Adhikarana atha viShopadravapratiShedho nAma saptacatvAriMsho~adhyAyaH, adhyAyapratij~jA (1) · Śloka 1
অথাতো বিষোপদ্রবপ্রতিষেধং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो विषोपद्रवप्रतिषेधं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
বিষাণাং তদ্রোগাণাঞ্চ নির্ণযং কৃত্বা বিষে য উপদ্রবাস্তাংস্তচ্চিকিত্সাঞ্চ প্রদর্শযিতুমধ্যায আরভ্যতে|| ১||
Adhikarana viShopadravAH (2) · Śloka 2
জ্বরকাসবমিশ্বাসহিধ্মাতৃষ্ণাঽতিমূর্চ্ছনম্| বিশো ভেদোঽতিকাঠিন্যমানাহো বস্তিমূর্দ্ধরুক্| শ্বযথুঃ পূতদংশত্বং রক্তস্রাবো বিষানিলঃ| ইতি ষোডশ নির্দিষ্টাঃ বিষার্ত্তানামুপদ্রবাঃ| গচ্ছন্ত্যুপেক্ষিতা নাশং যৈর্জুষ্টা বিষরোগিণঃ||২||
ज्वरकासवमिश्वासहिध्मातृष्णाऽतिमूर्च्छनम्| विशो भेदोऽतिकाठिन्यमानाहो बस्तिमूर्द्धरुक्| श्वयथुः पूतदंशत्वं रक्तस्रावो विषानिलः| इति षोडश निर्दिष्टाः विषार्त्तानामुपद्रवाः| गच्छन्त्युपेक्षिता नाशं यैर्जुष्टा विषरोगिणः||२||
🔊 Audio coming soon
জ্বরাদযঃ ষোডশ বিষার্ত্তানামুপদ্রবা নির্দিষ্টাঃ| উপেক্ষিতা অচিকিত্সিতাঃ সন্তো বিষরোগিণো যৈরুপদ্রবৈর্জুষ্টা নাশং গচ্ছন্তি|| ২||
Adhikarana rAjavRukShAdikvAthaH jvare (3) · Śloka 3
রাজবৃক্ষফলোশীরকাশ্মর্যঘনপদ্মকাত্| ক্বাথঃ সশর্করাক্ষৌদ্রো বিষজ্বরহরঃ পরম্||৩||
राजवृक्षफलोशीरकाश्मर्यघनपद्मकात्| क्वाथः सशर्कराक्षौद्रो विषज्वरहरः परम्||३||
🔊 Audio coming soon
রাজবৃক্ষ ইত্যাদিনা জ্বরাদীনাং ক্রমেণ চিকিত্সা রাজবৃক্ষফলাদিক্বাথঃ সুবোধঃ|| ৩||
Adhikarana jvarAdau yogAntarANi (4) · Śloka 4
পীতা তণ্ডুলতোযেন কটুকা সসিতোপলা| বিষজ্বরহরাঽজাজী জীবকর্ষভকোত্পলম্| কোলমজ্জসিতাধান্যভার্ঙ্গী যষ্ট্যাহ্বকেসরম্| বিষজ্বরবমিশ্বাসকাসতৃষ্ণানিবর্হণম্| ত্রিফলারগ্বধব্যাঘ্রীক্বাথো জ্বরবিবন্ধজিত্| বালবিল্ববচামুস্তাকষাযঃ সপুনর্নবঃ| জ্বরাগ্নিসাদশ্বযথূন্নিহন্তি বিষসম্ভবান্||৪||
पीता तण्डुलतोयेन कटुका ससितोपला| विषज्वरहराऽजाजी जीवकर्षभकोत्पलम्| कोलमज्जसिताधान्यभार्ङ्गी यष्ट्याह्वकेसरम्| विषज्वरवमिश्वासकासतृष्णानिबर्हणम्| त्रिफलारग्वधव्याघ्रीक्वाथो ज्वरविबन्धजित्| बालबिल्ववचामुस्ताकषायः सपुनर्नवः| ज्वराग्निसादश्वयथून्निहन्ति विषसम्भवान्||४||
🔊 Audio coming soon
সশর্করা কটুকা তণ্ডুলতোযেন পীতা বিষজ্বরহরা ভবতি| অজাজ্যাদিকেসরান্তং বিষজ্বরাদিনিবর্হণম্| ত্রিফলাদিক্বাথে জ্বরবিবন্ধজিত্| বালবিল্বাদিকষাযঃ পুনর্নবাযুক্তো বিষসম্ভবান্ জ্বরাদীন্ নিহন্তি|| ৪||
Adhikarana vaidehikAdi shvAsakAsajvare (5) · Śloka 5
বৈদেহিকারামঠকং কপিত্থরসসৈন্ধবম্| সসিতামাক্ষিকং লীঢং শ্বাসকাসজ্বরাপহম্||৫||
वैदेहिकारामठकं कपित्थरससैन्धवम्| ससितामाक्षिकं लीढं श्वासकासज्वरापहम्||५||
🔊 Audio coming soon
বৈদেহিকাদিকং শ্বাসাদ্যপহরম্| বৈদেহিকা পিপ্পলী| রামঠকং হিঙ্গু| ইতি জ্বরে|| ৫||
Adhikarana viShakAsacikitsA (6) · Śloka 6
সদ্রাক্ষানাগরাং কৃষ্ণামথবা সবরাঘনাম্| লীড্বাজ্যমধুনা কাসান্মুচ্যতে বিষসম্ভবাত্| সপাঠাঞ্জনমঞ্জিষ্ঠাদ্বিনিশামধুকং তথা| যষ্ট্যাহ্বমম্ভসা পীত্বা.......................||৬||
सद्राक्षानागरां कृष्णामथवा सवराघनाम्| लीड्वाज्यमधुना कासान्मुच्यते विषसम्भवात्| सपाठाञ्जनमञ्जिष्ठाद्विनिशामधुकं तथा| यष्ट्याह्वमम्भसा पीत्वा.......................||६||
🔊 Audio coming soon
কৃষ্ণাং পিপ্পলীং দ্রাক্ষানাগরাভ্যাং যুক্তাং মধুসর্পিষা লীঢ্বা বিষসম্ভবান্ কাসান্ মুচ্যতে| অথবা সবরাঘনাং কৃষ্ণাং মধ্বাজ্যেন লীঢ্বা| অথবা পাঠাদিযুক্তাং কৃষ্ণাম্| তথা যষ্ট্যাহ্বমম্ভসা পীত্বা বিষসম্ভবাত্ কাসাদ্বিমুচ্যতে| ইতি কাসে|| ৬||
