Adhikarana 1 (1-2) · Śloka 2
অথাতস্ত্রিবিধরোগবিশেষবিজ্ঞানীযং বিমানং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২||
अथातस्त्रिविधरोगविशेषविज्ञानीयं विमानं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
জনপদোদ্ধ্বংসনীযেঽবিশেষেণ সর্বেঽপি রোগা উক্তাঃ, তেষাং বিশেষো যথা জ্ঞাতব্যস্তদুপদেষ্টুং ত্রিবিধরোগবিশেষবিজ্ঞানীযোঽভিধীযতে||১-২||
Adhikarana 2 (3) · Śloka 3
ত্রিবিধং খলু রোগবিশেষবিজ্ঞানং ভবতি; তদ্যথা আপ্তোপদেশঃ, প্রত্যক্ষম্, অনুমানং চেতি||৩||
त्रिविधं खलु रोगविशेषविज्ञानं भवति; तद्यथा आप्तोपदेशः, प्रत्यक्षम्, अनुमानं चेति||३||
🔊 Audio coming soon
রোগাণাং বিশেষো যথা বক্ষ্যমাণো বিজ্ঞাযতে যেন তদ্রোগবিশেষবিজ্ঞানম্, উপদেশপ্রত্যক্ষানুমানরূপং প্রমাণত্রযম্| অত্র তু যুক্তেরনুমানান্তর্গতত্বাদেব ন পৃথক্করণম্| এতচ্চ প্রমাণত্রযং ক্বচিদ্রোগে মিলিতং, ক্বচিদ্দ্বযং, ক্বচিদেকং পরীক্ষাযাং বর্ততে; যেন, নান্তরে বহ্নিমান্দ্যাদৌ প্রত্যক্ষমবশ্যং ব্যাপ্রিযতে||৩||
Adhikarana 3 (4) · Śloka 4
তত্রাপ্তোপদেশো নামাপ্তবচনম্| আপ্তা হ্যবিতর্কস্মৃতিবিভাগবিদো নিষ্প্রীত্যুপতাপদর্শিনশ্চ| তেষামেবঙ্গুণযোগাদ্যদ্বচনং তত্ প্রমাণম্| অপ্রমাণং পুনর্মত্তোন্মত্তমূর্খরক্তদুষ্টাদুষ্টবচনমিতি ; প্রত্যক্ষং তু খলু তদ্যত্ স্বযমিন্দ্রিযৈর্মনসা চোপলভ্যতে| অনুমানং খলু তর্কো যুক্ত্যপেক্ষঃ||৪||
तत्राप्तोपदेशो नामाप्तवचनम्| आप्ता ह्यवितर्कस्मृतिविभागविदो निष्प्रीत्युपतापदर्शिनश्च| तेषामेवङ्गुणयोगाद्यद्वचनं तत् प्रमाणम्| अप्रमाणं पुनर्मत्तोन्मत्तमूर्खरक्तदुष्टादुष्टवचनमिति ; प्रत्यक्षं तु खलु तद्यत् स्वयमिन्द्रियैर्मनसा चोपलभ्यते| अनुमानं खलु तर्को युक्त्यपेक्षः||४||
🔊 Audio coming soon
তিস্রৈষণীযে প্রথমমনুমানাদিলক্ষণান্যুক্তানি, পুনরিহ ‘তত্রোপদেশো নাম’ ইত্যাদিনাঽঽপ্তোপদেশাদিলক্ষণাভিধানং প্রকরণাগতত্বাত্ ক্রিযতে, প্রাকরণিকো হ্যর্থোঽনুচ্যমানো ন্যূনো ভবতি| অবিতর্কেত্যাদি|- বিতর্কঃ কথন্তা অনিশ্চিতজ্ঞানমিতি যাবত্, স্মৃতিঃ স্মরণজ্ঞানং, বিভাগ একদেশঃ; এতদ্বিপর্যযান্নিশ্চযেনানুভবেন চ কার্ত্স্ন্যেন চ যে