Adhikarana athAkShipAkapillapratiShedho nAma viMsho~adhyAyaH - pratij~jA (1) · Śloka 1
অথাত অক্ষিপাকপিল্লপ্রতিষেধং নামাধ্যাযং ব্যাখ্যাস্যামঃ|
ইতি হ স্মাহুরাত্রেযাদযো মহর্ষযঃ||১||
View original
अथात अक्षिपाकपिल्लप्रतिषेधं नामाध्यायं व्याख्यास्यामः|
इति ह स्माहुरात्रेयादयो महर्षयः||१||
অভিষ্যন্দস্য তদেকযোগক্ষেমস্য চাধিমন্থস্য চিকিত্সামুক্ত্বা অক্ষিপাকানাং পিল্লানাং চ সাধনং প্রদর্শযিতুমধ্যায আরম্ভ্যতে-অথাত ইত্যাদি| পিল্লা উক্তেভ্যঃ এব বর্ত্মাদিরোগেভ্যঃ কেচিত্| তে চেহৈব বক্ষ্যন্তে||১||
Adhikarana shuShkAkShipAkacikitsA (2) · Śloka 2
শুষ্কাক্ষিপাকে বাতাভিষ্যন্দবিহিতং সর্পিঃ পিবেত্|
কুলীররসক্ষীরসিদ্ধং বা|
দার্বীপ্রপৌণ্ডরীকযোঃ ক্বাথ আশ্চ্যোতনমক্ষিপাকঘ্নম্|
মঞ্জিষ্ঠামধুক্কালানুসারীসারিবালোধ্রলাক্ষাপ্রপৌণ্ডরীকাণামক্ষিপাকরক্তরাজীঘ্নম্|
মৃদ্বীকাচন্দনকল্কস্তণ্ডুলাম্বুপরিস্রুতো মধুমানশ্রুদাহহরঃ|
অণুতৈলং নস্যম্|
শারিবাবিদারীবলামধুকোত্পলদ্রাক্ষাটরূষকজীবকচন্দনৈর্জাঙ্গলরসক্ষীরোপেতং তৈলং সাধিতং নাবনাত্ সর্বোর্ধ্বজত্রুজান্ গদান্ বাতপিত্তোত্তরান্ নিহন্তি|
স্নিগ্ধাশ্চাত্র তর্পণপুটপাকাঃ|
বাতপিত্তান্যতরোদ্রেকতশ্চ যথাস্বমভিষ্যন্দবিধিঃ|
আদর্শমণ্ডলে ঘৃতাক্তকেশান্ ঘৃষ্ট্বান্তর্ধূমং দহেত্সা মষীঘৃতপিষ্টাঽযসভাজনস্থিতাঽক্ষিপাকমঞ্জনাদপহরতি|
মঞ্জিষ্ঠাফলত্রিককটঙ্কটেরীনিষ্ক্বাথে লোহস্রোতোঽঞ্জনচূর্ণমাপিণ্ডীভাবাত্ পচেত্|
এতচ্চূর্ণাঞ্জনমভযং দাহোষাকরাগাশ্রুহরম্|
তাম্ররজস্সৈর্যকপুষ্পপুণ্ড্রাহ্বমধুককালানুসারীশারিবাঃ ছাগেন পযসা পিষ্টাঃ পিণ্ডাঞ্জনম্|
আনূপবসা শুণ্ঠীসৈন্ধবচূর্ণান্বিতা স্নেহাঞ্জনম্|
এবমপ্যশান্তৌ মধুকসিদ্ধঃ শতাহ্বাচূর্ণযুক্তো ঘৃতমণ্ডস্তথা পযো বা বস্তিঃ||২||
View original
शुष्काक्षिपाके वाताभिष्यन्दविहितं सर्पिः पिबेत्|
कुलीररसक्षीरसिद्धं वा|
दार्वीप्रपौण्डरीकयोः क्वाथ आश्च्योतनमक्षिपाकघ्नम्|
मञ्जिष्ठामधुक्कालानुसारीसारिवालोध्रलाक्षाप्रपौण्डरीकाणामक्षिपाकरक्तराजीघ्नम्|
मृद्वीकाचन्दनकल्कस्तण्डुलाम्बुपरिस्रुतो मधुमानश्रुदाहहरः|
अणुतैलं नस्यम्|
शारिवाविदारीबलामधुकोत्पलद्राक्षाटरूषकजीवकचन्दनैर्जाङ्गलरसक्षीरोपेतं तैलं साधितं नावनात् सर्वोर्ध्वजत्रुजान् गदान् वातपित्तोत्तरान् निहन्ति|
स्निग्धाश्चात्र तर्पणपुटपाकाः|
वातपित्तान्यतरोद्रेकतश्च यथास्वमभिष्यन्दविधिः|
आदर्शमण्डले घृताक्तकेशान् घृष्ट्वान्तर्धूमं दहेत्सा मषीघृतपिष्टाऽयसभाजनस्थिताऽक्षिपाकमञ्जनादपहरति|
