11. vartmarōgavijñānīyaḥ

Adhikarana atha vartmarogavij~jAnIyo nAmaikAdasho~adhyAyaH - pratij~jA (1) · Śloka 1

অথাতো বর্ত্মরোগবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

নিজহেতুত্বাদুক্তশিষ্টত্বাত্ কাযচিকিত্সাঙবূতত্বাচ্চোর্ধ্বাঙ্গচিকিত্সাযা অবসরস্তত্রাপি চক্ষুষঃ প্রাধান্যাত্তস্যৈব বর্ত্মসন্ধিসিতাসিতদৃষ্টিক্রমেণ নির্ণযঃ ক্রিযতে| তত্র তাবদ্বর্ত্মরোগাণাং হেত্বাদিপ্রদর্শনাধ্যায আরভ্যতে| বর্ত্ম নেত্রপুটম্||১||

Adhikarana netrarogANAM sAmAnyo hetuH samprAptishca (2) · Śloka 2

সর্বরোগনিদানোক্তৈরহিতৈঃ কুপিতা মলাঃ| অচক্ষুষ্যৈর্বিশেষেণ প্রাযঃ পিত্তানুসারিণঃ| সিরাভিরূর্ধ্বং প্রসৃতা নেত্রাবযবমাশ্রিতাঃ| বর্ত্ম সন্ধিং সিতং কৃষ্ণং দৃষ্টিং বা সর্বমক্ষি বা| রোগান্ কুর্যুঃ ...................................||২||

সর্বরোগেত্যাদিনাসামান্যেনাক্ষিরোগাণাং নিদানং সম্প্রপ্তিশ্ছোচ্যতে| সর্বরোগনিদানে যান্যহিতান্যুক্তানি তৈর্বিশেষেণ চাচক্ষুষ্যৈর্মলা বাতাদযঃ কুপিতাঃ সিরাভিশ্ছ যথাস্বং কোষ্ঠাদূর্ধ্বং শিরঃপ্রসৃতা বর্ত্মাদিকং চ নেত্রস্যাবযবং সর্বমেব বা নেত্রমাশ্রিতা রোগান্ নানাবিধান্ কুর্যুঃ| কিম্ভূতা আহ| প্রাযো বাহুল্যেন দোষাঃ পিত্তানুসারিণঃ পিত্তপ্রধানাঃ| প্রাযো নেত্রযো রোগকরা ইত্যর্থঃ||২||

Adhikarana kRucCronmIlam (3) · Śloka 3

.................. চলস্তত্র প্রাপ্য বর্ত্মাশ্রযাঃ সিরাঃ| সুপ্তোত্থিতস্য কুরুতে বর্ত্মস্তম্ভং সবেদনম্| পাংসুপূর্ণাভনেত্রত্বং কৃচ্ছ্রোন্মীলনমশ্রু চ| বিমর্দনাত্স্যাচ্চ শমঃ কৃচ্ছ্রোন্মীলং বদন্তি তম্||৩||

তত্রৈবংস্থিতে চলো বাযুঃ প্রধানো বর্ত্মাশ্রযাঃ সিরাঃ প্রাপ্য সুপ্তোত্থিতস্য তত্কালত্যক্তনিদ্রস্য পুংসো বর্ত্মস্তম্ভাদিকং কুরুতে| তস্য চ রোগস্য বিমর্দনাচ্ছমঃ স্যাত্| তং রোগবিশেষমাচার্যা নাম্না কৃচ্ছ্রোন্মীলমিতি বদন্তি||৩||

Adhikarana nimeShaH (4) · Śloka 4

চালযন্বর্ত্মনী বাযুর্নিমেষোন্মেষণং মুহুঃ| করোত্যরুঙ্নিমেষোঽসৌ ....................||৪||

বাযুঃ ক্রুদ্ধো বর্ত্মনী চালযন্ মুহুর্নিমিষোন্মেষণং করোতি| অরুগিতি বিনা রুজম্| অসৌ রোগো নিমেষাখ্যঃ||৪||

Adhikarana vAtahatavartma (5) · Śloka 5

......................... বর্ত্ম যত্তু নিমীল্যতে| বিমুক্তসন্ধি নিশ্ছেষ্টং হীনং বাতহতং হি তত্||৫||

