Adhikarana atha karNarogavij~jAnIyo nAmaikaviMsho~adhyAyaH - pratij~jA (1) · Śloka 1
অথাতঃ কর্ণরোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः कर्णरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
নেত্ররোগাণাং নির্ণযং কৃত্বোর্দ্বাঙ্গচিকিত্সাপ্রসঙ্গেন কর্ণরোগাণাং হেত্বাদিকং প্রদর্শযিতুমধ্যায আরভ্যতে||১||
Adhikarana vAtakarNarogaH (2) · Śloka 2
প্রতিশ্যাযজলক্রীডাকর্ণকণ্ডূযনৈর্মরুত্| মিথ্যাযোগেন শব্দস্য কুপিতোঽন্যৈশ্চ কোপনৈঃ| প্রাপ্য শ্রোত্রসিরাঃ কুর্যাচ্ছূলং স্রোতসি বেগবত্| অর্ধাবভেদকং স্তম্ভং শিশিরানাভিনন্দনম্| চিরাচ্চ পাকঃ পক্বন্তু লসীকামল্পশঃ স্রবেত্| শ্রোতং শূন্যমকস্মাচ্চ স্যাত্ সঞ্চারবিচারবত্||২||
प्रतिश्यायजलक्रीडाकर्णकण्डूयनैर्मरुत्| मिथ्यायोगेन शब्दस्य कुपितोऽन्यैश्च कोपनैः| प्राप्य श्रोत्रसिराः कुर्याच्छूलं स्रोतसि वेगवत्| अर्धावभेदकं स्तम्भं शिशिरानाभिनन्दनम्| चिराच्च पाकः पक्वन्तु लसीकामल्पशः स्रवेत्| श्रोतं शून्यमकस्माच्च स्यात् सञ्चारविचारवत्||२||
🔊 Audio coming soon
প্রতিশ্যাযাদিভির্হেতুভিরন্যৈশ্চ নিদানোক্তৈর্মরুদ্বাযুঃ কুপিতঃ শ্রোত্রস্রোতসি বেগবচ্ছূলমর্ধাবভেদকাদিকঞ্চ কুরুতে| প্রতিশ্যাযো নাসারোগেষু বক্ষ্যতে| অর্ধাবভেদকঃ শিরোরোগেষু| শিশিরানাভিনন্দনং শীতদ্বেষঃ| চিরাচ্চ পাকঃ শ্রোত্রে স্যাত্| পক্বং চ শ্রোত্রমকস্মাদ্বিনাকারণং সঞ্চারবিচারবত্ স্যাত্| ক্ষণং সংবৃতমাভাতি ক্ষণং বিবৃতমিত্যর্থঃ| ইতি বাতকর্ণরোগঃ||২||
Adhikarana pittakarNarogaH (3) · Śloka 3
শূলং পিত্তাত্সদাহোষা শীতেচ্ছা শ্বযথুং জ্বরম্| আশুপাকং প্রপক্বং চ সপীতলসিকাস্রুতিঃ| সা লসীকা স্পৃশেদ্যদ্যত্তত্তত্পাকমুপৈতি চ||৩||
शूलं पित्तात्सदाहोषा शीतेच्छा श्वयथुं ज्वरम्| आशुपाकं प्रपक्वं च सपीतलसिकास्रुतिः| सा लसीका स्पृशेद्यद्यत्तत्तत्पाकमुपैति च||३||
🔊 Audio coming soon
পিত্তাত্ স্বহেতুতঃ কুপিতাচ্ছ্রোত্রস্রোতসি দোহাদিযুক্তং শূলং স্যাদিতি সম্বন্ধঃ| আশুপাকাদিকং চার্থাচ্ছ্রোত্রবিশেষণং বোদ্ধব্যম্| সুবোধম্| ইতি পিত্তকর্ণরোগলিঙ্গম্||৩||
Adhikarana kaPakarNarogaH (4) · Śloka 4
কফাচ্ছিরোহনুগ্রীবাগৌরবং মন্দতা রুজঃ| কণ্ডূশ্বযথুরুষ্ণোচ্ছা পাকাচ্ছ্র্বেতঘনস্রুতিঃ||৪||
