Adhikarana pANDurogabhedAH (1) · Śloka 1
অথ পাণ্ডুরোগকামলাকুম্ভকামলাহলীমকনিদানম্ |
পাণ্ডুরোগাঃ স্মৃতাঃ পঞ্চ বাতপিত্তকফৈস্ত্রযঃ |
চতুর্থঃ সন্নিপাতেন পঞ্চমো ভক্ষণান্মৃদঃ ||১||
(চ. চি. অ. ১৬) |
View original
अथ पाण्डुरोगकामलाकुम्भकामलाहलीमकनिदानम् |
पाण्डुरोगाः स्मृताः पञ्च वातपित्तकफैस्त्रयः |
चतुर्थः सन्निपातेन पञ्चमो भक्षणान्मृदः ||१||
(च. चि. अ. १६) |
পুরীষজাঃ ক্রিমযঃ সূক্ষ্মাঃ পাণ্ডুতাং জনযন্তি, অতঃ ক্রিমেরনন্তরং পাণ্ডুরোগমাহ– পাণ্ডুরোগা ইত্যাদি| পাণ্ডুত্বেনোপলক্ষিতো রোগঃ পাণ্ডুরোগঃ| চরকে অষ্টোদরীযাধ্যাযে “পঞ্চ পাণ্ডুরোগাঃ” (চ. সূ. অ. ১৯)ইত্যভিধাযাপি “পাণ্ডুরোগাঃ স্মৃতাঃ পঞ্চ” (চ. চি. অ. ১৬) ইতি যদেতত্পুনশ্চরকবচনং তত্ “পঞ্চানামপি সাধ্যত্বং বোধযতি, নতু পঞ্চোন্মাদেষ্বিব সান্নিপাতিকস্যাসাধ্যত্বমিতি” জেজ্জটঃ; “ন্যূনসঙ্খ্যাব্যবচ্ছেদার্থমিতি” চক্রঃ| ননু, সুশ্রুতে হি মৃত্তিকাজো ন পঠিতঃ; মৃত্তিকাঽপি দোষপ্রকোপদ্বারেণৈব পাণ্ডুরোগং জনযতীতি; যদুক্তম্– “কষাযা মারুতং, পিত্তমূষরা, মধুরা কফম্|” (চ. চি. অ. ১৬) ইতি; নিদানভেদাচ্চ রোগভেদে রোগানন্ত্যপ্রসঙ্গঃ, বাতজস্যাপি রূক্ষশীতাদ্যনেকবাতনিদানকুপিতবাতজন্যত্বাত্| উচ্যতে– দোষজত্বাবিশেষেঽপি বিশিষ্টরূপচিকিত্সাপ্রতিপাদনার্থং পৃথগভিধানং, মূত্রান্ত্রবৃদ্ধিবত্; সুশ্রুতেন তু পরাধিকারেষু ন বিস্তরোক্তিরিত্যভিপ্রাযেণ ন পৃথক্কৃতঃ| চিকিত্সা তু দোষচিকিত্সযাঽপি ভবতীতি||১||
Adhikarana pANDurogasamprAptiH (2) · Śloka 2
ব্যাযামমম্লং লবণানি মদ্যং মৃদং দিবাস্বপ্নমতীব তীক্ষ্ণম্ |
নিষেবমাণস্য প্রদূষ্য রক্তং দোষাস্ত্বচং পাণ্ডুরতাং নযন্তি ||২||
(সু. উ. তং. অ. ৪৪) |
View original
व्यायाममम्लं लवणानि मद्यं मृदं दिवास्वप्नमतीव तीक्ष्णम् |
निषेवमाणस्य प्रदूष्य रक्तं दोषास्त्वचं पाण्डुरतां नयन्ति ||२||
(सु. उ. तं. अ. ४४) |
সম্প্রাপ্তিমাহ– ব্যাযামমিত্যাদি| রক্তমিত্যুপলক্ষণং, তেন ‘ত্বঙ্মাংসমপি’ দূষ্যত্বেন দৃঢবলেন পঠিতং, হারীতেন রসোঽপি, ইতি||২||
