Adhikarana gulmasya nidAnabhedasthAnAni (1) · Śloka 1
అథ గుల్మనిదానం |
దుష్టా వాతాదయోऽత్యర్థం మిథ్యాహారవిహారతః |
కుర్వంతి పంచధా గుల్మం కోష్ఠాంతర్గ్రంథిరూపిణం |
తస్య పంచవిధం స్థానం పార్శ్వహృన్నాభిబస్తయః ||1||
View original
अथ गुल्मनिदानम् |
दुष्टा वातादयोऽत्यर्थं मिथ्याहारविहारतः |
कुर्वन्ति पञ्चधा गुल्मं कोष्ठान्तर्ग्रन्थिरूपिणम् |
तस्य पञ्चविधं स्थानं पार्श्वहृन्नाभिबस्तयः ||१||
గుల్మేऽప్యానాహో భవతీత్యానాహానంతరం గుల్మమాహ– దుష్టా ఇత్యాది| పంచధేతి వాతపిత్తకఫసన్నిపాతరక్తజాః| ద్వంద్వజాస్తు ప్రకృతిసమసమవేతత్వాన్న పృథగ్గణ్యంతే, అర్శోరోగవత్| కోష్ఠాంతరామాశయాదిమధ్యే, గ్రంథిరూపిణం గుడకాకారం| తస్యేత్యాది| ఏతదేవ వివృణోతి– పార్శ్వేత్యాది| పార్శ్వే ద్వే గణనీయే, అన్యథా పంచత్వానుపపత్తిః, అత ఏవ ‘పార్శ్వే’ ఇతి ద్వివచనాంతమేవ క్వచిత్ పఠ్యతే||1||
Adhikarana sAmAnyagulmarUpam (2) · Śloka 2
హృన్నాభ్యోరంతరే గ్రంథిః సంచారీ యది వాऽచలః |
వృత్తశ్చయాపచయవాన్ స ‘గుల్మ’ ఇతి కీర్తితః ||2||
(సు. ఉ. తం. అ. 42) |
View original
हृन्नाभ्योरन्तरे ग्रन्थिः सञ्चारी यदि वाऽचलः |
वृत्तश्चयापचयवान् स ‘गुल्म’ इति कीर्तितः ||२||
(सु. उ. तं. अ. ४२) |
సామాన్యగుల్మరూపమాహ– హృదిత్యాది| నాభిశబ్దేన బస్తిర్బోధ్యః, సామీప్యాత్; యథా గంగాయాం ఘోష ఇత్యాహుః; బస్తేరపి గుల్మాశ్రయత్వేనోక్తత్వాత్| అత ఏవ ‘హృద్బస్త్యోరంతరే’ ఇతి పాఠాంతరం| అన్యే త్వాహుః– బస్తౌ విద్రధిరేవ స్యాన్నతు గుల్మ ఇతి| తన్న, గుల్మలక్షణప్రతీతేః| ఏతత్ పంచస్థానకథనం దోషజాభిప్రాయేణ, రక్తజస్య తు గర్భాశయః స్థానం; అథవా పార్శ్వస్థితత్వాత్ గర్భాశయస్య పార్శ్వగ్రహణేనైవ గ్రహణం| వృత్తో వర్తులః| చయాపచయవానితి కదాచిదుపచీయతే, కదాచిదపచీయతే; ఏతచ్చ సామాన్యోక్తమపి వాతికే వ్యవతిష్ఠతే, తల్లక్షణే తదభిధానాదితి జేజ్జటః; గదాధరస్తు సామాన్యలక్షణమాహ, సర్వగుల్మానాం వాతమూలత్వాత్| ‘చయోపచయవాన్’ ఇతి పాఠాంతరే దోషస్య చయేనోపచయవానితి| గుల్మ ఇతి లతాదిపిహితసంస్థానవిశేషాదౌ గుల్మవ్యపదేశో లోకే, తత్సాదృశ్యాత్ సంచితపరిపిండితదోషేऽపి గుల్మసంజ్ఞేత్యాహుః; వాప్యచంద్రస్త్వాహ– సంపిండితదోషో గుడకేన మీయత ఇతి నిరుక్తిః||2||
