Adhikarana 1 (1-2) · Śloka 2
অথাতো বিধিশোণিতীযমধ্যাযং ব্যাখ্যাস্যামঃ ||১|| ইতি হ স্মাহ ভগবানাত্রেযঃ||২||
अथातो विधिशोणितीयमध्यायं व्याख्यास्यामः ||१|| इति ह स्माह भगवानात्रेयः||२||
🔊 Audio coming soon
সম্প্রতি বাতাদিবদ্বহুবিকারকর্তৃত্বেন শোণিতস্য শোণিতবিকারাণাং পূর্বোক্তানেবোপক্রমান্ লঙ্ঘনবৃংহণাদীন্ বিশেষেণ দর্শযিতুং বিধিশোণিতীযোঽভিধীযতে| ইযমপ্যর্থপরা সঞ্জ্ঞা ||১-২||
Adhikarana 2 (3) · Śloka 3
বিধিনা শোণিতং জাতং শুদ্ধং ভবতি দেহিনাম্| দেশকালৌকসাত্ম্যানাং বিধির্যঃ সম্প্রকাশিতঃ||৩||
विधिना शोणितं जातं शुद्धं भवति देहिनाम्| देशकालौकसात्म्यानां विधिर्यः सम्प्रकाशितः||३||
🔊 Audio coming soon
বিধিনেতি সম্যগাহারাচারবিধিনা| শুদ্ধং ভবতীত্যত্র ভবতি বিদ্যত ইত্যর্থঃ, উত্পাদস্য জাতশব্দেনৈবোক্তত্বাত্| কেন বিধিনেত্যাহ- দেশেত্যাদি| সাত্ম্যশব্দস্য দেশাদিভিঃ প্রত্যেকমন্বযঃ| ওকসাত্ম্যম্ অভ্যাসসাত্ম্যম্| সম্প্রকাশিত ইতি তস্যাশিতীযে (সূ.অ.৬), সম্প্রকাশিত ইত্যত্র ‘তেন’ ইতি শেষঃ; অতো যঃ সম্প্রকাশিতো বিধিস্তেন বিধিনেতি সম্বন্ধঃ| অন্যে ব্যাখ্যানযন্তি- শোণিতং জাতং তাবদ্ভবতি, তচ্চ কারণান্তরদুষ্টং সদ্বিধিনা যথোক্তেন পুনঃ শুদ্ধং ভবতীতি যোজনীযম্||৩||
Adhikarana 3 (4) · Śloka 4
তদ্বিশুদ্ধং হি রুধিরং বলবর্ণসুখাযুষা| যুনক্তি প্রাণিনং প্রাণঃ শোণিতং হ্যনুবর্ততে||৪||
तद्विशुद्धं हि रुधिरं बलवर्णसुखायुषा| युनक्ति प्राणिनं प्राणः शोणितं ह्यनुवर्तते||४||
🔊 Audio coming soon
বিশুদ্ধং শোণিতং কিং করোতীত্যাহ- তদ্বিশুদ্ধমিত্যাদি| তেন বিধিনা বিশুদ্ধং তদ্বিশুদ্ধং; কিংবা তদিতি শোণিতম্| প্রাণঃ শোণিতং হ্যনুবর্তত ইতি শোণিতান্বযব্যতিরেকমনুবিধীযতে| যদুক্তং- “দশৈবাযতনান্যাহুঃ প্রাণা যেষু প্রতিষ্ঠিতাঃ| শঙ্খৌ মর্মত্রযং কণ্ঠো রক্তং শুক্রৌজসী গুদম্”- (সূ.অ.২৯) ইতি||৪||
Adhikarana 4 (5-10) · Śloka 10
প্রদুষ্টবহুতীক্ষ্ণোষ্ণৈর্মদ্যৈরন্যৈশ্চ তদ্বিধৈঃ| তথাঽতিলবণক্ষারৈরম্লৈঃ কটুভিরেব চ||৫|| কুলত্থমাষনিষ্পাবতিলতৈলনিষেবণৈঃ| পিণ্ডালুমূলকাদীনাং হরিতানাং চ সর্বশঃ||৬|| জলজানূপবৈলানাং প্রসহানাং চ সেবনাত্| দধ্যম্লমস্তুসুক্তানাং সুরাসৌবীরকস্য চ||৭|| বিরুদ্ধানামুপক্লিন্নপূতীনাং ভক্ষণেন চ| ভুক্ত্বা দিবা প্রস্বপতাং দ্রবস্নিগ্ধগুরূণি চ||৮|| অত্যাদানং তথা ক্রোধং ভজতাং চাতপানলৌ| ছর্দিবেগপ্রতীঘাতাত্ কালে চানবসেচনাত্||৯|| শ্রমাভিঘাতসন্তাপৈরজীর্ণাধ্যশনৈস্তথা| শরত্কালস্বভাবাচ্চ শোণিতং সম্প্রদুষ্যতি||১০||
