Adhikarana 1 (1-2) · Śloka 2
অথাতঃ পূর্বরূপীযমিন্দ্রিযং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
View original
अथातः पूर्वरूपीयमिन्द्रियं व्याख्यास्यामः||१||
इति ह स्माह भगवानात्रेयः||२||
ইন্দ্রিযগতরিষ্টমভিধায সত্ত্বাদীনামগ্রে সূচিতানামরিষ্টমগ্রে বক্তুং যুজ্যতে; তত্ত্বল্পবক্তব্যত্বাদুল্লঙ্ঘ্য বহুবক্তব্যং পূর্বরূপরিষ্টমভিধাতুং পূর্বরূপীযোঽভিধীযতে, প্রথমাধ্যাযে তু সত্ত্বাদীনামগ্রেঽভিধানমিন্দ্রিযৈঃ সমং বুদ্ধিসাধনত্বাদিপ্রসঙ্গাগতং জ্ঞেযম্| ব্যাধিস্তু যদ্যপি বহুবক্তব্যঃ কতমানিশরীরীযেঽগ্রে সূত্রিতশ্চ, তথাঽপি পূর্বরূপপূর্বকত্বাদ্ ব্যাধেঃ পূর্বং পূর্বরূপনিরূপণমিহ; সূত্রে ত্বগ্রে ব্যাধিবচনেন পূর্বং রূপাদ্ ব্যাধেঃ পূর্বরূপবোধ্যস্য প্রাধান্যং দর্শযতি||১-২||
Adhikarana 2 (3-5) · Śloka 5
পূর্বরূপাণ্যসাধ্যানাং বিকারাণাং পৃথক্ পৃথক্|
ভিন্নাভিন্নানি বক্ষ্যামো ভিষজাং জ্ঞানবৃদ্ধযে||৩||
পূর্বরূপাণি সর্বাণি জ্বরোক্তান্যতিমাত্রযা|
যং বিশন্তি বিশত্যেনং মৃত্যুর্জ্বরপুরঃসরঃ||৪||
অন্যস্যাপি চ রোগস্য পূর্বরূপাণি যং নরম্|
বিশন্ত্যনেন কল্পেন তস্যাপি মরণং ধ্রুবম্||৫||
View original
पूर्वरूपाण्यसाध्यानां विकाराणां पृथक् पृथक्|
भिन्नाभिन्नानि वक्ष्यामो भिषजां ज्ञानवृद्धये||३||
पूर्वरूपाणि सर्वाणि ज्वरोक्तान्यतिमात्रया|
यं विशन्ति विशत्येनं मृत्युर्ज्वरपुरःसरः||४||
अन्यस्यापि च रोगस्य पूर्वरूपाणि यं नरम्|
विशन्त्यनेन कल्पेन तस्यापि मरणं ध्रुवम्||५||
ভিন্নাভিন্নানীতি সাধারণাসাধারণানি| তত্র ‘পূর্বরূপাণি’ ইত্যাদিনা ‘তস্যাপি মরণং ধ্রুবম্’ ইত্যন্তেন সর্বব্যাধিপূর্বরূপরিষ্টং সাধারণমুক্তং, ‘পূর্বরূপৈকদেশাংস্তু’ ইত্যাদিনা তু প্রতিব্যাধিভিন্নপূবরূপারিষ্টমুচ্যতে| অন্যে তু ভিন্নাভিন্নানীতি উক্তানুক্তানীতি ব্রুবতে; তত্র জ্বরাদিপূর্বরূপাণ্যুক্তানি, ‘শ্বভিরুষ্ট্রৈঃ খরৈঃ’ ইত্যাদি তু পূর্বরূপমনুক্তম্| সর্বাণীতি সমস্তানি| অতিমাত্রযেতি অত্যুল্বণত্বেন| জ্বরপুরঃসর ইতি জ্বরানন্তরভাবী| অনেন কল্পেনেত্যনেন সর্বাণি চাতিমাত্রযা চেতি দর্শযতি||৩-৫||
Adhikarana 3 (6-9) · Śloka 9
পূর্বরূপৈকদেশাংস্তু বক্ষ্যামোঽন্যান্ সুদারুণান্|
যে রোগাননুবধ্নন্তি মৃত্যুর্যৈরনুবধ্যতে ||৬||
বলং চ হীযতে যস্য প্রতিশ্যাযশ্চ বর্ধতে|
