Adhikarana atha bhagandarapratiShedho nAma trayastriMsho~adhyAyaH - pratij~jA (1) · Śloka 1
অথাতো ভগন্দরপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो भगन्दरप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ব্রণতন্ত্রপ্রকরণে ভগন্দরাণাং নির্ণযং কর্তুমধ্যায আরভ্যতে||১||
Adhikarana Bagandarasya nidAnaM samprAptishca (2) · Śloka 2
হস্ত্যশ্বপৃষ্ঠগমনকঠিনোত্কটকাসনৈঃ| অর্শোনিদানাভিহিতৈরপরৈশ্চ নিষেবিতৈঃ| অনিষ্টদিষ্টপাকেন সদ্যো বা সাধুগর্হণৈঃ| প্রাযেণ পিটকাপূর্বো যোঽঙ্গুলে দ্ব্যঙ্গুলেঽপি বা| পাযোর্ব্রণোঽন্তর্বাহ্যো বা দুষ্টাসৃঙ্মাংসগো ভবেত্| বস্তিমূত্রাশযাভ্যাশগতত্বাত্ স্যন্দনাত্মকঃ| ভগন্দরঃ স সর্বাংশ্চ দারযত্যক্রিযাবতঃ| ভগবস্তিগুদান্তেষু দীর্যমাণেষু ভূরিভিঃ| বাতং মূত্রং শকৃচ্ছুক্রং খৈঃ সূক্ষ্মৈর্বহতি ক্রমাত্||২||
हस्त्यश्वपृष्ठगमनकठिनोत्कटकासनैः| अर्शोनिदानाभिहितैरपरैश्च निषेवितैः| अनिष्टदिष्टपाकेन सद्यो वा साधुगर्हणैः| प्रायेण पिटकापूर्वो योऽङ्गुले द्व्यङ्गुलेऽपि वा| पायोर्व्रणोऽन्तर्बाह्यो वा दुष्टासृङ्मांसगो भवेत्| बस्तिमूत्राशयाभ्याशगतत्वात् स्यन्दनात्मकः| भगन्दरः स सर्वांश्च दारयत्यक्रियावतः| भगबस्तिगुदान्तेषु दीर्यमाणेषु भूरिभिः| वातं मूत्रं शकृच्छुक्रं खैः सूक्ष्मैर्वहति क्रमात्||२||
🔊 Audio coming soon
হস্ত্যশ্বপৃষ্ঠগমনাদিভিঃ পাযোরঙ্গুলে দ্ব্যঙ্গুলে বা নিকটে যো ব্রণো ভবেত্স ভগন্দরঃ| অর্শসাং চ নিদানে যে হেতবোঽভিহিতাস্তৈরপ্যপরৈর্নিষেবিতৈরিতি সম্বন্ধঃ| যচ্চ কিঞ্চিদ্দিনচর্যাদাবনিষ্টমিতি দিষ্টমুক্তং তস্য পাকেন ফলপরিণামেন| সদ্যঃ সাধুগর্হণৈরচিরকৃতসজ্জননিন্দাভিঃ| প্রাযেণ পিটকাপূর্বমারম্ভো যস্য স তথোক্তঃ| স চ ব্রণঃ পাযোরন্তর্মুখো বা ভবেত্ বহির্মুখো বা| স চ ব্রণো বস্ত্যাদীনামভ্যাশগতত্বান্নিকটবর্তিত্বাত্ স্যন্দনাত্মকঃ স্রবণাত্মকো ভবতি| স ভগন্দরোঽক্রিযাবতোঽপথ্য শীলিনঃ সর্বান্ সকলান্ ভগাদীন্ দারযতি চ| তেষু ভগাদিষু দীর্ঘমাণেষু খৈঃ স্রোতোভির্বহুভিঃ সূক্ষ্মৈর্বাতাদিচতুষ্টযং ক্রমাদ্বহতি| (নিষেবিতৈর্নিতরাং সেবিতৈর্হস্ত্যশ্বপৃষ্ঠগমনাদিভিঃ হস্তিপৃষ্ঠগমনমশ্বপৃষ্ঠগমনং কঠিনাসনমুত্কটকাসনং চ| অর্শোনিদানেঽভিহিতান্যুক্তানি যান্যপরাণ্যতিব্যবাযাদীনি তৈঃ অর্শোনিদানাভিহিতত্বেনৈব হস্ত্যশ্বপৃষ্ঠগমনাদিকে সিদ্ধে পুনরপ্যত্র কথনাদেতেষাং ভগন্দরস্য বিশেষকারণত্বং সূচিতম্| অথবা এবংবিধৈরপানমরুত্কোপকারণৈরন্যৈঃ| চশব্দঃ সমুচ্চযে| অনিষ্টদিষ্টপাকেন পুরাকৃতাশুভকর্মফলপরিপাকেন| অথবাঽনিষ্টদিষ্টস্য দিনচর্যানির্দিষ্টস্য পাপকর্মণঃ পাকেন ফলপরিণামেন| সদ্যঃ সাধুগর্হণৈরচিরকৃতাভিঃ সজ্জননিন্দাভিঃ পাযোর্গুদস্যৈকাঙ্গুলপ্রমাণে বা নিকটে| বাশব্দাদর্দ্ধাঙ্গুলত্র্যঙ্গুলযোরপি গ্রহণম্| উক্তঞ্চ শাস্ত্রান্তরে- পিটিকাং জনযেজ্জন্তোর্গুদনাড্যাং সুদারুণাম্| গুদস্যার্দ্ধাঙ্গুলে বাঽপি দ্ব্যঙ্গুলে ত্র্যঙ্গুলেঽপি বা|| ইতি| অন্তরন্তর্ভাগে বাহ্যঃ বহির্ভাগে বা| দুষ্টাসৃঙ্মাংসগো দুষ্টরক্তমাংসাশ্রিতঃ| বস্তিমূত্রাশযাভ্যাশগতত্বাদ্বস্তের্মূত্রাশযস্য চ সমীপগতত্বাত্| বস্তিমূত্রাশযযোরবযবাশযবিশেষত্বমঙ্গবিভাগাচ্ছারীরাদবগন্তব্যম্| স্যন্দনাত্মকঃ সদাস্রাবযুক্তঃ| প্রাযেণ বাহুল্যেন পিটকাপূর্বঃ পিটকাপূর্বমারম্ভো যস্য স তথোক্তঃ| পূর্বং পিটকা জাযতে ততঃ পাকাদ্ ব্রণঃ স্যাদিত্যর্থঃ| প্রাযঃ শব্দেন ক্ষতজস্য ভগন্দরস্য পিটকাযা বিনা সম্ভবঃ সূচিতঃ| য এবংবিধো ব্রণঃ স ভগন্দরাখ্যো রোগ অক্রিযাবতঃ প্রমাদাচ্চিকিত্সামকুর্বতো নরস্য সর্বান্ ভগবস্তিগুদান্ দারযতি| অত্র সর্বশব্দেন সাকল্যগ্রহণং ভগাদীন্ সাকল্যেন দারযতীত্যর্থঃ| ভগাদিদেশদরণাত্ ভগন্দরাখ্যাস্য| গুদপ্রদেশদরণাত্ গুদন্তরাখ্যা বস্তিপ্রদেশদরণাত্ বস্তিন্দরাখ্যা কথং ন যুজ্যত ইতি চেদত্র ব্রূমঃ| বিশেষেণ ভগস্য দরণাদন্যত্রাপি ভগবদদরণাচ্চ ভগন্দর ইত্যেবাখ্যা ন গুদন্দরো ন বস্তিন্দর ইতি| উক্তং চ ভোজে- ভগং পরিসমন্তাচ্চ গুদং বস্তিং তথৈব চ| ভগবদ্দারযেদ্যস্মাত্তস্মাত্ জ্ঞেযো ভগন্দরঃ|| ইতি| চশব্দঃ সমুচ্চযে| তেষ্বতি| তেষু ভগাদিষু দীর্যমাণেষু দারিতেষু ভূরিভির্বহুভিঃ সূক্ষ্মৈঃ স্রোতোমুখৈর্বাতাদীন্ ক্রমেণ বহতি| বাতমধোবাতম্| দ্রবরূপত্বাত্ পুনর্মূত্রং বহতি| গুদাবযবস্য নিকটবর্তিত্বাত্ততঃ পুরীষং বহতি| শুক্রাশযস্য কিঞ্চিদ্দূরতযা অন্তে শুক্রং চেতি ক্রমার্থঃ||২||
