Adhikarana 1 (1-2) · Śloka 2
অথাতো মহাচতুষ্পাদমধ্যাযং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातो महाचतुष्पादमध्यायं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
পূর্বাধ্যাযে বৈদ্যাদযো ব্যাধিপ্রশমকারণমিত্যুক্তং, তদিহাক্ষিপ্য ব্যবস্থাপ্যত ইত্যনন্তরং মহাচতুষ্পাদোঽভিধীযতে| মহত্ত্বং চাস্য পূর্বাধ্যাযাপেক্ষযা, বহুগ্রন্থত্বেন পূর্বপক্ষসিদ্ধান্তরূপবহুপ্রমেযাভিধাযকত্বেন চ||১-২||
Adhikarana 2 (3) · Śloka 3
চতুষ্পাদং ষোডশকলং ভেষজমিতি ভিষজো ভাষন্তে, যদুক্তং পূর্বাধ্যাযে ষোডশগুণমিতি, তদ্ভেষজং যুক্তিযুক্তমলমারোগ্যাযেতি ভগবান্ পুনর্বসুরাত্রেযঃ||৩||
चतुष्पादं षोडशकलं भेषजमिति भिषजो भाषन्ते, यदुक्तं पूर्वाध्याये षोडशगुणमिति, तद्भेषजं युक्तियुक्तमलमारोग्यायेति भगवान् पुनर्वसुरात्रेयः||३||
🔊 Audio coming soon
ষোডশকলং ষোডশগুণং, কলাশব্দো গুণবচনঃ| ভিষজো ভাষন্ত ইতি ব্রুবতে| প্রকৃতেঽর্থে শাস্ত্রান্তরসম্মতিং দর্শযতি- যুক্তিযুক্তমিতি| যুনক্তীতি যুক্তিঃ প্রবৃত্তিরুচ্যতে; যুক্তিযুক্তং প্রবৃত্তিমদিত্যর্থঃ; প্রবৃত্তিশ্চ বৈদ্যাদীনাং চিকিত্সারূপা পূর্বাধ্যাযে ব্যাকৃতা| অলং সমর্থম্| ইতি ভগবানাত্রেযো ‘ব্রূতে’ ইতি শেষঃ||৩||
Adhikarana 3 (4) · Śloka 4
নেতি মৈত্রেযঃ, কিং কারণং? দৃশ্যন্তে হ্যাতুরাঃ কেচিদুপকরণবন্তশ্চ পরিচারকসম্পন্নাশ্চাত্মবন্তশ্চ কুশলৈশ্চ ভিষগ্ভিরনুষ্ঠিতাঃ সমুত্তিষ্ঠমানাঃ, তথাযুক্তাশ্চাপরে ম্রিযমাণাঃ; তস্মাদ্ভেষজমকিঞ্চিত্করং ভবতি, তদ্যথা- শ্বভ্রে সরসি চ প্রসিক্তমল্পমুদকং, নদ্যাং বা স্যন্দমানাযাং পাংসুধানে বা পাংসুমুষ্টিঃ প্রকীর্ণ ইতি; তথাঽপরে দৃশ্যন্তেঽনুপকরণাশ্চাপরিচারকাশ্চানাত্মবন্তশ্চাকুশলৈশ্চ ভিষগ্ভিরনুষ্ঠিতাঃ সমুত্তিষ্ঠমানাঃ, তথাযুক্তা ম্রিযমাণাশ্চাপরে| যতশ্চ প্রতিকুর্বন্ সিধ্যতি, প্রতিকুর্বন্ ম্রিযতে; অপ্রতিকুর্বন্ সিধ্যতি, অপ্রতিকুর্বন্ ম্রিযতে; ততশ্চিন্ত্যতে ভেষজমভেষজেনাবিশিষ্টমিতি ||৪||
नेति मैत्रेयः, किं कारणं? दृश्यन्ते ह्यातुराः केचिदुपकरणवन्तश्च परिचारकसम्पन्नाश्चात्मवन्तश्च कुशलैश्च भिषग्भिरनुष्ठिताः समुत्तिष्ठमानाः, तथायुक्ताश्चापरे म्रियमाणाः; तस्माद्भेषजमकिञ्चित्करं भवति, तद्यथा- श्वभ्रे सरसि च प्रसिक्तमल्पमुदकं, नद्यां वा स्यन्दमानायां पांसुधाने वा पांसुमुष्टिः प्रकीर्ण इति; तथाऽपरे दृश्यन्तेऽनुपकरणाश्चापरिचारकाश्चानात्मवन्तश्चाकुशलैश्च भिषग्भिरनुष्ठिताः समुत्तिष्ठमानाः, तथायुक्ता म्रियमाणाश्चापरे| यतश्च प्रतिकुर्वन् सिध्यति, प्रतिकुर्वन् म्रियते; अप्रतिकुर्वन् सिध्यति, अप्रतिकुर्वन् म्रियते; ततश्चिन्त्यते भेषजमभेषजेनाविशिष्टमिति ||४||
