Adhikarana 1 (1-2) · Śloka 2
অথাতস্ত্রিমর্মীযাং সিদ্ধিং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
View original
अथातस्त्रिमर्मीयां सिद्धिं व्याख्यास्यामः||१||
इति ह स्माह भगवानात्रेयः||२||
প্রাসৃতযোগীযানন্তরং ত্রিমর্মীযা সিদ্ধিরুচ্যতে, ত্রিমর্মজরোগাশ্রযিব্যাপদাং বস্তিরূপচিকিত্সোপদর্শনার্থং; ব্যাপত্প্রতীকারানন্তরং বস্তিপ্রযোগাধিকারশ্চ পূর্বাধ্যাযাদনুবর্ততে ; কিংবা, বস্তিব্যাপচ্চিকিত্সা পূর্বাধ্যাযাদিকৃতা, বস্তিব্যাপাদাচ্চ ত্রিমর্মজা অপি রোগা ভবন্তি, তেন তেষাং জ্ঞানপূর্বকচিকিত্সোপদর্শনার্থং ত্রিমর্মীযসিদ্ধিরুচ্যতে| এতদধ্যাযবক্তব্যাশ্চ গদাস্ত্রিমর্মীযচিকিত্সিতেঽধ্যাযবিস্তরভযান্নোক্তাঃ, ত ইহ প্রতিপাদ্যন্তে| অত্রাপি মর্মশব্দেন মর্মগতা গদা উচ্যন্তে, তানধিকৃতা সিদ্ধিস্ত্রিমর্মীযসিদ্ধিঃ||১-২||
Adhikarana 2 (3) · Śloka 3
সপ্তোত্তরং মর্মশতমস্মিঞ্ছরীরে স্কন্ধশাখাসমাশ্রিতমগ্নিবেশ!|
তেষামন্যতমপীডাযাং সমধিকা পীডা ভবতি, চেতনানিবন্ধবৈশেষ্যাত্|
তত্র শাখাশ্রিতেভ্যো মর্মভ্যঃ স্কন্ধাশ্রিতানি গরীযাংসি, শাখানাং তদাশ্রিতত্বাত্; স্কন্ধাশ্রিতেভ্যোঽপি হৃদ্বস্তিশিরাংসি, তন্মূলত্বাচ্ছরীরস্য||৩||
View original
सप्तोत्तरं मर्मशतमस्मिञ्छरीरे स्कन्धशाखासमाश्रितमग्निवेश!|
तेषामन्यतमपीडायां समधिका पीडा भवति, चेतनानिबन्धवैशेष्यात्|
तत्र शाखाश्रितेभ्यो मर्मभ्यः स्कन्धाश्रितानि गरीयांसि, शाखानां तदाश्रितत्वात्; स्कन्धाश्रितेभ्योऽपि हृद्वस्तिशिरांसि, तन्मूलत्वाच्छरीरस्य||३||
সপ্তোত্তরং মর্মশতমিতি শরীরসঙ্খ্যাভিহিতং; তচ্চ মাংসসিরাস্নায্বস্থিসন্ধিষু নিবিষ্টম্| স্কন্ধশব্দেনানন্তরাধিরুচ্যতে; শাখাশব্দেন চেহ শাখেব শাখেতি কৃত্বা বাহুদ্বযং জঙ্ঘাদ্বযং চোচ্যতে; নেহ শাখাশব্দেন রক্তাদিধাতূনাং গ্রহণং, রক্তাদিধাতূনাং স্কন্ধেঽপি, বিদ্যমানত্বাত্| তত্র শাখাশ্রিতানি চতুশ্চত্বারিংশন্মর্মাণি, শেষং স্কন্ধাশ্রিতম্| যদুক্তং সুশ্রুতে- “তেষামেকাদশৈকস্মিন্ সক্থি ভবন্তি, এতেনেতরসক্থি বাহূ চ ব্যাখ্যাতৌ; উদরোরসোর্দ্বাদশ, চতুর্দশ পৃষ্ঠে, গ্রীবাং প্রত্যূর্ধ্বং সপ্তত্রিংশত্” (সু.শা.অ.৬) ইতি; এতেষাং চ মর্মণাং প্রত্যেকং বিভাগ উক্তঃ সুশ্রুতে এব “তলহৃদয” (সু.শা.অ.৬) ইত্যাদিনা প্রপঞ্চতোঽনুসরণীযঃ| সপ্তোত্তরশতমর্মণামমর্মশরীরদেশবিলক্ষণং ধর্মমাহ- তেষামিত্যাদি| চেতনানিবন্ধবৈশেষ্যাদিতি যস্মান্মর্মসু চেতনাধাতুর্বিশেষেণ নিবদ্ধ ইত্যর্থঃ; চেতনানিবন্ধশ্চ মর্মস্বদৃষ্টকৃত এব মর্মপীডযা বিশেষপীডাদর্শনাদুন্নীযতে| শাখানাং তদাশ্রিতত্বাদিতি যস্মাচ্ছাখা অপি স্কন্ধাশ্রিতাঃ, তেন স্কন্ধাশ্রিতশাখাশ্রিতেভ্যঃ সাক্ষাত্ স্কন্ধাশ্রিতং মর্ম গরীযো ভবতীত্যর্থঃ; স্কন্ধাশ্রিতত্বং চ শাখানাং স্কন্ধোপঘাতেন তদুপঘাতাত্, তথা স্কন্ধনিষ্পন্নেনৈব রসাদিনা তত্পোষণাত্; কিঞ্চ স্কন্ধাশ্রিতান্যেব মর্মাণি সদ্যঃপ্রাণহরাণি, ন শাখাশ্রযাণি; তেন চ স্কন্ধস্য প্রাধান্যম্| যদুক্তং সুশ্রুতে- “শৃঙ্গাটকান্যধিপতিঃ শঙ্খৌ কণ্ঠশিরোগুদম্| হৃদযং বস্তিনাভী চ ঘ্নন্তি সদ্যো হতানি বৈ” (সু.শা.অ.৬) ইতি| হৃদ্বস্তিশিরাংসি গরীযাংসীতি সম্বন্ধঃ| এতদ্গরীযস্ত্বে হেতুমাহ- তন্মূলত্বাচ্ছরীরস্যেতি| তন্মূলত্বাদিতি তদাশ্রিতত্বাত্, তথা চ হৃদযাশ্রিতত্বং শরীরস্য ‘তত্র হৃদযে দশ ধমন্যঃ’ ইত্যাদিনা ‘নাভ্যামরা ইব’ ইত্যন্তেন দর্শযিষ্যতি| যদ্যপি চ মর্মান্তরাণ্যপি বিশেষেণ প্রাণাশ্রযাণ্যুক্তানি; যথা ‘দশৈবাযতনান্যাহুঃ প্রাণা যেষু প্রতিষ্ঠিতাঃ| শঙ্খৌ মর্মত্রযং কণ্ঠো রক্তং শুক্রৌজসী গুদম্’ (সূ.অ.২৯) ইত্যনেন, তথাঽপি শঙ্খাদীনি ন শরীরাশ্রযভূতানি যথা হৃদযাদীনি; তেন প্রাণাযতনত্বে সমানেঽপ্যুক্তশরীরাশ্রযত্ববিশেষাদিহ হৃদযাদীনামেব প্রাধান্যমুচ্যতে; কিঞ্চ, প্রাণাশ্রযত্বমপি যথা হৃদযাদীনাং ন তথা শঙ্খাদীনাম্; উক্তং হি “সপ্তোত্তরং মর্মশতং যদুক্তং শরীরসঙ্খ্যামধিকৃত্য তেষু| মর্মাণি বস্তিং হৃদযং শিরশ্চ প্রধানভূতান্যৃষযো বদন্তি|| প্রাণাশ্রযান্ তানপি পীডযন্তো বাতাদযোঽসূনপি পীডযন্তি” (সু.শা.অ.৬) ইতি| অন্যে তু শঙ্খাদিপ্রাণাশ্রযাণাং হৃদযাদিষ্বেব সামীপ্যাদন্তর্ভাবং দর্শযন্তি, তচ্চামূলত্বাদুপেক্ষিতম্||৩||
Adhikarana 3 (4-5) · Śloka 5
তত্র হৃদযে দশ ধমন্যঃ প্রাণাপানৌ মনো বুদ্ধিশ্চেতনা মহাভূতানি চ নাভ্যামরা ইব প্রতিষ্ঠিতানি, শিরসি ইন্দ্রিযাণি ইন্দ্রিযপ্রাণবহানি চ স্রোতাংসি সূর্যমিব গভস্তযঃ সংশ্রিতানি, বস্তিস্তু স্থূলগুদমুষ্কসেবনীশুক্রমূত্রবাহিনীনাং নাডী(লী)নাং মধ্যে মূত্রধারোঽম্বুবহানাং সর্বস্রোতসামুদধিরিবাপগানাং প্রতিষ্ঠা , বহুভিশ্চ তন্মূলৈর্মর্মসঞ্জ্ঞকৈঃ স্রোতোভির্গগনমিব দিনকরকরৈর্ব্যাপ্তমিদং শরীরম্||৪||
তেষাং ত্রযাণামন্যতমস্যাপি ভেদাদাশ্বেব শরীরভেদঃ স্যাত্, আশ্রযনাশাদাশ্রিতস্যাপি বিনাশঃ; তদুপঘাতাত্তু ঘোরতরব্যাধিপ্রাদুর্ভাবঃ; তস্মাদেতানি বিশেষেণ রক্ষ্যাণি বাহ্যাভিঘাদ্বাতাদিভ্যশ্চ||৫||
View original
तत्र हृदये दश धमन्यः प्राणापानौ मनो बुद्धिश्चेतना महाभूतानि च नाभ्यामरा इव प्रतिष्ठितानि, शिरसि इन्द्रियाणि इन्द्रियप्राणवहानि च स्रोतांसि सूर्यमिव गभस्तयः संश्रितानि, बस्तिस्तु स्थूलगुदमुष्कसेवनीशुक्रमूत्रवाहिनीनां नाडी(ली)नां मध्ये मूत्रधारोऽम्बुवहानां सर्वस्रोतसामुदधिरिवापगानां प्रतिष्ठा , बहुभिश्च तन्मूलैर्मर्मसञ्ज्ञकैः स्रोतोभिर्गगनमिव दिनकरकरैर्व्याप्तमिदं शरीरम्||४||
तेषां त्रयाणामन्यतमस्यापि भेदादाश्वेव शरीरभेदः स्यात्, आश्रयनाशादाश्रितस्यापि विनाशः; तदुपघातात्तु घोरतरव्याधिप्रादुर्भावः; तस्मादेतानि विशेषेण रक्ष्याणि बाह्याभिघाद्वातादिभ्यश्च||५||
দশ ধমন্য ইতি ওজোবহা দশ ধমন্যঃ, “অর্থে দশ মহামূলাঃ সমাসক্তাঃ” (সূ.অ.৩০) ইত্যাদিনা অর্থেদশমহামূলীযে প্রতিপাদিতাঃ| প্রাণাপানাবিতি উচ্ছ্বাসনিশ্বাসৌ, কেচিত্তু প্রাণাপানৌ যথোক্তাবেব বাতৌ প্রাহুঃ; তত্রাপানো যদ্যপি মেঢ্রশ্রোণ্যাদ্যাশ্রয এবেত্যাহুঃ, তথাঽপি হৃদযাব্যতিরিক্তানুবিধাযিত্বাদ্ধৃদযাশ্রিত ইত্যুচ্যতে| মনঃ অন্তঃকরণম্| বুদ্ধিঃ মহচ্ছব্দাভিলপ্যা| চেতনা বুদ্ধিবৃত্তিভেদঃ| মহাভূতানীতি আত্মসম্বদ্ধানি সূক্ষ্মমহাভূতানি| এতত্ সর্বং সাঙ্খ্যদর্শনে ব্যবস্থাপিতং শারীরে চ ব্যুত্পাদিতমনুসরণীযম্| প্রদেশান্তরে চোক্তং- “ষডঙ্গমঙ্গং বিজ্ঞানমিন্দ্রিযাণ্যর্থপঞ্চকম্| আত্মা চ সগুণশ্চেতশ্চিন্ত্যং চ হৃদি সংস্থিতম্” (সূ.অ.