36. kṣudrarōgavijñānīyaḥ

Adhikarana atha kShudrarogavij~jAnIyo nAma ShaTtriMsho~adhyAyaH | pratij~jA (1) · Śloka 1

অথাতঃ ক্ষুদ্ররোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

শস্ত্রকর্মার্হরোগপ্রসঙ্গেন ক্ষুদ্ররোগাণাং হেত্বাদিকং প্রদর্শযিতুমধ্যায আরভ্যতে| ক্ষুদ্রাঃ রোগাঃ ক্ষুদ্ররোগাঃ| (ক্ষুদ্রশব্দঃ স্বল্পাধমক্রূরপর্যাযবাচী| 'ক্ষুদ্রঃ স্বল্পেঽধমে ক্রূরঃ' ইতি বৈজযন্তী| উক্তধর্মযুক্তা রোগা ক্ষুদ্ররোগাঃ| উক্তঞ্চ- মন্দবেগা মহাবেগা ব্যাধযোঽল্পরুজোঽরুজঃ| যে মহান্তোঽল্পকাশ্চৈব ক্ষুদ্ররোগাস্তু তে স্মৃতাঃ|| ইতি| অত্রাঽপি স্বল্পা মশব্যঙ্গতিলকালকাদযঃ| অধমা রুদ্ধগুদশর্করার্বুদকুনখাদযঃ| ক্রূরা মসূরিকাবিস্ফোটাগ্নিরোহিণ্যাদযঃ| ক্রৌর্যে ক্ষুদ্রশব্দপ্রযোগঃ পুরাণাদিষ্বপি দৃশ্যতে- অপি ক্ষুদ্রমৃগা যত্র শান্তাশ্চেরুঃ সমা মৃগৈঃ| ইতি| অযুর্বেদস্য তস্যাষ্টৌ প্রাহুরঙ্গানি তদ্বিদঃ| সর্বেভ্যঃ প্রাযশস্তেভ্যঃ ক্ষুদ্ররোগাঃ সমুচ্ছ্রিতাঃ|| ইতি শ্রেষ্ঠত্বেঽপি|| ১||

Adhikarana ajagallikA (2) · Śloka 2

স্নিগ্ধাঃ সবর্ণা গ্রথিতা নীরুজা মুদ্গসন্নিভাঃ| পিটকাঃ কফবাতাভ্যাং বালানামজগল্লিকা||২||

ক্ষুদ্ররোগাণামনেকবিধত্বেন সামান্যলক্ষণাভাবাত্প্রত্যেকং ব্যাধিগৌরবানুরূপেণ হেত্বাদিকং প্রদর্শযিষ্যতি| বালানাং কফবাতাভ্যাং স্নিগ্ধাদিগুণাঃ পিটকা ভবন্তি সা নাম্নাঽজগল্লিকা| বালানাং প্রায ইতি বোদ্ধব্যম্| (কেরলে পালুণ্ণীত্যুচ্যতে)|| ২||

Adhikarana yavaprakhyA alajI ca (3) · Śloka 3

যবপ্রখ্যা যবপ্রখ্যা তাভ্যাং মাংসাশ্রিতা ঘনা| অবক্ত্রা ত্বলজী..............................||৩||

তাভ্যামিতি কফবাতাভ্যাং মাংসাশ্রিতা ঘনা যবসদৃশা যা পিটকা ভবতি সা নাম্না যবপ্রখ্যা| সৈবাবক্ত্রা সত্যলজীত্যুচ্যতে| (তাভ্যামেব অবক্ত্রা অমুখতযা পূযোদ্গমনদ্বাররহিতা)||৩||

Adhikarana kacCapI (4) · Śloka 4

....................বৃত্তাঃ স্তোকপূযা ঘনোন্নতাঃ| গ্রন্থযঃ পঞ্চ বা ষড্বা কচ্ছপী কচ্ছপোন্নতাঃ||৪||

বৃত্তত্বাদিগুণাঃ পঞ্চ বা ষড্ বা বা কচ্ছপবদুন্নতা গ্রন্থযো নাম্না কচ্ছপী| (কফবাতাভ্যাং কচ্ছপোন্নতাঃ কচ্ছপপৃষ্ঠবদৌন্নত্যযুক্তাঃ)|| ৪||

Adhikarana panasikA (5) · Śloka 5

কর্ণস্যোর্ধ্বং সমন্তাদ্বা পিটকা কঠিনোগ্ররুক্| শালূকাভা পনসিকা..............................||৫||

কর্ণস্যোপরি ভাগে সমন্তাদ্বা কর্ণমাশ্রিত্য কঠিনত্বাদিগুণা শালূকেন জলকুসুমকন্দেন সদৃশা পিটকা নাম্না পনসিকা| (কর্ণস্যোর্ধ্বমুপরিষ্টাত্ সমন্তাত্পরিতঃ বাশব্দো বিকল্পার্থঃ| 'উভযোঃ পার্শ্বযোঃ সমং জাযতে নৈকস্মিন্নেব কর্ণে' ইতি ভোজঃ| উক্তঞ্চ- কর্ণযোরুপদিষ্টাচ্চ কর্ণযোশ্চ সমন্ততঃ| পিটকাং কুরুতে রাজন্ শালূকসদৃশাং স্থিরাম্|| ইতি| কঠিনা কঠিনস্পর্শা| উগ্ররুগধিকতরপীডাযুক্তা| শালূকাভা শালূককন্দসদৃশা| (শালূকং নীর্চেম্প্|) পিটিকা পনসিকাসংজ্ঞঃ ক্ষুদ্ররোগঃ)|| ৫||

Adhikarana pAShANagardabhaH (6) · Śloka 6

........................শোফস্ত্বল্পরুজঃ স্থিরঃ| হনুসন্ধিসমুদ্ভূতস্তাভ্যাং পাষাণগর্দভঃ||৬||

