Adhikarana 1 (1-2) · Śloka 2
অথাত উদরচিকিত্সিতং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथात उदरचिकित्सितं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
শোথভেদত্বাদুদরস্য শোথচিকিত্সানন্তরমুদরচিকিত্সিতমুচ্যতে||১-২||
Adhikarana 2 (3-8) · Śloka 8
সিদ্ধবিদ্যাধরাকীর্ণে কৈলাসে নন্দনোপমে| তপ্যমানং তপস্তীব্রং সাক্ষাদ্ধর্মমিব স্থিতম্||৩|| আযুর্বেদবিদাং শ্রেষ্ঠং ভিষগ্বিদ্যাপ্রবর্তকম্| পুনর্বসুং জিতাত্মানমগ্নিবেশোঽব্রবীদ্বচঃ||৪|| ভগবন্নুদরৈর্দুঃখৈর্দৃশ্যন্তে হ্যর্দিতা নরাঃ| শুষ্কবক্ত্রাঃ কৃশৈর্গাত্রৈরাধ্মাতোদরকুক্ষযঃ||৫|| প্রনষ্টাগ্নিবলাহারাঃ সর্বচেষ্টাস্বনীশ্বরাঃ| দীনাঃ প্রতিক্রিযাভাবাজ্জহতোঽসূননাথবত্||৬|| তেষামাযতনং সঙ্খ্যাং প্রাগ্রূপাকৃতিভেষজম্| যথাবচ্ছ্রোতুমিচ্ছামি গুরুণা সম্যগীরিতম্||৭|| সর্বভূতহিতাযর্ষিঃ শিষ্যেণৈবং প্রচোদিতঃ| সর্বভূতহিতং বাক্যং ব্যাহর্তুমুপচক্রমে||৮||
सिद्धविद्याधराकीर्णे कैलासे नन्दनोपमे| तप्यमानं तपस्तीव्रं साक्षाद्धर्ममिव स्थितम्||३|| आयुर्वेदविदां श्रेष्ठं भिषग्विद्याप्रवर्तकम्| पुनर्वसुं जितात्मानमग्निवेशोऽब्रवीद्वचः||४|| भगवन्नुदरैर्दुःखैर्दृश्यन्ते ह्यर्दिता नराः| शुष्कवक्त्राः कृशैर्गात्रैराध्मातोदरकुक्षयः||५|| प्रनष्टाग्निबलाहाराः सर्वचेष्टास्वनीश्वराः| दीनाः प्रतिक्रियाभावाज्जहतोऽसूननाथवत्||६|| तेषामायतनं सङ्ख्यां प्राग्रूपाकृतिभेषजम्| यथावच्छ्रोतुमिच्छामि गुरुणा सम्यगीरितम्||७|| सर्वभूतहितायर्षिः शिष्येणैवं प्रचोदितः| सर्वभूतहितं वाक्यं व्याहर्तुमुपचक्रमे||८||
🔊 Audio coming soon
আযুর্বেদবিদামিতি ভিষগ্বেদবিদাম্| দুঃখৈরিতি দুঃখকারণৈঃ| তেষামিতি উদরাণাম্| আযতনমিতি কারণম্| সঙ্খ্যা চ যদ্যপি রোগাধিকারে “অষ্টাবুদরাণি” (সূ.অ.১৯) ইত্যনেনোক্তা, তথাঽপি গুল্মকুষ্ঠযোঃ সঙ্খ্যাতিক্রমদর্শনাত্ পুনরত্র সঙ্খ্যাপ্রশ্নঃ; কিংবা প্রকরণাগতত্বাত্ সঙ্খ্যোক্তাঽপি পুনরুচ্যতে||৩-৮||
Adhikarana 3 (9-11) · Śloka 11
অগ্নিদোষান্মনুষ্যাণাং রোগসঙ্ঘাঃ পৃথগ্বিধাঃ| মলবৃদ্ধ্যা প্রবর্তন্তে বিশেষেণোদরাণি তু||৯|| মন্দেঽগ্নৌ মলিনৈর্ভুক্তৈরপাকাদ্দোষসঞ্চযঃ| প্রাণাগ্ন্যপানান্ সন্দূষ্য মার্গান্রুদ্ধ্বাঽধরোত্তরান্||১০|| ত্বঙ্মাংসান্তরমাগম্য কুক্ষিমাধ্মাপযন্ ভৃশম্| জনযত্যুদরং তস্য হেতুং শৃণু সলক্ষণম্||১১||
अग्निदोषान्मनुष्याणां रोगसङ्घाः पृथग्विधाः| मलवृद्ध्या प्रवर्तन्ते विशेषेणोदराणि तु||९|| मन्देऽग्नौ मलिनैर्भुक्तैरपाकाद्दोषसञ्चयः| प्राणाग्न्यपानान् सन्दूष्य मार्गान्रुद्ध्वाऽधरोत्तरान्||१०|| त्वङ्मांसान्तरमागम्य कुक्षिमाध्मापयन् भृशम्| जनयत्युदरं तस्य हेतुं शृणु सलक्षणम्||११||
🔊 Audio coming soon
অগ্নিদোষোঽত্রাগ্নিমান্দ্যমেব বিবক্ষিতং; তস্যৈবেহোদরকারণদোষত্রযকর্তৃত্বমুক্তং- “বর্ষাস্বগ্নিবলে ক্ষীণে কুপ্যন্তি পবনাদযঃ” (সূ.অ.৬) ইতি| মলা বাতাদযঃ পুরীষাদযশ্চ| মলিনৈরিতি দোষকারকৈর্বিরুদ্ধাহারাদিভিঃ| যদ্যপি মন্দাগ্নিত্বমলিনান্নযোঃ প্রত্যেকমপি দোষত্রযকর্তৃত্বমুক্তং, তথাঽপীহোভযজনকত্বেন প্রকর্ষো দৃশ্যতে, অত এব চ প্রকর্ষার্থং ‘সঞ্চয’ ইতি সম্পূর্বং কৃতবান্| প্রাণেত্যাদৌ পুনরগ্নিদূষণাভিধানেন মন্দস্য বহ্নেঃ পুনর্দোষকৃতং নিতরাং মান্দ্যং দর্শযতি| দোষসঞ্চযকৃতেন বাযুনা প্রাণাপানযোর্দূষণমবিরুদ্ধমেব; যতো বাযুনাঽপি বাযুদুষ্টির্ভবত্যেব| ত্বঙ্মাংসান্তরমিতি ত্বঙ্মাংসমধ্যম্||৯-১১||
Adhikarana 4 (12-15) · Śloka 15
অত্যুষ্ণলবণক্ষারবিদাহ্যম্লগরাশনাত্| মিথ্যাসংসর্জনাদ্রূক্ষবিরুদ্ধাশুচিভোজনাত্||১২|| প্লীহার্শোগ্রহণীদোষকর্শনাত্ কর্মবিভ্রমাত্| ক্লিষ্টানামপ্রতীকারাদ্রৌক্ষ্যাদ্বেগবিধারণাত্||১৩|| স্রোতসাং দূষণাদামাত্ সঙ্ক্ষোভাদতিপূরণাত্| অর্শোবালশকৃদ্রোধাদন্ত্রস্ফুটনভেদনাত্||১৪|| অতিসঞ্চিতদোষাণাং পাপং কর্ম চ কুর্বতাম্| উদরাণ্যুপজাযন্তে মন্দাগ্নীনাং বিশেষতঃ||১৫||
अत्युष्णलवणक्षारविदाह्यम्लगराशनात्| मिथ्यासंसर्जनाद्रूक्षविरुद्धाशुचिभोजनात्||१२|| प्लीहार्शोग्रहणीदोषकर्शनात् कर्मविभ्रमात्| क्लिष्टानामप्रतीकाराद्रौक्ष्याद्वेगविधारणात्||१३|| स्रोतसां दूषणादामात् सङ्क्षोभादतिपूरणात्| अर्शोबालशकृद्रोधादन्त्रस्फुटनभेदनात्||१४|| अतिसञ्चितदोषाणां पापं कर्म च कुर्वताम्| उदराण्युपजायन्ते मन्दाग्नीनां विशेषतः||१५||
🔊 Audio coming soon
অত্যুষ্ণেত্যাদিনা হেতুমাহ| কর্মবিভ্রমাদিতি বমনাদীনামসম্যক্করণাত্| ক্লিষ্টানামপ্রতীকারাদিতি প্লীহাদিরোগৈঃ ক্লিষ্টানামপ্রতিক্রিযযেত্যর্থঃ| রৌক্ষ্যাদুত্পত্তিঃ রৌক্ষ্যস্য প্রতিক্রিযাভাবেনানুবর্তনাত্| আমাদিতি আমানুবন্ধাত্| পাপং কর্ম চ কুর্বতামিত্যনেনাস্য মহাদুঃখরূপস্য প্রবলাধর্মজন্যতামাহ| মন্দাগ্নীনাং বিশেষত ইতি অত্যন্তোপহতাগ্নীনাম্||১২-১৫||
Adhikarana 5 (16-19) · Śloka 19
ক্ষুন্নাশঃ স্বাদ্বতিস্নিগ্ধগুর্বন্নং পচ্যতে চিরাত্| ভুক্তং বিদহ্যতে সর্বং জীর্ণাজীর্ণং ন বেত্তি চ||১৬|| সহতে নাতিসৌহিত্যমীষচ্ছোফশ্চ পাদযোঃ| শশ্বদ্বলক্ষযোঽল্পেঽপি ব্যাযামে শ্বাসমৃচ্ছতি||১৭|| বৃদ্ধিঃ পুরীষনিচযো রূক্ষোদাবর্তহেতুকা| বস্তিসন্ধৌ রুগাধ্মানং বর্ধতে পাট্যতেঽপি চ||১৮|| আতন্যতে চ জঠরমপি লঘ্বল্পভোজনাত্| রাজীজন্ম বলীনাশ ইতি লিঙ্গং ভবিষ্যতাম্||১৯||
क्षुन्नाशः स्वाद्वतिस्निग्धगुर्वन्नं पच्यते चिरात्| भुक्तं विदह्यते सर्वं जीर्णाजीर्णं न वेत्ति च||१६|| सहते नातिसौहित्यमीषच्छोफश्च पादयोः| शश्वद्बलक्षयोऽल्पेऽपि व्यायामे श्वासमृच्छति||१७|| वृद्धिः पुरीषनिचयो रूक्षोदावर्तहेतुका| बस्तिसन्धौ रुगाध्मानं वर्धते पाट्यतेऽपि च||१८|| आतन्यते च जठरमपि लघ्वल्पभोजनात्| राजीजन्म वलीनाश इति लिङ्गं भविष्यताम्||१९||
🔊 Audio coming soon
ক্ষুন্নাশ ইত্যাদিনা পূর্বরূপাভিধানম্| স্বাদ্বাদীনাং যদ্যপি কটুকাদ্যপেক্ষযা চিরেণৈব পাকো ভবতি, তথাঽপীহ চিরাদিতি পদেনাত্যর্থং চিরাদিত্যভিধীযতে| জীর্ণাজীর্ণং ন বেত্তি চেতি বাতজন্যত্বাজ্ঞেযম্| ‘রূক্ষোদাবর্তহেতুকা’ ইত্যত্র ‘বদ্ধোদাবর্তহেতুকা’ ইতি বা পাঠঃ| বস্তিসন্ধাবিতি বস্তিনা সমং যত্র শরীরেতরদেশসম্বন্ধস্তত্র| আতন্যতে ইতি বিস্তীর্যতে| রাজী ব্যক্তা সিরা||১৬-১৯||
Adhikarana 6 (20-22) · Śloka 22
রুদ্ধ্বা স্বেদাম্বুবাহীনি দোষাঃ স্রোতাংসি সঞ্চিতাঃ| প্রাণাগ্ন্যপানান্ সন্দূষ্য জনযন্ত্যুদরং নৃণাম্||২০|| কুক্ষেরাধ্মানমাটোপঃ শোফঃ পাদকরস্য চ| মন্দোঽগ্নিঃ শ্লক্ষ্ণগণ্ডত্বং কার্শ্যং চোদরলক্ষণম্||২১|| পৃথগ্দোষৈঃ সমস্তৈশ্চ প্লীহবদ্ধক্ষতোদকৈঃ| সম্ভবন্ত্যুদরাণ্যষ্টৌ তেষাং লিঙ্গং পৃথক্ শৃণু||২২||
रुद्ध्वा स्वेदाम्बुवाहीनि दोषाः स्रोतांसि सञ्चिताः| प्राणाग्न्यपानान् सन्दूष्य जनयन्त्युदरं नृणाम्||२०|| कुक्षेराध्मानमाटोपः शोफः पादकरस्य च| मन्दोऽग्निः श्लक्ष्णगण्डत्वं कार्श्यं चोदरलक्षणम्||२१|| पृथग्दोषैः समस्तैश्च प्लीहबद्धक्षतोदकैः| सम्भवन्त्युदराण्यष्टौ तेषां लिङ्गं पृथक् शृणु||२२||
🔊 Audio coming soon
রুদ্ধ্বেত্যাদিনা চতুর্ণাং দোষজন্যানামুদরাণাং সামান্যাত্ সম্প্রাপ্তিমাহ; “পূর্বং যা সম্প্রাপ্তিরুক্তা সা সর্বোদরাণাম্” ইত্যেকে বদন্তি; “রুদ্ধ্বেত্যাদিনা পূর্বং সম্প্রাপ্ত্যনুক্তস্য স্বেদাম্বুবাহিস্রোতোদুষ্টিরূপস্যাভিধানাদপৌনরুক্ত্যম্” ইত্যন্যে| “স্বেদবহস্রোতসাং মেদোমূলং রোমকূপাশ্চ, উদকবহস্রোতসাং তালু মূলং ক্লোম চ” (বি.অ.৫) ইত্যনেন ভেদ উক্তো জ্ঞেযঃ| উদরাণাং সামান্যরূপমাহ- কুক্ষেরিত্যাদি| মন্দোঽগ্নির্যদ্যপি কারণং, তথাঽপ্যযং মন্দাগ্নিরিহ লক্ষণে জ্ঞেযঃ| শ্লক্ষ্ণগণ্ডত্বমিতি মসৃণকপোলত্বম্| তেষাং লিঙ্গমিত্যত্র লিঙ্গশব্দেন বক্ষ্যমাণহেতুসম্প্রাপ্তী অপি ব্যাধিগমকতযা সঙ্গৃহীতে জ্ঞেযে| ইহ সম্প্রাপ্তিঃ কারণানি বা বক্তব্যানি বিশেষস্যৈব, তেন ন সর্বসাধারণোক্তহেতুসম্প্রাপ্ত্যা পুনরুক্তত্বম্||২০-২২||
Adhikarana 7 (23-25) · Śloka 25
রূক্ষাল্পভোজনাযাসবেগোদাবর্তকর্শনৈঃ| বাযুঃ প্রকুপিতঃ কুক্ষিহৃদ্বস্তিগুদমার্গগঃ||২৩|| হত্বাঽগ্নিং কফমুদ্ধূয তেন রূদ্ধগতিস্ততঃ| আচিনোত্যুদরং জন্তোস্ত্বঙ্মাংসান্তরমাশ্রিতঃ||২৪|| তস্য রূপাণি- কুক্ষিপাণিপাদবৃষণশ্বযথুঃ, উদরবিপাটনম্, অনিযতৌ চ বৃদ্ধিহ্রাসৌ, কুক্ষিপার্শ্বশূলোদাবর্তাঙ্গমর্দপর্বভেদশুষ্ককাসকার্শ্যদৌর্বল্যারোচকাবিপাকাঃ, অধোগুরুত্বং, বাতবর্চোমূত্রসঙ্গঃ, শ্যাবারুণত্বং চ নখনযনবদনত্বঙ্মূত্রবর্চসাম্, অপি চোদরং তন্বসিতরাজীসিরাসন্ততম্, আহতমাধ্মাতদৃতিশব্দবদ্ভবতি, বাযুশ্চোর্ধ্বমধস্তির্যক্ চ সশূলশব্দশ্চরতি, এতদ্বাতোদরমিতি বিদ্যাত্||২৫||