कफाच्छिरोहनुग्रीवागौरवं मन्दता रुजः| कण्डूश्वयथुरुष्णोच्छा पाकाच्छ्र्वेतघनस्रुतिः||४||
🔊 Audio coming soon
কফাদিতি| প্রকরণাত্কর্ণরোগে শিরোগৌরবাদিকং লিঙ্গম্||৪||
Adhikarana raktakarNarogaH (5) · Śloka 5
করোতি শ্রবণে শূলমভিঘাতাদিদূষিতম্| রক্তং পিত্তসমানার্তি কিঞ্চিদ্বাধিকলক্ষণম্||৫||
करोति श्रवणे शूलमभिघातादिदूषितम्| रक्तं पित्तसमानार्ति किञ्चिद्वाधिकलक्षणम्||५||
🔊 Audio coming soon
অভিঘাতাদিনা রক্তস্য কোপস্তেন দূষিতং রক্তং শ্রবণে কর্ণে শূলং করোতি| তচ্চ রক্তকর্ণরোগং পিত্তকর্ণরোগসমানলিঙ্গং ভবতি| ততোঽপি পিত্তাত্ কিঞ্চিদধিকলক্ষণমিতি রক্তকর্ণরোগঃ||৫||
Adhikarana sannipAtakarNarogaH (6) · Śloka 6
শূলং সমুদিতৈর্দোষৈঃ সশোফজ্বরতীব্ররুক্| পর্যাযাদুষ্ণশীতেচ্ছং জাযেতে শ্রুতিজাড্যবত্| পক্বং সিতাসিতারক্তঘনপূযপ্রবাহি চ||৬||
शूलं समुदितैर्दोषैः सशोफज्वरतीव्ररुक्| पर्यायादुष्णशीतेच्छं जायेते श्रुतिजाड्यवत्| पक्वं सितासितारक्तघनपूयप्रवाहि च||६||
🔊 Audio coming soon
সমুদিতৈঃ সন্নিপতিতৈর্দোষৈর্বাতাদিভিঃ শোফাদিযুক্তং শূলং শ্রোত্রে জাযতে| পর্যাযেণ নিরন্তরাবৃত্ত্যা উষ্ণোচ্ছা শীতেচ্ছা চ যস্মিন্ শূলে তত্পর্যাযাদুষ্ণশীতেচ্ছম্| পর্যাযাদেব শ্রুতিজাড্যবত্| তচ্চ শ্রোত্রং পক্বং সিতাসিতাদিগুণপূযপ্রবাহি ভবতীতি সন্নিপাতকর্ণরোগঃ||৬||
Adhikarana karNanAdaH (7) · Śloka 7
শব্দবাহিসিরাসংস্থে শ্রৃণোতি পবনে মুহুঃ| নাদানকস্মাদ্বিধান্ কর্ণনাদং বদন্তি তম্||৭||
शब्दवाहिसिरासंस्थे श्रृणोति पवने मुहुः| नादानकस्माद्विधान् कर्णनादं वदन्ति तम्||७||
🔊 Audio coming soon
শব্দবহাসু সিরাসু কারণবিশেষবশাত্ স্থিতে পবনে পুরুষো মুহুঃ প্রতিক্ষণমকস্মাত্ কারণং বিনা বিবিধানসতো নাদান্ শ্রৃণোতি| তং কর্ণরোগং কর্ণনাদমিত্যাচার্যা বদন্তি||৭||
Adhikarana badhiratvam (8) · Śloka 8
শ্লেষ্মণানুগতো বাযুর্নাদো বা সমুপেক্ষিতঃ| উচ্চৈঃ কৃচ্ছ্রাচ্ছুতিং কুর্যাদ্বধিরত্বং ক্রমেণ চ||৮||
श्लेष्मणानुगतो वायुर्नादो वा समुपेक्षितः| उच्चैः कृच्छ्राच्छुतिं कुर्याद्बधिरत्वं क्रमेण च||८||
🔊 Audio coming soon