Adhikarana sa~gkhyAsamprAptiH (3) · Śloka 3
দোষৈঃ পৃথগ্যুতৈঃ সর্বৈরাগন্তুঃ সোঽষ্টমঃ স্মৃতঃ||৩||
दोषैः पृथग्युतैः सर्वैरागन्तुः सोऽष्टमः स्मृतः||३||
🔊 Audio coming soon
এবংবিধস্য ভগন্দরস্য বাতাদ্যাগন্তুকারণভেদাদষ্টবিধত্বমাহ| স চ ভগন্দরঃ পৃথগ্দোষৈস্ত্রিবিধো ভবতি| যুতৈরিতি মিশ্রৈঃ তেন সংসর্গেণ ত্রযঃ সন্নিপাতেনৈক ইতি দোষজাঃ| সপ্ত ভগন্দরাঃ অষ্টম আগন্তুঃ||৩||
Adhikarana avasthAvisheShe saMj~jAvisheShaH (4) · Śloka 4
অপক্বং পিটকামাহুঃ পাকপ্রাপ্তং ভগন্দরম্||৪||
अपक्वं पिटकामाहुः पाकप्राप्तं भगन्दरम्||४||
🔊 Audio coming soon
তঞ্চ রোগবিশেষমপক্বভূমিকাস্থমাচার্যাঃ পিটকামাহুঃ| স এব চ পাকভূমিকামারূঢো ভগন্দর উচ্যতে||৪||
Adhikarana piTakAlakShaNam (5) · Śloka 5
গূঢমূলাং সসংরম্ভাং রুগাঢ্যাং রূঢকোপিনীম্| ভগন্দরকরীং বিদ্যাত্ পিটকাং ন ত্বতোঽন্যথা||৫||
गूढमूलां ससंरम्भां रुगाढ्यां रूढकोपिनीम्| भगन्दरकरीं विद्यात् पिटकां न त्वतोऽन्यथा||५||
🔊 Audio coming soon
যা চ পিটকা গূঢমূলত্বাদিযুক্তা সা ভগন্দরত্বামারুরুক্ষুর্বিজ্ঞেযা| অত উক্তাদন্যথা বৈপরীত্যেন যা পিটকা সা ভগন্দরকরীতি ন বিজ্ঞেযা| (দৃঢমূলামিতি চ পাঠঃ| দৃঢমূলাং দৃঢমচঞ্চলং মূলং যস্যাঃ তাং পুনঃ পুনরেকত্র পূর্ববদেবোত্পত্তির্দৃঢমূলত্বম্| সসংরম্ভাং সংরম্ভযুক্তাং সংরম্ভো বেদনাবিশেষঃ| রুগাঢ্যামতিশযিতপীডাযুক্তাম্| রুঢকোপিনীং তত্তত্ প্রতিক্রিযযা ব্রণেরূঢেঽপি পুনঃ কোপ উদ্ভবো যস্যাস্তাং পিটকাং ভগন্দরকরীং ভগন্দরাখ্যব্রণজননীং বিদ্যাত্| অত উক্তপ্রকারাদন্যথা বৈপরীত্যে তু ন ভগন্দরকরীং পিটকামাত্রামেব বিদ্যাদিত্যর্থঃ||৫||
Adhikarana vAtapiTakAlakShaNam (6) · Śloka 6
তত্র শ্যাবারুণা তোদভেদস্ফুরণরুক্করী| পিটকামারুতাত্ ........................||৬||
तत्र श्यावारुणा तोदभेदस्फुरणरुक्करी| पिटकामारुतात् ........................||६||
🔊 Audio coming soon
তত্রেত্যাদিনা বাতাদিবিশেষেণ ভগন্দরপিটকানাং লক্ষণম্| সুবোধম্| শ্যাবাদিগুণা বাতাত্ পিটকা| (তত্র তাসু মধ্যে মারুতোদ্ভবা পিটকা শ্যাবাদ্যন্যতরবর্ণা তোদাদিকরী চ)|| ৬||
Adhikarana pittapiTakAlakShaNam (7) · Śloka 7
.................... পিত্তাদুষ্ট্রগ্রীবাবদুচ্ছ্রিতা| রাগিণী তনুরূষ্মাঢ্যা জ্বরধূমাযনান্বিতা||৭||
.................... पित्तादुष्ट्रग्रीवावदुच्छ्रिता| रागिणी तनुरूष्माढ्या ज्वरधूमायनान्विता||७||
🔊 Audio coming soon
উষ্ট্রগ্রীবাবদুচ্ছ্রিতেত্যাদিগুণা পিত্তাত্| (পিত্তাত্ পিটকা উষ্ট্রগ্রীবাসাম্যেনৌন্নত্যাধিক্যমধোগুরুত্বঞ্চ ধ্বনিতম্| রাগিণী রাগযুক্তা| তনুরল্পা| ঊষ্মাড্যোষ্মবহুলা| জ্বরধূমাযনাভ্যাং যুক্তা| ধূমাযনং ধূমোদ্বমনপ্রতীতিঃ||৭||
Adhikarana kaphapiTakAlakShaNam (8) · Śloka 8
স্থিরা স্নিগ্ধা মহামূলা পাণ্ডুঃ কণ্ডূমতী কফাত্||৮||
स्थिरा स्निग्धा महामूला पाण्डुः कण्डूमती कफात्||८||
🔊 Audio coming soon
স্থিরাদিগুণা কফাত্| (কফাত্পিটকা স্থিরা অচলা স্নিগ্ধা মহামূলা পৃথুমূলা পাণ্ডুঃ পাণ্ডুরবর্ণা কণ্ডূমতী কণ্ডূযুক্তা স্যাদিতি শেষঃ)||৮||
Adhikarana vAtapittapiTakAlakShaNam (9) · Śloka 9
শ্যাবাঽঽতাম্রা সদাহোষা ঘোররুগ্বাতপিত্তজা||৯||
श्यावाऽऽताम्रा सदाहोषा घोररुग्वातपित्तजा||९||
🔊 Audio coming soon
বাতপিত্তজা পিটকা শ্যাবাদিগুণা| (বাতপিত্তাভ্যাঞ্জাতা পিটকা শ্যাবা শ্যাববর্ণা আতাম্রা ঈষত্তাম্রবর্ণা| দ্বিদোষজত্বা দস্যা দ্বিদোষবর্ণাযোঃ সমবলযোরেকত্রাসম্ভবাদাতাম্রেত্যুক্তম্| সদাহোষা দাহোষাসহিতা| দাহঃ সর্বাঙ্গীণস্তীব্রসন্তাপঃ| ঊষা প্রাদেশিকদাহঃ| ঘোররুক্ ঘোরা উগ্রা রুক্ পীডাবিশেষো যস্মিন্)||৯||
Adhikarana vAtakaphapiTakAlakShaNam (10) · Śloka 10
পাণ্ডুরা কিঞ্চিদাশ্যাবা কৃচ্ছ্রপাকা কফানিলাত্||১০||
पाण्डुरा किञ्चिदाश्यावा कृच्छ्रपाका कफानिलात्||१०||
🔊 Audio coming soon
কফানিলাজ্জাতা পিটকা পাণ্ডুরাদিগুণা| পিত্তকফজা পিটকা অর্শোভগন্দর এব বক্ষ্যতে| (কফানিলাজ্জাতা পিটকা ক্বচিত্ পাণ্ডুরা ধূসরবর্ণা আশ্যাবা ঈষচ্ছ্যাবা চ অত্যন্তবিপরীতযোঃ শ্যাবপাণ্ডুরযোঃ সঙ্করাদুভযোরপি বর্ণযোরস্পষ্টতা ভবতীত্যর্থঃ| কৃচ্ছ্রপাকা চিরপাকা কৃচ্ছ্রশব্দেন পাচনৌষধপ্রলেপাদিভিরপি পাকস্য দুষ্করত্বং সূচিতম্)||১০||