ভাবান্ জানতে, তেঽবিতর্কস্মৃতিবিভাগবিদঃ| বিতর্কাদিবেদী তু নাপ্তঃ, প্রতিপাদ্যবস্ত্বশেষবিশেষাবিজ্ঞানাত্| স্মৃতিজ্ঞানং চ যদ্যপি প্রমাণমূলমেব, তথাঽপি বর্তমানক্ষণে স্মৃতিজ্ঞানবিষযার্থস্য নাবশ্যবিদ্যমানতেতি ন তত্ প্রমাণমিতি ভাবঃ; কিংবা, স্মৃতিজ্ঞানং স্মৃতিশাস্ত্রজং জ্ঞানং গণিতজ্ঞানং চ; এতচ্চ জ্ঞানদ্বযং সাক্ষাদর্থাদর্শকং দুরববোধেন মিথ্যাজ্ঞানত্বসম্ভবাদপ্রমাণমপীতি নোপাদেযম্| অথ সম্যগ্জ্ঞানবন্তোঽপি রাগাদিবশাদন্যথা ব্যাহরন্তীত্যাহ- নিষ্প্রীত্যুপতাপদর্শিন ইতি|- নিষ্প্রীত্যা নিরুপতাপেন চ দ্রষ্টুং শীলং যেষাং তে তথা| এতেন যথার্থদর্শী নির্দোষশ্চাপ্তো ভবতীত্যুক্তং ভবতি| এবম্ভূতং চাপ্তত্বং কস্যচিদ্ব্রহ্মাদেঃ সর্বত্রৈব ভবতি, লৌকিকস্য তু যস্মিন্নেব বিষযে বিতর্কাদি ন ভবতি তত্রৈবোপদেশঃ প্রমাণমিতি জ্ঞেযম্| অপ্রমাণমিতি নাবশ্যং প্রমাণতযাঽবধার্যতে, রাগাদিদুষ্টত্বাদিত্যর্থঃ| দুষ্টশ্চাসাবদুষ্টশ্চেতি দুষ্টাদুষ্টঃ, তেন পিতা হি পুত্রস্য দুষ্টোঽপ্যদুষ্টত্বাদাপ্ত এব ভবতি; কিংবা দুষ্টো বঞ্চকঃ| স্বযমিন্দ্রিযৈর্মনসা চেত্যনেন যদাত্মনেন্দ্রিযৈশ্চক্ষুরাদিভিরব্যবধানেন গৃহ্যতে রূপাদি তত্ প্রত্যক্ষমিতি বাহ্যং প্রত্যক্ষং গৃহ্ণাতি; মনসা চেত্যনেন চ মনসাঽব্যবধানেন যদুপলভ্যতে সুখাদি, তচ্চ মানসং প্রত্যক্ষং গৃহ্ণাতি| তর্কোঽত্রাপ্রত্যক্ষং জ্ঞানম্| যুক্তিঃ সম্বন্ধোঽবিনাভাব ইত্যর্থঃ; তেনাবিনাভাবজং পরোক্ষজ্ঞানমনুমানমিত্যর্থঃ||৪||
Adhikarana 4 (5) · Śloka 5
ত্রিবিধেন খল্বনেন জ্ঞানসমুদাযেন পূর্বং পরীক্ষ্য রোগং সর্বথা সর্বমথোত্তরকালমধ্যবসানমদোষং ভবতি, ন হি জ্ঞানাবযবেন কৃত্স্নে জ্ঞেযে জ্ঞানমুত্পদ্যতে| ত্রিবিধে ত্বস্মিন্ জ্ঞানসমুদযে পূর্বমাপ্তোপদেশাজ্জ্ঞানং, ততঃ প্রত্যক্ষানুমানাভ্যাং পরীক্ষোপপদ্যতে| কিং হ্যনুপদিষ্টং পূর্বং যত্তত্ প্রত্যক্ষানুমানাভ্যাং পরীক্ষমাণো বিদ্যাত্| তস্মাদ্দ্বিবিধা পরীক্ষা জ্ঞানবতাং প্রত্যক্ষম্, অনুমানং চ; ত্রিবিধা বা সহোপদেশেন||৫||