তাভ্যামিতি কফবাতাভ্যাং হনুসন্ধৌ সমুত্পন্নঃ অল্পরুজাদিকঃ শোফো নাম্না পাষাণগর্দভঃ|| ৬||

Adhikarana mukhadUShikA (7) · Śloka 7

শাল্মলীকণ্টকাকারাঃ পিটকাঃ সরুজো ঘনাঃ| মেদোগর্ভা মুখেশূনাং তাভ্যাং চ মুখদূষিকা||৭||

তাভ্যাং চেতি কফবাতাভ্যামেব শাল্মলীকণ্টকাকারত্বাদিগুণা যূনাং যৌবনবতাং মুখে যাঃ পিটকা ভবন্তি তা নাম্না মুখদূষিকা, মেদো গর্ভে পূরণে যাসাং তাস্তথোক্তাঃ| চশব্দো মেদঃ সমুচ্চযতি| (তাভ্যাং কফবাতাভ্যাং যূনাং প্রত্যগ্রবযসাং মুখে বদনস্য বহির্ভাগে কপোললাটনাসিকাচিবুকাদিপ্রদেশে| শাল্মলী কণ্টকাকারাঃ শাল্মলীকণ্টকসদৃশাঃ আকৃতিমাত্রেণৈব সাদৃশ্যম্| সরুজঃ ঈষদ্রুজাযুক্তাঃ| ঘনা নিবিডাঃ| মেদোগর্ভাঃ মেদঃ গর্ভেঽন্তর্ভাগে যাসাম্| যাস্ত্বেবংবিধাস্তাঃ পিটকাঃ মুখদূষিকা সংজ্ঞঃ ক্ষুদ্ররোগঃ)|| ৭||

Adhikarana padmakaNTakA (8) · Śloka 8

তে পদ্মকণ্টকা জ্ঞেযা যৈঃ পদ্মমিব কণ্টকৈঃ| চীযতে নীরুজৈঃ শ্বেতৈঃ শরীরং কফবাতজৈঃ||৮||

তে পদ্মকণ্টকা নাম্না জ্ঞেযাঃ যৈঃ কফবাতজৈঃ পদ্মং কণ্টকৈরিব শরীরে নীরুজৈঃ শ্বেতৈশ্চীযতে সঞ্চীযতে| (কফবাতনিমিত্তৈঃ নীরুজৈঃ রুজারহিতৈঃ শ্বেতৈঃ শ্বেতবর্ণৈঃ যৈঃ পিটকৈঃ কণ্টকৈঃ পদ্মং পদ্ম নালমিব শরীরং চীযতে সমন্তাদ্ব্যাপ্যতে তে পিটকাঃ পদ্মকণ্টকসংজ্ঞাঃ জ্ঞেযাঃ মুনিভিরিতি শেষঃ| য এবংবিধঃ স পদ্মকণ্টকাখ্যঃ ক্ষুদ্ররোগঃ)|| ৮||

Adhikarana vivRutA (9) · Śloka 9

পিত্তেন পিটকা বৃত্তা পক্বোদুম্বরসন্নিভা| মহাদাহজ্বরকরী বিবৃতা বিবৃতাননা||৯||

পিত্তেন হেতুনা বিবৃতমুখী বৃত্তত্বাদিগুণা পিটকা ভবতি সা নাম্না বিবৃতা| (পিত্তেন হেতুনা বৃত্তা বর্তুলা পক্বোদুম্বরসন্নিভা পক্বেনোদুম্বরফলেন সদৃশী মহাদাহজ্বরকরী মহান্তমতিদুস্সহং দাহং সর্বাঙ্গীণং তীব্রসন্তাপং তথাবিধং জ্বরঞ্চ করোতীতি মহাদাহজ্বরকরী| বিবৃতাননা অসংবৃতমুখী অনেনারম্ভসময এব পাকপূযস্রবণাদিকং দ্যোত্যতে| যা এবংবিধা সা পিটকা বিবৃতাসংজ্ঞঃ ক্ষুদ্ররোগঃ)|| ৯||

Adhikarana masUrikAH (10) · Śloka 10

গাত্রেষ্বন্তশ্চ বক্ত্রস্য দাহজ্বররুজান্বিতাঃ| মসূরমাত্রাস্তদ্বর্ণাস্তত্সংজ্ঞাঃ পিটকা ঘনাঃ||১০||