৩০) ইতি; তেঽর্থা এতচ্ছ্লোকোক্তাঃ, অধিকার্থানাং চ প্রোক্তেষ্বেবাবরোধো ব্যাখ্যেযঃ; কিংবা ইহ শাস্ত্রোদ্ধারেণাভিধানম্| যথা হৃদযে দশ ধমন্যাদীন্যাশ্রিতানি, তদ্দৃষ্টান্তেন দর্শযতি- নাভ্যামরা ইব প্রতিষ্ঠিতানীতি; নাভিঃ চক্রনাভিঃ, অরাঃ চক্রনেমিমধ্যস্থকাষ্ঠানি, যথা- চক্রনাভ্যাং সম্বদ্ধা, অরাস্তদুপঘাতাদুপহন্যন্তে, তন্মূলত্বেন তত্সম্বন্ধা ভবন্তি, এবং ধমন্যাদযোঽপীত্যর্থঃ| ‘নাভ্যামপরা’ ইতি বা পাঠঃ, তেন গর্ভনাভ্যামপরা ইবেত্যর্থঃ (অরা ইব অপরেতি ব্যাখ্যানযন্তি)| এতেন প্রদেশান্তরবর্তিনামপি ধমন্যাদীনাং হৃদযাশ্রিতত্বং সিদ্ধমিতি ভাবঃ| শিরস আশ্রযত্বমাহ- শিরসীত্যাদি| ইন্দ্রিযপ্রাণবহানি স্রোতাংসি যদ্যপি প্রদেশান্তরেঽপি ভবন্তি , তথাঽপি শিরসি বিশেষেণৈবৈতানি প্রবদ্ধানীতি সূর্যমিব গভস্তয ইতি দৃষ্টান্তেন দর্শযতি| শিরআশ্রযত্বং চ যথোক্তস্রোতসাং তদুপঘাতেন বিশিষ্টোপঘাতদর্শনাদুন্নীযতে| বস্তেঃ শরীরাশ্রযত্বমাহু- বস্তিস্ত্বিত্যাদি| স্থূলগুদাদিমধ্যস্থিতত্বপ্রতিপাদনেনাস্য স্থূলগুদাদীনাং বস্ত্যাশ্রযত্বং দর্শযতি| অম্বুবহানাং স্রোতসাং প্রতিষ্ঠেতি স্থানমিত্যর্থঃ, উদধির্যথাঽঽপগানাং পূরণীযস্থানং, তথা বস্তিরপ্যম্বুবহস্রোতসাং বিশ্রামস্থানম্| তন্মূলৈরিতি তত্সম্বদ্ধৈর্মর্মসঞ্জ্ঞকৈঃ; নহি স্রোতসাং মর্মত্বমস্তি; কিংবা স্রোতোমর্মশব্দেন সিরামর্মণাং গ্রহণং; কিংবা মর্মসম্বদ্ধানি মর্মপোষকাণি বা স্রোতাংসি মর্মসঞ্জ্ঞকানি স্রোতাংসি| আশ্রযনাশাদাশ্রিতস্য নাশ ইতি আশ্রযনাশাদাশ্রিতস্য নাশো যস্মাদ্ভবতি, তস্মাদ্ধৃদযাদীনামন্যতমস্য নাশাচ্ছরীরনাশো ভবতীতি যুক্তম্| শরীরস্য হৃদযাশ্রিতত্বং শরীরারম্ভকপ্রধানদশধমন্যাদ্যাশ্রযত্বেনৈব জ্ঞেযম্| উপঘাতাদিতি কিঞ্চিদ্বৈকৃতাত্||৪-৫||
Adhikarana 4 (6) · Śloka 6
তত্র হৃদ্যভিহতে কাসশ্বাসবলক্ষযকণ্ঠশোষক্লোমাকর্ষণজিহ্বানির্গমমুখতালুশোষাপস্মারোন্মাদপ্রলাপচিত্তনাশাদযঃ স্যুঃ; শিরস্যভিহতে মন্যাস্তম্ভার্দিতচক্ষুর্বিভ্রমমোহোদ্বেষ্টনচেষ্টানাশকাসশ্বাসহনুগ্রহমূকগদ্গদত্বাক্ষিনিমীলন- গণ্ডস্পন্দনজৃম্ভণলালাস্রাবস্বরহানিবদনজিহ্মত্বাদীনি, বস্তৌ তু বাতমূত্রবর্চোনিগ্রহবঙ্ক্ষণমেহনবস্তিশূলকুণ্ডলোদাবর্তগুল্মানিলাষ্ঠীলোপস্তম্ভনাভিকুক্ষিগুদশ্রোণিগ্রহাদযঃ ; বাতাদ্যুপসৃষ্টানাং ত্বেষাং লিঙ্গানি চিকিত্সিতে সক্রিযাবিধীন্যুক্তানি||৬||
View original
तत्र हृद्यभिहते कासश्वासबलक्षयकण्ठशोषक्लोमाकर्षणजिह्वानिर्गममुखतालुशोषापस्मारोन्मादप्रलापचित्तनाशादयः स्युः; शिरस्यभिहते मन्यास्तम्भार्दितचक्षुर्विभ्रममोहोद्वेष्टनचेष्टानाशकासश्वासहनुग्रहमूकगद्गदत्वाक्षिनिमीलन- गण्डस्पन्दनजृम्भणलालास्रावस्वरहानिवदनजिह्मत्वादीनि, बस्तौ तु वातमूत्रवर्चोनिग्रहवङ्क्षणमेहनबस्तिशूलकुण्डलोदावर्तगुल्मानिलाष्ठीलोपस्तम्भनाभिकुक्षिगुदश्रोणिग्रहादयः ; वाताद्युपसृष्टानां त्वेषां लिङ्गानि चिकित्सिते सक्रियाविधीन्युक्तानि||६||
হৃদযাদ্যভিঘাতভবান্ ব্যাধীন্ ক্রমেণাহ- তত্রেত্যাদি| ক্লোমাপকর্ষণং ক্লোমাপকর্ষণাকারা বেদনা| বেষ্টনং শিরসি বেষ্টনাকারা বেদনা| কুণ্ডলং বস্তৌ কুণ্ডলরূপা বেদনা| উপস্তম্ভঃ বস্তেরেব| চিকিত্সিতে ইতি ত্রিমর্মীযচিকিত্সিতে| সক্রিযাবিধিনীতি সচিকিত্সিতবিধানানি||৬||
Adhikarana 5 (7) · Śloka 7
কিন্ত্বেতানি বিশেষতোঽনিলাদ্রক্ষ্যাণি, অনিলো হি পিত্তকফসমুদীরণে হেতুঃ প্রাণমূলং চ, স বস্তিকর্মসাধ্যতমঃ, তস্মান্ন বস্তিসমং কিঞ্চিত্ কর্ম মর্মপরিপালনমস্তি|
তত্র ষডাস্থাপনস্কন্ধান্ বিমানে দ্বৌ চানুবাসনস্কন্ধাবিহ চ বিহিতান্ বস্তীন্ বুদ্ধ্যা বিচার্য মহামর্মপরিপালনার্থং প্রযোজযেদ্বাতব্যাধিচিকিত্সাং চ||৭||
View original
किन्त्वेतानि विशेषतोऽनिलाद्रक्ष्याणि, अनिलो हि पित्तकफसमुदीरणे हेतुः प्राणमूलं च, स बस्तिकर्मसाध्यतमः, तस्मान्न बस्तिसमं किञ्चित् कर्म मर्मपरिपालनमस्ति|
तत्र षडास्थापनस्कन्धान् विमाने द्वौ चानुवासनस्कन्धाविह च विहितान् बस्तीन् बुद्ध्या विचार्य महामर्मपरिपालनार्थं प्रयोजयेद्वातव्याधिचिकित्सां च||७||
মর্মপরিপালনে বস্তেঃ প্রাধান্যং সোপপত্তিকমাহ- কিন্ত্বেতানীত্যাদি| যস্মাত্ পিত্তকফযোর্দ্বযোরক্রিযযোরীরণেঽনিল এব হেতুঃ, তেন কফপিত্তজেঽপি বিকারে বাযুর্নিমিত্তং, বাতজবিকারেঽপি বাযুঃ স্বতন্ত্র এব কারণম্, অতঃ সর্ববিকারেষু মর্মাণি রক্ষযতা তত্কারণাদনিলাদেব মর্মাণি রক্ষণীযানি| তথা প্রাণমূলং চেতি জীবিতহেতুশ্চাবিকৃতো বাযুঃ, বিকৃতশ্চ প্রাণোপঘাতকঃ; তেন মর্মাণ্যপি প্রাণরক্ষার্থং বাতাদ্রক্ষ্যাণি| বস্তিসাধ্যতম ইতি ইতরচিকিত্সাপেক্ষযা বস্তিনা সাধ্যতমঃ; উক্তং হি- “বস্তির্বাতহরাণাম্” (সূ.অ.২৫) ইতি| দ্বৌ চানুবাসনস্কন্ধাবিতি রোগভিষগ্জিতীযে “অনুবাসনং তু স্নেহ এব, স দ্বিবিধঃ- স্থাবরো জঙ্গমশ্চ” (বি.অ.৮) ইত্যনেনোক্তৌ দ্বাবনুবাসনস্কন্ধৌ জ্ঞেযৌ| ইহেতি সিদ্ধিস্থানে| বুদ্ধ্যা বিচার্যেতি দোষৌষধাদীনি দশ বুদ্ধ্যা বিচার্য, বাতব্যাধিচিকিত্সাং চ বুদ্ধ্যা বিচার্য প্রযোজযেদিত্যর্থঃ||৭||
Adhikarana 6 (8) · Śloka 8
ভূযশ্চ হৃদ্যুপসৃষ্টে হিঙ্গুচূর্ণং লবণানামন্যতমচূর্ণসংযুক্তং মাতুলুঙ্গস্য রসেনান্যেন বাঽম্লেন হৃদ্যেন বা পাযযেত্, স্থিরাদিপঞ্চমূলীরসঃ সশর্করঃ পানার্থং, বিল্বাদিপঞ্চমূলরসসিদ্ধা চ যবাগূঃ, হৃদ্রোগবিহিতং চ কর্ম; মূর্ধ্নি তু বাতোপসৃষ্টেঽভ্যঙ্গস্বেদনোপনাহস্নেহপাননস্তঃকর্মাবপীডনধূমাদীনি; বস্তৌ তু কুম্ভীস্বেদঃ, বর্তযঃ, শ্যামাদিভির্গোমূত্রসিদ্ধো নিরূহঃ, বিল্বাদিভিশ্চ সুরাসিদ্ধঃ, শরকাশেক্ষুদর্ভগোক্ষুরকমূলশৃতক্ষীরৈশ্চ ত্রপুসৈর্বারুখরাশ্বাবীজযবর্ষভকবৃদ্ধিকল্কিতো নিরূহঃ, পীতদারুসিদ্ধতৈলেনানুবাসনং, তৈল্বকং চ সর্পির্বিরেকার্থং, শতাবরীগোক্ষুরকবৃহতীকণ্টকারিকাগুডূচীপুনর্নবোশীরমধুকদ্বিসারিবালোধ্রশ্রেযসীকুশকাশমূলকষাযক্ষীরচতুর্গুণং বলাবৃষর্ষভকখরাশ্বোপকুঞ্চিকাবত্সকত্রপুসৈর্বারুবীজশিতিবারকমধুকবচাশতপুষ্পাশ্মভেদকবর্ষাভূমদনফলকল্কসিদ্ধং তৈলমুত্তরবস্তির্নিরূহো বা শুদ্ধস্নিগ্ধস্বিন্নস্য বস্তিশূলমূত্রবিকারহর ইতি||৮||
View original
भूयश्च हृद्युपसृष्टे हिङ्गुचूर्णं लवणानामन्यतमचूर्णसंयुक्तं मातुलुङ्गस्य रसेनान्येन वाऽम्लेन हृद्येन वा पाययेत्, स्थिरादिपञ्चमूलीरसः सशर्करः पानार्थं, बिल्वादिपञ्चमूलरससिद्धा च यवागूः, हृद्रोगविहितं च कर्म; मूर्ध्नि तु वातोपसृष्टेऽभ्यङ्गस्वेदनोपनाहस्नेहपाननस्तःकर्मावपीडनधूमादीनि; बस्तौ तु कुम्भीस्वेदः, वर्तयः, श्यामादिभिर्गोमूत्रसिद्धो निरूहः, बिल्वादिभिश्च सुरासिद्धः, शरकाशेक्षुदर्भगोक्षुरकमूलशृतक्षीरैश्च त्रपुसैर्वारुखराश्वाबीजयवर्षभकवृद्धिकल्कितो निरूहः, पीतदारुसिद्धतैलेनानुवासनं, तैल्वकं च सर्पिर्विरेकार्थं, शतावरीगोक्षुरकबृहतीकण्टकारिकागुडूचीपुनर्नवोशीरमधुकद्विसारिवालोध्रश्रेयसीकुशकाशमूलकषायक्षीरचतुर्गुणं बलावृषर्षभकखराश्वोपकुञ्चिकावत्सकत्रपुसैर्वारुबीजशितिवारकमधुकवचाशतपुष्पाश्मभेदकवर्षाभूमदनफलकल्कसिद्धं तैलमुत्तरबस्तिर्निरूहो वा शुद्धस्निग्धस्विन्नस्य बस्तिशूलमूत्रविकारहर इति||८||
বিশেষেণ মর্মভেদচিকিত্সিতমাহ - ভূযশ্চেত্যাদি| হৃদ্যুপসৃষ্টে ‘বাতেন” ইতি শেষঃ| লবণানামিতি নির্ধারণে ষষ্ঠী| অন্য এব অন্যতমঃ, যথা- শ্রেষ্ঠতম ইতি| হৃদ্যেনেতি মনোঽনুকূলেন; যদ্ দ্বেষ্যরসস্য হৃদহিততযাঽহৃদ্যত্বং, তন্মনোঽননুকূলত্বমেব| হৃদ্রোগবিহিতং চ কর্মেতি ত্রিমর্মীযচিকিত্সিতে| ধূমাদীনীতি আদিশব্দেন পরিষেকোপনাহাদিগ্রহণম্| বস্তৌ ত্বিতি ‘প্রদুষ্টে বাতেন’ ইতি প্রকরণাজ্জ্ঞেযং; পিত্তকফদুষ্টৌ চ বাযুরেব প্রধানমিতি প্রাগেব প্রতিপাদিতং; তেন কফপিত্তদুষ্টিরপি লভ্যতে| বর্তয ইতি ফলবর্তযঃ| শ্যামাদিভিরিতি “শ্যামাত্রিবৃচ্চতুরঙ্গুলতিল্বকমহাবৃক্ষসপ্তলাশঙ্খিনীদন্তীদ্রবন্তীনাম্” (বি.অ.৮) ইত্যাদিনা প্রাগুক্তঃ শ্যামাদিঃ| বিল্বাদিরিতি বৃহত্পঞ্চমূলং; কিংবা “বিল্বমূলত্রিবৃদ্দারুযবকোলকুলত্থবান্” (সি.অ.৭) ইত্যনেনোক্তো বিল্বাদির্জ্ঞেযঃ| শরাদিমূলশৃতক্ষীরহপুষাদিকল্কোঽপরঃ| খরাশ্বা অজমোদা| পীতদারুসিদ্ধতৈলেন সাধিতমনুবাসনং যস্মিন্নিরূহে স তথা| কেচিত্তু সরলসারাকৃষ্টতৈলং পীতদারুসিদ্ধতৈলমাহুঃ| তৈল্বকসর্পিঃ তিল্বককল্পোক্তম্| শতাবরীত্যাদৌ দ্বিসারিবেতি অনন্তমূলশ্যামে| শ্রেযসী রাস্না| উপকুঞ্চিকা কৃষ্ণজীরকম্| শিতিবারকঃ শালিঞ্চঃ| অশ্মভেদকঃ পাষাণভেদকঃ| উত্তরবস্তিরিতি বক্ষ্যমাণোত্তরবস্তিবিধানাদ্দেয ইত্যর্থঃ| নিরূহঃ নিরূহস্থানে দেয ইত্যর্থঃ||৮||
