Adhikarana 1 (1-2) · Śloka 2
অথাতো বস্তিসূত্রীযাং সিদ্ধিং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातो बस्तिसूत्रीयां सिद्धिं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
পূর্বাধ্যাযে বমনাদিপ্রবৃত্তিবিষযাদিকমভিধায কল্পনাসিদ্ধ্যুক্তবস্তিকল্পনাযাঃ প্রপঞ্চেনাভিধানার্থং বস্তিসূত্রীযা সিদ্ধিরুচ্যতে| বস্তেরিতিকর্তব্যতাভিধাযকসূত্রমধিকৃত্য কৃতা সিদ্ধির্বস্তিসূত্রীযসিদ্ধিঃ||১-২||
Adhikarana 2 (3-5) · Śloka 5
কৃতক্ষণং শৈলবরস্য রম্যে স্থিতং ধনেশাযতনস্য পার্শ্বে| মহর্ষিসঙ্ঘৈর্বৃতমগ্নিবেশঃ পুনর্বসুং প্রাঞ্জলিরন্বপৃচ্ছত্||৩|| বস্তির্নরেভ্যঃ কিমপেক্ষ্য দত্তঃ স্যাত্ সিদ্ধিমান্ কিম্মযমস্য নেত্রম্| কীদৃক্প্রমাণাকৃতি কিঙ্গুণং চ কেভ্যশ্চ কিংযোনিগুণশ্চ বস্তিঃ||৪|| নিরূহকল্পঃ প্রণিধানমাত্রা স্নেহস্য কা বা শযনে বিধিঃ কঃ| কে বস্তযঃ কেষু হিতা ইতীদং শ্রুত্বোত্তরং প্রাহ বচো মহর্ষিঃ||৫||
कृतक्षणं शैलवरस्य रम्ये स्थितं धनेशायतनस्य पार्श्वे| महर्षिसङ्घैर्वृतमग्निवेशः पुनर्वसुं प्राञ्जलिरन्वपृच्छत्||३|| बस्तिर्नरेभ्यः किमपेक्ष्य दत्तः स्यात् सिद्धिमान् किम्मयमस्य नेत्रम्| कीदृक्प्रमाणाकृति किङ्गुणं च केभ्यश्च किंयोनिगुणश्च बस्तिः||४|| निरूहकल्पः प्रणिधानमात्रा स्नेहस्य का वा शयने विधिः कः| के बस्तयः केषु हिता इतीदं श्रुत्वोत्तरं प्राह वचो महर्षिः||५||
🔊 Audio coming soon
ধনেশাযতনস্যেতি হিমালযস্য| বস্তির্নরেভ্য ইত্যাদযো দশ প্রশ্নাঃ| নেত্রং নলিকা| কিংযোনিগুণশ্চ বস্তিরিত্যত্র বস্তিঃ বস্তিপুটকঃ, যোনিঃ প্রভবস্থানম্| স্নেহস্য বা কেতি অনুবাসনস্য কা প্রণিধানমাত্রা| অনুবাসনস্য চাত্র প্রপঞ্চোঽভিধাতব্যঃ; তেনানুবাসনস্য কল্পমাত্রপ্রশ্নোঽত্র বোদ্ধব্যঃ; যদা তু ‘স্নেহস্য বা কঃ’ ইতি পাঠঃ, তদা স্নেহস্য নিরূহদিনদীযমানস্য কো বিধিরিত্যর্থঃ, স চোত্তরগ্রন্থেন সঙ্গতার্থ এব| কে বস্তযঃ কেষু হিতা ইতি কেভ্যঃ পুরুষেভ্যঃ কিংযোনযা হিতা বস্তয ইত্যর্থঃ||৩-৫||
Adhikarana 3 (6) · Śloka 6
সমীক্ষ্য দোষৌষধদেশকালসাত্ম্যাগ্নিসত্ত্বাদিবযোবলানি| বস্তিঃ প্রযুক্তো নিযতং গুণায স্যাত্ সর্বকর্মাণি চ সিদ্ধিমন্তি||৬||
समीक्ष्य दोषौषधदेशकालसात्म्याग्निसत्त्वादिवयोबलानि| बस्तिः प्रयुक्तो नियतं गुणाय स्यात् सर्वकर्माणि च सिद्धिमन्ति||६||
🔊 Audio coming soon
সমীক্ষ্যেত্যাদি| অত্র দোষাদযো যে দশ পরীক্ষণীযাঃ প্রোক্তাস্তেষ্বেব উপকল্পনীযোক্তদোষভেষজাদ্যেকাদশকস্য তথা রোগভিষগ্জিতীযোক্তদশপরীক্ষ্যস্যাবরোধো ব্যাখ্যেযঃ; অনুক্তাবরোধশ্চাযং যোনিব্যাপত্তিক এবাস্মাভিরুক্তোঽনুসরণীযঃ| সমীক্ষ্যেতি জ্ঞানপূর্বকমবেক্ষ্য| সর্বকর্মাণি চেতি বমনাদীনি চ দোষাদীনপেক্ষ্য প্রযুক্তানি গুণকরাণি ভবন্তি||৬||
Adhikarana 4 (7) · Śloka 7
সুবর্ণরূপ্যত্রপুতাম্ররীতিকাংস্যাস্থিশস্ত্রদ্রুমবেণুদন্তৈঃ | নলৈর্বিষাণৈর্মণিভিশ্চ তৈস্তৈর্নেত্রাণি কার্যাণি সু(ত্রি)কর্ণিকানি ||৭||
सुवर्णरूप्यत्रपुताम्ररीतिकांस्यास्थिशस्त्रद्रुमवेणुदन्तैः | नलैर्विषाणैर्मणिभिश्च तैस्तैर्नेत्राणि कार्याणि सु(त्रि)कर्णिकानि ||७||
🔊 Audio coming soon
কিম্মযমস্য নেত্রমিত্যস্য প্রশ্নস্যোত্তরং- সুবর্ণেত্যাদি| ত্রপু বঙ্গং, রীতিঃ পিত্তলম্| বিষাণৈরিতি মহিষাদিশৃঙ্গৈঃ| সুকর্ণিকানীতি সুসমাহিতকর্ণিকানি; ‘ত্রিকর্ণিকানি’ ইতি কেচিত্ পঠন্তি, ত্রিকর্ণিকত্বং চাগ্রে বক্ষ্যমাণম্||৭||
Adhikarana 5 (8-9) · Śloka 10
ষড্দ্বাদশাষ্টাঙ্গুলসম্মিতানি ষড্বিংশতিদ্বাদশবর্ষজানাম্| স্যুর্মুদ্গকর্কন্ধুসতীনবাহিচ্ছিদ্রাণি বর্ত্যাঽপিহিতানি চৈব||৮|| যথাবযোঽঙ্গুষ্ঠকনিষ্ঠিকাভ্যাং মূলাগ্রযোঃ স্যুঃ পরিণাহবন্তি| ঋজূনি গোপুচ্ছসমাকৃতীনি শ্লক্ষ্ণানি চ স্যুর্গুডিকামুখানি||৯|| স্যাত্ কর্ণিকৈকাঽগ্রচতুর্থভাগে মূলাশ্রিতে বস্তিনিবন্ধনে দ্বে|১০|
षड्द्वादशाष्टाङ्गुलसम्मितानि षड्विंशतिद्वादशवर्षजानाम्| स्युर्मुद्गकर्कन्धुसतीनवाहिच्छिद्राणि वर्त्याऽपिहितानि चैव||८|| यथावयोऽङ्गुष्ठकनिष्ठिकाभ्यां मूलाग्रयोः स्युः परिणाहवन्ति| ऋजूनि गोपुच्छसमाकृतीनि श्लक्ष्णानि च स्युर्गुडिकामुखानि||९|| स्यात् कर्णिकैकाऽग्रचतुर्थभागे मूलाश्रिते बस्तिनिबन्धने द्वे|१०|
🔊 Audio coming soon
‘কীদৃক্প্রমাণাকৃতি’ ইত্যস্যোত্তরং- ষডিত্যাদি| তত্র ষডঙ্গুলমেকবর্ষাত্ প্রভৃতি যাবত্ ষড্বর্ষং, দ্বাদশবর্ষস্যাষ্টাঙ্গুলং নেত্রং ভবতি, বিংশতিবর্ষস্য দ্বাদশাঙ্গুলং নেত্রং ভবতি| অত্র ব্যুত্ক্রমাভিধানেন ষড্বর্ষাদর্বাগ্বিংশতিবর্ষাদূর্ধ্বং চ নেত্রমানবিকল্পো নাস্তি, ষড্বর্ষাদূর্ধ্বং নেত্রমানবিকল্পোঽস্তীতি দর্শযতি; তেন ষড্বর্ষাদূর্ধ্বং প্রত্যব্দমঙ্গুলতৃতীযভাগবৃদ্ধির্ভবতি, দ্বাদশাদূর্ধ্বং প্রত্যব্দমর্ধাঙ্গুলবৃদ্ধিঃ, এবমুক্তমানপূরণং ভবতি| সুশ্রুতে নেত্রমানভেদ উক্তঃ, স নাতিবিরোধকারিতযা উপেক্ষণীয এব| উক্তং হি তত্র- “সাংবত্সরিকাষ্টদ্বিরষ্টবর্ষাণাং ষডষ্টদশাঙ্গুলং নেত্রং, পঞ্চবিংশতিবর্ষাদূর্ধ্বং দ্বাদশাঙ্গুলম্” (সু.চি.অ.৩৫) ইতি| মুদ্গাদিবাহিচ্ছিদ্রত্বং যথাসঙ্খ্যং ষড্দ্বাদশাষ্টাঙ্গুলনেত্রেষু জ্ঞেযম্| কর্কন্ধুশব্দেনেহ শৃগালবদরী স্বল্পা গৃহ্যতে; উক্তং হি সুশ্রুতে- “কোলাস্থিমাত্রচ্ছিদ্রং” (সু.চি.অ.৩৫) ইতি| বৃহদ্বদরীগ্রহণে তু কনিষ্ঠাপ্রমাণাগ্রং তদ্বহনং নার্হতি; কেচিদেবং বিরোধং পশ্যন্তো বদরাস্থিমজ্জানমিহ কর্কন্ধূশব্দেন গ্রাহযন্তি| সতীনঃ বর্তুলকলাযঃ| বর্ত্যাঽপিহিতানীতি দ্রব্যান্তরপ্রবেশনিরাসার্থং বর্ত্যাঽপিহিতমুখানি কর্তব্যানি| যথাবয ইতি যস্মিন্ বযসি নেত্রং বিহিতং, তদ্বযঃস্থস্যৈবাঙ্গুষ্ঠকনিষ্ঠাভ্যাং যথাসঙ্খ্যং মূলেঽগ্রে চ তুল্যপরিণাহং নেত্রং কর্তব্যম্| ঋজূনীত্যাদিনা নেত্রগুণানাহ| শ্লক্ষ্ণানীতি অকর্কশানি| গুটিকামুখানীত্যনেন বর্তুলমুখতযাঽতীক্ষ্ণমুখতাং দর্শযতি| একা কর্ণিকাঽগ্রে কর্তব্যা নেত্রস্যান্তঃপ্রবেশনিরাসার্থং, বস্তিনিবন্ধনে দ্বে ইতি বস্তিনিবন্ধনপ্রযোজনকে দ্বে||৮-৯||-