তস্য নারীপ্রসক্তস্য শোষোঽন্তাযোপজাযতে||৭||
শ্বভিরুষ্ট্রৈঃ খরৈর্বাঽপি যাতি যো দক্ষিণাং দিশম্|
স্বপ্নে যক্ষ্মাণমাসাদ্য জীবিতং স বিমুঞ্চতি||৮||
প্রেতৈঃ সহ পিবেন্মদ্যং স্বপ্নে যঃ কৃষ্যতে শুনা|
সুঘোরং জ্বরমাসাদ্য জীবিতং স বিমুঞ্চতি||৯||
View original
पूर्वरूपैकदेशांस्तु वक्ष्यामोऽन्यान् सुदारुणान्|
ये रोगाननुबध्नन्ति मृत्युर्यैरनुबध्यते ||६||
बलं च हीयते यस्य प्रतिश्यायश्च वर्धते|
तस्य नारीप्रसक्तस्य शोषोऽन्तायोपजायते||७||
श्वभिरुष्ट्रैः खरैर्वाऽपि याति यो दक्षिणां दिशम्|
स्वप्ने यक्ष्माणमासाद्य जीवितं स विमुञ्चति||८||
प्रेतैः सह पिबेन्मद्यं स्वप्ने यः कृष्यते शुना|
सुघोरं ज्वरमासाद्य जीवितं स विमुञ्चति||९||
রোগাননুবধ্নন্তীতি রোগেণ পশ্চাদ্ভাবিনাঽবশ্যং যুজ্যন্তে| মৃত্যুর্যৈরনুবধ্যতে ইতি যৈ রোগৈর্মৃত্যুরনুবধ্যতে| এতেনৈতত্ ফলতি- পূর্বরূপাণাং যৈর্ব্যাধিভির্নিযতঃ সম্বন্ধস্তেঽবশ্যং মারকা ভবন্তীত্যর্থঃ| “শ্বোষ্ট্রবরাহখরৈর্যানং” (নি.অ.৬) ইত্যাদি শোষনিদানেঽপ্যুক্তং, তেন দক্ষিণদিশাগমনবিশেষিতমেব তদ্রিষ্টম্||৬-৯||
Adhikarana 4 (10-11) · Śloka 11
লাক্ষারক্তাম্বরাভং যঃ পশ্যত্যম্বরমন্তিকাত্|
স রক্তপিত্তমাসাদ্য তেনৈবান্তায নীযতে||১০||
রক্তস্রগ্রক্তসর্বাঙ্গো রক্তবাসা মুহুর্হসন্|
যঃ স্বপ্নে হ্রিযতে নার্যা স রক্তং প্রাপ্য সীদতি||১১||
View original
लाक्षारक्ताम्बराभं यः पश्यत्यम्बरमन्तिकात्|
स रक्तपित्तमासाद्य तेनैवान्ताय नीयते||१०||
रक्तस्रग्रक्तसर्वाङ्गो रक्तवासा मुहुर्हसन्|
यः स्वप्ने ह्रियते नार्या स रक्तं प्राप्य सीदति||११||
অন্তিকাদিতি সমীপাত্| রক্তং প্রাপ্যেতি রক্তপিত্তং প্রাপ্য| সীদতি ম্রিযতে||১০-১১||
Adhikarana 5 (12-13) · Śloka 13
শূলাটোপান্ত্রকূজাশ্চ দৌর্বল্যং চাতিমাত্রযা|
নখাদিষু চ বৈবর্ণ্যং গুল্মেনান্তকরো গ্রহঃ||১২||
লতা কণ্টকিনী যস্য দারুণা হৃদি জাযতে|
স্বপ্নে গুল্মস্তমন্তায ক্রূরো বিশতি মানবম্||১৩||
View original
शूलाटोपान्त्रकूजाश्च दौर्बल्यं चातिमात्रया|
नखादिषु च वैवर्ण्यं गुल्मेनान्तकरो ग्रहः||१२||
लता कण्टकिनी यस्य दारुणा हृदि जायते|
स्वप्ने गुल्मस्तमन्ताय क्रूरो विशति मानवम्||१३||
আটোপঃ কুক্ষৌ শব্দবদ্বাতভ্রমণম্| গৃহ্যতে অনেনেতি গ্রহো লিঙ্গমিত্যর্থঃ||১২-১৩||