Adhikarana sannipAtapiTakAlakShaNam (11) · Śloka 11
পাদাঙ্গুষ্ঠসমা সর্বৈর্দোষৈর্নানাবিধব্যথা| শূলারোচকতৃড্দাহজ্বরচ্ছর্দিরুপদ্রুতা||১১||
पादाङ्गुष्ठसमा सर्वैर्दोषैर्नानाविधव्यथा| शूलारोचकतृड्दाहज्वरच्छर्दिरुपद्रुता||११||
🔊 Audio coming soon
সর্বৈর্দোষৈর্জাতা পিটকা পাদাঙ্গুষ্ঠসমত্বাদিগুণা| (সন্নিপাতোত্থা পিটকামানসংস্থানাদিভিঃ পাদাঙ্গুষ্ঠসদৃশী| নানাবিধা নানাপ্রকারা ব্যথা পীডাবিশেশো যস্যাং সা তথা| শূলাদিভিরর্দ্দিতা চ| শূলাদ্যুপদ্রুতিঃ পাকোন্মুখানাং সর্বাসাং লিঙ্গমিতি কেচিত্| ক্ষতজস্য ভগন্দরস্য পিটকাভাবাত্তত্ পিটকা নাভিহিতা)|| ১১||
Adhikarana piTakAnAM vraNAvasthAprAptiH (12) · Śloka 12
ব্রণতাং যান্তি তাঃ পক্বাঃ প্রমাদাত্ ........||১২||
व्रणतां यान्ति ताः पक्वाः प्रमादात् ........||१२||
🔊 Audio coming soon
পিটকাবস্থালক্ষণমুক্ত্বাঽনন্তরং ভগন্দরাবস্থালক্ষণানুসারেণ নামবিশেষশ্চোচ্যতে-তাঃ সর্বাঃ পিটকাঃ প্রমাদাত্ পক্বাঃ ব্রণতাং যান্তি| (তা ভগন্দরকাড়্রিণ্যঃ পিটকাঃ প্রমাদাদচিকিত্সযেত্যর্থঃ| অত্র প্রমাদশব্দকথনেন সাবধানশ্চেত্ পাকাদনেকোপদ্রবকারিণীমেবংবিধাং পিটকাং কদাচিদপি নোপেক্ষেত ইতি চ সূচিতম্| পক্বাঃ ব্রণতাং যান্তি ব্রণত্বং প্রাপ্নুবন্তি||১২||
Adhikarana shataponakaH BagandaraH (13) · Śloka 13
...............................তত্র বাতজা| চীযতেঽণুমুখৈশ্ছিদ্রৈঃ শতপোনকবত্ক্রমাত্| অচ্ছং স্রবদ্ভিরাস্রাবমজস্রং ফেনসংযুতম্| শতপোনকসংজ্ঞোঽযম্.......................||১৩||
...............................तत्र वातजा| चीयतेऽणुमुखैश्छिद्रैः शतपोनकवत्क्रमात्| अच्छं स्रवद्भिरास्रावमजस्रं फेनसंयुतम्| शतपोनकसंज्ञोऽयम्.......................||१३||
🔊 Audio coming soon
তত্র বাতজা পিটকা পক্বা সত্যণুমুখৈশ্ছিদ্রৈঃ শতপোনকবত্ চালনীবক্রমাচ্চীযতে| কিম্ভূতৈশ্ছিদ্রৈরিত্যাহ-অজস্রমবিচ্ছেদেনাচ্ছং ফেনসংযুতং চাস্রাবং স্রবদ্ভিঃ| অযং ভগন্দরো নাম্না শতপোনকঃ| আস্রাবং পূযস্রবণম্||১৩||
Adhikarana uShTragrIvaH BagandaraH (14) · Śloka 14
..........................উষ্ট্রগ্রীবস্তু পিত্তজঃ||১৪||
..........................उष्ट्रग्रीवस्तु पित्तजः||१४||
🔊 Audio coming soon
পিত্তপিটকযা পক্বযোষ্ট্রগ্রীবাখ্যো ভগন্দর উচ্যতে| (পিত্তজো ভগন্দরস্তু উষ্ট্রস্য গ্রীবাবদুচ্ছ্রিতমুখত্বাদুষ্ট্রগ্রীবাখ্যঃ)||১৪||
Adhikarana parisrAvI BagandaraH (15) · Śloka 15
বহুপিচ্ছাপরিস্রাবী পরিস্রাবী ভগন্দরঃ||১৫||
बहुपिच्छापरिस्रावी परिस्रावी भगन्दरः||१५||
🔊 Audio coming soon
কফপিটকযা পক্বযা ভগন্দরো বহুপিচ্ছাপরিস্রাবী নাম্না পরিস্রাবী| (কফজো ভগন্দরঃ অনল্পপিচ্ছস্রাবযুক্তস্তস্মাত্ পরিস্রাবীসংজ্ঞঃ) ||১৫||
Adhikarana parikShepI bhagandaraH (16) · Śloka 16
বাতপিত্তাত্ পরিক্ষেপী পরিক্ষিপ্য গুদং গতিঃ| জাযতে পরিতস্তত্র প্রকারং পরিখেব চ||১৬||
वातपित्तात् परिक्षेपी परिक्षिप्य गुदं गतिः| जायते परितस्तत्र प्रकारं परिखेव च||१६||
🔊 Audio coming soon
বাতপিত্তাত্ ভগন্দরো নাম্না পরিক্ষেপী| তত্র চ গুদং পরিক্ষিপ্য মণ্ডলাকৃত্যা গতির্নাডী জাযতে প্রাকারপরিখাসদৃশী প্রাকারস্য পরিতঃ পরিখা বহির্নিকটে খাতা| (বাতপিত্তজো ভগন্দরঃ পরিক্ষেপীসংজ্ঞঃ| তত্র পরিক্ষেপিণি প্রকারস্য পরিতঃ পরিখেব গুদং পরিক্ষিপ্য গুদস্য পরিতো মণ্ডলাকৃত্যা নাডী জাযতে)||১৬||
Adhikarana RujurBagandaraH (17) · Śloka 17
ঋজুর্বাতকফাদৃজ্ব্যা গুদো গত্যাঽবদীর্যতে||১৭||
ऋजुर्वातकफादृज्व्या गुदो गत्याऽवदीर्यते||१७||
🔊 Audio coming soon
বাতকফাদ্যো ভগন্দরঃ স ঋজুর্নাম্না| তত্র ঋজ্ব্যা গত্যা গুদঃ অবদীর্যতে| (বাতকফজো ভগন্দরঃ ঋজ্ব্যাখ্যঃ| তত্রেতি পূর্বস্মাদ্বানুবর্ত্ততে| তত্র ঋজ্বাখ্যে ভগন্দরে ঋজ্ব্যা অবক্রযা গত্যা গুদোঽবদীর্যতে)||১৭||
Adhikarana arshoBagandaraH (18) · Śloka 18
কফপিত্তে তু পূর্বোত্থং দুর্নামাশ্রিত্য কুপ্যতঃ| অর্শোমূলে ততঃ শোফঃ কণ্ডূদাহাদিমান্ ভবেত্| স শীঘ্রং পক্বভিন্নোঽস্য ক্লেদযন্ মূলমর্শসঃ| স্রবত্যজস্রং গতিভিরযমর্শো ভগন্দরঃ||১৮||