त्रिविधेन खल्वनेन ज्ञानसमुदायेन पूर्वं परीक्ष्य रोगं सर्वथा सर्वमथोत्तरकालमध्यवसानमदोषं भवति, न हि ज्ञानावयवेन कृत्स्ने ज्ञेये ज्ञानमुत्पद्यते| त्रिविधे त्वस्मिन् ज्ञानसमुदये पूर्वमाप्तोपदेशाज्ज्ञानं, ततः प्रत्यक्षानुमानाभ्यां परीक्षोपपद्यते| किं ह्यनुपदिष्टं पूर्वं यत्तत् प्रत्यक्षानुमानाभ्यां परीक्षमाणो विद्यात्| तस्माद्द्विविधा परीक्षा ज्ञानवतां प्रत्यक्षम्, अनुमानं च; त्रिविधा वा सहोपदेशेन||५||
🔊 Audio coming soon
জ্ঞানসমুদাযেনেতি জ্ঞানসমুদাযঃ প্রমাণসঙ্ঘাতঃ; তেন সমুদাযেন ‘অযমেবং রোগঃ’ ইত্যেবম্ভূতনিশ্চযোঽধ্যবসানম্| ত্রিবিধে ত্বিত্যাদি| জ্ঞাযতেঽনেনেতি জ্ঞানং প্রমাণম্| প্রথমাপ্তোপদেশো ব্যাধিং বোধযতি, ততশ্চাপ্তোপদিষ্টং ব্যাধিং প্রত্যক্ষানুমানাভ্যাং যথোক্তলিঙ্গাদিপরীক্ষযা নিশ্চিনোতি; আগমানুপদিষ্টে চ ব্যাধৌ অবৈদ্য ইব ন প্রত্যক্ষেণানুমানেন চ ব্যাধিমুপলভত ইত্যাহ- কিং হ্যনুপদিষ্টমিত্যাদি| এবং মন্যতে- ব্যাধিবিশেষাস্তাবদ্দুরধিগমনীযাঃ, নোপদেশমন্তরেণ শক্যা বিজ্ঞাতুং, যেঽধিগতবৈদ্যকশাস্ত্রাস্তে প্রতিপাদযন্ত্যেব ব্যাধিবিশেষান্; তস্মাদাগমেন যে ব্যাধীনাং হেত্বাদিবিশেষাঃ প্রতিপাদিতাস্তান্ প্রত্যক্ষানুমানাভ্যামুপলভমানো ব্যাধিং নিশ্চিনোতি; অনুপদেশবাংস্তানুপলভমানোঽপি হেত্বাদিবিশেষানশিক্ষিতরত্নপরীক্ষো যথা রত্নানাং বিশেষং পশ্যন্নপি নাবধারযতি রত্নবিশেষং, তথা নাবধারযতি ব্যাধিবিশেষমিতি ভাবঃ| জ্ঞানবতামিতি আপ্তোপদেশবতাম্| ত্রিবিধা বেত্যনেন ব্যাধিপরীক্ষাসমযে হ্যাপ্তোপদেশোঽপি ব্যাপ্রিযতে গ্রহণীমার্দবস্বপ্নদর্শনাদিপ্রতিপত্তৌ, তথা দুরধিগমস্থানসংশ্রযাদিপ্রতিপত্তৌ, তথা কোষ্ঠমৃদুদারুণত্বাদিপরীক্ষাযাং চাতুরবচনরূপাপ্তোপদেশোঽপি ব্যাপ্রিযত ইতি দর্শযতি||৫||
Adhikarana 5 (6) · Śloka 6
তত্রেদমুপদিশন্তি বুদ্ধিমন্তঃ- রোগমেকৈকমেবম্প্রকোপণমেবংযোনিমেবমুত্থানমেবমাত্মানমেবমধিষ্ঠানমেবংবেদনমেবং সংস্থানমেবংশব্দস্পর্শরূপরসগন্ধমেবমুপদ্রবমেবংবৃদ্ধিস্থানক্ষযসমন্বিতমেবমুদর্ক মেবন্নামানমেবংযোগং বিদ্যাত্; তস্মিন্নিযং প্রতীকারার্থা প্রবৃত্তিরথবা নিবৃত্তিরিত্যুপদেশাজ্জ্ঞাযতে||৬||
तत्रेदमुपदिशन्ति बुद्धिमन्तः- रोगमेकैकमेवम्प्रकोपणमेवंयोनिमेवमुत्थानमेवमात्मानमेवमधिष्ठानमेवंवेदनमेवं संस्थानमेवंशब्दस्पर्शरूपरसगन्धमेवमुपद्रवमेवंवृद्धिस्थानक्षयसमन्वितमेवमुदर्क मेवन्नामानमेवंयोगं विद्यात्; तस्मिन्नियं प्रतीकारार्था प्रवृत्तिरथवा निवृत्तिरित्युपदेशाज्ज्ञायते||६||