मञ्जिष्ठाफलत्रिककटङ्कटेरीनिष्क्वाथे लोहस्रोतोऽञ्जनचूर्णमापिण्डीभावात् पचेत्|
एतच्चूर्णाञ्जनमभयं दाहोषाकरागाश्रुहरम्|
ताम्ररजस्सैर्यकपुष्पपुण्ड्राह्वमधुककालानुसारीशारिवाः छागेन पयसा पिष्टाः पिण्डाञ्जनम्|
आनूपवसा शुण्ठीसैन्धवचूर्णान्विता स्नेहाञ्जनम्|
एवमप्यशान्तौ मधुकसिद्धः शताह्वाचूर्णयुक्तो घृतमण्डस्तथा पयो वा बस्तिः||२||
বাতাভিষ্যন্দবিহিতং সর্পির্দশমূলাদিকং কুলীরমাংসরসক্ষীরাভ্যাং সিদ্ধং বা সর্পিঃ পিবেত্| দার্ব্যাদি সুবোধম্| মঞ্জিষ্ঠাদীনাং ক্বাথ আশ্চ্যোতনমিতি সম্বধ্যতে| কালানুসারী কালেযকঃ| কারণ্ডক আম্লাযনঃ| সুবোধম্| অণুতৈলং নস্যবিধ্যুক্তম্| শারিবাদিতৈলং নাবনাদ্বাতপিত্তাধিকান্ সর্বানূর্ধ্বজত্রুজান্ গদান্ নিহন্তি নাশযতি| অত্রেত্যক্ষিপাকে বাতপিত্তযোরন্যতরস্যোদ্রেকাদ্ধেতোর্যথাস্বমুদ্রিক্তদোষানতিক্রমেণাভিষ্যন্দোক্তো বিধিঃ| আদর্শমণ্ডলে মলিনিতকেশমপ্যঞ্জনম্| সুবোধম্| মঞ্জিষ্ঠাদিক্বাথপক্বগুলিকা চূর্ণীকৃতাঞ্জনং নাম্নাভযং দাহাদিহরম্| তাম্রচূর্ণাদিকং পিণ্ডাঞ্জনং সুবোধম্| সৈর্যকস্য সহচরস্য পুষ্পমাম্লাযনস্যেতি কেচিত্| আনূপবসেত্যাদি সুবোধম্| তথা পয ইতি ঘৃতমণ্ডবন্মধুকসিদ্ধং শতাহ্বাচূর্ণযুক্তং চ||২||
Adhikarana saSoPAlpaSoPayoScikitsA (3) · Śloka 3
সশোফাল্পশোফযোস্তু স্নিগ্ধস্বিন্নস্যানু সিরাং বিধ্যেত্|
দ্রাক্ষাভযাক্বাথস্ত্রিবৃত্কল্কবান্ সঘৃতো বিরেকঃ|
বিরিক্তস্য যথাদোষোদযমাস্থাপনম্|
ততঃ পিণ্ডস্বিন্নশিরসঃ সর্ষপতৈলেন সৈন্ধবযুতেন বা সর্পিষা ফণিজ্জকযুক্তেন বা অণুতৈলেন শিরোবিরেকঃ বিরিক্তশিরসোঽনুবাসনং ক্ষীরসর্পিষা ধূমপানং চ|
শিরোনেত্রং চাস্য সুনিষণ্ণকপত্তূরৈরণ্ডপত্রৈঃ ক্ষীরাংবুস্বিন্নৈঃ সংস্বেদযেত্|
ঘৃতভৃষ্টং লোধ্রচূর্ণং সূক্ষ্মবাসস্থমুষ্ণোদকবিমৃদিতমাশ্চ্যোতনম্|
শুষ্কাক্ষিপাকোক্তং চ বেদনাঘ্নম্||৩||
View original
सशोफाल्पशोफयोस्तु स्निग्धस्विन्नस्यानु सिरां विध्येत्|
द्राक्षाभयाक्वाथस्त्रिवृत्कल्कवान् सघृतो विरेकः|
विरिक्तस्य यथादोषोदयमास्थापनम्|
ततः पिण्डस्विन्नशिरसः सर्षपतैलेन सैन्धवयुतेन वा सर्पिषा फणिज्जकयुक्तेन वा अणुतैलेन शिरोविरेकः विरिक्तशिरसोऽनुवासनं क्षीरसर्पिषा धूमपानं च|
शिरोनेत्रं चास्य सुनिषण्णकपत्तूरैरण्डपत्रैः क्षीरांबुस्विन्नैः संस्वेदयेत्|
घृतभृष्टं लोध्रचूर्णं सूक्ष्मवासस्थमुष्णोदकविमृदितमाश्च्योतनम्|
शुष्काक्षिपाकोक्तं च वेदनाघ्नम्||३||
