Adhikarana bhagandarapUrvarUpapiDakAlakShaNam (1) · Śloka 1
অথ ভগন্দরনিদানম্ | গুদস্য দ্ব্যঙ্গুলে ক্ষেত্রে পার্শ্বতঃ পিডকাঽঽর্তিকৃত্ | ভিন্না ভগন্দরো জ্ঞেযঃ স চ পঞ্চবিধো মতঃ ||১||
अथ भगन्दरनिदानम् | गुदस्य द्व्यङ्गुले क्षेत्रे पार्श्वतः पिडकाऽऽर्तिकृत् | भिन्ना भगन्दरो ज्ञेयः स च पञ्चविधो मतः ||१||
🔊 Audio coming soon
Adhikarana vAtika(shataponaka)bhagandarasya nidAnasamprAptipUrvakaM lakShaNam (2) · Śloka 3
কষাযরূক্ষৈস্ত্বতিকোপিতোঽনিলস্ত্বপানদেশে পিডকাং করোতি যাম্ | উপেক্ষণাত্পাকমুপৈতি দারুণং রুজা চ ভিন্নাঽরুণফেনবাহিনী ||২|| তত্রাগমো মূত্রপুরীষরেতসাং ব্রণৈরনেকৈঃ শতপোনকং বদেত্ |৩|
कषायरूक्षैस्त्वतिकोपितोऽनिलस्त्वपानदेशे पिडकां करोति याम् | उपेक्षणात्पाकमुपैति दारुणं रुजा च भिन्नाऽरुणफेनवाहिनी ||२|| तत्रागमो मूत्रपुरीषरेतसां व्रणैरनेकैः शतपोनकं वदेत् |३|
🔊 Audio coming soon
Adhikarana paittika(uShTragrIva)bhagandarasya nidAnAdipUrvakaM lakShaNam (3-4) · Śloka 4
প্রকোপণৈঃ পিত্তমতিপ্রকোপিতং করোতি রক্তাং পিডকাং গুদাশ্রিতাম্ ||৩|| তদাঽঽশুপাকাঽহিমপূতিবাহিনীং ভগন্দরং তূষ্ট্রশিরোধরং বদেত্ ||৪||
प्रकोपणैः पित्तमतिप्रकोपितं करोति रक्तां पिडकां गुदाश्रिताम् ||३|| तदाऽऽशुपाकाऽहिमपूतिवाहिनीं भगन्दरं तूष्ट्रशिरोधरं वदेत् ||४||
🔊 Audio coming soon
Adhikarana shlaiShmika(parisrAvi)bhagandarasya lakShaNam (5) · Śloka 5
কণ্ডূযনো ঘনস্রাবী কঠিনো মন্দবেদনঃ | শ্বেতাবভাসঃ কফজঃ পরিস্রাবী ভগন্দরঃ ||৫||
कण्डूयनो घनस्रावी कठिनो मन्दवेदनः | श्वेतावभासः कफजः परिस्रावी भगन्दरः ||५||
🔊 Audio coming soon
Adhikarana sannipAtaja(shambUkAvarta)bhagandaralakShaNam (6) · Śloka 6
বহুবর্ণরুজাস্রাবা পিডকা গোস্তনোপমা | শম্বূকাবর্তবন্নাডী শম্বূকাবর্তকো মতঃ ||৬||
बहुवर्णरुजास्रावा पिडका गोस्तनोपमा | शम्बूकावर्तवन्नाडी शम्बूकावर्तको मतः ||६||
🔊 Audio coming soon
Adhikarana Agantuka(unmArgi)bhagandaralakShaNam (7) · Śloka 7
ক্ষতাদ্গতিঃ পাযুগতা বিবর্ধতে হ্যুপেক্ষণাত্ স্যুঃ ক্রিমযো বিদার্য তে | প্রকুর্বতে মার্গমনেকধা মুখৈর্ব্রণৈস্তদুন্মার্গিভগন্দরং বদেত্ ||৭||
क्षताद्गतिः पायुगता विवर्धते ह्युपेक्षणात् स्युः क्रिमयो विदार्य ते | प्रकुर्वते मार्गमनेकधा मुखैर्व्रणैस्तदुन्मार्गिभगन्दरं वदेत् ||७||
🔊 Audio coming soon
Adhikarana bhagandarasya sAdhyAsAdhyavicAraH (8) · Śloka 8
ঘোরাঃ সাধযিতুং দুঃখাঃ সর্ব এব ভগন্দরাঃ | তেষ্বসাধ্যস্ত্রিদোষোত্থঃ ক্ষতজশ্চ বিশেষতঃ ||৮|| (সু. নি. অ. ৪) |
घोराः साधयितुं दुःखाः सर्व एव भगन्दराः | तेष्वसाध्यस्त्रिदोषोत्थः क्षतजश्च विशेषतः ||८|| (सु. नि. अ. ४) |
🔊 Audio coming soon
Adhikarana bhagandarasya asAdhyAvasthA (9) · Śloka 9
বাতমূত্রপুরীষাণি ক্রিমযঃ শুক্রমেব চ | ভগন্দরাত্ স্রবন্তস্তু নাশযন্তি তমাতুরম্ ||৯|| (সু. সূ. অ. ৩৩) |
वातमूत्रपुरीषाणि क्रिमयः शुक्रमेव च | भगन्दरात् स्रवन्तस्तु नाशयन्ति तमातुरम् ||९|| (सु. सू. अ. ३३) |
🔊 Audio coming soon
Adhikarana puShpikA · Śloka 46
ইতি শ্রীমাধবকরবিরচিতে মাধবনিদানে ভগন্দরনিদানং সমাপ্তম্ ||৪৬||
इति श्रीमाधवकरविरचिते माधवनिदाने भगन्दरनिदानं समाप्तम् ||४६||
🔊 Audio coming soon