Adhikarana karNashUlasya samprAptipUrvakaM lakShaNam (1) · Śloka 1
অথ কর্ণরোগনিদানম্ |
সমীরণঃ শ্রোত্রগতোঽন্যথাচরন্ সমন্ততঃ শূলমতীব কর্ণযোঃ |
করোতি দোষৈশ্চ যথাস্বমাবৃতঃ স কর্ণশূলঃ কথিতো দুরাচরঃ ||১||
(সু. উ. তং. অ. ২০) |
View original
अथ कर्णरोगनिदानम् |
समीरणः श्रोत्रगतोऽन्यथाचरन् समन्ततः शूलमतीव कर्णयोः |
करोति दोषैश्च यथास्वमावृतः स कर्णशूलः कथितो दुराचरः ||१||
(सु. उ. तं. अ. २०) |
মুখরোগে জিহ্বাশ্রযরোগোঽভিহিতঃ, জিহ্বা চেন্দ্রিযাধিষ্ঠানম্, অত ইন্দ্রিযাধিষ্ঠানদুষ্টিসাম্যাত্ কর্ণরোগনিদানমুচ্যতে; কর্ণশব্দেন চ কর্ণশষ্কুল্যবচ্ছিন্নমদৃষ্টোপগৃহীতং শ্রোত্রমুচ্যতে, তত্র যদ্যপ্যেকদেশগতো রোগস্তথাঽপ্যবযবেঽপি সমুদাযোপচারতঃ কর্ণব্যপদেশঃ| তত্র কর্ণশূলং কষ্টত্বাত্ প্রাগাহ– সমীরণ ইত্যাদি| অত্রানযৈব সম্প্রাপ্ত্যাঽর্থতো নিদানসঞ্চযাদ্যাক্ষিপ্তং; যতো নিদানাত্ সঞ্চযঃ, সঞ্চযাত্ প্রকোপঃ, প্রকোপাত্ প্রসরঃ, প্রসরাত্ স্থানসংশ্রযঃ, ততো ব্যক্তিঃ, ততো ভেদ ইতি| কর্ণশূলস্য চ কষ্টত্বং মূর্ছাদ্যুপদ্রবযোগাত্| যদাহ বিদেহঃ– “মূর্ছা দাহো জ্বরঃ কাসো হৃল্লাসো বমথুস্তথা| উপদ্রবাঃ কর্ণশূলে ভবন্ত্যেতে মরিষ্যতঃ||” ইতি| অন্যথাচরন্নিতি প্রতিলোমং চরন্| দোষৈরিতি কফপিত্তরক্তৈঃ; রক্তেঽপি রুজাকর্তৃত্বাত্ সামান্যেন দোষব্যপদেশঃ| যথাস্বমাবৃত ইতি স্বনিদানকুপিতদোষৈর্যথাস্বীযলক্ষণৈরাবৃতো ন তু কোপিতৈর্বাযুনা; “একঃ প্রকুপিতো দোষঃ সর্বানেব প্রকোপযেত্” ইতি ন্যাযাত্; যতঃ স্বতন্ত্রকুপিতা দোষাঃ সংসর্গভাজো ভবন্তি, পরতন্ত্রকুপিতাস্ত্বনুবন্ধরূপা ভবন্তি; অথবা যথাস্বমিতি শূলবিশেষণং, যথাস্বীযমিত্যর্থঃ| দুরাচার ইতি দুঃখেনাচর্যতে ইতি দুরাচরঃ||১||
Adhikarana karNanAda-bAdhiryalakShaNam (2-3) · Śloka 3
কর্ণস্রোতঃ স্থিতে বাতে শৃণোতি বিবিধান্ স্বরান্ |
ভেরীমৃদঙ্গশঙ্খানাং কর্ণনাদঃ স উচ্যতে ||২||
যদা শব্দবহং বাযুঃ স্রোত আবৃত্য তিষ্ঠতি |
শুদ্ধঃ শ্লেষ্মান্বিতো বাঽপি বাধির্যং তেন জাযতে ||৩||
View original
कर्णस्रोतः स्थिते वाते शृणोति विविधान् स्वरान् |
भेरीमृदङ्गशङ्खानां कर्णनादः स उच्यते ||२||
