Adhikarana madyajadAhalakShaNam (1) · Śloka 1
అథ దాహనిదానం|
త్వచం ప్రాప్తః స పానోష్మా పిత్తరక్తాభిమూర్ఛితః |
దాహం ప్రకురుతే ఘోరం పిత్తవత్తత్ర భేషజం ||1||
View original
अथ दाहनिदानम्|
त्वचं प्राप्तः स पानोष्मा पित्तरक्ताभिमूर्छितः |
दाहं प्रकुरुते घोरं पित्तवत्तत्र भेषजम् ||१||
మదాత్యయేऽపి దాహో భవత్యతః సప్తప్రకారం దాహమాహ; తత్ర మద్యజమాహ– త్వచమిత్యాది| పానోష్మా పా.| మద్యపానకుపితపిత్తస్యౌష్ణ్యం; సమానోష్మేతి పాఠాంతరమయుక్తం, సుశ్రుతే పానాత్యయే శ్లోకస్యాస్య పాఠాత్| పిత్తజోऽప్యయం హేతుభేదాత్ పృథక్ పఠితః||1||
Adhikarana raktajadAhalakShaNam (2-3) · Śloka 2
కృత్స్నదేహానుగం రక్తముద్రిక్తం దహతి ధ్రువం |
స ఉష్యతే తృష్యతే చ తామ్రాభస్తామ్రలోచనః ||2||
లోహగంధాంగవదనో వహ్నినేవావకీర్యతే |
(సు. ఉ. తం. అ. 47) |
View original
कृत्स्नदेहानुगं रक्तमुद्रिक्तं दहति ध्रुवम् |
स उष्यते तृष्यते च ताम्राभस्ताम्रलोचनः ||२||
लोहगन्धाङ्गवदनो वह्निनेवावकीर्यते |
(सु. उ. तं. अ. ४७) |
రక్తజమాహ– కృత్స్నేత్యాది| స ఉష్యతే సమీపస్థేనేవ వహ్నినా తప్యతే, ‘సంధూప్యత’ ఇతి పాఠాంతరే సంధూపనవద్వేదనామనుభవతి| తామ్రాభ ఇతి గాత్రే| లోహగంధాంగవదన ఇతి లోహస్యేవ గంధోऽంగే వదనే చ యస్య స తథా||2-3||–
Adhikarana pittajadAhalakShaNam (3) · Śloka 3
పిత్తజ్వరసమః పిత్తాత్స చాప్యస్య విధిః స్మృతః ||3||
(సు. ఉ. తం. అ. 47) |
View original
पित्तज्वरसमः पित्तात्स चाप्यस्य विधिः स्मृतः ||३||
(सु. उ. तं. अ. ४७) |
పిత్తజమాహ– పిత్తేత్యాది| పిత్తజ్వరసమః పిత్తజ్వరలింగయుక్తః, పిత్తజ్వరే త్వామాశయదుష్ట్యాదయోऽధికా ఇతి భేదః| స చాప్యస్య విధిరితి పిత్తజ్వరచికిత్సా||3||
Adhikarana tRuShNAnirodhajadAhalakShaNam (4) · Śloka 4
తృష్ణానిరోధాదబ్ధాతౌ క్షీణే తేజః సముద్ధతం |
సబాహ్యాభ్యంతరం దేహం ప్రదహేన్మందచేతసః ||4||
సంశుష్కగలతాల్వోష్ఠో జిహ్వాం నిష్కృష్య వేపతే |
(సు. ఉ. తం. అ. 47) |
View original
तृष्णानिरोधादब्धातौ क्षीणे तेजः समुद्धतम् |
सबाह्याभ्यन्तरं देहं प्रदहेन्मन्दचेतसः ||४||
संशुष्कगलताल्वोष्ठो जिह्वां निष्कृष्य वेपते |
(सु. उ. तं. अ. ४७) |
తృష్ణానిరోధజమాహ– తృష్ణేత్యాది| తేజఃసముద్ధతం పిత్తోష్మా వృద్ధ ఇత్యర్థః| నిష్కృష్య నిఃసార్య||4||–
Adhikarana raktapUrNakoShThajadAhalakShaNam (5) · Śloka 5
అసృజః పూర్ణకోష్ఠస్య దాహోऽన్యః స్యాత్ సుదుఃసహః ||5||
(సు. ఉ. తం. అ. 47) |
View original
असृजः पूर्णकोष्ठस्य दाहोऽन्यः स्यात् सुदुःसहः ||५||
(सु. उ. तं. अ. ४७) |
