Adhikarana bhagandarapUrvarUpapiDakAlakShaNam (1) · Śloka 1
অথ ভগন্দরনিদানম্ |
গুদস্য দ্ব্যঙ্গুলে ক্ষেত্রে পার্শ্বতঃ পিডকাঽঽর্তিকৃত্ |
ভিন্না ভগন্দরো জ্ঞেযঃ স চ পঞ্চবিধো মতঃ ||১||
View original
अथ भगन्दरनिदानम् |
गुदस्य द्व्यङ्गुले क्षेत्रे पार्श्वतः पिडकाऽऽर्तिकृत् |
भिन्ना भगन्दरो ज्ञेयः स च पञ्चविधो मतः ||१||
নাডীবিশেষত্বাত্ সঙ্খ্যাসাম্যাচ্চ ভগন্দরনিদানম্| ভগন্দরপূর্বরূপপিডকামাহ– গুদস্যেত্যাদি| ক্ষেত্রে দেশে| “সৈব ভিন্না ভগন্দরঃ|” নিরুক্তিরস্য সুশ্রুতেন কৃতা| তদ্যথা– “গুদভগবস্তিপ্রদেশদারণাত্ ভগন্দরাঃ|” (সু. নি. অ. ৪) ইতি| ভগশব্দো গুদাদ্যুপলক্ষণম্| ভোজেঽপ্যুক্তম্– “ভগং পরিসমন্তাচ্চ গুদং বস্তিং তথৈব চ| ভগবদ্দারযেদ্যস্মাত্তস্মাজ্জ্ঞেযো ভগন্দরঃ||” ইতি| পূর্বরূপং ত্বস্য সুশ্রুতে পঠ্যতে; যথা– “কটীকপালবেদনা গুদকণ্ডুর্দাহঃ শোথশ্চ গুদস্য ভবতি|” (সু. নি. অ. ৪) ইতি| এতত্ সামান্যং পূর্বরূপম্| কটীকপালমত্র কটীফলকম্| পঞ্চবিধ ইতি সঙ্খ্যাকথনং রক্তজদ্বন্দ্বজভগন্দরসম্ভাবনানিরাসার্থম্||১||
Adhikarana vAtika(shataponaka)bhagandarasya nidAnasamprAptipUrvakaM lakShaNam (2) · Śloka 3
কষাযরূক্ষৈস্ত্বতিকোপিতোঽনিলস্ত্বপানদেশে পিডকাং করোতি যাম্ |
উপেক্ষণাত্পাকমুপৈতি দারুণং রুজা চ ভিন্নাঽরুণফেনবাহিনী ||২||
তত্রাগমো মূত্রপুরীষরেতসাং ব্রণৈরনেকৈঃ শতপোনকং বদেত্ |৩|
View original
कषायरूक्षैस्त्वतिकोपितोऽनिलस्त्वपानदेशे पिडकां करोति याम् |
उपेक्षणात्पाकमुपैति दारुणं रुजा च भिन्नाऽरुणफेनवाहिनी ||२||
तत्रागमो मूत्रपुरीषरेतसां व्रणैरनेकैः शतपोनकं वदेत् |३|
শতপোনকমাহ– কষাযেত্যাদি| অপানদেশ ইতি গুদদেশে| উপেক্ষণাদিতি বিম্লাপনাদ্যকরণাত্| রুজা চ ভিন্নেতি রুজা রুজান্বিতা, অর্শআদেরাকৃতিগণত্বাদচ্, ভিন্না বিদীর্ণা| ব্রণৈরনেকৈঃ শতপোনকং বদেদিতি শতপোনকতুল্যত্বাত্ শতপোনকঃ; শতপোনকশ্চালনিকা, সহস্রধারা ইত্যন্যে; কিংবা শতপোনকঃ শূকদোষে পঠিতো বিকারঃ ‘ছিদ্রৈরণুমুখৈঃ’ ইত্যাদিনা, কিন্তু যদি শূকদোষপঠিতশতপোনকতুল্যত্বমস্য তদা ছিদ্রৈরণুমুখৈরিত্যাদিনিমিত্তস্যোভযত্র পঠিতত্বাত্ কিং তত্সাদৃশ্যপ্রবৃত্তেযং সঞ্জ্ঞা, সা বা এতত্সাদৃশ্যপ্রবৃত্তেতি দুর্বিজ্ঞানাত্তত্রাপি চালনিকাতুল্যত্বমেব প্রবৃত্তিনিমিত্তমিতি মন্যমানেন জেজ্জটেন চালনিকাতুল্যত্বমত্র বর্ণিতম্| শতপোনকবদনেকমুখত্বে বাতিকভগন্দরস্বভাব এব হেতুঃ||২||
