Adhikarana mukharoganidAnam (1) · Śloka 1
অথ মুখরোগনিদানম্ |
আনূপপিশিতক্ষীরদধিমত্স্যাতিসেবনাত্ |
মুখমধ্যে গদান্ কুর্যুঃ ক্রুদ্ধা দোষাঃ কফোত্তরাঃ ||১||
View original
अथ मुखरोगनिदानम् |
आनूपपिशितक्षीरदधिमत्स्यातिसेवनात् |
मुखमध्ये गदान् कुर्युः क्रुद्धा दोषाः कफोत्तराः ||१||
রোগগণত্বসামান্যান্মুখরোগনিদানমুচ্যতে– আনূপেত্যাদি| মুখরোগাশ্চ পঞ্চষষ্টির্ভবন্তি| যদাহ ভোজঃ– “দন্তেষ্বষ্টাবোষ্ঠযোশ্চ মূলেষু দশ পঞ্চ চ| নব তালুনি জিহ্বাযাং পঞ্চ সপ্তদশামযাঃ| কণ্ঠে ত্রযঃ সর্বসরা একষষ্টিশ্চতুঃপরা||” ইতি||১||
Adhikarana vAtajauShTharogalakShaNam (2) · Śloka 2
কর্কশৌ পরুষৌ স্তব্ধৌ সম্প্রাপ্তানিলবেদনৌ |
দাল্যেতে পরিপাট্যতে ওষ্ঠৌ মারুতকোপতঃ ||২||
(সু. নি. অ. ১৬) |
View original
कर्कशौ परुषौ स्तब्धौ सम्प्राप्तानिलवेदनौ |
दाल्येते परिपाट्यते ओष्ठौ मारुतकोपतः ||२||
(सु. नि. अ. १६) |
তত্রাষ্টাবোষ্ঠগতানাহ– বাতিকলক্ষণমাহ– কর্কশাবিত্যাদি| দাল্যেতে ইতি বিদার্যেতে| পরিপাট্যেতে ইতি কিঞ্চিদবদীর্ণত্বচৌ ভবত ইত্যর্থঃ||২||
Adhikarana pittajauShTharogalakShaNam (3) · Śloka 3
চীযেতে পিডকাভিশ্চ সরুজাভিঃ সমন্ততঃ |
সদাহপাকপিডকৌ পীতাভাসৌ চ পিত্ততঃ ||৩||
(সু. নি. অ. ১৬) |
View original
चीयेते पिडकाभिश्च सरुजाभिः समन्ततः |
सदाहपाकपिडकौ पीताभासौ च पित्ततः ||३||
(सु. नि. अ. १६) |
পৈত্তিকলক্ষণমাহ– চীযেতে ইত্যাদি| সরুজাভিরিতি পিত্তকৃতরুজান্বিতাভিঃ| যদ্যেবং সদাহপাকপিডকাবিতি কিমর্থমুচ্যতে? পূর্বেণৈব গতার্থত্বাত্| নৈবং, পক্ষান্তরপ্রতীত্যর্থং পুনরুচ্যতে| অযমর্থঃ– কদাচিত্ পিত্তরুজান্বিতবহুপিডকাচিতাবোষ্ঠৌ, কদাচিত্ দাহপাকান্বিতপিডকাচিতৌ বা ভবতঃ; অন্যস্ত্বাহ– অনতিভিন্নার্থত্বাদব্যক্তশব্দার্থত্বাচ্চ দাহপাকাতিশযদর্শনার্থং পিডকানুবাদঃ||৩||
Adhikarana kaphajauShTharogalakShaNam (4) · Śloka 4
সবর্ণাভিশ্চ চীযেতে পিডকাভিরবেদনৌ |
ভবতস্তু কফাদোষ্ঠৌ পিচ্ছিলৌ শীতলৌ গুরূ ||৪||
(সু. নি. অ. ১৬) |
View original
सवर्णाभिश्च चीयेते पिडकाभिरवेदनौ |
भवतस्तु कफादोष्ठौ पिच्छिलौ शीतलौ गुरू ||४||
(सु. नि. अ. १६) |
কফজমাহ– সবর্ণাভিরিত্যাদি| সবর্ণাভিরিতি ওষ্ঠসমানবর্ণাভিঃ| অবেদনৌ ঈষদ্বেদনৌ||৪||
Adhikarana sannipAtajauShTharogalakShaNam (5) · Śloka 5
সকৃত্কৃষ্ণৌ সকৃত্পীতৌ সকৃচ্ছ্বেতৌ তথৈব চ |
সন্নিপাতেন বিজ্ঞেযাবনেকপিডকাচিতৌ ||৫||
(সু. নি. অ. ১৬) |
View original
सकृत्कृष्णौ सकृत्पीतौ सकृच्छ्वेतौ तथैव च |
सन्निपातेन विज्ञेयावनेकपिडकाचितौ ||५||
(सु. नि. अ. १६) |
সান্নিপাতিকলক্ষণমাহ– সকৃদিত্যাদি| সকৃদিতি কদাচিদ্বিকৃতিবশাদেবং ভবতি| অনেকপিডকাচিতাবিতি বাতাদিবেদনান্বিতবহুপিডকৌ, অনেকবর্ণপিডকাচিতাবিত্যন্যে| অনেকাশ্চ বর্ণা বাতাদীনাং কৃষ্ণপীতশ্বেতাঃ, অত্র পক্ষে সকৃত্কৃষ্ণাবিত্যাদিপিডকাতোঽন্যত্র কল্পনীযম্||৫||
Adhikarana raktajauShTharogalakShaNam (6) · Śloka 6
খর্জূরফলবর্ণাভিঃ পিডকাভির্নিপীডিতৌ |
রক্তোপসৃষ্টৌ রুধিরং স্রবতঃ শোণিতপ্রভৌ ||৬||
(সু. নি. অ. ১৬) |
View original
खर्जूरफलवर्णाभिः पिडकाभिर्निपीडितौ |
रक्तोपसृष्टौ रुधिरं स्रवतः शोणितप्रभौ ||६||
(सु. नि. अ. १६) |
রক্তজমাহ– খর্জূরেত্যাদি| খর্জূরফলবর্ণাভিরিত্যনেন বর্ণমাত্রেণৈব সাধর্ম্যং প্রতিপাদ্যতে, যদি তু সর্বাত্মনা সাধর্ম্যমভীষ্টং স্যাত্, তদা ‘খর্জূরফলতুল্যাভিঃ’ ইত্যেবোচ্যেত| রক্তোপসৃষ্টাবিতি রক্তদূষিতৌ||৬||
Adhikarana mAMsajauShTharogalakShaNam (7) · Śloka 7
গুরূ স্থূলৌ মাংসদুষ্টৌ মাংসপিণ্ডবদুদ্গতৌ |
জন্তবশ্চাত্র মূর্ছন্তি নরস্যোভযতো মুখাত্ ||৭||
(সু. নি. অ. ১৬) |
View original
गुरू स्थूलौ मांसदुष्टौ मांसपिण्डवदुद्गतौ |
जन्तवश्चात्र मूर्छन्ति नरस्योभयतो मुखात् ||७||
(सु. नि. अ. १६) |
মাংসজমাহ– গুরূ স্থূলাবিত্যাদি| জন্তবশ্চাত্র মূর্ছন্তীতি ক্রিমযোঽপ্যত্র উচ্ছ্রিতা ভবন্তি| উভযতো মুখাদিতি মুখবিবরমপেক্ষ্যোভযভাগযোঃ, সৃক্কণীপ্রদেশযোরিতি যাবত্| মুখাদিতি ল্যব্লোপে পঞ্চমী| ‘উভযতোমুখা’ ইতি পাঠান্তরে উভযসৃক্কণীভাগো মুখমাশ্রযো যেষাং তে তথা| দ্বিমুখা ইত্যন্যে||৭||
Adhikarana medojauShTharogalakShaNam (8) · Śloka 9
সর্পির্মণ্ডপ্রতীকাশৌ মেদসা কণ্ডুরৌ গুরূ |
অচ্ছং স্ফটিকসঙ্কাশমাস্রাবং স্রবতো ভৃশম্ ||৮||
(সু. নি. অ. ১৬) |
তযোর্ব্রণো ন সংরোহেন্মৃদুত্বং চ ন গচ্ছতি |৯|
View original
सर्पिर्मण्डप्रतीकाशौ मेदसा कण्डुरौ गुरू |
अच्छं स्फटिकसङ्काशमास्रावं स्रवतो भृशम् ||८||
(सु. नि. अ. १६) |
तयोर्व्रणो न संरोहेन्मृदुत्वं च न गच्छति |९|
মেদোজমাহ– সর্পির্মণ্ডপ্রতীকাশাবিত্যাদি| সর্পির্মণ্ডপ্রতীকাশাবিতি সর্পির্মণ্ডো ঘৃতস্যোপরিতনস্বচ্ছভাগঃ| তত্প্রতীকাশৌ তত্সদৃশৌ| তযোরিতি তাদৃশযোঃ||৮||–
Adhikarana abhighAtajauShTharogalakShaNam (9) · Śloka 10
ক্ষতজাভৌ বিদীর্যেতে পাট্যেতে চাভিঘাততঃ ||৯||
গ্রথিতৌ চ তথা স্যাতামোষ্ঠৌ কণ্ডূসমন্বিতৌ |১০|