रूक्षाल्पभोजनायासवेगोदावर्तकर्शनैः| वायुः प्रकुपितः कुक्षिहृद्बस्तिगुदमार्गगः||२३|| हत्वाऽग्निं कफमुद्धूय तेन रूद्धगतिस्ततः| आचिनोत्युदरं जन्तोस्त्वङ्मांसान्तरमाश्रितः||२४|| तस्य रूपाणि- कुक्षिपाणिपादवृषणश्वयथुः, उदरविपाटनम्, अनियतौ च वृद्धिह्रासौ, कुक्षिपार्श्वशूलोदावर्ताङ्गमर्दपर्वभेदशुष्ककासकार्श्यदौर्बल्यारोचकाविपाकाः, अधोगुरुत्वं, वातवर्चोमूत्रसङ्गः, श्यावारुणत्वं च नखनयनवदनत्वङ्मूत्रवर्चसाम्, अपि चोदरं तन्वसितराजीसिरासन्ततम्, आहतमाध्मातदृतिशब्दवद्भवति, वायुश्चोर्ध्वमधस्तिर्यक् च सशूलशब्दश्चरति, एतद्वातोदरमिति विद्यात्||२५||
🔊 Audio coming soon
কর্শনৈরিতি কৃশত্বকারণৈর্লঙ্ঘনাদিভিঃ| গুদস্য মার্গো গুদমার্গঃ| কফমুদ্ধূযেতি অত্র কফস্যাপ্রাধান্যং, তেন কফেনোদরব্যপদেশোঽত্রাসমীচীন ইতি দর্শযতি| অনিযতৌ চ বৃদ্ধিহ্রাসৌ ‘উদরস্য’ ইতি শেষঃ| অসিতা রাজ্যঃ সিরাশ্চ তাভিঃ সন্ততং ব্যাপ্তম্| আধ্মাতদৃতিশব্দবদিতি বাতপূর্ণচর্মশব্দবত্||২৩-২৫||
Adhikarana 8 (26-28) · Śloka 28
কট্বম্ললবণাত্যুষ্ণতীক্ষ্ণাগ্ন্যাতপসেবনৈঃ| বিদাহ্যধ্যশনাজীর্ণৈশ্চাশু পিত্তং সমাচিতম্||২৬|| প্রাপ্যানিলকফৌ রুদ্ধ্বা মার্গমুন্মার্গমাস্থিতম্| নিহন্ত্যামাশযে বহ্নিং জনযত্যুদরং ততঃ||২৭|| তস্য রূপাণি- দাহজ্বরতৃষ্ণামূর্চ্ছাতীসারভ্রমাঃ, কটুকাস্যত্বং, হরিতহারিদ্রত্বং চ নখনযনবদনত্বঙ্মূত্রবর্চসাম্, অপি চোদরং নীলপীতহারিদ্রহরিততাম্ররাজীসিরাবনদ্ধং, দহ্যতে, দূযতে, ধূপ্যতে, ঊষ্মাযতে, স্বিদ্যতে, ক্লিদ্যতে, মৃদুস্পর্শং ক্ষিপ্রপাকং চ ভবতি; এতত্ পিত্তোদরমিতি বিদ্যাত্||২৮||
कट्वम्ललवणात्युष्णतीक्ष्णाग्न्यातपसेवनैः| विदाह्यध्यशनाजीर्णैश्चाशु पित्तं समाचितम्||२६|| प्राप्यानिलकफौ रुद्ध्वा मार्गमुन्मार्गमास्थितम्| निहन्त्यामाशये वह्निं जनयत्युदरं ततः||२७|| तस्य रूपाणि- दाहज्वरतृष्णामूर्च्छातीसारभ्रमाः, कटुकास्यत्वं, हरितहारिद्रत्वं च नखनयनवदनत्वङ्मूत्रवर्चसाम्, अपि चोदरं नीलपीतहारिद्रहरितताम्रराजीसिरावनद्धं, दह्यते, दूयते, धूप्यते, ऊष्मायते, स्विद्यते, क्लिद्यते, मृदुस्पर्शं क्षिप्रपाकं च भवति; एतत् पित्तोदरमिति विद्यात्||२८||
🔊 Audio coming soon
কট্বিত্যাদিনা পিত্তোদরমাহ| অত্রাপি অনিলকফাবপ্রধানৌ, পিত্তং তু প্রধানম্| নিহন্ত্যামাশযে বহ্নিমিত্যনেন স্থানান্তরস্থধাত্বগ্নিবধং কৃত্বা| হারিদ্রং হরিদ্রাভম্| দূযত ইতি ব্যথতে| ধূপ্যত ইতি ধূমমিব উদ্বমতি| ঊষ্মাযত ইতি পার্শ্বস্থেনৈব বহ্নিনা দহ্যতে| স্বিদ্যত ইতি ঘর্মাক্তং ভবতি| ক্ষিপ্রপাকং ভবতীতি শীঘ্রপাকাজ্জলোদরতাং যাতি||২৬-২৮||
Adhikarana 9 (29-31) · Śloka 31
অব্যাযামদিবাস্বপ্নস্বাদ্বতিস্নিগ্ধপিচ্ছিলৈঃ| দধিদুগ্ধৌদকানূপমাংসৈশ্চাপ্যতিসেবিতৈঃ||২৯|| ক্রুদ্ধেন শ্লেষ্মণা স্রোতঃস্বাবৃতেষ্বাবৃতোঽনিলঃ| তমেব পীডযন্ কুর্যাদুদরং বহিরন্ত্রগঃ ||৩০|| তস্য রূপাণি- গৌরবারোচকাবিপাকাঙ্গমর্দাঃ, সুপ্তিঃ, পাণিপাদমুষ্কোরুশোফঃ, উত্ক্লেশনিদ্রাকাসশ্বাসাঃ, শুক্লত্বং চ নখনযনবদনত্বঙ্মূত্রবর্চসাম্; অপি চোদরং শুক্লরাজীসিরাসন্ততং, গুরু, স্তিমিতং, স্থিরং, কঠিনং চ ভবতি; এতচ্ছ্লেষ্মোদরমিতি বিদ্যাত্||৩১||
अव्यायामदिवास्वप्नस्वाद्वतिस्निग्धपिच्छिलैः| दधिदुग्धौदकानूपमांसैश्चाप्यतिसेवितैः||२९|| क्रुद्धेन श्लेष्मणा स्रोतःस्वावृतेष्वावृतोऽनिलः| तमेव पीडयन् कुर्यादुदरं बहिरन्त्रगः ||३०|| तस्य रूपाणि- गौरवारोचकाविपाकाङ्गमर्दाः, सुप्तिः, पाणिपादमुष्कोरुशोफः, उत्क्लेशनिद्राकासश्वासाः, शुक्लत्वं च नखनयनवदनत्वङ्मूत्रवर्चसाम्; अपि चोदरं शुक्लराजीसिरासन्ततं, गुरु, स्तिमितं, स्थिरं, कठिनं च भवति; एतच्छ्लेष्मोदरमिति विद्यात्||३१||
🔊 Audio coming soon
অব্যাযামেত্যাদিনা কফোদরমাহ| বহিরন্ত্রগ ইতি অন্ত্রাদ্বাহ্যগঃ||২৯-৩১||
Adhikarana 10 (32-34) · Śloka 34
দুর্বলাগ্নেরপথ্যামবিরোধিগুরুভোজনৈঃ| স্ত্রীদত্তৈশ্চ রজোরোমবিণ্মূত্রাস্থিনখাদিভিঃ||৩২|| বিষৈশ্চ মন্দৈর্বাতাদ্যাঃ কুপিতাঃ সঞ্চযং ত্রযঃ| শনৈঃ কোষ্ঠে প্রকুর্বন্তো জনযন্ত্যুদরং নৃণাম্||৩৩|| তস্য রূপাণি- সর্বেষামেব দোষাণাং সমস্তানি লিঙ্গান্যুপলভ্যন্তে, বর্ণাশ্চ সর্বে নখাদিষু, উদরমপি নানাবর্ণরাজীসিরাসন্ততং ভবতি; এতত্ সন্নিপাতোদরমিতি বিদ্যাত্||৩৪||
दुर्बलाग्नेरपथ्यामविरोधिगुरुभोजनैः| स्त्रीदत्तैश्च रजोरोमविण्मूत्रास्थिनखादिभिः||३२|| विषैश्च मन्दैर्वाताद्याः कुपिताः सञ्चयं त्रयः| शनैः कोष्ठे प्रकुर्वन्तो जनयन्त्युदरं नृणाम्||३३|| तस्य रूपाणि- सर्वेषामेव दोषाणां समस्तानि लिङ्गान्युपलभ्यन्ते, वर्णाश्च सर्वे नखादिषु, उदरमपि नानावर्णराजीसिरासन्ततं भवति; एतत् सन्निपातोदरमिति विद्यात्||३४||
🔊 Audio coming soon
দুর্বলাগ্নেরিত্যাদিনা সন্নিপাতোদরমাহ| স্ত্রীদত্তৈরিতি স্ত্রীভিরজ্ঞানাত্ সৌভাগ্যার্থং রজঃপ্রভৃতিদানং প্রাযো ভবতীতি; স্ত্রীণামভিধানমুপলক্ষণার্থং, তেনান্যদত্তানামপি রজঃপ্রভৃতীনাং গ্রহণং ভবত্যেব| বিষশ্চ মন্দৈরিতি দূষীবিষৈঃ, দূষীবিষাণ্যেব হি মন্দানি ভবন্তি| ত্রয ইতি পদেন বাতাদীনাং ত্রযাণামপি স্বাতন্ত্র্যেণ গ্রহণং করোতি| বর্ণাশ্চ সর্বেষাং দোষাণামিতি সম্বন্ধঃ| ইহ সকললক্ষণমেলকাভিধানেনৈব নখাদিবর্ণাঃ সর্বাশ্চ নানাবর্ণা রাজযশ্চ যদ্যপি গৃহীতাস্তথাঽপি তদভিধানমবশ্যোত্পাদদর্শনার্থম্||৩২-৩৪||
Adhikarana 11 (35-38) · Śloka 38
অশিতস্যাতিসঙ্ক্ষোভাদ্যানযানাতিচেষ্টিতৈঃ| অতিব্যবাযভারাধ্ববমনব্যাধিকর্শনৈঃ||৩৫|| বামপার্শ্বাশ্রিতঃ প্লীহা চ্যুতঃ স্থানাত্ প্রবর্ধতে| শোণিতং বা রসাদিভ্যো বিবৃদ্ধং তং বিবর্ধযেত্||৩৬|| তস্য প্লীহা কঠিনোঽষ্ঠীলেবাদৌ বর্ধমানঃ কচ্ছপসংস্থান উপলভ্যতে; স চোপেক্ষিতঃ ক্রমেণ কুক্ষিং জঠরমগ্ন্যধিষ্ঠানং চ পরিক্ষিপন্নুদরমভিনির্বর্তযতি||৩৭|| তস্য রূপাণি- দৌর্বল্যারোচকাবিপাকবর্চোমূত্রগ্রহতমঃপ্রবেশপিপাসাঙ্গমর্দচ্ছর্দিমূর্চ্ছাঙ্গসাদ- কাসশ্বাসমৃদুজ্বরানাহাগ্নিনাশকার্শ্যাস্যবৈরস্যপর্বভেদকোষ্ঠবাতশূলানি, অপি চোদরমরুণবর্ণং বিবর্ণং বা নীলহরিতহারিদ্ররাজিমদ্ভবতি; এবমেব যকৃদপি দক্ষিণপার্শ্বস্থং কুর্যাত্, তুল্যহেতুলিঙ্গৌষধত্বাত্তস্য প্লীহজঠর এবাবরোধ ইতি; এতত্ প্লীহোদরমিতি বিদ্যাত্||৩৮||
अशितस्यातिसङ्क्षोभाद्यानयानातिचेष्टितैः| अतिव्यवायभाराध्ववमनव्याधिकर्शनैः||३५|| वामपार्श्वाश्रितः प्लीहा च्युतः स्थानात् प्रवर्धते| शोणितं वा रसादिभ्यो विवृद्धं तं विवर्धयेत्||३६|| तस्य प्लीहा कठिनोऽष्ठीलेवादौ वर्धमानः कच्छपसंस्थान उपलभ्यते; स चोपेक्षितः क्रमेण कुक्षिं जठरमग्न्यधिष्ठानं च परिक्षिपन्नुदरमभिनिर्वर्तयति||३७|| तस्य रूपाणि- दौर्बल्यारोचकाविपाकवर्चोमूत्रग्रहतमःप्रवेशपिपासाङ्गमर्दच्छर्दिमूर्च्छाङ्गसाद- कासश्वासमृदुज्वरानाहाग्निनाशकार्श्यास्यवैरस्यपर्वभेदकोष्ठवातशूलानि, अपि चोदरमरुणवर्णं विवर्णं वा नीलहरितहारिद्रराजिमद्भवति; एवमेव यकृदपि दक्षिणपार्श्वस्थं कुर्यात्, तुल्यहेतुलिङ्गौषधत्वात्तस्य प्लीहजठर एवावरोध इति; एतत् प्लीहोदरमिति विद्यात्||३८||
🔊 Audio coming soon
প্লীহবৃদ্ধির্দ্বিবিধা- সঙ্ক্ষোভাদিচ্যুতস্য বা বৃদ্ধিঃ, অচ্যুতস্য বা শোণিতবৃদ্ধ্যা বৃদ্ধির্ভবতি| বামপার্শ্বাশ্রিত ইতি প্লীহস্বরূপকথনম্| শোণিতং বা রসাদিভ্য ইতি অত্রাদিশব্দঃ প্রকারবাচী; তেন রসস্য কারণস্য বৃদ্ধ্যা কার্যস্য রক্তস্য বৃদ্ধিস্তথা মাংসাদিভ্যোঽপি রক্তবৃদ্ধির্ভবতি; তেনাহারবিহারেভ্যো রক্তবৃদ্ধিরুক্তা ভবতি| প্রথমং যা চ্যুতস্য বৃদ্ধিরুক্তা সা বাতাদিসন্নিপাতত্বেন চতুর্বিধা জ্ঞেযা; তেন রক্তজপ্লীহবৃদ্ধ্যা সমং পঞ্চ প্লীহদোষা যে উক্তাস্তে সঙ্গতা ভবন্তি| উক্তং হি- “পঞ্চ প্লীহদোষা ইতি গুল্মৈর্ব্যাখ্যাতাঃ” (সূ.অ.১৯) ইতি| অষ্ঠীলা দীর্ঘো লোহমযো গ্রন্থির্লোহকারেষু প্রসিদ্ধঃ| কুক্ষিঃ পার্শ্বদেশঃ| দক্ষিণপার্শ্বস্থমিতি স্থাননির্দেশঃ| যকৃজ্জন্মন উদরস্য পৃথঙ্নাম আখ্যায তস্য প্লীহোদর এবাবরোধমাহ- তুল্যেত্যাদিনা||৩৫-৩৮||
Adhikarana 12 (39-41) · Śloka 41
পক্ষ্মবালৈঃ সহান্নেন ভুক্তৈর্বদ্ধাযনে গুদে| উদাবর্তৈস্তথাঽর্শোভিরন্ত্রসম্মূর্চ্ছনেন বা||৩৯|| অপানো মার্গসংরোধাদ্ধত্বাঽগ্নিং কুপিতোঽনিলঃ| বর্চঃপিত্তকফান্ রুদ্ধ্বা জনযত্যুদরং ততঃ||৪০|| তস্য রূপাণি- তৃষ্ণাদাহজ্বরমুখতালুশোষোরুসাদকাসশ্বাসদৌর্বল্যারোচকাবিপাক- বর্চোমূত্রসঙ্গাধ্মানচ্ছর্দিক্ষবথুশিরোহৃন্নাভিগুদশূলানি, অপি চোদরং মূঢবাতং স্থিরমরুণং নীলরাজি সিরাবনদ্ধরাজিকং বা প্রাযো নাভ্যুপরি গোপুচ্ছবদভিনির্বর্তত ইতি; এতদ্বদ্ধগুদোদরমিতি বিদ্যাত্||৪১||
पक्ष्मबालैः सहान्नेन भुक्तैर्बद्धायने गुदे| उदावर्तैस्तथाऽर्शोभिरन्त्रसम्मूर्च्छनेन वा||३९|| अपानो मार्गसंरोधाद्धत्वाऽग्निं कुपितोऽनिलः| वर्चःपित्तकफान् रुद्ध्वा जनयत्युदरं ततः||४०|| तस्य रूपाणि- तृष्णादाहज्वरमुखतालुशोषोरुसादकासश्वासदौर्बल्यारोचकाविपाक- वर्चोमूत्रसङ्गाध्मानच्छर्दिक्षवथुशिरोहृन्नाभिगुदशूलानि, अपि चोदरं मूढवातं स्थिरमरुणं नीलराजि सिरावनद्धराजिकं वा प्रायो नाभ्युपरि गोपुच्छवदभिनिर्वर्तत इति; एतद्बद्धगुदोदरमिति विद्यात्||४१||
🔊 Audio coming soon