গাত্রেষু বহিরন্তর্মুখঞ্চ যাঃ প্রকরণাত্পিত্তেন পিটকা মসূরপ্রমাণাঃ তদ্বর্ণা ইতি মসূরবর্ণা লোহিতাঃ ঘনাশ্চ ভবন্তি তাস্তত্সংজ্ঞাঃ নাম্না মসূরিকাঃ| (গাত্রেষু পাদপাণ্যাদ্যবযবেষু| অনেন পাদতলং মস্তকং চ গৃহ্যতে| বক্ত্রস্যান্তর্মুখ ইত্যর্থঃ| চশব্দান্নেত্রশ্রোত্রাদ্যন্যস্রোতাংসি চ গৃহ্যন্তে| দাহজ্বরান্বিতাঃ| দাহজ্বররুজান্বিতাঃ, দাহেন জ্বরেণ রুজযা চান্বিতা যুক্তাঃ, দাহঃ সর্বাঙ্গীণসন্তাপঃ| অথবা দাহজ্বরো দাহাদিজ্বরঃ মসূরমাত্রাঃ মসূরপ্রমাণাঃ তদ্বর্ণা মসূরতুল্যবর্ণাঃ লোহিতা ইত্যর্থঃ| ঘনা নিবিডতযা নিরন্তরপ্রসৃতাঃ পিটকাস্তত্সংজ্ঞাঃ মসূরিকাসংজ্ঞাঃ| মসূরিকাযা রক্তপিত্তত্বমাহ ভোজঃ| উক্তঞ্চ- পিত্তং শোণিতসংসৃষ্টং ত্বচং দূষযতে যদা| করোতি পিটকাং ঘোরাং সর্বগাত্রেষু দেহিনাম্|| তিলসর্ষপমাষাণং নিষ্পাবানাং তথৈব চ| তুল্যপ্রমাণসংস্থানাং দাহজ্বরসমন্বিতাম্|| বিদ্যান্মসূরিকামেতাং পিটকাং রক্তপিত্তজাম্|| ইতি| উরভ্রস্তু নামানুগতরূপভেদেনাস্যা অষ্টবিধত্বমাহ| উক্তঞ্চ- মসূরিকা সর্ষপিকা অজকা কোদ্রবস্তথা| কঙ্গুর্বিস্ফোটকোঽপাকী বিসর্পী চাষ্টমী স্মৃতা|| সোষকণ্ডূজ্বরাং তাম্রাং সূক্ষ্মামাহুর্মসূরিকাম্| সর্ষপাকৃতিতদ্বর্ণাং দাহপাকরুজাবতীম্|| রক্তাভমূত্রাং দুস্সাধাং পিত্তাত্ সর্ষপিকাং জগুঃ| কলাযসদৃশাং গাঢাং শাখাপর্বাস্যশোফিনীম্|| দাহক্লেদব্রণামূচু রজকাং শ্লেষ্মপিত্তজাম্| কোদ্রবং কোদ্রবাকারং রক্তপিত্তসমুদ্ভবম্|| কঙ্গোস্তণ্ডুলসঙ্কাশৈর্নিরন্তরবিসর্পিভিঃ| স্ফোটৈঃ শ্লেষ্মসমুদ্ভূতৈরাপূর্ণং কঙ্গুরিষ্যতে|| অগ্নিদগ্ধৈরিব স্ফোটৈরাকীর্ণঃ কফরক্তজঃ| নির্বিপাকো বিসর্পস্তু বিস্ফোটক ইতি স্মৃতঃ|| অপাকং বিরলং শুষ্কং জাযতে মৃত্যুসন্নিভম্| বিসর্পবত্ সর্পতি সর্বগাত্রে শোফান্বিতা চ জ্বরদাহযুক্তা| বিসর্পিণী কাযসমানবর্ণা কালোপকল্পা কফরক্তজা তু|| বিদাহকম্পাতিরুজাতিসারৈস্তৃষ্ণার্তিহিক্কারুচিকাসমোহৈঃ| যুক্তানি হন্ত্যাশু মসূরিকান্তর্মুখা চ বাহ্যে কিণসন্নিভা চ|| জ্বরাস্যশোষাঙ্গবিমর্দ্দকাসসন্ধিশ্লথত্বারুচিরোমহর্ষাঃ| শিরোর্ত্তিনেত্রামযপীনসাশ্চ মসূরিকাণাং প্রভবন্তি চাগ্রে|| ত্বগক্ষিরোগাপস্মাররাজযক্ষ্মমসূরিকাঃ| দর্শনাত্ স্পর্শনাদ্দানাত্ সঙ্ক্রামন্তি নরান্নরম্|| ইতি| পৃথগ্দোষসংসর্গসন্নিপাতবিষদ্রুমপ্রসবাঘ্রাণজত্বভেদেনাস্যা নববিধত্বমাখ্যাতবান্ ভরদ্বাজঃ| পৃথগ্দোষসন্নিপাতরক্তাগন্তুজত্বভেদেন ষড্বিধত্বমাহ বৃদ্ধকাশ্যপঃ| তত্সর্বং গ্রন্থগৌরবভযাদত্র ন লিখ্যতে|| ১০||

Adhikarana visphoTAH (11) · Śloka 11

ততঃ কষ্টতরাঃ স্ফোটা বিস্ফোটাখ্যা মহারুজাঃ||১১||

ততো মসূরিকাতঃ সর্বেণ প্রকারেণ কষ্টতরা মহারুজাঃ স্ফোটাস্ত আখ্যযা বিস্ফোটাঃ| (কষ্টতরাঃ অতিশযিতপীডাযুক্তাঃ নিরন্তরচিতস্ফোটসর্বাঙ্গতযাঽসনশযনাদ্যেষু কথঞ্চিদলব্ধশর্মতযাঽনল্পবেদনা যুক্তা ইত্যর্থঃ| বিস্ফোটস্য পিত্তজত্বমাহ ভোজঃ- পিত্তং প্রকুপিতং স্থানাত্ত্বচং বাহ্যাং সমাশ্রিতম্| করোতি ত্বগ্গতান্ স্ফোটানগ্নিদগ্ধোপমান্ বহূন্|| সর্বদেহাশ্রযং জন্তোর্জ্বরদাহসমন্বিতান্| নানাপ্রকারসংস্থানান্ বিদ্যাদ্বিস্ফোটকান্নৃপ|| ইতি| জাতূকর্ণেঽপি- উষাচোষপরীদাহ জ্বরাঙ্গসদনান্বিতাঃ| জাযন্তে পিত্তবৈষম্যাদ্বিস্ফোটাঃ সর্বদেহগাঃ|| ইতি|| ১১||

Adhikarana viddhA gardabhI ca (12) · Śloka 12

যা পদ্মকর্ণিকাকারা পিটকা পিটকাচিতা| সা বিদ্ধা বাতপিত্তাভ্যাং তাভ্যামেব চ গর্দভী||১২||

বাতপিত্তাভ্যাং যা পদ্মকর্ণিকাকারা অগ্রে মহতী তনুমূলা পিটকাভিরন্যাভিরাচিতা পিটকা সা নাম্না বিদ্ধা ভবতি| তাভ্যামেবেতি বাতপিত্তাভ্যামেব গর্দভী নাম পিটকা ভবতি| অস্যাঃ পদ্মকর্ণিকাকারত্বং ন ভবতীত্যর্থাত্|| ১২||