🔊 Audio coming soon
উক্তমাক্ষিপতি- নেতীত্যাদি| উপকরণং ভেষজম্| অনুষ্ঠিতাঃ চিকিত্সিতুমুপক্রান্তাঃ| তথাযুক্তাঃ পূর্ববচ্চিকিত্সিতুমুপক্রান্তা ইত্যর্থঃ| অকিঞ্চিত্করমিতি ভেষজে সত্যপি যদাঽঽরোগ্যং ন ভবতি; তেন, যত্রাপি সতি ভেষজে আরোগ্যং ভবতি, তত্রাপি ভেষজব্যতিরিক্তং কর্মৈব দৈবসঞ্জ্ঞকং কারণং, ভেষজং তু তত্র দৈবাগতসন্নিধানমকারণমেবেত্যর্থঃ| অত্রৈবার্থে দৃষ্টান্তদ্বযং দর্শযতি- তদ্যথেত্যাদি| শ্বভ্রে গর্তে যথাঽল্পং জলমকিঞ্চিত্করমেবং ম্রিযমাণেঽপি ভেষজং, যথা চ সরসি অন্যত এব পূর্ণেঽল্পমুদকমকিঞ্চিত্করং ভবত্যেবমন্যত এবারোগ্যহেতোঃ কর্মণো রোগপ্রশমনে জাযমানে ভেষজমকিঞ্চিত্করং ভবতীতি সরোদৃষ্টান্তেন দর্শযতি; এবং নদ্যাং স্যন্দমানাযাং বহমানাযাং পাংসুমুষ্টিরিতি নিদর্শনং শ্বভ্রবত্, পাংসুধানে পাংশুরাশৌ পাংশুমুষ্টিরিতি সরোদৃষ্টান্তবদ্ব্যাখ্যেযম্| অত্র চ তোযদৃষ্টান্তঃ সংশোধনভেষজাভিপ্রাযেণ, পাংশুদৃষ্টান্তস্তু সংশমনভেষজাভিপ্রাযেণ; যদি বা জলং সন্তর্পণভেষজাভিপ্রাযেণ, পাংশুমুষ্টিস্ত্বপতর্পণাভিপ্রাযেণ বোদ্ধব্যা| ভেষজান্বযব্যভিচারং দর্শযিত্বা তদ্ব্যতিরেকব্যভিচারং দর্শযতি- তথাঽপরে ইত্যাদি| প্রতিকুর্বন্নিত্যন্তর্ভাবিতণ্যর্থত্বাত্ প্রতিকারযন্নিত্যর্থঃ; যদি বাঽঽতুর এব বৈদ্যাদীনুত্পাদ্যাত্মানং প্রতিকুর্বন্নিতি মন্তব্যম্; এতেন দৈবাখ্যকর্মবশাদেবাযং জীবতি ম্রিযতে বা, রোগী ভবত্যরোগো বা, ন দৃষ্টভেষজমত্র কিঞ্চিত্করমিতি পূর্বপক্ষার্থঃ||৪||
Adhikarana 4 (5) · Śloka 5
মৈত্রেয ! মিথ্যা চিন্ত্যত ইত্যাত্রেযঃ; কিং কারণং, যে হ্যাতুরাঃ ষোডশগুণসমুদিতেনানেন ভেষজেনোপপদ্যমানা ম্রিযন্ত ইত্যুক্তং তদনুপপন্নং, ন হি ভেষজসাধ্যানাং ব্যাধীনাং ভেষজমকারণং ভবতি; যে পুনরাতুরাঃ কেবলাদ্ভেষজাদৃতে সমুত্তিষ্ঠন্তে, ন তেষাং সম্পূর্ণভেষজোপপাদনায সমুত্থানবিশেষো নাস্তি; যথা হি পতিতং পুরুষং সমর্থমুত্থানাযোত্থাপযন্ পুরুষো বলমস্যোপাদধ্যাত্, স ক্ষিপ্রতরমপরিক্লিষ্ট এবোত্তিষ্ঠেত্, তদ্বত্ সম্পূর্ণভেষজোপলম্ভাদাতুরাঃ; যে চাতুরাঃ কেবলাদ্ভেষজাদপি ম্রিযন্তে, ন চ সর্ব এব তে ভেষজোপপন্নাঃ সমুত্তিষ্ঠেরন্, নহি সর্বে ব্যাধযো ভবন্ত্যুপাযসাধ্যাঃ, ন চোপাযসাধ্যানাং ব্যাধীনামনুপাযেন সিদ্ধিরস্তি, ন