Adhikarana pa~jcavidhagulmavivaraNam (3) · Śloka 3
స వ్యస్తైర్జాయతే దోషైః సమస్తైరపి చోచ్ఛ్రితైః |
పురుషాణాం తథా స్త్రీణాం జ్ఞేయో రక్తేన చాపరః ||3||
(సు. ఉ. తం. అ. 42) |
View original
स व्यस्तैर्जायते दोषैः समस्तैरपि चोच्छ्रितैः |
पुरुषाणां तथा स्त्रीणां ज्ञेयो रक्तेन चापरः ||३||
(सु. उ. तं. अ. ४२) |
పూర్వోక్తం పంచవిధత్వం వివృణోతి– స ఇత్యాది| వ్యస్తైరిత్యనేనైకజో ద్వంద్వజోऽపి గ్రాహ్యః| పంచధా గుల్మ ఇత్యనేన విరోధ ఇతి చేత్| న, నహి తత్రావధారణం కృతం, పంచధైవేతి| అత ఏవ సూత్రస్థానే చరకేణ “పంచ గుల్మా” (చ. సూ. అ. 19) ఇత్యభిధాయాపి “సంసృష్టలింగానపరాంశ్చ గుల్మాంస్త్రీనాదిశేదౌషధకల్పనార్థం|” (చ. చి. అ. 5) ఇత్యుక్తం, సమానచికిత్స్యత్వేన తత్రాంతర్భావాత్| రక్తేన చాపర ఇతి స్త్రీణామేవ| వక్ష్యతి హి– “స రౌధిరః స్త్రీభవ ఏవ గుల్మః|” (చ. చి. అ. 5) ఇతి| రక్తం చాత్రార్తవం న ధాతురూపం, ధాతురూపరక్తజస్తు గుల్మో యద్యప్యన్యోऽస్తి తథాऽపి నైతత్సంప్రాప్తికో భవతీతి పృథగుపదిశ్యతే| పృథగ్జ్ఞానానభిధానం తు పిత్తగుల్మసమాననిదానచికిత్స్యతత్వేన తత్రాంతర్భావాత్, సుశ్రుతే రక్తాతీసారవత్| విశేషలక్షణం చ యదాహ చరకః– “తృష్ణాజ్వరపరీదాహశూలస్వేదాగ్నిమార్దవైః| గుల్మినామరుచౌ చాపి రక్తమేవావసేచయేత్||” (చ. చి. అ. 5) ఇతి| ధాతురూపరక్తజః స్త్రీణాం పుంసాం చ భవతీతి భట్టారహరిచంద్రః| తథాచ క్షారపాణిః– “స్త్రీణామార్తవజో గుల్మో న పుంసాముపజాయతే| అన్యస్త్వసృగ్భవో గుల్మః స్త్రీణాం పుంసాం చ జాయతే||” ఇతి| వాప్యచంద్రస్త్వాహ– వాతాదిదోషజస్యైవాపచారాద్రక్తే దుష్టే రక్తజవ్యపదేశః, యథా చరకే– కఫపిత్తమేహానామతికర్షణాదుత్తరకాలం వాతసంసర్గే సతి వాతమేహత్వముక్తం| యదుక్తం– “యా వాతమేహాన్ ప్రతి పూర్వముక్తా వాతోల్బణానాం విహితా క్రియా సా| వాయుర్హి మేహేష్వతికర్షితేషు కుప్యత్యసాధ్యాన్ ప్రతి నాస్తి చింతా||” (చ. చి. అ. 6) ఇతి| క్షారపాణేరప్యేవమేవాభిప్రాయః| యది తు పృథక్ స్యాత్తదా తమపి నవమం లింగస్థానాదిభిరభిధాస్యత్, న చోక్తం| జేజ్జటగయదాసాభ్యాం తు హరిచంద్రమతమేవానుమతమితి| సర్వగుల్మేషు వాతకారణత్వం