যত্তু বর্ত্ম বাযুনা নিমীল্যতে ন কদাচিদুন্মীল্যতে তদ্বর্ত্ম নাম্না বাতহতমুচ্যতে| কিম্ভূতং বর্ত্মাহ| বিমুক্তসন্ধি বিস্রস্তবন্ধনম্| নিশ্ছেষ্টং হীনং চ||৫||

Adhikarana kumBikAH (6) · Śloka 6

কৃষ্ণাঃ পিত্তেন বহ্ব্যোঽন্তবর্ত্ম কুম্ভীকবীজবত্| আধ্মাযন্তে পুনর্ভিন্নাঃ পিটিকাঃ কুম্ভিসংজ্ঞকাঃ||৬||

অন্তর্বত্ম বর্ত্মনোঽন্তর্ভাগে পিত্তেন কৃষ্ণাঃ পিটিকা ভবন্তি| যা ভিন্নাঃ কুম্ভীকবীজবত্ কুমুদতণ্ডুলবত্ পুনরাধ্মাযন্তে পরিপূর্বন্তে| তাঃ পিটকাঃ কুম্ভিনাম্ন্যঃ||৬||

Adhikarana pittotkliShTavartma (7) · Śloka 7

সদাহক্লেদনিস্তোদং রক্তাভং স্পর্শনাক্ষমম্| পিত্তেন জাযতে বর্ত্ম পিত্তোত্ক্লিষ্টমুশন্তি তত্||৭||

পিত্তেন সদাহাদিগুণং বর্ত্ম জাযতে ভবতি| তদ্বর্ত্ম নাম্না পিত্তোত্ক্লিষ্টমুশন্তি||৭||

Adhikarana pakShmashAtam (8) · Śloka 8

করোতি কণ্ডূং দাহং চ পিত্তং পক্ষ্মান্তমাশ্রিতম্| পক্ষ্মণাং শতনং চানু পক্ষ্মশাতং বদন্তি তম্||৮||

পক্ষ্মান্তমাশ্রিতং পিত্তং কণ্ডূবাদিকং করোতি তং রোগমাচার্যা নাম্না পক্ষ্মশাতমিতি বদন্তি||৮||

Adhikarana pothakI (9) · Śloka 9

পোথক্যঃ পিটকাঃ শ্বেতাঃ সর্ষপাভা ঘনাঃ কফাত্| শোফোপদেহরুক্কণ্ডূপিচ্ছিলাস্রসমন্বিতাঃ||৯||

শ্বেতা আকৃত্যা চ সর্ষপসদৃশা ঘনাঃ সংহতাঃ শোফাদিসমন্বিতাশ্ছ পিটকাঃ কফাদ্ভেতোর্ভবন্তি| তাশ্ছ পিটাকাঃ কফাদ্ভেতোর্ভবন্তি| তা নাম্না পোথক্য ইত্যুচ্যন্তে||৯||

Adhikarana kaPotkliShTavartma (10) · Śloka 10

কফোত্ক্লিষ্টং ভবেদ্বর্ত্ম স্তম্ভক্লেদোপদেহবত্||১০||

স্তম্ভাদিমদ্বর্ত্ম ভবেত্ কফাদিতি প্রকরণাত্| তদ্বর্ত্ম নাম্না কফোত্ক্লিষ্টমিত্যুচ্যতে||১০||

Adhikarana lagaNaH (11) · Śloka 11

গ্রন্থিঃ পাণ্ডুররুক্পাকঃ কণ্ডূমান্ কঠিনঃ কফাত্| কোলমাত্রঃ স লগণঃ কিঞ্চিদল্পস্ততোঽথবা||১১||

কফোদ্ভেতোঃ কোলমাত্রো বদরমাত্রস্ততো বা কোলাত্ কিঞ্চিদল্পঃ পাণ্ড্বাদিগুণো গ্রন্থির্নাম্না লগণ ইত্যুচ্যতে||১১||

Adhikarana utsa~ggA (12) · Śloka 12

রক্তা রক্তেন পিটকা তত্তুল্যপিটকাচিতা| উত্সঙ্গাখ্যা ........................||১২||