শ্লেষ্মণা বাযুরনুগত উচ্চৈঃ কৃচ্ছ্রাচ্চ শ্রুতিং কুর্যাত্| অথবা কর্ণনাদাখ্যো রোগ উপেক্ষিতঃ সন্নেবং কুর্যাত্| উভযত্রাপি ক্রমেণ বধিরত্বমযং রোগঃ সপ্তমঃ||৮||
Adhikarana pratInAhaH (9) · Śloka 9
বাতেন শোষিতঃ শ্লেষ্মা স্রোতো লিম্পেত্ততো ভবেত্| রুগ্গৌরবং বিধানং চ সঃ প্রতীনাহসংজ্ঞিতঃ||৯||
वातेन शोषितः श्लेष्मा स्रोतो लिम्पेत्ततो भवेत्| रुग्गौरवं विधानं च सः प्रतीनाहसंज्ञितः||९||
🔊 Audio coming soon
কারণবিশেষবশাদ্বাতেন শ্লেষ্মা শোষিতঃ সন্ কর্ণস্রোতো লিম্পেত্ততঃ স্রোতোলেপাত্ কর্ণে রুগাদিকং ভবেত্| স এবম্ভূতো রোগঃ সংজ্ঞযা প্রতীনাহঃ||৯||
Adhikarana kaNDUH SoPaSca (10) · Śloka 10
কণ্ডূশোফৌ কফাচ্ছ্রোত্রে স্থিরৌ তত্সংজ্ঞযা স্মৃতৌ||১০||
कण्डूशोफौ कफाच्छ्रोत्रे स्थिरौ तत्संज्ञया स्मृतौ||१०||
🔊 Audio coming soon
কফাদ্ধেতোর্যৌ শ্রোত্রে স্থিরৌ কণ্ডূশোফৌ তৌ তত্সংজ্ঞযা কণ্ডূশোফাবিতি নাম্না স্মৃতাবাচার্যৈঃ| একঃ কণ্ডূঃ দ্বিতীযঃ শোফঃ||১০||
Adhikarana pUtikarNakaH (11) · Śloka 11
কফো বিদগ্ধঃ পিত্তেন সরুজং নীরুজং তথা| ধনপূতিবহুক্লেদং কুরুতে পূতিকর্ণকম্||১১||
कफो विदग्धः पित्तेन सरुजं नीरुजं तथा| धनपूतिबहुक्लेदं कुरुते पूतिकर्णकम्||११||
🔊 Audio coming soon
পিত্তেন কর্ত্রা কফো বিদগ্ধঃ বিদাহাবস্থাং নীতঃ পূতিকর্ণাখ্যং রোগং কুরুতে| কিম্ভূতমিত্যাহ| সরুজং বা নীরুজং বা উভযথাপি ঘনপূতি বহুক্লেদম্||১১||
Adhikarana krimikarNakaH (12) · Śloka 12
বাতাদিদূষিতং শ্রোতং মাংসাসৃক্লেদজা রুজম্| খাদন্তো জন্তবঃ কুর্যস্তীব্রাং স ক্রিমিকর্ণকঃ||১২||
वातादिदूषितं श्रोतं मांसासृक्लेदजा रुजम्| खादन्तो जन्तवः कुर्यस्तीव्रां स क्रिमिकर्णकः||१२||
🔊 Audio coming soon
জন্তবঃ ক্রিমযঃ খাদন্তো ভক্ষযন্তঃ প্রকরণাত্ কর্ণং তত্রৈব সম্ভবাত্তীব্রাং রুজং কুর্যুঃ| স রোগো নাম্না ক্রিমিকর্ণকঃ| কিম্ভূতা জন্তব আহ-বাতাদিভিঃ স্বকারণকুপিতৈর্দূষিতে যে শ্রোত্রসম্বন্ধিনী মাংসাসৃজী তযোর্বিক্লেদস্তজ্জাঃ||১২||
Adhikarana vidradhyarSo~arbudAni (13) · Śloka 13
শ্রোত্রকণ্ডূযনাজ্জাতে ক্ষতে স্যাত্ পূর্বলক্ষণঃ| বিদ্রধিঃ পূর্ববচ্চান্যঃ শোফোঽর্শোর্বুদমীরিতম্| তেষু রুক্ পূতিকর্ণত্বং বধিরত্বং ক্রমেণ চ||১৩||