జ్ఞేయం| యదుక్తం చరకే– “గుల్మినామనిలశాంతిరుపాయైః సర్వశో విధివదాచరితవ్యా| మారుతే హ్యవజితేऽన్యముదీర్ణం దోషమల్పమపి కర్మ నిహన్యాత్||” (చ. చి. అ. 5) ఇతి; సుశ్రుతేऽప్యుక్తం– “కుపితానిలమూలత్వాత్ సంచితత్వాన్మలస్య చ| తుల్యత్వాద్వా విశాలత్వాద్గుల్మ ఇత్యభిధీయతే||” (సు. ఉ. తం. అ. 42) ఇతి| న చైతావతా నానాత్మజత్వప్రసంగః, వాతస్యానుబంధరూపత్వాత్ జ్వరే పిత్తవత్| నను వాతావ్యభిచారాత్ ద్విదోషజస్త్రిదోషజో వా గుల్మః స్యాన్న కేవలం కఫజః పిత్తజో వేతి, తతశ్చ పంచధేతి విరోధః| నైతత్, అనుబంధరూపేణ వాతజవ్యపదేశో, న త్వనుబంధ్యరూపేణేతి||3||
Adhikarana gulmapUrvarUpam (4) · Śloka 4
ఉద్గారబాహుల్యపురీషబంధతృప్త్యక్షమత్వాంత్రవికూజనాని |
ఆటోప ఆధ్మానమపక్తిశక్తిరాసన్నగుల్మస్య వదంతి చిహ్నం ||4||
(వా. ని. అ. 11) |
View original
उद्गारबाहुल्यपुरीषबन्धतृप्त्यक्षमत्वान्त्रविकूजनानि |
आटोप आध्मानमपक्तिशक्तिरासन्नगुल्मस्य वदन्ति चिह्नम् ||४||
(वा. नि. अ. ११) |
పూర్వరూపమాహ– ఉద్గారేత్యాది| పురీషబంధో విడ్బంధః| తృప్తిరనన్నాభిలాషః| సుశ్రుతేऽపి హి ‘ద్వేషోऽన్నే’ (సు. ఉ. తం. అ. 42) ఇతి పఠితం| అక్షమత్వమసామర్థ్యం| ఆటోపోऽత్ర రుజాపూర్వకః క్షోభః, తలతలం వా; నతు గుడగుడాశబ్దః, తస్యాంత్రకూజనేనైవ గృహీతత్వాత్; నాప్యాధ్మానం, తస్యోపాత్తత్వాత్| అపక్తిశక్తిః మందాగ్నితా; ‘అపక్తృశక్తిః’ ఇతి పాఠే స ఏవార్థః||4||
Adhikarana sarvagulmasAdhAraNaM rUpam (5) · Śloka 5
అరుచిః కృచ్ఛ్రవిణ్మూత్రవాతతాऽంత్రవికూజనం |
ఆనాహశ్చోర్ధ్వవాతత్వం సర్వగుల్మేషు లక్షయేత్ ||5||
View original
अरुचिः कृच्छ्रविण्मूत्रवातताऽन्त्रविकूजनम् |
आनाहश्चोर्ध्ववातत्वं सर्वगुल्मेषु लक्षयेत् ||५||
గుల్మసాధారణరూపమాహ– అరుచిరిత్యాది||5||
Adhikarana vAtikagulmasya nidAnapUrvakaM lakShaNam (6-8) · Śloka 8
రూక్షాన్నపానం విషమాతిమాత్రం విచేష్టనం వేగవినిగ్రహశ్చ |
శోకోऽభిఘాతోऽతిమలక్షయశ్చ నిరన్నతా చానిలగుల్మహేతుః ||6||
యః స్థానసంస్థానరుజాం వికల్పం విడ్వాతసంగం గలవక్త్రశోషం |
శ్యావారుణత్వం శిశిరజ్వరం చ హృత్కుక్షిపార్శ్వాంసశిరోరుజం చ ||7||
