Adhikarana krimINAM sa~gkhyA (1-2) · Śloka 1
অথ ক্রিমিনিদানম্ |
ক্রিমযশ্চ দ্বিধা প্রোক্তা বাহ্যাভ্যন্তরভেদতঃ |
বহির্মলকফাসৃগ্বিড্জন্মভেদাচ্চতুর্বিধাঃ ||১||
নামতো বিংশতিবিধা বাহ্যাস্তত্র মলোদ্ভবাঃ |
(বা. নি. অ. ১৪) |
View original
अथ क्रिमिनिदानम् |
क्रिमयश्च द्विधा प्रोक्ता बाह्याभ्यन्तरभेदतः |
बहिर्मलकफासृग्विड्जन्मभेदाच्चतुर्विधाः ||१||
नामतो विंशतिविधा बाह्यास्तत्र मलोद्भवाः |
(वा. नि. अ. १४) |
অজীর্ণাত্ ক্রিমিসম্ভব ইত্যতোঽজীর্ণানন্তরং ক্রিমিনিদানমাহ– ক্রিময ইত্যাদি| তত্র বাহ্যাস্ত্বগুপলেপকবাহ্যমলসম্ভবাঃ, আভ্যন্তরা আমাশযাদিসম্ভবাঃ, তে দেশভেদেন দ্বৈবিধ্যেনোক্তাঃ কারণভেদাচ্চতুর্ধা ভবন্তীত্যাহ– বহির্মলেত্যাদি| বহির্মলো গাত্রোপলেপী স্বেদাদিরুক্ত এব বহির্মলাদিষু চতুর্ষু জন্ম বহির্মলাদিজন্ম তদ্ভেদাত্| ত এব চতুর্বিধা নামভেদেন বিংশতিবিধা ভবন্তি, বিংশত্যতিরিক্তাশ্চাতিসূক্ষ্মাঃ কৃমযঃ সহজাশ্চরকেণোক্তাঃ, তে চাবৈকারিকত্বেন রোগাধিকারে নোচ্যন্তে, বিংশতিবিধাস্তু ক্রিমযো দোষপ্রকোপণদ্বারেণ জ্বরশূলাদীন্ জনযন্তীতি রোগা উচ্যন্তে||১-২||–
Adhikarana bAhyakrimilakShaNam (2-3) · Śloka 3
তিলপ্রমাণসংস্থানবর্ণাঃ কেশাম্বরাশ্রযাঃ ||২||
বহুপাদাশ্চ সূক্ষ্মাশ্চ যূকা লিক্ষাশ্চ নামতঃ |
দ্বিধা তে কোঠপিডকাকণ্ডূগণ্ডান্ প্রকুর্বতে ||৩||
(বা. নি. অ. ১৪) |
View original
तिलप्रमाणसंस्थानवर्णाः केशाम्बराश्रयाः ||२||
बहुपादाश्च सूक्ष्माश्च यूका लिक्षाश्च नामतः |
द्विधा ते कोठपिडकाकण्डूगण्डान् प्रकुर्वते ||३||
(वा. नि. अ. १४) |
উক্তান্ বাহ্যান্ বিবৃণোতি– বাহ্যাস্তত্র মলোদ্ভবা ইতি| তিলানামিব প্রমাণং পরিমাণং, সংস্থানমাকৃতিঃ, বর্ণশ্চ শ্বেতঃ কৃষ্ণো বা যেষাং যূকাদিরূপাণাং তে তথা| কেশাম্বরাশ্রযা ইতি অম্বরং বস্ত্রম্| বহুপাদা ইতি যূকাঃ, সূক্ষ্মা ইতি লিক্ষাঃ||২-৩||
Adhikarana kriminidAnam (4) · Śloka 4
অজীর্ণভোজী মধুরাম্লনিত্যো দ্রবপ্রিযঃ পিষ্টগুডোপভোক্তা |
ব্যাযামবর্জী চ দিবাশযানো বিরুদ্ধভুক্ সংলভতে ক্রিমীংস্তু ||৪||
View original
अजीर्णभोजी मधुराम्लनित्यो द्रवप्रियः पिष्टगुडोपभोक्ता |
व्यायामवर्जी च दिवाशयानो विरुद्धभुक् संलभते क्रिमींस्तु ||४||
তেষাং নিদানমাহ– অজীর্ণেত্যাদি| অজীর্ণে ভোজনশীলোঽজীর্ণভোজ| মধুরাম্লনিত্যঃ সততমধুরাম্লভোজ| বিরুদ্ধং ক্ষীরমত্স্যাদি||৪||
Adhikarana krimivisheShe nidAnavisheShaH (5) · Śloka 5
মাষপিষ্টাম্ললবণগুডশাকৈঃ পুরীষজাঃ |