Adhikarana 6 (14-15) · Śloka 15
কাযেঽল্পমপি সংস্পৃষ্টং সুভৃশং যস্য দীর্যতে|
ক্ষতানি চ ন রোহন্তি কুষ্ঠৈর্মৃত্যুর্হিনস্তি তম্||১৪||
নগ্নস্যাজ্যাবসিক্তস্য জুহ্বতোঽগ্নিমনর্চিষম্|
পদ্মান্যুরসি জাযন্তে স্বপ্নে কুষ্ঠৈর্মরিষ্যতঃ||১৫||
View original
कायेऽल्पमपि संस्पृष्टं सुभृशं यस्य दीर्यते|
क्षतानि च न रोहन्ति कुष्ठैर्मृत्युर्हिनस्ति तम्||१४||
नग्नस्याज्यावसिक्तस्य जुह्वतोऽग्निमनर्चिषम्|
पद्मान्युरसि जायन्ते स्वप्ने कुष्ठैर्मरिष्यतः||१५||
সংস্পৃষ্টমিতি শস্ত্রতৃণাদিসংস্পৃষ্টম্||১৪-১৫||
Adhikarana 7 (16-17) · Śloka 17
স্নাতানুলিপ্তগাত্রেঽপি যস্মিন্ গৃধ্নন্তি মক্ষিকাঃ|
স প্রমেহেণ সংস্পর্শং প্রাপ্য তেনৈব হন্যতে||১৬||
স্নেহং বহুবিধং স্বপ্নে চণ্ডালৈঃ সহ যঃ পিবেত্|
বধ্যতে স প্রমেহেণ স্পৃশ্যতেঽন্তায মানবঃ||১৭||
View original
स्नातानुलिप्तगात्रेऽपि यस्मिन् गृध्नन्ति मक्षिकाः|
स प्रमेहेण संस्पर्शं प्राप्य तेनैव हन्यते||१६||
स्नेहं बहुविधं स्वप्ने चण्डालैः सह यः पिबेत्|
बध्यते स प्रमेहेण स्पृश्यतेऽन्ताय मानवः||१७||
যদ্যপি স্নাতানুলিপ্তগাত্রে ইত্যাদিরিষ্টং পুষ্পিতকে “অপিস্নাতানুলিপ্তস্য” (ইং.অ.২) ইত্যাদিনোক্তং, তথাঽপীহ প্রমেহেণ মরণোপদর্শনার্থং পুনরুচ্যতে| তত্র চ যদা প্রমেহপূর্বরূপান্তরাণি ভবন্তি, এতচ্চ লক্ষণং ভবতি, তদা প্রমেহেণ মৃত্যুঃ; যদা তু প্রমেহপূর্বরূপাণি ন ভবন্তি, তদা যেন কেনাপি ব্যাধিনা মৃত্যুর্জ্ঞেযঃ||১৬-১৭||
Adhikarana 8 (18-23) · Śloka 23
ধ্যানাযাসৌ তথোদ্বেগৌ মোহশ্চাস্থানসম্ভবঃ|
অরতির্বলহানিশ্চ মৃত্যুরুন্মাদপূর্বকঃ||১৮||
আহারদ্বেষিণং পশ্যন্ লুপ্তচিত্তমুদর্দিতম্|
বিদ্যাদ্ধীরো মুমূর্ষুং তমুন্মাদেনাতিপাতিনা||১৯||
ক্রোধনং ত্রাসবহুলং সকৃত্প্রহসিতাননম্|
মূর্চ্ছাপিপাসাবহুলং হন্ত্যুন্মাদঃ শরীরিণম্||২০||
নৃত্যন্ রক্ষোগণৈঃ সাকং যঃ স্বপ্নেঽম্ভসি সীদতি |
স প্রাপ্য ভৃশমুন্মাদং যাতি লোকমতঃ পরম্||২১||
অসত্তমঃ পশ্যতি যঃ শৃণোত্যপ্যসতঃ স্বনান্|
বহূন্ বহুবিধান্ জাগ্রত্ সোঽপস্মারেণ বধ্যতে||২২||
মত্তং নৃত্যন্তমাবিধ্য প্রেতো হরতি যং নরম্|
স্বপ্নে হরতি তং মৃত্যুরপস্মারপুরঃসরঃ||২৩||
View original
ध्यानायासौ तथोद्वेगौ मोहश्चास्थानसम्भवः|
अरतिर्बलहानिश्च मृत्युरुन्मादपूर्वकः||१८||
