Adhikarana dRuShTirogavij~jAnIyo nAma pa~jcadasho~adhyAyaH - pratij~jA (1) · Śloka 1
অথাতো দৃষ্টিরোগবিজ্ঞানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो दृष्टिरोगविज्ञानं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
ক্রমপ্রাপ্তানাং দৃষ্টিরোগাণাং হেত্বাদিকং প্রদর্শযিতুমধ্যায আরভ্যতে| দৃষ্টিভাগপট্লত্বগ্বিষব্যাপ্ত্যা দোষস্য রোগবিশেষপ্রদর্শনং ক্রিযতে||১||
Adhikarana prathamapaTalagatadoShalakShaNam (2) · Śloka 2
সিরানুসারিণি মলে প্রথমং পটলং শ্রিতে| অব্যক্তমীক্ষতে রূপং ব্যক্তমপ্যনিমিত্ততঃ||২||
सिरानुसारिणि मले प्रथमं पटलं श्रिते| अव्यक्तमीक्षते रूपं व्यक्तमप्यनिमित्ततः||२||
🔊 Audio coming soon
সিরানুসারিণীত্যাদি| মলোবাতাদিভিঃ কৃতো দোষবিশেষঃ| সিরানুসারিণি সিরাভিঃ কোষ্ঠাত্ দৃষ্টিমনুসরতি তস্মিংস্তথাবিধেমলে প্রথমাভ্যন্তরং ন তু বাহ্যং পটলমাশ্রিতে সতি পুরুষো ব্যক্তমপি রূপং কলশাদিনিমিত্তাভাবেঽপ্যব্যক্তং পশ্যতি|(ননু কথং ব্রণশুক্লে বাহ্যং পটলং প্রথমপটলমিত্যুক্ত্বা অত্রাভ্যন্তরং পটলং প্রথমপটমিত্যুচ্যতে| অত্র ব্রূমঃ- পটলস্য ত্বগ্বিশেষত্বাদ্ ব্রণশুক্লস্য বাহ্যাত্ পটলাদারভ্য ক্রমেণাভ্যন্তরযোর্দ্বিতীযতৃতীযপটলযোরাবেশাচ্চ ব্রশুক্লে বাহ্যং পটলং প্রথমপটমিত্যুক্তম্| অত্র পুনঃ সিরানুসারিণি মল ইত্যুক্ত্বা অভ্যন্তরস্থানাং সিরাণাং বহির্মুখত্বাত্ বহির্নিগচ্ছতো মলস্য প্রথমাভ্যন্তরপটলসংশ্রযত্বাচ্চাভ্যন্তরপটমেব প্রথমপটলম্| নিমিনাপ্যুক্তম্- যদা দোষাঃ প্রকুপিতাঃ প্রাপ্য রূপবহে সিরে| দৃষ্টেরভ্যন্তরাত্তু পটলং সমভিদ্রুতাঃ|| অপিধানাদ্বিবৃদ্ধাশ্চ নীরুজত্বাদুপেক্ষিতাঃ| দৃশোঃ পটলমাশ্রিত্য নেত্রমধ্যানুসারিণঃ|| একৈকমনুপদ্যন্তে পর্যাযাত্ পটলান্তরম্| শনৈরনুসৃতাশ্চৈব পুষ্যন্তি স্থিরতাং গতাঃ|| ওষধীরসবীর্যাণাং মার্গমাবৃত্য নেত্রযোঃ|| ইতি| বাহ্যমেব পটলং প্রথমপটলমিতি কেচিত্| তদযুক্তম্; তিমিরকালে দৃষ্টিমণ্ডলস্য রাগাদ্যভাবাত্| কাচতাং প্রাপ্তে রাগাদিদর্শনাচ্চ সর্বথা তিমিররোগে আভ্যন্তরং পটলমেব প্রথমপটলমিতি ব্যবস্থিতম্| দৃষ্টিমণ্ডলসংস্থানন্তু শাস্ত্রমতমনুসৃত্য কিঞ্চিদ্ব্রূমঃ| দৃষ্টেশ্চত্বারি পটলানি সন্তি| জ্যোতির্মযী দৃষ্টিস্তেষু পটলেষু ব্যাপ্তাঽপ্যাভ্যন্তরে মেদোমযে পটল এব