মাংসমত্স্যগুডক্ষীরদধিশুক্তৈঃ কফোদ্ভবাঃ ||৫||
বিরুদ্ধাজীর্ণশাকাদ্যৈঃ শোণিতোত্থা ভবন্তি হি |
(সু. উ. তং. অ. ৫৪) |
View original
माषपिष्टाम्ललवणगुडशाकैः पुरीषजाः |
मांसमत्स्यगुडक्षीरदधिशुक्तैः कफोद्भवाः ||५||
विरुद्धाजीर्णशाकाद्यैः शोणितोत्था भवन्ति हि |
(सु. उ. तं. अ. ५४) |
ক্রিমিবিশেষে নিদানবিশেষমাহ– মাষেত্যাদি||৫||–
Adhikarana AbhyantarakrimilakShaNam (6) · Śloka 6
জ্বরো বিবর্ণতা শূলং হৃদ্রোগঃ সদনং ভ্রমঃ ||৬||
ভক্তদ্বেষোঽতিসারশ্চ সঞ্জাতক্রিমিলক্ষণম্ |
(সু. উ. তং. অ. ৫৪) |
View original
ज्वरो विवर्णता शूलं हृद्रोगः सदनं भ्रमः ||६||
भक्तद्वेषोऽतिसारश्च सञ्जातक्रिमिलक्षणम् |
(सु. उ. तं. अ. ५४) |
আভ্যন্তরক্রিমিলক্ষণমাহ– জ্বর ইত্যাদি||৬||–
Adhikarana kaphajakrimilakShaNam (7-10) · Śloka 10
কফাদামাশযে জাতা বৃদ্ধাঃ সর্পন্তি সর্বতঃ ||৭||
পৃথুব্রধ্ননিভাঃ কেচিত্ কেচিদ্গণ্ডূপদোপমাঃ |
রূঢধান্যাঙ্কুরাকারাস্তনুদীর্ঘাস্তথাঽণবঃ ||৮||
শ্বেতাস্তাম্রাবভাসাশ্চ নামতঃ সপ্তধা তু তে |
অন্ত্রাদা উদারাবেষ্টা হৃদযাদা মহাগুদাঃ ||৯||
চুরবো দর্ভকুসুমাঃ সুগন্ধাস্তে চ কুর্বতে |
হৃল্লাসমাস্যস্রবণমবিপাকমরোচকম্ ||১০||
মূর্ছাচ্ছর্দিজ্বরা নাহকার্শ্যক্ষবথুপীনসান্ |
(বা. নি. অ. ১৪) |
View original
कफादामाशये जाता वृद्धाः सर्पन्ति सर्वतः ||७||
पृथुब्रध्ननिभाः केचित् केचिद्गण्डूपदोपमाः |
रूढधान्याङ्कुराकारास्तनुदीर्घास्तथाऽणवः ||८||
श्वेतास्ताम्रावभासाश्च नामतः सप्तधा तु ते |
अन्त्रादा उदारावेष्टा हृदयादा महागुदाः ||९||
चुरवो दर्भकुसुमाः सुगन्धास्ते च कुर्वते |
हृल्लासमास्यस्रवणमविपाकमरोचकम् ||१०||
मूर्छाच्छर्दिज्वरा नाहकार्श्यक्षवथुपीनसान् |
(वा. नि. अ. १४) |
কফজানাহ– কফাদিত্যাদি| কফনিমিত্তাঃ ক্রিমযো যে ত্বামাশযে জাযন্তে, তে চ বৃদ্ধাঃ সন্তঃ সর্বত ঊর্ধ্বমধশ্চ সর্পন্তি; এবং পুরীষজাদিষু দৃষ্টব্যম্| ব্রধ্নশ্চর্মলতা, ‘ব্রধ্নী’ ইতি লোকে| রূঢং প্ররূঢম্| তনবঃ পরিণাহেন, দীর্ঘা আযামেন, অণবঃ উভাভ্যামপি স্বল্পাঃ| তে ইতি কফজাঃ| সপ্ত নামানি বিবৃণোতি– অন্ত্রাদা ইত্যাদি| এতে চ নামবিশেষাঃ কেচিত্ সান্বযাঃ কেচিন্নিরন্বযা ব্যবহারার্থং পূর্বাচার্যৈঃ প্রণীতাঃ; এবং বক্ষ্যমাণেষ্বপি বোধ্যমিতি||৭-১০||–
Adhikarana raktajakrimilakShaNam (11-12) · Śloka 12
রক্তবাহিসিরাস্থানরক্তজা জন্তবোঽণবঃ ||১১||
অপাদা বৃত্ততাম্রাশ্চ সৌক্ষ্ম্যাত্ কেচিদদর্শনাঃ |
