Adhikarana madAtyayanidAnam (1) · Śloka 1
অথ পানাত্যয-পরমদ-পানাজীর্ণ-পানবিভ্রমনিদানম্ |
যে বিষস্য গুণাঃ প্রোক্তাস্তেঽপি মদ্যে প্রতিষ্ঠিতাঃ |
তেন মিথ্যোপযুক্তেন ভবত্যুগ্রো মদাত্যযঃ ||১||
View original
अथ पानात्यय-परमद-पानाजीर्ण-पानविभ्रमनिदानम् |
ये विषस्य गुणाः प्रोक्तास्तेऽपि मद्ये प्रतिष्ठिताः |
तेन मिथ्योपयुक्तेन भवत्युग्रो मदात्ययः ||१||
‘মূর্ছা মদ্যেন চ বিষেণ চ’ ইতি বচনান্মূর্ছানন্তরং মদ্যবিকারান্ মদাত্যযাদীনাহ| ননু, কথং মদ্যং মোহযতীত্যাহ– যে বিষস্যেত্যাদি| তে চ বিষগুণা মূর্ছাধ্যাযে নিদর্শিতাঃ| মিথ্যোপযুক্তেনেতি অযথাবিধিপীতেন, বিধিশ্চাযং, তদ্যথা– কুসুমিতলতোপগূঢৈঃ প্ররূঢনিরন্তরনবাঙ্কুরনিকররোমাঞ্চৈর্মধুকরমধুরঝঙ্কারসীত্কারৈর্মুক্তকণ্ঠকলকণ্ঠকূজিতৈর্দক্ষিণসমীরণসমুল্লসিতপল্লবকরপ্রচারৈঃ তরুণতরুভিঃ উপক্রান্তলতাভিরতিশোভনেষু তুষারকরকিরণরাজিপরাজিতাশেষতাপদোষেষু প্রদেশেষু শৃঙ্গাররসসমুচিতালঙ্কৃতিকমনীযকামিনীসেবিতং ললিতললনোপনীযমানং সুরভিরুচিররূপরসোপদংশং কং নাম পরিমিতং পরার্ধমধুপানং ন সুখযতি? চরকে তু বিস্তরেণৈতদুক্তম্||১||
Adhikarana madyasvabhAvaH (2-3) · Śloka 3
কিন্তু মদ্যং স্বভাবেন যথৈবান্নং তথা স্মৃতম্ |
অযুক্তিযুক্তং রোগায যুক্তিযুক্তং যথাঽমৃতম্ ||২||
প্রাণাঃ প্রাণভৃতামন্নং তদযুক্ত্যা হিনস্ত্যসূন্ |
বিষং প্রাণহরং তচ্চ যুক্তিযুক্তং রসাযনম্ ||৩||
(চ. চি. অ. ২৪) |
View original
किन्तु मद्यं स्वभावेन यथैवान्नं तथा स्मृतम् |
अयुक्तियुक्तं रोगाय युक्तियुक्तं यथाऽमृतम् ||२||
प्राणाः प्राणभृतामन्नं तदयुक्त्या हिनस्त्यसून् |
विषं प्राणहरं तच्च युक्तियुक्तं रसायनम् ||३||
(च. चि. अ. २४) |
ননু, বিষস্য যে গুণাস্তে চেন্মদ্যেঽপি সন্তি, তর্হি বিষবন্মদ্যমনুপযোজ্যং প্রসজ্যেত? অত আহ– কিন্ত্বিত্যাদি| যথৈবান্নমিতি দেহধারকস্বভাবং, তদেবাযুক্তিযুক্তমবিধিযুক্তং রোগায; তস্মাদহিতমপি বিশিষ্টবিধিনোপযুক্তং হিতং, হিতমপ্যবিধিনোপযুক্তমনর্থায ভবতীতি| অত্রৈব দৃষ্টান্তমাহ– প্রাণা ইত্যাদি| তদযুক্ত্যেতি অতিমাত্রত্বাদিনা বিসূচ্যাদিকং কৃত্বা মারযতীত্যর্থঃ| যুক্তিযুক্তমিতি যথা চরকরসাযনপ্রযোগে উক্তম্– “দ্বৌ যবাবত্র হেম্নস্তু তিলং দদ্যাদ্বিষস্য চ|” (চ. চি. অ. ১) ইতি| অত্র তিলমিতি তিলপ্রমাণম্||২-৩||
