Adhikarana 1 (1-2) · Śloka 2
অথাতো নবেগান্ধারণীযমধ্যাযং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातो नवेगान्धारणीयमध्यायं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
পূর্বাধ্যাযাভ্যাং স্বস্থহিত আহারঃ প্রাধান্যেনোক্তঃ, তস্য চাহারস্য স্বস্থহিতত্বমাহারপাকজমূত্রপুরীষাণামবিধারিতবেগানাং বহির্গমনে সতি ভবতীতি মূত্রাদিবেগাবিধারণোপদেশকং ন বেগান্ধারণীযমাহ| ইহাপি নবেগধারণশব্দস্যাভাবান্মাত্রাশিতীযবত্ পর্যাযশব্দেন সঞ্জ্ঞা বোদ্ধব্যা||১-২||
Adhikarana 2 (3-4) · Śloka 4
ন বেগান্ ধারযেদ্ধীমাঞ্জাতান্ মূত্রপুরীষযোঃ| ন রেতসো ন বাতস্য ন ছর্দ্যাঃ ক্ষবথোর্ন চ||৩|| নোদ্গারস্য ন জৃম্ভাযা ন বেগান্ ক্ষুত্পিপাসযোঃ| ন বাষ্পস্য ন নিদ্রাযা নিঃশ্বাসস্য শ্রমেণ চ||৪||
न वेगान् धारयेद्धीमाञ्जातान् मूत्रपुरीषयोः| न रेतसो न वातस्य न छर्द्याः क्षवथोर्न च||३|| नोद्गारस्य न जृम्भाया न वेगान् क्षुत्पिपासयोः| न बाष्पस्य न निद्राया निःश्वासस्य श्रमेण च||४||
🔊 Audio coming soon
জাতানিতি জাতমাত্রান্| বেগঃ প্রবৃত্ত্যুন্মুখত্বং মূত্রপুরীষাদীনাম্| মূত্রগ্রহণমাদৌ মূত্রস্য পুরীষাদ্যপেক্ষযা বহুবেগত্বাত্| মূত্রপুরীষযোরিতি ক্ষুত্পিপাসযোরিতি চ সমাসকরণং প্রাযশোঽনযোঃ সহোত্পাদদর্শনার্থম্| প্রতিনিষেধ্যং নকারকরণং নিষেধ্যগৌরবোপদর্শনার্থম্| নিঃশ্বাসস্য শ্রমেণ চেতি শ্রমোত্থস্য নিঃশ্বাসস্যাবিধার্যত্বং দর্শযতি, যতোঽনন্তরং বক্ষ্যতি “শ্রমনিঃশ্বাসধারণাত্” ইতি; সুশ্রুতেঽপ্যুক্তং- “শ্রান্তস্য নিঃশ্বাসবিনিগ্রহেণ হৃদ্রোগ মূর্চ্ছে অথবাঽপি গুল্মঃ” (সূ.উ.অ.৫৫) ইতি||৩-৪||
Adhikarana 3 (5-25) · Śloka 25
এতান্ ধারযতো জাতান্ বেগান্ রোগা ভবন্তি যে| পৃথক্পৃথক্চিকিত্সার্থং তান্মে নিগদতঃ শৃণু||৫|| বস্তিমেহনযোঃ শূলং মূত্রকৃচ্ছ্রং শিরোরুজা | বিনামো বঙ্ক্ষণানাহঃ স্যাল্লিঙ্গং মূত্রনিগ্রহে||৬|| স্বেদাবগাহনাভ্যঙ্গান্ সর্পিষশ্চাবপীডকম্ | মূত্রে প্রতিহতে কুর্যাত্ত্রিবিধং বস্তিকর্ম চ||৭|| পক্বাশযশিরঃশূলং বাতবর্চোঽপ্রবর্তনম্ | পিণ্ডিকোদ্বেষ্টনাধ্মানং পুরীষে স্যাদ্বিধারিতে||৮|| স্বেদাভ্যঙ্গাবগাহাশ্চ বর্তযো বস্তিকর্ম চ| হিতং প্রতিহতে বর্চস্যন্নপানং প্রমাথি চ||৯|| মেঢ্রে বৃষণযোঃ শূলমঙ্গমর্দো হৃদি ব্যথা| ভবেত্ প্রতিহতে শুক্রে বিবদ্ধং মূত্রমেব চ||১০|| তত্রাভ্যঙ্গোঽবগাহশ্চ মদিরা চরণাযুধাঃ| শালিঃ পযো নিরূহশ্চ শস্তং মৈথুনমেব চ||১১|| সঙ্গো বিণ্মূত্রবাতানামাধ্মানং বেদনা ক্লমঃ| জঠরে বাতজাশ্চান্যে রোগাঃ স্যুর্বাতনিগ্রহাত্||১২|| স্নেহস্বেদবিধিস্তত্র বর্তযো ভোজনানি চ| পানানি বস্তযশ্চৈব শস্তং বাতানুলোমনম্||১৩|| কণ্ডূকোঠারুচিব্যঙ্গশোথপাণ্ড্বামযজ্বরাঃ| কুষ্ঠহৃল্লাসবীসর্পাশ্ছর্দিনিগ্রহজা গদাঃ||১৪|| ভুক্ত্বা প্রচ্ছর্দনং ধূমো লঙ্ঘনং রক্তমোক্ষণম্| রূক্ষান্নপানং ব্যাযামো বিরেকশ্চাত্র শস্যতে||১৫|| মন্যাস্তম্ভঃ শিরঃশূলমর্দিতার্ধাবভেদকৌ| ইন্দ্রিযাণাং চ দৌর্বল্যং ক্ষবথোঃ স্যাদ্বিধারণাত্||১৬|| তত্রোর্ধ্বজত্রুকেঽভ্যঙ্গঃ স্বেদো ধূমঃ সনাবনঃ| হিতং বাতঘ্নমাদ্যং চ ঘৃতং চৌত্তরভক্তিকম্||১৭|| হিক্কা শ্বাসোঽরুচিঃ কম্পো বিবন্ধো হৃদযোরসোঃ| উদ্গারনিগ্রহাত্তত্র হিক্কাযাস্তুল্যমৌষধম্||১৮|| বিনামাক্ষেপসঙ্কোচাঃ সুপ্তিঃ কম্পঃ প্রবেপনম্| জৃম্ভাযা নিগ্রহাত্তত্র সর্বং বাতঘ্নমৌষধম্||১৯|| কার্শ্যদৌর্বল্যবৈবর্ণ্যমঙ্গমর্দোঽরুচির্ভ্রমঃ| ক্ষুদ্বেগনিগ্রহাত্তত্র স্নিগ্ধোষ্ণং লঘু ভোজনম্||২০|| কণ্ঠাস্যশোষো বাধির্যং শ্রমঃ সাদো হৃদি ব্যথা| পিপাসানিগ্রহাত্তত্র শীতং তর্পণমিষ্যতে||২১|| প্রতিশ্যাযোঽক্ষিরোগশ্চ হৃদ্রোগশ্চারুচির্ভ্রমঃ| বাষ্পনিগ্রহণাত্তত্র স্বপ্নো মদ্যং প্রিযাঃ কথাঃ||২২|| জৃম্ভাঽঙ্গমর্দস্তন্দ্রা চ শিরোরোগোঽক্ষিগৌরবম্| নিদ্রাবিধারণাত্তত্র স্বপ্নঃ সংবাহনানি চ||২৩|| গুল্মহৃদ্রোগসম্মোহাঃ শ্রমনিঃশ্বাসধারণাত্| জাযন্তে তত্র বিশ্রামো বাতঘ্ন্যশ্চ ক্রিযা হিতাঃ||২৪|| বেগনিগ্রহজা রোগা য এতে পরিকীর্তিতাঃ| ইচ্ছংস্তেষামনুত্পত্তিং বেগানেতান্ন ধারযেত্||২৫||
