Adhikarana 1 (1-2) · Śloka 2
অথাতঃ ফলমাত্রাসিদ্ধিং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
View original
अथातः फलमात्रासिद्धिं व्याख्यास्यामः||१||
इति ह स्माह भगवानात्रेयः||२||
পূর্বসিদ্ধিষু ফলান্যাচার্যেণ প্রযোগেষু বিহিতানি, তেন তেষাং ফলানাং গুণাবধারণার্থং তথাঽনুক্তগজাদিবস্তিমানোপদর্শনার্থং চ ফলমাত্রাসিদ্ধিরুচ্যতে| গজাদিবস্তিবিধানকথনং যদ্যপ্যপ্রস্তুতং, তথাঽপি গজাদিষ্বপি যৌগিকতযা বস্তেরেব প্রতিপাদ্যতে মাত্রাঽত্র ; তেন ফলাদীনাং তথা গজাদিবস্তিমাত্রাযাশ্চ প্রতিপাদিকা সিদ্ধিঃ ফলমাত্রাসিদ্ধিঃ||১-২||
Adhikarana 2 (3-14) · Śloka 14
ভগবন্তমুদারসত্ত্বধীশ্রুতিবিজ্ঞানসমৃদ্ধমত্রিজম্|
ফলবস্তিবরত্বনিশ্চযে সবিবাদা মুনযোঽভ্যুপাগমন্||৩||
ভৃগুকৌশিককাপ্যশৌনকাঃ সপুলস্ত্যাসিতগৌতমাদযঃ|
কতমত্ প্রবরং ফলাদিষু স্মৃতমাস্থাপনযোজনাস্বিতি||৪||
কফপিত্তহরং বরং ফলেষ্বথ জীমূতকমাহ শৌনকঃ|
মৃদুবীর্যতযাঽভিনত্তি তচ্ছকৃদিত্যাহ নৃপোঽথ বামকঃ||৫||
কটুতুম্বমমন্যতোত্তমং বমনে দোষসমীরণং চ তত্|
তদবৃষ্যমশৈত্যতীক্ষ্ণতাকটুরৌক্ষ্যাদিতি গৌতমোঽব্রবীত্ ||৬||
কফপিত্তনিবর্হণং পরং স চ ধামার্গবমিত্যমন্যত |
তদমন্যত বাতলং পুনর্বডিশো গ্লানিকরং বলাপহম্||৭||
কুটজং প্রশশংস চোত্তমং ন বলঘ্নং কফপিত্তহারি চ|
অতিবিজ্জলমৌর্ধ্বভাগিকং পবনক্ষোভি চ কাপ্য আহ তত্||৮||
কৃতবেধনমাহ বাতলং কফপিত্তং প্রবলং হরেদিতি|
তদসাধ্বিতি ভদ্রশৌনকঃ কটুকং চাতিবলঘ্নমিত্যপি||৯||
ইতি তদ্বচনানি হেতুভিঃ সুবিচিত্রাণি নিশম্য বুদ্ধিমান্ |
প্রশশংস ফলেষু নিশ্চযং পরমং চাত্রিসুতোঽব্রবীদিদম্||১০||
ফলদোষগুণান্ সরস্বতী প্রতি সর্বৈরপি সম্যগীরিতা|
ন তু কিঞ্চিদদোষনির্গুণং গুণভূযস্ত্বমতো বিচিন্ত্যতে ||১১||
ইহ কুষ্ঠহিতা গরাগরী হিতমিক্ষ্বাকু তু মেহিনে মতম্|
কুটজস্য ফলং হৃদামযে প্রবরং কোঠফলং চ পাণ্ডুষু||১২||
উদরে কৃতবেধনং হিতং, মদনং সর্বগদাবিরোধি তু|
মধুরং সকষাযতিক্তকং তদরূক্ষং সকটূষ্ণবিজ্জলম্||১৩||
কফপিত্তহৃদাশুকারি চাপ্যনপাযং পবনানুলোমি চ|
ফলনাম বিশেষতস্ত্বতো লভতেঽন্যেষু ফলেষু সত্স্বপি||১৪||
View original
भगवन्तमुदारसत्त्वधीश्रुतिविज्ञानसमृद्धमत्रिजम्|