Adhikarana 6 (10-11) · Śloka 11
জারদ্গবো মাহিষহারিণৌ বা স্যাচ্ছৌকরো বস্তিরজস্য বাঽপি||১০|| দৃঢস্তনুর্নষ্টসিরো বিগন্ধঃ কষাযরক্তঃ সুমৃদুঃ সুশুদ্ধঃ | নৃণাং বযো বীক্ষ্য যথানুরূপং নেত্রেষু যোজ্যস্তু সুবদ্ধসূত্রঃ||১১||
जारद्गवो माहिषहारिणौ वा स्याच्छौकरो बस्तिरजस्य वाऽपि||१०|| दृढस्तनुर्नष्टसिरो विगन्धः कषायरक्तः सुमृदुः सुशुद्धः | नृणां वयो वीक्ष्य यथानुरूपं नेत्रेषु योज्यस्तु सुबद्धसूत्रः||११||
🔊 Audio coming soon
কেভ্যশ্চ কিংযোনিগুণশ্চ বস্তিরিত্যস্যোত্তরং- জারদ্গব ইত্যাদি|- জারদ্গবঃ বৃদ্ধগোভবঃ| বস্তিরিতি মূত্রাশযপুটকম্| নষ্টসির ইতি সমুদ্ধৃতসিরাসন্ততিঃ | বিগতঃ পূতিগন্ধো যস্য স বিগন্ধঃ| কষাযরক্ত ইতি কষাযভাবনযা রক্তীকৃতঃ | বযো বীক্ষ্য যথানুরূপমিতি বযোভেদেন যথোক্তেন যো বস্তির্যস্যোচিতপ্রমাণো ভবতি, স তস্য নেত্রে নিবন্ধনীযঃ| এতেন ‘কেভ্যঃ কো বস্তিঃ’ ইত্যস্যোত্তরং ভবতি||১০-১১||
Adhikarana 7 (12) · Śloka 12
বস্তেরলাভে প্লবজো গলো বা স্যাদঙ্কপাদঃ সুঘনঃ পটো বা|১২|
बस्तेरलाभे प्लवजो गलो वा स्यादङ्कपादः सुघनः पटो वा|१२|
🔊 Audio coming soon
বস্ত্যপ্রাপ্তাবনুকল্পবিধিমাহ- বস্তেরলাভে ইত্যাদি| প্লবজ ইতি প্রসেবকগলঃ পক্ষী ‘প্লব’ ইতি খ্যাতঃ| অঙ্কপাদঃ চর্মচটকঃ, তস্য চর্ম গ্রাহ্যং বস্ত্যর্থম্|১২|
Adhikarana 8 (12) · Śloka 13
আস্থাপনার্হং পুরুষং বিধিজ্ঞঃ সমীক্ষ্য পুণ্যেঽহনি শুক্লপক্ষে||১২|| প্রশস্তনক্ষত্রমুহূর্তযোগে জীর্ণান্নমেকাগ্রমুপক্রমেত |১৩|
आस्थापनार्हं पुरुषं विधिज्ञः समीक्ष्य पुण्येऽहनि शुक्लपक्षे||१२|| प्रशस्तनक्षत्रमुहूर्तयोगे जीर्णान्नमेकाग्रमुपक्रमेत |१३|
🔊 Audio coming soon
‘নিরূহকল্পঃ’ ইত্যাদিপ্রশ্নস্যোত্তরম্- আস্থাপনার্হমিত্যাদি| শুক্লপক্ষে ইতি শুক্লপক্ষস্য সর্বারম্ভেষু প্রশস্তত্বাত্, হারীতেন তু কৃষ্ণপক্ষ এবাত্র বিহিতঃ; উক্তং হি- “কৃষ্ণপক্ষে কার্যং, জন্মনি সর্বরোগা হতাঃ সুহতা ভবন্তীতি বদন্তি শাস্ত্রজ্ঞাঃ; শুক্লে দেবা জাতাঃ, কৃষ্ণেঽসুরাশ্চ সর্বরোগাশ্চ; তস্মাদ্রোগচিকিত্সা কৃষ্ণে সদৈব কর্তব্যা” ইতি| একাগ্রমিতি বস্তিপ্রযোগৈকমনসম্||১২||-
Adhikarana 9 (13-19) · Śloka 20
বলাং গুডূচীং ত্রিফলাং সরাস্নাং দ্বে পঞ্চমূলে চ পলোন্মিতানি||১৩|| অষ্টৌ ফলান্যর্ধতুলাং চ মাংসাচ্ছাগাত্ পচেদপ্সু চতুর্থশেষম্| পূতং যবানীফলবিল্বকুষ্ঠবচাশতাহ্বাঘনপিপ্পলীনাম্||১৪|| কল্কৈর্গুডক্ষৌদ্রঘৃতৈঃ সতৈলৈর্যুতং সুখোষ্ণৈস্তু পিচুপ্রমাণৈঃ| গুডাত্ পলং দ্বিপ্রসৃতাং তু মাত্রাং স্নেহস্য যুক্ত্যা মধু সৈন্ধবং চ||১৫|| প্রক্ষিপ্য বস্তৌ মথিতং খজেন সুবদ্ধমুচ্ছ্বাস্য চ নির্বলীকম্| অঙ্গুষ্ঠমধ্যেন মুখং পিধায নেত্রাগ্রসংস্থামপনীয বর্তিম্||১৬|| তৈলাক্তগাত্রং কৃতমূত্রবিট্কং নাতিক্ষুধার্তং শযনে মনুষ্যম্| সমেঽথবেষন্নতশীর্ষকে বা নাত্যুচ্ছ্রিতে স্বাস্তরণোপপন্নে||১৭|| সব্যেন পার্শ্বেন সুখং শযানং কৃত্বর্জুদেহং স্বভুজোপধানম্| সঙ্কোচ্য সব্যেতরদস্য সক্থি বামং প্রসার্য প্রণযেত্ততস্তম্||১৮|| স্নিগ্ধে গুদে নেত্রচতুর্থভাগং স্নিগ্ধং শনৈরৃজ্বন পৃষ্ঠবংশম্| অকম্পনাবেপনলাঘবাদীন্ পাণ্যোর্গুণাংশ্চাপি বিদর্শযংস্তম্ ||১৯|| প্রপীড্য চৈকগ্রহণেন দত্তং নেত্রং শনৈরেব ততোঽপকর্ষেত্|২০|
बलां गुडूचीं त्रिफलां सरास्नां द्वे पञ्चमूले च पलोन्मितानि||१३|| अष्टौ फलान्यर्धतुलां च मांसाच्छागात् पचेदप्सु चतुर्थशेषम्| पूतं यवानीफलबिल्वकुष्ठवचाशताह्वाघनपिप्पलीनाम्||१४|| कल्कैर्गुडक्षौद्रघृतैः सतैलैर्युतं सुखोष्णैस्तु पिचुप्रमाणैः| गुडात् पलं द्विप्रसृतां तु मात्रां स्नेहस्य युक्त्या मधु सैन्धवं च||१५|| प्रक्षिप्य बस्तौ मथितं खजेन सुबद्धमुच्छ्वास्य च निर्वलीकम्| अङ्गुष्ठमध्येन मुखं पिधाय नेत्राग्रसंस्थामपनीय वर्तिम्||१६|| तैलाक्तगात्रं कृतमूत्रविट्कं नातिक्षुधार्तं शयने मनुष्यम्| समेऽथवेषन्नतशीर्षके वा नात्युच्छ्रिते स्वास्तरणोपपन्ने||१७|| सव्येन पार्श्वेन सुखं शयानं कृत्वर्जुदेहं स्वभुजोपधानम्| सङ्कोच्य सव्येतरदस्य सक्थि वामं प्रसार्य प्रणयेत्ततस्तम्||१८|| स्निग्धे गुदे नेत्रचतुर्थभागं स्निग्धं शनैरृज्वन पृष्ठवंशम्| अकम्पनावेपनलाघवादीन् पाण्योर्गुणांश्चापि विदर्शयंस्तम् ||१९|| प्रपीड्य चैकग्रहणेन दत्तं नेत्रं शनैरेव ततोऽपकर्षेत्|२०|
🔊 Audio coming soon