Adhikarana maNDalA (13) · Śloka 13

মণ্ডলা বিপুলোত্সন্না সরাগপিটকাচিতা||১৩||

প্রকরণাদ্বাতপিত্তাভ্যামেব যা বিপুলা বিস্তৃতা উত্সন্না প্রাপ্তোত্সেধা সরাগাভিরন্যাভিঃ পিটকাভিশ্চাচিতা সা নাম্না মণ্ডলা||১৩||

Adhikarana kakShyA gandhanAmA ca (14) · Śloka 14

কক্ষ্যেতি কক্ষাসন্নেষু প্রাযো দেশেষু সানিলাত্| পিত্তাদ্ভবন্তি পিটকাঃ সূক্ষ্মা লাজোপমা ঘনাঃ| তাদৃশী মহতী ত্বেকা গন্ধনামেতি কীর্তিতা||১৪||

সানিলাত্ প্রধানাত্ পিত্তাত্ প্রাযঃ কক্ষাসন্নেষু প্রদেশেষু সূক্ষ্মা লাজসদৃশা ঘনাশ্চ পিটকা ভবন্তি স রোগো নাম্না কক্ষ্যা| তাদৃশীতি কক্ষাসন্নেষু সানিলাত্| পিত্তাত্ যা মহত্যেকা পিটকা সা নাম্না গন্ধনামা ইতি কীর্তিতা| (প্রাযঃ শব্দেনাস্যোপেক্ষযা সকলশরীরখ্যাপকত্বং সূচিতম্| কক্ষাসন্নেষু প্রদেশেষু বাহুপার্শ্বাদিষ্বিত্যর্থঃ| উক্তং চ সৌশ্রুতে- বাহুপার্শ্বাংসকক্ষেষু কৃষ্ণাঃ স্ফোটাঃ সুদারুণাঃ| পিত্তপ্রকোপসম্ভূতাঃ কক্ষ্যামিতি বিনির্দিশেত্|| ইতি| তাদৃশীতি| আকৃত্যা কক্ষ্যাসদৃশী| মহতী স্থূলা| একা অদ্বিতীযা| একা তু মহতী ইতি যোজনাযামনেকপিটকামধ্যে একস্যা মহত্ত্বমিতি চ প্রতীযতে| এতমর্থং পিত্তকারণত্বং চাহ ধন্বন্তরিঃ- একামেতাদৃশী দৃষ্ট্বা পিটকাং স্ফোটকাচিতাম্| ত্বগ্গতাং পিত্তকোপেন গন্ধনামাং প্রচক্ষত|| ইতি|| ১৪||

Adhikarana rAjikAH (15) · Śloka 15

ঘর্মস্বেদপরীতেঽঙ্গে পিটকাঃ সরুজো ঘনাঃ| রাজিকাবর্ণসংস্থানপ্রমাণা রাজিকাহ্বযাঃ||১৫||

ঘর্মেণাতপেন স্বেদেন বা পরীতে সমাযুক্তে চাঙ্গে দেহে সরুজত্বাদিগুণা যাঃ পিটকাস্তা নাম্না রাজিকাহ্বযাঃ রাজিকাসংজ্ঞাঃ| রাজিকা রক্তসর্ষপাস্তাভিস্তুল্যং বর্ণাদি যাসাং পিটকানাং তাস্তথোক্তাঃ| (স্বেদঃ স্বেদবিধ্যুক্ততাপোপনাহাদিজনিতঃ| সংস্থানেনৈব প্রমাণসিদ্ধেঃ পুনরপি প্রমাণকথনং প্রমাণাধিক্যে এতদ্ ভ্রান্তিনিরাসার্থম্| অনুক্তকারণত্বাদত্রাপ্যনিলপিত্তজত্বমূহ্যম্)||১৫||

Adhikarana jAlagardabhaH (16) · Śloka 16

দোষৈঃ পিত্তোল্বণৈর্মন্দৈর্বিসর্পতি বিসর্পবত্| শোফো পাকস্তনুস্তাম্রো জ্বরকৃজ্জালগর্দভঃ||১৬||

পিত্তোল্বণৈস্ত্রিভির্দোষৈর্মন্দৈশ্চিরকারিভিঃ ক্রমেণ বিসর্পবত্তনুত্বাদিগুণঃ পাকরহিতশ্চ যঃ শোফো বিসর্পতি ব্যাপ্নোতি স নাম্না জালগর্দভঃ|| ১৬||

Adhikarana agnirohiNI (17) · Śloka 17

মলৈঃ পিত্তোল্বণৈঃ স্ফোটা জ্বরিণো মাংসদারণাঃ| কক্ষ্যাভাগেষু জাযন্তে যেঽগ্ন্যাভাঃ সাঽগ্নিরোহিণী| পঞ্চাহাত্ সপ্তরাত্রাদ্বা পক্ষাদ্বা হন্তি জীবিতম্||১৭||