রক্তেন বাতাদিদুষ্টেন রক্তা লোহিতবদ্রক্তবর্ণা পিটকা ভবতি| তত্তুল্যাভিঃ প্রধানসদৃশাভিরন্যাভিঃ পিটকাভিরাচিতা কৃতসঞ্চযা সা পিটকা নাম্নোত্সঙ্গেত্যুচ্যতে ||১২||

Adhikarana utkliShTaM vartma (13) · Śloka 13

.........তথোক্লিষ্টং রাজিমত্ স্পর্শনাক্ষমম্||১৩||

তথেতি রক্তেনোত্ক্লিষ্টন্নাম বর্ত্ম তত্তদ্রাজিমত্ স্পর্শনাক্ষমঞ্চ||১৩||

Adhikarana arshovartma (14) · Śloka 14

অর্শোঽধিমাংসং বর্ত্মান্তঃ স্তব্ধং স্নিগ্ধং সদাহরুক্| রক্তং রক্তেন তত্স্রাবিচ্ছিন্নং ছিন্নং চ বর্ধতে||১৪||

রক্তেনাসৃজা বর্ত্মান্তর্বর্ত্মনোঽন্তভাগে রক্তং লোহিতমধিমাংসং ভবতি স্তব্ধাদিগুণকমিত্যধিমাংসমর্ম ইতি নাম্নোচ্যতে||১৪||

Adhikarana a~jjananAmikA (15) · Śloka 15

মধ্যে বা বর্ত্মনোঽন্তে বা কণ্ডূষারুগ্বতী স্থিরা| মুদ্গমাত্রাসৃজা তাম্রা পিটকাঞ্জননামিকা||১৫||

অসৃজা রক্তেন বর্ত্মনোঽন্তে বা মধ্যে বা কণ্ডূবাদিমতী স্থিরা মুদ্গপ্রমাণা তাম্রবর্ণ চ যা পিটকা ভবতি সা নাম্না অঞ্জননামিকেত্যুচ্যতে ||১৫||

Adhikarana bisavartma (16) · Śloka 16

দোষৈর্বত্ম বহিঃ শূনং যদন্তঃ সূক্ষ্মকাচিতম্| সস্রাবমন্তরুদকং বিসাভং বিসবর্ত্ম তত্||১৬||

দোষৈস্ত্রিভির্যদ্বর্ত্ম বহিঃ শূনমন্তঃ সূক্ষ্মচ্ছিদ্রং সস্রাবমন্তরুদকং যস্মিন্ বিসে তত্সদৃশং ভবতি তদ্বর্ত্ম নাম্না বিসবর্ত্ম ইত্যুচ্যতে||১৬||

Adhikarana utkliShTavartma (17) · Śloka 17

যদ্বর্ত্মোক্লিষ্টমুত্ক্লিষ্টমকস্মান্ম্লানতামিযাত্| রক্তদোষত্রযোত্ক্লেশাদ্ভবত্যুত্ক্লিষ্টবর্ত্ম তত্||১৭||

রক্তস্য দোষত্রযস্য চ মিশ্রীভাবেন তেষামুত্ক্লেশাদ্ধেতোর্যদ্বর্ত্ম পুনরুত্ক্লিষ্টং স্বযমেব পুনর্ম্লানতামিযাত্ কিঞ্চিত্পারে শোষং গচ্ছতি তদ্বর্ত্ম নাম্নোত্ক্লিষ্টবর্ত্মেত্যুচ্যতে||১৭||

Adhikarana shyAvavartma (18) · Śloka 18

শ্যাববর্ত্ম মলৈঃ সাস্রৈঃ শ্যাবং রুক্লেদশোফবত্||১৮||

সাস্রৈঃ সরক্তৈর্মলৈর্বাতাদিভিস্ত্রিভির্মিশ্রীভূতৈঃ শ্যাবং বর্ণেন রুগাদিযুক্তং চ যদ্বর্ত্ম ভবতি তন্নাম্না শ্যাববর্ত্মোচ্যতে||১৮||

