Adhikarana 1 (1-3) · Śloka 3
અથાતઃ પરિમર્શનીયમિન્દ્રિયં વ્યાખ્યાસ્યામઃ||૧||
ઇતિ હ સ્માહ ભગવાનાત્રેયઃ||૨||
વર્ણે સ્વરે ચ ગન્ધે ચ રસે ચોક્તં પૃથક્ પૃથક્|
લિઙ્ગં મુમૂર્ષતાં સમ્યક્ સ્પર્શેષ્વપિ નિબોધત||૩||
View original
अथातः परिमर्शनीयमिन्द्रियं व्याख्यास्यामः||१||
इति ह स्माह भगवानात्रेयः||२||
वर्णे स्वरे च गन्धे च रसे चोक्तं पृथक् पृथक्|
लिङ्गं मुमूर्षतां सम्यक् स्पर्शेष्वपि निबोधत||३||
ઇન્દ્રિયાર્થાનુગતરિષ્ટપારિશેષ્યાત્ સ્પર્શગતરિષ્ટાભિધાયકં પરિમર્શનીયમિન્દ્રિયમુચ્યતે; ઇમમેવ ચાધ્યાયસમ્બન્ધં દર્શયન્નાહ- વર્ણે સ્વરે ચેત્યાદિ||૧-૩||
Adhikarana 2 (4) · Śloka 4
સ્પર્શપ્રાધાન્યેનૈવાતુરસ્યાયુષઃ પ્રમાણાવશેષં જિજ્ઞાસુઃ પ્રકૃતિસ્થેન પાણિના શરીરમસ્ય કેવલં સ્પૃશેત્, પરિમર્શયેદ્વાઽન્યેન|
પરિમૃશતા તુ ખલ્વાતુરશરીરમિમે ભાવાસ્તત્ર તત્રાવબોદ્ધવ્યા ભવન્તિ|
તદ્યથા- સતતં સ્પન્દમાનાનાં શરીરદેશાનામસ્પન્દનં, નિત્યોષ્મણાં શીતીભાવઃ, મૃદૂનાં દારુણત્વં, શ્લક્ષ્ણાનાં ખરત્વં, સતામસદ્ભાવઃ , સન્ધીનાં સ્રંસભ્રંશચ્યવનાનિ; માંસશોણિતયોર્વીતીભાવઃ, દારુણત્વં, સ્વેદાનુબન્ધઃ, સ્તમ્ભો વા; યચ્ચાન્યદપિ કિઞ્ચિદીદૃશં સ્પર્શાનાં લક્ષણં ભૃશવિકૃતમનિમિત્તં સ્યાત્|
ઇતિ લક્ષણં સ્પૃશ્યાનાં ભાવાનામુક્તં સમાસેન||૪||
View original
स्पर्शप्राधान्येनैवातुरस्यायुषः प्रमाणावशेषं जिज्ञासुः प्रकृतिस्थेन पाणिना शरीरमस्य केवलं स्पृशेत्, परिमर्शयेद्वाऽन्येन|
परिमृशता तु खल्वातुरशरीरमिमे भावास्तत्र तत्रावबोद्धव्या भवन्ति|
तद्यथा- सततं स्पन्दमानानां शरीरदेशानामस्पन्दनं, नित्योष्मणां शीतीभावः, मृदूनां दारुणत्वं, श्लक्ष्णानां खरत्वं, सतामसद्भावः , सन्धीनां स्रंसभ्रंशच्यवनानि; मांसशोणितयोर्वीतीभावः, दारुणत्वं, स्वेदानुबन्धः, स्तम्भो वा; यच्चान्यदपि किञ्चिदीदृशं स्पर्शानां लक्षणं भृशविकृतमनिमित्तं स्यात्|
इति लक्षणं स्पृश्यानां भावानामुक्तं समासेन||४||
