Adhikarana 1 (1-2) · Śloka 2
অথাতোঽপস্মারনিদানং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातोऽपस्मारनिदानं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
উন্মাদানন্তরং প্রাগুত্পত্তাবপস্মারোত্পাদাদপস্মারনিদানমুচ্যতে||১-২||
Adhikarana 2 (3) · Śloka 3
ইহ খলু চত্বারোঽপস্মারা ভবন্তি বাতপিত্তকফসন্নিপাতনিমিত্তাঃ||৩||
इह खलु चत्वारोऽपस्मारा भवन्ति वातपित्तकफसन्निपातनिमित्ताः||३||
🔊 Audio coming soon
চত্বার ইতি বচনমাগন্তুসম্বন্ধেঽপ্যপস্মারাণাং চতুষ্কপ্রতিপাদনার্থম্; অপস্মারো হি নোন্মাদবত্ স্বতন্ত্রেণাগন্তুনা ক্রিযতে||৩||
Adhikarana 3 (4) · Śloka 4
ত এবংবিধানাং প্রাণভৃতাং ক্ষিপ্রমভিনির্বর্তন্তে; তদ্যথা- রজস্তমোভ্যামুপহতচেতসামুদ্ভ্রান্তবিষমবহুদোষাণাং সমলবিকৃতোপহিতান্যশুচীন্যভ্যবহারজাতানি বৈষম্যযুক্তেনোপযোগবিধিনোপযুঞ্জানানাং তন্ত্রপ্রযোগমপি চ বিষমমাচরতামন্যাশ্চ শরীরচেষ্টা বিষমাঃ সমাচরতামত্যুপক্ষযাদ্বা দোষাঃ প্রকুপিতা রজস্তমোভ্যামুপহতচেতসামন্তরাত্মনঃ শ্রেষ্ঠতমমাযতনং হৃদযমুপসৃত্যোপরি তিষ্ঠন্তে, তথেন্দ্রিযাযতনানি চ| তত্র চাবস্থিতাঃ সন্তো যদা হৃদযমিন্দ্রিযাযতনানি চেরিতাঃ কামক্রোধভযলোভমোহহর্ষশোকচিন্তোদ্বেগাদিভিঃ সহসাঽভিপূরযন্তি, তদা জন্তুরপস্মরতি||৪||
त एवंविधानां प्राणभृतां क्षिप्रमभिनिर्वर्तन्ते; तद्यथा- रजस्तमोभ्यामुपहतचेतसामुद्भ्रान्तविषमबहुदोषाणां समलविकृतोपहितान्यशुचीन्यभ्यवहारजातानि वैषम्ययुक्तेनोपयोगविधिनोपयुञ्जानानां तन्त्रप्रयोगमपि च विषममाचरतामन्याश्च शरीरचेष्टा विषमाः समाचरतामत्युपक्षयाद्वा दोषाः प्रकुपिता रजस्तमोभ्यामुपहतचेतसामन्तरात्मनः श्रेष्ठतममायतनं हृदयमुपसृत्योपरि तिष्ठन्ते, तथेन्द्रियायतनानि च| तत्र चावस्थिताः सन्तो यदा हृदयमिन्द्रियायतनानि चेरिताः कामक्रोधभयलोभमोहहर्षशोकचिन्तोद्वेगादिभिः सहसाऽभिपूरयन्ति, तदा जन्तुरपस्मरति||४||
🔊 Audio coming soon
উদ্ভ্রান্তবিষমবহুদোষাণামিতি অত্রোদ্ভ্রান্তত্বেনোন্মার্গিত্বং, বিষমত্বেন কদাচিদপস্মারবেগকর্তৃত্বং দর্শ্যতে| সমলেত্যাদি উন্মাদব্যাখ্যানতুল্যম্| অত্যুপক্ষযাদ্বেতি অত্যুপক্ষীণদেহত্বাদিত্যর্থঃ; উন্মাদনিদানেঽপি সমলবিকৃতেত্যাদিগ্রন্থে ‘অত্যুপক্ষীণদেহানাং’ (নি.অ.৭) ইত্যুক্তম্| শ্রেষ্ঠতমাযতনমিতি অনেনান্যোঽপি শরীরদেশোঽন্তরাত্মনঃ স্থানং, হৃদযং তু শ্রেষ্ঠতমং, তত্রৈব চেতনাবিশেষনিবন্ধনাদিতি দর্শযতি| উপসৃত্যেতি ব্যাপ্য| উপরি তিষ্ঠন্তে ইতি হৃদযস্যোপরি ইন্দ্রিযাযতনানি চোপসৃত্য তিষ্ঠন্তে ইতি যোজনা| ‘পর্যবতিষ্ঠন্তে’ ইতি পাঠো ব্যক্ত এব| তত্রাবস্থিতা ইতি হৃদযে ইন্দ্রিযাযতনেষু চ লীনত্বেনাবস্থিতাঃ| তে চ লীনাঃ সন্তঃ কামাদিভিরীরিতাঃ পুনর্হৃদযমিন্দ্রিযাযতনানি চ বিশেষেণ পূরযন্তি যদা, তদা অপস্মরতি অপস্মারবেগযুক্তো ভবতীতি বাক্যার্থঃ||৪||
Adhikarana 4 (5) · Śloka 5
অপস্মারং পুনঃ স্মৃতিবুদ্ধিসত্ত্বসম্প্লবাদ্বীভত্সচেষ্টমাবস্থিকং তমঃ প্রবেশমাচক্ষতে||৫||
अपस्मारं पुनः स्मृतिबुद्धिसत्त्वसम्प्लवाद्बीभत्सचेष्टमावस्थिकं तमः प्रवेशमाचक्षते||५||
🔊 Audio coming soon
অপস্মারপ্রত্যাত্মলক্ষণমাহ- অপস্মারং পুনরিত্যাদি| সম্প্লবাদিতি বিকৃতিগমনাত্| বীভত্সা ফেনবমনাঙ্গভঙ্গাদিরূপা চেষ্টা যস্মিন্ তদ্বীভত্সচেষ্টম্| আবস্থিকং তমঃপ্রবেশমিতি কাদাচিত্কং তমঃপ্রবেশং; তমঃপ্রবেশোঽজ্ঞানসাধর্ম্যাত্, অপস্মারবেগবান্ হি তমঃপ্রবেশে ইব ন কিঞ্চিদ্বুধ্যতে||৫||
Adhikarana 5 (6-7) · Śloka 7