পক্ষ্মবালৈরিত্যাদিনা বদ্ধগুদোদরমাহ| বদ্ধাযনে ইতি বদ্ধমার্গে| উদাবর্তৈরিত্যাদাবপি ‘বদ্ধাযনে গুদে’ ইত্যনুবর্তনীযম্| অন্ত্রসম্মূর্চ্ছনেন অন্ত্রপরিবর্তনেন| পক্ষ্মবালৈরিত্যাদিনা অনেকহেতুকৃতো গুদনিরোধঃ; তেন গুদনিরোধকত্বরূপেণৈকরূপমেব বদ্ধগুদোদরং জনযতি; তেন পক্ষ্মাদিগুদনিরোধহেতুপঞ্চকজন্যত্বাদ্ বদ্ধগুদোদরাণাং পঞ্চত্বং নোহ্যম্||৩৯-৪১||
Adhikarana 13 (42-44) · Śloka 44
শর্করাতৃণকাষ্ঠাস্থিকণ্টকৈরন্নসংযুতৈঃ| ভিদ্যেতান্ত্রং যদা ভুক্তৈর্জৃম্ভযাঽত্যশনেন বা||৪২|| পাকং গচ্ছেদ্রসস্তেভ্যশ্ছিদ্রেভ্যঃ প্রস্রবদ্বহিঃ| পূরযন্ গুদমন্ত্রং চ জনযত্যুদরং ততঃ||৪৩|| তস্য রূপাণি- তদধো নাভ্যাঃ প্রাযোঽভিবর্ধমানমুদকোদরং ভবতি, যথাবলং চ দোষাণাং রূপাণি দর্শযতি, অপি চাতুরঃ সলোহিতনীলপীতপিচ্ছিলকুণপগন্ধ্যামবর্চ উপবেশতে, হিক্কাশ্বাসকাসতৃষ্ণাপ্রমেহারোচকাবিপাকদৌর্বল্যপরীতশ্চ ভবতি; এতচ্ছিদ্রোদরমিতি বিদ্যাত্||৪৪||
शर्करातृणकाष्ठास्थिकण्टकैरन्नसंयुतैः| भिद्येतान्त्रं यदा भुक्तैर्जृम्भयाऽत्यशनेन वा||४२|| पाकं गच्छेद्रसस्तेभ्यश्छिद्रेभ्यः प्रस्रवद्बहिः| पूरयन् गुदमन्त्रं च जनयत्युदरं ततः||४३|| तस्य रूपाणि- तदधो नाभ्याः प्रायोऽभिवर्धमानमुदकोदरं भवति, यथाबलं च दोषाणां रूपाणि दर्शयति, अपि चातुरः सलोहितनीलपीतपिच्छिलकुणपगन्ध्यामवर्च उपवेशते, हिक्काश्वासकासतृष्णाप्रमेहारोचकाविपाकदौर्बल्यपरीतश्च भवति; एतच्छिद्रोदरमिति विद्यात्||४४||
🔊 Audio coming soon
শর্করেত্যাদিনা ক্ষতোদরমাহ| শর্করাদিভিরভ্যাহতমন্ত্রং ভিদ্যেতেতি যোজনা| পাকং গচ্ছেদিতি ভিন্নমেবান্তঃ পাকং গচ্ছতি| বহিরিতি বহির্ভাগে অন্ত্রং গুদং চ পূরযন্ স এব রসোঽন্ত্রপাকপ্রস্রুত উদরং জনযতি| তদধো নাভেঃ প্রাযোঽভিবর্ধমানং দ্রবস্যোদরারম্ভকস্যাধোগামিত্বাদ্ দকোদরং ভবতীতি উদরান্তরাপেক্ষযা শীঘ্রগতির্ভবতীত্যর্থঃ| ‘উদকোদরস্য দোষাণাং চ’ ইতি বা পাঠঃ| তত্র উদকোদরস্য রূপাণি দর্শযতি, দোষাণাং চ যথাবলং রূপাণি দর্শযতীতি যোজনা| যথাবলমিতি যো বলবান্ দোষো ভবতি তস্য রূপাণি দর্শযতি||৪২-৪৪||
Adhikarana 14 (45-49) · Śloka 49
স্নেহপীতস্য মন্দাগ্নেঃ ক্ষীণস্যাতিকৃশস্য বা| অত্যম্বুপানান্নষ্টেঽগ্নৌ মারুতঃ ক্লোম্নি সংস্থিতঃ||৪৫|| স্রোতঃসু রুদ্ধমার্গেষু কফশ্চোদকমূর্চ্ছিতঃ| বর্ধযেতাং তদেবাম্বু স্বস্থানাদুদরায তৌ||৪৬|| তস্য রূপাণি- অনন্নকাঙ্ক্ষাপিপাসাগুদস্রাবশূলশ্বাসকাসদৌর্বল্যানি, অপি চোদরং নানাবর্ণরাজিসিরাসন্ততমুদকপূর্ণদৃতিক্ষোভসংস্পর্শং ভবতি, এতদুদকোদরমিতি বিদ্যাত্||৪৭|| তত্র অচিরোত্পন্নমনুপদ্রবমনুদকমপ্রাপ্তমুদরং ত্বরমাণশ্চিকিত্সেত্; উপেক্ষিতানাং হ্যেষাং দোষাঃ স্বস্থানাদপবৃত্তা পরিপাকাদ্দ্রবীভূতাঃ সন্ধীন্ স্রোতাংসি চোপক্লেদযন্তি, স্বেদশ্চ বাহ্যেষু স্রোতঃসু প্রতিহতগতিস্তির্যগবতিষ্ঠমানস্তদেবোদকমাপ্যাযযতি; তত্র পিচ্ছোত্পত্তৌ মণ্ডলমুদরং গুরু স্তিমিতমাকোঠিতমশব্দং মৃদুস্পর্শমপগতরাজীকমাক্রান্তং নাভ্যামেবোপসর্পতি| ততোঽনন্তরমুদকপ্রাদুর্ভাবঃ| তস্য রূপাণি- কুক্ষেরতিমাত্রবৃদ্ধিঃ, সিরান্তর্ধানগমনম্, উদকপূর্ণদৃতিসঙ্ক্ষোভসংস্পর্শত্বং চ||৪৮|| তদাঽঽতুরমুপদ্রবাঃ স্পৃশন্তি- ছর্দ্যতীসারতমকতৃষ্ণাশ্বাসকাসহিক্কাদৌর্বল্যপার্শ্বশূলারুচিস্বরভেদমূত্রসঙ্গাদযঃ; তথাবিধমচিকিত্স্যং বিদ্যাদিতি||৪৯||
स्नेहपीतस्य मन्दाग्नेः क्षीणस्यातिकृशस्य वा| अत्यम्बुपानान्नष्टेऽग्नौ मारुतः क्लोम्नि संस्थितः||४५|| स्रोतःसु रुद्धमार्गेषु कफश्चोदकमूर्च्छितः| वर्धयेतां तदेवाम्बु स्वस्थानादुदराय तौ||४६|| तस्य रूपाणि- अनन्नकाङ्क्षापिपासागुदस्रावशूलश्वासकासदौर्बल्यानि, अपि चोदरं नानावर्णराजिसिरासन्ततमुदकपूर्णदृतिक्षोभसंस्पर्शं भवति, एतदुदकोदरमिति विद्यात्||४७|| तत्र अचिरोत्पन्नमनुपद्रवमनुदकमप्राप्तमुदरं त्वरमाणश्चिकित्सेत्; उपेक्षितानां ह्येषां दोषाः स्वस्थानादपवृत्ता परिपाकाद्द्रवीभूताः सन्धीन् स्रोतांसि चोपक्लेदयन्ति, स्वेदश्च बाह्येषु स्रोतःसु प्रतिहतगतिस्तिर्यगवतिष्ठमानस्तदेवोदकमाप्याययति; तत्र पिच्छोत्पत्तौ मण्डलमुदरं गुरु स्तिमितमाकोठितमशब्दं मृदुस्पर्शमपगतराजीकमाक्रान्तं नाभ्यामेवोपसर्पति| ततोऽनन्तरमुदकप्रादुर्भावः| तस्य रूपाणि- कुक्षेरतिमात्रवृद्धिः, सिरान्तर्धानगमनम्, उदकपूर्णदृतिसङ्क्षोभसंस्पर्शत्वं च||४८|| तदाऽऽतुरमुपद्रवाः स्पृशन्ति- छर्द्यतीसारतमकतृष्णाश्वासकासहिक्कादौर्बल्यपार्श्वशूलारुचिस्वरभेदमूत्रसङ्गादयः; तथाविधमचिकित्स्यं विद्यादिति||४९||
🔊 Audio coming soon
স্নেহেত্যাদিনা উত্পত্তিবিশিষ্টং জলোদরমাহ| ক্লোম হৃদযাবযববিশেষঃ| বর্ধযেতামিতি যথোক্তৌ কফমারুতৌ| তযোশ্চাম্বুবর্ধকত্বং পিপাসাজননেনাম্বুপানাদেরিতি জ্ঞেযম্| সাধ্যাসাধ্যবিভাগমাহ- তত্রেত্যাদি| অনুদকপ্রাপ্তমিতি অজাতোদকরূপদোষাবস্থং; পরিপাকেনাত্র দোষাণাং দ্রবত্বং স্বভাবাদেব জ্ঞেযম্| বাহ্যেষু স্রোতঃসু প্রতিহতগতিরিতি বহির্গন্তুমসমর্থঃ| অত্র জলজন্মপূর্বরূপং পিচ্ছোত্পদ্যতে, তেন পিচ্ছোত্পত্তিলক্ষণমেব তাবদাহ| পিচ্ছাসদৃশো ভাগঃ পিচ্ছা; অন্যে তু ভক্তমণ্ডসদৃশীং পিচ্ছামাহুঃ| সর্পতীতি চলতি| উদকপূর্ণদৃতিবত্ সঙ্ক্ষোভঃ মাংসস্য পিচ্ছোদকরূপং প্রাপ্তস্য| তমকঃ শ্বাসবিশেষঃ| অচিকিত্স্যমিতি বিষপ্রযোগশস্ত্রপ্রণিধানাদিদারুণকর্মব্যতিরিক্তক্রিযযা অচিকিত্স্যং বিদ্যাত্||৪৫-৪৯||
Adhikarana 15 (50-51) · Śloka 51
ভবন্তি চাত্র- বাতাত্পিত্তাত্কফাত্ প্লীহ্নঃ সন্নিপাতাত্তথোদকাত্| পরং পরং কৃচ্ছ্রতরমুদরং ভিষগাদিশেত্||৫০|| পক্ষাদ্বদ্ধগুদং তূর্ধ্বং সর্বং জাতোদকং তথা| প্রাযো ভবত্যভাবায চ্ছিদ্রান্ত্রং চোদরং নৃণাম্||৫১||
भवन्ति चात्र- वातात्पित्तात्कफात् प्लीह्नः सन्निपातात्तथोदकात्| परं परं कृच्छ्रतरमुदरं भिषगादिशेत्||५०|| पक्षाद्बद्धगुदं तूर्ध्वं सर्वं जातोदकं तथा| प्रायो भवत्यभावाय च्छिद्रान्त्रं चोदरं नृणाम्||५१||
🔊 Audio coming soon
পরং পরং কৃচ্ছ্রতরমিতি যথা যথা পরত্বনির্দেশস্তথা তথা কৃচ্ছ্রসাধ্যত্বম্| বদ্ধচ্ছিদ্রদকোদরাণাং বিশেষমাহ- পক্ষাদিত্যাদি| বদ্ধগুদমুদরং পক্ষাদূর্ধ্বং বিনাশায প্রাযো ভবতি; কদাচিত্ পক্ষাদূর্ধ্বমপ্যভাবায ন ভবতীতি প্রাযঃশব্দেনাহ| জাতোদকং ছিদ্রান্ত্রং চ প্রাযো বিনাশায ভবতি; কদাচিদ্ বিষশস্ত্রাভিমতচিকিত্সযা জাতোদকং ছিদ্রং বদ্ধগুদং চ সিধ্যতীতি প্রাযঃশব্দেন দর্শযতি||৫০-৫১||
Adhikarana 16 (52-54) · Śloka 54
শূনাক্ষং কুটিলোপস্থমুপক্লিন্নতনুত্বচম্| বলশোণিতমাংসাগ্নিপরিক্ষীণং চ বর্জযেত্||৫২|| শ্বযথুঃ সর্বমর্মোত্থঃ শ্বাসো হিক্কাঽরুচিঃ সতৃট্| মূর্চ্ছা চ্ছর্দিরতীসারো নিহন্ত্যুদরিণং নরম্||৫৩|| জন্মনৈবোদরং সর্বং প্রাযঃ কৃচ্ছ্রতমং মতম্| বলিনস্তদজাতাম্বু যত্নসাধ্যং নবোত্থিতম্||৫৪||
शूनाक्षं कुटिलोपस्थमुपक्लिन्नतनुत्वचम्| बलशोणितमांसाग्निपरिक्षीणं च वर्जयेत्||५२|| श्वयथुः सर्वमर्मोत्थः श्वासो हिक्काऽरुचिः सतृट्| मूर्च्छा च्छर्दिरतीसारो निहन्त्युदरिणं नरम्||५३|| जन्मनैवोदरं सर्वं प्रायः कृच्छ्रतमं मतम्| बलिनस्तदजाताम्बु यत्नसाध्यं नवोत्थितम्||५४||
🔊 Audio coming soon
শূনাক্ষমিত্যাদিনা সাধ্যোক্তানামপ্যসাধ্যতামাহ| কুটিলোপস্থমিতি বক্রোপস্থম্| উপক্লিন্না তন্বী চ ত্বগ্যস্য স তথা| অগ্নিক্ষযশ্চোদরে প্রথমত এব যদ্যপি ভবতি, তথাঽপি অসাধ্যলক্ষণেষু বিশেষেণাগ্নিক্ষযো লক্ষণান্তরযুক্তশ্চ ভবতীতি জ্ঞেযম্| জন্মনৈবেতি উত্পত্তিমাত্রেণ||৫২-৫৪||
Adhikarana 17 (55-58) · Śloka 58
অজাতশোথমরুণং সশব্দং নাতিভারিকম্| সদা গুডগুডাযচ্চ সিরাজালগবাক্ষিতম্||৫৫|| নাভিং বিষ্টভ্য পাযৌ তু বেগং কৃত্বা প্রণশ্যতি| হৃন্নাভিবঙ্ক্ষণকটীগুদপ্রত্যেকশূলিনঃ||৫৬|| কর্কশং সৃজতো বাতং নাতিমন্দে চ পাবকে| লোলস্যাবিরসে চাস্যে মূত্রেঽল্পে সংহতে বিষি||৫৭|| অজাতোদকমিত্যেতৈর্লিঙ্গৈর্বিজ্ঞায তত্ত্বতঃ| উপাক্রমেদ্ভিষগ্দোষবলকালবিশেষবিত্||৫৮||
अजातशोथमरुणं सशब्दं नातिभारिकम्| सदा गुडगुडायच्च सिराजालगवाक्षितम्||५५|| नाभिं विष्टभ्य पायौ तु वेगं कृत्वा प्रणश्यति| हृन्नाभिवङ्क्षणकटीगुदप्रत्येकशूलिनः||५६|| कर्कशं सृजतो वातं नातिमन्दे च पावके| लोलस्याविरसे चास्ये मूत्रेऽल्पे संहते विषि||५७|| अजातोदकमित्येतैर्लिङ्गैर्विज्ञाय तत्त्वतः| उपाक्रमेद्भिषग्दोषबलकालविशेषवित्||५८||
🔊 Audio coming soon
অজাতাম্বুলক্ষণমাহ- অজাতশোথমিত্যাদি| নাতিভারিকমিতি নাতিগুরুণা ভারেণ যুতম্| নাভিং বিষ্টভ্যেতি নাভিং স্তম্ভযিত্বা| কৃত্বা বেগমিতি পুরীষবাতবেগং কৃত্বা, বাতপুরীষং বিসৃজ্যেতি যাবত্| প্রণশ্যতীতি লীনং ভবতি| কর্কশমিতি বেগবন্তং; সৃজত ইতি বাতং সরতঃ||৫৫-৫৮||
Adhikarana 18 (59-67) · Śloka 67