চাসাধ্যানাং ব্যাধীনাং ভেষজসমুদাযোঽযমস্তি , ন হ্যলং জ্ঞানবান্ ভিষঙ্মুমূর্ষুমাতুরমুত্থাপযিতুং; পরীক্ষ্যকারিণো হি কুশলা ভবন্তি, যথা হি যোগজ্ঞোঽভ্যাসনিত্য ইষ্বাসো ধনুরাদাযেষুমস্যন্নাতিবিপ্রকৃষ্টে মহতি কাযে নাপরাধবান্ ভবতি, সম্পাদযতি চেষ্টকার্যং, তথা ভিষক্ স্বগুণসম্পন্ন উপকরণবান্ বীক্ষ্য কর্মারভমাণঃ সাধ্যরোগমনপরাধঃ সম্পাদযত্যেবাতুরমারোগ্যেণ; তস্মান্ন ভেষজমভেষজেনাবিশিষ্টং ভবতি||৫||
मैत्रेय ! मिथ्या चिन्त्यत इत्यात्रेयः; किं कारणं, ये ह्यातुराः षोडशगुणसमुदितेनानेन भेषजेनोपपद्यमाना म्रियन्त इत्युक्तं तदनुपपन्नं, न हि भेषजसाध्यानां व्याधीनां भेषजमकारणं भवति; ये पुनरातुराः केवलाद्भेषजादृते समुत्तिष्ठन्ते, न तेषां सम्पूर्णभेषजोपपादनाय समुत्थानविशेषो नास्ति; यथा हि पतितं पुरुषं समर्थमुत्थानायोत्थापयन् पुरुषो बलमस्योपादध्यात्, स क्षिप्रतरमपरिक्लिष्ट एवोत्तिष्ठेत्, तद्वत् सम्पूर्णभेषजोपलम्भादातुराः; ये चातुराः केवलाद्भेषजादपि म्रियन्ते, न च सर्व एव ते भेषजोपपन्नाः समुत्तिष्ठेरन्, नहि सर्वे व्याधयो भवन्त्युपायसाध्याः, न चोपायसाध्यानां व्याधीनामनुपायेन सिद्धिरस्ति, न चासाध्यानां व्याधीनां भेषजसमुदायोऽयमस्ति , न ह्यलं ज्ञानवान् भिषङ्मुमूर्षुमातुरमुत्थापयितुं; परीक्ष्यकारिणो हि कुशला भवन्ति, यथा हि योगज्ञोऽभ्यासनित्य इष्वासो धनुरादायेषुमस्यन्नातिविप्रकृष्टे महति काये नापराधवान् भवति, सम्पादयति चेष्टकार्यं, तथा भिषक् स्वगुणसम्पन्न उपकरणवान् वीक्ष्य कर्मारभमाणः साध्यरोगमनपराधः सम्पादयत्येवातुरमारोग्येण; तस्मान्न भेषजमभेषजेनाविशिष्टं भवति||५||
🔊 Audio coming soon
সিদ্ধান্তযতি- মিথ্যেত্যাদি| কেবলাত্ সম্পূর্ণাত্| ন নাস্তীত্যুভযনকারকরণাদস্তি সমুত্থানবিশেষ ইত্যর্থঃ| তদ্বদিতি ক্ষিপ্রতরমক্লিষ্টা এবোত্তিষ্ঠন্ত ইত্যর্থঃ| এবং মন্যতে- যদ্যপ্যদৃষ্টমেবোত্থানে কারণং, তথাঽপি যদি দৃষ্টমপি তত্রানুবলং ভবতি, তদা দৃষ্টাদৃষ্টোভযবলাচ্ছীঘ্রমেবারোগ্যং ভবতি| সর্ব এবেতি সাধ্যব্যাধযোঽসাধ্যব্যাধযশ্চ; সম্পূর্ণভেষজোপপত্তাবপি সত্যামসাধ্যব্যাধযো নোত্তিষ্ঠন্তে, সাধ্যব্যাধয উত্তিষ্ঠন্ত ইতি ভাবঃ| যদ্যপ্যসাধ্যব্যাধিং প্রতি সম্পূর্ণভেষজোপপত্তিরেব নাস্তি, যদুক্তং- “ন চাসাধ্যানাং ব্যাধীনাং ভেষজসমুদাযোঽযমস্তি, নহ্যলং জ্ঞানবান্ ভিষঙ্মুমূর্ষুমাতুরমুত্থাপযিতুম্” ইতি, তথাঽপীহ কিঞ্চিদসম্পূর্ণভেষজত্বেঽপি সম্পূর্ণভেষজোপপন্ন ইত্যুক্তম্| যে