एतान् धारयतो जातान् वेगान् रोगा भवन्ति ये| पृथक्पृथक्चिकित्सार्थं तान्मे निगदतः शृणु||५|| बस्तिमेहनयोः शूलं मूत्रकृच्छ्रं शिरोरुजा | विनामो वङ्क्षणानाहः स्याल्लिङ्गं मूत्रनिग्रहे||६|| स्वेदावगाहनाभ्यङ्गान् सर्पिषश्चावपीडकम् | मूत्रे प्रतिहते कुर्यात्त्रिविधं बस्तिकर्म च||७|| पक्वाशयशिरःशूलं वातवर्चोऽप्रवर्तनम् | पिण्डिकोद्वेष्टनाध्मानं पुरीषे स्याद्विधारिते||८|| स्वेदाभ्यङ्गावगाहाश्च वर्तयो बस्तिकर्म च| हितं प्रतिहते वर्चस्यन्नपानं प्रमाथि च||९|| मेढ्रे वृषणयोः शूलमङ्गमर्दो हृदि व्यथा| भवेत् प्रतिहते शुक्रे विबद्धं मूत्रमेव च||१०|| तत्राभ्यङ्गोऽवगाहश्च मदिरा चरणायुधाः| शालिः पयो निरूहश्च शस्तं मैथुनमेव च||११|| सङ्गो विण्मूत्रवातानामाध्मानं वेदना क्लमः| जठरे वातजाश्चान्ये रोगाः स्युर्वातनिग्रहात्||१२|| स्नेहस्वेदविधिस्तत्र वर्तयो भोजनानि च| पानानि बस्तयश्चैव शस्तं वातानुलोमनम्||१३|| कण्डूकोठारुचिव्यङ्गशोथपाण्ड्वामयज्वराः| कुष्ठहृल्लासवीसर्पाश्छर्दिनिग्रहजा गदाः||१४|| भुक्त्वा प्रच्छर्दनं धूमो लङ्घनं रक्तमोक्षणम्| रूक्षान्नपानं व्यायामो विरेकश्चात्र शस्यते||१५|| मन्यास्तम्भः शिरःशूलमर्दितार्धावभेदकौ| इन्द्रियाणां च दौर्बल्यं क्षवथोः स्याद्विधारणात्||१६|| तत्रोर्ध्वजत्रुकेऽभ्यङ्गः स्वेदो धूमः सनावनः| हितं वातघ्नमाद्यं च घृतं चौत्तरभक्तिकम्||१७|| हिक्का श्वासोऽरुचिः कम्पो विबन्धो हृदयोरसोः| उद्गारनिग्रहात्तत्र हिक्कायास्तुल्यमौषधम्||१८|| विनामाक्षेपसङ्कोचाः सुप्तिः कम्पः प्रवेपनम्| जृम्भाया निग्रहात्तत्र सर्वं वातघ्नमौषधम्||१९|| कार्श्यदौर्बल्यवैवर्ण्यमङ्गमर्दोऽरुचिर्भ्रमः| क्षुद्वेगनिग्रहात्तत्र स्निग्धोष्णं लघु भोजनम्||२०|| कण्ठास्यशोषो बाधिर्यं श्रमः सादो हृदि व्यथा| पिपासानिग्रहात्तत्र शीतं तर्पणमिष्यते||२१|| प्रतिश्यायोऽक्षिरोगश्च हृद्रोगश्चारुचिर्भ्रमः| बाष्पनिग्रहणात्तत्र स्वप्नो मद्यं प्रियाः कथाः||२२|| जृम्भाऽङ्गमर्दस्तन्द्रा च शिरोरोगोऽक्षिगौरवम्| निद्राविधारणात्तत्र स्वप्नः संवाहनानि च||२३|| गुल्महृद्रोगसम्मोहाः श्रमनिःश्वासधारणात्| जायन्ते तत्र विश्रामो वातघ्न्यश्च क्रिया हिताः||२४|| वेगनिग्रहजा रोगा य एते परिकीर्तिताः| इच्छंस्तेषामनुत्पत्तिं वेगानेतान्न धारयेत्||२५||
🔊 Audio coming soon
যদ্বেগবিধারণে যে রোগাস্তেষাং যচ্চিকিত্সিতং তদল্পবক্তব্যত্বাত্ প্রকরণাগতত্বাচ্চ ব্রূতে- বস্তিমেহনযোরিত্যাদি| মেহনং শিশ্নঃ | বিনমনং শরীরস্য বিনামঃ| অবপীডকো বহুমাত্রপ্রযোগঃ, মাত্রাধিকত্বেন হি ভেষজং দোষান্ পীডযতীতি কৃত্বা; অন্যত্রাপ্যুক্তম্- “অবপীডকসর্পির্ভিঃ কোষ্ণৈর্ঘৃততৈলিকৈস্তথাঽভ্যঙ্গৈঃ” ইতি| ত্রিবিধমিতি নিরূহানুবাসনোত্তরবস্ত্যাত্মকম্| পিণ্ডিকা জানুজঙ্ঘামধ্যমাংসপিণ্ডিকা| বর্তযঃ ফলবর্তযঃ| প্রমাথি অনুলোমনম্| চরণাযুধঃ কুক্কুটঃ| রুজা জঠর ইতি সম্বন্ধঃ| ‘ভোজনানি’ ‘পানানি’ ‘বস্তয’ ইতি ত্রযং বাতানুলোমনং শস্তমিতি যোজ্যম্| কোঠো বরটীদষ্টাকারঃ শোথঃ| ব্যঙ্গঃ শ্যামবর্ণং মণ্ডলং মুখে| হৃল্লাসঃ উত্ক্লেশঃ| অর্ধাবভেদঃ অর্ধমস্তকবেদনা| আদ্যং খাদ্যং ভোজনমিত্যর্থঃ| চকারাত্ স্বেদাদযোঽপি বাতঘ্না ইতি সূচযতি| যদ্যপি সুশ্রুতে মূত্রাদীনাং ত্রযোদশানাং বিধারণাত্ত্রযোদশোদাবর্তা অভিধীযন্তে, তথাঽপীহাষ্টোদরীযে মূত্রপুরীষবাতশুক্রবমিক্ষবথুবিঘাতজা এব পরং ষডুদাবর্তা অভিধাতব্যাঃ; উদ্গারাদিনিরোধজানাং বাতনিরোধজ এবোদাবর্তেঽন্তর্ভাবাভিপ্রাযাত্; যদি বা মূত্রাদিবিঘাতজ এব বিকারে চরকাচার্যস্য উদাবর্তসঞ্জ্ঞাঽভিপ্রেতা, নান্যত্রেতি ন বিরোধঃ| মুহুর্মুহুরঙ্গানামাক্ষেপণমাক্ষেপঃ; পর্বণামাকুঞ্চনং সঙ্কোচঃ| সুপ্তিঃ স্পর্শাজ্ঞানম্| ভ্রমণং ভ্রমো যেন চক্রস্থিতমিবাত্মানং মন্যতে| সাদঃ অঙ্গাবসাদঃ| তর্পযতীতি তর্পণম্| সংবাহনং পাণিনা পাদাদিপ্রদেশে সুখমভিহননমুন্মর্দনং চ||৫-২৫||
Adhikarana 4 (26) · Śloka 26
ইমাংস্তু ধারযেদ্বেগান্ হিতার্থী প্রেত্য চেহ চ| সাহসানামশস্তানাং মনোবাক্কাযকর্মণাম্||২৬||
इमांस्तु धारयेद्वेगान् हितार्थी प्रेत्य चेह च| साहसानामशस्तानां मनोवाक्कायकर्मणाम्||२६||
🔊 Audio coming soon
বেগানামবিধার্যত্বেনোক্তত্বাল্লোভাদীনামপি বেগা অবিধার্যাঃ স্যুরিত্যাহ- ইমাংস্ত্বিত্যাদি| প্রেত্য জন্মান্তরে| ইহেতি ইহ জন্মনি| সহসা আত্মশক্তিমনালোচ্য ক্রিযত ইতি সাহসং, তত্তু গজাভিমুখধাবনাদি| অশস্তানাম্ অপ্রশস্তানামনিষ্টফলানামিতি যাবত্| মনোবাক্কাযকর্মণামিত্যত্র কর্মশব্দো ব্যাপারবচনঃ||২৬||
Adhikarana 5 (27) · Śloka 27
লোভশোকভযক্রোধমানবেগান্ বিধারযেত্| নৈর্লজ্জ্যের্ষ্যাতিরাগাণামভিধ্যাযাশ্চ বুদ্ধিমান্||২৭||
लोभशोकभयक्रोधमानवेगान् विधारयेत्| नैर्लज्ज्येर्ष्यातिरागाणामभिध्यायाश्च बुद्धिमान्||२७||
🔊 Audio coming soon
অশস্তং মনসঃ কর্ম দর্শযতি- লোভেত্যাদি| লোভঃ বিষযেঽনুচিতা প্রার্থনা, শোকঃ পুত্রাদিবিনাশজং দৈন্যম্, ভযম্ অপকারকানুসন্ধানজং দৈন্যম্, ক্রোধঃ প্রদ্বেষো যেন প্রজ্বলিতমিবাত্মানং মন্যতে, মানঃ সদসদ্গুণাধ্যারোপেণাত্মন্যুত্কর্ষপ্রত্যযঃ| জুগুপ্সিতগোপনেচ্ছা লজ্জা, তদভাবো নৈর্লজ্জ্যং; সমানে দ্রব্যে পরসম্বন্ধপ্রতিষেধেচ্ছা ঈর্ষ্যা; অতিরাগ উচিত এব বিষযে পুনঃ পুনঃ প্রবর্তনেচ্ছা| অভিধ্যা মনসা পরাভিদ্রোহচিন্তনং, যদি বা পরদ্রব্যবিষযে স্পৃহা||২৭||