కరోతి జీర్ణే త్వధికం ప్రకోపం భుక్తే మృదుత్వం సముపైతి యశ్చ |
వాతాత్ స గుల్మో నచ తత్ర రూక్షం కషాయతిక్తం కటు చోపశేతే ||8||
(చ. చి. అ. 5) |
View original
रूक्षान्नपानं विषमातिमात्रं विचेष्टनं वेगविनिग्रहश्च |
शोकोऽभिघातोऽतिमलक्षयश्च निरन्नता चानिलगुल्महेतुः ||६||
यः स्थानसंस्थानरुजां विकल्पं विड्वातसङ्गं गलवक्त्रशोषम् |
श्यावारुणत्वं शिशिरज्वरं च हृत्कुक्षिपार्श्वांसशिरोरुजं च ||७||
करोति जीर्णे त्वधिकं प्रकोपं भुक्ते मृदुत्वं समुपैति यश्च |
वातात् स गुल्मो नच तत्र रूक्षं कषायतिक्तं कटु चोपशेते ||८||
(च. चि. अ. ५) |
వాతికమాహ– రూక్షేత్యాది| విషమాతిమాత్రమితి అన్నపానవిశేషణం| విచేష్టనం విరుద్ధచేష్టాః బలవద్విగ్రహాది| అతిమలక్షయో విరేకాదినా| నిరన్నతా నిరాహారతా| వికల్పశబ్దః స్థానాదిభిః ప్రత్యేకం యోజ్యః| స్థానవికల్పో యథా– కదాచిన్నాభౌ, కదాచిత్పార్శ్వయోః, కదాచిద్బస్తావిత్యాదిస్థానాంతరగమనం| సంస్థానవికల్పో యథా– కదాచిదల్పః, కదాచిన్మహాన్, వృత్తో, దీర్ఘో వేతి| రుజావికల్పో యథా– కదాచిదల్పా, కదాచిన్మహతీ, తోదరూపా, భేదరూపా, అనేకరూపా వేతి| న చ తత్రోపశేతే న సుఖయతి||6-8||
Adhikarana paittikagulmasya nidAnapUrvakaM lakShaNam (9-10) · Śloka 10
కట్వమ్లతీక్ష్ణోష్ణవిదాహిరూక్షక్రోధాతిమద్యార్కహుతాశసేవా |
ఆమాభిఘాతో రుధిరం చ దుష్టం పైత్తస్య గుల్మస్య నిమిత్తముక్తం ||9||
జ్వరః పిపాసా వదనాంగరాగః శూలం మహజ్జీర్యతి భోజన చ |
స్వేదో విదాహో వ్రణవచ్చ గుల్మః స్పర్శాసహః పైత్తికగుల్మరూపం ||10||
(చ. చి. అ. 5) |
View original
कट्वम्लतीक्ष्णोष्णविदाहिरूक्षक्रोधातिमद्यार्कहुताशसेवा |
आमाभिघातो रुधिरं च दुष्टं पैत्तस्य गुल्मस्य निमित्तमुक्तम् ||९||
ज्वरः पिपासा वदनाङ्गरागः शूलं महज्जीर्यति भोजन च |
स्वेदो विदाहो व्रणवच्च गुल्मः स्पर्शासहः पैत्तिकगुल्मरूपम् ||१०||
(च. चि. अ. ५) |
పైత్తికమాహ– కట్విత్యాది| ఆమాభిఘాత ఇతి విదగ్ధాజీర్ణజనితదుష్టరసేనాభిభవః; అన్యే తు ‘ఆమాభిఘాతౌ’ ఇతి పఠంతి, తత్రామ ఉక్తరూపః, అభిఘాతో లగుడాదేః రక్తదూషకో జ్ఞేయః| జీర్యతీతి సప్తమ్యంతం| వ్రణవత్ స్పర్శాసహ ఇతి యోజ్యం||9-10||
