Adhikarana atha bAlopacaraNIyo nAma prathamo~adhyAyaH - avataraNikA · Śloka
🔊 Audio coming soon
এবং পঞ্চভিঃ স্থানৈস্তন্ত্রস্য প্রধানমঙ্গকাযাখ্যং শেষাঙ্গব্যাপি নির্ণীতম্| বালাদীনাং তু সপ্তানাং স্তোকব্যক্তশেষত্বাত্সর্বেষামেব নির্ণযং কর্তুমুত্তরাখ্যং ষষ্ঠং স্থানমারভ্যতে| তত্রাপি বালে কাযতস্তোকমন্তরং যাতোঽতঃ প্রথমমেব বালচিকিত্সা বক্তব্যা| তত্র প্রথমং বালস্য রোগোদ্ভবপ্রতিষেধোপাযপ্রদর্শনার্থমধ্যায আরভ্যতে| ততোঽরক্ষযা জাতানাং রোগাণাং প্রতীকারদর্নাযৈব দ্বিতীযোঽধ্যাযঃ|
Adhikarana pratij~jA (1) · Śloka 1
অথাতো বালোপচরণীযনামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो बालोपचरणीयनामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
অথেত্যাদি পূর্ববদ্ব্যাখ্যেযমিতি হেত্যাদি চ| বালোপচরণমধিকৃত্য কৃতোঽধ্যাযো বালোপচরণীযঃ, তং ব্যাখ্যাস্যামঃ|| ১||
Adhikarana ulbAdvishodhanam (2) · Śloka 2
অথ খলু জাতমাত্রমেব বালমুল্বাত্ সৈন্ধবসর্পিষা মার্জযেত্||২||
अथ खलु जातमात्रमेव बालमुल्बात् सैन्धवसर्पिषा मार्जयेत्||२||
🔊 Audio coming soon
অথেত্যানন্তর্যে| 'খলু' শব্দ ইদানীমর্থে| জাতমাত্রং তত্কাল এব বালমুল্বাত্ বেষ্টিতো জাযতে যেন গর্ভঃ স উল্বস্তস্মাত্ সৈন্ধবযুক্তেন সর্পিষা মার্জযেচ্ছোধযেত্||২||
Adhikarana prANapratyAnayanam (3) · Śloka 3
ততোঽস্যাতিপ্রবলমোহজ্বরপরীতসর্বগাত্রস্য ক্রোশিতুমপি রুজানুরূপসমর্থস্যানবস্থিতাশেষদেহধাতোরসম্ভাব্য যৌবনাদ্যবস্থস্য ক্রকচস্পর্শমিব করবসনশযনসংসর্গমন্যমানস্যাবিকল্পিতমঙ্গানি বিক্ষিপ্তঃ পুনরিব মরণমনুভবতো লীযমানসংজ্ঞস্যাতিসম্বাধযোনিপুটাবপীডিতপ্রাণপ্রত্যানযনায বলাতৈলেন পরিষেকং কুর্যাত্| কর্ণ মূলে চাশ্মনোঃ সঙ্ঘট্টনম্||৩||
ततोऽस्यातिप्रबलमोहज्वरपरीतसर्वगात्रस्य क्रोशितुमपि रुजानुरूपसमर्थस्यानवस्थिताशेषदेहधातोरसम्भाव्य यौवनाद्यवस्थस्य क्रकचस्पर्शमिव करवसनशयनसंसर्गमन्यमानस्याविकल्पितमङ्गानि विक्षिप्तः पुनरिव मरणमनुभवतो लीयमानसंज्ञस्यातिसम्बाधयोनिपुटावपीडितप्राणप्रत्यानयनाय बलातैलेन परिषेकं कुर्यात्| कर्ण मूले चाश्मनोः सङ्घट्टनम्||३||
🔊 Audio coming soon
ততোঽনন্তরমস্য বালস্যাতিসম্বাধেনাতিসঙ্কটেন যোনিপুটেন প্রসূতিকালেঽবপীডিতানাং প্রাণানাং প্রত্যানযনায বলাতৈলেন শরীরোক্তেন পরিষেকং কুর্যাত্| কিম্ভূতস্যেত্যাহ-অতিপ্রবলেত্যাদি| অতিপ্রবলেন মোহজ্বরেণ পরীতানি সমন্তাদ্ব্যাপ্তানি সর্বগাত্রাণি যস্য| জন্মমরণযোর্হি মোহজ্বরাবেশঃ প্রাগুক্তঃ| তথা প্রসূতিক্লেশরুজানুরূপং তাং প্রতিকর্ত্তুং ক্রোশিতুমপ্যক্ষমস্যাশক্তস্য| তথা অনবস্থিতা অগৃহীতস্বরূপা অশেষা দেহধাতবো যস্য| ধাতবো বাতাদিরসাদিমূত্রাদযঃ| তথা অসম্ভাব্যা যৌবনাদ্যবস্থা যস্য| অন্যকরাদিসংসর্গঞ্চ ক্রকচস্পর্শমিব মন্যমানস্য| ক্রকচং করপত্রম্| তথাবিকল্পিতং রুজাপ্রযুক্তত্বেনৈবাঙ্গানি বিক্ষিপ্তঃ| তথান্যজন্মনি মরণমনুভূয প্রসূতিকালে রুজযা পুনরিব মরণমনুভবতো লীযমানসংজ্ঞস্য মূঢচেতনস্য| কর্ণমূলে কর্ণসমীপে চাস্য বালস্যাশ্মনোঃ পাষাণযোঃ সঙ্ঘট্টনং পরস্পরাভিঘাতং কুর্যাত্| এতচ্চ প্রসূতিকালসঞ্জাতমোহপ্রশমার্থম্|| ৩||
Adhikarana nishceShTasya prabodhanaM karNe mantroccAraNaM ca (4) · Śloka 4
যদি বাঽচেষ্ট এব স্যাত্ততঃ কৃষ্ণকপালিকযা শূর্পেণ চৈনমভিনিষ্পুনীযাত্| দক্ষিণকর্ণমূলে চ মন্ত্রমস্যোচ্চারযেত্ _ অঙ্গাদঙ্গত্সম্ভবসি হৃদযাদভিজাযসে| আত্মা বৈ পুত্রনামাসি স জীব শরদাং শতম্| শতাযুঃ শতবর্ষোঽসি দীর্ঘমাযুরবাপ্নুহি| নক্ষত্রাণি দিশো রাত্রিরহশ্চত্বাভিরক্ষতু||৪||
यदि वाऽचेष्ट एव स्यात्ततः कृष्णकपालिकया शूर्पेण चैनमभिनिष्पुनीयात्| दक्षिणकर्णमूले च मन्त्रमस्योच्चारयेत् _ अङ्गादङ्गत्सम्भवसि हृदयादभिजायसे| आत्मा वै पुत्रनामासि स जीव शरदां शतम्| शतायुः शतवर्षोऽसि दीर्ग़मायुरवाप्नुहि| नक्षत्राणि दिशो रात्रिरहश्चत्वाभिरक्षतु||४||
🔊 Audio coming soon
অত্রান্তরে চ যদ্যচেষ্ট এব স্যাত্ততঃ কৃষ্ণযা ধূমকজ্জলেন মৃদিতমধ্যযা কপালিকযা শূর্পেণ চাভিনিস্ফুরণায যতেত| যতোঽতিপ্রভাবাত্তং বোধযতি| অস্য চ বালস্য দক্ষিণকর্ণমূলে অঙ্গাদঙ্গাদিত্যাদি শ্লোকদ্বযং মন্ত্রমুচ্চারযেত্| মন্ত্রব্যাখ্যানস্য যত্ প্রযোজনং তত্সুবোধম্|| ৪||
Adhikarana nAbhinAlacchedanAdi (5) · Śloka 5
প্রত্যাগতপ্রাণস্য চ প্রকৃতিভূতস্য নাভিনালং নালাভিবন্ধনাচ্চতুরঙ্গুলস্যোর্ধ্বং ক্ষোউমসূত্রেণ বদ্ধ্বা তীক্ষ্ণেন শস্ত্রেণ বর্ধযেত্| গ্রীবাযাং চৈনমাসজ্জেত্| নাভিঞ্চ কুষ্ঠতৈলেন সেচযেত্||৫||
प्रत्यागतप्राणस्य च प्रकृतिभूतस्य नाभिनालं नालाभिबन्धनाच्चतुरङ्गुलस्योर्ध्वं क्षोउमसूत्रेण बद्ध्वा तीक्ष्णेन शस्त्रेण वर्धयेत्| ग्रीवायां चैनमासज्जेत्| नाभिञ्च कुष्ठतैलेन सेचयेत्||५||
🔊 Audio coming soon
ততঃ প্রকৃতিভূতস্য স্বস্থস্য চ নালাভিবন্ধনান্রাভিনালস্য যত্র জঠরে নিবন্ধনং ভবতি, তস্মাচ্চতুরঙ্গুলাদূর্ধ্বং ক্ষোউমসূত্রেণ বদ্ধ্বা সূত্রবন্ধাদূর্ধ্বং শস্ত্রেণ নাভিনালস্য বর্ধনং ছেদনং কুর্যাত্| এনমিতি ছিন্নশিষ্টং নাভিনালং বালস্য গ্রীবাযাং সূত্রেণাসজ্জযেল্লম্বত্বপরিহারায| কুষ্ঠেন যুক্তং সিদ্ধং বা তৈলং কুষ্ঠতৈলং তেন নাভিং সেচযেত্|| ৫||
Adhikarana snapanam (6) · Śloka 6
ততঃ ক্ষীরিবৃক্ষকষাযেণ সর্বগন্ধোদকেন বা সপ্ততপনীযরজতনির্বাপণকবোষ্ণেন কপিত্থপত্রকষাযেণ বা তদ্বিধেন স্নাপযেত্||৬||
ततः क्षीरिवृक्षकषायेण सर्वगन्धोदकेन वा सप्ततपनीयरजतनिर्वापणकवोष्णेन कपित्थपत्रकषायेण वा तद्विधेन स्नापयेत्||६||
🔊 Audio coming soon
ততোঽনন্তরং তং বালং ক্ষীরিবৃক্ষাণাং বটাদীনাং কষাযেণ তপ্তানাং তপনীযরজতানাং নির্বাপণেন তত্র তাপোপশমেনোষ্ণীকৃতেন স্নাপযেদিতি| অথবা সর্বগন্ধদ্রব্যোদকেন তপনীযাদিতপ্তেন| অথবা কপিত্থপত্রাণাং কষাযেণ তদ্বিধেনেতি তপনীযাদিকবোষ্ণেন| তপনীযং সুবর্ণম্| রজতং রুপ্যম্|| ৬||
Adhikarana jihvauShThAdishodhanam (7) · Śloka 7
ততোঽস্য সুপরিলিখিতনখযা সুপ্রক্ষালিতোপবানযা কার্পাসপিচ্ববগুণ্ঠিতযা দক্ষিণপ্রদেশিন্যা জিহ্বোউষ্ঠকণ্ঠমনুসুখং প্রমুজ্যাত্| তালুং চোন্নাম্য স্নেহপিচুনোপরিষ্টাদবগুণ্ঠযেত্||৭||
ततोऽस्य सुपरिलिख़ितनख़या सुप्रक्षालितोपवानया कार्पासपिच्ववगुण्ठितया दक्षिणप्रदेशिन्या जिह्वोउष्ठकण्ठमनुसुख़ं प्रमुज्यात्| तालुं चोन्नाम्य स्नेहपिचुनोपरिष्टादवगुण्ठयेत्||७||
🔊 Audio coming soon
ততঃ স্নানাদনন্তরমস্য বালস্য সুপরিলিখিতনখত্বাদিযুক্ত্যা দক্ষিণকরপ্রদেশিন্যা জিহ্বোউষ্ঠকণ্ঠং সাধু সত্রিবেশায প্রমৃজ্যাত্| সুপরিলিখিতং পারূষ্যাদিনাশায শস্ত্রেণ কৃত্তং নখং যস্যাঃ| পূর্বং সুপ্রক্ষলিতা পশ্চাদুপবনোপশুষ্কা সুপ্রক্ষালিতোপবানা| কার্পাসমযঃ পিচুঃ কার্পাসখণ্ডঃ| তেনাবগুণ্ঠিতযা মার্দবায বেষ্টিতযা| প্রদেশিন্যঙ্গুষ্ঠাত্ দ্বিতীযা| তথাবিধযৈব চ তথা তালূন্নাম্য স্নেহযুক্তেন কার্পাসপিচুনোপরিষ্টাচ্ছিরস্যবগুণ্ঠযেদাচ্ছাদযেত্|| ৭||