Adhikarana pANDurogapUrvarUpam (3) · Śloka 3
ত্বক্স্ফোটনষ্ঠীবনগাত্রসাদমৃদ্ভক্ষণপ্রেক্ষণকূটশোথাঃ |
বিণ্মূত্রপীতত্বমথাবিপাকো ভবিষ্যতস্তস্য পুরঃসরাণি ||৩||
(সু. উ. তং. অ. ৪৪) |
View original
त्वक्स्फोटनष्ठीवनगात्रसादमृद्भक्षणप्रेक्षणकूटशोथाः |
विण्मूत्रपीतत्वमथाविपाको भविष्यतस्तस्य पुरःसराणि ||३||
(सु. उ. तं. अ. ४४) |
পূর্বরূপমাহ– ত্বগিত্যাদি| ত্বক্স্ফোটনং ত্বচঃ কিঞ্চিদ্বিদারণম্| মৃদ্ভক্ষণং মৃদ্ভক্ষণেচ্ছা| প্রেক্ষণকূটশোথো অক্ষিগোলকে শোথঃ| অবিপাক আহারস্য| পুরঃসরাণি পূর্বরূপাণি||৩||
Adhikarana vAtikapANDurogalakShaNam (4) · Śloka 4
ত্বঙ্মূত্রনযনাদীনাং রূক্ষকৃষ্ণারুণাভতাঃ |
বাতপাণ্ড্বামযে তোদকম্পানাহভ্রমাদযঃ ||৪||
View original
त्वङ्मूत्रनयनादीनां रूक्षकृष्णारुणाभताः |
वातपाण्ड्वामये तोदकम्पानाहभ्रमादयः ||४||
বাতিকলক্ষণমাহ– ত্বগিত্যাদি| অত্র কৃষ্ণারুণাভতা ন পাণ্ডুতামতিক্রামতি, অন্যথা পাণ্ডুরোগত্বাভাবঃ| উক্তং চ সুশ্রুতে– “সর্বেষু চৈতেষ্বিহ পাণ্ডুভাবো যতোঽধিকোঽতঃ খুল পাণ্ডুরোগঃ|” (সু. উ. তং. অ. ৪৪) ইতি| ভ্রমাদয ইতি আদিশব্দেন ভেদশূলাদীনাং গ্রহণম্||৪||
Adhikarana paittikapANDurogalakShaNam (5) · Śloka 5
পীতমূত্রশকৃন্নেত্রো দাহতৃষ্ণাজ্বরান্বিতঃ |
ভিন্নবিট্কোঽতিপীতাভঃ পিত্তপাণ্ড্বামযী নরঃ ||৫||
View original
पीतमूत्रशकृन्नेत्रो दाहतृष्णाज्वरान्वितः |
भिन्नविट्कोऽतिपीताभः पित्तपाण्ड्वामयी नरः ||५||
পৈত্তিকলক্ষণমাহ– পীতেত্যাদি| ননু, পিত্তপাণ্ড্বামযীতি বক্তুং ন যুক্তং, পাণ্ডুরোগস্য পিত্তকার্যত্বাদেব| উচ্যতে– ইতরদোষাসংশ্লিষ্টপ্রবলপিত্তজন্যত্বেন পৈত্তিকাভিধানং, যথা– পৈত্তিকরক্তপিত্তমিতি||৫||
Adhikarana shlaiShmikapANDurogalakShaNam (6) · Śloka 6
কফপ্রসেকশ্বযথুতন্দ্রালস্যাতিগৌরবৈঃ |
পাণ্ডুরোগী কফাচ্ছুক্লৈস্ত্বঙ্মূত্রনযনাননৈঃ ||৬||
View original
कफप्रसेकश्वयथुतन्द्रालस्यातिगौरवैः |