সশোফাখ্যেঽল্পশোফাখ্যে চ স্নিগ্ধস্বিন্নস্য সতঃ সিরাং বিধ্যেত্| দ্রাক্ষাহরীতকীক্বাথেন ত্রিবৃত্কল্কঘৃতযুক্তেন বিরিক্তস্য দোষোদযানতিক্রমেণাস্থাপনম্| তত ইত্যাস্থাপনাদনন্তরং পিণ্ডস্বেদঃ সূত্রোক্তসেন স্বিন্নশিরসঃ সর্ষপতৈলেন শিরোবিরেকঃ সর্পিষা বা সৈন্ধবযুতেনাণুতৈলেন বা ফণিজ্জকচূর্ণযুতেন| ফণিজ্জকো মরুবকঃ| ততঃ ক্ষীরসর্পিষাঽনুবাসনম্| ধূমপানং দোষাদ্যপেক্ষম্| অস্য চাক্ষিপাকবতঃ শিরোনেত্রং চ সুনিষণ্ণকাদিপত্রৈঃ ক্ষীরাম্বুস্বিন্নৈঃ স্বেদযেত্| সুনিষণ্ণকনামানূপে ভবতি| কাশ্মীরেষু সুল্যেতি প্রসিদ্ধঃ| পত্তূরো জলে ভবতি নাম্না মত্স্যাক্ষকঃ| ঘৃতভৃষ্টমিত্যাদিনাশ্চ্যোতনং সুবোধম্| শুষ্কাক্ষিপাকোক্তং বেদনাঘ্নমাশ্চ্যোতনমিতি সম্বধ্যতে| তচ্চ লোধ্রকোরণ্ডপুষ্পকৃতঃ ক্বাথঃ|| ৩||
Adhikarana tatra sandhAvAH (4) · Śloka 4
এবমশান্তবেদনং সন্ধাবৈরুপক্রমেত্|
শশশিরঃকপালং সৈন্ধবং কাংস্যে স্তন্যঘৃষ্টং সন্ধাবো বেদনাঘ্নঃ|
তদ্বত্তাম্রং চ লোহে গোমূত্রঘৃষ্টং ঘৃতধূপিতম্|
শিগ্রুপল্লবরসশ্চ তাম্রঘৃষ্টো ঘৃতধূপিতঃ|
শঙ্খতাম্রে স্তন্যেন ঘৃষ্টং ঘৃতাভ্যক্তযবশমীপত্রধূপিতং ঘর্ষবেদনাঘ্নম্|
উদুম্বরফলং লোহে স্তন্যঘৃষ্টং ঘৃতাভ্যক্তশমীপত্রধূপিতং শূলরাগাশ্রুঘর্ষঘ্নম্|
দধিসরঃপিপ্পলীসৈন্ধবযুক্তস্তাম্রে ঘৃষ্টশ্শোফঘর্ষাশ্রুবেদনাঘ্নঃ|
মৃত্কপালং কাংস্যে তিলোদকঘৃষ্টং ঘৃতাক্তনিম্বপত্র-ধূপিতং শোফকণ্ডূঘর্ষাশ্রুশূলরাগঘ্নম্|
সন্ধাবাঞ্জিতং চাক্ষি স্তন্যেনানুসিঞ্চেত্|
ত্রিপরঞ্চ তৈর্ন্নাঞ্জযেত্||৪||
View original
एवमशान्तवेदनं सन्धावैरुपक्रमेत्|
शशशिरःकपालं सैन्धवं कांस्ये स्तन्यघृष्टं सन्धावो वेदनाघ्नः|
तद्वत्ताम्रं च लोहे गोमूत्रघृष्टं घृतधूपितम्|
शिग्रुपल्लवरसश्च ताम्रघृष्टो घृतधूपितः|
शङ्खताम्रे स्तन्येन घृष्टं घृताभ्यक्तयवशमीपत्रधूपितं घर्षवेदनाघ्नम्|
उदुम्बरफलं लोहे स्तन्यघृष्टं घृताभ्यक्तशमीपत्रधूपितं शूलरागाश्रुघर्षघ्नम्|
दधिसरःपिप्पलीसैन्धवयुक्तस्ताम्रे घृष्टश्शोफघर्षाश्रुवेदनाघ्नः|
मृत्कपालं कांस्ये तिलोदकघृष्टं घृताक्तनिम्बपत्र-धूपितं शोफकण्डूघर्षाश्रुशूलरागघ्नम्|
सन्धावाञ्जितं चाक्षि स्तन्येनानुसिञ्चेत्|
त्रिपरञ्च तैर्न्नाञ्जयेत्||४||
সন্ধাবৈরিত্যনন্তরং বক্ষ্যমাণৈঃ সন্ধাবনামভিরঞ্জনৈশ্চোপক্রমেত| শশস্য শিরঃকপালং সৈন্ধবেন সহ কাংস্যপাত্রে স্তন্যেন ঘৃষ্টং বেদনাঘ্নং সন্ধাবঃ| লোহপাত্রে গোমূত্রঘৃষ্টং তাম্রং ঘৃতধূপিতং সন্ধাবঃ| শিগ্রুপল্লবরসস্তাম্রঘৃষ্টো ঘৃতধূপিতশ্চ সন্ধাবঃ| তদ্বল্লোহপাত্রে ঘ্রুষ্টং তাম্রং ঘৃতধূপিতং সন্ধাবঃ| উদুম্বরফলমিত্যাদিনা শূলাদিঘ্নস্সন্ধাবঃ| দধিসরাদিকঃ সন্ধাবঃ শোফাদিহরঃ| মৃন্মযং পক্বকপালং কাংস্যভাজনে তিলোদকেন ঘৃষ্টং ঘৃতাক্তনিম্বপত্রধূপিতং শোফাদিঘ্নঃ সন্ধাবঃ| এভ্যোঽন্যতমেন সন্ধাবেনাঞ্জিতমক্ষি স্তন্যেন সিঞ্চেত্| তৈরিতি সন্ধাবৈঃ ত্রিস্ত্রিভ্যো বারেভ্যঃ পরমূর্ধ্বং নেত্রং নাঞ্জযেত্|| ৪||