(সু. নি. অ. ১৬) |
View original
क्षतजाभौ विदीर्येते पाट्येते चाभिघाततः ||९||
ग्रथितौ च तथा स्यातामोष्ठौ कण्डूसमन्वितौ |१०|
(सु. नि. अ. १६) |
অভিঘাতজমাহ– ক্ষতজাভাবিত্যাদিনা| অত্র কফরক্তযোরপ্যনুবন্ধো বোদ্ধব্যঃ| যদুক্তং ভোজে– “ক্ষতাবভিহতৌ বাঽপি রক্তাবোষ্ঠৌ সবেদনৌ| ভবতঃ সপরিস্রাবৌ কফরক্তপ্রদূষিতৌ||” ইতি| বাযুরপ্যত্রাভিঘাতাল্লভ্যতে, অযং চাভিঘাতজশোথাত্ যথোক্তলক্ষণকারণভেদেন তথা বাতিকৌষ্ঠপ্রকোপাদপি কফরক্তরূপহেতুভেদযোগাদ্ভিদ্যতে||৯||–
Adhikarana shItAdalakShaNam (10-11) · Śloka 11
শোণিতং দন্তবেষ্টেভ্যো যস্যাকস্মাত্ প্রবর্ততে |
দুর্গন্ধীনি সকৃষ্ণানি প্রক্লেদীনি মৃদূনি চ ||১০||
দন্তমাংসানি শীর্যন্তে পচন্তি চ পরস্পরম্ |
শীতাদো নাম স ব্যাধিঃ কফশোণিতসম্ভবঃ ||১১||
(সু. নি. অ. ১৬) |
View original
शोणितं दन्तवेष्टेभ्यो यस्याकस्मात् प्रवर्तते |
दुर्गन्धीनि सकृष्णानि प्रक्लेदीनि मृदूनि च ||१०||
दन्तमांसानि शीर्यन्ते पचन्ति च परस्परम् |
शीतादो नाम स व्याधिः कफशोणितसम्भवः ||११||
(सु. नि. अ. १६) |
দন্তমূলগতান্ পঞ্চদশ ব্যাকরোতি| শীতাদমাহ– শোণিতমিত্যাদি| দন্তবেষ্টেভ্য ইতি দন্তবন্ধনমাংসেভ্যঃ| অকস্মাদিতি অভিঘাতাদিনিমিত্তং বিনা| ‘শীর্যন্ত’ ইত্যস্য স্থানে, ‘পচ্যন্ত’ ইতি গদাধরঃ, ব্যাচষ্টে চ– ‘স্বযম্’ ইতি শেষঃ| পচন্তি চ পরস্পরমিত্যন্যোন্যং পচন্তি, পাকোষ্মদূষিতশোণিতসঞ্চরণেন||১০-১১||
Adhikarana dantapuppuTalakShaNam (12) · Śloka 12
দন্তযোস্ত্রিষু বা যস্য শ্বযথুর্জাযতে মহান্ |
দন্তপুপ্পুটকো নাম স ব্যাধিঃ কফরক্তজঃ ||১২||
(সু. নি. অ. ১৬) |
View original
दन्तयोस्त्रिषु वा यस्य श्वयथुर्जायते महान् |
दन्तपुप्पुटको नाम स व्याधिः कफरक्तजः ||१२||
(सु. नि. अ. १६) |
দন্তপুপ্পুটকমাহ– দন্তযোরিত্যাদি| অযং চ দন্তযোস্ত্রিষ্বিত্যভিধানাত্ দ্বিত্রিদন্তনিযতঃ; কফরক্তজত্বেঽপি শৌষিরাদ্ভিন্নোঽযং, রুজালালাস্রাবাভাবাত্||১২||
Adhikarana dantaveShTalakShaNam (13) · Śloka 13
স্রবন্তি পূযরুধিরং চলা দন্তা ভবন্তি চ |
দন্তবেষ্টঃ স বিজ্ঞেযো দুষ্টশোণিতসম্ভবঃ ||১৩||
(সু. নি. অ. ১৬) |
View original
स्रवन्ति पूयरुधिरं चला दन्ता भवन्ति च |
दन्तवेष्टः स विज्ञेयो दुष्टशोणितसम्भवः ||१३||
(सु. नि. अ. १६) |
দন্তবেষ্টমাহ– স্রবন্তীত্যাদি| স্রবন্তি পূযরুধিরমিত্যত্র ‘দন্তমূলানি’ ইতি শেষঃ| চলা দন্তা ভবন্তি চেতি চকারেণ পচন্তি চেতি দ্রষ্টব্যম্||১৩||
Adhikarana shauShiralakShaNam (14) · Śloka 14
শ্বযথুর্দন্তমূলেষু রুজাবান্ কফরক্তজঃ |
লালাস্রাবী স বিজ্ঞেযঃ শৌষিরো নাম নামতঃ ||১৪||
(সু. নি. অ. ১৬) |
View original
श्वयथुर्दन्तमूलेषु रुजावान् कफरक्तजः |
लालास्रावी स विज्ञेयः शौषिरो नाम नामतः ||१४||
(सु. नि. अ. १६) |
শৌষিরলিঙ্গমাহ– শ্বযথুরিত্যাদি| নামত ইতি প্রসিদ্ধিতঃ||১৪||
Adhikarana mahAshauShiralakShaNam (15) · Śloka 15
দন্তাশ্চলন্তি বেষ্টেভ্যস্তালু চাপ্যবদীর্যতে |
যস্মিন্ স সর্বজো ব্যাধির্মহাশৌষিরসঞ্জ্ঞিতঃ ||১৫||
(সু. নি. অ. ১৬) |
View original
दन्ताश्चलन्ति वेष्टेभ्यस्तालु चाप्यवदीर्यते |
यस्मिन् स सर्वजो व्याधिर्महाशौषिरसञ्ज्ञितः ||१५||
(सु. नि. अ. १६) |
মহাশৌষিরলিঙ্গমাহ– দন্তা ইত্যাদি| তালু চাপ্যবদীর্যত ইত্যত্র চকারেণ দন্তা ওষ্ঠৌ চাপ্যবদীর্যন্তে ইতি বোদ্ধব্যম্| সপ্তরাত্রাচ্চাযং মারকঃ| যদাহ ভোজঃ– “সদাহো দন্তমূলেষু শোথঃ পিত্তকফানিলাত্| জাতঃ কফং ক্ষপযতি ক্ষীণে তস্মিংস্তু শোণিতম্|| বিবৃদ্ধমনিশং দন্তান্ তাল্বোষ্ঠমপি দারযেত্| মহাশৌষির ইত্যেতত্ সপ্তরাত্রান্নিহন্ত্যসূন্||” ইতি| যস্মিন্ শৌষিরে এবমপি ভবতি, স মহাশৌষির ইতি গদাধরঃ||১৫||
Adhikarana paridaralakShaNam (16) · Śloka 16
দন্তমাংসানি শীর্যন্তে যস্মিন্ ষ্ঠীবতি চাপ্যসৃক্ |
পিত্তাসৃক্কফজো ব্যাধির্জ্ঞেযঃ পরিদরো হি সঃ ||১৬||
(সু. নি. অ. ১৬) |
View original
दन्तमांसानि शीर्यन्ते यस्मिन् ष्ठीवति चाप्यसृक् |
पित्तासृक्कफजो व्याधिर्ज्ञेयः परिदरो हि सः ||१६||
(सु. नि. अ. १६) |
পরিদরমাহ– দন্তমাংসানীত্যাদি| দন্তমাংসস্য পরিদারণাত্ পরিদরসঞ্জ্ঞা||১৬||
Adhikarana upakushalakShaNam (17) · Śloka 17
বেষ্টেষু দাহঃ পাকশ্চ তাভ্যাং দন্তাশ্চলন্তি চ |
যস্মিন্ সোপকুশো নাম পিত্তরক্তকৃতো গদঃ ||১৭||
(সু. নি. অ. ১৬) |
View original
वेष्टेषु दाहः पाकश्च ताभ्यां दन्ताश्चलन्ति च |
यस्मिन् सोपकुशो नाम पित्तरक्तकृतो गदः ||१७||
(सु. नि. अ. १६) |
উপকুশলক্ষণমাহ– বেষ্টেষ্বিত্যাদি| তাভ্যামিতি দাহপাকাভ্যাম্| সোপকুশ ইতি নির্দেশোঽসিদ্ধত্বানিত্যত্বাত্ সাধুঃ, তেন স উপকুশ ইত্যর্থঃ||১৭||
Adhikarana vaidarbhalakShaNam (18) · Śloka 18
ঘৃষ্টেষু দন্তমাংসেষু সংরম্ভো জাযতে মহান্ |
চলা ভবন্তি দন্তাশ্চ স বৈদর্ভোঽভিঘাতজঃ ||১৮||
(সু. নি. অ. ১৬) |
View original
घृष्टेषु दन्तमांसेषु संरम्भो जायते महान् |
चला भवन्ति दन्ताश्च स वैदर्भोऽभिघातजः ||१८||
