Adhikarana atha sadyovraNapratiShedho nAmaikatriMsho~adhyAyaH - pratij~jA (1) · Śloka 1
অথাতঃ সদ্যোব্রণপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः सद्योव्रणप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
নিজব্রণমুক্ত্বাঽঽগন্তুব্রণনিশ্চযাযাঽধ্যায আরভ্যতে||১||
Adhikarana viShaye~asminnatItAvekShaNam (2) · Śloka 2
আগন্তোর্ব্রণস্য প্রাগুপদিষ্টঃ সম্ভবঃ| তত্র তত্র যথা- যথং প্রতীকারশ্চ||২||
आगन्तोर्व्रणस्य प्रागुपदिष्टः सम्भवः| तत्र तत्र यथा- यथं प्रतीकारश्च||२||
🔊 Audio coming soon
আগন্তোর্ব্রণস্য ব্রণবিভক্তিবিজ্ঞানীযে সম্ভব উপদিষ্টঃ শস্ত্রাদিনা| তত্র চ সূত্রচিকিত্সিতাদৌ যথাযথং প্রতীকারশ্চোপদিষ্টঃ||২||
Adhikarana kShatasya traividhyam (3) · Śloka 3
বিবিধাভিঘাতজনিতৈস্তু সবহ্বাকৃতিভিরপি সদ্যোব্রণৈরধিষ্ঠিতমঙ্গং সমাসাত্ ত্রিবিধং ভবতি ছিন্নং বিদ্ধং পিচ্চিতং চ| ত্রিবিধমপি চৈতত্ত্বগাদিক্ষণনাত্ ক্ষতমিত্যুচ্যতে||৩||
विविधाभिघातजनितैस्तु सबह्वाकृतिभिरपि सद्योव्रणैरधिष्ठितमङ्गं समासात् त्रिविधं भवति छिन्नं विद्धं पिच्चितं च| त्रिविधमपि चैतत्त्वगादिक्षणनात् क्षतमित्युच्यते||३||
🔊 Audio coming soon
বিবিধাকৃতিভিরঘাতৈর্জনিতত্বাত্ সুহ্বাকৃতিভিরধিষ্ঠিতমঙ্গং সমাসাত্ সংক্ষেপতস্ত্রিবিধং ভবতি ছিন্নাদিভেদেন| ছিন্নং দ্বিধাভূতম্| বিদ্ধং ছিদ্রিতম্| প্রহারেণ পীডনেন বা চূর্ণিকৃতং পিচ্চিতম্| এতচ্চ ত্রযমপি ত্বগাদিক্ষণনাত্ ক্ষতমিত্যুচ্যতে||৩||
Adhikarana chinnasya pa~jcavidhatvam (4) · Śloka 4
তত্র ছিন্নং পঞ্চধা ভিদ্যতে| তদ্যথা-ত্বক্ছেদে ঘৃষ্টম্| কিঞ্চিন্মাংসস্যাপ্যবকৃত্তম্| তস্যৈবাবগাঢস্য বিশেষেণ বিশালমাযতং চ বিচ্ছিন্নম্| কিঞ্চিছেষেষ্বস্থিস্নায্বাদিষু বিলম্বিতম্| অশেষাঙ্গচ্ছেদে পাতিতম্||৪||
तत्र छिन्नं पञ्चधा भिद्यते| तद्यथा-त्वक्छेदे घृष्टम्| किञ्चिन्मांसस्याप्यवकृत्तम्| तस्यैवावगाढस्य विशेषेण विशालमायतं च विच्छिन्नम्| किञ्चिछेषेष्वस्थिस्नाय्वादिषु विलम्बितम्| अशेषाङ्गच्छेदे पातितम्||४||
🔊 Audio coming soon
তত্রেত্যাদি সুবোধম্| তদ্যথেত্যাদিনা পঞ্চানাং ভেদানাং নাম চ লক্ষণং চ| ত্বঙ্মাত্রবিচ্ছেদে ঘৃষ্টমুচ্যতে| মাংসস্যাপি কিঞ্চিদ্বিচ্ছেদে অবকৃতং ভবতি| তস্যৈব মাংসস্যাবগাঢস্যাতিপ্রবিষ্টস্য প্রহারবিষেণ বিশালং বিস্তীর্ণমাযতং দীর্ঘং চ যদ্ভবতি তন্নাম্না বিচ্ছিন্নম্| অস্থ্যাদিষু স্তোকমাত্রযাঽবশেষেষু যদ্ভবতি তন্নাম্না বিলম্বিতম্| অশেষাঙ্গস্য বিচ্ছেদে সতি পাতিতং ভবতি| ইতি পঞ্চধা ছিন্নম্||৪||
Adhikarana viddhasyAShTavidhatvam (5) · Śloka 5
বিদ্ধং ত্বষ্টবিধম্| তত্র মাংসমনুপ্রাপ্তে শলেয্ঽনুবিদ্ধম্| দ্বিতীযে পার্শ্বে ত্বচমুন্নাম্যোত্তুণ্ডিতম্| কিঞ্চিন্নিস্সৃতেঽতিবিদ্ধম্| সর্বথা নিস্সৃতে নির্বিদ্ধম্| এতদেব চতুর্বিধং কোষ্ঠে পৃথুমুখৈর্বা প্রহরণৈঃ কুন্তাদিভির্বিদ্ধমনু ভিন্নং ভিন্নোত্তুণ্ডিতমতিভিন্নং নির্ভিন্নমিতি চ সংজ্ঞা লভতে||৫||
विद्धं त्वष्टविधम्| तत्र मांसमनुप्राप्ते शलेय्ऽनुविद्धम्| द्वितीये पार्श्वे त्वचमुन्नाम्योत्तुण्डितम्| किञ्चिन्निस्सृतेऽतिविद्धम्| सर्वथा निस्सृते निर्विद्धम्| एतदेव चतुर्विधं कोष्ठे पृथुमुखैर्वा प्रहरणैः कुन्तादिभिर्विद्धमनु भिन्नं भिन्नोत्तुण्डितमतिभिन्नं निर्भिन्नमिति च संज्ञा लभते||५||
🔊 Audio coming soon
বিদ্ধং পুনরনুবিদ্ধমিত্যাদিনা চতুর্বিধং কোষ্ঠেঽনুভিন্নমিত্যাদিনা চতুর্বিধমিত্যষ্টবিধম্| তত্রেত্যাদিনাষ্টৌ ভেদা উচ্যন্তে| মাংসমনুপ্রাপ্তে শল্যে যদ্বিদ্ধং তদনুবিদ্ধমুচ্যতে| যতঃ প্রবিষ্টং ততো দ্বিতীযপার্শ্বেন ত্বচ্চমুন্নাম্যোত্তুণ্ডিতং ত্বগুন্নামেনানুমিতমনিস্সৃতশল্যমুখং যদ্বিদ্ধং তন্নাম্নোত্তুণ্ডিতম্| ত্বচমপি বিপাট্য কিঞ্চিন্নিঃসৃতে শল্যে তন্নম্নাতিবিদ্ধম্| একতঃ প্রবিষ্টেঽন্যতঃ সর্বথা নির্গতে শল্যে যদ্বিদ্ধং তন্নাম্না নির্বিদ্ধম্| এতদেবানুবিদ্ধমিত্যাদিনা চতুর্বিধম্| কোষ্ঠে বা ভূতমন্যস্মিন্নঙ্গে বা পৃথুমুখৈর্বা কুন্তাদিভিঃ প্রহরণৈর্ভূতং ক্রমেণানুভিন্নভিন্নোত্তুণ্ডিতাতিভিন্ননির্ভিন্নাখ্যং সংজ্ঞাচতুষ্টযং চ লভতে| তেন পূর্বচতুষ্টযং কোষ্ঠবর্জিতেঽঙ্গে লঘুমুখশল্যকৃতং ভবতীত্যুক্তমিত্যষ্টৌ বিদ্ধভেদাঃ| (কোষ্ঠাদন্যত্র স্থূলাস্যশল্যবিদ্ধং কোষ্ঠে উভযথা বিদ্ধং চ ভিন্নাদিসংজ্ঞকম্||৫||