তিষ্ঠতীত্যবগন্তব্যম্| উক্তশ্চ চতুষ্ষষ্টৌ- সিরাগুণোঽত্র প্রথমে দ্বিতীযে কণ্ডরাগুণঃ| মেদোগুণস্তৃতীযে স্যাদ্ দৃষ্টির্মেদঃ প্রতিষ্ঠিতা|| ততঃ পরং ভবেত্কালং ততঃ কালাত্পরং কফঃ| নিবর্ততে সিরাগ্রৈস্তু তত্র খল্বস্থিবন্ধনম্| যাবদাহৃদযাদ্বদ্ধ্বা যাবত্পাদতলাদিতি|| ননু এবমাভ্যন্তরে পটলে দৃষ্টৌ স্থিতাযাং দ্বিতীযপটলস্থ এব মলে দোষাবদাচ্ছাদিতত্বাল্লিঙ্গনাশনং ভবিতব্যম্| উচ্যতে তেজ-স্সম্ভবাযা জ্যোতির্ময্যা দৃষ্টের্জ্যোতিষাং সাকল্যেন সন্নিধানাদাভ্যন্তরে পটলে মলস্য বলহানির্ভবতি| তস্মাদ্ দ্বিতীযপটলস্থস্যাপি মলস্য তেজঃসান্নিধ্যেনাল্পবলত্বাদ্ দৃষ্টেস্তিরোধানেঽপি লিঙ্গনাশকরণে ন শক্তির্ভবতি| যথা পটান্তরিতোঽপি দীপস্সন্নিধৌ ঘটপটাদীন্ পদার্থানবদ্যোতযতি তথা দোষান্তরিতাপি দৃষ্টির্দোষস্যাল্পবলত্বাত্ রূপাবদ্যোতিনী ভবতি| উক্তঞ্চ- যথা পটেনান্তিকসংস্থিতেন তিরোহিতা দীপশিখা প্রদীপ্তা| তথা মলেনান্তরিতাঽপি দৃষ্টিঃ প্রকাশযেদ্রূপমদূরসংস্থম্|| ইতি| এবং পটলান্তরেষু দৃষ্টের্বিপ্রকৃষ্টতযা ক্রমেণ প্রবৃদ্ধং মলং চতুর্থং পটলমাশ্রিত্য লিঙ্গনাশায ভবতি|| ২||
Adhikarana dvitIyapaTalagatadoShalakShaNam (3) · Śloka 3
প্রাপ্তে দ্বিতীযং পটলমভূতমপি পশ্যতি| ভূতং তু যত্নাদাসন্নং দূরে সূক্ষ্মঞ্চ নেক্ষতে| দূরান্তিকস্থং রূপঞ্চ বিপর্যাসেন মন্যতে| দোষে মণ্ডলসংস্থানে মণ্ডলানীব পশ্যতি| দ্বিধৈকং দৃষ্টিমধ্যস্থে বহুধা বহুধাস্থিতে| দৃষ্টেরভ্যন্তরগতে হ্রস্ববঢ্রবিপর্যযম্| নান্তিকস্থমধঃসংস্থে দূরগং নোপরিস্থিতে| পার্শ্বে পশ্যেন্ন পার্শ্বস্থে তিমিরাখ্যোঽযমামযঃ||৩||
प्राप्ते द्वितीयं पटलमभूतमपि पश्यति| भूतं तु यत्नादासन्नं दूरे सूक्ष्मञ्च नेक्षते| दूरान्तिकस्थं रूपञ्च विपर्यासेन मन्यते| दोषे मण्डलसंस्थाने मण्डलानीव पश्यति| द्विधैकं दृष्टिमध्यस्थे बहुधा बहुधास्थिते| दृष्टेरभ्यन्तरगते ह्रस्ववढ्रविपर्ययम्| नान्तिकस्थमधःसंस्थे दूरगं नोपरिस्थिते| पार्श्वे पश्येन्न पार्श्वस्थे तिमिराख्योऽयमामयः||३||
🔊 Audio coming soon