Adhikarana vidhinopayuktamadyaphalam (4-6) · Śloka 6
বিধিনা মাত্রযা কালে হিতৈরন্নৈর্যথাবলম্ |
প্রহৃষ্টো যঃ পিবেন্মদ্যং তস্য স্যাদমৃতোপমম্ ||৪||
(চ. চি. অ. ২৪) |
স্নিগ্ধৈস্তদন্নৈর্মাংসৈশ্চ ভক্ষ্যৈশ্চ সহ সেবিতম্ |
ভবেদাযুঃপ্রকর্ষায বলাযোপচযায চ ||৫||
কাম্যতা মনসস্তুষ্টিস্তেজো বিক্রম এব চ |
বিধিবত্সেব্যমানে তু মদ্যে সন্নিহিতা গুণাঃ ||৬||
(সু. উ. তং. অ. ৪৭) |
View original
विधिना मात्रया काले हितैरन्नैर्यथाबलम् |
प्रहृष्टो यः पिबेन्मद्यं तस्य स्यादमृतोपमम् ||४||
(च. चि. अ. २४) |
स्निग्धैस्तदन्नैर्मांसैश्च भक्ष्यैश्च सह सेवितम् |
भवेदायुःप्रकर्षाय बलायोपचयाय च ||५||
काम्यता मनसस्तुष्टिस्तेजो विक्रम एव च |
विधिवत्सेव्यमाने तु मद्ये सन्निहिता गुणाः ||६||
(सु. उ. तं. अ. ४७) |
বিধিনোপযুক্তস্য ফলমাহ– বিধিনেত্যাদি| কাল ইতি নিত্যগে চাবস্থিকে চ; তদ্যথা– গ্রীষ্মে শীতমধুরং মাধ্বীকাদি, শীতে উষ্ণতীক্ষ্ণং গৌডিকপৈষ্টিকাদি; তথা বাতে স্নিগ্ধাদি; এবং বযস্যুদাহার্যম্| হিতৈরন্নৈরিতি বক্ষ্যমাণস্নিগ্ধাদিভির্মদ্যবিপরীতগুণৈঃ| স্নিগ্ধৈরিত্যুপলক্ষণং, তেনান্যৈরপি মদ্যবিপরীতগুণৈরিতি বোদ্ধব্যম্| যদুক্তং সুশ্রুতেন “মদ্যমম্লং তথা তীক্ষ্ণং সূক্ষ্মং বিশদমেব চ| রূক্ষমাশুকরং চৈব ব্যবাযি চ বিকাশি চ||” (সু. উ. তং. অ. ৪৭) ইতি| অম্লরসত্বং চাস্যোদ্ভূতরসত্বেনোক্তং; যদুক্তমন্যত্র– “সর্বেষামম্লজাতীনাং মদ্যং মূর্ধ্নি ব্যবস্থিতম্||” ইতি| মূর্ধ্নি ব্যবস্থিতমুত্কৃষ্টম্| অন্যেঽপ্যত্র রসাঃ সন্তি| যদাহ ভোজঃ– “মৈরেযং মদিরা সীধু চতুর্থং মধু চোচ্যতে| একৈকং ষড্রসং তত্র রসতো মদ্যমীরিতম্||” ইতি| অন্নভক্ষ্যশব্দযোরুপাদানেন প্রাযো লেহ্যং দ্রবান্তরপানং চ মদ্যপানোচিতং ন ভবতীতি দর্শযতি| অন্নভক্ষ্যাভ্যাং লব্ধেঽপি মাংসে মাংসগ্রহণং বিশেষেণ হিতত্বোপদর্শনার্থম্| বলং শক্তিঃ, উপচযঃ স্থৌল্যম্| অপরমপি বিধিসেবাগুণমাহ– কাম্যতেত্যাদি| কাম্যতা কমনীযমূর্তিতা, মনসস্তুষ্টিঃ সন্তোষঃ| অথবা কাম্যতা মনস ইতি কমনীযবস্তুনি মনোবৃত্তিঃ, তুষ্টিশ্চ মনস এবেতি যোজ্যম্| তেজ উত্সাহঃ| বিক্রমঃ পরাভিভবার্থং বলবতী শরীরচেষ্টা||৪-৬||