বলামিত্যাদিনা বস্তিবিধানমাহ| পলোন্মিতত্বমিহ ত্রিফলাপঞ্চমূল্যোরপি প্রতিদ্রব্যম্| ফলানীতি মদনফলানি, তানি চাকৃত্যৈবাষ্টাবিহ| অত্র বলাদীনামৌষধানামৌত্সর্গিকক্বাথবিধিনাঽষ্টমদনফলাধিকষট্ষষ্টিপলত্বং “ক্বাথঃ ক্বাথ্যসমঃ” ইতিবচনাদ্ বহুক্বাথো ভবতি; বস্তৌ চ পুটত্রযদানেঽপি প্রতিপুটকে দশপলক্বাথদাননিযমাত্ ত্রিংশত্পলানি পরমুপযুজ্যন্তে, শেষস্তু যদ্যপি নিষ্প্রযোজনস্তথাঽপি মহর্ষিবচনাদ্যাবত্প্রমাণমুক্তং তাবতৈব ক্রিযমাণঃ ক্বাথোঽত্র গুণবান্ ভবতীতি, তেন ন মীমাংস্যমেতত্; উক্তং হি- “যথা কুর্বন্তি, স উপাযঃ” (সূ.অ.২৬); ইতি কিংবা, উপযুক্তক্বাথ্যদ্রব্যমানবিভাগোদাহরণার্থমেতদুক্তং , তেন তদনুসারেণোপযুক্তক্বাথসাধনযোগ্যমানমেব ক্বাথ্যং গ্রহীতব্যম্| যবান্যাদীনাং প্রত্যেকং প্রতিনিরূহং পিচুমানত্বং; পিচুঃ কর্ষঃ| স্নেহস্যেতি ঘৃততৈলস্য, উক্তত্বাত্ | এতচ্চ স্নেহমানং প্রকৃতিস্থে পুরুষে বক্ষ্যমাণব্যবস্থযা জ্ঞেযম্| ‘যুক্ত্যা মধুসৈন্ধবে চ’ ইত্যনেন মধুসৈন্ধবযোঃ প্রকৃত্যাদ্যপেক্ষযাঽনিযতং মানং দর্শযতি; চকারো মাংসরসক্ষীরগোমূত্রাদীনাং চানিযতং মানং দর্শযতি; এষাং চ মানব্যবস্থামগ্রে কষাযমানপ্রস্তাবে দর্শযিষ্যামঃ| উচ্ছ্বাস্যেতি উচ্ছ্বাসনেন দ্রব্যাভিঘাতজনিতবাতনির্গমমিচ্ছতি| নির্বলীকমিতি ক্রিযাবিশেষণম্| নেত্রাগ্রসংস্থামিতি প্রথমং দ্রবনির্গমাদিপ্রতিষেধার্থং নলিকাগ্রমুখদত্তাং বর্তিম্| তৈলাক্তগাত্রমিতি অভ্যঙ্গসাহচর্যাত্ স্বেদোঽপি জ্ঞেযঃ, তেনাভ্যক্তস্বিন্নমিত্যর্থঃ; উক্তং হ্যন্যত্র “অনুবাসিতমাস্থাপযেদভ্যক্তস্বিন্নশরীরম্” (সু.চি.অ.৩৮) ইতি| প্রস্তাবাগতশযনবিধিমাহ- শযনে মনুষ্যমিত্যাদি| সমেঽথবেষন্নতশীর্ষকে বেতি বিকল্পদ্বযমাতুরেচ্ছযা কর্তব্যং; কিংবা, উন্নতকটীদেশস্য পুরুষস্য সমং, তুচ্ছকটীকস্যোন্নতশীর্ষং শযনং বিধেযম্, এবং হি তযোঃ সম্যগ্বস্তির্দেহানুসারী ভবতি| সব্যেনেতি বামেন; বামপার্শ্বশযনপ্রযোজনং ‘বামাশ্রযে হি’ ইত্যাদিনা বক্ষ্যমাণম্| মনুষ্যং যথোক্তসর্বগুণং কৃত্বা তং প্রণযেদিতি সম্বন্ধঃ| স্বভুজোপধানং যথা ভবতি তথা শযানম্; উপধানং গণ্ডুঃ| সব্যেতরদ্ দক্ষিণম্| সক্থি জঙ্ঘা| বামং সক্থি প্রসার্য, তদুপরি দক্ষিণং সক্থি সঙ্কোচ্য, বিসৃতসব্যসক্থিসঙ্কুচিতদক্ষিণসক্থীত্যর্থঃ| স্নিগ্ধে গুদে নেত্রচতুর্থভাগমিতি কর্ণিকাবচ্ছিন্নং সর্বং চতুর্থভাগমিতি| অনু পৃষ্ঠবংশমিতি পৃষ্ঠবংশমনুগতং কৃত্বা| অকম্পনেত্যাদৌ কম্পনং চলনং, বেপনং বেপথুঃ, লাঘবং শীঘ্রক্রিযতা; আদিশব্দেন বস্তিগ্রহণপীডনাদি গৃহ্যতে| বিদর্শযন্নিহ সম্পাদযন্| প্রপীড্য চৈকগ্রহণেন দত্তমিত্যনেন বিশ্রম্য পুনঃ পীডনং বাযুজনকং নিষেধযতি||১৩-১৯||-
Adhikarana 10 (20-22) · Śloka 23
তির্যক্ প্রণীতে তু ন যাতি ধারা গুদে ব্রণঃ স্যাচ্চলিতে তু নেত্রে||২০|| দত্তঃ শনৈর্নাশযমেতি বস্তিঃ কণ্ঠং প্রধাবত্যতিপীডিতশ্চ| শীতস্ত্বতিস্তম্ভকরো বিদাহং মূর্চ্ছাং চ কুর্যাদতিমাত্রমুষ্ণঃ||২১|| স্নিগ্ধোঽতিজাড্যং পবনং তু রূক্ষস্তন্বল্পমাত্রালবণস্ত্বযোগম্| করোতি মাত্রাভ্যধিকোঽতিযোগং ক্ষামং তু সান্দ্রঃ সুচিরেণ চৈতি||২২|| দাহাতিসারৌ লবণোঽতি কুর্যাত্তস্মাত্ সুযুক্তং সমমেব দদ্যাত্|২৩|
तिर्यक् प्रणीते तु न याति धारा गुदे व्रणः स्याच्चलिते तु नेत्रे||२०|| दत्तः शनैर्नाशयमेति बस्तिः कण्ठं प्रधावत्यतिपीडितश्च| शीतस्त्वतिस्तम्भकरो विदाहं मूर्च्छां च कुर्यादतिमात्रमुष्णः||२१|| स्निग्धोऽतिजाड्यं पवनं तु रूक्षस्तन्वल्पमात्रालवणस्त्वयोगम्| करोति मात्राभ्यधिकोऽतियोगं क्षामं तु सान्द्रः सुचिरेण चैति||२२|| दाहातिसारौ लवणोऽति कुर्यात्तस्मात् सुयुक्तं सममेव दद्यात्|२३|
🔊 Audio coming soon
তির্যক্প্রণিধানাদিদোষমাহ- তির্যগিত্যাদি| ন যাতি ধারেতি তির্যক্প্রণিধানে সতি গুদবলীরোধো ভবতি, তেন ধারা ন যাতি| অতিস্তম্ভকর ইতি বস্তির্দেহস্য স্তম্ভং করোতি| জাড্যমিতি শরীরজডতা| তন্বল্পমাত্রালবণস্ত্বযোগমিতি তনুর্বা, অল্পমাত্রলবণো বা| সান্দ্রঃ তনুবিপরীতঃ, ক্ষামং পুরুষং কুর্যাত্| লবণোঽতীতি অতিমাত্রলবণঃ| তস্মাদিতি যথোক্তবিধানেষু দোষনিদর্শনাত্| সুযুক্তমিতি তির্যক্প্রণিধানাদিরহিতং, শীতত্বাদিরহিতং চ||২০-২২||-
Adhikarana 11 (23) · Śloka 24
পূর্বং হি দদ্যান্মধু সৈন্ধবং তু স্নেহং বিনির্মথ্যং ততোঽনু কল্কম্||২৩|| বিমথ্য সংযোজ্য পুনর্দ্রবৈস্তং বস্তৌ নিদধ্যান্মথিতং খজেন|২৪|
पूर्वं हि दद्यान्मधु सैन्धवं तु स्नेहं विनिर्मथ्यं ततोऽनु कल्कम्||२३|| विमथ्य संयोज्य पुनर्द्रवैस्तं बस्तौ निदध्यान्मथितं खजेन|२४|
🔊 Audio coming soon
‘পূর্বং হি দদ্যাদ্’ ইতি গ্রন্থং কেচিদনার্ষমাহুঃ; তন্ত্রান্তরেষু ত্বস্যার্থস্য দৃষ্টত্বাদ্যুক্ত এবাযং পাঠঃ; উচ্যতে হি সুশ্রুতে “দত্ত্বাঽঽদৌ সৈন্ধবস্যাক্ষং মধুনশ্চ পলদ্বযম্ | পাত্রে তলেন মথ্নীযাত্” (সু.চি.অ.৩৮) ইত্যাদি| পুনর্দ্রবৈস্তমিত্যত্র দ্রবশব্দেন ক্বাথস্য গ্রহণম্||২৩||-
Adhikarana 12 (24) · Śloka 25
বামাশ্রযে হি গ্রহণীগুদে চ তত্ পার্শ্বসংস্থস্য সুখোপলব্ধিঃ||২৪|| লীযন্ত এবং বলযশ্চ তস্মাত্ সব্যং শযানোঽর্হতি বস্তিদানম্|২৫|
वामाश्रये हि ग्रहणीगुदे च तत् पार्श्वसंस्थस्य सुखोपलब्धिः||२४|| लीयन्त एवं वलयश्च तस्मात् सव्यं शयानोऽर्हति बस्तिदानम्|२५|
🔊 Audio coming soon
বামপার্শ্বশযনং যদুক্তং তস্য প্রযোজনমাহ- বামাশ্রযে ইত্যাদি| বামাশ্রযে যস্মাদ্ গ্রহণীগুদে, তেন বামপার্শ্বসুপ্তস্য গ্রহণীগুদে প্রকৃতিস্থে ভবতঃ, প্রকৃতিস্থে চ গুদে গুদস্য বস্তিনা সম্যগুপশ্লেষাদ্ ব্যাপ্তির্ভবতি, তথা বলযশ্চ লীনা ভবন্তি, তেন সুখং বস্তির্যাতি, গ্রহণীগুদযোঃ প্রকৃতিস্থতযা চ বস্তির্ব্যাপ্য সুখং গ্রহণীং ভাবযতীতি বোদ্ধব্যম্||২৪||-
