Adhikarana bhagnasya dvaividhyam (1) · Śloka 1
অথ ভগ্ননিদানম্ |
ভগ্নং সমাসাদ্দ্বিবিধং হুতাশ কাণ্ডে চ সন্ধৌ চ হি তত্র সন্ধৌ |
উত্পিষ্টবিশ্লিষ্টবিবর্তিতং চ তির্যগ্গতং ক্ষিপ্তমধশ্চ ষট্ চ ||১||
View original
अथ भग्ननिदानम् |
भग्नं समासाद्द्विविधं हुताश काण्डे च सन्धौ च हि तत्र सन्धौ |
उत्पिष्टविश्लिष्टविवर्तितं च तिर्यग्गतं क्षिप्तमधश्च षट् च ||१||
আগন্তুসামান্যাত্ ভগ্ননিদানম্| দ্বিবিধং হি ভগ্নং সব্রণমব্রণং চ, তত্র সব্রণমভিধাযাব্রণমাহ– ভগ্নং সমাসাদিত্যাদি| হুতাশ ইতি অগ্নিবেশসম্বোধনং, চরকে হুতাশশব্দেনাগ্নিবেশোঽভিধীযতে, একদেশেনাপি সমুদাযপ্রতীতেঃ| কাণ্ডে চ সন্ধৌ চেতি সন্ধিবিচ্ছিন্নমেকং, দ্বিতীযং কাণ্ডভগ্নং; কাণ্ডমস্থিকাণ্ডঃ, কাণ্ডেন চ নলককপালবলযতরুণরুচকানাং গ্রহঃ, তত্র ভগ্নং কাণ্ডে ভগ্নং; দ্বযোরস্থ্নোঃ, সন্ধানং সন্ধিঃ, তদ্বিশ্লেষঃ সন্ধিমুক্তম্| তত্র সন্ধাবিতি সন্ধৌ মুক্তে ‘লিঙ্গমভিধীযতে’ ইতি শেষঃ| ননু কথং সন্ধিমুক্তং ভগ্নমুচ্যতে? অস্থ্নাং হি ভঙ্গো যুক্তঃ| উচ্যতে– অস্থিবিশ্লেষোঽত্র ভগ্নোঽভিপ্রেতঃ, স চ কাণ্ডভগ্নে সন্ধিমুক্তে চাস্তীতি ন দোষঃ||১||
Adhikarana sandhibhagnasya sAmAnyali~ggam (1) · Śloka 2
প্রসারণাকুঞ্চনবর্তনোগ্রা রুক্ স্পর্শবিদ্বেষণমেতদুক্তম্ |
সামান্যতঃ সন্ধিগতস্য লিঙ্গম্... |২|
View original
प्रसारणाकुञ्चनवर्तनोग्रा रुक् स्पर्शविद्वेषणमेतदुक्तम् |
सामान्यतः सन्धिगतस्य लिङ्गम्... |२|
সন্ধিভগ্নস্য সামান্যলিঙ্গমাহ– প্রসারণেত্যাদি| প্রসারণাকুঞ্চনবর্তনোগ্রা রুগিতি প্রসারণাদিষু উগ্রা রুক্| বর্তনং নিষ্ক্রিযতযাঽবস্থানম্|১|–
Adhikarana utpiShTa-vishliShTa-vivartita-tiryaggata-kShiptali~ggam (2-3) · Śloka 3
...উত্পিষ্টসন্ধেঃ শ্বযথুঃ সমন্তাত্ ||২||
বিশেষতো রাত্রিভবা রুজা চ, বিশ্লিষ্টজে তৌ চ রুজা চ নিত্যম্ |
বিবর্তিতে পার্শ্বরুজশ্চ তীব্রাস্তির্যগ্গতে তীব্ররুজো ভবন্তি ||৩||