Adhikarana 7 (9-10) · Śloka 10
ভবন্তি চাত্র শ্লোকাঃ- হৃদযে মূর্ধ্নি বস্তৌ চ নৃণাং প্রাণাঃ প্রতিষ্ঠিতাঃ|
তস্মাত্তেষাং সদা যত্নং কুর্বীত পরিপালনে||৯||
আবাধবর্জনং নিত্যং স্বস্থবৃত্তানুবর্তনম্|
উত্পন্নার্তিবিঘাতশ্চ মর্মণাং পরিপালনম্||১০||
View original
भवन्ति चात्र श्लोकाः- हृदये मूर्ध्नि बस्तौ च नृणां प्राणाः प्रतिष्ठिताः|
तस्मात्तेषां सदा यत्नं कुर्वीत परिपालने||९||
आबाधवर्जनं नित्यं स्वस्थवृत्तानुवर्तनम्|
उत्पन्नार्तिविघातश्च मर्मणां परिपालनम्||१०||
গদ্যোক্তমর্থং শ্লোকেন দর্শযন্নধিকমপ্যাহ- কিঞ্চিত্ হৃদযে ইত্যাদিনা| আবাধবর্জনমিতি মর্মোপঘাতকহেতুবর্জনম্| স্বস্থবৃত্তানুবর্তনং চ হৃদযাদিপোষকতযৈব পালকং ভবতি| উত্পন্নার্তিবিঘাত ইতি উত্পন্নমর্মরোগপ্রতীকারঃ||৯-১০||
Adhikarana 8 (11) · Śloka 11
অত উর্ধ্বং বিকারা যে ত্রিমর্মীযে চিকিত্সিতে|
ন প্রোক্তা মর্মজাস্তেষাং কাংশ্চিদ্বক্ষ্যামি সৌষধান্||১১||
View original
अत उर्ध्वं विकारा ये त्रिमर्मीये चिकित्सिते|
न प्रोक्ता मर्मजास्तेषां कांश्चिद्वक्ष्यामि सौषधान्||११||
মর্মপরিপালকবস্তিকথনপ্রসঙ্গাদনুক্তমর্মগতরোগান্ সচিকিত্সিতান্ দর্শযন্নাহ- অত ঊর্ধ্বমিত্যাদি||১১||
Adhikarana 9 (12-15) · Śloka 15
ক্রুদ্ধঃ স্বৈঃ কোপনৈর্বাযুঃ স্থানাদূর্ধ্বং প্রপদ্যতে|
পীডযন্ হৃদযং গত্বা শিরঃ শঙ্খৌ চ পীডযন্||১২||
ধনুর্বন্নমযেদ্গাত্রাণ্যাক্ষিপেন্মোহযেত্তথা|
(নমযেচ্চাক্ষিপেচ্চাঙ্গান্যুচ্ছ্বাসং নিরুণদ্ধি চ)|
কৃচ্ছ্রেণ চাপ্যুচ্ছ্বসিতি স্তব্ধাক্ষোঽথ নিমীলকঃ ||১৩||
কপোত ইব কূজেচ্চ নিঃসঞ্জ্ঞঃ সোঽপতন্ত্রকঃ|
দৃষ্টিং সংস্তম্ভ্য সঞ্জ্ঞাং চ হত্বা কণ্ঠেন কূজতি||১৪||
হৃদি মুক্তে নরঃ স্বাস্থ্যং যাতি মোহং বৃতে পুনঃ|
বাযুনা দারুণং প্রাহুরেকে তমপতানকম্||১৫||
View original
क्रुद्धः स्वैः कोपनैर्वायुः स्थानादूर्ध्वं प्रपद्यते|
पीडयन् हृदयं गत्वा शिरः शङ्खौ च पीडयन्||१२||
धनुर्वन्नमयेद्गात्राण्याक्षिपेन्मोहयेत्तथा|
(नमयेच्चाक्षिपेच्चाङ्गान्युच्छ्वासं निरुणद्धि च)|
कृच्छ्रेण चाप्युच्छ्वसिति स्तब्धाक्षोऽथ निमीलकः ||१३||
कपोत इव कूजेच्च निःसञ्ज्ञः सोऽपतन्त्रकः|
दृष्टिं संस्तम्भ्य सञ्ज्ञां च हत्वा कण्ठेन कूजति||१४||
हृदि मुक्ते नरः स्वास्थ्यं याति मोहं वृते पुनः|
वायुना दारुणं प्राहुरेके तमपतानकम्||१५||
হৃদ্রোগমপতন্ত্রকমাহ- ক্রুদ্ধ ইত্যাদি| স্থানাদূর্ধ্বমিতি বাতস্থানাপেক্ষযা যদূর্ধ্বম্| স্তব্ধাক্ষোঽথ নিমীলন ইতি স্তব্ধাক্ষো বা ভবতি নিমীলিতাক্ষো বা ভবতি| নিঃসঞ্জ্ঞ ইতি ব্যাধিবেগকালে দৃষ্টিং সংস্তভ্য সঞ্জ্ঞাং চ হত্বা কণ্ঠেন কূজতি, নিঃসঞ্জ্ঞশ্চ ভবতি| মোহং বৃতে পুনরিতি হৃদযে বৃতে পুনর্বাযুনা মোহং যাতি; বাযুনেতি কফযুক্তেন; একে তমপতানকমেবাপতন্ত্রকমাহুঃ| অত্র জতূকর্ণঃ- “বাতকফাভ্যাং হৃচ্ছিরঃশঙ্খপীডনানমনাঙ্গাক্ষেপপ্রমোহাক্ষিস্তম্ভানিমীলনকৃচ্ছ্রোচ্ছ্বাসকূজনান্যপতন্ত্রকে”ইতি| কিংবা অপতন্ত্রকং দ্বিবিধং বর্ণযন্তি- বাতাত্, কফাচ্চ ; তত্র ‘নিঃসঞ্জ্ঞঃ সোঽপতন্ত্রকঃ’ ইত্যনেন কফজ উচ্যতে; ‘বাযুনা দারুণং প্রাহুঃ’ ইত্যনেন বাযুনা জনিতমপতন্ত্রকমেবাপতানকমাহুঃ| তস্য দারুণত্বং দারুণবাতারব্ধত্বাদিতি ব্যাখ্যেযম্| তথৈব সুশ্রুতে বাতব্যাধাবতন্ত্রকঃ পঠিতঃ||১২-১৫||
Adhikarana 10 (16-20) · Śloka 20
শ্বসনং কফবাতাভ্যাং রুদ্ধং তস্য বিমোক্ষযেত্|
তীক্ষ্ণৈঃ প্রধমনৈঃ সঞ্জ্ঞাং তাসু মুক্তাসু বিন্দতি||১৬||
মরিচং শিগ্রুবীজানি বিডঙ্গং চ ফণিজ্ঝকম্|
এতানি সূক্ষ্মচূর্ণানি দদ্যাচ্ছীর্ষবিরেচনম্||১৭||
তুম্বুরূণ্যভযা হিঙ্গু পৌষ্করং লবণত্রযম্|
যবক্বাথাম্বুনা পেযং হৃদ্গ্রহে চাপতন্ত্রকে ||১৮||
হিঙ্গ্বম্লবেতসং শুণ্ঠীং সসৌবর্চলদাডিমম্|
পিবেদ্বাতকফঘ্নং চ কর্ম হৃদ্রোগনুদ্ধিতম্||১৯||
শোধনা বস্তযস্তীক্ষ্ণা ন হিতাস্তস্য কৃত্স্নশঃ|
সৌবর্চলাভযাব্যোষৈঃ সিদ্ধং তস্মৈ ঘৃতং হিতম্||২০||
View original
श्वसनं कफवाताभ्यां रुद्धं तस्य विमोक्षयेत्|
तीक्ष्णैः प्रधमनैः सञ्ज्ञां तासु मुक्तासु विन्दति||१६||
मरिचं शिग्रुबीजानि विडङ्गं च फणिज्झकम्|
एतानि सूक्ष्मचूर्णानि दद्याच्छीर्षविरेचनम्||१७||
तुम्बुरूण्यभया हिङ्गु पौष्करं लवणत्रयम्|
यवक्वाथाम्बुना पेयं हृद्ग्रहे चापतन्त्रके ||१८||
हिङ्ग्वम्लवेतसं शुण्ठीं ससौवर्चलदाडिमम्|
पिबेद्वातकफघ्नं च कर्म हृद्रोगनुद्धितम्||१९||
शोधना बस्तयस्तीक्ष्णा न हितास्तस्य कृत्स्नशः|
सौवर्चलाभयाव्योषैः सिद्धं तस्मै घृतं हितम्||२०||
তাস্বিতি চেতনাবহাসু ধমনীষু| যবক্বাথাম্বুনেতি যবৈঃ ষডঙ্গবিধিনা শৃতপানীযেন| হৃদ্রোগনুদ্ বাতকফঘ্নং যত্ কর্ম তদ্ধিতমপতন্ত্রকে| শোধনা ইত্যাদৌ “কৃত্স্নশঃ শোধনা ন হিতাঃ’ ইতি বচনেন শোধনার্থস্তোকনিরূহদানং, ভূরিশোধননিরূহদানে তু বাতক্ষোভঃ স্যাদিতি ভাবঃ||১৬-২০||
Adhikarana 11 (21-24) · Śloka 24
মধুরস্নিগ্ধগুর্বন্নসেবনাচ্চিন্তনাচ্ছ্রমাত্ |
শোকাদ্ব্যাধ্যনুষঙ্গাচ্চ বাযুনোদীরিতঃ কফঃ||২১||
যদাঽসৌ সমবস্কন্দ্য হৃদযং হৃদযাশ্রযান্|
সমাবৃণোতি জ্ঞানাদীংস্তদা তন্দ্রোপজাযতে||২২||
হৃদযে ব্যাকুলীভাবো বাক্চেষ্টেন্দ্রিযগৌরবম্|
মনোবুদ্ধ্যপ্রসাদশ্চ তন্দ্রাযা লক্ষণং মতম্||২৩||
কফঘ্নং তত্র কর্তব্যং শোধনং শমনানি চ|
ব্যাযামো রক্তমোক্ষশ্চ ভোজ্যং চ কটুতিক্তকম্||২৪||
View original
मधुरस्निग्धगुर्वन्नसेवनाच्चिन्तनाच्छ्रमात् |
शोकाद्व्याध्यनुषङ्गाच्च वायुनोदीरितः कफः||२१||
यदाऽसौ समवस्कन्द्य हृदयं हृदयाश्रयान्|
समावृणोति ज्ञानादींस्तदा तन्द्रोपजायते||२२||
हृदये व्याकुलीभावो वाक्चेष्टेन्द्रियगौरवम्|
मनोबुद्ध्यप्रसादश्च तन्द्राया लक्षणं मतम्||२३||
कफघ्नं तत्र कर्तव्यं शोधनं शमनानि च|
व्यायामो रक्तमोक्षश्च भोज्यं च कटुतिक्तकम्||२४||
মধুরস্নিগ্ধেত্যাদিনা তন্দ্রালক্ষণং চিকিত্সিতং চ কেচিত্ পঠন্তি||২১-২৪||
Adhikarana 12 (25-26) · Śloka 26
মূত্রৌকসাদো জঠরং কৃচ্ছ্রমুত্সঙ্গসঙ্ক্ষযৌ|
মূত্রাতীতোঽনিলাষ্ঠীলা বাতবস্ত্যুষ্ণমারুতৌ||২৫||
বাতকুণ্ডলিকা গ্রন্থির্বিড্ঘাতো বস্তিকুণ্ডলম্|
ত্রযোদশৈতে মূত্রস্য দোষাস্তাঁল্লিঙ্গতঃ শৃণু||২৬||
View original
मूत्रौकसादो जठरं कृच्छ्रमुत्सङ्गसङ्क्षयौ|
मूत्रातीतोऽनिलाष्ठीला वातबस्त्युष्णमारुतौ||२५||
वातकुण्डलिका ग्रन्थिर्विड्घातो बस्तिकुण्डलम्|
त्रयोदशैते मूत्रस्य दोषास्ताँल्लिङ्गतः शृणु||२६||
হৃদ্রোগমভিধায বস্তিরোগানাহ- মূত্রৌকসাদ ইত্যাদি| এতে চ মূত্রদোষা মূত্রকৃচ্ছ্রাদ্ভিন্না এবেতি ত্রিমর্মীয এব প্রতিপাদিতম্||২৫-২৬||