कफपित्ते तु पूर्वोत्थं दुर्नामाश्रित्य कुप्यतः| अर्शोमूले ततः शोफः कण्डूदाहादिमान् भवेत्| स शीघ्रं पक्वभिन्नोऽस्य क्लेदयन् मूलमर्शसः| स्रवत्यजस्रं गतिभिरयमर्शो भगन्दरः||१८||
🔊 Audio coming soon
পূর্বোত্থং স্বকারণৈঃ প্রথমমুত্পন্নং দুর্নামার্শা আশ্রিত্য কফপিত্তে দ্বে কুপ্যতঃ কোপম্ গচ্ছতঃ| ততো হেতোরর্শোমূলে কণ্ড্বাদিমান্ শোফঃ স্যাত্স শীঘ্রং পক্বভিন্নোঽস্যার্শসো মূলং ক্লেদযন্ গতিভির্নাডীভিরজস্রমবিচ্ছেদং পূযং স্রবত্যযং নাম্নাঽর্শো ভগন্দরঃ||১৮||
Adhikarana shambukAvartaH BagandaraH (19) · Śloka 19
সর্বজঃ শম্বুকাবর্তঃ শম্বুকাবর্তসন্নিভঃ| গতযো দারযন্ত্যস্মিন্ রুগ্বের্গর্দারুণৈর্গুদম্||১৯||
सर्वजः शम्बुकावर्तः शम्बुकावर्तसन्निभः| गतयो दारयन्त्यस्मिन् रुग्वेर्गर्दारुणैर्गुदम्||१९||
🔊 Audio coming soon
যঃ সন্নিপাতজো ভগন্দরঃ স শম্বুকাবর্তাখ্যঃ শম্বুকাবর্তসন্নিভঃ শম্বুকস্যাবর্তেন সদৃশঃ শম্বুকো নামাবর্তযুক্তো মত্স্যবিশেষঃ তস্যাবর্তা দেহে ভবন্তি| অস্মিন্ শম্বুকাবর্তাখ্যে ভগন্দরে গতযো নাড্যঃ দারুণৈঃ রুগ্বেগৈর্গুদং দারযন্তি||১৯||
Adhikarana kShatajaH BagandaraH (20) · Śloka 20
অস্থিলেশোঽভ্যবহৃতো মাংসগৃধ্যা যদা গুদম্| ক্ষিণোতি তির্যঙ্নির্গচ্ছনুন্মার্গঞ্চ ততো গতিঃ| স্যাত্তদা পূযদীর্ণাযাং মাংসকোথেন তত্র চ| জাযন্তে কৃমযস্তেঽস্য খাদন্তঃ পরিতো গুদম্| বিদারযন্তি ন চিরাদুন্মার্গী ক্ষতজশ্চ সঃ||২০||
अस्थिलेशोऽभ्यवहृतो मांसगृध्या यदा गुदम्| क्षिणोति तिर्यङ्निर्गच्छनुन्मार्गञ्च ततो गतिः| स्यात्तदा पूयदीर्णायां मांसकोथेन तत्र च| जायन्ते कृमयस्तेऽस्य खादन्तः परितो गुदम्| विदारयन्ति न चिरादुन्मार्गी क्षतजश्च सः||२०||
🔊 Audio coming soon
যদা তু মংসগৃধ্যা মাংসলোভেনাস্থিলেশোঽভ্যবহৃত ভক্ষিতঃ সন্ গুদং ক্ষিণোতি হিনস্তি তির্যঙ্নির্গচ্ছন্নুন্মার্গঞ্চ ততঃ ক্ষতাত্ গতির্নাডী স্যাত্তদা তত্র তস্যাং নাড্যা পূযেণ দীর্ণাযাং মাংসকোথেন হেতুনা কৃমযো জাযন্তে| পরিতঃ সমন্তাত্ গুদং খাদন্তস্তে চ কৃমযোঽস্য পুরুষস্য গুদমচিরাদ্বিদারযন্তি| স ভগন্দরো নাম্না উন্মার্গী ক্ষতজশ্চ ভবতি ||২০||
Adhikarana rugAdinirdhAraNaprakAraH (21) · Śloka 21
তেষু রুগ্দাহকণ্ড্বাদীন্ বিদ্যাদ্ব্রণবিভক্তিতঃ||২১||
तेषु रुग्दाहकण्ड्वादीन् विद्याद्व्रणविभक्तितः||२१||
🔊 Audio coming soon
তেষু চ ভগন্দরেষু ব্রণবিভক্তিততো ব্রণবিভক্তিপ্রকারেণ রুগাদীন্ বিদ্যাজ্জানীযাত্| (রুগ্দাহকণ্ড্বাদীন্ রুগাদীন্ দাহাদীন্ কণ্ড্বাদীংশ্চ বাতাদ্যধিষ্ঠিতদুষ্টব্রণোক্তবিশেষলিঙ্গান্) ||২১||
Adhikarana sAdhyAsAdhyaviBAgaH (22) · Śloka 22
ষট্ কৃচ্ছ্রসাধনাস্তেষাং নিচযক্ষতজৌ ত্যজেত্| প্রবাহিণী বলীং প্রাপ্তং সেবনীং বা সমাশ্রিতম্||২২||
षट् कृच्छ्रसाधनास्तेषां निचयक्षतजौ त्यजेत्| प्रवाहिणी वलीं प्राप्तं सेवनीं वा समाश्रितम्||२२||
🔊 Audio coming soon
ষডিতি পৃথক্সংসর্গজাঃ কৃচ্ছ্রসাধনাঃ| নিচযঃ সন্নিপাতঃ ক্ষতমস্থিকৃতম্| সর্বঞ্চ ভগন্দরং প্রবাহিণ্যাখ্যামন্তর্বলীং প্রাপ্তং ত্যজেত্ তথা সেবন্যাশ্রিতং চ| ইত্যুক্তং ভগন্দরাণাং হেতুলিঙ্গম্| (তেষাং ভগন্দরাণাং মধ্যে পৃথগ্দোষসংসর্গজাঃ শতপোনকোষ্ট্রগ্রীবপরিস্রাবীপরিক্ষেপ্যুর্জ্বর্শো ভগন্দরাঃ ষট্ কৃচ্ছ্রসাধ্যাঃ| নিচযক্ষতজৌ শম্বুকাবর্তোর্ন্মাগিণৌ ত্যজেন্ন চিকিত্সেত্)||২২||
Adhikarana sAmAnyashcikitsAkramaH (23) · Śloka 23
অথ ভগন্দরিণমপক্বপিটকং পাকপরিহারার্থমপত- র্পণেন ব্রণপ্রতিষেধবিহিতেন শীঘ্রমুপচরেত্| পক্বপিটকং পুনরুপস্নিগ্ধমর্কাদিক্বাথশুদ্ধং স্বভ্য- ক্তমবগাহস্বিন্নং ভুক্তবন্তং শযনস্থমর্শসমিব যন্ত্র- যিত্বা পরাচীনমর্বাচীনং বহির্মুখমন্তর্মুখং বা ভগন্দরং সম্যগীক্ষেত| ততোঽন্তর্মুখে যন্ত্রং প্রণিধায প্রবাহণপ্রবিষ্টং ভগন্দর- মভিসমীক্ষ্য সম্যগেষিত্বা শস্ত্রেণ পাটযেত্| বহির্মুখে ত্বেষণীং প্রণিধায সাশযমুদ্ধরেচ্ছস্ত্রেণানন্তরং চোভযম- প্যগ্নিনা ক্ষারেণ চোপক্রমেত উষ্ট্রগ্রীবং তু ক্ষারেণৈব| ততো নির্বাপণশোধনরোপণৈর্যথাকালং সাধযেদিতি সামান্যোবিধিঃ||২৩||