Adhikarana prathamamadalakShaNam (7) · Śloka 7
বুদ্ধিস্মৃতিপ্রীতিকরঃ সুখশ্চ পানান্ননিদ্রারতিবর্ধনশ্চ |
সম্পাঠগীতস্বরবর্ধনশ্চ প্রোক্তোঽতিরম্যঃ প্রথমো মদো হি ||৭||
View original
बुद्धिस्मृतिप्रीतिकरः सुखश्च पानान्ननिद्रारतिवर्धनश्च |
सम्पाठगीतस्वरवर्धनश्च प्रोक्तोऽतिरम्यः प्रथमो मदो हि ||७||
উক্তবিধিবিপর্যযেণ সেব্যমানং মদ্যং মদাত্যযায সম্পদ্যতে; স চ ত্রিবিধো ভবতি– পূর্বো, মধ্যমোঽন্তিমশ্চেতি; তেষাং ক্রমেণলক্ষণমাহ– বুদ্ধীত্যাদি| বুদ্ধিরনুভবঃ, স্মৃতিরনুভূতার্থানুসন্ধানম্| পানান্ননিদ্রারতিবর্ধনশ্চেতি পানাদিষু রতিরনুরাগস্তদ্বর্ধনঃ| সম্পাঠঃ সম্যক্ পাঠঃ| গযদাসস্তু ‘সম্পাঠ্য’ ইতি পঠিত্বা গীতনৃত্যবাদ্যানি মিলিতানি সম্পাঠ্যমুচ্যতে, গীতং তু কেবলমেবেতি ব্যাচষ্টে| স্বরো ধ্বনিঃ| প্রোক্তোঽতিরম্য ইতি| ননু মনোবিকারকারিত্বাত্ কথমস্যাতিরম্যতা? উচ্যতে– মনোবিকারকারিত্বেঽপি তদাত্বেন ন দুঃখাবহত্বাত্ অত এব সুশ্রুতেন মানসবিকারেষু হর্ষঃ পঠিতঃ||৭||
Adhikarana dvitIyamadalakShaNam (8) · Śloka 8
অব্যক্তবুদ্ধিস্মৃতিবাগ্বিচেষ্টঃ সোন্মত্তলীলাকৃতিরপ্রশান্তঃ |
আলস্যনিদ্রাভিহতো মুহুশ্চ মধ্যেন মত্তঃ পুরুষো মদেন ||৮||
View original
अव्यक्तबुद्धिस्मृतिवाग्विचेष्टः सोन्मत्तलीलाकृतिरप्रशान्तः |
आलस्यनिद्राभिहतो मुहुश्च मध्येन मत्तः पुरुषो मदेन ||८||
দ্বিতীযমদমাহ– অব্যক্তেত্যাদি| বিচেষ্টো বিরুদ্ধচেষ্টঃ| উন্মত্তস্য লীলাকৃতিভ্যাং সহ বর্ততে ইতি সোন্মত্তলীলাকৃতিঃ; উন্মত্তপ্রায ইত্যর্থঃ| অপ্রশান্তঃ প্রচণ্ডঃ||৮||
Adhikarana tRutIyamadalakShaNam (9) · Śloka 9
গচ্ছেদগম্যান্ন গুরূংশ্চ মন্যেত্ খাদেদভক্ষ্যাণি চ নষ্টসঞ্জ্ঞঃ |
ব্রূযাচ্চ গুহ্যানি হৃদি স্থিতানি মদে তৃতীযে পুরুষোঽস্বতন্ত্রঃ ||৯||
View original
गच्छेदगम्यान्न गुरूंश्च मन्येत् खादेदभक्ष्याणि च नष्टसञ्ज्ञः |
ब्रूयाच्च गुह्यानि हृदि स्थितानि मदे तृतीये पुरुषोऽस्वतन्त्रः ||९||