प्रदुष्टबहुतीक्ष्णोष्णैर्मद्यैरन्यैश्च तद्विधैः| तथाऽतिलवणक्षारैरम्लैः कटुभिरेव च||५|| कुलत्थमाषनिष्पावतिलतैलनिषेवणैः| पिण्डालुमूलकादीनां हरितानां च सर्वशः||६|| जलजानूपबैलानां प्रसहानां च सेवनात्| दध्यम्लमस्तुसुक्तानां सुरासौवीरकस्य च||७|| विरुद्धानामुपक्लिन्नपूतीनां भक्षणेन च| भुक्त्वा दिवा प्रस्वपतां द्रवस्निग्धगुरूणि च||८|| अत्यादानं तथा क्रोधं भजतां चातपानलौ| छर्दिवेगप्रतीघातात् काले चानवसेचनात्||९|| श्रमाभिघातसन्तापैरजीर्णाध्यशनैस्तथा| शरत्कालस्वभावाच्च शोणितं सम्प्रदुष्यति||१०||
🔊 Audio coming soon
শুদ্ধিহেতুমভিধায দুষ্টিহেতুমাহ- প্রদুষ্টেত্যাদি| প্রদুষ্টং স্বপ্রকৃতিবিপরীতম্| অন্যৈশ্চ তদ্বিধৈরিতি প্রদুষ্টপানকাদিভিঃ; কিংবা ‘অন্নৈঃ’ ইতি পাঠঃ| তথাঽতিলবণক্ষারৈরিত্যাদি কেচিদ্ভেষজবিষযং বর্ণযন্তি, তদ্বিধৈরিতি বচনেনান্নপানস্যাতিলবণাদের্গৃহীতত্বাত্| নিষ্পাবঃ শ্বেতশিম্বিঃ| অত্যাদানং তৃপ্তিমতিক্রম্য ভোজনম্| কালে চেতি শোণিতদুষ্টিযুক্তে শরত্কালে| অজীর্ণেঽধ্যশনমজীর্ণাধ্যশনং; কিংবা অজীর্ণস্যাপক্বস্যাশনমজীর্ণাশনম্, অধ্যশনং তু পূর্বান্নশেষে যদ্ভুজ্যতে, যদাহ- “ভুক্তস্যোপরি যদ্ভুক্তং তদধ্যশনমুচ্যতে” (চি.অ.১৫)||৫-১০||
Adhikarana 5 (11-17) · Śloka 17
ততঃ শোণিতজা রোগাঃ প্রজাযন্তে পৃথগ্বিধাঃ| মুখপাকোঽক্ষিরাগশ্চ পূতিঘ্রাণাস্যগন্ধিতা||১১|| গুল্মোপকুশবীসর্পরক্তপিত্তপ্রমীলকাঃ| বিদ্রধী রক্তমেহশ্চ প্রদরো বাতশোণিতম্||১২|| বৈবর্ণ্যমগ্নিসাদশ্চ পিপাসা গুরুগাত্রতা| সন্তাপশ্চাতিদৌর্বল্যমরুচিঃ শিরসশ্চ রুক্||১৩|| বিদাহশ্চান্নপানস্য তিক্তাম্লোদ্গিরণং ক্লমঃ| ক্রোধপ্রচুরতা বুদ্ধেঃ সম্মোহো লবণাস্যতা||১৪|| স্বেদঃ শরীরদৌর্গন্ধ্যং মদঃ কম্পঃ স্বরক্ষযঃ| তন্দ্রানিদ্রাতিযোগশ্চ তমসশ্চাতিদর্শনম্||১৫|| কণ্ড্বরুঃকোঠপিডকাকুষ্ঠচর্মদলাদযঃ| বিকারাঃ সর্ব এবৈতে বিজ্ঞেযাঃ শোণিতাশ্রযাঃ||১৬|| শীতোষ্ণস্নিগ্ধরূক্ষাদ্যৈরুপক্রান্তাশ্চ যে গদাঃ| সম্যক্ সাধ্যা ন সিধ্যন্তি রক্তজাংস্তান্ বিভাবযেত্||১৭||
ततः शोणितजा रोगाः प्रजायन्ते पृथग्विधाः| मुखपाकोऽक्षिरागश्च पूतिघ्राणास्यगन्धिता||११|| गुल्मोपकुशवीसर्परक्तपित्तप्रमीलकाः| विद्रधी रक्तमेहश्च प्रदरो वातशोणितम्||१२|| वैवर्ण्यमग्निसादश्च पिपासा गुरुगात्रता| सन्तापश्चातिदौर्बल्यमरुचिः शिरसश्च रुक्||१३|| विदाहश्चान्नपानस्य तिक्ताम्लोद्गिरणं क्लमः| क्रोधप्रचुरता बुद्धेः सम्मोहो लवणास्यता||१४|| स्वेदः शरीरदौर्गन्ध्यं मदः कम्पः स्वरक्षयः| तन्द्रानिद्रातियोगश्च तमसश्चातिदर्शनम्||१५|| कण्ड्वरुःकोठपिडकाकुष्ठचर्मदलादयः| विकाराः सर्व एवैते विज्ञेयाः शोणिताश्रयाः||१६|| शीतोष्णस्निग्धरूक्षाद्यैरुपक्रान्ताश्च ये गदाः| सम्यक् साध्या न सिध्यन्ति रक्तजांस्तान् विभावयेत्||१७||