అవగాఢశస్త్రప్రహారజనితరక్తపూర్ణకోష్ఠజమాహ– అసృజ ఇత్యాది| న చోక్తరక్తజేనాస్య పౌనరుక్త్యం, కృత్స్నదేహానుగమితి వచనాత్ కారణభేదాచ్చ| అసృజః పూర్ణకోష్ఠస్యేతి ‘పూరణగుణసుహితార్థ’ ఇత్యాదినా జ్ఞాపకేన కర్తరి షష్ఠీ, రక్తేన పూరితకోష్ఠస్యేత్యర్థః| కోష్ఠశబ్దేన హృదయాదయో గృహ్యంతే| యదాహ సుశ్రుతః– “స్థానాన్యామాగ్నిపక్వానాం మూత్రస్య రుధిరస్య చ| హృదుండుకః ఫుప్ఫుసశ్చ కోష్ఠ ఇత్యభిధీయతే||” (సు. చి. అ. 2) ఇతి||5||
Adhikarana dhAtukShayajadAhalakShaNam (6) · Śloka 6
ధాతుక్షయోత్థో యో దాహస్తేన మూర్ఛాతృడర్దితః |
క్షామస్వరః క్రియాహీనః స సీదేద్భృశపీడితః ||6||
(సు. ఉ. తం. అ. 47) |
View original
धातुक्षयोत्थो यो दाहस्तेन मूर्छातृडर्दितः |
क्षामस्वरः क्रियाहीनः स सीदेद्भृशपीडितः ||६||
(सु. उ. तं. अ. ४७) |
ధాతుక్షయజమాహ– ధాత్విత్యాది| ధాతవో రసాదయః| క్రియాహీనో నిశ్చేష్టః; కింవా భృశపీడితో దాహేన క్రియాహీనశ్చికిత్సాహీనో యది భవేత్తదా సీదేన్మ్రియేత ఇత్యర్థః||6||
Adhikarana kShatajadAhalakShaNaM, marmAbhighAtajadAhalakShaNaM, dAhAnAmasAdhyalakShaNaM ca (7-8) · Śloka 8
క్షతజోऽనశ్నతశ్చాన్నం శోచతో వాऽప్యనేకధా |
తేనాంతర్దహ్యతేऽత్యర్థం తృష్ణామూర్ఛాప్రలాపవాన్ ||7||
మర్మాభిఘాతజోऽప్యస్తి సోऽసాధ్యః సప్తమో మతః |
సర్వ ఏవ చ వర్జ్యాః స్యుః శీతగాత్రస్య దేహినః ||8||
(సు. ఉ. తం. అ. 47) |
View original
क्षतजोऽनश्नतश्चान्नं शोचतो वाऽप्यनेकधा |
तेनान्तर्दह्यतेऽत्यर्थं तृष्णामूर्छाप्रलापवान् ||७||
मर्माभिघातजोऽप्यस्ति सोऽसाध्यः सप्तमो मतः |
सर्व एव च वर्ज्याः स्युः शीतगात्रस्य देहिनः ||८||
(सु. उ. तं. अ. ४७) |
క్షతజమాహ– క్షతజ ఇత్యాది| మర్మాభిఘాతజమాహ– మర్మేత్యాది| మర్మాణి శిరోహృదయబస్త్యాదీని| జేజ్జటస్తు సప్తత్వమన్యథా గణయతి– ‘త్వచం ప్రాప్త’ ఇత్యాదినా ప్రథమః, ‘కృత్స్నదేహానుగం రక్తం’ ఇత్యత్ర రక్తస్థానే పిత్తం పఠిత్వా ఏతదాదినా ‘స చాప్యస్య విధిః స్మృతః’ ఇత్యంతేన పైత్తికో ద్వితీయః, తృష్ణానిరోధజస్తృతీయః, ‘అసృజః పూర్ణకోష్ఠస్య’ ఇతి చతుర్థః, ధాతుక్షయజః పంచమః, షష్ఠస్య తు క్షతజస్య లక్షణం పఠతి– “క్షతజోऽనశ్నతశ్చాన్నం శోచతశ్చాప్యనేకధా| తేనాంతర్దహ్యతేऽత్యర్థం తృష్ణాదాహప్రలాపవాన్|” ఇతి, మర్మాభిఘాతజస్తు సప్తమ ఇతి||7-8||
Adhikarana puShpikA · Śloka 19
ఇతి శ్రీమాధవకరవిరచితే మాధవనిదానే దాహనిదానం సమాప్తం ||19||
View original
इति श्रीमाधवकरविरचिते माधवनिदाने दाहनिदानं समाप्तम् ||१९||
ఇతి శ్రీవిజయరక్షితకృతాయాం మధుకోశవ్యాఖ్యాయాం దాహనిదానం సమాప్తం||19||