বাতোদরং বলমতঃ পূর্বং স্নেহৈরুপাচরেত্| স্নিগ্ধায স্বেদিতাঙ্গায দদ্যাত্ স্নেহবিরেচনম্||৫৯|| হৃতে দোষে পরিম্লানং বেষ্টযেদ্বাসসোদরম্| তথাঽস্যানবকাশত্বাদ্বাযুর্নাধ্মাপযেত্ পুনঃ||৬০|| দোষাতিমাত্রোপচযাত্ স্রোতোমার্গনিরোধনাত্| সম্ভবত্যুদরং তস্মান্নিত্যমেব বিরেচযেত্||৬১|| শুদ্ধং সংসৃজ্য চ ক্ষীরং বলার্থং পাযযেত্তু তম্| প্রাগুত্ক্লেশান্নিবর্ত্যং চ বলে লব্ধে ক্রমাত্ পযঃ||৬২|| যূষৈ রসৈর্বা মন্দাম্ললবণৈরেধিতানলম্| সোদাবর্তং পুনঃ স্নিগ্ধং স্বিন্নমাস্থাপযেন্নরম্||৬৩|| স্ফুরণাক্ষেপসন্ধ্যস্থিপার্শ্বপৃষ্ঠত্রিকার্তিষু| দীপ্তাগ্নিং বদ্ধবিড্বাতং রূক্ষমপ্যনুবাসযেত্||৬৪|| তীক্ষ্ণাধোভাগযুক্তোঽস্য নিরূহো দাশমূলিকঃ| বাতঘ্নাম্লশৃতৈরণ্ডতিলতৈলানুবাসনম্||৬৫|| অবিরেচ্যং তু যং বিদ্যাদ্দুর্বলং স্থবিরং শিশুম্| সুকুমারং প্রকৃত্যাঽল্পদোষং বাঽথোল্বণানিলম্||৬৬|| তং ভিষক্ শমনৈঃ সর্পির্যূষমাংসরসৌদনৈঃ| বস্ত্যভ্যঙ্গানুবাসৈশ্চ ক্ষীরৈশ্চোপাচরেদ্বুধঃ||৬৭||
वातोदरं बलमतः पूर्वं स्नेहैरुपाचरेत्| स्निग्धाय स्वेदिताङ्गाय दद्यात् स्नेहविरेचनम्||५९|| हृते दोषे परिम्लानं वेष्टयेद्वाससोदरम्| तथाऽस्यानवकाशत्वाद्वायुर्नाध्मापयेत् पुनः||६०|| दोषातिमात्रोपचयात् स्रोतोमार्गनिरोधनात्| सम्भवत्युदरं तस्मान्नित्यमेव विरेचयेत्||६१|| शुद्धं संसृज्य च क्षीरं बलार्थं पाययेत्तु तम्| प्रागुत्क्लेशान्निवर्त्यं च बले लब्धे क्रमात् पयः||६२|| यूषै रसैर्वा मन्दाम्ललवणैरेधितानलम्| सोदावर्तं पुनः स्निग्धं स्विन्नमास्थापयेन्नरम्||६३|| स्फुरणाक्षेपसन्ध्यस्थिपार्श्वपृष्ठत्रिकार्तिषु| दीप्ताग्निं बद्धविड्वातं रूक्षमप्यनुवासयेत्||६४|| तीक्ष्णाधोभागयुक्तोऽस्य निरूहो दाशमूलिकः| वातघ्नाम्लशृतैरण्डतिलतैलानुवासनम्||६५|| अविरेच्यं तु यं विद्याद्दुर्बलं स्थविरं शिशुम्| सुकुमारं प्रकृत्याऽल्पदोषं वाऽथोल्बणानिलम्||६६|| तं भिषक् शमनैः सर्पिर्यूषमांसरसौदनैः| बस्त्यभ्यङ्गानुवासैश्च क्षीरैश्चोपाचरेद्बुधः||६७||
🔊 Audio coming soon
বাতোদরমিত্যাদিনা চিকিত্সামাহ| পরিম্লানমিতি ক্ষীণম্| তথেতি বস্ত্রবেষ্টনেন| উদরে পুনঃ শোধনোপপত্তিমাহ- দোষেত্যাদি| স্রোতোমার্গনিরোধনাদিতি স্রোতোমুখনিরোধনাদিত্যর্থঃ; মার্গশব্দোঽত্র মুখবাচী| সংসৃজ্যেত্যত্র পেযাদিক্রমেণোপপাদ্য| প্রাগুত্ক্লেশাদিতি উত্ক্লেশে দৃশ্যমানে| উত্সর্গতস্তু বলজনককার্যং কৃত্বা পযো নিবর্তনীযম্| বাতঘ্নাদিভিঃ শৃতমৈরণ্ডতৈলং তিলতৈলং বাঽনুবাসনং স্যাত্| অনুবাসৈরিতি অনুবাসনৈঃ||৫৯-৬৭||
Adhikarana 19 (68-71) · Śloka 71
পিত্তোদরে তু বলিনং পূর্বমেব বিরেচযেত্| দুর্বলং ত্বনুবাস্যাদৌ শোধযেত্ ক্ষীরবস্তিনা||৬৮|| সঞ্জাতবলকাযাগ্নিং পুনঃ স্নিগ্ধং বিরেচযেত্| পযসা সত্রিবৃত্কল্কেনোরুবূকশৃতেন বা||৬৯|| সাতলাত্রাযমাণাভ্যাং শৃতেনারগ্বধেন বা| সকফে বা সমূত্রেণ সবাতে তিক্তসর্পিষা||৭০|| পুনঃ ক্ষীরপ্রযোগং চ বস্তিকর্ম বিরেচনম্| ক্রমেণ ধ্রুবমাতিষ্ঠন্ যুক্তঃ পিত্তোদরং জযেত্||৭১||
पित्तोदरे तु बलिनं पूर्वमेव विरेचयेत्| दुर्बलं त्वनुवास्यादौ शोधयेत् क्षीरबस्तिना||६८|| सञ्जातबलकायाग्निं पुनः स्निग्धं विरेचयेत्| पयसा सत्रिवृत्कल्केनोरुबूकशृतेन वा||६९|| सातलात्रायमाणाभ्यां शृतेनारग्वधेन वा| सकफे वा समूत्रेण सवाते तिक्तसर्पिषा||७०|| पुनः क्षीरप्रयोगं च बस्तिकर्म विरेचनम्| क्रमेण ध्रुवमातिष्ठन् युक्तः पित्तोदरं जयेत्||७१||
🔊 Audio coming soon
সাতলা চর্মকষা| ক্ষীরবস্তিরিতি ক্ষীরপ্রধানো বস্তিঃ| সকফে ইতি কফযুক্তে পিত্তে| সমূত্রেণেত্যত্র ‘পযসা’ ইত্যনুবর্ততে| সবাতে পিত্তে তিক্তসর্পিষা বিরেচনং ত্রিবৃতাদিদ্রব্যযুক্তেন কর্তব্যম্| ক্রমেণেতি ক্ষীরপ্রযোগাদিক্রমেণ পিত্তোদরং জযেদিতি যোজনা||৬৮-৭১||
Adhikarana 20 (72-73) · Śloka 73
স্নিগ্ধং স্বিন্নং বিশুদ্ধং তু কফোদরিণমাতুরম্| সংসর্জযেত্ কটুক্ষারযুক্তৈরন্নৈঃ কফাপহৈঃ||৭২|| গোমূত্রারিষ্টপানৈশ্চ চূর্ণাযস্কৃতিভিস্তথা| সক্ষারৈস্তৈলপানৈশ্চ শমযেত্তু কফোদরম্||৭৩||
स्निग्धं स्विन्नं विशुद्धं तु कफोदरिणमातुरम्| संसर्जयेत् कटुक्षारयुक्तैरन्नैः कफापहैः||७२|| गोमूत्रारिष्टपानैश्च चूर्णायस्कृतिभिस्तथा| सक्षारैस्तैलपानैश्च शमयेत्तु कफोदरम्||७३||
🔊 Audio coming soon
বিশুদ্ধমিত্যত্র বমনং বিনা বিশুদ্ধো জ্ঞেযঃ, বমনস্যোদরে নিষিদ্ধত্বাত্| চূর্ণযুক্তা অযস্কৃতযঃ চূর্ণাযস্কৃতযঃ “নবাযোরজসো ভাগাস্তচ্চূর্ণং মধুসর্পিষা” (চি.অ.১৬) ইত্যাদ্যুক্তাঃ; কিংবা চূর্ণান্যত্রৈব বক্ষ্যমাণানি, অযস্কৃতযস্তু রসাযনোক্তলোহপ্রযোগে জ্ঞেযাঃ||৭২-৭৩||
Adhikarana 21 (74) · Śloka 74
সন্নিপাতোদরে সর্বা যথোক্তাঃ কারযেত্ ক্রিযাঃ| সোপদ্রবং তু নির্বৃত্তং প্রত্যাখ্যেযং বিজানতা|৭৪|
सन्निपातोदरे सर्वा यथोक्ताः कारयेत् क्रियाः| सोपद्रवं तु निर्वृत्तं प्रत्याख्येयं विजानता|७४|
🔊 Audio coming soon
সর্বা যথোক্তা ইতি প্রত্যেকং বাতাদিবিহিতাঃ সর্বা এব সন্নিপাতোদরে কর্তব্যাঃ| সোপদ্রবং তু নির্বৃত্তমিতি সোপদ্রবতযোত্পন্নম্||৭৪||
Adhikarana 22 (85-88) · Śloka 89
উদাবর্তরুজানাহৈর্দাহমোহতৃষাজ্বরৈঃ| গৌরবারুচিকাঠিন্যৈশ্চানিলাদীন্ যথাক্রমম্||৭৫|| লিঙ্গৈঃ প্লীহ্ন্যধিকান্ দৃষ্ট্বা রক্তং চাপি স্বলক্ষণৈঃ| চিকিত্সাং সম্প্রকুর্বীত যথাদোষং যথাবলম্||৭৬|| স্নেহং স্বেদং বিরেকং চ নিরূহমনুবাসনম্| সমীক্ষ্য কারযেদ্বাহৌ বামে বা ব্যধযেত্ সিরাম্||৭৭|| ষট্পলং পাযযেত্ সর্পিঃ পিপ্পলীর্বা প্রযোজযেত্| সগুডামভযাং বাঽপি ক্ষারারিষ্টগণাংস্তথা||৭৮|| এষ ক্রিযাক্রমঃ প্রোক্তো যোগান্ সংশমনাঞ্ছৃণু| পিপ্পলী নাগরং দন্তী চিত্রকং দ্বিগুণাভযম্||৭৯|| বিডঙ্গাংশযুতং চূর্ণমেতদুষ্ণাম্বুনা পিবেত্| বিডঙ্গং চিত্রকং শুণ্ঠীং সঘৃতাং সৈন্ধবং বচাম্||৮০|| দগ্ধ্বা কপালে পযসা গুল্মপ্লীহাপহং পিবেত্| রোহীতকলতানাং তু কাণ্ডকানভযাজলে||৮১|| মূত্রে বা সুনুযাত্তচ্চ সপ্তরাত্রস্থিতং পিবেত্| কামলাগুল্মমেহার্শঃপ্লীহসর্বোদরক্রিমীন্||৮২|| স হন্যাজ্জাঙ্গলরসৈর্জীর্ণে স্যাচ্চাত্র ভোজনম্| রোহীতকত্বচঃ কৃত্বা পলানাং পঞ্চবিংশতিম্||৮৩|| কোলদ্বিপ্রস্থসংযুক্তং কষাযমুপকল্পযেত্| পলিকৈঃ পঞ্চকোলৈস্তু তৈঃ সর্বৈশ্চাপি তুল্যযা||৭৪|| রোহীতকত্বচা পিষ্টৈর্ঘৃতপ্রস্থং বিপাচযেত্| প্লীহাভিবৃদ্ধিং শমযত্যেতদাশু প্রযোজিতম্||৮৫|| তথা গুল্মোদরশ্বাসক্রিমিপাণ্ডুত্বকামলাঃ| অগ্নিকর্ম চ কুর্বীত ভিষগ্বাতকফোল্বণে||৮৬|| পৈত্তিকে জীবনীযানি সর্পীংষি ক্ষীরবস্তযঃ| রক্তাবসেকঃ সংশুদ্ধিঃ ক্ষীরপানং চ শস্যতে||৮৭|| যূষৈর্মাংসরসৈশ্চাপি দীপনীযসমাযুতৈঃ| যকৃতি প্লীহবত্ সর্বং তুল্যত্বাদ্ভেষজং মতম্||৮৮|| লঘূন্যন্নানি সংসৃজ্য দদ্যাত্ প্লীহোদরে ভিষক্|৮৯|
उदावर्तरुजानाहैर्दाहमोहतृषाज्वरैः| गौरवारुचिकाठिन्यैश्चानिलादीन् यथाक्रमम्||७५|| लिङ्गैः प्लीह्न्यधिकान् दृष्ट्वा रक्तं चापि स्वलक्षणैः| चिकित्सां सम्प्रकुर्वीत यथादोषं यथाबलम्||७६|| स्नेहं स्वेदं विरेकं च निरूहमनुवासनम्| समीक्ष्य कारयेद्बाहौ वामे वा व्यधयेत् सिराम्||७७|| षट्पलं पाययेत् सर्पिः पिप्पलीर्वा प्रयोजयेत्| सगुडामभयां वाऽपि क्षारारिष्टगणांस्तथा||७८|| एष क्रियाक्रमः प्रोक्तो योगान् संशमनाञ्छृणु| पिप्पली नागरं दन्ती चित्रकं द्विगुणाभयम्||७९|| विडङ्गांशयुतं चूर्णमेतदुष्णाम्बुना पिबेत्| विडङ्गं चित्रकं शुण्ठीं सघृतां सैन्धवं वचाम्||८०|| दग्ध्वा कपाले पयसा गुल्मप्लीहापहं पिबेत्| रोहीतकलतानां तु काण्डकानभयाजले||८१|| मूत्रे वा सुनुयात्तच्च सप्तरात्रस्थितं पिबेत्| कामलागुल्ममेहार्शःप्लीहसर्वोदरक्रिमीन्||८२|| स हन्याज्जाङ्गलरसैर्जीर्णे स्याच्चात्र भोजनम्| रोहीतकत्वचः कृत्वा पलानां पञ्चविंशतिम्||८३|| कोलद्विप्रस्थसंयुक्तं कषायमुपकल्पयेत्| पलिकैः पञ्चकोलैस्तु तैः सर्वैश्चापि तुल्यया||७४|| रोहीतकत्वचा पिष्टैर्घृतप्रस्थं विपाचयेत्| प्लीहाभिवृद्धिं शमयत्येतदाशु प्रयोजितम्||८५|| तथा गुल्मोदरश्वासक्रिमिपाण्डुत्वकामलाः| अग्निकर्म च कुर्वीत भिषग्वातकफोल्बणे||८६|| पैत्तिके जीवनीयानि सर्पींषि क्षीरबस्तयः| रक्तावसेकः संशुद्धिः क्षीरपानं च शस्यते||८७|| यूषैर्मांसरसैश्चापि दीपनीयसमायुतैः| यकृति प्लीहवत् सर्वं तुल्यत्वाद्भेषजं मतम्||८८|| लघून्यन्नानि संसृज्य दद्यात् प्लीहोदरे भिषक्|८९|
🔊 Audio coming soon
প্লীহোদরচিকিত্সামাহ- উদাবর্তেত্যাদি| অনিলাদীন্ যথাক্রমমিতি উদাবর্তরুজানাহৈর্বাতং, দাহমোহতৃষাজ্বরৈঃ পিত্তং, শেষৈঃ কফং, দৃষ্ট্বা চিকিত্সাং কুর্বীত; কিঞ্চ বাধিতং রক্তং তল্লক্ষণৈর্দৃষ্ট্বা চিকিত্সাং কুর্বীত| তত্র রক্তস্য লক্ষণানি বিধিশোণিতীযোক্তানি, তন্ত্রান্তরে “বিদাহং তৃষ্ণাং বৈরস্যং গাত্রগৌরবং মূর্চ্ছাং” ইত্যাদীনি জ্ঞেযানি| প্লীহ্নীতি প্লীহোদরে| যথাদোষমিতি উল্বণদোষপ্রশমনীম্| বামে বাহৌ সিরাব্যধঃ সামান্যোক্তোঽপি সুশ্রুতপ্রত্যযাত্ কূর্পরাখ্যসিরাব্যধো জ্ঞেযঃ| পিপ্পলীর্বা প্রযোজযেদিতি রসাযনোক্তপিপ্পলীবর্ধমানং প্রযোজযেত্| ক্ষারারিষ্টগণানিতি গ্রহণ্যর্শোবক্ষ্যমাণক্ষারারিষ্টসমূহান্; ইহাপি চ বিডঙ্গমিত্যাদিনা ক্ষারং, তথা রোহিতকলতেত্যাদিনাঽরিষ্টং চ বক্ষ্যতি| দ্বিগুণাভযমিতি দ্বিভাগাভযম্| রোহিতকলতা ‘রোহিতক’ ইতি খ্যাতা| কাণ্ডকা ইতি স্বল্পপ্রমাণাঃ খণ্ডাঃ| আসুনুযাদিতি দ্রবে মগ্নাঃ কৃত্বা সন্ধানার্থং স্থাপযেত্| রোহিতকেত্যাদৌ সপ্তপঞ্চাশত্পলে ক্বাথ্যেঽষ্টগুণমুদকং দত্ত্বা পাদাবশেষেণ দ্বিপলোপেতচতুর্দশশরাবমানঃ ক্বাথো ভবতি| সর্বৈস্তৈশ্চাপি তুল্যযেতি রোহিতকত্বচঃ পঞ্চপলানীত্যর্থঃ| পিষ্টৈরিতি পঞ্চকোলৈঃ পিষ্টৈঃ, তথা বিভক্তিবিপরিণামাদ্রোহিতকত্বচা পিষ্টযেতি জ্ঞেযম্| অগ্নিকর্মেতি গুল্মবদত্রাপ্যগ্নিকর্ম বদন্তি; তচ্চ বাতকফোল্বণে প্লীহোদরে এব জ্ঞেযম্| দীপনীযসমাযুতৈরিতি পিপ্পল্যাদিদীপনীযগণসংস্কৃতৈরিত্যর্থঃ||৮৫-৮৮||-