Adhikarana piccitasya dvaividhyam (6) · Śloka 6
যত্ পুনঃ প্রহারেণ পীডনেন বা গাত্রমস্থিযুক্তমসৃঙ্মজ্জপ্লুতং পৃথুতামাপদ্যতে তত্ পিচ্চিতম্| তদ্ দ্বিবিধম্| সব্রণমব্রণঞ্চ| তত্র সব্রণমুক্তম্| অব্রণং পুনর্ভঙেষূপদেক্ষ্যতে||৬||
यत् पुनः प्रहारेण पीडनेन वा गात्रमस्थियुक्तमसृङ्मज्जप्लुतं पृथुतामापद्यते तत् पिच्चितम्| तद् द्विविधम्| सव्रणमव्रणञ्च| तत्र सव्रणमुक्तम्| अव्रणं पुनर्भङेषूपदेक्ष्यते||६||
🔊 Audio coming soon
যত্ পুনর্গাত্রং মুদ্গরাদিপ্রহারেণ বা যন্ত্রপীডনেন বা অস্থিযুক্তমসৃঙ্মজ্জপ্লুতং চানু পৃথুতাং বিস্তীর্ণতামাপন্নং তত্ পিচ্চিতং গাত্রমুচ্যতে| তচ্চ পিচ্চিতং সব্রণাব্রণভেদেন দ্বিবিধম্| তত্র যত্সব্রণং পিচ্চিতং তত্সম্প্রত্যেব পিচ্চিতলক্ষণেনোক্তম্| অব্রণন্তু ভঙ্গপ্রকারত্বাত্ ভঙ্গেষূপদেক্ষ্যতে||৬||
Adhikarana sadyovraNacikitsA sAptAhiko vidhiH (7) · Śloka 7
ভবতি চাত্র সদ্যঃ সদ্যোব্রণং সিঞ্চেদ্যষ্টীমধুকসর্পিষা| তীব্রব্যথং কবোষ্ণেন বলাতৈলেন বা পুনঃ| ক্ষতোষ্মণো নিগ্রহার্থং তত্কালবিসৃতস্য চ| কষাযশীতমধুরস্নিগ্ধা লেপাদযো হিতাঃ| সদ্যোব্রণেষ্বাযতেষু সন্ধানার্থং বিশেষতঃ| মধুসর্পির্প্রযুঞ্জীত পিত্তঘ্নীংশ্চ হিমাঃ ক্রিযাঃ| সসংরম্ভেষু কর্ত্তব্যমূর্ধ্বং চাধশ্চ শোধনম্| উপবাসো হিতং ভক্তং প্রততং রক্তমোক্ষণম্| ঘৃষ্টপিচ্চিতযোরেষ সুতরামিষ্যতে বিধিঃ| তযোর্হ্যল্পং স্রবত্যস্রং পাকস্তেনাশু জাযতে| অত্যর্থমস্রং স্রবতি প্রাযশোঽন্যত্র বিক্ষতে| ততো রক্তক্ষযাদ্বাযৌ কুপিতেঽতিরুজাকরে| স্নেহবস্তিঞ্চ কুর্বীত বাতঘ্নৌষধসাধিতম্| ইতি সাপ্তাহিকঃ প্রোক্তঃ সদ্যোব্রণহিতো বিধিঃ| সপ্তাহাত্ গতবেগে তু পূর্বোক্তং বিধিমাচরেত্||৭||
भवति चात्र सद्यः सद्योव्रणं सिञ्चेद्यष्टीमधुकसर्पिषा| तीव्रव्यथं कवोष्णेन बलातैलेन वा पुनः| क्षतोष्मणो निग्रहार्थं तत्कालविसृतस्य च| कषायशीतमधुरस्निग्धा लेपादयो हिताः| सद्योव्रणेष्वायतेषु सन्धानार्थं विशेषतः| मधुसर्पिर्प्रयुञ्जीत पित्तघ्नींश्च हिमाः क्रियाः| ससंरम्भेषु कर्त्तव्यमूर्ध्वं चाधश्च शोधनम्| उपवासो हितं भक्तं प्रततं रक्तमोक्षणम्| घृष्टपिच्चितयोरेष सुतरामिष्यते विधिः| तयोर्ह्यल्पं स्रवत्यस्रं पाकस्तेनाशु जायते| अत्यर्थमस्रं स्रवति प्रायशोऽन्यत्र विक्षते| ततो रक्तक्षयाद्वायौ कुपितेऽतिरुजाकरे| स्नेहबस्तिञ्च कुर्वीत वातघ्नौषधसाधितम्| इति साप्ताहिकः प्रोक्तः सद्योव्रणहितो विधिः| सप्ताहात् गतवेगे तु पूर्वोक्तं विधिमाचरेत्||७||
🔊 Audio coming soon
সদ্যোব্রণং যষ্টীমধুকসিদ্ধেন তচ্চূর্ণযুক্তেন বা সর্পিষা সদ্য এব সিঞ্চেত্| অথবা তীব্রব্যথং সদ্যোব্রণং কোষ্ণেন গর্ভব্যাপচ্চারিরোক্তেন বলাতৈলেন সিঞ্চেত্| পুনঃ ক্ষতোষ্মণঃ অভিঘাতজস্যোষ্মণস্তত্কালবিসৃতস্য নিগ্রহার্থং কষাযাদিগুণা লেপাদযো হিতাঃ| আযতেষু পুনঃ সদ্যোব্রণেষু বিশেষতঃ সন্ধানার্থং মধসর্পিঃ প্রযুঞ্জীত| সর্বাশ্চ পিত্তঘ্নীঃ ক্রিযাঃ শীতাঃ সন্ধানার্থং প্রযুজ্ঞীত| (অত্র বিশেষকথনাত্ মধুসর্পিষঃ সর্বেষু ব্রণেষূপযোজ্যত্বং সূচিতম্| পিত্তঘ্নীশ্চেতি চ শব্দাদ্রক্তপ্রসাদনং চ )| সসংরম্ভেষু সংরম্ভযুক্তেষু ব্রণেষূর্ধ্বমধশ্চ বমনবিরেচনাভ্যাং শোধনং কর্তব্যম্| উপবাসশ্চ কর্তব্যঃ| হিতং পথ্যং ভক্তং ভোজনং সন্ততং রক্তমোক্ষণং চ কর্তব্যম্| এষ চ শোধনাদিকো বিধির্ঘৃষ্টে পিচ্চিতে চ সুতরামিষ্যতে| যতস্তযোর্ঘৃষ্টপিচ্চিতযোঃ স্বভাবাদেবাল্পমস্রং স্রবতি তেন হেতুনা স্রুতশিষ্টেনাস্রেণাশু পাকো জাযতে| তস্মাত্ পাকরক্ষণার্থং শোধনাদিকং কুর্যাদিত্যর্থঃ| পুনশ্চ ঘৃষ্টাত্ পিচ্চিতাচ্চান্যস্মিন্ বিক্ষতে প্রাযোঽত্যর্থমস্রং স্রবতি ততো হেতো রক্তক্ষযাদ্বাযৌ কুপিতেঽতিরুজাকরে চ সতি স্নেহপানাদিকং বাতঘ্নৌষধসাধিতং স্নেহবস্তিং চ কুর্বীত| ইত্যনন্তরোক্তপ্রকারেণ সদ্যোব্রণহিতো বিধিঃ সাপ্তাহিকঃ প্রোক্তঃ| সপ্তাহং প্রযোজনং যস্যাসৌ সাপ্তাহিকঃ| ততঃ সপ্তাহাদনন্তরং গতবেগে পূর্বোক্তমনন্তরাধ্যাযোক্তং বিধিমাচরেত্|| ৭||
Adhikarana duShTavraNe sAmAnyakarma (8) · Śloka 8