Adhikarana shlaiShmikagulmasya nidAnapUrvakaM lakShaNam (11-12) · Śloka 12
శీతం గురు స్నిగ్ధమచేష్టనం చ సంపూరణం ప్రస్వపనం దివా చ |
గుల్మస్య హేతుః కఫసంభవస్య సర్వస్తు దుష్టో నిచయాత్మకస్య ||11||
స్తైమిత్యశీతజ్వరగాత్రసాదహృల్లాసకాసారుచిగౌరవాణి |
శైత్యం రుగల్పా కఠినోన్నతత్వం గుల్మస్య రూపాణి కఫాత్మకస్య ||12||
(చ. చి. అ. 5) |
View original
शीतं गुरु स्निग्धमचेष्टनं च सम्पूरणं प्रस्वपनं दिवा च |
गुल्मस्य हेतुः कफसम्भवस्य सर्वस्तु दुष्टो निचयात्मकस्य ||११||
स्तैमित्यशीतज्वरगात्रसादहृल्लासकासारुचिगौरवाणि |
शैत्यं रुगल्पा कठिनोन्नतत्वं गुल्मस्य रूपाणि कफात्मकस्य ||१२||
(च. चि. अ. ५) |
శ్లైష్మికమాహ– శీతమిత్యాది| సంపూరణం తృప్తిభోజనం| సర్వ ఇతి వాతజాద్యుక్తః| నిచయాత్మకస్య సన్నిపాతజస్య| కఠినోన్నతత్వం గుల్మస్య||11-12||
Adhikarana dvyAtmakeShu triShvekajahetulakShaNAtideshaH (13) · Śloka 13
నిమిత్తరూపాణ్యుపలభ్య గుల్మే ద్విదోషజే దోషబలాబలం చ |
వ్యామిశ్రలింగానపరాంశ్చ గుల్మాంస్త్రీనాదిశేదౌషధకల్పనార్థం ||13||
(చ. చి. అ. 5) |
View original
निमित्तरूपाण्युपलभ्य गुल्मे द्विदोषजे दोषबलाबलं च |
व्यामिश्रलिङ्गानपरांश्च गुल्मांस्त्रीनादिशेदौषधकल्पनार्थम् ||१३||
(च. चि. अ. ५) |
ద్వ్యాత్మకేషు త్రిష్వేకజహేతులక్షణాతిదేశార్థమాహ– నిమిత్తేత్యాది| నిమిత్తాని చ రూపాణి చేతి ద్వంద్వః| దోషబలాబలం చేత్యనేన సమద్విదోషద్వంద్వజత్రయేణ ఏకోల్బణాదిద్విదోషజోऽపి గ్రాహ్య ఇతి దర్శయతి, అన్యథా బహుత్వాపత్తేః| ఔషధకల్పనార్థమితి ఏకదోషజాభిహితచికిత్సామేలకేన తాన్ చికిత్సేదిత్యర్థః||13||
Adhikarana sAnnipAtikagulmalakShaNam (14) · Śloka 14
మహారుజం దాహపరీతమశ్మవద్ఘనోన్నతం శీఘ్రవిదాహి దారుణం |
మనఃశరీరాగ్నిబలాపహారిణం త్రిదోషజం గుల్మమసాధ్యమాదిశేత్ ||14||
(చ. చి. అ. 5) |
View original
महारुजं दाहपरीतमश्मवद्घनोन्नतं शीघ्रविदाहि दारुणम् |
मनःशरीराग्निबलापहारिणं त्रिदोषजं गुल्ममसाध्यमादिशेत् ||१४||
(च. चि. अ. ५) |