श्रोत्रकण्डूयनाज्जाते क्षते स्यात् पूर्वलक्षणः| विद्रधिः पूर्ववच्चान्यः शोफोऽर्शोर्बुदमीरितम्| तेषु रुक् पूतिकर्णत्वं बधिरत्वं क्रमेण च||१३||
🔊 Audio coming soon
শ্রোতস্য কণ্ডূযনেন ক্ষতে ব্রণে জাতে সতি পূর্বলক্ষণস্তীব্ররূগ্রুপো বিদ্রধ্যাখ্যো রোগঃ স্যাত্| অন্যশ্চ বিদ্রধিঃ পূর্ববন্নিদানোক্তবিদ্রধিহেতুনা ভবত্যেষ চ বিদ্রধেরেব ভেদান্তরং তেন সংখ্যাযাং ন প্রবিশতি| শোফশ্চ যঃ কর্ণে স নাম্না একার্শ ঈরিতঃ দ্বিতীযোঽর্বুদং এবমেতৌ দ্বৌ রোগাবেকীকৃত্য পূর্বৈঃ সহ পঞ্চদশ তু ভবন্তি| তেষু চানান্তরোক্তেষু বিদ্রধ্যর্শোঽর্বুদেষু ক্রমেণ যথাসঙ্খ্যং রুগাদিত্রযং জাযতে| বধিরত্বং চ জাযতে ( ইতি চ পাঠঃ )||১৩||
Adhikarana kUcikarNakaH (14) · Śloka 14
গর্ভেঽনিলাত্ সঙ্কুচিতা শষ্কুলী কূচিকর্ণকঃ||১৪||
गर्भेऽनिलात् सङ्कुचिता शष्कुली कूचिकर्णकः||१४||
🔊 Audio coming soon
গর্ভাবস্থাযামনিলাদ্ধেতোর্গর্ভানিলাত্ শষ্কুলী সঙ্কুচিতা স রোগে নাম্না কূচিকর্ণকঃ||১৪||
Adhikarana pippalI (15) · Śloka 15
একো নীরুগনেকো বা গর্ভে মাংসাঙ্কুরঃ স্থিরঃ| পিপ্পলী পিপ্পলীমানঃ.........................||১৫||
एको नीरुगनेको वा गर्भे मांसाङ्कुरः स्थिरः| पिप्पली पिप्पलीमानः.........................||१५||
🔊 Audio coming soon
গর্ভাবস্থাযামেব কর্ণে একো বাঽনেকো বা স্থিরঃ পিপ্পলীপ্রমাণো যো মাংসাঙ্কুরঃ স নাম্না পিপ্পলী ||১৫||
Adhikarana vidArikA (16) · Śloka 16
...............................সন্নিপাতাদ্বিদারিকা| সবর্ণঃ সরুজঃ স্তব্ধঃ শ্বযথুঃ স উপেক্ষিতঃ| কটুতৈলনিভং পক্বঃ স্রবেত্ কৃচ্ছ্রেণ রোহতি| সঙ্কোচযতি রূঢা চ সা ধ্রুবং কর্ণশষ্কুলীম্||১৬||
...............................सन्निपाताद्विदारिका| सवर्णः सरुजः स्तब्धः श्वयथुः स उपेक्षितः| कटुतैलनिभं पक्वः स्रवेत् कृच्छ्रेण रोहति| सङ्कोचयति रूढा च सा ध्रुवं कर्णशष्कुलीम्||१६||
🔊 Audio coming soon
সন্নিপাতাদ্ধেতোর্যঃ শ্বযথুঃ সবর্ণাদিগুণ উপেক্ষিতশ্চ পক্বঃ সন্ কটুতৈলনিভং তত্সদৃশং স্রাবং স্রবেত্ কৃচ্ছ্রেণ রোহতি বহুকালপ্রযুক্তভৈষজ্যসংস্কারাদ্রূঢো ভবতি| সঃ শ্বযথুর্বিদারিকা নাম রোগঃ| সা চ বিদারিকা রূঢা লব্ধাস্পদা সতী ধ্রুবমবশ্যং কর্ণশষুলীং সঙ্কোচযতি||১৬||
Adhikarana pAlISoShaH (17) · Śloka 17
