Adhikarana athAkShipAkapillapratiShedho nAma viMsho~adhyAyaH - pratij~jA (1) · Śloka 1
অথাত অক্ষিপাকপিল্লপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथात अक्षिपाकपिल्लप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana shuShkAkShipAkacikitsA (2) · Śloka 2
শুষ্কাক্ষিপাকে বাতাভিষ্যন্দবিহিতং সর্পিঃ পিবেত্| কুলীররসক্ষীরসিদ্ধং বা| দার্বীপ্রপৌণ্ডরীকযোঃ ক্বাথ আশ্চ্যোতনমক্ষিপাকঘ্নম্| মঞ্জিষ্ঠামধুক্কালানুসারীসারিবালোধ্রলাক্ষাপ্রপৌণ্ডরীকাণামক্ষিপাকরক্তরাজীঘ্নম্| মৃদ্বীকাচন্দনকল্কস্তণ্ডুলাম্বুপরিস্রুতো মধুমানশ্রুদাহহরঃ| অণুতৈলং নস্যম্| শারিবাবিদারীবলামধুকোত্পলদ্রাক্ষাটরূষকজীবকচন্দনৈর্জাঙ্গলরসক্ষীরোপেতং তৈলং সাধিতং নাবনাত্ সর্বোর্ধ্বজত্রুজান্ গদান্ বাতপিত্তোত্তরান্ নিহন্তি| স্নিগ্ধাশ্চাত্র তর্পণপুটপাকাঃ| বাতপিত্তান্যতরোদ্রেকতশ্চ যথাস্বমভিষ্যন্দবিধিঃ| আদর্শমণ্ডলে ঘৃতাক্তকেশান্ ঘৃষ্ট্বান্তর্ধূমং দহেত্সা মষীঘৃতপিষ্টাঽযসভাজনস্থিতাঽক্ষিপাকমঞ্জনাদপহরতি| মঞ্জিষ্ঠাফলত্রিককটঙ্কটেরীনিষ্ক্বাথে লোহস্রোতোঽঞ্জনচূর্ণমাপিণ্ডীভাবাত্ পচেত্| এতচ্চূর্ণাঞ্জনমভযং দাহোষাকরাগাশ্রুহরম্| তাম্ররজস্সৈর্যকপুষ্পপুণ্ড্রাহ্বমধুককালানুসারীশারিবাঃ ছাগেন পযসা পিষ্টাঃ পিণ্ডাঞ্জনম্| আনূপবসা শুণ্ঠীসৈন্ধবচূর্ণান্বিতা স্নেহাঞ্জনম্| এবমপ্যশান্তৌ মধুকসিদ্ধঃ শতাহ্বাচূর্ণযুক্তো ঘৃতমণ্ডস্তথা পযো বা বস্তিঃ||২||
शुष्काक्षिपाके वाताभिष्यन्दविहितं सर्पिः पिबेत्| कुलीररसक्षीरसिद्धं वा| दार्वीप्रपौण्डरीकयोः क्वाथ आश्च्योतनमक्षिपाकघ्नम्| मञ्जिष्ठामधुक्कालानुसारीसारिवालोध्रलाक्षाप्रपौण्डरीकाणामक्षिपाकरक्तराजीघ्नम्| मृद्वीकाचन्दनकल्कस्तण्डुलाम्बुपरिस्रुतो मधुमानश्रुदाहहरः| अणुतैलं नस्यम्| शारिवाविदारीबलामधुकोत्पलद्राक्षाटरूषकजीवकचन्दनैर्जाङ्गलरसक्षीरोपेतं तैलं साधितं नावनात् सर्वोर्ध्वजत्रुजान् गदान् वातपित्तोत्तरान् निहन्ति| स्निग्धाश्चात्र तर्पणपुटपाकाः| वातपित्तान्यतरोद्रेकतश्च यथास्वमभिष्यन्दविधिः| आदर्शमण्डले घृताक्तकेशान् घृष्ट्वान्तर्धूमं दहेत्सा मषीघृतपिष्टाऽयसभाजनस्थिताऽक्षिपाकमञ्जनादपहरति| मञ्जिष्ठाफलत्रिककटङ्कटेरीनिष्क्वाथे