তু সাধ্যব্যাধযস্তে সত্যামেব ভেষজসম্পত্তৌ জীবন্তি, অসত্যাং তু ভেষজসম্পত্তৌ বলবজ্জীবনকর্মাভাবে ম্রিযন্ত এবেতি দর্শযন্নাহ- ন চোপাযেত্যাদি| উপাযেনৈব দৃষ্টার্থেন সাধ্যা উপাযসাধ্যাঃ| ইদমত্রাকূতং- যত্- দ্বিবিধং কর্ম বলবদবলবচ্চ; তত্র বলবন্নিযতবিপাককালং, যথেদং কর্মাস্মিন্নেব কালে মারযতি; অবলবচ্চ মারকং কর্ম মারযত্বেব পরং কালানিযমেন, তদ্যদা দৃষ্টসামগ্রীমনুগুণামপথ্যসেবারূপামৌষধাভাবরূপাং চ প্রাপ্নোতি তদা মারযতি, যদা তু ন প্রাপ্নোতি তদা ন মারযতি| যদুক্তং জনপদোদ্ধ্বংসনীযে- “কর্ম কিঞ্চিত্ ক্বচিত্ কালে বিপাকে নিযতং মহত্| কিঞ্চিন্ন কালনিযতং প্রত্যযৈঃ প্রতিবোধ্যতে” (বি.অ.৩) ইতি| অস্য ত্বর্থং প্রপঞ্চেন তত্রৈব দর্শযিষ্যামঃ| ন চ বাচ্যম্- অদৃষ্টমেব সর্বত্র কারণং, তচ্চ নিযতকালবিপাকমেব, যদুচ্যতে- “নাকালে জাযতে কশ্চিন্নাকালে ম্রিযতে তথা| জগত্ কালবশং সর্বং কালঃ সর্বত্র কারণম্” ইতি; যতঃ, যদেবাদৃষ্টং তদেব দৃষ্টযাগাদিব্রহ্মবধাদিজন্যং কিঞ্চিত্| যদ্দৃষ্টেনানুপপন্নং, তত্রাদৃষ্টকল্পনা প্রামাণিকী, যত্তু দাহাদি দৃষ্টেনৈবাগ্নিসম্বন্ধেনোপপদ্যতে তত্র কা কথাঽদৃষ্টস্য দৃষ্টকার্যান্যথানুপপত্তিপরিকল্পনীযস্য; তেন য ইমে দুর্বলেন কর্মণা দৃষ্টবলবদপথ্যসেবাজনিতদোষবলাদারব্ধা ব্যাধযস্তে বলবতা চতুষ্পাদসম্পন্নেন ভেষজেন দোষক্ষযকেনোপাযেন পরং সাধ্যাঃ, তদভাবে তু দুর্বলেনাপি কর্মণা দৃষ্টদোষবলাদারব্ধা ব্যাধযো ন নিবর্তন্ত ইতি| যদুক্তং- “দৈবং পুরুষকারেণ দুর্বলং হ্যুপহন্যতে| দৈবেন চেতরত্ কর্ম বিশিষ্টেনোপহন্যতে” (বি.অ.৩) ইতি| অনুপাযেন অভেষজেন| অযং ভেষজসমুদাযঃ সর্বগুণসম্পন্ন ইত্যর্থঃ; অসাধ্যে ব্যাধৌ চিকিত্সাং কুর্বন্ বৈদ্য এব যথোক্তগুণো ন ভবতীত্যর্থঃ| নহ্যলং ন সমর্থঃ; যদ্যসাধ্যতাং জানাতি তদা ন প্রবর্তত এব, অথ ন জানাতি তদা জ্ঞানবানেব ন ভবতীতি ভাবঃ| চতুষ্পাদসম্পদাঽবশ্যং ব্যাধিপ্রশমো ভবতীতি দৃষ্টান্তেনাহ- যথা হীত্যাদি| ইষ্বাসো ধানুষ্কঃ| অস্যন্ ক্ষিপন্| নাতিবিপ্রকৃষ্টে সন্নিহিতে| অনপরাধ ইতি লক্ষ্যভ্রংশরহিতঃ| ইষ্টং কার্যং লক্ষ্যবেধলক্ষণম্||৫||
Adhikarana 5 (6) · Śloka 6
ইদং চ নঃ প্রত্যক্ষং- যদনাতুরেণ ভেষজেনাতুরং চিকিত্সামঃ , ক্ষামমক্ষামেণ, কৃশং চ দুর্বলমাপ্যাযযামঃ, স্থূলং মেদস্বিনমপতর্পযামঃ, শীতেনোষ্ণাভিভূতমুপচরামঃ, শীতাভিভূতমুষ্ণেন, ন্যূনান্ ধাতূন্ পূরযামঃ, ব্যতিরিক্তান্ হ্রাসযামঃ, ব্যাধীন্ মূলবিপর্যযেণোপচরন্তঃ সম্যক্ প্রকৃতৌ স্থাপযামঃ; তেষাং নস্তথা কুর্বতামযং ভেষজসমুদাযঃ কান্ততমো ভবতি||৬||