अथ भगन्दरिणमपक्वपिटकं पाकपरिहारार्थमपत- र्पणेन व्रणप्रतिषेधविहितेन शीघ्रमुपचरेत्| पक्वपिटकं पुनरुपस्निग्धमर्कादिक्वाथशुद्धं स्वभ्य- क्तमवगाहस्विन्नं भुक्तवन्तं शयनस्थमर्शसमिव यन्त्र- यित्वा पराचीनमर्वाचीनं बहिर्मुखमन्तर्मुखं वा भगन्दरं सम्यगीक्षेत| ततोऽन्तर्मुखे यन्त्रं प्रणिधाय प्रवाहणप्रविष्टं भगन्दर- मभिसमीक्ष्य सम्यगेषित्वा शस्त्रेण पाटयेत्| बहिर्मुखे त्वेषणीं प्रणिधाय साशयमुद्धरेच्छस्त्रेणानन्तरं चोभयम- प्यग्निना क्षारेण चोपक्रमेत उष्ट्रग्रीवं तु क्षारेणैव| ततो निर्वापणशोधनरोपणैर्यथाकालं साधयेदिति सामान्योविधिः||२३||
🔊 Audio coming soon
অথেত্যাদিনা তেষামেব সামান্যং সাধনমুচ্যতে| ভগন্দরিণঃ পুরুষস্য পিটকাবস্থাযাং পাকরক্ষার্থং ব্রণপ্রতিশেধোক্তেনাপতর্পণেন শোধনাদিনা শীঘ্রমুপাচরেত্| পক্বপিটকং তু ভগন্দরিণং প্রথমমেব স্নিগ্ধং ততোঽর্কাদিগণক্বাথেন শুদ্ধং ততোঽপি স্বভ্যক্তং ততঃ স্বেদযোগ্যাবগাহেন স্বিন্নং ভুক্তবন্তং কৃতভোজনং শযনস্থমর্শঃ কর্মবিধানপ্রকারেণ যন্ত্রযিত্বা পরাচীনাদিবিশেষেণ ভগন্দরং সম্যগীক্ষেত| পরাচীনমন্তর্ভবম্| বহির্মুখং বহির্দ্বারমন্তর্মুখং গুদনাড্যন্তর্গতমুখম্| তত ইতি| ততোঽনন্তরং যদন্তর্মুখং তত্ প্রবাহণেন যন্ত্রচ্ছিদ্রং প্রবিষ্টমবেক্ষ্য সম্যগেষিত্বা শস্ত্রেণ পাটযেত্| বর্হিমুখমেষণী প্রণিধায বিন্যস্য সাশযমুদ্ধরেচ্ছস্ত্রেণ| অনন্তরমুভযমপ্যন্তর্মুখং বহির্মুখমপি| শস্ত্রকর্ম সর্বত্র সমানম্| তস্মিন্ কৃতে অগ্নিক্ষারযোর্বিষমনিযমঃ| উষ্ট্রগ্রীবাখ্যং ভগন্দরং তু ক্ষারেণৈব ন কদাচিদগ্নিনা| তত ইতি ক্ষারেঽগ্নৌ বা প্রযুক্তে যথাকালং নির্বাপণাদিভিঃ সাধযেত্| ইতি সামান্যঃ সর্বভগন্দরহিতো বিধিঃ||২৩||
Adhikarana shataponakacikitsA (24) · Śloka 24
অথ শতপোনকে নাডীরেকান্তরিতাঃ পাটযিত্বা রোপ- যেত্| রূঢাসু চেতরাশ্চিকিত্সেত্| অন্যথা তু বিবৃত্তং ব্রণং গুদস্রোতোবিদারণাদ্বাতবিণ্মূত্রান্য়নুপ্রপদ্যন্তে| ততশ্চোন্মা- র্গগো বাযুরাধ্মানাটোপপাযুশূলাদীনুপজনযতি| তত্র স্নেহা- ভ্যক্তগুদস্য স্নিগ্ধান্ পিণ্ডনাডীকুম্ভীস্বেদান্ প্রযু- ঞ্জীতাবগাহং বা| স্বিন্নঞ্চ বচা হিঙ্গুকুষ্ঠব্যোষলবণ- পঞ্চকাজমোদান্ সর্পির্মদ্যকাঞ্জিককুলত্থযূষান্যতমেন পাযযেত্| ব্রণং চাস্য মধুকতৈলেনোষ্ণেন সিঞ্চেত্| গুদং চ বলাতৈলাদিভির্বাতঘ্নৈঃ| অনেন বিধিনা বায্বাদযঃ স্বমার্গমাপতন্তি| তত্কৃতাশ্চ বিকারা নিবর্তন্তে||২৪||
अथ शतपोनके नाडीरेकान्तरिताः पाटयित्वा रोप- येत्| रूढासु चेतराश्चिकित्सेत्| अन्यथा तु विवृत्तं व्रणं गुदस्रोतोविदारणाद्वातविण्मूत्रान्य़नुप्रपद्यन्ते| ततश्चोन्मा- र्गगो वायुराध्मानाटोपपायुशूलादीनुपजनयति| तत्र स्नेहा- भ्यक्तगुदस्य स्निग्धान् पिण्डनाडीकुम्भीस्वेदान् प्रयु- ञ्जीतावगाहं वा| स्विन्नञ्च वचा हिङ्गुकुष्ठव्योषलवण- पञ्चकाजमोदान् सर्पिर्मद्यकाञ्जिककुलत्थयूषान्यतमेन पाययेत्| व्रणं चास्य मधुकतैलेनोष्णेन सिञ्चेत्| गुदं च बलातैलादिभिर्वातघ्नैः| अनेन विधिना वाय्वादयः स्वमार्गमापतन्ति| तत्कृताश्च विकारा निवर्तन्ते||२४||
🔊 Audio coming soon
অথেত্যাদিনা শতপোনকাদীনাং বিশেষচিকিত্সা সুবোধা| (নাডীব্রণমার্গান্| একান্তরিতাঃ একৈকাং নাডীমন্তরীকৃতাঃ| পাটযিত্বা ভিত্বা রোপযেত্| তাসু রূঢাস্বিতরা অবশিষ্টা নাডীশ্চ| চশব্দত্তদ্বত্ পাটযিত্বা চিকিত্সেত্| অন্যথা উক্তাদন্যপ্রকারেণ গুদস্রোতোবিদারণাদ্বাতাদীনি বিবৃতং ব্রণমনুপ্রপদ্যন্তে| মধুকেন সিদ্ধং তৈলং মধুকতৈলম্)||২৪||
Adhikarana parikShepiNi vesheShaH (25) · Śloka 25
এবমেব চ পরিক্ষেপিণ্যামপি ক্রমাদ্ গতিং নাডীবিহিতেন ক্ষারসূত্রেণ দ্বিশস্ত্রিশোবাঽবদারযেত্| সকৃদেব হ্যবদারণাদসাধ্যতা যাপ্যতা বা স্যাত্||২৫||
एवमेव च परिक्षेपिण्यामपि क्रमाद् गतिं नाडीविहितेन क्षारसूत्रेण द्विशस्त्रिशोवाऽवदारयेत्| सकृदेव ह्यवदारणादसाध्यता याप्यता वा स्यात्||२५||
🔊 Audio coming soon
এবমেব চেতি শতপোনকবদেব নাডীবিহিতেনেতি গ্রন্থ্যাদ্যধ্যাযোক্তেন||২৫||
Adhikarana arshoBagandare visheShaH (26) · Śloka 26
অর্শোভগন্দরে পূর্বমর্শাসি ছিন্দ্যাত্ ততো গত্যনুসারেণ ভগন্দরম্||২৬||
अर्शोभगन्दरे पूर्वमर्शासि छिन्द्यात् ततो गत्यनुसारेण भगन्दरम्||२६||
🔊 Audio coming soon
অর্শোভগন্দরং ইত্যাদি সুবোধম্| গত্যনুসারেণেতি নাড্যনুসারেণ অর্শো নাডীকার্যক্রমেণেত্যর্থঃ| (ততদ্দোষবিহিতেন শস্ত্রক্ষারাদ্যন্যতমে নার্শশ্ছিত্বাঽনন্তরং ভগন্দরমপি শতপোনকাদিবচ্ছিত্বা চিকিত্সেদিত্যর্থঃ)||২৬||