Adhikarana 23 (89-92) · Śloka 93
স্বিন্নায বদ্ধোদরিণে মূত্রতীক্ষ্ণৌষধান্বিতম্||৮৯|| সতৈললবণং দদ্যান্নিরূহং সানুবাসনম্| পরিস্রংসীনি চান্নানি তীক্ষ্ণং চৈব বিরেচনম্||৯০|| উদাবর্তহরং কর্ম কার্যং বাতঘ্নমেব চ| ছিদ্রোদরমৃতে স্বেদাচ্ছ্লেষ্মোদরবদাচরেত্||৯১|| জাতং জাতং জলং স্রাব্যমেবং তদ্যাপযেদ্ভিষক্| তৃষ্ণাকাসজ্বরার্তং তু ক্ষীণমাংসাগ্নিভোজনম্||৯২|| বর্জযেচ্ছ্বাসিনং তদ্বচ্ছূলিনং দুর্বলেন্দ্রিযম্|৯৩|
स्विन्नाय बद्धोदरिणे मूत्रतीक्ष्णौषधान्वितम्||८९|| सतैललवणं दद्यान्निरूहं सानुवासनम्| परिस्रंसीनि चान्नानि तीक्ष्णं चैव विरेचनम्||९०|| उदावर्तहरं कर्म कार्यं वातघ्नमेव च| छिद्रोदरमृते स्वेदाच्छ्लेष्मोदरवदाचरेत्||९१|| जातं जातं जलं स्राव्यमेवं तद्यापयेद्भिषक्| तृष्णाकासज्वरार्तं तु क्षीणमांसाग्निभोजनम्||९२|| वर्जयेच्छ्वासिनं तद्वच्छूलिनं दुर्बलेन्द्रियम्|९३|
🔊 Audio coming soon
নিরূহস্যোত্সর্গত এব সতৈললবণত্বে সিদ্ধে সতৈললবণমিতি পদং তৈললবণযোরত্রাধিকদানোপদর্শনার্থম্| বদ্ধচ্ছিদ্রদকোদরিণাং চ যদ্যপ্যাস্থাপনং নিষিদ্ধং, তথাঽপি তদেকসাধ্যাযামবস্থাযাং নিরূহানুবাসনমিহ জ্ঞেযম্| পরিস্রংসীনীতি অনুলোমনানি| ছিদ্রান্ত্রং চোদরং নৃণামিত্যত্র যদ্যপ্যসাধ্যত্বমুক্তং, তথাঽপি তত্র প্রাযঃশব্দনিবেশাদসাধ্যতাব্যভিচারোঽপি দর্শিতঃ; তেনেহ তচ্চিকিত্সোচ্যতে, উত্তরত্রাপি চ পিপীলিকাদংশাদিনা ছিদ্রোদরচিকিত্সোচ্যতে, তথা ‘হন্তি সর্বোদরাণ্যেতচ্চূর্ণং’ ইত্যনেন সর্বোদরচিকিত্সা বক্তব্যা| অন্যে তু সর্বোদরহন্তৃত্বকথনং ন পারমার্থিকমিতি বদন্তি| ঋতে স্বেদাদিত্যনেন স্বেদস্য ছিদ্রোদরে উদককারতযা নিষেধং দর্শযতি| তৃষ্ণেত্যাদিনা প্রত্যাখ্যেযং ছিদ্রোদরমাহ||৮৯-৯২||-
Adhikarana 24 (93-94) · Śloka 95
অপাং দোষহরাণ্যাদৌ প্রদদ্যাদুদকোদরে||৯৩|| মূত্রযুক্তানি তীক্ষ্ণানি বিবিধক্ষারবন্তি চ| দীপনীযৈঃ কফঘ্নৈশ্চ তমাহারৈরুপাচরেত্||৯৪|| দ্রবেভ্যশ্চোদকাদিভ্যো নিযচ্ছেদনুপূর্বশঃ|৯৫|
अपां दोषहराण्यादौ प्रदद्यादुदकोदरे||९३|| मूत्रयुक्तानि तीक्ष्णानि विविधक्षारवन्ति च| दीपनीयैः कफघ्नैश्च तमाहारैरुपाचरेत्||९४|| द्रवेभ्यश्चोदकादिभ्यो नियच्छेदनुपूर्वशः|९५|
🔊 Audio coming soon
অপাং দোষহরাণীত্যাদিনা উত্পত্তিবিশিষ্টদকোদরচিকিত্সামাহ| উদকাদিভ্য ইতি উদকপ্রকারেভ্যো দ্রবান্তরেভ্যঃ| নিযচ্ছেদিতি নিবর্তযেত্| অনুপূর্বশ ইতি ক্রমেণ নিবর্তযেত্||৯৩-৯৪||-
Adhikarana 25 (95-100) · Śloka 101
সর্বমেবোদরং প্রাযো দোষসঙ্ঘাতজং মতম্||৯৫|| তস্মাত্ত্রিদোষশমনীং ক্রিযাং সর্বত্র কারযেত্| দোষৈঃ কুক্ষৌ হি সম্পূর্ণে বহ্নির্মন্দত্বমৃচ্ছতি||৯৬|| তস্মাদ্ভোজ্যানি ভোজ্যানি দীপনানি লঘূনি চ| রক্তশালীন্ যবান্মুদ্গাঞ্জাঙ্গলাংশ্চ মৃগদ্বিজান্||৯৭|| পযোমূত্রাসবারিষ্টান্মধুসীধুং তথা সুরাম্| যবাগূমোদনং বাঽপি যূষৈরদ্যাদ্রসৈরপি||৯৮|| মন্দাম্লস্নেহকটুভিঃ পঞ্চমূলোপসাধিতৈঃ| ঔদকানূপজং মাংসং শাকং পিষ্টকৃতং তিলান্||৯৯|| ব্যাযামাধ্বদিবাস্বপ্নং যানযানং চ বর্জযেত্| তথোষ্ণলবণাম্লানি বিদাহীনি গুরূণি চ||১০০|| নাদ্যাদন্নানি জঠরী তোযপানং চ বর্জযেত্|১০১|
सर्वमेवोदरं प्रायो दोषसङ्घातजं मतम्||९५|| तस्मात्त्रिदोषशमनीं क्रियां सर्वत्र कारयेत्| दोषैः कुक्षौ हि सम्पूर्णे वह्निर्मन्दत्वमृच्छति||९६|| तस्माद्भोज्यानि भोज्यानि दीपनानि लघूनि च| रक्तशालीन् यवान्मुद्गाञ्जाङ्गलांश्च मृगद्विजान्||९७|| पयोमूत्रासवारिष्टान्मधुसीधुं तथा सुराम्| यवागूमोदनं वाऽपि यूषैरद्याद्रसैरपि||९८|| मन्दाम्लस्नेहकटुभिः पञ्चमूलोपसाधितैः| औदकानूपजं मांसं शाकं पिष्टकृतं तिलान्||९९|| व्यायामाध्वदिवास्वप्नं यानयानं च वर्जयेत्| तथोष्णलवणाम्लानि विदाहीनि गुरूणि च||१००|| नाद्यादन्नानि जठरी तोयपानं च वर्जयेत्|१०१|
🔊 Audio coming soon
অত্র সর্বোদরসাধারণীং চিকিত্সাং বক্তুমাহ- সর্বমিত্যাদিনা| ভোজ্যানি পুনর্ভোজ্যানীতি ভোক্তব্যানি| মন্দাম্লেত্যাদৌ মন্দশব্দোঽল্পবচনঃ| যানযানমিতি অশ্বাদিনা যানম্||৯৫-১০০||-
Adhikarana 26 (101-106) · Śloka 107
নাতিসান্দ্রং হিতং পানে স্বাদু তক্রমপেলবম্||১০১|| ত্র্যূষণক্ষারলবণৈর্যুক্তং তু নিচযোদরী| বাতোদরী পিবেত্তক্রং পিপ্পলীলবণান্বিতম্||১০২|| শর্করামধুকোপেতং স্বাদু পিত্তোদরী পিবেত্| যবানীসৈন্ধবাজাজীব্যোষযুক্তং কফোদরী||১০৩|| পিবেন্মধুযুতং তক্রং কবোষ্ণং নাতিপেলবম্| মধুতৈলবচাশুণ্ঠীশতাহ্বাকুষ্ঠসৈন্ধবৈঃ||১০৪|| যুক্তং প্লীহোদরী জাতং সব্যোষং তূদকোদরী| বদ্ধোদরী তু হপুষাযবান্যজাজিসৈন্ধবৈঃ ||১০৫|| পিবেচ্ছিদ্রোদরী তক্রং পিপ্পলীক্ষৌদ্রসংযুতম্| গৌরবারোচকার্তানাং সমন্দাগ্ন্যতিসারিণাম্||১০৬|| তক্রং বাতকফার্তানামমৃতত্বায কল্পতে|১০৭|
नातिसान्द्रं हितं पाने स्वादु तक्रमपेलवम्||१०१|| त्र्यूषणक्षारलवणैर्युक्तं तु निचयोदरी| वातोदरी पिबेत्तक्रं पिप्पलीलवणान्वितम्||१०२|| शर्करामधुकोपेतं स्वादु पित्तोदरी पिबेत्| यवानीसैन्धवाजाजीव्योषयुक्तं कफोदरी||१०३|| पिबेन्मधुयुतं तक्रं कवोष्णं नातिपेलवम्| मधुतैलवचाशुण्ठीशताह्वाकुष्ठसैन्धवैः||१०४|| युक्तं प्लीहोदरी जातं सव्योषं तूदकोदरी| बद्धोदरी तु हपुषायवान्यजाजिसैन्धवैः ||१०५|| पिबेच्छिद्रोदरी तक्रं पिप्पलीक्षौद्रसंयुतम्| गौरवारोचकार्तानां समन्दाग्न्यतिसारिणाम्||१०६|| तक्रं वातकफार्तानाममृतत्वाय कल्पते|१०७|
🔊 Audio coming soon
স্বাদ্বিতি সদ্যো মথিতং মধুরং জাতম্| অপেলবমিতি উদ্ধৃতস্নেহম্| কবোষ্ণমিতি ঈষদুষ্ণম্||১০১-১০৬||-
Adhikarana 27 (107-110) · Śloka 111
শোফানাহার্তিতৃণ্মূর্চ্ছাপীডিতে কারভং পযঃ||১০৭|| শুদ্ধানাং ক্ষামদেহানাং গব্যং ছাগং সমাহিষম্| দেবদারুপলাশার্কহস্তিপিপ্পলিশিগ্রুকৈঃ||১০৮|| সাশ্বগন্ধৈঃ সগোমূত্রৈঃ প্রদিহ্যাদুদরং সমৈঃ| বৃশ্চিকালীং বচাং কুষ্ঠং পঞ্চমূলীং পুনর্নবাম্||১০৯|| ভূতীকং নাগরং ধান্যং জলে পক্ত্বাঽবসেচযেত্| পলাশং কত্তৃণং রাস্নাং তদ্বত্ পক্ত্বাঽবসেচযেত্||১১০|| মূত্রাণ্যষ্টাবুদরিণাং সেকে পানে চ যোজযেত্|১১১|
शोफानाहार्तितृण्मूर्च्छापीडिते कारभं पयः||१०७|| शुद्धानां क्षामदेहानां गव्यं छागं समाहिषम्| देवदारुपलाशार्कहस्तिपिप्पलिशिग्रुकैः||१०८|| साश्वगन्धैः सगोमूत्रैः प्रदिह्यादुदरं समैः| वृश्चिकालीं वचां कुष्ठं पञ्चमूलीं पुनर्नवाम्||१०९|| भूतीकं नागरं धान्यं जले पक्त्वाऽवसेचयेत्| पलाशं कत्तृणं रास्नां तद्वत् पक्त्वाऽवसेचयेत्||११०|| मूत्राण्यष्टावुदरिणां सेके पाने च योजयेत्|१११|
🔊 Audio coming soon
উত্ক্বাথ্যেতি জলে পক্ত্বা| অবসেচযেদিত্যত্র ‘উদরং’ অত্যনুবর্ততে||১০৭-১১০||-
Adhikarana 28 (111) · Śloka 112
রূক্ষাণাং বহুবাতানাং তথা সংশোধনার্থিনাম্||১১১|| দীপনীযানি সর্পীংষি জঠরঘ্নানি চক্ষ্মহে|১১২|
रूक्षाणां बहुवातानां तथा संशोधनार्थिनाम्||१११|| दीपनीयानि सर्पींषि जठरघ्नानि चक्ष्महे|११२|
🔊 Audio coming soon
‘দীপনীযানি’ ইত্যত্র কেচিত্ ‘স্নেহনীযানি’ ইতি পঠন্তি||১১১||-
Adhikarana 29 (112-115) · Śloka 116
পিপ্পলীপিপ্পলীমূলচব্যচিত্রকনাগরৈঃ||১১২|| সক্ষারৈরর্ধপলিকৈর্দ্বিপ্রস্থং সর্পিষঃ পচেত্| কল্কৈর্দ্বিপঞ্চমূলস্য তুলার্ধস্বরসেন চ||১১৩|| দধিমণ্ডাঢকোপেতং তত্ সর্পির্জঠরাপহম্| শ্বযথুং বাতবিষ্টম্ভং গুল্মার্শাংসি চ নাশযেত্||১১৪|| নাগরত্রিফলাপ্রস্থং ঘৃততৈলাত্তথাঽঽঢকম্| মস্তুনঃ সাধযিত্বৈতত্ পিবেত্ সর্বোদরাপহম্||১১৫|| কফমারুতসম্ভূতে গুল্মে চৈতত্ প্রশস্যতে|১১৬|
पिप्पलीपिप्पलीमूलचव्यचित्रकनागरैः||११२|| सक्षारैरर्धपलिकैर्द्विप्रस्थं सर्पिषः पचेत्| कल्कैर्द्विपञ्चमूलस्य तुलार्धस्वरसेन च||११३|| दधिमण्डाढकोपेतं तत् सर्पिर्जठरापहम्| श्वयथुं वातविष्टम्भं गुल्मार्शांसि च नाशयेत्||११४|| नागरत्रिफलाप्रस्थं घृततैलात्तथाऽऽढकम्| मस्तुनः साधयित्वैतत् पिबेत् सर्वोदरापहम्||११५|| कफमारुतसम्भूते गुल्मे चैतत् प्रशस्यते|११६|
🔊 Audio coming soon