फलबस्तिवरत्वनिश्चये सविवादा मुनयोऽभ्युपागमन्||३||
भृगुकौशिककाप्यशौनकाः सपुलस्त्यासितगौतमादयः|
कतमत् प्रवरं फलादिषु स्मृतमास्थापनयोजनास्विति||४||
कफपित्तहरं वरं फलेष्वथ जीमूतकमाह शौनकः|
मृदुवीर्यतयाऽभिनत्ति तच्छकृदित्याह नृपोऽथ वामकः||५||
कटुतुम्बममन्यतोत्तमं वमने दोषसमीरणं च तत्|
तदवृष्यमशैत्यतीक्ष्णताकटुरौक्ष्यादिति गौतमोऽब्रवीत् ||६||
कफपित्तनिबर्हणं परं स च धामार्गवमित्यमन्यत |
तदमन्यत वातलं पुनर्बडिशो ग्लानिकरं बलापहम्||७||
कुटजं प्रशशंस चोत्तमं न बलघ्नं कफपित्तहारि च|
अतिविज्जलमौर्ध्वभागिकं पवनक्षोभि च काप्य आह तत्||८||
कृतवेधनमाह वातलं कफपित्तं प्रबलं हरेदिति|
तदसाध्विति भद्रशौनकः कटुकं चातिबलघ्नमित्यपि||९||
इति तद्वचनानि हेतुभिः सुविचित्राणि निशम्य बुद्धिमान् |
प्रशशंस फलेषु निश्चयं परमं चात्रिसुतोऽब्रवीदिदम्||१०||
फलदोषगुणान् सरस्वती प्रति सर्वैरपि सम्यगीरिता|
न तु किञ्चिददोषनिर्गुणं गुणभूयस्त्वमतो विचिन्त्यते ||११||
इह कुष्ठहिता गरागरी हितमिक्ष्वाकु तु मेहिने मतम्|
कुटजस्य फलं हृदामये प्रवरं कोठफलं च पाण्डुषु||१२||
उदरे कृतवेधनं हितं, मदनं सर्वगदाविरोधि तु|
मधुरं सकषायतिक्तकं तदरूक्षं सकटूष्णविज्जलम्||१३||
कफपित्तहृदाशुकारि चाप्यनपायं पवनानुलोमि च|
फलनाम विशेषतस्त्वतो लभतेऽन्येषु फलेषु सत्स्वपि||१४||
ফলাদীনাং বস্তিযোগেষু গুণান্ প্রতিপাদযিতুং পূর্ববৃত্তমিতিহাসমাহ- ভগবন্তমিত্যাদি| ইতিহাসশ্চ সংহিতাধর্মতযা গ্রন্থে পূজ্যতোপদর্শনার্থং চ ক্রিযত এব| ফলাদীনাং বস্তৌ বরত্বং ফলবস্তিবরত্বং, তস্য নিশ্চযে অবধারণে| ফলাদিষ্বিতি মদনজীমূতকাদিষু| কল্পে জীমূতকে যদ্যপি পিত্তদোষহরত্বমুক্তং, তথাঽপীহ বচনাত্ কফপিত্তহরত্বমস্য প্রাধান্যাদুন্নীযতে| মৃদুবীর্যতযাঽভিনত্তীতি নাত্যর্থং ভিনত্তি| দোষসমীরণমিতি বস্তিনা দোষহারকম্| কৃতবেধনমিত্যাদৌ আশু কফপিত্তং হরেদিতি যোজ্যম্| ইহর্ষিবিবাদকথনেন জীমূতকাদীনাং গুণদোষাশ্চ কথিতা ভবন্তীতি তাত্পর্যং জ্ঞেযম্| প্রশশংসেত্যাদি| ফলেষু জীমূতকাদিষু| ফলদোষগুণান্ প্রতীতি লক্ষ্যীকৃত্য| সরস্বতীতি বাক্| অদোষনির্গুণমিতি