তস্যেমানি পূর্বরূপাণি ভবন্তি; তদ্যথা- ভ্রূব্যুদাসঃ সততমক্ষ্ণোর্বৈকৃতমশব্দশ্রবণং লালাসিঙ্ঘাণপ্রস্রবণমনন্নাভিলষণমরোচকাবিপাকৌ হৃদযগ্রহঃ কুক্ষেরাটোপো দৌর্বল্যমস্থিভেদোঽঙ্গমর্দো মোহস্তমসো দর্শনং মূর্চ্ছা ভ্রমশ্চাভীক্ষ্ণং স্বপ্নে চ মদনর্তনব্যধনব্যথনবেপনপতনাদীনীতি||৬|| ততোঽনন্তরমপস্মারাভিনির্বৃত্তিরেব||৭||
तस्येमानि पूर्वरूपाणि भवन्ति; तद्यथा- भ्रूव्युदासः सततमक्ष्णोर्वैकृतमशब्दश्रवणं लालासिङ्घाणप्रस्रवणमनन्नाभिलषणमरोचकाविपाकौ हृदयग्रहः कुक्षेराटोपो दौर्बल्यमस्थिभेदोऽङ्गमर्दो मोहस्तमसो दर्शनं मूर्च्छा भ्रमश्चाभीक्ष्णं स्वप्ने च मदनर्तनव्यधनव्यथनवेपनपतनादीनीति||६|| ततोऽनन्तरमपस्माराभिनिर्वृत्तिरेव||७||
🔊 Audio coming soon
অশব্দশ্রবণমিতি অবিদ্যমানশব্দশ্রবণশব্দম্| আটোপঃ গুডগুডাশব্দবিশেষো বাতজন্যঃ শ্রূযত ইত্যর্থঃ||৬-৭||
Adhikarana 6 (8) · Śloka 8
তত্রেদমপস্মারবিশেষবিজ্ঞানং ভবতি; তদ্যথা- অভীক্ষ্ণমপস্মরন্তং, ক্ষণেন সঞ্জ্ঞাং প্রতিলভমানম্, উত্পিণ্ডিতাক্ষম্, অসাম্না বিলপন্তম্, উদ্বমন্তং ফেনম্, অতীবাধ্মাতগ্রীবম্, আবিদ্ধশিরস্কং, বিষমবিনতাঙ্গুলিম্, অনবস্থিতপাণিপাদম্, অরুণপরুষশ্যাবনখনযনবদনত্বচম্, অনবস্থিতচপলপরুষরূক্ষরূপদর্শিনং, বাতলানুপশযং, বিপরীতোপশযং চ বাতেনাপস্মরন্তং বিদ্যাত্ (১)||৮|| অভীক্ষ্ণমপস্মরন্তং ক্ষণেন সঞ্জ্ঞাং প্রতিলভমানম্, অবকূজন্তম্, আস্ফালযন্তং ভূমিং, হরিতহারিদ্রতাম্রনখনযনবদনত্বচং, রুধিরোক্ষিতোগ্রভৈরবাদীপ্তরুষিতরূপদর্শিনং, পিত্তলানুপশযং,বিপরীতোপশযং চ পিত্তেনাপস্মরন্তং বিদ্যাত্ (২)||৮|| চিরাদপস্মরন্তং, চিরাচ্চ সঞ্জ্ঞাং প্রতিলভমানং, পতন্তম্, অনতিবিকৃতচেষ্টং, লালামুদ্বমন্তং, শুক্লনখনযনবদনত্বচং, শুক্লগুরুস্নিগ্ধরূপদর্শিনং, শ্লেষ্মলানুপশযং, বিপরীতোপশযং চ শ্লেষ্মণাঽপস্মরন্তং বিদ্যাত্ (৩)||৮|| সমবেতসর্বলিঙ্গমপস্মারং সান্নিপাতিকং বিদ্যাত্, তমসাধ্যমাচক্ষতে (৪)||৮|| ইতি চত্বারোঽপস্মারা ব্যাখ্যাতাঃ||৮||
तत्रेदमपस्मारविशेषविज्ञानं भवति; तद्यथा- अभीक्ष्णमपस्मरन्तं, क्षणेन सञ्ज्ञां प्रतिलभमानम्, उत्पिण्डिताक्षम्, असाम्ना विलपन्तम्, उद्वमन्तं फेनम्, अतीवाध्मातग्रीवम्, आविद्धशिरस्कं, विषमविनताङ्गुलिम्, अनवस्थितपाणिपादम्, अरुणपरुषश्यावनखनयनवदनत्वचम्, अनवस्थितचपलपरुषरूक्षरूपदर्शिनं, वातलानुपशयं, विपरीतोपशयं च वातेनापस्मरन्तं विद्यात् (१)||८|| अभीक्ष्णमपस्मरन्तं क्षणेन सञ्ज्ञां प्रतिलभमानम्, अवकूजन्तम्, आस्फालयन्तं भूमिं, हरितहारिद्रताम्रनखनयनवदनत्वचं, रुधिरोक्षितोग्रभैरवादीप्तरुषितरूपदर्शिनं, पित्तलानुपशयं,विपरीतोपशयं च पित्तेनापस्मरन्तं विद्यात् (२)||८|| चिरादपस्मरन्तं, चिराच्च सञ्ज्ञां प्रतिलभमानं, पतन्तम्, अनतिविकृतचेष्टं, लालामुद्वमन्तं, शुक्लनखनयनवदनत्वचं, शुक्लगुरुस्निग्धरूपदर्शिनं, श्लेष्मलानुपशयं, विपरीतोपशयं च श्लेष्मणाऽपस्मरन्तं विद्यात् (३)||८|| समवेतसर्वलिङ्गमपस्मारं सान्निपातिकं विद्यात्, तमसाध्यमाचक्षते (४)||८|| इति चत्वारोऽपस्मारा व्याख्याताः||८||
🔊 Audio coming soon
তত্রেদমিত্যাদি| বিশেষবিজ্ঞানং বাতাদ্যপস্মারলিঙ্গমিত্যর্থঃ| ক্ষণেন সঞ্জ্ঞাং প্রতিলভমানমিতি বাতাপস্মারে শীঘ্রং প্রবোধো ভবতীতি দর্শযতি| আধ্মাতগ্রীবমিতি পূরিতস্তব্ধগ্রীবম্| আবিদ্ধশিরস্কমিতি বক্রশিরস্কম্| অনবস্থিতচপলরূপদর্শনং পতনকালে জ্ঞেযং, পতিতস্তু ন বুধ্যত এব| এবমন্যত্রাপি রূপদর্শনং বোদ্ধব্যম্| সুশ্রুতেঽপি পতনকাল এব রূপদর্শনমুক্তং; যথা- “যো ব্রূযাদ্বিকৃতং সত্ত্বং কৃষ্ণং মামনুধাবতি| ততো মে চিত্তনাশঃ স্যাত্ সোঽপস্মারোঽনিলাত্মকঃ” (সু.উ.অ.৬১) ইত্যাদি| পিত্তাপস্মারে যদ্যপি বিশেষলক্ষণে ক্ষণেন সঞ্জ্ঞাং প্রতিলভমানমিত্যুক্তং, তথাঽপি বাতিকাপেক্ষযা কালপ্রকর্ষোঽত্র জ্ঞেযঃ; পিত্তাদপি হি বাযুঃ শীঘ্রকারী ভবতি| উগ্রং হিংসকমিব, ভৈরবং তু অহিংসকমপি ভযজনকং শ্মশানাদি, আদীপ্তং জ্বলিতম্| চিরাদপস্মরন্তমিতি ভূযসা কালেনাপস্মারবেগবন্তম্||৮||
