Adhikarana hRudroganidAnam (1) · Śloka 1
অথ হৃদ্রোগনিদানম্ | অত্যুষ্ণগুর্বন্নকষাযতিক্তশ্রমাভিঘাতাধ্যশনপ্রসঙ্গৈঃ | সঞ্চিন্তনৈর্বেগবিধারণৈশ্চ হৃদামযঃ পঞ্চবিধঃ প্রদিষ্টঃ ||১||
अथ हृद्रोगनिदानम् | अत्युष्णगुर्वन्नकषायतिक्तश्रमाभिघाताध्यशनप्रसङ्गैः | सञ्चिन्तनैर्वेगविधारणैश्च हृदामयः पञ्चविधः प्रदिष्टः ||१||
🔊 Audio coming soon
গুল্মস্য হৃদযং স্থানমুক্তম্, অতো হৃদযসঙ্কীর্তনাত্ হৃদ্রোগারম্ভঃ| প্রসঙ্গঃ সাতত্যেন সেবা, অত্যুষ্ণাদযো যথাযোগ্যং বাতাদীনাং ক্রিমেশ্চ নিদানমিতি বোধ্যম্||১||
Adhikarana hRudrogasya samprAptipUrvakaM lakShaNam (2) · Śloka 2
দূষযিত্বা রসং দোষা বিগুণা হৃদযং গতাঃ | হৃদি বাধাং প্রকুর্বন্তি হৃদ্রোগং তং প্রচক্ষতে ||২|| (সু. উ. তং. অ. ৪৩) |
दूषयित्वा रसं दोषा विगुणा हृदयं गताः | हृदि बाधां प्रकुर्वन्ति हृद्रोगं तं प्रचक्षते ||२|| (सु. उ. तं. अ. ४३) |
🔊 Audio coming soon
তস্য সম্প্রাপ্তিং সামান্যলক্ষণং চাহ– দূষযিত্বেত্যাদি| দূষযিত্বা রসমিতি রসস্য হৃদযাশ্রযত্বাত্| বিগুণাঃ কুপিতাঃ| হৃদ্রোগমিতি বাচ্যে যদ্বাধাগ্রহণং, তদ্দোষভেদেন বাধাবৈচিত্র্যজ্ঞাপনার্থং, বাধাশব্দেন চাত্র নানাবিধা পীডেতি জেজ্জটঃ, ভঙ্গবত্ পীডেতি গযদাসঃ| হৃদ্রোগমিতি ‘বা শোকষ্যঞ্রোগেষু’ ইতি রোগে পরে হৃদযস্য হৃদ্ভাবঃ, অথবা হৃদো রোগো হৃদ্রোগঃ||২||
Adhikarana vAtikahRudrogalakShaNam (3) · Śloka 3
আযম্যতে মারুতজে হৃদযং তুদ্যতে তথা | নির্মথ্যতে দীর্যতে চ স্ফোট্যতে পাট্যতেঽপি চ ||৩|| (সু. উ. তং. অ. ৪৩) |
आयम्यते मारुतजे हृदयं तुद्यते तथा | निर्मथ्यते दीर्यते च स्फोट्यते पाट्यतेऽपि च ||३|| (सु. उ. तं. अ. ४३) |
🔊 Audio coming soon
বাতিকহৃদ্রোগলক্ষণমাহ– আযম্যত ইত্যাদি| আযম্যতে আকৃষ্যত ইব| তুদ্যতে সূচ্যেব| নির্মথ্যতে দণ্ডেনেব| দীর্যতে দ্বিধেব ক্রিযতে| স্ফোট্যতে আরযেব| পাট্যতে কুঠারেণেব||৩||
Adhikarana paittikahRudrogalakShaNam (4) · Śloka 4
তৃষ্ণোষ্মাদাহচোষাঃ স্যুঃ পৈত্তিকে হৃদযক্লমঃ | ধূমাযনং চ মূর্ছা চ স্বেদঃ শোষো মুখস্য চ ||৪|| (সু. উ. তং. অ. ৪৩) |