आहारद्वेषिणं पश्यन् लुप्तचित्तमुदर्दितम्|
विद्याद्धीरो मुमूर्षुं तमुन्मादेनातिपातिना||१९||
क्रोधनं त्रासबहुलं सकृत्प्रहसिताननम्|
मूर्च्छापिपासाबहुलं हन्त्युन्मादः शरीरिणम्||२०||
नृत्यन् रक्षोगणैः साकं यः स्वप्नेऽम्भसि सीदति |
स प्राप्य भृशमुन्मादं याति लोकमतः परम्||२१||
असत्तमः पश्यति यः शृणोत्यप्यसतः स्वनान्|
बहून् बहुविधान् जाग्रत् सोऽपस्मारेण बध्यते||२२||
मत्तं नृत्यन्तमाविध्य प्रेतो हरति यं नरम्|
स्वप्ने हरति तं मृत्युरपस्मारपुरःसरः||२३||
উদর্দিতমিতি উদর্দযুক্তং; যদ্বা, উদর্দিতম্ ঊর্ধ্ববাতার্দিতম্| আবিধ্যেতি অধঃশিরসং কৃত্বা||১৮-২৩||
Adhikarana 9 (24-25) · Śloka 25
স্তভ্যেতে প্রতিবুদ্ধস্য হনূ মন্যে তথাঽক্ষিণী|
যস্য তং বহিরাযামো গৃহীত্বা হন্ত্যসংশযম্||২৪||
শষ্কুলীর্বাঽপ্যপূপান্ বা স্বপ্নে খাদতি যো নরঃ|
স চেত্তাদৃক্ ছর্দযতি প্রতিবুদ্ধো ন জীবতি||২৫||
View original
स्तभ्येते प्रतिबुद्धस्य हनू मन्ये तथाऽक्षिणी|
यस्य तं बहिरायामो गृहीत्वा हन्त्यसंशयम्||२४||
शष्कुलीर्वाऽप्यपूपान् वा स्वप्ने खादति यो नरः|
स चेत्तादृक् छर्दयति प्रतिबुद्धो न जीवति||२५||
তাদৃগিতি অপূপশষ্কুলীরূপম্||২৪-২৫||
Adhikarana 10 (26) · Śloka 26
এতানি পূর্বরূপাণি যঃ সম্যগববুধ্যতে|
স এষামনুবন্ধং চ ফলং চ জ্ঞাতুমর্হতি||২৬||
View original
एतानि पूर्वरूपाणि यः सम्यगवबुध्यते|
स एषामनुबन्धं च फलं च ज्ञातुमर्हति||२६||
এষামনুবন্ধমিতি এতত্পূর্বরূপোত্তরকালভাবিনং ব্যাধিম্| ফলং চৈষাং মৃত্যুরূপম্||২৬||
Adhikarana 11 (27-40) · Śloka 40
ইমাংশ্চাপ্যপরান্ স্বপ্নান্ দারুণানুপলক্ষযেত্|
ব্যাধিতানাং বিনাশায ক্লেশায মহতেঽপি বা||২৭||
যস্যোত্তমাঙ্গে জাযন্তে বংশগুল্মলতাদযঃ|
বযাংসি চ বিলীযন্তে স্বপ্নে মৌণ্ড্যমিযাচ্চ যঃ||২৮||
গৃধ্রোলূকশ্বকাকাদ্যৈঃ স্বপ্নে যঃ পরিবার্যতে|
রক্ষঃপ্রেতপিশাচস্ত্রীচণ্ডালদ্রবিডান্ধ্রকৈঃ ||২৯||
বংশবেত্রলতাপাশতৃণকণ্টকসঙ্কটে|
সংসজ্জতি হি যঃ স্বপ্নে যো গচ্ছন্ প্রপতত্যপি||৩০||
ভূমৌ পাংশূপধানাযাং বল্মীকে বাঽথ ভস্মনি|
শ্মশানাযতনে শ্বভ্রে স্বপ্নে যঃ প্রপতত্যপি ||৩১||
কলুষেঽম্ভসি পঙ্কে বা কূপে বা তমসাঽঽবৃতে|
স্বপ্নে মজ্জতি শীঘ্রেণ স্রোতসা হ্রিযতে চ যঃ||৩২||
স্নেহপানং তথাঽভ্যঙ্গঃ প্রচ্ছর্দনবিরেচনে|
হিরণ্যলাভঃ কলহঃ স্বপ্নে বন্ধপরাজযৌ||৩৩||