यदा शब्दवहं वायुः स्रोत आवृत्य तिष्ठति |
शुद्धः श्लेष्मान्वितो वाऽपि बाधिर्यं तेन जायते ||३||
কর্ণনাদমাহ– কর্ণস্রোতঃস্থিত ইত্যাদি| যদা কর্ণস্রোতসি বিবিধপ্রকারেণাবস্থিতো বাযুর্ভবতি তদা তস্য বিবিধাভিহননাদুক্তবিবিধশব্দশ্রবণং, ভেরীমৃদঙ্গশঙ্খানামিত্যুপলক্ষণং, তেন ভৃঙ্গারাদিশব্দশ্রবণং চ ভবতি| যদুক্তং বিদেহে– “শিরোগতো যদা বাযুঃ শ্রোত্রযোঃ প্রতিপদ্যতে| তদা তু বিবিধান্ শব্দান্ সমীরযতি কর্ণযোঃ|| ভৃঙ্গারক্রৌঞ্চনাদং বা মণ্ডূককাকযোস্তথা| তন্ত্রীমৃদঙ্গশব্দং বা সামতূর্যস্বনং তথা|| গীতাধ্যযনবংশানাং নির্ঘোষং ক্ষ্বেডনং তথা| অপামিব পতন্তীনাং শকটস্যেব গচ্ছতঃ|| শ্বসতামিব সর্পাণাং সদৃশঃ শ্রূযতে স্বনঃ|” ইতি||২-৩||
Adhikarana karNakShveDalakShaNam (4) · Śloka 4
বাযুঃ পিত্তাদিভির্যুক্তো বেণুঘোষোপমং স্বনম্ |
করোতি কর্ণযোঃ ক্ষ্বেডং কর্ণক্ষ্বেডঃ স উচ্যতে ||৪||
View original
वायुः पित्तादिभिर्युक्तो वेणुघोषोपमं स्वनम् |
करोति कर्णयोः क्ष्वेडं कर्णक्ष्वेडः स उच्यते ||४||
কর্ণক্ষ্বেডমাহ– বাযুরিত্যাদি| ক্ষ্বেডমেব ব্যাকরোতি– বেণুঘোষোপমং স্বনমিতি| ননু, কর্ণনাদাত্ কথমস্য ভেদঃ? উচ্যতে– কর্ণনাদে কেবলানিলজে নানাশব্দান্ শৃণোতি, অত্র তু বেণুশব্দমেব নিযমেন; তথাঽযং পিত্তাদিসংসৃষ্টবাতজন্য ইতি| তথাহ বিদেহঃ– “মারুতঃ কফপিত্তাভ্যাং সংসৃষ্টঃ শোণিতেন চ| কর্ণক্ষ্বেডং সঞ্জনযেত্ ক্ষ্বেডনং বেণুঘোষবত্||” ইতি||৪||
Adhikarana karNasrAvalakShaNam (5) · Śloka 5
শিরোঽভিঘাতাদথবা নিমজ্জতো জলে প্রপাকাদথবাঽপি বিদ্রধেঃ |
স্রবেদ্ধি পূযং শ্রবণোঽনিলার্দিতঃ স কর্ণসংস্রাব ইতি প্রকীর্তিতঃ ||৫||
(সু. উ. তং. অ. ২০) |
View original
शिरोऽभिघातादथवा निमज्जतो जले प्रपाकादथवाऽपि विद्रधेः |
स्रवेद्धि पूयं श्रवणोऽनिलार्दितः स कर्णसंस्राव इति प्रकीर्तितः ||५||
(सु. उ. तं. अ. २०) |
