37. kṣudrarōgapratiṣēdhaḥ

Adhikarana atha kShudrarogapratiShedhAkhyo nAma saptatriMsho~adhyAyaH pratij~jA (1) · Śloka 1

অথাতঃ ক্ষুদ্ররোগপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

উক্তক্রমেণৈবং ক্ষুদ্ররোগাণাং চিকিত্সাং প্রদর্শযিতুমধ্যায আরভ্যতে| (ক্ষুদ্ররোগাণামজগল্লিকাদীনাং প্রতিষেধশ্চিকিত্সাস্মিন্নুচ্যত ইতি ক্ষুদ্ররোগপ্রতিষেধঃ| শেষং পূর্ববত্)|| ১||

Adhikarana ajagallikAcikitsA (2) · Śloka 2

অজগল্লিকামপক্বাং জলৌকোভির্গ্রাহযেত্| যবক্ষার শুক্তিসৌরাষ্ট্রীকল্কৈশ্চ লেপযেত্||২||

অপক্বাযামজগল্লিকাযাং জলৌকসো যবক্ষারাদিভিশ্চ লেপঃ||২||

Adhikarana yavaprakhyAdipAShANagardabhAntAnAM cikitsA (3) · Śloka 3

যবপ্রখ্যাদীন্ পাষাণগর্দভান্তান্ স্বেদযিত্বা সুরদারু কুষ্ঠমনশ্শিলালৈর্লেপযেত্| পক্বাংস্তু সহাজগল্লিকযা ব্রণবদুপাচরেত্||৩||

যবপ্রখ্যাদীনাং পঞ্চানাং প্রকরণাদপক্বানাং যথার্হঃ স্বেদঃ| সুরদার্বাদিভিশ্চ লেপঃ| (যবপ্রখ্যাদীনাং ভিন্নরূপত্বেঽপি কফবাতজত্বসাম্যেন কারণৈক্যাত্ গ্রথনসাম্যেন বিলাযনীযত্বাচ্চ ক্রিযৈকত্বকথনম্)| পক্বাংস্তু যবপ্রখ্যাদীন্ সহাজগল্লিকযেত্যজগল্লিকামপি পক্বামেবং ষড্ ব্রণপ্রতিষেধোক্তচিকিত্সযোপচরেত্|| ৩||

Adhikarana mukhadUShikAcikitsA (4) · Śloka 4

মুখদূষিকাং লোধ্রতুবরিকাভ্যাং বা প্রদিহ্যাত্| বটপত্র নারিকেলশুক্তিভ্যাং বা সৈন্ধববচাক্ষিভেষজসিদ্ধার্থ কৈর্বা| এবমশান্তৌ ছর্দযেত্| ললাটে চ সিরাং বিধ্যেত্||৪||

মুখদূষিকাসু লোধ্রতুবরিকাভ্যাং বা লেপো বটপত্রনারিকেলফলশুক্তিভ্যাং বা সৈন্ধবাদিভির্বা| লোধ্রমক্ষিভেষজম্| তুবরিকা আঢকী| এবং লেপেনাশান্তৌ ছর্দনং সিরাব্যধশ্চ|| ৪||

Adhikarana padmakaNTakacikitsA (5) · Śloka 5

পদ্মকণ্টকেষু নিম্বাম্বুবান্তং নিম্বোদকসিদ্ধং সর্পিঃ সক্ষৌদ্রং পাযযেত্| নিম্বারগ্বধকষাযেণ চোদ্বর্তনম্||৫||

পদ্মকণ্টকেষু নিম্বক্বাথেন বমনং ততো নিম্বক্বাথসিদ্ধস্য সর্পিষঃ পানং নিম্বারগ্বধযোঃ কষাযেণ চূর্ণেনোদ্বর্তনং চ| নিম্বস্য ত্বক্ আরগ্বধস্য মূলত্বক্ চ)|| ৫||