🔊 Audio coming soon
উপকুশঃ মুখরোগবিশেষঃ; যদুক্তং সুশ্রুতে- “বেষ্টেষু দাহঃ পাকশ্চ তেভ্যো দন্তাশ্চলন্তি চ| যস্মিন্নুপকুশো নাম পিত্তরক্তকৃতো গদঃ” (সু. নি. ১৬) ইতি| কুষ্ঠ ইত্যুক্তেঽপি চর্মদলাভিধানং বিশেষার্থম্| শোণিতাশ্রযা ইতি ভাষযা শোণিতস্য বাতাদিবত্ স্বাতন্ত্র্যেণ রোগকর্তৃত্বং নিরাকরোতি| অনুক্তভূরিশোণিতরোগগ্রহণার্থমাহ- শীতোষ্ণেত্যাদি| আদ্যগ্রহণাত্তীক্ষ্ণমৃদ্বাদীনাং গ্রহণম্| সম্যগিতি পূর্বেণ যোজনীযম্ | তত্র শীতোষ্ণস্নিগ্ধরূক্ষাদ্যৈরিতি শোণিতবৃদ্ধিমনপেক্ষ্য বাতাদিজযার্থমাত্রপ্রযুক্তৈরিতি মন্তব্যম্| যেন শোণিতব্যাধেরপি শান্তির্বক্ষ্যমাণরক্তপিত্তহরক্রিযাদিভিঃ শীতোষ্ণস্নিগ্ধাদিক্রিযাপ্রবিষ্টৈব, ততশ্চ শোণিতরোগস্যাপি শীতাদিক্রিযাভিরেব শোণিতপ্রতিকূলাভিঃ প্রশমো ভবতি; প্রবৃদ্ধশোণিতাশ্রযাস্তু বাতাদয আশ্রযপ্রভাবান্ন স্বচিকিত্সামাত্রেণ প্রশাম্যন্তি||১১-১৭||
Adhikarana 6 (18) · Śloka 18
কুর্যাচ্ছোণিতরোগেষু রক্তপিত্তহরীং ক্রিযাম্| বিরেকমুপবাসং চ স্রাবণং শোণিতস্য চ||১৮||
कुर्याच्छोणितरोगेषु रक्तपित्तहरीं क्रियाम्| विरेकमुपवासं च स्रावणं शोणितस्य च||१८||
🔊 Audio coming soon
শোণিতরোগচিকিত্সামাহ- কুর্যাদিত্যাদি| রক্তপিত্তহরক্রিযাদযো যথাযোগ্যতযা বোদ্ধব্যাঃ||১৮||
Adhikarana 7 (19) · Śloka 19
বলদোষপ্রমাণাদ্বা বিশুদ্ধ্যা রুধিরস্য বা| রুধিরং স্রাবযেজ্জন্তোরাশযং প্রসমীক্ষ্য বা||১৯||
बलदोषप्रमाणाद्वा विशुद्ध्या रुधिरस्य वा| रुधिरं स्रावयेज्जन्तोराशयं प्रसमीक्ष्य वा||१९||
🔊 Audio coming soon
উক্তশোণিতস্রাবণপ্রমাণমাহ- বলেত্যাদি| বলদোষপ্রমাণাদিতি বলস্য তথা দোষস্য শোণিতব্যাধিরূপস্য প্রমাণং বীক্ষ্য; দোষশব্দো হ্যযং রোগে বর্ততে| বিশুদ্ধ্যা রুধিরস্য চেতি যাবতা স্রাবণেন শোণিতং বিশুদ্ধং ভবতি| আশযং স্থানং দুষ্টশোণিতাশ(শ্র)যমিতি যাবত্| যথা- স্বল্পে কুষ্ঠে স্তোকমেব বিশুদ্ধ্যর্থমুপাদেযং, মহতি কুষ্ঠে বহু স্রাবণীযম্| যদুক্তং- “প্রচ্ছনমল্পে কুষ্ঠে মহতি চ শস্তং সিরাব্যধনম্” (চি. ৭) ইতি| এষু চ পক্ষেষু যদ্যত্রানত্যযং ভবতি তত্তত্র গ্রাহ্যম্||১৯||
Adhikarana 8 (20-21) · Śloka 21
অরুণাভং ভবেদ্বাতাদ্বিশদং ফেনিলং তনু| পিত্তাত্ পীতাসিতং রক্তং স্ত্যাযত্যৌষ্ণ্যাচ্চিরেণ চ||২০|| ঈষত্পাণ্ডু কফাদ্দুষ্টং পিচ্ছিলং তন্তুমদ্ঘনম্| সংসৃষ্টলিঙ্গং সংসর্গাত্ত্রিলিঙ্গং সান্নিপাতিকম্||২১||
