Adhikarana 1 (1-2) · Śloka 2
অথাতোঽতুল্যগোত্রীযং শারীরং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातोऽतुल्यगोत्रीयं शारीरं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
পূর্বাধ্যাযে শরীরস্যাদিসর্গ আধ্যাত্মিকো নৈষ্ঠিকমোক্ষরূপচিকিত্সোপযুক্ত উক্তঃ, সম্প্রতি গর্ভাদিরূপং সর্গমভিধাতুমতুল্যগোত্রীযোঽভিধীযতে ||১-২||
Adhikarana 2 (3) · Śloka 3
অতুল্যগোত্রস্য রজঃক্ষযান্তে রহোবিসৃষ্টং মিথুনীকৃতস্য| কিং স্যাচ্চতুষ্পাত্প্রভবং চ ষড্ভ্যো যত্ স্ত্রীষু গর্ভত্বমুপৈতি পুংসঃ||৩||
अतुल्यगोत्रस्य रजःक्षयान्ते रहोविसृष्टं मिथुनीकृतस्य| किं स्याच्चतुष्पात्प्रभवं च षड्भ्यो यत् स्त्रीषु गर्भत्वमुपैति पुंसः||३||
🔊 Audio coming soon
অতুল্যগোত্রস্যেতি অতুল্যগোত্রস্য পুংসঃ| তুল্যগোত্রাণাং হি মৈথুনেঽধর্মো ভবতি, ধর্মশাস্ত্রেষু নিষিদ্ধত্বাত্| রজঃক্ষযান্তে ইতি রজঃপ্রবৃত্ত্যন্তে; ‘অন্তে’ ইতিপদেন রজঃপ্রবৃত্তিত্র্যহং নিষেধযতি| রহোবিসৃষ্টমিতি বিজনে বিসৃষ্টম্| শুক্রবিসর্গশ্চ বিজন এব প্রতিবন্ধকলজ্জাভাবাত্ সম্যগ্ভবতীতি রহ ইত্যনেন দর্শযতি| মিথুনীকৃতস্যেত্যনেন সম্যঙ্মৈথুনপ্রযোগং দর্শযতি, বিপরীতসুরতাদীংশ্চ নিষেধতি| চতুষ্পাদত্বষট্প্রভবত্বে উত্তরগ্রন্থে এব ব্যক্তে| অযং চ শিষ্যপ্রশ্নতযা নিবেশিতো গ্রন্থঃ অ(প্রা)জ্ঞাশিষ্যস্য আচার্যসন্মতিমাত্রার্থো জ্ঞেযঃ; তেন যঃ শিষ্যশ্চতুষ্পদাদিবিশেষং সূক্ষ্মং বীজস্য জানাতি, স কথং শুক্রশব্দাভিধেযং ন বেত্তীতি ন বাচ্যম্||৩||
Adhikarana 3 (4) · Śloka 4
শুক্রং তদস্য প্রবদন্তি ধীরা যদ্ধীযতে গর্ভসমুদ্ভবায| বায্বগ্নিভূম্যব্গুণপাদবত্তত্ ষড্ভ্যো রসেভ্যঃ প্রভবশ্চ তস্য||৪||
शुक्रं तदस्य प्रवदन्ति धीरा यद्धीयते गर्भसमुद्भवाय| वाय्वग्निभूम्यब्गुणपादवत्तत् षड्भ्यो रसेभ्यः प्रभवश्च तस्य||४||
🔊 Audio coming soon
পশ্নস্যোত্তরং- শুক্রমিত্যাদি| ধীযত আরোপ্যত ইত্যর্থঃ| বায্বাদিপাদবদিতি বক্তব্যে যদ্ গুণপদমধিকং করোতি, তেন প্রশস্তগুণবতামেব বায্বাদীনাং বিশুদ্ধশুক্রারম্ভকত্বমিতি দর্শযতি| বায্বাদিষু শুক্রারম্ভকেষু পাদব্যপদেশেন সর্বেষাং তুল্যশুক্রারম্ভকত্বং দর্শযতি| আকাশং তু যদ্যপি শুক্রে পাঞ্চভৌতিকেঽস্তি, তথাঽপি ন পুরুষশরীরান্নির্গত্য গর্ভাশযং গচ্ছতি, কিন্তু ভূতচতুষ্টযমেব ক্রিযাবদ্ যাতি, আকাশং তু ব্যাপকমেব তত্রগতেন শুক্রেণ সম্বদ্ধং ভবতি, তেনাকাশস্য গমনাভাবাদিহ গর্ভাশযগমনাভিধানপ্রস্তাবে শুক্রগতত্বেনানভিধানম্| অন্যত্রাপি চ ভূতানাং গমনপ্রস্তাবে আকাশং পরিত্যক্তমেব| যথা- “ভূতৈশ্চতুর্ভিঃ সহিতঃ সুসূক্ষ্মৈর্মনোজবো দেহমুপৈতি দেহাত্” ইতি| শুক্রং চ ষড্রসাহারোত্পন্নমেব বিশুদ্ধং ভবতীতি কৃত্বোক্তং- ষড্ভ্যো রসেভ্য ইত্যাদি| যত্তু মধুরস্য শুক্রজনকত্বমম্লাদীনাং চ শুক্রবিঘাতকত্বমুচ্যতে, তদত্যর্থোপযোগাদিতি জ্ঞেযম্||৪||
Adhikarana 4 (5) · Śloka 5
সম্পূর্ণদেহঃ সমযে সুখং চ গর্ভঃ কথং কেন চ জাযতে স্ত্রী| গর্ভং চিরাদ্বিন্দতি সপ্রজাঽপি ভূত্বাঽথবা নশ্যতি কেন গর্ভঃ||৫||
सम्पूर्णदेहः समये सुखं च गर्भः कथं केन च जायते स्त्री| गर्भं चिराद्विन्दति सप्रजाऽपि भूत्वाऽथवा नश्यति केन गर्भः||५||
🔊 Audio coming soon
‘সম্পূর্ণদেহঃ কথং জাযতে’ ইত্যেকঃ প্রশ্নঃ, ‘সমযে কথং জাযতে’ ইতি দ্বিতীযঃ, ‘সুখং কথং জাযতে’ ইতি তৃতীযঃ| সপ্রজাঽপীতি অবন্ধ্যাঽপি সতী কথং চিরেণ গর্ভং বিন্দতি||৫||
Adhikarana 5 (6-10) · Śloka 10
শুক্রাসৃগাত্মাশযকালসম্পদ্ যস্যোপচারশ্চ হিতৈস্তথাঽন্নৈঃ | গর্ভশ্চ কালে চ সুখী সুখং চ সঞ্জাযতে সম্পরিপূর্ণদেহঃ||৬|| যোনিপ্রদোষান্মনসোঽভিতাপাচ্ছুক্রাসৃগাহারবিহারদোষাত্| অকালযোগাদ্বলসঙ্ক্ষযাচ্চ গর্ভং চিরাদ্বিন্দতি সপ্রজাঽপি||৭|| অসৃঙ্গিরুদ্ধং পবনেন নার্যা গর্ভং ব্যবস্যন্ত্যবুধাঃ কদাচিত্| গর্ভস্য রূপং হি করোতি তস্যাস্তদসৃগস্রবি বিবর্ধমানম্||৮|| তদগ্নিসূর্যশ্রমশোকরোগৈরূষ্ণান্নপানৈরথবা প্রবৃত্তম্| দৃষ্ট্বাঽসৃগেকং ন চ গর্ভসঞ্জ্ঞং কেচিন্নরা ভূতহৃতং বদন্তি||৯|| ওজোশনানাং রজনীচরাণামাহারহেতোর্ন শরীরমিষ্টম্| গর্ভং হরেযুর্যদি তে ন মাতুর্লব্ধাবকাশা ন হরেযুরোজঃ||১০||