Adhikarana paittika(uShTragrIva)bhagandarasya nidAnAdipUrvakaM lakShaNam (3-4) · Śloka 4
প্রকোপণৈঃ পিত্তমতিপ্রকোপিতং করোতি রক্তাং পিডকাং গুদাশ্রিতাম্ ||৩||
তদাঽঽশুপাকাঽহিমপূতিবাহিনীং ভগন্দরং তূষ্ট্রশিরোধরং বদেত্ ||৪||
View original
प्रकोपणैः पित्तमतिप्रकोपितं करोति रक्तां पिडकां गुदाश्रिताम् ||३||
तदाऽऽशुपाकाऽहिमपूतिवाहिनीं भगन्दरं तूष्ट्रशिरोधरं वदेत् ||४||
উষ্ট্রগ্রীবলক্ষণমাহ– প্রকোপণৈরিত্যাদি| তদাশুপাকাহিমপূতিবাহিনীমিতি তদেতি তত্কালে, পিত্তজত্বেনাশুপাকা চ সা অহিমপূতিবাহিনী উষ্ণপূতিবাহিনী চ সা আশুপাকাহিমপূতিবাহিনী তাম্| অত্র পিডকাবস্থাগতগলবক্রত্বেন উষ্ট্রগ্রীবাকারত্বং, তেনোষ্ট্রগ্রীবসঞ্জ্ঞা||৩-৪||
Adhikarana shlaiShmika(parisrAvi)bhagandarasya lakShaNam (5) · Śloka 5
কণ্ডূযনো ঘনস্রাবী কঠিনো মন্দবেদনঃ |
শ্বেতাবভাসঃ কফজঃ পরিস্রাবী ভগন্দরঃ ||৫||
View original
कण्डूयनो घनस्रावी कठिनो मन्दवेदनः |
श्वेतावभासः कफजः परिस्रावी भगन्दरः ||५||
পরিস্রাবিণমাহ– কণ্ডূযন ইত্যাদি| পরিস্রাবী কফজঃ, স চ ঘনস্রাবযোগাত্ পরিস্রাবী||৫||
Adhikarana sannipAtaja(shambUkAvarta)bhagandaralakShaNam (6) · Śloka 6
বহুবর্ণরুজাস্রাবা পিডকা গোস্তনোপমা |
শম্বূকাবর্তবন্নাডী শম্বূকাবর্তকো মতঃ ||৬||
View original
बहुवर्णरुजास्रावा पिडका गोस्तनोपमा |
शम्बूकावर्तवन्नाडी शम्बूकावर्तको मतः ||६||
সন্নিপাতজং শম্বূকাবর্তমাহ– বহুবর্ণরুজাস্রাবেত্যাদি| প্রত্যেকদোষজভগন্দরপঠিতবর্ণবেদনাঃ স্রাবশ্চ| শম্বূকাবর্তবত্ পূর্ণনদ্যাঃ শম্বূকাবর্তবদাবর্তনং বেদনা দোষগতিবিশেষাদ্ভবতীতি শম্বূকাবর্তঃ| তথা চ ভোজঃ– “নদীনাং পরিপূর্ণানাং শম্বূকাবর্তকা যথা| সমুত্তিষ্ঠন্তি বেগেন তোযবেগসমীরিতাঃ||” ইতি||৬||
Adhikarana Agantuka(unmArgi)bhagandaralakShaNam (7) · Śloka 7
ক্ষতাদ্গতিঃ পাযুগতা বিবর্ধতে হ্যুপেক্ষণাত্ স্যুঃ ক্রিমযো বিদার্য তে |
প্রকুর্বতে মার্গমনেকধা মুখৈর্ব্রণৈস্তদুন্মার্গিভগন্দরং বদেত্ ||৭||
View original
क्षताद्गतिः पायुगता विवर्धते ह्युपेक्षणात् स्युः क्रिमयो विदार्य ते |