পিত্তোল্বণৈস্ত্রিভির্দোষৈর্যে জ্বরাদিযুতা মাংসদারণাঃ স্ফোটা বর্ণদাহব্যাপ্ত্যাদিকেনাগ্নিসদৃশাঃ কক্ষ্যাসন্নেষু প্রদেশেষু জাযন্তে সাগ্নিরোহিণীত্যুচ্যতে| সা চাগ্নিরোহিণী দোষকোপবশাত্ পঞ্চাহেন সপ্তরাত্রেণ পক্ষেণ বা জীবিতং হন্তি| (পিত্তোল্বণৈরুদ্রিক্তপিত্তৈর্মলৈর্বাতাদিভিঃ জ্বরিণঃ সজ্বরস্য পুরুষস্য| জ্বরিণ ইতি স্ফোটবিশেষণং বা আমরণান্তং জ্বরকারিণ ইত্যর্থঃ| কক্ষ্যাভাগেষু| অত্র ভাগশব্দস্য বহুবচনোক্ত্যা ন কেবলং কক্ষ্যৈব তত্সমীপবর্তিনোঽন্যেঽপি প্রদেশা গৃহ্যন্তে| উক্তং চ সৌশ্রুতে- স্ফোটাঃ কক্ষংসপার্শ্বেষু জাযন্তে মাংসদারণাঃ| অন্তর্দাহজ্বরাকারা দীপ্তপাবকসন্নিভাঃ|| সপ্তাহাদ্বা দশাহাদ্বা পক্ষাদ্বা ঘ্নন্তি মানবম্| তামগ্নিরোহিণী বিদ্যাদসাধ্যাং সন্নিপাততঃ|| ইতি| মাংসদারিণঃ মাংসদরণশীলাঃ| অনেনৈশামন্তর্মূলত্বং ধ্বন্যতে| আগ্ন্যাভাঃ বর্ণৌষ্ণ্যাদিভিরগ্নিসদৃশাঃ| য এবংবিধা বিস্ফোটা জাযন্তে সা নাম্না অগ্নিরোহিণীতি প্রসিদ্ধা| সা পঞ্চাহাত্ পঞ্চদিবসাত্ পূর্বমিতি শেষঃ| সপ্তরাত্রাত্ সপ্তদিবসাত্ পক্ষাত্পঞ্চদশদিবসাদ্বা জীবিতং নাশযতি| অসাধ্যপ্রকরণাত্পঞ্চ্চাহাদেঃ পরমিতি বা| সন্নিপাতজাযা অপ্যস্যা অসাধ্যমর্যাদাযাস্ত্রৈবিধ্যকথনমেকৈকদোষোদ্রেকাত্| তত্রাশুকারিণঃ পিত্তস্যোদ্রেককথনাত্পিত্তবাতকফজস্থিতিক্রমোঽপি বোদ্ধব্যঃ )|| ১৭||

Adhikarana irigallikA (18) · Śloka 18

ত্রিলিঙ্গা পিটকা বৃত্তা জত্রূর্ধ্বমিরিগল্লিকা||১৮||

জত্রুণ ঊর্ধ্বং ত্রিলিঙ্গা ত্রিদোষলক্ষণা বৃত্তা যা পিটকা সা ইরিগল্লিকেত্যুচ্যতে| (অস্যা অপি সন্নিপাতজত্বাদুগ্ররুগ্জ্বরাদিসহিতত্বং দ্যোত্যতে| উক্তঞ্চ ধন্বন্তরিণা _ পিটকামুত্তমাঙ্গস্থাং বৃত্তামুগ্ররুজাং জ্বরাম্| সর্বাত্মিকাং সর্বলিঙ্গাং জানীযাদিরিগল্লিকাম্|| ইতি|| ১৮||

Adhikarana vidArI (19) · Śloka 19

বিদারীকন্দকঠিনা বিদারী কক্ষবঙ্ক্ষণে||১৯||

কক্ষে বঙ্ক্ষণে বা যা বিদারীকন্দবত্ কঠিনা পিটকা সা বিদারী নাম্না| অত্রাপি ত্রিলিঙ্গত্বমূহ্যম্| উক্তঞ্চ ধন্বন্তরিণা বিদারীকন্দবদ্ধৃত্তা কক্ষবঙ্ক্ষণসন্ধিষু| বিদারিকা সা বিজ্ঞেযা সরুজা সর্বলক্ষণা|| ইতি|| ১৯||

Adhikarana sharkarArbudam (20) · Śloka 20

মেদোঽনিলকর্ফর্গ্রন্থিঃ স্নাযুমাংসসিরাশ্রযৈঃ| ভিন্নো বসাজ্যমধ্বাভং স্রবেত্তত্রোল্বণোঽনিলঃ| মাংসং বিশোষ্য গ্রথিতাং শর্করামুপপাদযেত্| দুর্গন্ধিরুধিরং ক্লিন্নং নানাবর্ণংততো মলাঃ| তাং স্রাবযন্তি নিচিতাং বিদ্যাত্তচ্ছর্করার্বুদম্||২০||

স্নায্বাদ্যাশ্রযৈঃ মেদঃপ্রভৃতিভিঃ প্রথমং গ্রন্থির্ভবতি| ততঃ স এব স্বযং ভিন্নো বসাদিসদৃশং স্রবেত্| তত্র স্রাবযুক্তে গ্রন্থাবনিলো বাযুরুল্বণঃ প্রাপ্তবলো মাংসং বিশোষ্য গ্রথিতাং কঠিনাং শর্করামুপপাদযেত্| ততোঽনন্তরং মলা বাতাদযো নিচিতা বৃদ্ধাঃ সন্তঃ তাং শর্করাং দুর্গন্ধত্বাদিযুক্তং রুধিরং স্রাবযন্তি| তস্য রোগস্য শর্করার্বুদমিতি সংজ্ঞা| (স্নাযুমাংসসিরাশ্রযৈঃ স্নাযুর্মাংসং সিরাশ্চ আশ্রযো যেষাং তৈঃ মেদোঽনিলকফৈঃ কৃতো যো গ্রন্থিঃ স স্বযং ভিন্নঃ বসাজ্যমধ্বাভং বসাঘ্রুতমধুনিভং যত্কিঞ্চিত্ স্রবেত্| তত্র তস্মিন্ কালে অনিল উল্বণঃ আস্রাবাল্লব্ধাবকাশতযা বৃদ্ধিং গতঃ মাংসং বিশোষ্য শোষযিত্বা গ্রথিতাং গ্রথনাত্ কাঠিন্যযুক্তাং শর্করাং শর্করাতুল্যত্বাচ্ছর্করাম্ (শর্করা চরত্কল্ল্) উপপাদযেত্ পরিণামযেত্| ততোঽনন্তরং মলা বাতাদযো (নিচিতামিতি পাঠঃ)| নিচিতাং বৃদ্ধাং তাং শর্করাং দুর্গন্ধি দুর্গন্ধযুক্তং ক্লিন্নং ক্লেদযুক্তং নানাবর্ণং সন্নিপাতজত্বাত্ সঙ্কীর্ণবর্ণং রুধিরং রক্তং স্রাবযন্তি শর্করাতঃ সিরামুখেন স্রাবযন্তীত্যর্থঃ| উক্তঞ্চ দুর্গন্ধং ক্লিন্নমত্যর্থং নানাবর্ণং ততঃ সিরাঃ| স্রবন্তি সহসা রক্তং বিদ্যাত্তচ্ছর্করার্বুদম্|| ইতি| যদেবংবিধং তচ্ছর্করার্বুদং বিদ্যাত্)|| ২০||