Adhikarana 6 (28) · Śloka 28
পরুষস্যাতিমাত্রস্য সূচকস্যানৃতস্য চ| বাক্যস্যাকালযুক্তস্য ধারযেদ্বেগমুত্থিতম্||২৮||
परुषस्यातिमात्रस्य सूचकस्यानृतस्य च| वाक्यस्याकालयुक्तस्य धारयेद्वेगमुत्थितम्||२८||
🔊 Audio coming soon
অশস্তং বচনকর্মাহ- পরুষস্যেত্যাদি| পরুষং পরোদ্বেজকং বচনম্| অতিমাত্রং বহু| সূচকং পরানিষ্টজনকাভিধাযকম্ | অনৃতম্ অপার্থকম্| অকালযুক্তম্ অপ্রস্তাবাগতম্||২৮||
Adhikarana 7 (29) · Śloka 29
দেহপ্রবৃত্তির্যা কাচিদ্বিদ্যতে পরপীডযা| স্ত্রীভোগস্তেযহিংসাদ্যা তস্যাবেগান্বিধারযেত্||২৯||
देहप्रवृत्तिर्या काचिद्विद्यते परपीडया| स्त्रीभोगस्तेयहिंसाद्या तस्यावेगान्विधारयेत्||२९||
🔊 Audio coming soon
অশস্তং দেহকর্মাহ- দেহেত্যাদি| পরপীডযা পরপীডানিমিত্তমিত্যর্থঃ| স্ত্রীভোগঃ পরস্ত্রীভোগঃ, স্তেযং পরদ্রব্যগ্রহণং, হিংসা বিধিরহিতা প্রাণিপীডা; আদিগ্রহণাদ্গুর্বাদ্যভিমুখপাদপ্রসারণাদি গৃহ্যতে||২৯||
Adhikarana 8 (30) · Śloka 30
পুণ্যশব্দো বিপাপত্বান্মনোবাক্কাযকর্মণাম্| ধর্মার্থকামান্ পুরুষঃ সুখী ভুঙ্ক্তে চিনোতি চ||৩০||
पुण्यशब्दो विपापत्वान्मनोवाक्कायकर्मणाम्| धर्मार्थकामान् पुरुषः सुखी भुङ्क्ते चिनोति च||३०||
🔊 Audio coming soon
এবং কৃতে যদ্ভবতি তদ্দর্শযতি- পুণ্যেত্যাদি| পুণ্যঃ পাবনঃ শব্দো যস্যাসৌ পুণ্যশব্দঃ| ভুঙ্ক্তে চিনোতি চেতি উত্পন্নাদবিরোধতঃ ফলোপযোগেন ভুঙ্ক্তে; চিনোতি চোত্পাদযতি চাপরানিত্যর্থঃ||৩০||
Adhikarana 9 (31) · Śloka 31
শরীরচেষ্টা যা চেষ্টা স্থৈর্যার্থা বলবর্ধিনী| দেহব্যাযামসঙ্খ্যাতা মাত্রযা তাং সমাচরেত্||৩১||
शरीरचेष्टा या चेष्टा स्थैर्यार्था बलवर्धिनी| देहव्यायामसङ्ख्याता मात्रया तां समाचरेत्||३१||
🔊 Audio coming soon
অবিধার্যপ্রবৃত্তীন্মূত্রাদীন্ বিধার্যপ্রবৃত্তীন্ সাহসাদীংশ্চ দর্শযিত্বা বিধার্যাবিধার্যপ্রবৃত্তিং ব্যাযামমাহ- শরীরেত্যাদি| দেহস্য ব্যাযামো দেহব্যাযামঃ, দেহগ্রহণান্মনোব্যাযামং চিন্তনাদি নিরাকরোতি; সঙ্খ্যাতা সঞ্জ্ঞিতা| যা চ ইষ্টা অভিপ্রেতা, এতেন ভারহরণাদ্যাঽনিষ্টা কার্যবশাত্ ক্রিযমাণা চেষ্টা নিরস্যতে, চঙ্ক্রমণরূপা তু ক্রিযা প্রাপ্যতে| স্থৈর্যং স্থিরতা শরীরস্য, তদর্থা| মাত্রযা অনপাযিপরিমাণেন; এতাবতী চেযং শরীরচেষ্টা মাত্রাবতী যাবত্যা লাঘবাদযো বক্ষ্যমাণা ভবন্তি, চেষ্টাতিযোগবক্ষ্যমাণাশ্চ শ্রমভ্রমাদযো ন ভবন্তি| সুশ্রুতেঽপ্যুক্তং- “যত্তু চঙ্ক্রমণং নাতিদেহপীডাকরং ভবেত্| তদাযুর্বলমেধাগ্নিপ্রদমিন্দ্রিযবোধনম্” (সু.চি.অ.২৪) ইতি||৩১||
Adhikarana 10 (32-33) · Śloka 1
লাঘবং কর্মসামর্থ্যং স্থৈর্যং দুঃখসহিষ্ণুতা | দোষক্ষযোঽগ্নিবৃদ্ধিশ্চ ব্যাযামাদুপজাযতে||৩২|| শ্রমঃ ক্লমঃ ক্ষযস্তৃষ্ণা রক্তপিত্তং প্রতামকঃ| অতিব্যাযামতঃ কাসো জ্বরশ্ছর্দিশ্চ জাযতে||৩৩|| (স্বেদাগমঃ শ্বাসবৃদ্ধির্গাত্রাণাং লাঘবং তথা| হৃদযাদ্যুপরোধশ্চ ইতি ব্যাযামলক্ষণম্||১||)|
लाघवं कर्मसामर्थ्यं स्थैर्यं दुःखसहिष्णुता | दोषक्षयोऽग्निवृद्धिश्च व्यायामादुपजायते||३२|| श्रमः क्लमः क्षयस्तृष्णा रक्तपित्तं प्रतामकः| अतिव्यायामतः कासो ज्वरश्छर्दिश्च जायते||३३|| (स्वेदागमः श्वासवृद्धिर्गात्राणां लाघवं तथा| हृदयाद्युपरोधश्च इति व्यायामलक्षणम्||१||)|
🔊 Audio coming soon
যথোক্তব্যাযামগুণানাহ- লাঘবমিত্যাদি| দোষক্ষযোঽত্র শ্লেষ্মক্ষযোঽভিপ্রেতঃ; যদি বাঽগ্নিকর্তৃত্বেন ত্রিদোষক্ষযোঽপি| উক্তং হি- “শমপ্রকোপৌ দোষাণাং সর্বেষামগ্নিসংশ্রিতৌ” ইতি| ব্যাযামাতিপ্রবৃত্তিদোষমাহ- শ্রম ইত্যাদি| ক্লম ইহ মন-ইন্দ্রিযগ্লানিঃ| ক্ষযো ধাতুক্ষযঃ| প্রতমক এব প্রতামকঃ শ্বাসবিশেষঃ||৩২-৩৩||
Adhikarana 11 (34) · Śloka 34
ব্যাযামহাস্যভাষ্যাধ্বগ্রাম্যধর্মপ্রজাগরান্| নোচিতানপি সেবেত বুদ্ধিমানতিমাত্রযা||৩৪||
व्यायामहास्यभाष्याध्वग्राम्यधर्मप्रजागरान्| नोचितानपि सेवेत बुद्धिमानतिमात्रया||३४||
🔊 Audio coming soon
ইদানীং ব্যাযামতুল্যত্বেনান্যানপ্যতিমাত্রত্বেন নিষেদ্ধুমাহ- ব্যাযামেত্যাদি| যদ্যপ্যতিব্যাযামো নিষিদ্ধস্তথাঽপীহ পুনরভিধীযতে অতিভাষ্যাদিষ্বপি তদ্দোষশ্রমক্লমাদিপ্রাপ্ত্যর্থং; যদি বা পূর্বমনভ্যস্তব্যাযামাতিসেবা নিষিদ্ধা, ইহ তু অভ্যস্তস্যাপি নিষেধঃ| যদাহ- নোচিতানপি; উচিতানপ্যভ্যস্তানপীত্যর্থঃ| অপিশব্দাদনভ্যস্তানাং নিতরাং নিষেধো লভ্যতে| ভাষণং ভাষ্যম্, অধ্বশব্দেনাধ্বগমনং, গ্রাম্যধর্মো মৈথুনম্||৩৪||
Adhikarana 12 (35) · Śloka 2
এতানেবংবিধাংশ্চান্যান্ যোঽতিমাত্রং নিষেবতে| গজং সিংহ ইবাকর্ষন্ সহসা স বিনশ্যতি||৩৫|| (অতিব্যবাযভারাধ্বকর্মভিশ্চাতিকর্শিতাঃ | ক্রোধশোকভযাযাসৈঃ ক্রান্তা যে চাপি মানবাঃ||১|| বালবৃদ্ধপ্রবাতাশ্চ যে চোচ্চৈর্বহুভাষকাঃ| তে বর্জযেযুর্ব্যাযামং ক্ষুধিতাস্তৃষিতাশ্চ যে||২||)|