ক্ষিপ্তেঽতিশূলং বিষমত্বমস্থ্নোঃ ক্ষিপ্তে ত্বধো রুগ্বিঘটশ্চ সন্ধেঃ |
View original
...उत्पिष्टसन्धेः श्वयथुः समन्तात् ||२||
विशेषतो रात्रिभवा रुजा च, विश्लिष्टजे तौ च रुजा च नित्यम् |
विवर्तिते पार्श्वरुजश्च तीव्रास्तिर्यग्गते तीव्ररुजो भवन्ति ||३||
क्षिप्तेऽतिशूलं विषमत्वमस्थ्नोः क्षिप्ते त्वधो रुग्विघटश्च सन्धेः |
উত্পিষ্টাদিলিঙ্গমাহ– উত্পিষ্টসন্ধেরিত্যাদি| উত্পিষ্টং দ্বাভ্যামস্থিভ্যাং সন্ধৌ ঘর্ষণম্| শ্বযথুঃ সমন্তাদিতি উভযভাগে শোথঃ, উভযতঃ সন্ধ্যস্থ্নোর্ঘর্ষিতত্বাত্| বিশেষতো রাত্রিভবা রুজা চেতি অভিঘাতকুপিত এব রাত্রৌ শৈত্যেনাত্যন্তং বৃদ্ধো বাযুঃ রুজাং করোতি| অত্র চূর্ণিতত্বেন মার্গাবরণাত্ বাতকোপ ইত্যর্থঃ| বিশ্লিষ্টজে ইতি বিশ্লিষ্টজাতে সন্ধিমুক্তে, বিশ্লিষ্টং মনাক্ সন্ধিবিশ্লেষঃ শিথিলতামাত্রং, বিশ্লিষ্টমিতি ভাবে ক্তঃ| তৌ চেতি বিশ্লিষ্টে রাত্রিরুজাসমন্তাচ্ছোথৌ; সমন্তাচ্ছোথোঽপ্যত্রাল্পো বোধ্যঃ, সন্ধেরনভিঘাতাত্| সন্ধিবিক্রিযযা অস্থ্নোরপসৃতত্বাত্ মধ্যনিম্নত্বং, “উত্পিষ্টমথ বিশ্লিষ্টং সন্ধিং বৈদ্যো ন ঘট্টযেত্|” (সু. চি. অ. ২) ইতি বচনাত্; মনাগ্বিক্রিযযা বা| রুজা চ নিত্যমিতি সর্বদা রুজা বলবতী ভবতীত্যুত্পিষ্টাদ্বিশেষঃ| বিবর্তিতে ইতি ‘সন্ধৌ’ ইতি শেষঃ, বিবর্তিতে বিপরীতং বর্তিতে; বিবর্তনং সন্ধৌ দ্বযোরস্থ্নোর্বিবৃতির্বিভ্রমণমনার্জবতা| পার্শ্বরুজশ্চ তীব্রা ইতি আভ্যন্তরসন্ধিস্থানযোঃ পার্শ্বসন্ধ্যস্থ্নোঃ পার্শ্বগমনাত্তীব্রাঃ পার্শ্বরুজঃ| তির্যগ্গত ইতি তির্যক্ক্ষিপ্তে| অত্র হ্যেকং সন্ধ্যস্থি সন্ধিস্থানং ত্যক্ত্বা তির্যগ্যাতি| ক্ষিপ্তেঽতীতি অতিক্ষিপ্তে; ‘ঊর্ধ্বম্’ ইতি শেষঃ| অত্র হ্যেকাস্থিবিক্রিযযা উভযাস্থিবিক্রিযযা বা দ্বযোরপ্যস্থ্নোঃ পরস্পরাতিক্রমণং দূরগমনং বা; বিশ্লিষ্টে তু মনাক্ শিথিলতামাত্রম্; অধঃক্ষিপ্তে তু কিঞ্চিদধোগমনমিতি বিশেষঃ| “বিষমাশ্চ সক্থ্নোঃ” ইতি পাঠে তু ‘রুজ’ ইতি শেষঃ| ক্ষিপ্তে ত্বধোরুগ্বিঘটশ্চ সন্ধেরিতি অধঃক্ষিপ্তে রুক্ রুজা, সন্ধের্বিঘটশ্চ বিঘটনম্| ‘বিরুদ্ধচেষ্টা বিঘটস্য’ ইতি পাঠান্তরে বিঘটিতস্য সন্ধেরিত্যর্থঃ| অত্র অধোঽস্থিগমনম্| অধঃ ক্ষিপ্তবদূর্ধ্বং ক্ষিপ্তস্যাপ্যভিধানে প্রাপ্তে অনুক্তিরতিক্ষিপ্তেঽবরোধাত্||২-৩||–