🔊 Audio coming soon
তত্রেত্যাদিনাঽঽপ্তোপদেশগম্যমাহ| প্রকোপণং বাযো রূক্ষত্বাদিহেতুঃ| যোনিঃ বাতাদযঃ| আত্মা স্বভাবঃ; যথা- রোহিণ্যা দারুণত্বং, সন্ন্যাসস্য শীঘ্রোপক্রমণীযত্বাদি| অধিষ্ঠানং শরীরমবযবা মনশ্চ| ইযং প্রতীকারার্থা প্রবৃত্তিঃ, যথা- জ্বরে লঙ্ঘনপাচনাদ্যর্থা প্রবৃত্তিঃ| নিবৃত্তিশ্চ প্রতীকারার্থা যথা- নবজ্বরে দিবাস্বপ্নস্নানাদৌ নিবৃত্তিরিত্যাদি মন্তব্যম্||৬||
Adhikarana 6 (7) · Śloka 7
প্রত্যক্ষতস্তু খলু রোগতত্ত্বং বুভুত্সুঃ সর্বৈরিন্দ্রিযৈঃ সর্বানিন্দ্রিযার্থানাতুরশরীরগতান্ পরীক্ষেত, অন্যত্র রসজ্ঞানাত্; তদ্যথা- অন্ত্রকূজনং, সন্ধিস্ফুটনমঙ্গুলীপর্বণাং চ, স্বরবিশেষাংশ্চ, যে চান্যেঽপি কেচিচ্ছরীরোপগতাঃ শব্দাঃ স্যুস্তাঞ্ছ্রোত্রেণ পরীক্ষেত; বর্ণসংস্থানপ্রমাণচ্ছাযাঃ , শরীরপ্রকৃতিবিকারৌ, চক্ষুর্বৈষযিকাণি যানি চান্যান্যনুক্তানি তানি চক্ষুষা পরীক্ষেত; রসং তু খল্বাতুরশরীরগতমিন্দ্রিযবৈষযিকমপ্যনুমানাদবগচ্ছেত্, ন হ্যস্য প্রত্যক্ষেণ গ্রহণমুপপদ্যতে, তস্মাদাতুরপরিপ্রশ্নেনৈবাতুরমুখরসং বিদ্যাত্, যূকাপসর্পণেন ত্বস্য শরীরবৈরস্যং, মক্ষিকোপসর্পণেন শরীরমাধুর্যং, লোহিতপিত্তসন্দেহে তু কিং ধারিলোহিতং লোহিতপিত্তং বেতি শ্বকাকভক্ষণাদ্ধারিলোহিতমভক্ষণাল্লোহিতপিত্তমিত্যনুমাতব্যম্, এবমন্যানপ্যাতুরশরীরগতান্ রসাননুমিমীত; গন্ধাংস্তু খলু সর্বশরীরগতানাতুরস্য প্রকৃতিবৈকারিকান্ ঘ্রাণেন পরীক্ষেত; স্পর্শং চ পাণিনা প্রকৃতিবিকৃতিযুক্তম্| ইতি প্রত্যক্ষতোঽনুমানাদুপদেশতশ্চ পরীক্ষণমুক্তম্||৭||
प्रत्यक्षतस्तु खलु रोगतत्त्वं बुभुत्सुः सर्वैरिन्द्रियैः सर्वानिन्द्रियार्थानातुरशरीरगतान् परीक्षेत, अन्यत्र रसज्ञानात्; तद्यथा- अन्त्रकूजनं, सन्धिस्फुटनमङ्गुलीपर्वणां च, स्वरविशेषांश्च, ये चान्येऽपि केचिच्छरीरोपगताः शब्दाः स्युस्ताञ्छ्रोत्रेण परीक्षेत; वर्णसंस्थानप्रमाणच्छायाः , शरीरप्रकृतिविकारौ, चक्षुर्वैषयिकाणि यानि चान्यान्यनुक्तानि तानि चक्षुषा परीक्षेत; रसं तु