Adhikarana valmIkaH (21) · Śloka 21

পাণিপাদতলে সন্ধৌ জত্রূর্ধ্বং বোপচীযতে| বল্মীকবচ্ছনৈর্গ্রন্থিস্তদ্বদ্বহ্বণুভির্মুখৈঃ| রুগ্দাহকণ্ডূক্লেদাড্যৈর্বল্মীকোঽসৌ সমস্তজঃ||২১||

পাণিপাদতলাদিকে গ্রন্থিরুপচযং প্রাপ্নোতি| তদ্বদিতি শর্করার্বুদগ্রন্থ্যুক্তহেতুনা| বল্মীকবত্পিপীলিকাস্থাণুবত্ক্রমবৃদ্ধ্যা চ বহুভিরণুভিশ্চ রুগ্দাহাদ্যাঢ্যৈর্মুখৈরুপলক্ষিতঃ| অসৌ রোগো নাম্না বল্মীকঃ| অস্য পূর্বস্মাদ্বিশেষঃ সমস্তজত্বং সন্নিপাতজত্বম্| (পাণিতলে পাদতলে সন্ধৌ কক্ষাদিকে জত্রূর্ধ্বং জত্রোরুপরি ভাগে বা বল্মীকবত্ বল্মীকসদৃশং গ্রন্থির্গ্রথিতঃ শোফঃ তদ্বদ্বল্মীকবত্ বহ্বণুভিঃ বহুভিরসঙ্খ্যৈরণুভিঃ সূক্ষ্মৈঃ রুগ্দাহকণ্ডূক্লেদাঢ্যৈঃ রুগাদি পরিপূর্ণৈর্মুখৈঃ পূযোদ্গমনদ্বারৈঃ শনৈর্মন্দং মন্দং উপচীযতে উপচযং প্রাপ্নোতি| উপচযো বৃদ্ধিঃ| সমস্তজঃ সন্নিপাতজঃ| অসৌ বল্মীকঃ বল্মীকাখ্যঃ ক্ষুদ্ররোগঃ)|| ২১||

Adhikarana kadaram (22) · Śloka 22

শর্করোন্মথিতে পাদে ক্ষতে বা কণ্টকাদিভিঃ| গ্রন্থিঃ কীলবদুত্সন্নো জাযতে কদরং তু তত্||২২||

শর্করযা শিলাখণ্ডিকযা পাদ উন্মথিতে অথবা কণ্টকাদিভিঃ ক্ষতে কীলবত্ সোত্সেধো গ্রন্থির্জাযতে, তত্তু কদরং নাম্না ভবতি| (শর্করাভিরুন্মথিতে কৃত্তোন্মথনে নিরন্তরনিচিতশর্করাপ্রদেশাটনাদিত্যর্থঃ| কণ্টকাদিভিঃ, আদিশব্দেন নিশিতাগ্রদারুশকলাদিপরিগ্রহঃ| ক্ষতে ব্রণিতে বা শব্দ উন্মথনক্ষতযোর্বিকল্পার্থঃ| পাদে পাদতলে কীলবত্ উত্সন্ন উন্নতঃ গ্রন্থির্জাযতে| কীলসাম্যেন নিখাতকীলবদত্যন্তবেদনাকরত্বং চ দ্যোত্যতে| তত্তু বিশেষে কদরং কদরাখ্যঃ ক্ষুদ্ররোগঃ)|| ২২||

Adhikarana ruddhagudam (23) · Śloka 23

বেগসন্ধারণাদ্বাযুরপানোপানসংশ্রযম্| অণূকরোতি বাহ্যন্তর্মার্গমস্য ততঃ শকৃত্| কৃচ্ছ্রান্নির্গচ্ছতি ব্যাধিরযং রুদ্ধগুদো মতঃ||২৩||

অপানাখ্যো বাযুর্বেগরোধাদ্ধেতোরপানসংশ্রযং গুদসংশ্রযং মার্গং বাহ্যান্তরণূকরোতি সঙ্কোচযতি| ততঃ অণূকরণাদ্ধেতোরস্য পুংসঃ শকৃত্ পুরীষং কৃচ্ছ্রান্নির্গচ্ছতি| অযং ব্যাধির্নাম্না রুদ্ধগুদো মত আচার্যাণাম্ (বেগস্সন্ধারণাত্ অধো বাতপুরীষাদিবেগধারণাত্কুপিতঃ অপানো বাযুর্গুদাশ্রযঃ| অস্য গুদস্য বাহ্যান্তর্মার্গং বলীত্রিতযমিত্যর্থঃ| অপানসংশ্রযঃ ইতি চ পাঠঃ)|| ২৩||

Adhikarana cippam (24) · Śloka 24

কুর্যাত্ পিত্তানিলং পাকং নখমাংসে সরুগ্জ্বরম্| চিপ্পমক্ষতরোগং চ বিদ্যাদুপনখং চ তম্||২৪||