ক্ষালনাভ্যঙ্গলেপেষু তস্মিন্ দুষ্টে প্রযোজযেত্| আরগ্বধাদিকং বর্গং সুরসাদিং চ শোধনম্| কল্কস্রিবৃত্তিলৈরণ্ডপত্রৈর্যোজ্যঃ সসৈন্ধবৈঃ| বাতিকে পৈত্তিকে কুম্ভযষ্ট্যাহ্বরজনীতিলৈঃ| শ্লৈষ্মিকে তিলতেজোহ্বানিকুম্ভস্বর্জিকাগ্নিকৈঃ| এষ দুষ্টব্রণবিধিঃ কুষ্ঠমেহব্রণেষ্বপি| প্রাযঃ সামান্যকর্মেদং .......................||৮||
क्षालनाभ्यङ्गलेपेषु तस्मिन् दुष्टे प्रयोजयेत्| आरग्वधादिकं वर्गं सुरसादिं च शोधनम्| कल्कस्रिवृत्तिलैरण्डपत्रैर्योज्यः ससैन्धवैः| वातिके पैत्तिके कुम्भयष्ट्याह्वरजनीतिलैः| श्लैष्मिके तिलतेजोह्वानिकुम्भस्वर्जिकाग्निकैः| एष दुष्टव्रणविधिः कुष्ठमेहव्रणेष्वपि| प्रायः सामान्यकर्मेदं .......................||८||
🔊 Audio coming soon
তস্মিন্নিতি ব্রণে দুষ্টে সামান্যেনারগ্বধাদিবর্গং সুরসাদিবর্গং চ ক্ষালনাদিষু শোধনং যুঞ্জ্যাত্| বাতিকে ব্রণে ত্রিবৃদাদিভিঃ কল্কো যোজ্যঃ পৈত্তিকে কুম্ভাদিভিঃ| শ্লৈষ্মিকে তিলাদিভিঃ| এষ চ বাতাদিদুষ্টব্রণবিধিঃ কুষ্ঠব্রণেষ্বপি যোজ্যঃ মেহব্রণেষ্বপি পিটকাজেষু| ইদং চ কর্ম বেগানন্তরমুক্তং তত্ প্রাযঃ সামান্যতঃ সাধারণতযা বিজ্ঞেযম্||৮||
Adhikarana Cinne visheShakarma (9) · Śloka 9
....................... বক্ষ্যতে তু পৃথক্ পৃথক্| ঘৃষ্টে রুজং নিগৃহ্যাশু ব্রণে চূর্ণানি নিক্ষিপেত্| কল্কাদীন্যবকৃত্তে তু বিচ্ছিন্নপ্রবিলম্বিনোঃ| সীবনং বিধিনোক্তেন বন্ধনং চানুপীডনম্||৯||
....................... वक्ष्यते तु पृथक् पृथक्| घृष्टे रुजं निगृह्याशु व्रणे चूर्णानि निक्षिपेत्| कल्कादीन्यवकृत्ते तु विच्छिन्नप्रविलम्बिनोः| सीवनं विधिनोक्तेन बन्धनं चानुपीडनम्||९||
🔊 Audio coming soon
যত্তু বিশেষেষু তদ্বক্ষ্যতে ঘৃষ্ট ইত্যাদিনা| ঘৃষ্টে ব্রণে পূর্বোক্তেন যষ্টীমধুকসর্পিষা রুজং নিগৃহ্য যথাযথং চূর্ণানি যোজযেত্| অবকৃতে তু রুজং নিগৃহ্য কল্কাদীনি| বিচ্ছিন্নে প্রবিলম্বিনি চ সীবনাদিকং যোজযেত্ সূত্রস্থানোক্তেন বিধিনা||৯||
Adhikarana netravraNe karmavisheShaH (10) · Śloka 10
অসাধ্যং স্ফুটিতং নেত্রমুদীর্ণং লম্বতে তু যত্| সন্নিবেশ্য যথাস্থানমব্যাবিদ্ধসিরং ভিষক্| পীডযেত্ পাণিনা পদ্মপত্রব্যবহিতেন তত্| ততোঽস্য সেচনে নস্যে তর্পণে চ হিতং হবিঃ| বিপক্বমাজং যষ্ট্যাহ্বজীবকর্ষভকোল্পলৈঃ| সপযস্কৈঃ পরং তদ্ধি সর্বনেত্রাভিঘাতজিত্| গলপীডাবসন্নেঽক্ষ্ণি বমনোত্কাসনক্ষবাঃ| প্রাণাযামোঽথবা কার্যঃ ক্রিযা চ ক্ষতনেত্রবত্||১০||
असाध्यं स्फुटितं नेत्रमुदीर्णं लम्बते तु यत्| सन्निवेश्य यथास्थानमव्याविद्धसिरं भिषक्| पीडयेत् पाणिना पद्मपत्रव्यवहितेन तत्| ततोऽस्य सेचने नस्ये तर्पणे च हितं हविः| विपक्वमाजं यष्ट्याह्वजीवकर्षभकोल्पलैः| सपयस्कैः परं तद्धि सर्वनेत्राभिघातजित्| गलपीडावसन्नेऽक्ष्णि वमनोत्कासनक्षवाः| प्राणायामोऽथवा कार्यः क्रिया च क्षतनेत्रवत्||१०||
🔊 Audio coming soon
বিচ্ছিন্নপ্রবিলম্বিপ্রসঙ্গান্নযনযোর্বিচ্ছিন্নস্যাসাধ্যত্বং প্রবিলম্বিনঃ স্থাপনোপাযং চ দর্শযতি| নেত্রং তু যত্প্রহারেণ স্ফুটিতং মধ্যেন তদসাধ্যম্| যত্তু নেত্রমভিহতমুদীর্ণং স্থানাত্ পরিভ্রষ্টং সল্লম্বতে তন্নেত্রং যথাপূর্বস্থানং সন্নিবেশ্যাদ্ব্যাবিদ্ধসিরম্ কৃত্বা ভিষক্ পদ্মপত্রব্যবহিতেন পাণিনা পীডযেত্| ততঃ পীডনাদনন্তরং অস্যাভিহতাক্ষস্য আজং হবির্ঘৃতং যষ্ট্যাদিভিঃ সক্ষীরৈর্বিপক্বং সিদ্ধং সেচনাদিষু হিতম্| তদ্ধি যষ্ট্যাদিহবিঃ সর্বনেত্রাভিঘাতজিত্| গলপীডনেনাত্যবসন্নেঽক্ষ্ণি বমনাদযো যোজ্যাঃ| প্রাণাযামোঽথ বা কার্যঃ| অনন্তরোক্তক্ষতনেত্রবচ্চ ক্রিযা কার্যা| (অত্র প্রাণাযামশব্দেন শ্বাসনিরোধমাত্রমেব গৃহ্যতে| প্রাণাযামেন রুদ্ধোন্তরাধ্মাতো বাযুর্বহির্গন্তুং মার্গং মার্গযন্ নেত্রশ্রোতাদিস্রোতাংস্যাপূর্য তত্রস্থানাচ্চলিতেন নেত্রাদ্যবযবেন রুদ্ধো নিম্নং তদেবোন্নমযেত্) ||১০||
Adhikarana karNacchede karmavisheShaH (11) · Śloka 11
কর্ণে স্থানাচ্চ্যুতে স্যূতে স্রোতস্তৈলেন পূরযেত্||১১||
कर्णे स्थानाच्च्युते स्यूते स्रोतस्तैलेन पूरयेत्||११||
🔊 Audio coming soon
কর্ণৌ যদা প্রহারাদিনা বন্ধনস্থানাচ্চ্যুতো ভবতি তদা তস্মিন্ যথাস্থানং নিবেশ্য স্যূতে সতি কর্ণস্রোতস্তৈলেন পূরযেত্||১১||
Adhikarana kRukATikAcCede karma (12) · Śloka 12
কৃকাটিকাযাং ছিন্নাযাং নির্গচ্ছত্যপি মারুতে| সমং নিবেশ্য বধ্নীযাত্স্যূত্বা শীঘ্রং নিরন্তরম্| আজেন সর্পিষা চাত্র পরিষেকঃ প্রশস্যতে| উত্তানোন্নানি ভুঞ্জীত শযীত চ সুযন্ত্রিতঃ||১২||