Adhikarana 13 (25) · Śloka 26
বিড্বাতবেগো যদি চার্ধদত্তে নিষ্কৃষ্য মুক্তে প্রণযেদশেষম্ ||২৫|| উত্তানদেহশ্চ কৃতোপধানঃ স্যাদ্বীর্যমাপ্নোতি তথাঽস্য দেহম্ |২৬|
विड्वातवेगो यदि चार्धदत्ते निष्कृष्य मुक्ते प्रणयेदशेषम् ||२५|| उत्तानदेहश्च कृतोपधानः स्याद्वीर्यमाप्नोति तथाऽस्य देहम् |२६|
🔊 Audio coming soon
বিড্বাতেত্যাদৌ নিষ্কৃষ্য মুক্তে ইতি নলিকামাকৃষ্য বিড্বাতবেগে মুক্তে| দত্তে তু বস্তৌ উত্তানদেহঃ কৃতোপধানশ্চ স্যাত্| এতত্করণপ্রযোজনমাহ- বীর্যমাপ্নোতীত্যাদি||২৫||-
Adhikarana 14 (26) · Śloka 26
একোঽপকর্ষত্যনিলং স্বমার্গাত্ পিত্তং দ্বিতীযস্তু কফং তৃতীযঃ||২৬||
एकोऽपकर्षत्यनिलं स्वमार्गात् पित्तं द्वितीयस्तु कफं तृतीयः||२६||
🔊 Audio coming soon
একোঽপকর্ষতীত্যাদি| এতদ্বাতাদিভেদেন একাদিবস্তিদানবিধানং; ন তু ত্রিদোষে প্রথমো বাতং জযতি, দ্বিতীযঃ পিত্তং জযতি, তৃতীযঃ কফমিত্যাদি ব্যাখ্যেযং; যতঃ, “স্নিগ্ধোষ্ণ একঃ পবনে সমাংসঃ” ইত্যাদিনা পবনাদিভেদেনৈব সঙ্খ্যানিযমং করিষ্যতি| এবং স্বমার্গাচ্চানিলমেকো বস্তিরপকর্ষতি, পিত্তং দ্বিতীযস্তু স্বমার্গাদিতি পিত্তং দ্বাবেব জযতঃ , কফং ত্রয এব জযন্তীতি জ্ঞেযং; স্বমার্গাদিতি স্বস্থানাত্| যদ্যপি চ বস্তিঃ পক্বাশযগতমেব দোষং জযতীত্যুক্তং, তথাঽপি পিত্তাদিস্থানেঽপি বিশেষবস্তিবিধিসামর্থ্যাদ্দোষহরণমুচ্যতে; তেন, উত্সর্গতস্তদ্গতদোষহরণং বিশিষ্টবিধানেন চ স্থানান্তরগতদোষহরণং ভবতি| অযমর্থো জতূকণেঽপ্যুচ্যতে- “বস্তিঃ কার্যঃ সকৃদ্বস্তিস্থানশক্ত্যাঽনিলাদিষু” ইতি| অত্র দ্বিতীযঃ পিত্তমপকর্ষতি, তৃতীযঃ কফমপকর্ষতীত্যুচ্যতে; তথাঽপি প্রথমদ্বিতীযযোরপি পিত্তকফাপহত্বমস্ত্যেব , পরং দ্বিতীযেন পিত্তাপহরণং, তৃতীযেন চ কফাপহরণং স্থানপ্রত্যাসত্ত্যা ক্রিযত ইতি কৃত্বা দ্বিতীযঃ পিত্তং হরতি, তৃতীযঃ কফং হরতীতি চোক্তম্| পিত্তকফযোশ্চ যদ্যপি সুখং চিকিত্সিতং বস্তির্ন ভবতি, তথাঽপি বাতাবরকে বাতানুবন্ধে বা পিত্তে কফে চৈতদ্বস্তিদানং জ্ঞেযম্; উক্তং হি সুশ্রুতে- “বস্তির্বাতে চ পিত্তে চ কফে রক্তে চ শস্যতে” (সু.চি.অ.৩৫) ইতি||২৬||
Adhikarana 15 (27-29) · Śloka 30
প্রত্যাগতে কোষ্ণজলাবসিক্তঃ শাল্যন্নমদ্যাত্তনুনা রসেন| জীর্ণে তু সাযং লঘু চাল্পমাত্রং ভুক্তোঽনুবাস্যঃ পরিবৃংহণার্থম্||২৭|| নিরূহপাদাংশসমেন তৈলেনাম্লানিলঘ্নৌষধসাধিতেন| দত্ত্বা স্ফিচৌ পাণিতলেন হন্যাত্ স্নেহস্য শীঘ্রাগমরক্ষণার্থম্||২৮|| ঈষচ্চ পাদাঙ্গুলিযুগ্মমাঞ্ছেদুত্তানদেহস্য তলৌ প্রমৃজ্যাত্| স্নেহেন পার্ষ্ণ্যঙ্গুলিপিণ্ডিকাশ্চ যে চাস্য গাত্রাবযবা রুগার্তাঃ||২৯|| তাংশ্চাবমদ্গীত সুখং ততশ্চ নিদ্রামুপাসীত কৃতোপধানঃ|৩০|
प्रत्यागते कोष्णजलावसिक्तः शाल्यन्नमद्यात्तनुना रसेन| जीर्णे तु सायं लघु चाल्पमात्रं भुक्तोऽनुवास्यः परिबृंहणार्थम्||२७|| निरूहपादांशसमेन तैलेनाम्लानिलघ्नौषधसाधितेन| दत्त्वा स्फिचौ पाणितलेन हन्यात् स्नेहस्य शीघ्रागमरक्षणार्थम्||२८|| ईषच्च पादाङ्गुलियुग्ममाञ्छेदुत्तानदेहस्य तलौ प्रमृज्यात्| स्नेहेन पार्ष्ण्यङ्गुलिपिण्डिकाश्च ये चास्य गात्रावयवा रुगार्ताः||२९|| तांश्चावमद्गीत सुखं ततश्च निद्रामुपासीत कृतोपधानः|३०|
🔊 Audio coming soon
শাল্যন্নমিত্যাদৌ জীর্ণে ইতি আস্থাপনোপলেপে কোষ্ঠস্থে জীর্ণে| তনুমাংসরসাদিভোজনং চেহ নিরূহেণ মনাগুপহতস্য বহ্নেঃ পরিপালনার্থম্| পেযাদিক্রমস্ত্বত্র ন ক্রিযতে, বিরেচনবদিহামস্যাভাবাত্; অত এব সুশ্রুতে পেযাদিক্রমং ত্যক্ত্বা রসাদিক্রম উক্তঃ| পরিবৃংহণার্থমিত্যনেন লেখনার্থং ক্রিযমাণে নিরূহে পরিবৃংহণার্থমনুবাসনং তদহঃ কর্তব্যমিতি দর্শযতি| অত এব কল্পনাসিদ্ধাবপি- “নরস্ততো নিশ্যনুবাসনার্হঃ” (সি.অ.১) ইত্যনেন তদহরনুবাসনস্যাবশ্যকত্বমুক্তং ; জতূকর্ণেঽপ্যুক্তং- “জীর্ণে সাযং কৃতান্নং চ পুষ্ট্যর্থমনুবাসযেত্” ইতি| নিরূহপাদাংশসমেন তৈলেনেতি নিরূহপাদপ্রমাণেন, চতুর্বিংশতিপলে নিরূহে ষট্পলেন স্নেহেনেত্যর্থঃ; ইযং চোত্তমা মাত্রাঽনুবাসনস্য; উক্তং হ্যন্যত্র- “উত্তমা ষট্পলী প্রোক্তা মধ্যমা ত্রিপলী ভবেত্| কনীযসী সার্ধপলা ত্রিধা মাত্রাঽনুবাসনে” ইতি; সুশ্রুতেঽপ্যেতাবন্মানমেব স্নেহস্যানুবাসন মাত্রাবস্তিবিভাগেনানুবাসনে উক্তম্| স্নেহশীঘ্রাগমনরক্ষার্থং বিধানমাহ- ঈষদিত্যাদি| তচ্চ পাদাঙ্গুল্যোত্তানদেহস্য মাত্রাশতং স্থাপনং কর্তব্যম্| নিরূহে তু ত্রিংশন্মাত্রাকালং যাবদুত্তানস্য স্থাপনং মন্যন্তে| পাদাঙ্গুলিযুগ্মমিতি পর্বসন্ধিঃ| আঞ্ছেদিতি আকর্ষেত্| নিদ্রামুপাসীতেতি বচনং ক্রিযান্তরস্য নিষেধার্থম্||২৭-২৯||-
Adhikarana 16 (30) · Śloka 31
ভাগাঃ কষাযস্য তু পঞ্চ, পিত্তে স্নেহস্য ষষ্ঠঃ প্রকৃতৌ স্থিতে চ||৩০|| বাতে বিবৃদ্ধে তু চতুর্থভাগো, মাত্রা নিরূহেষু কফেঽষ্টভাগঃ|৩১|
भागाः कषायस्य तु पञ्च, पित्ते स्नेहस्य षष्ठः प्रकृतौ स्थिते च||३०|| वाते विवृद्धे तु चतुर्थभागो, मात्रा निरूहेषु कफेऽष्टभागः|३१|
🔊 Audio coming soon