Adhikarana 7 (9) · Śloka 9
তেষামাগন্তুরনুবন্ধো ভবত্যেব কদাচিত্, তমুত্তরকালমুপদেক্ষ্যামঃ| তস্য বিশেষবিজ্ঞানং যথোক্তলিঙ্গৈর্লিঙ্গাধিক্যমদোষলিঙ্গানুরূপং চ কিঞ্চিত্||৯||
तेषामागन्तुरनुबन्धो भवत्येव कदाचित्, तमुत्तरकालमुपदेक्ष्यामः| तस्य विशेषविज्ञानं यथोक्तलिङ्गैर्लिङ्गाधिक्यमदोषलिङ्गानुरूपं च किञ्चित्||९||
🔊 Audio coming soon
ভবত্যেবেত্যত্র এবকারোঽত্যন্তাযোগব্যবচ্ছেদে; যথা- নীলং সরোজং ভবত্যেব, ন চ ন ভবতি| কদাচিদিতি পদং ত্বত্যন্তাযোগব্যবচ্ছেদার্থতামেব দ্যোতযতি| এতেন, সর্বাপস্মারে ভূতসম্বন্ধো ভবতি, ন চ স্বতন্ত্রোঽপস্মারো ভৌতিকো ভবতীতি দর্শযতি| উত্তরকালমিতি চিকিত্সিতে, যদ্যপি চাপস্মারচিকিত্সিতেঽপি প্রপঞ্চো ন বক্তব্যঃ, তথাঽপি তত্রোন্মাদবিধ্যতিদেশাদুন্মাদোক্তবিস্তার এবেতি কৃত্বা ইহোক্তং- ‘তমুত্তরকালমুপদেক্ষ্যামঃ’ ইতি; উক্তং হি- “যস্যানুবন্ধং ত্বাগন্তুং দোষলিঙ্গাধিকাকৃতিম্| পশ্যেত্তস্য ভিষক্কুর্যাদাগন্তূন্মাদভেষজম্” (চি.অ.১০) ইতি| যথোক্তলিঙ্গৈরিতি পঞ্চমীস্থানে তৃতীযা, তেন যথোক্তাপস্মারলিঙ্গেভ্যো লিঙ্গাধিক্যং লিঙ্গাতিরিক্তত্বং; তচ্চাদোষলিঙ্গানুরূপং দোষলিঙ্গাসদৃশমিত্যর্থঃ| কিঞ্চিদিতি ন সর্বং, কিন্তু স্তোকং দোষলিঙ্গবিলক্ষণং লিঙ্গমাগন্ত্বনুবন্ধে ভবতি| এতেন চ স্বাতন্ত্র্যেণাগন্ত্বপস্মারসম্ভবো ন ভবতীতি দর্শযতি; যদি হি স্বতন্ত্র এবাগন্তুঃ স্যাত্তদা ন স্তোকমাগন্তুলিঙ্গং স্যাত্, কিন্তু সর্বমেব||৯||
Adhikarana 8 (10) · Śloka 10
হিতান্যপস্মারিভ্যস্তীক্ষ্ণানি সংশোধনান্যুপশমনানি চ যথাস্বং, মন্ত্রাদীনি চাগন্তুসংযোগে||১০||
हितान्यपस्मारिभ्यस्तीक्ष्णानि संशोधनान्युपशमनानि च यथास्वं, मन्त्रादीनि चागन्तुसंयोगे||१०||
🔊 Audio coming soon
হিতানীত্যাদিনা চিকিত্সাসূত্রমাহ| উপশমনানি চ হিতানীতি যোজনা||১০||
Adhikarana 9 (11-14) · Śloka 14
তস্মিন্ হি দক্ষাধ্বরধ্বংসে দেহিনাং নানাদিক্ষু বিদ্রবতামভিদ্রবণতরণধাবনপ্লবনলঙ্ঘনাদ্যৈর্দেহবিক্ষোভণৈঃ পুরা গুল্মোত্পত্তিরভূত্, হবিষ্প্রাশাত্ প্রমেহকুষ্ঠানাং, ভযত্রাসশোকৈরুন্মাদানাং, বিবিধভূতাশুচিসংস্পর্শাদপস্মারাণাং, জ্বরস্তু খলু মহেশ্বরললাটপ্রভবঃ , তত্সন্তাপাদ্রক্তপিত্তম্, অতিব্যবাযাত্ পুনর্নক্ষত্ররাজস্য রাজযক্ষ্মেতি||১১|| ভবন্তি চাত্র- অপস্মারো হি বাতেন পিত্তেন চ কফেন চ| চতুর্থঃ সন্নিপাতেন প্রত্যাখ্যেযস্তথাবিধঃ||১২|| সাধ্যাংস্তু ভিষজঃ প্রাজ্ঞাঃ সাধযন্তি সমাহিতাঃ| তীক্ষ্ণৈঃ সংশোধনৈশ্চৈব যথাস্বং শমনৈরপি||১৩|| যদা দোষনিমিত্তস্য ভবত্যাগন্তুরন্বযঃ| তদা সাধারণং কর্ম প্রবদন্তি ভিষগ্বিদঃ||১৪||
तस्मिन् हि दक्षाध्वरध्वंसे देहिनां नानादिक्षु विद्रवतामभिद्रवणतरणधावनप्लवनलङ्घनाद्यैर्देहविक्षोभणैः पुरा गुल्मोत्पत्तिरभूत्, हविष्प्राशात् प्रमेहकुष्ठानां, भयत्रासशोकैरुन्मादानां, विविधभूताशुचिसंस्पर्शादपस्माराणां, ज्वरस्तु खलु महेश्वरललाटप्रभवः , तत्सन्तापाद्रक्तपित्तम्, अतिव्यवायात् पुनर्नक्षत्रराजस्य राजयक्ष्मेति||११|| भवन्ति चात्र- अपस्मारो हि वातेन पित्तेन च कफेन च| चतुर्थः सन्निपातेन प्रत्याख्येयस्तथाविधः||१२|| साध्यांस्तु भिषजः प्राज्ञाः साधयन्ति समाहिताः| तीक्ष्णैः संशोधनैश्चैव यथास्वं शमनैरपि||१३|| यदा दोषनिमित्तस्य भवत्यागन्तुरन्वयः| तदा साधारणं कर्म प्रवदन्ति भिषग्विदः||१४||