खल्वातुरशरीरगतमिन्द्रियवैषयिकमप्यनुमानादवगच्छेत्, न ह्यस्य प्रत्यक्षेण ग्रहणमुपपद्यते, तस्मादातुरपरिप्रश्नेनैवातुरमुखरसं विद्यात्, यूकापसर्पणेन त्वस्य शरीरवैरस्यं, मक्षिकोपसर्पणेन शरीरमाधुर्यं, लोहितपित्तसन्देहे तु किं धारिलोहितं लोहितपित्तं वेति श्वकाकभक्षणाद्धारिलोहितमभक्षणाल्लोहितपित्तमित्यनुमातव्यम्, एवमन्यानप्यातुरशरीरगतान् रसाननुमिमीत; गन्धांस्तु खलु सर्वशरीरगतानातुरस्य प्रकृतिवैकारिकान् घ्राणेन परीक्षेत; स्पर्शं च पाणिना प्रकृतिविकृतियुक्तम्| इति प्रत्यक्षतोऽनुमानादुपदेशतश्च परीक्षणमुक्तम्||७||
🔊 Audio coming soon
অঙ্গুলীপর্বণাং চ স্ফুটনমিতি সম্বন্ধঃ| অন্যেঽপি চেতি কাসহিক্কাশব্দাদযঃ| যানি চান্যানীত্যনেন লক্ষণপ্রভাদীনি গৃহ্যন্তে| যূকাপসর্পণেন শরীরবৈরস্যমিতি বিরসাদ্ধি শরীরাদ্যূকা অপসর্পন্তি; এবং যূকাদ্যনপসর্পণেন প্রাকৃতরসযুক্তং শরীরমনুমাতব্যম্| ধারিলোহিতমিতি জীবশোণিতমিত্যর্থঃ; শ্বকাকভক্ষণাদিজ্ঞেযং যদ্ধারি রক্তং তত্ পিত্তাদুষ্টত্বেনাবিরসং শ্বাদযো ভক্ষযন্তি, নতু পিত্তদুষ্টং রক্তপিত্তমিতি ভাবঃ| অত্র এবংশব্দস্পর্শরূপরসগন্ধমিত্যুপদেশং কৃত্বা শব্দানন্তরং চক্ষুর্গ্রাহ্যং রূপং দর্শযঞ্ শব্দাদিপরীক্ষাযাশ্চ ক্রমনিযমাভাবং সূচযতি||৭||
Adhikarana 7 (8) · Śloka 8
ইমে তু খল্বন্যেঽপ্যেবমেব ভূযোঽনুমানজ্ঞেযা ভবন্তি ভাবাঃ| তদ্যথা- অগ্নিং জরণশক্ত্যা পরীক্ষেত, বলং ব্যাযামশক্ত্যা, শ্রোত্রাদীনি শব্দাদ্যর্থগ্রহণেন, মনোঽর্থাব্যভিচরণেন, বিজ্ঞানং ব্যবসাযেন, রজঃসঙ্গেন, মোহমবিজ্ঞানেন, ক্রোধমভিদ্রোহেণ, শোকং দৈন্যেন, হর্ষমামোদেন, প্রীতিং তোষেণ, ভযং বিষাদেন, ধৈর্যমবিষাদেন, বীর্যমুত্থানেন , অবস্থানমবিভ্রমেণ, শ্রদ্ধামভিপ্রাযেণ, মেধাং গ্রহণেন, সঞ্জ্ঞাং নামগ্রহণেন, স্মৃতিং স্মরণেন, হ্রিযমপত্রপণেন, শীলমনুশীলনেন, দ্বেষং প্রতিষেধেন, উপধিমনুবন্ধেন , ধৃতিমলৌল্যেন, বশ্যতাং বিধেযতযা, বযোভক্তিসাত্ম্যব্যাধিসমুত্থানানি কালদেশোপশযবেদনাবিশেষেণ, গূঢলিঙ্গং ব্যাধিমুপশযানুপশযাভ্যাং, দোষপ্রমাণবিশেষমপচারবিশেষেণ, আযুষঃ ক্ষযমরিষ্টৈঃ, উপস্থিতশ্রেযস্ত্বং কল্যাণাভিনিবেশেন, অমলং সত্ত্বমবিকারেণ, গ্রহণ্যাস্তু মৃদুদারুণত্বং স্বপ্নদর্শনমভিপ্রাযং দ্বিষ্টেষ্টসুখদুঃখানি চাতুরপরিপ্রশ্নেনৈব বিদ্যাদিতি||৮||
