Adhikarana kAsasya nidAnasamprAptipUrvakaM lakShaNam (1-2) · Śloka 2
অথ কাসনিদানম্ |
ধূমোপঘাতাদ্রসতস্তথৈব ব্যাযামরূক্ষান্ননিষেবণাচ্চ |
বিমার্গগত্বাচ্চ হি ভোজনস্য বেগাবরোধাত্ ক্ষবথোস্তথৈব ||১||
প্রাণো হ্যুদানানুগতঃ প্রদুষ্টঃ স ভিন্নকাংস্যস্বনতুল্যঘোষঃ |
নিরেতি বক্ত্রাত্ সহসা সদোষো মনীষিভিঃ কাস ইতি প্রদিষ্টঃ ||২||
(সু. উ. তং. অ. ৫২) |
View original
अथ कासनिदानम् |
धूमोपघाताद्रसतस्तथैव व्यायामरूक्षान्ननिषेवणाच्च |
विमार्गगत्वाच्च हि भोजनस्य वेगावरोधात् क्षवथोस्तथैव ||१||
प्राणो ह्युदानानुगतः प्रदुष्टः स भिन्नकांस्यस्वनतुल्यघोषः |
निरेति वक्त्रात् सहसा सदोषो मनीषिभिः कास इति प्रदिष्टः ||२||
(सु. उ. तं. अ. ५२) |
ক্ষযরূপে কাসপাঠাত্ কাসোপেক্ষযা চ ক্ষযোত্পত্তেস্তদনন্তরং কাসনিদানমাহ– ধূমোপঘাতাদিত্যাদি| ধূমেন মুখনাসাপ্রবিষ্টেনোপঘাতো ধূমোপঘাতঃ| রসত ইতি বাতেনোর্ধ্বং নীতাদামরসাত্, ‘রজস’ ইতি পাঠান্তরে মুখনাসাপ্রবিষ্টধূলেরিত্যর্থঃ| বিমার্গগত্বং চ হি ভোজনস্যাতিদ্রুতাভ্যবহারাদিনা| চশব্দঃ সমুচ্চযে, হি পাদপূরণে| বেগাবরোধাদিতি পুরীষাদেঃ, তেন হি বাযুরূর্ধ্বগঃ স্যাত্| ক্ষবথোস্তথৈবেতি বেগাবরোধাদিতি সম্বন্ধঃ| প্রাণো বাযুরুদানেন দুষ্টেনানুগতো বক্ত্রান্নিরেতি| স বাযুঃ, ভিন্নকাংস্যপাত্রবত্ হতস্বনঃ কাস ইতি প্রদিষ্টঃ| সদোষঃ সকফপিত্তঃ, বাতিকপৈত্তিকাদিভেদভিন্ন ইতি বা| এতেনৈব সমানস্থাননিদানাভ্যাং হিক্কাশ্বাসাভ্যামস্য ভেদঃ, ন হি তত্র বাতিকপৈত্তিকাদিভেদেন ব্যপদেশ ইতি গদাধরঃ| কসতি শিরঃকণ্ঠাদূর্ধ্বং গচ্ছতি বাযুরিতি কাসঃ, ‘কস’ গতৌ ইত্যস্মাত্; ‘কসনাত্ কাসঃ’ (চ. চি. অ. ১৮) ইতি চরকে পাঠঃ; কাসনং কাস ইতি বা, “ভিন্নস্বরঃ কাসতি শুষ্কমেব” (সু. উ. তং. অ. ৫২) ইতি সুশ্রুতদর্শনাত্||১-২||
Adhikarana kAsasa~gkhyA (3) · Śloka 3
পঞ্চ কাসাঃ স্মৃতা বাতপিত্তশ্লেষ্মক্ষতক্ষযৈঃ |
ক্ষযাযোপেক্ষিতাঃ সর্বে বলিনশ্চোত্তরোত্তরম্ ||৩||
(অ. হৃ. নি. অ. ৩) |
View original
पञ्च कासाः स्मृता वातपित्तश्लेष्मक्षतक्षयैः |
क्षयायोपेक्षिताः सर्वे बलिनश्चोत्तरोत्तरम् ||३||
(अ. हृ. नि. अ. ३) |
সঙ্খ্যামাহ– পঞ্চেত্যাদি| পঞ্চ কাসা ইতি সঙ্খ্যেযনির্দেশাদেব সঙ্খ্যাযাং লব্ধাযাং পঞ্চগ্রহণং জরাকাসস্য দোষজেষ্বন্তর্ভূতস্যাধিকত্বনিরাসার্থং, পঞ্চানামপি বা ক্ষযকারণত্বপ্রতিপাদনার্থমিতি| ক্ষযায ধাতুক্ষযায||৩||