Adhikarana vivRutAdijAlagardabhAntAnAmiri gallikAyAshca cikitsA (6) · Śloka 6

বিবৃতাদীন্ জালগর্দভান্তানিরিগল্লিকাং চ পিত্তবিসর্প বচ্চিকিত্সেত্||৬||

(কারণানাং পিত্তাদ্বিনাভাবাদ্রোগাণাং প্রাযেণ স্বরূপসাম্যাচ্চ বিবৃতাদিরিগল্লিকান্তানাং ক্রিযামেকীকৃত্যাহ) বিবৃতাদীনিরিগল্লিকাং চ চিকিত্সিতোক্তপিত্তবিসর্পবত্ চিকিত্সেত্| (বিবৃতাদীন্ বিবৃতা মসূরিকা বিস্ফোটবিদ্ধা গর্দভীকক্ষ্যাগন্ধনামরাজিকাজালগর্দভানিরিগল্লিকাং চেতি দশ ক্ষুদ্ররোগান্ পিত্তবিসর্পবত্ পিত্তবিসর্প ইব কমলোত্পলাদিপ্রলেপাদিনা চিকিত্সেত্| অন্যে তু পিত্তবিসর্পবদিত্যস্যার্থমেবমাহুঃ-পিত্তবদ্বিসর্পবচ্চ| শাস্ত্রান্তরেষু ক্রিযাবিশেষদর্শনাত্ কেষাঞ্চিত্ পিত্তহরং কেষাশিদ্বিসর্পহরমিতি| অনেন বিসর্পেষু সামান্যেনোক্তা লঙ্ঘনরূক্ষণরক্তাবসেকবমনবিরেচনাদিকাঃ ক্রিযা দ্যোত্যন্তে| উক্তঞ্চ- মসূরিকাগ্ররূপেষু লঙ্ঘনং বমনং ততঃ| যষ্টীমধুকনিম্বত্বগম্বুভিঃ সিতযানু চ| বিরেচনং ত্রিবৃচ্চূর্ণযুক্তযা বাঽবিপত্তিনা|| অন্যে মসূরিকাযাং কফবিসর্পকুষ্ঠহরং প্রলেপাদিক্রিযাবিধিমুপদিশন্তি বিস্ফোটচিকিত্সাং চ বিস্ফোটেষু চ সর্বেষু লঙ্ঘনং পূর্বমাচরেত্| ন রসেন বিনা কেঽপি বিস্ফোটাঃ সম্ভবন্তি হি|| ইতি| মসূরিকাবিস্ফোটযোর্বিংশতিদিনাত্পূর্বং স্নানাভাব উক্তঃ| পূজ্য চাভ্যজ্য চ স্নাযাদ্বিংশতের্দিবসাত্ পরম্| প্রাপ্তে স্নানদিনেঽগারং মুঞ্চেযুর্গৃহবাসিনঃ| অন্যথা তান্ বিশেত্প্রাযো মসূরীত্যাহ কাশ্যপঃ| ইত্যষ্টবিধাযা মসূরিকাযাশ্চিকিত্সা সমানতন্ত্রাদবগন্তব্যা)||৬||

Adhikarana rAjikAjAlagardabhayorvisheShaH (7) · Śloka 7

বিশেষতো রাজিকামপাকশর্করাভূর্বাকণ্টকশর্করাভিঃ ক্ষীরপিষ্টাভির্লেপযেত্| অভীক্ষ্ণং চ মৃজা শীলনম্| জাল গর্দভে ধাত্রীফলান্যুপযুঞ্জীত||৭||

বিশেষত ইত্যাদিনা রাজিকাযাঃ সাধনসমুচ্চযঃ| অপাকশর্করাদিভিঃ ক্ষীরপিষ্টৈর্লেপঃ| অপাকশর্করা কুম্ভকারচুল্লীদগ্ধশর্করা| কণ্টকশর্করাঙ্গণমৃত্| অভীক্ষ্ণমত্যর্থং মৃজাশীলনং সংশোধনসেবা| জালগর্দভে ধাত্রীফলান্যামলকান্যুপযুঞ্জীত বিশেষত ইত্যর্থাত্|| ৭||

Adhikarana agnirohiNIcikitsA (8) · Śloka 8

অগ্নিরোহিণীমপি প্রত্যাখ্যায পিত্তবিসর্পবদুপাচরেত্| পক্বাং তু মধুরবর্গসিদ্ধেন সর্পিষা রোপযেত্||৮||

অগ্নিরোহিণীমপীত্যসাধ্যত্বাঙ্গীকরণে| প্রত্যাখ্যায ন সিধ্যতীত্যুক্ত্বা| (প্রত্যাখ্যায নিরাকরণং কৃত্বা সাধ্যেত ন বেত্যুক্ত্বেত্যর্থঃ| পক্বামিত্যগ্নিরোহিণীম্)|| ৮||

Adhikarana vidArikAcikitsA (9) · Śloka 9

বিদারিকাং জলবাসিনীভির্গ্রাহযিত্বা বিল্বমূলনগবৃত্তি কবর্ষাভ্বজকর্ণপলাশকল্কেন প্রলিম্পেত্| অনুপশা ম্যন্তীং ত্বভ্যজ্য স্বেদযিত্বা বিম্লাপযেত্| পক্বাং শস্ত্রেণ বিদার্য নিম্বতিলপটোলকল্কেন প্রচ্ছাদ্য বধ্নীযাত্| ক্ষীরিবৃক্ষকদরখদিরকষাযো ব্রণপ্রক্ষালনম্| শুদ্ধং মধুর কষাযসংস্কৃতেন তৈলেন রোপযেত্||৯||

বিদারিকাযাং পূর্বং জলৌকসঃ ততো বিল্বমূলাদিপলাশান্তকল্কেন প্রলেপঃ| নগবৃত্তিকঃ সুবোধঃ| পলাশং পত্রম্| বিম্লাপনং মর্দনেন বিলাযনম্| পক্বামিতি তামেব বিদারিকাম্| শুদ্ধামিতি তামেব| (নগবৃত্তিকবর্ষাভূবিল্বমূলৈরিতি সুশ্রুতপাঠঃ| নগবৃত্তিকঃ জিঙ্গাণম্| গুডগনিকেতি লোকে| বৃশ্চিকালীত্যন্যে| অজকর্ণঃ সর্জঃ| পলাশঃ শঠী| ইতি শ্রীডল্হণকৃতে নিবন্ধসংগ্রহে)|| ৯||