शुक्रासृगात्माशयकालसम्पद् यस्योपचारश्च हितैस्तथाऽन्नैः | गर्भश्च काले च सुखी सुखं च सञ्जायते सम्परिपूर्णदेहः||६|| योनिप्रदोषान्मनसोऽभितापाच्छुक्रासृगाहारविहारदोषात्| अकालयोगाद्बलसङ्क्षयाच्च गर्भं चिराद्विन्दति सप्रजाऽपि||७|| असृङ्गिरुद्धं पवनेन नार्या गर्भं व्यवस्यन्त्यबुधाः कदाचित्| गर्भस्य रूपं हि करोति तस्यास्तदसृगस्रवि विवर्धमानम्||८|| तदग्निसूर्यश्रमशोकरोगैरूष्णान्नपानैरथवा प्रवृत्तम्| दृष्ट्वाऽसृगेकं न च गर्भसञ्ज्ञं केचिन्नरा भूतहृतं वदन्ति||९|| ओजोशनानां रजनीचराणामाहारहेतोर्न शरीरमिष्टम्| गर्भं हरेयुर्यदि ते न मातुर्लब्धावकाशा न हरेयुरोजः||१०||
🔊 Audio coming soon
পঞ্চানাং প্রশ্নানামুত্তরং- শুক্রেত্যাদি| সম্পচ্ছব্দঃ শুক্রাদিভিঃ প্রত্যেকমভিসম্বধ্যতে| শুক্রাসৃগাশযানামদুষ্টত্বং সম্পদ্, আত্মনস্তু শুক্রশোণিতসংযোগাধিষ্টাতুঃ শুভজীবকর্মযুক্তত্বং সম্পত্, কালস্য ত্বনতিতীক্ষ্ণত্বাদি সম্পত্| উপচারো গর্ভিণ্যুপচারঃ| কাল ইতি নবমে দশমে বা মাসে| যদুক্তং- “কালঃ পুনর্নবমং মাসমুপাদাযাদশমাত্” (শা. অ. ৪) ইতি| সুখীতি ব্যাধিনা কেনচিন্ন গ্রস্তঃ| সুখমিতি অক্লেশেন| অকালযোগাদিতি ঋতুকালাতিক্রমেণ পুরুষেণ সংযোগাত্, ঋতুকালশ্চ ষোডশরাত্রং যাবত্| যদুক্তং হারীতে- “ষোডশ দিবসা ঋতুকালঃ” ইতি| সুশ্রুতে তু দ্বাদশরাত্রমৃতুকাল উক্তঃ| ‘ভূত্বাঽথবা নশ্যতি কেন গর্ভঃ’ ইত্যস্যোত্তরম্- অসৃগিত্যাদি| পবনেনেতি দুষ্টবাতেন| কৃতে অসৃঙ্নিরোধে গর্ভভ্রমো ভবতীত্যাহ- গর্ভস্য রূপমিত্যাদি| গর্ভাশযে হি বিবর্ধমানং রুধিরং প্রভাবাদ্গর্ভলিঙ্গানি কানিচিদ্দর্শযতীত্যর্থঃ| অসৃগেকমিতি অসৃগেব পরম্| ন চ গর্ভসঞ্জ্ঞমিতি ন গর্ভং গ্রন্থাদ্যাকারকম্| ভূতৈর্গর্ভানাহরণে হেতুমাহ- ওজোশনানামিত্যাদি| ওজঃ অষ্টবিন্দুকমশ্নন্তীতি ওজোশনাঃ| যদি ত্বনাহারভূতমপি গর্ভং হরেযুস্তদা মাতুর্নিতরামাহারভূতমোজো লব্ধাবকাশত্বেন হরেযুঃ| লব্ধাবকাশা ইতি প্রাপ্তগর্ভিণ্যভিগমনকারণাঃ||৬-১০||
Adhikarana 6 (11) · Śloka 11
কন্যাং সুতং বা সহিতৌ পৃথগ্বা সুতৌ সুতে বা তনযান্ বহূন্ বা| কস্মাত্ প্রসূতে সুচিরেণ গর্ভমেকোঽভিবৃদ্ধিং চ যমেঽভ্যুপৈতি||১১||
कन्यां सुतं वा सहितौ पृथग्वा सुतौ सुते वा तनयान् बहून् वा| कस्मात् प्रसूते सुचिरेण गर्भमेकोऽभिवृद्धिं च यमेऽभ्युपैति||११||
🔊 Audio coming soon
কন্যামিত্যাদি প্রশ্নাষ্টকম্| কন্যাং কস্মাত্ পৃথক্ প্রসূত ইতি প্রথমঃ, সুতং পৃথগ্ বেতি দ্বিতীযঃ, সহিতৌ কন্যাসুতৌ বেতি তৃতীযঃ, সুতৌ সহিতাবিতি চতুর্থঃ, সুতে সহিতে ইতি পঞ্চমঃ, তনযান্ বহূন্ বেতি ষষ্টঃ, সুচিরাত্ কথং স্ত্রী প্রসূত ইতি সপ্তমঃ, যমে যুগ্মে কথমেকোঽভিবৃদ্ধিমভ্যুপৈতীত্যষ্টমঃ||১১||
Adhikarana 7 (12-16) · Śloka 16
রক্তেন কন্যামধিকেন পুত্রং শুক্রেণ তেন দ্বিবিধীকৃতেন| বীজেন কন্যাং চ সুতং চ সূতে যথাস্ববীজান্যতরাধিকেন||১২|| শুক্রাধিকং দ্বৈধমুপৈতি বীজং যস্যাঃ সুতৌ সা সহিতৌ প্রসূতে| রক্তাধিকং বা যদি ভেদমেতি দ্বিধা সুতে সা সহিতে প্রসূতে||১৩|| ভিনত্তি যাবদ্বহুধা প্রপন্নঃ শুক্রার্তবং বাযুরতিপ্রবৃদ্ধঃ| তাবন্ত্যপত্যানি যথাবিভাগং কর্মাত্মকান্যস্ববশাত্ প্রসূতে||১৪|| আহারমাপ্নোতি যদা ন গর্ভঃ শোষং সমাপ্নোতি পরিস্রুতিং বা| তং স্ত্রী প্রসূতে সুচিরেণ গর্ভং পুষ্টো যদা বর্ষগণৈরপি স্যাত্||১৫|| কর্মাত্মকত্বাদ্বিষমাংশভেদাচ্ছুক্রাসৃজোর্বৃদ্ধিমুপৈতি কুক্ষৌ| একোঽধিকো ন্যূনতরো দ্বিতীয এবং যমেঽপ্যভ্যধিকো বিশেষঃ||১৬||
रक्तेन कन्यामधिकेन पुत्रं शुक्रेण तेन द्विविधीकृतेन| बीजेन कन्यां च सुतं च सूते यथास्वबीजान्यतराधिकेन||१२|| शुक्राधिकं द्वैधमुपैति बीजं यस्याः सुतौ सा सहितौ प्रसूते| रक्ताधिकं वा यदि भेदमेति द्विधा सुते सा सहिते प्रसूते||१३|| भिनत्ति यावद्बहुधा प्रपन्नः शुक्रार्तवं वायुरतिप्रवृद्धः| तावन्त्यपत्यानि यथाविभागं कर्मात्मकान्यस्ववशात् प्रसूते||१४|| आहारमाप्नोति यदा न गर्भः शोषं समाप्नोति परिस्रुतिं वा| तं स्त्री प्रसूते सुचिरेण गर्भं पुष्टो यदा वर्षगणैरपि स्यात्||१५|| कर्मात्मकत्वाद्विषमांशभेदाच्छुक्रासृजोर्वृद्धिमुपैति कुक्षौ| एकोऽधिको न्यूनतरो द्वितीय एवं यमेऽप्यभ्यधिको विशेषः||१६||
🔊 Audio coming soon
রক্তেনেত্যাদ্যুত্তরম্| অধিকেনেতি পদং রক্তেন শুক্রেণ চ যোজনীযম্| দ্বিবিধীকৃতেন দ্বিখণ্ডীকৃতেন| যথাস্বং বীজেঽন্যতরো ভাগোঽধিকো যত্র তেন বীজেন; এতেন যদি দ্বিবিধে ভাগে একত্র রক্তমধিকম্, অপরত্র শুক্রম্, এষ বিভাগো ভবতি, তদা কন্যাসুতৌ ভবত ইত্যুক্তং ভবতি| যাবদ্বহুধা ভিনত্তীতি যাবতীং বহুসঙ্খ্যাং করোতি চতুঃপঞ্চাদিরূপাম্| প্রপন্ন আগতঃ শুক্রার্তবং বাযুরিতি সম্বন্ধঃ| যথাবিভাগমিতি যথা শুক্ররক্তবিভাগো ভবতি তথা কন্যাঃ সুতাশ্চ স্ববীজাধিক্যাপেক্ষযা ভবন্তীতি| কর্মাত্মকানি কর্মকারণকানি| অস্ববশাত্ কর্মপরাধীনত্বেন| আহারমিত্যাদৌ গর্ভিণ্যা আহারপ্রাপ্ত্যা গর্ভস্যাহারপ্রাপ্তিঃ| শুক্রাসৃজোর্যঃ স্থূলসূক্ষ্মরূপো বিষমাংশভেদো ভবতি, স জাযমানগর্ভকর্মবশাদেব ভবতীত্যাহ- কর্মাত্মকত্বাদিতি||১২-১৬||