Adhikarana medhAjanakaM prAshanam (8) · Śloka 8
ততশ্চৈন্দ্রীব্রাহ্মীশঙ্খপুষ্পীবচাকল্কং মধুঘৃতোপেতং হরেণুমাত্রম্ কুশাগ্রাভিমন্ত্রিতং সৌবর্ণেনাশ্বত্থপত্রেণ মেধাযুর্বলজননং প্রাশযেত্| তদ্বদ্ ব্রাহ্মীবলানন্তাশতাবর্যন্যতমচূর্ণং বা||৮||
ततश्चैन्द्रीब्राह्मीशङ्खपुष्पीवचाकल्कं मधुघृतोपेतं हरेणुमात्रम् कुशाग्राभिमन्त्रितं सौवर्णेनाश्वत्थपत्रेण मेधायुर्बलजननं प्राशयेत्| तद्वद् ब्राह्मीबलानन्ताशतावर्यन्यतमचूर्णं वा||८||
🔊 Audio coming soon
অনন্তরমৈন্দ্র্যাদীনাং কল্কং হরেণুমাত্রমানং মধুঘৃতাভ্যাং যুক্তং কুশাগ্রেণ দর্ভাগ্রেণ মেধাদিজননেন বৈদিকেন মন্ত্রেণাভিমন্ত্রিতং সুবর্ণবিকারেণাশ্বত্থপত্রেণ করণেন প্রাশযেত্তং মেধাদিজননম্| এন্দ্রী ইন্দ্রাণী| ব্রাহ্মী ব্রহ্মসুবর্চলা| শঙ্খপুষ্পী কাশ্মীরেষু বীরটী| হরেণবঃ সতীনাঃ| অশ্বত্থপত্রাকৃতিত্বাত্সোউবর্ণমশ্বত্থপত্রম্| তদ্বদৈন্দ্র্যাদিকল্কবিধিনানেন ব্রাহ্ম্যাদীনামন্যতমস্য বা চূর্ণং প্রাশযেত্| অনন্তা দূর্বা|| ৮||
Adhikarana garBodakavAmanam (9) · Śloka 9
ততঃ সৈন্ধবোপহিতেন সর্পিষা গর্ভোদকানি বামযেত্| তথাস্যোরঃ কণ্ঠবিশুদ্ধ্যা লাঘবমভিলাষশ্চ জাযতে||৯||
ततः सैन्धवोपहितेन सर्पिषा गर्भोदकानि वामयेत्| तथास्योरः कण्ठविशुद्ध्या लाघवमभिलाषश्च जायते||९||
🔊 Audio coming soon
ততঃ প্রাশাদনন্তরমস্মৈ সৈন্ধবেন যুক্তং সর্পির্গর্ভোদকবমনায দদ্যাত্| তযেতি বমনেনাস্য বালস্যোরঃকণ্ঠস্য বিশুদ্ধ্যা লাঘবাদিকং জাযতে|| ৯||
Adhikarana jAtakarma (10) · Śloka 10
অথাস্য জাতকর্ম প্রাজাপত্যেন বিধিনা কুর্যাত্||১০||
अथास्य जातकर्म प्राजापत्येन विधिना कुर्यात्||१०||
🔊 Audio coming soon
অথানন্তরমস্য বালস্য প্রাজাপত্যেন ব্রাহ্মেণ বৈদিকেন বিধিনা জাতকর্ম কুর্যাত্|| ১০||
Adhikarana sUtikAyAH stanyAvataraNakAlaH (11) · Śloka 11
অপি চ সিরাণাং হৃদযস্থানাং বিবৃতত্বাত্প্রসূতিতঃ| তৃতীযেঽহ্নি চতুর্থে বা স্ত্রীণাং স্তন্যং প্রবর্ততে||১১||
अपि च सिराणां हृदयस्थानां विवृतत्वात्प्रसूतितः| तृतीयेऽह्नि चतुर्थे वा स्त्रीणां स्तन्यं प्रवर्तते||११||
🔊 Audio coming soon
স্ত্রীণাং সূতানাং প্রসূতিতঃ প্রসবাত্তৃতীযে চতুর্থে বাহ্নি স্তন্যং প্রবর্ততে| যতস্তদা হৃদযস্থাঃ সিরাঃ সর্বা বিবৃতা ভবন্তিঃ, গর্ভিণ্যাস্তু সংবৃতাঃ| যত এবমতো যাবত্স্যন্যং তাবদযং ক্রমঃ|| ১১||
Adhikarana prathamAdidineShu shishoH prAshanam (12) · Śloka 12
তস্মাত্প্রথমেঽহন্যনন্তা মিশ্রিতে মধুসর্পিষী মন্ত্রপূতে ত্রিকালং প্রাশযেত্| দ্বিতীযে লক্ষ্মণাসিদ্ধং সর্পিস্তৃতীযে চ||১২||
तस्मात्प्रथमेऽहन्यनन्ता मिश्रिते मधुसर्पिषी मन्त्रपूते त्रिकालं प्राशयेत्| द्वितीये लक्ष्मणासिद्धं सर्पिस्तृतीये च||१२||
🔊 Audio coming soon
প্রথমেঽহন্যনন্তযা দূর্বযা মিশ্রিতে মধুসর্পিষী| অনন্তামিশ্রণং মেধাপুষ্ট্যাদীঞ্জনযেদেবং বৈদিকেন মন্ত্রেণ পূতে অহনি ত্রীন্ কালান্ প্রাশযেত্| দ্বিতীযেঽহ্নি লক্ষ্ম্ণাসিদ্ধং সর্পিস্ত্রিকালম্| তথৈব তৃতীযে||১২||
Adhikarana prathamastanyapAnavidhiH (13) · Śloka 13
ততঃ প্রাঙ্নিবারিতস্তন্যস্য স্বপাণিতলসম্মিতং সর্পির্দ্বিকালং দাপযেদনন্তরং চ স্তন্যমিষ্টিতঃ||১৩||
ततः प्राङ्निवारितस्तन्यस्य स्वपाणितलसम्मितं सर्पिर्द्विकालं दापयेदनन्तरं च स्तन्यमिष्टितः||१३||
🔊 Audio coming soon
ততোঽনন্তরং চতুর্থে স্তন্যপানাত্ প্রাঙ্নিবারিতস্তন্যস্য যত্নেন রক্ষিতস্তন্যপানস্য দ্বিকালং প্রাতর্মধ্যাহ্নে চ স্বপাণিতল্ অসম্মিতং বালস্য করতলমেযং সর্পির্দাপযেত্| অনন্তরং তত্কাল এবেষ্টতো যথেচ্ছং স্তন্যং দাপযেত্|| ১৩||
Adhikarana karNapathi snehadAnam (14) · Śloka 14
অহরহশ্চাস্য শ্রোত্রশৃঙ্গাটকং স্নেহাপ্লুতেন প্লোতেন প্রচ্ছাদযেত্||১৪||
अहरहश्चास्य श्रोत्रशृङ्गाटकं स्नेहाप्लुतेन प्लोतेन प्रच्छादयेत्||१४||
🔊 Audio coming soon
অস্য চ বালস্যাহরহঃ প্রতিদিনং শ্রোত্রশৃঙ্গাটকং কর্ণপথং স্নেহাপ্লুতেন স্নেহমগ্নেন প্লোতেন চৈলখণ্ডেন প্রচ্ছাদযেত্|| ১৪||
Adhikarana saMveshanam (15) · Śloka 15
প্রাক্শিরসং চৈনং ক্ষোউমনিচযে সংবেশযেদুচ্ছীর্ষকে চাস্যাভিমন্ত্রিতমুদকুম্ভং স্থাপযেত্ দ্বারপক্ষযোশ্চ||১৫||
प्राक्शिरसं चैनं क्षोउमनिचये संवेशयेदुच्छीर्षके चास्याभिमन्त्रितमुदकुम्भं स्थापयेत् द्वारपक्षयोश्च||१५||
🔊 Audio coming soon
ক্ষৌমাণাং বস্ত্রাণাং নিচযে প্রাক্শিরসমেনং বালং সংবেশযেচ্চ| সংবেশনং শয্যাযাং স্থাপনম্| সুবোধম্| উচ্ছীর্ষকঃ শয্যাযাঃ শিরোভাগঃ| দ্বারপক্ষো দ্বারপার্শ্বঃ|| ১৫||
Adhikarana vIjanAdyupacArAH (16) · Śloka 16
আদারীবিদারীবদরীখদিরনিম্বপীলুপরূষকশাখাভিরেনং বীজযেত্| তাভিশ্চ সমন্ততঃ সূতিকাগারং পরিVবারযেত্| সর্ষপাতসীকণকণিকাশ্চান্তর্বহিঃ প্রকিরেত্| সাযং প্রাতশ্চ বলিম্||১৬||
आदारीविदारीबदरीख़दिरनिम्बपीलुपरूषकशाख़ाभिरेनं वीजयेत्| ताभिश्च समन्ततः सूतिकागारं परिVवारयेत्| सर्षपातसीकणकणिकाश्चान्तर्बहिः प्रकिरेत्| सायं प्रातश्च बलिम्||१६||
🔊 Audio coming soon
এনং বালমাদার্যাদীনাং শাখাভির্বীজনং কারযেত্| (নি) আদারী কাকহন্তালী তোযা খদিরবল্যপি| বীজনং ব্যজনবাতেন পবনম্| তাভিশ্চাদার্যাদিশাখাভিঃ সূতিকাগারং সমন্ততঃ সর্বতোদিক্কং পরিবারযেত্| সূতিকাগারস্যান্তর্বহিশ্চ সর্ষপাদিকণিকা বিকিরেদ্বিক্ষিপেত্| সাযং প্রাতশ্চ বলিং ভূতোপহারমন্তর্বহিঃ প্রকিরেত্||১৬||
Adhikarana dhUpanaM shAntikarma ca (17) · Śloka 17
ব্রণোক্তৈশ্চ গুগ্গুল্বাদিভির্ধূপং কুর্বীত| তথা ব্রাহ্মণোঽথর্ববেদবিদ্দশাহং শান্তিকর্ম কুর্যাত্| মাযূরীং মহামাযূরীমার্যারত্নকেতুধারিণীং চোভযকালং বাচযেত্||১৭||
व्रणोक्तैश्च गुग्गुल्वादिभिर्धूपं कुर्वीत| तथा ब्राह्मणोऽथर्ववेदविद्दशाहं शान्तिकर्म कुर्यात्| मायूरीं महामायूरीमार्यारत्नकेतुधारिणीं चोभयकालं वाचयेत्||१७||
🔊 Audio coming soon
বর্ণোক্তা গুগ্গুল্বাদযঃ সূত্রস্থানে শস্ত্রকর্মবিধোউ গুগ্গুল্বগুরুসর্জরসবচাগোউরসর্ষপেত্যাদিনা পঠিতাঃ| সুবোধম্| দ্বে বিদ্যে একা লঘুমাযূরী সপ্তশতী| দ্বিতীযা মহামাযূরী চতুঃসহস্রী| আর্যাশব্দঃ প্রজাবাচী| রত্নকেতুনাম্না বিশিষ্টা ধারিণীতি সৌগতাদীনাং যা প্রসিদ্ধা|| ১৭||
Adhikarana rakShAkarmavisheShaH (18) · Śloka 18
হিঙ্গুবচাতুরুষ্করক্ষোঘ্নৈঃ পোটলিকামুত্তরদেহল্যামাসজ্জেত্| কুমারস্য চ সহ মাত্রা কাণ্ঠে উচ্ছীর্ষকে চ| তদ্বদার্যাপর্ণশবরীমার্যাপরাজিতাং চ গোরোচনাভিলিখিতাম্| দ্বারে চ দেহলীমনুতির্যঙ্মুসলং নিধাপযেত্| কণকণ্ডকতিন্দুকেন্ধনাগ্নিং নক্তং দিবঞ্চ জাগৃযাত্| তথানুরক্তাঃ স্ত্রিযঃ সুহৃদশ্চ| প্রহৃষ্টজনসম্পূর্ণঞ্চ তদ্বেশ্ম কার্যম্||১৮||