কর্ণস্রাবমাহ– শিরোঽভিঘাতাদিত্যাদি| স্রবেদ্ধি পূযমিত্যুপলক্ষণং, তেন রক্তজলে চ স্রবত ইতি মন্তব্যং, শিরোঽভিঘাতজলমজ্জনমাত্রেণ পূযস্যাসম্ভবাত্; অথবা প্রপাকাদিতি সর্বত্র সম্বধ্যতে; তর্হি ন পাকাত্ পৃথক্ স্রাব উক্তঃ, সর্বত্র পাকস্যাবিশিষ্টত্বাদিতি কার্তিকঃ| ননু, পাকাত্ বিদ্রধেঃ স্রাবসম্ভবোঽস্তু, বিদ্রধৌ তু বাতেতরদোষস্যাপি সম্ভবাত্ কথমনিলার্দিত ইত্যুক্তম্? উচ্যতে– অতিস্রাবেণাত্রানিলকোপাদনিলার্দিতত্বং বোদ্ধব্যম্||৫||
Adhikarana karNagUthaka-karNapratinAhalakShaNam (6-7) · Śloka 7
মারুতঃ কফসংযুক্তঃ কর্ণকণ্ডূং করোতি চ |
পিত্তোষ্মশোষিতঃ শ্লেষ্মা কুরুতে কর্ণগূথকম্ ||৬||
স কর্ণগূথো দ্রবতাং গতো যদা বিলাযিতো ঘ্রাণমুখং প্রপদ্যতে |
তদা স কর্ণপ্রতিনাহসঞ্জ্ঞিতো ভবেদ্বিকারঃ শিরসোঽর্ধভেদকৃত্ ||৭||
(সু. উ. তং. অ. ২০) |
View original
मारुतः कफसंयुक्तः कर्णकण्डूं करोति च |
पित्तोष्मशोषितः श्लेष्मा कुरुते कर्णगूथकम् ||६||
स कर्णगूथो द्रवतां गतो यदा विलायितो घ्राणमुखं प्रपद्यते |
तदा स कर्णप्रतिनाहसञ्ज्ञितो भवेद्विकारः शिरसोऽर्धभेदकृत् ||७||
(सु. उ. तं. अ. २०) |
কর্ণপ্রতিনাহমাহ– স কর্ণগূথো দ্রবতামিত্যাদি| বিলাযিত ইতি স্নেহস্বেদাভ্যাং বিলীনীকৃতঃ সন্| ঘ্রাণমুখমিতি দ্বন্দ্বত্বাদেকবদ্ভাবঃ, তেন ঘ্রাণং চ মুখং চ প্রতিপদ্যতে ইত্যর্থঃ| অন্যে ‘ঘ্রাণমুখাত্’ ইতি পঠন্তি, তদা ঘ্রাণমুখাত্ নাসাসকাশাত্ প্রতিপদ্যতে গচ্ছতীত্যর্থঃ| অযং কফজো বিকারঃ; অথবা কর্ণগূথশোষে মারুতপিত্তব্যাপারাত্ত্রযাণামপি সম্বন্ধোঽস্তি, তেন সন্নিপাতজোঽযং; তথাচ বিদেহঃ– “কফাদ্বা মারুতাদ্বাঽপি সন্নিপাতেন বা পুনঃ|” ইতি| শিরসোঽর্ধভেদকৃদিতি অর্ধাবভেদশিরোরোগকৃত্||৬-৭||
Adhikarana krimikarNakalakShaNam (8) · Śloka 8
যদা তু মূর্ছন্ত্যথবাঽপি জন্তবঃ সৃজন্ত্যপত্যান্যথবাঽপি মক্ষিকাঃ |
তদ্ব্যঞ্জনত্বাচ্ছ্রবণো নিরুচ্যতে ভিষগ্ভিরাদ্যৈঃ ক্রিমিকর্ণকো গদঃ ||৮||
(সু. উ. তং. অ. ২০) |
View original
यदा तु मूर्छन्त्यथवाऽपि जन्तवः सृजन्त्यपत्यान्यथवाऽपि मक्षिकाः |
तद्व्यञ्जनत्वाच्छ्रवणो निरुच्यते भिषग्भिराद्यैः क्रिमिकर्णको गदः ||८||
(सु. उ. तं. अ. २०) |