कृकाटिकायां छिन्नायां निर्गच्छत्यपि मारुते| समं निवेश्य बध्नीयात्स्यूत्वा शीघ्रं निरन्तरम्| आजेन सर्पिषा चात्र परिषेकः प्रशस्यते| उत्तानोन्नानि भुञ्जीत शयीत च सुयन्त्रितः||१२||
🔊 Audio coming soon
কুকাটিকা তু যদা ছিন্না ভবতি তদা মারুতেঽপি নির্গচ্ছত্যবশ্যং শীঘ্রং সমং নিবেশ্য নিরন্তরং চ স্যূত্বা বধ্নীযাত্| আজেনেত্যাদি সুবোধম্| (পূর্বং শস্ত্রকর্মবিধৌ বাযুনির্বামিণঃ শল্যগর্ভাদিনা সামান্যেন নিষিদ্ধসীবনস্যাত্র সীবনকথনং স্থানবিশেষেণ বিশেষবিধিস্তেন ন পূর্বাপরব্যাঘাত ইতি প্রদর্শযিতুমপিশব্দঃ| শীঘ্রমাশ্বেব সমং যথাস্থানং নিবেশ্য মারুতনির্গমননিরোধার্থং নিরন্তরং স্যূত্বা সূত্রোদিতবিধানেন বধ্নীযাত্)||১২||
Adhikarana shAkhAghAte karma (13) · Śloka 13
ঘাতং শাখাসু তির্যক্স্থং গাত্রে সম্যঙ্ নিবেশিতে| স্যূত্বা বেল্লিতবন্ধেন বধ্নীযাত্ ঘনবাসসা| চর্মণা গোষ্ফণাবন্ধঃ কার্যশ্চাসঙ্গতে ব্রণে||১৩||
घातं शाखासु तिर्यक्स्थं गात्रे सम्यङ् निवेशिते| स्यूत्वा वेल्लितबन्धेन बध्नीयात् घनवाससा| चर्मणा गोष्फणाबन्धः कार्यश्चासङ्गते व्रणे||१३||
🔊 Audio coming soon
শাখাসু ঘাতং তির্যক্স্থং ন করাদ্যভিমুখস্থং তস্মিন্ গাত্রে সম্যঙ্ নিবেশিতে স্যূতে চ সূত্রোক্তলক্ষণেন বেল্লিতাখ্যেন ,বন্ধেন ঘানবাসসা বধ্নীযাত্| অসঙ্গতে ব্রণ উক্তলক্ষণে গোষ্ফণাবন্ধঃ কার্যঃ||১৩||
Adhikarana vilambimuShkasya karma (14) · Śloka 14
পাদৌ বিলম্বিমুষ্কস্য প্রেক্ষ্য নেত্রে চ বারিণা| প্রবেশ্য বৃষণৌ সীব্যেত্ সীবন্যা তুন্নসংজ্ঞযা| কার্যশ্চ গোষ্ফণাবন্ধঃ কট্যামাবেশ্য পট্টকম্| স্নেহসেকং ন কুর্বীত তেন ক্লিদ্যতি হি ব্রণঃ| কালানুসার্যগুর্বেলাজাতীচন্দনপর্পটৈঃ| শিলাদার্ব্যমৃতাতুত্থৈঃ সিদ্ধং তৈলং চ রোপণম্||১৪||
पादौ विलम्बिमुष्कस्य प्रेक्ष्य नेत्रे च वारिणा| प्रवेश्य वृषणौ सीव्येत् सीवन्या तुन्नसंज्ञया| कार्यश्च गोष्फणाबन्धः कट्यामावेश्य पट्टकम्| स्नेहसेकं न कुर्वीत तेन क्लिद्यति हि व्रणः| कालानुसार्यगुर्वेलाजातीचन्दनपर्पटैः| शिलादार्व्यमृतातुत्थैः सिद्धं तैलं च रोपणम्||१४||
🔊 Audio coming soon
বিলম্বিমুষ্কস্য পুংসঃ পাদৌ নেত্রে চ বারিণা প্রেক্ষ্যানুবৃষণৌ চ স্থানে প্রবেশ্যোক্তলক্ষণেন্ তুন্ননাম্না সীবনপ্রকারেণ সীব্যেত্| তত্র চ কট্যাং পট্টকমাবেশ্য তেনৈব গোষ্ফণাবন্ধঃ কার্যঃ| তত্র চ মুষ্কব্রণে স্নেহসেকণ্ ন কুর্বীত| তেন হি ব্রণঃ ক্লিদ্যতি| কালানুসার্যাদিভিঃ সিদ্ধং তৈলং রোপণম্| কালানুসারী তগরম্| অগরু প্রসিদ্ধম্| এলা সূক্ষ্মৈলা| শিলা মনশ্শিলা||১৪||
Adhikarana chinnashAkhAyAM karma (15) · Śloka 15
ছিন্নাং নিশ্শেষতঃ শাখাং দগ্ধ্বা তৈলেন যুক্তিতঃ| বধ্নীযাত্ কোশবন্ধেন ততো ব্রণবদাচরেত্||১৫||
छिन्नां निश्शेषतः शाखां दग्ध्वा तैलेन युक्तितः| बध्नीयात् कोशबन्धेन ततो व्रणवदाचरेत्||१५||
🔊 Audio coming soon
নিশ্শেষতঃ ছিন্নাযাং শাখাযাম্| সুবোধম্| (ছিন্নক্রিযামাহ- ছিন্ন ইতি| নিশ্শেষতঃ ছিন্নাং পতিতামিত্যর্থঃ| শাখাং শাখাশব্দেনাত্র পাদপাণিপরিগ্রহঃ| তৈলেন যুক্তিততো দগ্ধ্বা তৈলস্যাত্র দাহসাধনভূতত্বাত্তপ্তেন তৈলেনত্যর্থঃ| যুক্তিতঃ আসিরামুখসঙ্কুচনাদ্দগ্ধ্বা কোশবন্ধেন বধ্নীযাত্| ততো বন্ধনাদনন্তরং ব্রণবদাচরেদ্রোপযেদিত্যর্থঃ)||১৫||
Adhikarana shalyAhRute sAmAnyaM karma (16) · Śloka 16
কার্যঃ শল্যাহৃতে বিদ্ধে ক্রমো ভঙ্গাত্তু পিচ্চিতে||১৬||
कार्यः शल्याहृते विद्धे क्रमो भङ्गात्तु पिच्चिते||१६||
🔊 Audio coming soon
সর্বস্মিংশ্চ বিদ্ধে শল্য আহৃতে ক্রমো ব্রণক্রমঃ কার্যঃ ন ত্বন্তঃশল্যে| পিচ্চিতে বিদলিতাখ্যে তু ভাঙ্গোক্তক্রমঃ||১৬||
Adhikarana shalyAhRute sthAnAnusAraM karma (17) · Śloka 17
শিরসোঽপহৃতে শল্যে বালবর্তিং প্রবেশযেত্| মস্তুলুঙ্গস্রুতেঃ ক্রুদ্ধো হন্যাদেনং চলোঽন্যথা| ব্রণে রোহতি চৈকৈকং শনৈরপনযেত্ কচম্| মস্তুলুঙ্গস্রুতৌ খাদেন্মস্তিষ্কানন্যজীবজান্| শল্যে হৃতেঽঙ্গাদন্যস্মাত্ স্নেহবর্তি নিধাপযেত্| দূরাবগাঢাঃ সূক্ষ্মাস্যা যে ব্রণাঃ স্রুতশোণিতাঃ| সেচযেচ্চক্রতৈলেন সূক্ষ্মনেত্রার্পিতেন তান্||১৭||