સ્પર્શેનેતિ વક્તવ્યે યત્ ‘સ્પર્શપ્રાધાન્યેન’ ઇતિ કરોતિ, તેન અસ્પર્શગ્રાહ્યમપિ ચક્ષુર્લોહિતત્વાદિ રિષ્ટમિહ સ્પર્શપરીક્ષ્યમધ્યે ઓઘાદાયાતં વક્તવ્યમિતિ દર્શયતિ| પ્રકૃતિસ્થેનેતિ નાત્યુષ્ણશીતેન| કેવલમિતિ કૃત્સ્નમ્| ગુરુદારાદેઃ સ્વયં સ્પર્શો યદા ન યુજ્યતે તદા કર્તવ્યમાહ- પરિમર્શયેદ્વાઽન્યેનેતિ| સતામસદ્ભાવ ઇતિ અત્ર ચ વૃષ્ણાદીનાં સતામિતિ જ્ઞેયં, સ્થૂલાવયવાનાં રિષ્ટેઽપ્યભાવદર્શનાત્| સ્રંસઃ મનાગ્ગમનં, ભ્રંશસ્તુ સુદૂરાધોગમનં, ધાવનં તુ પાર્શ્વતો ગમનમ્| વીતીભાવઃ અતિક્ષીણત્વમ્| લક્ષણમિતિ મરણલક્ષણમ્| સમાસેનેતિ ચ્છેદઃ||૪||
Adhikarana 3 (5-6) · Śloka 6
તદ્વ્યાસતોઽનુવ્યાખ્યાસ્યામઃ- તસ્ય ચેત્ પરિમૃશ્યમાનં પૃથક્ત્વેન પાદજઙ્ઘોરુસ્ફિગુદરપાર્શ્વપૃષ્ઠેષિકાપાણિગ્રીવાતાલ્વોષ્ઠલલાટં સ્વિન્નં શીતં સ્તબ્ધં દારુણં વીતમાંસશોણિતં વા સ્યાત્, પરાસુરયં પુરુષો ન ચિરાત્ કાલં મરિષ્યતીતિ વિદ્યાત્|
તસ્ય ચેત્ પરિમૃશ્યમાનાનિ પૃથક્ત્વેન ગુલ્ફજાનુવઙ્ક્ષણગુદવૃષણમેઢ્રનાભ્યંસસ્તનમણિકપર્શુકાહનુનાસિકાકર્ણાક્ષિભ્રૂશઙ્ખાદીનિ સ્રસ્તાનિ વ્યસ્તાનિ ચ્યુતાનિ સ્થાનેભ્યઃ સ્કન્નાનિ વા સ્યુઃ, પરાસુરયં પુરુષોઽચિરાત્ કાલં મરિષ્યતીતિ વિદ્યાત્||૫||
તથાઽસ્યોચ્છ્વાસમન્યાદન્તપક્ષ્મચક્ષુઃકેશલોમોદરનખાઙ્ગુલીરાલક્ષયેત્|
તસ્ય ચેદુચ્છ્વાસોઽતિદીર્ઘોઽતિહ્રસ્વો વા સ્યાત્, પરાસુરિતિ વિદ્યાત્|
તસ્ય ચેન્મન્યે પરિમૃશ્યમાને ન સ્પન્દેયાતાં, પરાસુરિતિ વિદ્યાત્|
તસ્ય ચેદ્દન્તાઃ પરિકીર્ણાઃ શ્વેતા જાતશર્કરાઃ સ્યુઃ, પરાસુરિતિ વિદ્યાત્|
તસ્ય ચેત્ પક્ષ્માણિ જટાબદ્ધાનિ સ્યુઃ, પરાસુરિતિ વિદ્યાત્|
તસ્ય ચેચ્ચક્ષુષી પ્રકૃતિહીને, વિકૃતિયુક્તે- અત્યુત્પિણ્ડિતે, અતિપ્રવિષ્ટે, અતિજિહ્મે, અતિવિષમે, અતિમુક્તબન્ધને, અતિપ્રસ્રુતે, સતતોન્મિષિતે, સતતનિમિષિતે, નિમિષોન્મેષાતિપ્રવૃત્તે, વિભ્રાન્તદૃષ્ટિકે, વિપરીતદૃષ્ટિકે, હીનદૃષ્ટિકે, વ્યસ્તદૃષ્ટિકે , નકુલાન્ધે, કપોતાન્ધે, અલાતવર્ણે, કૃષ્ણપીતનીલશ્યાવતામ્રહરિતહારિદ્રશુક્લવૈકારિકાણાં વર્ણાનામન્યતમેનાતિપ્લુતે વા સ્યાતાં, તદા પરાસુરિતિ વિદ્યાત્|
અથાસ્ય કેશલોમાન્યાયચ્છેત્, તસ્ય ચેત્ કેશલોમાન્યાયમ્યમાનાનિ પ્રલુચ્યેરન્ ન ચેદ્વેદયેયુસ્તં પરાસુરિતિ વિદ્યાત્|
તસ્ય ચેદુદરે સિરાઃ પ્રકાશેરઞ્ શ્યાવતામ્રનીલહારિદ્રશુક્લા વા સ્યુઃ, પરાસુરિતિ વિદ્યાત્|