Adhikarana unmArgicikitsA (27) · Śloka 27
উন্মার্গিণং তু প্রত্যাখ্যাযোপাচরেত্| অনিস্সৃতং চ শল্যমাহরেত্| তথা কৃমিঘ্নং ক্রমমালেপাভ্যবহরযোঃ কুর্বীত| বেদনাযাং তু পূর্বোক্তাঃ স্বেদাঃ| বচাদিপাচনং চ| সাল্বলপ্রদিগ্ধং বা ব্রণং কদলীমৃগলোপাকাজিনকৌশেযাবিকৈরুপনাহযেদিতি||২৭||
उन्मार्गिणं तु प्रत्याख्यायोपाचरेत्| अनिस्सृतं च शल्यमाहरेत्| तथा कृमिघ्नं क्रममालेपाभ्यवहरयोः कुर्वीत| वेदनायां तु पूर्वोक्ताः स्वेदाः| वचादिपाचनं च| साल्वलप्रदिग्धं वा व्रणं कदलीमृगलोपाकाजिनकौशेयाविकैरुपनाहयेदिति||२७||
🔊 Audio coming soon
উন্মার্গিণং ক্ষতজং ভগন্দরং তু প্রত্যাখ্যায ন সিধ্যতীত্যুক্ত্বা উপাচরেত্| অনিস্সৃতঞ্চ দৃশ্যমানং শল্যমাহরেত্| পূর্বোক্তাঃ শতপোনকোক্তাঃ স্বেদাঃ পিণ্ডনাড্যাদযঃ| সাল্বলাখ্যাঃ স্বেদবিধাবুক্তাঃ পদ্মকাদযঃ| লোপাকো নাম শরভঃ||২৭||
Adhikarana CedavisheShaviShayaH (28) · Śloka 28
ভবতি চাত্র ভগন্দরে বহুচ্ছিদ্রে ছেদানালোচ্য যোজযেত্| গোতীর্থং সর্বতোভদ্রমর্ধলাঙ্গললাঙ্গলৌ| পার্শ্বাগতেন শস্ত্রেণ ছেদো গোতীর্থকো মতঃ| সর্বতঃ সর্বতোভদ্রঃ পার্শ্বচ্ছেদোঽর্ধলাঙ্গলঃ| পার্শ্বদ্বযে লাঙ্গলকঃ সমস্তাংশ্চাগ্নিনা দহেত্| আস্রাবমার্গান্ নিশ্শেষং নৈবং বিকুরুতে পুনঃ||২৮||
भवति चात्र भगन्दरे बहुच्छिद्रे छेदानालोच्य योजयेत्| गोतीर्थं सर्वतोभद्रमर्धलाङ्गललाङ्गलौ| पार्श्वागतेन शस्त्रेण छेदो गोतीर्थको मतः| सर्वतः सर्वतोभद्रः पार्श्वच्छेदोऽर्धलाङ्गलः| पार्श्वद्वये लाङ्गलकः समस्तांश्चाग्निना दहेत्| आस्रावमार्गान् निश्शेषं नैवं विकुरुते पुनः||२८||
🔊 Audio coming soon
বহুচ্ছিদ্রে সর্বস্মিন্ ভগন্দরে চ গোতীর্থাদিভেদেন ছেদানালোচ্য নিরূপ্য গোতীর্থাদীন্ যোজযেত্| (বহুচ্ছিদ্রে অনেকসুষিরে সর্বস্মিন্ ভগন্দরে গোতীর্থাদীন্ ছেদনবিশেষান্ ওলোচ্য অবলোকনৈষণীপ্রণযনাদিভিরত্রাযং যোজ্য ইতি যথাবদবগম্য গোতীর্থাদ্যন্যতমং যোজযেত্)| (গোতীর্থাদীনাং চতুর্ণাং ক্রমেণ লক্ষণং দর্শযতি)| পার্শ্বাগতেনেত্যাদিনা গোতীর্থাদীনাং চতুর্ণাং ক্রমেণ লক্ষণম্| পার্শ্বেন যত্রাগচ্ছতি শস্ত্রং স গোতীর্থকো নাম ছেদঃ যত্র তু সর্বদিশমাগচ্ছতি শস্ত্রম্ স সর্বতোভদ্রঃ| একস্য পার্শ্বস্য যঃ ছেদঃ সোঽর্ধলাঙ্গলঃ| পার্শ্বদ্বযে তু ছেদঃ লাঙ্গলকো ভবতি| (পার্শ্বাগতেন নাডীপার্শ্বপ্রাপ্তেন শস্ত্রেণ ছেদো গোতীর্থাখ্যঃ| গোতীর্থো নাম গবাং জলপানাত্তত্খুরাঙ্কিতা ভূমিঃ তদ্বচ্ছস্রনিপাতো গোতীর্থ ইতীর্যতে কৈশ্চিত্| যত্র শস্ত্রং সর্বদিশমাগচ্ছতি স সর্বতোভদ্রাখ্যঃ| একস্য পার্শ্বস্য ছেদোঽর্ধলাঙ্গলাখ্যঃ| পার্শ্বদ্বযে উভযোঃ পার্শ্বযোর্যশ্ছেদঃ স লাঙ্গলকাখ্যঃ)| ভগন্দরে সর্বানাস্রাবমাড়্র্গান্ নিস্শেষমগ্নিনা দহেত্| এবং হি কৃতে ভগন্দরঃ পুনর্ন বিকুরুতে| (অগ্নিনা অগ্নিতপ্তযা শলাকযা সমস্তান্ আস্রাবমার্গান্ নিস্শেষান্ কৃত্বা দহেত্ সাকল্যেনেত্যর্থঃ| নিশ্শেষসমস্তশব্দযোরেকত্রকথনেন ভগন্দরব্রণসুষিরস্য দূরগতিস্তস্যামূলদাহশ্চ সূচিতঃ| এবংকৃতে সতি স ভগন্দরঃ পুনর্ন বিকুরুতে বিকারকরণসমর্থো ন ভবতি পুনর্নোত্পদ্যত ইত্যর্থঃ)||২৮||
Adhikarana koShThashuddhimahattvam (29) · Śloka 29
যতেত কোষ্ঠশুদ্ধ্যৈ চ ভিষক্ তস্যান্তরান্তরা||২৯||
यतेत कोष्ठशुद्ध्यै च भिषक् तस्यान्तरान्तरा||२९||
🔊 Audio coming soon
তস্য চ ভগন্দরিণঃ কোষ্ঠশুদ্ধ্যর্থং ভিষগন্দরান্তরা যতেত| (বৈদ্যস্তস্যাতুরস্য কোষ্ঠশুদ্ধ্যর্থ কোষ্ঠশুদ্ধের্বমনবিরেচনাদ্যেকত্বেঽপ্যত্র ভগন্দরব্রণস্য পক্বাশযনিকটবর্তিত্বাদ্যথাসন্নং বিশোধনমিতি ব্রণপ্রতিষেধোক্ত্যা ব্রণস্য বিরেকসাধ্যত্বাচ্চ বিরেচনমেব গৃহ্যতে| অন্তরান্তরা ব্রণরোপণক্রিযাকরণস্য মধ্যে মধ্য ইত্যর্থঃ| যতেত প্রযত্নবান্ ভবেন্ন প্রমাদাদুপেক্ষেতেত্যর্থঃ)||২৯||
Adhikarana virecanayogaH (30) · Śloka 30
অর্দ্রকস্য রসে সিদ্ধং কল্কে বা পাযযেদ্ ঘৃতম্| ভগন্দরে মারুতজে পক্বাপক্বে বিরেচযেত্||৩০||
अर्द्रकस्य रसे सिद्धं कल्के वा पाययेद् घृतम्| भगन्दरे मारुतजे पक्वापक्वे विरेचयेत्||३०||
🔊 Audio coming soon
আর্দ্রকস্য রসে বা কল্কে বা সিদ্ধং ঘৃতং পাযযেত্| কস্মিন্নিত্যাহ মারুতজে ভগন্দরে| পক্বে চাঽপ্যপক্বে চ বিরেচযেত্||৩০||