পিপ্পলীত্যাদৌ ‘সক্ষারৈরর্ধপলিকৈর্দ্বিঃ প্রস্থং সর্পিষঃ পচেত্’ ইতি পাঠে দ্বিশব্দঃ প্রস্থেন তথাঽর্ধপলিকৈরিত্যনেন চ যোজ্যঃ; এতেন পিপ্পল্যাদীনাং দ্বিরিতি দ্বিগুণার্ধপলৈঃ ষট্পলানি ভবন্তি, প্রস্থেন চ দ্বিশব্দযোজনাদ্ঘৃতপ্রস্থদ্বযং ভবতি| কাশ্মীরে তু “পলিকৈঃ পিপ্পলীক্ষারৈর্দ্বিপ্রস্থং সর্পিষঃ পচেত্” ইত্যেব পঠ্যতে| জতূকর্ণোঽপ্যাহ- “দশমূলতুলার্ধরসে সক্ষারৈঃ পঞ্চকোলকৈঃ সার্ধং ঘৃতার্ধপ্রস্থং সদধিমস্ত্বাঢকমুদরঘ্নম্” ইতি||১১২-১১৫||-
Adhikarana 30 (116-117) · Śloka 118
চতুর্গুণে জলে মূত্রে দ্বিগুণে চিত্রকাত্ পলে||১১৬|| কল্কে সিদ্ধং ঘৃতপ্রস্থং সক্ষারং জঠরী পিবেত্| যবকোলকুলত্থানাং পঞ্চমূলরসেন চ||১১৭|| সুরাসৌবীরকাভ্যাং চ সিদ্ধং বাঽপি পিবেদ্ঘৃতম্|১১৮|
चतुर्गुणे जले मूत्रे द्विगुणे चित्रकात् पले||११६|| कल्के सिद्धं घृतप्रस्थं सक्षारं जठरी पिबेत्| यवकोलकुलत्थानां पञ्चमूलरसेन च||११७|| सुरासौवीरकाभ्यां च सिद्धं वाऽपि पिबेद्घृतम्|११८|
🔊 Audio coming soon
চতুর্গুণে ইত্যাদৌ সক্ষারমিত্যনেন যবক্ষারস্যাপি চিত্রকবত্ পলং দেযম্| উক্তং হ্যন্যত্র- “অগ্নিক্ষারপলাভ্যাং হি মূত্রচতুর্গুণং ঘৃতপ্রস্থম্” ইতি||১১৬-১১৭||-
Adhikarana 31 (118) · Śloka 119
এভিঃ স্নিগ্ধায সঞ্জাতে বলে শান্তে চ মারুতে||১১৮|| স্রস্তে দোষাশযে দদ্যাত্ কল্পদিষ্টং বিরেচনম্|১১৯|
एभिः स्निग्धाय सञ्जाते बले शान्ते च मारुते||११८|| स्रस्ते दोषाशये दद्यात् कल्पदिष्टं विरेचनम्|११९|
🔊 Audio coming soon
স্রস্তে দোষাশয ইতি দোষে স্নেহেন বিমুক্তবন্ধনত্বাত্ স্রস্তে ইত্যর্থঃ||১১৮||-
Adhikarana 32 (119-123) · Śloka 124
পটোলমূলং রজনীং বিডঙ্গং ত্রিফলাত্বচম্||১১৯|| কম্পিল্লকং নীলিনীং চ ত্রিবৃতাং চেতি চূর্ণযেত্| ষডাদ্যান্ কার্ষিকানন্ত্যাংস্ত্রীংশ্চ দ্বিত্রিচতুর্গুণান্||১২০|| কৃত্বা চূর্ণমতো মুষ্টিং গবাং মূত্রেণ না পিবেত্| বিরিক্তো মৃদু ভুঞ্জীত ভোজনং জাঙ্গলৈ রসৈঃ||১২১|| মণ্ডং পেযাং চ পীত্বা না সব্যোষং ষডহং পযঃ| শৃতং পিবেত্ততশ্চূর্ণং পিবেদেবং পুনঃ পুনঃ||১২২|| হন্তি সর্বোদরাণ্যেতচ্চূর্ণং জাতোদকান্যপি| কামলাং পাণ্ডুরোগং চ শ্বযথুং চাপকর্ষতি||১২৩|| পটোলাদ্যমিদং চূর্ণমুদরেষু প্রপূজিতম্|১২৪|
पटोलमूलं रजनीं विडङ्गं त्रिफलात्वचम्||११९|| कम्पिल्लकं नीलिनीं च त्रिवृतां चेति चूर्णयेत्| षडाद्यान् कार्षिकानन्त्यांस्त्रींश्च द्वित्रिचतुर्गुणान्||१२०|| कृत्वा चूर्णमतो मुष्टिं गवां मूत्रेण ना पिबेत्| विरिक्तो मृदु भुञ्जीत भोजनं जाङ्गलै रसैः||१२१|| मण्डं पेयां च पीत्वा ना सव्योषं षडहं पयः| शृतं पिबेत्ततश्चूर्णं पिबेदेवं पुनः पुनः||१२२|| हन्ति सर्वोदराण्येतच्चूर्णं जातोदकान्यपि| कामलां पाण्डुरोगं च श्वयथुं चापकर्षति||१२३|| पटोलाद्यमिदं चूर्णमुदरेषु प्रपूजितम्|१२४|
🔊 Audio coming soon
পটোলেত্যাদৌ ষডাদ্যান্ কার্ষিকানিত্যনেন পটোলমূলাদীনাং ত্রিফলাযাঃ সমং ষণ্ণাং প্রত্যেকং কার্ষিকত্বং, কম্পিল্লকাদীনাং যথাক্রমং দ্বিত্রিচতুর্গুণত্বম্| মুষ্টিমিতি পলম্| সব্যোষং ষডহং শৃতং পযঃ পিবেদিতি বিরেচনদিনে মণ্ডপেযাবিলেপীনামন্যতমমগ্ন্যপেক্ষযা কর্তব্যম্, ঊর্ধ্বং যথোক্তপযোবৃত্তিনা ভবিতব্যং, ততঃ পুনঃ সপ্তমে পটোলাদিচূর্ণং পেযম্; ঈদৃশং পুনঃ পুনঃ কর্তব্যম্||১১৯-১২৩||-
Adhikarana 33 (124-132) · Śloka 132
গবাক্ষীং শঙ্খিনীং দন্তীং তিল্বকস্য ত্বচং বচাম্||১২৪|| পিবেদ্দ্রাক্ষাম্বুগোমূত্রকোলকর্কন্ধুসীধুভিঃ| যবানী হপুষা ধান্যং ত্রিফলা চোপকুঞ্চিকা||১২৫|| কারবী পিপ্পলীমূলমজগন্ধা শটী বচা| শতাহ্বা জীরকং ব্যোষং স্বর্ণক্ষীরী সচিত্রকা||১২৬|| দ্বৌ ক্ষারৌ পৌষ্করং মূলং কুষ্ঠং লবণপঞ্চকম্| বিডঙ্গং চ সমাংশানি দন্ত্যা ভাগত্রযং তথা||১২৭|| ত্রিবৃদ্বিশালে দ্বিগুণে সাতলা স্যাচ্চতুর্গুণা| এতন্নারাযণং নাম চূর্ণং রোগগণাপহম্||১২৮|| নৈনত্ প্রাপ্যাতিবর্তন্তে রোগা বিষ্ণুমিবাসুরাঃ| তক্রেণোদরিভিঃ পেযং গুল্মিভির্বদরাম্বুনা||১২৯|| আনদ্ধবাতে সুরযা বাতরোগে প্রসন্নযা| দধিমণ্ডেন বিট্সঙ্গে দাডিমাম্বুভিরর্শসৈঃ||১৩০|| পরিকর্তে সবৃক্ষাম্লমুষ্ণাম্বুভিরজীর্ণকে| ভগন্দরে পাণ্ডুরোগে শ্বাসে কাসে গলগ্রহে||১৩১|| হৃদ্রোগে গ্রহণীদোষে কুষ্ঠে মন্দেঽনলে জ্বরে| দংষ্ট্রাবিষে মূলবিষে সগরে কৃত্রিমে বিষে||১৩২|| যথার্হং স্নিগ্ধকোষ্ঠেন পেযমেতদ্বিরেচনম্| ইতি নারাযণচূর্ণম্|
गवाक्षीं शङ्खिनीं दन्तीं तिल्वकस्य त्वचं वचाम्||१२४|| पिबेद्द्राक्षाम्बुगोमूत्रकोलकर्कन्धुसीधुभिः| यवानी हपुषा धान्यं त्रिफला चोपकुञ्चिका||१२५|| कारवी पिप्पलीमूलमजगन्धा शटी वचा| शताह्वा जीरकं व्योषं स्वर्णक्षीरी सचित्रका||१२६|| द्वौ क्षारौ पौष्करं मूलं कुष्ठं लवणपञ्चकम्| विडङ्गं च समांशानि दन्त्या भागत्रयं तथा||१२७|| त्रिवृद्विशाले द्विगुणे सातला स्याच्चतुर्गुणा| एतन्नारायणं नाम चूर्णं रोगगणापहम्||१२८|| नैनत् प्राप्यातिवर्तन्ते रोगा विष्णुमिवासुराः| तक्रेणोदरिभिः पेयं गुल्मिभिर्बदराम्बुना||१२९|| आनद्धवाते सुरया वातरोगे प्रसन्नया| दधिमण्डेन विट्सङ्गे दाडिमाम्बुभिरर्शसैः||१३०|| परिकर्ते सवृक्षाम्लमुष्णाम्बुभिरजीर्णके| भगन्दरे पाण्डुरोगे श्वासे कासे गलग्रहे||१३१|| हृद्रोगे ग्रहणीदोषे कुष्ठे मन्देऽनले ज्वरे| दंष्ट्राविषे मूलविषे सगरे कृत्रिमे विषे||१३२|| यथार्हं स्निग्धकोष्ठेन पेयमेतद्विरेचनम्| इति नारायणचूर्णम्|
🔊 Audio coming soon
শঙ্খিনী শ্বেতভল্লাতকী (?)| কোলকর্কন্ধূনাং রসা এব জ্ঞেযাঃ| যবানীত্যাদৌ উপকুঞ্চিকা কৃষ্ণজীরকম্| অজমোদা উগ্রগন্ধা| কারবী অল্পজীরকং, জীরকশব্দেন তু মহাজীরকম্| দন্ত্যা ভাগাস্ত্রযঃ গৃহীতভাগাপেক্ষযা, এবং ত্রিবৃদ্বিশালযোরপি আদ্যভাগাপেক্ষযা দ্বৈগুণ্যম্| নারাযণসঞ্জ্ঞানিমিত্তমাহ- নৈনদিত্যাদি| এতেন নারাযণসধর্মিত্বাত্ নারাযণসঞ্জ্ঞেত্যুক্তং ভবতি||১২৪-১৩২||-
Adhikarana 34 (133-137) · Śloka 137
হপুষাং কাঞ্চনক্ষীরীং ত্রিফলাং কটুরোহিণীম্||১৩৩|| নীলিনীং ত্রাযমাণাং চ সাতলাং ত্রিবৃতাং বচাম্| সৈন্ধবং কাললবণং পিপ্পলীং চেতি চূর্ণযেত্||১৩৪|| দাডিমত্রিফলামাংসরসমূত্রসুখোদকৈঃ| পেযোঽযং সর্বগুল্মেষু প্লীহ্নি সর্বোদরেষু চ||১৩৫|| শ্বিত্রে কুষ্ঠে সরুজকে সবাতে বিষমাগ্নিষু| শোথার্শঃপাণ্ডুরোগেষু কামলাযাং হলীমকে||১৩৬|| বাতং পিত্তং কফং চাশু বিরেকাত্ সম্প্রসাধযেত্| ইতি হপুষাদ্যং চূর্ণম্| নীলিনীং নিচুলং ব্যোষং দ্বৌ ক্ষারৌ লবণানি চ||১৩৭|| চিত্রকং চ পিবেচ্চূর্ণং সর্পিষোদরগুল্মনুত্| ইতি নীলিন্যাদ্যং চূর্ণম্|
हपुषां काञ्चनक्षीरीं त्रिफलां कटुरोहिणीम्||१३३|| नीलिनीं त्रायमाणां च सातलां त्रिवृतां वचाम्| सैन्धवं काललवणं पिप्पलीं चेति चूर्णयेत्||१३४|| दाडिमत्रिफलामांसरसमूत्रसुखोदकैः| पेयोऽयं सर्वगुल्मेषु प्लीह्नि सर्वोदरेषु च||१३५|| श्वित्रे कुष्ठे सरुजके सवाते विषमाग्निषु| शोथार्शःपाण्डुरोगेषु कामलायां हलीमके||१३६|| वातं पित्तं कफं चाशु विरेकात् सम्प्रसाधयेत्| इति हपुषाद्यं चूर्णम्| नीलिनीं निचुलं व्योषं द्वौ क्षारौ लवणानि च||१३७|| चित्रकं च पिबेच्चूर्णं सर्पिषोदरगुल्मनुत्| इति नीलिन्याद्यं चूर्णम्|
🔊 Audio coming soon
হপুষেত্যাদৌ কাললবণং বিডলবণমেব; অন্যে তু সৌবর্চলাকারং লবণমাহুঃ| দাডিমাদিভিঃ সর্বৈরপি ‘পেযঃ’ ইতি সম্বধ্যতে||১৩৩-১৩৭||-
Adhikarana 35 (138-140) · Śloka 140
ক্ষীরদ্রোণং সুধাক্ষীরপ্রস্থার্ধসহিতং দধি||১৩৮|| জাতং বিমথ্য তদ্যুক্ত্যা ত্রিবৃত্সিদ্ধং পিবেদ্ঘৃতম্| তথা সিদ্ধং ঘৃতপ্রস্থং পযস্যষ্টগুণে পিবেত্||১৩৯|| স্নুক্ক্ষীরপলকল্কেন ত্রিবৃতাষট্পলেন চ| গুল্মানাং গরদোষাণামুদরাণাং চ শান্তযে||১৪০|| ইতি স্নুহীক্ষীরঘৃতম্|
क्षीरद्रोणं सुधाक्षीरप्रस्थार्धसहितं दधि||१३८|| जातं विमथ्य तद्युक्त्या त्रिवृत्सिद्धं पिबेद्घृतम्| तथा सिद्धं घृतप्रस्थं पयस्यष्टगुणे पिबेत्||१३९|| स्नुक्क्षीरपलकल्केन त्रिवृताषट्पलेन च| गुल्मानां गरदोषाणामुदराणां च शान्तये||१४०|| इति स्नुहीक्षीरघृतम्|
🔊 Audio coming soon
ক্ষীরদ্রোণমিত্যাদ্যুক্তানি ঘৃতানি তুল্যকর্মাণি| তত্র চ প্রথমে ঘৃতে দ্রবানুক্তে জলেন কিংবা প্রকৃতদধিমথিতেনোদ্ঘৃতঘৃতেনৈব পাকঃ| তথেত্যাদিনা ষট্পলেন চেত্যন্তেন দ্বিতীযং ঘৃতম্| তথেতি পূর্বপ্রকারোত্থিতং ঘৃতমেব| এবমুত্তরে ঘৃতে তদ্বচ্ছব্দার্থং বর্ণযন্তি||১৩৮-১৪০||
Adhikarana 36 (141-145) · Śloka 146
দধিমণ্ডাঢকে সিদ্ধাত্ স্নুক্ক্ষীরপলকল্কিতাত্| ঘৃতপ্রস্থাত্ পিবেন্মাত্রাং তদ্বজ্জঠরশান্তযে||১৪১|| এষাং চানু পিবেত্ পেযাং পযো বা স্বাদু বা রসম্| ঘৃতে জীর্ণে বিরিক্তস্তু কোষ্ণং নাগরকৈঃ শৃতম্||১৪২|| পিবেদম্বু ততঃ পেযাং যূষং কৌলত্থকং ততঃ| পিবেদ্রূক্ষস্ত্র্যহং ত্বেবং ভূযো বা প্রতিভোজিতঃ||১৪৩|| পুনঃ পুনঃ পিবেত্ সর্পিরানুপূর্ব্যা তযৈব চ| ঘৃতান্যেতানি সিদ্ধানি বিদধ্যাত্ কুশলো ভিষক্||১৪৪|| গুল্মানাং গরদোষাণামুদরাণাং চ শান্তযে| পীলুকল্কোপসিদ্ধং বা ঘৃতমানাহভেদনম্||১৪৫|| গুল্মঘ্নং নীলিনীসর্পিঃ স্নেহং বা মিশ্রকং পিবেত্|১৪৬|