इदं च नः प्रत्यक्षं- यदनातुरेण भेषजेनातुरं चिकित्सामः , क्षाममक्षामेण, कृशं च दुर्बलमाप्याययामः, स्थूलं मेदस्विनमपतर्पयामः, शीतेनोष्णाभिभूतमुपचरामः, शीताभिभूतमुष्णेन, न्यूनान् धातून् पूरयामः, व्यतिरिक्तान् ह्रासयामः, व्याधीन् मूलविपर्ययेणोपचरन्तः सम्यक् प्रकृतौ स्थापयामः; तेषां नस्तथा कुर्वतामयं भेषजसमुदायः कान्ततमो भवति||६||
🔊 Audio coming soon
ভেষজস্য রোগপ্রশমকর্তৃত্বে উপপত্ত্যন্তরমাহ- ইদং চেত্যাদি| অনাতুরেণেতি আতুরগুণবিপরীতেন| আতুরমনাতুরেণ চিকিত্সাম ইতি যদুক্তং, তস্যৈব বিবরণং- ক্ষামমক্ষামেণেত্যাদি| ক্ষামো নির্দ্রবঃ| কৃশং চ দুর্বলমাপ্যাযযাম ইতি সন্তর্পযামঃ| ব্যতিরিক্তানিতি অতিরিক্তানিত্যর্থঃ | মূলবিপর্যযেণেতি কারণবিপর্যযেণ, তচ্চ প্রভাবাদিতি বোদ্ধব্যং; তেন বিষবিকারস্য বিষেণোপচরণমেতত্ প্রত্যক্ষং চান্যদুপগৃহীতং ভবতি| কান্ততমো বিকারপ্রশমকত্বেনাভীষ্টতমঃ; অন্যেঽর্থধর্মোপাযাঃ কান্তাঃ কান্ততরাশ্চ, অযং তু ভেষজসমুদাযঃ সর্বোচ্ছেদকরোগহরত্বেন কান্ততমঃ||৬||
Adhikarana 6 (7-8) · Śloka 8
ভবন্তি চাত্র- সাধ্যাসাধ্যবিভাগজ্ঞো জ্ঞানপূর্বং চিকিত্সকঃ| কালে চারভতে কর্ম যত্তত্ সাধযতি ধ্রুবম্||৭|| অর্থবিদ্যাযশোহানিমুপক্রোশমসঙ্গ্রহম্ | প্রাপ্নুযান্নিযতং বৈদ্যো যোঽসাধ্যং সমুপাচরেত্||৮||
भवन्ति चात्र- साध्यासाध्यविभागज्ञो ज्ञानपूर्वं चिकित्सकः| काले चारभते कर्म यत्तत् साधयति ध्रुवम्||७|| अर्थविद्यायशोहानिमुपक्रोशमसङ्ग्रहम् | प्राप्नुयान्नियतं वैद्यो योऽसाध्यं समुपाचरेत्||८||
🔊 Audio coming soon
জ্ঞানপূর্বমিতি ভেষজাদিজ্ঞানপূর্বং, যত্ কর্মারভতে তত্ কর্ম চিকিত্সিতরূপং, সাধযতি ‘সাধ্যং’ ইতি শেষঃ| অসাধ্যব্যাধৌ ন প্রবর্তিতব্যমিতি শিক্ষযতি- অর্থেত্যাদি| অর্থঃ অর্থলাভঃ, হানিঃ ক্ষতিঃ| উপক্রোশো জনাপবাদঃ| অসঙ্গ্রহঃ চিকিত্সার্থমনুপাদানং; যদি ‘বা অসদ্গ্রহ’ ইতি পাঠঃ, তদা চাসদ্গ্রহো রাজদণ্ডেনাসত্পুরুষৈশ্চাণ্ডালাদিভির্গ্রহণম্||৭-৮||
Adhikarana 7 (9-10) · Śloka 10
সুখসাধ্যং মতং সাধ্যং কৃচ্ছ্রসাধ্যমথাপি চ| দ্বিবিধং চাপ্যসাধ্যং স্যাদ্যাপ্যং যচ্চানুপক্রমম্ ||৯|| সাধ্যানাং ত্রিবিধশ্চাল্পমধ্যমোত্কৃষ্টতাং প্রতি| বিকল্পো, ন ত্বসাধ্যানাং নিযতানাং বিকল্পনা||১০||
सुखसाध्यं मतं साध्यं कृच्छ्रसाध्यमथापि च| द्विविधं चाप्यसाध्यं स्याद्याप्यं यच्चानुपक्रमम् ||९|| साध्यानां त्रिविधश्चाल्पमध्यमोत्कृष्टतां प्रति| विकल्पो, न त्वसाध्यानां नियतानां विकल्पना||१०||