पाण्डुरोगी कफाच्छुक्लैस्त्वङ्मूत्रनयनाननैः ||६||
শ্লৈষ্মিকলক্ষণমাহ– কফপ্রসেকেত্যাদি| কফাদ্যঃ পাণ্ডুরোগী স শুক্লৈস্ত্বঙ্মূত্রনযনাননৈরুপলক্ষিত ইতি যোজ্যম্||৬||
Adhikarana sAnnipAtikapANDurogalakShaNam (7) · Śloka 7
জ্বরারোচকহৃল্লাসচ্ছর্দিতৃষ্ণাক্লমান্বিতঃ |
পাণ্ডুরোগী ত্রিভির্দোষৈস্ত্যাজ্যঃ ক্ষীণো হতেন্দ্রিযঃ ||৭||
View original
ज्वरारोचकहृल्लासच्छर्दितृष्णाक्लमान्वितः |
पाण्डुरोगी त्रिभिर्दोषैस्त्याज्यः क्षीणो हतेन्द्रियः ||७||
সান্নিপাতিকস্তু প্রকৃতিসমসমবেতত্বেনৌক্তবাতজাদিলক্ষণৈরেব বোদ্ধব্যঃ| উক্তং হি চরকে– “সর্বান্নসেবিনঃ সর্বে দুষ্টা দোষাস্ত্রিদোষজম্| ত্রিলিঙ্গং সম্প্রকুর্বন্তি পাণ্ডুরোগং সুদুঃসহম্||” (চ. চি. অ. ১৬) ইতি| তস্যৈব সোপদ্রবস্যাসাধ্যত্বমাহ– জ্বরারোচকেত্যাদি| হতেন্দ্রিযঃ স্ববিষযাগ্রাহকেন্দ্রিযঃ||৭||
Adhikarana mRujjapANDurogasamprAptiH (8-10) · Śloka 10
মৃত্তিকাদনশীলস্য কুপ্যত্যন্যতমো মলঃ |
কষাযা মারুতং, পিত্তমূষরা, মধুরা কফম্ ||৮||
কোপযেন্মৃদ্রসাদীংশ্চ রৌক্ষ্যাদ্ভুক্তং চ রূক্ষযেত্ |
পূরযত্যবিপক্বৈব স্রোতাংসি নিরুণদ্ধ্যপি ||৯||
ইন্দ্রিযাণাং বলং হত্বা তেজো বীর্যৌজসী তথা |
পাণ্ডুরোগং করোত্যাশু বলবর্ণাগ্নিনাশনম্ ||১০||
(চ. চি. অ. ১৬) |
View original
मृत्तिकादनशीलस्य कुप्यत्यन्यतमो मलः |
कषाया मारुतं, पित्तमूषरा, मधुरा कफम् ||८||
कोपयेन्मृद्रसादींश्च रौक्ष्याद्भुक्तं च रूक्षयेत् |
पूरयत्यविपक्वैव स्रोतांसि निरुणद्ध्यपि ||९||
इन्द्रियाणां बलं हत्वा तेजो वीर्यौजसी तथा |
पाण्डुरोगं करोत्याशु बलवर्णाग्निनाशनम् ||१०||
(च. चि. अ. १६) |
মৃজ্জসম্প্রাপ্তিমাহ– মৃত্তিকেত্যাদি| অন্যতমো মলো বাতাদিঃ| ঊষরা সক্ষারা| রসাদীন্ রূক্ষযেত্, ভুক্তং চ রূক্ষযেদিতি যোজ্যম্| রৌক্ষ্যাত্ প্রাকৃতিকোদ্ভূতরৌক্ষ্যগুণাত্| অবিপক্বৈব কোষ্ঠধাত্বগ্নিভিঃ পাকং ন গত্বৈব, স্রোতাংসি রসবহাদীনি, পূরযতি রুণদ্ধি চ| ইন্দ্রিযাণাং বলং স্ববিষযগ্রহণশক্তিম্| “তেজো দীপ্তিঃ” ইতি জেজ্জটঃ, ‘ঊষ্মা’ ইতি চক্রঃ| বীর্যং শক্তিঃ| ‘ওজঃ সর্বধাতুসারঃ, সর্বধাতুসারভূতং হৃদযস্থম্’ ইতি পরাশরঃ, ‘পরাভিভবেচ্ছা’ ইতি জেজ্জটঃ||৮-১০||