সম্প্রতি ত্রিবিধো যো দ্বাদশপ্রসৃতো নিরূহস্তস্য কষাযস্নেহমাত্রাং নিরূপযন্নাহ - ভাগা ইত্যাদি| ভাগাঃ কষাযস্য পঞ্চেত্যনেন সর্বত্রৈব দোষে স্বস্থে চ পুরুষে দ্বাদশপ্রসৃতভাগরূপে নিরূহে পঞ্চভাগাঃ কষাযস্য ভবন্তি, তেন পঞ্চ প্রসৃতাঃ কষাযস্য| স্নেহস্য চ দোষভেদেন স্বস্থে চ মানভেদমাহ- পিত্তে ইত্যাদি| পিত্তে স্নেহস্য ষষ্ঠঃ, তথা প্রকৃতৌ স্থিতে চ পুরুষে স্বস্থে ষষ্ঠ ইত্যর্থঃ; তত্র ষণ্ণাং পূরণঃ ষষ্ঠঃ, তেন দ্বাদশপ্রসৃতস্য ষষ্ঠো ভাগো দ্বিপ্রসৃতং ভবতি| স্নেহশব্দেন ঘৃততৈলাদিগ্রহণম্| বাতে তু বৃদ্ধে চতুর্থো ভাগঃ; স্নেহচতুর্থো ভাগঃ প্রসৃতত্রযম্| অষ্টভাগ ইতি সার্ধঃ প্রসৃতঃ| অস্মিন্নর্থে হারীতঃ- “ক্বাথস্য পঞ্চপ্রসৃতা বিভাগাঃ, স্নেহস্য ষষ্ঠো হ্যধিকে তু পিত্তে| স্বস্থে চ তাবত্, পবনে চতুর্থঃ, কফেঽষ্টমোঽত্যন্তগতে(?) বিকল্পঃ” ইতি| এষা স্নেহমাত্রা হীনমাত্রেঽপি নিরূহে ক্বাথস্নেহযোরুক্তমাত্রানুসারেণ যোজনীযা; শেষণাং তু মধুকল্কসৈন্ধবানামিহ মাত্রানিযমো নোক্তঃ, তেষামপি প্রকৃত্যাদিভদেনানিযতত্বাত্; তেন মধ্বাদীনাং প্রকৃত্যাদ্যনুসারেণ প্রসৃতমানেন দ্বাদশপ্রসৃতত্বং পূরণীযম্| তত্র জতূকণপ্রত্যযাত্ সর্বত্র কল্কস্য পলদ্বযং ভবতি| উক্তং হি তত্র “চতুর্বিংশতিকে পুটকে পেষ্যাণাং দ্বিপলং, কিঞ্চিচ্চ মধুসৈন্ধবাত্, স্নেহো বক্ষ্যমাণঃ, শেষং কষাযস্য; বাতে তৈলষট্পলং স্বস্থে চ; চত্বারি পিত্তে ঘৃতস্য, কফে ত্রীণি তৈলস্য” ইতি; সৈন্ধবং তু কর্ষপ্রমাণমস্তি; যতঃ সুশ্রুতে- “সৈন্ধবাক্ষং সমাদায মধুনঃ প্রসৃতদ্বযম্” (সু.চি.অ.৩৮) ইত্যাদ্যুক্তম্; হারীত তু- “ক্ষৌদ্রং তু দেযং প্রসৃতপ্রমাণং দ্বিতীযমাহুর্লবণস্য চাক্ষম্” ইত্যুক্তং; তেনানযা দিশা সৈন্ধবমধুকল্পনা| যথোক্তকষাযস্নেহকল্কমধুসৈন্ধবাপূরিতাংশপূরণং চাবাপেনৈব কর্তব্যম্; আবাপশ্চাত্রানুক্তোঽপ্যুত্তরত্র বক্ষ্যমাণো বাতাদিভেদেন মাংসরসক্ষীরগোমূত্রাদিকো জ্ঞেযঃ| বক্ষ্যতি হি- “স্নিগ্ধোষ্ণ একঃ পবনে নিরূহো, দ্বৌ স্বাদুশীতৌ পযসা চ পিত্তে| ত্রযঃ সমূত্রাঃ কটুকোষ্ণতীক্ষ্ণাঃ কফে নিরূহা ন পরং বিধেযাঃ” ইতি| হারীতঽপ্যুক্তং “স্নেহং গুডং মাংসরসং পযশ্চ হ্যম্লানি মূত্রাণি চ সৈন্ধবং চ| এতানি সর্বাণ্যপি যোজযীত নিরূহযোগে মদনাত্ ফলং চ” ইতি| যত্তু তন্ত্রান্তরে- দ্বাদশপ্রসৃতপূরণং প্রতি প্রতিদ্রব্যবিভাগেনোক্তং; যথা- “দত্ত্বাঽঽদৌ সৈন্ধবস্যাক্ষং মধুনঃ প্রসৃতদ্বযম্| বিনির্মথ্য ততো দদ্যাত্ স্নেহস্য প্রসৃতত্রযম্| একীভূতে ততঃ স্নেহে কল্কস্য প্রসৃতং ক্ষিপেত্| সম্মূর্চ্ছিতে কষাযং তু চতুঃপ্রসৃতসম্মিতম্|| বিতরেচ্চ তদাবাপমন্তে দ্বিপ্রসৃতোন্মিতম্| এবং সুকল্পিতো বস্তির্দ্বাদশপ্রসৃতো ভবেত্” (সু.চি.অ.৩৮) ইতি; তদ্বাতবিষযমেব, স্নেহস্য বাতঘ্নত্বাত্; কিন্ত্বত্র যচ্চতুঃপ্রসৃতং কষাযস্য মন্যতে, তদস্মত্তন্ত্রানুমতমেব | যত্ত্বন্যে পঠন্তি- “মধুস্নেহনকল্কাখ্যকষাযাবাপতঃ ক্রমাত্| ত্রীণি ষট্ দ্বে দশ ত্রীণি পলান্যনিলরোগিণাম্|| পিত্তে চত্বারি চত্বারি দ্বে দ্বিপঞ্চ চতুষ্টযম্ | ষট্ ত্রীণি দ্বে দশ ত্রীণি কফে চাপি নিরূহণম্” ইতি; তদস্মত্তন্ত্রানুগতত্বাদনুমতমেব||৩০||-
Adhikarana 17 (31-32) · Śloka 33
নিরূহমাত্রা প্রসৃতার্ধমাদ্যে বর্ষে ততোঽর্ধপ্রসৃতাভিবৃদ্ধিঃ||৩১|| আদ্বাদশাত্ স্যাত্ প্রসৃতাভিবৃদ্ধিরষ্টাদশাদ্ দ্বাদশতঃ পরং স্যুঃ| আসপ্ততেস্তদ্বিহিতং প্রমাণমতঃ পরং ষোডশবদ্বিধেযম্||৩২|| নিরূহমাত্রা প্রসৃতপ্রমাণা বালে চ বৃদ্ধে চ মৃদুর্বিশেষঃ|৩৩|
निरूहमात्रा प्रसृतार्धमाद्ये वर्षे ततोऽर्धप्रसृताभिवृद्धिः||३१|| आद्वादशात् स्यात् प्रसृताभिवृद्धिरष्टादशाद् द्वादशतः परं स्युः| आसप्ततेस्तद्विहितं प्रमाणमतः परं षोडशवद्विधेयम्||३२|| निरूहमात्रा प्रसृतप्रमाणा बाले च वृद्धे च मृदुर्विशेषः|३३|
🔊 Audio coming soon
ইদানীং বযোভেদেন নিরূহপ্রমাণং দর্শযন্নাহ- নিরূহেত্যাদি| আদ্যে বর্ষে বালস্য পলমানে নিরূহে ক্বাথাদি যথোক্তমানানুসারেণ বক্তব্যম্; অর্ধপ্রসৃতাভিবৃদ্ধিঃ ততঃ প্রতিবর্ষং ভবতি; তেন দ্বাদশবর্ষে ষট্প্রসৃতো বস্তির্ভবতি; দ্বাদশাদূর্ধ্বমষ্টাদশবর্ষপর্যন্তং প্রতিবর্ষং প্রসৃতবৃদ্ধ্যা দ্বাদশপ্রসৃতপূরণং ভবতি; ‘দ্বাদশতঃ পরং স্যুঃ’ ইত্যনেনাধিকপ্রমাণবস্তিমানং মহাত্যযকরং কৈশ্চিদনুমতং নিষেধযতি; যথা হারীতে একীযমতং পঠ্যতে- “অর্ধাঢকং পরমতমং প্রমাণম্” ইতি ; তথা সুশ্রুতেঽপি (?)- “দ্বাদশপ্রসৃতং কেচিত্ ত্রিংশত্পলমথাঽপরে” ইত্যাদি| বস্তিমানং দর্শযিতুমাহ- আসপ্ততেরিত্যাদি| আসপ্ততেস্তদিতি দ্বাদশপ্রসৃতমানং সপ্ততিং যাবদ্ভবতি| ষোডশবদিতি দশপ্রসৃতপ্রমাণম্| বালবৃদ্ধযোর্যথোক্তপ্রসৃতমানবিষযং দর্শযন্ তত্রান্যং বিশেষমাহ- নিরূহমাত্রেত্যাদি| বালবৃদ্ধযোর্যথোক্তৈব নিরূহমাত্রা প্রসৃতপ্রমাণা কার্যা, বিশেষেণ তযোর্বস্তির্মৃদুঃ কার্যঃ| তীক্ষ্ণত্বমার্দবকরং চ বিধানং বক্ষ্যতি; যথা- “তীক্ষ্ণত্বং মূত্রপীল্বগ্নিলবণক্ষারসর্ষপৈঃ| প্রাপ্তকালং বিধাতব্যং ক্ষীরাদ্যৈর্মার্দবং তথা” (সি.অ.৭) ইতি||৩১-৩২||-
Adhikarana 18 (33) · Śloka 34
নাত্যুচ্ছ্রিতং নাপ্যতিনীচপাদং সপাদপীঠং শযনং প্রশস্তম্||৩৩|| প্রধানমৃদ্বাস্তরণোপপন্নং প্রাক্শীর্ষকং শুক্লপটোত্তরীযম্|৩৪|
नात्युच्छ्रितं नाप्यतिनीचपादं सपादपीठं शयनं प्रशस्तम्||३३|| प्रधानमृद्वास्तरणोपपन्नं प्राक्शीर्षकं शुक्लपटोत्तरीयम्|३४|
🔊 Audio coming soon