🔊 Audio coming soon
সম্প্রত্যুক্তানাং গদানামুত্পত্তিমাহ- তস্মিন্নিত্যাদি| যদ্যপি চ জ্বর এব তত্র প্রথম উত্পন্নস্তথাঽপ্যসৌ পৃথগেব রুদ্রক্রোধরূপ উত্পন্ন ইতি কৃত্বা পশ্চাদুচ্যতে, গুল্মাদযস্তু যজ্ঞধ্বংসানন্তরকালভূতা একসামগ্রীজাতত্বেন প্রথমমুচ্যন্তে; জ্বরস্য তু সর্বপ্রথমোত্পত্তির্জ্বরনিদান এবোক্তেতি ভাবঃ| পুরা ইতি আদ্যুত্পত্তৌ| ললাটপ্রভব ইতি ললাটভবক্রোধাগ্নিপ্রভব ইত্যর্থঃ| অন্বযঃ অনুবন্ধঃ| সাধারণমিতি দোষপ্রত্যনীকং বমনাদি, দেবাদিপ্রত্যনীকং চ বলিমঙ্গলাদি||১১-১৪||
Adhikarana 10 (15) · Śloka 15
সর্বরোগবিশেষজ্ঞঃ সর্বৌষধবিশারদঃ| ভিষক্ সর্বামযান্ হন্তি ন চ মোহং নিগচ্ছতি ||১৫||
सर्वरोगविशेषज्ञः सर्वौषधविशारदः| भिषक् सर्वामयान् हन्ति न च मोहं निगच्छति ||१५||
🔊 Audio coming soon
নিদানস্থানোক্তসর্বরোগজ্ঞানফলমাহ- সর্বেত্যাদি| ন চ মোহং নিগচ্ছতীতি নিদানস্থানাদ্যনুক্তেঽপি প্রমেযে সূক্ষ্মেঽপি বহুদৃষ্টত্বেন ন মোহং গচ্ছতি, কিন্ন্তু তদপ্যূহ্যত ইত্যর্থঃ||১৫||
Adhikarana 11 (16) · Śloka 16
ইত্যেতদখিলেনোক্তং নিদানস্থানমুত্তমম্|১৬|
इत्येतदखिलेनोक्तं निदानस्थानमुत्तमम्|१६|
🔊 Audio coming soon
অখিলেনেতি যাবন্নিদানস্থানতযা ব্যাধ্যষ্টকং প্রতিজ্ঞাতং তাবদখিলেনোক্তম্| তেন চিকিত্সাস্থানবক্তব্যনিদানাভিধানান্ন ন্যূনত্বং; যচ্চ জ্বরাদিনিদানমপি পুনর্বক্তব্যং তদস্যৈব প্রপঞ্চ ইতি ভাবঃ|১৬|-
Adhikarana 12 (16-19) · Śloka 19
নিদানার্থকরো রোগো রোগস্যাপ্যুপলভ্যতে||১৬|| তদ্যথা- জ্বরসন্তাপাদ্রক্তপিত্তমুদীর্যতে| রক্তপিত্তাজ্জ্বরস্তাভ্যাং শোষশ্চাপ্যুপজাযতে ||১৭|| প্লীহাভিবৃদ্ধ্যা জঠরং জঠরাচ্ছোথ এব চ| অর্শোভ্যো জঠরং দুঃখং গুল্মশ্চাপ্যুপজাযতে||১৮|| প্রতিশ্যাযাদ্ভবেত্ কাসঃ কাসাত্ সঞ্জাযতে ক্ষযঃ| ক্ষযো রোগস্য হেতুত্বে শোষস্যাপ্যুপলভ্যতে||১৯||
निदानार्थकरो रोगो रोगस्याप्युपलभ्यते||१६|| तद्यथा- ज्वरसन्तापाद्रक्तपित्तमुदीर्यते| रक्तपित्ताज्ज्वरस्ताभ्यां शोषश्चाप्युपजायते ||१७|| प्लीहाभिवृद्ध्या जठरं जठराच्छोथ एव च| अर्शोभ्यो जठरं दुःखं गुल्मश्चाप्युपजायते||१८|| प्रतिश्यायाद्भवेत् कासः कासात् सञ्जायते क्षयः| क्षयो रोगस्य हेतुत्वे शोषस्याप्युपलभ्यते||१९||
🔊 Audio coming soon
সম্প্রতি নিদানপ্রকরণাদ্রোগাণামপি কেষাঞ্চিদ্ব্যাধিং প্রতি কারণত্বং যত্ সম্ভবতি, তদ্বক্তুমাহ- নিদানার্থেত্যাদি| নিদানস্যার্থঃ প্রযোজনং ব্যাধিজননং, তত্ করোতীতি নিদানার্থকরঃ; ব্যাধিজনক ইত্যর্থঃ| নিদানরূপ ইতি বক্তব্যে যন্নিদানার্থকর ইতি ব্রূতে, তেন ব্যাধিনা ব্যাধ্যন্তে ক্রিযমাণেঽপি মূলভূতব্যাধিজনক এব হেতুর্ব্যাধিজন্যেঽপি ব্যাধৌ মূলব্যাধিজননাবান্তরব্যাপারো নিদানমিতি দর্শযতি| তেন, রোগজন্যেঽপি রোগে মূলভূতাসাত্ম্যেন্দ্রিযার্থাদি কারণত্রযমেব কারণং ভবতীতি ন চতুর্থকারণান্তরাপত্তিরিত্যতিপ্রসঙ্গো বাচ্যঃ; জ্বরকারণান্যেব হি উষ্ণাদীন্যতিমাত্রাণি জ্বরমভিনির্বর্ত্য রক্তপিত্তমপি কারণান্তরবর্ধিতশক্তীনি জনযন্তীত্যাদ্যনুসরণীযম্| গুল্মশ্চাপ্যুপজাযতে ইতি অর্শোভ্য এব| কাসাত্ সঞ্জাযতে ক্ষয ইতি কাসাদ্ধাতুক্ষযো জাযতে, স চ ধাতুক্ষযো রোগস্য শোষাভিধানস্য হেতুরুপলভ্যত ইতি যোজনা||১৬-১৯||
Adhikarana 13 (20) · Śloka 20