ক্রিমিকর্ণকমাহ– যদা তু মূর্ছন্তীত্যাদি| মূর্ছন্তি উচ্ছ্রিতা ভবন্তি| জন্তবঃ ক্রিমযঃ| ক্রিমিমূর্ছনং চ মাংসশোণিতকোথে সতি জ্ঞেযং, তদন্তরেণ ক্রিমীণামসম্ভবাত্| অপত্যানীতি ডিম্ভকান্| তদ্ব্যঞ্জনত্বাদিতি ক্রিমিলক্ষণত্বাত্| শ্রবণো নিরুচ্যতে ইতি ক্রিমিকর্ণকো গদ ইতি আশ্রযাশ্রিতযোরভেদোপচারাচ্ছ্রবণঃ ক্রিমিকর্ণকো গদো ভণ্যতে| শ্রবণশব্দঃ পুংলিঙ্গোঽপ্যস্তীত্যস্মাদেব নির্দেশাত্ প্রতীযতে| অযং বিকারস্ত্রিদোষজো মন্তব্যঃ| তথা চ নিমিঃ– “শ্লেষ্মপিত্তজলোন্মিশ্রে কোথে শোণিতমাংসজে| মূর্ছন্তি জন্তবস্তত্র কৃষ্ণাস্তাম্রাঃ সিতারুণাঃ|| ভক্ষযন্তীব তে কর্ণং কুর্বন্তো বিবিধা রুজঃ| ক্রিমিকর্ণং তু তং বিদ্যাত্ সন্নিপাতপ্রকোপজম্||” ইতি||৮||
Adhikarana karNapraviShTapata~ggakITAdilakShaNam (9-10) · Śloka 10
পতঙ্গাঃ শতপদ্যশ্চ কর্ণস্রোতঃ প্রবিশ্য হি |
অরতিং ব্যাকুলত্বং চ ভৃশং কুর্বন্তি বেদনাম্ ||৯||
কর্ণো নিস্তুদ্যতে তস্য তথা ফরফরাযতে |
কীটে চরতি রুক্ তীব্রা নিষ্পন্দে মন্দবেদনা ||১০||
View original
पतङ्गाः शतपद्यश्च कर्णस्रोतः प्रविश्य हि |
अरतिं व्याकुलत्वं च भृशं कुर्वन्ति वेदनाम् ||९||
कर्णो निस्तुद्यते तस्य तथा फरफरायते |
कीटे चरति रुक् तीव्रा निष्पन्दे मन्दवेदना ||१०||
কর্ণপ্রবিষ্টপতঙ্গকীটাদিলিঙ্গমাহ– পতঙ্গা ইত্যাদি| শতপদ্য ইতি কারণ্ডিকাঃ| নিষ্পন্দে ইতি স্থিরে||৯-১০||
Adhikarana karNavidradhilakShaNam (11) · Śloka 11
ক্ষতাভিঘাতপ্রভবস্তু বিদ্রধির্ভবেত্তথা দোষকৃতোঽপরঃ পুনঃ |
সরক্তপীতারুণমস্রমাস্রবেত্ প্রতোদধূমাযনদাহচোষবান্ ||১১||
(সু. উ. তং. অ. ২০) |
View original
क्षताभिघातप्रभवस्तु विद्रधिर्भवेत्तथा दोषकृतोऽपरः पुनः |
सरक्तपीतारुणमस्रमास्रवेत् प्रतोदधूमायनदाहचोषवान् ||११||
(सु. उ. तं. अ. २०) |
কর্ণবিদ্রধিমাহ– ক্ষতাভিঘাতপ্রভবস্ত্বিত্যাদি| ক্ষতপ্রভবোঽভিঘাতপ্রভবশ্চ, ক্ষতাভিঘাতপ্রভবযোরাগন্তুকত্বাদেকত্বম্, এবং বাতাদিজস্যাপি দোষজত্বাদেকত্বম্| সরক্তপীতারুণমস্রমাস্রবেদিতি অস্রমাস্রাবং, সরক্তপীতারুণবর্ণত্বং চাস্রাবস্য বাতপিত্তকফসম্ভবাত্||১১||
Adhikarana karNapAkalakShaNam (12) · Śloka 12
কর্ণপাকস্তু পিত্তেন কোথবিক্লেদকৃদ্ভবেত্ |
কর্ণবিদ্রধিপাকাদ্বা জাযতে চাম্বুপূরণাত্ ||১২||