Adhikarana kANDe bhagnasya li~ggam (4-6) · Śloka 6
কাণ্ডে ত্বতঃ কর্কটকাশ্বকর্ণবিচূর্ণিতং পিচ্চিতমস্থিছল্লিকা ||৪||
কাণ্ডেষু ভগ্নং হ্যতিপাতিতং চ মজ্জাগতং চ স্ফুটিতং চ বক্রম্ |
ছিন্নং দ্বিধা দ্বাদশধাঽপি কাণ্ডে স্রস্তাঙ্গতা শোথরুজাতিবৃদ্ধিঃ ||৫||
সম্পীড্যমানে ভবতীহ শব্দঃ স্পর্শাসহং স্পন্দনতোদশূলাঃ |
সর্বাস্ববস্থাসু ন শর্মলাভো ভগ্নস্য কাণ্ডে খলু চিহ্নমেতত্ ||৬||
View original
काण्डे त्वतः कर्कटकाश्वकर्णविचूर्णितं पिच्चितमस्थिछल्लिका ||४||
काण्डेषु भग्नं ह्यतिपातितं च मज्जागतं च स्फुटितं च वक्रम् |
छिन्नं द्विधा द्वादशधाऽपि काण्डे स्रस्ताङ्गता शोथरुजातिवृद्धिः ||५||
सम्पीड्यमाने भवतीह शब्दः स्पर्शासहं स्पन्दनतोदशूलाः |
सर्वास्ववस्थासु न शर्मलाभो भग्नस्य काण्डे खलु चिह्नमेतत् ||६||
অতঃ পরং কাণ্ডে ভগ্নমভিধীযতে– কাণ্ডে ত্বত ইত্যাদি| কাণ্ডে ইত্যত্র ভগ্নমিতি শেষঃ| অত ইতি অতঃ পরম্| কর্কটকেতি উভযোঃ পার্শ্বযোর্নিপীডনেনাবনতম্, অত এব মধ্যে গ্রন্থিরিবোন্নতং কর্কটতুল্যত্বাত্ কর্কটকম্| অশ্বকর্ণেতি অশ্বকর্ণবত্ বিপুলাস্থিনির্গমাদশ্বকর্ণম্| বিচূর্ণিতমিতি ক্ষুণ্ণমস্থি, তচ্চ শব্দস্পর্শাভ্যামবগন্তব্যম্| পিচ্চিতমিতি যন্ত্রিতং বহুশোথম্| অস্থিছল্লিকেতি ছল্লং বল্কলং তদত্রাস্তীতি অস্থিছল্লিকা, অত্র মত্বর্থীযষ্ঠিকন্| অত্র তু আ ন ভবতি, বৃদ্ধেরনিত্যত্বাত্| এষা পার্শ্বগতস্তোকাস্থিবিশ্লেষাদ্ভবতি| ‘অস্থিছল্লিতম্’ ইতি বা পাঠঃ, ছল্লমস্য সঞ্জাতমিতি ছল্লিতম্| কাণ্ডেষু ভগ্নমিত্যনেন কাণ্ডভগ্নমভিধীযতে, প্রসারণে কম্পমানং কাণ্ডভগ্নম্| যদ্যপি কাণ্ডে ভগ্নং সর্বমেব কর্কটাদি, তথাঽপি বিশিষ্টে কাণ্ডভগ্নে কাণ্ডভগ্নসঞ্জ্ঞেযং