দোষবদেব গুণবদেব বা ন কিঞ্চিদিত্যর্থঃ| তেন সত্যপি স্তোকদোষসম্বন্ধে যদ্গুণভূযিষ্ঠং তদিহ রোগপ্রশমপ্রযোগেষু সার্বযৌগিকম্| সর্বগদাবিরোধীতি পদেন মদনস্য সার্বযৌগিকত্বং ব্রূতে| আশুকারীতি আশুদোষনির্হরণকারি| অতো লভত ইতি ফলেষু প্রকর্ষত্বাদেব মদনফলং ফলমিত্যুচ্যতে, ন জীমূতকাদিফলম্||৩-১৪||
Adhikarana 3 (15-18) · Śloka 18
গুরুণেতি বচস্যুদাহৃতে মুনিসঙ্ঘেন চ পূজিতে ততঃ |
প্রণিপত্য মুদা সমন্বিতঃ সহিতঃ শিষ্যগণোঽনুপৃষ্টবান্||১৫||
সর্বকর্মগুণকৃদ্গুরুণোক্তো বস্তিরূর্ধ্বমথ নৈতি নাভিতঃ|
নাভ্যধো গুদমতঃ স শরীরাত্ সর্বতঃ কথমপোহতি দোষান্ ||১৬||
তদ্গুরুরব্রবীদিদং শরীরং তন্ত্রযতেঽনিলঃ সঙ্গবিঘাতাত্ |
কেবল এব দোষসহিতো বা স্বাশযগঃ প্রকোপমুপযাতি||১৭||
তং পবনং সপিত্তকফবিট্কং শুদ্ধিকরোঽনুলোমযতি বস্তিঃ|
সর্বশরীরগশ্চ গদসঙ্ঘস্তত্প্রশমাত্ প্রশান্তিমুপযাতি||১৮||
View original
गुरुणेति वचस्युदाहृते मुनिसङ्घेन च पूजिते ततः |
प्रणिपत्य मुदा समन्वितः सहितः शिष्यगणोऽनुपृष्टवान्||१५||
सर्वकर्मगुणकृद्गुरुणोक्तो बस्तिरूर्ध्वमथ नैति नाभितः|
नाभ्यधो गुदमतः स शरीरात् सर्वतः कथमपोहति दोषान् ||१६||
तद्गुरुरब्रवीदिदं शरीरं तन्त्रयतेऽनिलः सङ्गविघातात् |
केवल एव दोषसहितो वा स्वाशयगः प्रकोपमुपयाति||१७||
तं पवनं सपित्तकफविट्कं शुद्धिकरोऽनुलोमयति बस्तिः|
सर्वशरीरगश्च गदसङ्घस्तत्प्रशमात् प्रशान्तिमुपयाति||१८||
সর্বকর্মগুণকৃদিতি সর্বকর্মণাং বমনাদীনাং গুণং দোষহরণাদিকং করোতীতি সর্বকর্মগুণকৃত্; কিংবা সর্বকর্মাণি লঙ্ঘনবৃংহণাদীনি, গুণাংশ্চ বলাগ্ন্যাদীন্ করোতি| নাভ্যধো গুদমিতি ব্রজতি| তন্ত্রযতে ধারযতে| বিঘাতাদিতি প্রকোপকহেতুনাঽসম্বন্ধাত্(?)| স্বাশযগঃ স্বাশয এব প্রাযঃ প্রকোপং ব্রজতি; যস্তু প্রদেশান্তরে বাতপ্রকোপঃ স তন্মূল এবেতি ভাবঃ| তত্প্রশমাত্ প্রশান্তিমুপযাতি পক্বাশযস্থবাতমূলপ্রশমাদ্বস্তিনা| কৃতাত্তন্মূলানুবন্ধাঃ শেষস্থানগতবিকারাঃ প্রশাম্যন্তি| এতচ্চ ‘বনস্পতিমূলচ্ছেদবত্’ ইত্যাদিদৃষ্টান্তেন প্রাক্ প্রতিপাদিতমেব| এতেন বস্তিনা মূলবিজযাদ্দেশান্তর্গততন্মূলবিকারজযো যঃ ক্রিযতে স উক্তঃ| যত্তু বস্তের্বীর্যমাপাদমস্তকং প্রসরতি তচ্চ বীর্যং সর্ববিকারান্ হন্তীতি প্রাগুক্তমেব জ্ঞেযম্| ইহ তু, বীর্যমপিহিতং কৃত্বৈব শিষ্যপ্রশ্নানুগুণমেবোত্তরং দত্তমিতি জ্ঞেযম্||১৫-১৮||