Adhikarana viShavamIcikitsA (7) · Śloka 7
....................................ংঅরিচৈরবচূর্ণিতম্| বিষবম্যাং পিবেত্ক্বাথং বিল্বমূলাদ্রজোঽথবা| ধাত্রীপরুষকদ্রাক্ষামধুকং পযসা দ্রুতম্| বেল্লাগ্র্যাঞ্জনসোশীরযষ্ট্যৈলাকণকেসরম্| লিহ্যান্মরিচকুম্ভীং বা ঘৃতপুষ্পরসদ্রুতাম্| ক্ষীরিবৃক্ষাঙ্কুরক্ষৌদ্রসিতাস্তৃড্বমথুচ্ছিদঃ| জীর্ণশাল্যোদনং ক্ষৌদ্রং ক্ষীরং চন্দনসাধিতম্| শীতাম্ভোঽনুপিবেদ্ ভুক্ত্বা বিষচ্ছর্দিমপোহতি||৭||
....................................ंअरिचैरवचूर्णितम्| विषवम्यां पिबेत्क्वाथं बिल्वमूलाद्रजोऽथवा| धात्रीपरुषकद्राक्षामधुकं पयसा द्रुतम्| वेल्लाग्र्याञ्जनसोशीरयष्ट्यैलाकणकेसरम्| लिह्यान्मरिचकुम्भीं वा घृतपुष्परसद्रुताम्| क्षीरिवृक्षाङ्कुरक्षौद्रसितास्तृड्वमथुच्छिदः| जीर्णशाल्योदनं क्षौद्रं क्षीरं चन्दनसाधितम्| शीताम्भोऽनुपिबेद् भुक्त्वा विषच्छर्दिमपोहति||७||
🔊 Audio coming soon
বিল্বমূলাত্ ক্বাথং মরিচৈরবচূর্ণিতং বিষবম্যাং পিবেত্| অথবা বিল্বমূলাদ্রজশ্চূর্ণং ধাত্র্যাদিকং চ পযসা ক্ষীরেণ দ্রুতং গৃহীতদ্রবত্বং পিবেত্| বেল্লাদিকং কেসরান্তং ঘৃতপুষ্পরসদ্রুতং লিহ্যাত্| পুষ্পরসো মাক্ষিকম্| মরিচকুম্ভীং বা ঘৃতাদিদ্রুতাম্| কুম্ভী দ্রবন্তী| ক্ষীরিবৃক্ষাঙ্কুরাদীনি তৃষং বমথুং চ ছিন্দন্তি| জীর্ণশাল্যোদনাদিকং ভুক্ত্বা শীতাম্ভোঽনু পিবেত্ বিষজাং ছর্দিমপোহতি| ইতি বিষজবম্যাম্|| ৭||
Adhikarana viShajashvAse cikitsA (8) · Śloka 8
তৈলগোবিড্রসক্ষৌদ্রৈর্লিহ্যাত্ কৃষ্ণাপ্রিযঙ্গুকে| শ্বাসী ক্ষৌদ্রেণ বা দ্রাক্ষাশৃঙ্গীমাগধিকাসিতাঃ| গুডনাগরবৈদেহীবিজযামলকানি বা||৮||
तैलगोविड्रसक्षौद्रैर्लिह्यात् कृष्णाप्रियङ्गुके| श्वासी क्षौद्रेण वा द्राक्षाशृङ्गीमागधिकासिताः| गुडनागरवैदेहीविजयामलकानि वा||८||
🔊 Audio coming soon
বিষশ্বাসী পিপ্পলীপ্রিযঙ্গুকে তৈলাদিভির্লিহ্যাত্| অথবা দ্রাক্ষাদিসিতান্তং ক্ষৌদ্রেণ লিহ্যাত্| অথবা গুডাদিকমামলকান্তং ক্ষৌদ্রেণ| ইতি বিষজে শ্বাসে|| ৮||
Adhikarana viShajahidhmAyAM cikitsA (9) · Śloka 9
হিধ্মাযাং শঙ্খকনককটুকাস্বর্ণগৈরিকম্| বেল্লশুণ্ঠীকণোশীররজনীদ্বিতযানি বা| লিহ্যাদ্বা ব্যোষমৃদ্বীকাং বীজপূররসেন বা| সক্ষৌদ্রং বালকরজঃ ক্বাথং বা সগুডং পিবেত্| বিশ্বভেষজগাযত্রীহরিদ্রামরদারুজম্| দন্তীন্দ্রবারুণীদ্বীপীকল্কং সৌবীরকেণ বা||৯||
हिध्मायां शङ्खकनककटुकास्वर्णगैरिकम्| वेल्लशुण्ठीकणोशीररजनीद्वितयानि वा| लिह्याद्वा व्योषमृद्वीकां बीजपूररसेन वा| सक्षौद्रं वालकरजः क्वाथं वा सगुडं पिबेत्| विश्वभेषजगायत्रीहरिद्रामरदारुजम्| दन्तीन्द्रवारुणीद्वीपीकल्कं सौवीरकेण वा||९||
🔊 Audio coming soon
হিধ্মাযাং শঙ্খাদিকং স্বর্ণগৈরিকান্তং ক্ষৌদ্রেণ লিহ্যাত্| অথবা বেল্লাদিকং রজনীদ্বযান্তম্| তথা ব্যোষং মৃদ্বীকাং চ ক্ষৌদ্রেণ বীজপূররসেন বা লিহ্যাত্| সক্ষৌদ্রং চ বালকস্য রজশ্চূর্ণং লিহ্যাত্| অথবা বিশ্বভেষজাদিকং ক্বাথং সগুডং পিবেত্| অথবা দন্ত্যাদীনাং কল্কং সৌবীরকেণ কাঞ্জিকেন পিবেত্| ইতি হিধ্মাযাম্|| ৯||
Adhikarana viShajatRuNmUrcchayoH cikitsA (10) · Śloka 10
তৃণ্মূর্চ্ছযোরাশিরসো লেপসেকা হিমা হিতাঃ| অম্ভোজনালকুসুমচন্দনোশীরমৌক্তিকৈঃ| বৈহাযসসিতাতোযক্ষীরাজ্যেক্ষুরসাপ্লুতৈঃ| বীজনং তালবৃন্তেন শীতে সিকতিলে স্থিতিঃ| কমলোত্পলকিঞ্জল্কপটলাবৃতবারিষু| বিষতৃড্দাহমূর্চ্ছাঘ্নং সরসীষ্ববগাহনম্||১০||
तृण्मूर्च्छयोराशिरसो लेपसेका हिमा हिताः| अम्भोजनालकुसुमचन्दनोशीरमौक्तिकैः| वैहायससितातोयक्षीराज्येक्षुरसाप्लुतैः| वीजनं तालवृन्तेन शीते सिकतिले स्थितिः| कमलोत्पलकिञ्जल्कपटलावृतवारिषु| विषतृड्दाहमूर्च्छाघ्नं सरसीष्ववगाहनम्||१०||
🔊 Audio coming soon