शिरसोऽपहृते शल्ये बालवर्तिं प्रवेशयेत्| मस्तुलुङ्गस्रुतेः क्रुद्धो हन्यादेनं चलोऽन्यथा| व्रणे रोहति चैकैकं शनैरपनयेत् कचम्| मस्तुलुङ्गस्रुतौ खादेन्मस्तिष्कानन्यजीवजान्| शल्ये हृतेऽङ्गादन्यस्मात् स्नेहवर्ति निधापयेत्| दूरावगाढाः सूक्ष्मास्या ये व्रणाः स्रुतशोणिताः| सेचयेच्चक्रतैलेन सूक्ष्मनेत्रार्पितेन तान्||१७||
🔊 Audio coming soon
যদা তু শিরসঃ শল্যমপহৃতং ভবতি তদা ব্রণে বালবর্তি সন্ধিগ্রন্থিবিরহিতাং প্রবেশযেত্| অন্যথাঽনাবৃতে ব্রণেঃ মস্তুলুঙ্গস্রুতৈর্হেতোশ্চলঃ ক্রুদ্ধ এনমাতুরং হন্যাত্| মস্তুলুঙ্গঃ কপালমজ্জা| যথা যথা চ ব্রণো রোহণাত্ সংবৃততাং যাতি তথা তথৈকৈকং কচং বালমপনযেত্| যদা পুনঃ কপালান্মস্তুলুঙ্গঃ স্রুতস্তদান্যপ্রাণিজান্ মস্তুলুঙ্গান্ খাদেত্| শিরসোঽন্যস্মাদঙ্গাচ্ছল্যে হৃতে ব্রণে স্নেহবর্তি নিধাপযেত্| (অন্যজীবজানিত্যনেনাস্য জীবিতধামত্বং সূচিতম্)| যে দূরাবগাঢাদযো ব্রণাস্তান্ সূক্ষ্মনেত্রার্পিতেন চক্রতৈলেন সেচযেত্| দূরাবগাঢা অতিপ্রবিষ্টশল্যাঃ| সূক্ষ্মাস্যাঃ সূক্ষ্মমুখাঃ| স্রুতশোণিতা রক্তস্রাবযুক্তাঃ| চক্রতৈলং চক্রপীডিতম্| নেত্রং নাডীযন্ত্রম্| তত্ সূক্ষ্মমস্থূলম্||১৭||
Adhikarana koShThaBedalakShaNAni cikitsA ca (18) · Śloka 18
ভিন্নে কোষ্ঠেঽসৃজা পূর্ণ মূর্চ্ছা হৃত্পার্শ্ববেদনাঃ| জ্বরো দাহস্তৃডাধ্মানং ভক্তস্যানভিনন্দনম্| সঙ্গো বিণ্মূত্রমরুতাং শ্বাসঃ স্বেদোঽক্ষিরক্ততা| লোহগন্ধিত্বামাস্যেঽস্য স্যাদ্গাত্রে চ বিগন্ধিতা| আমাশযস্থে রুধিরে রুধিরং ছর্দযত্যপি| আধ্মানেনাতিমাত্রেণ শূলেন চ বিশস্যতে| পক্বাশযস্থে রুধিরে সশূলং গৌরবং ভবেত্| নাভেরধস্তাচ্ছীতত্বং খেভ্যো রক্তস্য চাগমঃ| অভিন্নোঽপ্যাশযঃ সূক্ষ্মৈঃ স্রোতোভিরভিপূর্যতে| অসৃজা স্যন্দমানেন পার্শ্বৈর্মূত্রেণ বস্তিবত্| তত্রান্তর্লোহিতং শীতপাদোচ্ছ্বাসকরাননম্| রক্তাক্ষং পাণ্ডুবদনমানদ্ধং চ বিবর্জযেত্| আমাশযস্থে বমনং হিতং পক্বাশযাশ্রিতে| বিরেচনং নিরূহশ্চ নিঃস্নেহোষ্ণৈর্বিশোধনৈঃ| যবকোলকুলত্থানাং রসৈঃ স্নেহবিবর্জিতৈঃ| ভুঞ্জীতান্নং যবাগূং বা পিবেত্সৈন্ধবসংযুতাম্| অতিনিস্সৃতরক্তস্তু ভিন্নকোষ্ঠঃ পিবেদসৃক্||১৮||
भिन्ने कोष्ठेऽसृजा पूर्ण मूर्च्छा हृत्पार्श्ववेदनाः| ज्वरो दाहस्तृडाध्मानं भक्तस्यानभिनन्दनम्| सङ्गो विण्मूत्रमरुतां श्वासः स्वेदोऽक्षिरक्तता| लोहगन्धित्वामास्येऽस्य स्याद्गात्रे च विगन्धिता| आमाशयस्थे रुधिरे रुधिरं छर्दयत्यपि| आध्मानेनातिमात्रेण शूलेन च विशस्यते| पक्वाशयस्थे रुधिरे सशूलं गौरवं भवेत्| नाभेरधस्ताच्छीतत्वं खेभ्यो रक्तस्य चागमः| अभिन्नोऽप्याशयः सूक्ष्मैः स्रोतोभिरभिपूर्यते| असृजा स्यन्दमानेन पार्श्वैर्मूत्रेण बस्तिवत्| तत्रान्तर्लोहितं शीतपादोच्छ्वासकराननम्| रक्ताक्षं पाण्डुवदनमानद्धं च विवर्जयेत्| आमाशयस्थे वमनं हितं पक्वाशयाश्रिते| विरेचनं निरूहश्च निःस्नेहोष्णैर्विशोधनैः| यवकोलकुलत्थानां रसैः स्नेहविवर्जितैः| भुञ्जीतान्नं यवागूं वा पिबेत्सैन्धवसंयुताम्| अतिनिस्सृतरक्तस्तु भिन्नकोष्ठः पिबेदसृक्||१८||
🔊 Audio coming soon
কোষ্ঠে ভিন্নে রক্তেন পূর্ণে মূর্চ্ছাদিকং গাত্রবিগন্ধিতান্তং স্যাত্| ইতি সামান্যেন কোষ্ঠে ভিন্নে| (অসৃজা পূর্ণ ইত্যনেন কোষ্ঠভেদেঽপি স্থানবিশেষবশাত্ সর্বত্রাপ্যসৃক্পূর্ণতা ন স্যাদিতি চ ধ্বনিতম্)| শূলেন চ বিশস্যত ইত্যেবমন্তমামাশযস্থে রক্তে রুধিরে পক্বাশযস্থে সতি শূলগৌরবাদিকং ভবেত্| (বিশস্যতে ব্যাপদ্যতে পরিতপ্যত ইত্যর্থঃ| খেভ্যো নবদ্বারেভ্যো রোমকূপেভ্যশ্চ রক্তস্যাগমো রক্তপ্রবৃত্তিঃ| চশব্দঃ সমুচ্চযে)| আমাশযঃ পক্বাশযো বা অভিন্নোঽপি কোষ্ঠভেদে স্যান্দমানেনাঽসৃজা পার্শ্বেভ্যঃ স্রোতোভিঃ সূক্ষ্মৈরভিপূর্যতে যথা মূত্রেণ বস্তিঃ| তত্র তেষু মধ্যে শীতপাদোচ্ছ্বাসকরাননাদিগুণমন্তর্লোহিতং কোষ্ঠরক্তং বর্জযেত্| আমাশস্যস্থে রক্তে বমনং হিতম্| পক্বাশযস্থে বিরেচনং নিরূহশ্চ| এতচ্চ সর্বং স্নেহোষ্ণরহিতৈর্বিশোধনৈরোষধৈঃ কুর্যাত্| স চ যবাদীনাং রসৈঃ স্নেহবর্জিতৈরন্নং ভুঞ্জীত| অথবা সৈন্ধবসংযুক্তাং যবাগূং পিবেত্| যস্তু ভিন্নকোষ্ঠোতিনিস্সৃতরক্তঃ সোঽজাদিজমসৃক্পিবেত্||১৮||
Adhikarana koShThaBedadvaividhyam (19) · Śloka 19