एतानेवंविधांश्चान्यान् योऽतिमात्रं निषेवते| गजं सिंह इवाकर्षन् सहसा स विनश्यति||३५|| (अतिव्यवायभाराध्वकर्मभिश्चातिकर्शिताः | क्रोधशोकभयायासैः क्रान्ता ये चापि मानवाः||१|| बालवृद्धप्रवाताश्च ये चोच्चैर्बहुभाषकाः| ते वर्जयेयुर्व्यायामं क्षुधितास्तृषिताश्च ये||२||)|
🔊 Audio coming soon
এবংশব্দেন গুরুভারহরণদর্পশিলাচালনাদি গৃহ্যতে| সিংহঃ কিল স্বল্পপ্রমাণঃ স্ববলোদ্রেকাদ্গজং কর্ষন্ পাটযন্ স্বদেহানুচিতব্যাযামাত্ পশ্চাদ্বাতক্ষোভেণ বিপদ্যতে, তেনাযং দৃষ্টান্তঃ সঙ্গতার্থঃ; যদি বা সিংহোঽষ্টাপদোঽভিপ্রেতঃ, স চ কিল গজং ব্যাপাদ্য পৃষ্ঠে ক্ষিপতি, ততস্তত্কোথাদ্বিপদ্যতে, তেন দৃষ্টান্তো ব্যাখ্যেযঃ||৩৫||
Adhikarana 13 (36-37) · Śloka 37
উচিতাদহিতাদ্ধীমান্ ক্রমশো বিরমেন্নরঃ| হিতং ক্রমেণ সেবেত ক্রমশ্চাত্রোপদিশ্যতে||৩৬|| প্রক্ষেপাপচযে তাভ্যাং ক্রমঃ পাদাংশিকো ভবেত্| একান্তরং ততশ্চোর্ধ্বং দ্ব্যন্তরং ত্র্যন্তরং তথা||৩৭||
उचितादहिताद्धीमान् क्रमशो विरमेन्नरः| हितं क्रमेण सेवेत क्रमश्चात्रोपदिश्यते||३६|| प्रक्षेपापचये ताभ्यां क्रमः पादांशिको भवेत्| एकान्तरं ततश्चोर्ध्वं द्व्यन्तरं त्र्यन्तरं तथा||३७||
🔊 Audio coming soon
হিতস্য সেবনমহিতস্য পরিত্যাগঃ কর্তব্য ইতি পূর্বমুক্তং, তচ্চ হিতসেবনমহিতপরিবর্জনং চাক্রমেণ ক্রিযমাণমক্রমাচরিতব্যাযামাদিবত্ প্রত্যবাযকরং পরং ভবতি, অতস্তত্ক্রমমাহ- উচিতাদিত্যাদি| উচিতাত্ অভ্যস্তাত্| ক্রমশো বক্ষ্যমাণেন ক্রমেণ| হিতম্ অনভ্যস্তহিতম্| কোঽসৌ ক্রম ইত্যাহ- ক্রমশ্চেত্যাদি| প্রক্ষেপো হিতস্য, অপচযোঽহিতস্য, তাভ্যাং হিতাহিতাভ্যাম্| পাদঃ চতুর্থো ভাগঃ, তদ্রূপোংঽশঃ পাদাংশঃ, তেন কৃতঃ ক্রমঃ পাদাংশিকঃ; অন্যে তু পাদস্যাংশঃ পাদাংশ ইতি ষোডশং ভাগং বর্ণযন্তি | স চ হিতাহিতযোর্যুগপত্প্রক্ষেপাপচযে পাদাংশিকঃ ক্রমঃ, প্রথমমেকান্তরমেকাহমন্তরা কৃত্বেত্যর্থঃ; ততঃ প্রথমহিতপাদপ্রক্ষেপাহিতপাদাপচযাভ্যাসাদূর্ধ্বং দ্বিতীযপাদপ্রক্ষেপাপচযে দ্ব্যন্তরং দ্ব্যহমন্তরীকৃত্য ক্রমো ভবেত্; তথা দ্বিতীযপাদাভ্যাসাদূর্ধ্বং তৃতীযপাদপ্রক্ষেপাপচযে ত্র্যহমন্তরীকৃত্য ক্রমো ভবেত্; চতুর্থপাদপ্রক্ষেপাপচযে তু কালনিযমো নাস্তি, অত ঊর্ধ্বং প্রক্ষেপাপচযাভাবাচ্চতুষ্পাদসম্পূর্ণস্য পথ্যস্যানবধিসেব্যত্বাত্| অযং পিণ্ডার্থঃ- অপথ্যা যবকাদযোঽভ্যস্তাস্তে ত্যাজ্যাঃ, রক্তশাল্যাদযঃ পথ্যা অনভ্যস্তাস্তে সেব্যাঃ; তত্র প্রথমদিনে যবকপাদত্রযং রক্তশালীনামেকঃ পাদঃ ; দ্বিতীযে দিবসে দ্বৌ পথ্যস্য পাদৌ দ্বাবপথ্যস্য, এবং তৃতীযে, এবং দ্বিতীযপাদাভ্যাসো দ্ব্যন্তরো ভবতি; চতুর্থে ত্রযঃ পাদাঃ পথ্যস্য একোঽপথ্যস্য, এবং পঞ্চমে ষষ্ঠে চ, এবং তৃতীযপাদাভ্যাসস্ত্র্যন্তরো ভবতি; সপ্তদিনপ্রভৃতি তু চতুষ্পাদপথ্যাভ্যাসঃ| যদি বাঽন্তরশব্দো ব্যবধিবচনঃ, তথাশব্দাচ্চতুরন্তরমিতি চ লভ্যতে; তেনাযমর্থঃ- প্রথমে দিবসেঽপথ্যপাদত্রযং পথ্যস্যৈকঃ পাদঃ, দ্বিতীযে সর্বমপথ্যং, তৃতীযে দ্বৌ পথ্যস্য দ্বাবপথ্যস্য, এবং চতুর্থে; পঞ্চমে তু দিনে পথ্যস্য ভাগ একস্ত্রযোঽপথ্যস্য, এবং দ্ব্যন্তরীকৃতৌ ভবতঃ; ষষ্ঠে পথ্যভাগত্রযমপথ্যভাগ একঃ, এবং সপ্তমেঽষ্টমে চ; ততো নবমে ভাগদ্বযং পথ্যস্য চাপথ্যস্য চ, এবং ত্রীণ্যহান্যন্তরীকৃতানি ভবন্তি; ততো দশমে সর্বং পথ্যম্, এবমেকাদশে দ্বাদশে ত্রযোদশে চ, চতুর্দশে তু পথ্যভাগত্রযমেকোঽপথ্যভাগঃ; এবং চতুরন্তরতা তথাশব্দসূচিতা ভবতি; পঞ্চদশাহাত্ প্রভৃতি সম্পূর্ণপথ্যতৈব||৩৬-৩৭||
Adhikarana 14 (38) · Śloka 38
ক্রমেণাপচিতা দোষাঃ ক্রমেণোপচিতা গুণাঃ| সন্তো যান্ত্যপুনর্ভাবমপ্রকম্প্যা ভবন্তি চ||৩৮||
क्रमेणापचिता दोषाः क्रमेणोपचिता गुणाः| सन्तो यान्त्यपुनर्भावमप्रकम्प्या भवन्ति च||३८||
🔊 Audio coming soon
এবং কৃতে কিং স্যাদিত্যাহ- ক্রমেণেত্যাদি| ক্রমেণেতি ক্রমেণৈব| দোষা ইতি দোষজনকান্যভ্যস্তান্যপথ্যানি| গুণা ইতি গুণজনকানি পথ্যানি| অপুনর্ভাবং যান্তি দোষা ইতি সম্বন্ধঃ| অক্রমেণ তু সহসাঽপথ্যত্যাগে দোষা ভবন্ত্যেব| যদুক্তম্- “অসাত্ম্যজা হি রোগাঃ স্যুঃ সহসা ত্যাগশীলনাত্” (বা.সূ.অ.৩) ইতি| অপ্রকম্প্যা অপ্রচাল্যা ভবন্তি গুণা ইতি সম্বন্ধঃ| পথ্যমপি হ্যনভ্যস্তং সহসোপযুজ্যমানমরুচ্যগ্নিবধাদীঞ্জনযতি||৩৮||
Adhikarana 15 (39-40) · Śloka 40
সমপিত্তানিলকফাঃ কেচিদ্গর্ভাদি মানবাঃ| দৃশ্যন্তে বাতলাঃ কেচিত্পিত্তলাঃ শ্লেষ্মলাস্তথা||৩৯|| তেষামনাতুরাঃ পূর্বে বাতলাদ্যাঃ সদাতুরাঃ| দোষানুশযিতা হ্যেষাং দেহপ্রকৃতিরুচ্যতে||৪০||
समपित्तानिलकफाः केचिद्गर्भादि मानवाः| दृश्यन्ते वातलाः केचित्पित्तलाः श्लेष्मलास्तथा||३९|| तेषामनातुराः पूर्वे वातलाद्याः सदातुराः| दोषानुशयिता ह्येषां देहप्रकृतिरुच्यते||४०||