लोहस्रोतोऽञ्जनचूर्णमापिण्डीभावात् पचेत्| एतच्चूर्णाञ्जनमभयं दाहोषाकरागाश्रुहरम्| ताम्ररजस्सैर्यकपुष्पपुण्ड्राह्वमधुककालानुसारीशारिवाः छागेन पयसा पिष्टाः पिण्डाञ्जनम्| आनूपवसा शुण्ठीसैन्धवचूर्णान्विता स्नेहाञ्जनम्| एवमप्यशान्तौ मधुकसिद्धः शताह्वाचूर्णयुक्तो घृतमण्डस्तथा पयो वा बस्तिः||२||
🔊 Audio coming soon
Adhikarana saSoPAlpaSoPayoScikitsA (3) · Śloka 3
সশোফাল্পশোফযোস্তু স্নিগ্ধস্বিন্নস্যানু সিরাং বিধ্যেত্| দ্রাক্ষাভযাক্বাথস্ত্রিবৃত্কল্কবান্ সঘৃতো বিরেকঃ| বিরিক্তস্য যথাদোষোদযমাস্থাপনম্| ততঃ পিণ্ডস্বিন্নশিরসঃ সর্ষপতৈলেন সৈন্ধবযুতেন বা সর্পিষা ফণিজ্জকযুক্তেন বা অণুতৈলেন শিরোবিরেকঃ বিরিক্তশিরসোঽনুবাসনং ক্ষীরসর্পিষা ধূমপানং চ| শিরোনেত্রং চাস্য সুনিষণ্ণকপত্তূরৈরণ্ডপত্রৈঃ ক্ষীরাংবুস্বিন্নৈঃ সংস্বেদযেত্| ঘৃতভৃষ্টং লোধ্রচূর্ণং সূক্ষ্মবাসস্থমুষ্ণোদকবিমৃদিতমাশ্চ্যোতনম্| শুষ্কাক্ষিপাকোক্তং চ বেদনাঘ্নম্||৩||
सशोफाल्पशोफयोस्तु स्निग्धस्विन्नस्यानु सिरां विध्येत्| द्राक्षाभयाक्वाथस्त्रिवृत्कल्कवान् सघृतो विरेकः| विरिक्तस्य यथादोषोदयमास्थापनम्| ततः पिण्डस्विन्नशिरसः सर्षपतैलेन सैन्धवयुतेन वा सर्पिषा फणिज्जकयुक्तेन वा अणुतैलेन शिरोविरेकः विरिक्तशिरसोऽनुवासनं क्षीरसर्पिषा धूमपानं च| शिरोनेत्रं चास्य सुनिषण्णकपत्तूरैरण्डपत्रैः क्षीरांबुस्विन्नैः संस्वेदयेत्| घृतभृष्टं लोध्रचूर्णं सूक्ष्मवासस्थमुष्णोदकविमृदितमाश्च्योतनम्| शुष्काक्षिपाकोक्तं च वेदनाघ्नम्||३||
🔊 Audio coming soon
Adhikarana tatra sandhAvAH (4) · Śloka 4
এবমশান্তবেদনং সন্ধাবৈরুপক্রমেত্| শশশিরঃকপালং সৈন্ধবং কাংস্যে স্তন্যঘৃষ্টং সন্ধাবো বেদনাঘ্নঃ| তদ্বত্তাম্রং চ লোহে গোমূত্রঘৃষ্টং ঘৃতধূপিতম্| শিগ্রুপল্লবরসশ্চ তাম্রঘৃষ্টো ঘৃতধূপিতঃ| শঙ্খতাম্রে স্তন্যেন ঘৃষ্টং ঘৃতাভ্যক্তযবশমীপত্রধূপিতং ঘর্ষবেদনাঘ্নম্| উদুম্বরফলং লোহে স্তন্যঘৃষ্টং ঘৃতাভ্যক্তশমীপত্রধূপিতং শূলরাগাশ্রুঘর্ষঘ্নম্| দধিসরঃপিপ্পলীসৈন্ধবযুক্তস্তাম্রে ঘৃষ্টশ্শোফঘর্ষাশ্রুবেদনাঘ্নঃ| মৃত্কপালং কাংস্যে তিলোদকঘৃষ্টং ঘৃতাক্তনিম্বপত্র-ধূপিতং শোফকণ্ডূঘর্ষাশ্রুশূলরাগঘ্নম্| সন্ধাবাঞ্জিতং চাক্ষি স্তন্যেনানুসিঞ্চেত্| ত্রিপরঞ্চ তৈর্ন্নাঞ্জযেত্||৪||