উপানদ্যুগনাশশ্চ প্রপাতঃ পাদচর্মণোঃ|
হর্ষঃ স্বপ্নে প্রকুপিতৈঃ পিতৃভিশ্চাবভর্ত্সনম্||৩৪||
দন্তচন্দ্রার্কনক্ষত্রদেবতাদীপচক্ষুষাম্ |
পতনং বা বিনাশো বা স্বপ্নে ভেদো নগস্য বা||৩৫||
রক্তপুষ্পং বনং ভূমিং পাপকর্মালযং চিতাম্|
গুহান্ধকারসম্বাধং স্বপ্নে যঃ প্রবিশত্যপি||৩৬||
রক্তমালী হসন্নুচ্চৈর্দিগ্বাসা দক্ষিণাং দিশম্|
দারুণামটবীং স্বপ্নে কপিযুক্তেন যাতি বা||৩৭||
কাষাযিণামসৌম্যানাং নগ্নানাং দণ্ডধারিণাম্|
কৃষ্ণানাং রক্তনেত্রাণাং স্বপ্নে নেচ্ছন্তি দর্শনম্||৩৮||
কৃষ্ণা পাপা নিরাচারা দীর্ঘকেশনখস্তনী|
বিরাগমাল্যবসনা স্বপ্নে কালনিশা মতা||৩৯||
ইত্যেতে দারুণাঃ স্বপ্না রোগী যৈর্যাতি পঞ্চতাম্|
অরোগঃ সংশযং গত্বা কশ্চিদেব প্রমুচ্যতে||৪০||
View original
इमांश्चाप्यपरान् स्वप्नान् दारुणानुपलक्षयेत्|
व्याधितानां विनाशाय क्लेशाय महतेऽपि वा||२७||
यस्योत्तमाङ्गे जायन्ते वंशगुल्मलतादयः|
वयांसि च विलीयन्ते स्वप्ने मौण्ड्यमियाच्च यः||२८||
गृध्रोलूकश्वकाकाद्यैः स्वप्ने यः परिवार्यते|
रक्षःप्रेतपिशाचस्त्रीचण्डालद्रविडान्ध्रकैः ||२९||
वंशवेत्रलतापाशतृणकण्टकसङ्कटे|
संसज्जति हि यः स्वप्ने यो गच्छन् प्रपतत्यपि||३०||
भूमौ पांशूपधानायां वल्मीके वाऽथ भस्मनि|
श्मशानायतने श्वभ्रे स्वप्ने यः प्रपतत्यपि ||३१||
कलुषेऽम्भसि पङ्के वा कूपे वा तमसाऽऽवृते|
स्वप्ने मज्जति शीघ्रेण स्रोतसा ह्रियते च यः||३२||
स्नेहपानं तथाऽभ्यङ्गः प्रच्छर्दनविरेचने|
हिरण्यलाभः कलहः स्वप्ने बन्धपराजयौ||३३||
उपानद्युगनाशश्च प्रपातः पादचर्मणोः|
हर्षः स्वप्ने प्रकुपितैः पितृभिश्चावभर्त्सनम्||३४||
दन्तचन्द्रार्कनक्षत्रदेवतादीपचक्षुषाम् |
पतनं वा विनाशो वा स्वप्ने भेदो नगस्य वा||३५||
रक्तपुष्पं वनं भूमिं पापकर्मालयं चिताम्|
गुहान्धकारसम्बाधं स्वप्ने यः प्रविशत्यपि||३६||
रक्तमाली हसन्नुच्चैर्दिग्वासा दक्षिणां दिशम्|
दारुणामटवीं स्वप्ने कपियुक्तेन याति वा||३७||
काषायिणामसौम्यानां नग्नानां दण्डधारिणाम्|
कृष्णानां रक्तनेत्राणां स्वप्ने नेच्छन्ति दर्शनम्||३८||
कृष्णा पापा निराचारा दीर्घकेशनखस्तनी|
विरागमाल्यवसना स्वप्ने कालनिशा मता||३९||
इत्येते दारुणाः स्वप्ना रोगी यैर्याति पञ्चताम्|
अरोगः संशयं गत्वा कश्चिदेव प्रमुच्यते||४०||