🔊 Audio coming soon
ইহ স্বস্থহিতং সামান্যেনৈব রক্তশাল্যাদি প্রতিপাদিতং, স্বস্থশ্চ প্রকৃতিভেদেন নানাপ্রকারঃ, অতস্তেষাং হিতমপি নানাপ্রকারমেব, তেন তত্প্রতিপাদনার্থং প্রকৃতিভেদমেব তাবদাহ- সমপিত্তানিলেত্যাদি| সমা অবৈকারিকমানাবস্থিতাঃ পিত্তানিলকফা যস্য স তথা| গর্ভাদি গর্ভাধানাদি, শুক্রশোণিতজীবসম্মূর্চ্ছনাদীতি যাবত্ | বাতলা বাতপ্রধানাঃ, এবং পিত্তলাঃ শ্লেষ্মলাশ্চ| সর্বত্র গর্ভাদীতি যোজ্যম্| অত্র পিত্তগ্রহণমাদৌ ছন্দোঽনুরোধাত্, যদি বা পিত্তসমানস্য বহ্নের্গৌরবপ্রদর্শনার্থং; যদি বা প্রকৃত্যারম্ভে বাতস্যাপ্রাধান্যখ্যাপনার্থং, বাতপ্রকৃতির্হি সর্বত্র প্রত্যবরো ভবতি| ইহ চ প্রত্যেকদোষপ্রকৃতিগ্রহণেনৈব দ্বন্দ্বপ্রকৃতিরপি গ্রাহ্যঃ, সংযোগস্য সংযোগিনামান্তরীযকত্বাত্, নিদান ইব বাতাদিজ্বরাভিধানেন দ্বন্দ্বজজ্বরাভিধানং, তেন রোগভিষগ্জিতীযোক্তা দ্বন্দ্বজা অপি তিস্রঃ প্রকৃতযো গৃহীতা ভবন্তি; অন্যে তু দ্বিতীযকেচিদ্গ্রহণাদ্গ্রন্থাধিক্যেন তদ্গ্রহণং বর্ণযন্তি| তেষামিতি সমবাতপিত্তশ্লেষ্মপ্রকৃত্যাদীনাং চ মধ্যে| পূর্বে ইতি সমপ্রকৃতযঃ| সদাতুরা ইতি স্বস্থব্যবহারভাজোঽপি স্ফুটিতাঙ্গত্ববিষমাগ্নিত্বাদিযুক্তা যস্মাদিত্যর্থঃ| স্বস্থা অপ্যেতে কস্মাদ্রোগিণ ইত্যাহ- দোষানুশযিতেত্যাদি| দোষানুশযিতা উল্বণবাতাদিভাবিতাঽব্যভিচারিণীতি যাবত্| দেহপ্রকৃতিঃ দেহস্বাস্থ্যমিতি যাবত্| এতেনৈতেষাং বাতলাদীনাং মুখ্যং স্বাস্থ্যং নাস্তি, কিং তর্হি উপচারস্বস্থা এত ইতি দর্শযতি| ননু, গর্ভাদীত্যনেন শুক্রশোণিতজীবানাং সংসর্গে যথাভূতা বাতাদযঃ সমা বিকৃতা বা তথাভূতৈব প্রকৃতির্ভবতি, সা চ প্রকৃতির্যাবজ্জীবমনুবর্ততে রিষ্টং বিনা, যদুক্তং সুশ্রুতে- “প্রকোপো বাঽন্যভাবো বা ক্ষযো বা নোপজাযতে| প্রকৃতীনাং স্বভাবেন, জাযতে তু গতাযুষি” (সু.শা. অ. ৪) ইতি; তত্র যদা সমপ্রকৃতের্বাতপ্রকৃতের্বাঽঽক্ষেপকাদির্বাতবিকারো ভবতি, তদা বাতস্য প্রকৃতিভূতস্যাধিক্যং ভবত্যেব; যদা চ বাতপ্রকৃতেঃ পিত্তবিকারো ভবতি, তদা বাতপ্রকৃতেরন্যথাভাবঃ পিত্তপ্রকৃতিত্বং ভবতি; যদা তু সমপ্রকৃতেরন্যতরদোষক্ষযো ভবতি প্রাকৃতস্বকর্মহানিলক্ষণস্তদাঽসৌ প্রকৃতিক্ষযো ভবতি; যদুক্তং দোষক্ষযলক্ষণে- “কর্মণঃ প্রাকৃতাদ্ধানির্বৃদ্ধির্বাঽপি বিরোধিনাম্” (সূ. অ.১৮) ইতি| অত্রোচ্যতে- প্রকৃতিসমানরোগোত্পত্তৌ ন প্রকৃতিভূতস্য বৃদ্ধিঃ, কিং তর্হি হেত্বন্তরজনিতস্য বাতাদেস্তত্র বিকারকারিত্বং , প্রকৃতিভূতস্তু দোষস্তত্রোপদর্শকো ভবতি, যদুক্তং- “কালদূষ্যপ্রকৃতিভির্দোষস্তুল্যো হি সন্ততম্| নিষ্প্রত্যনীকঃ কুরুতে তস্মাজ্জ্ঞেযঃ সুদুঃসহঃ” (চি. অ.৩) ইতি; বাতপ্রকৃতেস্তু পিত্তবিকারোত্পত্তৌ বাতঃ প্রকৃতিভূতস্তথৈব করচরণস্ফুটনাদিকং কুর্বন্নাস্তে, ন তস্যাগন্তুনা পিত্তবিকারেণ কিঞ্চিত্ ক্রিযতে; বাতাদীনাং তু স্বমানাত্ ক্ষযঃ প্রাকৃতকর্মহানিলক্ষণো ন শুক্রশোণিতসংসর্গকালজস্য প্রকৃতিভূতস্য দোষস্য বীজভূতস্য ক্ষযমাবহতীতি ন প্রকৃতিভূতদোষক্ষযঃ; যদি বা, প্রকৃতেঃ প্রকোপান্যথাভাবক্ষযা ন ভবন্তীতি প্রকৃতিত্বেনেতি ব্রূমঃ; তেন সমপ্রকৃতির্বাতপ্রকৃতির্ন ভবতি, বাতপ্রকৃতিঃ পিত্তপ্রকৃতির্ন ভবতি সমপ্রকৃতির্বা; বিকারাবস্থা তু হীনাধিকবাতত্বাদিলক্ষণা ভবতীত্যর্থঃ| নচ বাচ্যং- প্রকৃতিভূতানাং বাতাদীনাং দূষণাত্মকানাং কথং ন শরীরবাধকত্বং, সহজাতত্বেন তথাবিধবিনাশকবিকারাকর্তৃত্বাত্; যদুক্তং সুশ্রুতে- “বিষজাতো যথা কীটো বিষেণ ন বিপদ্যতে| তদ্বত্প্রকৃতিভির্দেহস্তজ্জাতত্বান্ন বাধ্যতে” (সু.শা. অ.৪) ইতি; ন বাধ্যতে নাতিবাধ্যত ইতি বোদ্ধব্যং, বাতাদিপ্রকৃতের্নিত্যবাতাদিবিকারগৃহীতত্বাত্| তদুক্তমিহ “বাতলাদ্যাঃ সদাতুরাঃ” ইতি| উক্তং চাশ্ববৈদ্যকে- “সর্বান্ প্রাণভৃতো হন্তি নূনং কাযগতং বিষম্| অস্মিংশ্চাপি সমুত্পন্না দৃশ্যন্তে কৃমযো যথা|| তথা চ বিষমো দোষঃ প্রকৃতিং নাতিবাধতে” ইতি| নচ বাতাদযো বৃদ্ধাঃ শুক্রশোণিতসংসর্গে যথা দুষ্টত্বাদ্বাতবিকারবন্তং গর্ভং কুর্বন্তি তথা গর্ভজনকত্বমেব শুক্রশোণিতযোঃ কস্মান্ন নিঘ্নন্তীতি বাচ্যং, বাতাদিপ্রকোপাণামেব হীনমধ্যোত্তমানাং নানাশক্তিত্বাত্; প্রবলা বাতাদযো বিনাশযন্তি, হীনাস্তু বিকৃতিমাত্রং জনযন্তি||৩৯-৪০||
Adhikarana 16 (41) · Śloka 41
বিপরীতগুণস্তেষাং স্বস্থবৃত্তের্বিধির্হিতঃ| সমসর্বরসং সাত্ম্যং সমধাতোঃ প্রশস্যতে||৪১||
विपरीतगुणस्तेषां स्वस्थवृत्तेर्विधिर्हितः| समसर्वरसं सात्म्यं समधातोः प्रशस्यते||४१||
🔊 Audio coming soon