তৃষি মূর্চ্ছাযাং চাশিরসঃ সর্বাঙ্গে হিমা লেপসেকা হিতাঃ| কৈরিত্যাহ-অম্ভোজনালাদিভির্বৈহাযসসিতাতোযাদিপ্লুতৈঃ| বৈহাযসমান্তরিক্ষং তোযং সিতাতোযং চ| তালবৃন্তেনোত্ক্ষেপকেণ বীজনং হিতম্| শীতে সিকতাবতি চ দেশে স্থিতিঃ| কমলাদিপটলেন তত্সমূহেনাবৃতং বারি যাসু তাসু সরসীসু মহত্সু সরস্ববগাহনং বিষতৃডাদিঘ্নম্| ইতি তৃণ্মূর্চ্ছযোঃ|| ১০||
Adhikarana tRuShNAyAM visheSheNa cikitsA (11) · Śloka 11
বিষবেগসমুত্থাযাং তৃষ্ণাযাং লাজতর্পণম্| শর্করাদাডিমক্ষৌদ্রসলিলাপ্লাবিতং পিবেত্| বটবেতসজম্ব্বাম্রসেব্যতোযং চ শীতলম্||১১||
विषवेगसमुत्थायां तृष्णायां लाजतर्पणम्| शर्करादाडिमक्षौद्रसलिलाप्लावितं पिबेत्| वटवेतसजम्ब्वाम्रसेव्यतोयं च शीतलम्||११||
🔊 Audio coming soon
তৃষ্ণাযাং বিশেষমাহ-বিষ বেগেত্যাদি|সুবোধম্| বটাদিভিঃ সিদ্ধং চ শীতলং পিবেত্|| ১১||
Adhikarana viShajAtisAre cikitsA (12) · Śloka 12
ভূনিম্বমুস্তকটুকাত্রাযন্তীন্দ্রযবান্ সমান্| দ্বৌ ভাগৌ চিত্রকাদষ্টৌ কুটজাদ্বারিণা পিবেত্| বিষাতিসারোদাবর্তকাসশ্বাসজ্বরাপহম্| লোধ্রমোচরসাম্বষ্ঠাধাতকীস্তণ্ডুলাম্বুনা| সমাক্ষিকা পিবেত্তদ্বন্নাগরাতিবিষাভযাঃ| সধাতকীঃ সকুটজাঃ সাঞ্জনাঃ শ্লক্ষ্ণচূর্ণিতাঃ| পাঠানাগরচূর্ণং বা দধ্না যুক্তং সমাক্ষিকম্||১২||
भूनिम्बमुस्तकटुकात्रायन्तीन्द्रयवान् समान्| द्वौ भागौ चित्रकादष्टौ कुटजाद्वारिणा पिबेत्| विषातिसारोदावर्तकासश्वासज्वरापहम्| लोध्रमोचरसाम्बष्ठाधातकीस्तण्डुलाम्बुना| समाक्षिका पिबेत्तद्वन्नागरातिविषाभयाः| सधातकीः सकुटजाः साञ्जनाः श्लक्ष्णचूर्णिताः| पाठानागरचूर्णं वा दध्ना युक्तं समाक्षिकम्||१२||
🔊 Audio coming soon
অতিসারস্য চিকিত্সামাহ-ভূনিম্বেত্যাদি| ভূনিম্বাদীনি পঞ্চ সমানি চিত্রকস্য দ্বৌ ভাগাবযবদ্রব্যাপেক্ষযা| তথৈব কুটজাদষ্টৌ ভাগাঃ| এতদ্বারিণা পিবেদ্বিষহেত্বতীসারাদ্যপহম্| লোধ্রাদিকং সমাক্ষিকং তণ্ডুলাম্বুনা পিবেত্| নাগরাদ্যঞ্জনান্তং তদ্বদিতি সমাক্ষিকং তণ্ডুলাম্বুনা পিবেত্| অথবা পাঠাদিচূর্ণং সমাক্ষিকং দধ্না যুক্তং পিবেত্| ইতি বিষজাতিসারে|| ১২||
Adhikarana bastirugAdiShu cikitsA (13) · Śloka 13
বস্তিরুগ্বর্তনাহেষু ফলবর্তিং প্রযোজযেত্| সারগ্বধাং সত্রিবৃতাং সোপকুল্যাং হরীতকীম্| পিবেদ্ ঘৃতেন সক্ষৌদ্রাং বস্তিশূলাদিনাশিনীম্| গৃহধূমনতশ্যামানীলিনীতণ্ডুলীযকৈঃ| সিদ্ধং বাজ্যং তথাঽসিদ্ধং বরাক্বাথত্রিবৃদ্যুতম্||১৩||
बस्तिरुग्वर्तनाहेषु फलवर्तिं प्रयोजयेत्| सारग्वधां सत्रिवृतां सोपकुल्यां हरीतकीम्| पिबेद् घृतेन सक्षौद्रां बस्तिशूलादिनाशिनीम्| गृहधूमनतश्यामानीलिनीतण्डुलीयकैः| सिद्धं वाज्यं तथाऽसिद्धं वराक्वाथत्रिवृद्युतम्||१३||
🔊 Audio coming soon
বস্তিরুগাদিষু উদাবর্তচিকিত্সিতোক্তাং ফলবর্তিং প্রযোজযেত্| বর্ত উদাবর্তঃ (বিশোঽতিকাঠিন্যম্) নাহ আনাহঃ| আরগ্বধাদিত্রযেণ পৃথগ্যুক্তাং হরীতকীং সক্ষৌদ্রাং ঘৃতেন পিবেদ্ বস্তিশূলাদিনাশিনীম্| গৃহধূমাদিভিঃ সিদ্ধমাজ্যং পিবেত্| অসিদ্ধমেব বা ঘৃতং ত্রিফলাক্বাথেন ত্রিবৃতা চ সংযুক্তং পিবেত্| ইতি বস্তিরুগাদিষু|| ১৩||
Adhikarana mUrddharuji cikitsA (14) · Śloka 14
কাকোলীক্ষীরিবৃদ্বাত্বগ্দ্রাক্ষাযষ্ট্যাহ্বশর্করাঃ| নস্যং বিষশিরোরুগ্ঘ্নং সংযোজ্যং শীতবারিণা||১৪||
काकोलीक्षीरिवृद्वात्वग्द्राक्षायष्ट्याह्वशर्कराः| नस्यं विषशिरोरुग्घ्नं संयोज्यं शीतवारिणा||१४||
🔊 Audio coming soon
কাকোল্যাদিনস্যং বিষশিরোরুগ্ঘ্নম্| সুবোধম্| ইতি মূর্দ্ধরুজি||
Adhikarana viShajashvayathau cikitsA (15) · Śloka 15