Adhikarana mRujjapANDurogalakShaNam (11) · Śloka 11
শূনাক্ষিকূটগণ্ডভ্রূঃ শূনপান্নাভিমেহনঃ |
ক্রিমিকোষ্ঠোঽতিসার্যেত মলং সাসৃক্কফান্বিতম্ ||১১||
(চ. চি. অ. ১৬) |
View original
शूनाक्षिकूटगण्डभ्रूः शूनपान्नाभिमेहनः |
क्रिमिकोष्ठोऽतिसार्येत मलं सासृक्कफान्वितम् ||११||
(च. चि. अ. १६) |
মৃজ্জস্য লক্ষণমাহ-শূনাক্ষীত্যাদি| ‘সর্বপাণ্ডুরোগেষু ক্রিমিকোষ্ঠতা যদা স্যাত্তদৈতল্লক্ষণম্’ ইতি জেজ্জটঃ, মৃত্তিকাজানন্তরপঠিতত্বেন তস্যৈব লক্ষণমিত্যন্যে| বিদেহে তু পঠ্যতে– “মৃদ্ভক্ষণাদ্ভবেত্পাণ্ডুস্তন্দ্রালস্যনিপীডিতঃ| সশ্বাসকাসশোষার্শঃ সাদারুচিসমন্বিতঃ|| শূনপাদাননকরঃ কৃশাঙ্গঃ কৃশপাবকঃ|” ইতি||১১||
Adhikarana pANDurogasyAsAdhyalakShaNam (12-15) · Śloka 15
পাণ্ডুরোগশ্চিরোত্পন্নঃ খরীভূতো ন সিধ্যতি |
কালপ্রকর্ষাচ্ছূনানাং যো বা পীতানি পশ্যতি ||১২||
বদ্ধাল্পবিট্ সহরিতং সকফং যোঽতিসার্যতে |
দীনঃ শ্বেতাতিদিগ্ধাঙ্গশ্ছর্দিমূর্ছাতৃডর্দিতঃ ||১৩||
স নাস্ত্যসৃক্ক্ষযাদ্যশ্চ পাণ্ডুঃ শ্বেতত্বমাপ্নুযাত্ |
(চ. চি. অ. ১৬) |
পাণ্ডুদন্তনখো যস্তু পাণ্ডুনেত্রশ্চ যো ভবেত্ |
পাণ্ডুসঙ্ঘাতদর্শী চ পাণ্ডুরোগী বিনশ্যতি ||১৪||
(সু. সূ. অ. ৩৩) |
অন্তেষু শূনং পরিহীণমধ্যং ম্লানং তথাঽন্তেষু চ মধ্যশূনম্ |
গুদে চ শেফস্যথ মুষ্কযোশ্চ শূনং প্রতাম্যন্তমসঞ্জ্ঞকল্পম্ |
বিবর্জযেত্পাণ্ডুকিনং যশোঽর্থী তথাঽতিসারজ্বরপীডিতং চ ||১৫||
(সু. উ. তং. অ. ৪৪) |
View original
पाण्डुरोगश्चिरोत्पन्नः खरीभूतो न सिध्यति |
कालप्रकर्षाच्छूनानां यो वा पीतानि पश्यति ||१२||
बद्धाल्पविट् सहरितं सकफं योऽतिसार्यते |
दीनः श्वेतातिदिग्धाङ्गश्छर्दिमूर्छातृडर्दितः ||१३||
स नास्त्यसृक्क्षयाद्यश्च पाण्डुः श्वेतत्वमाप्नुयात् |
(च. चि. अ. १६) |