Adhikarana sharkarArbudacikitsA (10) · Śloka 10

শর্করার্বুদং মেদোঽর্বুদবদুপাচরেত্||১০||

শর্করার্বুদে গ্রন্থ্যাদ্যুক্তমেদোঽর্বুদবচ্চিকিত্সা|| ১০||

Adhikarana valmIkacikitsA (11) · Śloka 11

বল্মীকং হস্তস্য পাদস্য চোপরিষ্টান্মর্মণি বা জাতং প্রবৃ দ্ধমতিবহুচ্ছিদ্রাবৃতং সশোফং চ বর্জযেত্| অতোঽন্যথা তু প্রাক্ কৃতশুদ্ধেঃ শোণিতমপহরেত্| সক্তু পলললবণাগুডূচ্যারেবতশ্যামাদন্তীকুলত্থিকামূলৈর্লেপযেত্| পক্বে তু সর্বাং গতিং দুষ্টমাংসানি চ শস্ত্রেণ সম্যক্ শোধ যিত্বাঽগ্নিনা ক্ষারেণ বা দহেত্| সুশুদ্ধে তু ব্রণে ভল্লাতকমনশ্শিলালৈলাকালনুসার্য গরুচন্দনৈর্নিম্বতৈলং রোপণার্থং শ্রপযেত্||১১||

(বল্মীকস্য দেশভেদরূপজনিতমসাধ্যত্বং দর্শযতি|) হস্তস্যেত্যাদ্যসাধ্যবল্মীকস্য লিঙ্গম্| অতো সাধ্যলক্ষণাদন্যথা বৈপরীত্যে বল্মীকবতঃ প্রাক্পূর্বং কৃত সংশুদ্ধের্বিহিতবমনবিরেকস্য শোণিতং যথোপপত্ত্যবসেচযেত্| ততঃ সক্ত্বাদিভিরারেবতাদিমূলযুক্তৈলেপযেত্| আরেবতঃ কর্ণিকাতঃ| শ্যামা ত্রিবৃত্| দন্তী নাগদন্তী| কুলত্থিকা দ্বিতীযা ত্রিবৃত্| পক্বে ত্বিতি বল্মীকে| সর্বাং গতিমশেষাং নাডীম্| সুবোধম্| (পক্বে প্রাপ্তপাকে, তুবিশেষে| অনন্তরোক্তাদুপক্রমাদস্য শস্ত্রসুখসাধ্যত্বং বিশেষঃ| শস্ত্রেণ মণ্ডলাগ্রাদিনা সর্বামশেষাং গতিং নাডীং দুষ্টমাংসানি চ সম্যক্ শস্ত্রকর্মোক্তবিধানেনামূলতঃ শোধযিত্বা ছিত্বেত্যর্থঃ| অগ্নিনা ক্ষারেণ বা দহেত্| বশব্দ অগ্নিক্ষারযের্বিকল্পার্থঃ| উন্নতমগ্নিনাঽবনতং ক্ষারেণ চ দহেদিতি ভাবঃ)| শুদ্ধে চ বল্মীকব্রণে নিম্বতৈলং ভল্লাতকাদিভী রোপণার্থং শ্রপযেত্| কালানুসারী তগরম্|| ১১||

Adhikarana kadaracikitsA (12) · Śloka 12

কদরং শস্ত্রেণোত্কৃত্য স্নেহেন দহেত্||১২||

কদারাখ্যে সুবোধম্| স্নেহেন দাহযোগ্যেন (কদরাখ্যং ক্ষুদ্ররোগং শস্ত্রেণ বৃদ্ধিপত্রাদিনা উত্কৃত্য ছিত্ত্বা স্নেহেন অগ্নিসন্তাপাদ্দাহযোগ্যেন পাদতলমুন্নাম্য তস্য ব্রণস্য পরিতো মাষকল্কেন দৃঢাং পালীং কৃত্বা স্নেহেন তাং পূরযিত্বা দহেত্)|| ১২||

Adhikarana ruddhagude niruddhamaNicikitsAtideshaH (13) · Śloka 13

রুদ্ধগুদে নিরুদ্ধমণিবচ্চিকিত্সা||১৩||

নিরুদ্ধমণির্গুহ্যরোগে বক্ষ্যতে তদুক্তা চিকিত্সা রুদ্ধগুদে| (রুদ্ধগুদাখ্যে ক্ষুদ্ররোগে গুহ্যরোগপ্রতিষেধে বক্ষ্যমাণনিরুদ্ধমণিক্রিযাবত্ চিকিত্সিতং কার্যম্| পুনঃ পুনঃ স্থূলতরস্নেহাক্তজাতুষনাডীবিন্যাসানিলাপহস্নেহপরিষেকাদিভির্গুদস্রোতঃ ক্রমেণ বর্ধযেদিত্যর্থঃ)|| ১৩||