Adhikarana athA~jjanAni (5) · Śloka 5
মধুকবৃহতীত্বক্তাম্ররজাংস্যজাক্ষীরপিষ্টানি শম্যামলকপত্রৈর্ঘৃতাপ্লুতৈঃ অনেকশো ধূপিতানি পিণ্ডাঞ্জনং শোফবেদনাঘ্নম্|
তালীসপত্রপিপ্পলীলোহরজোঽঞ্জনকাসীসতগরজাতীমুকুলসৈন্ধবৈর্গোমূত্রপিষ্টৈস্তাম্রমালিপ্তং সপ্তরাত্রং স্থাপযিত্বা পুনস্তদ্বদেব পিষ্টৈর্গুটিকাঃ কার্যাস্তাঃ স্তন্যঘৃষ্টাঃ স্তম্ভশ্বযথুহর্ষঘর্ষাশ্রুকণ্ডূঘ্ন্যঃ|
অবদ্ধাস্থিসহকারমাংসং বিগতত্বচং সমতাম্রচূর্ণমীষত্সৈন্ধবোপেতং গব্যেন দধ্না পিষ্ট্বা তাম্রমালেপযেত্|
শুষ্কং শুষ্কং তথৈব চ পিষ্ট্বা পুনর্লেপযেত্|
এতত্সপ্তভিঃ সপ্তাহৈঃ পিণ্ডাঞ্জনং কৃতং সর্বাক্ষিকাশ্রুঘর্ষশোফরাগবর্ত্মোপচযঘ্নম্|
অশ্মন্তকাম্লবেতসপরূষককোলদাডিমৈঃ কৃতা রসক্রিযা সশোফাল্পশোফপূযালসান্ নাশযতি|
ইত্থমপি শোফানুবৃত্তৌ পুনরস্রাবসেকঃ শিরোবিরেকশ্চ||৫||
View original
मधुकबृहतीत्वक्ताम्ररजांस्यजाक्षीरपिष्टानि शम्यामलकपत्रैर्घृताप्लुतैः अनेकशो धूपितानि पिण्डाञ्जनं शोफवेदनाघ्नम्|
तालीसपत्रपिप्पलीलोहरजोऽञ्जनकासीसतगरजातीमुकुलसैन्धवैर्गोमूत्रपिष्टैस्ताम्रमालिप्तं सप्तरात्रं स्थापयित्वा पुनस्तद्वदेव पिष्टैर्गुटिकाः कार्यास्ताः स्तन्यघृष्टाः स्तम्भश्वयथुहर्षघर्षाश्रुकण्डूघ्न्यः|
अबद्धास्थिसहकारमांसं विगतत्वचं समताम्रचूर्णमीषत्सैन्धवोपेतं गव्येन दध्ना पिष्ट्वा ताम्रमालेपयेत्|
शुष्कं शुष्कं तथैव च पिष्ट्वा पुनर्लेपयेत्|
एतत्सप्तभिः सप्ताहैः पिण्डाञ्जनं कृतं सर्वाक्षिकाश्रुघर्षशोफरागवर्त्मोपचयघ्नम्|
अश्मन्तकाम्लवेतसपरूषककोलदाडिमैः कृता रसक्रिया सशोफाल्पशोफपूयालसान् नाशयति|
इत्थमपि शोफानुवृत्तौ पुनरस्रावसेकः शिरोविरेकश्च||५||
অথানন্তরমঞ্জনানি ভবন্তি| মধুকাদিনা পিণ্ডাঞ্জনং শোফাদিঘ্নং ভবতি| তালীসপত্রাদিনা গুটিকাঃ স্তম্ভাদিঘ্ন্যঃ তদ্বদেবেতি গোমূত্রেণ| অঞ্জনকালে স্তন্যেন গুপিকোদ্ঘর্ষণম্| সহকারমাম্রফলমবদ্ধাস্থ্যতিবালম্| তস্য সহকারস্য মাংসং ত্বচোঽন্তর্ভাগম্| সপ্তাহেন সপ্তাহেনোপর্যুপরি লেপঃ| অশ্মন্তকাদিনা রসক্রিযা| অশ্মন্তক ইন্দ্রকঃ| সুবোধম্|| ৫||
Adhikarana amloShitacikitsA (6) · Śloka 6
অম্লোষিতং পিত্তাভিষ্যন্দবদুপাচরেত্|
পিল্ললসাধনং চেক্ষেত||৬||
View original
अम्लोषितं पित्ताभिष्यन्दवदुपाचरेत्|
पिल्ललसाधनं चेक्षेत||६||
অম্লোষিতে পিত্তাভিষ্যন্দবদুপচারঃ| পিল্লসাধনং চাত্রৈব বক্ষ্যমাণমীক্ষেতাম্লোষিতোপচারণায| ইত্যুক্তা অক্ষিপাকাঃ||৬||