পিত্তানিলং কর্তৃনখমাংসে সরুগ্জ্বরং পাকং কুর্যাত্| তস্য রোগস্য চিপ্পমিত্যক্ষতরোমিত্যুপনখমিতি চ নামত্রযম্| (পিত্তং চানিলশ্চ পিত্তানিলম্| অত্র সর্বোঽপি দ্বন্দ্বঃ সমাহারার্থ একবত্ স্যাদিতি দ্বন্দ্বস্যৈকবদ্ভাবঃ, স নপুংসকমিতি নপুংসকত্বঞ্চ| নখমাংসে নখসম্বন্ধিন্যন্তর্বহিমাংসে সরুগ্জ্বরং রুগ্জ্বরোপেতং পাকং কুর্যাত্| তং রোগং চিপ্পাখ্যমক্ষতরোগাখ্যমুপনখাখ্যঞ্চ বিদ্যাজ্জানীযাত্)||২৪||

Adhikarana kunakhaH (25) · Śloka 25

কৃষ্ণোঽভিঘাতাদ্রূক্ষশ্চ খরশ্চ কুনখো নখঃ||২৫||

অভিঘাতাদ্ধেতোর্যঃ কৃষ্ণো রূক্ষঃ খরশ্চ নখো ভবতি স রোগো নাম্না কুনখো ভবতি| (স্খলনশিলাদার্বাদিপতনজনিতাদভিঘাতাদ্ধেতোঃ)|| ২৫||

Adhikarana alasam (26) · Śloka 26

দুষ্টকর্দমসংস্পর্শাত্ কণ্ডূক্লেদান্বিতান্তরাঃ| অঙ্গুল্যোঽলসমিত্যাহুঃ ..........................||২৬||

দুষ্টকর্দমস্য সংস্পর্শাত্ কণ্ড্বাদিযুতা অঙ্গুল্যঃ অলসমিত্যাহুঃ| (দুষ্টকর্দমসংস্পর্শাত্ কৃম্যাদিদূষিতমলমযপঙ্কস্পর্শশীলনাত্| অত্র কফপিত্তকারণত্বং শাস্ত্রান্তরাদবগন্তব্যম্| উক্তঞ্চ দুষ্টকর্দমসংস্পর্শাত্ পাদাঙ্গুল্যন্তরে ব্রণম্| কণ্ডূষাক্লেদকোথাড্যং স পিত্তঃ কুরুতে কফঃ|| ইতি|| ২৬||

Adhikarana tilakAlakAdirogAH (27) · Śloka 27

........................তিলাভাংস্তিলকালকান্| কৃষ্ণানবেদনাংস্ত্বক্স্থান্ মশাংস্তানেব চোন্নতান্| মশেভ্যস্তূন্নততরান্ চর্মকীলান্ সিতাসিতান্| তথাবিধো জতুমণিঃ সরুজো লোহিতস্তু সঃ||২৭||

কৃষ্ণাদিগুণান্ ত্বক্স্থান্ তিলাভান্ তিলকালকানাহুঃ| (তিলাভান্ তিলপ্রমাণান্| উক্তঞ্চ শাস্ত্রান্তরে কৃষ্ণাস্তিলপ্রমাণা যে নীরুজাঃ পিটকাঃ সমাঃ| বাতপিত্তপ্রকোপেন তান্ বিদ্যাত্তিলকালকান্|| ইতি)| উন্নতাংস্তানেব মশানাহুঃ| (উন্নতান্ কিঞ্চিদুত্সন্নান্ তাংস্তিলকালকান্ এব শব্দেনাকৃতিমাত্রস্য বিশেষ ইতি দ্যোত্যতে| উক্তঞ্চ অবেদনং স্থিরং চৈব যত্তু গাত্রে প্রজাযতে| মাষবত্কৃষ্ণমুত্সন্নং তদ্বাতান্মশমাদিশেত্|| ইতি)| তেভ্যোঽপ্যুন্নততরান্ সিতাসিতান্ চর্মকীলানাহুঃ| (সিতাসিতান্ কাংশ্চিত্ সিতান্ কাংশ্চিদসিতান্| অর্শোনিদানোক্তচর্মকীলান্তু সিতাসিতত্ববিশেষঃ)| তথাবিধঃ সরুজো লোহিতশ্চ যঃ স নাম্না জতুমণীঃ| (তথাবিধঃ চর্মকীলতুল্যঃ| সহজো লোহিত ইতি চ পাঠঃ| স জতুর্মণিস্তু বিশেষে| সহজঃ দেহেন সহজাতশ্চেল্লোহিতো রক্তবর্ণঃ)|| ২৭||

Adhikarana lA~jchanam (28) · Śloka 28

কৃষ্ণং সিতং বা সহজং মণ্ডলং লাঞ্ছনং সমম্||২৮||

শরীরে যত্কৃষ্ণং বা সিতং বা সহজং সমং মণ্ডলং তল্লাঞ্ছ নমিত্যুচ্যতে| (সহজাতং সহজম্| সমং নিম্নোন্নতরহিতম্)|| ২৮||

Adhikarana vya~ggaM nIlikA ca (29) · Śloka 29

শোকক্রোধাদিকুপিতাদ্বাতপিত্তান্মুখে তনু| শ্যামলং মণ্ডলং ব্যঙ্গং বক্ত্রাদন্যত্র নীলিকা||২৯||

শোকাদিকুপিতাদ্বাতপিত্তাত্তনুত্বাদিগুণং যন্মুখে মণ্ডলং তন্নাম্না ব্যঙ্গম্| তদেব বক্ত্রাদন্যত্র দেশে স্থিতং নীলিকেতি নাম লভতে| সা চ স্বরূপাবিশেষান্ন রোগান্তরম্| (ব্যঙ্গনীলিকযোঃ সংজ্ঞাভেদস্য স্থানমাত্রজনিতত্বাদ্বক্ষ্যমাণাষট্ত্রিংশত্সংখ্যাযামেকত্বেনৈব সংখ্যানং কার্যম্, ন পৃথক্ত্বেন|| ২৯||

Adhikarana doShavibhAgena vya~ggalakShaNam (30) · Śloka 30

পরুষং পরুষস্পর্শং ব্যঙ্গং শ্যাবং চ মারুতাত্| পিত্তাত্তাম্রান্তমানীলং শ্বেতান্তং কণ্ডুমত্কফাত্| রক্তাদ্রক্তান্তমাতাম্রং সোষং চিমিচিমাযতে||৩০||