তৃতীযমদমাহ– গচ্ছেদিত্যাদি| ননু চরকে দ্বিতীযতৃতীযযোর্মধ্যে মদান্তরং পঠিতং, যদাহ– “মধ্যমং মদমুত্ক্রম্য মদমপ্রাপ্য চোত্তমম্| ন কিঞ্চিদশুভং কুর্যুর্নরা রাজসতামসাঃ|| কো মদং তাদৃশং গচ্ছেদুন্মাদমিব চাপরম্|” (চ. চি. অ. ২৪) ইতি; তত্ কুতোঽত্র ন পঠিতম্? উচ্যতে– দ্বিতীযমদান্তে তৃতীযমদস্য পূর্বাবস্থৈবাতিনিন্দনীযা, সুতরাং তৃতীযো মদ ইতি প্রতিপাদনার্থং তত্পঠিতং, ন তু তযোঃ পরমার্থতোঽন্তরালে পৃথঙ্মদান্তরমস্তি, যথা– “কুম্ভমীনর্ক্ষযোর্মধ্যে যদা চরতি চন্দ্রমাঃ| নাহরেত্তৃণকাষ্ঠানি ন গচ্ছেদ্দক্ষিণাং দিশম্||” ইতি| অত্র হি কুম্ভস্য শেষাংশো মীনস্য প্রথমাংশ এতদ্দ্বযং মধ্যশব্দেনোচ্যতে ইত্যাহুঃ জেজ্জটাদযঃ, হরিচন্দ্রব্যাখ্যানং তু বিস্তরত্বান্ন লিখিতম্| অগম্যান্ গুরুদারাদীন্ দুষ্টযানাদীংশ্চ| নষ্টসঞ্জ্ঞ ইতি সঞ্জ্ঞা নামোল্লেখেন জ্ঞানং, তন্নষ্টং যস্য স তথা| গুহ্যানি গোপ্যানি| অস্বতন্ত্রো মদপরবশঃ||৯||
Adhikarana caturthamadalakShaNam (10-11) · Śloka 11
চতুর্থে তু মদে মূঢো ভগ্নদার্বিব নিষ্ক্রিযঃ |
কার্যাকার্যবিভাগজ্ঞো মৃতাদপ্যপরো মৃতঃ ||১০||
কো মদং তাদৃশং গচ্ছেদুন্মাদমিব চাপরম্ |
বহুদোষমিবামূঢঃ কান্তারং স্ববশঃ কৃতী ||১১||
View original
चतुर्थे तु मदे मूढो भग्नदार्विव निष्क्रियः |
कार्याकार्यविभागज्ञो मृतादप्यपरो मृतः ||१०||
को मदं तादृशं गच्छेदुन्मादमिव चापरम् |
बहुदोषमिवामूढः कान्तारं स्ववशः कृती ||११||
চতুর্থমদমাহ– চতুর্থে ত্বিত্যাদি| কার্যাকার্যবিভাগজ্ঞঃ কার্যমকার্যমিতি বুদ্ধ্যা জানাতি| ‘কার্যাকার্যবিভাগজ্ঞঃ’ ইতি পাঠে কার্যাকার্যবিভাগযোরজ্ঞ ইত্যর্থঃ| মৃতাদপ্যপরো মৃত ইতি মৃতমপেক্ষ্যাপরোঽযং মৃত ইব, অত্যন্তাজ্ঞানসাধর্ম্যাত্| ‘অবরঃ’ ইতি পাঠান্তরে মৃতাদপ্যধম ইত্যর্থঃ, তথাবিধাবস্থাযাঃ স্বযং কৃতত্বাত্| ক ইত্যাদি| কঃ কৃতী কুশলঃ, সুকৃতী বা, কৃতকৃত্যো বা; স্ববশোঽপরাধীনঃ, তাদৃশমুক্তপ্রকারেণ নিন্দিতং মদং গচ্ছেত্ প্রাপ্নুযাত্; ন কশ্চিদেবংবিধং প্রাপ্নুযাদিত্যর্থঃ| কমিবেত্যাহ– বহুদোষমিবামূঢঃ কান্তারমিতি বহুদোষং হিংস্রাদিযুক্তং, কান্তারং দূরশূন্যমধ্বনম্| যদুক্তং চরকে– “গচ্ছেদধ্বানমস্বন্তং বহুদোষমিবাঽধ্বগঃ|” (চ. চি. অ. ২৪) ইতি; এবং বিদেহেঽপি পঠিতমিতি| অত্রাস্বন্তমশোভমানমনিষ্টফলত্বেন| ননু, চরকবিদেহবাগ্ভটাদিভিশ্চতুর্থো মদো