एवमशान्तवेदनं सन्धावैरुपक्रमेत्| शशशिरःकपालं सैन्धवं कांस्ये स्तन्यघृष्टं सन्धावो वेदनाघ्नः| तद्वत्ताम्रं च लोहे गोमूत्रघृष्टं घृतधूपितम्| शिग्रुपल्लवरसश्च ताम्रघृष्टो घृतधूपितः| शङ्खताम्रे स्तन्येन घृष्टं घृताभ्यक्तयवशमीपत्रधूपितं घर्षवेदनाघ्नम्| उदुम्बरफलं लोहे स्तन्यघृष्टं घृताभ्यक्तशमीपत्रधूपितं शूलरागाश्रुघर्षघ्नम्| दधिसरःपिप्पलीसैन्धवयुक्तस्ताम्रे घृष्टश्शोफघर्षाश्रुवेदनाघ्नः| मृत्कपालं कांस्ये तिलोदकघृष्टं घृताक्तनिम्बपत्र-धूपितं शोफकण्डूघर्षाश्रुशूलरागघ्नम्| सन्धावाञ्जितं चाक्षि स्तन्येनानुसिञ्चेत्| त्रिपरञ्च तैर्न्नाञ्जयेत्||४||
🔊 Audio coming soon
Adhikarana athA~jjanAni (5) · Śloka 5
মধুকবৃহতীত্বক্তাম্ররজাংস্যজাক্ষীরপিষ্টানি শম্যামলকপত্রৈর্ঘৃতাপ্লুতৈঃ অনেকশো ধূপিতানি পিণ্ডাঞ্জনং শোফবেদনাঘ্নম্| তালীসপত্রপিপ্পলীলোহরজোঽঞ্জনকাসীসতগরজাতীমুকুলসৈন্ধবৈর্গোমূত্রপিষ্টৈস্তাম্রমালিপ্তং সপ্তরাত্রং স্থাপযিত্বা পুনস্তদ্বদেব পিষ্টৈর্গুটিকাঃ কার্যাস্তাঃ স্তন্যঘৃষ্টাঃ স্তম্ভশ্বযথুহর্ষঘর্ষাশ্রুকণ্ডূঘ্ন্যঃ| অবদ্ধাস্থিসহকারমাংসং বিগতত্বচং সমতাম্রচূর্ণমীষত্সৈন্ধবোপেতং গব্যেন দধ্না পিষ্ট্বা তাম্রমালেপযেত্| শুষ্কং শুষ্কং তথৈব চ পিষ্ট্বা পুনর্লেপযেত্| এতত্সপ্তভিঃ সপ্তাহৈঃ পিণ্ডাঞ্জনং কৃতং সর্বাক্ষিকাশ্রুঘর্ষশোফরাগবর্ত্মোপচযঘ্নম্| অশ্মন্তকাম্লবেতসপরূষককোলদাডিমৈঃ কৃতা রসক্রিযা সশোফাল্পশোফপূযালসান্ নাশযতি| ইত্থমপি শোফানুবৃত্তৌ পুনরস্রাবসেকঃ শিরোবিরেকশ্চ||৫||
मधुकबृहतीत्वक्ताम्ररजांस्यजाक्षीरपिष्टानि शम्यामलकपत्रैर्घृताप्लुतैः अनेकशो धूपितानि पिण्डाञ्जनं शोफवेदनाघ्नम्| तालीसपत्रपिप्पलीलोहरजोऽञ्जनकासीसतगरजातीमुकुलसैन्धवैर्गोमूत्रपिष्टैस्ताम्रमालिप्तं सप्तरात्रं स्थापयित्वा पुनस्तद्वदेव पिष्टैर्गुटिकाः कार्यास्ताः स्तन्यघृष्टाः स्तम्भश्वयथुहर्षघर्षाश्रुकण्डूघ्न्यः| अबद्धास्थिसहकारमांसं विगतत्वचं समताम्रचूर्णमीषत्सैन्धवोपेतं गव्येन दध्ना पिष्ट्वा ताम्रमालेपयेत्| शुष्कं शुष्कं तथैव च पिष्ट्वा पुनर्लेपयेत्| एतत्सप्तभिः सप्ताहैः पिण्डाञ्जनं कृतं सर्वाक्षिकाश्रुघर्षशोफरागवर्त्मोपचयघ्नम्| अश्मन्तकाम्लवेतसपरूषककोलदाडिमैः कृता रसक्रिया सशोफाल्पशोफपूयालसान् नाशयति| इत्थमपि शोफानुवृत्तौ पुनरस्रावसेकः शिरोविरेकश्च||५||
