Adhikarana mUtrakRucchranidAnaM, samprAptishca (1-2) · Śloka 2
অথ মূত্রকৃচ্ছ্রনিদানম্ |
ব্যাযামতীক্ষ্ণৌষধরূক্ষমদ্যপ্রসঙ্গনিত্যদ্রুতপৃষ্ঠযানাত্ |
আনূপমাংসাধ্যশনাদজীর্ণাত্স্যুর্মূত্রকৃচ্ছ্রাণি নৃণাং তথাঽষ্টৌ ||১||
পৃথঙ্মলাঃ স্বৈঃ কুপিতা নিদানৈঃ সর্বেঽথবা কোপমুপেত্য বস্তৌ |
মূত্রস্য মার্গং পরিপীডযন্তি যদা তদা মূত্রযতীহ কৃচ্ছ্রাত্ ||২||
(চ. চি. অ. ২৬) |
View original
अथ मूत्रकृच्छ्रनिदानम् |
व्यायामतीक्ष्णौषधरूक्षमद्यप्रसङ्गनित्यद्रुतपृष्ठयानात् |
आनूपमांसाध्यशनादजीर्णात्स्युर्मूत्रकृच्छ्राणि नृणां तथाऽष्टौ ||१||
पृथङ्मलाः स्वैः कुपिता निदानैः सर्वेऽथवा कोपमुपेत्य बस्तौ |
मूत्रस्य मार्गं परिपीडयन्ति यदा तदा मूत्रयतीह कृच्छ्रात् ||२||
(च. चि. अ. २६) |
সপ্তোত্তরে মর্মশতে ত্রীণি মর্মাণি শিরোহৃদযবস্তযঃ প্রধানানি| তত্র হৃদযগতবিকারানভিধায বস্তিগতবিকারানাহ– ব্যাযামেত্যাদি| মূত্রকৃচ্ছ্রাণীতি মূত্রস্য কৃচ্ছ্রেণ মহতা দুঃখেন প্রবৃত্তিঃ| অষ্টাবিতি দোষৈঃ পৃথক্ ত্রীণি, সন্নিপাতেনৈকং, শল্যজপুরীষজশুক্রজাশ্মরীজানীত্যেকৈকানি| ননু, শর্করাজং মূত্রকৃচ্ছ্রং সুশ্রুতেন পঠিতং; তচ্চাত্র সঙ্গ্রহেঽপি পঠিতম্– “অশ্মরী শর্করা চৈব তুল্যসম্ভবলক্ষণে|” ইত্যাদিনা, তত্ কথমষ্টৌ? নব প্রাপ্নুবন্তি| উচ্যতে– শর্করা অশ্মরীভেদ এব| যদাহ দৃঢবলঃ– “এষাঽশ্মরী মারুতভিন্নমূর্তিঃ স্যাচ্ছর্করা মূত্রপথাত্ ক্ষরন্তী|” (চ. চি. অ. ২৬) ইতি| অতোঽশ্মরীজেনৈব শর্করাজগ্রহণমিতি মন্যমানো দৃঢবলঃ অষ্টাবিত্যপঠত্||১-২||
Adhikarana vAtaja-pittaja-kaphaja-sannipAtaja-shalyAbhighAtaja-shakRutpratighAtaja-ashmarIja-shukrajamUtrakRucchralakShaNam (3-8) · Śloka 8
তীব্রার্তিরুগ্বঙ্ক্ষণবস্তিমেঢ্রে স্বল্পং মুহুর্মূত্রযতীহ বাতাত্ |
পীতং সরক্তং সরুজং সদাহং কৃচ্ছ্রং মুহুর্মূত্রযতীহ পিত্তাত্ ||৩||
বস্তেঃ সলিঙ্গস্য গুরুত্বশোথৌ মূত্রং সপিচ্ছং কফমূত্রকৃচ্ছ্রে |
সর্বাণি রূপাণি তু সন্নিপাতাদ্ভবন্তি তত্কৃচ্ছ্রতমং হি কৃচ্ছ্রম্ ||৪||
(চ. চি. অ. ২৬) |
মূত্রবাহিষু শল্যেন ক্ষতেষ্বভিহতেষু বা |
মূত্রকৃচ্ছ্রং তদাঘাতাজ্জাযতে ভৃশদারুণম্ ||৫||
বাতকৃচ্ছ্রেণ তুল্যানি তস্য লিঙ্গানি নির্দিশেত্ |
শকৃতস্তু প্রতীঘাতাদ্বাযুর্বিগুণতাং গতঃ ||৬||
আধ্মানং বাতশূলং চ মূত্রসঙ্গং করোতি চ |
অশ্মরীহেতু তত্পূর্বং মূত্রকৃচ্ছ্রমুদাহরেত্ ||৭||
(সু. উ. তং. অ. ৫৯) |
শুক্রে দোষৈরুপহতে মূত্রমার্গে বিধাবিতে সশুক্রং মূত্রযেত্ কৃচ্ছ্রাদ্বস্তিমেহনশূলবান্ ||৮||
View original
तीव्रार्तिरुग्वङ्क्षणबस्तिमेढ्रे स्वल्पं मुहुर्मूत्रयतीह वातात् |
पीतं सरक्तं सरुजं सदाहं कृच्छ्रं मुहुर्मूत्रयतीह पित्तात् ||३||
बस्तेः सलिङ्गस्य गुरुत्वशोथौ मूत्रं सपिच्छं कफमूत्रकृच्छ्रे |
सर्वाणि रूपाणि तु सन्निपाताद्भवन्ति तत्कृच्छ्रतमं हि कृच्छ्रम् ||४||
(च. चि. अ. २६) |
मूत्रवाहिषु शल्येन क्षतेष्वभिहतेषु वा |
मूत्रकृच्छ्रं तदाघाताज्जायते भृशदारुणम् ||५||