సాన్నిపాతికమాహ– మహారుజమిత్యాది| అశ్మవత్ ఘనోన్నతం పాషాణవత్ కఠినమున్నతం చ| మన ఇత్యాది మనోऽపహారిణం మనోవైకల్యకారిణం, శరీరాపహారిణం కృశత్వవైవర్ణ్యకరం, అగ్న్యపహారిణమగ్నివైషమ్యకరం, బలాపహారిణమసామర్థ్యకరం| నను, అసాధ్యమితి విరుద్ధం, “సన్నిపాతోత్థితే గుల్మే త్రిదోషఘ్నో విధిర్హితః|” (సు. ఉ. తం. అ. 42) ఇతి సుశ్రుతవచనాత్| నైవం, అయం చ వికృతివిషమసమవేతోऽసాధ్యః, ప్రకృతిసమసమవేతస్తు సాధ్య ఇత్యాహుః| నను, సోऽప్యసాధ్యః, యదాహ సుశ్రుతః– “సర్వాత్మకే సర్వరుజోపపత్తిస్తం చాప్యసాధ్యం ప్రవదంతి తజ్జ్ఞాః|” (సు. ఉ. తం. అ. 42) ఇతి| ఉచ్యతే– తం చాపీతి అపిశబ్దాదచిరోత్థితః సాధ్యో విశ్వామిత్రసంవాదాదితి గయదాసః||14||
Adhikarana raktagulmasya nidAnapUrvakaM lakShaNam (15-16) · Śloka 16
నవప్రసూతాऽహితభోజన యా యా చామగర్భం విసృజేదృతౌ వా |
వాయుర్హి తస్యాః పరిగృహ్య రక్తం కరోతి గుల్మం సరుజం సదాహం |
పైత్తస్య లింగేన సమానలింగం విశేషణం చాప్యపరం నిబోధ ||15||
(సు. ఉ. తం. అ. 42) |
యః స్పందతే పిండిత ఏవ నాంగైశ్చిరాత్ సశూలః సమగర్భలింగః |
స రౌధిరః స్త్రీభవ ఏవ గుల్మో మాసే వ్యతీతే దశమే చికిత్స్యః ||16||
(చ. చి. అ. 5) |
View original
नवप्रसूताऽहितभोजन या या चामगर्भं विसृजेदृतौ वा |
वायुर्हि तस्याः परिगृह्य रक्तं करोति गुल्मं सरुजं सदाहम् |
पैत्तस्य लिङ्गेन समानलिङ्गं विशेषणं चाप्यपरं निबोध ||१५||
(सु. उ. तं. अ. ४२) |
यः स्पन्दते पिण्डित एव नाङ्गैश्चिरात् सशूलः समगर्भलिङ्गः |
स रौधिरः स्त्रीभव एव गुल्मो मासे व्यतीते दशमे चिकित्स्यः ||१६||
(च. चि. अ. ५) |
రక్తగుల్మమాహ– నవేత్యాది| ఆమగర్భం విసృజేదితి నవమమాసాదర్వాక్ ప్రసూతే| ఋతౌ ఆర్తవప్రవృత్తికాలే, అహితభోజనేతి సంబంధః| ఏతచ్చోపలక్షణార్థం, తేనాహారాచారాదికం జ్ఞేయం| యదాహ చరకః– “ఋతావనాహారతయా భయేన విరూక్షణైర్వేగవిధారణైశ్చ| సంస్తంభనోల్లేఖనయోనిదోషైర్గుల్మః స్త్రియం రక్తభవోऽభ్యుపైతి||” (చ. చి. అ. 5) ఇతి| పైత్తస్య పైత్తికగుల్మస్య| విశేషణం పైత్తికగుల్మాద్విశేషలక్షణం| పిండితః సముదితః| ఏవకారోऽత్ర అవధారణే| ఏతదేవ స్ఫుటయతి– నాంగైర్నావయవైశ్చిరాత్ స్పందత ఇతి సంబంధః| సమగర్భలింగ ఇతి ఆర్తవాదర్శనముఖస్రవణస్తనముఖకృష్ణత్వదోహదాదిగర్భలక్షణయుక్తః, ఏతచ్చ వ్యాధిప్రభావాత్; యథా– క్షయార్శసోః