Adhikarana pillarogANAM sa~gkhyAnam (7) · Śloka 7
পিত্তকফরক্তনিচযোত্ক্লিষ্টবর্ত্মপোথকীবিসাক্যকুকূণকপক্ষ্মোপরোধপূযালসশুষ্কাক্ষিপাকাল্পশোফাম্লোষিতা বাতবর্জ্যাশ্চ স্যন্দাধিমন্থা ইত্যষ্টাদশ দীর্ঘকালানুবন্ধিনো রোগাঃ পিল্লসংজ্ঞাঃ||৭||
View original
पित्तकफरक्तनिचयोत्क्लिष्टवर्त्मपोथकीबिसाक्यकुकूणकपक्ष्मोपरोधपूयालसशुष्काक्षिपाकाल्पशोफाम्लोषिता वातवर्ज्याश्च स्यन्दाधिमन्था इत्यष्टादश दीर्घकालानुबन्धिनो रोगाः पिल्लसंज्ञाः||७||
পিত্তোত্ক্লিষ্টবর্ত্ম, কফোত্ক্লিষ্টবর্ত্ম, রক্তোত্ক্লিষ্টবর্ত্ম, নিচযোত্ক্লিষ্টবর্ত্ম, পোথকীবিসাখ্যো বিসবর্ত্ম, কুকূণকঃ, পক্ষ্মোপরোধঃ, পূযালসঃ, শুষ্কাক্ষিপাকঃ, অল্পশোফঃ, অম্লোষিতঃ, বাতবর্জ্যাঃ স্যন্দাশ্চাধিমন্থাশ্চ পিত্তস্যন্দঃ, কফস্যন্দঃ, রক্তস্যন্দঃ, পিতাধিমন্থঃ কফাধিমন্থঃ, রক্তাধিমন্থশ্চ ইত্যষ্টাদশ রোগা দীর্ঘকালানুবর্ত্তিনঃ সন্তঃ পিল্লসংজ্ঞাং লভন্তে||৭||
Adhikarana pillAnAM pratyekaSaH cikitsA (8) · Śloka 8
এষাং ক্রিযা যথাস্বমুপদিষ্টৈব পুনশ্চ পিল্লী ভূতানাং সামান্যেনোপদিশ্যতে||৮||
View original
एषां क्रिया यथास्वमुपदिष्टैव पुनश्च पिल्ली भूतानां सामान्येनोपदिश्यते||८||
এষাং পিল্লসংজ্ঞিতানাং পিত্তোত্ক্লিষ্টবর্ত্মাদীনাং ক্রিযা চিকিত্সা যথাস্বমধ্যাযেষূক্তৈব||৮||
Adhikarana pillasAmAnyacikitsA (9) · Śloka 9
অথ পিল্লাক্ষিরোগিণং স্নেহযিত্বা বামযেত্|
কৃতক্রমস্য সিরাব্যধস্ততো বিরেকঃ|
কৃতবিরেকস্য বর্ত্মনী লিখেত্|
সকৃল্লেখনাদশুদ্ধৌ পুনর্লেখযেজ্জলৌকোভিশ্চ গ্রাহযেত্|
প্রিযঙ্গুলোধ্রপদ্মকেসরচন্দনমধুককল্কেন সমাক্ষিকেণ বিডালকঃ|
তুবরিকাফলত্রিকরোচনাক্বাথেন মধুমতা সাযং প্রাতঃ সদা প্রক্ষালনমঞ্জনান্তে চ কষাযবৃক্ষপল্লবকষাযেণ|
তৈরেব চ পত্রৈরুষ্ণপ্রিযতাযাম্ন্তরান্তরা স্বেদঃ|
তুত্থকপলং বিংশতিশ্চ শ্বেতমরিচানি ধান্যাম্লপিষ্টানি তত্পলৈস্ত্রিংশতা তাম্রপাত্রে সমালোডিতানি বহুবর্ষাণামপি পিল্লানাং পরমমাশ্চ্যোতনম্|
অঞ্জনং চাস্যাম্রধাতকীপুষ্পতিলপর্ণীকল্কেন চ বর্ত্তিঃ|
হরীতক্যাঢকীশ্চাষ্টগুণেঽম্ভস্যষ্টভাগাবশেষং ক্বাথযেত্|
পুনশ্চ পরিস্রাব্যাদর্বীপ্রলোপাদ্রসক্রিযেযং পিল্লাক্ষিরোপণী|
পলাশশাখাস্বরসে ক্বাথ্যমানে বৃহত্যুশীররজো দদ্যাত্|
তদ্ ঘনীভূতং শীতমঞ্জনম্|
সুরসারসপিষ্টৈর্বা বচালদেবদারুভিঃ|
গোপিত্তপিষ্টাভ্যাং বা ব্যোষরসাঞ্জনাভ্যাম্|
হরিতালসৌবীরকাঞ্জনসমাংশং বা তাম্রচূর্ণমঞ্জনম্|