अरुणाभं भवेद्वाताद्विशदं फेनिलं तनु| पित्तात् पीतासितं रक्तं स्त्यायत्यौष्ण्याच्चिरेण च||२०|| ईषत्पाण्डु कफाद्दुष्टं पिच्छिलं तन्तुमद्घनम्| संसृष्टलिङ्गं संसर्गात्त्रिलिङ्गं सान्निपातिकम्||२१||
🔊 Audio coming soon
দুষ্টরক্তলক্ষণমাহ- অরুণাভমিত্যাদি| স্ত্যাযতি ঘনং ভবতি||২০-২১||
Adhikarana 9 (22) · Śloka 22
তপনীযেন্দ্রগোপাভং পদ্মালক্তকসন্নিভম্| গুঞ্জাফলসবর্ণং চ বিশুদ্ধং বিদ্ধি শোণিতম্||২২||
तपनीयेन्द्रगोपाभं पद्मालक्तकसन्निभम्| गुञ्जाफलसवर्णं च विशुद्धं विद्धि शोणितम्||२२||
🔊 Audio coming soon
তপনীযং লোহিতসুবর্ণম্, ইন্দ্রগোপঃ স্বনামপ্রসিদ্ধঃ কীটবিশেষঃ| বিশুদ্ধরক্তলিঙ্গে নানাবর্ণতা বাতাদিপ্রকৃতিত্বান্মনুষ্যাণাম্||২২|
Adhikarana 10 (23) · Śloka 23
নাত্যুষ্ণশীতং লঘু দীপনীযং রক্তেঽপনীতে হিতমন্নপানম্| তদা শরীরং হ্যনবস্থিতাসৃগগ্নির্বিশেষেণ চ রক্ষিতব্যঃ||২৩||
नात्युष्णशीतं लघु दीपनीयं रक्तेऽपनीते हितमन्नपानम्| तदा शरीरं ह्यनवस्थितासृगग्निर्विशेषेण च रक्षितव्यः||२३||
🔊 Audio coming soon
নাত্যুষ্ণাদিভোজনে হেতুমাহ- তদেত্যাদি| অতিশীতমগ্নিমান্দ্যং করোতি, অত্যুষ্ণং চ প্রচলস্যাসৃজো নিতরাং প্রচলতাং করোতি, তস্মান্নাত্যুষ্ণশীতম্| লঘু দীপনীযং চাগ্নিদীপ্ত্যর্থমেব||২৩||
Adhikarana 11 (24) · Śloka 24
প্রসন্নবর্ণেন্দ্রিযমিন্দ্রিযার্থানিচ্ছন্তমব্যাহতপক্তৃবেগম্| সুখান্বিতং তু(পু)ষ্টিবলোপপন্নং বিশুদ্ধরক্তং পুরুষং বদন্তি||২৪||
प्रसन्नवर्णेन्द्रियमिन्द्रियार्थानिच्छन्तमव्याहतपक्तृवेगम्| सुखान्वितं तु(पु)ष्टिबलोपपन्नं विशुद्धरक्तं पुरुषं वदन्ति||२४||
🔊 Audio coming soon
সম্প্রতি শোণিতাদর্শনেনাপি বিশুদ্ধরক্তজ্ঞানার্থং লক্ষণমাহ- প্রসন্নেত্যাদি| অব্যাহতা পক্তিশ্চ বেগশ্চ পুরীষাদীনাং যস্য স তথা||২৪||
Adhikarana 12 (25-29) · Śloka 29
যদা তু রক্তবাহীনি রসসঞ্জ্ঞাবহানি চ| পৃথক্ পৃথক্ সমস্তা বা স্রোতাংসি কুপিতা মলাঃ||২৫|| মলিনাহারশীলস্য রজোমোহাবৃতাত্মনঃ| প্রতিহত্যাবতিষ্ঠন্তে জাযন্তে ব্যাধযস্তদা||২৬|| মদমূর্চ্ছাযসন্ন্যাসাস্তেষাং বিদ্যাদ্বিচক্ষণঃ| যথোত্তরং বলাধিক্যং হেতুলিঙ্গোপশান্তিষু||২৭|| দুর্বলং চেতসঃ স্থানং যদা বাযুঃ প্রপদ্যতে| মনো বিক্ষোভযঞ্জন্তোঃ সঞ্জ্ঞাং সম্মোহযেত্তদা||২৮|| পিত্তমেবং কফশ্চৈবং মনো বিক্ষোভযন্নৃণাম্| সঞ্জ্ঞাং নযত্যাকুলতাং বিশেষশ্চাত্র বক্ষ্যতে||২৯||