View original
कर्णपाकस्तु पित्तेन कोथविक्लेदकृद्भवेत् |
कर्णविद्रधिपाकाद्वा जायते चाम्बुपूरणात् ||१२||
কর্ণপাকলক্ষণমাহ– কর্ণপাক ইত্যাদি| কোথবিক্লেদকৃদিতি কোথঃ পূতিভাবঃ, বিক্লেদ আর্দ্রতা| ননু, কর্ণগূথলক্ষণে পিত্তেন শোষণমুক্তং, তত্কথমার্দ্রতা? নৈবম্, এবংবিকারজনককর্মসহকারিণা দ্রবাংশোদ্রিক্তেন পিত্তেনার্দ্রতা, তত্র ত্বেতদ্বিপরীতত্বেন শোষঃ||১২||
Adhikarana pUtikarNalakShaNam (13) · Śloka 13
পূযং স্রবতি পূতি বা স জ্ঞেযঃ পূতিকর্ণকঃ |১৩|
View original
पूयं स्रवति पूति वा स ज्ञेयः पूतिकर्णकः |१३|
পূতিকর্ণলক্ষণমাহ– পূযমিত্যাদি| পূযং স্রবতি বা পূতীতি ক্রিযাবিশেষণং, বাশব্দোঽত্র সমুচ্চযে; তেনাবেদনত্বং, সবেদনত্বং বা, ঘনস্রাবিত্বং চ সমুচ্চীযতে| ঘনস্রাবনিযমাচ্চ কর্ণস্রাবাদস্য ভেদঃ| তথাচোক্তং সুশ্রুতে– “স্রোতঃস্থিতে শ্লেষ্মণি পিত্ততেজসা বিলীযমানে ভৃশসম্প্রতাপিতে| অবেদনো বাঽথ সবেদনো বা ঘনং স্রবেত্ পূতি চ পূতিকর্ণঃ||” ইতি| (সু. উ. তং. অ. ২০)| পূতিমান্ কর্ণঃ পূতিকর্ণঃ|১৩|–
Adhikarana karNagatashothArbudArshasAM lakShaNam (13) · Śloka 13
কর্ণশোথার্বুদার্শাংসি জানীযাদুক্তলক্ষণৈঃ ||১৩||
View original
कर्णशोथार्बुदार्शांसि जानीयादुक्तलक्षणैः ||१३||
ইদানীং সঙ্খ্যাপূরণার্থং কর্ণগতশোথার্বুদার্শসামতিদেশেন লক্ষণমাহ– কর্ণশোথেত্যাদি| কর্ণশোথাশ্চত্বারো বাতপিত্তকফরক্তজত্বেন; এবমর্শশ্চতুর্বিধং, সহজসন্নিপাতজার্শসোঃ সন্নিপাতাগন্তুজশোথযোশ্চাত্রাসম্ভূতিরাধারপ্রভাবাত্| অর্বুদং চ সপ্তবিধং বাতপিত্তকফরক্তমাংসমেদঃসিরানিমিত্তভেদাত্; সিরাজস্য বাতজাবরুদ্ধস্যাত্র পৃথগ্গণনং শালাক্যসিদ্ধান্তসংবাদাদিতি কার্তিকঃ| যথা সুশ্রুতে এব কর্ণরোগানন্তরম্– “দোষৈস্ত্রিভিস্তৈঃ পৃথগেকশশ্চ ব্রূযাত্তথাঽর্শাংসি তথৈব শোথান্| শালাক্যসিদ্ধান্তমবেক্ষ্য চাপি সর্বাত্মকং সপ্তমমর্বুদং তু||” (সু. উ. তং. অ. ২২) ইতি| নাসারোগেঽভিধাস্যতি, তথেহাপি যুজ্যতে; তেন রক্তজস্য পিত্তসমানলিঙ্গত্বাত্ পিত্তজেঽন্তর্ভাবঃ, তথাঽঽগন্তুজস্যাপি রক্তপিত্তলিঙ্গত্বাত্ পিত্তজ এবান্তর্ভাবঃ; তেন শোথঃ সন্নিপাতজোঽত্র অগণনীযঃ, এবং সহজরক্তজযোর্দোষজ এবান্তর্ভাবাত্ সন্নিপাতজমর্শোঽপৃথগ্গণনীযম্, অর্বুদং চ সন্নিপাতজং সপ্তমিতি, এবমেভিঃ সহাষ্টাবিংশতিঃ সুশ্রুতোক্তাঃ কর্ণরোগা ভবন্তি||১৩||