Adhikarana kAsapUrvarUpam (4) · Śloka 4
পূর্বরূপং ভবেত্তেষাং শূকপূর্ণগলাস্যতা |
কণ্ঠে কণ্ডূশ্চ ভোজ্যানামবরোধশ্চ জাযতে ||৪||
(চ. চি. অ. ২২) |
View original
पूर्वरूपं भवेत्तेषां शूकपूर्णगलास्यता |
कण्ठे कण्डूश्च भोज्यानामवरोधश्च जायते ||४||
(च. चि. अ. २२) |
পূর্বরূপমাহ– পূর্বেত্যাদি| ভোজ্যানামবরোধ ইতি অরুচিরভ্যবহারাসামর্থ্যং বা||৪||
Adhikarana vAtikakAsalakShaNam (5) · Śloka 5
হৃচ্ছঙ্খমূর্ধোদরপার্শ্বশূলী ক্ষামাননঃ ক্ষীণবলস্বরৌজাঃ |
প্রসক্তবেগস্তু সমীরণেন ভিন্নস্বরঃ কাসতি শুষ্কমেব ||৫||
(সু. উ. তং. অ. ৫২) |
View original
हृच्छङ्खमूर्धोदरपार्श्वशूली क्षामाननः क्षीणबलस्वरौजाः |
प्रसक्तवेगस्तु समीरणेन भिन्नस्वरः कासति शुष्कमेव ||५||
(सु. उ. तं. अ. ५२) |
বাতিককাসস্বরূপমাহ– হৃদিত্যাদি| শঙ্খো ললাটৈকদেশঃ| ক্ষামাননঃ শুষ্কমুখঃ, বাতেন শোষণাত্| প্রসক্তবেগঃ সততকাসবেগঃ| শুষ্কমিতি শ্লেষ্মাদিনিষ্ঠীবনরহিতম্||৫||
Adhikarana paittikakAsalakShaNam (6) · Śloka 6
উরোবিদাহজ্বরবক্ত্রশোষৈরভ্যর্দিতস্তিক্তমুখস্তৃষার্তঃ |
পিত্তেন পীতানি বমেত্ কটূনি কাসেত্ সপাণ্ডুঃ পরিদহ্যমানঃ ||৬||
(সু. উ. তং. অ. ৫২) |
View original
उरोविदाहज्वरवक्त्रशोषैरभ्यर्दितस्तिक्तमुखस्तृषार्तः |
पित्तेन पीतानि वमेत् कटूनि कासेत् सपाण्डुः परिदह्यमानः ||६||
(सु. उ. तं. अ. ५२) |
পৈত্তিককাসমাহ– উর ইত্যাদি| অভ্যর্দিতঃ পীডিতঃ||৬||
Adhikarana kaphajakAsalakShaNam (7) · Śloka 7
প্রলিপ্যমানেন মুখেন সীদন্ শিরোরুজার্তঃ কফপূর্ণদেহঃ |
অভক্তরুগ্গৌরবকণ্ডুযুক্তঃ কাসেদ্ভৃশং সান্দ্রকফঃ কফেন ||৭||
(সু. উ. তং. অ. ৫২) |
View original
प्रलिप्यमानेन मुखेन सीदन् शिरोरुजार्तः कफपूर्णदेहः |
अभक्तरुग्गौरवकण्डुयुक्तः कासेद्भृशं सान्द्रकफः कफेन ||७||
(सु. उ. तं. अ. ५२) |
কফজকাসমাহ– প্রলিপ্যমানেনেত্যাদি| প্রলিপ্যমানেন শ্লেষ্মলিপ্তেন মুখেনোপলক্ষিতঃ, সীদন্ অঙ্গাবসাদযুক্তঃ| অভক্তরুক্ অরুচিঃ||৭||
Adhikarana kShatajakAsalakShaNam (8-11) · Śloka 11
অতিব্যবাযভারাধ্বযুদ্ধাশ্বগজবিগ্রহৈঃ |
রূক্ষস্যোরঃক্ষতং বাযুর্গৃহীত্বা কাসমাচরেত্ ||৮||
স পূর্বং কাসতে শুষ্কং ততঃ ষ্ঠীবেত্ সশোণিতম্ |