हिङ्गुवचातुरुष्करक्षोघ्नैः पोटलिकामुत्तरदेहल्यामासज्जेत्| कुमारस्य च सह मात्रा काण्ठे उच्छीर्षके च| तद्वदार्यापर्णशबरीमार्यापराजितां च गोरोचनाभिलिखिताम्| द्वारे च देहलीमनुतिर्यङ्मुसलं निधापयेत्| कणकण्डकतिन्दुकेन्धनाग्निं नक्तं दिवञ्च जागृयात्| तथानुरक्ताः स्त्रियः सुहृदश्च| प्रहृष्टजनसम्पूर्णञ्च तद्वेश्म कार्यम्||१८||
🔊 Audio coming soon
পোটলিকা প্রসেবিকা| উত্তরদেহলী দ্বারশাখযোরুপর্যাসক্তং কাষ্ঠম্| কুমারস্য বলস্য কণ্ঠে উচ্ছীর্ষকে চ হিঙ্গ্বাদিপোটলিকামাসজ্জেত্| তন্মাতুশ্চ তথৈবেতি সহার্থঃ| আর্যাপর্ণশবরীবিদ্যা আর্যাপরাজিতা ইতি মূলমন্ত্রেণ গোরোচনযা ভূর্জাদিপত্রলিখিতা তস্য কণ্ঠে উচ্ছীর্ষকে চাসজ্জেত্| দেহলীমনু দেহল্যনুসারেণ দ্বারে তির্যঙ্মুসলং নিধাপযেত্| দেহলী দ্বারশাখযোরাধারকাষ্ঠম্| যস্য চাগ্নেঃ কণাদিকমিন্ধনং তমগ্নিং নক্তন্দিবং চ জাগৃযাত্ নির্যাণাদ্রক্ষেত্| কণং খণ্ডতণ্ডুলাঃ| কণ্ডকং তণ্ডুলক্ষোদনচূর্ণম্| তথানুরক্তাঃ স্ত্রিযো জাগৃযুঃ সুহৃদশ্চ| সুবোধম্|| ১৮||
Adhikarana stanyadAnArhadhAtrIlakShaNam (19) · Śloka 19
অথাস্য সমানবর্ণা মধ্যমবযাঃ শুচিরলোলুপা নিভৃতানাতুরা জীবদ্বত্সা বত্সলা দক্ষিণা ব্রহ্মচারিণ্যব্যঙ্গা বহুক্ষীরা শুক্লাম্বরাচারা দীর্ঘহ্রস্বাদিদেহদোষাষ্টকরহিতা অলম্বোর্ধ্বচূচুকাতিপীনহীনস্তনদোষমুক্তা যুক্তচূচুকা ধাত্রী স্যাত্তস্য এব স্তন্যং পিবেত||১৯||
अथास्य समानवर्णा मध्यमवयाः शुचिरलोलुपा निभृतानातुरा जीवद्वत्सा वत्सला दक्षिणा ब्रह्मचारिण्यव्यङ्गा बहुक्षीरा शुक्लाम्बराचारा दीर्घह्रस्वादिदेहदोषाष्टकरहिता अलम्बोर्ध्वचूचुकातिपीनहीनस्तनदोषमुक्ता युक्तचूचुका धात्री स्यात्तस्य एव स्तन्यं पिबेत||१९||
🔊 Audio coming soon
অথ বালস্য সবর্ণত্বাদিযুক্তা ধাত্রী স্যাত্| বর্ণো ব্রাহ্মণাদিঃ| মধ্যং বযস্তারুণ্যাদ্বর্ধ্বম্| দারুবাহিঃ পঠতি| তরুণী স্যাদবত্সলা| ক্লেশং ন সহতে বৃদ্ধা স্তন্যং চাস্যা ন পুষ্টিকৃদিতি| লোলুপা আহারপানগৃধ্নুঃ নিভৃতা অব্যগ্রা| অনাতুরা ব্যাধিরহিতা| বত্সলা অপত্যবত্সলা| দক্ষিণা অনুকূলা| ব্রহ্মচারিণী নিষিদ্ধপুংসং যোগা| অব্যঙ্গা সম্পূর্ণাঙ্গা| আচারস্য শুক্লত্বমনিন্দিতত্বম্| অষ্টৌ দেহদোষাঃ অতিদীরত্বমতিহ্রস্বত্বমতিলোমত্বমলোমত্বমতিশুক্লত্বমতিকৃষ্ণত্বমতিকার্শ্যমতিস্থূলত্বঞ্চ| অলম্বচূচুকা অনূর্ধ্বাভিমুখচূচুকা চ| অতিপীনহীনাভ্যাং স্তনদোষাভ্যাং মুক্তা| যুক্তং প্রমাণানধিকং চূচুকং যস্যাঃ সা তথোক্তা| চূচুকং স্তনাগ্রম্| তস্যা যথোক্তাযা এব ধাত্র্যাঃ স্তন্যং পিবেত্| এবকারগ্রহণমেতদ্গুণমিশ্রীভাবপ্রতিষেধায|| ১৯||
Adhikarana shuddhastanyalakShaNam (20) · Śloka 20
তচ্চোদকপাত্রে দুহ্যমানমেকতাং যদুদকেন সহ গচ্ছতি বক্ষ্যমাণদোষরহিতঞ্চ তচ্ছুদ্ধমারোগ্যবলজননম্||২০||
तच्चोदकपात्रे दुह्यमानमेकतां यदुदकेन सह गच्छति वक्ष्यमाणदोषरहितञ्च तच्छुद्धमारोग्यबलजननम्||२०||
🔊 Audio coming soon
তচ্চেতি স্তন্যমুদকপূর্ণে পাত্রে দুহ্যমানমুদকেন সহ যদেকতামবিভক্তবৃত্তিত্বং গচ্ছতি| বালামযপ্রতিষেধে বক্ষ্যমাণোউঃ স্তন্যদোষৈঃ রহিতং তচ্ছুদ্ধমারোগ্যাদিজননং চ বোদ্ধব্যম্|| ২০||
Adhikarana dhAtryAH stanadAnavidhiH (21) · Śloka 21
অথ ধাত্রী স্নাতাঽনুলিপ্তা নিত্যমহতবাসাঃ সুমনাঃ প্রজাস্থাপনৌষধীঃ শিরসা বিভ্রাণা প্রাঙ্মূখী স্তনং প্রাগ্দক্ষিণং ধৌতমীষত্পরিস্রুতং পাযযেত্||২১||
अथ धात्री स्नाताऽनुलिप्ता नित्यमहतवासाः सुमनाः प्रजास्थापनौषधीः शिरसा बिभ्राणा प्राङ्मूखी स्तनं प्राग्दक्षिणं धौतमीषत्परिस्रुतं पाययेत्||२१||
🔊 Audio coming soon
অথেত্যাদিনা ধাত্র্যাঃ প্রথমং স্তনপানবিধানম্| সুমনাঃ সুচিত্তা প্রজাস্থাপনীযান্যৌষধানি এন্দ্রীদূর্বাদীনি মহাকষাযসংগ্রহোক্তানি| ঈষত্পরিস্রুতং স্তোককৃষ্টস্তন্যং স্তনং বালং ধাত্রী পাযযেত্|| ২১||
Adhikarana nAnAstanyapAnadoShAH (22) · Śloka 22
নানাস্তন্যস্য হ্যসাত্ম্যত্বান্নানাবিধা ব্যাপদো ভবন্তি| অপরিস্রুতে চাতিস্তন্যপূর্ণস্তনপানেনোত্স্নেহনাত্ কাসশ্বাসজ্বরচ্ছর্দিষাং সম্ভবঃ||২২||
नानास्तन्यस्य ह्यसात्म्यत्वान्नानाविधा व्यापदो भवन्ति| अपरिस्रुते चातिस्तन्यपूर्णस्तनपानेनोत्स्नेहनात् कासश्वासज्वरच्छर्दिषां सम्भवः||२२||
🔊 Audio coming soon
নানেত্যাদিনানেকস্তন্যপানপ্রতিষেধপ্রযোজনম্| অতিস্তন্যপূর্ণস্তনপানেন বালস্যোত্স্নেহনাত্ কাসাদিসম্ভবঃ| উত্স্নেহনং তত্ স্নেহস্যান্তর্গমনম্|| ২২||
Adhikarana stanyanAshahetavaH stanyajananopAyAshca (23) · Śloka 23
রূক্ষান্নপানকর্শনক্রোধশোককামাদিভিঃ স্তন্যনাশঃ| স্তন্যজননানি তু মদ্যানি সীধুবর্জ্যান্যানূপমাংসানি দ্রবাঃ স্বাদ্বম্ললবণপ্রাযাশ্চাহারাঃ ক্ষীরিণ্যশ্চৌষধযঃ ক্ষীরপানমনাযাসঃ সৌমনস্যং চ||২৩||
रूक्षान्नपानकर्शनक्रोधशोककामादिभिः स्तन्यनाशः| स्तन्यजननानि तु मद्यानि सीधुवर्ज्यान्यानूपमांसानि द्रवाः स्वाद्वम्ललवणप्रायाश्चाहाराः क्षीरिण्यश्चौषधयः क्षीरपानमनायासः सौमनस्यं च||२३||
🔊 Audio coming soon
রূক্ষান্নপানাদিনা স্ত্রিযাঃ স্তন্যনাশো ভবতি| মদ্যাদীনি স্তন্য জননানি ভবন্তি| সুবোধম্|| ২৩||
Adhikarana pAnAnarhastanyaM stanyAnarhabAlAvasthA ca (24) · Śloka 24
ন তু ক্ষুধিতশোকার্তশ্রান্তক্রুদ্ধপ্রদুষ্টধাতুগর্ভিণীবিরুদ্ধাহারভুক্তানাং স্তন্যং পাযযেন্নাজীর্ণৌষধঞ্চ বালমিতি||২৪||
न तु क्षुधितशोकार्तश्रान्तक्रुद्धप्रदुष्टधातुगर्भिणीविरुद्धाहारभुक्तानां स्तन्यं पाययेन्नाजीर्णौषधञ्च बालमिति||२४||
🔊 Audio coming soon
ক্ষুধিতাদীনাং সপ্তানাং সম্বন্ধি স্তন্যং ন পাযযেত্| যস্য চ বালস্য মহামন্ত্রপ্রযুক্তমৌষধং ন জীর্ণং তং নির্দোষমপি স্তন্যং ন পাযযেত্|| ২৪||
Adhikarana ShaShThInishAyAM visheShakRutyam (25) · Śloka 25
ভবতি চাত্র- ষষ্ঠীং নিশাং বিশেষেণ কৃতরক্ষাবলিক্রিযাঃ| জাগৃযুর্বান্ধবাস্তস্য দধতঃ পরমাং মুদম্||২৫||
भवति चात्र- षष्ठीं निशां विशेषेण कृतरक्षाबलिक्रियाः| जागृयुर्बान्धवास्तस्य दधतः परमां मुदम्||२५||
🔊 Audio coming soon
যদ্যপি সর্বং দশাহং রক্ষাদিকমুক্তং তথাপি বিশেষেণ ষষ্ঠীং নিশাং তস্য বালস্য বান্ধবাঃ কৃতরক্ষাবলিক্রিযাঃ পরমং চ হর্ষং দধতো জাগৃযুঃ|| ২৫||
Adhikarana nAmakaraNam (26) · Śloka 26
দশমে দ্বাদশে বাহ্নি গোত্রাচারৈঃ শুভৈঃ শুভে| সূতা স্নানোত্সবং কুর্যাত্পিতাঽপত্যস্য নাম চ| দিনে শততমে বাখ্যাং পূর্ণে সংবত্সরেঽথবা| বিভ্রতোঽঙ্গৈর্মনোহ্বালরোচনাগুরুচন্দনম্| পূজ্যং ত্রিপুরুষানূকমাদৌ ঘোষবদক্ষরম্| অবৃদ্ধং কৃতমূষ্মান্তমনরাতিপ্রতিষ্ঠিতম্| নক্ষত্রদেবতাযুক্তং তদেব তু ন কেবলম্| মঙ্গল্যমন্তরন্তস্থং ন দুষ্টং ন চ তদ্ধিতম্| পুংসো বিসর্জনীযান্তং সমবর্ণং স্ত্রিযাঃ পুনঃ| বিষমাক্ষরমক্রূরং বিস্পষ্টার্থং মনোরমম্| সুখোদ্যং দীর্ঘবর্ণান্তমাশীর্বাদাভিধানবত্||২৬||