यदा तु रक्तवाहीनि रससञ्ज्ञावहानि च| पृथक् पृथक् समस्ता वा स्रोतांसि कुपिता मलाः||२५|| मलिनाहारशीलस्य रजोमोहावृतात्मनः| प्रतिहत्यावतिष्ठन्ते जायन्ते व्याधयस्तदा||२६|| मदमूर्च्छायसन्न्यासास्तेषां विद्याद्विचक्षणः| यथोत्तरं बलाधिक्यं हेतुलिङ्गोपशान्तिषु||२७|| दुर्बलं चेतसः स्थानं यदा वायुः प्रपद्यते| मनो विक्षोभयञ्जन्तोः सञ्ज्ञां सम्मोहयेत्तदा||२८|| पित्तमेवं कफश्चैवं मनो विक्षोभयन्नृणाम्| सञ्ज्ञां नयत्याकुलतां विशेषश्चात्र वक्ष्यते||२९||
🔊 Audio coming soon
সম্প্রতি রক্তবাহিধমনীদুষ্ট্যা যে ব্যাধযো ভবন্তি তানাহ- যদা ত্বিত্যাদি| সঞ্জ্ঞাবহানীতি সঞ্জ্ঞাহেতুমনোবহানি, মনসস্তু কেবলমেব শরীরমযনীভূতং; যদুক্তং- “সত্ত্বাদীনাং পুনঃ কেবলং শরীরমযনীভূতম্” (বি. ৫) ইত্যাদি; কিংবা রসসঞ্জ্ঞং ধাতুমাবহন্তীতি রসসঞ্জ্ঞবহানি | রসবহধমনীনাং তু হৃদযং স্থানং, তদুপঘাতাচ্চ মোহ উপপন্ন এব| মলা ইতি দুষ্টদোষসঞ্জ্ঞাঃ; যদুক্তং- “মলিনীকরণান্মলাঃ” ইতি| যথোত্তরং লিঙ্গাধিক্যং মদমূর্চ্ছাযসন্ন্যাসেষু মোহরূপং জ্ঞেযং; মদেঽপি হি স্তোকো মোহোঽস্তি, উত্তরযোস্তু ব্যক্ত এব মোহঃ||২৫-২৯||
Adhikarana 13 (30-32) · Śloka 33
সক্তানল্পদ্রুতাভাষং চলস্খলিতচেষ্টিতম্ | বিদ্যাদ্বাতমদাবিষ্টং রূক্ষশ্যাবারুণাকৃতিম্||৩০|| সক্রোধপরুষাভাষং সম্প্রহারকলিপ্রিযম্| বিদ্যাত্ পিত্তমদাবিষ্টং রক্তপীতাসিতাকৃতিম্||৩১|| স্বল্পাসম্বদ্ধবচনং তন্দ্রালস্যসমন্বিতম্| বিদ্যাত্ কফমদাবিষ্টং পাণ্ডুং প্রধ্যানতত্পরম্||৩২|| সর্বাণ্যেতানি রূপাণি সন্নিপাতকৃতে মদে|৩৩|
सक्तानल्पद्रुताभाषं चलस्खलितचेष्टितम् | विद्याद्वातमदाविष्टं रूक्षश्यावारुणाकृतिम्||३०|| सक्रोधपरुषाभाषं सम्प्रहारकलिप्रियम्| विद्यात् पित्तमदाविष्टं रक्तपीतासिताकृतिम्||३१|| स्वल्पासम्बद्धवचनं तन्द्रालस्यसमन्वितम्| विद्यात् कफमदाविष्टं पाण्डुं प्रध्यानतत्परम्||३२|| सर्वाण्येतानि रूपाणि सन्निपातकृते मदे|३३|
🔊 Audio coming soon
পরুষং ব্রূত ইতি পরুষাভাষঃ||৩০-৩২||-
Adhikarana 14 (33) · Śloka 33
জাযতে শাম্যতি ক্ষিপ্রং মদো মদ্যমদাকৃতিঃ||৩৩||
जायते शाम्यति क्षिप्रं मदो मद्यमदाकृतिः||३३||
🔊 Audio coming soon
মদস্বরূপমাহ- জাযত ইত্যাদি||৩৩||
Adhikarana 15 (34) · Śloka 34
যশ্চ মদ্যকৃতঃ প্রোক্তো বিষজো রৌধিরশ্চ যঃ| সর্ব এতে মদা নর্তে বাতপিত্তকফত্রযাত্||৩৪||
यश्च मद्यकृतः प्रोक्तो विषजो रौधिरश्च यः| सर्व एते मदा नर्ते वातपित्तकफत्रयात्||३४||
🔊 Audio coming soon
মদপ্রসঙ্গেন মদ্যবিষজযোরপি মদযোশ্চাতুর্বিধ্যমাহ- যশ্চেত্যাদি| বাতপিত্তকফত্রযাদিতি বাতাত্ পিত্তাত্ কফাদ্বাতপিত্তকফাচ্চ; এতেন তেষামপ্যেতদেব লক্ষণং বাতাদিকৃতং ভবতীতি ভাবঃ||৩৪||
Adhikarana 16 (35-41) · Śloka 41