(सु. नि. अ. १६) |
বৈদর্ভলিঙ্গমাহ– ঘৃষ্টেষ্বিত্যাদি| সংরম্ভ ইতি শোথঃ, বেদনাপাকৌ বা||১৮||
Adhikarana khalivardhanalakShaNam (19) · Śloka 19
মারুতেনাধিকো দন্তো জাযতে তীব্রবেদনঃ |
খলিবর্ধনসঞ্জ্ঞোঽসৌ জাতে রুক্ চ প্রশাম্যতি ||১৯||
(সু. নি. অ. ১৬) |
View original
मारुतेनाधिको दन्तो जायते तीव्रवेदनः |
खलिवर्धनसञ्ज्ञोऽसौ जाते रुक् च प्रशाम्यति ||१९||
(सु. नि. अ. १६) |
খলিবর্ধনলিঙ্গমাহ– মারুতেনেত্যাদি| জাতে রুক্ চ প্রশাম্যতীতি উত্থিতে অধিকে দন্তে প্রভাবাদ্বেদনাযা অভাবঃ||১৯||
Adhikarana karAlalakShaNam (20) · Śloka 20
শনৈঃ শনৈঃ প্রকুরুতে বাযুর্দন্তসমাশ্রিতঃ |
করালান্ বিকটান্ দন্তান্ করালো ন স সিধ্যতি ||২০||
View original
शनैः शनैः प्रकुरुते वायुर्दन्तसमाश्रितः |
करालान् विकटान् दन्तान् करालो न स सिध्यति ||२०||
করাললক্ষণমাহ– শনৈরিত্যাদি| করালন্ বিষমান্| করালস্তু সুশ্রুতেঽনুক্তোঽধিকঃ সঙ্গ্রহকারেণ পঠিতঃ, তেন সুশ্রুতোক্তপঞ্চদশসঙ্খ্যাহানিঃ||২০||
Adhikarana adhimAMsalakShaNam (21) · Śloka 21
হানব্যে পশ্চিমে দন্তে মহাঞ্ছোথো মহারুজঃ |
লালাস্রাবী কফকৃতো বিজ্ঞেযঃ সোঽধিমাংসকঃ |২১|
(সু. নি. অ. ১৬) |
View original
हानव्ये पश्चिमे दन्ते महाञ्छोथो महारुजः |
लालास्रावी कफकृतो विज्ञेयः सोऽधिमांसकः |२१|
(सु. नि. अ. १६) |
অধিমাংসকমাহ– হানব্য ইত্যাদি| অধিমাংসক ইতি সঞ্জ্ঞাযাং কন্| হানব্য ইতি হনুকুহরে| পশ্চিম ইত্যবসানজে, অন্তজে ইতি যাবত্|২১|–
Adhikarana dantanADIlakShaNam (21) · Śloka 21
দন্তমূলগতা নাড্যঃ পঞ্চ জ্ঞেযা যথেরিতাঃ ||২১||
(সু. নি. অ. ১৬) |
View original
दन्तमूलगता नाड्यः पञ्च ज्ञेया यथेरिताः ||२१||
(सु. नि. अ. १६) |
পঞ্চ দন্তনাডীরাহ– দন্তেত্যাদি| নাড্যঃ পঞ্চ জ্ঞেযা যথেরিতা ইতি নাডীনিদানে যথোক্তা বাতপিত্তকফসন্নিপাতাগন্তুনিমিত্তাস্তথা দন্তমাংসগতা অপি নাড্যঃ| এতাশ্চ নাডীব্রণসমানলক্ষণা অপি শালাক্যসিদ্ধান্তেন সঙ্খ্যাপূরণায চিকিত্সাভেদাচ্চ পুনরুক্তাঃ||২১||
Adhikarana dAlanalakShaNam (22) · Śloka 22
দীর্যমাণেষ্বিব রুজা যস্য দন্তেষু জাযতে |
দালনো নাম স ব্যাধিঃ সদাগতিনিমিত্তজঃ ||২২||
(সু. নি. অ. ১৬) |
View original
दीर्यमाणेष्विव रुजा यस्य दन्तेषु जायते |
दालनो नाम स व्याधिः सदागतिनिमित्तजः ||२२||
(सु. नि. अ. १६) |
দন্তগতানষ্টৌ প্রাহ– দালনমাহ– দীর্যমাণেষ্বিত্যাদি| সদাগতিনিমিত্তজ ইতি সদাগতির্বাযুঃ, তস্মান্নিমিত্তাজ্জাত ইতি| সদাগতিনিমিত্তত ইতি বক্তব্যে সদাগতিনিমিত্তজ ইতি যত্ কৃতং তদ্বলবদ্ধেতুজন্যবাতকৃতত্ববোধনার্থমিতি কার্তিকঃ, কেবলবাতজত্বখ্যাপনার্থমিত্যন্যে ||২২||
Adhikarana krimidantalakShaNam (23) · Śloka 23
কৃষ্ণচ্ছিদ্রশ্চলঃ স্রাবী সসংরম্ভো মহারুজঃ |
অনিমিত্তরুজো বাতাদ্বিজ্ঞেযঃ ক্রিমিদন্তকঃ ||২৩||
(সু. নি. অ. ১৬) |
View original
कृष्णच्छिद्रश्चलः स्रावी ससंरम्भो महारुजः |
अनिमित्तरुजो वाताद्विज्ञेयः क्रिमिदन्तकः ||२३||
(सु. नि. अ. १६) |
ক্রিমিদন্তকমাহ– কৃষ্ণচ্ছিদ্র ইত্যাদি| কৃষ্ণচ্ছিদ্র ইতি দুষ্টরক্তজক্রিমিকৃতশোথপাকদ্বারেণ কৃষ্ণচ্ছিদ্র ইত্যর্থঃ| অন্যে ‘কৃষ্ণশ্চিত্র’ ইতি পঠন্তি; চিত্র ইতি চিত্রবান্, অর্শআদিত্বাদচ্| স্রাবীতি দন্তমূলেষু স্রাবো বোদ্ধব্যঃ, দন্তানাং নীরসত্বেন স্রাবাভাবাত্| অনিমিত্তরুজ ইতি অবঘট্টনাদিনিমিত্তং বিনৈব মহারুজত্বেন রুজাবানিতি কার্তিকঃ||২৩||
Adhikarana bha~jjanakalakShaNam (24) · Śloka 24
বক্ত্রং বক্রং ভবেদ্যস্য দন্তভঙ্গশ্চ জাযতে |
কফবাতকৃতো ব্যাধিঃ স ভঞ্জনকসঞ্জ্ঞিতঃ ||২৪||
(সু. নি. অ. ১৬) |
View original
वक्त्रं वक्रं भवेद्यस्य दन्तभङ्गश्च जायते |
कफवातकृतो व्याधिः स भञ्जनकसञ्ज्ञितः ||२४||
(सु. नि. अ. १६) |
ভঞ্জনকলক্ষণমাহ– বক্ত্রমিত্যাদি| বক্ত্রং বক্রমিতি দন্তভঙ্গকারিণা দোষেণ বক্ত্রস্যাপি বক্রত্বম্||২৪||
Adhikarana dantaharShalakShaNam (25) · Śloka 25
শীতরূক্ষপ্রবাতাম্লস্পর্শানামসহা দ্বিজাঃ |
পিত্তমারুতকোপেন দন্তহর্ষঃ স নামতঃ ||২৫||
View original
शीतरूक्षप्रवाताम्लस्पर्शानामसहा द्विजाः |
पित्तमारुतकोपेन दन्तहर्षः स नामतः ||२५||
দন্তহর্ষলক্ষণমাহ– শীতেত্যাদি| “শীতমুষ্ণং চ দশনাঃ সহন্তে স্পর্শনং ন চ| যস্য তং দন্তহর্ষং তু ব্যাধিং বিদ্যাত্ সমীরণাত্||” (সু. নি. অ. ১৬) ইতি শ্লোকান্তরং কেচিত্ পঠন্তি| তত্র দন্তহর্ষস্য বাতজত্বেঽপি উষ্ণাসহত্বং ব্যাধিপ্রভাবাত্, কফরক্তাবৃতত্বাদ্বা বোদ্ধব্যম্||২৫||
Adhikarana dantasharkarAlakShaNam (26) · Śloka 26
মলো দন্তগতো যস্তু পিত্তমারুতশোষিতঃ |
শর্করেব খরস্পর্শা সা জ্ঞেযা দন্তশর্করা ||২৬||
View original
मलो दन्तगतो यस्तु पित्तमारुतशोषितः |
शर्करेव खरस्पर्शा सा ज्ञेया दन्तशर्करा ||२६||
দন্তশর্করালক্ষণমাহ– মল ইত্যাদি| ‘শর্করেব খরস্পর্শা’ ইত্যস্য স্থানে ‘সা দন্তানাং গুণহরী’ ইতি ক্বচিত্ পঠ্যতে, দন্তানাং গুণস্য শুক্লত্বদৃঢত্বাদিকস্য হরণশীলা||২৬||