ন পঠিতস্তত্কথং সুশ্রুতেন পঠিতঃ? উচ্যতে– চরকে যা দ্বিতীযতৃতীযযোরন্তরালাবস্থা পঠিতা, সৈব সুশ্রুতেন তৃতীযো মদ ইতি কৃত্বা পঠিতঃ, যস্তু চরকে তৃতীযঃ স চ সুশ্রুতে চতুর্থঃ পঠিত ইত্যাবিরোধঃ| বস্তুগত্যা তু ত্রয এব মদা ইত্যুপপাদিতম্| ননু, কিঙ্কারণমেতত্ত্রৈবিধ্যমিতি চেত্? উচ্যতে– মদ্যং হি বহ্নিতুল্যং, যথা হ্যগ্নিঃ সুবর্ণানামুত্তমমধ্যমাধমানামভিব্যঞ্জকস্তথা মদ্যমপি প্রাণিনাং সত্ত্বরজস্তমোভূযিষ্ঠানাং ক্রমেণাভিব্যঞ্জকমিতি| তথাহি চরকঃ– “প্রধানাধমমধ্যানাং রুক্মাণাং ব্যক্তিদর্শকঃ| যথাঽগ্নিরেবং সত্বাদ্যৈর্মদ্যং প্রকৃতিদর্শকম্| তস্মাত্ প্রথমদ্বিতীযতৃতীযমদাঃ সত্ত্বরজস্তমোভূযিষ্ঠানাং ক্রমেণ ভবন্তীত্যর্থঃ||১০-১১||
Adhikarana avidhikRutamadyapAnasya vikArAntarahetutvam (12) · Śloka 12
নির্ভক্তমেকান্তত এব মদ্যং নিষেব্যমাণং মনুজেন নিত্যম্ |
আপাদযেত্কষ্টতমান্বিকারানাপাদযেচ্চাপি শরীরভেদম্ ||১২||
(স. উ. অ. ৪৭) |
View original
निर्भक्तमेकान्तत एव मद्यं निषेव्यमाणं मनुजेन नित्यम् |
आपादयेत्कष्टतमान्विकारानापादयेच्चापि शरीरभेदम् ||१२||
(स. उ. अ. ४७) |
অবিধিমদ্যপানস্য বিকারান্তরহেতুত্বমাহ– নির্ভক্তমিত্যাদি| ননু, অযমর্থঃ স্নিগ্ধৈস্তদন্নৈরিত্যাদিনা যদুক্তং তদ্বিপর্যযেণৈব লব্ধঃ, তত্কথং পুনরুচ্যতে? নৈবং, পূর্বং মদ্যপানগুণাভিধানার্থমুক্তম্, ইদং তু কৃচ্ছ্রতমব্যাধিকর্তৃত্বাভিধানার্থমিতি ভেদঃ| যত্পরঃ শব্দঃ স শব্দার্থ ইত্যভিপ্রাযঃ| কষ্টতমান্ বিকারানিতি বক্ষ্যমাণপানাত্যযাদীন্| ভেদং বিনাশং শরীরস্য||১২||
Adhikarana annasahitasyApi madyasya kruddhatvAdikAraNasahitasya vikArakAritvapradarshanam (13-14) · Śloka 14
ক্রুদ্ধেন ভীতেন পিপাসিতেন শোকাভিতপ্তেন বুভুক্ষিতেন |
ব্যাযামভারাধ্বপরিক্ষতেন বেগাবরোধাভিহতেন চাপি ||১৩||
অত্যম্বুভক্ষাবততোদরেণ সাজীর্ণভুক্তেন তথাঽবলেন |
উষ্ণাভিতপ্তেন চ সেব্যমানং করোতি মদ্যং বিবিধান্বিকারান্ ||১৪||
(সু. উ. তং. অ. ৪৭) |
View original
क्रुद्धेन भीतेन पिपासितेन शोकाभितप्तेन बुभुक्षितेन |
व्यायामभाराध्वपरिक्षतेन वेगावरोधाभिहतेन चापि ||१३||
अत्यम्बुभक्षावततोदरेण साजीर्णभुक्तेन तथाऽबलेन |