পরিপেলবকাসীসহরিদ্রাদ্বযসর্ষপপ্রিযঙ্গুতগরপিপ্পলীকল্কেন তাম্রভাজনমন্তর্লেপযিত্বা সৌবীরককুম্ভেঽধোমুখং সপ্তাহং বাসযেত্ ততো গুটিকাশ্চূর্ণং বা কুর্যাত্|
তুত্থগৈরিকচূর্ণং ছগলীপযঃপিষ্টং গুটিকা প্রত্যঞ্জনম্|
চূর্ণ এব বা দিব্যোদকভাবিতঃ|
স এব বা তদাপ্লুতো নেত্রাশ্চ্যোতনমিতি|
ভবতি চাত্র- বর্ত্মাবলেখং বহুশস্তদ্বচ্ছোণিতমোক্ষণম্|
পুনঃ পুনর্বিরেকং চ পিল্লরোগাতুরো ভজেত্||৯||
View original
अथ पिल्लाक्षिरोगिणं स्नेहयित्वा वामयेत्|
कृतक्रमस्य सिराव्यधस्ततो विरेकः|
कृतविरेकस्य वर्त्मनी लिखेत्|
सकृल्लेखनादशुद्धौ पुनर्लेखयेज्जलौकोभिश्च ग्राहयेत्|
प्रियङ्गुलोध्रपद्मकेसरचन्दनमधुककल्केन समाक्षिकेण बिडालकः|
तुवरिकाफलत्रिकरोचनाक्वाथेन मधुमता सायं प्रातः सदा प्रक्षालनमञ्जनान्ते च कषायवृक्षपल्लवकषायेण|
तैरेव च पत्रैरुष्णप्रियतायाम्न्तरान्तरा स्वेदः|
तुत्थकपलं विंशतिश्च श्वेतमरिचानि धान्याम्लपिष्टानि तत्पलैस्त्रिंशता ताम्रपात्रे समालोडितानि बहुवर्षाणामपि पिल्लानां परममाश्च्योतनम्|
अञ्जनं चास्याम्रधातकीपुष्पतिलपर्णीकल्केन च वर्त्तिः|
हरीतक्याढकीश्चाष्टगुणेऽम्भस्यष्टभागावशेषं क्वाथयेत्|
पुनश्च परिस्राव्यादर्वीप्रलोपाद्रसक्रियेयं पिल्लाक्षिरोपणी|
पलाशशाखास्वरसे क्वाथ्यमाने बृहत्युशीररजो दद्यात्|
तद् घनीभूतं शीतमञ्जनम्|
सुरसारसपिष्टैर्वा वचालदेवदारुभिः|
गोपित्तपिष्टाभ्यां वा व्योषरसाञ्जनाभ्याम्|
हरितालसौवीरकाञ्जनसमांशं वा ताम्रचूर्णमञ्जनम्|
परिपेलवकासीसहरिद्राद्वयसर्षपप्रियङ्गुतगरपिप्पलीकल्केन ताम्रभाजनमन्तर्लेपयित्वा सौवीरककुम्भेऽधोमुखं सप्ताहं वासयेत् ततो गुटिकाश्चूर्णं वा कुर्यात्|
तुत्थगैरिकचूर्णं छगलीपयःपिष्टं गुटिका प्रत्यञ्जनम्|
चूर्ण एव वा दिव्योदकभावितः|
स एव वा तदाप्लुतो नेत्राश्च्योतनमिति|
भवति चात्र- वर्त्मावलेखं बहुशस्तद्वच्छोणितमोक्षणम्|
पुनः पुनर्विरेकं च पिल्लरोगातुरो भजेत्||९||
পিল্লীভূতানাং তু দীর্ঘকালানুবর্ত্তিনাং সামান্যেন ক্রিযা সাধারণী চিকিত্সোচ্যতে| অথেত্যাদি সুবোধম্| বমনাদনুকৃতক্রমস্য বিহিতপেযাদিক্রমস্য সিরাব্যধঃ| প্রিযঙ্গ্বাদিনা বিডালকো বহির্লেপঃ| তুবরিকাদিক্বাথেন মাক্ষিকবতা সাযং প্রাতশ্চ প্রক্ষালনম্| অঞ্জনান্তে চ কষাযবৃক্ষাণামনন্তরোক্তানাং তুবরিকাদীনাং পল্লবকষাযেণ প্রক্ষালনম্| উষ্ণপ্রিযতাযামুষ্ণাভিলাষে তৈরেব কষাযবৃক্ষপত্রৈরন্তরান্তরা কদাচিত্ স্বেদঃ| তুত্থকপালমিত্যাদি সুবোধম্| তত্পলৈরিতি ধান্যাম্লপলৈঃ| অস্য চ পিল্লাক্ষিরোগিণ আম্রাদিকল্কেন বর্ত্তিরঞ্জনম্| হরীতক্যাদিনা রসক্রিযা সুবোধা| পলাশেত্যাদিনা লোহোঽঞ্জনম্| বচাদিভিঃ, সুরসাযা