Adhikarana cippacikitsA (14) · Śloka 14

চিপ্পং শোণিতাবসেকসংশোধনৈরুপাচরেত্| ব্যপগতোষ্মা ণঞ্চৈনমুষ্ণাম্বুনা পরিষিচ্য যথাযোগং শস্ত্রেণ পরিকর্ত্যা পনযেত্| ততো রসাঞ্জনরোচনানেপালীতেজোহ্বাকল্কৈরম্লপিষ্টৈঃ শোধ যিত্বা কালেযকাগরুহরিদ্রারসঞ্জনসিদ্ধে তৈলেন রোপযেত্| মধুরকষাযসিদ্ধেন বা| অল্পাবশিষ্টং চ সর্জরসচূর্ণেন পূরযেত্||১৪||

চিপ্পে সুবোধম্| পরিকর্ত্যোপকর্ত্য| (এনং চিপ্পাখ্যং রোগং দুষ্টরক্তমোক্ষণেন 'ঊষ্মা পিত্তাদৃতে নাস্তী' ত্যুক্ত্বা তন্নির্হরণপরমৌষধেন বিরেচনাখ্যেন সংশোধনেন চ ব্যপগতোষ্মাণং জিতোষ্মাণং কৃত্বাঽনন্তরমুষ্ণোদকেন পরিষিচ্য শস্ত্রেণ যথাযোগং পরিকর্ত্য পরিতো নখশস্ত্রাগ্রেণ মাংসাদ্বিশ্লেষ্য ষডঙ্গুলেন সন্দংশেনামূলতো দৃঢং গৃহীত্বা সম্যগুত্পাট্যাপনযেত্)||১৪||

Adhikarana kunakhacikitsA (15) · Śloka 15

কুনখমপি প্রদুষ্টমেবমেবোপক্রমেত্||১৫||

কুনখমপীতি চিপ্পচিকিত্সিতসমুচ্চযে| (প্রদুষ্টমভিঘাতাদিনান্তর্মাংসবিশ্লেষোচ্চলিতদুষ্টাস্রসংশ্লেষাত্ কুত্সিতত্বমাগতং নখমপ্যেবমেব চিপ্পবদেব নখোত্পাটনাদিকেন শস্ত্রকর্মণোপক্রমেত চিকিত্সেত্)|| ১৫||

Adhikarana alasacikitsA (16) · Śloka 16

অলসে ত্বম্লকাঞ্জিকাবসিক্তৌ চরণৌ নিম্বতৈলপটো লাকাসীসরোচনাকল্কেনালেপযেত্| নিদিগ্ধিকারস সিদ্ধেন সর্ষপতৈলেনাভ্যজ্য রোচনাকাসীসমনশ্শিলাচূর্ণৈঃ প্রতিসারযেত্||১৬||

অলস ইত্যাদি সুবোধম্| (অলসাখ্যে ক্ষুদ্ররোগে তু অম্লেন কাঞ্জিকেন ধান্যাম্লেনাবসিক্তৌ পরিষিক্তৌ চরণৌ নিম্বাদিকল্কেনালেপযেত্| কাসীসং তুত্থম্| প্রতিসারণং ঘর্ষণম্)|| ১৬||

Adhikarana tilakAlakAdInAM cikitsA (17) · Śloka 17

তিলকালকান্ মশাংশ্চ সূর্যকান্তেনাঽগ্নিনা বা দহেত্ ক্ষারেণ বা| চর্মকীলং জতুমণিং চ তদ্বচ্ছস্ত্রেণোত্কৃত্য||১৭||

তিলকালকাদিষু সূর্যকান্তব্যবহিতৈঃ সূর্যরশ্মিভির্দাহোঽগ্নিনা বা ক্ষারেণ বা| (তিলকালকাখ্যান্ মশাখ্যাংশ্চ রোগান্ অর্ককিরণসন্তপ্তেন সূর্যকান্তেনাগ্নিনা বা তযোস্ত্বঙ্মাংসাশ্রযতযা পদ্মপত্রতনুনা মৃদুক্ষারলেপেন বা দহেত্|) চর্মকীলং জতূমণিং চ তদ্বদিতি সূর্যকান্তাদিনা দহেদিতি সম্বন্ধঃ| ন তু প্রথমমেবাপি তু শস্ত্রেণোত্কৃত্য| (চর্মকীলাখ্যং জতূমণিসংশিতং চ| জতূমণিরিত্যপ্রাণিজাতের্বা রজ্জ্বাদেরিত্যূঙ্| শস্ত্রেণ বৃদ্ধিপত্রাদিনা উত্কৃত্যমূলতশ্ছিত্বা| তদ্বত্ সূর্যকান্তাদ্যন্যতমেন দহেত্)|| ১৭||

Adhikarana lA~jchanAdicikitsA (18) · Śloka 18

লাঞ্ছনব্যঙ্গনীলিকাসু যথাসন্নাং সিরাং বিধ্যেত্| ক্ষীরী বৃক্ষবল্ককল্কৈশ্চ ক্ষীরপিষ্টৈর্লেপযেত্| বলাতিবলামধু কহরিদ্রাভির্বা| মধুকাগরুপযস্যাকালীযকৈর্বা| তরুণ কপিত্থতিন্দুকরজনীভির্বা| অম্লিকামূলেন বা| সূকর দংষ্ট্রযা বা মধুঘৃতযুক্তযা||১৮||