শ্বযথৌ শুদ্ধকোষ্ঠস্য পযঃপানে হিতং শৃতম্| বিশ্বভেষজবৈদেহীকটুকাদেবদারুভিঃ| সুরসামূলকল্কৈর্বা ছাগং বা পিপ্পলীশৃতম্| ত্রিফলাযাঃ কষাযেণ ত্রিবৃতা ভাবিতা ত্র্যহম্| আলোড্য সর্পিষা পীতা বিষশ্বযথুনাশিনী| মধুবেল্লবরাব্যোষসুরাহ্বোশীরপদ্মকৈঃ| বিষশ্বযথুজিল্লেপস্তথা স্বাদুকষাযকৈঃ| শিরীষপুষ্পাঽহিশিরোনতকুষ্ঠৈর্ঘৃতান্বিতঃ| ধূপোঽগদঃ শ্বযথুজিত্সমস্তবিষনাশনঃ||১৫||
श्वयथौ शुद्धकोष्ठस्य पयःपाने हितं शृतम्| विश्वभेषजवैदेहीकटुकादेवदारुभिः| सुरसामूलकल्कैर्वा छागं वा पिप्पलीशृतम्| त्रिफलायाः कषायेण त्रिवृता भाविता त्र्यहम्| आलोड्य सर्पिषा पीता विषश्वयथुनाशिनी| मधुवेल्लवराव्योषसुराह्वोशीरपद्मकैः| विषश्वयथुजिल्लेपस्तथा स्वादुकषायकैः| शिरीषपुष्पाऽहिशिरोनतकुष्ठैर्घृतान्वितः| धूपोऽगदः श्वयथुजित्समस्तविषनाशनः||१५||
🔊 Audio coming soon
বিষজে শ্বযথৌ বমনবিরেচনাভ্যাং শুদ্ধকোষ্ঠস্য বিশ্বভেষজাদিভিঃ শৃতং পযঃ ক্ষীরং পানে হিতম্| অথবা সুরসামূলকল্কৈঃ শৃতং পযঃ পানে হিতম্| অথবা পিপ্পলীশৃতং ছাগং পযঃ| ত্রিফলাক্বাথেন ত্র্যহং ভাবিতা যা ত্রিবৃতা সা ঘৃতেনালোড্য পীতা শ্বযথুনাশিনী| মধ্বাদিভিঃ পদ্মকান্তৈর্লেপো বিষশ্বযথুজিত্| তথা মধুরৈঃ কষাযৈশ্চ দ্রব্যৈঃ| শিরীষপুষ্পাদিভির্ঘৃতান্বিতো ধূপঃ শ্বযথুজিদগদঃ সর্ববিষাণাং নাশনঃ| অহিশিরঃ সর্পোত্তমাঙ্গম্| ইতি শ্বযথৌ|| ১৫||
Adhikarana pUtidaMshe cikitsA (16) · Śloka 16
অল্পেনাপ্যপচারেণ দংশঃ পূতিত্বমশ্নুতে| প্রাযো ন সহতে তীক্ষ্ণমুষ্ণং বা ভেষজং বিষম্| মধুরস্নিগ্ধশীতানি যুঞ্জ্যাত্তস্মাদ্বিষব্রণে| সেকালেপাংশ্চ সক্ষীরৈঃ কষাযৈঃ ক্ষীরিবৃক্ষজৈঃ| ন্যগ্রোধশৃঙ্গমধুকতিলসর্ষপসৈন্ধবম্| সাভযা নিম্বপত্রাজ্যং দংশপূতিত্বনাশনম্| কর্ণিকাপাতনং শ্রেষ্ঠং বিষব্রণবিনাশনম্||১৬||
अल्पेनाप्यपचारेण दंशः पूतित्वमश्नुते| प्रायो न सहते तीक्ष्णमुष्णं वा भेषजं विषम्| मधुरस्निग्धशीतानि युञ्ज्यात्तस्माद्विषव्रणे| सेकालेपांश्च सक्षीरैः कषायैः क्षीरिवृक्षजैः| न्यग्रोधशृङ्गमधुकतिलसर्षपसैन्धवम्| साभया निम्बपत्राज्यं दंशपूतित्वनाशनम्| कर्णिकापातनं श्रेष्ठं विषव्रणविनाशनम्||१६||
🔊 Audio coming soon
বিষব্রণে মধুরাদিপ্রযোগায অল্পেনেত্যাদিহেতুঃ| ক্ষীরিবৃক্ষাণাং কষাযৈর্দ্রবৈঃ ক্ষীরসংযুক্তৈঃ সেকানালেপাংশ্চ যুঞ্জ্যাত্| ন্যগ্রোধশৃঙ্গাদিকং দংশপূতিত্বনাশনাদিগুণত্রযযুক্তম্| ইতি পূতিদংশত্বে|| ১৬||
Adhikarana raktasrAve cikitsA (17) · Śloka 17
রক্তে স্রবত্যতিভৃশং ঘৃতং সমরিচং পিবেত্| তণ্ডুলীযকমূলেন সিতযা বা সমন্বিতম্| দংশং প্রলেপযেচ্চাস্য দার্ব্যাসু শ্লক্ষ্ণপিষ্টযা| সিতোপলাক্ষৌদ্রকৃতচ্ছাগদুগ্ধানি নাবনম্| শমীকল্কং পিবেচ্ছ্লক্ষ্ণমঙ্গং লিম্পেদ্বিশালযা| নাবনে হেমশুক্লা চ ততঃ শাম্যতি শোণিতম্||১৭||
रक्ते स्रवत्यतिभृशं घृतं समरिचं पिबेत्| तण्डुलीयकमूलेन सितया वा समन्वितम्| दंशं प्रलेपयेच्चास्य दार्व्यासु श्लक्ष्णपिष्टया| सितोपलाक्षौद्रकृतच्छागदुग्धानि नावनम्| शमीकल्कं पिबेच्छ्लक्ष्णमङ्गं लिम्पेद्विशालया| नावने हेमशुक्ला च ततः शाम्यति शोणितम्||१७||
🔊 Audio coming soon
ব্রণাচ্চাতিভৃশং রক্তে স্রবতি সমরিচং ঘৃতং পিবেত্| অথবা ঘৃতং তণ্ডুলীযকস্য মূলেন সমন্বিতং পিবেত্| শর্করযা বা| অস্য চাস্রস্রুতৌ সুশ্লক্ষ্ণপিষ্টযা দার্ব্যা দংশব্রণং লিম্পেত্| সিতোপলেত্যাদি সুবোধম্| বিশালা গবাক্ষী| শুক্লা ক্ষীরবিদারী| ক্ষীরককোলী বা| ইতি রক্তস্রাবে|| ১৭||
Adhikarana viShAnile cikitsA (18) · Śloka 18