Adhikarana 4 (19-22) · Śloka 22
অথাধিগম্যার্থমখণ্ডিতং ধিযা গজোষ্ট্রগোশ্বাব্যজকর্ম রোগনুত্|
অপৃচ্ছদেনং স চ বস্তিমব্রবীদ্বিধিং চ তস্যাহ পুনঃ প্রচোদিতঃ||১৯||
আজোরণৌ সৌম্য গজোষ্ট্রযোঃ কৃতে গবাশ্বযোর্বস্তিমুশন্তি মাহিষম্|
অজাবিকানাং তু জরদ্গবোদ্ভবং বদন্তি বস্তিং তদুপাযচিন্তকাঃ||২০||
অরত্নিমষ্টাদশষোডশাঙ্গুলং তথৈব নেত্রং হি দশাঙ্গুলং ক্রমাত্|
গজোষ্ট্রগোশ্বাব্যজবস্তিসন্ধৌ চতুর্থভাগোপনযং হিতং বদেত্ ||২১||
প্রস্থস্ত্বজাব্যোর্হি নিরূহমাত্রা গবাদিষু দ্বিত্রিগুণং যথাবলম্|
নিরূহমুষ্ট্রস্য তথাঽঽঢকদ্বযং গজস্য বৃদ্ধিস্ত্বনুবাসনেঽষ্টমঃ||২২||
View original
अथाधिगम्यार्थमखण्डितं धिया गजोष्ट्रगोश्वाव्यजकर्म रोगनुत्|
अपृच्छदेनं स च बस्तिमब्रवीद्विधिं च तस्याह पुनः प्रचोदितः||१९||
आजोरणौ सौम्य गजोष्ट्रयोः कृते गवाश्वयोर्बस्तिमुशन्ति माहिषम्|
अजाविकानां तु जरद्गवोद्भवं वदन्ति बस्तिं तदुपायचिन्तकाः||२०||
अरत्निमष्टादशषोडशाङ्गुलं तथैव नेत्रं हि दशाङ्गुलं क्रमात्|
गजोष्ट्रगोश्वाव्यजबस्तिसन्धौ चतुर्थभागोपनयं हितं वदेत् ||२१||
प्रस्थस्त्वजाव्योर्हि निरूहमात्रा गवादिषु द्वित्रिगुणं यथाबलम्|
निरूहमुष्ट्रस्य तथाऽऽढकद्वयं गजस्य वृद्धिस्त्वनुवासनेऽष्टमः||२२||
অথাভিগম্যেত্যাদৌ গজাদীনাং কর্মাপৃচ্ছদিতি যোজ্যম্| রোগনুদিতি কর্মবিশেষণং, তেন কর্ম রোগনুদিতি রোগহরণে শ্রেষ্ঠং চিকিত্সিতমিত্যর্থঃ| বস্তিমব্রবীদিতি গজাদীনাং রোগহরণে শ্রেষ্ঠং বস্তিমেবাব্রবীত্; তদনন্তরং তস্য বস্তের্বিধিঃ পুনঃ শিষ্যেণ পৃষ্ট আজোরণেত্যাদিনা প্রাহেতি যোজনা| উরণঃ মেষঃ| বস্তিমিতি পুটকম্| জরদ্গবঃ বৃদ্ধবৃষঃ| তদুপাযচিন্তকা ইতি গজাদিবস্তিসাধনে দত্তচিত্তকাঃ| অরত্নিঃ হস্তঃ| ক্রমাদিতি যথাক্রমং গজাদিষু অরত্ন্যাদি নেত্রপ্রমাণম্| চতুর্থভাগোপনযমিতি নেত্রচতুর্থভাগপ্রবেশকম্| গবাদিষ্বিতি গোপ্রকারেষু; গোমহিষাশ্বানাং গ্রহণাদ্বহুবচনং সাধু| গজস্য তু বৃদ্ধিরিতি দ্ব্যাঢকদ্ব্যৈগুণ্যেন দ্রোণ ইত্যর্থঃ| অনুবাসনেঽষ্টমমিতি যথোক্তাজাদিনিরূহমানাদজাদীনামনুবাসনেঽষ্টমঃ স্নেহভাগো দেযঃ||১৯-২২||