ক্লেশায মহতেঽপি বেত্যত্রারোগিণাং ক্লেশায মহত ইতি বোদ্ধব্যং, রোগিণাং তু মরণাযৈব; যত উত্তরত্রোপসংহারে ‘ইত্যেতে দারুণাঃ স্বপ্নাঃ’ ইত্যাদৌ যথোক্তমেব বিভাগং করিষ্যতি| বযাংসীতি পক্ষিণঃ| গৃধ্রাদিকাকান্তৈঃ পরিবার্যত ইতি সম্বন্ধঃ| সংসজ্জতীতি সংযুক্তো ভবতি| কিংবা, ‘প্রমুহ্যতি’ ইতি পাঠঃ; তত্র প্রমুহ্যতীতি বংশাদিসঙ্কটে লগ্নঃ সন্ন নির্গমমার্গমাসাদযতি| প্রপতত্যপীতি ভূমাবিত্যাদিনা যোজ্যম্| পাংশূপধানাযামিতি ধূলিসংযুক্তাযাম্| কিংবা, ভূমাবিত্যাদি প্রপততীত্যনেন যোজ্যম্| উপানত্ পাদত্রাণম্| রক্তপুষ্পমিতি বনবিশেষণম্| গুহান্ধকারসম্বাধমিতি গুহান্ধকাররূপং কষ্টকারকম্| দিগ্বাসা নগ্নঃ সন্| কপিযুক্তেন ‘যানেন’ ইতি শেষঃ| কশ্চিদেব প্রমুচ্যত ইতি অরোগান্ প্রতি নৈতত্ স্বপ্নানাং রিষ্টত্বং; তেন, অরোগেষ্বেতেষাং মরণব্যভিচারেণ নৈকান্তত্বেন রিষ্টত্বমিতি বদন্তি||২৭-৪০||
Adhikarana 12 (41-42) · Śloka 42
মনোবহানাং পূর্ণত্বাদ্দোষৈরতিবলৈস্ত্রিভিঃ|
স্রোতসাং দারুণান্ স্বপ্নান্ কালে পশ্যতি দারুণে||৪১||
নাতিপ্রসুপ্তঃ পুরুষঃ সফলানফলাংস্তথা|
ইন্দ্রিযেশেন মনসা স্বপ্নান্ পশ্যত্যনেকধা||৪২||
View original
मनोवहानां पूर्णत्वाद्दोषैरतिबलैस्त्रिभिः|
स्रोतसां दारुणान् स्वप्नान् काले पश्यति दारुणे||४१||
नातिप्रसुप्तः पुरुषः सफलानफलांस्तथा|
इन्द्रियेशेन मनसा स्वप्नान् पश्यत्यनेकधा||४२||
যথৈতত্ স্বপ্নদর্শনং ভবতি তদাহ- মনোবহানামিত্যাদি| মনোবহানি স্রোতাংসি যদ্যপি পৃথঙ্নোক্তানি, তথাঽপি মনসঃ “কেবলং চেতনাবচ্ছরীরমযনভূতং” (বি.অ.৫) ইত্যভিধানাত্ সর্বশরীরস্রোতাংসি গৃহ্যন্তে, বিশেষেণ তু হৃদযাশ্রিতত্বান্মনসস্তদাশ্রিতা দশ ধমন্যো মনোবহা অভিধীযন্তে| ত্রিভিরিতি ত্রিভিরপীত্যর্থঃ; তেন, পৃথগপি দোষৈঃ পূরণং জ্ঞেযম্| নাতিপ্রসুপ্ত ইতি নাতিনিদ্রাভিভূত ইত্যর্থঃ| ইন্দ্রিযেশেনেতি ইন্দ্রিযপ্রেরকেণ||৪১-৪২||
Adhikarana 13 (43) · Śloka 43
দৃষ্টং শ্রুতানুভূতং চ প্রার্থিতং কল্পিতং তথা|
ভাবিকং দোষজং চৈব স্বপ্নং সপ্তবিধং বিদুঃ||৪৩||
View original
दृष्टं श्रुतानुभूतं च प्रार्थितं कल्पितं तथा|
भाविकं दोषजं चैव स्वप्नं सप्तविधं विदुः||४३||