কৃশস্যাতিস্রুতে রক্তে রূক্ষৈরত্যর্থসেবিতৈঃ| বিষস্য চ স্বভাবেন মাতরিশ্বা প্রকুপ্যতি| উন্মাদাক্ষেপকমনোভ্রংশাপস্মৃতযস্ততঃ| তত্রেষ্টং স্নেহনং বস্তিনস্যপ্রধমনাঞ্জনম্| নাগদন্ত্যভযাকুষ্ঠপিপ্পলীবৃষকট্ফলম্| ভল্লাতকাস্থিত্রিকটুকাবিল্বপ্রতিবিষাগ্নিকাঃ| সক্ষীরং তৈর্ঘৃতং সিদ্ধং বিষবাতবিকারজিত্| পিবেদেরণ্ডতৈলং বা ছাগমাংসরসান্বিতম্| ঐকধ্যং ঘৃততৈলং বা মেধ্যমাসরসাশনণঃ| কার্পাসমূলং মরিচং হরিদ্রে নলদং নলম্| পিপ্পলীং স্বর্জিকাং কুষ্ঠং জলেনালোড্য পাযযেত্| উন্মত্তং বিষবাতেন তথাঽপস্মারিণং নরম্| বচাহংসপদীব্যোষদধিত্থং হস্তিপিপ্পলীম্| দেবদারুবলাবিল্বকৃমিজিত্কুষ্ঠটুণ্টুকম্| লোধ্রাখুকর্ণ্যতিবিষাঃ ক্ষীরং সর্পিশ্চ পাযযেত্| নিহন্তি পানাভ্যঙ্গাভ্যাং ঘৃতং সর্ববিষাণি তত্||১৮||
कृशस्यातिस्रुते रक्ते रूक्षैरत्यर्थसेवितैः| विषस्य च स्वभावेन मातरिश्वा प्रकुप्यति| उन्मादाक्षेपकमनोभ्रंशापस्मृतयस्ततः| तत्रेष्टं स्नेहनं बस्तिनस्यप्रधमनाञ्जनम्| नागदन्त्यभयाकुष्ठपिप्पलीवृषकट्फलम्| भल्लातकास्थित्रिकटुकाबिल्वप्रतिविषाग्निकाः| सक्षीरं तैर्घृतं सिद्धं विषवातविकारजित्| पिबेदेरण्डतैलं वा छागमांसरसान्वितम्| ऐकध्यं घृततैलं वा मेध्यमासरसाशनणः| कार्पासमूलं मरिचं हरिद्रे नलदं नलम्| पिप्पलीं स्वर्जिकां कुष्ठं जलेनालोड्य पाययेत्| उन्मत्तं विषवातेन तथाऽपस्मारिणं नरम्| वचाहंसपदीव्योषदधित्थं हस्तिपिप्पलीम्| देवदारुबलाबिल्वकृमिजित्कुष्ठटुण्टुकम्| लोध्राखुकर्ण्यतिविषाः क्षीरं सर्पिश्च पाययेत्| निहन्ति पानाभ्यङ्गाभ्यां घृतं सर्वविषाणि तत्||१८||
🔊 Audio coming soon
কৃশস্য রক্তেঽতিস্রুতে রূক্ষসেবনাদ্বিষস্বভাবাচ্চ বাযুঃ প্রকুপ্যতি| ততো হেতোরুন্মাদাদযো ভবন্তি| তত্র স্নেহনং বস্ত্যাদিকমিষ্টম্| নাগদন্ত্যাদিভিঃ সক্ষীরং সিদ্ধং ঘৃতং বিষহেতূন্ বাতবিকারানুন্মাদাদীন্ জযতি| ছাগমাংসরসেনান্বিতমেরণ্ডতৈলং বা অথবা মেধ্যমাংসরসাশনঃ সন্নৈকধ্যং ঘৃততৈলং বা পিবেত্| কার্পাসমূলাদিকং সুবোধম্| বিষবাতেনেতি বিষহেতুনা বাতেন উন্মত্তমুন্মাদযুক্তম্| বচাদিভিঃ সর্পির্বিপাচযেত্| তত্পানেনাভ্যঙ্গেন চ সর্ববিষাণি নিহন্তি| হংসপদী মধুস্রবা| দধিত্থং কপিত্থম্| টুণ্টুকঃ স্যোনাকঃ| আখুকর্ণী দ্রবন্তী| ইতি বিষানিলে|| ১৮||
Adhikarana sheSharogeShu cikitsA (19) · Śloka 19
প্রতিকুর্যাদ্যথাস্বং চ রোগেষ্বেনং পরেষু চ| দোষানুবন্ধমালোচ্য বিষতন্ত্রাবিরোধতঃ||১৯||
प्रतिकुर्याद्यथास्वं च रोगेष्वेनं परेषु च| दोषानुबन्धमालोच्य विषतन्त्राविरोधतः||१९||
🔊 Audio coming soon
এবং পরেষু চানুক্তেষ্বপি বিষহেতুষু রোগেষু যথাস্বমাত্মীযচিকিত্সযা প্রতিকুর্যাত্| কথমিত্যাহ-দোষাণাং বাতাদীনামনুবন্ধমালোচ্য যথা চ বিষতন্ত্রে তীক্ষ্ণাদিরূপেণ বিরোধো ন ভবতি||১৯||
Adhikarana viShasheShe cikitsA (20) · Śloka 20
দৃশ্যশব্দাগদৈরস্য বিষশেষং নিবর্তযেত্| অল্পমপ্যবশিষ্টং হি ব্যাধযে মরণায বা||২০||
दृश्यशब्दागदैरस्य विषशेषं निवर्तयेत्| अल्पमप्यवशिष्टं हि व्याधये मरणाय वा||२०||
🔊 Audio coming soon
অস্য চাতুরস্য দৃশ্যশব্দাগদৈর্বিষশেষং শমযেত্| দৃশ্যাগদা যে দর্শনমাত্রেণ বিষঘ্নাঃ| শব্দাগদা যে শব্দেন| অল্পমিত্যাদি নিশ্শেষনিবর্তনত্বে হেতুঃ|| ২০||
Adhikarana kShArAgadaH (21) · Śloka 21
ধবাশ্বকর্ণতিনিশকরঘাটকপীতনান্| পলাশাম্রাতককুভপারিভদ্রকতিল্বকান্| কপিত্থকুটজাঙ্কোলপ্রগ্রহামলকীভুজান্| শমীশ্লেষ্মাতকানন্তগোজীযমলকণ্টকান্| গোপঘোণ্টাহিমারৌ চ ভস্মীকৃত্যাম্ভসা গবাম্| ক্ষারকল্পেন বিস্রাব্য পচেত্ক্ষিপ্ত্বাঽবচূর্ণিতান্| পিপ্পলীদ্বযকোশাম্রসপ্তপর্ণৈলবালুকান্| বরাঙ্গচোচমঞ্জিষ্ঠাকুষ্ঠবঞ্জুলটুণ্টুকান্| বিডঙ্গাতিবিষানন্তাসর্ষপাতণ্ডুলীযকান্| সুরাহ্বসরলপ্লক্ষগৃহধূমকরঞ্জকান্| নাগদন্তী সুতশ্রেণী নিচুলং বরুণং বচাম্| বর্দ্ধমানমযো বিল্বং ক্ষারবত্পাকমাগতম্| তল্লোহকুম্ভে নিহিতং কার্যং সন্নিহিতং সদা| তেন দুন্দুভিমালিম্পেত্ পতাকাস্তরণানি চ| দর্শনশ্রবণস্পর্শৈর্নির্বিষং তানি কুর্বতে| পানাত্ক্ষারাগদশ্চৈষ বিষং স্থাবরজঙ্গমম্| শূলগুল্মোদরাজীর্ণশ্বাসকাসাশ্মশর্করাঃ| শোফার্শোগ্রহণীদোষানরুচিং চ নিযচ্ছতি| অপি তক্ষকতুল্যানাং সর্পাণাং দর্পনাশনঃ||২১||