दशमे द्वादशे वाह्नि गोत्राचारैः शुभैः शुभे| सूता स्नानोत्सवं कुर्यात्पिताऽपत्यस्य नाम च| दिने शततमे वाख्यां पूर्णे संवत्सरेऽथवा| विभ्रतोऽङ्गैर्मनोह्वालरोचनागुरुचन्दनम्| पूज्यं त्रिपुरुषानूकमादौ घोषवदक्षरम्| अवृद्धं कृतमूष्मान्तमनरातिप्रतिष्ठितम्| नक्षत्रदेवतायुक्तं तदेव तु न केवलम्| मङ्गल्यमन्तरन्तस्थं न दुष्टं न च तद्धितम्| पुंसो विसर्जनीयान्तं समवर्णं स्त्रियाः पुनः| विषमाक्षरमक्रूरं विस्पष्टार्थं मनोरमम्| सुखोद्यं दीर्घवर्णान्तमाशीर्वादाभिधानवत्||२६||
🔊 Audio coming soon
ততো দশমে দ্বাদশে বাঽহনি শুভে প্রশস্তে শুভৈঃ স্বগোত্রাচারৈঃ সূতা আত্মনঃ স্নানোত্সবং কুর্যাত্| তদৈব চ পিতা অপত্যস্য নাম কুর্যাত্| অথবা জন্মদিনাচ্ছততমে দিনে আখ্যং নাম কুর্যাত্| পূর্ণে বা সংবত্সরে আখ্যাং কুর্যাত্| কিম্ভূতস্য বালস্যেত্যাহ- মনো-হ্লাদিতিলকানঙ্গৈর্বিভ্রতো ধারযতঃ| অলং হরিতালম্| কিম্ভূতং নাম ইত্যাহ-পূজ্যমিত্যাদি| পূজ্যমুত্কৃষ্টত্বং প্রসিদ্ধ্যা| ত্রিপুরুষানূকং পিতৃপিতামহপ্রপিতামহানুকারিকম্| অত ঊর্ধ্বং স্বকুল্যানামপি নাম ন কার্যম্| তথাবিধং চ নাম কুর্যাদ্যস্মিন্নাম্নি আদোউ ঘোষবদক্ষরং বর্ণো বিদ্যতে| তত্র বর্গাণাং তৃতীযচতুর্থাঃ, অন্তঃস্থাঃ, হকারানুস্বারোউ, যমোউ, তৃতীযচতুর্থোউ, নাসিক্যাশ্চসংবৃতকণ্ঠা নাদানুপ্রদানা ঘোষবন্তশ্চ| বর্গাণাং তৃতীযা গজডদবাঃ চতুর্থা ঘঝঢধভাঃ অন্তঃস্থাঃ যরলবাঃ অনুস্বারো নামাযোগবাহঃ অনুক্তা এবেহাযোগবাহাঃ যথা বিসর্জনীযজিহ্বামূলীযাদযঃ তৃতীযশ্চতুর্থশ্চ যমঃ যমা উচ্চারণ এবোপলভ্যন্তে যথা যজ্ঞশব্দে নাসিকাবিশেষঃ ইহ নিত্যনাসিক্যা ড-ঞ-ণ-ন-মাঃ| ঘোষবত্বমেবৈষাং বর্ণগুণানামস্মাকমুপযোগি| অবৃদ্ধং যস্মিন্ নাম্ন্যাদিবর্ণে বৃদ্ধিসংজ্ঞা ন বিদ্যতে| বৃদ্ধিরিতি সংজ্ঞা আকারৈকারোউকারাণাম্| কৃতমিতি কৃত্প্রত্যযান্তম্| কৃদতিঙিতি তিঙ্বর্জিতঃ প্রত্যযঃ কৃত্সংজ্ঞো ভবতি| তিবাদযো মহিঙন্তাস্তিঙঃ| ঊষ্মান্তং যস্মিন্ নাম্ন্যূষ্মাক্ষরমন্তে বিদ্যতে| ঊষ্মাণঃ শষসহাঃ| যচ্চ বালকুল্যানামরাতিনা প্রতিষ্ঠিতন্ন ভবতি| বালস্য নক্ষত্রদেবতাযুক্তম্| নক্ষত্রাণাং দেবতা ভবন্তি| তদ্যথা-অশ্বিন্যা অশ্বিনোউ| ভরণ্যা যমঃ| কৃত্তিকানামগ্নিঃ| রোহিণ্যাঃ প্রজাপতিঃ| মৃগশিরসাং মৃগাঙ্কঃ| আর্দ্রাযা রুদ্রঃ| পুনর্বসূনামদিতিঃ| পুষ্যস্য বৃহস্পতিঃ| আশ্লেষাযাঃ সর্পাঃ| মঘানাং পিতরঃ| পূর্বফল্গুনীনাং ভগঃ| উত্তরফল্গুনীনামর্যমা| হস্তস্য মৈত্রঃ| চিত্রাযাস্ত্বষ্টা| স্বাত্যা বাযুঃ| বিশাখাযা ইন্দ্রাগ্নী| অনুরাধাযাঃ মৈত্রঃ| জ্যেষ্ঠাযা ইন্দ্রঃ| মূলস্য নিরৃতিঃ| পূর্বাষাঢাযা আপঃ| উত্তরাষাঢাযা বিশ্বেদেবাঃ| শ্রবণস্য বিষ্ণুঃ| ধনিষ্ঠাযা বসবঃ| শতভিষজো বরুণঃ| পূর্বাভাদ্রপদানামজৈকপাত্| উত্তরাভাদ্রপদানামহির্বুধ্নিঃ| রেবত্যাঃ পূষা| এতা নক্ষত্রদেবতা যাদৃশ্যস্তাভির্যুক্তং নাম কারযেত্| তদেবেতি| ন কেবলং তদেব পূর্বোক্তলক্ষণমেব কিন্তু মঙ্গল্যত্বাদিবিশিষ্টমপি| অন্তর্মধ্যে অন্তঃস্থা যরলবা যস্মিংস্তত্| ন দুষ্টমিতি| দুষ্টং নাম ন কুর্যাত্| ন চ তদ্ধিতমিতি| তদ্ধিতং তদ্ধিতাধিকারবিহিতপ্রত্যযান্তম্| তচ্চ নামাক্ষরং বিসর্জনীযান্তং চ পুংসো বিধেযম্| সমাক্ষরং যস্য নাম্নঃ সমসঙ্খ্যান্যক্ষরাণি ভবন্তি| স্ত্রিযাঃ পুনর্নাম তত্ কুর্যাদ্ যদ্ বিষমাক্ষরং বিষমসঙ্খ্যান্যক্ষরাণি বিদ্যন্তে যস্মিংস্তদেবম্| অক্রূরং সুস্পষ্টার্থং মনোরমঞ্চ| সুখোদ্যং যদানাযসেন বক্তুং শক্যতে| দীর্ঘো বর্ণসংযোগ অন্তে যস্য| আশীর্বাদস্যাভিধানং বিদ্যতে যস্মিন্ তত্| যস্মিন্নভ্যুচ্চার্যমাণে আশীর্বাদঃ কৃতো ভবতি|| ২৬||
Adhikarana bAlasyAyuHparIkShaNam (27) · Śloka 27
ততঃ প্রকৃতিভেদোক্তরূপৈরাযুঃ পরীক্ষণম্| প্রাগুদক্শিরসঃ কুর্যাদ্বালস্য জ্ঞানবান্ভিষক্||২৭||
ततः प्रकृतिभेदोक्तरूपैरायुः परीक्षणम्| प्रागुदक्शिरसः कुर्याद्बालस्य ज्ञानवान्भिषक्||२७||
🔊 Audio coming soon
ততোনাম্নোঽনন্তরং প্রকৃতিভেদাধ্যাযোক্তৈ রূপৈর্লক্ষণৈরাযুষো মানস্য পরীক্ষণং কুর্যাদ্যস্তু জ্ঞানবান্ বৈদ্যঃ স বালস্য প্রাগুদক্শিরসঃ||২৭||
Adhikarana prashastaM veshma upakaraNAni ca (28) · Śloka 28
প্রশস্তবাস্তুশরণং সজ্জোপকরণং শুচি| নির্বাতং চ প্রবাতং চ বৃদ্ধস্ত্রীবৈদ্যসেবিতম্| নির্মত্কুণাখুমশকমতমস্কং চ শস্যতে| শুচিধৌতোপবানানি নির্বলীনি মৃদূনি চ| শয্যাস্তরণবাসাংসি রক্ষোঘ্নৈর্ধূপিতানি চ||২৮||
प्रशस्तवास्तुशरणं सज्जोपकरणं शुचि| निर्वातं च प्रवातं च वृद्धस्त्रीवैद्यसेवितम्| निर्मत्कुणाखुमशकमतमस्कं च शस्यते| शुचिधौतोपवानानि निर्वलीनि मृदूनि च| शय्यास्तरणवासांसि रक्षोघ्नैर्धूपितानि च||२८||
🔊 Audio coming soon
স তু ইদমিদং কুর্যাত্কিমিত্যাহ- প্রশস্তবাস্তুত্বাদিযুক্তং শরণং বেশ্ম কুর্যাত্| উপকরণং যত্কিঞ্চিদৌপযিকং তত্সর্বং সজ্জং যত্র| নির্বাতমেবৈকদেশে একদেশে প্রবাতম্| বৃদ্ধস্ত্রীভির্বৃদ্ধবৈদ্যৈশ্চ সেবিতম্| শুচ্যাদিগুণানি চ শয্যাদীনি কুর্যাত্| উপবানমুপশুষ্কম্| বলযঃ সঙ্কোচাঃ| আস্তরণং শয্যাচ্ছাদনপটঃ| তানি শয্যাদীনি রক্ষ্ঘ্নৈঃ সর্ষপবচাদিভির্ধূপিতানি শস্যন্তে|| ২৮||
Adhikarana dhUpanam (29) · Śloka 29
কাকোঽবিশস্তঃ শস্তশ্চ ধূপনে ত্রিবৃতান্বিতঃ| বচাজ্যকুষ্ঠশ্রীবেষ্টসর্ষপৈর্ধূপযেত্ সদা||২৯||
काकोऽविशस्तः शस्तश्च धूपने त्रिवृतान्वितः| वचाज्यकुष्ठश्रीवेष्टसर्षपैर्धूपयेत् सदा||२९||
🔊 Audio coming soon
অবিশস্তোঽহিংসিতঃ স্বযং মৃতঃ কাকস্ত্রিবৃতান্বিতঃ সত্রিবৃতঃ স ধূপনে শস্যতে| সদা চ বচাদিভির্ধূপযেত্|| ২৯||
Adhikarana bodhanAdau sAvadhAnatA (30) · Śloka 30
বোধযেত্সহসা সুপ্তং নো ন চৈনং সমুত্ক্ষিপেত্| তথা হ্যস্য সমুত্ত্রাসো বেগরোধশ্চ জাযতে||৩০||
बोधयेत्सहसा सुप्तं नो न चैनं समुत्क्षिपेत्| तथा ह्यस्य समुत्त्रासो वेगरोधश्च जायते||३०||
🔊 Audio coming soon
এনং চ বালং সুপ্তং সহসা ন বোধযেত্| ন চৈনং সুপ্তং শয্যাতঃ সমুত্ক্ষিপেত্| তথাহি সহসা বোধনেনোত্ক্ষেপেণ চাস্য বালস্য বেগরোধ উত্ত্রাসশ্চ জাযতে|| ৩০||
Adhikarana lAlApanodanopAyaH (31) · Śloka 31
মাক্ষিকামলকব্যোষবৃহতীমূলসৈন্ধবৈঃ| লালোপনোদরুচ্যর্থং মুখমন্তঃপরামৃশেত্||৩১||
माक्षिकामलकव्योषबृहतीमूलसैन्धवैः| लालोपनोदरुच्यर्थं मुख़मन्तःपरामृशेत्||३१||
🔊 Audio coming soon
মাক্ষিকাদিভির্লিপ্তযাঙ্গুল্যান্তর্মুখং বালস্য পরামৃশেত্| তথা হি লালাপনুত্তী রুচিশ্চ ভবতি|| ৩১||
Adhikarana maNyAdidhAraNam (32) · Śloka 32
জীবত্খড্গাদিশৃঙ্গেষু সমাসক্তাঞ্ছুভান্ মণীন্| ধারযেদ্ দশ চৈন্দ্র্যাদীঞ্জীবকর্ষভকাবপি| আযুর্মেধাস্মৃতিস্বাস্থ্যকরীং রক্ষোভিরক্ষণীম্| হস্তাভ্যাং গ্রীবযা মূর্ধ্না বিশেষান্সততং বচাম্||৩২||
जीवत्ख़ड्गादिशृङ्गेषु समासक्ताञ्छुभान् मणीन्| धारयेद् दश चैन्द्र्यादीञ्जीवकर्षभकावपि| आयुर्मेधास्मृतिस्वास्थ्यकरीं रक्षोभिरक्षणीम्| हस्ताभ्यां ग्रीवया मूर्ध्ना विशेषान्सततं वचाम्||३२||