তেষামিতি সদাতুরাণাং বাতলাদীনাম্| বিপরীতগুণো বাতাদিগতরৌক্ষ্যাদিবিপরীতস্নেহাদিগুণ ইত্যর্থঃ| সমাঃ সর্বে রসা যত্র তত্তথা; সমত্বং চেহানুরূপত্বমভিপ্রেতং, নতু তুল্যমানত্বং; ন হি স্বস্থভোজনে যাবান্মধুর উপযুজ্যতে, তাবন্মানাঃ কট্বাদযোঽপীতি; যদি বা সমশব্দোঽবিরুদ্ধবচনঃ, তেনোপোদিকামত্স্যাদিপ্রতিপাদনীযবিরুদ্ধরসবর্জিতং সর্বরসমিত্যর্থঃ| এবং চ প্রকৃত্যপেক্ষঃ সমধাতুং প্রতি সর্বরসোপযোগঃ ঋতুবিহিতেন তস্মাত্তুষারসমযে স্নিগ্ধাম্ললবণান্ রসান্ (সূ. অ.৬) ইত্যাদিনা বিশেষবিধানেন যুক্তঃ সন্ সর্বরসমেবাম্ললবণরসোত্কটং ভোজনং হেমন্তে ফলতি; বাতপ্রকৃতেস্তু কটুতিক্তকষাযবর্জিতং প্রভূতমধুরাম্ললবণভোজনং হেমন্তে ভবতি; এবমন্যত্রাপি দেহপ্রকৃত্যৃতুস্বভাবপর্যালোচনযাঽনুগুণং তর্কণীযম্| যদুক্তং বাগ্ভটেন- “নিত্যং সর্বরসাভ্যাসঃ স্বস্বাধিক্যমৃতাবৃতৌ” (বা.সূ.অ.৩) ইতি||৪১||
Adhikarana 17 (42-43) · Śloka 43
দ্বে অধঃ সপ্ত শিরসি খানি স্বেদমুখানি চ| মলাযনানি বাধ্যন্তে দুষ্টৈর্মাত্রাধিকৈর্মলৈঃ||৪২|| মলবৃদ্ধিং গুরুতযা লাঘবান্মলসঙ্ক্ষযম্| মলাযনানাং বুধ্যেত সঙ্গোত্সর্গাদতীব চ||৪৩||
द्वे अधः सप्त शिरसि खानि स्वेदमुखानि च| मलायनानि बाध्यन्ते दुष्टैर्मात्राधिकैर्मलैः||४२|| मलवृद्धिं गुरुतया लाघवान्मलसङ्क्षयम्| मलायनानां बुध्येत सङ्गोत्सर्गादतीव च||४३||
🔊 Audio coming soon
স্বাস্থ্যোত্পত্তিকারণমভিধায স্বাস্থ্যপ্রতিবন্ধকদোষসঞ্চযনির্হরণমভিধাতুং দোষসঞ্চযস্য লক্ষণান্যেব তাবদ্বক্তুমাহ- দ্বে অধ ইত্যাদি| দ্বে গুদলিঙ্গে| খানি ছিদ্রাণি | সপ্ত শিরসীতি দ্বে শ্রোত্রে, দ্বৌ নাসাপুটৌ, দ্বে অক্ষিণী, মুখং চ; স্বেদমুখানীতি লোমকূপানি; এতানি সর্বাণি মলস্যাযনানি| দুষ্টৈরিতি গোবলীবর্দন্যাযেন ক্ষীণৈঃ, মাত্রাধিকৈরিতি বৃদ্ধৈঃ; যেনোত্তরত্র ক্ষযবৃদ্ধ্যোরপি লক্ষণং বদতি| মলবৃদ্ধিং গুরুতযা মলাযনগুরুতযেত্যর্থঃ, লাঘবান্মলাযনানাং সঙ্ক্ষযং মলস্য স্বমানাদপি ক্ষযমিত্যর্থঃ; যদি বা দুষ্টৈরিতি মাত্রাধিকৈরিত্যস্য বিশেষণম্, এবং সতি লাঘবান্মলসঙ্ক্ষযমিতি প্রকৃতিস্থাল্লাঘবান্মলক্ষযমিত্যধিকস্য মলস্য ক্ষযং প্রকৃতিস্থত্বমিত্যর্থো ব্যাখ্যেযঃ| সঙ্গোত্সর্গাদতীব চেতি অতীবসঙ্গাদপ্রবৃত্তের্মলক্ষযম্, অতীবোত্সর্গান্মলবৃদ্ধিং জানীযাদিত্যর্থঃ||৪২-৪৩||
Adhikarana 18 (44) · Śloka 44
তান্ দোষলিঙ্গৈরাদিশ্য ব্যাধীন্ সাধ্যানুপাচরেত্| ব্যাধিহেতুপ্রতিদ্বন্দ্বৈর্মাত্রাকালৌ বিচারযন্||৪৪||
तान् दोषलिङ्गैरादिश्य व्याधीन् साध्यानुपाचरेत्| व्याधिहेतुप्रतिद्वन्द्वैर्मात्राकालौ विचारयन्||४४||
🔊 Audio coming soon
তানিতি মলবৃদ্ধিক্ষযাত্মকান্ মলবৃদ্ধিক্ষযজনিতানিতি যাবত্, দোষাণাং বাতাদীনাং, লিঙ্গৈঃ ক্ষযবৃদ্ধিসম্বন্ধৈঃ, আদিশ্য বুদ্ধ্বা, যে সাধ্যাস্তানুপাচরেত্| ব্যাধিপ্রতিদ্বন্দ্বৈঃ ব্যাধিপ্রত্যনীকৈঃ, হেতুপ্রতিদ্বন্দ্বৈঃ হেতুপ্রত্যনীকৈঃ; প্রতিদ্বন্দ্বশব্দেন চ বিপরীতার্থকারিণামপি গ্রহণম্| মাত্রাকালগ্রহণং চ প্রাধান্যাত্; তেন, দোষভেষজাদীনামপি গ্রহণং বোদ্ধব্যং; যদি বা কালগ্রহণ এব দোষাদীনামবরোধো ব্যাখ্যেযঃ||৪৪||
Adhikarana 19 (45-50) · Śloka 50
বিষমস্বস্থবৃত্তানামেতে রোগাস্তথাঽপরে| জাযন্তেঽনাতুরস্তস্মাত্ স্বস্থবৃত্তপরো ভবেত্||৪৫|| মাধবপ্রথমে মাসি নভস্যপ্রথমে পুনঃ| সহস্যপ্রথমে চৈব হারযেদ্দোষসঞ্চযম্||৪৬|| স্নিগ্ধস্বিন্নশরীরাণামূর্ধ্বং চাধশ্চ নিত্যশঃ| বস্তিকর্ম ততঃ কুর্যান্নস্যকর্ম চ বুদ্ধিমান্||৪৭|| যথাক্রমং যথাযোগ্যমত ঊর্ধ্বং প্রযোজযেত্| রসাযনানি সিদ্ধানি বৃষ্যযোগাংশ্চ কালবিত্||৪৮|| রোগাস্তথা ন জাযন্তে প্রকৃতিস্থেষু ধাতুষু| ধাতবশ্চাভিবর্ধন্তে জরা মান্দ্যমুপৈতি চ||৪৯|| বিধিরেষ বিকারাণামনুত্পত্তৌ নিদর্শিতঃ| নিজানামিতরেষাং তু পৃথগেবোপদেক্ষ্যতে||৫০||
विषमस्वस्थवृत्तानामेते रोगास्तथाऽपरे| जायन्तेऽनातुरस्तस्मात् स्वस्थवृत्तपरो भवेत्||४५|| माधवप्रथमे मासि नभस्यप्रथमे पुनः| सहस्यप्रथमे चैव हारयेद्दोषसञ्चयम्||४६|| स्निग्धस्विन्नशरीराणामूर्ध्वं चाधश्च नित्यशः| बस्तिकर्म ततः कुर्यान्नस्यकर्म च बुद्धिमान्||४७|| यथाक्रमं यथायोग्यमत ऊर्ध्वं प्रयोजयेत्| रसायनानि सिद्धानि वृष्ययोगांश्च कालवित्||४८|| रोगास्तथा न जायन्ते प्रकृतिस्थेषु धातुषु| धातवश्चाभिवर्धन्ते जरा मान्द्यमुपैति च||४९|| विधिरेष विकाराणामनुत्पत्तौ निदर्शितः| निजानामितरेषां तु पृथगेवोपदेक्ष्यते||५०||
🔊 Audio coming soon