धवाश्वकर्णतिनिशकरघाटकपीतनान्| पलाशाम्रातककुभपारिभद्रकतिल्वकान्| कपित्थकुटजाङ्कोलप्रग्रहामलकीभुजान्| शमीश्लेष्मातकानन्तगोजीयमलकण्टकान्| गोपघोण्टाहिमारौ च भस्मीकृत्याम्भसा गवाम्| क्षारकल्पेन विस्राव्य पचेत्क्षिप्त्वाऽवचूर्णितान्| पिप्पलीद्वयकोशाम्रसप्तपर्णैलवालुकान्| वराङ्गचोचमञ्जिष्ठाकुष्ठवञ्जुलटुण्टुकान्| विडङ्गातिविषानन्तासर्षपातण्डुलीयकान्| सुराह्वसरलप्लक्षगृहधूमकरञ्जकान्| नागदन्ती सुतश्रेणी निचुलं वरुणं वचाम्| वर्द्धमानमयो बिल्वं क्षारवत्पाकमागतम्| तल्लोहकुम्भे निहितं कार्यं सन्निहितं सदा| तेन दुन्दुभिमालिम्पेत् पताकास्तरणानि च| दर्शनश्रवणस्पर्शैर्निर्विषं तानि कुर्वते| पानात्क्षारागदश्चैष विषं स्थावरजङ्गमम्| शूलगुल्मोदराजीर्णश्वासकासाश्मशर्कराः| शोफार्शोग्रहणीदोषानरुचिं च नियच्छति| अपि तक्षकतुल्यानां सर्पाणां दर्पनाशनः||२१||
🔊 Audio coming soon
ধবাদিকমহিমারান্তং দগ্ধ্বা ভস্ম কার্যম্| তত্ গোমূত্রেণ ক্ষারকল্পেন সূত্রোক্তবিধানেন পরিস্রাব্যাচ্ছং পচেত্| পচ্যমানে পিপ্পল্যাদিকং চূর্ণিতং ক্ষিপেত্| ততঃ ক্ষারলবণৈঃ পক্বং পাকমাগতং লোহকুম্ভে নিহিতং কুর্যাত্| তেনাঽঽলিপ্তানি দুন্দুভ্যাদীনি শব্দাদিভির্নির্বিষং কুর্বতে| দুন্দুভযঃ কাহলাঃ, পতাকা বৈজযন্ত্যঃ, করঘাটো মদনঃ, কপীতনঃ প্লক্ষসংজ্ঞঃ, আম্রাতকং কপিচূডম্, পারিভদ্রকো নিম্বঃ, তিল্বকো লোধ্রঃ, কুটজো বত্সকঃ, অঙ্কোলং তত্সংজ্ঞম্, প্রগ্রহো নক্তমালঃ, ভুজো ভূর্জঃ, অশ্মন্তকো মালুকাপর্ণঃ, গোজী গোজিহ্বা, যমলকণ্টকো যুগ্মকণ্টকঃ, চিরিবিল্বঃ, করঞ্হ্জঃ, কট্বঙ্গঃ স্যোনাকঃ, গোপঘোণ্টা ঘোণ্টা, অহিমারঃ অরিমেদঃ;-এতানি সর্বাণি সমূলশাখাদীনি, কুশাম্রং ক্ষুদ্রামম্, বরাঙ্গং ত্বক্, চোচং নালিকেরং, বঞ্জুলো জলবেতসঃ, টুণ্টুকঃ স্যোনাকঃ, অনন্তা যবাসকঃ, সুরাহ্বং দেবদারু, করঞ্জকো নক্তমালঃ, সুতশ্রেণী দ্রবন্তী, নিচুলং বেতসম্, বর্দ্ধমান এরণ্ডঃ, এষ চ নাম্না ক্ষারাগদঃ পানাত্ স্থাবরং জঙ্গমং চ বিষং গুল্মাদীংশ্চ নিযচ্ছতি নাশযতি| এষ তক্ষকতুল্যানামপি সর্পাণাং দর্পং নাশযতি|| ২১||
Adhikarana sugandhAkhyo~agadaH (22) · Śloka 22
শ্রীবেষ্টকমনোহ্বালং সসর্জরসবালকম্| কর্ষাংশং নাগপুষ্পস্য প্রকুঞ্চং ত্রুটি বিংশকম্| হরেণবঃ চতুঃষষ্টিঃ কুটন্নটচতুষ্টযম্| শতাহ্বাং ষোডশৈতানি পুষ্যে সম্ভৃত্য পেষযেত্| আশ্লেষাসু গবাং মধ্যে শস্ত্রমন্ত্রাভিরক্ষিতম্| কুমার্যা স্নাতযা তত্র মন্ত্রোঽযং বিষ্ণুনির্মিতঃ| মাতা মে বিজযা নাম জযো নাম পিতা মম| অজয্যস্য চ পুত্রোঽসৌ জযে চ বিজযামি চ| সুগন্ধাখ্যোঽযমগদো নিত্যং দেহবিলেপনাত্| অভঙ্গকরণো যুদ্ধে বিবাদে চ জযাবহঃ| অনেন লেপিতাশ্ছত্রদুন্দুভিধ্বজতোরণাঃ| দৃষ্টস্পৃষ্টশ্রুতা ঘ্নন্তি বিষং স্থাবরজঙ্গমম্| ভূতবালগ্রহোন্মাদান্ গেহস্থোঽপি নিবারযেত্||২২||
श्रीवेष्टकमनोह्वालं ससर्जरसवालकम्| कर्षांशं नागपुष्पस्य प्रकुञ्चं त्रुटि विंशकम्| हरेणवः चतुःषष्टिः कुटन्नटचतुष्टयम्| शताह्वां षोडशैतानि पुष्ये सम्भृत्य पेषयेत्| आश्लेषासु गवां मध्ये शस्त्रमन्त्राभिरक्षितम्| कुमार्या स्नातया तत्र मन्त्रोऽयं विष्णुनिर्मितः| माता मे विजया नाम जयो नाम पिता मम| अजय्यस्य च पुत्रोऽसौ जये च विजयामि च| सुगन्धाख्योऽयमगदो नित्यं देहविलेपनात्| अभङ्गकरणो युद्धे विवादे च जयावहः| अनेन लेपिताश्छत्रदुन्दुभिध्वजतोरणाः| दृष्टस्पृष्टश्रुता घ्नन्ति विषं स्थावरजङ्गमम्| भूतबालग्रहोन्मादान् गेहस्थोऽपि निवारयेत्||२२||
🔊 Audio coming soon