রসেন পিষ্টৈরঞ্জনম্| সুরসা পূর্বা| গোঃ পিত্তেন পিষ্টাভ্যাং ব্যোষরসাঞ্জনাভ্যাং বাঞ্জনম্| হরিতালাদিকং ভাগস্তাম্রং ভাগ ইতি চূর্ণাঞ্জনম্| পরিপেলবাদিনা গুটিকাথবা চূর্ণাঞ্জনম্| সৌবীরকং সতুষযবজাতং কাঞ্জিকম্| তুত্থাদিকং প্রত্যঞ্জনম্| অথবৈষ তুত্থগৈরিকযোশ্চূর্ণো দিব্যোদকভাবিতোঽঞ্জনম্| স এব বা দিব্যোদকভাবিতুত্থাদিচূর্ণো দিব্যোদকেনাপ্লুত আশ্চ্যোতনম্| বহুশো বর্ত্মাবলেখাদিকং পিল্লরোগেণাতুরো ভজেত্||৯||
Adhikarana pUyAlase viSeShaH (10) · Śloka 10
পূযালসে ত্বশান্তেঽন্তে দাহঃ সূক্ষ্মশলাকযা||১০||
View original
पूयालसे त्वशान्तेऽन्ते दाहः सूक्ष्मशलाकया||१०||
পূযালসে তু পিল্লীভূতে অশান্তে সর্বক্রিযাণামন্তেঽবসানে শলাকযা দাহো বিধেযঃ||১০||
Adhikarana netrarogANAmuktAnAM sa~gkhyAnam (11) · Śloka 11
চতুর্নবতিরিত্যক্ষ্ণোর্হেতুলক্ষণসাধনৈঃ|
পরস্পরমসঙ্কীর্ণাঃ কার্ত্স্ন্যেন গদিতা গদা||১১||
View original
चतुर्नवतिरित्यक्ष्णोर्हेतुलक्षणसाधनैः|
परस्परमसङ्कीर्णाः कार्त्स्न्येन गदिता गदा||११||
ইত্যনন্তরোক্তৈরধ্যাযৈরক্ষ্ণোর্গদাশ্চতুর্নবতিঃ পরস্পরমসঙ্কীর্ণাঃ হেত্বাদিভিঃ কার্ত্স্ন্যেন নিশ্শেষতযা গদিতা উক্তাঃ| তে চ কৃচ্ছ্রোন্মীল, নিমেষ, বাতহত, কুম্ভীকা, পিত্তোত্ক্লিষ্ট, পক্ষ্মশাত, পোথকী, কফোত্ক্লিষ্ট, লগণ, উত্সঙ্গ, রক্তোত্ক্লিষ্টা, অর্শো, অঞ্জননামিকা, বিসবর্ত্ম, উত্ক্লিষ্টবর্ত্ম, শ্যাববর্ত্ম, শ্লিষ্টবর্ত্ম, সিকতাবর্ত্ম, কর্দম, বহল, কুকূণক, পক্ষ্মোপরোধ, অলজী, অর্বুদ, জলাস্রব, কফাস্রব, উপনাহ, রক্তাস্রব, পর্বণী, পূযালস, অলজী, কৃমিগ্রন্থি, শুক্তিকা, শুক্লার্ম, বলাসগ্রথিত, পিষ্টক, সিরোত্পাত, সিরাহর্ষ, সিরাজাত, শোণিতার্ম, অর্জুন, প্রস্তার্যর্ম, স্নাবার্ম, অধিমাংসার্ম, সিরাসংস, ক্ষতশুল্ক, শুদ্ধশুল্ক, অজকা, সিরাশুল্ক, তীব্রবেদন, বাততিমির, বাতকাচ, বাতলিঙ্গনাশ, পিত্ততিমির, পিত্তকাচ, পিত্তলিঙ্গনাশ, গম্ভীরা, হ্রস্বা, পিত্তবিদগ্ধা, কফতিমির, কফকাচ, কফলিঙ্গনাশ, রক্ততিমির, রক্তকাচ, রক্তলিঙ্গনাশ, সংসর্গতিমির, সংসর্গকাচ, সংসর্গলিঙ্গনাশ, সন্নিপাততিমির, সন্নিপাতকাচ, সন্নিপাতলিঙ্গনাশ, নকুলান্ধ, দোষান্ধ, ঊষ্ণবিদগ্ধা, অম্লবিদগ্ধা, ধূমর, অপসর্গিকলিঙ্গনাশ, বাতাভিষ্যন্দ, বাতাধিমন্থ, হতাধিমন্থ, অন্যতোবাত, বাতপর্যয, পিত্তাভিষ্যন্দ, পিত্তাধিমন্থ, কফভিষ্যন্দ, কফাধিমন্থ, রক্তাভিষ্যন্দ, রক্তাধিমন্থ, শুষ্কাক্ষিপাক, সশোফ, অল্পশোফ, অক্ষিপাক, অত্যয, অম্লোষিতা ইত্যখ্যাভিরুক্তাঃ|| ১১||
Adhikarana svasthe~api pathyApathyanirdeSaH (12) · Śloka 12