તસ્ય ચેન્નખા વીતમાંસશોણિતાઃ પક્વજામ્બવવર્ણાઃ સ્યુઃ, પરાસુરિતિ વિદ્યાત્|
અથાસ્યાઙ્ગુલીરાયચ્છેત્; તસ્ય ચેદઙ્ગુલય આયમ્યમાના ન સ્ફુટેયુઃ, પરાસુરિતિ વિદ્યાત્||૬||
View original
तद्व्यासतोऽनुव्याख्यास्यामः- तस्य चेत् परिमृश्यमानं पृथक्त्वेन पादजङ्घोरुस्फिगुदरपार्श्वपृष्ठेषिकापाणिग्रीवाताल्वोष्ठललाटं स्विन्नं शीतं स्तब्धं दारुणं वीतमांसशोणितं वा स्यात्, परासुरयं पुरुषो न चिरात् कालं मरिष्यतीति विद्यात्|
तस्य चेत् परिमृश्यमानानि पृथक्त्वेन गुल्फजानुवङ्क्षणगुदवृषणमेढ्रनाभ्यंसस्तनमणिकपर्शुकाहनुनासिकाकर्णाक्षिभ्रूशङ्खादीनि स्रस्तानि व्यस्तानि च्युतानि स्थानेभ्यः स्कन्नानि वा स्युः, परासुरयं पुरुषोऽचिरात् कालं मरिष्यतीति विद्यात्||५||
तथाऽस्योच्छ्वासमन्यादन्तपक्ष्मचक्षुःकेशलोमोदरनखाङ्गुलीरालक्षयेत्|
तस्य चेदुच्छ्वासोऽतिदीर्घोऽतिह्रस्वो वा स्यात्, परासुरिति विद्यात्|
तस्य चेन्मन्ये परिमृश्यमाने न स्पन्देयातां, परासुरिति विद्यात्|
तस्य चेद्दन्ताः परिकीर्णाः श्वेता जातशर्कराः स्युः, परासुरिति विद्यात्|
तस्य चेत् पक्ष्माणि जटाबद्धानि स्युः, परासुरिति विद्यात्|
तस्य चेच्चक्षुषी प्रकृतिहीने, विकृतियुक्ते- अत्युत्पिण्डिते, अतिप्रविष्टे, अतिजिह्मे, अतिविषमे, अतिमुक्तबन्धने, अतिप्रस्रुते, सततोन्मिषिते, सततनिमिषिते, निमिषोन्मेषातिप्रवृत्ते, विभ्रान्तदृष्टिके, विपरीतदृष्टिके, हीनदृष्टिके, व्यस्तदृष्टिके , नकुलान्धे, कपोतान्धे, अलातवर्णे, कृष्णपीतनीलश्यावताम्रहरितहारिद्रशुक्लवैकारिकाणां वर्णानामन्यतमेनातिप्लुते वा स्यातां, तदा परासुरिति विद्यात्|
अथास्य केशलोमान्यायच्छेत्, तस्य चेत् केशलोमान्यायम्यमानानि प्रलुच्येरन् न चेद्वेदयेयुस्तं परासुरिति विद्यात्|
तस्य चेदुदरे सिराः प्रकाशेरञ् श्यावताम्रनीलहारिद्रशुक्ला वा स्युः, परासुरिति विद्यात्|
तस्य चेन्नखा वीतमांसशोणिताः पक्वजाम्बववर्णाः स्युः, परासुरिति विद्यात्|
अथास्याङ्गुलीरायच्छेत्; तस्य चेदङ्गुलय आयम्यमाना न स्फुटेयुः, परासुरिति विद्यात्||६||