Adhikarana vraNashodhanavargaH (31) · Śloka 31
জ্যোতিষ্মতীলাঙ্গলিকাশ্যামাদন্তীত্রিবৃত্তিলাঃ| কুষ্ঠং শতাহ্বা গোলোমী তিল্বকো গিরিকর্ণিকা| হেমক্ষীরী চ বর্গোঽযং লেপাদ্যৈর্ব্রণশোধনঃ||৩১||
ज्योतिष्मतीलाङ्गलिकाश्यामादन्तीत्रिवृत्तिलाः| कुष्ठं शताह्वा गोलोमी तिल्वको गिरिकर्णिका| हेमक्षीरी च वर्गोऽयं लेपाद्यैर्व्रणशोधनः||३१||
🔊 Audio coming soon
জ্যোতিষ্মত্যাদিযোগো লেপাদ্যৈর্লেপাভ্যঙ্গপ্রক্ষালানাদিভির্ভগন্দর ব্রণশোধনঃ| জ্যোতিষ্মতী কঙ্গুণিকা| লাঙ্গলিকা বিশল্যা| গোলোমী দূর্বা| হেমক্ষীরী কাঞ্চনী||৩১||
Adhikarana tilAdivargaH shodhane (32) · Śloka 32
তিলকুম্ভবরাদন্তী তুত্থসিন্ধূত্থমাক্ষিকম্| সকৃষ্ণরোচনাকুষ্ঠং শোধনং.............||৩২||
तिलकुम्भवरादन्ती तुत्थसिन्धूत्थमाक्षिकम्| सकृष्णरोचनाकुष्ठं शोधनं.............||३२||
🔊 Audio coming soon
কৃষ্ণাদিসহিতং তিলকাদিকং লেপাদ্যরিব্রণস্য শোধনম্| কুম্ভো দ্রবন্তী||৩২||
Adhikarana ma~jjiShThAdimAMsakRudgaNaH (33) · Śloka 33
..........................ংআংসকৃত্ পুনঃ| মঞ্জিষ্ঠাসৈন্ধবক্ষৌদ্রনাগদন্তীত্রিবৃত্তিলাঃ| রসাঞ্জনদ্বিরজনীতেজোহ্বানিম্বপল্লবাঃ||৩৩||
..........................ंआंसकृत् पुनः| मञ्जिष्ठासैन्धवक्षौद्रनागदन्तीत्रिवृत्तिलाः| रसाञ्जनद्विरजनीतेजोह्वानिम्बपल्लवाः||३३||
🔊 Audio coming soon
মঞ্জিষ্ঠাদিকং লেপাদ্যৈর্ব্রণে মাংসকৃত্| তেজোহ্বা জ্যোতিষ্মতী||৩৩||
Adhikarana nADIvraNaghnaH nikumbhAdivargaH (34) · Śloka 34
নিকুম্ভকুম্ভরক্তাহ্বকল্কো নাডীব্রণাপহঃ||৩৪||
निकुम्भकुम्भरक्ताह्वकल्को नाडीव्रणापहः||३४||
🔊 Audio coming soon
নিকুম্ভাদীনাং কল্কো নাডীব্রণাপহঃ| রক্তাহ্বো মঞ্জিষ্ঠা||৩৪||
Adhikarana viShyandanAkhyaM tailam (35) · Śloka 35
সুধাশেলুত্রিবৃত্পাঠামলযূহযমারকৈঃ| জ্যোতিষ্মতীলাঙ্গলিকাস্বর্জিকার্কবচাগ্নিকৈঃ| বিষ্যন্দনাখ্যং বিপচেত্তৈলং শোধনরোপণম্||৩৫||
सुधाशेलुत्रिवृत्पाठामलयूहयमारकैः| ज्योतिष्मतीलाङ्गलिकास्वर्जिकार्कवचाग्निकैः| विष्यन्दनाख्यं विपचेत्तैलं शोधनरोपणम्||३५||
🔊 Audio coming soon
সুধাদিভির্বিষ্যন্দননামকং তৈলং পচেত্তদ্গণানাং শোধনং রোপণঞ্চ| শেলুঃ শ্লেষ্মাতকঃ| মলযূ সোমরাজী| হযমারোঽশ্বমারঃ| জ্যোতিষ্মতি কঙ্গুণিকা| লাঙ্গলী বিশল্যা| অগ্নিকশ্চিত্রকঃ||৩৫||
Adhikarana trivRutAditailam (36) · Śloka 36
ত্রিবৃদ্দন্তীহরিদ্রার্কমূললোহাশ্বমারকৈঃ| বিডঙ্গসারত্রিফলাস্নুগর্কক্ষীরমাক্ষিকৈঃ| তৈলং সমদনৈঃ সিদ্ধং ভগন্দরনিবর্হণম্||৩৬||
त्रिवृद्दन्तीहरिद्रार्कमूललोहाश्वमारकैः| विडङ्गसारत्रिफलास्नुगर्कक्षीरमाक्षिकैः| तैलं समदनैः सिद्धं भगन्दरनिबर्हणम्||३६||
🔊 Audio coming soon
সমদনৈস্ত্রিবৃদাদিভিঃ সিদ্ধং তৈলং ভগন্দরনিবর্হণম্| লোহোঽগরু| অশ্বমারঃ করবীরঃ| স্নুগর্কযোঃ ক্ষীরম্| মাক্ষিকং ধাতুমাক্ষিকম্| মদনো রাঠঃ||৩৬||
Adhikarana saindhavAditailam (37) · Śloka 37
সৈন্ধবার্কত্রিবৃত্পাঠাসমঙ্গাপূতিকাগ্নিকৈঃ| সমাতুলুঙ্গচ্ছদনৈস্তৈলং শোধনরোপণম্||৩৭||
सैन्धवार्कत्रिवृत्पाठासमङ्गापूतिकाग्निकैः| समातुलुङ्गच्छदनैस्तैलं शोधनरोपणम्||३७||
🔊 Audio coming soon
সমাতুলুঙ্গচ্ছদনৈঃ সৈন্ধবাদিভিঃ সিদ্ধং তৈলং শোধনং রোপণঞ্চ| সমঙ্গা মঞ্জিষ্ঠা| অগ্নিকশ্চিত্রকঃ| মাতুলুঙ্গস্য চ্ছদনং পত্রম্||৩৭||
Adhikarana viDa~ggasArAdayo lehaH (38) · Śloka 38
মধুতৈলযুতা বিডঙ্গসারত্রিফলামাগধিকোষণাশ্চ লীঢা| কৃমিকুষ্ঠভগন্দরপ্রমেহক্ষতনাডীব্রণরোপণা ভবন্তি||৩৮||
मधुतैलयुता विडङ्गसारत्रिफलामागधिकोषणाश्च लीढा| कृमिकुष्ठभगन्दरप्रमेहक्षतनाडीव्रणरोपणा भवन्ति||३८||
🔊 Audio coming soon
বিডঙ্গসারাদযো মধুতৈলযুতা লীঢাঃ কৃম্যাদিক্ষতানাং নাডীব্রণানাং চ রোপণা ভবন্তি| (কৃম্যাদিহরাঃ স্যুঃ| কৃমি উদরকৃমি| ক্ষতমুরঃক্ষতম্)||৩৮||
Adhikarana amRutAdigugguluH (39) · Śloka 39
অমৃতাত্রুটিবেল্লবত্সকং কলিপথ্যামলকানি গুগ্গুলুঃ| ক্রমবৃদ্ধমিদং মধুপ্লুতং পিটকাস্থৌল্য ভগন্দরাঞ্জযেত্||৩৯||
अमृतात्रुटिवेल्लवत्सकं कलिपथ्यामलकानि गुग्गुलुः| क्रमवृद्धमिदं मधुप्लुतं पिटकास्थौल्य भगन्दराञ्जयेत्||३९||
🔊 Audio coming soon