ক্লিষ্টচ্ছিন্নান্ত্রভেদেন কোষ্ঠভেদো দ্বিধা স্মৃতঃ| মূর্চ্ছাদযোঽল্পাঃ প্রথমে দ্বিতীযে ত্বতিবাধকাঃ| ক্লিষ্টান্ত্রঃ সংশযে দেহী ছিন্নান্ত্রো নৈব জীবতি| যথাস্বং মার্গমাপন্না যস্য বিণ্মূত্রমারুতাঃ| ব্যুপদ্রবঃ স ভিন্নেঽপি কোষ্ঠে জীবত্যসংশযম্||১৯||
क्लिष्टच्छिन्नान्त्रभेदेन कोष्ठभेदो द्विधा स्मृतः| मूर्च्छादयोऽल्पाः प्रथमे द्वितीये त्वतिबाधकाः| क्लिष्टान्त्रः संशये देही छिन्नान्त्रो नैव जीवति| यथास्वं मार्गमापन्ना यस्य विण्मूत्रमारुताः| व्युपद्रवः स भिन्नेऽपि कोष्ठे जीवत्यसंशयम्||१९||
🔊 Audio coming soon
দ্বিধা চ কোষ্ঠভেদঃ স্মৃতঃ| একঃ ক্লিষ্টান্ত্রো দ্বিতীযশ্ছিন্নান্ত্রঃ| প্রথমে ক্লিষ্টান্ত্রে অল্পা মূর্চ্ছাদযো ভবন্তি| দ্বিতীযে ছিন্নান্ত্রে ত্বতিবাধকাঃ| ক্লিষ্টান্ত্রস্তু দেহী সংশযে জীবতি বা নবেতি| ছিন্নান্ত্রস্য তু মরণমেব নিশ্চিতম্| যস্য ভিন্নকোষ্ঠস্য বিডাদযঃ স্বংস্বং মার্গমাপন্নাঃ প্রাপ্তাঃ ব্যুপদ্রবো মূর্চ্ছদ্যুপদ্রবরহিতশ্চ স ভিন্নেঽপি কোষ্ঠে নিস্সংশযং জীবতি| (অত্রাপিশব্দেন কোষ্ঠভেদস্য প্রাযশো সাধ্যত্বং সূচিতম্) ||১৯||
Adhikarana AntrapraveshanavidhirupacArAshca (20) · Śloka 20
অভিন্নমান্ত্রং নিষ্ক্রান্তং প্রবেশ্যং ন ত্বতোঽন্যথা| উলুঙ্গিলশিরোগ্রস্তং তদপ্যেকে বদন্তি তু| প্রক্ষাল্য পযসা দিগ্ধং তৃণশোণিতপাংসুভিঃ| প্রবেশযেত্ ক্লৃপ্তনখো ঘৃতেনাক্তং শনৈঃ শনৈঃ| ক্ষীরেণার্দ্রীকৃতং শুষ্কং ভূরিসর্পিঃ পরিপ্লুতম্| অঙ্গুল্যা প্রমৃশেত্ কণ্ঠং জলেনোদ্বেজযেচ্চ তম্| তথান্ত্রাণি বিশন্ত্যন্তস্তত্কালং পীডযেত চ| ব্রণসৌক্ষ্ম্যাদ্বহুত্বাদ্বা কোষ্ঠমান্ত্রমনাবিশত্| তত্প্রমাণেন জঠরং পাটযিত্বা প্রবেশযেত্| যথাস্থানস্থিতে সম্যগান্ত্রে সীব্যেদনু ব্রণম্| স্থানাদপেতমাদত্তে জীবিতং গুপিতং চ তত্| বেষ্টযিত্বানুপট্টেন ঘৃতেন পরিষেচযেত্| পাযযেত ততঃ কোষ্ণং চিত্রাতৈলযুতং পযঃ| মৃদুক্রিযার্থং শকৃতো বাযোশ্চাধঃ প্রবৃত্তযে| ত্বগশ্বকর্ণককুভবদরীসল্লকীধবাত্| ধাতকীমেষশৃঙ্গীভ্যাং ক্ষীরিভ্যশ্চ বলাজটা| তত্ কল্কসাধিতং তৈলং প্রধানং ব্রণরোপণম্| অনুবর্তেত বর্ষঞ্চ যথোক্তাং ব্রণযন্ত্রণাম্||২০||
अभिन्नमान्त्रं निष्क्रान्तं प्रवेश्यं न त्वतोऽन्यथा| उलुङ्गिलशिरोग्रस्तं तदप्येके वदन्ति तु| प्रक्षाल्य पयसा दिग्धं तृणशोणितपांसुभिः| प्रवेशयेत् क्लृप्तनखो घृतेनाक्तं शनैः शनैः| क्षीरेणार्द्रीकृतं शुष्कं भूरिसर्पिः परिप्लुतम्| अङ्गुल्या प्रमृशेत् कण्ठं जलेनोद्वेजयेच्च तम्| तथान्त्राणि विशन्त्यन्तस्तत्कालं पीडयेत च| व्रणसौक्ष्म्याद्बहुत्वाद्वा कोष्ठमान्त्रमनाविशत्| तत्प्रमाणेन जठरं पाटयित्वा प्रवेशयेत्| यथास्थानस्थिते सम्यगान्त्रे सीव्येदनु व्रणम्| स्थानादपेतमादत्ते जीवितं गुपितं च तत्| वेष्टयित्वानुपट्टेन घृतेन परिषेचयेत्| पाययेत ततः कोष्णं चित्रातैलयुतं पयः| मृदुक्रियार्थं शकृतो वायोश्चाधः प्रवृत्तये| त्वगश्वकर्णककुभबदरीसल्लकीधवात्| धातकीमेषशृङ्गीभ्यां क्षीरिभ्यश्च बलाजटा| तत् कल्कसाधितं तैलं प्रधानं व्रणरोपणम्| अनुवर्तेत वर्षञ्च यथोक्तां व्रणयन्त्रणाम्||२०||
🔊 Audio coming soon
আন্ত্রং পুনর্যদিভিন্নং নিষ্ক্রান্তং তদেব প্রবেশ্যম্| অতঃ অভিন্নাদন্যথা বিপরীতং ভিন্নং তু ন প্রবেশ্যমসিদ্ধেঃ| একে ত্বাচার্যাস্তদপি ভিন্নান্ত্রমপ্যুলুঙ্গিলশিরোগ্রস্তং সত্ প্রবেশ্যমেবেতি বদন্তি| উলুঙ্গিলং পিপীলিকা, তস্য সিরসা গ্রস্তং গৃহীতম্| এতদুক্তমত্র শিরশব্দেন ব্রণোষ্ঠাবেকীকৃত্য পিপীলিকামুখেন গ্রাহযিত্বা পিপীলিকাশিরসি কাযাত্ পৃথক্ কৃতে সত্যলুঙ্গিলশিরোগ্রস্তমান্ত্রং ভবতীতি| (একে কেচিদাচার্যাঃ পুনস্তত্ ভিন্নান্ত্রমপ্যুলুঙ্গিলশিরোগ্রস্তং উলুঙ্গিলশিরসা মর্কোটকশীর্ষেণ গ্রস্তং খাদিতং প্রবেশ্যং প্রবেশ নীযমিতি বদন্তি| অত্র শিরঃশব্দেন ব্রণোষ্ঠা-বেকীকৃত্য উলুঙ্গিলেন গ্রাহযিত্বা গ্রস্তমাত্রে শিরসঃ শেষমঙ্গমপনীয শিরসা সহ প্রবেশ্যমিতি সূচিতম্| উলুঙ্গিলং পেক্কন্তলযনুরম্য ইতি কেরলভাষা)| আন্ত্রপ্রবেশনপ্রকারমাহ-প্রবেশ্যং চান্ত্রং তৃণাদিভির্দিগ্ধং পযসা প্রক্ষাল্য ক্লৃপ্তনখো ভিষক্ ঘৃতেনাক্তং শনৈঃ শনৈঃ প্রবেশযেত্| শুষ্কন্ত্বান্ত্রং ক্ষীরেণার্দ্রীকৃতং ভূরিসর্পিঃ পরিপ্লুতং কৃত্বা প্রবেশযেত্| (দিগ্ধং লিপ্তম্| প্রক্ষাল্য শোধযিত্বা| ক্লৃপ্তনখো বর্দ্ধিতনখঃ| আন্ত্রগ্রহণে নখাগ্রেণান্ত্রদরণভযাচ্ছিন্ননখ ইত্যর্থঃ| শনৈঃ শনৈর্মন্দং মন্দং