তে পূর্বং কেবলা রোগাঃ পশ্চাদ্ধেত্বর্থকারিণঃ| উভযার্থকরা দৃষ্টাস্তথৈবৈকার্থকারিণঃ ||২০||
ते पूर्वं केवला रोगाः पश्चाद्धेत्वर्थकारिणः| उभयार्थकरा दृष्टास्तथैवैकार्थकारिणः ||२०||
🔊 Audio coming soon
ননু যত্র রোগস্য কারণং রোগো ভবতি, তত্র কিং কারণভূতরোগোঽপ্রধানমেবেত্যাশঙ্ক্যাহ- তে পূর্বমিত্যাদি|- তে জ্বরাদযো রক্তপিত্তাদ্যুত্পাদাত্ পূর্বং কেবলাঃ সন্তো রোগা এব রুজাকর্তৃত্বেন স্বযমেব প্রধানা ইতি; পশ্চাদ্ধেত্বর্থকারিণ ইতি পশ্চাদ্রক্তপিত্তাদ্যুত্পাদকা ভবন্তীত্যর্থঃ| অথৈবমপি রক্তপিত্তাদিকং জনযিত্বা জ্বরাদযো হেতুবদরোগরূপা ভবন্তি ন বেত্যাহ- উভযেত্যাদি| উভযার্থকরা ইতি হেত্বর্থং রক্তপিত্তাদিজননরূপং, রোগার্থং চ পীডালক্ষণং কুর্বন্তি; ন ব্যাধ্যন্তরজননমাত্রং কৃত্বা নিবর্তন্ত ইত্যর্থঃ| প্রকারান্তরমাহ- তথৈবৈকার্থকারিণ ইতি| একস্যৈব হেতোরর্থং কুর্বন্তীতি একার্থকারিণঃ||২০||
Adhikarana 14 (21) · Śloka 21
কশ্চিদ্ধি রোগো রোগস্য হেতুর্ভূত্বা প্রশাম্যতি| ন প্রশাম্যতি চাপ্যন্যো হেত্বর্থং কুরুতেঽপি চ||২১||
कश्चिद्धि रोगो रोगस्य हेतुर्भूत्वा प्रशाम्यति| न प्रशाम्यति चाप्यन्यो हेत्वर्थं कुरुतेऽपि च||२१||
🔊 Audio coming soon
এতদেব পক্ষদ্বযং প্রাতিলোম্যেন বিবৃণোতি- কশ্চিদ্ধীত্যাদি| অত্র যো হেত্বর্থং ব্যাধিজননং কৃত্বা প্রশাম্যতি, স একার্থকারী; যস্তু হেত্বর্থং ব্যাধ্যন্তরজননং কৃত্বা স্বযমপ্যনুবর্ততে, স উভযার্থকারী; যদা কাসং সমারভ্যাপি স্বযমনুবর্ততে, তদা প্রতিশ্যাযঃ স্বযং চ রুজাকর্তৃত্বেন রোগার্থকরঃ, কাসজনকত্বেন হেত্বর্থকরশ্চ ভবতি; যদা তু কাসং জনযিত্বা স্বযং নিবর্ততে, তদা কাসকালে নিবৃত্তত্বাত্ হেত্বর্থমাত্রং করোতীত্যুদাহার্যম্||২১||
Adhikarana 15 (22) · Śloka 22
এবং কৃচ্ছ্রতমা নৄণাং দৃশ্যন্তে ব্যাধিসঙ্করাঃ| প্রযোগাপরিশুদ্ধত্বাত্তথা চান্যোন্যসম্ভবাত্||২২||
एवं कृच्छ्रतमा नॄणां दृश्यन्ते व्याधिसङ्कराः| प्रयोगापरिशुद्धत्वात्तथा चान्योन्यसम्भवात्||२२||
🔊 Audio coming soon
ব্যাধিসঙ্করা ব্যাধিমেলকাঃ| কুতঃ পুনরেবং ভবতীত্যাহ- প্রযোগেত্যাদি|- প্রযোগাপরিশুদ্ধত্বং যথা- আমাতীসারে স্তম্ভনং কৃতং দোষং সংস্তভ্য শূলানাহাধ্মানাদি জনযতি| হেত্বন্তরমাহ- অন্যোন্যসম্ভবাদিতি; পরস্পরকারণরূপত্বাদিত্যর্থঃ| প্রতিশ্যাযো হি স্বরূপেণৈব কাসস্য কারণং, স চ রাজযক্ষ্মণ ইত্যাদি||২২||
Adhikarana 16 (23) · Śloka 23
প্রযোগঃ শমযেদ্ব্যাধিং যোঽন্যমন্যমুদীরযেত্| নাসৌ বিশুদ্ধঃ, শুদ্ধস্তু শমযেদ্যো ন কোপযেত্||২৩||
प्रयोगः शमयेद्व्याधिं योऽन्यमन्यमुदीरयेत्| नासौ विशुद्धः, शुद्धस्तु शमयेद्यो न कोपयेत्||२३||
🔊 Audio coming soon
প্রযোগাপরিশুদ্ধিং বিবৃণোতি- প্রযোগ ইত্যাদি| ন কোপযেদিতি ব্যাধ্যন্তরং ন কুর্যাদিত্যর্থঃ| অন্যোন্যসম্ভবশ্চ জ্বরসন্তাপাদ্রক্তপিত্তমুদীর্যত ইত্যাদিনৈবোক্ত ইতি ন পুনর্বিব্রিযতে||২৩||
Adhikarana 17 (24-26) · Śloka 26
একো হেতুরনেকস্য তথৈকস্যৈক এব হি| ব্যাধেরেকস্য চানেকো বহূনাং বহবোঽপি চ||২৪|| জ্বরভ্রমপ্রলাপাদ্যা দৃশ্যন্তে রূক্ষহেতুজাঃ| রূক্ষেণৈকেন চাপ্যেকো জ্বর এবোপজাযতে||২৫|| হেতুভির্বহুভিশ্চৈকো জ্বরো রূক্ষাদিভির্ভবেত্| রূক্ষাদিভির্জ্বরাদ্যাশ্চ ব্যাধযঃ সম্ভবন্তি হি||২৬||
एको हेतुरनेकस्य तथैकस्यैक एव हि| व्याधेरेकस्य चानेको बहूनां बहवोऽपि च||२४|| ज्वरभ्रमप्रलापाद्या दृश्यन्ते रूक्षहेतुजाः| रूक्षेणैकेन चाप्येको ज्वर एवोपजायते||२५|| हेतुभिर्बहुभिश्चैको ज्वरो रूक्षादिभिर्भवेत्| रूक्षादिभिर्ज्वराद्याश्च व्याधयः सम्भवन्ति हि||२६||