दधिमण्डाढके सिद्धात् स्नुक्क्षीरपलकल्कितात्| घृतप्रस्थात् पिबेन्मात्रां तद्वज्जठरशान्तये||१४१|| एषां चानु पिबेत् पेयां पयो वा स्वादु वा रसम्| घृते जीर्णे विरिक्तस्तु कोष्णं नागरकैः शृतम्||१४२|| पिबेदम्बु ततः पेयां यूषं कौलत्थकं ततः| पिबेद्रूक्षस्त्र्यहं त्वेवं भूयो वा प्रतिभोजितः||१४३|| पुनः पुनः पिबेत् सर्पिरानुपूर्व्या तयैव च| घृतान्येतानि सिद्धानि विदध्यात् कुशलो भिषक्||१४४|| गुल्मानां गरदोषाणामुदराणां च शान्तये| पीलुकल्कोपसिद्धं वा घृतमानाहभेदनम्||१४५|| गुल्मघ्नं नीलिनीसर्पिः स्नेहं वा मिश्रकं पिबेत्|१४६|
🔊 Audio coming soon
পেযাদীনাং ত্রযাণামন্নানুপানত্বং কফপিত্তবাতেষু; কিংবা প্রকৃত্যগ্ন্যপেক্ষযাঽনুপানভেদঃ কল্পনীযঃ| নাগরকৈঃ শৃতমিত্যত্র ষডঙ্গবিধিনা জলসাধনম্| দ্বিতীযে দিবসে পেযা, যূষং কৌলত্থিকং তত ইতি তৃতীযে দিবসে; উক্তং হি- “প্রথমে নাগরযূষং, পরেঽহনি পেযাং, তৃতীযে কুলত্থোদকম্” ইতি| রূক্ষ ইতি পুনঃ পুনঃ পিবেদিত্যনেন সম্বধ্যতে; তেন রূক্ষস্যৈতত্ স্নেহবিরেচনং কর্তব্যং, স্নিগ্ধো নাধিকারীতি দর্শযতি; স্নিগ্ধে তু ইদমেব নাগরাদিশৃতপানীযাদিনোপপাদিতং বলাপেক্ষযা দেযম্| ভূযো বা প্রতিভোজিত ইতি অধিকানি বা দিনানি মাত্রযা ভোজিতঃ সন্ পুনঃ পুনঃ পিবেদিতি যোজ্যম্| গুল্মঘ্নমিতি গুল্মহরত্বেনোক্তং গুল্মাধ্যাযে, মিশ্রকং গুল্মোক্তমেব||১৪১-১৪৫||
Adhikarana 37 (146-171) · Śloka 172
ক্রমান্নির্হৃতদোষাণাং জাঙ্গলপ্রতিভোজিনাম্ ||১৪৬|| দোষশেষনিবৃত্ত্যর্থং যোগান্ বক্ষ্যাম্যতঃ পরম্| চিত্রকামরদারুভ্যাং কল্কং ক্ষীরেণ না পিবেত্||১৪৭|| মাসং যুক্তস্তথা হস্তিপিপ্পলী বিশ্বভেষজম্| বিডঙ্গং চিত্রকং দন্তী চব্যং ব্যোষং চ তৈঃ পযঃ||১৪৮|| কল্কৈঃ কোলসমৈঃ পীত্বা প্রবৃদ্ধমুদরং জযেত্| পিবেত্ কষাযং ত্রিফলাদন্তীরোহিতকৈঃ শৃতম্||১৪৯|| ব্যোষক্ষারযুতং জীর্ণে রসৈরদ্যাত্তু জাঙ্গলৈঃ| মাংসং বা ভোজনং ভোজ্যং সুধাক্ষীরঘৃতান্বিতম্||১৫০|| ক্ষীরানুপানাং গোমূত্রেণাভযাং বা প্রযোজযেত্| সপ্তাহং মাহিষং মূত্রং ক্ষীরং চানন্নভুক্ পিবেত্||১৫১|| মাসমৌষ্ট্রং পযশ্ছাগং ত্রীন্মাসান্ ব্যোষসংযুতম্| হরীতকীসহস্রং বা ক্ষীরাশী বা শিলাজতু||১৫২|| শিলাজতুবিধানেন গুগ্গুলুং বা প্রযোজযেত্| শৃঙ্গবেরার্দ্রকরসঃ পানে ক্ষীরসমো হিতঃ||১৫৩|| তৈলং রসেন তেনৈব সিদ্ধং দশগুণেন বা| দন্তীদ্রবন্তীফলজং তৈলং দূষ্যোদরে হিতম্||১৫৪|| শূলানাহবিবন্ধেষু মস্তুযূষরসাদিভিঃ| সরলামধুশিগ্রূণাং বীজেভ্যো মূলকস্য চ||১৫৫|| তৈলান্যভ্যঙ্গপানার্থং শূলঘ্নান্যনিলোদরে| স্তৈমিত্যারুচিহৃল্লাসে মন্দেঽগ্নৌ মদ্যপায চ||১৫৬|| অরিষ্টান্ দাপযেত্ ক্ষারান্ কফস্ত্যানস্থিরোদরে| শ্লেষ্মণো বিলযার্থং তু দোষং বীক্ষ্য ভিষগ্বরঃ||১৫৭|| পিপ্পলীং তিল্বকং হিঙ্গু নাগরং হস্তিপিপ্পলীম্| ভল্লাতকং শিগ্রুফলং ত্রিফলাং কটুরোহিণীম্||১৫৮|| দেবদারু হরিদ্রে দ্বে সরলাতিবিষে বচাম্ | কুষ্ঠং মুস্তং তথা পঞ্চ লবণানি প্রকল্প্য চ||১৫৯|| দধিসর্পির্বসামজ্জতৈলযুক্তানি দাহযেত্| অন্নাদূর্ধ্বমতঃ ক্ষারাদ্বিডালকপদং পিবেত্||১৬০|| মদিরাদধিমণ্ডোষ্ণজলারিষ্টসুরাসবৈঃ| হৃদ্রোগং শ্বযথুং গুল্মং প্লীহার্শোজঠরাণি চ||১৬১|| বিসূচিকামুদাবর্তং বাতাষ্ঠীলাং চ নাশযেত্| ক্ষারং চাজকরীষাণাং স্রুতং মূত্রৈর্বিপাচযেত্||১৬২|| কার্ষিকং পিপ্পলীমূলং পঞ্চৈব লবণানি চ| পিপ্পলীং চিত্রকং শুণ্ঠীং ত্রিফলাং ত্রিবৃতাং বচাম্||১৬৩|| দ্বৌ ক্ষারৌ সাতলাং দন্তীং স্বর্ণক্ষীরীং বিষাণিকাম্| কোলপ্রমাণাং বটিকাং পিবেত্ সৌবীরসংযুতাম্||১৬৪|| শ্বযথাববিপাকে চ প্রবৃদ্ধে চ দকোদরে| ভাবিতানাং গবাং মূত্রে ষষ্টিকানাং তু তণ্ডুলৈঃ||১৬৫|| যবাগূং পযসা সিদ্ধাং প্রকামং ভোজযেন্নরম্| পিবেদিক্ষুরসং চানু জঠরাণাং নিবৃত্তযে||১৬৬|| স্বং স্বং স্থানং ব্রজন্ত্যেবং তথা পিত্তকফানিলাঃ| শঙ্খিনীস্নুক্ত্রিবৃদ্দন্তীচিরবিল্বাদিপল্লবৈঃ||১৬৭|| শাকং গাঢপুরীষায প্রাগ্ভক্তং দাপযেদ্ভিষক্ | ততোঽস্মৈ শিথিলীভূতবর্চোদোষায শাস্ত্রবিত্||১৬৮|| দদ্যান্মূত্রযুতং ক্ষীরং দোষশেষহরং শিবম্| পার্শ্বশূলমুপস্তম্ভং হৃদ্গ্রহং চাপি মারুতঃ||১৬৯|| জনযেদ্যস্য তং তৈলং বিল্বক্ষারেণ পাযযেত্| তথাঽগ্নিমন্থস্যোনাকপলাশতিলনালজৈঃ||১৭০|| বলাকদল্যপামার্গক্ষারৈঃ প্রত্যেকশঃ স্রুতৈঃ| তৈলং পক্ত্বা ভিষগ্দদ্যাদুদরাণাং প্রশান্তযে||১৭১|| নিবর্ততে চোদরিণাং হৃদ্গ্রহশ্চানিলোদ্ভবঃ|১৭২|
क्रमान्निर्हृतदोषाणां जाङ्गलप्रतिभोजिनाम् ||१४६|| दोषशेषनिवृत्त्यर्थं योगान् वक्ष्याम्यतः परम्| चित्रकामरदारुभ्यां कल्कं क्षीरेण ना पिबेत्||१४७|| मासं युक्तस्तथा हस्तिपिप्पली विश्वभेषजम्| विडङ्गं चित्रकं दन्ती चव्यं व्योषं च तैः पयः||१४८|| कल्कैः कोलसमैः पीत्वा प्रवृद्धमुदरं जयेत्| पिबेत् कषायं त्रिफलादन्तीरोहितकैः शृतम्||१४९|| व्योषक्षारयुतं जीर्णे रसैरद्यात्तु जाङ्गलैः| मांसं वा भोजनं भोज्यं सुधाक्षीरघृतान्वितम्||१५०|| क्षीरानुपानां गोमूत्रेणाभयां वा प्रयोजयेत्| सप्ताहं माहिषं मूत्रं क्षीरं चानन्नभुक् पिबेत्||१५१|| मासमौष्ट्रं पयश्छागं त्रीन्मासान् व्योषसंयुतम्| हरीतकीसहस्रं वा क्षीराशी वा शिलाजतु||१५२|| शिलाजतुविधानेन गुग्गुलुं वा प्रयोजयेत्| शृङ्गवेरार्द्रकरसः पाने क्षीरसमो हितः||१५३|| तैलं रसेन तेनैव सिद्धं दशगुणेन वा| दन्तीद्रवन्तीफलजं तैलं दूष्योदरे हितम्||१५४|| शूलानाहविबन्धेषु मस्तुयूषरसादिभिः| सरलामधुशिग्रूणां बीजेभ्यो मूलकस्य च||१५५|| तैलान्यभ्यङ्गपानार्थं शूलघ्नान्यनिलोदरे| स्तैमित्यारुचिहृल्लासे मन्देऽग्नौ मद्यपाय च||१५६|| अरिष्टान् दापयेत् क्षारान् कफस्त्यानस्थिरोदरे| श्लेष्मणो विलयार्थं तु दोषं वीक्ष्य भिषग्वरः||१५७|| पिप्पलीं तिल्वकं हिङ्गु नागरं हस्तिपिप्पलीम्| भल्लातकं शिग्रुफलं त्रिफलां कटुरोहिणीम्||१५८|| देवदारु हरिद्रे द्वे सरलातिविषे वचाम् | कुष्ठं मुस्तं तथा पञ्च लवणानि प्रकल्प्य च||१५९|| दधिसर्पिर्वसामज्जतैलयुक्तानि दाहयेत्| अन्नादूर्ध्वमतः क्षाराद्बिडालकपदं पिबेत्||१६०|| मदिरादधिमण्डोष्णजलारिष्टसुरासवैः| हृद्रोगं श्वयथुं गुल्मं प्लीहार्शोजठराणि च||१६१|| विसूचिकामुदावर्तं वाताष्ठीलां च नाशयेत्| क्षारं चाजकरीषाणां स्रुतं मूत्रैर्विपाचयेत्||१६२|| कार्षिकं पिप्पलीमूलं पञ्चैव लवणानि च| पिप्पलीं चित्रकं शुण्ठीं त्रिफलां त्रिवृतां वचाम्||१६३|| द्वौ क्षारौ सातलां दन्तीं स्वर्णक्षीरीं विषाणिकाम्| कोलप्रमाणां वटिकां पिबेत् सौवीरसंयुताम्||१६४|| श्वयथावविपाके च प्रवृद्धे च दकोदरे| भावितानां गवां मूत्रे षष्टिकानां तु तण्डुलैः||१६५|| यवागूं पयसा सिद्धां प्रकामं भोजयेन्नरम्| पिबेदिक्षुरसं चानु जठराणां निवृत्तये||१६६|| स्वं स्वं स्थानं व्रजन्त्येवं तथा पित्तकफानिलाः| शङ्खिनीस्नुक्त्रिवृद्दन्तीचिरबिल्वादिपल्लवैः||१६७|| शाकं गाढपुरीषाय प्राग्भक्तं दापयेद्भिषक् | ततोऽस्मै शिथिलीभूतवर्चोदोषाय शास्त्रवित्||१६८|| दद्यान्मूत्रयुतं क्षीरं दोषशेषहरं शिवम्| पार्श्वशूलमुपस्तम्भं हृद्ग्रहं चापि मारुतः||१६९|| जनयेद्यस्य तं तैलं बिल्वक्षारेण पाययेत्| तथाऽग्निमन्थस्योनाकपलाशतिलनालजैः||१७०|| बलाकदल्यपामार्गक्षारैः प्रत्येकशः स्रुतैः| तैलं पक्त्वा भिषग्दद्यादुदराणां प्रशान्तये||१७१|| निवर्तते चोदरिणां हृद्ग्रहश्चानिलोद्भवः|१७२|
🔊 Audio coming soon
চিত্রকেত্যাদৌ মাসং যুক্ত ইতি চ্ছেদঃ| তথা হস্তিপিপ্পলীত্যাদৌ ক্ষীরেণ পিবেদিতি সম্বধ্যতে| বিডঙ্গাদিভিঃ ক্ষীরমষ্টপলং চতুর্গুণজলেন সাধনীযম্| পিবেত্ কষাযমিত্যাদৌ ব্যোষক্ষারযোঃ প্রক্ষেপ্যত্বম্| মাংসং বেত্যাদৌ সুধাক্ষীরসাধিতং ঘৃতং পূর্বোক্তং জ্ঞেযম্| অনন্নভুগিতি গোমূত্রেত্যাদিযোগত্রযেঽপি যোজ্যম্| ক্ষীরাশীতি ক্ষীরেণ সমং শিলাজত্বশ্নীযাত্| শিলাজতুবিধানেনেত্যনন্তরোক্তশিলাজতুবিধানমেব ক্ষীরাশীত্যনেনোক্তং গৃহ্যতে ন রসাযনোক্তং, ব্যবহিতত্বাত্| শৃঙ্গবেরার্দ্রকশব্দেন শুষ্কার্দ্রকস্য ক্বাথনিষ্পন্নং রসং নিষেধযতি| দূষ্যোদরং সান্নিপাতিকমুদরম্| সরলা ত্রিবৃত্| অরিষ্টান্ পাযযেদিতি চ্ছেদঃ| পিপ্পলীত্যাদিকে ক্ষারে দধ্যাদীনাং দ্রবাণাং চূর্ণপিণ্ডতাকরণযোগ্যা মাত্রা জ্ঞেযা| বিডালপদকঃ কর্ষঃ| ক্ষারং চাজকরীষাণামিত্যাদৌ অজপুরীষক্ষারং ষড্গুণমূত্রেণৈকবিংশতিবারং স্রাবযিত্বা ক্ষারদ্রবস্তাবদ্ গ্রাহ্যঃ, স চ যাবচ্চূর্ণসমুদাযাদ্দ্রবত্বেন কৃতদ্বৈগুণ্যঃ সন্নষ্টগুণো ভবতি| পার্শ্বেত্যাদৌ উপস্তম্ভমিতি উপশব্দঃ সমীপবাচী| বিল্বক্ষারেণেতি বিল্বফলদাহাত্ কৃতেন ক্ষারেণ শ্বেতেন সিদ্ধং তৈলং পাযযেত্| তিলনালজৈঃ ক্ষারৈঃ সিদ্ধং তৈলং পাযযেদিতি সম্বন্ধঃ||১৪৬-১৭১||-
Adhikarana 38 (172-174) · Śloka 175
কফে বাতেন পিত্তেন তাভ্যাং বাঽপ্যাবৃতেঽনিলে||১৭২|| বলিনঃ স্বৌষধযুতং তৈলমেরণ্ডজং হিতম্| সুবিরিক্তো নরো যস্তু পুনরাধ্মাপিতো ভবেত্||১৭৩|| সুস্নিগ্ধৈরম্ললবণৈর্নিরূহৈস্তমুপাচরেত্| সোপস্তম্ভোঽপি বা বাযুরাধ্মাপযতি যং নরম্||১৭৪|| তীক্ষ্ণৈঃ সক্ষারগোমূত্রৈর্বস্তিভিস্তমুপাচরেত্|১৭৫|