Adhikarana 8 (17) · Śloka 17
কস্মাদ্দ্বিরেতাঃ পবনেন্দ্রিযো বা সংস্কারবাহী নরনারিষণ্ডৌ| বক্রী তথের্ষ্যাভিরতিঃ কথং বা সঞ্জাযতে বাতিকষণ্ডকো বা||১৭||
कस्माद्द्विरेताः पवनेन्द्रियो वा संस्कारवाही नरनारिषण्डौ| वक्री तथेर्ष्याभिरतिः कथं वा सञ्जायते वातिकषण्डको वा||१७||
🔊 Audio coming soon
কস্মাদিত্যাদি প্রশ্নাষ্টকম্| নরষণ্ডো নারিষণ্ডশ্চেতি নরনারিষণ্ডৌ||১৭||
Adhikarana 9 (18-21) · Śloka 21
বীজাত্ সমাংশাদুপতপ্তবীজাত্ স্ত্রীপুংসলিঙ্গী ভবতি দ্বিরেতাঃ| শুক্রাশযং গর্ভগতস্য হত্বা করোতি বাযুঃ পবনেন্দ্রিযত্বম্||১৮|| শুক্রাশযদ্বারবিঘট্টনেন সংস্কারবাহং কুরুতেঽনিলশ্চ| মন্দাল্পবীজাববলাবহর্ষৌ ক্লীবৌ চ হেতুর্বিকৃতিদ্বযস্য||১৯|| মাতুর্ব্যবাযপ্রতিঘেন বক্রী স্যাদ্বীজদৌর্বল্যতযা পিতুশ্চ| ঈর্ষ্যাভিভূতাবপি মন্দহর্ষাবীর্ষ্যারতেরেব বদন্তি হেতুম্||২০|| বায্বগ্নিদোষাদ্বৃষণৌ তু যস্য নাশং গতৌ বাতিকষণ্ডকঃ সঃ| ইত্যেবমষ্টৌ বিকৃতিপ্রকারাঃ কর্মাত্মকানামুপলক্ষণীযাঃ||২১||
बीजात् समांशादुपतप्तबीजात् स्त्रीपुंसलिङ्गी भवति द्विरेताः| शुक्राशयं गर्भगतस्य हत्वा करोति वायुः पवनेन्द्रियत्वम्||१८|| शुक्राशयद्वारविघट्टनेन संस्कारवाहं कुरुतेऽनिलश्च| मन्दाल्पबीजावबलावहर्षौ क्लीबौ च हेतुर्विकृतिद्वयस्य||१९|| मातुर्व्यवायप्रतिघेन वक्री स्याद्बीजदौर्बल्यतया पितुश्च| ईर्ष्याभिभूतावपि मन्दहर्षावीर्ष्यारतेरेव वदन्ति हेतुम्||२०|| वाय्वग्निदोषाद्वृषणौ तु यस्य नाशं गतौ वातिकषण्डकः सः| इत्येवमष्टौ विकृतिप्रकाराः कर्मात्मकानामुपलक्षणीयाः||२१||
🔊 Audio coming soon
বীজাদিতি শুক্রশোণিতাত্| উপতপ্তবীজাদিতি উপতপ্তবীজজনকবীজভাগাত্| স্ত্রীপুংসলিঙ্গীতি স্ত্রীপুরুষসাধারণনাসিকাচক্ষুরাদিলিঙ্গযুক্তঃ, যানি তু স্ত্রীপুংসযোরসাধারণান্যুপস্থধ্বজস্তনশ্মশ্রুপ্রভৃতীনি তানি চাস্য ন সম্ভবন্তীতি| অসাধারণানি লিঙ্গানি বৃদ্ধেন শুক্রেণ রক্তেন বা জন্যানি, ইহ সমরক্তশুক্রারব্ধেন নাস্ত্যন্যতরবৃদ্ধিরিতি নোপস্থধ্বজাদিবিশেষলিঙ্গভবনম্| দ্বিধা স্ত্রীত্বপুরুষত্বোপজনকত্বেন স্থিতং রেতো বীজং যস্য স দ্বিরেতাঃ| কিংবা, স্ত্রীপুংসলিঙ্গীতি স্ত্রীপুংসযোর্যল্লিঙ্গমুপস্থধ্বজরূপং, তদ্যুক্ত এব স্ত্রীপুরুষলিঙ্গী; উত্তরকালভাবীনি ত্বস্য স্তনশ্মশ্রুপ্রভৃতীনি ন ভবন্তি| অস্মিন্ পক্ষে বীজোপতাপেনোত্তরকালভাবিস্তনাদিপ্রতিবন্ধঃ ক্রিযতে, নোপস্থধ্বজোত্পাদপ্রতিবন্ধঃ কর্মবশাদেবেতি ব্রুবতে| কিংবা উপস্থধ্বজৌ বলবন্তৌ, যেন তৌ গর্ভকাল এব ভবতঃ; স্তনাদি তূত্তরকালভাবিতযা দুর্বলং, দুর্বলেন বীজোপতাপেন ন বলবতোরুপস্থধ্বজযোর্বাধঃ, কিন্তু দুর্বলানামেব স্তনাদীনামিতি| যত্র সমাংশে শুক্রশোণিতে ভবতঃ, তত্র সংযোগমহিম্নৈব বীজাংশতাপো ভবতীতি জ্ঞেযম্| পবনেন্দ্রিযং বিবৃণোতি- শুক্রাশযমিত্যাদি| শুক্রাশযং শুক্রস্থানম্| পবনেন্দ্রিযত্বমিতি পবনশুক্রত্বম্| শুক্রং হীন্দ্রিযমুচ্যতে, পবনস্য চেদমেবেহ শুক্রত্বং- যদ্ ব্যবাযকালে শুক্রসদৃশরূপতযা প্রবর্তনং; অস্য হি বাযুরেব পরং ব্যবাযকালে যাতি| শুক্রাশযদ্বারেত্যাদি সংস্কারবাহবিবরণম্| দ্বারবিঘট্টনেনেতি দ্বারদূষণেন| সংস্কারেণ বস্তিবাজীকরণাদিনা পরং যস্য শুক্রমদুষ্টদ্বারং সত্ প্রবর্ততে স সংস্কারবাহঃ| অত্র চ সংস্কারবাহেন সুশ্রুতোক্তা আসেক্যসৌগন্ধিককুম্ভীকা অন্তর্ভাবনীযাঃ, যত এতেঽপি সংস্কারবিশেষেণৈব শুক্রং ত্যজন্তি; যদুক্তং তত্র- “পিত্রোরত্যল্পবীর্যত্বাদাসেক্যঃ পুরুষো ভবত্| স শুক্রং প্রাশ্য লভতে ধ্বজোচ্ছ্রাযমসংশযম্|| যঃ পূতিযোন্যাং জাযেত স সৌগন্ধিকসঞ্জ্ঞকঃ| স যোনিশেফসোর্গন্ধমাঘ্নায লভতে বলম্|| স্বে গুদেঽব্রহ্মচর্যাদ্যঃ স্ত্রীষু পুংবত্ প্রবর্ততে| কুম্ভীকঃ স তু বিজ্ঞেযঃ” (সু. শা. ২) ইতি| নরনারীষণ্ডাবাহ- মন্দেত্যাদি| মন্দবেগমল্পং চ বীজং যযোস্তৌ তথা| অবলাবিতি নিসর্গবলরহিতৌ| অহর্ষাবিতি অনুত্সাহৌ| ক্লীবাবিতি দুষ্টবীজৌ| অত্র যথোক্তগুণা স্ত্রী স্ত্রীষণ্ডস্য, যথোক্তগুণঃ পুরুষস্তু পুরুষ ষণ্ডস্য হেতুরিতি বিজ্ঞেযম্| এতৌ ত্ববীজাবেব জ্ঞেযৌ; যদুক্তং সুশ্রুতে- “অশুক্রস্ত্বেব ষণ্ডকঃ” (সু. শা. ২) ইতি| মাতুর্ব্যবাযপ্রতিঘেনেতি ব্যবাযকালে মাতুর্ব্যবাযানিচ্ছা বিষমাঙ্গন্যাসো বা ব্যবাযপ্রতিঘঃ, তেন যস্য শুক্রং গর্ভাশযং নিযমান্নোপৈতি স বক্রীত্যুচ্যতে | বীজদৌর্বল্যতযা চ পিতুর্বক্রীস্যাদিতি যোজনা| অত্র দুর্বলস্য কর্ম দৌর্বল্যং তস্য ভাবো দৌর্বল্যতা, তেন পিতুর্বীজস্য দুর্বলক্রিযতযেত্যর্থঃ| পরব্যবাযং দৃষ্ট্বা প্রাপ্তধ্বজোচ্ছ্রাযো ব্যবাযশক্তো ভবতি, স ঈর্ষ্যারতিঃ| যদুক্তং সুশ্রুতে- “দৃষ্ট্বা ব্যবাযমন্যেষাং ব্যবাযে যঃ প্রবর্ততে| ঈর্ষ্যকঃ স তু বিজ্ঞেযঃ” (সু. শা. ২) ইতি| কর্মাত্মকানামিতিপদেন এতে ক্লৈব্যভেদাঃ প্রাক্তনকর্মবলাদেব প্রাযো ভবন্তীতি দর্শযতি||১৮-২১||