বিষমেত্যাদি| অনাতুরশব্দেনাতুর্যাত্ প্রাগেবানাগতাবাধেন স্বস্থপরেণ ভবিতব্যমিতি শিক্ষযতি| মাধবো বৈশাখস্তস্য প্রথমশ্চৈত্রঃ, এবং নভস্যস্য ভাদ্রস্য প্রথমঃ শ্রাবণঃ, তথা সহস্যস্য পৌষস্য প্রথমো মার্গশীর্ষঃ; এতে চ মাসাশ্চৈত্রশ্রাবণমার্গশীর্ষা রোগভিষগ্জিতীযে বিমানে (বি.অ.৮) শোধনার্থং বক্ষ্যমাণপ্রাবৃডাদ্যৃতুক্রমেণ বসন্তপ্রাবৃট্শরদন্তর্গতা ভবন্তি| দৃঢবলসংস্কারেঽপি পঠ্যতে- “প্রাবৃট্ শুক্রনভৌ জ্ঞেযৌ শরদূর্জসহৌ পুনঃ| তপস্যশ্চ মধুশ্চৈব বসন্তঃ শোধনং প্রতি” (সি.অ.৬) ইতি, সুশ্রুতেঽপি ঋতুচর্যাধ্যাযে দোষোপচযপ্রকোপোপশমননিমিত্তমীদৃশ এব ঋতুক্রমঃ পঠিতঃ| তেন, শোধনমভিধীযমানং শোধনার্থোক্তর্তুক্রমেণৈব ব্যাখ্যেযম্| বসন্তাদীনামন্তমাসেষু তু বমনাদ্যভিধানং সম্পূর্ণপ্রকোপে ভূতে নির্হরণোপদেশার্থং; প্রথমেষু হি মাসেষু ফাল্গুনাষাঢকার্তিকেষু প্রকোপঃ প্রকর্ষপ্রাপ্তো ন ভবতি, চিতস্য হ্যসম্যক্প্রকুপিতস্যাবিলীনস্য সম্যঙ্নির্হরণং ন ভবতীতি| অত এব কপিলবলেঽপি পঠ্যতে- “মধৌ সহে নভসি চ মাসি দোষান্ প্রবাহযেত্| বমনৈশ্চ বিরেকৈশ্চ নিরূহৈঃ সানুবাসনৈঃ” ইতি| হরিচন্দ্রেণ তু, সহশব্দোঽযমকারান্তো মার্গশীর্ষবচনস্তস্য সহস্য প্রথমে কার্তিকে ইতি ব্যাখ্যাতম্| তন্মতানুসারিণা বাগ্ভটেন চোক্তং- “শ্রাবণে কার্তিকে চৈত্রে মাসি সাধারণে ক্রমাত্| গ্রীষ্মবর্ষাহিমচিতান্ বায্বাদীনাশু নির্হরেত্” (বা.সূ.অ.৩) ইতি| “কার্তিকে শ্রাবণে চৈত্রে মাসি সাধারণে ক্রমাত্| বর্ষাদিসঞ্চিতান্ দোষান্ ত্রিমাসান্তরিতান্ হরেত্”- ইত্যস্য তু শ্লোকস্য কেনাপি পঠিতস্যাবিরুদ্ধান্বেষণে বুদ্ধিমতাং ন ব্যাপারঃ| ঊর্ধ্বং চেতি বমনেন, অধ ইতি বিরেকেণ, বস্তিকর্মশব্দেনাস্থাপনানুবাসনে; এতচ্চ সর্বং বমনাদি যথাযোগ্যতযা, ন যথাসঙ্খ্যেন; তেন বমনং মধৌ প্রধানং, সহস্যপ্রথমে বিরেকঃ, নভস্যপ্রথমে বস্তিরিতি ভবতি| যথাক্রমং যথানুপূর্বং, যথাযোগ্যং যদ্যস্য যুজ্যতে; এতচ্চ পূর্বেণ বমনাদিনা, উত্তরেণ চ রসাযনাদি প্রযোজযেদিত্যনেন যোজ্যম্| সিদ্ধানীতি দৃষ্টফলানি| রোগাস্তথা ন জাযন্ত ইতি বমনাদীনাচরতঃ; ধাতবশ্চাভিবর্ধন্ত ইতি রসাযনবৃষ্যযোগানুপযোজযত ইতি যোজনীযম্| নিজানামিতি ছেদঃ| ইতরেষামিত্যাগন্তূনাম্| আগন্তবশ্চেহ ভূতবিষবাতাদিজন্যাস্তথা মানসাশ্চাভিপ্রেতাঃ; যেনৈতদ্দ্বিতযমপ্যভিধাযাঽঽগন্তূনামনুত্পত্তাবিত্যাদ্যুপসংহারমাগন্তুকত্বেনৈব করিষ্যতি||৪৫-৫০||
Adhikarana 20 (51-52) · Śloka 52
যে ভূতবিষবায্বগ্নিসম্প্রহারাদিসম্ভবাঃ| নৃণামাগন্তবো রোগাঃ প্রজ্ঞা তেষ্বপরাধ্যতি||৫১|| ঈর্ষ্যাশোকভযক্রোধমানদ্বেষাদযশ্চ যে| মনোবিকারাস্তেঽপ্যুক্তাঃ সর্বে প্রজ্ঞাপরাধজাঃ||৫২||
ये भूतविषवाय्वग्निसम्प्रहारादिसम्भवाः| नृणामागन्तवो रोगाः प्रज्ञा तेष्वपराध्यति||५१|| ईर्ष्याशोकभयक्रोधमानद्वेषादयश्च ये| मनोविकारास्तेऽप्युक्ताः सर्वे प्रज्ञापराधजाः||५२||
🔊 Audio coming soon
যে ভূতেত্যাদি| ভূতাঃ পিশাচাদযঃ, আদিগ্রহণাত্ পাতবন্ধনাদীনাং গ্রহণম্| প্রজ্ঞা বুদ্ধিস্তদপরাধোঽজ্ঞানদুর্জ্ঞানে, এতন্মূলাশ্চৈতে ভূতাভিষঙ্গাদয ঈর্ষ্যাদযশ্চ| যদ্যপি চ নিজা অপি প্রজ্ঞাপরাধমূলা এব; যদুক্তং- “প্রজ্ঞাপরাধাদ্ধ্যহিতানর্থান্ পঞ্চ নিষেবতে” (সূ.অ.২৮) ইতি, তথাঽপি তে প্রাধান্যাত্ প্রজ্ঞাপরাধজনিতবাহ্যবাতাদিরূক্ষভোজনাদিজন্যত্বেন তথাঽন্তরা বাতাদিজন্যত্বেন পৃথক্ত্বেনোচ্যন্তে ||৫১-৫২||
Adhikarana 21 (53-54) · Śloka 54
ত্যাগঃ প্রজ্ঞাপরাধানামিন্দ্রিযোপশমঃ স্মৃতিঃ| দেশকালাত্মবিজ্ঞানং সদ্বৃত্তস্যানুবর্তনম্||৫৩|| আগন্তূনামনুত্পত্তাবেষ মার্গো নিদর্শিতঃ| প্রাজ্ঞঃ প্রাগেব তত্ কুর্যাদ্ধিতং বিদ্যাদ্যদাত্মনঃ||৫৪||
त्यागः प्रज्ञापराधानामिन्द्रियोपशमः स्मृतिः| देशकालात्मविज्ञानं सद्वृत्तस्यानुवर्तनम्||५३|| आगन्तूनामनुत्पत्तावेष मार्गो निदर्शितः| प्राज्ञः प्रागेव तत् कुर्याद्धितं विद्याद्यदात्मनः||५४||
🔊 Audio coming soon
আগন্তুমানসপরিহারে হেতুমাহ- ত্যাগ ইত্যাদি| ইন্দ্রিযোপশমঃ ইন্দ্রিযাণাং স্ববিষযেঽলম্পটত্বং, স্মৃতিঃ পুত্রাদীনাং বিনশ্বরত্বস্বভাবাদ্যনুস্মরণং; যদুক্তম্- “স্মৃত্বা স্বভাবং ভাবানাং স্মরন্ দুঃখাদ্বিমুচ্যতে” (শা.অ.১); এতচ্চ দ্বযং মানসরোগপ্রতিঘাতকম্| দেশজ্ঞানাচ্ছূন্যগৃহাটব্যুপসর্গগৃহীতদেশবর্জনাদি ভবতি, কালজ্ঞানাত্ পৌর্ণমাস্যাদিবক্ষ্যমাণভূতাদ্যভিঘাতকালাদিবর্জনম্ , আত্মজ্ঞানাত্ স্বশক্তিপর্যালোচনযা প্রচরতো বলবদগ্নিঘাতাদিপরিবর্জনাদি ব্যাখ্যেযম্| সদ্বৃত্তমিন্দ্রিযোপক্রমণীযে বক্ষ্যমাণম্| প্রাগেবেতি অনুত্পন্নেষ্বেব রোগেষু||৫৩-৫৪||
Adhikarana 22 (55) · Śloka 55
আপ্তোপদেশপ্রজ্ঞানং প্রতিপত্তিশ্চ কারণম্| বিকারাণামনুত্পত্তাবুত্পন্নানাং চ শান্তযে||৫৫||
आप्तोपदेशप्रज्ञानं प्रतिपत्तिश्च कारणम्| विकाराणामनुत्पत्तावुत्पन्नानां च शान्तये||५५||
🔊 Audio coming soon
অথ কিং হিতমিত্যাহ- আপ্তোপদেশ ইত্যাদি| আপ্তা জ্ঞানবন্তো রাগদ্বেষরহিতাঃ পুরুষাঃ, যদ্বক্ষ্যতি- “রজস্তমোভ্যাং নির্মুক্তাঃ” (সূ.অ.১১) ইত্যাদি; প্রতিপত্তিরুপদিষ্টার্থস্য সম্যগববোধঃ; এতদ্দ্বযং কারণং বিকারাণামনুত্পত্তৌ হেতুবর্জনেন, উত্পন্নানাং চ শান্তযে কারণং তচ্চিকিত্সানুষ্ঠানেনেত্যর্থঃ||৫৫||