লাঞ্ছনাদিত্রযাণামপি রক্তদোষজত্বসাম্যাচ্চিকিত্সামেকীকৃত্যাহ-লাঞ্ছনাদিত্রযে আসন্নাযাঃ অপ্রতিষিদ্ধাযাঃ সিরাযাঃ ব্যধনম্| পঞ্চ লেপযোগাঃ সুবোধাঃ| পযস্যা ক্ষীরিকা| কালীযকং কৃষ্ণচন্দনম্| তরুণকপিত্থোঽজীর্ণকপিত্থতরুঃ| অম্লিকা চুক্রিকাঃ, তস্যা মূলম্| ইতি লাঞ্ছনাদিত্রযসাধারণম্| (পূর্বোক্তং ব্যঙ্গনীলিকযোরপৃথক্ত্বং তু সঙ্খ্যানাং ষট্ত্রিংশত্বাপাদনাযৈব| অত্র নীলিকাগ্রহণং স্থানভেদজনিতসংজ্ঞান্তরতযা চিকিত্সান্তরভ্রান্তিপরিহারার্থম্)|| ১৮||

Adhikarana vya~ggacikitsAvisheShaH (19) · Śloka 19

বিশেষেণ ব্যঙ্গেষ্বসৃক্স্রাবপূর্বমর্জুনপরিপোটৈর্লেপঃ| ক্ষৌদ্রেণ বা পিষ্টা মঞ্জিষ্ঠা| অজাক্ষীরেণ বাঽঽর্দ্রদাডীমত্বক্| তেনৈব বা বালামলকং গোমূত্রেণ সপ্তাহং স্থিতম্| দধিম ণ্ডেন ব কালেযকলোধ্রোত্পলকিঞ্জল্কম্| নবনীতেন বা শ্বেতাশ্বখুরজমষী||১৯||

লাঞ্ছনাদিত্রযস্য সামান্যচিকিত্সামুক্ত্বা তেষু ব্যঙ্গস্য বিশেষচিকিত্সামাহ-বিশেষতস্তু ব্যঙ্গেষু রক্তস্রাবং কৃত্বা অর্জুনতরোঃ পরিপোটৈঃ স্বযং জীর্ণত্বগ্ভর্লেপঃ| সুবোধম্| মঞ্জিষ্ঠা ক্ষৌদ্রেণ| আড়্দ্রাদাডীমত্বগজাক্ষীরেণ| কিম্ভূতমামলকমাহ- গোমূত্রেণ সপ্তাহং স্থিতম্| কালেযকাদিকং দধিমণ্ডেন| কালেযকং পীতচন্দনম্| শ্বেতাশ্বখুরজাক্ষারো নবনীতেন| (শ্বেতা শ্বেতবচা| অশ্বখুরঃ কৃষ্ণশঙ্খপুষ্পী| (নি) গিরিকর্ণ্যপরা নীলা বাজিখুরা ব্যক্তগন্ধকুসুমা চ| অশ্বখুরা তুরগখুরপ্রতিমা স্যাচ্ছঙ্খিনী কৃষ্ণা| শ্লক্ষ্ণপিষ্টশ্বখুরপ্রলিপ্তসংশুষ্কতান্তবক্লৃতাজ্যসিক্তপ্রজ্বলিতবর্ত্ত্যুদ্ভবযা মষ্যা লেপঃ| ন তু শঙ্খপুষ্পীমেব দগ্ধ্বোত্পন্নযা| অশ্বখুরেণ কৃতা মষীতি বা| ইতি সামান্যেন ব্যঙ্গেষু)||১৯||

Adhikarana vAtajavya~ggacikitsA (20) · Śloka 20

তত্রাপি বাতজেষু দেবদারুদুরালভাবৃহতীমঞ্জিষ্ঠামূর্বাপা মার্গত্রাযন্তীত্রাযমাণাশুকনসাবলাবিদারীযববদরকুল ত্থবিল্বোত্পলশতাবরীদর্ভমূলক্বাথে শৃঙ্গীবিডঙ্গগর্ভ ঘৃতং বিপক্বমধোভক্তং পানমভ্যঙ্গং নাবনং চ সাযং যোজ যেত্| প্রলেপঞ্চ ন্যগ্রোধদেবদারুহরীতকীপূতীকরঞ্জমদনপুলচূর্ণৈ র্ঘৃতযুক্তৈঃ| বদরমজ্জাকোদ্রবলাজচূর্ণেন বা সঘৃতেন| শ্বেতচমরাস্থিতালপত্রীস্তন্যমধুঘৃতৈর্বা||২০||

তত্রেত্যাদিনা ব্যঙ্গেষু বাতাদিবিশেষেণাহ-তত্রাপি তেষ্বপি বাতজেষু ব্যঙ্গেষু দেবদার্বাদিক্বাথে শৃঙ্গীবিডঙ্গগর্ভং দত্বা বিপক্বং ঘৃতমধোভক্তং ভোজনাদূর্ধ্বং পানে যোজযেত্| তদেবাভ্যঙ্গে নাবনে চ সাযং যোজযেত্| ন্যগ্রোধাদীনাং চূর্ণৈর্ঘৃতযুক্তৈঃ প্রলেপং চ যোজযেত্| বদরমজ্জাদিচূর্ণেন বা সঘৃতেন| শ্বেতচমরাস্থ্যাদিভির্বা| চমরো নাম মৃগঃ তস্য শ্বেতবর্ণস্যাস্থি| তালপত্রী মৌসলী|| ২০||