Adhikarana 10 (22) · Śloka 22
গর্ভস্য সদ্যোঽনুগতস্য কুক্ষৌ স্ত্রীপুন্নপুংসামুদরস্থিতানাম্| কিং লক্ষণং? কারণমিষ্যতে কিং সরূপতাং যেন চ যাত্যপত্যম্||২২||
गर्भस्य सद्योऽनुगतस्य कुक्षौ स्त्रीपुन्नपुंसामुदरस्थितानाम्| किं लक्षणं? कारणमिष्यते किं सरूपतां येन च यात्यपत्यम्||२२||
🔊 Audio coming soon
গর্ভস্যেত্যাদিপঞ্চ প্রশ্নাঃ| সদ্যোঽনুগতস্যেতি সদ্যোগৃহীতস্য| কারণমিত্যাদি| কারণং কিং তত্, যেন কারণেন সরূপতাং সাদৃশ্যমপত্যং গর্ভো যাতীত্যর্থঃ| অযং চ পঞ্চমঃ প্রশ্নঃ||২২||
Adhikarana 11 (23-27) · Śloka 27
নিষ্ঠীবিকা গৌরবমঙ্গসাদস্তন্দ্রাপ্রহর্ষৌ হৃদযে ব্যথা চ| তৃপ্তিশ্চ বীজগ্রহণং চ যোন্যাং গর্ভস্য সদ্যোঽনুগতস্য লিঙ্গম্||২৩|| সব্যাঙ্গচেষ্টা পুরুষার্থিনী স্ত্রী স্ত্রীস্বপ্নপানাশনশীলচেষ্টা| সব্যাত্তগর্ভা ন চ বৃত্তগর্ভা সব্যপ্রদুগ্ধা স্ত্রিযমেব সূতে||২৪|| পুত্রং ত্বতো লিঙ্গবিপর্যযেণ ব্যামিশ্রলিঙ্গা প্রকৃতিং তৃতীযাম্| গর্ভোপপত্তৌ তু মনঃ স্ত্রিযা যং জন্তুং ব্রজেত্তত্সদৃশং প্রসূতে||২৫|| গর্ভস্য চত্বারি চতুর্বিধানি ভূতানি মাতাপিতৃসম্ভবানি| আহারজান্যাত্মকৃতানি চৈব সর্বস্য সর্বাণি ভবন্তি দেহে||২৬|| তেষাং বিশেষাদ্বলবন্তি যানি ভবন্তি মাতাপিতৃকর্মজানি| তানি ব্যবস্যেত্ সদৃশত্বহেতুং সত্ত্বং যথানূকমপি ব্যবস্যেত্||২৭||
निष्ठीविका गौरवमङ्गसादस्तन्द्राप्रहर्षौ हृदये व्यथा च| तृप्तिश्च बीजग्रहणं च योन्यां गर्भस्य सद्योऽनुगतस्य लिङ्गम्||२३|| सव्याङ्गचेष्टा पुरुषार्थिनी स्त्री स्त्रीस्वप्नपानाशनशीलचेष्टा| सव्यात्तगर्भा न च वृत्तगर्भा सव्यप्रदुग्धा स्त्रियमेव सूते||२४|| पुत्रं त्वतो लिङ्गविपर्ययेण व्यामिश्रलिङ्गा प्रकृतिं तृतीयाम्| गर्भोपपत्तौ तु मनः स्त्रिया यं जन्तुं व्रजेत्तत्सदृशं प्रसूते||२५|| गर्भस्य चत्वारि चतुर्विधानि भूतानि मातापितृसम्भवानि| आहारजान्यात्मकृतानि चैव सर्वस्य सर्वाणि भवन्ति देहे||२६|| तेषां विशेषाद्बलवन्ति यानि भवन्ति मातापितृकर्मजानि| तानि व्यवस्येत् सदृशत्वहेतुं सत्त्वं यथानूकमपि व्यवस्येत्||२७||
🔊 Audio coming soon
বীজগ্রহণং শুক্রস্য যোনৌ নিষিক্তস্যানিঃসরণম্| সব্যাঙ্গ্প্রধানতযা চেষ্টতে যা সা সব্যাঙ্গচেষ্টা| স্ত্রিযা ইব স্বপ্নাদযো যস্যাঃ সা স্ত্রীস্বপ্নপানাশনশীলচেষ্টা| সব্যেন পার্শ্বেন আত্তো গৃহীতো গর্ভো যযা সা সব্যাত্তগর্ভ; কিংবা ‘সব্যাঙ্গগর্ভা’ ইতি পাঠঃ| ন চ বৃত্তগর্ভেতি দীর্ঘগর্ভেত্যর্থঃ| সব্যে স্তনে প্রকৃষ্টং দুগ্ধং যস্যাঃ সা সব্যপ্রদুগ্ধা| ব্যামিশ্রলিঙ্গা তু সব্যদক্ষিণাঙ্গচেষ্টাদিনা জ্ঞেযা| প্রকৃতিং তৃতীযামিতি নপুংসকম্| গর্ভোপপত্তাবিত্যাদিনাসারূপ্যকারণমাহ| গর্ভোপপত্তৌ বীজগ্রহণকালে মনো যং জন্তুং ব্রজেদ্ যং প্রাণিনং মনসা ধ্যাযতি| এতচ্চ বীজগ্রহণকালীনং মনসাঽনুধ্যানং প্রভাবাদেব চিন্ত্যমানসদৃশমপত্যং করোতীতি জ্ঞেযং; কিংবা তত্কালীনচিন্তযৈব বীজং চিন্ত্যমানজন্তুসদৃশারম্ভশক্তিকং ক্রিযতে, দৃষ্টশ্চ মানসানামপি ভাবানাং ভূতবিশেষকরণে শক্তিবিশেষঃ; যথা- সঙ্কল্পঃ শুক্রোদীরণং করোতি, তথা দোহদাপ্রাপ্তৌ তচ্চিন্তযা গর্ভবিকৃতিঃ, ঈর্ষ্যাভযাদীনাং চৌজঃশুক্রক্ষযকর্তৃত্বমিত্যাদি| এতদেব চ সাদৃশ্যকারণং পশ্যতা পুনর্বক্তব্যং যথা- “যা যা যথাবিধং পুত্রমাশাসীত” ইত্যুপাদায “সা সা তাংস্তাঞ্জনপদান্ মনসাঽনুক্রমেত্” (শা. অ. ৮) ইতি| জন্ত্বনুধ্যানং সাদৃশ্যকারণমভিধায সাদৃশ্যকারণান্তরমাহ- গর্ভস্যেত্যাদি| চত্বারীতি নির্বিশেষমাকাশং বর্জযিত্বা| ভূতানি চতুর্বিধানীতি বিবৃণোতি- মাতেত্যাদি| মাতৃসম্ভবানি রক্তগতানি, পিতৃসম্ভবানি শুক্রগতানি, আহারজানি তু শুক্রশোণিতসংযোগোত্তরকালং মাতুরাহাসম্ভূতরসজানি, আত্মজানি ত্বাত্মপ্রতিবদ্ধকর্মবশভূতানি জ্ঞেযানি| তত্র শুভকর্মণা সদৃশরূপজনকানি, অশুভকর্মণা তু বিসদৃশরূপজনকানীতি জ্ঞেযম্| যানি