সম্প্রতি ‘শযনে বিধিঃ কঃ’ ইতি প্রশ্নস্যোত্তরমাহ- নাত্যুচ্ছ্রিতমিত্যাদি| পূর্বং যঃ শযনবিধিরুক্তঃ স তাত্কালিকঃ, অযং তূত্তরকালিক ইতি বিশেষঃ| প্রধানং মহন্মৃদু চাস্তরণং প্রধানমৃদ্বাস্তরণং, তেনোপপন্নং যুক্তম্| প্রাক্শীর্ষকমিতি “প্রাচ্যাং দিশি স্থিতা দেবাস্তত্পূজার্থং চ প্রাক্শিরাঃ” (সু.সূ.অ.১৯) ইতি বচনাত্||৩৩||-
Adhikarana 19 (34) · Śloka 35
ভোজ্যং পুনর্ব্যাধিমবেক্ষ্য তদ্বত্ প্রকল্পযেদ্যূষপযোরসাদ্যৈঃ||৩৪|| সর্বেষু বিদ্যাদ্বিধিমেতমাদ্যং বক্ষ্যামি বস্তীনত উত্তরীযান্|৩৫|
भोज्यं पुनर्व्याधिमवेक्ष्य तद्वत् प्रकल्पयेद्यूषपयोरसाद्यैः||३४|| सर्वेषु विद्याद्विधिमेतमाद्यं वक्ष्यामि बस्तीनत उत्तरीयान्|३५|
🔊 Audio coming soon
যূষাদি ভোজ্যবিধানং যথাক্রমং কফে, পিত্তে, বাতে; কিংবা, অগ্ন্যপেক্ষং যথাযোগ্যতযা ব্যাখ্যেযম্| যথোক্তবিধানং বক্ষ্যমাণবিধিষু কর্তব্যতযা দর্শযন্নাহ- সর্বেষ্বিত্যাদি| এতদাদ্যমিতি প্রধানম্, ঔত্সর্গিকমিতি যাবত্; তেন বিশেষবিধানেনাপবাদোঽপ্যস্য ভবিষ্যতীতি সূচযতি||৩৪||-
Adhikarana 20 (35-45) · Śloka 45
দ্বিপঞ্চমূলস্য রসোঽম্লযুক্তঃ সচ্ছাগমাংসস্য সপূর্বপেষ্যঃ||৩৫|| ত্রিস্নেহযুক্তঃ প্রবরো নিরূহঃ সর্বানিলব্যাধিহরঃ প্রদিষ্টঃ| স্থিরাদিবর্গস্য বলাপটোলত্রাযন্তিকৈরণ্ডযবৈর্যুতস্য||৩৬|| প্রস্থো রসাচ্ছাগরসার্ধযুক্তঃ সাধ্যঃ পুনঃ প্রস্থসমস্তু যাবত্| প্রিযঙ্গুকৃষ্ণাঘনকল্কযুক্তঃ সতৈলসর্পির্মধুসৈন্ধবশ্চ||৩৭|| স্যাদ্দীপনো মাংসবলপ্রদশ্চ চক্ষুর্বলং চাপি দদাতি বস্তিঃ | এরণ্ডমূলং ত্রিপলং পলাশা হ্রস্বানি মূলানি চ যানি পঞ্চ||৩৮|| রাস্নাশ্বগন্ধাতিবলাগুডূচী পুনর্নবারগ্বধদেবদারু| ভাগাঃ পলাংশা মদনাষ্টযুক্তা জলদ্বিকংসে ক্বথিতেঽষ্টশেষে||৩৯|| পেষ্যাঃ শতাহ্বা হপুষা প্রিযঙ্গুঃ সপিপ্পলীকং মধুকং বলা চ| রসাঞ্জনং বত্সকবীজমুস্তং ভাগাক্ষমাত্রং লবণাংশযুক্তম্||৪০|| সমাক্ষিকস্তৈলযুতঃ সমূত্রো বস্তির্নৃণাং দীপনলেখনীযঃ| জঙ্ঘোরুপাদত্রিকপৃষ্ঠশূলং কফাবৃতিং মারুতনিগ্রহং চ||৪১|| বিণ্মূত্রবাতগ্রহণং সশূলমাধ্মানতামশ্মরিশর্করে চ| আনাহমর্শোগ্রহণীপ্রদোষানেরণ্ডবস্তিঃ শমযেত্ প্রযুক্তঃ||৪২|| চতুষ্পলে তৈলঘৃতস্য ভৃষ্টাচ্ছাগাচ্ছতার্ধো দধিদাডিমাম্লঃ| রসঃ সপেষ্যো বলমাংসবর্ণরেতোগ্নিদশ্চান্ধ্যশিরোর্তিশস্তঃ ||৪৩|| জলদ্বিকংসেঽষ্টপলং পলাশাত্ পক্ত্বা রসোঽর্ধাঢকমাত্রশেষঃ| কল্কৈর্বচামাগধিকাপলাভ্যাং যুক্তঃ শতাহ্বাদ্বিপলেন চাপি||৪৪|| সসৈন্ধবঃ ক্ষৌদ্রযুতঃ সতৈলো দেযো নিরূহো বলবর্ণকারী| আনাহপার্শ্বামযযোনিদোষান্ গুল্মানুদাবর্তরুজং চ হন্যাত্||৪৫||
द्विपञ्चमूलस्य रसोऽम्लयुक्तः सच्छागमांसस्य सपूर्वपेष्यः||३५|| त्रिस्नेहयुक्तः प्रवरो निरूहः सर्वानिलव्याधिहरः प्रदिष्टः| स्थिरादिवर्गस्य बलापटोलत्रायन्तिकैरण्डयवैर्युतस्य||३६|| प्रस्थो रसाच्छागरसार्धयुक्तः साध्यः पुनः प्रस्थसमस्तु यावत्| प्रियङ्गुकृष्णाघनकल्कयुक्तः सतैलसर्पिर्मधुसैन्धवश्च||३७|| स्याद्दीपनो मांसबलप्रदश्च चक्षुर्बलं चापि ददाति बस्तिः | एरण्डमूलं त्रिपलं पलाशा ह्रस्वानि मूलानि च यानि पञ्च||३८|| रास्नाश्वगन्धातिबलागुडूची पुनर्नवारग्वधदेवदारु| भागाः पलांशा मदनाष्टयुक्ता जलद्विकंसे क्वथितेऽष्टशेषे||३९|| पेष्याः शताह्वा हपुषा प्रियङ्गुः सपिप्पलीकं मधुकं बला च| रसाञ्जनं वत्सकबीजमुस्तं भागाक्षमात्रं लवणांशयुक्तम्||४०|| समाक्षिकस्तैलयुतः समूत्रो बस्तिर्नृणां दीपनलेखनीयः| जङ्घोरुपादत्रिकपृष्ठशूलं कफावृतिं मारुतनिग्रहं च||४१|| विण्मूत्रवातग्रहणं सशूलमाध्मानतामश्मरिशर्करे च| आनाहमर्शोग्रहणीप्रदोषानेरण्डबस्तिः शमयेत् प्रयुक्तः||४२|| चतुष्पले तैलघृतस्य भृष्टाच्छागाच्छतार्धो दधिदाडिमाम्लः| रसः सपेष्यो बलमांसवर्णरेतोग्निदश्चान्ध्यशिरोर्तिशस्तः ||४३|| जलद्विकंसेऽष्टपलं पलाशात् पक्त्वा रसोऽर्धाढकमात्रशेषः| कल्कैर्वचामागधिकापलाभ्यां युक्तः शताह्वाद्विपलेन चापि||४४|| ससैन्धवः क्षौद्रयुतः सतैलो देयो निरूहो बलवर्णकारी| आनाहपार्श्वामययोनिदोषान् गुल्मानुदावर्तरुजं च हन्यात्||४५||
🔊 Audio coming soon
‘কে বস্তয’ ইত্যাদিপ্রশ্নস্যোত্তরং- দ্বিপঞ্চমূলস্যেত্যাদি| অত্র মাংসং দশমূলসমম্| রসঃ ক্বাথঃ| অম্লং কাঞ্জিকাদি| সপূর্বপেষ্য ইতি বলাদ্যুক্তকল্কযুক্তঃ| ত্রিস্নেহযুক্ত ইত্যনেন, মজ্জপরিত্যাগং সর্ববস্তিসিদ্ধং স্মারযতি; উক্তং হ্যন্যত্র- “বিজ্ঞেযস্ত্রিবিধঃ স্নেহো বস্ত্যর্থ মজ্জবর্জিতঃ” ইতি| স্থিরাদিবর্গস্যেত্যাদৌ মধুসৈন্ধবে যদ্যপি সামান্যেনোক্তবস্তিবিধানলব্ধে, তথাঽপি তৈলাদীনামত্রাপ্রকর্ষার্থং পুনস্তযোরভিধানং, কিংবা সামান্যবিধিস্মরণার্থমত্রাভিধানম্; এবমন্যত্রাপি সামান্যবিধিপ্রাপ্তস্য পুনরভিধানে ব্যাখ্যেযম্| এরণ্ডমূলমিত্যাদৌ পলাশা শটী| হ্রস্বানি মূলানীতি স্থিরাদিপঞ্চমূলম্| কংস আঢকঃ| ভাগাক্ষমাত্রমিতি ভাগেনাক্ষমাত্রম্| ছাগাচ্ছতার্ধ ইতি পঞ্চাশত্পলো ভবতি| সপেষ্য ইতি বলাদিকস্য কল্কযুক্তঃ||৩৫-৪৫||
Adhikarana 21 (46-55) · Śloka 55