Adhikarana shliShTavartma (19) · Śloka 19

শ্লিষ্টাখ্যং বর্ত্মনী শ্লিষ্টে কণ্ডূশ্বযথুরাগিণী||১৯||

সাস্রৈরেব চ মলৈর্বর্ত্মনী দ্বে কণ্ডূবাদিত্রযযুক্তে পরস্পরশ্লিষ্টে চ ভবতঃ তদ্বর্ত্ম শ্লিষ্টাখ্যমুচ্যতে||১৯||

Adhikarana sikatAvartma (20) · Śloka 20

বর্ত্মন্তঃপিটকা রূক্ষাঃ কর্কশাঃ সিকতোপমাঃ| সিকতাবর্ত্ম ...................................||২০||

বর্ত্মনোঽন্তর্ভাগে রূক্ষত্বাদিগুণাঃ পিটকা ভবন্তি তদ্বর্ত্ম নাম্না সিকতাবর্ত্মোচ্যতে||২০||

Adhikarana kardamavartma (21) · Śloka 21

...............কৃষ্ণং তু কর্দমং কর্দমোপমম্||২১||

কৃষ্ণং কর্দমসদৃশং মার্দবেন যদ্বর্ত্ম তন্নাম্না কর্দমমুচ্যতে||২১||

Adhikarana vahalavartma (22) · Śloka 22

বহলং বহলৈর্মাংসৈঃ সবর্ণৈশ্ছীযতে সমৈঃ||২২||

যদ্বর্ত্ম সমৈর্বহলৈর্ঘনৈর্মাংসৈশ্ছীযতে তন্নাম্না বহলমিত্যুচ্যতে||২২||

Adhikarana kukUNakaH (23) · Śloka 23

কুকূণকঃ শিশোরেব দন্তোত্পত্তিনিমিত্তজঃ| স্যত্তেন শিশুরিচ্ছূনতাম্রাক্ষো বীক্ষণাক্ষমঃ| সবর্ত্মশূলপৈচ্ছিল্যকর্ণনাসাক্ষিমর্দনঃ||২৩||

দন্তোদ্ভবতো যো বর্ত্মরোগঃ শিশোরেব ভবতি স নাম্না কুকূণকঃ তেনোচ্ছোওনাদিরূপাক্ষঃ শিশুঃ স্যাত্|| ২৩||

Adhikarana pakShmoparodhaH (24) · Śloka 24

পক্ষ্মোপরোধে সঙ্কোচো বর্ত্মনোর্জাযতে ততঃ| খরতান্তর্মুখত্বং চ রোম্ণামন্যানি বা পুনঃ| কণ্টকৈরিব তীক্ষ্ণাগ্রৈর্ঘৃষ্টং তৈরক্ষি শূযতে| ঊষ্যতে চানিলাদিদ্বিডল্পাহং শান্তিরুদ্ধৃতৈঃ||২৪||

পক্ষ্মোপরোধনাম্নি রোগে বর্ত্মনোঃ সঙ্কোচো জাযতে তথা রোম্ণামপি বর্ত্মভবানাং সঙ্কোচঃ খরতান্তর্মুখত্বঞ্চ জাযতে| অন্যানি বা রোমাণি জাযন্তে| তৈশ্ছ রোমভিস্তীক্ষ্ণাগ্রৈঃ কণ্টকসদৃষৈর্ঘৃষ্টং সদক্ষি শূযতে| ঊষ্যতে সদাহং ভবতি অনিলাদিস্পর্শং চ দ্বেষ্টি| তৈশ্ছ রোমভিরুদ্ধৃতৈরপনীতৈরল্পাহং স্তোকানি দিনানি রুজশ্শান্তির্ভবতি পুনস্তথৈব ভবতি||২৪||

Adhikarana alajI (25) · Śloka 25

কনীনকে বহির্বর্ত্ম কঠিনো গ্রন্থিরুন্নতঃ| তাম্রঃ পক্বোস্রপূযস্রুদলজ্যাধ্মাযতে মুহুঃ||২৫||

কনীনকে নাসানিকটে নেত্রান্তে বহির্বর্ত্মনো বহির্ভাগে কঠিনত্বাদিগুণো গ্রন্থির্ভবতি মুহুরাধ্মাযতেঽর্থান্মুহুঃ স্রবতি স গ্রন্থির্নাম্না অলজীত্যুচ্যতে||২৫||