কণ্ঠেন রুজতাঽত্যর্থং বিরুগ্ণেনেব চোরসা ||৯||
সূচীভিরিব তীক্ষ্ণাভিস্তুদ্যমানেন শূলিনা |
দুঃখস্পর্শেন শূলেন ভেদপীডাভিতাপিনা ||১০||
পর্বভেদজ্বরশ্বাসতৃষ্ণাবৈস্বর্যপীডিতঃ |
পারাবত ইবাকূজন্ কাসবেগাত্ ক্ষতোদ্ভবাত্ ||১১||
(সু. উ. তং. অ. ৫২) |
View original
अतिव्यवायभाराध्वयुद्धाश्वगजविग्रहैः |
रूक्षस्योरःक्षतं वायुर्गृहीत्वा कासमाचरेत् ||८||
स पूर्वं कासते शुष्कं ततः ष्ठीवेत् सशोणितम् |
कण्ठेन रुजताऽत्यर्थं विरुग्णेनेव चोरसा ||९||
सूचीभिरिव तीक्ष्णाभिस्तुद्यमानेन शूलिना |
दुःखस्पर्शेन शूलेन भेदपीडाभितापिना ||१०||
पर्वभेदज्वरश्वासतृष्णावैस्वर्यपीडितः |
पारावत इवाकूजन् कासवेगात् क्षतोद्भवात् ||११||
(सु. उ. तं. अ. ५२) |
ক্ষতকাসমাহ– অতিব্যবাযেত্যাদি| বিগ্রহো বিধারণং যুদ্ধস্যোপাত্তত্বাত্; ‘নিগ্রহ’ ইতি পাঠে স এবার্থঃ| ততঃ ষ্ঠীবেত্ সশোণিতমিতি কাসাভিঘাতেন হৃদযস্য বিদারণাত্| কণ্ঠেনেতি উপলক্ষণে তৃতীযা, এবমুরসেতি| বিরুগ্ণেনেব ভগ্নেনেব, সূচীভিরিব তুদ্যমানেন, শূলিনা দুঃখস্পর্শেন চোরসেতি সম্বন্ধঃ| দুঃখস্পর্শত্বং স্পর্শাসহত্বম্| শূলেনোপলক্ষিতঃ, তচ্চ পার্শ্বাদৌ বোধ্যম্| বাগ্ভটেনাপি পঠ্যতে– ‘পার্শ্বশূলী’ (বা. নি. অ. ৩) ইতি| ভেদপীডাভিতাপিনেতি শূলবিশেষণম্| পারাবত ইব কূজন্, ভবতীতি শেষঃ||৮-১১||
Adhikarana kShayajakAsalakShaNam (12-13) · Śloka 13
বিষমাসাত্ম্যভোজ্যাতিব্যবাযাদ্বেগনিগ্রহাত্ |
ঘৃণিনাং শোচতাং নৄণাং ব্যাপন্নেঽগ্নৌ ত্রযো মলাঃ |
কুপিতাঃ ক্ষযজং কাসং কুর্যুর্দেহক্ষযপ্রদম্ ||১২||
স গাত্রশূলজ্বরদাহমোহান্ প্রাণক্ষযং চোপলভেত কাসী |
শুষ্যন্ বিনিষ্ঠীবতি দুর্বলস্তু প্রক্ষীণমাংসো রুধিরং সপূযম্ |
তং সর্বলিঙ্গং ভৃশদুশ্চিকিত্স্যং চিকিত্সিতজ্ঞাঃ ক্ষযজং বদন্তি ||১৩||
(সু. উ. তং. অ. ৫২) |
View original
विषमासात्म्यभोज्यातिव्यवायाद्वेगनिग्रहात् |
घृणिनां शोचतां नॄणां व्यापन्नेऽग्नौ त्रयो मलाः |
कुपिताः क्षयजं कासं कुर्युर्देहक्षयप्रदम् ||१२||
स गात्रशूलज्वरदाहमोहान् प्राणक्षयं चोपलभेत कासी |
शुष्यन् विनिष्ठीवति दुर्बलस्तु प्रक्षीणमांसो रुधिरं सपूयम् |
तं सर्वलिङ्गं भृशदुश्चिकित्स्यं चिकित्सितज्ञाः क्षयजं वदन्ति ||१३||
(सु. उ. तं. अ. ५२) |