সর্বদা চ নিষেবেত স্বস্থোঽপি নযনপ্রিযঃ|
পুরাণযবগোধূমশালিষষ্টিককোদ্রবান্|
মুদ্গাদীন্ কফপিত্তঘ্নান্ ভূরিসর্পিঃ পরিপ্লুতান্|
শাকং চৈবংবিধং মাংসং জাঙ্গলং দাডিমং সিতাম্|
সৈন্ধবং ত্রিফলাং দ্রাক্ষাং বারি পানে চ নাভসম্|
আতপত্রং পদত্রাণং বিধিবদ্দোষশোধনম্|
বর্জযেদ্বেগসংরোধমজীর্ণাধ্যশনানি চ|
ক্রোধশোকদিবাস্বপ্নরাত্রিজাগরণাতপান্|
বিদাহবিষ্টম্ভকরং যচ্চেহাহারভেষজম্||১২||
View original
सर्वदा च निषेवेत स्वस्थोऽपि नयनप्रियः|
पुराणयवगोधूमशालिषष्टिककोद्रवान्|
मुद्गादीन् कफपित्तघ्नान् भूरिसर्पिः परिप्लुतान्|
शाकं चैवंविधं मांसं जाङ्गलं दाडिमं सिताम्|
सैन्धवं त्रिफलां द्राक्षां वारि पाने च नाभसम्|
आतपत्रं पदत्राणं विधिवद्दोषशोधनम्|
वर्जयेद्वेगसंरोधमजीर्णाध्यशनानि च|
क्रोधशोकदिवास्वप्नरात्रिजागरणातपान्|
विदाहविष्टम्भकरं यच्चेहाहारभेषजम्||१२||
যস্তু নযনপ্রিযঃ স সর্বদা ষট্স্বপ্যৃতুষু স্বস্থোপ্যপিশব্দাদক্ষিরোগবানপি পুরাণযবাদিকং সেবেত| এবংবিধং চ শাকং কফপিত্তঘ্নং ভূরিসর্পিঃ পরিপ্লুতং চ সেবেত| বেগসংরোধাদিকং বর্জযেত্| যচ্চেহাদিকং বিদাহকরং বিষ্টম্ভকরং চ তদপি বর্জ্জযেত্||১২||
Adhikarana pAdaSirayornetrasambandhaH (13-20) · Śloka 20
দ্বে পাদমধ্যে পৃথুসন্নিবেশে সিরে গতে তে বহুধা চ নেত্রে|
তা ভ্রঙ্ক্ষণোদ্বর্তনলেপনাদীন্ পাদপ্রযুক্তান্নযনং নযন্তি|
মলোষ্ণসঙ্ঘট্টনপীডনাদ্যৈস্তা দূষযন্তে নযনানি দুষ্টাঃ|
ভজেত্সদা দৃষ্টিহিতানি তস্মাদুপানদভ্যঞ্জনধাবনানি||১৩||
ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে অক্ষিপাকপিল্লপ্রতিষেধো নাম বিংশোঽধ্যাযঃ||২০||
View original
द्वे पादमध्ये पृथुसन्निवेशे सिरे गते ते बहुधा च नेत्रे|
ता भ्रङ्क्षणोद्वर्तनलेपनादीन् पादप्रयुक्तान्नयनं नयन्ति|
मलोष्णसङ्घट्टनपीडनाद्यैस्ता दूषयन्ते नयनानि दुष्टाः|
भजेत्सदा दृष्टिहितानि तस्मादुपानदभ्यञ्जनधावनानि||१३||
इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे अक्षिपाकपिल्लप्रतिषेधो नाम विंशोऽध्यायः||२०||
প্রত্যেকং পাদমধ্যে দ্বে সিরে পৃথুসন্নিবেশে বিস্তীর্ণরূপে ন তু বর্তুলে যে সিরে তে নেত্রে বহুধা গতে| তাঃ পাদযোশ্চতস্রঃ সিরাঃ পাদপ্রযুক্তান্ ভ্রঙ্ক্ষণাদীন্ নেত্রং নযন্তি| ভ্রঙ্ক্ষণামভ্যঙ্গঃ| তাশ্চ মলাদিভির্দুষ্টা নযনানি সর্বেষাং দূষযন্তি| যত এবমতো হেতোরুপানদাদীনি দৃষ্টিহিতানি সদা ভজেত্| উপনাহৌ পাদুকে| ধাবনং প্রক্ষালনম্|| ১৩|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে বিংশোঽধ্যাযঃ