Adhikarana kapAlikAlakShaNam (27) · Śloka 27
কপালেষ্বিব দীর্যত্সু দন্তানাং সৈব শর্করা |
কপালিকেতি বিজ্ঞেযা সদা দন্তবিনাশিনী ||২৭||
View original
कपालेष्विव दीर्यत्सु दन्तानां सैव शर्करा |
कपालिकेति विज्ञेया सदा दन्तविनाशिनी ||२७||
কপালিকালক্ষণমাহ– কপালেষ্বিত্যাদি| কপালেষ্বিবেতি মলসহিতদন্তাবযবেষু কাঠিন্যাত্ কপালতুল্যেষু; দন্তমল এব কঠিনে কপালপ্রাযে দীর্যমাণে সৈব শর্করা কপালিকা| সদেতি বাল্যাদৌ| অত্রাবকাশে হনুমোক্ষঃ সুশ্রুতে দন্তদেশসামীপ্যাদ্দন্তপীডনাচ্চ পঠিতঃ, স ইহ সঙ্গ্রহকারেণ মুখ্যদন্তগতত্বাভাবান্ন পঠিতঃ, পঠিতস্তু হনুগ্রহসঞ্জ্ঞযা বাতব্যাধৌ ভোজবচনাত্| যদুক্তম্– “বাতাভিঘাতাজ্জন্তোর্হি হনুসন্ধির্বিমুচ্যতে| নিরস্তজিহ্বঃ কৃচ্ছ্রেণ ভাষিতং তত্র গচ্ছতি|| সম্যক্ তমনিলব্যাধিং হনুমোক্ষং বিনির্দিশেত্|” ইতি||২৭||
Adhikarana shyAvadantaka-dantavidradhirogalakShaNam (28-29) · Śloka 29
যোঽসৃঙ্মিশ্রেণ পিত্তেন দগ্ধো দন্তস্ত্বশেষতঃ |
শ্যাবতাং নীলতাং বাঽপি গতঃ স শ্যাবদন্তকঃ ||২৮||
(সু. নি. অ. ১৬) |
দন্তমাংসে মলৈঃ সাস্রৈর্বাহ্যান্তঃ শ্বযথুর্গুরুঃ |
সদাহরুক্ স্রবেদ্ভিন্নঃ পূযাস্রং দন্তবিদ্রধিঃ ||২৯||
View original
योऽसृङ्मिश्रेण पित्तेन दग्धो दन्तस्त्वशेषतः |
श्यावतां नीलतां वाऽपि गतः स श्यावदन्तकः ||२८||
(सु. नि. अ. १६) |
दन्तमांसे मलैः सास्रैर्बाह्यान्तः श्वयथुर्गुरुः |
सदाहरुक् स्रवेद्भिन्नः पूयास्रं दन्तविद्रधिः ||२९||
শ্যাবদন্তকমাহ– য ইত্যাদি| যো দন্তোঽসৃগ্বিমিশ্রেণ পিত্তেনাশেষতো দগ্ধঃ তথা শ্যাবতামথবা নীলতাং গতো ভবতি, স শ্যাবদন্তকো জ্ঞেযঃ| শ্যাবদন্তক ইতি সঞ্জ্ঞাযাং কন্| অসাধ্যোঽযং ব্যাধিঃ| অত্রাবকাশে হনুমোক্ষঃ সুশ্রুতে দন্তদেশসামীপ্যাদ্দন্তপীডনাচ্চ দন্তরোগঃ পঠিতঃ, স ইহ সঙ্গ্রহকারেণ মুখ্যদন্তগতত্বাভাবান্ন পঠিতঃ, পঠিতস্তু সঙ্গ্রহে হনুগ্রহসঞ্জ্ঞযা বাতব্যাধৌ ভোজবচনাত্| যদুক্তম্– “বাতা(ভারা)ভিঘাতাজ্জন্তোর্হি হনুসন্ধির্বিমুচ্যতে| নিরস্তজিহ্বঃ কৃচ্ছ্রেণ ভাষিতং তত্র গচ্ছতি| সম্যক্ তমনিলব্যাধিং হনুমোক্ষং বিনির্দিশেত্||” ইতি||২৮-২৯||
Adhikarana vAtajajihvAroga-pittajajihvAroga-kaphajajihvArogalakShaNam (30) · Śloka 30
জিহ্বাঽনিলেন স্ফুটিতা প্রসুপ্তা ভবেচ্চ শাকচ্ছদনপ্রকাশা |
পিত্তেন দহ্যত্যুপচীযতে চ দীর্ঘৈঃ সরক্তৈরপি কণ্টকৈশ্চ |
কফেন গুর্বী বহুলা চিতা চ মাংসোচ্ছ্রযৈঃ শাল্মলিকণ্টকাভৈঃ ||৩০||
(সু. নি. অ. ১৬) |
View original
जिह्वाऽनिलेन स्फुटिता प्रसुप्ता भवेच्च शाकच्छदनप्रकाशा |
पित्तेन दह्यत्युपचीयते च दीर्घैः सरक्तैरपि कण्टकैश्च |
कफेन गुर्वी बहुला चिता च मांसोच्छ्रयैः शाल्मलिकण्टकाभैः ||३०||
(सु. नि. अ. १६) |
সম্প্রতি জিহ্বাগতানাহ– জিহ্বাঽনিলেনেত্যাদি| স্ফুটিতেতি মনাগ্বিদীর্ণা| প্রসুপ্তেতি সুপ্তেব, রসস্যানববোধাত্| শাকচ্ছদনপ্রকাশেতি শাকতরুপত্রবত্ কণ্টকাচিতেত্যর্থঃ; শাকো মরুজদ্রুমঃ| পৈত্তিককণ্টকলক্ষণে দহ্যতীতি আত্মনেপদানিত্যত্বাত্ সাধু| অযং চ রোগো জাডীতি খ্যাতঃ||৩০||
Adhikarana alAsalakShaNam (31) · Śloka 31
জিহ্বাতলে যঃ শ্বযথুঃ প্রগাঢঃ সোঽলাসসঞ্জ্ঞঃ কফরক্তমূর্তিঃ |
জিহ্বাং স তু স্তম্ভযতি প্রবৃদ্ধো মূলে চ জিহ্বা ভৃশমেতি পাকম্ ||৩১||
(সু. নি. অ. ১৬) |
View original
जिह्वातले यः श्वयथुः प्रगाढः सोऽलाससञ्ज्ञः कफरक्तमूर्तिः |
जिह्वां स तु स्तम्भयति प्रवृद्धो मूले च जिह्वा भृशमेति पाकम् ||३१||
(सु. नि. अ. १६) |
অলাসমাহ– জিহ্বেত্যাদি| প্রগাঢ ইতি প্রকর্ষেণ গাঢো দারুণ ইত্যর্থঃ| তেন ‘জিহ্বাগতেষ্বলাসস্তু’ ইত্যাদিনা অলাসস্যাসাধ্যতোক্তা সূচ্যতে| কফরক্তমূর্তিরিতি কফরক্তাভ্যাং হেতুভ্যাং লব্ধমূর্তিঃ| কফরক্তজ ইত্যর্থঃ| জিহ্বাস্তম্ভেন বাযুরপ্যত্র বোদ্ধব্যঃ, ভৃশপাকেন পিত্তম্, অতস্ত্রিদোষজো জ্ঞেযঃ; অত এবাস্যানুপক্রমেণাসাধ্যত্বং, কফরক্তযোস্তু প্রাধান্যেনাভিধানম্| ‘অধোগতঃ’ ইতি পাঠান্তরে জিহ্বাযা অধোগতঃ||৩১||
Adhikarana upajihvikAlakShaNam (32) · Śloka 32
জিহ্বাগ্ররূপঃ শ্বযথুর্হি জিহ্বামুন্নম্য জাতঃ কফরক্তমূলঃ |
লালাকরঃ কণ্ডুযুতঃ সচোষঃ সা তূপজিহ্বা পঠিতা ভিষগ্ভিঃ ||৩২||
(সু. নি. অ. ১৬) |
View original
जिह्वाग्ररूपः श्वयथुर्हि जिह्वामुन्नम्य जातः कफरक्तमूलः |
लालाकरः कण्डुयुतः सचोषः सा तूपजिह्वा पठिता भिषग्भिः ||३२||
(सु. नि. अ. १६) |
উপজিহ্বিকামাহ– জিহ্বাগ্ররূপ ইত্যাদি| সচোষ ইতি চোষঃ সাক্ষাদগ্নিসম্বন্ধেনেবোপতাপঃ, চোষশ্চাত্র রক্তযোনিনা পিত্তেন||৩২||
Adhikarana kaNThashuNDIlakShaNam (33) · Śloka 33
শ্লেষ্মাসৃগ্ভ্যাং তালুমূলে প্রবৃদ্ধো দীর্ঘঃ শোথো ধ্মাতবস্তিপ্রকাশঃ |
তৃষ্ণাকাসশ্বাসকৃত্তং বদন্তি ব্যাধিং বৈদ্যাঃ কণ্ঠশুণ্ডীতি নাম্না ||৩৩||
(সু. নি. অ. ১৬) |
View original
श्लेष्मासृग्भ्यां तालुमूले प्रवृद्धो दीर्घः शोथो ध्मातबस्तिप्रकाशः |
तृष्णाकासश्वासकृत्तं वदन्ति व्याधिं वैद्याः कण्ठशुण्डीति नाम्ना ||३३||