🔊 Audio coming soon
হেতুপ্রকরণাদ্ধেতুধর্মান্তরমাহ- একো হেতুরিত্যাদি| এতত্পক্ষচতুষ্টযোদাহরণান্যাহ- জ্বরেত্যাদি| যদ্যপি রূক্ষং বহূনাং কারণং, তথাঽপি দেশকালাদিবশাত্ কদাচিদেকস্যৈব জ্বরস্য কারণং ভবতীতি জ্ঞেযম্| রূক্ষাদিভিরিতি রূক্ষোষ্ণলবণাদিভিঃ | জ্বরাদ্যা ইতি জ্বররক্তপিত্তগুল্মাদ্যাঃ||২৪-২৬||
Adhikarana 18 (27-29) · Śloka 29
লিঙ্গং চৈকমনেকস্য তথৈবৈকস্য লক্ষ্যতে| বহূন্যেকস্য চ ব্যাধের্বহূনাং স্যুর্বহূনি চ||২৭|| বিষমারম্ভমূলানাং লিঙ্গমেকং জ্বরো মতঃ| জ্বরস্যৈকস্য চাপ্যেকঃ সন্তাপো লিঙ্গমুচ্যতে||২৮|| বিষমারম্ভমূলৈশ্চ জ্বর একো নিরুচ্যতে| লিঙ্গৈরেতৈর্জ্বরশ্বাসহিক্কাদ্যাঃ সন্তি চামযাঃ||২৯||
लिङ्गं चैकमनेकस्य तथैवैकस्य लक्ष्यते| बहून्येकस्य च व्याधेर्बहूनां स्युर्बहूनि च||२७|| विषमारम्भमूलानां लिङ्गमेकं ज्वरो मतः| ज्वरस्यैकस्य चाप्येकः सन्तापो लिङ्गमुच्यते||२८|| विषमारम्भमूलैश्च ज्वर एको निरुच्यते| लिङ्गैरेतैर्ज्वरश्वासहिक्काद्याः सन्ति चामयाः||२९||
🔊 Audio coming soon
লিঙ্গস্যাপি হেতোরিব চাতুর্বিধ্যমাহ- লিঙ্গমিত্যাদি| তথৈবৈকস্য লক্ষ্যত ইতি একং লিঙ্গমিতি সম্বন্ধঃ| বিষমারম্ভমূলানামিতি বিষমারম্ভপ্রথমানাং; বিষমারম্ভবিসর্গিত্বমূষ্মণো বৈষম্যমিত্যাদ্যুক্তজ্বরলিঙ্গানামিত্যর্থঃ| জ্বরং হ্যেকং (সন্তাপাত্মকং ) দৃষ্ট্বা বিষমারম্ভবিসর্গিত্বাদযোঽস্য ভূতা ভবিষ্যন্তি বর্তন্ত ইতি বা লিঙ্গ্যতে| জ্বর একো নিরুচ্যত ইতি জ্ঞাযত ইত্যর্থঃ| লিঙ্গৈরেতৈরিত্যাদি| এতৈর্বিষমারম্ভবিসর্গিত্বাদ্যৈর্জ্বরাদযঃ সন্তি ‘যুক্তা’ ইতি শেষঃ| বিষমারম্ভাদযো হি বাতজ্বরে তথা বাতশ্বাসে বাতহিক্কাযাং বা যথাসম্ভবং দৃশ্যন্ত এব||২৭-২৯||
Adhikarana 19 (30-32) · Śloka 32
একা শান্তিরনেকস্য তথৈবৈকস্য লক্ষ্যতে| ব্যাধেরেকস্য চানেকা বহূনাং বহ্ব্য এব চ||৩০|| শান্তিরামাশযোত্থানাং ব্যাধীনাং লঙ্ঘনক্রিযা| জ্বরস্যৈকস্য চাপ্যেকা শান্তির্লঙ্ঘনমুচ্যতে||৩১|| তথা লঘ্বশনাদ্যাশ্চ জ্বরস্যৈকস্য শান্তযঃ| এতাশ্চৈব জ্বরশ্বাসহিক্কাদীনাং প্রশান্তযঃ||৩২||
एका शान्तिरनेकस्य तथैवैकस्य लक्ष्यते| व्याधेरेकस्य चानेका बहूनां बह्व्य एव च||३०|| शान्तिरामाशयोत्थानां व्याधीनां लङ्घनक्रिया| ज्वरस्यैकस्य चाप्येका शान्तिर्लङ्घनमुच्यते||३१|| तथा लघ्वशनाद्याश्च ज्वरस्यैकस्य शान्तयः| एताश्चैव ज्वरश्वासहिक्कादीनां प्रशान्तयः||३२||
🔊 Audio coming soon
এতচ্চাতুর্বিধ্যং চিকিত্সাযামপি ব্রূতে- একেত্যাদি||৩০-৩২||
Adhikarana 20 (33-35) · Śloka 35
সুখসাধ্যঃ সুখোপাযঃ কালেনাল্পেন সাধ্যতে| সাধ্যতে কৃচ্ছ্রসাধ্যস্তু যত্নেন মহতা চিরাত্||৩৩|| যাতি নাশেষতাং ব্যাধিরসাধ্যো যাপ্যসঞ্জ্ঞিতঃ| পরোঽসাধ্যঃ ক্রিযাঃ সর্বাঃ প্রত্যাখ্যেযোঽতিবর্ততে||৩৪|| নাসাধ্যঃ সাধ্যতাং যাতি সাধ্যো যাতি ত্বসাধ্যতাম্| পাদাপচারাদ্দৈবাদ্বা যান্তি ভাবান্তরং গদাঃ||৩৫||
सुखसाध्यः सुखोपायः कालेनाल्पेन साध्यते| साध्यते कृच्छ्रसाध्यस्तु यत्नेन महता चिरात्||३३|| याति नाशेषतां व्याधिरसाध्यो याप्यसञ्ज्ञितः| परोऽसाध्यः क्रियाः सर्वाः प्रत्याख्येयोऽतिवर्तते||३४|| नासाध्यः साध्यतां याति साध्यो याति त्वसाध्यताम्| पादापचाराद्दैवाद्वा यान्ति भावान्तरं गदाः||३५||
🔊 Audio coming soon