पाण्डुदन्तनखो यस्तु पाण्डुनेत्रश्च यो भवेत् |
पाण्डुसङ्घातदर्शी च पाण्डुरोगी विनश्यति ||१४||
(सु. सू. अ. ३३) |
अन्तेषु शूनं परिहीणमध्यं म्लानं तथाऽन्तेषु च मध्यशूनम् |
गुदे च शेफस्यथ मुष्कयोश्च शूनं प्रताम्यन्तमसञ्ज्ञकल्पम् |
विवर्जयेत्पाण्डुकिनं यशोऽर्थी तथाऽतिसारज्वरपीडितं च ||१५||
(सु. उ. तं. अ. ४४) |
অসাধ্যলক্ষণমাহ– পাণ্ডুরোগ ইত্যাদি| ‘পাণ্ডুরোগশ্চিরোত্পন্নঃ কালপ্রকর্ষাত্ খরীভূতো জঠরতাং গতো ন সিধ্যতি, অচিরোত্পন্নোঽপি শূনানাং মধ্যে যো বা পীতানি পশ্যতি স পাণ্ডুরোগী ন সিধ্যতীত্যপরমসাধ্যলক্ষণম্’ ইতি জেজ্জটস্য যোজনা| চক্রস্ত্বাহ– ‘চিরোত্পন্নঃ খরীভূতোঽত্যর্থরূক্ষিতসর্বধাতুর্ন সিধ্যতি, তথা কালপ্রকর্ষাদিত্যাদিনাঽপরমসাধ্যলক্ষণম্’ ইতি| অত্র শূনানাং শোথবতাং মধ্যে যো বা পীতানি পশ্যতি স ন সিধ্যতীতি| ‘শূনো না’ ইতি পাঠান্তরে না পুরুষঃ| ‘শূনাঙ্গো যো বা পীতানি পশ্যতি’ ইতি পাঠান্তরং সুগমম্| অপরমসাধ্যলক্ষণমাহ– বদ্ধেত্যাদি| অত্র সকফত্বেঽপি বদ্ধত্বাল্পত্বহরিতত্বানি ব্যাধিপ্রভাবাত্; বদ্ধাল্পস্থানে বহুলমিতি পাঠান্তরম্| বিট্শব্দো নপুংসকোঽপ্যস্তীত্যেতন্নির্দেশাদেবোন্নেযমিত্যাহুঃ| অপরমসাধ্যলক্ষণমাহ– দীন ইত্যাদি| দীনঃ গ্লানঃ| শ্বেতাতিদিগ্ধাঙ্গ ইতি শ্বেতবর্ণলিপ্তাঙ্গ ইবেত্যর্থঃ| স নাস্তি নষ্ট ইব অসাধ্য ইত্যর্থঃ| অপরমাহ– অসৃগিত্যাদ| অপরমসাধ্যলক্ষণমাহ– পাণ্ডুদন্তেত্যাদি| পাণ্ডুসঙ্ঘাতদর্শীতি নযনরশ্মিসহচরিতং বহির্নির্গতং পিত্তং সম্পিণ্ডিতং পশ্যতি| অপরমসাধ্যলক্ষণমাহ– অন্তেষ্বিত্যাদি| অন্তেষু বাহুজঙ্ঘাশিরঃসু, শূনং শোথযুক্তম্| পরিহীণমধ্যং দুর্বলমধ্যদেহম্| এতদ্বৈপরীত্যেনাপরমসাধ্যলক্ষণমাহ– ম্লানমিত্যাদি| ম্লানং দুর্বলম্| অসঞ্জ্ঞকল্পং মৃতপ্রাযম্| এবংবিধং পাণ্ডুকিনং পাণ্ডুরোগিণং যশোঽর্থী বৈদ্যো বিবর্জযেদিতি| অত্র সৌশ্রুতশ্লোকে ‘পাণ্ডুকিনম্’ ইত্যত্র “ পালকিনম্” ইতি পাঠান্তরং, যুক্তং চৈতত্; এবং হি পঠ্যমানে পাণ্ডুরোগাবস্থাবিশেষস্য পালকিনো লক্ষণমপি কৃতং স্যাত্| উক্তং হি সুশ্রুতে– “ সকামলাপালকিপাণ্ডুরোগঃ কুম্ভাহ্বযো” লাঘবকোঽলসাখ্যঃ| (সু. উ. তং. অ. ৪৪) ইতি| অনেনৈবাভিপ্রাযেণ কশ্চিদভিযুক্তো লিখিতবান্– “অন্তে শূনঃ কৃশো মধ্যেঽন্যথা চ গুদশেফসি| শূনো জ্বরাতিসারার্তো ভৃতকল্পস্তু পালকী||” ইতি||১২-১৫||