সিরাস্থঃ কুরুতে বাযুঃ পালীশোষং তদাহ্বযম্||১৭||
सिरास्थः कुरुते वायुः पालीशोषं तदाह्वयम्||१७||
🔊 Audio coming soon
কর্ণসিরাস্থো বাযুঃ পাল্যাং শোষং নাম্না পালীশোষসংজ্ঞং কুরুতে||১৭||
Adhikarana tantrikA (18) · Śloka 18
কৃশা দৃঢা চ তন্ত্রীবত্পালী বাতেন তন্ত্রিকা||১৮||
कृशा दृढा च तन्त्रीवत्पाली वातेन तन्त्रिका||१८||
🔊 Audio coming soon
বাতেন পালী বীণাতন্ত্রীবত্ কৃশা দৃঢা চ ভবতি; স তন্ত্রিকা নাম রোগঃ||১৮||
Adhikarana pAripoTaH (19) · Śloka 19
সুকুমারে চিরোত্সর্গাত্ সহসৈব প্রবর্ধতে| কর্ণে শোফঃ সরুক্পাল্যামরুণঃ পরিপোটবান্| পরিপোটশ্চ পবনাত্........................||১৯||
सुकुमारे चिरोत्सर्गात् सहसैव प्रवर्धते| कर्णे शोफः सरुक्पाल्यामरुणः परिपोटवान्| परिपोटश्च पवनात्........................||१९||
🔊 Audio coming soon
সুকুমারে কর্ণে বহুকালমুপেক্ষ্য ঝটিতি প্রকর্ষেণ বর্ধিতে অরুণঃ পরিপোটবাংশ্চ সরুক্পাল্যাং শোফঃ স্যাত্| পরিপোটশ্চর্মদরণম্| স রোগঃ পবনাদ্ধেতোর্ভবতি| নাম্না পরিপোটঃ||১৯||
Adhikarana utpAtaH (20) · Śloka 20
.......................উত্পাতঃ পিত্তশোণিতাত্| গুর্বাভরণভারাদ্যৈঃ শ্যাবো রুগ্দাহপাকবান্| শ্বযথুঃ স্ফোটপিটকারাগোষাক্লেদসংযুতঃ||২০||
.......................उत्पातः पित्तशोणितात्| गुर्वाभरणभाराद्यैः श्यावो रुग्दाहपाकवान्| श्वयथुः स्फोटपिटकारागोषाक्लेदसंयुतः||२०||
🔊 Audio coming soon
গুর্বাভরণভারাদ্যৈঃ প্রকুপিতাত্ পিত্তশোণিতাত্ শ্যাবাদিগুণঃ স্ফোটাদিসংযুক্তশ্চ যঃ শ্বযথুঃ স উত্পাতো নাম রোগঃ|| ২০||
Adhikarana unmanthaH (21) · Śloka 21
পাল্যাং শোফোঽনিলকফাত্সর্বতো নির্ব্যথঃ স্থিরঃ| স্তব্ধঃ সবর্ণঃ কণ্ডূমানুন্মন্থো গল্লিরশ্চ সঃ||২১||
पाल्यां शोफोऽनिलकफात्सर्वतो निर्व्यथः स्थिरः| स्तब्धः सवर्णः कण्डूमानुन्मन्थो गल्लिरश्च सः||२१||
🔊 Audio coming soon
অনিলকফাদ্ধেতোঃ পাল্যাং সর্বতোদিক্কং নির্যথাদিগুণঃ শোফো ভবতি; স রোগো নাম্না উন্মন্থো গল্লিরশ্চ্যোচ্যতে||২১||
Adhikarana duHkhavardhanaH (22) · Śloka 22
দুর্বিদ্ধে বর্ধিতে কর্ণে সকণ্ডূদাহপাকরুক্| শ্বযথুঃ সন্নিপাতোত্থঃ স নাম্না দুঃখবর্ধনঃ||২২||