নীলং বা যদি বা কৃষ্ণমাকাশমথবাঽরুণম্| পশ্যংস্তমঃ প্রবিশতি শীঘ্রং চ প্রতিবুধ্যতে ||৩৫|| বেপথুশ্চাঙ্গমর্দশ্চ প্রপীডা হৃদযস্য চ| কার্শ্যং শ্যাবারুণা চ্ছাযামূর্চ্ছাযে বাতসম্ভবে||৩৬|| রক্তং হরিতবর্ণং বা বিযত্ পীতমথাপি বা| পশ্যংস্তমঃ প্রবিশতি সস্বেদঃ প্রতিবুধ্যতে||৩৭|| সপিপাসঃ সসন্তাপো রক্তপীতাকুলেক্ষণঃ| সম্ভিন্নবর্চাঃ পীতাভো মূর্চ্ছাযে পিত্তসম্ভবে||৩৮|| মেঘসঙ্কাশমাকাশমাবৃতং বা তমোঘনৈঃ| পশ্যংস্তমঃ প্রবিশতি চিরাচ্চ প্রতিবুধ্যতে||৩৯|| গুরুভিঃ প্রাবৃতৈরঙ্গৈর্যথৈবার্দ্রেণ চর্মণা| সপ্রসেকঃ সহৃল্লাসো মূর্চ্ছাযে কফসম্ভবে||৪০|| সর্বাকৃতিঃ সন্নিপাতাদপস্মার ইবাগতঃ| স জন্তুং পাতযত্যাশু বিনা বীভত্সচেষ্টিতৈঃ||৪১||
नीलं वा यदि वा कृष्णमाकाशमथवाऽरुणम्| पश्यंस्तमः प्रविशति शीघ्रं च प्रतिबुध्यते ||३५|| वेपथुश्चाङ्गमर्दश्च प्रपीडा हृदयस्य च| कार्श्यं श्यावारुणा च्छायामूर्च्छाये वातसम्भवे||३६|| रक्तं हरितवर्णं वा वियत् पीतमथापि वा| पश्यंस्तमः प्रविशति सस्वेदः प्रतिबुध्यते||३७|| सपिपासः ससन्तापो रक्तपीताकुलेक्षणः| सम्भिन्नवर्चाः पीताभो मूर्च्छाये पित्तसम्भवे||३८|| मेघसङ्काशमाकाशमावृतं वा तमोघनैः| पश्यंस्तमः प्रविशति चिराच्च प्रतिबुध्यते||३९|| गुरुभिः प्रावृतैरङ्गैर्यथैवार्द्रेण चर्मणा| सप्रसेकः सहृल्लासो मूर्च्छाये कफसम्भवे||४०|| सर्वाकृतिः सन्निपातादपस्मार इवागतः| स जन्तुं पातयत्याशु विना बीभत्सचेष्टितैः||४१||
🔊 Audio coming soon
মূর্চ্ছাযলক্ষণমাহ- নীলং বেত্যাদি| তত্র বাতমূর্চ্ছাযে শ্যাবারুণা ছাযা রিষ্টরূপত্বান্মরণায স্যাদ্ বাযব্যত্বাদিতি চোদ্যং কুর্বন্তি; উক্তং হি- “বাযব্যা সা বিনাশায ক্লেশায মহতেঽপি বা” (ইং. ৭) ইতি| তন্ন, অনিমিত্তা হি ছাযা রিষ্টং ন তু দৃশ্যমাননিমিত্তা, ইহ চ বাতসম্বন্ধো দৃশ্যত এব নিমিত্তং; কিংবা “ক্লেশায মহতেঽপি বা” ইতি বচনাদেব বাযব্যচ্ছাযাযা মারকত্বং ব্যভিচরিতম্| তমোভির্ঘনৈশ্চেতি তমোঘনৈঃ; কিংবা তমোভিরেব ঘনৈঃ| বিনা বীভত্সচেষ্টিতৈরিতি দন্তখাদনাঙ্গবিক্ষেপণাদিকং বিনা||৩৫-৪১||
Adhikarana 17 (42-53) · Śloka 53
দোষেষু মদমূর্চ্ছাযাঃ কৃতবেগেষু দেহিনাম্| স্বযমেবোপশাম্যন্তি সন্ন্যাসো নৌষধৈর্বিনা||৪২|| বাগ্দেহমনসাং চেষ্টামাক্ষিপ্যাতিবলা মলাঃ| সন্ন্যস্যন্ত্যবলং জন্তুং প্রাণাযতনসংশ্রিতাঃ||৪৩|| স না সন্ন্যাসসন্ন্যস্তঃ কাষ্ঠীভূতো মৃতোপমঃ| প্রাণৈর্বিযুজ্যতে শীঘ্রং মুক্ত্বা সদ্যঃফলাঃ ক্রিযাঃ||৪৪|| দুর্গেঽম্ভসি যথা মজ্জদ্ভাজনং ত্বরযা বুধঃ| গৃহ্ণীযাত্তলমপ্রাপ্তং তথা