🔊 Audio coming soon
Adhikarana amloShitacikitsA (6) · Śloka 6
অম্লোষিতং পিত্তাভিষ্যন্দবদুপাচরেত্| পিল্ললসাধনং চেক্ষেত||৬||
अम्लोषितं पित्ताभिष्यन्दवदुपाचरेत्| पिल्ललसाधनं चेक्षेत||६||
🔊 Audio coming soon
Adhikarana pillarogANAM sa~gkhyAnam (7) · Śloka 7
পিত্তকফরক্তনিচযোত্ক্লিষ্টবর্ত্মপোথকীবিসাক্যকুকূণকপক্ষ্মোপরোধপূযালসশুষ্কাক্ষিপাকাল্পশোফাম্লোষিতা বাতবর্জ্যাশ্চ স্যন্দাধিমন্থা ইত্যষ্টাদশ দীর্ঘকালানুবন্ধিনো রোগাঃ পিল্লসংজ্ঞাঃ||৭||
पित्तकफरक्तनिचयोत्क्लिष्टवर्त्मपोथकीबिसाक्यकुकूणकपक्ष्मोपरोधपूयालसशुष्काक्षिपाकाल्पशोफाम्लोषिता वातवर्ज्याश्च स्यन्दाधिमन्था इत्यष्टादश दीर्घकालानुबन्धिनो रोगाः पिल्लसंज्ञाः||७||
🔊 Audio coming soon
Adhikarana pillAnAM pratyekaSaH cikitsA (8) · Śloka 8
এষাং ক্রিযা যথাস্বমুপদিষ্টৈব পুনশ্চ পিল্লী ভূতানাং সামান্যেনোপদিশ্যতে||৮||
एषां क्रिया यथास्वमुपदिष्टैव पुनश्च पिल्ली भूतानां सामान्येनोपदिश्यते||८||
🔊 Audio coming soon
Adhikarana pillasAmAnyacikitsA (9) · Śloka 9
অথ পিল্লাক্ষিরোগিণং স্নেহযিত্বা বামযেত্| কৃতক্রমস্য সিরাব্যধস্ততো বিরেকঃ| কৃতবিরেকস্য বর্ত্মনী লিখেত্| সকৃল্লেখনাদশুদ্ধৌ পুনর্লেখযেজ্জলৌকোভিশ্চ গ্রাহযেত্| প্রিযঙ্গুলোধ্রপদ্মকেসরচন্দনমধুককল্কেন সমাক্ষিকেণ বিডালকঃ| তুবরিকাফলত্রিকরোচনাক্বাথেন মধুমতা সাযং প্রাতঃ সদা প্রক্ষালনমঞ্জনান্তে চ কষাযবৃক্ষপল্লবকষাযেণ| তৈরেব চ পত্রৈরুষ্ণপ্রিযতাযাম্ন্তরান্তরা স্বেদঃ| তুত্থকপলং বিংশতিশ্চ শ্বেতমরিচানি ধান্যাম্লপিষ্টানি তত্পলৈস্ত্রিংশতা তাম্রপাত্রে সমালোডিতানি বহুবর্ষাণামপি পিল্লানাং পরমমাশ্চ্যোতনম্| অঞ্জনং চাস্যাম্রধাতকীপুষ্পতিলপর্ণীকল্কেন চ বর্ত্তিঃ| হরীতক্যাঢকীশ্চাষ্টগুণেঽম্ভস্যষ্টভাগাবশেষং ক্বাথযেত্| পুনশ্চ পরিস্রাব্যাদর্বীপ্রলোপাদ্রসক্রিযেযং পিল্লাক্ষিরোপণী| পলাশশাখাস্বরসে ক্বাথ্যমানে বৃহত্যুশীররজো দদ্যাত্| তদ্ ঘনীভূতং শীতমঞ্জনম্| সুরসারসপিষ্টৈর্বা