স্বপ্নানাং ফলবত্ত্বমফলবত্ত্বং চোক্তং, তদ্দর্শযিতুং স্বপ্নপ্রকারানাহ- দৃষ্টমিত্যাদি| দৃষ্টমিতি চক্ষুষা| অনুভূতং তু শেষেন্দ্রিযজ্ঞাতম্| কল্পিতমিতি মনসা ভাবিতম্| প্রার্থিতং যাঞ্চাবিষযীকৃতম্| ভাবিকমিতি ভাবিশুভাশুভফলসূচকম্| দোষজমিতি উল্বণবাতাদিদোষজন্যম্||৪৩||
Adhikarana 14 (44-47) · Śloka 47
তত্র পঞ্চবিধং পূর্বমফলং ভিষগাদিশেত্|
দিবাস্বপ্নমতিহ্রস্বমতিদীর্ঘং চ বুদ্ধিমান্||৪৪||
দৃষ্টঃ প্রথমরাত্রে যঃ স্বপ্নঃ সোঽল্পফলো ভবেত্|
ন স্বপেদ্যং পুনর্দৃষ্ট্বা স সদ্যঃ স্যান্মহাফলঃ||৪৫||
অকল্যাণমপি স্বপ্নং দৃষ্ট্বা তত্রৈব যঃ পুনঃ|
পশ্যেত্ সৌম্যং শুভাকারং তস্য বিদ্যাচ্ছুভং ফলম্||৪৬||
তত্র শ্লোকঃ- পূর্বরূপাণ্যথ স্বপ্নান্ য ইমান্ বেত্তি দারুণান্|
ন স মোহাদসাধ্যেষু কর্মাণ্যারভতে ভিষক্||৪৭||
View original
तत्र पञ्चविधं पूर्वमफलं भिषगादिशेत्|
दिवास्वप्नमतिह्रस्वमतिदीर्घं च बुद्धिमान्||४४||
दृष्टः प्रथमरात्रे यः स्वप्नः सोऽल्पफलो भवेत्|
न स्वपेद्यं पुनर्दृष्ट्वा स सद्यः स्यान्महाफलः||४५||
अकल्याणमपि स्वप्नं दृष्ट्वा तत्रैव यः पुनः|
पश्येत् सौम्यं शुभाकारं तस्य विद्याच्छुभं फलम्||४६||
तत्र श्लोकः- पूर्वरूपाण्यथ स्वप्नान् य इमान् वेत्ति दारुणान्|
न स मोहादसाध्येषु कर्माण्यारभते भिषक्||४७||
পূর্বং দৃষ্টাদিকল্পিতান্তং পঞ্চবিধস্বপ্নমফলম্| অফলস্বপ্নান্তরমাহ- দিবাস্বপ্নমিত্যাদি| দিবাদৃষ্টং সর্বং স্বপ্নং, তথা রাত্রিদৃষ্টমপি অতিদীর্ঘমতিহ্রস্বং চ স্বপ্নমফলং বিদ্যাত্, ফলশূন্যত্বাদিতি| পারিশেষ্যাদ্ভাবিকং দোষজন্যং চ সফলম্| তত্র ভাবিকং শুভাশুভরূপতযা শুভাশুভফলপ্রদং, যত্তু দোষজন্যং তদ্দোষপ্রকোপজন্যব্যাধিরূপফলসূচকতযা সফলম্| অত্র চাধ্যাযে যেষামেব স্বপ্নরূপবিশিষ্টরিষ্টসম্ভবস্ত এবোক্তাঃ; তেন গ্রহণ্যাদীনাং কিমিতি স্বপ্নারিষ্টানি, নোক্তানীতি ন বাচ্যং; তত্র বিশিষ্টরিষ্টাসম্ভবাদেবানভিধানং জ্ঞেযম্| ‘দৃষ্টঃ প্রথমযামে যঃ’ ইত্যাদিগ্রন্থং কেচিদত্র পঠন্তি| স ব্যক্তার্থ এব||৪৪-৪৭||
Adhikarana puShpikA · Śloka 5
ইত্যগ্নিবেশকৃতে তন্ত্রে চরকপ্রতিসংস্কৃতে ইন্দ্রিযস্থানে পূর্বরূপীযমিন্দ্রিযং নাম পঞ্চমোঽধ্যাযঃ||৫||
View original
इत्यग्निवेशकृते तन्त्रे चरकप्रतिसंस्कृते इन्द्रियस्थाने पूर्वरूपीयमिन्द्रियं नाम पञ्चमोऽध्यायः||५||
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযামিন্দ্রিযস্থানে পূর্বরূপীযমিন্দ্রিযং নাম পঞ্চমোঽধ্যাযঃ||৫||