🔊 Audio coming soon
সাধ্যে প্রবৃত্তিরুক্তা, অসাধ্যে নিবৃত্তিশ্চ, তেন সাধ্যাসাধ্যযোর্ভেদকথনপূর্বকং লক্ষণং বক্তুমাহ- সুখসাধ্যমিত্যাদি| অকিঞ্চিত্করত্বেনাবিদ্যমান উপক্রমো যস্য তদনুপক্রমং; যাপ্যং ত্বনুপক্রমং ন ভবতি, যাপনাকর্তৃত্বেন কিঞ্চিত্করত্বাত্| তত্রোপক্রমস্যাল্পমধ্যমোত্কৃষ্টতাং প্রতীতি অল্পমধ্যমোত্কৃষ্টযোগাদিত্যর্থঃ; তেনাল্পসাধ্যমল্পোপাযসাধ্যং, মধ্যসাধ্যং মধ্যোপাযসাধ্যম্, উত্কৃষ্টসাধ্যমুত্কৃষ্টোপাযসাধ্যমিতি ভেদত্রযং সাধ্যানাং ভবতি| অসাধ্যানাং তু নিযতানামিতি যাপ্যব্যতিরিক্তানামনুপক্রমাণাং, বিকল্পনা বিকল্পঃ, নাস্তীতি এবম্ভূতাঽল্পাসাধ্যাদিরূপা নাস্তি; প্রাণহর-বৈকল্যকর-সদ্যঃপ্রাণহর-কালান্তরপ্রাণহরত্বাদিকল্পনা ত্বসাধ্যানামস্ত্যেব; যদসাধ্যং তদল্পেন মধ্যেন চোত্কৃষ্টেন চোপাযেনাসাধ্যমেব; যাপ্যরূপাসাধ্যানাং ত্বল্পোপাযযাপ্যত্বাদিভেদোঽস্ত্যেব||৯-১০||
Adhikarana 8 (11-13) · Śloka 13
হেতবঃ পূর্বরূপাণি রূপাণ্যল্পানি যস্য চ| ন চ তুল্যগুণো দূষ্যো ন দোষঃ প্রকৃতির্ভবেত্||১১|| ন চ কালগুণস্তুল্যো ন দেশো দুরুপক্রমঃ| গতিরেকা নবত্বং চ রোগস্যোপদ্রবো ন চ||১২|| দোষশ্চৈকঃ সমুত্পত্তৌ দেহঃ সর্বৌষধক্ষমঃ| চতুষ্পাদোপপত্তিশ্চ সুখসাধ্যস্য লক্ষণম্||১৩||
हेतवः पूर्वरूपाणि रूपाण्यल्पानि यस्य च| न च तुल्यगुणो दूष्यो न दोषः प्रकृतिर्भवेत्||११|| न च कालगुणस्तुल्यो न देशो दुरुपक्रमः| गतिरेका नवत्वं च रोगस्योपद्रवो न च||१२|| दोषश्चैकः समुत्पत्तौ देहः सर्वौषधक्षमः| चतुष्पादोपपत्तिश्च सुखसाध्यस्य लक्षणम्||१३||
🔊 Audio coming soon
ন দোষঃ প্রকৃতির্ভবেদিতি ব্যাধ্যারম্ভকো যো দোষঃ স তত্প্রকৃতাবুত্কটো ন ভবেদিত্যর্থঃ| দেশো ভূমিরাতুরশ্চ| দেশো দুরুপক্রমো যথা- বাতব্যাধৌ তুল্যগুণো মরুঃ, তথা শ্লেষ্মব্যাধাবনূপঃ| দেহশ্চ দুরুপক্রমো যথা- সর্বব্যাধীনামেব মর্মলক্ষণো দেশঃ, তথা বাতব্যাধেঃ পক্বাশয ইত্যাদি| গতিরেকা একো মার্গ ইত্যর্থঃ, মার্গাস্ত্রযস্তিস্রৈষণীযে বক্তব্যাঃ- “শাখা মর্মাস্থিসন্ধযঃ কোষ্ঠশ্চ” (সূ.অ.১১) ইতি| এতচ্চোত্সর্গন্যাযেনোক্তং, তেন ক্বচিদ্ব্যাধিপ্রভাবাদন্যথাঽপি সুখসাধ্যত্বাদিলক্ষণাভিধানেন বিরোধো ন বক্তব্যঃ| যদুক্তং- “জ্বরে তুল্যর্তুদোষত্বং প্রমেহে তুল্যদূষ্যতা| রক্তগুল্মে পুরাণত্বং সুখসাধ্যস্য লক্ষণম্” ইতি||১১-১৩||
Adhikarana 9 (14-16) · Śloka 16