उष्णाभितप्तेन च सेव्यमानं करोति मद्यं विविधान्विकारान् ||१४||
(सु. उ. तं. अ. ४७) |
অন্নসহিতস্যাপি মদ্যস্য ক্রুদ্ধত্বাদিকারণসহিতস্য বিকারকারিত্বপ্রদর্শনার্থমাহ– ক্রুদ্ধেনেত্যাদি| পরিক্ষতেন ক্ষীণেন| অবততং ব্যাপ্তম্| বিবিধান্ বিকারান্ পানাত্যযাদীনিতি||১৩-১৪||
Adhikarana madyotthavikArabhedAH (15) · Śloka 15
পানাত্যযং পরমদং পানাজীর্ণমথাপি বা |
পানবিভ্রমমুগ্রং চ তেষাং বক্ষ্যামি লক্ষণম্ ||১৫||
(সু. উ. তং. অ. ৪৭) |
View original
पानात्ययं परमदं पानाजीर्णमथापि वा |
पानविभ्रममुग्रं च तेषां वक्ष्यामि लक्षणम् ||१५||
(सु. उ. तं. अ. ४७) |
তানেব বিবৃণোতি– পানাত্যযমিত্যাদি| ননু, অযমর্থঃ ‘আপাদযেত্ কষ্টতমান্ বিকারান্’ ইত্যনেনৈবোক্তত্বাত্ কথং পুনরুক্তঃ? উচ্যতে– পূর্বেণ কষ্টতমবিকারকারিত্বমুক্তম্, অনেন তু নানাবিধবিকারকারিত্বমিতি ভেদঃ||১৫||
Adhikarana vAtika-paittika-shlaiShmikamadAtyayalakShaNam (16-18) · Śloka 18
হিক্কাশ্বাসশিরঃকম্পপার্শ্বশূলপ্রজাগরৈঃ |
বিদ্যাদ্বহুপ্রলাপস্য বাতপ্রাযং মদাত্যযম্ ||১৬||
তৃষ্ণাদাহজ্বরস্বেদমোহাতীসারবিভ্রমৈঃ |
বিদ্যাদ্ধরিতবর্ণস্য পিত্তপ্রাযং মদাত্যযম্ ||১৭||
ছর্দ্যরোচকহৃল্লাসতন্দ্রাস্তৈমিত্যগৌরবৈঃ |
বিদ্যাচ্ছীতপরীতস্য কফপ্রাযং মদাত্যযম্ |
জ্ঞেযস্ত্রিদোষজশ্চাপি সর্বলিঙ্গৈর্মদাত্যযঃ ||১৮||
(চ. চি. অ. ২৪) |
View original
हिक्काश्वासशिरःकम्पपार्श्वशूलप्रजागरैः |
विद्याद्बहुप्रलापस्य वातप्रायं मदात्ययम् ||१६||
तृष्णादाहज्वरस्वेदमोहातीसारविभ्रमैः |
विद्याद्धरितवर्णस्य पित्तप्रायं मदात्ययम् ||१७||
छर्द्यरोचकहृल्लासतन्द्रास्तैमित्यगौरवैः |
विद्याच्छीतपरीतस्य कफप्रायं मदात्ययम् |
ज्ञेयस्त्रिदोषजश्चापि सर्वलिङ्गैर्मदात्ययः ||१८||
(च. चि. अ. २४) |
তেষামুদ্দিষ্টানাং লক্ষণমাহ– হিক্কেত্যাদি| প্রজাগরো নিদ্রাবিচ্ছেদঃ| বাতপ্রাযমিত্যনেন সর্বে বাতাদিপ্রাযা মদাত্যযাস্ত্রিদোষজাঃ, উদ্ভূতত্বেন ব্যপদেশ ইতি চরকে দর্শিতম্| যদাহ– “যে বিষস্য গুণাঃ প্রোক্তাঃ সর্বদোষপ্রকোপণাঃ|” ইত্যারভ্য যাবত্ “সর্বং মদাত্যযং বিদ্যাত্ত্রিদোষং” (চ. চি. অ. ২৪) ইতি| এবং চরকসংবাদাত্ সুশ্রুতেঽপি বোধ্যম্| বিভ্রমো ভ্রমঃ| হরিতবর্ণস্যেত্যনেন হরিতবর্ণতাঽপি লক্ষণম্||১৬-১৮||