কেশাদা রোমবিধ্বংসা রোমদ্বীপা উদুম্বরাঃ |
ষট্ তে কুষ্ঠৈককর্মাণঃ সহসৌরসমাতরঃ ||১২||
(বা. নি. অ. ১৪) |
View original
रक्तवाहिसिरास्थानरक्तजा जन्तवोऽणवः ||११||
अपादा वृत्तताम्राश्च सौक्ष्म्यात् केचिददर्शनाः |
केशादा रोमविध्वंसा रोमद्वीपा उदुम्बराः |
षट् ते कुष्ठैककर्माणः सहसौरसमातरः ||१२||
(वा. नि. अ. १४) |
রক্তজানাহ-রক্তেত্যাদি| রক্তবাহিসিরাস্থানাশ্চ তে রক্তজাশ্চেতি রক্তবাহিসিরাস্থানরক্তজাঃ; অথবা রক্তবাহিসিরাস্থানং যদ্রক্তং তজ্জাঃ| নামভেদাত্তে ষট্, তত্র কেশাদাদযশ্চত্বারঃ, সহ সৌরসনামমাতৃনামভ্যাং ক্রিমিভ্যাং বর্তন্তে ইতি সহসৌরসমাতরঃ, এবং ষড্ ভবন্তি| কুষ্ঠৈককর্মাণ ইতি কুষ্ঠমেবৈকং কার্যং যেষাং তে তথা, কুষ্ঠজনকা ইতি যাবত্| উক্তং হি সুশ্রুতে– “সর্বাণি কুষ্ঠানি সবাতানি সপিত্তানি সশ্লেষ্মাণি সক্রিমীণি চোপদিশ্যন্তে” (সু. নি. অ. ৫) ইতি ||১১-১২||
Adhikarana purIShajakrimilakShaNam (13-16) · Śloka 16
পক্বাশযে পুরীষোত্থা জাযন্তেঽধোবিসর্পিণঃ |
প্রবৃদ্ধাঃ স্যুর্ভবেযুশ্চ তে যদাঽঽমাশযোন্মুখাঃ ||১৩||
তদাঽস্যোদ্গারনিঃশ্বাসা বিড্গন্ধানুবিধাযিনঃ |
পৃথুবৃত্ততনুস্থূলাঃ শ্যাবপীতসিতাসিতাঃ ||১৪||
তে পঞ্চ নাম্না ক্রিমযঃ ককেরুকমকেরুকাঃ |
সৌসুরাদাঃ সশূলাখ্যা লেলিহা জনযন্তি হি ||১৫||
বিড্ভেদশূলবিষ্টম্ভকার্শ্যপারুষ্যপাণ্ডুতাঃ |
রোমহর্ষাগ্নিসদনং গুদকণ্ডূর্বিমার্গগাঃ ||১৬||
(বা. নি. অ. ১৪) |
View original
पक्वाशये पुरीषोत्था जायन्तेऽधोविसर्पिणः |
प्रवृद्धाः स्युर्भवेयुश्च ते यदाऽऽमाशयोन्मुखाः ||१३||
तदाऽस्योद्गारनिःश्वासा विड्गन्धानुविधायिनः |
पृथुवृत्ततनुस्थूलाः श्यावपीतसितासिताः ||१४||
ते पञ्च नाम्ना क्रिमयः ककेरुकमकेरुकाः |
सौसुरादाः सशूलाख्या लेलिहा जनयन्ति हि ||१५||
विड्भेदशूलविष्टम्भकार्श्यपारुष्यपाण्डुताः |
रोमहर्षाग्निसदनं गुदकण्डूर्विमार्गगाः ||१६||
(वा. नि. अ. १४) |
পুরীষজানাহ– পক্বাশয ইত্যাদি| অধোবিসর্পিণ ইতি বিসর্পণং গতিঃ, গুদনিঃসরণশীলাঃ; তে যদাঽতিবৃদ্ধাঃ সন্তঃ আমাশযোন্মুখা ভবেযুস্তদাঽস্য রোগিণ উদ্গারনিঃশ্বাস বিড্গন্ধানুবিধাযিনঃ স্যুঃ পুরীষগন্ধযুক্তা ভবন্তীতি যোজ্যম্| শেষং সুবোধম্||১৩-১৬||
Adhikarana puShpikA · Śloka 7
ইতি শ্রীমাধবকরবিরচিতে মাধবনিদানে ক্রিমিনিদানং সমাপ্তম্ ||৭||
View original
इति श्रीमाधवकरविरचिते माधवनिदाने क्रिमिनिदानं समाप्तम् ||७||
ইতি শ্রীবিজযরক্ষিতকৃতাযাং মধুকোশব্যাখ্যাযাং ক্রিমিনিদানং সমাপ্তম্||৭||