Adhikarana pittajavya~ggacikitsA (21) · Śloka 21

পিত্তেষু বলামধুকমাগধিকাক্ষীরকাকোলীস্বগুপ্তা ফলকাকমাচীতুগাহ্বাভিঃ সপযঃ সর্পিঃ সিদ্ধং পূর্ববত্ প্রযোজযেত্| মৃদ্বীকাশ্বেতপাকীখর্জূরপরুষকসৌবীরবদরদ্বিমেদাপুনর্নব কশেরুকা প্রবালবিদ্রুমমৃণালৈর্বা সক্ষীরৈঃ| উপস্নিগ্ধং চৈনমিক্ষুরসেনোভযতো বিরেচযেত্| কৃতরুধিরাবসেচনানেতাংশ্চ ব্যঙ্গান্ মধুকশারিবাবলা চন্দনলোধ্রোত্পলৈর্ঘৃতযুক্তৈরালেপযেত্| প্রপোণ্ডরীকমধুকপদ্মকনীলোত্পলসারিবাকদলীমূ লপ্রবালসুবর্ণগৈরিকৈর্বা| শীতমধুরমন্নপানং প্রবাতমহঃ স্বপ্নং সৌমনস্যং চ সেবেত||২১||

পিত্তব্যঙ্গেষু বলাদিভিঃ সক্ষীরং সিদ্ধং সর্পিঃ পূর্ববদিত্যধোভক্তমভ্যঙ্গে নাবনে চ সাযং যোজযেত্| সক্ষীরৈর্মৃদ্বীকাদিভির্বিপক্বং সর্পির্বা পূর্ববত্ প্রযোজযেত্| এবঞ্চ সর্পিঃ প্রযোগেণোপস্নিগ্ধমেনমিক্ষুরসেন কল্পোক্তবিধিনোভযত ঊর্ধ্বমধশ্চ বিরেচযেত্| এতাংশ্চ পিত্তব্যঙ্গান্ রুধিরং স্রাবযিত্বা মধুকাদিভির্ঘৃতযুক্তৈরালেপযেত্| প্রপৌণ্ডরীকাদিভির্বা ঘৃতযুক্তৈঃ| প্রবালং বিদ্রুমম্| শীতমধুরান্নপানাদিকং চ সেবেত|| ২১||

Adhikarana kaphajavya~ggacikitsA (22) · Śloka 22

কফজেষু দশমূলদেবদারুহরীতকীশ্বদংষ্ট্রামলকীক্বাথে মুস্তকুষ্ঠরিদ্রামরতরুকল্কৈস্তদ্বত্ সাধিতং সর্পিস্তদ্বদে বোপযুঞ্জীত| তুত্থরোচনালোধ্রপ্রিযঙ্গুকালেযকৈঃ সমধুঘৃতৈর্লেপঃ| দেব দারুসরলবলাশিগ্রুমূলৈর্বা| মনশ্শিলাতুত্থরসাঞ্জনৈর্বা| মৃদুনা বা ক্ষারেণা দশমাত্রাঃ প্রলেপঃ||২২||

কফজেষু ব্যঙ্গেষু দশমূলাদিক্বাথে মুস্তাদিকল্কৈস্তদ্বদিতি সক্ষীরং সাধিতং সর্পিঃ তদ্বদেবেত্যধোভক্তং পানে নাবনাভ্যঞ্জনযোঃ সাযং চ প্রযোজযেত্| তুত্থদেবদারুমনশ্শিলাদিভির্লেপত্রযং সুবোধম্| অথবা মৃদুনা ক্ষারেণ সূত্রোক্তেন দশমাত্রাঃ প্রলেপঃ| মাত্রা কালবিশেষঃ| তস্যা লক্ষণম্ যাবত্ পর্যেতি হস্তাগ্রং দক্ষিণং জানুমণ্ডলম্| নিমেষোন্মেষকালেন সমং মাত্রা তু সা স্মৃতা|| ইতি|| ২২||

Adhikarana raktajavya~ggacikitsA (23) · Śloka 23

রক্তজেষু ক্ষীরসর্পিঃস্নিগ্ধস্য সিরাং বিস্রাবযেত্| বমন বিরেচনে চ পিত্তবত্ কুর্যাত্| আলেপশ্চাস্য চন্দনমধুক কল্কেন ঘৃতবতা| সর্জরসনীলোত্পলশঙ্খবেতসকদলী মূলমূর্বামধুককল্কেন বা||২৩||

রক্তজেষু ব্যঙ্গেষু ক্ষীরোদ্ভাবেন সর্পিষা স্নিগ্ধস্য সিরাং বিস্রাবযেত্| সুবোধম্| পিত্তবদিতি ইতি পিত্তব্যঙ্গবদিক্ষুরসেনেত্যর্থঃ| চন্দনসর্জরসাদিভিরালেপদ্বযং সুবোধম্| ইতি ব্যঙ্গানি|| ২৩||