Adhikarana 5 (23-26) · Śloka 26
কলিঙ্গকুষ্ঠে মধুকং চ পিপ্পলী বচা শতাহ্বা মদনং রসাঞ্জনম্|
হিতানি সর্বেষু গুডঃ সসৈন্ধবো দ্বিপঞ্চমূলং চ বিকল্পনা ত্বিযম্||২৩||
গজেঽধিকাঽশ্বত্থবটাশ্বকর্ণকাঃ সখাদিরপ্রগ্রহশালতালজাঃ|
তথা চ পর্ণ্যৌ ধবশিগ্রুপাটলী মধূকসারাঃ সনিকুম্ভচিত্রকাঃ||২৪||
পলাশভূতীকসুরাহ্বরোহিণীকষায উক্তস্ত্বধিকো গবাং হিতঃ|
পলাশদন্তীসুরদারুকত্তৃণদ্রবন্ত্য উক্তাস্তুরগস্য চাধিকাঃ||২৫||
খরোষ্ট্রযোঃ পীলুকরীরখাদিরাঃ শম্যাকবিল্বাদিগণস্য চ চ্ছদাঃ|
অজাবিকানাং ত্রিফলাপরূষকং কপিত্থকর্কন্ধু সবিল্বকোলজম্||২৬||
View original
कलिङ्गकुष्ठे मधुकं च पिप्पली वचा शताह्वा मदनं रसाञ्जनम्|
हितानि सर्वेषु गुडः ससैन्धवो द्विपञ्चमूलं च विकल्पना त्वियम्||२३||
गजेऽधिकाऽश्वत्थवटाश्वकर्णकाः सखादिरप्रग्रहशालतालजाः|
तथा च पर्ण्यौ धवशिग्रुपाटली मधूकसाराः सनिकुम्भचित्रकाः||२४||
पलाशभूतीकसुराह्वरोहिणीकषाय उक्तस्त्वधिको गवां हितः|
पलाशदन्तीसुरदारुकत्तृणद्रवन्त्य उक्तास्तुरगस्य चाधिकाः||२५||
खरोष्ट्रयोः पीलुकरीरखादिराः शम्याकबिल्वादिगणस्य च च्छदाः|
अजाविकानां त्रिफलापरूषकं कपित्थकर्कन्धु सबिल्वकोलजम्||२६||
বিকল্পনা ত্বিযমিতি বিশেষকল্পনা গজেঽধিকা বক্ষ্যমাণা| তালজং তালফলম্| তথৈবেত্যাদিনা গবাং হিতমুচ্যতে||২৩-২৬||
Adhikarana 6 (27) · Śloka 27
অথাগ্নিবেশঃ সততাতুরান্ নরান্ হিতং চ পপ্রচ্ছ গুরুস্তদাহ চ|
সদাঽঽতুরাঃ শ্রোত্রিযরাজসেবকাস্তথৈব বেশ্যা সহ পণ্যজীবিভিঃ||২৭||
View original
अथाग्निवेशः सततातुरान् नरान् हितं च पप्रच्छ गुरुस्तदाह च|
सदाऽऽतुराः श्रोत्रियराजसेवकास्तथैव वेश्या सह पण्यजीविभिः||२७||
অথ বস্তিবিষযান্ সদাতুরান্ দর্শযন্নাহ- অথাগ্নিবেশ ইত্যাদি| হিতং চেতি সদাতুরাণাং হিতম্| পণ্যজীবিনঃ বণিজঃ||২৭||
Adhikarana 7 (28-30) · Śloka 30
দ্বিজো হি বেদাধ্যযনব্রতাহ্নিকক্রিযাদিভির্দেহহিতং ন চেষ্টতে |
নৃপোপসেবী নৃপচিত্তরক্ষণাত্ পরানুরোধাদ্বহুচিন্তনাদ্ভযাত্ ||২৮||