(सु. नि. अ. १६) |
তালুগতানাহ| কণ্ঠশুণ্ডীমাহ– শ্লেষ্মাসৃগ্ভ্যামিত্যাদি| ধ্মাতবস্তিপ্রকাশ ইতি বাযুপূরিতচর্মপুটতুল্যঃ||৩৩||
Adhikarana tuNDikerIlakShaNam (34) · Śloka 34
শোথঃ স্থূলস্তোদদাহপ্রপাকী প্রাগুক্তাভ্যাং তুণ্ডিকেরী মতা তু |৩৪|
(সু. নি. অ. ১৬) |
View original
शोथः स्थूलस्तोददाहप्रपाकी प्रागुक्ताभ्यां तुण्डिकेरी मता तु |३४|
(सु. नि. अ. १६) |
তুণ্ডিকেরীলক্ষণমাহ– শোথ ইত্যাদি| প্রাগুক্তাভ্যামিতি শ্লেষ্মাসৃগ্ভ্যাম্| তুণ্ডিকেরী বনকার্পাসীফলং, তত্তুল্যশোথতযা তুণ্ডিকেরী| তোদদাহাভ্যামিহ বাতপিত্তানুবন্ধো জ্ঞেযঃ|৩৪|–
Adhikarana adhruShalakShaNam (34) · Śloka 34
মৃদুঃ শোথো লোহিতঃ শোণিতোত্থো জ্ঞেযোঽধ্রুষঃ সজ্বরস্তীব্ররুক্ চ ||৩৪||
(সু. নি. অ. ১৬) |
View original
मृदुः शोथो लोहितः शोणितोत्थो ज्ञेयोऽध्रुषः सज्वरस्तीव्ररुक् च ||३४||
(सु. नि. अ. १६) |
অধ্রুষলক্ষণমাহ– মৃদুরিত্যাদি| শোণিতোত্থ ইতি রক্তসমুত্থঃ||৩৪||
Adhikarana kacchapalakShaNam (35) · Śloka 35
কূর্মোন্নতোঽবেদনোঽশীঘ্রজন্মা রোগো জ্ঞেযঃ কচ্ছপঃ শ্লেষ্মণা তু |৩৫|
(সু. নি. অ. ১৬) |
View original
कूर्मोन्नतोऽवेदनोऽशीघ्रजन्मा रोगो ज्ञेयः कच्छपः श्लेष्मणा तु |३५|
(सु. नि. अ. १६) |
কচ্ছপলক্ষণমাহ– কূর্মোন্নত ইত্যাদি| অবেদন ইত্যল্পবেদনঃ| অশীঘ্রজন্মেতি চিরজঃ|৩৫|–
Adhikarana tAlvarbuda-mAMsasa~gghAtalakShaNam (35) · Śloka 35
পদ্মাকারং তালুমধ্যে তু শোথং বিদ্যাদ্রক্তাদর্বুদং প্রোক্তলিঙ্গম্ ||৩৫||
দুষ্টং মাংসং নীরুজং তালুমধ্যে কফাচ্ছূনং মাংসসঙ্ঘাতমাহুঃ |
(সু. নি. অ. ১৬) |
View original
पद्माकारं तालुमध्ये तु शोथं विद्याद्रक्तादर्बुदं प्रोक्तलिङ्गम् ||३५||
दुष्टं मांसं नीरुजं तालुमध्ये कफाच्छूनं मांससङ्घातमाहुः |
(सु. नि. अ. १६) |
তাল্বর্বুদমাহ– পদ্মাকারমিত্যাদি| পদ্মাকারমিতি পদ্মকর্ণিকাকারম্| তথাচ ভোজঃ– “উপর্যেব ভবেন্নদ্ধো যথা পদ্মস্য কর্ণিকা| পার্শ্বতশ্চাঙ্কুরৈর্দীর্ঘৈর্নাসা চাপ্যবসীদতি|| শ্লেষ্মরক্তসমুত্থানং তত্তাল্বর্বুদসঞ্জ্ঞিতম্||” ইতি| রক্তজত্বাল্লোহিতম্| প্রোক্তলিঙ্গমিতি পূর্বোক্তরক্তার্বুদতুল্যলিঙ্গমিত্যর্থঃ||৩৫||–
Adhikarana tAlupuppuTa-tAlushoSha-tAlupAkalakShaNam (36-37) · Śloka 37
নীরুক্ স্থাযী কোলমাত্রঃ কফাত্ স্যান্মেদোযুক্তাত্ পুপ্পুটস্তালুদেশে ||৩৬||
শোষোঽত্যর্থং দীর্যতে চাপি তালুঃ শ্বাসশ্চোগ্রস্তালুশোষোঽনিলাচ্চ |
পিত্তং কুর্যাত্ পাকমত্যর্থঘোরং তালুন্যেনং তালুপাকং বদন্তি ||৩৭||
(সু. নি. অ. ১৬) |
View original
नीरुक् स्थायी कोलमात्रः कफात् स्यान्मेदोयुक्तात् पुप्पुटस्तालुदेशे ||३६||
शोषोऽत्यर्थं दीर्यते चापि तालुः श्वासश्चोग्रस्तालुशोषोऽनिलाच्च |
पित्तं कुर्यात् पाकमत्यर्थघोरं तालुन्येनं तालुपाकं वदन्ति ||३७||
(सु. नि. अ. १६) |
পুপ্পুটমাহ– নীরুগিত্যাদি| পুপ্পুটস্তালুদেশে ইতি তালুপুপ্পুটঃ| তালুশব্দোঽত্র লুপ্তনির্দিষ্টো দ্রষ্টব্যঃ| “তালুশোষস্তু পিত্তাত্” ইতি কেচিত্ পঠন্তি, পিত্তস্যাপি শোষকত্বাত্| কেচিত্তু বক্ষ্যমাণং “পিত্তং কুর্যাত্” ইতি পদমত্রাপি সম্বধ্য শ্বাসশ্চোগ্র ইতি চকারং ভিন্নক্রমেণ যোজযিত্বা বিভক্তিবিপরিণামং চ কৃত্বা পিত্তং তালুশোষং কুর্যাদিতি ব্যাচক্ষতে| কিন্ত্বযং ভোজেঽপি বাতাদেব পঠিতঃ| যদুক্তম্– “তালুশোষো ভবেদ্বাতাত্” ইত্যাদি||৩৬-৩৭||
Adhikarana rohiNIsamprAptiH (38) · Śloka 38
গলেঽনিলঃ পিত্তকফৌ চ মূর্ছিতৌ প্রদূষ্য মাংসং চ তথৈব শোণিতম্ |
গলোপসংরোধকরৈস্তথাঽঙ্কুরৈর্নিহন্ত্যসূন্ ব্যাধিরিযং হি রোহিণী ||৩৮||
(সু. নি. অ. ১৬) |
View original
गलेऽनिलः पित्तकफौ च मूर्छितौ प्रदूष्य मांसं च तथैव शोणितम् |
गलोपसंरोधकरैस्तथाऽङ्कुरैर्निहन्त्यसून् व्याधिरियं हि रोहिणी ||३८||
(सु. नि. अ. १६) |
কণ্ঠগতাস্তু রোহিণ্যাদযঃ সপ্তদশোচ্যন্তে, তত্র পঞ্চানাং রোহিণীনাং সামান্যসম্প্রাপ্তিমাহ– গলেঽনিল ইত্যাদি| সর্বরোহিণ্যঃ সন্নিপাতজাঃ, উত্কর্ষাদ্বাতজাদিব্যপদেশঃ| অন্যে তু “পৃথক্ সমস্তাশ্চ তথৈব শোণিতং” ইতি পঠিত্বা সুশ্রুতে একদোষজত্বমপ্যাহুঃ| ভোজেঽপ্যুক্তম্– “ বাতপিত্তকফা রক্তমেকশঃ সর্বশোঽপি বা| কণ্ঠং যদা নিষেবন্তে” ইত্যাদি| নিহন্ত্যসূনিত্যনেন যদ্যপি সামান্যেনাসাধ্যত্বমুক্তং তথাঽপি সপ্তাহাদিনা পৃথগ্দোষত্রযজানামনুপক্রমেণাসাধ্যত্বম্, এবং রক্তজাযা অপি; সন্নিপাতজাযাস্তু জন্মনৈবাসাধ্যত্বম্| তদুক্তং ভোজেন– “তালুঃ শুষ্যতি কণ্ঠশ্চ বাতেনাযাম্যতে যদা| কণ্ঠেঽস্যান্নং প্রসজ্যেত সপ্তাহাত্ স জহাত্যসূন্|| উষ্যতে চুষ্যতে পিত্তাত্ ধূপ্যতে পরিদহ্যতে| অঙ্গারৈরিব জহ্যাত্ স প্রাণানাশু চতুর্দিনাত্||” ইতি| “কফাদন্তর্বহিঃ শোথঃ শ্বাসঃ কণ্ঠশ্চ বাধ্যতে| যস্য সোঽসূন্ ত্যজেদ্রোগী ত্র্যহাদ্রোহিণিপীডিতঃ|| লক্ষণং পিত্তরোহিণ্যা তুল্যং শোণিতজন্মনঃ| সর্বদোষকৃতা যা তু সর্বলিঙ্গসমন্বিতা|| অসাধ্যাং তাং বিজানীযাদ্রোহিণীং সন্নিপাতজাম্| এষা সদ্যো মারযতি তিস্র আদ্যাঃ ক্রিযাং বিনা||” ইতি ক্বচিত্| ভোজে “অন্যা সদ্যো মারযতি” ইতি পাঠঃ, তদা রক্তজাযামপ্যসাধ্যত্বমাযাতি; কিন্ত্বিযং সাধ্যৈব, যদুক্তম্– “লেখ্যাশ্চতস্রো রোহিণ্যঃ” (সু. সূ. অ. ২৫) ইতি| তথা– “সাধ্যানাং রোহিণীনাং তু হিতং শোণিতমোক্ষণম্|” (সু. চি. অ. ২২) ইত্যনেন রক্তজাযা অপি চিকিত্সোক্তা| কিঞ্চ গলগতেষ্বেকৈব রোহিণী সন্নিপাতজা “রোহিণী গলে” ইত্যনেনাসাধ্যোক্তা| ভোজে তু “তিস্র আদ্যাঃ ক্রিযাং বিনা” ইত্যভিধানং ত্রিদোষজত্বেন প্রাধান্যমভিপ্রেত্য, খরনাদেঽপি সন্নিপাতজাযা এব সদ্যোমারকত্বমুক্তম্| যদাহ– “সদ্যস্ত্রিদোষজা হন্তি ত্র্যহাচ্ছ্লেষ্মসমুদ্ভবা| পঞ্চাহাত্ পিত্তসম্ভূতা, সপ্তাহাত্ পবনোত্থিতা||” ইতি||৩৮||