इमे तु खल्वन्येऽप्येवमेव भूयोऽनुमानज्ञेया भवन्ति भावाः| तद्यथा- अग्निं जरणशक्त्या परीक्षेत, बलं व्यायामशक्त्या, श्रोत्रादीनि शब्दाद्यर्थग्रहणेन, मनोऽर्थाव्यभिचरणेन, विज्ञानं व्यवसायेन, रजःसङ्गेन, मोहमविज्ञानेन, क्रोधमभिद्रोहेण, शोकं दैन्येन, हर्षमामोदेन, प्रीतिं तोषेण, भयं विषादेन, धैर्यमविषादेन, वीर्यमुत्थानेन , अवस्थानमविभ्रमेण, श्रद्धामभिप्रायेण, मेधां ग्रहणेन, सञ्ज्ञां नामग्रहणेन, स्मृतिं स्मरणेन, ह्रियमपत्रपणेन, शीलमनुशीलनेन, द्वेषं प्रतिषेधेन, उपधिमनुबन्धेन , धृतिमलौल्येन, वश्यतां विधेयतया, वयोभक्तिसात्म्यव्याधिसमुत्थानानि कालदेशोपशयवेदनाविशेषेण, गूढलिङ्गं व्याधिमुपशयानुपशयाभ्यां, दोषप्रमाणविशेषमपचारविशेषेण, आयुषः क्षयमरिष्टैः, उपस्थितश्रेयस्त्वं कल्याणाभिनिवेशेन, अमलं सत्त्वमविकारेण, ग्रहण्यास्तु मृदुदारुणत्वं स्वप्नदर्शनमभिप्रायं द्विष्टेष्टसुखदुःखानि चातुरपरिप्रश्नेनैव विद्यादिति||८||
🔊 Audio coming soon
ভূযোঽনুমানজ্ঞেযা ইত্যনেনানুমানগম্যতযা বক্ষ্যমাণা কেচিদগ্নিবলাদয আতুরোপদেশগম্যা অপি ভবন্তীতি সূচযতি| মনোঽর্থাব্যভিচরণেনেতি সতীন্দ্রিযাণামর্থসম্বন্ধে যদিদং কদাচিচ্ছব্দং প্রত্যেতি, কদাচিদ্রসমিত্যাদ্যযৌগপদ্যেন সর্বার্থান্ প্রত্যেতি, তেনাস্তি কারণানন্তরমিন্দ্রিযার্থগ্রাহকং মন ইত্যনুমীযতে| জ্ঞানং ব্যবসাযেনেতি ব্যবসাযঃ প্রবৃত্তিঃ, যথা- পেযজলে পানার্থা প্রবৃত্তিঃ; তেনানুমীযতে জলজ্ঞানমস্য জাতং, কথমন্যথা জ্ঞানকার্যার্থক্রিযাযাং প্রবর্তত ইতি| রজঃ সঙ্গেনেতি নার্যাদিসঙ্গেন তত্কারণং রজোঽনুমীযতে| অভিদ্রোহঃ পরপীডার্থা প্রবৃত্তিঃ| দৈন্যং রোদনাদি| আমোদঃ নৃত্যগীতবাদিত্রাদ্যুত্সবকরণম্| তোষঃ মুখনযনপ্রসাদাদিঃ; এতেন প্রীতিস্তোষমাত্রং, হর্ষস্তু প্রীতিবিশেষো মন-উদ্রেককারক ইত্যুক্তং ভবতি| ধৈর্যং বিপদ্যপি মনসোঽদৈন্যম্| বীর্যম্ আরব্ধদুষ্করকার্যেষ্বব্যাবৃত্তির্মনসঃ| উত্থানেনেতি ক্রিযারম্ভেণ| অবস্থানং স্থিরমতিত্বম্| অবিভ্রমেণেতি অভ্রান্ত্যা| শ্রদ্ধাম্ ইচ্ছাম্| অভিপ্রাযেণেতি