Adhikarana 13 (27-28) · Śloka 28
পিত্তং কফো দ্বাবপি বা বস্তৌ সংহন্যতে যদা|
মারুতেন তদা মূত্রং রক্তং পীতং ঘনং সৃজেত্||২৭||
সদাহং শ্বেতসান্দ্রং বা সর্বৈর্বা লক্ষণৈর্যুতম্|
মূত্রৌকসাদং তং বিদ্যাত্ পিত্তশ্লেষ্মহরৈর্জযেত্||২৮||
View original
पित्तं कफो द्वावपि वा बस्तौ संहन्यते यदा|
मारुतेन तदा मूत्रं रक्तं पीतं घनं सृजेत्||२७||
सदाहं श्वेतसान्द्रं वा सर्वैर्वा लक्षणैर्युतम्|
मूत्रौकसादं तं विद्यात् पित्तश्लेष्महरैर्जयेत्||२८||
পিত্তং কফ ইত্যাদিনা মূত্রৌকসাদমাহ| অযং চ বাতকফ-পিত্তবাত-ত্রিদোষৈর্জন্যত ইত্যুক্তং ভবতি| সংহন্যতে ইতি সংহতে রক্তপীতবর্ণতা পিত্তেন, শ্বেতবর্ণতা কফেন, কফপিত্তলক্ষণতা কফপিত্তাভ্যাং, বাযুস্তু সর্বানুগত এব| অত্র বাযোরাবরণকৃত এব কোপঃ; তেন পিত্তকফযোরেব চিকিত্সোক্তা ‘পিত্তশ্লেষ্মহরৈর্জযেত্’ ইত্যনেন, বাযোস্ত্বাবরণজযাদেব জযো ভবতীতি ভাবঃ||২৭-২৮||
Adhikarana 14 (29-31) · Śloka 31
বিধারণাত্ প্রতিহতং বাতোদাবর্তিতং যদা|
পূরযত্যুদরং মূত্রং তদা তদনিমিত্তরুক্||২৯||
অপক্তিমূত্রবিট্সঙ্গৈস্তন্মূত্রজঠরং বদেত্|
মূত্রবৈরেচনীং তত্র চিকিত্সাং সম্প্রযোজযেত্||৩০||
হিঙ্গুদ্বিরুত্তরং চূর্ণং ত্রিমর্মীযে প্রকীর্তিতম্|
হন্যান্মূত্রোদরানাহমাধ্মানং গুদমেঢ্রযোঃ||৩১||
View original
विधारणात् प्रतिहतं वातोदावर्तितं यदा|
पूरयत्युदरं मूत्रं तदा तदनिमित्तरुक्||२९||
अपक्तिमूत्रविट्सङ्गैस्तन्मूत्रजठरं वदेत्|
मूत्रवैरेचनीं तत्र चिकित्सां सम्प्रयोजयेत्||३०||
हिङ्गुद्विरुत्तरं चूर्णं त्रिमर्मीये प्रकीर्तितम्|
हन्यान्मूत्रोदरानाहमाध्मानं गुदमेढ्रयोः||३१||
অনিমিত্তরুগিতি অলক্ষ্যমাণনিমিত্তরুক্| মূত্রবৈরেচনীমিতি মূত্রবিরেচনীযদশকপ্রযোগরূপাম্| হিঙ্গুদ্বিরুত্তরং তু ‘দ্বিরুত্তরং হিঙ্গুবচা’ (চি.অ.২৬) ইত্যাদিনোক্তং, হিঙ্গু দ্বিরুত্তরং যস্মিন্ তদ্ধিঙ্গুদ্বিরুত্তরম্||২৯-৩১||
Adhikarana 15 (32-48) · Śloka 49
মূত্রিতস্য ব্যবাযাত্তু রেতো বাতোদ্ধতং চ্যুতম্|
পূর্বং মূত্রস্য পশ্চাদ্বা স্রবেত্ কৃচ্ছ্রং তদুচ্যতে||৩২||
খবৈগুণ্যানিলাক্ষেপৈঃ কিঞ্চিন্মূত্রং চ তিষ্ঠতি|
মণিসন্ধৌ স্রবেত্ পশ্চাত্তদরুগ্বাঽথ চাতিরুক্||৩৩||
মূত্রোত্সঙ্গঃ স বিচ্ছিন্নমুচ্ছেষগুরুশেফসঃ |
বাতাকৃতির্ভবেদ্বাতান্মূত্রে শুষ্যতি সঙ্ক্ষযঃ||৩৪||
চিরং ধারযতো মূত্রং ত্বরযা ন প্রবর্ততে|
মেহমানস্য মন্দং বা মূত্রাতীতঃ স উচ্যতে||৩৫||
আধ্মাপযন্ বস্তিগুদং রুদ্ধ্বা বাযুশ্চলোন্নতাম্|
কুর্যাত্তীব্রার্তিমষ্ঠীলাং মূত্রবিণ্মার্গরোধিনীম্||৩৬||
মূত্রং ধারযতো বস্তৌ বাযুঃ ক্রুদ্ধো বিধারণাত্|
মূত্ররোধার্তিকণ্ডূভির্বাতবস্তিঃ স উচ্যতে||৩৭||
উষ্মণা সোষ্মকং মূত্রং শোষযন্ রক্তপীতকম্|
উষ্ণবাতঃ সৃজেত্ কৃচ্ছ্রাদ্বস্ত্যুপস্থার্তিদাহবান্||৩৮||
গতিসঙ্গাদুদাবৃত্তঃ স মূত্রস্থানমার্গযোঃ|
মূত্রস্য বিগুণো বাযুর্ভগ্নব্যাবিদ্ধকুণ্ডলী||৩৯||
মূত্রং বিহন্তি সংস্তম্ভভঙ্গগৌরববেষ্টনৈঃ|
তীব্ররুঙ্মূত্রবিট্সঙ্গৈর্বাতকুণ্ডলিকেতি সা||৪০||
রক্তং বাতকফাদ্দুষ্টং বস্তিদ্বারে সুদারুণম্|
গ্রন্থিং কুর্যাত্ স কৃচ্ছ্রেণ সৃজেন্মূত্রং তদাবৃতম্||৪১||
অশ্মরীসমশূলং তং রক্তগ্রন্থিং প্রচক্ষতে|
রূক্ষদুর্বলযোর্বাতেনোদাবৃত্তং শকৃদ্যদা||৪২||
মূত্রস্রোতঃ প্রপদ্যেত বিট্সংসৃষ্টং তদা নরঃ|
বিড্গন্ধং মূত্রযেত্ কৃচ্ছ্রাদ্বিড্বিঘাতং বিনির্দিশেত্||৪৩||
দ্রুতাধ্বলঙ্ঘনাযাসাদভিঘাতাত্ প্রপীডনাত্|
স্বস্থানাদ্বস্তিরুদ্বৃত্তঃ স্থূলস্তিষ্ঠতি গর্ভবত্||৪৪||
শূলস্পন্দনদাহার্তো বিন্দুং বিন্দুং স্রবত্যপি|
পীডিতস্তু সৃজেদ্ধারাং সংস্তম্ভোদ্বেষ্টনার্তিমান্||৪৫||
বস্তিকুণ্ডলমাহুস্তং ঘোরং শস্ত্রবিষোপমম্|
পবনপ্রবলং প্রাযো দুর্নিবারমবুদ্ধিভিঃ||৪৬||
তস্মিন্ পিত্তান্বিতে দাহঃ শূলং মূত্রবিবর্ণতা|
শ্লেষ্মণা গৌরবং শোফঃ স্নিগ্ধং মূত্রং ঘনং সিতম্||৪৭||
শ্লেষ্মরুদ্ধবিলো বস্তিঃ পিত্তোদীর্ণো ন সিধ্যতি|
অবিভ্রান্তবিলঃ সাধ্যো ন তু যঃ কুণ্ডলীকৃতঃ||৪৮||
স্যাদ্বস্তৌ কুণ্ডলীভূতে হৃন্মোহঃ শ্বাস এব চ|৪৯|
View original
मूत्रितस्य व्यवायात्तु रेतो वातोद्धतं च्युतम्|
पूर्वं मूत्रस्य पश्चाद्वा स्रवेत् कृच्छ्रं तदुच्यते||३२||
खवैगुण्यानिलाक्षेपैः किञ्चिन्मूत्रं च तिष्ठति|
मणिसन्धौ स्रवेत् पश्चात्तदरुग्वाऽथ चातिरुक्||३३||
मूत्रोत्सङ्गः स विच्छिन्नमुच्छेषगुरुशेफसः |
वाताकृतिर्भवेद्वातान्मूत्रे शुष्यति सङ्क्षयः||३४||
चिरं धारयतो मूत्रं त्वरया न प्रवर्तते|
मेहमानस्य मन्दं वा मूत्रातीतः स उच्यते||३५||
आध्मापयन् बस्तिगुदं रुद्ध्वा वायुश्चलोन्नताम्|
कुर्यात्तीव्रार्तिमष्ठीलां मूत्रविण्मार्गरोधिनीम्||३६||
मूत्रं धारयतो बस्तौ वायुः क्रुद्धो विधारणात्|
मूत्ररोधार्तिकण्डूभिर्वातबस्तिः स उच्यते||३७||
उष्मणा सोष्मकं मूत्रं शोषयन् रक्तपीतकम्|
उष्णवातः सृजेत् कृच्छ्राद्बस्त्युपस्थार्तिदाहवान्||३८||
गतिसङ्गादुदावृत्तः स मूत्रस्थानमार्गयोः|
मूत्रस्य विगुणो वायुर्भग्नव्याविद्धकुण्डली||३९||
मूत्रं विहन्ति संस्तम्भभङ्गगौरववेष्टनैः|
तीव्ररुङ्मूत्रविट्सङ्गैर्वातकुण्डलिकेति सा||४०||
रक्तं वातकफाद्दुष्टं बस्तिद्वारे सुदारुणम्|
ग्रन्थिं कुर्यात् स कृच्छ्रेण सृजेन्मूत्रं तदावृतम्||४१||
अश्मरीसमशूलं तं रक्तग्रन्थिं प्रचक्षते|
रूक्षदुर्बलयोर्वातेनोदावृत्तं शकृद्यदा||४२||
मूत्रस्रोतः प्रपद्येत विट्संसृष्टं तदा नरः|
विड्गन्धं मूत्रयेत् कृच्छ्राद्विड्विघातं विनिर्दिशेत्||४३||
द्रुताध्वलङ्घनायासादभिघातात् प्रपीडनात्|
स्वस्थानाद्वस्तिरुद्वृत्तः स्थूलस्तिष्ठति गर्भवत्||४४||
शूलस्पन्दनदाहार्तो बिन्दुं बिन्दुं स्रवत्यपि|
पीडितस्तु सृजेद्धारां संस्तम्भोद्वेष्टनार्तिमान्||४५||
बस्तिकुण्डलमाहुस्तं घोरं शस्त्रविषोपमम्|
पवनप्रबलं प्रायो दुर्निवारमबुद्धिभिः||४६||
तस्मिन् पित्तान्विते दाहः शूलं मूत्रविवर्णता|
श्लेष्मणा गौरवं शोफः स्निग्धं मूत्रं घनं सितम्||४७||
श्लेष्मरुद्धबिलो बस्तिः पित्तोदीर्णो न सिध्यति|
अविभ्रान्तबिलः साध्यो न तु यः कुण्डलीकृतः||४८||
स्याद्वस्तौ कुण्डलीभूते हृन्मोहः श्वास एव च|४९|
মূত্রিতস্যেতি মূত্রবেগগতস্য, মূত্রবেগযুক্তস্যেতি যাবত্| চ্যুতমিতি স্বস্থানাচ্চ্যুতম্| বাতোদ্ধতমিতি বাতবিক্ষিপ্তম্| এতল্লক্ষণান্তরযুক্তমেব কৃচ্ছ্রং; মূত্রকৃচ্ছ্রমিতোঽন্যদেব, ভিন্নক্ষণত্বাত্| কিঞ্চিদিতি স্তোকম্| উচ্ছেষগুরুশেফস ইতি প্রবৃদ্ধমূত্রাবশেষেণ স্থিতেন গুরুশেফস ইতি| বাতাকৃতিরিত্যাদি সঙ্ক্ষযলক্ষণম্ | বাতাকৃতিরিতি বাতলক্ষণযুক্তঃ| বিধারণাদিতি মূত্রবেগরোধাত্| ঊষ্মণেতি পিত্তোষ্মণা| শোষযন্নিতি ঊষ্মণা সহিতো বাত এব মূত্রং শোষযন্| গতিসঙ্গাদিত্যাদিনা বাতকুণ্ডলিকামাহ| মূত্রস্য গতিসঙ্গাদুদাবৃত্তো বাযুর্মূত্রস্থানমার্গযোর্ভগ্নব্যাবিদ্ধকুণ্ডলী মূত্রযতি; ভগ্নঃ প্রতিহতঃ, ব্যাবিদ্ধঃ বক্রী, কুণ্ডলীতি আবর্তমানতযা স্থিতঃ; ঈদৃশং বাযোরুপস্থানং মূত্রমার্গ এব ভবতি| বাতকুণ্ডলিকালক্ষণমাহ- সংস্তম্ভেত্যাদি| ভঙ্গঃ ভঙ্গাকারবেদনা| রক্তং গ্রন্থিং কুর্যাত্ বাতকফাভ্যাং দুষ্টমিতি যোজ্যম্| বিড্যুক্তো বিঘাতো বিড্বিঘাতঃ| দ্রুতাধ্বেত্যাদিনা বস্তিকুণ্ডলমাহ| উদ্বৃত্ত ইতি পরাবৃত্তমুখঃ| পীডিত ইতি হস্তাদিভিঃ| শ্লেষ্মরুদ্ধবিলো বস্তির্ন সিধ্যতি, তথা পিত্তোদীর্ণশ্চ ন সিধ্যতি| অবিভ্রান্তবিল ইতি অরুদ্ধদ্বারঃ| কুণ্ডলীকৃত ইতি বর্তুলীকৃতঃ| বর্তুলীকৃতস্যৈব লক্ষণান্যাহ- স্যাদ্বস্তাবিত্যাদি||৩২-৪৮||-