চিকিত্সাভিধানপ্রসঙ্গেন চিকিত্সাপ্রবৃত্তিবিষযং সাধ্যভেদং তথা চিকিত্সানিবৃত্তিবিষযং চাসাধ্যভেদমাহ- সুখেত্যাদি|- সুখোপায ইতি সুখলভ্যবৈদ্যাদ্যুপাযঃ ; কিংবা, সুখোপাযঃ সন্ সাধ্যতে অল্পেনৈব যত্নেন সাধ্যত ইত্যর্থঃ| যাতি নাশেষতামিতি ন সর্বথা নিবর্ততে| পরোঽসাধ্য ইতি যাপ্যাপেক্ষযা উত্কৃষ্টোঽসাধ্যঃ| অস্যৈব বিবরণং- প্রত্যাখ্যেয ইতি| ক্রিযাঃ চিকিত্সাঃ| ভাবান্তরমিতি সুখসাধ্যঃ কৃচ্ছ্রসাধ্যো ভবতি, কৃচ্ছ্রশ্চ যাপ্যঃ, যাপ্যশ্চ প্রত্যাখ্যেয ইতি||৩৩-৩৫||
Adhikarana 21 (36-37) · Śloka 37
বৃদ্ধিস্থানক্ষযাবস্থাং রোগাণামুপলক্ষযেত্ | সুসূক্ষ্মামপি চ প্রাজ্ঞো দেহাগ্নিবলচেতসাম্||৩৬|| ব্যাধ্যবস্থাবিশেষান্ হি জ্ঞাত্বা জ্ঞাত্বা বিচক্ষণঃ| তস্যাং তস্যামবস্থাযাং চতুঃশ্রেযঃ প্রপদ্যতে||৩৭||
वृद्धिस्थानक्षयावस्थां रोगाणामुपलक्षयेत् | सुसूक्ष्मामपि च प्राज्ञो देहाग्निबलचेतसाम्||३६|| व्याध्यवस्थाविशेषान् हि ज्ञात्वा ज्ञात्वा विचक्षणः| तस्यां तस्यामवस्थायां चतुःश्रेयः प्रपद्यते||३७||
🔊 Audio coming soon
ব্যাধেঃ সুখসাধ্যত্বাভিধানপ্রসঙ্গেন বৃদ্ধ্যাদ্যবস্থান্তরমাহ- বৃদ্ধীত্যাদি| ন কেবলং রোগাণাং কিন্তু দেহাগ্নিবলচেতসামপিবৃদ্ধিস্থানক্ষযাবস্থামুপলক্ষযেদিতি যোজনা| এতদ্ব্যাধ্যবস্থাজ্ঞানপ্রযোজনমাহ- ব্যাধ্যবস্থেত্যাদি| চতুঃশ্রেয ইতি চতুশ্রেযঃকারকং চিকিত্সিতং, প্রপদ্যতে বুধ্যত ইত্যর্থঃ||৩৬-৩৭||
Adhikarana 22 (38-39) · Śloka 39
প্রাযস্তির্যগ্গতা দোষাঃ ক্লেশযন্ত্যাতুরাংশ্চিরম্| তেষু ন ত্বরযা কুর্যাদ্দেহাগ্নিবলবিত্ ক্রিযাম্||৩৮|| প্রযোগৈঃ ক্ষপযেদ্বা তান্ সুখং বা কোষ্ঠমানযেত্| জ্ঞাত্বা কোষ্ঠপ্রপন্নাংস্তান্ যথাসন্নং হরেদ্বুধঃ||৩৯||
प्रायस्तिर्यग्गता दोषाः क्लेशयन्त्यातुरांश्चिरम्| तेषु न त्वरया कुर्याद्देहाग्निबलवित् क्रियाम्||३८|| प्रयोगैः क्षपयेद्वा तान् सुखं वा कोष्ठमानयेत्| ज्ञात्वा कोष्ठप्रपन्नांस्तान् यथासन्नं हरेद्बुधः||३९||
🔊 Audio coming soon
ব্যাধিপ্রকারানভিধায চিকিত্সোপযুক্তান্ দোষপ্রকারানাহ- প্রায ইত্যাদি| তির্যগ্গতাশ্চ দোষা উন্মার্গগতত্বেন ন সম্যক্ শীঘ্রং বা ভেষজেন যোজযিতুং পার্যন্তে, তেন চিরং ক্লেশযন্তীতি যুক্তম্| দেহাগ্নিবলবিদিত্যনেন তির্যগ্গতদোষে ত্বরযা ভূরি ভেষজপ্রযোগেণ ক্রিযমাণা চিকিত্সা দেহমগ্নিবলং চ হন্তীতি সূচযতি| প্রযোগৈরিতি অল্পমাত্রদীর্ঘকালপ্রযোগৈঃ| সুখং বেতি সুখং যথা ভবতি তথা আসন্নং হরেদিত্যর্থঃ; যচ্ছোধনং বমনাদি যত্রামাশযাদিগতে দোষে আসন্নং হরণযোগ্যতযা ভবতি, তেন হরেদিত্যর্থঃ||৩৮-৩৯||
Adhikarana 23 (40) · Śloka 40
জ্ঞানার্থং যানি চোক্তানি ব্যাধিলিঙ্গানি সঙ্গ্রহে| ব্যাধযস্তে তদাত্বে তু লিঙ্গানীষ্টানি নামযাঃ||৪০||
ज्ञानार्थं यानि चोक्तानि व्याधिलिङ्गानि सङ्ग्रहे| व्याधयस्ते तदात्वे तु लिङ्गानीष्टानि नामयाः||४०||
🔊 Audio coming soon
সম্প্রতি নিদানে লিঙ্গত্বেনোক্তানাং ব্যাধীনাং পৃথগ্ব্যাধিত্বমপি ভবতীত্যাহ- জ্ঞানার্থমিত্যাদি| সঙ্গ্রহ ইতি ব্যাধিনিদানাদিসঙ্গ্রহে| যে নিদানস্থানে জ্ঞানার্থং প্রধানভূতজ্বরাদিজ্ঞানার্থং ব্যাধযঃ সন্তি, তেঽবিপাকারুচ্যাদযঃ স্বাতন্ত্র্যেণোত্পদ্যমানা ব্যাধয এব ব্যাধিত্বেনৈব ব্যপদেষ্টব্যা ইত্যর্থঃ| তদাত্বে তু লিঙ্গানীতি যদা জ্বরাদিপরতন্ত্রা জাযন্তেঽরুচ্যাদযঃ, তদা পারতন্ত্র্যাল্লিঙ্গান্যেব তে, নামযাঃ; আমযো হি স্বতন্ত্রঃ স্বচিকিত্সাপ্রশমনীযো ভবতীত্যাযুর্বেদস্থিতিঃ, জ্বরলিঙ্গরূপাস্ত্বরুচ্যাদযো জ্বরচিকিত্সাপ্রশমনীযা এবেতি ভাবঃ||৪০||
Adhikarana 24 (41) · Śloka 41
বিকারঃ প্রকৃতিশ্চৈব দ্বযং সর্বং সমাসতঃ| তদ্ধেতুবশগং হেতোরভাবান্নানুবর্ততে||৪১||
विकारः प्रकृतिश्चैव द्वयं सर्वं समासतः| तद्धेतुवशगं हेतोरभावान्नानुवर्तते||४१||
🔊 Audio coming soon