Adhikarana karNarogasya vAtajAdibhedena lakShaNAni (14-15) · Śloka 15
নাদোঽতিরুক্ কর্ণমলস্য শোষঃ স্রাবস্তনুশ্চাশ্রবণং চ বাতাত্ |
শোথঃ সরাগো দরণং বিদাহঃ সপীতপূতিস্রবণং চ পিত্তাত্ ||১৪||
বৈশ্রুত্যকণ্ডূস্থিরশোথশুক্লস্নিগ্ধস্রুতিঃ স্বল্পরুজঃ কফাচ্চ |
সর্বাণি রূপাণি চ সন্নিপাতাত্ স্রাবশ্চ তত্রাধিকদোষবর্ণঃ ||১৫||
(চ. চি. অ. ২৬) |
View original
नादोऽतिरुक् कर्णमलस्य शोषः स्रावस्तनुश्चाश्रवणं च वातात् |
शोथः सरागो दरणं विदाहः सपीतपूतिस्रवणं च पित्तात् ||१४||
वैश्रुत्यकण्डूस्थिरशोथशुक्लस्निग्धस्रुतिः स्वल्परुजः कफाच्च |
सर्वाणि रूपाणि च सन्निपातात् स्रावश्च तत्राधिकदोषवर्णः ||१५||
(च. चि. अ. २६) |
ইদানীং চরকোক্তং কর্ণরোগচতুষ্টযং বাতপিত্তকফসন্নিপাতজভেদাদাহ– নাদোঽতিরুগিত্যাদি| অশ্রবণমিতি অশব্দশ্রুতিঃ| বৈশ্রুত্যমিতি বিরুদ্ধশ্রবণম্||১৪-১৫||
Adhikarana paripoTakalakShaNam (16) · Śloka 16
সৌকুমার্যাচ্চিরোত্সৃষ্টে সহসাঽতিপ্রবর্ধিতে |
কর্ণশোথো ভবেত্ পাল্যাং সরুজঃ পরিপোটবান্ |
কৃষ্ণারুণনিভঃ স্তব্ধঃ স বাতাত্ পরিপোটকঃ ||১৬||
(সু. চি. অ. ২৫) |
View original
सौकुमार्याच्चिरोत्सृष्टे सहसाऽतिप्रवर्धिते |
कर्णशोथो भवेत् पाल्यां सरुजः परिपोटवान् |
कृष्णारुणनिभः स्तब्धः स वातात् परिपोटकः ||१६||
(सु. चि. अ. २५) |
কর্ণাবযবত্বাত্ কর্ণপাল্যাস্তদ্বিকারানাহ– সৌকুমার্যাদিত্যাদি| সৌকুমার্যাদ্ধেতোশ্চিরং বর্ধনেন ত্যক্তে সহসা চ বর্ধযিতুমারব্ধে কর্ণে শোথঃ, পরিপোটবান্ মনাক্ত্বগবদরণবানিত্যর্থঃ||১৬||
Adhikarana utpAtalakShaNam (17) · Śloka 17
গুর্বাভরণসংযোগাত্তাডনাদ্ঘর্ষণাদপি |
শোথঃ পাল্যাং ভবেচ্ছ্যাবো দাহপাকরুজান্বিতঃ ||১৭||
রক্তো বা রক্তপিত্তাভ্যামুত্পাতঃ স গদো মতঃ |
(সু. চি. অ. ২৫) |
View original
गुर्वाभरणसंयोगात्ताडनाद्घर्षणादपि |