নিমিত্তপূর্বরূপাণাং রূপাণাং মধ্যমে বলে| কালপ্রকৃতিদূষ্যাণাং সামান্যেঽন্যতমস্য চ||১৪|| গর্ভিণীবৃদ্ধবালানাং নাত্যুপদ্রবপীডিতম্| শস্ত্রক্ষারাগ্নিকৃত্যানামনবং কৃচ্ছ্রদেশজম্||১৫|| বিদ্যাদেকপথং রোগং নাতিপূর্ণচতুষ্পদম্| দ্বিপথং নাতিকালং বা কৃচ্ছ্রসাধ্যং দ্বিদোষজম্||১৬||
निमित्तपूर्वरूपाणां रूपाणां मध्यमे बले| कालप्रकृतिदूष्याणां सामान्येऽन्यतमस्य च||१४|| गर्भिणीवृद्धबालानां नात्युपद्रवपीडितम्| शस्त्रक्षाराग्निकृत्यानामनवं कृच्छ्रदेशजम्||१५|| विद्यादेकपथं रोगं नातिपूर्णचतुष्पदम्| द्विपथं नातिकालं वा कृच्छ्रसाध्यं द्विदोषजम्||१६||
🔊 Audio coming soon
কালপ্রকৃতিদূষ্যাণামিতি নির্ধারণে ষষ্ঠী| সামান্য ইতি দোষেণ সমম্| গর্ভিণীবৃদ্ধবালানাং সর্ব এব ব্যাধিঃ কৃচ্ছ্রসাধ্যো বোদ্ধব্যঃ| নাত্যুপদ্রবপীডিতমিতি পূর্বেণ ন যোজনীযং, কিন্তু স্বতন্ত্রমেব| শস্ত্রক্ষারাগ্নিকৃত্যাঃ শস্ত্রক্ষারাগ্নিসাধ্যাঃ; এষাং যো ব্যাধিস্তং কৃচ্ছ্রসাধ্যং বিদ্যাদিতি সম্বন্ধঃ| কৃচ্ছ্রদেশজং মর্মসন্ধ্যাদিজম্| একপথস্য বিশেষণং- নাতিপূর্ণচতুষ্পদমিতি| দ্বিপথমিত্যস্য বিশেষণং- নাতিকালমিতি||১৪-১৬||
Adhikarana 10 (17-18) · Śloka 19
শেষত্বাদাযুষো যাপ্যমসাধ্যং পথ্যসেবযা| লব্ধাল্পসুখমল্পেন হেতুনাঽঽশুপ্রবর্তকম্||১৭|| গম্ভীরং বহুধাতুস্থং মর্মসন্ধিসমাশ্রিতম্| নিত্যানুশাযিনং রোগং দীর্ঘকালমবস্থিতম্||১৮|| বিদ্যাদ্দ্বিদোষজং,...|১৯|
शेषत्वादायुषो याप्यमसाध्यं पथ्यसेवया| लब्धाल्पसुखमल्पेन हेतुनाऽऽशुप्रवर्तकम्||१७|| गम्भीरं बहुधातुस्थं मर्मसन्धिसमाश्रितम्| नित्यानुशायिनं रोगं दीर्घकालमवस्थितम्||१८|| विद्याद्द्विदोषजं,...|१९|
🔊 Audio coming soon
যাপ্যত্বেনৈবাসাধ্যত্বে লব্ধে যদসাধ্যমিতি পদং তদ্যাপ্যযাপনার্থং ক্রিযমাণভেষজতযা সাধ্যত্বশঙ্কানিরাসার্থম্| শেষত্বাদাযুষ ইতি বচনমাযুঃশেষে বিদ্যমান এব যাপ্যব্যাধিপ্রাদুর্ভাবো ভবতীতি দর্শনার্থম্| পথ্যসেবযা ভেষজসেবযা, লব্ধমল্পং সুখং যস্মিন্ তল্লব্ধাল্পসুখম্| প্রবর্তনং প্রবর্তঃ, অল্পেন হেতুনাঽঽশু শীঘ্রং প্রবর্তনং যস্য তদাশুপ্রবর্তকং; স্বার্থে অণ্| গম্ভীরং মেদঃপ্রভৃতিধাতুগতম্| নিত্যানুশাযী নিত্যানুবন্ধঃ| বিদ্যাদ্দ্বিদোষজমিত্যন্তেন যাপ্যলক্ষণম্||১৭-১৮||-
Adhikarana 11 (19-20) · Śloka 20
...তদ্বত্ প্রত্যাখ্যেযং ত্রিদোষজম্| ক্রিযাপথমতিক্রান্তং সর্বমার্গানুসারিণম্||১৯|| ঔত্সুক্যারতিসম্মোহকরমিন্দ্রিযনাশনম্| দুর্বলস্য সুসংবৃদ্ধং ব্যাধিং সারিষ্টমেব চ||২০||