অভ্যর্থনেন| গ্রহণেনেতি গ্রন্থাদিধারণেন| স্মৃতিমিতি স্মৃতিজনকং সংস্কারং; স্মরণেন হি তত্কারণং সংস্কারোঽনুমীযতে| হ্রিযমিতি লজ্জাম্| অপত্রপেণেতি লজ্জিতাকারেণ| শীলমিতি সহজং বস্তুষু রাগম্| অনুশীলনেনেতি অনুশীলনং সন্ততশীলনং তেন; সততং যমর্থং সেবতে তচ্ছীলোঽযমিত্যনুমীযতে| প্রতিষেধেনেতি ব্যাবৃত্ত্যা| উপেত্য ধীযতে ইতি উপধিঃ ছদ্ম ইত্যর্থঃ, তমনুবন্ধেনেত্যুত্তরকালীনফলেন; উত্তরকালং হি ভ্রাত্রাদিবধেন ফলেন জ্ঞাযতে- যদযমুন্মত্তচ্ছদ্মপ্রচারী চন্দ্রগুপ্ত ইতি| বিধেযতযেতি বিধেযপ্রচারেণ| বযঃপ্রভৃতীনি ব্যাধিসমুত্থানান্তানি চত্বারি যথাসঙ্খ্যং কালাদিবিশেষেণ জ্ঞাযন্তে| তত্র কালবিশেষেণ ষোডশবর্ষাদিনা বযো বাল্যাদি জ্ঞাযতে; দেশেন তু ভক্তিরিচ্ছা জ্ঞাযতে, যথা হি- অযং মধ্যদেশীযস্তেনাস্য গোধূমমাষাদিষ্বিচ্ছাঽনুমীযতে; যস্মাচ্চেদমস্যোপশেতে তেনেদমস্য সাত্ম্যমিতি জ্ঞাযতে; বেদনাবিশেষেণ ব্যাধিসমুত্থানং জ্ঞাযতে, যথা- যস্মাদযং সন্তাপবেদনাবান্ তস্মাদস্য জ্বরব্যাধিসমুত্থানং ভূতমিত্যাদি জ্ঞেযম্| গূঢলিঙ্গমিতিবিশেষণেনাগূঢলিঙ্গে ব্যাধৌ লিঙ্গৈরেবাবধারিতে নোপশযানুপশযাভ্যাং পরীক্ষা করণীযেতি দর্শযতি| অপচারবিশেষেণেতি মহতাঽপচারেণ ভূরিদোষো ভবতি, স্বল্পেণ স্বল্প ইতি| কল্যাণাভিনিবেশেনেতি শ্রেযস্করমার্গানুষ্ঠানেন; এতদ্ধি অচিরভাবিশ্রেযসামেব ভবতি| সত্ত্বমিতি সত্ত্বগুণোদ্রেকম্| অবিকারেণেতি রাগদ্বেষবিকারাভাবেন| পরিপ্রশ্নেনৈবেতিবচনেন যদ্যপি গ্রহণীমার্দবাদ্যনুমানাদপি পার্যতে জ্ঞাতুং, তথাঽপ্যনুমানস্য বুদ্ধিপ্রযাসবহুত্বেনাতুরপৃচ্ছযৈব সুখোপচাররূপযা বিদ্যাদ্ গ্রহণীমার্দবাদীনীতি দর্শযতি| অভিপ্রাযঃ ভোজনাদীচ্ছা| দ্বিষ্টেষ্টশব্দেন তু দ্বিষ্টেপ্সিতপ্রেষ্যাদিগ্রহণম্||৮||
Adhikarana 8 (9-14) · Śloka 14
ভবন্তি চাত্র- আপ্ততশ্চোপদেশেন প্রত্যক্ষকরণেন চ| অনুমানেন চ ব্যাধীন্ সম্যগ্বিদ্যাদ্বিচক্ষণঃ||৯|| সর্বথা সর্বমালোচ্য যথাসম্ভবমর্থবিত্| অথাধ্যবস্যেত্তত্ত্বে চ কার্যে চ তদনন্তরম্||১০|| কার্যতত্ত্ববিশেষজ্ঞঃ প্রতিপত্তৌ ন মুহ্যতি| অমূঢঃ ফলমাপ্নোতি যদমোহনিমিত্তজম্||১১|| জ্ঞানবুদ্ধিপ্রদীপেন যো নাবিশতি তত্ত্ববিত্ | আতুরস্যান্তরাত্মানং ন স রোগাংশ্চিকিত্সতি||১২|| তত্র শ্লোকৌ- সর্বরোগবিশেষাণাং ত্রিবিধং জ্ঞানসঙ্গ্রহম্| যথা চোপদিশন্ত্যাপ্তাঃ প্রত্যক্ষং গৃহ্যতে যথা||১৩|| যে যথা চানুমানেন জ্ঞেযাস্তাংশ্চাপ্যুদারধীঃ| ভাবাংস্ত্রিরোগবিজ্ঞানে বিমানে মুনিরুক্তবান্||১৪||