বোদ্ধব্যা| যথা– জাঙ্গলশব্দো জঙ্ঘালাদ্যষ্টবিধমাংসবর্গে সামান্যে, বিশেষে পুনরেণাদাবেব চ বর্ততে| অতিপাতিতমিতি অস্থিনিঃশেষতশ্ছিন্নমতিপাতিতম্| মজ্জাগতমিতি অস্থ্যবযবোঽস্থিমধ্যমনুপ্রবিশ্য মজ্জানং নিঃসারযতীতি মজ্জাগতম্| স্ফুটিতং স্তোকং বহুধা বিদীর্ণং শূকপূর্ণমিব বেদনাবত্| বক্রমিতি অবিমুক্তাস্থি কুব্জীভূতং বক্রম্| বক্রতাঽপি ভগ্নত্বং জ্ঞেযম্| ছিন্নং দ্বিধেতি একমণুবিদীর্ণং, বহুবিদীর্ণমন্যত্; একং বিদীর্ণং, সংলগ্নমপরং বিদীর্ণং দ্বিধাভূতম্; অন্যস্তু বিপুলৈকবিদরণমিত্যাহ; সুশ্রুতে এতত্ পাটিতসঞ্জ্ঞম্| কাণ্ডে ভগ্নস্য দ্বাদশবিধত্বং নিযমযতি– কাণ্ড ইতি| অত্র ভগ্নমিতি শেষঃ| অপিশব্দোঽত্র ভিন্নক্রমঃ, স চাবধারণার্থং, তেন ছিন্নমিত্যত্র সম্বধ্যতে| ছিন্নমেব দ্বিধা, ন কর্কটাদি||৪-৬||
Adhikarana kANDe bhagnasya dvAdashaprakArAdapyadhikatvam (7) · Śloka 7
ভগ্নং তু কাণ্ডে বহুধা প্রযাতি সমাসতো নামভিরেব তুল্যম্ ||৭||
View original
भग्नं तु काण्डे बहुधा प्रयाति समासतो नामभिरेव तुल्यम् ||७||
কাণ্ডে ভগ্নস্য দ্বাদশপ্রকারাদপ্যধিকত্বমাহ– ভগ্নমিত্যাদি| সমাসতো নামভিরেব তুল্যমিতি সঙ্ক্ষেপতো নামানুরূপমেতদবগন্তব্যমিত্যর্থঃ||৭||
Adhikarana bhagnasya sAdhyavicAraH (8) · Śloka 8
অল্পাশিনোঽনাত্মবতো জন্তোর্বাতাত্মকস্য চ |
উপদ্রবৈর্বা জুষ্টস্য ভগ্নং কৃচ্ছ্রেণ সিধ্যতি ||৮||
(সু. চি. অ. ৩) |
View original
अल्पाशिनोऽनात्मवतो जन्तोर्वातात्मकस्य च |
उपद्रवैर्वा जुष्टस्य भग्नं कृच्छ्रेण सिध्यति ||८||
(सु. चि. अ. ३) |
কষ্টসাধ্যতামাহ– অল্পেত্যাদি| বাতাত্মকস্যেতি বাতপ্রকৃতেঃ| উপদ্রবৈরিতি উপদ্রবা জ্বরাধ্মানমূত্রপুরীষসঙ্গাদযঃ||৮||
Adhikarana bhagnasyAsAdhyavicAraH (9-10) · Śloka 10
ভিন্নং কপালং কট্যাং তু সন্ধিমুক্তং তথা চ্যুতম্ |
জঘনং প্রতিপিষ্টং চ বর্জযেদ্ধি বিচক্ষণঃ ||৯||
অসংশ্লিষ্টকপালং চ ললাটে চূর্ণিতং চ যত্ |
ভগ্নং স্তনান্তরে পৃষ্ঠে শঙ্খে মূর্ধ্নি চ বর্জযেত্ ||১০||