🔊 Audio coming soon
জীবতঃ খড্গাদের্গৃহীতং যচ্ছৃঙ্গং তত্রাসক্তা নিবদ্ধা যে শুভামণযঃ তান্ বালং ধারযেত্| ঐন্দ্র্যাদীংশ্চ দশ ধারযেত্| তথা জীবকর্ষভকাবপি| ঐন্দ্রী ব্রাহ্মী শতবীর্যা সহস্রবীর্যা সুমেধা কন্যা শিবাঽরিষ্টা বাট্যপুষ্পী বিষ্বক্সেনেতি দশ| হস্তাদিকেন বিশেষাত্ সততং বচাং ধারযেত্| আযুরিত্যাদি বচাশেষণম|| ৩২||
Adhikarana stanyadoShodBavAH gadAH (33) · Śloka 33
স্তন্যদোষাদ্গদাস্তস্য যথোক্তং তত্ পিবেদ্যতঃ| পীনাঽতিকন্ধরাস্তম্ভং কুর্যাদূর্ধ্বাক্ষমূর্ধ্বগঃ| উচ্ছ্বাসরোধাল্লম্বোঽতিস্তনো জীবিতসংশযম্| ন গর্ভিণ্যাঃ পিবেত্স্তন্যং পারিগর্ভিককৃদ্ধি তত্||৩৩||
स्तन्यदोषाद्गदास्तस्य यथोक्तं तत् पिबेद्यतः| पीनाऽतिकन्धरास्तम्भं कुर्यादूर्ध्वाक्षमूर्ध्वगः| उच्छ्वासरोधाल्लम्बोऽतिस्तनो जीवितसंशयम्| न गर्भिण्याः पिबेत्स्तन्यं पारिगर्भिककृद्धि तत्||३३||
🔊 Audio coming soon
স চ বালোঽনন্তরোক্তগুণমেব সদা স্তন্যং পিবেদ্যতঃ স্তন্যদোষাত্ গদা ভবন্তি| অতিপীনঃ স্তনো যঃ প্রতিষিদ্ধঃ স কন্ধরাস্তম্ভং বালস্য কুর্যাত্| ঊর্ধ্বগতচূকুকঃ স্তনো বালমূর্ধ্বাক্ষং কুর্যাত্| অতিলম্বস্তন উচ্ছ্বাসরোধাত্ জীবিতসংশযং কুর্যাত্| গর্ভিণ্যাঃ স্তন্যং পারিগর্ভিকং করোতি| পারিগর্ভিকং গর্ভিণীস্তন্যপানজং বালামযে বক্ষ্যতে|| ৩৩||
Adhikarana stanyABAve upAyaH (34) · Śloka 34
স্তন্যাভাবে পযশ্ছাগং গব্যং বা তদ্গুণং পিবেত্| মূলৈঃ সিদ্ধং বৃহত্যাদ্যৈঃ স্থিরাভ্যাং বা সিতাযুতম্||৩৪||
स्तन्याभावे पयश्छागं गव्यं वा तद्गुणं पिबेत्| मूलैः सिद्धं बृहत्याद्यैः स्थिराभ्यां वा सितायुतम्||३४||
🔊 Audio coming soon
স্তন্যাভাবে স্ত্রীস্তন্যাভাবে তদ্গুণমিতি পূর্বোক্তস্য স্ত্রীস্তন্যস্য সর্বৈরাকারাদিভির্গুণৈঃ সদৃশম্| তচ্চ গব্যং ছাগং বা বৃহত্যাদ্যৈর্মূলৈর্লঘুনা পঞ্চমূলেন সিদ্ধম্| স্থিরাভ্যাং বা সিদ্ধমুভযমপি সিতাযুতম্|| ৩৪||
Adhikarana sUtikAgArAnniShkramaNavidhiH (35) · Śloka 35
চতুর্থে সূতিকাগারাদগ্নিস্কন্দপুরোগমান্| মাসে নিষ্ক্রামযেদ্দেবান্ নমস্কর্ত্তু স্বলংকৃতাম্||৩৫||
चतुर्थे सूतिकागारादग्निस्कन्दपुरोगमान्| मासे निष्क्रामयेद्देवान् नमस्कर्त्तु स्वलंकृताम्||३५||
🔊 Audio coming soon
তঞ্চ বালং জন্মনশ্চতুর্থে মাসে সূতিকাগারাত্ স্বলংকৃতং নিষ্ক্রামযেদগ্নিস্কন্দপুরোগমান্ দেবান্ নমস্কর্তুম্| করোতি কির্যাকর্মাপেক্ষযা| কর্মণি দ্বিতীযা|| ৩৫||
Adhikarana dharaNyAmupaveshanantatra mantrashca (36) · Śloka 36
পঞ্চমে মাসি পুণ্যেঽহ্নি ধরণ্যামুপবেশযেত্| দ্বিকিষ্কুমাত্রং লিপ্তাযাং বলিং দত্বা চতুর্দিশম্| ধরণ্যশেষভূতানাং মাতা ত্বমসি কামধুক্| অজরা চাপ্রমেযা চ সর্বভূতনমস্কৃতা| চরাচরাণাং লোকানাং প্রতিষ্ঠাস্যব্যযাসি চ| কুমারং পাহি মাতেব ব্রহ্মা তদনুমন্যতাম্| স্বাহেতি মন্ত্রেণানেন প্রত্যহং চ ততঃ পরম্| সাশ্রযং সাবলম্বং চ কট্যাদীন্ মর্দযেদনু||৩৬||
पञ्चमे मासि पुण्येऽह्नि धरण्यामुपवेशयेत्| द्विकिष्कुमात्रं लिप्तायां बलिं दत्वा चतुर्दिशम्| धरण्यशेषभूतानां माता त्वमसि कामधुक्| अजरा चाप्रमेया च सर्वभूतनमस्कृता| चराचराणां लोकानां प्रतिष्ठास्यव्ययासि च| कुमारं पाहि मातेव ब्रह्मा तदनुमन्यताम्| स्वाहेति मन्त्रेणानेन प्रत्यहं च ततः परम्| साश्रयं सावलम्बं च कट्यादीन् मर्दयेदनु||३६||
🔊 Audio coming soon
ততঃ পঞ্চমে মাসে পুণ্যেঽহনি বালং ধরণ্যামুপবেশযেত্| কিষ্কুদ্বযমাত্রলিপ্তাযাং ধরণ্যাং ধরণীত্যাদিনা স্বাহান্তেন মন্ত্রেণ করণভূতেন চতুর্দিশং বলিং দত্বোপবেশযেত্| কিষ্কুহস্তো ন বিতস্তিঃ| পাঠবিপ্রতিপত্তিনিবৃত্তযে মন্ত্রব্যাখ্যানম্| হে ধরণি! অশেষাণাং ভূতানাং ত্বমসি কামধুঙ্মাতা| কামং দুহ্যত ইতি কামধুক্| ন জীর্যত ইত্যজরা ত্বমসি| তথা প্রমাতুমশক্যাপ্রমেযা| সর্বৈশ্চ ভূতৈর্নমস্কৃতা| চরা ভূতা জঙ্গমাঃ অচরা স্থাবরাস্তেষাং সর্বেষাং ত্বমসি প্রতিষ্ঠা| ন ব্যেতি নানা ন গচ্ছতীত্যব্যযা নির্বিকারা চৈনং কুমারং পাহি| যথা মাতা পুত্রং পাতি| তচ্চ কুমারপালনং ভবত্যা ব্রহ্মানুমন্যতাম্| এবং প্রথমমুপবেশযেত্| ততঃ পরং প্রত্যহং সাশ্রযং সাবলম্বং চোপবেশযেত্| আশ্রয আসনম্| অবলম্বং পাতরক্ষণম্| উপবেশনাদনু চ বালস্য কট্যূরুজান্বাদীন্ মর্দযেত্|| ৩৬||
Adhikarana annaprAshanam (37) · Śloka 37
ষষ্ঠেঽন্নপ্রাশনং মাসি ক্রমাত্তচ্চ প্রযোজযেত্| চিরান্নিষেবমাণোঽন্নং বালো নাতুর্যমশ্নুতে| ভজেদ্যথা যথা চান্নং স্তন্যং ত্যাজ্যং তথা তথা||৩৭||
षष्ठेऽन्नप्राशनं मासि क्रमात्तच्च प्रयोजयेत्| चिरान्निषेवमाणोऽन्नं बालो नातुर्यमश्नुते| भजेद्यथा यथा चान्नं स्तन्यं त्याज्यं तथा तथा||३७||
🔊 Audio coming soon
ষষ্ঠে মাস্যন্নপ্রাশনং কুর্যাত্| তচ্চ ক্রমেণ স্তোকাভ্যাসেন প্রযোজযেত্| ক্রমাদিত্যত্রৈব হেতুঃ চিরাদিত্যাদি| স চ বালো যথা যথা বৃদ্ধ্যাঽন্নং ভজেত্তথা তথাঽপচযেন স্তন্যং ত্যজেত্|| ৩৭||
Adhikarana karNavyadhavidhiH savistaraH (38) · Śloka 38
ষট্সপ্তাষ্টমমাসেষু নীরুজস্য শুভেঽহনি| কর্ণৌ হিমাগমে বিদ্ধ্যেদ্ধাত্র্যঙ্কস্থস্য সান্ত্বযন্| প্রাগ্দক্ষিণং কুমারস্য ভিষগ্বামং তু যোষিতঃ| দক্ষিণেন দধত্ সূচীং পালীমন্যেন পাণিনা| মধ্যতঃ কর্ণপীঠস্য কিদ্দিগণ্ডাশযং প্রতি| জরাযুমাত্রপ্রচ্ছন্নে রবিরশ্ম্যবভাসিতে| ঘৃতস্য নিশ্চলং সম্যগলক্তকরসাঙ্কিতে| বিধ্যেদ্দৈবকৃতে ছিদ্রে সকৃদেবর্জু লাঘবাত্| নোর্ধ্বং ন পার্শ্বতো নাধঃ সিরাস্তত্র হি সংশ্রিতাঃ| কালিকামর্মরীরক্তাস্তদ্ব্যধাদ্রাগরুগ্জ্বরাঃ| সশোফদাহসংরম্ভমন্যাস্তম্ভাপতানকাঃ| তেষাং যথামযং কুর্যাদ্বিভজ্যাশু চিকিত্সিতম্| স্থানব্যধান্ন রুধিরং ন রুগ্রাগাদিসম্ভবঃ| স্নেহাক্তং সূচ্যনুস্যূতং সূত্রং চানু নিধাপযেত্| আমতৈলেন সিঞ্চেচ্চ বহলাং তদ্বদারযা| বিদ্ধ্যেত্পালীং হিতভুজঃ সঞ্চার্যাথ স্থবীযসী| বর্তিস্ত্র্যহাত্ততো রূঢং বর্ধযেত শনৈঃ শনৈঃ| স্বেদিতোদ্বর্তিতং কর্ণমভ্যক্তং বৃংহণৈঃ পুনঃ| নাজীর্ণে ন মলোদ্রেকে ন চাত্যুষ্ণেঽপি বর্ধযেত্| সদা চ যুঞ্জ্যাদভ্যঙ্গান্ কর্ণপালীগদোদিতান্| পুষ্টিনীরুক্ত্বজননানিতি সংবর্ধিতে দৃঢে| কলধৌতাববদ্ধানি কর্ণে রত্নানি নিক্ষিপেত্| ভিন্দ্যাদবৃদ্ধৌ স্ত্রীণান্তু পালীমন্তরপাঙ্গতঃ| নৈব চাপাঙ্গযোর্বাহ্যাং ব্যাপদঃ স্যুস্ততো ধ্রুবাঃ| জিহ্বসূচীব্যধাদ্বর্তিগাঢত্বাদথবা মলৈঃ| জাতে মহতি সংরম্ভে বর্তিমাশ্বপনীয তত্| যবৈরণ্ডজটাযষ্টীমঞ্জিষ্ঠাজ্যৈঃ প্রলেপযেত্| সুরূঢং চ পুনর্বিদ্ধযেত্ত্বরযা তু বিবর্ধনাত্| ছিদ্যেত পালী শুদ্ধস্য শুদ্ধাস্ত্রাং সন্দধীত তাম্| কর্ণামযনিষেধোক্তসন্ধানবিধিনা ভিষক্||৩৮||