নৃচিত্তবর্তিন্যুপচারতত্পরা মৃজাভি(বি)ভূষানিরতা পণাঙ্গনা|
সদাসনাদত্যনুবন্ধবিক্রযক্রযাদিলোভাদপি পণ্যজীবিনঃ||২৯||
সদৈব তে হ্যাগতবেগনিগ্রহং সমাচরন্তে ন চ কালভোজনম্|
অকালনির্হারবিহারসেবিনো ভবন্তি যেঽন্যেঽপি সদাঽঽতুরাশ্চ তে||৩০||
View original
द्विजो हि वेदाध्ययनव्रताह्निकक्रियादिभिर्देहहितं न चेष्टते |
नृपोपसेवी नृपचित्तरक्षणात् परानुरोधाद्बहुचिन्तनाद्भयात् ||२८||
नृचित्तवर्तिन्युपचारतत्परा मृजाभि(वि)भूषानिरता पणाङ्गना|
सदासनादत्यनुबन्धविक्रयक्रयादिलोभादपि पण्यजीविनः||२९||
सदैव ते ह्यागतवेगनिग्रहं समाचरन्ते न च कालभोजनम्|
अकालनिर्हारविहारसेविनो भवन्ति येऽन्येऽपि सदाऽऽतुराश्च ते||३०||
যথোক্তানাং সদাতুরত্বে হেতুমাহ- দ্বিজো হীত্যাদি| দেহহিতং ন চেষ্টতে ইতি পণ্যজীবিন ইত্যন্তং যাবদনুবর্তনীযম্| পরানুরোধাদিতি নৃপানুজীবিপুরুষান্তরানুরোধাত্| উপচারতত্পরেতি পুরুষোপচারতত্পরা| মৃজা শরীরমার্জনম্| পণাঙ্গনা বেশ্যেত্যর্থঃ| অত্যনুবন্ধবিক্রযক্রযাদিলোভাদিতি নিরন্তরানুবদ্ধক্রযবিক্রযাদের্লোভাত্| অন্যানপি সদাতুরানাহ- অকালেত্যাদি| নির্হারঃ মলাদিনির্গমঃ||২৮-৩০||
Adhikarana 8 (31-36) · Śloka 36
সমীরণং বেগবিধারণোদ্ধতং বিবন্ধসর্বাঙ্গরুজাকরং ভিষক্|
সমীক্ষ্য তেষাং ফলবর্তিমাদিতঃ সুকল্পিতাং স্নেহবতীং প্রযোজযেত্||৩১||
পুনর্নবৈরণ্ডনিকুম্ভচিত্রকান্ সদেবদারুত্রিবৃতানিদিগ্ধিকান্|
মহান্তি মূলানি চ পঞ্চ যানি বিপাচ্য মূত্রে দধিমস্তুসংযুতে||৩২||
সতৈলসর্পির্লবণৈশ্চ পঞ্চভির্বিমূর্চ্ছিতং বস্তিমথ প্রযোজযেত্|
নিরূহিতং ধন্বরসেন ভোজিতং নিকুম্ভতৈলেন ততোঽনুবাসযেত্||৩৩||
বলাং সরাস্নাং ফলবিল্বচিত্রকান্ দ্বিপঞ্চমূলং কৃতমালকাত্ ফলম্|
যবান্ কুলত্থাংশ্চ পচেজ্জলাঢকে রসঃ স পেষ্যৈস্তু কলিঙ্গকাদিভিঃ||৩৪||
সতৈলসর্পির্গুডসৈন্ধবো হিতঃ সদাতুরাণাং বলবর্ণবর্ধনঃ|
তথাঽনুবাস্যে মধুকেন সাধিতং ফলেন বিল্বেন শতাহ্বযাঽপি বা||৩৫||
সজীবনীযস্তু রসোঽনুবাসনে নিরূহণে চালবণঃ শিশোর্হিতঃ|
ন চান্যদাশ্বঙ্গবলাভিবর্ধনং নিরূহবস্তেঃ শিশুবৃদ্ধযোঃ পরম্||৩৬||
View original
समीरणं वेगविधारणोद्धतं विबन्धसर्वाङ्गरुजाकरं भिषक्|