Adhikarana vAtajAdibhedena rohiNIlakShaNAni (39-41) · Śloka 41
জিহ্বাসমন্তাদ্ভৃশবেদনাস্তু মাংসাঙ্কুরাঃ কণ্ঠনিরোধিনো যে |
সা রোহিণী বাতকৃতা প্রদিষ্টা বাতাত্মকোপদ্রবগাঢযুক্তা ||৩৯||
ক্ষিপ্রোদ্গমা ক্ষিপ্রবিদাহপাকা তীব্রজ্বরা পিত্তনিমিত্তজা তু |
স্রোতোবিরোধিন্যচলোদ্গতা চ স্থিরাঙ্কুরা যা কফসম্ভবা সা ||৪০||
গম্ভীরপাকিন্যনিবার্যবীর্যা ত্রিদোষলিঙ্গা ত্রিতযোত্থিতা চ |
স্ফোটৈশ্চিতা পিত্তসমানলিঙ্গা সাধ্যা প্রদিষ্টা রুধিরাত্মিকা তু ||৪১||
(সু. নি. অ. ১৬) |
View original
जिह्वासमन्ताद्भृशवेदनास्तु मांसाङ्कुराः कण्ठनिरोधिनो ये |
सा रोहिणी वातकृता प्रदिष्टा वातात्मकोपद्रवगाढयुक्ता ||३९||
क्षिप्रोद्गमा क्षिप्रविदाहपाका तीव्रज्वरा पित्तनिमित्तजा तु |
स्रोतोविरोधिन्यचलोद्गता च स्थिराङ्कुरा या कफसम्भवा सा ||४०||
गम्भीरपाकिन्यनिवार्यवीर्या त्रिदोषलिङ्गा त्रितयोत्थिता च |
स्फोटैश्चिता पित्तसमानलिङ्गा साध्या प्रदिष्टा रुधिरात्मिका तु ||४१||
(सु. नि. अ. १६) |
বাতজাদিভেদেন রোহিণীলক্ষণমাহ– জিহ্বেত্যাদি| জিহ্বাসমন্তাদিতি জিহ্বাযাঃ সর্বত ইত্যর্থঃ| বাতাত্মকোপদ্রবগাঢযুক্তেতি বাতাত্মকা উপদ্রবাঃ কম্পবিনামস্তম্ভাদযস্তৈরতিশযমনুগতাঃ| ত্রিদোষজাযামনিবার্যবীর্যেতি ক্রিযযাঽপি ন নিবার্যং বীর্যমস্যাঃ, সদ্যোমারকত্বাদিত্যর্থঃ| ত্রিতযোত্থিতেতি দোষত্রযোত্থিতা| পিত্তলিঙ্গাতিদেশস্যাব্যবহিতত্বপ্রতীত্যর্থং পিত্তরোহিণ্যনন্তরং রক্তজাযা বক্তুমুচিতাযাঃ শেষেঽভিধানমিতররোহিণ্যপেক্ষযা সুখসাধ্যত্বখ্যাপনার্থমিতি কেচিত্||৩৯-৪১||
Adhikarana kaNThashAlUkalakShaNam (42) · Śloka 42
কোলাস্থিমাত্রঃ কফসম্ভবো যো গ্রন্থির্গলে কণ্টকশূকভূতঃ |
খরঃ স্থিরঃ শস্ত্রনিপাতসাধ্যস্তং কণ্ঠশালূকমিতি ব্রুবন্তি ||৪২||
(সু. নি. অ. ১৬) |
View original
कोलास्थिमात्रः कफसम्भवो यो ग्रन्थिर्गले कण्टकशूकभूतः |
खरः स्थिरः शस्त्रनिपातसाध्यस्तं कण्ठशालूकमिति ब्रुवन्ति ||४२||
(सु. नि. अ. १६) |
কণ্ঠশালূকলক্ষণমাহ– কোলেত্যাদি| কণ্টকশূকভূত ইতি কণ্টকবত্ শূকবচ্চ বেদনাজনকঃ, ভূতশব্দঃ উপমানার্থে; কিংবা কণ্টকোপলক্ষিতঃ শূকো জলশূকঃ, স ইব ভূতো জাতঃ| কঠিনগুডকতযা শালূকসমত্বেন কণ্ঠশালূকম্| শালূকং জলোত্পলকন্দম্||৪২||
Adhikarana adhijihvikAlakShaNam (43) · Śloka 43
জিহ্বাগ্ররূপঃ শ্বযথুঃ কফাত্তু জিহ্বোপরিষ্টাদপি রক্তমিশ্রাত্ |
জ্ঞেযোঽধিজিহ্বঃ খলু রোগ এষ বিবর্জযেদাগতপাকমেনম্ ||৪৩||
(সু. নি. অ. ১৬) |
View original
जिह्वाग्ररूपः श्वयथुः कफात्तु जिह्वोपरिष्टादपि रक्तमिश्रात् |
ज्ञेयोऽधिजिह्वः खलु रोग एष विवर्जयेदागतपाकमेनम् ||४३||
(सु. नि. अ. १६) |
অধিজিহ্বিকামাহ– জিহ্বাগ্ররূপ ইত্যাদি| জিহ্বোপরিষ্টাদিত্যনেন জিহ্বাতলজাতামুপজিহ্বাং ব্যাবর্তযতি| অপি রক্তমিশ্রাদিতি ন কেবলাত্ কফাদ্ভবতি, কিন্তু রক্তমিশ্রাদেব কফাদিত্যর্থঃ| অপ্যবধারণে| আগতপাকত্বেন পিত্তমপ্যত্র দ্রষ্টব্যম্||৪৩||
Adhikarana valayalakShaNam (44) · Śloka 44
বলাশ এবাযতমুন্নতং চ শোথং করোত্যন্নগতিং নিবার্য |
তং সর্বথৈবাপ্রতিবার্যবীর্যং বিবর্জনীযং বলযং বদন্তি ||৪৪||
(সু. নি. অ. ১৬) |
View original
बलाश एवायतमुन्नतं च शोथं करोत्यन्नगतिं निवार्य |
तं सर्वथैवाप्रतिवार्यवीर्यं विवर्जनीयं वलयं वदन्ति ||४४||
(सु. नि. अ. १६) |
বলযমাহ– বলাশ এবেত্যাদি| বলাশঃ কফঃ| অন্নগতিমিতি অন্নস্য গতির্যেন স্রোতসা সোঽন্নগতিঃ অন্নবহমার্গঃ, অন্নস্য প্রবেশো বা| কফজোঽপ্যযং প্রভাবাদসাধ্যঃ||৪৪||
Adhikarana balAsalakShaNam (45) · Śloka 45
গলে তু শোথং কুরুতঃ প্রবৃদ্ধৌ শ্লেষ্মানিলৌ শ্বাসরুজোপপন্নম্ |
মর্মচ্ছিদং দুস্তরমেনমাহুর্বলাশসঞ্জ্ঞং নিপুণা বিকারম্ ||৪৫||
(সু. নি. অ. ১৬) |
View original
गले तु शोथं कुरुतः प्रवृद्धौ श्लेष्मानिलौ श्वासरुजोपपन्नम् |
मर्मच्छिदं दुस्तरमेनमाहुर्बलाशसञ्ज्ञं निपुणा विकारम् ||४५||
(सु. नि. अ. १६) |
বলাশলিঙ্গমাহ– গল ইত্যাদি| মর্মচ্ছিদমিতি প্রাণাযতনহৃদযমর্মচ্ছিদম্||৪৫||
Adhikarana ekavRundalakShaNam (46) · Śloka 46
বৃত্তোন্নতোঽন্তঃ শ্বযথুঃ সদাহঃ সকণ্ডুরোঽপাক্যমৃদুর্গুরুশ্চ |
নাম্নৈকবৃন্দঃ পরিকীর্তিতোঽসৌ ব্যাধির্বলাশক্ষতজপ্রসূতঃ ||৪৬||
(সু. নি. অ. ১৬) |