ত্বাত্মনি সূক্ষ্মাণি ভূতানি আতিবাহিকশরীররূপাণি, তানি সর্বসাধারণ্ত্বেনাবিশেষসাদৃশ্যকারণানীতি নেহ বোদ্ধব্যানি| তত্রৈবং চতুর্বিধানাং সাদৃশ্যে কিং ভবতি কারণং, কিম্ভূতং চেত্যাহ- তেষামিত্যাদি| বিশেষাদিতিপদেন সর্বাণ্যেব সাদৃশ্যকারণানি ভবন্তি, কিন্তু যানি বলবন্তি তানি বিশেষাদ্ভূযিষ্টং সাদৃশ্যং জনযন্তীতি দর্শযতি| অত্র চাহারজভূতানাং প্রাক্তনকর্মাপেক্ষযৈব সাদৃশ্যকারণত্বং ভবতীতি কৃত্বা নাহারজানাং গ্রহণং কৃতং, তেন কর্মজেষ্বেবাহারজানামবরোধো জ্ঞেযঃ; পূর্বং তু ‘আহারজানি’ ইতি পদেন তেষাং বিদ্যমানতামাত্রমুক্তং জ্ঞেযম্| কিংবা, মাতৃজাদীনি হি মাত্রাদিভিঃ সদৃশং কুর্বন্তি, নত্বাহারজাতান্যাহারসদৃশং কুর্বন্তি, তেন তেষামিহানুপাদানম্| তথা হ্যুত্তরাধ্যাযে “যানি খল্বস্য রসজানি” (শা.অ.৩) ইত্যাদিনা প্রাণানুবন্ধাদীনি বক্তব্যানি, ন চ তানি সাদৃশ্যরূপতযেহ ভবিতুমর্হন্তি| দেহসাদৃশ্যহেতুমভিধায মনঃসাদৃশ্যহেতুমাহ- সত্ত্বমিত্যাদি| অনূকং প্রাক্তনাঽব্যবহিতা দেহজাতিঃ; তেন যথানূকমিতি যো দেবশরীরাদব্যবধানেনাগত্য ভবতি স দেবসত্ত্বো ভবতি, যঃ পশুশরীরাদেতি স পশুসত্ত্বো ভবতীত্যাদি| অপিশব্দাত্ কর্মসম্বন্ধং জাতিসম্বন্ধং চ দর্শযতি; তেন কর্মবশাদপি সত্ত্বং রাজসং, তামসং, সাত্ত্বিকং বা ভবতি; তথা মানুষাদিজাত্যনুরূপং চ ভবতি||২৩-২৭||
Adhikarana 12 (28) · Śloka 28
কস্মাত্ প্রজাং স্ত্রী বিকৃতাং প্রসূতে হীনাধিকাঙ্গীং বিকলেন্দ্রিযাং বা| দেহাত্ কথং দেহমুপৈতি চান্যমাত্মা সদা কৈরনুবধ্যতে চ||২৮||
कस्मात् प्रजां स्त्री विकृतां प्रसूते हीनाधिकाङ्गीं विकलेन्द्रियां वा| देहात् कथं देहमुपैति चान्यमात्मा सदा कैरनुबध्यते च||२८||
🔊 Audio coming soon
কস্মাদিত্যাদিনা বিকলেন্দ্রিযাং বেত্যন্তেনৈকঃ প্রশ্নঃ; তত্র বিকৃতামিত্যস্য বিবরণং- হীনেত্যাদি| দেহাদিত্যাদির্দ্বিতীযঃ| সদা কৈরনুবধ্যতে ইতি তৃতীযঃ| যে তু বিকৃতামিতিপদেন কুরূপাং, হীনাধিকাঙ্গীমিতিপদেন চ হীনাঙ্গাদিরূপামেব কুরূপাতিরিক্তাং বদন্তি, তেষাং মতে প্রশ্নভেদঃ স্যাত্, তথাঽধ্যাযান্তে চ বক্ষ্যমাণা প্রশ্নসঙ্খ্যাঽতিরিক্তা ভবতি||২৮||
Adhikarana 13 (29-30) · Śloka 30
বীজাত্মকর্মাশযকালদোষৈর্মাতুস্তথাঽঽহারবিহারদোষৈঃ| কুর্বন্তি দোষা বিবিধানি দুষ্টাঃ সংস্থানবর্ণেন্দ্রিযবৈকৃতানি||২৯|| বর্ষাসু কাষ্টাশ্মঘনাম্বুবেগাস্তরোঃ সরিত্স্রোতসি সংস্থিতস্য| যথৈব কুর্যুর্বিকৃতিং তথৈব গর্ভস্য কুক্ষৌ নিযতস্য দোষাঃ||৩০||
बीजात्मकर्माशयकालदोषैर्मातुस्तथाऽऽहारविहारदोषैः| कुर्वन्ति दोषा विविधानि दुष्टाः संस्थानवर्णेन्द्रियवैकृतानि||२९|| वर्षासु काष्टाश्मघनाम्बुवेगास्तरोः सरित्स्रोतसि संस्थितस्य| यथैव कुर्युर्विकृतिं तथैव गर्भस्य कुक्षौ नियतस्य दोषाः||३०||
🔊 Audio coming soon
আত্মীযং কর্ম আত্মকর্ম, আশযো গর্ভাশযঃ, দোষো বৈগুণ্যম্| অশ্মঘনানি পাষাণখণ্ডাঃ; বেগাঃ কাষ্ঠাদীনাং ত্রযাণাম্||২৯-৩০||
Adhikarana 14 (31-36) · Śloka 36
ভূতৈশ্চতুর্ভিঃ সহিতঃ সুসূক্ষ্মৈর্মনোজবো দেহমুপৈতি দেহাত্| কর্মাত্মকত্বান্ন তু তস্য দৃশ্যং দিব্যং বিনা দর্শনমস্তি রূপম্||৩১|| স সর্বগঃ সর্বশরীরভৃচ্চ স বিশ্বকর্মা স চ বিশ্বরূপঃ| স চেতনাধাতুরতীন্দ্রিযশ্চ স নিত্যযুক্ সানুশযঃ স এব ||৩২|| রসাত্মমাতাপিতৃসম্ভবানি ভূতানি বিদ্যাদ্দশ ষট্ চ দেহে| চত্বারি তত্রাত্মনি সংশ্রিতানি স্থিতস্তথাঽঽত্মা চ চতুর্ষু তেষু||৩৩|| ভূতানি মাতাপিতৃসম্ভবানি রজশ্চ শুক্রং চ বদন্তি গর্ভে| আপ্যায্যতে শুক্রমসৃক্ চ ভূতৈর্যৈস্তানি ভূতানি রসোদ্ভবানি||৩৪|| ভূতানি চত্বারি তু কর্মজানি যান্যাত্মলীনানি বিশন্তি গর্ভম্| স বীজধর্মা হ্যপরাপরাণি দেহান্তরাণ্যাত্মনি যাতি যাতি||৩৫|| রূপাদ্ধি রূপপ্রভবঃ প্রসিদ্ধঃ কর্মাত্মকানাং মনসো মনস্তঃ| ভবন্তি যে ত্বাকৃতিবুদ্ধিভেদারজস্তমস্তত্র চ কর্ম হেতুঃ||৩৬||
भूतैश्चतुर्भिः सहितः सुसूक्ष्मैर्मनोजवो देहमुपैति देहात्| कर्मात्मकत्वान्न तु तस्य दृश्यं दिव्यं विना दर्शनमस्ति रूपम्||३१|| स सर्वगः सर्वशरीरभृच्च स विश्वकर्मा स च विश्वरूपः| स चेतनाधातुरतीन्द्रियश्च स नित्ययुक् सानुशयः स एव ||३२|| रसात्ममातापितृसम्भवानि भूतानि विद्याद्दश षट् च देहे| चत्वारि तत्रात्मनि संश्रितानि स्थितस्तथाऽऽत्मा च चतुर्षु तेषु||३३|| भूतानि मातापितृसम्भवानि रजश्च शुक्रं च वदन्ति गर्भे| आप्याय्यते शुक्रमसृक् च भूतैर्यैस्तानि भूतानि रसोद्भवानि||३४|| भूतानि चत्वारि तु कर्मजानि यान्यात्मलीनानि विशन्ति गर्भम्| स बीजधर्मा ह्यपरापराणि देहान्तराण्यात्मनि याति याति||३५|| रूपाद्धि रूपप्रभवः प्रसिद्धः कर्मात्मकानां मनसो मनस्तः| भवन्ति ये त्वाकृतिबुद्धिभेदारजस्तमस्तत्र च कर्म हेतुः||३६||