Adhikarana 16 (49) · Śloka 50
দোষাধিক্যমবেক্ষ্যৈতান্ মূত্রকৃচ্ছ্রহরৈর্জযেত্||৪৯||
বস্তিমুত্তরবস্তিং চ সর্বেষামেব দাপযেত্|৫০|
View original
दोषाधिक्यमवेक्ष्यैतान् मूत्रकृच्छ्रहरैर्जयेत्||४९||
बस्तिमुत्तरबस्तिं च सर्वेषामेव दापयेत्|५०|
চিকিত্সামাহ- দোষাধিক্যমিত্যাদি| মূত্রকৃচ্ছ্রহরৈঃ প্রযোগৈর্দোষাধিক্যমবেক্ষ্য প্রযুক্তৈর্জযেদিত্যর্থঃ||৪৯||-
Adhikarana 17 (50-57) · Śloka 57
পুষ্পনেত্রং তু হৈমং স্যাচ্ছ্লক্ষ্ণমৌত্তরবস্তিকম্||৫০||
জাত্যশ্বহনবৃন্তেন সমং গোপুচ্ছসংস্থিতম্|
রৌপ্যং বা সর্ষপচ্ছিদ্রং দ্বিকর্ণং দ্বাদশাঙ্গুলম্||৫১||
তেনাজবস্তিযুক্তেন স্নেহস্যার্ধপলং নযেত্|
যথাবযোবিশেষেণ স্নেহমাত্রাং বিকল্প্য বা||৫২||
স্নাতস্য ভুক্তভক্তস্য রসেন পযসাঽপি বা|
সৃষ্টবিণ্মূত্রবেগস্য পীঠে জানুসমে মৃদৌ||৫৩||
ঋজোঃ সুখোপবিষ্টস্য হৃষ্টে মেঢ্রে ঘৃতাক্তযা|
শলাকযাঽন্বিষ্য গতিং যদ্যপ্রতিহতা ব্রজেত্||৫৪||
ততঃ শেফঃপ্রমাণেন পুষ্পনেত্রং প্রবেশযেত্|
গুদবন্মূত্রমার্গেণ প্রণযেদনু সেবনীম্||৫৫||
হিংস্যাদতিগতং বস্তিমূনে স্নেহো ন গচ্ছতি|
সুখং প্রপীড্য নিষ্কম্পং নিষ্কর্ষেন্নেত্রমেব চ||৫৬||
প্রত্যাগতে দ্বিতীযং চ তৃতীযং চ প্রদাপযেত্|
অনাগচ্ছন্নুপেক্ষ্যস্তু রজনীব্যুষিতস্য চ||৫৭||
View original
पुष्पनेत्रं तु हैमं स्याच्छ्लक्ष्णमौत्तरबस्तिकम्||५०||
जात्यश्वहनवृन्तेन समं गोपुच्छसंस्थितम्|
रौप्यं वा सर्षपच्छिद्रं द्विकर्णं द्वादशाङ्गुलम्||५१||
तेनाजबस्तियुक्तेन स्नेहस्यार्धपलं नयेत्|
यथावयोविशेषेण स्नेहमात्रां विकल्प्य वा||५२||
स्नातस्य भुक्तभक्तस्य रसेन पयसाऽपि वा|
सृष्टविण्मूत्रवेगस्य पीठे जानुसमे मृदौ||५३||
ऋजोः सुखोपविष्टस्य हृष्टे मेढ्रे घृताक्तया|
शलाकयाऽन्विष्य गतिं यद्यप्रतिहता व्रजेत्||५४||
ततः शेफःप्रमाणेन पुष्पनेत्रं प्रवेशयेत्|
गुदवन्मूत्रमार्गेण प्रणयेदनु सेवनीम्||५५||
हिंस्यादतिगतं बस्तिमूने स्नेहो न गच्छति|
सुखं प्रपीड्य निष्कम्पं निष्कर्षेन्नेत्रमेव च||५६||
प्रत्यागते द्वितीयं च तृतीयं च प्रदापयेत्|
अनागच्छन्नुपेक्ष्यस्तु रजनीव्युषितस्य च||५७||
উত্তরবস্তিং দাপযেদিত্যুক্তং, তত উত্তরবস্তিবিধিমাহ- পুষ্পনেত্রমিত্যাদি| পুষ্পনেত্রমিত্যুত্তরবস্তিনেত্রস্য সঞ্জ্ঞা; উত্তরবস্তিসঞ্জ্ঞা উত্তরমার্গদীযমানতযা, কিংবা শ্রেষ্ঠগুণতযা উত্তরবস্তিঃ| জাত্যশ্বহনবৃন্তেন সমমিতি জাতেরশ্বহনস্য চ পুষ্পযোর্বৃন্তেনাগ্রসমম্; উক্তং হি হারীতে “কুন্দস্য বৃন্তপ্রতিমং তথাঽগ্রে” ইতি; অশ্বহনঃ করবীরঃ| সর্ষপচ্ছিদ্রমিতি সর্ষপবাহিচ্ছিদ্রম্| দ্বিকর্ণিকমিতি নেত্রে বস্তিবন্ধনার্থমেকতঃ কর্ণিকা, অপরাঽগ্রে শেফঃপ্রমাণষডঙ্গুলাদৌ কর্ণিকা কর্তব্যা| ত্রিকর্ণিকম্’ ইতি বা পাঠঃ| যথাবযোবিশেষেণ স্নেহমাত্রাং বিকল্প্য চেতি যথোক্তস্নেহঃ পঞ্চবিংশতিবর্ষস্য, ততস্ত্বর্বাগ্বযোভেদবিকল্পেনাপকর্ষঃ কর্তব্যঃ; উক্তং হি সুশ্রুতে “স্নেহপ্রমাণং পরমং প্রকুঞ্চশ্চাত্র কীর্তিতঃ| পঞ্চবিংশতিবর্ষাণামর্বাগ্বুদ্ধিবিকল্পিতম্” (সু.চি.অ.৩৭) ইতি| হৃষ্টে ইতি স্তব্ধে, যদ্যপ্রতিহতা ব্রজেচ্ছলাকা, তত্র পুষ্পনেত্রং শেফঃপ্রমাণসমং প্রবেশনীযম্| শলাকযা প্রথমমন্বেষণং মার্গবিজ্ঞানার্থম্| গুদবদিতি গুদে যথা নেত্রাকম্পনাদিগুণযুক্তং প্রবেশ্যতে তথা মেঢ্রেঽপি| অতিগতং লিঙ্গপ্রমাণাতিরেকপ্রবিষ্টং নেত্রং বস্তিং হিংস্যাত্| ঊনে ইতি লিঙ্গমানস্তোকপ্রবিষ্টে||৫০-৫৭||
Adhikarana 18 (58-61) · Śloka 61
পিপ্পলীলবণাগারধূমাপামার্গসর্ষপৈঃ|
বার্তাকুরসনির্গুণ্ডীশম্পাকৈঃ সসহাচরৈঃ||৫৮||
মূত্রাম্লপিষ্টৈঃ সগুডৈর্বর্তিং কৃত্বা প্রবেশযেত্|
অগ্রে তু সর্ষপাকারাং পশ্চার্ধে মাষসম্মিতাম্||৫৯||
নেত্রদীর্ঘাং ঘৃতাভ্যক্তাং সুকুমারামভঙ্গুরাম্|
নেত্রবন্মূত্রনাড্যাং তু পাযৌ চাঙ্গুষ্ঠসম্মিতাম্||৬০||
স্নেহে প্রত্যাগতে তাভ্যামানুবাসনিকো বিধিঃ|
পরিহারশ্চ সব্যাপত্ সসম্যগ্দত্তলক্ষণঃ||৬১||
View original
पिप्पलीलवणागारधूमापामार्गसर्षपैः|
वार्ताकुरसनिर्गुण्डीशम्पाकैः ससहाचरैः||५८||
मूत्राम्लपिष्टैः सगुडैर्वर्तिं कृत्वा प्रवेशयेत्|
अग्रे तु सर्षपाकारां पश्चार्धे माषसम्मिताम्||५९||
नेत्रदीर्घां घृताभ्यक्तां सुकुमारामभङ्गुराम्|
नेत्रवन्मूत्रनाड्यां तु पायौ चाङ्गुष्ठसम्मिताम्||६०||
स्नेहे प्रत्यागते ताभ्यामानुवासनिको विधिः|
परिहारश्च सव्यापत् ससम्यग्दत्तलक्षणः||६१||
পিপ্পলীত্যাদিনা ব্যুষিতেঽপ্যনাগচ্ছতঃ স্নেহস্য প্রবর্তিকাং বর্তিমাহ| ইযং চ বর্তির্গুডপাকেন কঠিনা কর্তব্যা যথা শ্লক্ষ্ণা ভবতি| পশ্চার্ধে ইতি মূলে; অঙ্গুষ্ঠসন্নিভামিতি পাযৌ স্নেহপ্রবৃত্ত্যর্থং দীযমানাঽঙ্গুষ্ঠসমানা কর্তব্যা| তাভ্যামিতি মেঢ্রগুদাভ্যাং দত্তবর্তিভ্যাম্| উত্তরবস্তেরনুবাসনবত্ সেব্যপরিহারব্যাপত্সম্যগ্দত্তলক্ষণান্যতিদিশন্নাহ- আনুবাসনিকো বিধিরিত্যাদি||৫৮-৬১||
Adhikarana 19 (62-64) · Śloka 65
স্ত্রীণামার্তবকালে তু প্রতিকর্ম তদাচরেত্|
গর্ভাসনা সুখং স্নেহং তদাঽঽদত্তে হ্যপাবৃতা||৬২||
গর্ভং যোনিস্তদা শীঘ্রং জিতে গৃহ্ণাতি মারুতে|
বস্তিজেষু বিকারেষু যোনিবিভ্রংশজেষু চ||৬৩||
যোনিশূলেষু তীব্রেষু যোনিব্যাপত্স্বসৃগ্দরে|
অপ্রস্রবতি মূত্রে চ বিন্দুং বিন্দুং স্রবত্যপি||৬৪||
বিদধ্যাদুত্তরং বস্তিং যথাস্বৌষধসংস্কৃতম্ |৬৫|
View original
स्त्रीणामार्तवकाले तु प्रतिकर्म तदाचरेत्|
गर्भासना सुखं स्नेहं तदाऽऽदत्ते ह्यपावृता||६२||
गर्भं योनिस्तदा शीघ्रं जिते गृह्णाति मारुते|
बस्तिजेषु विकारेषु योनिविभ्रंशजेषु च||६३||
योनिशूलेषु तीव्रेषु योनिव्यापत्स्वसृग्दरे|
अप्रस्रवति मूत्रे च बिन्दुं बिन्दुं स्रवत्यपि||६४||
विदध्यादुत्तरं बस्तिं यथास्वौषधसंस्कृतम् |६५|
আর্তবকালে ত্বৌত্সর্গিকতযোক্তং স্ত্রীণামুত্তরবস্তিদানমার্তবকালে বিধত্তে| আর্তবকালদানে হেতুমাহ- গর্ভাসনেত্যাদি| গর্ভাসনা গর্ভশয্যা, গর্ভাশয ইত্যর্থঃ; অন্যে তু যোনিমাহুঃ| আদত্ত ইতি সম্যগ্ গৃহ্ণাতি| অপাবৃতেতি অপগতসঞ্চিতরজোরূপাবরণা||৬২-৬৪||-
Adhikarana 20 (65-69) · Śloka 70
পুষ্পনেত্রপ্রমাণং তু প্রমদানাং দশাঙ্গুলম্||৬৫||
মূত্রস্রোতঃপরীণাহং মুদ্গস্রোতোঽনুবাহি চ|
অপত্যমার্গে নারীণাং বিধেযং চতুরঙ্গুলম্||৬৬||
দ্ব্যঙ্গুলং মূত্রমার্গে তু বালাযাস্ত্বেকমঙ্গুলম্|
উত্তানাযাঃ শযানাযাঃ সম্যক্ সঙ্কোচ্য সক্থিনী||৬৭||
অথাস্যাঃ প্রণযেন্নেত্রমনুবংশগতং সুখম্|
দ্বিস্ত্রিশ্চতুরিতি স্নেহানহোরাত্রেণ যোজযেত্||৬৮||
বস্তৌ , বস্তৌ প্রণীতে চ বর্তিঃ পীনতরা ভবেত্|
ত্রিরাত্রং কর্ম কুর্বীত স্নেহমাত্রাং বিবর্ধযেত্||৬৯||
অনেনৈব বিধানেন কর্ম কুর্যাত্ পুনস্ত্র্যহাত্|৭০|