స్త్రీరిరంసాకృష్ణత్వఙ్నఖాదయః| అన్యే తు సమగర్భలింగోऽవికృతగర్భలింగ ఇత్యాహుః| ఉక్తవిశేషణైరేవ స్త్రీభవత్వే లబ్ధే స్త్రీగ్రహణేన కుమారీమతివృద్ధాం చ నిషేధయతి, అనుద్భూతక్షీణరజస్కత్వాత్తయోః| వ్యతీతేऽతిక్రాంతే| గర్భసమానలింగత్వేన సంశయః– గర్భో వా, రక్తగుల్మో వా, ఇతి; తచ్ఛంకానిరాసార్థం దశమే మాసే వ్యతీతే ఇత్యుక్తం; నవమదశమయోః ప్రసవకాలత్వాదిత్యేకే| తన్న, ‘యః స్పందతే పిండిత ఏవ నాంగైః’ ఇత్యాదినైవ విశేషదర్శనేన సంశయస్య నివర్తితత్వాత్| గర్భో హి నిరంతరం ప్రత్యంగైర్నిఃశూలం స్పందతే, గుల్మస్తు ఏతద్విపరీతేన| కించ నవమే దశమే ప్రసూత ఇత్యుత్సర్గః, నతు నియమః, తదధికకాలేऽపి ప్రసవదర్శనాత్, ఆగమాచ్చ| ఉక్తం హి చరకే– “తం స్త్రీ ప్రసూతే సుచిరేణ గర్భం పుష్టో యదా వర్షగణైరపి స్యాత్|” (చ. శా. అ. 2) ఇతి| తస్మాన్నేదం దశమమాసవ్యతిక్రమే చికిత్సావిధానస్య ప్రయోజనం, కింతు వ్యాధిమహిమ్నా తావతైవ కాలేన తస్య చికిత్సయా సుఖోచ్ఛేదనమితి| యథా జ్వరే పురాణే ఏవ క్షీరపానవిరేచనే| ఉక్తం హి తంత్రాంతరే– “రక్తగుల్మే పురాణత్వం సుఖసాధ్యస్య లక్షణం|” ఇతి| పురాణతా చాస్య దశమమాసవ్యతిక్రమేణైవ భవతి| జేజ్జటేనాప్యుక్తం– యద్యర్వాక్ రక్తభేదనం క్రియతే తదా గర్భశయ్యాం క్షిణాతి, తల్లీనత్వాద్రక్తస్య; ఏకాదశమాసే తు పరిపిండితగుల్మే స్నేహాదినోపస్కృతదేహాయా న గర్భశయ్యాయా వికృతిమాదధాతి రక్తభేదనమితి||15-16||
Adhikarana gulmino~asAdhyalakShaNAni (17-20) · Śloka 20
సంచితః క్రమశో గుల్మో మహావాస్తుపరిగ్రహః |
కృతమూలః సిరానద్ధో యదా కూర్మ ఇవోత్థితః ||17||
దౌర్బల్యారుచిహృల్లాసకాసచ్ఛర్ద్యరతిజ్వరైః |
తృష్ణాతంద్రాప్రతిశ్యాయైర్యుజ్యతే స న సిధ్యతి ||18||
గృహీత్వా సజ్వరం శ్వాసచ్ఛర్ద్యతీసారపీడితం |
హృన్నాభిహస్తపాదేషు శోథః కర్షతి గుల్మినం ||19||
(చ. చి. అ. 5) |
శ్వాసః శూలం పిపాసాऽన్నవిద్వేషో గ్రంథిమూఢతా |
జాయతే దుర్బలత్వం చ గుల్మినో మరణాయ వై ||20||
(సు. సూ. అ. 33) |
View original
सञ्चितः क्रमशो गुल्मो महावास्तुपरिग्रहः |
कृतमूलः सिरानद्धो यदा कूर्म इवोत्थितः ||१७||
दौर्बल्यारुचिहृल्लासकासच्छर्द्यरतिज्वरैः |
तृष्णातन्द्राप्रतिश्यायैर्युज्यते स न सिध्यति ||१८||