তদ্ব্যঙ্গং মারুতাত্পরুষাদিরূপং তাম্রপর্যন্তমানীলঞ্চ পিত্তাত্| শ্বেতপর্যন্তং কণ্ডুমচ্চ কফাত্| রক্তপর্যন্তাদিরূপং রক্তাদ্ব্যঙ্গং ভবতি| সহ ঊষেণ স্বেদারতিমতা প্রাদেশিকেন দাহেন বর্তত ইতি সোষম্| (পিত্তানিলজে ব্যঙ্গে কফরক্তযোরুদ্রেককথনমযুক্তমিতি চেদ্ ব্রূমঃ'আশ্রযিভাবনতোঽপি হ্যাশ্রযদোষাশ্রযাদ্রুধিরম্| ব্যঙ্গেঽনিলপিত্তকৃতেঽপ্যাধিক্যেন দর্শযেদ্রূপমি' ত্যাদিবচনাত্তদপি যুক্তমেব|| ৩০||

Adhikarana prasuptiH (31) · Śloka 31

বাযুনোদীরিতঃ শ্লেষ্মা ত্বচং প্রাপ্য বিশুষ্যতি| ততস্ত্বগ্জাযতে পাণ্ডুঃ ক্রমেণ চ বিচেতনা| অল্পকণ্ডূরবিক্লেদা সা প্রসুপ্তিঃ প্রসুপ্তিতঃ||৩১||

বাযুনা উদীরিতঃ স্থানাত্ ক্ষিপ্তঃ শ্লেষ্মা ত্বচং প্রাপ্য বাযুনৈব শুষ্যতি| ততস্ত্বক্ পাণ্ডুত্বাদিগুণা জাযতে সম্পদ্যতে| সা প্রসুপ্তিতঃ অচৈতন্যাদ্ধেতোঃ প্রসুপ্তিরিত্যুচ্যতে| (ততস্তস্মাদ্ধেতোঃ ত্বক্ পাণ্ডুঃ পাণ্ডুরবর্ণা ক্রমেণ বিচেতনা চ ভবতি| যদা যদা পবনো দীরিতেন ত্বগ্গতেন শুষ্কেণ শ্লেষ্মণা ত্বক্পূর্যতে তদা তদা নিরবকাশতযা তত্র রক্তাদিবহনাভাবাচ্চেতনাহানিঃ স্যাদিতি ক্রমার্থঃ| ত্বচশ্চেতনা স্পর্শবিজ্ঞানং তেন হীনা বিচেতনা)|| ৩১||

Adhikarana utkoThaH koThashca (32) · Śloka 32

অসম্যগ্বমনোদীর্ণপিত্তশ্লেষ্মান্ননিগ্রহৈঃ| মণ্ডলান্যতিকণ্ডূনি রাগবন্তি বহূনি চ| উত্কোঠঃ সোঽনুবন্ধস্তু কোঠ ইত্যভিধীযতে||৩২||

অসম্যগ্বমনেনোদীর্ণযোঃ পিত্তশ্লেষ্মণোরন্নস্য চ নিগ্রহেণ বেগধারণেন দেহেঽতিকণ্ডুত্বাদিযুক্তানি মণ্ডলানি ভবন্তি| এষ চ রোগ উত্কোঠ ইত্যভিধীযতে| স এবানুবন্ধঃ সন্ কোঠসংজ্ঞাং লভতে| (অল্পবীর্যেণাল্পমাত্রেণ বা বমনদ্রব্যেণ কৃতং বমনমসম্যগ্বমনং তেনান্তঃসঞ্চিতমলনির্হর্তুমসমর্থতযা উন্মুখীকরণমুদীর্ণতা| পিত্তশ্লেষ্মণোর্নিগ্রহঃ পুনর্বমনবিরেচনাভাবঃ| অন্ননিগ্রহ উপবাসঃ| স এবোত্কোঠো জ্বরাদ্যনুবন্ধযুক্তশ্চেত্ কোঠঃ| মণ্ডলানামেবান্যোন্যানুবন্ধ ইতি কেচিত্)|| ৩২||

Adhikarana uktarogANAM sa~gkhyAnam (33-36) · Śloka 36

প্রোক্তাঃ ষট্ত্রিংশদিত্যেতে ক্ষুদ্ররোগা বিভাগশঃ| যান্ বিজ্ঞায ন সম্মুহ্যেচ্চিকিত্সাযাং চিকিত্সকঃ||৩৩|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে ক্ষুদ্ররোগ বিজ্ঞানীযো নাম ষট্ত্রিংশোঽধ্যাযঃ||৩৬||

ইত্যন্তরোক্তপ্রকারেণ এতে অজগল্লিকা- যবপ্রখ্যা-অলজীকচ্ছপী-পনসিকা-পাষাণগর্দভ-মুখদূষিকা-পদ্মকণ্টকবিবৃতা-মসূরিকা-বিস্ফোট-বিদ্ধা-গর্দভী-মণ্ডলা-কক্ষ্যা-গন্ধনামা-রাজিকা-জালগর্দভা-অগ্নিরোহিণী-ইরিবেল্লিকা-বিদারী-শর্করার্বুদ-বল্মীক-কদর-রুদ্ধগুদ-চিপ্প-কুনখা-আলসতিলকালক-মশ-চর্মকীল-জতুমণি-লঞ্ছন-ব্যঙ্গ-প্রসুপ্তি-উত্কোঠাখ্যাঃ ষট্ত্রিংশত্ক্ষুদ্ররোগা বিভাগশ উক্তাঃ| যান্ বিজ্ঞাযভিষক্ চিকিত্সাযাং ন সম্মুহ্যেদিতি|| ৩৩|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে ষট্ত্রিংশোঽধ্যাযঃ