दुर्विद्धे वर्धिते कर्णे सकण्डूदाहपाकरुक्| श्वयथुः सन्निपातोत्थः स नाम्ना दुःखवर्धनः||२२||
🔊 Audio coming soon
যশ্চ কর্ণো দুর্বিদ্ধঃ সন্ বর্ধিতস্তস্মিন্ যঃ কণ্ড্বাদিগুণঃ সন্নিপাতোত্থঃ শ্বযথুঃ স নাম্না দুঃখবর্ধনঃ||২২||
Adhikarana lihyAkhyAH piTakAH (23) · Śloka 23
কফাসৃক্কৃমিজাঃ সূক্ষ্মাঃ সকণ্ডূক্লেদবেদনাঃ| লিহ্যাখ্যাঃ পিটকাস্তা হি লিহ্যুঃ পালীমুপেক্ষিতাঃ||২৩||
कफासृक्कृमिजाः सूक्ष्माः सकण्डूक्लेदवेदनाः| लिह्याख्याः पिटकास्ता हि लिह्युः पालीमुपेक्षिताः||२३||
🔊 Audio coming soon
কফাদিজাঃ কণ্ড্বাদিযুক্তাঃ পিটকা নাম্না লিহ্যাখ্যাস্তা হ্যুপেক্ষিতাঃ পালীং লিহ্যুঃ শোষযেযুরিত্যর্থঃ||২৩||
Adhikarana sAdhyAsAdhyatA (24) · Śloka 24
পিপ্পলী সর্বজং শূলং বিদারী কূচিকর্ণকঃ| এষামসাধ্যা যাপ্যৈকা তন্ত্রিকান্যাংস্তু সাধযেত্||২৪||
पिप्पली सर्वजं शूलं विदारी कूचिकर्णकः| एषामसाध्या याप्यैका तन्त्रिकान्यांस्तु साधयेत्||२४||
🔊 Audio coming soon
এষাং কর্ণরোগাণাং মধ্যে পিপ্পল্যাদিচতুষ্টযমসাধ্যম্| একা তন্ত্রিকৈব যাপ্যা| শেষান্ ধারযেত্||২৪||
Adhikarana karNarogAsa~gkhyAnam (25-20) · Śloka 20
পঞ্চবিংশতিরিত্যুক্তাঃ কর্ণরোগা বিভাগতঃ||২৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে কর্ণরোগবিজ্ঞানীযো নামৈকবিংশোঽধ্যাযঃ||২১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে কর্ণরোগবিজ্ঞানীযো নামৈকবিংশোঽধ্যাযঃ||২০||
पञ्चविंशतिरित्युक्ताः कर्णरोगा विभागतः||२५|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे कर्णरोगविज्ञानीयो नामैकविंशोऽध्यायः||२१|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे कर्णरोगविज्ञानीयो नामैकविंशोऽध्यायः||२०||
🔊 Audio coming soon
ইত্যনন্তরোক্তেন প্রকারেণ বাতকর্ণরোগ, পিত্তকর্ণরোগ, কফকর্ণরোগ, রক্তকর্ণরোগ, সন্নিপাতকর্ণরোগ, কর্ণনাদ, বধিরত্ব, প্রতীনাহ, কণ্ডূ, শোফ, পূতিকর্ণক, ক্রিমিকর্ণক, উভযরূপবিদ্রধ্যর্শোর্বুদ, কূচিকর্ণক, পিপ্পলী, বিদারিকা, পালীশোষ, তন্ত্রিকা, পরিপোটোত্পাতোন্মন্থ, দুঃখবর্ধন, লিহ্যাখ্যাঃ পঞ্চবিংশতিকর্ণরোগা উক্তাঃ||২৫|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একবিংশোঽধ্যাযঃ