Adhikarana prasuptau vAtakuShThacikitsAtideshaH dAhashca (24) · Śloka 24

প্রসুপ্তৌ বাতকুষ্ঠোক্তক্রমোঽন্তে চাগ্নিনা দাহঃ||২৪||

প্রসুপ্তাখ্যে সুবোধম্| অন্তে চ বাতকুষ্ঠচিকিত্সযা শান্ত্যপ্রাপ্তাবগ্নিনা দাহঃ|| ২৪||

Adhikarana utkoThakoThayoH cikitsA (25-37) · Śloka 37

উত্কোঠে পিত্তশ্লেষ্মহরো বিধিঃ সক্ষারলবণং চ তৈলম ভ্যঙ্গঃ| কোঠে কুষ্ঠচিকিত্সিতমীক্ষেত||২৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে ক্ষুদ্ররোগ প্রতিষেধো নাম সপ্তত্রিংশোঽধ্যাযঃ||৩৭||

উত্কোঠাখ্যে সর্বো বিধিঃ পিত্তশ্লেশ্মঘ্নঃ| যবক্ষারসৈন্ধবযুক্তং তৈলমভ্যঙ্গশ্চ| কোঠে কুষ্ঠচিকিত্সা| (শাস্ত্রান্তরেষু ক্ষুদ্রত্বসাম্যাত্তদনন্তরোক্তা পাদপ্রভেদকণ্টকবেধপাদদাহপার্ষ্ণিব্যথাদেহস্ফুটনাতিস্বেদদেহদৌর্গন্ধ্যবৈদ্যুতানলদাহাদি- ক্রিযাঽপ্যত্র দিঙ্মাত্রাববোধনার্থং কিঞ্চিল্লিখ্যতে| তত্রাদৌ পাদপ্রভেদে- ক্ষযংগতে শ্লেষ্মণি পাদলগ্নে সচ্চারিণাং দেহভৃতামজস্রম্| বাতঃ সপিত্তোঽঙ্ঘ্রিতলেষু দুষ্টো ভেদান্ করোত্যপ্রতিকারনিম্নান্|| বটাঙ্কুরারুষ্করসিক্থচূতনির্যাসসিন্ধূদ্ভবমর্কদুগ্ধম্| এভির্মহিষ্যাস্তু ঘৃতং বিপক্বং পাদপ্রভেদং বিনিহন্তি সদ্যঃ|| অর্কাবিস্নুহিদুগ্ধং সিক্থং পটুতৈলসংযুতং পিষ্টম্| পাদবিলিপ্তং সদ্যঃ করোতি কমলোপমং চরণম্| স্নুহ্যর্কদুগ্ধসৈন্ধবহযখুরচূর্ণং সনবনীতম্| ন্যস্তং তুম্বফলে তত্প্রদারিকাং লেপনাদ্ধন্যাত্| পাদদার্যাং সিরাং বিদ্ধ্বা স্নিগ্ধস্বিন্নে পদে পুনঃ| সবাঘৃতমধূচ্ছিষ্টমজ্জাক্ষারৈঃ প্রলেপযেত্|| স্নুহ্যর্কচ্ছাগপযো লবণমধূচ্ছিষ্টচূতনির্যাসম্| মাহিষনবনীতযুতং বিপাদিকাং হন্ত্যলাভুস্থম্| অতিপক্বশুষ্ককেতকদলভসিতং ঘৃতপটূপেতম্| কংসনিঘৃষ্টং লেপাত্করোতি কমলোপমং চরণম্|| নশ্যতি তথা বিপাদী পুষ্পলতানীলিমূলশৃততৈলাত্| কাড়্পাসভুজগবল্লীপটুতিলজৈর্নশ্যতে বিশেষেণ|| সর্জঘৃতং তুল্যগুডংম্ পিষ্ট্বাঽশ্টাংশার্কদুগ্ধেন| প্রতিলেপাত্পাদতলে নশ্যতে নিযতং বিপাদিকা সহসা|| শুক্তিকাভস্ম সিন্ধূত্থং সর্পিঃ সর্জরসং পযঃ| পাদযোঃ স্ফুটনে লেপস্তিক্তালাবুব্যবস্থিতঃ|| সক্ষীরং স্নুহিকাণ্ডং সান্তর্ধূমং সুবর্চিলাVবিডবত্| দগ্ধং ছাগঘৃতযুতং তুম্বস্থং হন্তি পরিলেপাত্|| পূরিতোপরিসিক্থেন বহ্নিনা তাপিতা ভৃশম্| অসাধ্যাপি ব্রজত্যস্তং ক্ষিপ্রমেব বিপাদিকা|| করঞ্জবীজং রজনী কটুত্রযং সমানভাগং লবণস্য মৃত্তিকাম্| দগ্ধ্বা সমালোড্য ঘৃতেন লিম্পেত্ পাদৌ বিনশ্যেত বিপাদিকা ধ্রুবম্|| কণ্টকবেধস্য- পাদযোঃ কণ্টকে বিদ্ধে রবিদুগ্ধেন পূরযেত্| উদ্ধৃতেঽনুদ্ধৃতে চাপি