गृहीत्वा सज्वरं श्वासच्छर्द्यतीसारपीडितम् |
हृन्नाभिहस्तपादेषु शोथः कर्षति गुल्मिनम् ||१९||
(च. चि. अ. ५) |
श्वासः शूलं पिपासाऽन्नविद्वेषो ग्रन्थिमूढता |
जायते दुर्बलत्वं च गुल्मिनो मरणाय वै ||२०||
(सु. सू. अ. ३३) |
చిరజస్యావస్థాయామసాధ్యత్వమాహ– సంచిత ఇత్యాది| మహావాస్తుపరిగ్రహః సకలోదరవ్యాపీ| కృతమూలో ధాత్వంతరావగాహీ| సిరానద్ధః సిరాజాలవాన్| గృహీత్వేత్యాది| హృదయాదౌ గృహీత్వా శోథో గుల్మినం కర్షతి, ‘మరణాయ’ ఇతి శేషః| శ్వాసేత్యాది| గ్రంథిమూఢతా గ్రంథిరూపస్య గుల్మస్యాకస్మాద్విలయనమితి| నను చ, అంతర్విద్రధిగుల్మయోః కో భేదః? సమానస్థానసంభవత్వాత్| ఉచ్యతే– విద్రధిః పచ్యతే, గుల్మో న పచ్యతే నిరాశ్రయత్వాత్| యదాహ సుశ్రుతః– “న నిబంధోऽస్తి గుల్మస్య విద్రధిః సనిబంధనః| గుల్మస్తిష్ఠతి దోషేషు విద్రధిర్మాంసశోణితే|| విద్రధిః పచ్యతే తస్మాద్గుల్మః క్వాపి న పచ్యతే|” (సు. ని. అ. 9) ఇతి| నను, గుల్మోऽపి పచ్యత ఏవ| యదాహ చరకః– “విదాహశూలసంక్షోభస్వప్ననాశారతిజ్వరైః| విదహ్యమానం జానీయాద్గుల్మం తముపనాహయేత్||” (చ. చి. అ. 5) ఇతి| ఉచ్యతే– గుల్మో న పచ్యతే నిరాశ్రయత్వాత్; యదా తు కారణవశాదాశ్రయం మాంసాదికమాసాదయతి, వాతోపశమనార్థం కృతస్వేదాదిభిర్వా రక్తదుష్టిర్భవతి, తదా పచ్యమానో విదాహనిమిత్తకం విద్రధిత్వమాప్నోతి| ఉక్తం హి– “ స వై శీఘ్రవిదాహిత్వాద్విద్రధీత్యభిధీయతే|” (చ. సూ. అ. 17) ఇతి| న హి యస్మాత్ వికారాత్ యదుత్పద్యతే వికారాంతరం తత్ స ఏవ భవతీతి; మాభూత్ ప్లీహైవ ఉదరం, అశ్మర్యేవ శర్కరా, ఇత్యాదిశాస్త్రోక్తవిరోధవిస్తరః| తస్మాద్విద్రధిః పచ్యతే, గుల్మో న పచ్యతే ఇతి సిద్ధాంతో నిరపవాదః| యే తు అంతర్విద్రధిం న పఠంతి తేషామయమభిప్రాయః– గుల్మే పక్వే విద్రధౌ చ పాటనశోధనరోపణాదేః, అపక్వే చ విరేకలేపవిమ్లాపనాదేశ్చికిత్సితస్య ప్రాయో విశేషాభావాదలం పృథగ్వికారస్వీకారేణేతి||17-20||
Adhikarana puShpikA · Śloka 28
ఇతి శ్రీమాధవకరవిరచితే మాధవనిదానే గుల్మనిదానం సమాప్తం ||28||
View original
इति श्रीमाधवकरविरचिते माधवनिदाने गुल्मनिदानं समाप्तम् ||२८||
ఇతి శ్రీవిజయరక్షితకృతాయాం మధుకోశవ్యాఖ్యాయాం గుల్మనిదానం సమాప్తం||28||