शोथः पाल्यां भवेच्छ्यावो दाहपाकरुजान्वितः ||१७||
रक्तो वा रक्तपित्ताभ्यामुत्पातः स गदो मतः |
(सु. चि. अ. २५) |
উত্পাতলক্ষণমাহ– গুর্বিত্যাদি| শ্যাবত্বং ব্যাধিপ্রভাবাত্, পিত্তরক্তযোঃ শ্যাবত্বাজনকত্বাত্; কিংবা বাতানুবন্ধাদত্র শ্যাবত্বম্||১৭||–
Adhikarana unmanthakalakShaNam (18-20) · Śloka 20
কর্ণং বলাদ্বর্ধযতঃ পাল্যাং বাযুঃ প্রকুপ্যতি ||১৮||
কফং সঙ্গৃহ্য কুরুতে শোথং স্তব্ধমবেদনম্ |
উন্মন্থকঃ সকণ্ডূকো বিকারঃ কফবাতজঃ ||১৯||
সংবর্ধ্যমানে দুর্বিদ্ধে কণ্ডূপাকরুজান্বিতঃ |
শোথো ভবতি পাকশ্চ ত্রিদোষো দুঃখবর্ধনঃ ||২০||
(সু. চি. অ. ২৫) |
View original
कर्णं बलाद्वर्धयतः पाल्यां वायुः प्रकुप्यति ||१८||
कफं सङ्गृह्य कुरुते शोथं स्तब्धमवेदनम् |
उन्मन्थकः सकण्डूको विकारः कफवातजः ||१९||
संवर्ध्यमाने दुर्विद्धे कण्डूपाकरुजान्वितः |
शोथो भवति पाकश्च त्रिदोषो दुःखवर्धनः ||२०||
(सु. चि. अ. २५) |
উন্মন্থকমাহ– কর্ণমিত্যাদি| স্তব্ধত্বং বাতকৃতং, কণ্ডূঃ কফাত্, ইতি বাতকফলিঙ্গম্||১৮-২০||
Adhikarana parilehIlakShaNam (21-22) · Śloka 22
কফাসৃক্ক্রিমযঃ ক্রুদ্ধাঃ সর্ষপাভা বিসর্পিণঃ |
কুর্বন্তি পাল্যাং পিডকাঃ কণ্ডূদাহরুজান্বিতাঃ ||২১||
কফাসৃক্ক্রিমিসম্ভূতঃ স বিসর্পন্নিতস্ততঃ |
লিহেত্ সশষ্কুলীং পালীং পরিলেহীতি স স্মৃতঃ ||২২||
(সু. চি. অ. ২৫) |
View original
कफासृक्क्रिमयः क्रुद्धाः सर्षपाभा विसर्पिणः |
कुर्वन्ति पाल्यां पिडकाः कण्डूदाहरुजान्विताः ||२१||
कफासृक्क्रिमिसम्भूतः स विसर्पन्नितस्ततः |
लिहेत् सशष्कुलीं पालीं परिलेहीति स स्मृतः ||२२||
(सु. चि. अ. २५) |
পরিলেহীমাহ– কফাসৃগিত্যাদি| স বিসর্পন্নিতি স ইতি পিডকাত্মকো বিকার; ‘বিসর্পান্বিতঃ’ ইতি পাঠান্তরে বিসর্পেণান্বিতঃ| লিহেদিতি নির্মাংসীং করোতি আচ্ছাদযেদ্বা||২১-২২||
Adhikarana puShpikA · Śloka 57
ইতি শ্রীমাধবকরবিরচিতে মাধবনিদানে কর্ণরোগনিদানং সমাপ্তম্ ||৫৭||
View original
इति श्रीमाधवकरविरचिते माधवनिदाने कर्णरोगनिदानं समाप्तम् ||५७||
ইতি শ্রীকণ্ঠদত্তকৃতাযাং মধুকোশব্যাখ্যাযাং কর্ণরোগনিদানং সমাপ্তম্||৫৭||