বচালদেবদারুভিঃ| গোপিত্তপিষ্টাভ্যাং বা ব্যোষরসাঞ্জনাভ্যাম্| হরিতালসৌবীরকাঞ্জনসমাংশং বা তাম্রচূর্ণমঞ্জনম্| পরিপেলবকাসীসহরিদ্রাদ্বযসর্ষপপ্রিযঙ্গুতগরপিপ্পলীকল্কেন তাম্রভাজনমন্তর্লেপযিত্বা সৌবীরককুম্ভেঽধোমুখং সপ্তাহং বাসযেত্ ততো গুটিকাশ্চূর্ণং বা কুর্যাত্| তুত্থগৈরিকচূর্ণং ছগলীপযঃপিষ্টং গুটিকা প্রত্যঞ্জনম্| চূর্ণ এব বা দিব্যোদকভাবিতঃ| স এব বা তদাপ্লুতো নেত্রাশ্চ্যোতনমিতি| ভবতি চাত্র- বর্ত্মাবলেখং বহুশস্তদ্বচ্ছোণিতমোক্ষণম্| পুনঃ পুনর্বিরেকং চ পিল্লরোগাতুরো ভজেত্||৯||
अथ पिल्लाक्षिरोगिणं स्नेहयित्वा वामयेत्| कृतक्रमस्य सिराव्यधस्ततो विरेकः| कृतविरेकस्य वर्त्मनी लिखेत्| सकृल्लेखनादशुद्धौ पुनर्लेखयेज्जलौकोभिश्च ग्राहयेत्| प्रियङ्गुलोध्रपद्मकेसरचन्दनमधुककल्केन समाक्षिकेण बिडालकः| तुवरिकाफलत्रिकरोचनाक्वाथेन मधुमता सायं प्रातः सदा प्रक्षालनमञ्जनान्ते च कषायवृक्षपल्लवकषायेण| तैरेव च पत्रैरुष्णप्रियतायाम्न्तरान्तरा स्वेदः| तुत्थकपलं विंशतिश्च श्वेतमरिचानि धान्याम्लपिष्टानि तत्पलैस्त्रिंशता ताम्रपात्रे समालोडितानि बहुवर्षाणामपि पिल्लानां परममाश्च्योतनम्| अञ्जनं चास्याम्रधातकीपुष्पतिलपर्णीकल्केन च वर्त्तिः| हरीतक्याढकीश्चाष्टगुणेऽम्भस्यष्टभागावशेषं क्वाथयेत्| पुनश्च परिस्राव्यादर्वीप्रलोपाद्रसक्रियेयं पिल्लाक्षिरोपणी| पलाशशाखास्वरसे क्वाथ्यमाने बृहत्युशीररजो दद्यात्| तद् घनीभूतं शीतमञ्जनम्| सुरसारसपिष्टैर्वा वचालदेवदारुभिः| गोपित्तपिष्टाभ्यां वा व्योषरसाञ्जनाभ्याम्| हरितालसौवीरकाञ्जनसमांशं वा ताम्रचूर्णमञ्जनम्| परिपेलवकासीसहरिद्राद्वयसर्षपप्रियङ्गुतगरपिप्पलीकल्केन ताम्रभाजनमन्तर्लेपयित्वा सौवीरककुम्भेऽधोमुखं सप्ताहं वासयेत् ततो गुटिकाश्चूर्णं वा कुर्यात्| तुत्थगैरिकचूर्णं छगलीपयःपिष्टं गुटिका प्रत्यञ्जनम्| चूर्ण एव वा दिव्योदकभावितः| स एव वा तदाप्लुतो नेत्राश्च्योतनमिति| भवति चात्र- वर्त्मावलेखं बहुशस्तद्वच्छोणितमोक्षणम्| पुनः पुनर्विरेकं च पिल्लरोगातुरो भजेत्||९||
🔊 Audio coming soon
Adhikarana pUyAlase viSeShaH (10) · Śloka 10
পূযালসে ত্বশান্তেঽন্তে দাহঃ সূক্ষ্মশলাকযা||১০||