যদা তু দ্বিতীযমপি পটলং প্রাপ্তো দোষো ভবতি তদা অভূতমপ্যপদপি রূপং পশ্যতি| ভূতং সদ্রূপং যত্নাত্ পশ্যত্যাসন্নঞ্চ পশ্যতি| যত্তু ভূতং দূরে সূক্ষ্মং বা তন্ন পশ্যত্যেব| দূরস্থমন্তিকে সমীপে মন্যতে| অন্তিকস্থং দূর ইতি বিপর্যাসঃ| তত্র তু যদা মণ্ডলসংস্থানোপলযা কৃত্যা দোষো ভবতি তদাঽগ্রে মণ্ডলানীব পশ্যতি| দৃষ্টিমধ্যস্থে রেখা কৃতাবেকং রূপং দ্বিধা পশ্যতি| বহুভিঃ প্রকারৈঃ স্থিতৈর্দোষৈর্বহুধারূপং পশ্যতি| যদা তু দৃষ্টেরভ্যন্তরে মধ্যে দোষো ভবতি তদা বঢ্রং রূপং হ্রস্বং পশ্যতি| যদাতু দৃষ্টেরুপরি দোষো ভবতি তদা দূরস্থন্ন পশ্যতি| যদা তু দৃষ্টিপার্শ্বে দোষো বর্ততে তদা পার্শ্বস্থিতং রূপং ন পশ্যেদযমনেকপ্রকার আমযঃ আখ্যযা তিমিরঃ|| ৩||
Adhikarana tRutIyapaTalASritadoShalakShaNam (4) · Śloka 4
প্রাপ্নোতি কাচতাং দোষে তৃতীযপটলাশ্রিতে| তেনোর্দ্ধ্বমীক্ষতে নাধস্তনু চৈলাবৃতোপমম্| যথা বর্ণঞ্চ রজ্যেত দৃষ্টির্হীযেত চ ক্রমাত্||৪||
प्राप्नोति काचतां दोषे तृतीयपटलाश्रिते| तेनोर्द्ध्वमीक्षते नाधस्तनु चैलावृतोपमम्| यथा वर्णञ्च रज्येत दृष्टिर्हीयेत च क्रमात्||४||
🔊 Audio coming soon
যদা তু তৃতীযমপি পটলং দোষো ব্যাপ্নোতি তদা তদেব তিমিরাখ্যং কাচতাং যাতি| তেন কাচেন তু নর ঊর্ধ্বস্থিতং রূপমীক্ষতে পশ্যতি| নাধঃ স্থিতম্| যচ্চ পশ্চতি তত্তনুচৈলাবৃতোপমং পশ্যতি| দৃষ্টেশ্চ যথা যথা বর্ণো রজ্যেত তথা তথা দর্শনশক্তির্হীযেত ইতি ক্রমার্থঃ|| ৪||
Adhikarana caturthapaTalAshritadoShalakShaNam (5) · Śloka 5
তথাঽপ্যুপেক্ষমাণস্য চতুর্থং পটলং গতঃ| লিঙ্গনাশং মলঃ কুর্বঞ্ছাদযেদ্দৃষ্টিমণ্ডলম্||৫||
तथाऽप्युपेक्षमाणस्य चतुर्थं पटलं गतः| लिङ्गनाशं मलः कुर्वञ्छादयेद्दृष्टिमण्डलम्||५||
🔊 Audio coming soon
তথাভূতোঽপি দোষ উপেক্ষযা চতুর্থং পটলং প্রাপ্তো লিঙ্গনাশাখ্যং রোগং কুর্বন্ দৃষ্টিমণ্ডলমশেষমাচ্ছাদযেত্| ইতি সামান্যেন তিমিরাদীনাং রূপম্||৫||
Adhikarana vAtajatimiralakShaNam (6) · Śloka 6
তত্র বাতেন তিমিরে ব্যাবিদ্ধমিব পশ্যতি| চলাবিলারুণাভাসং প্রসন্নঞ্চেক্ষতে মুহুঃ| জালানি কেশান্ মশকান্ রশ্মীংশ্চোপেক্ষিতেঽত্র চ| কাচীভূতে দৃগরুণা পশ্যত্যাস্যমনাসিকম্| চন্দ্রদীপাদ্যনেকত্বং বক্রমৃজ্বপি মন্যতে| বৃদ্ধঃ কাচো দৃশং কুর্যাদ্রজো ধূমাবৃতামিব| স্পষ্টারুণাভাং বিস্তীর্ণাং সূক্ষ্মাং বা হতদর্শনাম্| সলিঙ্গনাশো বাতে তু সঙ্কোচযতি দৃক্সিরাঃ| দৃঙ্মণ্ডলং বিশত্যন্তর্গম্ভীরা দৃরসৌ স্মৃতা||৬||