যষ্ট্যাহ্বযস্যাষ্টপলেন সিদ্ধং পযঃ শতাহ্বাফলপিপ্পলীভিঃ| যুক্তং সসর্পির্মধু বাতরক্তবৈস্বর্যবীসর্পহিতো নিরূহঃ||৪৬|| যষ্ট্যাহ্বলোধ্রাভযচন্দনৈশ্চ শৃতং পযোঽগ্র্যং কমলোত্পলৈশ্চ| সশর্করং ক্ষৌদ্রযুতং সুশীতং পিত্তামযান্ হন্তি সজীবনীযম্||৪৭|| দ্বিকার্ষিকাশ্চন্দনপদ্মকর্ধিযষ্ট্যাহ্বরাস্নাবৃষসারিবাশ্চ| সলোধ্রমঞ্জিষ্ঠমথাপ্যনন্তাবলাস্থিরাদিতৃণপঞ্চমূলম্ ||৪৮|| তোযে সমুত্ক্বাথ্য রসেন তেন শৃতং পযোঽর্ধাঢকমম্বুহীনম্| জীবন্তিমেদর্ধিশতাবরীভির্বীরাদ্বিকাকোলিকশেরুকাভিঃ||৪৯|| সিতোপলাজীবকপদ্মরেণু প্রপৌণ্ডরীকৈঃ কমলোত্পলৈশ্চ| লোধ্রাত্মগুপ্তামধুকৈর্বিদারীমুঞ্জাতকৈঃ কেশরচন্দনৈশ্চ||৫০|| পিষ্টৈর্ঘৃতক্ষৌদ্রযুতৈর্নিরূহং সসৈন্ধবং শীতলমেব দদ্যাত্| প্রত্যাগতে ধন্বরসেন শালীন্ ক্ষীরেণ বাঽদ্যাত্ পরিষিক্তগাত্রঃ||৫১|| দাহাতিসারপ্রদরাস্রপিত্তহৃত্পাণ্ডুরোগান্ বিষমজ্বরং চ| সগুল্মমূত্রগ্রহকামলাদীন্ সর্বামযান্ পিত্তকৃতান্নিহন্তি||৫২|| দ্রাক্ষাদিকাশ্মর্যমধূকসেব্যৈঃ সসারিবাচন্দনশীতপাক্যৈঃ| পযঃ শৃতং শ্রাবণিমুদ্গপর্ণীতুগাত্মগুপ্তামধুযষ্টিকল্কৈঃ||৫৩|| গোধূমচূর্ণৈশ্চ তথাঽক্ষমাত্রৈঃ সক্ষৌদ্রসর্পির্মধুযষ্টিতৈলৈঃ| পথ্যাবিদারীক্ষুরসৈর্গুডেন বস্তিং যুতং পিত্তহরং বিদধ্যাত্||৫৪|| হৃন্নাভিপার্শ্বোত্তমদেহদাহে দাহেঽন্তরস্থে চ সকৃচ্ছ্রমূত্রে| ক্ষীণে ক্ষতে রেতসি চাপি নষ্টে পৈত্তেঽতিসারে চ নৃণাং প্রশস্তঃ||৫৫||
यष्ट्याह्वयस्याष्टपलेन सिद्धं पयः शताह्वाफलपिप्पलीभिः| युक्तं ससर्पिर्मधु वातरक्तवैस्वर्यवीसर्पहितो निरूहः||४६|| यष्ट्याह्वलोध्राभयचन्दनैश्च शृतं पयोऽग्र्यं कमलोत्पलैश्च| सशर्करं क्षौद्रयुतं सुशीतं पित्तामयान् हन्ति सजीवनीयम्||४७|| द्विकार्षिकाश्चन्दनपद्मकर्धियष्ट्याह्वरास्नावृषसारिवाश्च| सलोध्रमञ्जिष्ठमथाप्यनन्ताबलास्थिरादितृणपञ्चमूलम् ||४८|| तोये समुत्क्वाथ्य रसेन तेन शृतं पयोऽर्धाढकमम्बुहीनम्| जीवन्तिमेदर्धिशतावरीभिर्वीराद्विकाकोलिकशेरुकाभिः||४९|| सितोपलाजीवकपद्मरेणु प्रपौण्डरीकैः कमलोत्पलैश्च| लोध्रात्मगुप्तामधुकैर्विदारीमुञ्जातकैः केशरचन्दनैश्च||५०|| पिष्टैर्घृतक्षौद्रयुतैर्निरूहं ससैन्धवं शीतलमेव दद्यात्| प्रत्यागते धन्वरसेन शालीन् क्षीरेण वाऽद्यात् परिषिक्तगात्रः||५१|| दाहातिसारप्रदरास्रपित्तहृत्पाण्डुरोगान् विषमज्वरं च| सगुल्ममूत्रग्रहकामलादीन् सर्वामयान् पित्तकृतान्निहन्ति||५२|| द्राक्षादिकाश्मर्यमधूकसेव्यैः ससारिवाचन्दनशीतपाक्यैः| पयः शृतं श्रावणिमुद्गपर्णीतुगात्मगुप्तामधुयष्टिकल्कैः||५३|| गोधूमचूर्णैश्च तथाऽक्षमात्रैः सक्षौद्रसर्पिर्मधुयष्टितैलैः| पथ्याविदारीक्षुरसैर्गुडेन बस्तिं युतं पित्तहरं विदध्यात्||५४|| हृन्नाभिपार्श्वोत्तमदेहदाहे दाहेऽन्तरस्थे च सकृच्छ्रमूत्रे| क्षीणे क्षते रेतसि चापि नष्टे पैत्तेऽतिसारे च नृणां प्रशस्तः||५५||
🔊 Audio coming soon
যষ্ট্যাহ্বযস্যেত্যাদিকাশ্চত্বারঃ পিত্তে, পূর্বং তূক্তাঃ পঞ্চ বাতে| অত্র পযঃসাধনং ক্ষীরপাকপরিভাষযৈব| যষ্ট্যাহ্বলোধ্রেত্যাদিনা জীবনীযমিত্যন্তেনৈকো যোগঃ| জীবনীযানামত্র কল্কঃ| সুশীতত্বমিহৌত্সর্গিকং মৃদুকোষ্ঠেষ্বধিকং পিত্তহিতত্বাত্; অনযা চ দিশাঽপরপিত্তহরবস্তাবপি শীতত্বং জ্ঞেযম্| দ্বিকার্ষিকমিত্যাদৌ অনন্তা উত্পলসারিবা| তৃণপঞ্চমূলং- “শরেক্ষুদর্ভকাশানাং শালীনাং মূলমেব চ” (চ.চি.অ.১পা.১) ইত্যাদিনোক্তম্| অম্বুহীনমিতি ক্ষীরাবশেষপর্যন্তং শৃতম্| রাজকশেরুঃ কশেরুরেব| সসৈন্ধবমিতি ঈষত্সৈন্ধবম্| সসারিবেত্যাদৌ শীতপাকী শীতলী| মধুযষ্টিতৈলং মধুযষ্টিসাধিতং তৈলম্| উত্তমদেহঃ মস্তকম্||৪৬-৫৫||
Adhikarana 22 (56-64) · Śloka 64
কোষাতকারগ্বধদেবদারুশার্ঙ্গেষ্টমূর্বাকুটজার্কপাঠাঃ | পক্ত্বা কুলত্থান্ বৃহতীং চ তোযে রসস্য তস্য প্রসৃতা দশ স্যুঃ||৫৬|| তান্ সর্ষপৈলামদনৈঃ সকুষ্ঠৈরক্ষপ্রমাণৈঃ প্রসৃতৈশ্চ যুক্তান্| ফলাহ্বতৈলস্য সমাক্ষিকস্য ক্ষারস্য তৈলস্য চ সার্ষপস্য||৫৭|| দদ্যান্নিরূহং কফরোগিণে জ্ঞো মন্দাগ্নযে চাপ্যশনদ্বিষে চ| পটোলপথ্যামরদারুভির্বা সপিপ্পলীকৈঃ ক্বথিতৈর্জলেঽগ্নৌ||৫৮|| দ্বিপঞ্চমূলে ত্রিফলাং সবিল্বাং ফলানি গোমূত্রযুতঃ কষাযঃ| কলিঙ্গপাঠাফলমুস্তকল্কঃ সসৈন্ধবঃ ক্ষারযুতঃ সতৈলঃ||৫৯|| নিরূহমুখ্যঃ কফজান্ বিকারান্ সপাণ্ডুরোগালসকামদোষান্| হন্যাত্তথা মারুতমূত্রসঙ্গং বস্তেস্তথাঽঽটোপমথাপি ঘোরম্||৬০|| রাস্নামৃতৈরণ্ডবিডঙ্গদার্বীসপ্তচ্ছদোশীরসুরাহ্বনিম্বৈঃ| শম্পাকভূনিম্বপটোলপাঠাতিক্তাখুপর্ণীদশমূলমুস্তৈঃ||৬১|| ত্রাযন্তিকাশিগ্রুফলত্রিকৈশ্চ ক্বাথঃ সপিণ্ডীতকতোযমূত্রঃ| যষ্ট্যাহ্বকৃষ্ণাফলিনীশতাহ্বারসাঞ্জনশ্বেতবচাবিডঙ্গৈঃ||৬২|| কলিঙ্গপাঠাম্বুদসৈন্ধবৈশ্চ কল্কৈঃ সসর্পির্মধুতৈলমিশ্রঃ| অযং নিরূহঃ ক্রিমিকুষ্ঠমেহব্রধ্নোদরাজীর্ণকফাতুরেভ্যঃ||৬৩|| রূক্ষৌষধৈরপ্যপতর্পিতেভ্য এতেষু রোগেষ্বপি সত্সু দত্তঃ| নিহত্য বাতং জ্বলনং প্রদীপ্য বিজিত্য রোগাংশ্চ বলং করোতি||৬৪||
कोषातकारग्वधदेवदारुशार्ङ्गेष्टमूर्वाकुटजार्कपाठाः | पक्त्वा कुलत्थान् बृहतीं च तोये रसस्य तस्य प्रसृता दश स्युः||५६|| तान् सर्षपैलामदनैः सकुष्ठैरक्षप्रमाणैः प्रसृतैश्च युक्तान्| फलाह्वतैलस्य समाक्षिकस्य क्षारस्य तैलस्य च सार्षपस्य||५७|| दद्यान्निरूहं कफरोगिणे ज्ञो मन्दाग्नये चाप्यशनद्विषे च| पटोलपथ्यामरदारुभिर्वा सपिप्पलीकैः क्वथितैर्जलेऽग्नौ||५८|| द्विपञ्चमूले त्रिफलां सबिल्वां फलानि गोमूत्रयुतः कषायः| कलिङ्गपाठाफलमुस्तकल्कः ससैन्धवः क्षारयुतः सतैलः||५९|| निरूहमुख्यः कफजान् विकारान् सपाण्डुरोगालसकामदोषान्| हन्यात्तथा मारुतमूत्रसङ्गं बस्तेस्तथाऽऽटोपमथापि घोरम्||६०|| रास्नामृतैरण्डविडङ्गदार्वीसप्तच्छदोशीरसुराह्वनिम्बैः| शम्पाकभूनिम्बपटोलपाठातिक्ताखुपर्णीदशमूलमुस्तैः||६१|| त्रायन्तिकाशिग्रुफलत्रिकैश्च क्वाथः सपिण्डीतकतोयमूत्रः| यष्ट्याह्वकृष्णाफलिनीशताह्वारसाञ्जनश्वेतवचाविडङ्गैः||६२|| कलिङ्गपाठाम्बुदसैन्धवैश्च कल्कैः ससर्पिर्मधुतैलमिश्रः| अयं निरूहः क्रिमिकुष्ठमेहब्रध्नोदराजीर्णकफातुरेभ्यः||६३|| रूक्षौषधैरप्यपतर्पितेभ्य एतेषु रोगेष्वपि सत्सु दत्तः| निहत्य वातं ज्वलनं प्रदीप्य विजित्य रोगांश्च बलं करोति||६४||