🔊 Audio coming soon
দ্বিতীযপ্রশ্নস্যোত্তরং- ভূতৈরিত্যাদি| সুসূক্ষ্মৈরিত্যনেন চাতীন্দ্রিযত্বং দর্শযতি| আকাশমিহাক্রিযত্বেন দেহান্তরগমনকর্মণি নোক্তম্| মনসা জবতে গচ্ছতীতি মনোজবঃ| এতেন চাত্মনো ব্যাপকস্য যদ্যপি দেহান্তরগতির্নাস্তি, তথাঽপ্যস্য মনোগতিরেব ভূতসহিতা গতিশব্দেনোচ্যত ইতি দর্শিতং ভবতি| দেহাদিতি ম্রিযমাণদেহাত্| দেহমিতি উত্পদ্যমানদেহম্| কর্মাত্মকত্বাদিতি কর্মাধীনত্বাত্| তেন, কর্ম ধর্মাধর্মরূপং যত্রৈনং ভোগার্থং নযতি, তদেব দেহমযং যাতীত্যুক্তং ভবতি| অথ গচ্ছন্ কিমিত্যযং নোপলভ্যতে ম্রিযমাণপুরুষাদিত্যাহ- ন ত্বিত্যাদি| তস্যাত্মন আতিবাহিকশরীরযুক্তস্য দৃশ্যং রূপং নাস্তি, অতিসূক্ষ্মরূপত্বাদিতি ভাবঃ| অথ কিং সর্ব এবৈনং গচ্ছন্তং ন পশ্যন্তীত্যাহ- দিব্যং বিনা দর্শনমিতি|- দিব্যং দর্শনং যোগিচক্ষুঃ , তেন যোগিন এব পশ্যন্ত্যেনমিতি দর্শযতি| অস্যৈবাতিবাহিকশরীরযুক্তস্যাত্মনো ধর্মান্তরাণ্যাহ- স সর্বগ ইত্যাদি| সর্বশরীরভৃদিতি সর্বশরীরাণি ভর্তুং যোগ্যঃ| বিশ্বকর্মকরণক্ষমো বিশ্বকর্মা| বিশ্বরূপতাং চ নরপশ্বাদিশরীররূপতযা কর্মবশাদ্ভজত ইতি বিশ্বরূপঃ| নিত্যং বুদ্ধ্যাদিভির্যুজ্যত ইতি নিত্যযুক্| সহানুশযেন রাগাদিনা বর্তত ইতি সানুশযঃ| আতিবাহিকশরীররূপভূতচতুষ্টযব্যাকরণার্থং শরীরে যানি সম্ভবন্তি ভূতানি তান্যেবাহ- রসেত্যাদি| এতানি ভূতানি সারূপ্যহেতুপ্রস্তাবোক্তান্যপি প্রকরণবশাত্তথা বক্তব্যরজঃশুক্রাদ্যনুক্তরূপপ্রতিপাদনার্থং চ পুনরুচ্যন্তে| আত্মনি সংশ্রিতানীতি আত্মকর্মণাঽঽত্মন্যাতিবাহিকদেহরূপতযা নিবদ্ধানি| স্থিতস্তথাঽঽত্মেতি আত্মা তেষু ভূতেষু দেহান্তরাদিক্রিযার্থং স্থিতঃ| যা চ গতির্দেহান্তরাদিনাঽঽত্মনঃ, সা তদ্ভূতব্যবস্থিতস্যৈবোচ্যতে ন ব্যাপকস্য, তস্য (সর্বত্র ) সর্বগতত্বাদিত্যর্থঃ| মাতাপিতৃসম্ভবানি রজশ্চ শুক্রমিতি যথাসঙ্খ্যং মাতাপিতৃসম্ভবানি| আত্মলীনানীতি নিত্যমাত্মসম্বদ্ধানি| আত্মলীনভূতানাং ধর্মান্তরমাহ- স বীজধর্মেত্যাদি| স আত্মলীনভূতসন্তানো বীজধর্মা বীজস্বরূপঃ, বীজং হি স্বসদৃশমঙ্কুরং করোতি; তেন, অযমপ্যাত্মলীনো ভূতসন্তানঃ সদৃশং দেহরূপং ভূতান্তরসঙ্গং কুর্বন্ বীজধর্মা ভবতি| ‘সা বীজধর্মিণি’ ইতি বা পাঠঃ, তদা সা ‘ভূতসন্ততিঃ’ ইত্যধ্যাহার্যম্| আত্মনীতি মনোযুক্তাত্মনি| যাতি গচ্ছতি সতি দেহান্তরাণি যাতীতি যোজনা| আত্মনশ্চ গমনং মনোগমনমেব| ‘পরাপরাণি’ ইতি বা পাঠঃ; তদা পরাণি শ্রেষ্ঠানি দেবাদিশরীরাণি, অপরাণি অশ্রেষ্ঠানি ক্রিম্যাদিশরীরাণীতি যোজনীযম্| নন্বপরিদৃশ্যমানা ভূতচতুষ্টযী মনঃপ্রবৃত্তিযুক্তা বীজধর্মিণী কিমর্থং স্বীকর্তব্যা, যতঃ পরিদৃশ্যমানমেবেদং ষাড্ভৌতিকং শরীরং শুক্রশোণিতকারণকমস্ত্বিত্যাহ- রূপাদ্ধীত্যাদি| রূপ্যত ইতি রূপং ভৌতিকং শরীরম্| তেন, অভৌতিকাচ্ছরীরাদ্ভৌতিকং শরীরং ভবতীত্যাগমপ্রসিদ্ধম্| তেনাগমাদেব সাঙ্খ্যদর্শনরূপাদাতিবাহিকশরীরাদ্ ব্যক্তং শরীরমুত্পদ্যত ইতি বাক্যার্থঃ| যদ্যপি শুক্ররজসী কারণে, তথাঽপি যদৈবাতিবাহিকং সূক্ষ্মভূতরূপশরীরং প্রাপ্নুতঃ, তদৈব তে শরীরং জনযতঃ, নান্যদা, যদি শুক্রশোণিতমাতিবাহিকশরীরনিরপেক্ষং গর্ভং জনযেত্, তদা অসত্যপি জীবাধিষ্ঠানে জনযেত্, ন তু জনযতি, তস্মাদাত্মস্থসূক্ষ্মভূতাদেব বীজরূপাচ্ছুক্রশোণিতযুক্তাদ্গর্ভজন্মেতি| এতচ্চাত্মস্থভূতং মাতাপিতৃজভূতেন সমং শরীরকারণং কর্মবশাদেব ভবতীত্যাহ- কর্মেত্যাদি| কর্মাত্মকানামিতি কর্মকারণকানাং; কিংবা যস্মাদ্ রূপবত্তন্তুভ্যো রূপবান্ পট উত্পদ্যত ইতি প্রসিদ্ধং, তেনাতিবাহিকশরীরেণ কর্তব্যশরীরসদৃশেন ভবিতব্যং, কারণসদৃশং হি কার্যং ভবতি; ততশ্চাত্মধর্মিত্বং সূক্ষ্মাণামাত্মস্থিতভূতানাং সিদ্ধমিতি ভাবঃ| অথ মনঃ সাত্ত্বিকরাজসতামসভেদাদ্ভিন্নং কুতস্তত্র তত্র পুরুষে ভবতীত্যাহ- মনসো মনস্ত ইতি| পূর্বজন্মন্যব্যবহিতে যাদৃঙ্মনঃ, ইহ জন্মন্যপি তাদৃগেব মনো ভবতি| উক্তং চান্যত্র “জন্ম জন্ম যদভ্যস্তং দানমধ্যযনং তপঃ| তেনৈবাভ্যাসযোগেন তদেবাভ্যস্যতে পুনঃ” ইতি| অত্রাপি চ মন-উত্পত্তৌ কর্মাত্মকানামিতি যোজ্যম্ | তেন কর্মবশাদেব মনোভেদো ভবতি| নন্বেবং সতি আত্মস্থসূক্ষ্মভূতানামেকরূপত্বেনৈকরূপেণৈব শরীরেণ সর্বপ্রাণিনাং ভবিতব্যমিত্যাহ- ভবন্তীত্যাদি| আকৃতিঃ সংস্থানম্| রজস্তমসী অনেকতরতমাদিভেদভিন্নে তথা কর্ম চানেকধা ভিন্নং সত্যপ্যভিন্নে সূক্ষ্মভূতরূপে কারণে ভেদকারণং ভবতীত্যর্থঃ||৩১-৩৬||