(সু. নি. অ. ১৫) |
View original
भिन्नं कपालं कट्यां तु सन्धिमुक्तं तथा च्युतम् |
जघनं प्रतिपिष्टं च वर्जयेद्धि विचक्षणः ||९||
असंश्लिष्टकपालं च ललाटे चूर्णितं च यत् |
भग्नं स्तनान्तरे पृष्ठे शङ्खे मूर्ध्नि च वर्जयेत् ||१०||
(सु. नि. अ. १५) |
অসাধ্যতামাহ– ভিন্নং কপালমিত্যাদি| ভগ্নমিতি বাচ্যে ভিন্নমিতি যত্ কৃতং, তত্ কপালানাং প্রাযশো ভেদাত্| অত এবোক্তম্– “কপালানি বিভজ্যন্তে” (সু. শা. অ. ৫) ইতি| ননু, কট্যস্থ্নঃ কপালসঞ্জ্ঞাযা অভাবাত্ কথমুচ্যতে ভিন্নং কপালং কট্যামিতি? তদুক্তং সুশ্রুতে– “জানুনিতম্বাংসগণ্ডতালুশঙ্খবঙ্ক্ষণশিরঃসু কপালানি|” (সু. শা. অ. ৫) ইতি; উচ্যতে– নিতম্বগ্রহণেন তত্র কটীগ্রহণাদদোষঃ; অথবা সর্বং কপালসঞ্জ্ঞিতম্ অস্থিভিন্নং, তথা কট্যাং চাস্থিভিন্নং বর্জযেত্| অসংশ্লিষ্টকপালং চেতি তু নিযমার্থং; তেন ললাটে কপালস্যাসংশ্লিষ্টস্যাসাধ্যত্বং, নান্যথা ভিন্নস্যেতি| ভিন্নং কপালমিতি কাণ্ডভগ্নমেতত্| সন্ধিমুক্তমিতি নানাবিধমপি সন্ধিমুক্তং কট্যাং ন সিধ্যতীতি| চ্যুতমিতি অধঃক্ষিপ্তম্, অন্যস্তু বিশ্লিষ্টমাহ; অথবা কট্যাং সন্ধিমুক্তং চ্যুতলক্ষণং ন সর্বম্| জঘনং প্রতিপিষ্টং চেতি জঘনস্থানে পিষ্টমুত্পিষ্টমেতত্তথা চ্যুতমিতি চ| সন্ধিমুক্তং পুনর্বিশেষার্থমুক্তং, বিশেষাভিধানাদন্যস্য কটীসন্ধিমুক্তস্য কদাচিত্ সাধ্যতা সূচ্যতে, অত এব চিকিত্সিতে “ততঃ স্থানস্থিতে সন্ধৌ” (সু. চি. অ. ৩) ইতি বক্ষ্যতি| অসংশ্লিষ্টকপালং চ ললাটে চূর্ণিতং চ যদিতি যথা অবিদ্যমানসংশ্লেষং যত্ কপালং, তথা ললাটে চূর্ণিতং চ যত্ বিঘটিতসন্ধি তদসাধ্যম্| ভগ্নমিতি সামান্যেন সন্ধিমুক্তং কাণ্ডভগ্নং চ গৃহ্যতে| অন্যে তু ভগ্নমিত্যনেন কাণ্ডভগ্নবিশেষং ‘প্রসারণে কম্পমানম্’ ইত্যনেনোক্তং বদন্তি| উক্তং চ ভালুকিনা– “শঙ্খে মূর্ধ্নি স্তনান্তরে বা কাণ্ডে ভগ্নং মরণায|” ইতি| স্তনান্তরে উরসি, মূর্ধ্নি চূডাস্থানে||৯-১০||
Adhikarana sarveShAM bhagnAnAmanavadhAnato~asAdhyatvam (11) · Śloka 11