तत्र वातेन तिमिरे व्याविद्धमिव पश्यति| चलाविलारुणाभासं प्रसन्नञ्चेक्षते मुहुः| जालानि केशान् मशकान् रश्मींश्चोपेक्षितेऽत्र च| काचीभूते दृगरुणा पश्यत्यास्यमनासिकम्| चन्द्रदीपाद्यनेकत्वं वक्रमृज्वपि मन्यते| वृद्धः काचो दृशं कुर्याद्रजो धूमावृतामिव| स्पष्टारुणाभां विस्तीर्णां सूक्ष्मां वा हतदर्शनाम्| सलिङ्गनाशो वाते तु सङ्कोचयति दृक्सिराः| दृङ्मण्डलं विशत्यन्तर्गम्भीरा दृरसौ स्मृता||६||
🔊 Audio coming soon
তত্রেত্যাদিনা বাতাদিভেদেনোচ্যতে| ব্যাবিদ্ধমাকুলম্| চলাভাসমস্থিরম্| আবিলমস্ফুটম্| রশ্ম্যন্তং মুহুরীক্ষতে পশ্যতি| তত্র বাততিমির উপেক্ষিতে বাতকাচত্বং প্রাপ্তে দৃগরুণবর্ণা ভবত্যাতুরশ্চ স্বমাস্যমনাসিকং পশ্যতি| স এব বাতকাচো বৃদ্ধো দৃশং দৃষ্টিমণ্ডলং রজসেব ধূমেনেব চাবৃতং কুর্যাত্| স্পষ্টমরুণমাভাতি যস্যা দৃশঃ স বাতলিঙ্গনাশো ভবতি| তত্রৈব বাতলিঙ্গনাশে দৃক্সিরা বাতেন সঙ্কোচযতি| দৃঙ্মণ্ডলমন্তর্বিশত্যসৌ দৃঙ্নাম্না গম্ভীরা| গম্ভীরাবগাঢরূপা| ইতি বাতিকতিমিরাদিলক্ষণম্|| ৬||
Adhikarana pittajatimiralakShaNam (7) · Śloka 7
পিত্তজে তিমিরে বিদ্যুত্খদ্যোতদীপিতম্| শিখিতিত্তিরিপত্রাভং প্রাযো নীলঞ্চ পশ্যতি| কাচে দৃক্কাংস্যনীলাভা তাদৃগেব চ পশ্যতি| অর্কেন্দুপরিবেষাগ্নিমরীচীন্দ্রধনূংষি চ| বৃঙ্হ্গনীলা নিরালোকা দৃক্স্নিগ্ধা লিঙ্গনাশতঃ| দৃষ্টিঃ পিত্তেন হ্রস্বাখ্যা সা হ্রস্বাহ্রস্বদর্শিনী| ভবেত্ পিত্তবিদগ্ধাক্যা পীতা পীতাভদর্শনা||৭||
पित्तजे तिमिरे विद्युत्खद्योतदीपितम्| शिखितित्तिरिपत्राभं प्रायो नीलञ्च पश्यति| काचे दृक्कांस्यनीलाभा तादृगेव च पश्यति| अर्केन्दुपरिवेषाग्निमरीचीन्द्रधनूंषि च| बृङ्ह्गनीला निरालोका दृक्स्निग्धा लिङ्गनाशतः| दृष्टिः पित्तेन ह्रस्वाख्या सा ह्रस्वाह्रस्वदर्शिनी| भवेत् पित्तविदग्धाक्या पीता पीताभदर्शना||७||
🔊 Audio coming soon
পিত্তজে তিমিরে সদসদ্বা রূপং বিদ্যুদ্দীপিতত্বাদিযুক্তং পশ্যতি| খদ্যোতো ভাস্বান্ কীটঃ| তস্মিন্নুপেক্ষযা কাচীভূতে কাংস্যনীলাভা দৃগ্ভবতি| তাদৃগেব চ রূপং পশ্যত্যর্কেন্দুপরিবেষাদিকং বাঽসদেব পশ্যতি| পরিবেষো মণ্ডলমগ্নিমরীচ্যো রশ্মযঃ| তস্মিন্ পিত্তকাচ উপেক্ষিতে লিঙ্গনাশীভূতে দৃগ্ভৃঙ্গবদ্ভ্রমরবন্নীলা স্নিগ্ধা চ ভবতি| তত্রৈব দৃষ্টির্যা মহদপি রূপং হ্রস্বং পশ্যতি সা নাম্না হ্রস্বা ভবতি| তত্রৈব পীতবর্ণেন দৃষ্টিঃ পীতাভরূপদর্শনা চ নাম্না পিত্তবিদগ্ধা ভবতি| ইতি পৈত্তিকানাং তিমিরাদীনাং লক্ষণম্|| ৭||