प्रकुर्वते मार्गमनेकधा मुखैर्व्रणैस्तदुन्मार्गिभगन्दरं वदेत् ||७||
উন্মার্গিভগন্দরমাগন্তুমাহ– ক্ষতাদ্গতিরিত্যাদি| ক্ষতাদিতি কণ্টকাদিঘাতাত্| বিদার্য ত ইতি তে ক্রিমযো বিদার্য মার্গং কুর্বত ইতি যোজনা| অনেকধা মুখৈরনেকমুখৈঃ| অত্রোন্মার্গেণ ক্রিমিকৃতবিমার্গেণ পুরীষাদিগমনাদুন্মার্গিসঞ্জ্ঞা জ্ঞেযা| তন্ত্রান্তরে ত্বর্শোভগন্দরঃ পঠিতঃ| তদ্যথা– “কফপিত্তে তু পূর্বোত্থে দুর্নামাশ্রিত্য কুপ্যতঃ| অর্শোমূলে ততঃ শোথঃ কণ্ডূদাহার্তিমান্ ভবেত্|| স শীঘ্রং পক্বভিন্নোঽস্য ক্লেদযন্ মূলমর্শসঃ| স্রবত্যজস্রং গতিভিরযমর্শোভগন্দরঃ||” ইতি| অযমন্যতমস্মিন্ শতপোনকাদীনাং দোষলক্ষণদর্শনাদন্তর্ভাব্যঃ||৭||
Adhikarana bhagandarasya sAdhyAsAdhyavicAraH (8) · Śloka 8
ঘোরাঃ সাধযিতুং দুঃখাঃ সর্ব এব ভগন্দরাঃ |
তেষ্বসাধ্যস্ত্রিদোষোত্থঃ ক্ষতজশ্চ বিশেষতঃ ||৮||
(সু. নি. অ. ৪) |
View original
घोराः साधयितुं दुःखाः सर्व एव भगन्दराः |
तेष्वसाध्यस्त्रिदोषोत्थः क्षतजश्च विशेषतः ||८||
(सु. नि. अ. ४) |
প্রতীকারপ্রযত্নাযাহ– ঘোরা ইত্যাদি| দুঃখা ইতি দুঃখপ্রদাঃ| ক্ষতজশ্চ বিশেষত ইতি ক্ষতজোঽপি বিশেষমনেকব্রণযোগং ক্রিমিসম্ভবাদিকং চ বীক্ষ্যাসাধ্যঃ, অত এব চিকিত্সিতে অসাধ্যতাং প্রতিজ্ঞায ক্রিযাং বক্ষ্যতি| বিশেষত ইতি ল্যব্লোপে পঞ্চমী; বিশেষতোঽতিশযাদসাধ্য ইত্যর্থঃ, যাপনার্থং ক্রিযাবিধিরিতি| ক্বচিত্ “ক্ষতজশ্চ ভগন্দরঃ” ইতি পাঠঃ| ক্ষতজো বিশেষতঃ সাধযিতুং ঘোরঃ অসাধ্য এব, স্রাবরূপবিশেষস্য যুক্তত্বাদিতি গদাধরঃ||৮||
Adhikarana bhagandarasya asAdhyAvasthA (9) · Śloka 9
বাতমূত্রপুরীষাণি ক্রিমযঃ শুক্রমেব চ |
ভগন্দরাত্ স্রবন্তস্তু নাশযন্তি তমাতুরম্ ||৯||
(সু. সূ. অ. ৩৩) |
View original
वातमूत्रपुरीषाणि क्रिमयः शुक्रमेव च |
भगन्दरात् स्रवन्तस्तु नाशयन्ति तमातुरम् ||९||
(सु. सू. अ. ३३) |
অবস্থাযামসাধ্যতামাহ– বাতমূত্রপুরীষাণীত্যাদি| ভগন্দরাত্ স্রবন্ত ইত্যত্র ‘অমী বিশেষা’ ইতি শেষঃ||৯||
Adhikarana puShpikA · Śloka 46
ইতি শ্রীমাধবকরবিরচিতে মাধবনিদানে ভগন্দরনিদানং সমাপ্তম্ ||৪৬||
View original
इति श्रीमाधवकरविरचिते माधवनिदाने भगन्दरनिदानं समाप्तम् ||४६||
ইতি শ্রীকণ্ঠদত্তকৃতাযাং মধুকোশব্যাখ্যাযাং ভগন্দরনিদানং সমাপ্তম্||৪৬||