Adhikarana 15 (37-38) · Śloka 38
অতীন্দ্রিযৈস্তৈরতিসূক্ষ্মরূপৈরাত্মা কদাচিন্ন বিযুক্তরূপঃ| ন কর্মণা নৈব মনোমতিভ্যাং ন চাপ্যহঙ্কারবিকারদোষৈঃ||৩৭|| রজস্তমোভ্যাং হি মনোঽনুবদ্ধং জ্ঞানং বিনা তত্র হি সর্বদোষাঃ| গতিপ্রবৃত্ত্যোস্তু নিমিত্তমুক্তং মনঃ সদোষং বলবচ্চ কর্ম||৩৮||
अतीन्द्रियैस्तैरतिसूक्ष्मरूपैरात्मा कदाचिन्न वियुक्तरूपः| न कर्मणा नैव मनोमतिभ्यां न चाप्यहङ्कारविकारदोषैः||३७|| रजस्तमोभ्यां हि मनोऽनुबद्धं ज्ञानं विना तत्र हि सर्वदोषाः| गतिप्रवृत्त्योस्तु निमित्तमुक्तं मनः सदोषं बलवच्च कर्म||३८||
🔊 Audio coming soon
‘আত্মা সদা কৈরনুবধ্যতে’ ইত্যস্যোত্তরম্- অতীন্দ্রিযৈরিত্যাদি| তৈরিতি বীজধর্মিত্বেনোক্তৈঃ| অহঙ্কারবিকারা এব দোষাঃ, কিংবা রজস্তমসী দোষৌ| অযং চ সূক্ষ্মভূতাদ্যনুবন্ধো মনস এবেত্যাহ- রজ ইত্যাদি| রজস্তমোভ্যাং হেতুভূতাভ্যাং মনঃ সর্বৈর্ভূতাদিভিরনুবদ্ধং ভবতি| অত্রৈব হেতুমাহ- জ্ঞানাদিত্যাদি| জ্ঞানাদিতি তত্ত্বজ্ঞানাত্; তত্ত্বজ্ঞানং বিনা মনঃ সর্বৈর্দোষৈর্যুক্তং ভবতি, তত্ত্বজ্ঞানাত্তু নির্দোষং ভবতীত্যর্থঃ| সদোষত্বে মনসঃ কিং ভবতীত্যাহ- গতীত্যাদি| গতিঃ দেহান্তরগমনং, প্রবৃত্তিঃ ধর্মাধর্মক্রিযাসু প্রবৃত্তিঃ; সদোষত্বেন মনঃ সংসারহেতুর্ভবতীতি বাক্যার্থঃ| গতিপ্রবৃত্ত্যোর্হেত্বন্তরমাহ- বলবচ্চ কর্মেত্যাদি| বলবদিতি নিযতবিপাকং; ‘ফলবত্’ ইতি বা পাঠঃ, তথাঽপি স এবার্থঃ| নিযতং কর্মফলং কর্মবলাদেব ভবতি| অত্র চ প্রশ্নোত্তরেষু যদধিকমুচ্যতে ‘গতিপ্রবৃত্ত্যোঃ’ ইত্যাদিনা, তত্ প্রকরণবশাদেব জ্ঞেযম্||৩৭-৩৮||
Adhikarana 16 (39) · Śloka 39
রোগাঃ কুতঃ সংশমনং কিমেষাং হর্ষস্য শোকস্য চ কিং নিমিত্তম্| শরীরসত্ত্বপ্রভবা বিকারাঃ কথং ন শান্তাঃ পুনরাপতেযুঃ||৩৯||
रोगाः कुतः संशमनं किमेषां हर्षस्य शोकस्य च किं निमित्तम्| शरीरसत्त्वप्रभवा विकाराः कथं न शान्ताः पुनरापतेयुः||३९||
🔊 Audio coming soon
‘রোগাঃ কুতঃ’ ইত্যেকঃ প্রশ্নঃ| ‘সংশমনং কিম্’ ইতি দ্বিতীযঃ| ‘হর্ষস্য কিং নিমিত্তম্’ ইতি তৃতীযঃ| ‘শোকস্য কিং নিমিত্তম্’ ইতি চতুর্থঃ| ‘শরীরসত্ত্বপ্রভবা বিকারাঃ কথং ন শান্তাঃ পুনরাপতেযুঃ’ ইতি পঞ্চমঃ| এবং সঙ্গ্রহবক্ষ্যমাণং ষট্ত্রিংশকং প্রশ্নানাং পূর্যতে||৩৯||
Adhikarana 17 (40) · Śloka 40
প্রজ্ঞাপরাধো বিষমাস্তথাঽর্থা হেতুস্তৃতীযঃ পরিণামকালঃ| সর্বামযানাং ত্রিবিধা চ শান্তির্জ্ঞানার্থকালাঃ সমযোগযুক্তাঃ||৪০||
प्रज्ञापराधो विषमास्तथाऽर्था हेतुस्तृतीयः परिणामकालः| सर्वामयानां त्रिविधा च शान्तिर्ज्ञानार्थकालाः समयोगयुक्ताः||४०||
🔊 Audio coming soon
প্রজ্ঞাপরাধাদযঃ প্রকরণবশাত্ পুনরুচ্যন্তে| পরিণামকাল ইতি কালপরিণাম ইত্যর্থং||৪০||
Adhikarana 18 (41) · Śloka 41
ধর্ম্যাঃ ক্রিযা হর্ষনিমিত্তমুক্তাস্ততোঽন্যথা শোকবশং নযন্তি| শরীরসত্ত্বপ্রভবাস্তু রোগাস্তযোরবৃত্ত্যা ন ভবন্তি ভূযঃ||৪১||
धर्म्याः क्रिया हर्षनिमित्तमुक्तास्ततोऽन्यथा शोकवशं नयन्ति| शरीरसत्त्वप्रभवास्तु रोगास्तयोरवृत्त्या न भवन्ति भूयः||४१||
🔊 Audio coming soon
ধর্ম্যা ধর্মসাধনাঃ, তাশ্চ হর্ষকারণধর্মকর্তৃত্বেন হর্ষকারণং ভবন্তি| ততোঽন্যথেতি অধর্ম্যাঃ ক্রিযাঃ| তযোরবৃত্ত্যেতি শরীরমনসোঃ সন্তানোচ্ছেদাত্| মোক্ষে হি শরীরমনসী নিবর্তেতে, ততঃ সর্বথা রোগসন্তাননিবৃত্তির্ভবতি||৪১||
Adhikarana 19 (42) · Śloka 42
রূপস্য সত্ত্বস্য চ সন্ততির্যা নোক্তস্তদাদির্নহি সোঽস্তি কশ্চিত্| তযোরবৃত্তিঃ ক্রিযতে পরাভ্যাং ধৃতিস্মৃতিভ্যাং পরযা ধিযা চ||৪২||
रूपस्य सत्त्वस्य च सन्ततिर्या नोक्तस्तदादिर्नहि सोऽस्ति कश्चित्| तयोरवृत्तिः क्रियते पराभ्यां धृतिस्मृतिभ्यां परया धिया च||४२||
🔊 Audio coming soon
ননু যস্য নিবৃত্তির্ভবতি তদাদিমদ্ভবতি, তত্ কিং শরীরমনঃসন্ততিরাদিমতী, যেন তস্যা নিবৃত্তির্বাস্তবিকরোগনিবৃত্তিকারণমুচ্যত ইত্যাহ- রূপস্যেত্যাদি| রূপস্য শরীরস্য, রূপং হি শরীরং রূপ্যমাণত্বেন রূপশব্দেনোচ্যতে, যথা- “রূপাদ্ধি রূপপ্রভবঃ” ইত্যত্রোক্তম্| নোক্ত ইত্যাগমেষু| কুতো নোক্ত ইত্যাহ- ন হি সোঽস্তীতি; অভাবাদেব নোক্ত ইত্যর্থঃ| অথ যদ্যনাদিমতী শরীরমনঃসন্ততিঃ, তত্ কথং তস্যা নিবৃত্তিরিত্যাহ- তযোরিত্যাদি| তযোরিতি শরীরসত্ত্বযোঃ সন্তন্যমানযোঃ| পরাভ্যামিতি শ্রেষ্ঠাভ্যাম্| ধৃত্যাদযস্তু যথা মোক্ষকারণং তথোক্তং কতিধাপুরুষীযে| অনাদিরপি চ শরীরসন্ততির্যথা বিনশ্যতি, তথা চ তত্রৈবোক্তম্||৪২||