View original
वृत्तोन्नतोऽन्तः श्वयथुः सदाहः सकण्डुरोऽपाक्यमृदुर्गुरुश्च |
नाम्नैकवृन्दः परिकीर्तितोऽसौ व्याधिर्बलाशक्षतजप्रसूतः ||४६||
(सु. नि. अ. १६) |
একবৃন্দমাহ– বৃত্তোন্নত ইত্যাদি| অন্তঃশ্বযথুরিতি গলস্যান্তর্মধ্যে| সদাহ ইতি মন্দদাহঃ, সহশব্দ ঈষদর্থে| অপাক্যমৃদুরিতি অপাকী ঈষত্পাকী, অমৃদুরীষন্মৃদুঃ; অন্যে ‘ অপাকমৃদুঃ’ ইতি পঠন্তি, অপাকশ্চাসৌ মৃদুশ্চেতি অপাকমৃদুঃ| বলাশক্ষতজপ্রসূত ইতি কফরক্তভব ইত্যর্থঃ||৪৬||
Adhikarana vRundalakShaNam (47) · Śloka 47
সমুন্নতং বৃত্তমমন্দদাহং তীব্রজ্বরং বৃন্দমুদাহরন্তি |
তচ্চাপি পিত্তক্ষতজপ্রকোপাজ্জ্ঞেযং সতোদং পবনাত্মকং তু ||৪৭||
(সু. নি. অ. ১৬) |
View original
समुन्नतं वृत्तममन्ददाहं तीव्रज्वरं वृन्दमुदाहरन्ति |
तच्चापि पित्तक्षतजप्रकोपाज्ज्ञेयं सतोदं पवनात्मकं तु ||४७||
(सु. नि. अ. १६) |
বৃন্দমাহ– সমুন্নতমিত্যাদি| বৃন্দমেব পবনানুবিদ্ধং সতোদং স্যাত্| ননু, সপ্তদশ কণ্ঠগতা উক্তাঃ; উক্তং হি– “সপ্তদশামযাঃ কণ্ঠে” ইতি, বৃন্দেন সহাষ্টাদশ স্যুঃ? উচ্যতে– একবৃন্দস্যাবস্থাবিশেষ এব বৃন্দঃ, তুল্যস্থানাকৃতিতো ন সঙ্খ্যাতিরেকঃ; যদ্যপ্যেকবৃন্দঃ কফরক্তজঃ, বৃন্দস্তু পিত্তরক্তজঃ পঠিতঃ, তথা বৃন্দস্যৈব সতোদত্বেন বাতাত্মকত্বমুক্তং, তথাঽপ্যেকবৃন্দস্যাবস্থাবিশেষত্বেন বৃন্দঃ সঙ্গচ্ছত এব; যথা কামলাযাং তদ্ভিন্নহেতুলক্ষণস্যাপি হলীমকস্য সঙ্গ্রহঃ, যথা বাতমদাত্যযেন ধ্বংসকবিক্ষেপকযোরত্যন্তাভেদেঽপি স এব স্যান্ন পুনস্তেন সঙ্গ্রহঃ; ভোজেঽপ্যযমেকবৃন্দজ এব পঠিতঃ| যদাহ– “শ্লেষ্মরক্তসমুত্থানমেকবৃন্দং বিভাবযেত্| তুল্যস্থানাকৃতির্বৃন্দো বৃন্দজো রক্তপিত্তজঃ||” ইতি| বৃন্দজ ইত্যেকবৃন্দজঃ| গদাধরস্তু কারণভেদাত্ ধর্মভেদাচ্চ উত্পন্নত্বেন চৈককার্যকারণযোরভেদপ্রসঙ্গমভিধায বৃন্দশব্দং ছন্দোঽনুরোধাদাদিলোপাদেকবৃন্দ এব বর্ণযতি, তথাচ সতি সমুন্নতমিত্যাদিনা পিত্তানুবন্ধসহিতবহুলরক্তকৃতৈকবৃন্দস্য লক্ষণমুচ্যতে, সতোদং পবনাত্মকং চেত্যনেন চ বাতানুবন্ধৈকবৃন্দলক্ষণমিতি ব্যাখ্যেযম্| পরন্তু বৃন্দজো বৃন্দ ইতি ভোজবচনেনাসঙ্গতমিদং ব্যাখ্যানম্||৪৭||
Adhikarana shataghnIlakShaNam (48) · Śloka 48
বর্তির্ঘনা কণ্ঠনিরোধিনী যা চিতাঽতিমাত্রং পিশিতপ্ররোহৈঃ |
অনেকরুক্ প্রাণহরী ত্রিদোষাজ্জ্ঞেযা শতঘ্নী চ শতঘ্নিরূপা ||৪৮||
(সু. নি. অ. ১৬) |
View original
वर्तिर्घना कण्ठनिरोधिनी या चिताऽतिमात्रं पिशितप्ररोहैः |
अनेकरुक् प्राणहरी त्रिदोषाज्ज्ञेया शतघ्नी च शतघ्निरूपा ||४८||
(सु. नि. अ. १६) |
শতঘ্নীলক্ষণমাহ– বর্তিরিত্যাদি| অনেকরুগিতি বাতপিত্তকফজতোদদাহকণ্ড্বাদিবেদনান্বিতেত্যর্থঃ| শতঘ্নিরূপেতি অযঃকণ্টকাচ্ছন্না মহতী শিলা শতঘ্নী, তত্তুল্যা| প্রাণহরীত্যসাধ্যা| ভোজেঽপ্যুক্তম্– “শঙ্কুনেব গলে বিদ্ধা শতঘ্ন্যেষা ন সিধ্যতি|” ইতি||৪৮||
Adhikarana galAyulakShaNam (49) · Śloka 49
গ্রন্থির্গলে ত্বামলকাস্থিমাত্রঃ স্থিরোঽতিরুগ্যঃ কফরক্তমূর্তিঃ |
সংলক্ষ্যতে সক্তমিবাশনং চ স শস্ত্রসাধ্যস্তু গলাযুসঞ্জ্ঞঃ ||৪৯||
(সু. নি. অ. ১৬) |
View original
ग्रन्थिर्गले त्वामलकास्थिमात्रः स्थिरोऽतिरुग्यः कफरक्तमूर्तिः |
संलक्ष्यते सक्तमिवाशनं च स शस्त्रसाध्यस्तु गलायुसञ्ज्ञः ||४९||
(सु. नि. अ. १६) |
গলাযুলক্ষণমাহ– গ্রন্থিরিত্যাদি| কফরক্তমূর্তিরিতি কফরক্তজঃ| সক্তমিবেতি লগ্নমিব| অশনং ভুক্তম্||৪৯||
Adhikarana galavidradhilakShaNam (50) · Śloka 50
সর্বং গলং ব্যাপ্য সমুত্থিতো যঃ শোথো রুজঃ সন্তি চ যত্র সর্বাঃ |
স সর্বদোষৈর্গলবিদ্রধিস্তু তস্যৈব তুল্যঃ খলু সর্বজস্য ||৫০||
(সু. নি. অ. ১৬) |
View original
सर्वं गलं व्याप्य समुत्थितो यः शोथो रुजः सन्ति च यत्र सर्वाः |
स सर्वदोषैर्गलविद्रधिस्तु तस्यैव तुल्यः खलु सर्वजस्य ||५०||
(सु. नि. अ. १६) |
গলবিদ্রধিলিঙ্গমাহ– সর্বমিত্যাদি| তস্যৈব তুল্যঃ খলু সর্বজস্যেতি প্রাগুক্তস্য বিদ্রধেঃ সন্নিপাতজস্য তুল্য ইত্যর্থঃ| স চ স্থানপ্রভাবেণ সন্নিপাতজ এব, চিকিত্সাভেদার্থং চ পুনঃ পঠিতঃ||৫০||
Adhikarana galaughalakShaNam (51) · Śloka 51
শোথো মহানন্নজলাবরোধী তীব্রজ্বরো বাযুগতের্নিহন্তা |
কফেন জাতো রুধিরান্বিতেন গলে গলৌঘঃ পরিকীর্ত্যতে তু ||৫১||
(সু. নি. অ. ১৬) |
View original
शोथो महानन्नजलावरोधी तीव्रज्वरो वायुगतेर्निहन्ता |
कफेन जातो रुधिरान्वितेन गले गलौघः परिकीर्त्यते तु ||५१||
(सु. नि. अ. १६) |
গলৌঘলক্ষণমাহ– শোথ ইত্যাদি| বাযুগতের্নিহন্তেতি অতিমহত্ত্বাদুদানবাযুগতিরোধক ইত্যর্থঃ||৫১||
Adhikarana svaraghnalakShaNam (52) · Śloka 52
যস্তাম্যমানঃ শ্বসিতি প্রসক্তং ভিন্নস্বরঃ শুষ্কবিমুক্তকণ্ঠঃ |
কফোপদিগ্ধেষ্বনিলাযনেষু জ্ঞেযঃ স রোগঃ শ্বসনাত্ স্বরঘ্নঃ ||৫২||
(সু. নি. অ. ১৬) |
View original
यस्ताम्यमानः श्वसिति प्रसक्तं भिन्नस्वरः शुष्कविमुक्तकण्ठः |
कफोपदिग्धेष्वनिलायनेषु ज्ञेयः स रोगः श्वसनात् स्वरघ्नः ||५२||
(सु. नि. अ. १६) |