সন্ন্যাসপীডিতম্||৪৫|| অঞ্জনান্যবপীডাশ্চ ধূমাঃ প্রধমনানি চ| সূচীভিস্তোদনং শস্তং দাহঃ পীডা নখান্তরে||৪৬|| লুঞ্চনং কেশলোম্নাং চ দন্তৈর্দশনমেব চ| আত্মগুপ্তাবঘর্ষশ্চ হিতং তস্যাববোধনে||৪৭|| সম্মূর্চ্ছিতানি তীক্ষ্ণানি মদ্যানি বিবিধানি চ| প্রভূতকটুযুক্তানি তস্যাস্যে গালযেন্মুহুঃ||৪৮|| মাতুলুঙ্গরসং তদ্বন্মহৌষধসমাযুতম্| তদ্বত্সৌবর্চলং দদ্যাদ্যুক্তং মদ্যাম্লকাঞ্জিকৈঃ||৪৯|| হিঙ্গূষণসমাযুক্তং যাবত্ সঞ্জ্ঞাপ্রবোধনম্| প্রবুদ্ধসঞ্জ্ঞমন্নৈশ্চ লঘুভিস্তমুপাচরেত্||৫০|| বিস্মাপনৈঃ স্মারণৈশ্চ প্রিযশ্রুতিভিরেব চ| পটুভির্গীতবাদিত্রশব্দৈশ্চিত্রৈশ্চ দর্শনৈঃ||৫১|| স্রংসনোল্লেখনৈর্ধূমৈরঞ্জনৈঃ কবলগ্রহৈঃ| শোণিতস্যাবসেকৈশ্চ ব্যাযামোদ্ঘর্ষণৈস্তথা||৫২|| প্রবুদ্ধসঞ্জ্ঞং মতিমাননুবন্ধমুপক্রমেত্| তস্য সংরক্ষিতব্যং হি মনঃ প্রলযহেতুতঃ||৫৩||
दोषेषु मदमूर्च्छायाः कृतवेगेषु देहिनाम्| स्वयमेवोपशाम्यन्ति सन्न्यासो नौषधैर्विना||४२|| वाग्देहमनसां चेष्टामाक्षिप्यातिबला मलाः| सन्न्यस्यन्त्यबलं जन्तुं प्राणायतनसंश्रिताः||४३|| स ना सन्न्याससन्न्यस्तः काष्ठीभूतो मृतोपमः| प्राणैर्वियुज्यते शीघ्रं मुक्त्वा सद्यःफलाः क्रियाः||४४|| दुर्गेऽम्भसि यथा मज्जद्भाजनं त्वरया बुधः| गृह्णीयात्तलमप्राप्तं तथा सन्न्यासपीडितम्||४५|| अञ्जनान्यवपीडाश्च धूमाः प्रधमनानि च| सूचीभिस्तोदनं शस्तं दाहः पीडा नखान्तरे||४६|| लुञ्चनं केशलोम्नां च दन्तैर्दशनमेव च| आत्मगुप्तावघर्षश्च हितं तस्यावबोधने||४७|| सम्मूर्च्छितानि तीक्ष्णानि मद्यानि विविधानि च| प्रभूतकटुयुक्तानि तस्यास्ये गालयेन्मुहुः||४८|| मातुलुङ्गरसं तद्वन्महौषधसमायुतम्| तद्वत्सौवर्चलं दद्याद्युक्तं मद्याम्लकाञ्जिकैः||४९|| हिङ्गूषणसमायुक्तं यावत् सञ्ज्ञाप्रबोधनम्| प्रबुद्धसञ्ज्ञमन्नैश्च लघुभिस्तमुपाचरेत्||५०|| विस्मापनैः स्मारणैश्च प्रियश्रुतिभिरेव च| पटुभिर्गीतवादित्रशब्दैश्चित्रैश्च दर्शनैः||५१|| स्रंसनोल्लेखनैर्धूमैरञ्जनैः कवलग्रहैः| शोणितस्यावसेकैश्च व्यायामोद्घर्षणैस्तथा||५२|| प्रबुद्धसञ्ज्ञं मतिमाननुबन्धमुपक्रमेत्| तस्य संरक्षितव्यं हि मनः प्रलयहेतुतः||५३||
🔊 Audio coming soon
সন্ন্যাসস্য মূর্চ্ছাদিভ্যো ভেদকং লক্ষণমাহ- দোষেষ্বিত্যাদি| কৃতবেগেষ্বিতি বেগং কৃত্বা ক্ষীণবলেষু, বেগো হি দোষাণাং বলক্ষযকারণং ভবতি; যদুক্তং বিষমজ্বরে- “কৃত্বা বেগং গতবলা” (চি. ৩) ইত্যাদি| সন্ন্যস্যন্তি অচেষ্টং কুর্বন্তি | প্রাণাযতনমিতি হৃদযম্| মুক্ত্বেতি অপ্রাপ্য| সদ্যঃফলা ইতি সদ্যঃ প্রবোধনকারিকাস্তীক্ষ্ণাঞ্জনাদিকাঃ| সূচীভিরিতি চ তোদনেন সম্বধ্যতে| সম্মূর্চ্ছিতানীতি মিলিতানি| গালযেদিতি যত্নেন মুখে প্রক্ষিপেত্| সৌবর্চলস্থানে কেচিত্ সৌবীরকমাহুঃ| অনুবন্ধং সততম্| প্রলযহেতুত ইতি মোহহেতুতঃ||৪২-৫৩||