View original
पुष्पनेत्रप्रमाणं तु प्रमदानां दशाङ्गुलम्||६५||
मूत्रस्रोतःपरीणाहं मुद्गस्रोतोऽनुवाहि च|
अपत्यमार्गे नारीणां विधेयं चतुरङ्गुलम्||६६||
द्व्यङ्गुलं मूत्रमार्गे तु बालायास्त्वेकमङ्गुलम्|
उत्तानायाः शयानायाः सम्यक् सङ्कोच्य सक्थिनी||६७||
अथास्याः प्रणयेन्नेत्रमनुवंशगतं सुखम्|
द्विस्त्रिश्चतुरिति स्नेहानहोरात्रेण योजयेत्||६८||
बस्तौ , बस्तौ प्रणीते च वर्तिः पीनतरा भवेत्|
त्रिरात्रं कर्म कुर्वीत स्नेहमात्रां विवर्धयेत्||६९||
अनेनैव विधानेन कर्म कुर्यात् पुनस्त्र्यहात्|७०|
পুষ্পনেত্রপ্রমাণং ত্বিত্যাদি| মুদ্গস্রোতোঽনুবাহীতি মূদ্গবাহিচ্ছিদ্রম্| অপত্যমার্গে বিধেযং চতুরঙ্গুলমিতি অপত্যমার্গে স্নেহযিতব্যে চতুরঙ্গুলপ্রবেশনং প্রাপ্তযৌবনানামেব নারীণাং কর্তব্যং, মূত্রমার্গে তু স্নেহযিতব্যে দ্ব্যঙ্গুলপ্রবেশনং প্রাপ্তযৌবনানামেব নারীণাং কর্তব্যম্| বালাযাঃ স্বল্পপ্রমাণতযা একাঙ্গুলপ্রবেশনমেব মূত্রমার্গপ্রযোগার্থং কর্তব্যং; বালানাং ত্বপত্যমার্গে ন দীযত এব, তাসামপত্যমার্গস্যাবৃতত্বাত্| বর্তিঃ পীনতরা ভবেদিতি স্নেহপ্রত্যাগমনার্থা বর্তিঃ পীনতরা কর্তব্যা| স্নেহমাত্রা চাত্র “স্নেহস্য প্রসৃতং চাত্র স্বাঙ্গুলীমূলসম্মিতম্” (সু.চি.অ.৩৭) ইত্যনেন সুশ্রুতোক্তা জ্ঞেযা||৬৫-৬৯||-
Adhikarana 21 (70-73) · Śloka 73
অতঃ শিরোবিকারাণাং কশ্চিদ্ভেদঃ প্রবক্ষ্যতে||৭০||
রক্তপিত্তানিলা দুষ্টাঃ শঙ্খদেশে বিমূর্চ্ছিতাঃ|
তীব্ররুগ্দাহরাগং হি শোফং কুর্বন্তি দারুণম্||৭১||
স শিরো বিষবদ্বেগী নিরুধ্যাশু গলং তথা|
ত্রিরাত্রাজ্জীবিতং হন্তি শঙ্খকো নাম নামতঃ||৭২||
পরং ত্র্যহাজ্জীবতি চেত্ প্রত্যাখ্যাযাচরেত্ ক্রিযাম্|
শিরোবিরেকসেকাদি সর্বং বীসর্পনুচ্চ যত্||৭৩||
View original
अतः शिरोविकाराणां कश्चिद्भेदः प्रवक्ष्यते||७०||
रक्तपित्तानिला दुष्टाः शङ्खदेशे विमूर्च्छिताः|
तीव्ररुग्दाहरागं हि शोफं कुर्वन्ति दारुणम्||७१||
स शिरो विषवद्वेगी निरुध्याशु गलं तथा|
त्रिरात्राज्जीवितं हन्ति शङ्खको नाम नामतः||७२||
परं त्र्यहाज्जीवति चेत् प्रत्याख्यायाचरेत् क्रियाम्|
शिरोविरेकसेकादि सर्वं वीसर्पनुच्च यत्||७३||
ক্রমাগতশিরোবিকারজ্ঞানার্থং ত্রিমর্মীযাবিস্তৃতান্ বক্তুমাহ- অত ইত্যাদি| দারুণ ইতি আশুকারী| পরং ত্র্যহাজ্জীবতীত্যাদিকঃ প্রভাবোঽযং শঙ্খকস্য| প্রত্যাখ্যাযাচরেত্ ক্রিযামিত্যনেন উত্পন্নমাত্র এব প্রত্যাখ্যানপূর্বিকা চিকিত্সা কর্তব্যাঽস্য||৭০-৭৩||
Adhikarana 22 (74-78) · Śloka 78
রূক্ষাত্যধ্যশনাত্ পূর্ববাতাবশ্যাযমৈথুনৈঃ|
বেগসন্ধারণাযাসব্যাযামৈঃ কুপিতোঽনিলঃ||৭৪||
কেবলঃ সকফো বাঽর্ধং গৃহীত্বা শিরসস্ততঃ|
মন্যাভ্রূশঙ্খকর্ণাক্ষিললাটার্ধেঽতিবেদনাম্||৭৫||
শস্ত্রারণিনিভাং কুর্যাত্তীব্রাং সোঽর্ধাবভেদকঃ|
নযনং বাঽথবা শ্রোত্রমতিবৃদ্ধো বিনাশযেত্||৭৬||
চতুঃস্নেহোত্তমা মাত্রা শিরঃকাযবিরেচনম্|
নাডীস্বেদো ঘৃতং জীর্ণং বস্তিকর্মানুবাসনম্||৭৭||
উপনাহঃ শিরোবস্তির্দহনং চাত্র শস্যতে|
প্রতিশ্যাযে শিরোরোগে যচ্চোদ্দিষ্টং চিকিত্সিতম্||৭৮||
View original
रूक्षात्यध्यशनात् पूर्ववातावश्यायमैथुनैः|
वेगसन्धारणायासव्यायामैः कुपितोऽनिलः||७४||
केवलः सकफो वाऽर्धं गृहीत्वा शिरसस्ततः|
मन्याभ्रूशङ्खकर्णाक्षिललाटार्धेऽतिवेदनाम्||७५||
शस्त्रारणिनिभां कुर्यात्तीव्रां सोऽर्धावभेदकः|
नयनं वाऽथवा श्रोत्रमतिवृद्धो विनाशयेत्||७६||
चतुःस्नेहोत्तमा मात्रा शिरःकायविरेचनम्|
नाडीस्वेदो घृतं जीर्णं बस्तिकर्मानुवासनम्||७७||
उपनाहः शिरोबस्तिर्दहनं चात्र शस्यते|
प्रतिश्याये शिरोरोगे यच्चोद्दिष्टं चिकित्सितम्||७८||
রূক্ষেত্যাদিনাঽর্ধাবভেদকমাহ| অবশ্যাযঃ হিমঃ| শস্ত্রারণিনিভামিতি শস্ত্রচ্ছেদারণিমন্থননিভাম্; অরণিঃ অগ্ন্যুত্থাপনকাষ্ঠং; কিংবা অরণিনা কারণেনাগ্নিরেবাত্র লক্ষ্যতে| চতুঃস্নেহস্যোত্তমা মাত্রা; উত্তমা চ মাত্রা অহোরাত্রপরিণমনীযা| জীর্ণং দশবর্ষস্থিতং ঘৃতম্| উপনাহং কেচিচ্ছিরোবস্তিভেদমাহুঃ, যো মাস্তিষ্ক উচ্যতে; তন্ত্রান্তরে হি মাস্তিষ্ক উপনাহঃ শিরোবস্তিপ্রকার উক্তঃ- “মাস্তিষ্কেঽষ্টাঙ্গুলং পট্টং বস্তৌ তু দ্বাদশাঙ্গুলম্” ইত্যাদিনা; শিরোবস্তিবিধানং শালাক্যে জ্ঞেযং; যথা- “দ্বাদশাঙ্গুলবিস্তীর্ণং চর্মপট্টং শিরঃসমম্| আকর্ণবন্ধনস্থানে ললাটে বস্ত্রবেষ্টিতে|| চেলবেণিকযা বদ্ধ্বা মাষকল্কেন লেপযেত্| ততো যথাব্যাধিশৃতং স্নেহং কোষ্ণং নিবেশযেত্|| ঊর্ধ্বং কেশভুবো যাবদঙ্গুলং ধারযেচ্চ তম্| আবক্রনাসিকাক্লেদাদ্দশাষ্টৌ ষড্বাতাদিষু|| মাত্রা সহস্রাণ্যরুজে হ্যেকং স্কন্ধাদি মর্দযেত্| যুক্তস্নেহস্য পরমং সপ্তাহং তস্য সেবনম্” ইতি; তথা “আশিরোব্যাযতং চর্ম কৃত্বাঽষ্টাঙ্গুলমুচ্ছ্রিতম্| তেনাবেষ্ট্য শিরোঽধস্তান্মাষকল্কেন লেপযেত্|| নিশ্চলস্যোপবিষ্টস্য তৈলৈঃ কোষ্ণৈঃ প্রপূরযেত্| ধারযেদারুজঃ শান্ত্যৈ যামং যামার্ধমেব বা|| শিরোবস্তির্জযত্যেষ শিরোরোগং মরুদ্ভবম্” ইত্যাদি| দহনং বাঽস্যেতি তন্ত্রান্তরপ্রত্যযাদ্ দ্ব্যঙ্গুলললাটশঙ্খপ্রদেশেষু শরকাণ্ডাদিনা দহনং জ্ঞেযম্| যচ্চোদ্দিষ্টং চিকিত্সিতমিতি তচ্চাত্র শস্যতে ইতি যোজ্যম্||৭৪-৭৮||
Adhikarana 23 (79-83) · Śloka 83
সন্ধারণাদজীর্ণাদ্যৈর্মস্তিষ্কং রক্তমারুতৌ|
দুষ্টৌ দূষযতস্তচ্চ দুষ্টং তাভ্যাং বিমূর্চ্ছিতম্||৭৯||
সূর্যোদযেংঽশুসন্তাপাদ্দ্রবং বিষ্যন্দতে শনৈঃ|
ততো দিনে শিরঃশূলং দিনবৃদ্ধ্যা বিবর্ধতে||৮০||
দিনক্ষযে ততঃ স্ত্যানে মস্তিষ্কে সম্প্রশাম্যতি|
সূর্যাবর্তঃ স তত্র স্যাত্ সর্পিরৌত্তরভক্তিকম্||৮১||
শিরঃকাযবিরেকৌ চ মূর্ধ্না ত্রিস্নেহধারণম্ |
জাঙ্গলৈরুপনাহশ্চ ঘৃতক্ষীরৈশ্চ সেচনম্ ||৮২||
বর্হিতিত্তিরিলাবাদিশৃতক্ষীরোত্থিতং ঘৃতম্|
স্যান্নাবনং জীবনীযক্ষীরাষ্টগুণসাধিতম্||৮৩||
View original
सन्धारणादजीर्णाद्यैर्मस्तिष्कं रक्तमारुतौ|
दुष्टौ दूषयतस्तच्च दुष्टं ताभ्यां विमूर्च्छितम्||७९||
सूर्योदयेंऽशुसन्तापाद्द्रवं विष्यन्दते शनैः|
ततो दिने शिरःशूलं दिनवृद्ध्या विवर्धते||८०||
दिनक्षये ततः स्त्याने मस्तिष्के सम्प्रशाम्यति|
सूर्यावर्तः स तत्र स्यात् सर्पिरौत्तरभक्तिकम्||८१||
शिरःकायविरेकौ च मूर्ध्ना त्रिस्नेहधारणम् |
जाङ्गलैरुपनाहश्च घृतक्षीरैश्च सेचनम् ||८२||
बर्हितित्तिरिलावादिशृतक्षीरोत्थितं घृतम्|
स्यान्नावनं जीवनीयक्षीराष्टगुणसाधितम्||८३||
মস্তিষ্কং শিরঃস্থো মজ্জা| দ্রবমিতি দ্রবং সত্| বিষ্যন্দতে ইতি চ্যবতে| এতচ্চ সূর্যাবর্তস্য রূপং দোষদূষ্যযোর্বিকৃতিবিষমসমবাযাদ্ভবতি; তেন নান্যবিকার এবম্ভূতো ভবতি| তথা বেদনা সূর্যতাপে এবাস্য বর্ধতে নাগ্নিতাপে, ইত্যেতদপি প্রভাবকৃতমেব জ্ঞেযম্| ত্রিস্নেহধারণমিতি পাঠাত্ তৈলঘৃতবসাধারণং বদন্তি| লাবাদযো বিষ্কিরা অন্নপানোক্তাঃ||৭৯-৮৩||
Adhikarana 24 (84-87) · Śloka 87
(উপবাসাতিশোকাতিরূক্ষশীতাল্পভোজনৈঃ )|
দুষ্টা দোষাস্ত্রযো মন্যাপশ্চাদ্ঘাটাসু বেদনাম্||৮৪||
তীব্রাং কুর্বন্তি সা চাক্ষিভ্রূশঙ্খেষ্ববতিষ্ঠতে|
স্পন্দনং গণ্ডপার্শ্বস্য নেত্ররোগং হনুগ্রহম্||৮৫||
সোঽনন্তবাতস্তং হন্যাত্ সিরার্কাবর্তনাশনৈঃ|