पूयालसे त्वशान्तेऽन्ते दाहः सूक्ष्मशलाकया||१०||
🔊 Audio coming soon
Adhikarana netrarogANAmuktAnAM sa~gkhyAnam (11) · Śloka 11
চতুর্নবতিরিত্যক্ষ্ণোর্হেতুলক্ষণসাধনৈঃ| পরস্পরমসঙ্কীর্ণাঃ কার্ত্স্ন্যেন গদিতা গদা||১১||
चतुर्नवतिरित्यक्ष्णोर्हेतुलक्षणसाधनैः| परस्परमसङ्कीर्णाः कार्त्स्न्येन गदिता गदा||११||
🔊 Audio coming soon
Adhikarana svasthe~api pathyApathyanirdeSaH (12) · Śloka 12
সর্বদা চ নিষেবেত স্বস্থোঽপি নযনপ্রিযঃ| পুরাণযবগোধূমশালিষষ্টিককোদ্রবান্| মুদ্গাদীন্ কফপিত্তঘ্নান্ ভূরিসর্পিঃ পরিপ্লুতান্| শাকং চৈবংবিধং মাংসং জাঙ্গলং দাডিমং সিতাম্| সৈন্ধবং ত্রিফলাং দ্রাক্ষাং বারি পানে চ নাভসম্| আতপত্রং পদত্রাণং বিধিবদ্দোষশোধনম্| বর্জযেদ্বেগসংরোধমজীর্ণাধ্যশনানি চ| ক্রোধশোকদিবাস্বপ্নরাত্রিজাগরণাতপান্| বিদাহবিষ্টম্ভকরং যচ্চেহাহারভেষজম্||১২||
सर्वदा च निषेवेत स्वस्थोऽपि नयनप्रियः| पुराणयवगोधूमशालिषष्टिककोद्रवान्| मुद्गादीन् कफपित्तघ्नान् भूरिसर्पिः परिप्लुतान्| शाकं चैवंविधं मांसं जाङ्गलं दाडिमं सिताम्| सैन्धवं त्रिफलां द्राक्षां वारि पाने च नाभसम्| आतपत्रं पदत्राणं विधिवद्दोषशोधनम्| वर्जयेद्वेगसंरोधमजीर्णाध्यशनानि च| क्रोधशोकदिवास्वप्नरात्रिजागरणातपान्| विदाहविष्टम्भकरं यच्चेहाहारभेषजम्||१२||
🔊 Audio coming soon
Adhikarana pAdaSirayornetrasambandhaH (13-20) · Śloka 20
দ্বে পাদমধ্যে পৃথুসন্নিবেশে সিরে গতে তে বহুধা চ নেত্রে| তা ভ্রঙ্ক্ষণোদ্বর্তনলেপনাদীন্ পাদপ্রযুক্তান্নযনং নযন্তি| মলোষ্ণসঙ্ঘট্টনপীডনাদ্যৈস্তা দূষযন্তে নযনানি দুষ্টাঃ| ভজেত্সদা দৃষ্টিহিতানি তস্মাদুপানদভ্যঞ্জনধাবনানি||১৩|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে অক্ষিপাকপিল্লপ্রতিষেধো নাম বিংশোঽধ্যাযঃ||২০||
द्वे पादमध्ये पृथुसन्निवेशे सिरे गते ते बहुधा च नेत्रे| ता भ्रङ्क्षणोद्वर्तनलेपनादीन् पादप्रयुक्तान्नयनं नयन्ति| मलोष्णसङ्घट्टनपीडनाद्यैस्ता दूषयन्ते नयनानि दुष्टाः| भजेत्सदा दृष्टिहितानि तस्मादुपानदभ्यञ्जनधावनानि||१३|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे अक्षिपाकपिल्लप्रतिषेधो नाम विंशोऽध्यायः||२०||
🔊 Audio coming soon