শ্রীবেষ্টকাদীনি পঞ্চ প্রত্যেকং কর্ষাংশানি| নাগপুষ্পস্য প্রকুঞ্চং পলম্| ত্রুটির্বিংশকং সূক্ষ্মৈলাপলানি বিংশতিঃ| হরেণুপলানি চতুঃষষ্টিঃ| কুটন্নটপলানি চত্বারি| শতপুষ্পাপলানি ষোডশ| ইত্যেতত্ পুষ্যে সম্ভৃত্যাশ্লেষাসু পেষযেত্| গবাং মধ্যে শস্ত্রৈর্মন্ত্রৈশ্চাভিরক্ষিতং কৃত্বা পেষযেত্| স্নাতযা চ কুমার্যা কন্যকযা| তত্র চ পেষণে মাতা মেত্যাদি বিষ্ণুনির্মিতো মন্ত্রঃ| অযমগদো নাম্না সুগন্ধঃ| এতেনাগদেন নিত্যং লিপ্তাঙ্গো যুদ্ধান্ন ভজ্যতে অবাঙমুখো ন ভবতি| বিবাদে চ জযং প্রাপ্নোতি| অমুনাগদেন ছত্রাদযো লেপিতা দর্শনাদিভিঃ স্থাবরজঙ্গমং বিষং ঘ্নন্তি| গেহস্থোঽপ্যমগদো ভূতাদীন্ নিবারযেত্| 'জযো নাম পিতামহঃ' ইতি চ পাঠঃ|| ২২||
Adhikarana mahAsugandho~agadaH (23) · Śloka 23
প্রপৌণ্ডরীকসরলদেবদারুকুটন্নটম্| জটাশতাহ্বাতিবিষাতিলপর্ণী সুগন্ধিকা| নীলীযবপুলাভার্ঙ্গীমধুযষ্ট্যৈলবালুকম্| তোযতোযদকালীযতগরধ্যামকত্বচঃ| নখপদ্মকপুন্নাগপত্রকালানুসারিকাঃ| তালীসপত্রং মরিচং জোঙ্গকং চন্দনদ্বযম্| দ্ব্যেলা দ্বিসেব্যা দ্বিশ্বেতা দ্বিনিশা নলদদ্বযম্| লাক্ষাশীতশিবব্যোষফলিনীধান্যগৈরিকম্| শৈলেযকশিলাপুষ্পগ্রন্থিলাচোরকাভযাঃ| অর্কস্থৈণেযপৃথ্বীকাকটুকাচন্দ্ররাজযঃ| কলিঙ্গকঃ সর্জরসঃ কুষ্ঠং লবণপঞ্চকম্| শ্রীপর্ণিকাশ্মরীশেলুশিংশপাসিন্দুবারজাঃ| চম্পকাশোকসুরসসুমনাস্তিল্বকোদ্ভবাঃ| পাটল্যাস্তৃণশূল্যাশ্চ প্রসবাঃ কুমুদোত্পলম্| তিনিশার্জুনশম্যাকধবপুষ্পং সপঙ্কজম্| পঞ্চাশীতেরিদং চূর্ণং সমূত্রঘৃতমাক্ষিকম্| নিধাপযেত্ গবাং শৃঙ্গে মনুষ্যে পুনরাহরেত্| ভগ্নস্কন্ধং বিবৃতাক্ষং মৃত্যোর্দংষ্ট্রান্তরং গতম্| মহাসুগন্ধো নাম্নাঽযমতিবীর্যোঽতিতেজসা| বারযত্যতিদুর্বারং বিষাগ্নিং বাসুকেরপি| নৃপোঽনেনানুলিপ্তাঙ্গো ভবেত্ সর্বজনপ্রিযঃ| তেজস্বিতাং চ লভতে রাজকস্যাপি মধ্যগঃ||২৩||
प्रपौण्डरीकसरलदेवदारुकुटन्नटम्| जटाशताह्वातिविषातिलपर्णी सुगन्धिका| नीलीयवपुलाभार्ङ्गीमधुयष्ट्यैलवालुकम्| तोयतोयदकालीयतगरध्यामकत्वचः| नखपद्मकपुन्नागपत्रकालानुसारिकाः| तालीसपत्रं मरिचं जोङ्गकं चन्दनद्वयम्| द्व्येला द्विसेव्या द्विश्वेता द्विनिशा नलदद्वयम्| लाक्षाशीतशिवव्योषफलिनीधान्यगैरिकम्| शैलेयकशिलापुष्पग्रन्थिलाचोरकाभयाः| अर्कस्थैणेयपृथ्वीकाकटुकाचन्द्रराजयः| कलिङ्गकः सर्जरसः कुष्ठं लवणपञ्चकम्| श्रीपर्णिकाश्मरीशेलुशिंशपासिन्दुवारजाः| चम्पकाशोकसुरससुमनास्तिल्वकोद्भवाः| पाटल्यास्तृणशूल्याश्च प्रसवाः कुमुदोत्पलम्| तिनिशार्जुनशम्याकधवपुष्पं सपङ्कजम्| पञ्चाशीतेरिदं चूर्णं समूत्रघृतमाक्षिकम्| निधापयेत् गवां शृङ्गे मनुष्ये पुनराहरेत्| भग्नस्कन्धं विवृताक्षं मृत्योर्दंष्ट्रान्तरं गतम्| महासुगन्धो नाम्नाऽयमतिवीर्योऽतितेजसा| वारयत्यतिदुर्वारं विषाग्निं वासुकेरपि| नृपोऽनेनानुलिप्ताङ्गो भवेत् सर्वजनप्रियः| तेजस्वितां च लभते राजकस्यापि मध्यगः||२३||
🔊 Audio coming soon
প্রপৌণ্ডরীকাদীনামৌষধানাং পঞ্চাশীতেশ্চূর্ণং মূত্রাদিযুক্তং গবাং শৃঙ্গে নিধাপযেত্| বিষেণ ভগ্নস্কন্ধত্বাদিযুক্তং মনুষ্যং পুনরাহরেত্| অযং চ নাম্না মহাসুগন্ধঃ| অতিবীর্যেত্যাদিনাস্য প্রভাবকীর্তনম্| সুবোধম্| কুটন্নটং পরিপেলবম্, জটা মাংসী, তিলপর্ণী বদরকঃ, সুগন্ধিকা গন্ধনাকুলী, যবফলো বংশঃ কুটজশ্চ, তোযং বালকম্, তোযদো মুস্তঃ, কালীযকং রক্তচন্দনম্, পত্রং গন্ধপত্রম্, জোঙ্গকমগরু, চন্দনদ্বযং পীতং সিতং চ| এলাদ্বযং সূক্ষ্মৈলা পত্রৈলা চ| সেব্যদ্বযমুশীরং লামজ্জকং চ| শ্বেতাদ্বযং বচা গিরিকর্ণিকা চ| নলদ্বযং মাংসী গন্ধমাংসী চ| শীতশিবো মিশ্রেযকঃ, শৈলেযকং শিলাপুষ্পম্, গ্রন্থিলং গ্রন্থিপর্ণং, স্থৌণেযকং শুকবর্হাখ্যম্, পৃথ্বীকা হিঙ্গুপত্রী, চন্দ্ররাজী সোমরাজী, কাশ্মরী কাশ্মর্যঃ, শেলুঃ শ্লেষ্মাতকঃ, প্রসবশব্দস্য শ্রীপর্ণ্যাদিভিঃ সম্বন্ধঃ| পুষ্পশব্দস্য তিনিশাদিভিঃ| রাজ্ঞাং সমূহো রাজকম্||২৩||