Adhikarana kaphajatimiralakShaNam (8) · Śloka 8
কফেন তিমিরে প্রাযঃ স্নিগ্ধং শ্বেতঞ্চ পশ্যতি| শঙ্খেন্দুকুন্দকুসুমৈঃ কুমুদৈরিব চাচিতম্| কাচে তু নিষ্প্রভেন্দ্বর্কপ্রদীপাদ্যৈরিবাচিতম্| সিতাভাসা চ দৃষ্টিঃ স্যাল্লিঙ্গনাশে তু দৃশ্যতে| মূর্ত্তঃ কফো দৃষ্টিগতঃ স্নিগ্ধো দর্শননাশনঃ| বিন্দুর্জলস্যেব চলঃ পদ্মিনীপুটসংশ্রিতঃ| উষ্ণে সঙ্কোচমাযাতি ছাযাযাং পরিসর্পতি| শঙ্খকুন্দেন্দুকুমুদস্ফটিকোপমশুক্লিমা||৮||
कफेन तिमिरे प्रायः स्निग्धं श्वेतञ्च पश्यति| शङ्खेन्दुकुन्दकुसुमैः कुमुदैरिव चाचितम्| काचे तु निष्प्रभेन्द्वर्कप्रदीपाद्यैरिवाचितम्| सिताभासा च दृष्टिः स्याल्लिङ्गनाशे तु दृश्यते| मूर्त्तः कफो दृष्टिगतः स्निग्धो दर्शननाशनः| बिन्दुर्जलस्येव चलः पद्मिनीपुटसंश्रितः| उष्णे सङ्कोचमायाति छायायां परिसर्पति| शङ्खकुन्देन्दुकुमुदस्फटिकोपमशुक्लिमा||८||
🔊 Audio coming soon
ক্ফেন তিমিরে প্রাযঃ সর্বং স্নিগ্ধং শ্বেতশ্চ পশ্যতি| শঙ্খাদিভিরিব চাচিতং রূপং পশ্যতি| তস্মিন্নেবোপেক্ষযা কফকাচীভূতে নিষ্প্রভা দৃগিন্দ্বাদ্যৈরাচিতমিব রূপং পশ্যতি| তত্র চ সিতাভাসা দৃষ্টিঃ স্যাত্| তস্মিংস্তূপেক্ষযা কফলিঙ্গনাশীভূতে মূর্ত্ত এব কফঃ স্নিগ্ধত্বাদিগুণো দৃষ্টিগতো লক্ষ্যতে| স তথাবিধো দৃষ্টিকফ উষ্ণে আতপে সঙ্কোচমাযাতি ছাযাযান্তু শঙ্খাদ্যুপমশুক্লিমা পরিসর্পতি বিস্তীর্যতে| ইতি কফজতিমিরাদীনাং রূপম্|| ৮||
Adhikarana raktajatimiralakShaNam (9) · Śloka 9
রক্তেন তিমিরে রক্তং তমোভূতঞ্চু পশ্যতি| কাচেন রক্তা কৃষ্ণা বা দৃষ্টিস্তাদৃক্চ পশ্যতি| লিঙ্গনাশেঽপি দৃক্ তাদৃঙ্নিষ্প্রভা হতদর্শনা||৯||
रक्तेन तिमिरे रक्तं तमोभूतञ्चु पश्यति| काचेन रक्ता कृष्णा वा दृष्टिस्तादृक्च पश्यति| लिङ्गनाशेऽपि दृक् तादृङ्निष्प्रभा हतदर्शना||९||
🔊 Audio coming soon
রক্তেন তিমিরে| সুবোধম্| তস্মিন্নেবোপেক্ষযা রক্তকাচীভূতে রক্তা বা কৃষ্ণা বা দৃষ্টিঃ স্যাত্| তাদৃগেব রক্তং কৃষ্ণং বা পশ্যতি| তদুপেক্ষযা রক্তলিঙ্গনাশে দৃক্ তাংদৃগিতি কাচসমা রক্তা কৃষ্ণা বা||৯||
Adhikarana saMsargasannipAtatimiralakShaNam (10) · Śloka 10