कफे वातेन पित्तेन ताभ्यां वाऽप्यावृतेऽनिले||१७२|| बलिनः स्वौषधयुतं तैलमेरण्डजं हितम्| सुविरिक्तो नरो यस्तु पुनराध्मापितो भवेत्||१७३|| सुस्निग्धैरम्ललवणैर्निरूहैस्तमुपाचरेत्| सोपस्तम्भोऽपि वा वायुराध्मापयति यं नरम्||१७४|| तीक्ष्णैः सक्षारगोमूत्रैर्बस्तिभिस्तमुपाचरेत्|१७५|
🔊 Audio coming soon
কফে ইত্যাদৌ কফে বাতেনাবৃতে, কফে পিত্তেনাবৃতে, তাভ্যাং কফপিত্তাভ্যাং বা বাতে আবৃতে ইত্যর্থঃ| স্বৌষধযুতমিতি আবরকদোষহরৌষধযুতমিত্যর্থঃ| সুবিরিক্ত ইত্যাদৌ বিরিক্তস্যাধ্মানং রিষ্টমিতি জ্ঞেযম্| তেনেহানির্জিতে বাতে পুনরাধ্মানং ন রিষ্টং, অতস্তচ্চিকিত্সোপদেশোঽত্র যুজ্যতে; কিংবা উপস্তম্ভাযুক্তং সত্ পুনরাধ্মানং রিষ্টমিত্যাদাযেহ ‘সোপস্তম্ভ’ ইতি কৃতং, সোপস্তম্ভ ইতি সাবরণঃ||১৭২-১৭৪||-
Adhikarana 39 (175-183) · Śloka 184
ক্রিযাতিবৃত্তে জঠরে ত্রিদোষে চাপ্রশাম্যতি||১৭৫|| জ্ঞাতীন্ সসুহৃদো দারান্ ব্রাহ্মণান্নৃপতীন্ গুরূন্| অনুজ্ঞাপ্য ভিষক্ কর্ম বিদধ্যাত্ সংশযং ব্রুবন্||১৭৬|| অক্রিযাযাং ধ্রুবো মৃত্যুঃ ক্রিযাযাং সংশযো ভবেত্| এবমাখ্যায তস্যেদমনুজ্ঞাতঃ সুহৃদ্গণৈঃ||১৭৭|| পানভোজনসংযুক্তং বিষমস্মৈ প্রযোজযেত্| যস্মিন্ বা কুপিতঃ সর্পো বিসৃজেদ্ধি ফলে বিষম্||১৭৮|| ভোজযেত্তদুদরিণং প্রবিচার্য ভিষগ্বরঃ| তেনাস্য দোষসঙ্ঘাতঃ স্থিরো লীনো বিমার্গগঃ||১৭৯|| বিষেণাশুপ্রমাথিত্বাদাশু ভিন্নঃ প্রবর্ততে| বিষেণ হৃতদোষং তং শীতাম্বুপরিষেচিতম্||১৮০|| পাযযেত ভিষগ্দুগ্ধং যবাগূং বা যথাবলম্| ত্রিবৃন্মণ্ডূকপর্ণ্যোশ্চ শাকং সযববাস্তুকম্||১৮১|| ভক্ষযেত্ কালশাকং বা স্বরসোদকসাধিতম্ | নিরম্ললবণস্নেহং স্বিন্নাস্বিন্নমনন্নভুক্||১৮২|| মাসমেকং ততশ্চৈব তৃষিতঃ স্বরসং পিবেত্| এবং বিনির্হৃতে দোষে শাকৈর্মাসাত্ পরং ততঃ||১৮৩|| দুর্বলায প্রযুঞ্জীত প্রাণভৃত্ কারভং পযঃ|১৮৪|
क्रियातिवृत्ते जठरे त्रिदोषे चाप्रशाम्यति||१७५|| ज्ञातीन् ससुहृदो दारान् ब्राह्मणान्नृपतीन् गुरून्| अनुज्ञाप्य भिषक् कर्म विदध्यात् संशयं ब्रुवन्||१७६|| अक्रियायां ध्रुवो मृत्युः क्रियायां संशयो भवेत्| एवमाख्याय तस्येदमनुज्ञातः सुहृद्गणैः||१७७|| पानभोजनसंयुक्तं विषमस्मै प्रयोजयेत्| यस्मिन् वा कुपितः सर्पो विसृजेद्धि फले विषम्||१७८|| भोजयेत्तदुदरिणं प्रविचार्य भिषग्वरः| तेनास्य दोषसङ्घातः स्थिरो लीनो विमार्गगः||१७९|| विषेणाशुप्रमाथित्वादाशु भिन्नः प्रवर्तते| विषेण हृतदोषं तं शीताम्बुपरिषेचितम्||१८०|| पाययेत भिषग्दुग्धं यवागूं वा यथाबलम्| त्रिवृन्मण्डूकपर्ण्योश्च शाकं सयववास्तुकम्||१८१|| भक्षयेत् कालशाकं वा स्वरसोदकसाधितम् | निरम्ललवणस्नेहं स्विन्नास्विन्नमनन्नभुक्||१८२|| मासमेकं ततश्चैव तृषितः स्वरसं पिबेत्| एवं विनिर्हृते दोषे शाकैर्मासात् परं ततः||१८३|| दुर्बलाय प्रयुञ्जीत प्राणभृत् कारभं पयः|१८४|
🔊 Audio coming soon
ক্রিযাতিবৃত্ত ইত্যনেন জাতোদকতাং দর্শযতি, তত্র হি ক্রিযা নিষিদ্ধা “অজাতোদকং” ইত্যাদিনা| ত্রিদোষে ইত্যনেনাপি জাতোদক এব ত্রিদোষজ ইতি জ্ঞেযম্; অজাতোদকে ত্রিদোষেঽপি ক্রিযা উক্তৈব| এবম্ভূতত্রিদোষস্য তু ক্রিযাতিবৃত্তপদেনৈব লাভেঽপি ত্রিদোষে ইতি পদং ত্রিদোষস্য জাতোদকস্যাপ্যত্র ক্রিযোপদর্শনার্থম্| জ্ঞাত্যাদিসম্মতিগ্রহণাদিনা বিপর্যযেঽযশোনিষেধঃ| অনুজ্ঞাত ইতি অনুমতো বিষাদিপ্রযোগে বৈদ্যঃ| যস্মিন্ ফলে বিষং বিসৃজেত্ তত্ ফলং প্রযোজযেদিতি সংবন্ধঃ| বিষং চাত্র দংষ্ট্রাবিষমেব জ্ঞেযম্| উক্তং হি- “দূষ্যোদরে বদ্ধগুদে ক্ষতান্ত্রে চ জলোদরে| অপি দংষ্ট্রাবিষস্যৈব প্রযোগো বৈ বিশোধনে” ইতি| স্থির ইতি অচপলঃ| লীন ইতি ধাত্বন্তরগতঃ| প্রমাথিত্বাদিতি ক্ষোভকারিত্বাত্| কালশাকং প্রসিদ্ধম্| স্বরসোদকাভ্যাং সাধিতম্| ততশ্চৈব স্বরসমিতি কালশাকস্বরসম্||১৭৫-১৮৩||-
Adhikarana 40 (184-188) · Śloka 188
ইদং তু শল্যহর্তৄণাং কর্ম স্যাদ্দৃষ্টকর্মণাম্||১৮৪|| বামং কুক্ষিং মাপযিত্বা নাভ্যধশ্চতুরঙ্গুলম্| মাত্রাযুক্তেন শস্ত্রেণ পাটযেন্মতিমান্ ভিষক্||১৮৫|| বিপাট্যান্ত্রং ততঃ পশ্চাদ্বীক্ষ্য বদ্ধক্ষতান্ত্রযোঃ| সর্পিষাঽভ্যজ্য কেশাদীনবমৃজ্য বিমোক্ষযেত্||১৮৬|| মূর্চ্ছনাদ্যচ্চ সম্মূঢমন্ত্রং তচ্চ বিমোক্ষযেত্| ছিদ্রাণ্যন্ত্রস্য তু স্থূলৈর্দংশযিত্বা পিপীলিকৈঃ||১৮৭|| বহুশঃ সঙ্গৃহীতানি জ্ঞাত্বা চ্ছিত্বা পিপীলিকান্| প্রতিযোগৈঃ প্রবেশ্যান্ত্রং প্রেযৈঃ সীব্যেদ্ব্রণং ততঃ||১৮৮||
इदं तु शल्यहर्तॄणां कर्म स्याद्दृष्टकर्मणाम्||१८४|| वामं कुक्षिं मापयित्वा नाभ्यधश्चतुरङ्गुलम्| मात्रायुक्तेन शस्त्रेण पाटयेन्मतिमान् भिषक्||१८५|| विपाट्यान्त्रं ततः पश्चाद्वीक्ष्य बद्धक्षतान्त्रयोः| सर्पिषाऽभ्यज्य केशादीनवमृज्य विमोक्षयेत्||१८६|| मूर्च्छनाद्यच्च सम्मूढमन्त्रं तच्च विमोक्षयेत्| छिद्राण्यन्त्रस्य तु स्थूलैर्दंशयित्वा पिपीलिकैः||१८७|| बहुशः सङ्गृहीतानि ज्ञात्वा च्छित्वा पिपीलिकान्| प्रतियोगैः प्रवेश्यान्त्रं प्रेयैः सीव्येद्व्रणं ततः||१८८||
🔊 Audio coming soon
নাভ্যধশ্চতুরঙ্গুলমিতি নাভেরধো যথা ভবতি তথা চতুরঙ্গুলং বামকুক্ষিং মাপযিত্বা উদরমধ্যাচ্চতুরঙ্গুলং ত্যক্ত্বা বামকুক্ষৌ নাভ্যধস্তাত্ পাটনং কর্তব্যম্| বিপাট্য চোদরং বদ্ধক্ষতোদরযোঃ, অন্ত্রং বীক্ষ্য যথোচিতক্রিযার্থং, তত উদরে পাটনং কেশাদিমার্জনং সম্মূঢান্ত্রমোক্ষশ্চ কর্তব্যঃ| ছিদ্রান্ত্রস্য তু অন্ত্রচ্ছিদ্রাণি পিপীলিকৈরন্ত্রচ্ছিদ্রপ্রদেশে দংশযিত্বা, সঙ্গৃহীতানি যথাঽন্ত্রছিদ্রাণি ভবন্তি তথা জ্ঞাত্বা, পিপীলিকাশিরশ্ছেদঃ কার্যঃ| ততস্তূভযোরপি বদ্ধছিদ্রান্ত্রযোঃ নিঃসৃতান্ত্রপ্রবেশবিধিঃ প্রতিযোগৈরিত্যনেনোক্তঃ কর্তব্যঃ||১৮৪-১৮৮||
Adhikarana 41 (189-194) · Śloka 194
তথা জাতোদকং সর্বমুদরং ব্যধযেদ্ভিষক্| বামপার্শ্বে ত্বধো নাভের্নাডীং দত্ত্বা চ গালযেত্||১৮৯|| বিস্রাব্য চ বিমৃদ্যৈতদ্বেষ্টযেদ্বাসসোদরম্| তথা বস্তিবিরেকাদ্যৈর্ম্লানং সর্বং চ বেষ্টযেত্||১৯০|| নিঃস্রুতে লঙ্ঘিতঃ পেযামস্নেহলবণাং পিবেত্| অতঃ পরং তু ষণ্মাসান্ ক্ষীরবৃত্তির্ভবেন্নরঃ||১৯১|| ত্রীন্ মাসান্ পযসা পেযাং পিবেত্ত্রীংশ্চাপি ভোজযেত্| শ্যামাকং কোরদূষং বা ক্ষীরেণালবণং লঘু||১৯২|| নরঃ সংবত্সরেণৈবং জযেত্ প্রাপ্তং জলোদরম্| প্রযোগাণাং চ সর্বেষামনু ক্ষীরং প্রযোজযেত্||১৯৩|| দোষানুবন্ধরক্ষার্থং বলস্থৈর্যার্থমেব চ| প্রযোগাপচিতাঙ্গানাং হিতং হ্যুদরিণাং পযঃ| সর্বধাতুক্ষযার্তানাং দেবানামমৃতং যথা||১৯৪||
तथा जातोदकं सर्वमुदरं व्यधयेद्भिषक्| वामपार्श्वे त्वधो नाभेर्नाडीं दत्त्वा च गालयेत्||१८९|| विस्राव्य च विमृद्यैतद्वेष्टयेद्वाससोदरम्| तथा बस्तिविरेकाद्यैर्म्लानं सर्वं च वेष्टयेत्||१९०|| निःस्रुते लङ्घितः पेयामस्नेहलवणां पिबेत्| अतः परं तु षण्मासान् क्षीरवृत्तिर्भवेन्नरः||१९१|| त्रीन् मासान् पयसा पेयां पिबेत्त्रींश्चापि भोजयेत्| श्यामाकं कोरदूषं वा क्षीरेणालवणं लघु||१९२|| नरः संवत्सरेणैवं जयेत् प्राप्तं जलोदरम्| प्रयोगाणां च सर्वेषामनु क्षीरं प्रयोजयेत्||१९३|| दोषानुबन्धरक्षार्थं बलस्थैर्यार्थमेव च| प्रयोगापचिताङ्गानां हितं ह्युदरिणां पयः| सर्वधातुक्षयार्तानां देवानाममृतं यथा||१९४||
🔊 Audio coming soon
তথেত্যাদিনা জাতোদকবিধিমাহ| ব্যধযেদিতি নাভ্যাশ্চতুরঙ্গুলে ইত্যর্থঃ| অতঃ পরমিতি অলবণপেযাপানাদূর্ধ্বং ষণ্মাসান্ ক্ষীরবৃত্তিঃ স্যাত্, ততঃ ক্ষীরমাত্রবৃত্তিষণ্মাসাদূর্ধ্বং ত্রীন্মাসান্ পযসা সহ পেযাং পিবেত্, ততশ্চোর্ধ্বং ত্রীন্ মাসান্ ‘শ্যামাকং কোরদূষং’ ইত্যাদিগ্রন্থোক্তং ক্ষীরেণ ভোজযেত্; এবং সংবত্সরেণেতি যদুক্তং তত্ পূর্যতে| প্রযোগাপচিতাঙ্গানামিতি প্রযোগৈঃ ক্ষীণদেহানাম্||১৮৯-১৯৪||
Adhikarana 42 (195-196) · Śloka 196
তত্র শ্লোকৌ- হেতুং প্রাগ্রূপমষ্টানাং লিঙ্গং ব্যাসসমাসতঃ| উপদ্রবান্ গরীযস্ত্বং সাধ্যাসাধ্যত্বমেব চ||১৯৫|| জাতাজাতাম্বুলিঙ্গানি চিকিত্সাং চোক্তবানৃষিঃ| সমাসব্যাসনির্দেশৈরুদরাণাং চিকিত্সিতে||১৯৬||
तत्र श्लोकौ- हेतुं प्राग्रूपमष्टानां लिङ्गं व्याससमासतः| उपद्रवान् गरीयस्त्वं साध्यासाध्यत्वमेव च||१९५|| जाताजाताम्बुलिङ्गानि चिकित्सां चोक्तवानृषिः| समासव्यासनिर्देशैरुदराणां चिकित्सिते||१९६||
🔊 Audio coming soon
হেতুমিত্যাদিনা সঙ্গ্রহং ব্রূতে| সঙ্গ্রহার্থশ্চাধ্যাযোক্তোঽনুসরণীযঃ||১৯৫-১৯৬||
Adhikarana puShpikA · Śloka 13
ইত্যগ্নিবেশকৃতে তন্ত্রেঽপ্রাপ্তে দৃঢবলপূরিতে চিকিত্সাস্থানে উদরচিকিত্সিতং নাম ত্রযোদশোঽধ্যাযঃ||১৩||
इत्यग्निवेशकृते तन्त्रेऽप्राप्ते दृढबलपूरिते चिकित्सास्थाने उदरचिकित्सितं नाम त्रयोदशोऽध्यायः||१३||
🔊 Audio coming soon
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং চিকিত্সাস্থানে উদরচিকিত্সিতং নাম ত্রযোদশোঽধ্যাযঃ||১৩||