भवन्ति चात्र- आप्ततश्चोपदेशेन प्रत्यक्षकरणेन च| अनुमानेन च व्याधीन् सम्यग्विद्याद्विचक्षणः||९|| सर्वथा सर्वमालोच्य यथासम्भवमर्थवित्| अथाध्यवस्येत्तत्त्वे च कार्ये च तदनन्तरम्||१०|| कार्यतत्त्वविशेषज्ञः प्रतिपत्तौ न मुह्यति| अमूढः फलमाप्नोति यदमोहनिमित्तजम्||११|| ज्ञानबुद्धिप्रदीपेन यो नाविशति तत्त्ववित् | आतुरस्यान्तरात्मानं न स रोगांश्चिकित्सति||१२|| तत्र श्लोकौ- सर्वरोगविशेषाणां त्रिविधं ज्ञानसङ्ग्रहम्| यथा चोपदिशन्त्याप्ताः प्रत्यक्षं गृह्यते यथा||१३|| ये यथा चानुमानेन ज्ञेयास्तांश्चाप्युदारधीः| भावांस्त्रिरोगविज्ञाने विमाने मुनिरुक्तवान्||१४||
🔊 Audio coming soon
যথাসম্ভবমিত্যনেন সর্বত্র পরীক্ষণীযে সর্বপ্রমাণাসম্ভব ইতি দর্শযতি| অথেত্যাদি অথ প্রত্যেকশব্দাদিবিষযপরীক্ষানন্তরম্| তত্ত্বে ব্যাধিতত্ত্বে, তথা কার্যে চ তত্র সাধ্যে ব্যাধৌ কর্তব্যলক্ষণে, তদনন্তরমধ্যবস্যেত্; যদ্যুক্তং তত্ত্বং ভবতি, যচ্চ কার্যমুক্তং, তত্রাধ্যবসাযং নিশ্চযং কুর্যাদিত্যর্থঃ| অনন্তরমিতি অবিদ্যমানান্তরযোগ্যমিত্যর্থঃ| কার্যতত্ত্ববিশেষাধ্যবসাযফলমাহ- কার্যেত্যাদি| প্রতিপত্তিঃ কর্মণাং যথার্হতযাঽনুষ্ঠানম্| অমূঢ ইতি প্রতিপত্তাবমূঢ ইত্যর্থঃ| জ্ঞানং শাস্ত্রং, তত্কৃতা বুদ্ধিঃ জ্ঞানবুদ্ধিঃ| আবিশতি বুদ্ধ্যাঽবগাহত ইত্যর্থঃ| অন্তরাত্মানমিতি বৈদ্যপক্ষে অন্তঃশরীরম্||৯-১৪||
Adhikarana puShpikA · Śloka 4
ইত্যগ্নিবেশকৃতে তন্ত্রে চরকপ্রতিসংস্কৃতে বিমানস্থানে ত্রিবিধরোগবিশেষবিজ্ঞানীযং বিমানং নাম চতুর্থোঽধ্যাযঃ||৪||
इत्यग्निवेशकृते तन्त्रे चरकप्रतिसंस्कृते विमानस्थाने त्रिविधरोगविशेषविज्ञानीयं विमानं नाम चतुर्थोऽध्यायः||४||
🔊 Audio coming soon
ইতি শ্রীচক্রপাণিদত্তবিরচিতাযাং চরকতাত্পর্যটীকাযামাযুর্বেদদীপিকাযাং বিমানস্থানে ত্রিবিধরোগবিশেষবিজ্ঞানীযং বিমানং নাম চতুর্থোঽধ্যাযঃ||৪||