সংসর্গসন্নিপাতেষু বিদ্যাত্ সঙ্কীর্ণলক্ষণান্| তিমিরাদীনকস্মাচ্চ তৈঃ স্যাদ্ব্যক্তাকুলেক্ষণঃ| তিমিরে শেষযোর্দৃষ্টৌ চিত্রৌ রাগঃ প্রজাযতে||১০||
संसर्गसन्निपातेषु विद्यात् सङ्कीर्णलक्षणान्| तिमिरादीनकस्माच्च तैः स्याद्व्यक्ताकुलेक्षणः| तिमिरे शेषयोर्दृष्टौ चित्रौ रागः प्रजायते||१०||
🔊 Audio coming soon
সংসর্গেষু ত্রিষু সন্নিপাতে চৈকস্মিন্নুক্তলক্ষণসঙ্কীর্ণান্যথা সংসর্গং তিমিরাদীন্ বিদ্যাত্|সংসর্গসন্নিপাতযোশ্চৈকত্বাদ্বিবক্ষিতভেদত্বম্| তেন সংসর্গজং তিমিরং সংসর্গজঃ কাচঃ সংসর্গজো লিঙ্গনাশঃ| তথা সন্নিপাতজং তিমিরং সন্নিপাতজঃ কাচঃ সন্নিপাতজো লিঙ্গনাশঃ| তৈশ্চ সংসর্গসন্নিপাতৈস্তিমিরে অকস্মাদকারণং কদাচিদ্ ব্যক্তেক্ষণঃ পুরুষঃ স্যাত্ কদাচিদাকুলেক্ষণঃ| শেষযোঃ কাচলিঙ্গনাশযোস্তৈর্দৃষ্টৌ চিত্রোঽনেকপ্রকারো রাগো জাযতে| (নন্বেবং সংসর্গনানাত্বে বিবক্ষিতে নির্দিষ্টস্সপ্তবিংশতিরিত্যুক্তিরগ্রেঽনুপপন্নেত্যত আহ-সংসর্গেতি| অযং ভাবঃ-যথা সন্নিপাতানাং নানাত্বেঽপি সন্নিপাতত্বেনৈকত্বং তথা সংসর্গাণামপি সংসর্গত্বেনৈকত্বং বিবক্ষিতম্| এবচ্চ তিমিরাদীনাং বিবক্ষিতবিভাগঃ সঙ্গচ্ছত ইতি||১০||
Adhikarana nakulAndhyam (11) · Śloka 11
দ্যোততে নকুলস্যেব যস্য দৃঙ্ নিচিতা মলৈঃ| নকুলান্ধস্স তত্রাহ্নি চিত্রং পশ্যতি নো নিশি||১১||
द्योतते नकुलस्येव यस्य दृङ् निचिता मलैः| नकुलान्धस्स तत्राह्नि चित्रं पश्यति नो निशि||११||
🔊 Audio coming soon
যস্য দৃগ্দৃষ্টিমণ্ডলং মলৈর্বাতাদিভির্নিচিতা নকুলস্যেব দ্যোততে দীপ্তা ভবতি স পুরুষো নকুলান্ধ উচ্যতে| স চাহ্নি দিবসে চিত্রং নানারূপং পশ্যতি নিশি তু নৈব পশ্যতি|| ১১||
Adhikarana doShAndhyam ( rAtryandham ) (12) · Śloka 12
অর্কেস্তমস্তকন্যস্তগভস্তৌ স্তম্ভমাগতাঃ| স্থগযন্তি দৃশং দোষা দোষান্ধঃ সগদোপরঃ| দিবাকরকরস্পৃষ্টা ভ্রষ্টা দৃষ্টিপথান্মলাঃ| বিলীনলীনা যচ্ছন্তি ব্যক্তমত্রাহ্নিদর্শনম্||১২||
अर्केस्तमस्तकन्यस्तगभस्तौ स्तम्भमागताः| स्थगयन्ति दृशं दोषा दोषान्धः सगदोपरः| दिवाकरकरस्पृष्टा भ्रष्टा दृष्टिपथान्मलाः| विलीनलीना यच्छन्ति व्यक्तमत्राह्निदर्शनम्||१२||
🔊 Audio coming soon