પૃષ્ઠેષિકા પૃષ્ઠવંશઃ| પૃથક્ત્વેનેતિ એકૈકશ્યેન| મણિકઃ કરબાહુસન્ધિઃ| મન્યે ગલપાર્શ્વગતે ધમન્યૌ| ઉચ્છ્વાસદૈર્ઘ્યહ્રાસૌ નાસાગ્રદત્તકરસ્પર્શાદુપલભ્યેતે| પરિકીર્ણા ઇતિ મલલિપ્તાઃ| દન્તાદિશ્વેતત્વં ચક્ષુર્ગ્રાહ્યમપિ સ્પર્શપરીક્ષણીયદન્તધર્મપ્રસ્તાવાદુચ્યતે| ચક્ષુષી પ્રકૃતિહીને વિકૃતિયુક્તે ઇતિ સામાન્યવચનં; તસ્ય વિવરણમ્- અત્યુત્પિણ્ડિતે ઇત્યાદિ| અત્યુત્પિણ્ડિતે ઇતિ અત્યર્થનિર્ગતે | અતિજિહ્મે અતિકુટિલે| અતિવિષમે ઇતિ એકં સંવૃતમ્, અપરં વિસ્તૃતમિતિ| નિમેષોન્મેષક્રિયાયામત્યર્થં પ્રવર્તેતે ઇતિ નિમેષોન્મેષાતિપ્રવૃત્તે| વિપરીતદૃષ્ટિકે ઇતિ કેયૂરદૃષ્ટિકે; કિંવા વિપરીતદૃષ્ટિકે અન્યથાગ્રાહિણી| હીનદૃષ્ટિકે અદૂરદર્શિની, નષ્ટદૃષ્ટિકે વા| નકુલાન્ધકપોતાન્ધલક્ષણે ગ્રન્થઃ- “નકુલાન્ધસ્તુ રૂપાણિ દિવા શુક્લાનિ પશ્યતિ| કપોતાન્ધસ્તુ રૂપાણિ દિવા કૃષ્ણાનિ પશ્યતિ” ઇતિ| અલાતસ્તુ તપ્તાઙ્ગારઃ| ઇહ ચક્ષુર્ગતારિષ્ટાભિધાનપ્રસ્તાવાદસ્પર્શગ્રાહ્મમપિ ચક્ષુષોરલાતવર્ણત્વાદિકમુચ્યતે| ઉદરાનુગતાઃ સિરાસ્ત્વિહ સ્પર્શનગ્રાહ્યા ભવન્તીતિ ઉક્તાઃ; તત્પ્રસઙ્ગાચ્ચક્ષુર્ગ્રાહ્યાઃ સિરાવર્ણા અપ્યુક્તાઃ| આયચ્છેદિતિ સ્ફોટયેત્| નખાઙ્ગુલિગતારિષ્ટપરીક્ષાયાં તુ સ્પર્શોઽપિ વ્યાપ્રિયત એવેતિ કૃત્વા તદરિષ્ટમપીહોક્તમ્||૫-૬||
Adhikarana 4 (7) · Śloka 7
તત્ર શ્લોકઃ- એતાન્ સ્પૃશ્યાન્ બહૂન્ ભાવાન્ યઃ સ્પૃશન્નવબુધ્યતે|
આતુરે ન સ સમ્મોહમાયુર્જ્ઞાનસ્ય ગચ્છતિ||૭||
View original
तत्र श्लोकः- एतान् स्पृश्यान् बहून् भावान् यः स्पृशन्नवबुध्यते|
आतुरे न स सम्मोहमायुर्ज्ञानस्य गच्छति||७||
એતાન્ સ્પૃશ્યાનિતિ બાહુલ્યાદુક્તમ્; એવં સ્પૃશન્નિત્યેતદપિ બાહુલ્યાદુક્તમ્| ‘આયુર્જ્ઞાનસ્યેતિ’ પાઠપક્ષે ષષ્ઠી સમ્બન્ધવિવક્ષાયામ્||૭||
Adhikarana puShpikA · Śloka 3
ઇત્યગ્નિવેશકૃતે તન્ત્રે ચરકપ્રતિસંસ્કૃતે ઇન્દ્રિયસ્થાને પરિમર્શનીયમિન્દ્રિયં નામ તૃતીયોઽધ્યાયઃ||૩||
View original
इत्यग्निवेशकृते तन्त्रे चरकप्रतिसंस्कृते इन्द्रियस्थाने परिमर्शनीयमिन्द्रियं नाम तृतीयोऽध्यायः||३||
ઇતિ શ્રીચક્રપાણિદત્તવિરચિતાયામાયુર્વેદદીપિકાયાં ચરકતાત્પર્યટીકાયામિન્દ્રિયસ્થાને પરિમર્શનીયમિન્દ્રિયં નામ તૃતીયોઽધ્યાયઃ||૩||