Adhikarana 20 (43) · Śloka 43
সত্যাশ্রযে বা দ্বিবিধে যথোক্তে পূর্বং গদেভ্যঃ প্রতিকর্ম নিত্যম্| জিতেন্দ্রিযং নানুপতন্তি রোগাস্তত্কালযুক্তং যদি নাস্তি দৈবম্||৪৩||
सत्याश्रये वा द्विविधे यथोक्ते पूर्वं गदेभ्यः प्रतिकर्म नित्यम्| जितेन्द्रियं नानुपतन्ति रोगास्तत्कालयुक्तं यदि नास्ति दैवम्||४३||
🔊 Audio coming soon
প্রকারান্তরেণ শারীরমানসরোগাণাং চিকিত্সাং শাস্ত্রে ব্যবহ্রিযমাণামাহ- সতীত্যাদি| আশ্রযশব্দেন শরীরমনসী গৃহ্যেতে| পূর্বং গদেভ্য ইতি অনুত্পন্নেষ্বেব রূপেষু | প্রতিকর্ম নিত্যমিতি অনাগতচিকিত্সা নিত্যম্| জিতেন্দ্রিযমিত্যনেন চ রোগহেতুপ্রজ্ঞাপরাধাসাত্ম্যেন্দ্রিযার্থবর্জনং দর্শযতি, প্রতিকর্মনিত্যতযা চাশক্যপরিহারকালকৃতদোষচিকিত্সাং দর্শযতি| তত্কালযুক্তমিতি তত্কালেঽবশ্যং রোগকর্তৃতযা পচ্যমানম্; এতেন, বলবদ্দৈবমবশ্যং রোগং দদাতীতি দর্শযতি||৪৩||
Adhikarana 21 (44) · Śloka 44
দৈবং পুরা যত্ কৃতমুচ্যতে তত্ তত্ পৌরুষং যত্ত্বিহ কর্ম দৃষ্টম্| প্রবৃত্তিহেতুর্বিষমঃ স দৃষ্টো নিবৃত্তিহেতুর্হি সমঃ স এব||৪৪||
दैवं पुरा यत् कृतमुच्यते तत् तत् पौरुषं यत्त्विह कर्म दृष्टम्| प्रवृत्तिहेतुर्विषमः स दृष्टो निवृत्तिहेतुर्हि समः स एव||४४||
🔊 Audio coming soon
প্রকরণাদ্দৈবাখ্যং কর্ম তদনুষঙ্গত্ পুরুষকারমপ্যাহ- দৈবমিত্যাদি| তেন, প্রকরণাদুচ্যমানতযা জনপদোদ্ধ্বংসনীযোক্তকর্মলক্ষণেন সমং ন পৌনরুক্ত্যম্| পুরেতি জন্মান্তরে| ইহেতি ইহ জন্মনি| প্রবৃত্তিহেতুরিতি রোগপ্রবৃত্তিহেতুঃ| বিষম ইতি অধর্মরূপং দৈবং, রোগজনকশ্চ পুরুষকারঃ| সমস্তু দৈবং ধর্মরূপং, রোগপরিপন্থী চ পুরুষকারঃ| স ইতি পুংলিঙ্গনির্দেশস্তু কর্মণি (পুল্লিঙ্গ )ধর্মাধর্মরূপতযা তথা পুরুষকারস্য প্রত্যবমর্শাজ্জ্ঞেযঃ| অন্যে তু প্রবৃত্তিহেতুরিত্যনেন সংসারপ্রবৃত্তিহেতুরিতি, তথা নিবৃত্তিহেতুরিত্যনেন মোক্ষহেতুরিতি চ বর্ণযন্তি||৪৪||
Adhikarana 22 (45) · Śloka 45
হৈমন্তিকং দোষচযং বসন্তে প্রবাহযন্ গ্রৈষ্মিকমভ্রকালে| ঘনাত্যযে বার্ষিকমাশু সম্যক্ প্রাপ্নোতি রোগানৃতুজান্ন জাতু ||৪৫||
हैमन्तिकं दोषचयं वसन्ते प्रवाहयन् ग्रैष्मिकमभ्रकाले| घनात्यये वार्षिकमाशु सम्यक् प्राप्नोति रोगानृतुजान्न जातु ||४५||
🔊 Audio coming soon
অথ কথং কালবৃত্তদোষনিমিত্তরোগপরিহারঃ প্রতিকর্মণা কর্তব্য ইত্যাহ- হৈমন্তিকমিত্যাদি| বসন্ত ইতি চৈত্রে| অভ্রকাল ইতি শ্রাবণে| ঘনাত্যয ইতি মার্গশীর্ষে| যদুক্তং- “মাধবপ্রথমে মাসি” (সূ.অ.৭) ইত্যাদি| প্রবাহযন্নিত্যনেন যথাযোগ্যতযা বমনাদিনেতি জ্ঞেযম্||৪৫||
Adhikarana 23 (46-48) · Śloka 48
নরো হিতাহারবিহারসেবী সমীক্ষ্যকারী বিষযেষ্বসক্তঃ| দাতা সমঃ সত্যপরঃ ক্ষমাবানাপ্তোপসেবী চ ভবত্যরোগঃ||৪৬|| মতির্বচঃ কর্ম সুখানুবন্ধং সত্ত্বং বিধেযং বিশদা চ বুদ্ধিঃ| জ্ঞানং তপস্তত্পরতা চ যোগে যস্যাস্তি তং নানুপতন্তি রোগাঃ||৪৭|| তত্র শ্লোকঃ| ইহাগ্নিবেশস্য মহার্থযুক্তং ষট্ত্রিংশকং প্রশ্নগণং মহর্ষিঃ| অতুল্যগোত্রে ভগবান্ যথাবন্নির্ণীতবান্ জ্ঞানবিবর্ধনার্থম্||৪৮||
नरो हिताहारविहारसेवी समीक्ष्यकारी विषयेष्वसक्तः| दाता समः सत्यपरः क्षमावानाप्तोपसेवी च भवत्यरोगः||४६|| मतिर्वचः कर्म सुखानुबन्धं सत्त्वं विधेयं विशदा च बुद्धिः| ज्ञानं तपस्तत्परता च योगे यस्यास्ति तं नानुपतन्ति रोगाः||४७|| तत्र श्लोकः| इहाग्निवेशस्य महार्थयुक्तं षट्त्रिंशकं प्रश्नगणं महर्षिः| अतुल्यगोत्रे भगवान् यथावन्निर्णीतवान् ज्ञानविवर्धनार्थम्||४८||
🔊 Audio coming soon
হেত্বন্তরং রোগাভাবকারণমাহ- নর ইত্যাদি| সম ইতি ভূতেষু সমচিত্তঃ| সুখানুবন্ধমিতি লিঙ্গবিপরিণামান্মত্যা বচসা চ যোজ্যম্| তেন কাযবাঙ্মনঃকর্মাণ্যুত্তরকালীনসুখফলানি শুভানি গৃহ্যন্তে| সত্ত্বং বিধেযং স্বাযত্তং মনঃ| বিশদা বুদ্ধিরিতি ন কশ্মলা বুদ্ধিঃ| বুদ্ধিশ্চেহ ঊহাপোহবতী বিবক্ষিতা| মতিস্তু স্মৃতিচিন্তাদি| জ্ঞানং তত্ত্বজ্ঞানম্| শেষং সুগমম্||৪৬-৪৮||
Adhikarana puShpikA · Śloka 2
ইত্যগ্নিবেশকৃতে তন্ত্রে চরকপ্রতিসংস্কৃতে শারীরস্থানেঽতুল্যগোত্রীযং শারীরং নাম দ্বিতীযোঽধ্যাযঃ||২||
इत्यग्निवेशकृते तन्त्रे चरकप्रतिसंस्कृते शारीरस्थानेऽतुल्यगोत्रीयं शारीरं नाम द्वितीयोऽध्यायः||२||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং শারীরস্থানেঽতুল্যগোত্রীযং শারীরং নাম দ্বিতীযোঽধ্যাযঃ||২||