षट्सप्ताष्टममासेषु नीरुजस्य शुभेऽहनि| कर्णौ हिमागमे विद्ध्येद्धात्र्यङ्कस्थस्य सान्त्वयन्| प्राग्दक्षिणं कुमारस्य भिषग्वामं तु योषितः| दक्षिणेन दधत् सूचीं पालीमन्येन पाणिना| मध्यतः कर्णपीठस्य किद्दिगण्डाशयं प्रति| जरायुमात्रप्रच्छन्ने रविरश्म्यवभासिते| घृतस्य निश्चलं सम्यगलक्तकरसाङ्किते| विध्येद्दैवकृते छिद्रे सकृदेवर्जु लाघवात्| नोर्ध्वं न पार्श्वतो नाधः सिरास्तत्र हि संश्रिताः| कालिकामर्मरीरक्तास्तद्व्यधाद्रागरुग्ज्वराः| सशोफदाहसंरम्भमन्यास्तम्भापतानकाः| तेषां यथामयं कुर्याद्विभज्याशु चिकित्सितम्| स्थानव्यधान्न रुधिरं न रुग्रागादिसम्भवः| स्नेहाक्तं सूच्यनुस्यूतं सूत्रं चानु निधापयेत्| आमतैलेन सिञ्चेच्च बहलां तद्वदारया| विद्ध्येत्पालीं हितभुजः सञ्चार्याथ स्थवीयसी| वर्तिस्त्र्यहात्ततो रूढं वर्धयेत शनैः शनैः| स्वेदितोद्वर्तितं कर्णमभ्यक्तं बृंहणैः पुनः| नाजीर्णे न मलोद्रेके न चात्युष्णेऽपि वर्धयेत्| सदा च युञ्ज्यादभ्यङ्गान् कर्णपालीगदोदितान्| पुष्टिनीरुक्त्वजननानिति संवर्धिते दृढे| कलधौतावबद्धानि कर्णे रत्नानि निक्षिपेत्| भिन्द्यादवृद्धौ स्त्रीणान्तु पालीमन्तरपाङ्गतः| नैव चापाङ्गयोर्बाह्यां व्यापदः स्युस्ततो ध्रुवाः| जिह्वसूचीव्यधाद्वर्तिगाढत्वादथवा मलैः| जाते महति संरम्भे वर्तिमाश्वपनीय तत्| यवैरण्डजटायष्टीमञ्जिष्ठाज्यैः प्रलेपयेत्| सुरूढं च पुनर्विद्धयेत्त्वरया तु विवर्धनात्| छिद्येत पाली शुद्धस्य शुद्धास्त्रां सन्दधीत ताम्| कर्णामयनिषेधोक्तसन्धानविधिना भिषक्||३८||
🔊 Audio coming soon
ততঃ ষষ্ঠাদ্যন্যতমে মাসে বালস্য নীরুজস্য সতো হিমাগমে শীতকালেঽহনি ধাত্র্যঙ্কস্থস্য সান্ত্বযন্ ভিষক্কর্ণৌ বিদ্ধ্যেত্| কুমারস্য প্রাক্ পূর্বং দক্ষিণং কর্ণ বিদ্ধ্যেত্ততো বামম্| যোষিতঃ প্রগ্বামং বিদ্ধ্যেত্ততো দক্ষিণম্| যশ্চ বিদ্ধ্যেত্স দক্ষিণেন পাণিনা সূচীং দধাদ্বিদ্ধ্যেত্| অন্যেন বামেন পালীং দধত্| পালী কর্ণশুষ্কুলী| কস্মিন্ প্রদেশে কর্ণ বিদ্ধ্যেদত আহ-মধ্যত ইত্যাদি| কর্ণপীঠস্য কর্ণাধোভাগস্য মধ্যতো মধ্যে কিঞ্চিচ্চ গণ্ডাশযমনুসরন্ দৈবকৃতে ছিদ্রে বিদ্ধ্যেত্| জরাযুমাত্রেত্যাদি| দৈবকৃতচ্ছিদ্রবিশেষণং তত্পরিজ্ঞানহেতুঃ| জরাযুঃ সূতশল্কঃ| তন্মাত্রেণ তনুনা ছন্নে রবিরশ্মিভিরবভাসিতে আলোকিতে তস্মিন্নলক্তকরসেন যাবকেনাঙ্কিতে চিহ্নিতে বিদ্ধ্যেত্| সূচ্যভিঘাতেন চ সকৃদেকেনৈব বারেণ বিদ্ধ্যেত্ ঋজু চ লাঘবাচ্চ| দৈবচ্ছিদ্রাদূর্ধ্বমুপরি| পার্শ্বত অধশ্চ ন বিদ্ধ্যেত্| কুত ইত্যাহ-সিরা ইত্যাদি| ঊর্ধ্বং কালিকা নাম সিরা স্থিতা| পার্শ্বতো মর্মরী| অধো রক্তা| এতাঃ শব্দানুগতার্থাঃ| তাসাং ব্যাধাদ্রাগাদ্যুদ্ভবঃ| তেষাং চ রাগাদীনাং যথাস্বং রোগং বিভজ্য ভেদৈর্বিকল্প্যাশু চিকিত্সিতং কুর্যাত্| স্থানব্যধাত্ পুনঃ রুধিরাদীনামসম্ভবঃ| ব্যধাদনন্তরং সূচ্যনুস্যূতং মূলভাগে লগ্নং স্নেহেনাক্তং সূত্রং কর্ণে নিধাপযেত্| অনু চ কর্ণমামতৈলেন সিঞ্চেদিতি সামান্যম্| বিশেষ উচ্যতে| বহলাং পালীং ঘনাং তদ্বত্সূচীব্যধনপ্রকারেণাস্যা বিদ্ধ্যদ্ধিতভুজঃ সতো বালস্য| এবমুভযথা বেধঃ| দ্বিবিধেঽপি বেধেত্র্যহাত্ কর্ণে স্থবীযসী বর্ত্তিঃ সঞ্চার্যা| তত ঊর্ধ্বং বিগতশল্যক্ষতং কর্ণচ্ছিদ্রং শনৈঃ শনৈর্বর্ধযেত্| তঞ্চ কর্ণং স্বেদিতোদ্বর্তিতং সন্তং বর্ধযেত্| উদ্বর্তনেন স্নেহপ্রযোগ উক্তঃ| পুনশ্চোদ্বর্তনাত্ বৃংহণৈঃ স্নেহৈরভ্যক্তং সন্তং বর্ধযেত্| অজীর্ণে তং ন বর্ধযেদ্বর্ধনায ক্রিযাং ন কুর্যাত্| মলোদ্রেকে দোষোদ্রেকে সতি ন বর্ধযেত্| অত্যুষ্ণে দেশে কালে বা ন বর্ধযেত্| তস্মিংশ্চ কর্ণে বক্ষ্যমাণৈঃ কর্ণপালীব্যাধ্যুক্তস্নেহৈরভ্যঙ্গং কুর্যাত্| পুষ্টীত্যাদ্যভ্যঙ্গবিশেষণম্| ইত্যনেন প্রকারেণ সংবর্ধিতে দৃঢে চ সতি কলধৌতেন সুবর্ণেনাববদ্ধানি রত্নানি নিক্ষিপেত্| স্ত্রীণাং যদি কর্ণো ন বর্ধতে ততোঽন্তরপাঙ্গতঃ পালীং ভিন্দ্যাত্ পুনর্বর্ধযেত্| অপাঙ্গযোর্বাহ্যা কৃকাটিকা ততো নৈব পালীং ভিন্দ্যাত্| ততো বাহ্যপালিচ্ছেদাদ্ ধ্রুবা স্থিরা ব্যাপদঃ স্যুঃ| জিহ্বসূচীব্যধাদিনা মহতি সংরম্ভে কোপে জাতে আশু বর্তিমপনীয যবাদিভিঃ প্রলেপযেত্| তজ্জিহ্বসূচীবিদ্ধং লেপেন চ সুরূঢং পুনর্বিধ্যেত্| ত্বরযা বিবর্ধনাত্ কদাচিত্ পালী ছিদ্যেত| তাং ছিন্নাং পালী শুদ্ধস্য কৃতশোধনস্য শুদ্ধাস্ত্রাং স্রাবিতদুষ্টরক্তাং সন্দধীত| কথমিত্যাহ-কর্ণামযনিষেধাধ্যাযোক্তেন সন্ধানবিধিনা ভিষক্ সন্দধীত|| ৩৮||
Adhikarana varShaparyantAH niShedhavisheShAH (39) · Śloka 39
বর্ষং স্ববসতের্বাহ্যং কুমারস্য ন দর্শযেত্| দীপমাতপমগ্নিং চ রূপমন্যচ্চ ভাসুরম্||৩৯||
वर्षं स्ववसतेर्बाह्यं कुमारस्य न दर्शयेत्| दीपमातपमग्निं च रूपमन्यच्च भासुरम्||३९||
🔊 Audio coming soon
বর্ষমিত্যাদি সুবোধম্| দীপাদিকমপি ন দর্শযেত্|| ৩৯||
Adhikarana stanAdapanayanam (40) · Śloka 40
অথৈতং জাতদশনং ক্রমশোঽপনযেত্ স্তনাত্| পূর্বোক্তং যোজযেত্ ক্ষীরমন্নঞ্চ লঘু বৃংহণম্||৪০||
अथैतं जातदशनं क्रमशोऽपनयेत् स्तनात्| पूर्वोक्तं योजयेत् क्षीरमन्नञ्च लघु बृंहणम्||४०||
🔊 Audio coming soon
অথ বর্ষাদনন্তরং জাতদশনং বালং ক্রমশঃ স্তনাদপনযেত্| ক্ষীরং চ পূর্বোক্তমিহৈব পঞ্চমূলশৃতং যদুক্তং তদ্যোজযেদন্নং লঘু বৃংহণং চ || ৪০||
Adhikarana stanAdapanayanopAyAH (41) · Śloka 41
কুর্যাদপস্তনং স্নেহসংক্রান্ত্যা স্তনলেপনৈঃ| বীভত্সৈর্যা বকাসেককৃত্রিমক্ষতদর্শনৈঃ||৪১||
कुर्यादपस्तनं स्नेहसंक्रान्त्या स्तनलेपनैः| बीभत्सैर्या वकासेककृत्रिमक्षतदर्शनैः||४१||
🔊 Audio coming soon
অত্রে চ প্রযুজ্যমানেঽপস্তনং কুর্যাত্| কেনেত্যাহ-স্তনে স্নেহসংক্রান্ত্যা তথা লেপনৈর্বীভত্সৈস্তথা যাবকাসেকেনালক্তসেকেন স্তনে রক্তবুদ্ধিজনকেন কৃত্রিমাণাং চ সিন্দূরাদিকৃতানাং স্তনে ক্ষতানাং ব্রণানাং দর্শনেন চ|| ৪১||
Adhikarana apastanyasya modakAH (42) · Śloka 42
প্রিযালমজ্জমধুকমধুলাজসিতোপলৈঃ| অপস্তন্যস্য সংযোজ্যঃ প্রীণনো মোদকঃ শিশোঃ| দীপনো বালবিল্বৈলাশর্করালাজসক্তুভিঃ| সংগ্রাহী ধাতকীপুষ্পশর্করালাজতর্পণৈঃ||৪২||
प्रियालमज्जमधुकमधुलाजसितोपलैः| अपस्तन्यस्य संयोज्यः प्रीणनो मोदकः शिशोः| दीपनो बालबिल्वैलाशर्करालाजसक्तुभिः| संग्राही धातकीपुष्पशर्करालाजतर्पणैः||४२||
🔊 Audio coming soon
অচিরাদপস্তন্যস্য বালস্য প্রিযালমজ্জাদিভিঃ মোদকঃ প্রীণনঃ সংযোজ্যঃ| তথা বালবিল্বাদিভিঃ দীপনঃ| ধাতকীপুষ্পাদিভিঃ সংগ্রহণঃ|| ৪২||
Adhikarana tIvrabuBukShAnivRuttAvupAyaH (43) · Śloka 43
বুভুক্ষা চেত্ প্রবলতামপস্তন্যস্য গচ্ছতি| অত্যগ্নিজিদ্ধিতং তস্য বিধানং পারিগর্ভিকম্||৪৩||
बुभुक्षा चेत् प्रबलतामपस्तन्यस्य गच्छति| अत्यग्निजिद्धितं तस्य विधानं पारिगर्भिकम्||४३||
🔊 Audio coming soon
অপস্তন্যস্য চ যদি বুভুক্ষা প্রবলতাং গচ্ছতি, ততোঽস্যাত্যগ্নিবিধানং পারিগর্ভিকং চ হিতম্| পারিগর্ভিকো নাম রোগো বালস্য মাতুর্গর্ভিণ্যাঃ স্তন্যং পিবতোঽপ্যপিবতোঽপি বালামযপ্রতিষেধে বক্ষ্যতে|| ৪৩||
Adhikarana kumAradhAraH (44) · Śloka 44