तृष्णोष्मादाहचोषाः स्युः पैत्तिके हृदयक्लमः | धूमायनं च मूर्छा च स्वेदः शोषो मुखस्य च ||४|| (सु. उ. तं. अ. ४३) |
🔊 Audio coming soon
পৈত্তিকলক্ষণমাহ– তৃষ্ণেত্যাদি| ঊষ্মা কিঞ্চিদ্দাহঃ| হৃদযক্লমঃ হৃদযাকুলত্বং, গ্লানিরিতি যাবত্||৪||
Adhikarana shlaiShmikahRudrogalakShaNam (5) · Śloka 5
গৌরবং কফসংস্রাবোঽরুচিঃ স্তম্ভোঽগ্নিমার্দবম্ | মাধুর্যমপি চাস্যস্য বলাসাবততে হৃদি ||৫|| (সু. উ. তং. অ. ৪৩) |
गौरवं कफसंस्रावोऽरुचिः स्तम्भोऽग्निमार्दवम् | माधुर्यमपि चास्यस्य बलासावतते हृदि ||५|| (सु. उ. तं. अ. ४३) |
🔊 Audio coming soon
শ্লৈষ্মিকমাহ– গৌরবমিত্যাদি| বলাসাবততে কুপিতকফব্যাপ্তে, “দোষা দুষ্টা দূষযিতারো ভবন্তি” ইত্যাগমাত্||৫||
Adhikarana sAnnipAtikahRudrogalakShaNaM, krimijahRudrogalakShaNaM ca (6) · Śloka 6
বিদ্যাত্ত্রিদোষং ত্বপি সর্বলিঙ্গং তীব্রার্তিতোদং ক্রিমিজং সকণ্ডূম্ | (চ. চি. অ. ২৬) | উত্ক্লেদঃ ষ্ঠীবনং তোদঃ শূলং হৃল্লাসকস্তমঃ | অরুচিঃ শ্যাবনেত্রত্বং শোথশ্চ ক্রিমিজে ভবেত্ ||৬|| (সু. উ. তং. অ. ৪৩) |
विद्यात्त्रिदोषं त्वपि सर्वलिङ्गं तीव्रार्तितोदं क्रिमिजं सकण्डूम् | (च. चि. अ. २६) | उत्क्लेदः ष्ठीवनं तोदः शूलं हृल्लासकस्तमः | अरुचिः श्यावनेत्रत्वं शोथश्च क्रिमिजे भवेत् ||६|| (सु. उ. तं. अ. ४३) |
🔊 Audio coming soon
সান্নিপাতিকমাহ– বিদ্যাদিত্যাদি| সর্বলিঙ্গমিত্যনেন প্রকৃতিসমসমবাযারব্ধত্বমুক্তং, তেন চিকিত্সাঽপ্যস্য প্রত্যেকং বাতাদিজস্য যা সা মিলিতৈব কার্যা| অপচারাচ্চেহ গ্রন্থিরুত্পদ্যতে ততঃ ক্রিমিসম্ভবঃ| উক্তং হি চরকেণ– “ত্রিদোষজে তু হৃদ্রোগে যো দুরাত্মা নিষেবতে| তিলক্ষীরগুডাদীনি গ্রন্থিস্তস্যোপজাযতে|| মর্মৈকদেশে সঙ্ক্লেদং রসশ্চাস্যোপগচ্ছতি| সঙ্ক্লেদাত্ ক্রিমযশ্চাস্য ভবন্ত্যুপহতাত্মনঃ||” (চ. সূ. অ. ১৭) ইতি| তস্যৈবেদং লক্ষণমাহ– তীব্রার্তিতোদং ক্রিমিজং সকণ্ডূমিতি| উত্ক্লেদ ইত্যাদিনা তমোঽন্তং ত্রিদোষজহৃদ্রোগলক্ষণং; তত্র তোদশূলে বাতাত্, উত্ক্লেদহৃল্লাসৌ কফাত্, তমঃ পিত্তাত্, ষ্ঠীবনং কফপিত্তাত্| অরুচিরিত্যাদিনা ক্রিমিজস্যেতি জেজ্জটঃ; গযদাসস্ত্বাহ– শ্যাবনেত্রত্বপর্যন্তেন ত্রিদোষজলক্ষণমিতি| স্যাদেতত্, ত্রিদোষজপদং