স্তম্ভমাগতা দোষা দৃশং স্থাগযন্তি| কদেত্যাহ-অর্কে ভগবতি তিগ্মরশ্মাবস্তমস্তকন্যস্তগভস্তৌ| অস্তো নাম পর্বতস্তস্য মস্তকে শিখরে ন্যস্তা ক্ষিপ্তা গভস্তযো মরীচযো যেন তস্মিন্| অনেন দিনাপগমঃ প্রদর্শিতঃ| অযমেবম্ভূতো গদো নাম্না দোষান্ধঃ| দোষা রাত্রিঃ| অপর ইতি সর্বদোষজসাম্যেন নকুলান্ধাপেক্ষযা| অত্র চ দোষান্ধে দোষাঃ অহ্নি ব্যক্তং স্ফুটং দর্শনং যচ্ছন্তি দদতি| কিম্ভূতা আহ-দিবাকরস্য সূর্যস্য করৈ রশ্মিভিঃ স্পৃষ্টা অত-এব চ দৃষ্টিপথাদ্ ভ্রষ্টা বিলীনাঃ ক্বাপি চ লীনাশ্চ|| ১২||
Adhikarana uShNavidagdhadRuShTiH (13) · Śloka 13
উষ্ণতপ্তস্য সহসা শীতবারিনিমজ্জনাত্| ত্রিদোষরক্তসম্পৃক্তো যাত্যূষ্মোর্ধ্বং ততোঽক্ষিণী| দাহোষে মলিনং শুক্লমহন্যাবিলদর্শনম্| রাত্রাবান্ধ্যং চ জাযেত বিদগ্ধোষ্ণেন সা স্মৃতা||১৩||
उष्णतप्तस्य सहसा शीतवारिनिमज्जनात्| त्रिदोषरक्तसम्पृक्तो यात्यूष्मोर्ध्वं ततोऽक्षिणी| दाहोषे मलिनं शुक्लमहन्याविलदर्शनम्| रात्रावान्ध्यं च जायेत विदग्धोष्णेन सा स्मृता||१३||
🔊 Audio coming soon
উষ্ণেনাতপাদিনা তপ্তস্য যচ্ছীতবারিনিমজ্জনং ততো হেতোস্ত্রিভির্দোষৈ রক্তচতুর্থৈস্সংসৃষ্টো দেহোষ্মোর্ধ্বং শিরো যাতি ততস্তস্মিন্যাতে অক্ষিণি নেত্রে দাহাদিকং জাযতে| সা দৃষ্টির্নাম্নোষ্ণবিদগ্ধোচ্যতে||১৩||
Adhikarana vidagdhAmladRuShTiH (14) · Śloka 14
ভৃশমম্লাশনাদ্দোষৈঃ সাস্ত্রৈর্যা দৃষ্টিরাচিতা| সক্লেদকণ্ডূঃ কলুষা বিদগ্ধাম্লেন সা স্মৃতা||১৪||
भृशमम्लाशनाद्दोषैः सास्त्रैर्या दृष्टिराचिता| सक्लेदकण्डूः कलुषा विदग्धाम्लेन सा स्मृता||१४||
🔊 Audio coming soon
অত্যর্থাম্লাশনাদ্ধেতোস্সরক্তৈর্বাতাদিভির্যা দৃষ্টিরাচিতা তত এব চ সক্লেদাদিকা সাঽম্লবিদগ্ধেতি নাম্না স্মৃতা আচার্যৈঃ|| ১৪||
Adhikarana dhUmaraH (15) · Śloka 15
শোকজ্বরশিরোরোগসন্তপ্তস্যানিলাদযঃ| ধূমাবিলাং ধূমদৃশং দৃশং কুর্যুঃ স ধূমরঃ||১৫||
शोकज्वरशिरोरोगसन्तप्तस्यानिलादयः| धूमाविलां धूमदृशं दृशं कुर्युः स धूमरः||१५||
🔊 Audio coming soon
শোকাদিসন্তপ্তস্যানিলাদযো ধূমাবিলাং দৃশং কুর্যুঃ| সা চ ধূমং পশ্যতীতি ধূমদৃক্| তস্মাত্ স রোগো নাম্না ধূমরঃ||১৫||
Adhikarana aupasargikaH (AgantukaH), li~gganAshaH (16) · Śloka 16
সহসৈবাল্পসত্ত্বস্য পশ্যতো রূপমদ্ভুতম্| ভাস্বরং ভাস্করাদি বা বাতাদ্যা নযনাশ্রিতাঃ| কুর্বন্তি তেজঃ সংশোষ্য দৃষ্টিং মুষিতদর্শনাম্| বৈডূর্যবর্ণাং স্তিমিতাং প্রকৃতিস্থমিবাব্যথাম্| ঔপসর্গিক ইত্যেষ লিঙ্গনাশঃ............||১৬||