অভিযুক্তঃ সদাচারো নাতিস্থূলো ন লোলুপঃ| কুমারধারঃ কর্ত্তব্যস্তত্রাদ্যো বালচিত্তবিত্| অধার্মিকং দুরাচারঃ স্থূলো বিকটগামিনম্| করোতি লোলুপো বালং ঘস্মরত্বেন রোগিণম্||৪৪||
अभियुक्तः सदाचारो नातिस्थूलो न लोलुपः| कुमारधारः कर्त्तव्यस्तत्राद्यो बालचित्तवित्| अधार्मिकं दुराचारः स्थूलो विकटगामिनम्| करोति लोलुपो बालं घस्मरत्वेन रोगिणम्||४४||
🔊 Audio coming soon
অভিযুক্তত্বাদিযুক্তঃ পুমান্ কুমারধারঃ কার্যঃ| সুবোধম্| স চ ঘস্মরত্বেনাদনশীলত্বেন হেতুনা রোগিণং বালং করোতি|| ৪৪||
Adhikarana kumAraBeShajAni (45) · Śloka 45
রোগাংশ্চাস্য জযেত্সৌম্যৈর্ভেষজৈরবিষাদকৈঃ| অন্যত্রাত্যযিকাদ্ব্যাধেবিরেকং সুতরাং ত্যজেত্||৪৫||
रोगांश्चास्य जयेत्सौम्यैर्भेषजैरविषादकैः| अन्यत्रात्ययिकाद्व्याधेविरेकं सुतरां त्यजेत्||४५||
🔊 Audio coming soon
অস্য চ বালস্য সর্বান্ রোগান্ সৌম্যৈরেব ভেষজৈর্জযেদ্বিষাদকবর্জিতৈঃ| কুষ্ঠাদিষ্বপি ব্যাধিষু বিষাদকং তীক্ষ্ণং পরিহরেদিত্যর্থঃ| বালস্য বিরেকং সুতরাং ত্যজেত্| এতত্কিং সর্বত্র, নেত্যাহ| আত্যযিকান্ কুষ্ঠাদিব্যধেরন্যত্র| আত্যযিকে তু ব্যাধৌ বিরেচনং যোজ্যমেব| বালস্য চ তীক্ষ্ণং বিরেকং পরিহরেদিত্যর্থঃ|| ৪৫||
Adhikarana vitrAsananiShedhaH (46) · Śloka 46
ত্রাসযেন্নাবিধেযং চ ত্রস্তং গৃহ্ণন্তি হি গ্রহাঃ| বস্ত্রপাতাত্পরস্পর্শাত্পালযেল্লঙ্ঘনাচ্চ তম্||৪৬||
त्रासयेन्नाविधेयं च त्रस्तं गृह्णन्ति हि ग्रहाः| वस्त्रपातात्परस्पर्शात्पालयेल्लङ्ग़नाच्च तम्||४६||
🔊 Audio coming soon
অবিধেযং চ বালং ত্রাসযেন্নাপি তু সোউম্যেন বিধেযং কুর্যাত্| যতস্তং বালং স্কন্দাদযো গ্রহা গৃহ্ণন্তি| বস্ত্রপাতাদিকাচ্চ বৈদ্যো বালং পালযেত্| বস্ত্রপাতো মুখাদিষু বস্ত্রপতনম্|| ৪৬||
Adhikarana krIDABUmiH ramaNakAni ca (47) · Śloka 47
ক্রীডাভূমিঃ সমা কার্যা নিশ্শস্ত্রোপলশর্করা| বেল্লোষণকণাম্ভোভিঃ সিক্তা নিম্বোদকেন বা| জাতুষং ঘোষবিচ্চিত্রমত্রাংস রমণং বৃহত্| অতীক্ষ্ণাগ্রং গবাশ্বাদিমঙ্গল্যমথ বা ফলম্||৪৭||
क्रीडाभूमिः समा कार्या निश्शस्त्रोपलशर्करा| वेल्लोषणकणाम्भोभिः सिक्ता निम्बोदकेन वा| जातुषं घोषविच्चित्रमत्रांस रमणं बृहत्| अतीक्ष्णाग्रं गवाश्वादिमङ्गल्यमथ वा फलम्||४७||
🔊 Audio coming soon
বালস্য ক্রীডাভূমির্নিম্নোন্নতরহিতা শস্ত্রাদিবিবর্জিতা চ কার্যা| সুবোধম্|| ৪৭||
Adhikarana vidyAdhyApanAdi (48) · Śloka 48
শক্তিমন্তং যথাবর্ণং বিদ্যামধ্যাপযেত্ততঃ| অনুশিষ্যাত্সদা চৈনং ধর্মায বিনযায চ| যথা নেন্দ্রিযদুষ্টাশ্বৈর্হ্নিযতে যৌবনাগমে||৪৮||
शक्तिमन्तं यथावर्णं विद्यामध्यापयेत्ततः| अनुशिष्यात्सदा चैनं धर्माय विनयाय च| यथा नेन्द्रियदुष्टाश्वैर्ह्नियते यौवनागमे||४८||
🔊 Audio coming soon
ততোঽনন্তরং বিদ্যাগ্রহণশক্তিমন্তং বালং বিদ্যামধ্যাপযেত্| এনং চ বালং ধর্মার্থং বিনযার্থং চ সদাঽনুশিষ্যাচ্ছিক্ষযেত্| তথা চানুশিষ্যাদ্ যথা দুষ্টৈরবিধেযৈরিন্দ্রিযৈরেবাশ্বৈর্যৌবনাগমে ন হ্রিযতে ন পরতন্ত্রীক্রিযতে|| ৪৮||
Adhikarana bAlasya dainandinakRutyAni (49) · Śloka 49
অভ্যঙ্গোদ্বর্তনং স্নানং প্রত্যহং চ সমাচরেত্| সহদেবাস্থিরাকৌন্তীকুমুদোত্পলচন্দনৈঃ| বৃহতীফলতক্কারীসর্ষপাকুষ্ঠসৈন্ধবৈঃ| অশ্বগন্ধাবলৈরণ্ডতিলাপামার্গতণ্ডুলৈঃ| সাত্মগুপ্তাফলৈস্তৈলং সাজক্ষীরং বিপাচিতম্| রক্ষোঘ্নঃ পুষ্তিদোঽভ্যঙ্গস্তদ্বদুদ্বর্তনং চ তৈঃ| দধিমাক্ষিকসংযুক্তৈস্ত্রিগুণীকৃতচিক্কসৈঃ| মূর্বামূলদ্বিরজনীযবৈশ্চোদ্বর্তনং হিতম্| কুলত্থচূর্ণমেকং বা বাজিগন্ধারজোঽপি বা| স্নানে সর্বৌষধীকল্কো জীবনীযাম্বু চেষ্যতে||৪৯||
अभ्यङ्गोद्वर्तनं स्नानं प्रत्यहं च समाचरेत्| सहदेवास्थिराकौन्तीकुमुदोत्पलचन्दनैः| बृहतीफलतक्कारीसर्षपाकुष्ठसैन्धवैः| अश्वगन्धाबलैरण्डतिलापामार्गतण्डुलैः| सात्मगुप्ताफलैस्तैलं साजक्षीरं विपाचितम्| रक्षोघ्नः पुष्तिदोऽभ्यङ्गस्तद्वदुद्वर्तनं च तैः| दधिमाक्षिकसंयुक्तैस्त्रिगुणीकृतचिक्कसैः| मूर्वामूलद्विरजनीयवैश्चोद्वर्तनं हितम्| कुलत्थचूर्णमेकं वा वाजिगन्धारजोऽपि वा| स्नाने सर्वौषधीकल्को जीवनीयाम्बु चेष्यते||४९||
🔊 Audio coming soon
বালস্য চাভ্যঙ্গাদিকং প্রত্যহং সমাচরেত্| সহদেবাদিভিরজাক্ষীরযুক্তং তৈলং পাচিতং রক্ষোঘ্নত্বাদিগুণোঽভ্যঙ্গো ভবতি| সহদেবা বলা| স্থিরা সালপর্ণী| কৌন্তী হরেণুকা| বৃহত্যাঃ ফলং তথোক্তম্| তৈঃ সহদেবাদিদভিরুদ্বর্তনং তদ্বদিতি রক্ষোঘ্নং পুষ্টিকৃচ্চ| কিম্ভূতৈঃ সহদেবাদিদভিরুদ্বর্তনমিত্যাহ-দধিমাক্ষিকযুক্তৈস্ত্রিগুণীকৃতচিক্কসৈশ্চ| ঈষত্ ভৃষ্টানাং যবানাং চূর্ণং চিক্কসম্| মূর্বাদিভির্দ্বিতীযমুদ্বর্তনম্| অথবৈকং কেবলমেব কুলত্থচূর্ণমুদ্বর্তনম্| বাজিগন্ধাযা অশ্বগন্ধাযা রজশ্চূর্ণংবা কেবলম্| বালস্য চ স্নানে প্রসিদ্ধানাং সর্বৌষধীনাং কল্ক ইষ্যতে জীবনীযশৃতং জলং চ|| ৪৯||
Adhikarana BaktatvanusAraM bAlacaryAvisheShaH (50) · Śloka 50
আরগ্বধাদিনির্যূহে শৃতং শীতবসন্তযোঃ| বত্সকাদিপ্রতীবাপং কুমারং প্রাশযেদ্ ঘৃতম্| গ্রীষ্মে বাতাতপস্বেদৈর্বালঃ ক্লাম্যত্যতো হিমম্| প্রাতরেব পিবেদ্ দুগ্ধং জীবনীযগণৈঃ শৃতম্| সিতাঘৃতাঢ্যান্ সক্তূংশ্চ লিহ্যান্ন ত্বেব পীতকম্| নাত্যম্বুপাযী লিহ্যাদ্বা ঘৃতসাত্ম্যো ঘৃতং শৃতম্| কাকোলীশর্করামেদাতুগাযষ্ট্যাহ্বজীবকৈঃ| কুটন্নটেন মূর্ধানং লিপ্পেদন্যশ্চ শীতলৈঃ| রাস্নাসরলবর্ষাভূহিঙ্গুসৈন্ধবদারুভিঃ| সর্পির্বিদার্যাদিজলে সাধিতং লেহযেচ্ছিশুম্| প্রপণ্ডরীকং মধুকং সূপ্যপর্ণ্যৌ দুরালভা| প্রিযালমজ্জাকাকোলীবিদারীকট্ফলামৃতাঃ| দ্রাক্ষাজশৃঙ্গী দুগ্ধীকা ক্ষীরশুক্লা হযাহ্বযা| শৃঙ্গীমধুককুসুমমেদর্ষভকজীবকম্| এভিঃ ক্ষীরঘৃতং সিদ্ধং লিহ্যাদ্বালো ঘনাত্যযে||৫০||
आरग्वधादिनिर्यूहे शृतं शीतवसन्तयोः| वत्सकादिप्रतीवापं कुमारं प्राशयेद् घृतम्| ग्रीष्मे वातातपस्वेदैर्बालः क्लाम्यत्यतो हिमम्| प्रातरेव पिबेद् दुग्धं जीवनीयगणैः शृतम्| सिताघृताढ्यान् सक्तूंश्च लिह्यान्न त्वेव पीतकम्| नात्यम्बुपायी लिह्याद्वा घृतसात्म्यो घृतं शृतम्| काकोलीशर्करामेदातुगायष्ट्याह्वजीवकैः| कुटन्नटेन मूर्धानं लिप्पेदन्यश्च शीतलैः| रास्नासरलवर्षाभूहिङ्गुसैन्धवदारुभिः| सर्पिर्विदार्यादिजले साधितं लेहयेच्छिशुम्| प्रपण्डरीकं मधुकं सूप्यपर्ण्यौ दुरालभा| प्रियालमज्जाकाकोलीविदारीकट्फलामृताः| द्राक्षाजशृङ्गी दुग्धीका क्षीरशुक्ला हयाह्वया| शृङ्गीमधुककुसुममेदर्षभकजीवकम्| एभिः क्षीरघृतं सिद्धं लिह्याद्बालो घनात्यये||५०||
🔊 Audio coming soon