Adhikarana shItoShNaviShaye sAmAnyaniyamaH (24) · Śloka 24
শীতমেব চ কুর্বীত বিধানং বিষরোগিণাম্| মুক্ত্বা কীটবিষং তদ্ধি শীতেনাভিপ্রবর্দ্ধতে||২৪||
शीतमेव च कुर्वीत विधानं विषरोगिणाम्| मुक्त्वा कीटविषं तद्धि शीतेनाभिप्रवर्द्धते||२४||
🔊 Audio coming soon
একং কীটবিষং মুক্ত্বা বর্জযিত্বা সর্বেষু বিষেষু বিষরোগিণাং সর্বমন্তর্বহিঃ প্রযোজ্যং সাধনৌষধং শীতমেব কুর্যাত্| হি যস্মাত্তত্ কীটবিষং শীতেনাতিবর্দ্ধতে|| ২৪||
Adhikarana viShe pathyam (25) · Śloka 25
শালযঃ ষষ্টিকা জীর্ণাঃ কোরদূষাঃ প্রিযঙ্গবঃ| মুদ্গো হরেণুস্তুবরী পটোলং বেত্রপল্লবাঃ| তণ্ডুলীযকজীবন্তী বার্তাকং সুনিষণ্ণকঃ| জাঙ্গলং দাডিমং ধাত্রী কপিত্থং সৈন্ধবং সিতা| অবিদাহি যদন্যচ্চ বিজ্ঞাযান্নস্বরূপতঃ| তত্তদ্দদ্যাদ্বিষার্ত্তেভ্যঃ কার্যা ব্যঞ্জনসংস্কৃতিঃ| কষাযৈর্বিষহন্তৃণাং ঘৃতৈঃ কল্যাণকাদিভিঃ| দিব্যসারসকূপোত্থমন্যদ্বা শৃতশীতলম্| মধ্বামলকযুক্তং বা বিষার্ত্তঃ সলিলং পিবেত্| নদীতটাকজং ত্যাজ্যং বিশেষেণ ঘনাগমে| শুক্লবস্ত্রোদরাযাতৈঃ সুকৃতাঃ সক্তবো যবৈঃ| তক্রেণ সঘৃতাঃ পীতাঃ পরমং বিষনাশনাঃ||২৫||
शालयः षष्टिका जीर्णाः कोरदूषाः प्रियङ्गवः| मुद्गो हरेणुस्तुवरी पटोलं वेत्रपल्लवाः| तण्डुलीयकजीवन्ती वार्ताकं सुनिषण्णकः| जाङ्गलं दाडिमं धात्री कपित्थं सैन्धवं सिता| अविदाहि यदन्यच्च विज्ञायान्नस्वरूपतः| तत्तद्दद्याद्विषार्त्तेभ्यः कार्या व्यञ्जनसंस्कृतिः| कषायैर्विषहन्तृणां घृतैः कल्याणकादिभिः| दिव्यसारसकूपोत्थमन्यद्वा शृतशीतलम्| मध्वामलकयुक्तं वा विषार्त्तः सलिलं पिबेत्| नदीतटाकजं त्याज्यं विशेषेण घनागमे| शुक्लवस्त्रोदरायातैः सुकृताः सक्तवो यवैः| तक्रेण सघृताः पीताः परमं विषनाशनाः||२५||
🔊 Audio coming soon
বিষার্ত্তেভ্যঃ শাল্যাদিকং দদ্যাত্| অন্যচ্চাবিদাহি যদ্যত্তত্তদন্নস্বরূপাধ্যাযাদ্বিজ্ঞায দদ্যাত্| তত্র ব্যঞ্জনানাং সংস্কৃতির্বিষহরাণামৌষধানাং কষাযৈঃ কার্যা| তথা ঘৃতৈশ্চ কল্যাণকাদিভিঃ| আদিগ্রহণেন তত্স্বরূপাণামান্যেষাং গ্রহণম্| বর্ষার্ত্তশ্চ তৃষিতো দিব্যাদিকং সলিলং পিবেত্| তেন চ নদীতটাকজং সলিলং ত্যাজ্যম্| ঘনাগমে বর্ষাসু বিশেষেণ ত্যাজ্যম্| শুক্লবস্ত্রাযাঃ শ্বেতকম্বলাযা উদরাযাতৈর্যবৈঃ সুকৃতাঃ সক্তবঃ সঘৃতাস্তক্রেণ পীতাঃ পরং বিষনাশনাঃ|| ২৫||
Adhikarana viShe apathyam (26) · Śloka 26
তিলমদ্যকুলত্থক্ষুত্ক্রুদ্ভযাযাসমৈথুনম্| বর্জযেদ্বিষমুক্তোঽপি দিবাস্বপ্নং বিশেষতঃ||২৬||
तिलमद्यकुलत्थक्षुत्क्रुद्भयायासमैथुनम्| वर्जयेद्विषमुक्तोऽपि दिवास्वप्नं विशेषतः||२६||
🔊 Audio coming soon
তিলাদিকং সবিষং বর্জযেত্| অচিরকালং বিষমুক্তোঽপি| দিবাস্বপ্নং তু বিশেষতো বর্জযেত্|| ২৬||
Adhikarana aviShanaralakShaNam (27-47) · Śloka 47
প্রশান্তদোষং প্রকৃতিস্থধাতু মাহারকামং সমমূত্রবিট্কম্| প্রসন্নবর্ণেন্দ্রিযচিত্তচেষ্টং বৈদ্যোঽবগচ্ছেদবিষং মনুষ্যম্||২৭|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতা- বষ্টাঙ্গসংগ্রহসংহিতাযামুত্তরতন্ত্রে বিষোপদ্রব- প্রতিষেধো নাম সপ্তচত্বারিংশোঽধ্যাযঃ||৪৭||
प्रशान्तदोषं प्रकृतिस्थधातु माहारकामं सममूत्रविट्कम्| प्रसन्नवर्णेन्द्रियचित्तचेष्टं वैद्योऽवगच्छेदविषं मनुष्यम्||२७|| इति वैद्यपतिसिंहगुप्तस्य सूनोर्वाग्भटस्य कृता- वष्टाङ्गसंग्रहसंहितायामुत्तरतन्त्रे विषोपद्रव- प्रतिषेधो नाम सप्तचत्वारिंशोऽध्यायः||४७||
🔊 Audio coming soon
প্রশান্তদোষত্বাদিযুক্তং মনুষ্যমবিষ ইতি বৈদ্যোঽবগচ্ছেত্| ইতি শ্রীমন্মহামহোপাধ্যাযেন্দুবিরচিতাযা মষ্টাঙ্গসংগ্রহব্যাখ্যাযাং শশিলেখাযা মুত্তরতন্ত্রে সপ্তচত্বারিংশোঽধ্যাযঃ