Adhikarana vartmArbudam (26) · Śloka 26

বর্ত্মান্তমাংসপিণ্ডাভঃ শ্বযথুর্গ্রথিতোঽরুজঃ| সাস্রৈঃ স্যাদর্বুদো দোষৈর্বিষমো বাহ্যতশ্ছলঃ||২৬||

সাস্রৈঃ রক্তমিশ্রৈর্বাতাদিভির্মাংসপিণ্ডসদৃশঃ শ্বযথুঃ স্যাত্| স চ যদান্তর্বর্ত্ম ভবতি তদা গ্রথিতঃ কঠিনোঽরুজশ্ছ ভবতি| যদা তু বহির্বর্ত্ম তদা চলো ভবতি| স উভযোরপি শ্বযথুরর্বুদ ইতি নাম্নোচ্যতে||২৬||

Adhikarana vartmarogasa~gkhyA (27) · Śloka 27

চতুর্বিংশতিরিত্যেতে ব্যাধযো বর্ত্মসংশ্রযাঃ||২৭||

এতে অনন্তরোক্তা বর্ত্মাশ্রযা ব্যাধযঃ কৃচ্ছ্রোন্মীল, নিমেষ, বাতহত, কুম্ভি, পিত্তোত্ক্লিষ্ট, পক্ষ্মশাত, পোথকী, কফোত্ক্লিষ্ট, লগণ, উত্সঙ্গ, রক্তোত্ক্লিষ্ট, অর্শ, অঞ্জননামিকা, বিসবর্ত্ম, উত্ক্লিষ্টবর্ত্ম, শ্যাববর্ত্ম, সিকতা, কর্দম, বহল, কুকূণক, পক্ষ্মোপরোধ, অলজী, অর্বুদাখ্যাশ্ছতুর্বিংশতিরীত্যুক্তাঃ||২৭||

Adhikarana sAdhyAsAdhyatA (28) · Śloka 28

অদ্যোঽত্র ভেষজৈঃ সাধ্যো দ্বৌ ততোঽর্শশ্ছ বর্জযেত্| পক্ষ্মোপরোধো যাপ্যঃ স্যাচ্ছেষাঞ্ছস্ত্রৌষধৈর্জযেত্||২৮||

অত্র চতুর্বিংশতাবাদ্যঃ কৃচ্ছ্রোন্মীলাখ্যো ভেষজৈর্বক্ষ্যমাণৈঃ সাধ্যঃ তদনন্তরো নিমিষবাতহতাখ্যাবর্শআখ্যশ্ছ ত্রয ইতি বর্জযেত্| পক্ষ্মোপরোধো যাপ্যঃ| শেষাননুক্তান্ শস্ত্রৈরোষধৈশ্ছ যথাযোগ্যং জযেত্||২৮||

Adhikarana cikitsAsUtranirdeshaH (29-30) · Śloka 30

কুট্টযেত্ পক্ষ্মশতনং ছিন্দ্যাত্তেষ্বপি চার্বুদম্| ভিন্দ্যাল্লগণকুম্ভীকাবিসোত্সঙ্গাঞ্জনালজীঃ| পোত্থকীশ্যাবসিকতাশ্লিষ্টোত্ক্লিষ্টচতুষ্টযম্| সকর্দমং সবহলং বিলিখেত্ সকুকূণকম্||২৯|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা বষ্টাঙ্গসংগ্রহসংহিতাযামুত্তরতন্ত্রে বর্ত্মরোগ বিজ্ঞানীযো নামৈকাদশোঽধ্যাযঃ||৩০||

অত্রৈবেষাং চিকিত্সা সূত্র্যতে সুখাববোধায-কুট্টযেদিত্যাদি| তেষ্পবি শেষেষু পক্ষ্মশতনং বক্ষ্যমাণাপ্রকারেণ কুট্টযেত্| অর্বুদং ছিন্দ্যাত্| অলজ্যন্তং ভিন্দ্যাত্| পোত্থক্যাদিকং বিলিখেদিতি| ইতি শ্রীমন্মহামহোপাধ্যযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একাদশোঽধ্যাযঃ