শীতবসন্তযোশ্চারগ্বধাদিগণক্বাথে বত্সকাদিপ্রতীবাপং ঘৃতং শৃতং পাযযেত্| গ্রীষ্মে চ বাতাদিভির্বালো যতঃ ক্লাম্যত্যতো জীবনীযগণৈঃ শৃতং দুগ্ধং প্রাতরেব পিবেত্| সিতযা ঘৃতেন চাঢ্যান্ সক্তূন্ লিহ্যাত্| পীতকং ন ত্বেব পিবেদিতি সম্বধ্যতে| পীতকো মন্থঃ| অথবা গ্রীষ্মে যো ঋতসাত্ম্যো বালঃ সোঽত্যম্বুপানং পরিহরন্ কাকোল্যাদিভির্জীবকান্তৈঃ শৃতং ঘৃতং লিহ্যাত্| বালস্য চ মূর্ধানং গ্রীষ্মে কুটন্নটেন প্লবেন লিম্পেত্| অন্যৈশ্চ শীতলৈশ্চন্দনাদিভিঃ | বিদার্যাদিভিঃ ক্বাথে রাস্নাদিভির্ঘৃতং সাধিতং শিশুং লেহযেত্| সরলং পীডাখ্যম্| বর্ষাভূঃ পুনর্নবা| ক্ষীরোদ্ভবং ঘৃতং প্রপৌণ্ডরীদকাদিভিঃ সিদ্ধং ঘনাত্যযে| শরদি বালো লিহ্যাত্| দুগ্ধিকা ক্ষীরিকা| ক্ষীরশুক্লা ক্ষীরকাকোলী| হযাহ্বযা অশ্বগন্ধা|| ৫০||
Adhikarana brAhmyAdighRutam (51) · Śloka 51
ব্রাহ্মীসিদ্ধার্থকবচাশারিবাকুষ্ঠসৈন্ধবৈঃ| সকণৈঃ সাধিতং পীতং বাঙ্মেধাস্মৃতিকৃদ্ ঘৃতম্| আযুষ্যং পাপ্মরক্ষোঘ্নং ভূতোন্মাদনিবর্হণম্||৫১||
ब्राह्मीसिद्धार्थकवचाशारिवाकुष्ठसैन्धवैः| सकणैः साधितं पीतं वाङ्मेधास्मृतिकृद् घृतम्| आयुष्यं पाप्मरक्षोघ्नं भूतोन्मादनिबर्हणम्||५१||
🔊 Audio coming soon
ব্রাহ্ম্যাদিভিঃ কণান্তৈঃ সাধিতংঘৃতং পীতং বালস্য বাগাদিকৃত্ ভবত্যাযুষ্যাদিগুণঞ্চ|| ৫১||
Adhikarana sArasvataghRutam (52) · Śloka 52
ত্রিফলা লক্ষ্মণানন্তা সমঙ্গা সারিবা বচা| ব্রাহ্মী পাঠা দ্বিবৃহতী দ্বিস্থিরা দ্বিপুনর্নবম্| সহদেবা রবের্বল্লী পযস্য গিরিকর্ণিকা| তোযকুম্ভে পচেদেতত্ পলাংশং পাদশেষিতম্| তেন কৌন্তীবচাকুষ্ঠকৃষ্ণাসর্ষপসৈন্ধবৈঃ| নীরুক্সরূপবত্সাযাঃ সংযুক্তং পযসা চ গোঃ| পুষ্যযোগে ঘৃতপ্রস্থং সহেমশকলং শৃতম্| পানাভ্যঞ্জনতো মেধাস্মৃত্যাযুঃ পুষ্টিবুদ্ধিদম্| রক্ষোঘ্নং চ বিষঘ্নং চ সারস্বতমিদং ঘৃতম্||৫২||
त्रिफला लक्ष्मणानन्ता समङ्गा सारिवा वचा| ब्राह्मी पाठा द्विबृहती द्विस्थिरा द्विपुनर्नवम्| सहदेवा रवेर्वल्ली पयस्य गिरिकर्णिका| तोयकुम्भे पचेदेतत् पलांशं पादशेषितम्| तेन कौन्तीवचाकुष्ठकृष्णासर्षपसैन्धवैः| नीरुक्सरूपवत्सायाः संयुक्तं पयसा च गोः| पुष्ययोगे घृतप्रस्थं सहेमशकलं शृतम्| पानाभ्यञ्जनतो मेधास्मृत्यायुः पुष्टिबुद्धिदम्| रक्षोघ्नं च विषघ्नं च सारस्वतमिदं घृतम्||५२||
🔊 Audio coming soon
ত্রিফলাদীনাং গিরিকর্ণিকান্তানাং পলাশানাং জলকুম্ভে পাদশেষিতে ক্বাথে কৌন্ত্যাদিভিঃ সহ ঘৃতং নীরুক্ত্বাদিগুণযুক্তাযাঃ গোঃ পযসা সহ পুষ্যযোগে প্রস্থসম্মিতং ঘৃতং পচেত্| সহেমশকলং তনুভিঃ সুবর্ণখণ্ডৈঃ সহ| তদ্ ঘৃতং পানাদিনা মেধাদিদং রক্ষোঘ্নাদিগুণঞ্চ| তচ্চ ঘৃতং নাম্না সারস্বতম্| লক্ষমণা পুত্রজননী| অনন্তা দূর্বা| রবের্বল্যাদিত্যবল্লী| পযস্যা ক্ষীরিকা| কুম্ভঃ দ্বাদশাধিকপঞ্চশতপলানি|| ৫২||
Adhikarana vAgvivardhanayogaH (53) · Śloka 53
লীঢং বা সঘৃতক্ষৌদ্রং বচাহেমরজোঽল্পশঃ| সংবত্সরং পরং মেধ্যং রক্ষোঘ্নং বাগ্বিবর্ধনম্||৫৩||
लीढं वा सघृतक्षौद्रं वचाहेमरजोऽल्पशः| संवत्सरं परं मेध्यं रक्षोघ्नं वाग्विवर्धनम्||५३||
🔊 Audio coming soon
বচা হেম্নো রজঃ সঘৃতক্ষৌদ্রং সংবত্সরং লীঢং পরং মেধ্যাদিগুণম্| হেম সুবর্ণম্|| ৫৩||
Adhikarana vayaHsthAdyavalehanam (54) · Śloka 54
বযঃস্থা পিপ্পলী কুষ্ঠং হরিদ্রা শারিবা বচা| মাংসী কৈডর্যমিত্যেতচ্চূর্ণং ব্রাহ্মীরজঃ সমম্| লীঢ্বাজ্যেন শিশুর্বর্ষং ভবত্যপলিতোঽব্যথঃ| বলবান্ শৃতসম্পন্নঃ শতাযুঃ স্থিরযৌবনঃ| প্রাতঃ প্রাতরিমং লেহং ধাত্রীং চাস্যাবলেহযেত্||৫৪||
वयःस्था पिप्पली कुष्ठं हरिद्रा शारिवा वचा| मांसी कैडर्यमित्येतच्चूर्णं ब्राह्मीरजः समम्| लीढ्वाज्येन शिशुर्वर्षं भवत्यपलितोऽव्यथः| बलवान् शृतसम्पन्नः शतायुः स्थिरयौवनः| प्रातः प्रातरिमं लेहं धात्रीं चास्यावलेहयेत्||५४||
🔊 Audio coming soon
বযঃস্থাদীনাং চূর্ণং ব্রাহ্মীচূর্ণেন সমমাজ্যেন বর্ষাং লীঢ্বা শিশু রপলিতত্বাদিগুণো ভবতি| ইমঞ্চ বযঃস্থাদিকমস্য বালস্য ধাত্রীমপি বৈদ্যোঽবলেহযেত্|| ৫৪||
Adhikarana dUrvAdiprAshAH (55) · Śloka 55
ব্রাহ্মীবদ্যোজযেদ্দূর্বাং মূর্বাং ব্রহ্মসুবর্চলাম্| লক্ষ্মণাং শ্বেততক্কারীমব্যণ্ডাং গৌরসর্ষপাম্| সহস্রবীর্যাং ফলিনী পক্বং চ বৃহতীফলম্| রোহিষং চেত্যমী প্রাশাঃ পৃথগ্দ্বাদশ কীর্তিতাঃ| মহতাঽপ্যুপযোক্তব্যা নরেণ নিযতাত্মনা||৫৫||
ब्राह्मीवद्योजयेद्दूर्वां मूर्वां ब्रह्मसुवर्चलाम्| लक्ष्मणां श्वेततक्कारीमव्यण्डां गौरसर्षपाम्| सहस्रवीर्यां फलिनी पक्वं च बृहतीफलम्| रोहिषं चेत्यमी प्राशाः पृथग्द्वादश कीर्तिताः| महताऽप्युपयोक्तव्या नरेण नियतात्मना||५५||
🔊 Audio coming soon
ব্রাহ্মীবদ্দূর্বাদীনপি পৃথগ্যোজযেত্| ব্রাহ্মীবদিত্যনেনৈতত্ প্রদর্শিতম্| যদ্বযঃস্থাদীনাং চূর্ণং তত্ ব্রাহ্মীপরিহারেণ দূর্বাদীনামন্যতমস্য চূর্ণেন যুক্তং লেহ্যমিতি| তর্কার্যগ্নিমন্থাখ্যা(নি) অব্যণ্ডেক্ষুরকস্তৈলকণ্টকঃ কোকিলাক্ষকঃ| লক্ষ্মণা পুত্রজননী রক্তবন্ধুচ্ছদা তথা|| সহস্রবীর্যা শতাবরী| ফলিনী প্রিযঙ্গুকা| রোহিষং ভূতিকম্| এতে ব্রাহ্মীপ্রাশেন সহ দূর্বাদিভিঃ পৃথগ্দ্বাদশ প্রাশাঃ| এতে চ কেবলং বালেন ন যাবন্মহতাপি নরেণোপযোক্তব্যাঃ নিযতাত্মনা নিযতেন্দ্রিযেণ|| ৫৫||
Adhikarana mRudBakShaNAdbAlarakShA (56) · Śloka 56
নিত্যং মৃদ্ভক্ষণাদ্রক্ষেত্তযা স্যুর্নিযতং গদাঃ| পাণ্ডুত্বশ্বযথুশ্বাসকাসাতীসারজন্তবঃ| ছর্দিমূর্চ্ছাগ্নিসদনস্তন্যদ্বেষাঙ্গরুগ্ভ্রমাঃ||৫৬||
नित्यं मृद्भक्षणाद्रक्षेत्तया स्युर्नियतं गदाः| पाण्डुत्वश्वयथुश्वासकासातीसारजन्तवः| छर्दिमूर्च्छाग्निसदनस्तन्यद्वेषाङ्गरुग्भ्रमाः||५६||
🔊 Audio coming soon
বালাঞ্চ মৃদ্ভক্ষণান্নিত্যং রক্ষেত্| তযা হি মৃদা নিযতমবশ্যং গদাঃ স্যুঃ| কে ত ইত্যাহ-পাণ্ডুত্বেত্যাদি| জন্তবঃ ক্রিমযঃ|| ৫৬||
Adhikarana dantapavanaBakShaNaniShedhaH (57) · Śloka 57
ভক্ষযেদ্দন্তপবনং নাস্থিরদ্বিজবন্ধনঃ| তস্য তদ্ ঘট্টনাত্ক্রুদ্ধঃ কুর্যাদ্দন্তামযান্মরুত্||৫৭||
भक्षयेद्दन्तपवनं नास्थिरद्विजबन्धनः| तस्य तद् घट्टनात्क्रुद्धः कुर्याद्दन्तामयान्मरुत्||५७||
🔊 Audio coming soon
স চ বালো যাবত্স্থিরদ্বিজবন্ধনো ন সম্পন্নস্তাবদ্ দন্তপবনং ন ভক্ষযেত্| সুবোধম্| তস্যেত্যস্থিরদ্বিজবন্ধনস্য| তত্ ঘট্টনাত্ ক্রুদ্ধো বাযুর্দন্তামযান্ কুর্যাত্|| ৫৭||
Adhikarana bAlopacArapAlanaPalam (58-59) · Śloka 59
শূরৈরাযুধিভির্গুপ্তমধৃষ্যং নগরং পরৈঃ| যথা শিশোর্বপুস্তদ্বদ্যথোক্তৈর্বিধিভির্গ্রহৈঃ||৫৮|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে বালোপচরণীযো নাম প্রথমোঽধ্যাযঃ||৫৯||
शूरैरायुधिभिर्गुप्तमधृष्यं नगरं परैः| यथा शिशोर्वपुस्तद्वद्यथोक्तैर्विधिभिर्ग्रहैः||५८|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे बालोपचरणीयो नाम प्रथमोऽध्यायः||५९||
🔊 Audio coming soon
অধ্যাযোক্তানাং বিধীনাং প্রযোজনমাচিখ্যাসুরিদমাহ-শূরৈরিত্যাদি| শূরৈরাযুধপাণিভির্গুপ্তং নগরং যথা পরৈঃ শত্রুভিরধৃষ্যং ধর্ষযিতুমশক্যং তথা যথোক্তৈর্বিধিভির্গুপ্তং রক্ষিতং গ্রহৈঃ স্কন্দাদিভিরধৃষ্যমিতি|| ৫৮|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে প্রথমোঽধ্যাযঃ