পততি স্বযমেব তত্|| সৈন্ধবং তত্র সংস্থাপ্য দহেল্লোহশলাকযা| কুমার্যাঃ কোষ্ণপত্রেণ বন্ধনং চাত্র কারযেত্|| লবণোদকসেকং বা সন্ধানৌদনবন্ধনম্| তণ্ডুলীযকমূলাঢ্যং লবণং সপুনর্নবম্|| বাযসীং বা পটূযুতাং চিল্লীং বা স্নেহসংযুতাম্| চিঞ্চাকরঞ্জপত্রং বা ঘৃতকাঞ্জিকসংযুতম্|| ভৃষ্টং প্রবন্ধনং কুর্যাত্ পাযসং কোরদূষকৈঃ| ব্রণক্রিযাং চ কুর্বীত পক্বে দুষ্টং পুনর্দহেত্|| পাদদাহস্য- শতাবরীমূলরসাত্ ফেনেন পরিলেপিতৌ| পরিতাপাদ্বিমুচ্যেতে চরণৌ ক্ষিপ্রমেব তু|| মসূরবিদলৈঃ পিষ্টৈর্ভৃষশীতেন বারিণা| চরণৌ লেপযেত্সম্যক্পাদদাহপ্রশান্তযে|| নবনীতেন সংলিপ্তৌ বহ্নিনা পরিতাপিতৌ| মুচ্যেতে চরণৌ ক্ষিপ্রং পরিতাপাত্সুদারুণাত্|| ঘৃতাক্তৈঃ সক্তুভিঃ শ্লক্ষ্ণৈরজাক্ষীরসমন্বিতৈঃ| লেপযেচ্চরণৌ সদ্যঃ পরিতাপবিমুক্তযে|| লিম্পেত্সেব্যজলারিষ্টৈঃ শতধৌতঘৃতেন বা| পাদদাহেষু চরণৌ সেকং কাঞ্জিকসর্পিষা| কুমারীরসসেকো বা জলৌকোভির্হরেদসৃক্| পার্ষ্ণিব্যথাযাঃ- লিপ্তা সর্ষপকল্কেন স্বেদিতা চাশ্মনা ভৃশম্| পাদপার্ষ্ণিব্যথা তীব্রা পক্ষার্দ্ধেন বিনশ্যতি|| দেহস্ফুটনস্য- অগস্তিপুষ্পচূর্ণেন মাহিষং শ্রপযেত্পযঃ| তদুত্থনবনীতাক্তো দেহস্য স্ফুটনং জযেত্|| অতিস্বেদস্য- হরীতকীং তু সম্পিষ্য গাত্রমুদ্বর্ত্তযেন্নরঃ| পশ্চাত্স্নানং প্রকুর্বীত দেহস্বেদোপশান্তযে|| দেহদৌর্গন্ধ্যস্য- গোমূত্রেণ সমালোড্য মাহিষং শকৃদুত্তমম্| তেনৈব লেপনং কুর্যাদ্দেহদৌর্গন্ধ্যনাশনম্|| শিরীষলামজ্জকহেমলোধ্রৈস্ত্বগ্ভেদসংস্বেদহরঃ প্রঘর্ষঃ| পত্রাম্বুলোহৈরথ চন্দনাভ্যাং শরীরদৌর্গন্ধ্যহরঃ প্রলেপঃ|| তিন্তিণীস্বরসে তৈলপ্রস্থং সম্যক্পচেদ্ভিষক্| অত্র কল্কার্থমেতানি বাতঘ্নানি চ যোজযেত্|| শিগ্রুসৈন্ধবদুর্গন্ধা লশুনং চ সচিত্রিকম্| এতচ্ছরীরদৌর্গন্ধ্যকণ্ডূতিস্বেদনাশনম্|| তিন্তিণীকদলোদ্ভূতং স্বরসং লেপযেন্নরঃ| বহুশো দেহবৈগন্ধ্যকণ্ডূকোঠবিনাশনম্|| ক্ষৌদ্রেণ পৌষ্করং রেণুমেকবিংশতিবাসরান্| লিহতাং দেহদৌর্গন্ধ্যং নশ্যেন্নিশ্শেষমঙ্গিনাম্|| দ্বিনিশাতিলরুগ্রাজীকল্কোদ্বর্ত্তিতবিগ্রহঃ| যঃ স্নাতি তস্য দেহঃ স্যাত্সুগন্ধির্ভাস্করচ্ছবিঃ|| বৈদ্যুতানলদাহস্য- বৈদ্যতানলদগ্ধস্য লেপসেকাদি যোজযেত্| সতৈলমম্ললবণপ্রাযং তাপং চ বহ্নিনা|| তুত্থদগ্ধবদাহারং মধুরস্নিগ্ধশীতলম্| সেকং চ সংজ্ঞাযুক্তস্য কুর্বীতেন্দ্রিযবেদিনঃ|| আগ্নেযৈরৌষধৈর্লেপং সেকমিক্ষুতুষোদকৈঃ| সর্পিস্নিগ্ধৈরম্লযুক্তৈর্বসাতৈলঘৃতৈরপি|| ইত্যাদিকং শাস্ত্রান্তরাদবগন্তব্যম্|| ২৫|| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে সপ্তত্রিংশোঽধ্যাযঃ