...तद्वत् प्रत्याख्येयं त्रिदोषजम्| क्रियापथमतिक्रान्तं सर्वमार्गानुसारिणम्||१९|| औत्सुक्यारतिसम्मोहकरमिन्द्रियनाशनम्| दुर्बलस्य सुसंवृद्धं व्याधिं सारिष्टमेव च||२०||
🔊 Audio coming soon
তদ্বদিত্যাদি তু প্রত্যাখ্যেযলক্ষণম্| তদ্বদিত্যনেন গম্ভীরাদিযাপ্যলক্ষণযুক্তং সত্ত্রিদোষজং প্রত্যাখ্যেযমিত্যর্থঃ| ঔত্সুক্যং হর্ষোদ্রেকঃ, অরতিরনবস্থানলক্ষণা, সম্মোহো মনসো মোহঃ||১৯-২০||
Adhikarana 12 (21-22) · Śloka 22
ভিষজা প্রাক্ পরীক্ষ্যৈবং বিকারাণাং স্বলক্ষণম্| পশ্চাত্কর্মসমারম্ভঃ কার্যঃ সাধ্যেষু ধীমতা||২১|| সাধ্যাসাধ্যবিভাগজ্ঞো যঃ সম্যক্প্রতিপত্তিমান্| ন স মৈত্রেযতুল্যানাং মিথ্যাবুদ্ধিং প্রকল্পযেত্||২২||
भिषजा प्राक् परीक्ष्यैवं विकाराणां स्वलक्षणम्| पश्चात्कर्मसमारम्भः कार्यः साध्येषु धीमता||२१|| साध्यासाध्यविभागज्ञो यः सम्यक्प्रतिपत्तिमान्| न स मैत्रेयतुल्यानां मिथ्याबुद्धिं प्रकल्पयेत्||२२||
🔊 Audio coming soon
ন স মৈত্রেযতুল্যানাং মিথ্যাবুদ্ধিং প্রকল্পযেদিতি এবঙ্গুণো বৈদ্যঃ প্রতিনিযমেন যং ব্যাধিমুপক্রমেত্তং সাধযত্যেব পরং, ততো ভেষজস্য ব্যাধিপ্রশমনং প্রতি করণত্বাবধারণে সতি ভেষজমভেষজেন সমানমিতি মৈত্রেযসদৃশানাং কর্মবাদিনাং মিথ্যাবুদ্ধেরনুত্পাদ ইতি ভাবঃ||২১-২২||
Adhikarana 13 (23-24) · Śloka 24
তত্র শ্লোকৌ- ইহৌষধং পাদগুণাঃ প্রভবো ভেষজাশ্রযঃ| আত্রেযমৈত্রেযমতী মতিদ্বৈবিধ্যনিশ্চযঃ||২৩|| চতুর্বিধবিকল্পাশ্চ ব্যাধযঃ স্বস্বলক্ষণাঃ| উক্তা মহাচতুষ্পাদে যেষ্বাযত্তং ভিষগ্জিতম্||২৪||
तत्र श्लोकौ- इहौषधं पादगुणाः प्रभवो भेषजाश्रयः| आत्रेयमैत्रेयमती मतिद्वैविध्यनिश्चयः||२३|| चतुर्विधविकल्पाश्च व्याधयः स्वस्वलक्षणाः| उक्ता महाचतुष्पादे येष्वायत्तं भिषग्जितम्||२४||
🔊 Audio coming soon
সঙ্গ্রহে ইহেতি ইহাধ্যাযে| ঔষধমিতি চতুষ্পাদম্| পাদগুণা ইতি যদুক্তং পূর্বাধ্যাযে ষোডশগুণমিতি| প্রভাবো ভেষজাশ্রয ইতি তদ্ভেষজং যুক্তিযুক্তমলমারোগ্যাযেতি||২৩-২৪||
Adhikarana puShpikA · Śloka 10
ইত্যগ্নিবেশকৃতে তন্ত্রে চরকপ্রতিসংস্কৃতে শ্লোকস্থানে মহাচতুষ্পাদো নাম দশমোঽধ্যাযঃ||১০||
इत्यग्निवेशकृते तन्त्रे चरकप्रतिसंस्कृते श्लोकस्थाने महाचतुष्पादो नाम दशमोऽध्यायः||१०||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং সূত্রস্থানে তৃতীযে নির্দেশচতুষ্কে মহাচতুষ্পাদো নাম দশমোঽধ্যাযঃ||১০||