ সান্তরোর্ণাস্থশস্ত্রকঃ| শলাকাপিহিতাস্যশ্চ শস্ত্রকোশঃ সুসঞ্চযঃ||৪০|| ইতি শ্রীবৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে যন্ত্রবিধির্নাম চতুর্স্ত্রিংশোঽধ্যাযঃ||৪১||

স্যাদিত্যাদিনা শস্ত্রকোশবিধানম্ | নবাঙ্গুলবিস্তারাদিযুক্তঃ শস্ত্রকোশঃ স্যাত্ | সুঘনো নিবিডঃ | দ্বাদশাঙ্গুলো দৈর্ঘ্যেণ তথা ক্ষৌমাদিজঃ | বিন্যস্তপাশৌ বিবিধনিহিতপাশঃ | সুস্যূতঃ পুটানাং ভেদো সীবনে কৃতে যথা ন ভবতি | তথা সান্তরিতি অন্তরান্তরা রোমভিঃ সহ সংসীব্য তস্মিন্ রোমপুঞ্জে শস্ত্রস্থিতিঃ কার্যেতি | তথা শলাকযা পিহিতং স্থগিতমাস্যং যস্য স এবম্ | সুসঞ্চযঃ শস্ত্রৈঃ পরিপূর্ণ ইতি || ৪০ || ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহ ব্যাখ্যাযাং শশিলেখাযাং সূত্রস্থানে চতুস্ত্রিংশোঽধ্যাযঃ