Adhikarana paramadalakShaNam (19) · Śloka 19
শ্লেষ্মোচ্ছ্রযোঽঙ্গগুরুতা বিরসাস্যতা চ বিণ্মূত্রসক্তিরথ তন্দ্রিররোচকশ্চ |
লিঙ্গং পরস্য চ মদস্য বদন্তি তজ্জ্ঞাস্তৃষ্ণা রুজা শিরসি সন্ধিষু চাপি ভেদঃ ||১৯||
(সু. উ. তং. অ. ৪৭) |
View original
श्लेष्मोच्छ्रयोऽङ्गगुरुता विरसास्यता च विण्मूत्रसक्तिरथ तन्द्रिररोचकश्च |
लिङ्गं परस्य च मदस्य वदन्ति तज्ज्ञास्तृष्णा रुजा शिरसि सन्धिषु चापि भेदः ||१९||
(सु. उ. तं. अ. ४७) |
পরমদমাহ– শ্লেষ্মোচ্ছ্রয ইত্যাদি| শ্লেষ্মোচ্ছ্রযশ্চাত্র নাসাস্রাবাদিনা জ্ঞেযঃ| সক্তিঃ সঙ্গঃ, অপ্রবৃত্তিরিতি যাবত্| তন্দ্রিস্তন্দ্রা| পরস্য মদস্যেতি পরমদস্য; ছন্দোঽনুরোধাদসমাসনির্দেশঃ||১৯||
Adhikarana pAnAjIrNalakShaNam (20) · Śloka 20
আধ্মানমুগ্রমথ চোদ্গিরণং বিদাহঃ পানেঽজরাং সমুপগচ্ছতি লক্ষণানি |২০|
(সু. উ. তং. অ. ৪৭) |
View original
आध्मानमुग्रमथ चोद्गिरणं विदाहः पानेऽजरां समुपगच्छति लक्षणानि |२०|
(सु. उ. तं. अ. ४७) |
পানাজীর্ণমাহ– আধ্মানমিত্যাদি| উদ্গিরণং বান্তিঃ, উদ্গারো বা| পানে মদ্যে, অজরাম্ অজীর্ণমুপগচ্ছতি অপক্বত্বমুপগচ্ছতীতি পানাজীর্ণবিকার ইত্যর্থঃ|২০|–
Adhikarana pAnavibhramalakShaNam (20) · Śloka 20
হৃদ্গাত্রতোদকফসংস্রবকণ্ঠধূমা মূর্ছাবমিজ্বরশিরোরুজনপ্রদাহাঃ ||২০||
দ্বেষঃ সুরান্নবিকৃতেষ্বপি তেষু তেষু তং পানবিভ্রমমুশন্ত্যখিলেন ধীরাঃ |
(সু. উ. তং. অ. ৪৭) |
View original
हृद्गात्रतोदकफसंस्रवकण्ठधूमा मूर्छावमिज्वरशिरोरुजनप्रदाहाः ||२०||
द्वेषः सुरान्नविकृतेष्वपि तेषु तेषु तं पानविभ्रममुशन्त्यखिलेन धीराः |
(सु. उ. तं. अ. ४७) |
পানবিভ্রমমাহ– হৃদিত্যাদি| কণ্ঠধূমঃ কণ্ঠাদ্ধূমনির্গমবত্পীডা| শিরোরুজনং শিরঃশূলম্| সুরান্নবিকৃতেষ্বিতি সুরাবিকৃতেষু অন্নবিকৃতেষু চ; ভাবে ক্তঃ| তেষু তেষ্বিতি নানাবিকারেষু সুরামৈরেযপিষ্টকলড্ডুকাদিষু| উশন্তি ইচ্ছন্তি| এতে চ পরমদাদযস্ত্রযো ন চরকে পঠিতাঃ, সন্নিপাতজেঽন্তর্ভূতত্বাত্; সুশ্রুতেন তূক্তত্রিদোষজমদাত্যযাত্ পৃথগেতে পঠিতাঃ, বিকৃত্যা পূর্বলক্ষণবৈলক্ষণ্যাভিধানার্থমিত্যাহুঃ||২০||–