স্বরঘ্নলক্ষণমাহ– য ইত্যাদি| তাম্যমান ইতি মূর্ছাং গচ্ছন্, অথবা তমঃ পশ্যন্| শ্বসিতি প্রসক্তমিতি নিরন্তরং শ্বসিতি| শুষ্কবিমুক্তকণ্ঠ ইতি শুষ্কো নীরসো বিমুক্তশ্চাস্বাধীনঃ কণ্ঠো যস্য স তথা| অস্বাধীনতা চ কিমপি গিলিতুমশক্যতযা বোদ্ধব্যা| অনিলাযনেষ্বিতি অনিলমার্গেষু কফরুদ্ধেষু সত্সু, বাযুগতস্রোতসোর্দ্বিত্বেঽপি বহুবচনং প্রতানবহুত্বাত্| শ্বসনাদিতি বাতাত্||৫২||
Adhikarana mAMsatAnalakShaNam (53) · Śloka 53
প্রতানবান্ যঃ শ্বযথুঃ সুকষ্টো গলোপরোধং কুরুতে ক্রমেণ |
স মাংসতানঃ কথিতোঽবলম্বী প্রাণপ্রণুত্ সর্বকৃতো বিকারঃ ||৫৩||
(সু. নি. অ. ১৬) |
View original
प्रतानवान् यः श्वयथुः सुकष्टो गलोपरोधं कुरुते क्रमेण |
स मांसतानः कथितोऽवलम्बी प्राणप्रणुत् सर्वकृतो विकारः ||५३||
(सु. नि. अ. १६) |
মাংসতানলিঙ্গমাহ– প্রতানবানিত্যাদি| প্রতানবানিতি বিস্তারবান্| সুকষ্ট ইতি মহাদুঃখপ্রদাযী; ন তু কৃচ্ছ্রসাধ্যঃ, প্রাণপ্রণুদিতি বচনাত্; অথবা পাকতঃ কষ্টসাধ্যঃ, সমস্তগলোপরোধে তু প্রাণপ্রণুত্| ‘স মাংসতানঃ কথিতোঽবলম্বী’ ইত্যস্য স্থানে ‘স মাংসতানেতি বিভর্তি সঞ্জ্ঞাম্’ ইতি পাঠান্তরে মাংসতানেত্যত্র ইতিশব্দেন প্রাতিপদিকার্থস্যোক্তত্বাদ্বিভক্ত্যভাবঃ| ‘বিভর্তি সঞ্জ্ঞাম্’ ইত্যস্য স্থানে ‘নিরুণদ্ধি চেষ্টাম্’ ইতি কার্তিকঃ| অস্মিন্ ব্যাখ্যানে ‘স মাংসতান’ ইত্যস্যানন্তরং ‘খ্যাত’ ইতি দ্রষ্টব্যম্||৫৩||
Adhikarana vidArIlakShaNam (54) · Śloka 54
সদাহতোদং শ্বযথুং সুতাম্রমন্তর্গলে পূতিবিশীর্ণমাংসম্ |
পিত্তেন বিদ্যাদ্বদনে বিদারীং পার্শ্বে বিশেষাত্ স তু যেন শেতে ||৫৪||
(সু. নি. অ. ১৬) |
View original
सदाहतोदं श्वयथुं सुताम्रमन्तर्गले पूतिविशीर्णमांसम् |
पित्तेन विद्याद्वदने विदारीं पार्श्वे विशेषात् स तु येन शेते ||५४||
(सु. नि. अ. १६) |
বিদারীলক্ষণমাহ– সদাহতোদমিত্যাদি| বদন ইতি স্বরূপপরমিদম্, অন্তর্গল ইত্যনেনৈব বদনশব্দস্য লব্ধত্বাত্| পার্শ্বে বিশেষাত্ স তু যেন শেতে ইতি স পুরুষো যেন পার্শ্বেন বিশেষাদ্বাহুল্যেন শেতে তস্মিন্নেব পার্শ্বে বিদারী ভবতীত্যর্থঃ| বিশেষগ্রহণাদন্যস্মিন্ পার্শ্বেঽপি সম্ভবোঽস্যাঃ| বিদারীসঞ্জ্ঞা চ মাংসবিদারণেন| ভোজেঽপ্যুক্তম্– “পিত্তেন জাতো বদনে বিকারঃ পার্শ্বে বিশেষাত্ স তু যেন শেতে| স্নাযুপ্রতানপ্রভবো বিশেষাদ্দাহপ্রপাকপ্রচুরো বিদারী||” ইতি||৫৪||
Adhikarana vAtajasarvasara(mukhapAka)-pittajasarvasara(mukhapAka)– kaphajasarvasara(mukhapAka)lakShaNam (55) · Śloka 55
স্ফোটৈঃ সতোদৈর্বদনং সমন্তাদ্যস্যাচিতং সর্বসরঃ স বাতাত্ |
রক্তৈঃ সদাহৈস্তনুভিঃ সপীতৈর্যস্যাচিতং চাপি স পিত্তকোপাত্ |
অবেদনৈঃ কণ্ডুযুতৈঃ সবর্ণৈর্যস্যাচিতং চাপি স বৈ কফেন ||৫৫||
(সু. নি. অ. ১৬) |
View original
स्फोटैः सतोदैर्वदनं समन्ताद्यस्याचितं सर्वसरः स वातात् |
रक्तैः सदाहैस्तनुभिः सपीतैर्यस्याचितं चापि स पित्तकोपात् |
अवेदनैः कण्डुयुतैः सवर्णैर्यस्याचितं चापि स वै कफेन ||५५||
(सु. नि. अ. १६) |
সর্বসরাস্ত্রযোঽভিধীযন্তে– স্ফোটৈরিত্যাদিনা| মুখগতোষ্ঠাদিসপ্তস্থানব্যাপকতযা সর্বসরত্বং জ্ঞেযম্| স্ফোটৈরিতি বদনমিতি চ উত্তরত্র সম্বন্ধনীযম্| আচিতং ব্যাপ্তম্| সর্বসরা মুখপাকা উচ্যন্তে| কেচিদ্বিদেহক্তরক্তজসর্বসরলক্ষণং পঠন্তি| যথা– “রক্তেন পিত্তোদিত এব চাপি কৈশ্চিত্ প্রদিষ্টো মুখপাকসঞ্জ্ঞঃ|” ইতি| অযং চ পৈত্তিক এবান্তর্ভূত ইতি নেহ দর্শিত ইতি||৫৫||
Adhikarana oShThaprakopAdiShvasAdhyAH (56-59) · Śloka 59
ওষ্ঠপ্রকোপে বর্জ্যাঃ স্যুর্মাংসরক্তত্রিদোষজাঃ |
দন্তমূলেষু বর্জ্যৌ চ ত্রিলিঙ্গগতিশৌষিরৌ ||৫৬||
দন্তেষু চ ন সিধ্যন্তি শ্যাবদালনভঞ্জনাঃ |
জিহ্বারোগে বলাশস্তু তালব্যেষ্বর্বুদং তথা ||৫৭||
স্বরঘ্নো বলযো বৃন্দো বলাশশ্চ বিদারিকা |
গলৌঘো মাংসতানশ্চ শতঘ্নী রোহিণী গলে ||৫৮||
অসাধ্যাঃ কীর্তিতা হ্যেতে রোগা নব দশৈব তু |
তেষু চাপি ক্রিযাং বৈদ্যঃ প্রত্যাখ্যায সমাচরেত্ ||৫৯||
(সু. নি. অ. ১৬) |
View original
ओष्ठप्रकोपे वर्ज्याः स्युर्मांसरक्तत्रिदोषजाः |
दन्तमूलेषु वर्ज्यौ च त्रिलिङ्गगतिशौषिरौ ||५६||
दन्तेषु च न सिध्यन्ति श्यावदालनभञ्जनाः |
जिह्वारोगे बलाशस्तु तालव्येष्वर्बुदं तथा ||५७||
स्वरघ्नो वलयो वृन्दो बलाशश्च विदारिका |
गलौघो मांसतानश्च शतघ्नी रोहिणी गले ||५८||
असाध्याः कीर्तिता ह्येते रोगा नव दशैव तु |
तेषु चापि क्रियां वैद्यः प्रत्याख्याय समाचरेत् ||५९||
(सु. नि. अ. १६) |
ওষ্ঠপ্রকোপাদিষ্বসাধ্যানাহ– ওষ্ঠপ্রকোপে বর্জ্যাঃ স্যুরিত্যাদি| ত্রিলিঙ্গগতিশৌষিরাবিতি ত্রিদোষজনাডী ত্রিদোষজশ্চ মহাশৌষিরোঽসাধ্যঃ| রোহিণী গল ইতি ত্রিদোষজা রোহিণী||৫৬-৫৯||
Adhikarana puShpikA · Śloka 56
ইতি শ্রীমাধবকরবিরচিতে মাধবনিদানে মুখরোগনিদানং সমাপ্তম্ ||৫৬||
View original
इति श्रीमाधवकरविरचिते माधवनिदाने मुखरोगनिदानं समाप्तम् ||५६||
ইতি শ্রীকণ্ঠদত্তকৃতাযাং মধুকোশব্যাখ্যাযাং মুখরোগনিদানং সমাপ্তম্||৫৬||