ন তাবদত্র সুশ্রুতেন পঠিতম্; অতঃ সর্বমেব উত্ক্লেদাদি শোথান্তং ক্রিমিজলক্ষণং ভবিষ্যতি| নৈবং, “বিদ্যাত্ত্রিদোষং ত্বপি সর্বলিঙ্গং তীব্রার্তিতোদং ক্রিমিজং সকণ্ডূম্|” (চ. চি. অ. ২৬) ইতি দৃঢবলস্য বাক্যাত্| উত্ক্লেদ ইত্যাদিস্তু এক এব শ্লোকঃ সুশ্রুতেন পঠিতঃ, নতু পৃথক্ সন্নিপাতলক্ষণং, ততস্ত্রিদোষজস্যানভিধানে সুশ্রুতে ন্যূনত্বং স্যাত্| ত্রিদোষাশ্মরীবত্তস্যাসম্ভব এবেতি চেত্? নৈবং, তন্ত্রান্তরেষু পঠিতত্বাত্| তথাচ হারীতঃ– “সর্বাণি রূপাণি চ সন্নিপাতাচ্চিরোত্থিতং চাপি বদন্ত্যসাধ্যম্|” ইতি| চরকেঽপ্যুক্তম্– “হেতুলক্ষণসংসর্গাদুচ্যতে সান্নিপাতিকঃ|” (চ. সূ. অ. ১৭) ইতি; তথা ‘ত্রিদোষজে তু হৃদ্রোগে যো দুরাত্মা নিষেবতে|’ (চ. সূ. অ. ১৭) ইত্যাদি| কণ্ঠরবেণ তু ত্রিদোষজপদং যন্ন পঠিতং সুশ্রুতেন, তত্ ক্রিমিজস্যাপি ত্রিদোষজত্বখ্যাপনার্থমিত্যাচক্ষতে| ননু, দোষজাবান্তরাবস্থাবিশেষত্বাত্ ক্রিমিজোঽপি দোষজ এব, তত্ কথং হৃদামযঃ পঞ্চবিধ ইতি? নৈবং, রোগজস্যাপি রোগস্য পৃথক্ত্বদর্শনাত্| যদুক্তম্– ‘নিদানার্থকর’ (চ. চি. অ. ৮) ইত্যাদি| দ্বিদোষজস্ত্বনুক্তোঽপি প্রকৃতিসমসমবাযত্বাদ্বোধ্যঃ||৬||
Adhikarana hRudrogopadravAH (7-8) · Śloka 8
মর্মৈকদেশং সঙ্ক্লেদং রসশ্চাপ্যুপগচ্ছতি | সঙ্ক্লেদাত্কৃমযশ্চাস্য ভবন্ত্যুপহতাত্মনঃ ||৭|| ক্লমঃ সাদো ভ্রমঃ শোষো জ্ঞেযাস্তেষামুপদ্রবাঃ | ক্রিমিজে ক্রিমিজাতীনাং শ্লৈষ্মিকাণাং চ যে মতাঃ ||৮||
मर्मैकदेशं सङ्क्लेदं रसश्चाप्युपगच्छति | सङ्क्लेदात्कृमयश्चास्य भवन्त्युपहतात्मनः ||७|| क्लमः सादो भ्रमः शोषो ज्ञेयास्तेषामुपद्रवाः | क्रिमिजे क्रिमिजातीनां श्लैष्मिकाणां च ये मताः ||८||
🔊 Audio coming soon
সর্বেষামুপদ্রবানাহ– ক্লম ইত্যাদি| শ্লৈষ্মিকাণাং কৃমীণাং যে উপদ্রবাস্তে ক্রিমিজহৃদ্রোগেঽপি স্যুঃ| তে চ হৃল্লাসাস্যস্রবণাবিপাকাদযঃ||৭-৮||
Adhikarana puShpikA · Śloka 29
ইতি শ্রীমাধবকরবিরচিতে মাধবনিদানে হৃদ্রোগনিদানং সমাপ্তম্ ||২৯||
इति श्रीमाधवकरविरचिते माधवनिदाने हृद्रोगनिदानं समाप्तम् ||२९||
🔊 Audio coming soon
ইতি শ্রীবিজযরক্ষিতকৃতাযাং মধুকোশব্যাখ্যাযাং হৃদ্রোগনিদানং সমাপ্তম্||২৯||