ক্ষযজকাসমাহ– বিষমেত্যাদি| ঘৃণিনাং শোচতাং চাহারাভাবাত্ কুপিতেন বাযুনাঽগ্নেরুপ্লবাদ্দোষত্রযপ্রকোপ ইতি| ক্ষযজমিতি শুক্রাদিধাতুক্ষযজং, নতু রাজযক্ষ্মজম্| ত্রিদোষজেঽপি রাজযক্ষ্মণি কাসঃ কফেনৈব ক্রিযতে| যদুক্তম্– “কাসঃ কণ্ঠস্য চোদ্ধ্বংসো বিজ্ঞেযঃ কফকোপতঃ|” ইতি; ক্ষযজকাসস্তু ত্রিদোষজ ইতি| ননু, কাসাদেব ক্ষযো জাযতে তত্ কথং ক্ষযজঃ কাস ইতি? উক্তং হি– “কাসাত্ সঞ্জাযতে ক্ষযঃ|” (চ. চি. অ. ৮) ইতি| উচ্যতে– দৃষ্টো হি পরস্পরং ব্যক্তিভেদেন কার্যকারণভাবো বহুশঃ, যথাঽতীসারার্শোগ্নিমান্দ্যাদাবিতি| ননু স গাত্রশূলেত্যাদিশ্লোকার্ধস্য ক্ষযজকাসমধ্যে পাঠোঽযুক্তঃ প্রতিভাতি, সুশ্রুতে ক্ষতজকাসে পঠিতত্বাত্; ক্ষযকাসশ্চাত্র চরকসুশ্রুতবাক্যে মেলযিত্বা মাধবকরেণ লিখিতঃ; উচ্যতে– স গাত্রশূলেত্যাদ্যনন্তরং ক্ষযকাসঃ সুশ্রুতেন পঠিতঃ; তেন ‘সগাত্রশূল’ ইত্যাদিশ্লোকার্ধস্য পরেণ সম্বন্ধাত্ ক্ষযকাসলিঙ্গত্বমিতি মাধবকরস্যাভিপ্রায; এতচ্চান্যে নানুমন্যন্তে, যতঃ ক্ষতকাসস্যাবস্থাযামসাধ্যত্বখ্যাপনপরমেতদ্ব্যাখ্যাতং জেজ্জটেন, গযদাসেনাপি ক্ষতজকাসরূপত্বেনেতি||১২-১৩||
Adhikarana kAsasya sAdhyatvAdilakShaNam (14-15) · Śloka 15
ইত্যেষ ক্ষযজঃ কাসঃ ক্ষীণানাং দেহনাশনঃ |
সাধ্যো বলবতাং বা স্যাদ্যাপ্যস্ত্বেবং ক্ষতোত্থিতঃ ||১৪||
নবৌ কদাচিত্সিধ্যেতামপি পাদগুণান্বিতৌ |
স্থবিরাণাং জরাকাসঃ সর্বো যাপ্যঃ প্রকীর্তিতঃ |
ত্রীন্ পূর্বান্ সাধযেত্ সাধ্যান্ পথ্যৈর্যাপ্যাংস্তু যাপযেত্ ||১৫||
(সু. উ. তং. অ. ৫২) |
View original
इत्येष क्षयजः कासः क्षीणानां देहनाशनः |
साध्यो बलवतां वा स्याद्याप्यस्त्वेवं क्षतोत्थितः ||१४||
नवौ कदाचित्सिध्येतामपि पादगुणान्वितौ |
स्थविराणां जराकासः सर्वो याप्यः प्रकीर्तितः |
त्रीन् पूर्वान् साधयेत् साध्यान् पथ्यैर्याप्यांस्तु यापयेत् ||१५||
(सु. उ. तं. अ. ५२) |
অসাধ্যত্বাদিলক্ষণমাহ– ইতীত্যাদি| পাদগুণান্বিতাবিতি বৈদ্যাদিচতুষ্পাদসম্পন্নৌ| স্থবিরাণাং বৃদ্ধানাং; স্থবিরাণামিত্যুক্তেঽপি জরাশব্দোপাদানং জরানিমিত্তধাতুক্ষযজ এব কাসো যাপ্যঃ, অপচারজনিতদোষজস্তু সাধ্য ইতি বোধনার্থম্||১৪-১৫||
Adhikarana puShpikA · Śloka 11
ইতি শ্রীমাধবকরবিরচিতে মাধবনিদানে কাসনিদানং সমাপ্তম্ ||১১||
View original
इति श्रीमाधवकरविरचिते माधवनिदाने कासनिदानं समाप्तम् ||११||
ইতি শ্রীবিজযরক্ষিতকৃতাযাং মধুকোশব্যাখ্যাযাং কাসনিদানং সমাপ্তম্||১১||