Adhikarana pAnAtyayAdInAmasAdhyalakShaNam (21) · Śloka 21
হীনোত্তরৌষ্ঠমতিশীতমমন্দদাহং তৈলপ্রভাস্যমপি পানহতং ত্যজেত্তু ||২১||
জিহ্বৌষ্ঠদন্তমসিতং ত্বথবাঽপি নীলং পীতে চ যস্য নযনে রুধিরপ্রভে বা |
(সু. উ. তং. অ. ৪৭) |
View original
हीनोत्तरौष्ठमतिशीतममन्ददाहं तैलप्रभास्यमपि पानहतं त्यजेत्तु ||२१||
जिह्वौष्ठदन्तमसितं त्वथवाऽपि नीलं पीते च यस्य नयने रुधिरप्रभे वा |
(सु. उ. तं. अ. ४७) |
অসাধ্যলক্ষণমাহ– হীনেত্যাদি| হীনোত্তরৌষ্ঠং প্রলম্বমানোপরিতনৌষ্ঠম্| অতিশীতং বহিঃ, অমন্দদাহমভ্যন্তরে| তৈলপ্রভাস্যং তৈলাক্তমুখমিব||২১||–
Adhikarana pAnAtyayAdInAmupadravAH (22) · Śloka 22
হিক্কাজ্বরৌ বমথুবেপথুপার্শ্বশূলাঃ কাসভ্রমাবপি চ পানহতং ভজন্তে ||২২||
(সু. উ. তং. অ. ৪৭) |
View original
हिक्काज्वरौ वमथुवेपथुपार्श्वशूलाः कासभ्रमावपि च पानहतं भजन्ते ||२२||
(सु. उ. तं. अ. ४७) |
উপদ্রবানাহ– হিক্কেত্যাদি| এতৈঃ কৃচ্ছ্রসাধ্যং ভবতি, ন ত্বসাধ্যম্; অসাধ্যলক্ষণেভ্যঃ পৃথক্পাঠাদিতি জেজ্জটঃ| ধ্বংসকবিক্ষেপকাখ্যৌ মদ্যবিকারৌ চরকে পৃথক্ পঠিতৌ; তদ্যথা– “বিচ্ছিন্নমদ্যঃ সহসা যোঽতিমদ্যং নিষেবতে| ধ্বংসো বিক্ষেপকশ্চৈব রোগস্তস্যোপজাযতে|| শ্লেষ্মপ্রসেকঃ কণ্ঠাস্যশোষঃ শব্দাসহিষ্ণুতা| তন্দ্রানিদ্রাভিযোগশ্চ জ্ঞেযং ধ্বংসকলক্ষণম্|| হৃত্কণ্ঠরোধঃ সম্মোহশ্ছর্দিরঙ্গরুজা জ্বরঃ| তৃষ্ণা কাসঃ শিরঃশূলমেতদ্বিক্ষেপলক্ষণম্||” (চ. চি. অ. ২৪) ইতি; তৌ চ সুশ্রুতেন “বিচ্ছিন্নমদ্যঃ সহসা যোঽতিমদ্যং নিষেবতে| তস্য পানাত্যযোদ্দিষ্টা বিকারাঃ সম্ভবন্তি হি||” (সু. উ. তং. অ. ৪৭) ইত্যনেন সঙ্গৃহীতৌ বোদ্ধব্যৌ| ন বা চিকিত্সাভেদস্তযোরুক্তঃ; যতশ্চরক এবোক্তবান্– “তযোঃ কর্ম চিকিত্সা চ বাতিকে যন্মদাত্যযে|” (চ. চি. অ. ২৪) ইতি||২২||
Adhikarana puShpikA · Śloka 18
ইতি শ্রীমাধবকরবিরচিতে মাধবনিদানে পানাত্যযপরমদপানাজীর্ণপানবিভ্রমনিদানং সমাপ্তম্ ||১৮||
View original
इति श्रीमाधवकरविरचिते माधवनिदाने पानात्ययपरमदपानाजीर्णपानविभ्रमनिदानं समाप्तम् ||१८||
ইতি শ্রীবিজযরক্ষিতকৃতাযাং মধুকোশব্যাখ্যাযাং পানাত্যযপরমদপানাজীর্ণপানবিভ্রমনিদানং সমাপ্তম্||১৮||