Adhikarana 18 (54-58) · Śloka 58
স্নেহস্বেদোপপন্নানাং যথাদোষং যথাবলম্| পঞ্চ কর্মাণি কুর্বীত মূর্চ্ছাযেষু মদেষু চ||৫৪|| অষ্টাবিংশত্যৌষধস্য তথা তিক্তস্য সর্পিষঃ| প্রযোগঃ শস্যতে তদ্বন্মহতঃ ষট্পলস্য বা||৫৫|| ত্রিফলাযাঃ প্রযোগো বা সঘৃতক্ষৌদ্রশর্করঃ| শিলাজতুপ্রযোগো বা প্রযোগঃ পযসোঽপি বা||৫৬|| পিপ্পলীনাং প্রযোগো বা পযসা চিত্রকস্য বা| রসাযনানাং কৌম্ভস্য সর্পিষো বা প্রশস্যতে||৫৭|| রক্তাবসেকাচ্ছাস্ত্রাণাং সতাং সত্ত্ববতামপি| সেবনান্মদমূর্চ্ছাযাঃ প্রশাম্যন্তি শরীরিণাম্||৫৮||
स्नेहस्वेदोपपन्नानां यथादोषं यथाबलम्| पञ्च कर्माणि कुर्वीत मूर्च्छायेषु मदेषु च||५४|| अष्टाविंशत्यौषधस्य तथा तिक्तस्य सर्पिषः| प्रयोगः शस्यते तद्वन्महतः षट्पलस्य वा||५५|| त्रिफलायाः प्रयोगो वा सघृतक्षौद्रशर्करः| शिलाजतुप्रयोगो वा प्रयोगः पयसोऽपि वा||५६|| पिप्पलीनां प्रयोगो वा पयसा चित्रकस्य वा| रसायनानां कौम्भस्य सर्पिषो वा प्रशस्यते||५७|| रक्तावसेकाच्छास्त्राणां सतां सत्त्ववतामपि| सेवनान्मदमूर्च्छायाः प्रशाम्यन्ति शरीरिणाम्||५८||
🔊 Audio coming soon
অষ্টাবিংশত্যৌষধস্যেতি পানীযকল্যাণস্য| তিক্তস্য মহতস্তথা তিক্তস্য ষট্পলস্য তথা মহতস্তিক্তস্যেতি সম্বন্ধঃ; এতে চ তিক্তষট্পলমহাতিক্তকঘৃতে কুষ্ঠচিকিত্সিতে বক্তব্যে| কৌম্ভং সর্পির্দশাব্দিকম্||৫৪-৫৮||
Adhikarana 19 (59-60) · Śloka 60
তত্র শ্লোকৌ- বিশুদ্ধং চাবিশুদ্ধং চ শোণিতং তস্য হেতবঃ| রক্তপ্রদোষজা রোগাস্তেষু রোগেষু চৌষধম্||৫৯|| মদমূর্চ্ছাযসন্ন্যাসহেতুলক্ষণভেষজম্| বিধিশোণিতকেঽধ্যাযে সর্বমেতত্ প্রকাশিতম্||৬০||
तत्र श्लोकौ- विशुद्धं चाविशुद्धं च शोणितं तस्य हेतवः| रक्तप्रदोषजा रोगास्तेषु रोगेषु चौषधम्||५९|| मदमूर्च्छायसन्न्यासहेतुलक्षणभेषजम्| विधिशोणितकेऽध्याये सर्वमेतत् प्रकाशितम्||६०||
🔊 Audio coming soon
Adhikarana puShpikA · Śloka 6
ইত্যগ্নিবেশকৃতে তন্ত্রে চরকপ্রতিসংস্কৃতে শ্লোকস্থানে বিধিশোণিতীযো নাম চতুর্বিংশোঽধ্যাযঃ||২৪|| সমাপ্তো যোজনাচতুষ্কঃ||৬||
इत्यग्निवेशकृते तन्त्रे चरकप्रतिसंस्कृते श्लोकस्थाने विधिशोणितीयो नाम चतुर्विंशोऽध्यायः||२४|| समाप्तो योजनाचतुष्कः||६||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং সূত্রস্থানে যোজনাচতুষ্কে বিধিশোণিতীযো নাম চতুর্বিংশোঽধ্যাযঃ||২৪||