প্রবেশযেত্)| সুখপ্রবেশনোপাযমাহ-নিষ্ক্রান্তান্ত্রস্য তস্য কণ্ঠং কণ্ঠান্তর্ভাগমুত্কাসনার্থমঙ্গুল্যা প্রমৃশেত্ পরামৃশেত্| তং চোদ্বেজযেজ্জলাভ্যুক্ষণেন| তথেত্যেবং কৃতে আন্ত্রাণ্যন্তঃ প্রবিশন্তি| তত্কালং চ প্রবেশিতমাত্রমান্ত্রং পীডযেদান্ত্রাবযবানাং যথাস্বস্থানপ্রাপ্তযে| (তত্কালং কণ্ঠপ্রমর্শনাদিজনিতেনোত্কাসোদ্বেগাদিনা যস্মিন্ কালে বাযোরানুলোম্যং ভবতি তস্মিন্ কাল ইত্যর্থঃ পীডযেত| অনাবিশ দান্ত্রং করেণ মন্দং মন্দং প্রপীড্য প্রবেশযেত্| আবিষ্টমপ্যবযবানাং যথাস্থানপ্রাপ্ত্যর্থম্| কিঞ্চিত্ পীডযেদিতি চশব্দেন দ্যোত্যতে| তথা এবং কৃতে সত্যান্ত্রাণ্যন্তঃ সুখং বিশন্তি)| তথাঽপ্যপ্রবিষ্টস্যান্ত্রস্য প্রবেশনোপাযমাহ-বহুত্বাদ্যত্রান্ত্রং কথঞ্চিদপি নির্যাতং ব্রণসৌক্ষ্ম্যাত্বশক্যপ্রবেশং তত্র কোষ্ঠং তত্প্রমাণেন পাটযিত্বা প্রবেশযেত্| যত্রাপি ব্রণস্য নাতিসূক্ষ্মত্বমান্ত্রস্য তু শোফাদিনা বহুত্বং তত্রাপি জঠরং তত্প্রমাণেন পাটযিত্বা প্রবেশযেত্| ততো যথাস্থানমান্ত্রে স্থিতে সম্যগনু ব্রণম্ সীব্যেত্| যথাস্থানস্থাপনহেতুরুচ্যতে স্থানাত্ স্বাদপেতমান্ত্রং জীবিতমাদত্ত ইতি| তচ্চ প্রবেশিতমান্ত্রং গুপিতং রক্ষিতং কৃত্বানু পট্টেন বস্ত্রখণ্ডেন বেষ্টযিত্বা ঘৃতেন পরিষেচযেত্| ততোঽনন্তরং শকৃতঃ পুরীষস্য মৃদুক্রিযার্থং মার্দবাপাদনায বাযোশ্চাধঃ প্রবৃত্ত্যর্থং চিত্রাতৈলযুক্তং কোষ্ণং ক্ষীরং পাযযেত্| চিত্রা দ্রবন্তী, তস্যাঃ স্রুতং তৈলম্| ত্বগিত্যাদি সুবোধম্| অশ্বকর্ণাদিভ্যস্ত্বগ্বলাজটা বলামূলম্| এবঞ্চ বর্ষম্ যথোক্তাং ব্রণযন্ত্রণামনুবর্তেতানুকূল্যেনাঙ্গীকুর্যাত্|| ২০||
Adhikarana medovartinirgame cikitsA (21) · Śloka 21
উদারান্মেদসো বর্তি নির্গতাং ভস্মনা মৃদা| অবকীর্য কষাযৈর্বা শ্লক্ষ্ণৈর্মূলে ততঃ সমম্| দৃঢং চ বধ্বা সূত্রেণ বর্দ্ধযেত্কুশলো ভিষক্| তীক্ষ্ণেনাগ্নিপ্রতপ্তেন শস্ত্রেণ সকৃদেব তু| স্যাদন্যথা রুগাটোপো মৃত্যুর্বা ছিদ্যমানযা| সক্ষৌদ্রে চ ব্রণে বদ্ধে সুজীর্ণেঽন্নে ঘৃতং পিবেত্| ক্ষীরং বা শর্করাচিত্রালাক্ষাগোক্ষুরকৈঃ শৃতম্| রুগ্দাহজিত্ সযষ্ট্যাহ্বৈঃ পরং পূর্বোদিতো বিধিঃ| মেদোগ্রন্থ্যুদিতং চাত্র তৈলমভ্যঞ্জনে হিতম্| তালীসং পদ্মকং মাংসী হরেণ্বগরুচন্দনম্| হরিদ্রে পদ্মবীজানি সোশীরং মধুকং চ তৈঃ| পক্বং সদ্যোব্রণেষূক্তং তৈলং রোপণমুত্তমম্||২১||
उदारान्मेदसो वर्ति निर्गतां भस्मना मृदा| अवकीर्य कषायैर्वा श्लक्ष्णैर्मूले ततः समम्| दृढं च बध्वा सूत्रेण वर्द्धयेत्कुशलो भिषक्| तीक्ष्णेनाग्निप्रतप्तेन शस्त्रेण सकृदेव तु| स्यादन्यथा रुगाटोपो मृत्युर्वा छिद्यमानया| सक्षौद्रे च व्रणे बद्धे सुजीर्णेऽन्ने घृतं पिबेत्| क्षीरं वा शर्कराचित्रालाक्षागोक्षुरकैः शृतम्| रुग्दाहजित् सयष्ट्याह्वैः परं पूर्वोदितो विधिः| मेदोग्रन्थ्युदितं चात्र तैलमभ्यञ्जने हितम्| तालीसं पद्मकं मांसी हरेण्वगरुचन्दनम्| हरिद्रे पद्मबीजानि सोशीरं मधुकं च तैः| पक्वं सद्योव्रणेषूक्तं तैलं रोपणमुत्तमम्||२१||
🔊 Audio coming soon
ব্রণমুখান্নির্গতাযাং মেদো বর্তেশ্ছেদনবিধানমাহ-যদা তূদরান্মেদসো বর্তির্নির্গতা ভবতি তদা তাং ভস্মনা মৃদা কষাযৈর্বা মসূরাদিভির্মূলেঽবকীর্যানু চ সূত্রেণ সমং দৃঢং চ বধ্বা কুশলো ভিষগ্বর্ধযেত্ ছিন্দ্যাত্| কেনেত্যাহ-তীক্ষ্ণেন শস্ত্রেণাগ্নিপ্রতপ্তেন| সকৃদিত্যেকেনৈব যত্নেন| (কুশলঃ ছেদ্যাচ্ছেদ্যপরিজ্ঞানকুশলঃ যা তু প্রবেশ্যমানাপ্রবিশতি প্রবিশ্যাবতিষ্ঠতে চ তাং ন ছিন্দ্যাত্| অতো বিপরীতামেব ছিন্দ্যাদিতি ভাবঃ| ভিষগ্বৈদ্য উদরাদুদরগাদ্ ব্রণমুখান্নির্গতাং বর্হির্নিস্সৃতাং মেদসোবর্তিমণুভূতং মেদসোঽবযব বিশেষং ভস্মনা মৃদ শ্লক্ষণৈঃ কষাযদ্রব্যচূর্ণৈর্বাঽবকীর্য ততো মূলে মূলপ্রদেশে সূত্রেণ ক্ষৌমাদিকৃতেন সমং যথা ন বিষমং ভবতি তথা দৃঢং বধ্বা অগ্নিপ্রতপ্তেনাগ্নিসন্তাপাত্তত্তুল্যবর্ণেন তীক্ষ্ণধারেণ শস্ত্রেণ সকৃদেকবারমেব বর্ধযেত্ ছিন্দ্যাত্| ভোজেনাঽপ্যুক্তম্- খান্মেদসো বহ্ন্যনিলার্কতাপাদ্ব্রণস্য নিস্সর্পতি যস্য বর্তিঃ| স্থানং তু তস্যাঃ পটলং বদন্তি যত্পঞ্চমং কোষ্ঠগতং নরাণাম্|| প্রবেশ্য তাং ভস্মসমৃত্কষাযৈঃ স্বস্থানমেবাশু নযেদ্যথাবত্| ন চেদ্বিশেত্সাঽপ্যবতিষ্ঠতে বা সূত্রেণ বধ্বাঽথ নিগৃহ্য চৈনাম্|| শস্ত্রেণ ছিন্দ্যাজ্জ্বলনোজ্বলেন