অমৃতাদিকং ক্রমবৃদ্ধং মধুদ্রবমিদং পিটকাদীঞ্জযেত্| অমৃতাযা একো ভাগঃ| ত্রুট্যা দ্বৌ ভাগৌ| বেল্লানাং ত্রযঃ| বত্সকস্য চত্বারঃ| এবং ভাগবৃদ্ধির্যাবদ্গুগ্গুলোরষ্টাবিতি ক্রমবৃদ্ধার্থঃ||৩৯||
Adhikarana guggulupa~jcapalaM cUrNam (40) · Śloka 40
গুগ্গুলুপঞ্চপলং পলিকাংশা মাগধিকা ত্রিফলা চ পৃথক্ স্যাত্| ত্বক্ত্রুটিকর্ষযুতং মধুলীঢং কুষ্ঠভগন্দরগুল্মগতিঘ্নম্||৪০||
गुग्गुलुपञ्चपलं पलिकांशा मागधिका त्रिफला च पृथक् स्यात्| त्वक्त्रुटिकर्षयुतं मधुलीढं कुष्ठभगन्दरगुल्मगतिघ्नम्||४०||
🔊 Audio coming soon
গুগ্গুল্বাদি সুবোধম্| ত্বচোঽর্ধকর্ষঃ| সূক্ষ্মৈলানাং চাঽর্ধকর্ষঃ||৪০||
Adhikarana gugguluyoge vIryavattaratApAdanam (41) · Śloka 41
শৃঙ্গবেররজোযুক্তং তদেব চ সুভাবিতম্| ক্বাথেন দশমুলস্য বিশেষাদ্বাতরোগজিত্||৪১||
शृङ्गवेररजोयुक्तं तदेव च सुभावितम्| क्वाथेन दशमुलस्य विशेषाद्वातरोगजित्||४१||
🔊 Audio coming soon
তদেবানন্তরোক্তং গুগ্গুলুপঞ্চপলাদিকং শৃঙ্গবেরচূর্ণেন সংযোজ্য দশমুলস্য ক্বাথেন ভবিতং কুষ্ঠাদীনন্যাংশ্চ বাতপ্রধানান্ রোগান্ বিশেষাজ্জযতি| (শৃঙ্গিবিরেস্য রজসা চূর্ণেন যুক্তম্| শৃঙ্গিবেরং নাগরম্| (নি) 'নাগরমূষণমার্যং কটুকং কটুকাযনং মহীচ্ছত্রম্| শুণ্ঠীকোলং বিশ্বং বিশ্বৌষধমৌষধং মহাস্কন্ধম্| মহৌষধং মহাবীর্যং সিংহলং বিশ্বভেষজম্| তীক্ষ্ণং কটু চ কাসঘ্নং শৃঙ্গি বেরমিতি স্মৃতম্|' ইতি মঞ্জরী| দশমূলক্বাথেন সুভাবিতং পুনঃ পুনঃ পেষণশোষণাদিনা সমারোপিততদ্বীর্যম্| তত্পূর্বোক্তং গুগ্গুলুপঞ্চপলাখ্যচূর্ণমেব বিশেষাদ্বাতরোগান্ জযতি| অত্র বিশেষ শব্দকথনেন শুণ্ঠীচূর্ণাদিরহিতস্যাঽপি বাতহরত্বং সূচিতম্| বাতপ্রধানকুষ্ঠাদিহরমিত্যর্থঃ)||৪১||
Adhikarana uttamakhadirasArAdicUrNam (42) · Śloka 42
উত্তমা খদিরসারজং রজঃ শীলযন্নসনবারিভাবিতম্| হন্তি তুল্যমহিষাক্ষমাক্ষিকং কুষ্ঠমেহপিটকাভগন্দরান্||৪২||
उत्तमा खदिरसारजं रजः शीलयन्नसनवारिभावितम्| हन्ति तुल्यमहिषाक्षमाक्षिकं कुष्ठमेहपिटकाभगन्दरान्||४२||
🔊 Audio coming soon
ত্রিফলাখদিরসারযোশ্চূর্ণমসনক্বাথেন ভাবযিত্বা সমেন গুগ্গুলুনা মাক্ষিকেণ চ যুক্তং শীলযন্ কুষ্ঠাদীন্ হন্তি| (অত্রমহিষাক্ষস্য প্রমাণেন তুল্যত্বম্| মধুনস্তু চূর্ণপিণ্ডীভাবমাত্রযৈব তুল্যত্বম্)||৪২||
Adhikarana cikitsAntaranidarshanam (43) · Śloka 43
ভগন্দরেষ্বেষ বিশেষ উক্তঃ শেষাণি তু ব্যঞ্জনসাধনানি| ব্রণাধিকারাত্পরিশীলনাচ্চ সম্যগ্বিদিত্বৌপযিকং বিদধ্যাত্||৪৩||
भगन्दरेष्वेष विशेष उक्तः शेषाणि तु व्यञ्जनसाधनानि| व्रणाधिकारात्परिशीलनाच्च सम्यग्विदित्वौपयिकं विदध्यात्||४३||
🔊 Audio coming soon
উপসংহরন্নাহ-এষ যোঽত্রাঽধ্যায উক্তঃ স ভগন্দরেষু বিশেষঃ| শেষাণি ব্যঞ্জনসাধনানি তু ব্যঞ্জনানি লিঙ্গানি দোষাণাং বিশেষতঃ সাধনানি চ ব্রণাধিকারাত্ ব্রণপ্রতিষেধাত্ পরিশীলনাত্ ক্রিযাভ্যাসাচ্চ সম্যক্সূক্ষ্মৈরপি প্রকারৈর্বিদিত্বা যদৌপযিকং তদ্বিদধ্যাত্| (ভগন্দরেষ্বযং বিশেষোপক্রমোঽভিহিতঃ শেষাণ্যত্রানুক্তানি ব্যঞ্জনানি দোষলিঙ্গানি সাধনান্যুপক্রমবিশেষাণি| তুশব্দো বিশেষদ্যোতকঃ| অত্র পিটকা ভগন্দরভেদেনাঽবস্থাদ্বিতযোদোষোদ্রেকব্রণগত্যাদিকমবগম্যোপক্রমত্বাদুপক্রমস্য দুর্জ্ঞেযত্বং বিশেষঃ| ব্রণাধিকারাত্ ব্রণপ্রতিষেধাত্ পরিশীলনাত্ চিরপরিচযাত্| চশব্দাদ্ দূষ্যদেশাদিসমীক্ষণমপি সূচিতম্| সম্যগ্বিদিত্বা যথাবদবগম্য ঔপযিকং যথাযোগ্যং বিদধ্যাত্ কুর্যাদিত্যর্থঃ )||৪৩||
Adhikarana rUDhe parihAryANi (44-33) · Śloka 33
অশ্বপৃষ্ঠগমনং চলরোধং মদ্যমৈথুনমজীর্ণমসাত্ম্যম্| সাহসানি বিবিধানি চ রূঢে বত্সরং পরিহরেদধিকং বা||৪৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে ভঙ্গন্দরপ্রতিষেধো নাম ত্রযস্ত্রিংশোঽধ্যাযঃ||৩৩||
अश्वपृष्ठगमनं चलरोधं मद्यमैथुनमजीर्णमसात्म्यम्| साहसानि विविधानि च रूढे वत्सरं परिहरेदधिकं वा||४४|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे भङ्गन्दरप्रतिषेधो नाम त्रयस्त्रिंशोऽध्यायः||३३||
🔊 Audio coming soon
রূঢেঽপি ভগন্দরব্রণে অশ্বপৃষ্ঠগমনাদিকং সংবত্সরং ততোঽপ্যধিকং বা পরিহরেত্| চলরোধং চলানাং বেগানাং রোধম্| বিবিধানি সাহসাঽন্যনালোচিতাত্মবলান্যুত্পতনাদীনি||৪৪|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে ত্রযস্ত্রিংশোঽধ্যাযঃ||