सहसैवाल्पसत्त्वस्य पश्यतो रूपमद्भुतम्| भास्वरं भास्करादि वा वाताद्या नयनाश्रिताः| कुर्वन्ति तेजः संशोष्य दृष्टिं मुषितदर्शनाम्| वैडूर्यवर्णां स्तिमितां प्रकृतिस्थमिवाव्यथाम्| औपसर्गिक इत्येष लिङ्गनाशः............||१६||
🔊 Audio coming soon
অল্পসত্ত্বস্য পুংসঃ সহসা ঝটিত্যেবাদ্ভুতামাশ্চর্যজননং রূপং পশ্যতো ভাস্করাদের্বা রূপং ভাস্বরং তেজস্বি পশ্যতো বাতাদ্য নযনমাশ্রিতাস্তত্স্থং দর্শকং তেজঃ সংশোষ্য মুষিতদর্শনাং হতদর্শনশক্তিং দৃষ্টিং কুর্যুঃ| বৈডূর্যবর্ণাদিকং দৃষ্টিবিশেষণম্| অযং রোগ ঔপসর্গিক আগন্তুকো লিঙ্গনাশ উচ্যতে|| ১৬||
Adhikarana dRuShTirogANAM sAdhyAsAdhyatA (17-15) · Śloka 15
..............................অত্র বর্জযেত্| বিনা কফাল্লিঙ্গনাশান্ গম্ভীরাং হ্রস্বজামপি| ষট্ কাচা নকুলান্ধশ্চ যাপ্যাঃ শেষাংস্তু সাধযেত্| দ্বাদশেতি গদা দৃষ্টৌ নির্দিষ্টাঃ সপ্তবিংশতিঃ||১৭|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে দৃষ্টিরোগবিজ্ঞানীযো নাম পঞ্চদশোঽধ্যাযঃ||১৫||
..............................अत्र वर्जयेत्| विना कफाल्लिङ्गनाशान् गम्भीरां ह्रस्वजामपि| षट् काचा नकुलान्धश्च याप्याः शेषांस्तु साधयेत्| द्वादशेति गदा दृष्टौ निर्दिष्टाः सप्तविंशतिः||१७|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे दृष्टिरोगविज्ञानीयो नाम पञ्चदशोऽध्यायः||१५||
🔊 Audio coming soon
উপসংহরন্নাহ-অত্রেতি| অত্র দৃষ্টিরোগেষু কফাদ্বিনা কফজং লিঙ্গনাশং বর্জযিত্বা শেষান্ লিঙ্গনাশান্ বাতপিত্তরক্তসংসর্গসন্নিপাতোপসর্গজান্ ষড্ বর্জযেদসাধ্যত্বাত্| গম্ভীরামপি দৃষ্টিং বর্জযেত্| হ্রস্বজামপ্যেবমষ্টৌ বর্জ্যাঃ| ষট্ কাচা বাতপিত্তকফরক্তসংসর্গসন্নিপাতজা নকুলান্ধশ্চেতি সপ্তযাপ্যাঃ| এবং পূর্বৈরেকীকৃতাঃ পঞ্চদশ| শেষাণি তু দ্বাদশ বাতপিত্তকফরক্তসংসর্গসন্নিপাতজানি ষট্ তিমিরাণি পিত্তবিদগ্ধাং কফলিঙ্গনাশদোষান্ধ্যাম্লবিদগ্ধোষ্ণবিদগ্ধাধূমর ইতি সাধযেচ্চিকিত্সেদিত্যনেন প্রকারেণ সপ্তবিংশতির্গদা দৃষ্টাবুক্তাঃ| শুক্লন্তু যদ্যপি দৃষ্টৌ ভবতি তথাঽপ্যসিতমূলত্বাত্তত্রৈবোক্তমিতি|| ১৭|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে পঞ্চদশোঽধ্যাযঃ|