স্ত্রীবালবৃদ্ধেষ্বিতরেণ বাপি| উচ্ছিদ্যমানা ক্ষযশূলমৃত্যুমাটোপমেদঃ স্রবণং চ কুর্যাত্|| ইতি)| উক্তাতিক্রমণে দোষমাহ-অন্যথা যথোক্তবিধেঃ পরিত্যাগেন ছিদ্যমানযা মেদোবর্ত্যা আতুরস্য রুগাটোপো মৃত্যুর্মরণং বা স্যাত্| (অন্যথা যথোক্তবৈপরীত্যেন ছিদ্যমানযাচ্ছিদ্যমানযা বা)| ছেদনানন্তরকরণীযমাহ-পরঞ্চ ব্রণে সক্ষৌদ্রে বদ্ধে হ্যস্তনে চাত্রে সুজীর্ণে সযষ্ট্যাহ্বৈঃ শর্করাদিভিঃ শৃতং ঘৃতং বা ক্ষীরং বা রুগ্দাহজিত্ পিবেত্| অতঃ পরং পূর্বাধ্যাযোক্তো ব্রণবিধিঃ কার্যঃ| (ব্রণে নিস্সৃতমেদোবর্তিকে কোষ্ঠব্রণে| চশব্দাচ্ছিন্নাযাঃ ছিন্নাবশিষ্টাযাশ্চ মেদোবর্তেরন্তর্নিধাপনং ব্রণোষ্ঠসীবনাদিপূর্বকর্তব্যং দ্যোত্যতে| সক্ষৌদ্রে ক্ষৌদ্রসহিতে| অত্র সক্ষৌদ্র ইতি বিশেষকথনং সর্পিষ্পরিহারার্থম্| উক্তং চ সৌশ্রুতে-'ক্ষৌদ্রেণাভ্যজ্য বেষ্টযেদি'তি| ব্রণবন্ধনবিধানেনাববদ্ধে হ্যস্তনেঽন্নে সুজীর্ণে অনবশিষ্টরসশেষমাত্রং জীর্ণে সতি ঘৃতং বা যষ্ট্যাহ্বসহিতৈঃ শর্করাদিভিঃ শৃতং ক্ষীরং বা রুগ্দাহশমনার্থং পিবেত্| রুজি ঘৃতং দাহে ক্ষীরমুভযত্রোভযং বা)| মেদোগ্রন্থি তৈলং গ্রন্থ্যাদৌ বক্ষ্যতে| (আন্ত্রানন্তরোক্তে ব্রণে মেদোগ্রন্থ্যুদিতং মেদোগ্রন্থিশমনায গুঞ্জাদ্বিকরঞ্জাদিভিরুদিতমুক্তং তৈলমভ্যঞ্জনে হিতম্)| এবং ঘৃষ্টাদীনাং চিকিত্সাং পৃথক্ পৃথগুক্ত্বা সর্বং সদ্যোব্রণসাধারণং রোপণতৈলমাহ-তালীসাদিভিঃ পক্বং তৈলং সদ্যোব্রণেষূত্তমং রোপণমুক্তমাচার্যৈঃ|| ২১||
Adhikarana mUDhaprahAre cikitsA (22) · Śloka 22
মূঢপ্রহারাভিহতে পতিতে বিষমোচ্চকৈঃ| কার্যং বাতাস্রজিত্তৃপ্তিমর্দনাভ্যঙ্গসেচনম্||২২||
मूढप्रहाराभिहते पतिते विषमोच्चकैः| कार्यं वातास्रजित्तृप्तिमर्दनाभ्यङ्गसेचनम्||२२||
🔊 Audio coming soon
মূঢেনাদৃশ্যত্বগ্ভেদাদিনা প্রহারেণাভিহতে পুরুষে বিষমোচ্চকৈঃ দূরপ্রপাতাদুত্পতনাবপতনবৈষম্যেণ পতিতে বা বাতাস্রজিত্তৃপ্ত্যাদিকং কার্যম্| (বিষমোচ্চকৈঃ বিষমাদ্বিষমপ্রদেশাত্ উচ্চকৈর্বৃক্ষাদিভ্যো বা পতিতে বা বাতাস্রজিদ্বাতশোণিতহরং কর্ম তৃপ্ত্যাদি কার্যম্| তৃপ্তিঃ স্নেহতর্পণম্| তৃপ্তিমর্দনাভ্যঙ্গশোধনমিতি পাঠঃ| শোধনং বমনবিরেচনাদি||২২||
Adhikarana tailadroNyAM vAsaH (23) · Śloka 23
বিশ্লিষ্টদেহং মথিতং ক্ষীণং মর্মহতং হতম্| বাসযেত্তৈলপূর্ণাযাং দ্রোণ্যাং মাংসরসাশিনম্||২৩||
विश्लिष्टदेहं मथितं क्षीणं मर्महतं हतम्| वासयेत्तैलपूर्णायां द्रोण्यां मांसरसाशिनम्||२३||
🔊 Audio coming soon
হতমভিহতং বিশ্লিষ্টদেহত্বাদিযুক্তং সন্তং মাংসরসেনাশিতং তৈলপূর্ণাযাং দ্রোণ্যাং বাসযেত্| (বিশ্লিষ্টদেহং বলবদ্ধনুরাকর্ষণাতিগুরুভারবহনাদিনা বিশ্লিষ্টসন্ধির্দেহো যস্য স তথোক্তঃ তম্| মথিতং অস্থ্না সহাবচূর্ণিতম্| ক্ষীণং যেন কেনাপি দেহশ্রম জননকর্মণা ক্ষীণশরীরম্| মর্মহতং শস্ত্রহতং মর্মণ্যভিহতম্| হতং দণ্ডাদ্যভিহতম্| মাংসরসাশিনং কৃত্বা তৈলপূর্ণাযাং দ্রোণ্যামধিবাসযেত্| অনেনানেকাগন্তুব্রণসম্প্রাপ্তৌ যদি শরীরবিশ্লেষণাদিকং স্যাত্তত্রাঽপ্যেতচ্চিকিত্সিতং কর্তব্যং ন কেবলং ব্রণচিকিত্সিতমেবেতি দ্যোত্যতে ||২৩||
Adhikarana sadyovraNAnAM tritvAvyabhicAraH (24-31) · Śloka 31
প্রহর্তৃযত্নাযুধঘাতগাত্রৈঃ সদ্যোব্রণাঃ কামমনন্তরূপাঃ| তথাপি ন ত্রিত্বমতিক্রমন্তে চযাদিভেদৈরিব মারুতাদ্যাঃ||২৪|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে সদ্যোব্রণপ্রতিষেধো নামৈকত্রিংশোঽধ্যাযঃ||৩১||
प्रहर्तृयत्नायुधघातगात्रैः सद्योव्रणाः काममनन्तरूपाः| तथापि न त्रित्वमतिक्रमन्ते चयादिभेदैरिव मारुताद्याः||२४|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे सद्योव्रणप्रतिषेधो नामैकत्रिंशोऽध्यायः||३१||
🔊 Audio coming soon
প্রহর্ত্রিত্যাদিনা সদ্যোব্রণাংস্রৈবিধ্যেনোপসংহরতি| প্রহর্তুর্যত্নানাং নানাত্বাদনেকপ্রকারত্বাদাযুধানাং চানেকাকারত্বাদভিঘাতস্য চানেকরূপত্বাত্ গাত্রাণাং চ বহুবিধসংস্থানত্বাত্ কামমঙ্গীকুর্মো যত্ সদ্যোব্রণা অনন্তরূপাস্তথাপি ছিন্নবিদ্ধপিচ্চিতাখ্যং ত্রিত্বং নাতিক্রমন্তে| দৃষ্টান্তো যথা-মারুতাদ্যা দোষাশ্চযাদীনাং তারতম্যাদিযুক্তানাং ভেদৈরনন্তরূপা অপি সন্তো বাতপিত্তশ্লেষ্মাখ্যং ত্রিত্বং নাতিবর্তন্ত ইতি||২৪|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একত্রীংশোঽধ্যাযঃ||