বাতো রূক্ষাদিভিঃ ক্রুদ্ধঃ শিরঃকম্পমুদীরযেত্||৮৬||
তত্রামৃতাবলারাস্নামহাশ্বেতাশ্বগন্ধকৈঃ|
স্নেহস্বেদাদি বাতঘ্নং শস্তং নস্যং চ তর্পণম্||৮৭||
View original
(उपवासातिशोकातिरूक्षशीताल्पभोजनैः )|
दुष्टा दोषास्त्रयो मन्यापश्चाद्घाटासु वेदनाम्||८४||
तीव्रां कुर्वन्ति सा चाक्षिभ्रूशङ्खेष्ववतिष्ठते|
स्पन्दनं गण्डपार्श्वस्य नेत्ररोगं हनुग्रहम्||८५||
सोऽनन्तवातस्तं हन्यात् सिरार्कावर्तनाशनैः|
वातो रूक्षादिभिः क्रुद्धः शिरःकम्पमुदीरयेत्||८६||
तत्रामृताबलारास्नामहाश्वेताश्वगन्धकैः|
स्नेहस्वेदादि वातघ्नं शस्तं नस्यं च तर्पणम्||८७||
মন্যা গ্রীবাসিরাদ্বযং, ঘাটা গ্রীবাযাঃ পশ্চাদ্ভাগঃ, পশ্চাত্ পৃষ্ঠম্| সা চাক্ষিভ্রূশঙ্খেষ্ববতিষ্ঠত ইতি শঙ্খাদীন্ ব্যাপ্য স্থিরা ভবতি| অনন্তবাতমেনং তন্ত্রান্তরে অন্যতোবাতমাহুঃ| সিরার্কাবর্তনাশনৈরিতি সিরাব্যধৈঃ, সূর্যাবর্তনাশনৈশ্চ ভেষজৈঃ||৮৪-৮৭||
Adhikarana 25 (88) · Śloka 88
নস্তঃকর্ম চ কুর্বীত শিরোরোগেষু শাস্ত্রবিদ্|
দ্বারং হি শিরসো নাসা তেন তদ্ ব্যাপ্য হন্তি তান্||৮৮||
View original
नस्तःकर्म च कुर्वीत शिरोरोगेषु शास्त्रविद्|
द्वारं हि शिरसो नासा तेन तद् व्याप्य हन्ति तान्||८८||
নস্তঃকর্ম চেতি সর্বশিরোরোগসাধারণং চিকিত্সিতম্| শিরোরোগেষু নস্তঃকর্মকরণে হেতুমাহ- দ্বারং হীত্যাদি| তেন নাসারূপেণ মার্গেণ| তদিতি নস্তো দত্তমৌষধম্| ব্যাপ্যেতি শিরো ব্যাপ্য| তানিতি শিরোগদান্||৮৮||
Adhikarana 26 (89-92) · Śloka 92
নাবনং চাবপীডশ্চ ধ্মাপনং ধূম এব চ|
প্রতিমর্শশ্চ বিজ্ঞেযং নস্তঃকর্ম তু পঞ্চধা||৮৯||
স্নেহনং শোধনং চৈব দ্বিবিধং নাবনং স্মৃতম্|
শোধনঃ স্তম্ভনশ্চ স্যাদবপীডো দ্বিধা মতঃ ||৯০||
চূর্ণস্যাধ্মাপনং তদ্ধি দেহস্রোতোবিশোধনম্ |
বিজ্ঞেযস্ত্রিবিধো ধূমঃ প্রাগুক্তঃ শমনাদিকঃ||৯১||
প্রতিমর্শো ভবেত্ স্নেহো নির্দোষ উভযার্থকৃত্|
এবং তদ্রেচনং কর্ম তর্পণং শমনং ত্রিধা||৯২||
View original
नावनं चावपीडश्च ध्मापनं धूम एव च|
प्रतिमर्शश्च विज्ञेयं नस्तःकर्म तु पञ्चधा||८९||
स्नेहनं शोधनं चैव द्विविधं नावनं स्मृतम्|
शोधनः स्तम्भनश्च स्यादवपीडो द्विधा मतः ||९०||
चूर्णस्याध्मापनं तद्धि देहस्रोतोविशोधनम् |
विज्ञेयस्त्रिविधो धूमः प्रागुक्तः शमनादिकः||९१||
प्रतिमर्शो भवेत् स्नेहो निर्दोष उभयार्थकृत्|
एवं तद्रेचनं कर्म तर्पणं शमनं त्रिधा||९२||
শিরোরোগপ্রস্তাবাগতানবশ্যবক্তব্যনস্তঃকর্মভেদানাহ- নাবনমিত্যাদি| নাবনাদযশ্চিকিত্সাস্থানোক্তাঃ| অত্র সুশ্রুতে ধূমং বর্জযিত্বা পঞ্চবিধং নস্তঃকর্মোক্তং- “তদ্দ্বিবিধমপি পঞ্চবিধবিকল্পং; তদ্যথা- নস্যং, শিরোবিরেচনং, প্রতিমর্শঃ, অবপীডঃ, প্রধমনং চ” (চি.অ.৪০)| ইতি; ইহ তু নাবনশব্দেনৈব শিরোবিরেচনমপি গৃহীতং; যদুক্তং- “স্নেহনং শোধনং চৈব নাবনং দ্বিবিধং স্মৃতম্” ইতি; তেন সুশ্রুতোক্তোঽপ্যর্থো গৃহীত এব| শোধনঃ স্তম্ভনশ্চ স্যাদবপীড ইত্যত্র সংশমনমপ্যবপীডস্য কর্মেচ্ছন্তি, তচ্চ স্তম্ভনে এবান্তর্ভাবনীযম্| অবপীড্য যত্র কল্কাদীনি দীযন্তে ইত্যবপীডঃ; অনেন শিরোবিরেচনার্থং দীযমানসৈন্ধবপিপ্পল্যাদিকল্কস্যাপ্যবরোধঃ| ধ্মাপনং তদ্ধি দেহস্রোতোবিশোধনমিতি বচনাদ্ ধ্মাপনং শিরোবিরেচনপ্রযোজনকমেবেতি দর্শযতি| শমনাদিক ইত্যত্র শমনশব্দেন প্রাযোগিকং গৃহ্ণাতি, তেন প্রাযোগিকস্নৈহিকবৈরেচনিকধূমানাং নাসাদীযমানানামিহ গ্রহণং, মুখপেযস্তু ধুমো ন নস্যম্| উভযার্থকৃদিতি স্নেহনবিরেচনার্থকৃত্| প্রতিমর্শলক্ষণমগ্রে “নস্তঃস্নেহাঙ্গুলিং দদ্যাত্” ইত্যাদিনা বক্ষ্যমাণম্| উক্তপঞ্চবিধনস্তঃকর্মণস্ত্রৈবিধ্যমাহ- এবমিত্যাদি| কর্মেতি নস্তঃকর্ম| শমনেন স্তম্ভনস্যাপি গ্রহণং; তর্পণে স্নেহনস্যাবরোধঃ; অন্যে যে কেচিত্ প্রভেদাস্তন্ত্রান্তরে প্রতিপাদিতাস্তেঽপ্যত্রৈবান্তর্ভবন্তি||৮৯-৯২||
Adhikarana 27 (93-95) · Śloka 96
স্তম্ভসুপ্তিগুরুত্বাদ্যাঃ শ্লৈষ্মিকা যে শিরোগদাঃ|
শিরোবিরেচনং তেষু নস্তঃকর্ম প্রশস্যতে||৯৩||
যে চ বাতাত্মকা রোগাঃ শিরঃকম্পার্দিতাদযঃ|
শিরসস্তর্পণং তেষু নস্তঃকর্ম প্রশস্যতে ||৯৪||
রক্তপিত্তাদিরোগেষু শমনং নস্যমিষ্যতে|
ধ্মাপনং ধূমপানং চ তথা যোগ্যেষু শস্যতে ||৯৫||
(দোষাদিকং সমীক্ষ্যৈব ভিষক্ সম্যক্ চ কারযেত্)|৯৬|
View original
स्तम्भसुप्तिगुरुत्वाद्याः श्लैष्मिका ये शिरोगदाः|
शिरोविरेचनं तेषु नस्तःकर्म प्रशस्यते||९३||
ये च वातात्मका रोगाः शिरःकम्पार्दितादयः|
शिरसस्तर्पणं तेषु नस्तःकर्म प्रशस्यते ||९४||
रक्तपित्तादिरोगेषु शमनं नस्यमिष्यते|
ध्मापनं धूमपानं च तथा योग्येषु शस्यते ||९५||
(दोषादिकं समीक्ष्यैव भिषक् सम्यक् च कारयेत्)|९६|
বিরেচনাদিকর্মত্রযস্য বিষযমাহ- স্তম্ভেত্যাদি| তর্পণমিতি স্নেহেন তর্পণম্| তথা যোগ্যেষু শস্যত ইতি ধ্মাপনধূমযোগ্যেষু শস্যতে; তত্র ধূমযোগ্যাঃ সূত্রস্থানে প্রতিপাদিতাঃ, ধ্মাপনযোগ্যাস্তু ধ্মাপনগুণকথনে ‘দেহস্রোতোবিশোধনম্’ ইতিপদেন যেঽভিন্যাসাপস্মারাদযঃ শোধনীযস্রোতস উক্তাস্তে জ্ঞেযাঃ||৯৩-৯৫||-
Adhikarana 28 (96-97) · Śloka 98
ফলাদিভেষজং প্রোক্তং শিরসো যদ্বিরেচনম্||৯৬||
তচ্চূর্ণং কল্পযেত্তেন পচেত্ স্নেহং বিরেচনম্|
যদুক্তং মধুরস্কন্ধে ভেষজং তেন তর্পণম্||৯৭||
সাধযিত্বা ভিষক্ স্নেহং নস্তঃ কুর্যাদ্বিধানবিত্|৯৮|
View original
फलादिभेषजं प्रोक्तं शिरसो यद्विरेचनम्||९६||
तच्चूर्णं कल्पयेत्तेन पचेत् स्नेहं विरेचनम्|
यदुक्तं मधुरस्कन्धे भेषजं तेन तर्पणम्||९७||
साधयित्वा भिषक् स्नेहं नस्तः कुर्याद्विधानवित्|९८|
শিরোবিরেচনচূর্ণং বিধিং চাহ- ফলাদীত্যাদি| ফলাদিভেষজমিতি রোগভিষগ্জিতীযোক্তং ফলপত্রমূলকন্দপুষ্পনির্যাসত্বগ্ভেদাত্ সপ্তবিধমুক্তং শিরোবিরেচনদ্রব্যম্| চূর্ণং কল্পযেদিতি প্রধমনার্থমবপীডনার্থং চ চূর্ণং কল্পযেত্| মধুরস্কন্ধোঽপি রোগভিষগ্জিতীয এবোক্তঃ||৯৬-৯৭||-
Adhikarana 29 (98-110) · Śloka 110
প্রাক্সূর্যে মধ্যসূর্যে বা প্রাক্কৃতাবশ্যকস্য চ||৯৮||
উত্তানস্য শযানস্য শযনে স্বাস্তৃতে সুখম্|
প্রলম্বশিরসঃ কিঞ্চিত্ কিঞ্চিত্ পাদোন্নতস্য চ||৯৯||
দদ্যান্নাসাপুটে স্নেহং তর্পণং বুদ্ধিমান্ ভিষক্|
অনবাক্শিরসো নস্যং ন শিরঃ প্রতিপদ্যতে||১০০||
অত্যবাক্শিরসো নস্যং মস্তুলুঙ্গেঽবতিষ্ঠতি|
অত এবংশযানস্য শুদ্ধ্যর্থং স্বেদযেচ্ছিরঃ||১০১||
সংস্বেদ্য নাসামুন্নম্য বামেনাঙ্গুষ্ঠপর্বণা|
হস্তেন দক্ষিণেনাথ কুর্যাদুভযতঃ সমম্||১০২||
প্রণাড্যা পিচুনা বাঽপি নস্তঃস্নেহং যথাবিধি|
কৃতে চ স্বেদযেদ্ভূয আকর্ষেচ্চ পুনঃ পুনঃ||১০৩||
তং স্নেহং শ্লেষ্মণা সাকং তথা স্নেহো ন তিষ্ঠতি|
স্বেদেনোত্ক্লেশিতঃ শ্লেষ্মা নস্তঃকর্মণ্যুপস্থিতঃ ||১০৪||
ভূযঃ স্নেহস্য শৈত্যেন শিরসি স্ত্যাযতে ততঃ|
শ্রোত্রমন্যাগলাদ্যেষু বিকারায স কল্পতে||১০৫||
ততো নস্তঃকৃতে ধূমং পিবেত্ কফবিনাশনম্ |
হিতান্নভুঙ্নিবাতোষ্ণসেবী স্যান্নিযতেন্দ্রিযঃ||১০৬||
বিধিরেষোঽবপীডস্য কার্যঃ প্রধ্মাপনস্য তু|
তত্ ষডঙ্গুলযা নাড্যা ধমেচ্চূর্ণং মুখেন তু||১০৭||
বিরিক্তশিরসং তূষ্ণং পাযযিত্বাঽম্বু ভোজযেত্|
লঘু ত্রিষ্ববিরুদ্ধং চ নিবাতস্থমতন্দ্রিতঃ||১০৮||