সম্যক্ সন্ধিতমপ্যস্থি দুর্নিক্ষেপনিবন্ধনাত্ |
সঙ্ক্ষোভাদ্বাঽপি যদ্গচ্ছেদ্বিক্রিযাং তচ্চ বর্জযেত্ ||১১||
(সু. নি. অ. ১৫) |
View original
सम्यक् सन्धितमप्यस्थि दुर्निक्षेपनिबन्धनात् |
सङ्क्षोभाद्वाऽपि यद्गच्छेद्विक्रियां तच्च वर्जयेत् ||११||
(सु. नि. अ. १५) |
সর্বেষামনবধানতোঽসাধ্যত্বমাহ– সম্যগিত্যাদি| সন্ধিতং সংযমিতম্| দুর্নিক্ষেপনিবন্ধনাদিতি দুঃস্থাপনাত্তথা দুষ্টবন্ধনাত্| সঙ্ক্ষোভাদ্বেতি অভিঘাতভযাদিসঙ্ক্ষোভাত্| অযমর্থঃ– সম্যক্সংযমিতমপি দুঃস্থাপনাত্, সুন্যস্তমপি দুষ্টবন্ধনাত্, সুন্যস্তং সুবদ্ধমপি সঙ্ক্ষোভাদ্বিকৃতমসাধ্যম্||১১||
Adhikarana asthivisheSheNa bhagnavisheShaH (12) · Śloka 12
তরুণাস্থীনি নম্যন্তে ভিদ্যন্তে নলকানি চ |
কপালানি বিভজ্যন্তে স্ফুটন্তি রুচকানি চ ||১২||
(সু. নি. অ. ১৫) |
View original
तरुणास्थीनि नम्यन्ते भिद्यन्ते नलकानि च |
कपालानि विभज्यन्ते स्फुटन्ति रुचकानि च ||१२||
(सु. नि. अ. १५) |
অস্থিবিশেষেণ ভগ্নবিশেষমাহ– তরুণাস্থীনীত্যাদি| নম্যন্তে বক্রীভবন্তি, তেনাত্র বক্রলক্ষণং ভগ্নম্| ঘ্রাণকর্ণাক্ষিপুটেষু তরুণং কোমলমস্থি| ভিদ্যন্তে নলকানি চেতি অস্থ্যন্তরানুপ্রবেশাদ্ভিদ্যন্তে, অতিপাতিতলক্ষণেন চ ভগ্নেন নলকানি যুজ্যন্তে; অন্যে তু দ্বাদশবিধমপি ভগ্নমত্রেচ্ছন্তি| কপালানি বিভজ্যন্ত ইতি কপালেষু বিদরণলক্ষণো ভগ্নঃ| ‘বিভিদ্যন্তে’ ইতি পাঠান্তরম্, অর্থস্তু স এব| রুচকানি দন্তাঃ, তেষু স্ফুটিতলক্ষণো ভগ্নঃ| অস্থীনি পঞ্চবিধানি তরুণনলককপালবলযরুচকভেদাত্| রুচকানি চেতি চকারাত্ বলযান্যপি স্ফুটিতানি ভবন্তীতি| এতত্ সুশ্রুতে স্ফুটিতং ভগ্নম্||১২||
Adhikarana puShpikA · Śloka 44
ইতি শ্রীমাধবকরবিরচিতে মাধবনিদানে ভগ্ননিদানং সমাপ্তম্ ||৪৪||
View original
इति श्रीमाधवकरविरचिते माधवनिदाने भग्ननिदानं समाप्तम् ||४४||
ইতি শ্রীকণ্ঠদত্তকৃতাযাং মধুকোশব্যাখ্যাযাং ভগ্ননিদানং সমাপ্তম্||৪৪||