🔊 Audio coming soon
কোষাতকেত্যাদিকাশ্চত্বারঃ কফে বস্তযঃ| শার্ঙ্গেষ্টা গুঞ্জা| অত্র ক্বাথদশপ্রসৃতেন তথা কল্কেন ক্ষৌদ্রাদিনা চ যদ্যপি মানমধিকং ভবতি, তথাঽপ্যেবমেব দ্রব্যসংযোগং কৃত্বা দ্বাদশপ্রসৃত এব বস্তির্দেযঃ, তদধিকমানস্য নিষিদ্ধত্বাত্| পটোলেত্যাদৌ পটোলাদিপিপ্পল্যন্তৈস্তোযং সাধযিত্বা পূর্ববদ্ দ্বিতীযঃ, কফরোগিণে দ্বিপঞ্চমূল্যাদিভিস্তৃতীযঃ কর্তব্যঃ| ক্ষারঃ যবক্ষারঃ| রাস্নেত্যাদৌ শম্পাকঃ চতুরঙ্গুলঃ| তিক্তা কটুরোহিণী| অত্র পিণ্ডীতকক্বাথোঽপ্যাবাপকল্পো যেন প্রবিশতি; পিণ্ডীতকঃ মদনঃ| রূক্ষৌষধৈরত্যপতর্পিতেভ্যোঽপ্যেতেষু কুষ্ঠাদিরোগেষ্বযং দত্তো বলং করোতীতি যোজনা||৫৬-৬৪||
Adhikarana 23 (65-68) · Śloka 68
পুনর্নবৈরণ্ডবৃষাশ্মভেদবৃশ্চীরভূতীকবলাপলাশাঃ | দ্বিপঞ্চমূলং চ পলাংশিকানি ক্ষুণ্ণানি ধৌতানি ফলানি চাষ্টৌ||৬৫|| বিল্বং যবান্ কোলকুলত্থধান্যফলানি চৈব প্রসৃতোন্মিতানি| পযোজলদ্ব্যাঢকবচ্ছৃতং তত্ ক্ষীরাবশেষং সিতবস্ত্রপূতম্||৬৬|| বচাশতাহ্বামরদারুকুষ্ঠযষ্ট্যাহ্বসিদ্ধার্থকপিপ্পলীনাম্ | কল্কৈর্যবান্যা মদনৈশ্চ যুক্তং নাত্যুষ্ণশীতং গুডসৈন্ধবাক্তম্||৬৭|| ক্ষৌদ্রস্য তৈলস্য চ সর্পিষশ্চ তথৈব যুক্তং প্রসৃতৈস্ত্রিভিশ্চ | দদ্যান্নিরূহং বিধিনা বিবিজ্ঞঃ স সর্বসংসর্গকৃতামযঘ্নঃ||৬৮||
पुनर्नवैरण्डवृषाश्मभेदवृश्चीरभूतीकबलापलाशाः | द्विपञ्चमूलं च पलांशिकानि क्षुण्णानि धौतानि फलानि चाष्टौ||६५|| बिल्वं यवान् कोलकुलत्थधान्यफलानि चैव प्रसृतोन्मितानि| पयोजलद्व्याढकवच्छृतं तत् क्षीरावशेषं सितवस्त्रपूतम्||६६|| वचाशताह्वामरदारुकुष्ठयष्ट्याह्वसिद्धार्थकपिप्पलीनाम् | कल्कैर्यवान्या मदनैश्च युक्तं नात्युष्णशीतं गुडसैन्धवाक्तम्||६७|| क्षौद्रस्य तैलस्य च सर्पिषश्च तथैव युक्तं प्रसृतैस्त्रिभिश्च | दद्यान्निरूहं विधिना विविज्ञः स सर्वसंसर्गकृतामयघ्नः||६८||
🔊 Audio coming soon
পুনর্নবেত্যাদিকঃ সর্ববাতাদিসংসর্গবিষযঃ| বৃশ্চীরঃ শ্বেতপুনর্নবা| ধান্যানি ফলানি চেতি ধান্যফলানি| পযোজলদ্ব্যাঢকবদিতি সমজলক্ষীরদ্বিপ্রস্থযুক্তম্||৬৫-৬৮||
Adhikarana 24 (69) · Śloka 69
স্নিগ্ধোষ্ণ একঃ পবনে সমাংসো দ্বৌ স্বাদুশীতৌ পযসা চ পিত্তে| ত্রযঃ সমূত্রাঃ কটুকোষ্ণতীক্ষ্ণাঃ কফে নিরূহা ন পরং বিধেযাঃ||৬৯||
स्निग्धोष्ण एकः पवने समांसो द्वौ स्वादुशीतौ पयसा च पित्ते| त्रयः समूत्राः कटुकोष्णतीक्ष्णाः कफे निरूहा न परं विधेयाः||६९||
🔊 Audio coming soon
উক্তানাং বাতাদিহরবস্তীনাং সঙ্খ্যাকল্পনাং বিশিষ্টাং দর্শযন্নাহ- স্নিগ্ধোষ্ণ ইত্যাদি| এক ইতি এক এব পুটকঃ| পযসা চেতি পযোযুক্তৌ| কটুকোষ্ণতীক্ষ্ণত্বং কফহরদ্রব্যযোগাদেব জ্ঞেযম্| ন পরং বিধেযা ইত্যনেন তন্ত্রান্তরবিহিতং চতুর্থবস্তিদানমত্যর্থশরীরহিংসকং নিষেধযতি; যথা সুশ্রুতে- “দ্বিতীযং বা তৃতীযং বা চতুর্থং বা যথার্হতঃ| সম্যঙ্নিরূঢলিঙ্গে তু প্রাপ্তে বস্তিং নিবর্তযেত্” (সু.চি.অ.৩২) ইত্যনেনোক্তং চতুর্থদানমিতি||৬৯||
Adhikarana 25 (70-71) · Śloka 71
রসেন বাতে প্রতিভোজনং স্যাত্ ক্ষীরেণ পিত্তে তু কফে চ যূষৈঃ| তথাঽনুবাস্যেষু চ বিল্বতৈলং স্যাজ্জীবনীযং ফলসাধিতং চ||৭০|| ইতীদমুক্তং নিখিলং যথাবদ্বস্তিপ্রদানস্য বিধানমগ্র্যম্| যোঽধীত্য বিদ্বানিহ বস্তিকর্ম করোতি লোকে লভতে স সিদ্ধিম্||৭১||
रसेन वाते प्रतिभोजनं स्यात् क्षीरेण पित्ते तु कफे च यूषैः| तथाऽनुवास्येषु च बिल्वतैलं स्याज्जीवनीयं फलसाधितं च||७०|| इतीदमुक्तं निखिलं यथावद्बस्तिप्रदानस्य विधानमग्र्यम्| योऽधीत्य विद्वानिह बस्तिकर्म करोति लोके लभते स सिद्धिम्||७१||
🔊 Audio coming soon
সম্প্রতি বাতাদিভেদেন প্রতিভোজনং বিশিষ্টং তথাঽনুবাসনং চাহ- রসেন বাতে ইত্যাদি| প্রতিভোজনং নিরূহানন্তরভোজনম্| বাতে বিল্বতৈলানুবাসনং, পিত্তে জীবনীযসাধিতং, কফে চ মদনফলসাধিতম্| অত্র বিল্বতৈলাদীনি বক্ষ্যমাণানি ব্যাখ্যানযন্তি; তেন স্নেহব্যাপত্সিদ্ধৌ যদ্ বক্ষ্যতি “দশমূলং” (সি.অ.৪) ইত্যাদিনা বিল্বতৈলং, জীবনীযং চ “জীবন্তী মদনং” (সি.অ.৪) ইত্যাদিনা বক্ষ্যমাণযমকং, তথা “মদনৈর্বাঽম্লসংযুক্তৈঃ” (সি.অ.৪) ইত্যাদিনা বক্ষ্যমাণং মদনতৈলং জ্ঞেযম্||৭০-৭১||
Adhikarana puShpikA · Śloka 3
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে সিদ্ধিস্থানে বস্তিসূত্রীযসিদ্ধির্নাম তৃতীযোঽধ্যাযঃ||৩||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते सिद्धिस्थाने बस्तिसूत्रीयसिद्धिर्नाम तृतीयोऽध्यायः||३||
🔊 Audio coming soon
ইতি শ্রীচক্রপাণিদত্তপ্রণীতাযামাযুর্বেদদীপিকাযাং চরকতাত্পর্যটীকাযাং সিদ্ধিস্থানে বস্তিসূত্রীযসিদ্ধির্নাম তৃতীযোধ্যাযঃ||৩||