Adhikarana 23 (56-59) · Śloka 59
পাপবৃত্তবচঃসত্ত্বাঃ সূচকাঃ কলহপ্রিযাঃ| মর্মোপহাসিনো লুব্ধাঃ পরবৃদ্ধিদ্বিষঃ শঠাঃ||৫৬|| পরাপবাদরতযশ্চপলা রিপুসেবিনঃ| নির্ঘৃণাস্ত্যক্তধর্মাণঃ পরিবর্জ্যা নরাধমাঃ||৫৭|| বুদ্ধিবিদ্যাবযঃশীলধৈর্যস্মৃতিসমাধিভিঃ| বৃদ্ধোপসেবিনো বৃদ্ধাঃ স্বভাবজ্ঞা গতব্যথাঃ||৫৮|| সুমুখাঃ সর্বভূতানাং প্রশান্তাঃ শংসিতব্রতাঃ| সেব্যাঃ সন্মার্গবক্তারঃ পুণ্যশ্রবণদর্শনাঃ||৫৯||
पापवृत्तवचःसत्त्वाः सूचकाः कलहप्रियाः| मर्मोपहासिनो लुब्धाः परवृद्धिद्विषः शठाः||५६|| परापवादरतयश्चपला रिपुसेविनः| निर्घृणास्त्यक्तधर्माणः परिवर्ज्या नराधमाः||५७|| बुद्धिविद्यावयःशीलधैर्यस्मृतिसमाधिभिः| वृद्धोपसेविनो वृद्धाः स्वभावज्ञा गतव्यथाः||५८|| सुमुखाः सर्वभूतानां प्रशान्ताः शंसितव्रताः| सेव्याः सन्मार्गवक्तारः पुण्यश्रवणदर्शनाः||५९||
🔊 Audio coming soon
আপ্তোপদেশগ্রহণার্থমনাপ্তান্ বর্জ্যান্ পাপবৃত্তেত্যাদিনা, সেব্যাংশ্চাপ্তান্ বুদ্ধীত্যাদিনা দর্শযতি| বৃত্তং চেষ্টিতং শরীরব্যাপারঃ, সত্ত্বং মনঃ; এষাং পাপত্বং পাপহেতুত্বাত্| শঠাঃ ক্রূরাঃ| নির্ঘৃণা নিষ্কৃপাঃ| বুদ্ধ্যাদিভির্বৃদ্ধাঃ প্রভূতপ্রশস্তবুদ্ধ্যাদিযুক্তা ইত্যর্থঃ| গতব্যথা গতশোকাদয ইত্যর্থঃ| সুমুখাঃ প্রসন্নমুখাঃ| শংসিতব্রতাঃ কথিতব্রতাঃ ||৫৬-৫৯||
Adhikarana 24 (60) · Śloka 60
আহারাচারচেষ্টাসু সুখার্থী প্রেত্য চেহ চ| পরং প্রযত্নমাতিষ্ঠেদ্বুদ্ধিমান্ হিতসেবনে||৬০||
आहाराचारचेष्टासु सुखार्थी प्रेत्य चेह च| परं प्रयत्नमातिष्ठेद्बुद्धिमान् हितसेवने||६०||
🔊 Audio coming soon
আহারাচারচেষ্টাস্বিতি নির্ধারণে সপ্তমী, তেনাহারাচারচেষ্টানাং মধ্যে যদ্ধিতং তস্য সেবনে প্রযত্নমাতিষ্ঠেদিতি ফলতি; আচারঃ শাস্ত্রবিহিতমনুষ্ঠানম্||৬০||
Adhikarana 25 (61-62) · Śloka 62
ন নক্তং দধি ভুঞ্জীত ন চাপ্যঘৃতশর্করম্| নামুদ্গযূষং নাক্ষৌদ্রং নোষ্ণং নামলকৈর্বিনা ||৬১|| জ্বরাসৃক্পিত্তবীসর্পকুষ্ঠপাণ্ড্বামযভ্রমান্| প্রাপ্নুযাত্কামলাং চোগ্রাং বিধিং হিত্বা দধিপ্রিযঃ||৬২||
न नक्तं दधि भुञ्जीत न चाप्यघृतशर्करम्| नामुद्गयूषं नाक्षौद्रं नोष्णं नामलकैर्विना ||६१|| ज्वरासृक्पित्तवीसर्पकुष्ठपाण्ड्वामयभ्रमान्| प्राप्नुयात्कामलां चोग्रां विधिं हित्वा दधिप्रियः||६२||
🔊 Audio coming soon
দধ্নোঽনেকপ্রকারনিষিদ্ধত্বাদ্দিঙ্মাত্রোদাহরণার্থং দধিভোজনবিধিমাহ- ন নক্তমিত্যাদি| অত্র ন নক্তমিত্যত্র নোষ্ণমিত্যত্র চ নকারঃ ক্রিযযা সম্বধ্যতে, তেন নিশি উষ্ণং দধি সর্বথৈব ন সেব্যম্| অঘৃতশর্করমিত্যাদৌ চ নিষেধো নঞা সম্বধ্যতে, তেনোভযপ্রতিষেধাত্ সশর্করং ভুঞ্জীতেত্যাদি বাক্যার্থো ভবতি| তেন ঘৃতাদীনাং মধ্যেঽন্যতমসম্বন্ধেনাপি দধ্যুপযোজ্যং ভবতি| ন নক্তমিত্যাদিবদিহাপি নকারস্য ক্রিযাসম্বন্ধে মুদ্গসূপসহিতস্যাপ্যঘৃতশর্করত্বমস্ত্যেব দধ্ন ইত্যনুপাদেযত্বং স্যাত্| জতূকর্ণে- নাপি ঘৃতাদীনাং মিলিতানামযোগাদ্দধ্যসেব্যমুক্তম্| যদুক্তং- “নাশ্নীযাদ্দধি নক্তমুষ্ণং বা ন ঘৃতমধুশর্করামুদ্গামলকৈর্বিনা বা” ইতি||৬১-৬২||
Adhikarana 26 (63-66) · Śloka 66
তত্র শ্লোকাঃ- বেগা বেগসমুত্থাশ্চ রোগাস্তেষাং চ ভেষজম্| যেষাং বেগা বিধার্যাশ্চ যদর্থং যদ্ধিতাহিতম্||৬৩|| উচিতে চাহিতে বর্জ্যে সেব্যে চানুচিতে ক্রমঃ| যথাপ্রকৃতি চাহারো মলাযনগদৌষধম্||৬৪|| ভবিষ্যতামনুত্পত্তৌ রোগাণামৌষধং চ যত্| বর্জ্যাঃ সেব্যাশ্চ পুরুষা ধীমতাঽঽত্মসুখার্থিনা||৬৫|| বিধিনা দধি সেব্যং চ যেন যস্মাত্তদত্রিজঃ| নবেগান্ধারণেঽধ্যাযে সর্বমেবাবদন্মুনিঃ||৬৬||
तत्र श्लोकाः- वेगा वेगसमुत्थाश्च रोगास्तेषां च भेषजम्| येषां वेगा विधार्याश्च यदर्थं यद्धिताहितम्||६३|| उचिते चाहिते वर्ज्ये सेव्ये चानुचिते क्रमः| यथाप्रकृति चाहारो मलायनगदौषधम्||६४|| भविष्यतामनुत्पत्तौ रोगाणामौषधं च यत्| वर्ज्याः सेव्याश्च पुरुषा धीमताऽऽत्मसुखार्थिना||६५|| विधिना दधि सेव्यं च येन यस्मात्तदत्रिजः| नवेगान्धारणेऽध्याये सर्वमेवावदन्मुनिः||६६||
🔊 Audio coming soon
অধ্যাযার্থসঙ্গ্রহে হিতাহিতমিতি সেব্যাসেব্যং ব্যাযামহাস্যাদি| ভবিষ্যতামনুত্পত্তৌ ভেষজমিতি মাধবপ্রথমে মাসীত্যাদিনোত্পন্নানাং চ শান্তয ইত্যন্তেন||৬৩-৬৬||
Adhikarana puShpikA · Śloka 7
ইত্যগ্নিবেশকৃতে তন্ত্রে চরকপ্রতিসংস্কৃতে শ্লোকস্থানে নবেগান্ধারণীযো নাম সপ্তমোঽধ্যাযঃ||৭||
इत्यग्निवेशकृते तन्त्रे चरकप्रतिसंस्कृते श्लोकस्थाने नवेगान्धारणीयो नाम सप्तमोऽध्यायः||७||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযুর্বেদদীপিকাখ্যাযাং দ্বিতীযে স্বস্থচতুষ্কে নবেগান্ধারণীযো নাম সপ্তমোঽধ্যাযঃ||৭||