সম্প্রতি নিদানাধিকৃতস্য হেতোর্বিভবমাহ- বিকার ইত্যাদি| বিকারঃ বৈষম্যম্| প্রকৃতিঃ সাম্যম্| সর্বমিতি অনেন শারীরং তথাঽঽধ্যাত্মিকং চোপসঙ্গৃহ্ণাতি| হেতুবশগমিতি হেত্বধীনোত্পাদম্| এতেন, আরোগ্যরূপপ্রকৃত্যর্থিনা সাম্যহেতুঃ সেবনীযঃ, তথা বিকাররূপরোগপরিহারার্থিনা চ বিকারহেতুর্বর্জনীযঃ| ন চ বাচ্যং- যদ্- দধ্যাদিশোথজননহেতোরুপরমেঽপি তজ্জনিতশোথানুবৃত্তিদর্শনান্মৃষৈতদ্বচনং- ‘হেতোরভাবান্নানুবর্ততে’ ইতি, যত উপরতেঽপি দধ্যাদৌ দধ্যাদিজনিতো দোষসন্তানঃ শোথাদিজনকস্তত্রানুবর্তত এব||৪১||
Adhikarana 25 (42-44) · Śloka 44
তত্র শ্লোকাঃ- হেতবঃ পূর্বরূপাণি রূপাণ্যুপশযস্তথা| সম্প্রাপ্তিঃ পূর্বমুত্পত্তিঃ সূত্রমাত্রং চিকিত্সিতাত্||৪২|| জ্বরাদীনাং বিকারাণামষ্টানাং সাধ্যতা ন চ| পৃথগেকৈকশশ্চোক্তা হেতুলিঙ্গোপশান্তযঃ||৪৩|| হেতুপর্যাযনামানি ব্যাধীনাং লক্ষণস্য চ| নিদানস্থানমেতাবত্ সঙ্গ্রহেণোপদিশ্যতে||৪৪||
तत्र श्लोकाः- हेतवः पूर्वरूपाणि रूपाण्युपशयस्तथा| सम्प्राप्तिः पूर्वमुत्पत्तिः सूत्रमात्रं चिकित्सितात्||४२|| ज्वरादीनां विकाराणामष्टानां साध्यता न च| पृथगेकैकशश्चोक्ता हेतुलिङ्गोपशान्तयः||४३|| हेतुपर्यायनामानि व्याधीनां लक्षणस्य च| निदानस्थानमेतावत् सङ्ग्रहेणोपदिश्यते||४४||
🔊 Audio coming soon
সঙ্গ্রহে ‘সূত্রমাত্রং চিকিত্সিতাত্’ ইত্যন্তেনাপস্মারাধ্যাযার্থসঙ্গ্রহ উক্ত ইতি বোদ্ধব্যম্| ‘জ্বরাদীনাং’ ইত্যাদিগ্রন্থেন তু নিদানস্থানোক্তার্থসঙ্গ্রহং করোতি| যদ্যপি জ্বরস্য জ্বরনিদানেঽসাধ্যতা নোক্তা, তথাঽপি ‘অষ্টানাং’ ইতিপদং ‘ছত্রিণো গচ্ছন্তি’ ইতি ন্যাযেন বোদ্ধব্যম্| কিংবা, অষ্টানাং হেতুলিঙ্গোপশান্তয ইতি যোজনীযম্; অসাধ্যতা যথাযোগ্যতযৈব বোদ্ধব্যা| পৃথক্ত্বেন চৈকৈকশশ্চেতি পৃথগেকৈকশঃ| তেন, পৃথক্ত্বেন সর্বসাধারণহেত্বাদযো নিদানস্থানাদাবুক্তাঃ, তথৈকৈকশশ্চ জ্বরাদীনাং হেতুলিঙ্গোপশান্তযঃ স্বে স্বে অধ্যাযে উক্তাঃ| অত্র চ লিঙ্গগ্রহণেন পূর্বলিঙ্গগ্রহণম্, উপশান্তিগ্রহণেন চোপশযগ্রহণং, সম্প্রাপ্তেস্তু প্রতিরোগমভিধানাদগ্রহণং ব্যাখ্যেযম্| হেতুপর্যাযনামানীতি ‘হেতুর্নিমিত্তং’ (নি.অ.১) ইত্যাদিনা, ব্যাধিপর্যাযনামানীতি তথা লক্ষণপর্যাযনামানীতি চাদ্যাধ্যাযোক্তান্যেব জ্ঞেযানি; সম্প্রাপ্তেস্তু ‘সম্প্রাপ্তির্জাতিরাগতিঃ’ (নি.অ.১) ইতি নামকথনং লক্ষণপ্রযোজকমেব প্রাযঃ, তেনেহ ন সঙ্গৃহীতম্| কিংবা হেতব ইত্যাদিস্থানসঙ্গ্রহ এব, অপস্মারাধ্যাযার্থসঙ্গ্রহস্তু স্থানসঙ্গ্রহেণৈবাব্যবহিতেন কৃতত্বান্ন পুনঃ পৃথক্কৃতঃ| তত্র হেতব ইত্যাদি সর্বরোগহেত্বাদিসঙ্গ্রহণম্| অস্মিন্ পক্ষে পৃথক্ত্বেনেতি জ্বরাদীনামিত্যনেন সম্বধ্যতে, একৈকশশ্চেতি হেতুলিঙ্গোপশযশান্তিভিঃ সম্বধ্যতে| সঙ্গ্রহেণেতি বচনাচ্চিকিত্সিতপ্রপঞ্চনীযং নিদানং সূচযতি| কেচিদত্র নিদীযতে নিবধ্যতে হেত্বাদিপঞ্চকমনেনেতি নিদানমিতি নিদানশব্দব্যুত্পত্তিং কুর্বন্তি, নিদানশব্দেন চ গবাং দোহনকালনিবন্ধনরজ্জুরুচ্যতে ইতি ব্রুবতে| জ্বরনিদানে চ নিদানশব্দো ব্যাকৃত এব||৪২-৪৪||
Adhikarana puShpikA · Śloka 8
ইত্যগ্নিবেশকৃতে তন্ত্রে চরকপ্রতিসংস্কৃতে নিদানস্থানে অপস্মারনিদানং নামাষ্টমোঽধ্যাযঃ||৮|| ইতি চরকসংহিতাযাং দ্বিতীযং নিদানস্থানং সমাপ্তম্|
इत्यग्निवेशकृते तन्त्रे चरकप्रतिसंस्कृते निदानस्थाने अपस्मारनिदानं नामाष्टमोऽध्यायः||८|| इति चरकसंहितायां द्वितीयं निदानस्थानं समाप्तम्|
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং নিদানস্থানেঽপস্মারনিদানং নামাষ্টমোঽধ্যাযঃ||৮||