वातकृच्छ्रेण तुल्यानि तस्य लिङ्गानि निर्दिशेत् |
शकृतस्तु प्रतीघाताद्वायुर्विगुणतां गतः ||६||
आध्मानं वातशूलं च मूत्रसङ्गं करोति च |
अश्मरीहेतु तत्पूर्वं मूत्रकृच्छ्रमुदाहरेत् ||७||
(सु. उ. तं. अ. ५९) |
शुक्रे दोषैरुपहते मूत्रमार्गे विधाविते सशुक्रं मूत्रयेत् कृच्छ्राद्बस्तिमेहनशूलवान् ||८||
মূত্রকৃচ্ছ্রস্য বাতজাদিভেদেন লক্ষণান্যাহ– তীব্রেত্যাদি| সলিঙ্গস্য সমেঢ্রস্য| সপিচ্ছং পিচ্ছিলম্| কৃচ্ছ্রতমং কষ্টসাধ্যম্| কৃচ্ছ্রং মূত্রকৃচ্ছ্রম্| মূত্রবাহিষ্বিতি মূত্রবহস্রোতঃসু| অশ্মরীহেতু তত্পূর্বমিতি অশ্মরীহেত্বিতি লক্ষ্যপদং, তত্পূর্বমিতি লক্ষণপদং, তত্পূর্বমশ্মরীপূর্বকম্||৩-৮||
Adhikarana mUtrakRucchrahetutvenoktayorashmarIsharkarayoH samAnatA~avAntarabhedashca (9-12) · Śloka 12
অশ্মরী শর্করা চৈব তুল্যসম্ভবলক্ষণে |
বিশেষণং শর্করাযাঃ শৃণু কীর্তযতো মম ||৯||
পচ্যমানাঽশ্মরী পিত্তাচ্ছোষ্যমাণা চ বাযুনা |
বিমুক্তকফসন্ধানা ক্ষরন্তী শর্করা মতা ||১০||
হৃত্পীডা বেপথুঃ শূলং কুক্ষাবগ্নিশ্চ দুর্বলঃ |
তযা ভবতি মূর্ছা চ মূত্রকৃচ্ছ্রং চ দারুণম্ ||১১||
মূত্রবেগনিরস্তাভিঃ প্রশমং যাতি বেদনা |
যাবদস্যাঃ পুনর্নৈতি গুডিকা স্রোতসো মুখম্ ||১২||
(সু. উ. তং. অ. ৫৯) |
View original
अश्मरी शर्करा चैव तुल्यसम्भवलक्षणे |
विशेषणं शर्करायाः शृणु कीर्तयतो मम ||९||
पच्यमानाऽश्मरी पित्ताच्छोष्यमाणा च वायुना |
विमुक्तकफसन्धाना क्षरन्ती शर्करा मता ||१०||
हृत्पीडा वेपथुः शूलं कुक्षावग्निश्च दुर्बलः |
तया भवति मूर्छा च मूत्रकृच्छ्रं च दारुणम् ||११||
मूत्रवेगनिरस्ताभिः प्रशमं याति वेदना |
यावदस्याः पुनर्नैति गुडिका स्रोतसो मुखम् ||१२||
(सु. उ. तं. अ. ५९) |
মূত্রকৃচ্ছ্রহেতুত্বেনোক্তযোরশ্মরীশর্করযোঃ সমানতামবান্তরভেদং চাহ– অশ্মরীত্যাদি| অশ্মরী শর্করা চৈবেত্যনন্তরং ‘এতে’ ইত্যধ্যাহার্য ‘তুল্যসম্ভবলক্ষণে’ ইত্যনেন দ্বিবচনান্তেন সম্বন্ধনীযং, যথা– “তযোর্জগৃহতুঃ পাদান্ রাজা রাজ্ঞী চ মাগধী|” ইত্যাদিবত্| তুল্যঃ সম্ভব উত্পত্তিকারণং লক্ষণং চ যযোস্তে তথা, “তুল্যে সম্ভবলক্ষণৈঃ” ইতি পাঠান্তরে তুল্যে সদৃশে, কৈরিত্যত উক্তম্– সম্ভবলক্ষণৈরিতি; ‘তুল্যা সম্ভবলক্ষণৈঃ’ ইতি পাঠান্তরে স এবার্থঃ| বিশেষণং বিশেষঃ| তমেব বিবৃণোতি– পচ্যমানেত্যাদি| কফসন্ধানং কফেনাবযবসংশ্লেষঃ; কফ এব বা সন্ধানং কফসন্ধানং, সন্ধীযতেঽনেনেতি ব্যুত্পত্ত্যা| তেন পিত্তপাকবাতশোষৌ সন্ধানবিমোক্ষহেতুত্বেনোক্তৌ| ক্ষরন্তীতি বস্তিতঃ| চরকে হি– “স্যাচ্ছর্করা মূত্রপথাত্ ক্ষরন্তী|” (চ. চি. অ. ২৬) ইত্যেবং পঠিতম্| কুক্ষৌ শূলমিতি সম্বন্ধঃ| তযা শর্করযা ইতি||৯-১২||
Adhikarana puShpikA · Śloka 30
ইতি শ্রীমাধবকরবিরচিতে মাধবনিদানে মূত্রকৃচ্ছ্রনিদানং সমাপ্তম্ ||৩০||
View original
इति श्रीमाधवकरविरचिते माधवनिदाने मूत्रकृच्छ्रनिदानं समाप्तम् ||३०||
ইতি শ্রীবিজযরক্ষিতকৃতাযাং মধুকোশব্যাখ্যাযাং মূত্রকৃচ্ছ্রনিদানং সমাপ্তম্||৩০||