समीक्ष्य तेषां फलवर्तिमादितः सुकल्पितां स्नेहवतीं प्रयोजयेत्||३१||
पुनर्नवैरण्डनिकुम्भचित्रकान् सदेवदारुत्रिवृतानिदिग्धिकान्|
महान्ति मूलानि च पञ्च यानि विपाच्य मूत्रे दधिमस्तुसंयुते||३२||
सतैलसर्पिर्लवणैश्च पञ्चभिर्विमूर्च्छितं बस्तिमथ प्रयोजयेत्|
निरूहितं धन्वरसेन भोजितं निकुम्भतैलेन ततोऽनुवासयेत्||३३||
बलां सरास्नां फलबिल्वचित्रकान् द्विपञ्चमूलं कृतमालकात् फलम्|
यवान् कुलत्थांश्च पचेज्जलाढके रसः स पेष्यैस्तु कलिङ्गकादिभिः||३४||
सतैलसर्पिर्गुडसैन्धवो हितः सदातुराणां बलवर्णवर्धनः|
तथाऽनुवास्ये मधुकेन साधितं फलेन बिल्वेन शताह्वयाऽपि वा||३५||
सजीवनीयस्तु रसोऽनुवासने निरूहणे चालवणः शिशोर्हितः|
न चान्यदाश्वङ्गबलाभिवर्धनं निरूहबस्तेः शिशुवृद्धयोः परम्||३६||
পুনর্নবেত্যাদির্নিরূহঃ নিকুম্ভা দন্তী| মহান্তি মূলানি পঞ্চেতি বিল্বাদিপঞ্চমূলানি| নিকুম্ভতৈলেনেতি নিকুম্ভক্বাথকল্কসিদ্ধেন তৈলেন| বলামিত্যাদৌ কলিঙ্গকাদিভিরিতি “কলিঙ্গকুষ্ঠমধুকবিল্ব.” ইত্যাদিনেহোক্তৈঃ| ফলেন বিল্বেন শতাহ্বযাঽপি বেতি তৈলত্রযমানুবাসনিকম্| সজীবনীযস্তু রসোঽনুবাসন ইতি জীবনীযকষাযসাধিতঃ স্নেহোঽনুবাসনে কর্তব্যঃ| তথা নিরূহণে জীবনীযরসোঽলবণঃ শিশোঃ কর্তব্যঃ| অনুবাসনমপি জীবনীযসাধিতং শিশোরেব| ন চান্যদিত্যাদিনা বালবৃদ্ধযৌগিকত্বং বস্তেরাহ| পরমিতি শ্রেষ্ঠম্||৩১-৩৬||
Adhikarana 9 (37) · Śloka 37
তত্র শ্লোকঃ- ফলকর্ম বস্তিবরতা নেত্রং যদ্বস্তযো গবাদীনাম্|
সততাতুরাশ্চ দিষ্টাঃ ফলমাত্রাযাং হিতং চৈষাম্||৩৭||
View original
तत्र श्लोकः- फलकर्म बस्तिवरता नेत्रं यद्बस्तयो गवादीनाम्|
सततातुराश्च दिष्टाः फलमात्रायां हितं चैषाम्||३७||
ফলকর্মেত্যাদিসঙ্গ্রহো ব্যক্তঃ||৩৭||
Adhikarana puShpikA · Śloka 11
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে সিদ্ধিস্থানে ফলমাত্রাসিদ্ধির্নামৈকাদশোঽধ্যাযঃ||১১||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते सिद्धिस्थाने फलमात्रासिद्धिर्नामैकादशोऽध्यायः||११||
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং সিদ্ধিস্থানে ফলমাত্রাসিদ্ধির্নামৈকাদশোঽধ্যাযঃ||১১||