বিরেকশুদ্ধো দোষস্য কোপনং যস্য সেবতে|
স দোষো বিচরংস্তত্র করোতি স্বান্ গদান্ বহূন্||১০৯||
যথাস্বং বিহিতাং তেষু ক্রিযাং কুর্যাদ্বিচক্ষণঃ|
অকালকৃতজাতানাং রোগাণামনুরূপতঃ||১১০||
View original
प्राक्सूर्ये मध्यसूर्ये वा प्राक्कृतावश्यकस्य च||९८||
उत्तानस्य शयानस्य शयने स्वास्तृते सुखम्|
प्रलम्बशिरसः किञ्चित् किञ्चित् पादोन्नतस्य च||९९||
दद्यान्नासापुटे स्नेहं तर्पणं बुद्धिमान् भिषक्|
अनवाक्शिरसो नस्यं न शिरः प्रतिपद्यते||१००||
अत्यवाक्शिरसो नस्यं मस्तुलुङ्गेऽवतिष्ठति|
अत एवंशयानस्य शुद्ध्यर्थं स्वेदयेच्छिरः||१०१||
संस्वेद्य नासामुन्नम्य वामेनाङ्गुष्ठपर्वणा|
हस्तेन दक्षिणेनाथ कुर्यादुभयतः समम्||१०२||
प्रणाड्या पिचुना वाऽपि नस्तःस्नेहं यथाविधि|
कृते च स्वेदयेद्भूय आकर्षेच्च पुनः पुनः||१०३||
तं स्नेहं श्लेष्मणा साकं तथा स्नेहो न तिष्ठति|
स्वेदेनोत्क्लेशितः श्लेष्मा नस्तःकर्मण्युपस्थितः ||१०४||
भूयः स्नेहस्य शैत्येन शिरसि स्त्यायते ततः|
श्रोत्रमन्यागलाद्येषु विकाराय स कल्पते||१०५||
ततो नस्तःकृते धूमं पिबेत् कफविनाशनम् |
हितान्नभुङ्निवातोष्णसेवी स्यान्नियतेन्द्रियः||१०६||
विधिरेषोऽवपीडस्य कार्यः प्रध्मापनस्य तु|
तत् षडङ्गुलया नाड्या धमेच्चूर्णं मुखेन तु||१०७||
विरिक्तशिरसं तूष्णं पाययित्वाऽम्बु भोजयेत्|
लघु त्रिष्वविरुद्धं च निवातस्थमतन्द्रितः||१०८||
विरेकशुद्धो दोषस्य कोपनं यस्य सेवते|
स दोषो विचरंस्तत्र करोति स्वान् गदान् बहून्||१०९||
यथास्वं विहितां तेषु क्रियां कुर्याद्विचक्षणः|
अकालकृतजातानां रोगाणामनुरूपतः||११०||
নস্তঃকর্মবিধিমাহ- প্রাক্সূর্যে ইত্যাদি| গ্রীষ্মে প্রাক্সূর্যে, শীতে তু মধ্যসূর্যে ইতি ব্যবস্থা| প্রাক্কৃতাবশ্যকস্য চেতি প্রাক্কৃতাবশ্যকরণীযমলবিসর্গাদিকস্য| এবং শযানস্যেতি কিঞ্চিদবনতশিরস্কতযা শযানস্য| কুর্যাদুভযতঃ সমমিতি উভযনাসাপুটেনাপি তুল্যং দদ্যাত্| প্রণাডী নস্যদাননলিকা| যথাবিধীতি প্রমাণাদিদোষরহিতম্| কৃতনস্যস্য ধুমপানোপপত্তিবর্ণনপূর্বকং ধূমপানমাহ- স্বেদনেত্যাদি| প্রধ্মাপনস্য চোক্তো বিধিস্তথা বক্ষ্যমাণশ্চ ‘ষডঙ্গুলযা’ ইত্যাদিনা| বিরিক্তশিরসমিত্যাদি সর্ববিরেচনসাধারণম্| ত্রিষ্বিতি বাতাদিষু| বিরেকশুদ্ধ ইতি শিরোবিরেকশুদ্ধঃ| যস্য দোষস্য কোপনং সেবতে ইতি যোজ্যম্| অকালকৃতজাতানাং রোগাণামনুরূপত ইতি অকালকৃতশিরোবিরেচনজাতানাং রোগাণামনুরূপতশ্চিকিত্সাং কুর্যাদিত্যর্থঃ||৯৮-১১০||
Adhikarana 30 (111-115) · Śloka 115
অজীর্ণে ভোজনে ভুক্তে তোযে পীতেঽথ দুর্দিনে|
প্রতিশ্যাযে নবে স্নাতে স্নেহপানেঽনুবাসনে||১১১||
নাবনং স্নেহনং রোগান্ করোতি শ্লৈষ্মিকান্ বহূন্|
তত্র শ্লেষ্মহরঃ সর্বস্তীক্ষ্ণোষ্ণাদির্বিধির্হিতঃ||১১২||
ক্ষামে বিরেচিতে গর্ভে ব্যাযামাভিহতে তৃষি|
বাতো রূক্ষেণ নস্যেন ক্রুদ্ধঃ স্বাঞ্জনযেদ্গদান্||১১৩||
তত্র বাতহরঃ সর্বো বিধিঃ স্নেহনবৃংহণঃ|
স্বেদাদিঃ, স্যাদ্ঘৃতং ক্ষীরং গর্ভিণ্যাস্তু বিশেষতঃ||১১৪||
জ্বরশোকাতিতপ্তানাং তিমিরং মদ্যপস্য তু|
রূক্ষৈঃ শীতাঞ্জনৈর্লেপৈঃ পুটপাকৈশ্চ সাধযেত্ ||১১৫||
View original
अजीर्णे भोजने भुक्ते तोये पीतेऽथ दुर्दिने|
प्रतिश्याये नवे स्नाते स्नेहपानेऽनुवासने||१११||
नावनं स्नेहनं रोगान् करोति श्लैष्मिकान् बहून्|
तत्र श्लेष्महरः सर्वस्तीक्ष्णोष्णादिर्विधिर्हितः||११२||
क्षामे विरेचिते गर्भे व्यायामाभिहते तृषि|
वातो रूक्षेण नस्येन क्रुद्धः स्वाञ्जनयेद्गदान्||११३||
तत्र वातहरः सर्वो विधिः स्नेहनबृंहणः|
स्वेदादिः, स्याद्घृतं क्षीरं गर्भिण्यास्तु विशेषतः||११४||
ज्वरशोकातितप्तानां तिमिरं मद्यपस्य तु|
रूक्षैः शीताञ्जनैर्लेपैः पुटपाकैश्च साधयेत् ||११५||
নাবনং স্নেহনমিতি স্নেহনার্থং নস্যম্| স্বেদাদিরিতি চ্ছেদঃ| ঘৃতং ক্ষীরমিতি গর্ভিণ্যা বাতজযার্থং গর্ভপুষ্টযে চ| জ্বরেত্যাদি| জ্বরাদিতপ্তানাং স্নেহনং নাবনং তিমিরং কুর্যাত্, তথা মদ্যপস্য তিমিরং কুর্যাত্| অত্র চিকিত্সামাহ- রূক্ষৈরিত্যাদি| শীতাঞ্জনং স্রোতোঞ্জনং বদন্তি; কিংবা তিক্তদ্রব্যকৃতমঞ্জনং শীতাঞ্জনং; যদুক্তং শালাক্যে- “লেখনং রোপণং চৈব প্রসাদনমথাপি চ| তিক্তেন রোপণং কার্যং, মধুরেণ প্রসাদনম্|| কট্বম্ললবণাদ্যৈশ্চ লেখনং কারযেদ্বুধঃ| শৈত্যান্নির্বাপযেত্তিক্তো রৌক্ষ্যাদ্রোপযতি দ্রুতম্” ইতি| রূক্ষৈরিত্যঞ্জনাদিভিঃ সম্বধ্যতে| লেপঃ নযনালেপঃ ; পুটপাকঃ অক্ষিতর্পণজবিকারহরলেখনঃ শমনো বা জ্ঞেযঃ; পুটপাকো হি শালাক্যে স্নেহন-লেখন-প্রসাদনভেদাত্ ত্রিবিধ উক্তঃ; তদ্বিধিশ্চেহান্যাধিকারান্ন প্রপঞ্চিতঃ||১১১-১১৫||
Adhikarana 31 (116-117) · Śloka 117
স্নেহনং শোধনং চৈব দ্বিবিধং নাবনং মতম্|
প্রতিমর্শস্তু নস্যার্থং করোতি ন চ দোষাবান্||১১৬||
নস্তঃ স্নেহাঙ্গুলিং দদ্যাত্ প্রাতর্নিশি চ সর্বদা|
ন চোচ্ছিঙ্ঘেদরোগাণাং প্রতিমর্শঃ স দার্ঢ্যকৃত্||১১৭||
View original
स्नेहनं शोधनं चैव द्विविधं नावनं मतम्|
प्रतिमर्शस्तु नस्यार्थं करोति न च दोषावान्||११६||
नस्तः स्नेहाङ्गुलिं दद्यात् प्रातर्निशि च सर्वदा|
न चोच्छिङ्घेदरोगाणां प्रतिमर्शः स दार्ढ्यकृत्||११७||
প্রতিমর্শস্য নাবনসম্পাদ্যোভযকর্মদর্শনার্থং নাবনকর্ম প্রাগুক্তমনূদ্যতে- স্নেহনমিত্যাদি| অন্যে, সর্বনস্তঃকর্মণামেবৈতত্ কর্মদ্বযমনূদ্যতে, তত্র চ স্নেহনশমনস্য প্রাগুক্তস্যাবরোধ ইতি বদন্তি| তস্যার্থমিতি স্নেহনং শোধনং চ| ন চ দোষবানিতি ন ব্যাপত্তিমান্| প্রতিমর্শবিধিমাহ- নস্ত ইত্যাদি| স্নেহাঙ্গুলিমিতি স্নেহপূরিতামঙ্গুলিম্| সর্বদেতি সর্বর্তুষু| দার্ঢ্যকৃদিতি শিরঃকপালাদিদার্ঢ্যকৃত্| অযং প্রতিমর্শঃ স্বল্পস্নেহপ্রমাণোঽনুচ্ছিঙ্ঘনশ্চ সার্বকালিকো জ্ঞেযঃ; যস্তু ভূরিস্নেহমাত্রো নাসৌ সার্বকালিকঃ| যদুক্তম্ “ঈষদুচ্ছিঙ্ঘনাত্ স্নেহো যাবান্ বক্রং প্রপদ্যতে| নস্তো নিষিক্তং তং বিদ্যাত্ প্রতিমর্শং প্রমাণতঃ” ইতি; তথা “প্রতিমর্শং তু ন পিবেত্ কণ্ঠাস্রাবভযান্নরঃ| যাবত্ স্নেহো ব্রজেদাস্যং তত্প্রমাণং চ তস্য তু” ইতি||১১৬-১১৭||
Adhikarana 32 (118-119) · Śloka 119
তত্র শ্লোকৌ- ত্রীণি যস্মাত্ প্রধানানি মর্মাণ্যভিহতেষু চ|
তেষু লিঙ্গং চিকিত্সাং চ রোগভেদাশ্চ সৌষধাঃ||১১৮||
বিধিরুত্তরবস্তেশ্চ নস্তঃকর্মবিধিস্তথা|
সব্যাপদ্ভেষজং সিদ্ধৌ মর্মাখ্যাযাং প্রকীর্তিতম্||১১৯||
View original
तत्र श्लोकौ- त्रीणि यस्मात् प्रधानानि मर्माण्यभिहतेषु च|
तेषु लिङ्गं चिकित्सां च रोगभेदाश्च सौषधाः||११८||
विधिरुत्तरबस्तेश्च नस्तःकर्मविधिस्तथा|
सव्यापद्भेषजं सिद्धौ मर्माख्यायां प्रकीर्तितम्||११९||
ত্রীণীত্যাদিসঙ্গ্রহো ব্যক্তার্থঃ||১১৮-১১৯||
Adhikarana puShpikA · Śloka 9
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে সিদ্ধিস্থানে ত্রিমর্মীযসিদ্ধির্নাম নবমোঽধ্যাযঃ||৯||
View original
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते सिद्धिस्थाने त्रिमर्मीयसिद्धिर्नाम नवमोऽध्यायः||९||
ইতি শ্রীচক্রপাণিদত্তবিরচিতাযামাযুর্বেদদীপিকাযাং চরকতাত্পর্যটীকাযাং সিদ্ধিস্থানে ত্রিমর্মীযসিদ্ধির্নাম নবমোঽধ্যাযঃ||৯||