Adhikarana kAmalAyA nidAnasamprAptipUrvakaM lakShaNam (16-18) · Śloka 18
পাণ্ডুরোগী তু যোঽত্যর্থং পিত্তলানি নিষেবতে |
তস্য পিত্তমসৃঙ্মাংসং দগ্ধ্বা রোগায কল্পতে ||১৬||
হারিদ্রনেত্রঃ স ভৃশং হারিদ্রত্বঙ্নখাননঃ |
রক্তপীতশকৃন্মূত্রো ভেকবর্ণো হতেন্দ্রিযঃ ||১৭||
দাহাবিপাকদৌর্বল্যসদনারুচিকর্ষিতঃ |
কামলা বহুপিত্তৈষা কোষ্ঠশাখাশ্রযা মতা ||১৮||
(চ. চি. অ. ১৬) |
View original
पाण्डुरोगी तु योऽत्यर्थं पित्तलानि निषेवते |
तस्य पित्तमसृङ्मांसं दग्ध्वा रोगाय कल्पते ||१६||
हारिद्रनेत्रः स भृशं हारिद्रत्वङ्नखाननः |
रक्तपीतशकृन्मूत्रो भेकवर्णो हतेन्द्रियः ||१७||
दाहाविपाकदौर्बल्यसदनारुचिकर्षितः |
कामला बहुपित्तैषा कोष्ठशाखाश्रया मता ||१८||
(च. चि. अ. १६) |
পাণ্ডুরোগাবস্থাযাং কামলামাহ– পাণ্ডুরোগীত্যাদি| দগ্ধ্বা সন্দূষ্য| রোগায কামলারূপায| ভেকবর্ণঃ প্রাবৃষেণ্যভেকবর্ণঃ| কোষ্ঠশাখাশ্রযেতি একা কোষ্ঠাশ্রযা, অপরা শাখাশ্রযা; শাখা রক্তাদযো ধাতবঃ| স্বতন্ত্রাঽপি কামলা ভবতি, যথা রাজযক্ষ্মা স্বতন্ত্রঃ উপেক্ষিতেষ্বপি কাসেষু ভবতীত্যাহুঃ||১৬-১৮||
Adhikarana kumbhakAmalAlakShaNam (19) · Śloka 19
কালান্তরাত্ খরীভূতা কৃচ্ছ্রা স্যাত্ কুম্ভকামলা |১৯|
(চ. চি. অ. ১৬) |
View original
कालान्तरात् खरीभूता कृच्छ्रा स्यात् कुम्भकामला |१९|
(च. चि. अ. १६) |
তস্যা অবস্থান্তরং কুম্ভকামলামাহ– কালান্তরাদিত্যাদি| খরীভূতেতি পূর্ববদ্ব্যাখ্যেযম্| কৃচ্ছ্রা চ কৃচ্ছ্রসাধ্যা| কুম্ভঃ কোষ্ঠঃ, অন্তঃশুষিরসাধর্ম্যাত্; তদ্গতা কামলা কুম্ভকামলা, কোষ্ঠাশ্রযেত্যর্থঃ|১৯|–
Adhikarana kAmalAyA asAdhyalakShaNam (19-20) · Śloka 20
কৃষ্ণপীতশকৃন্মূত্রো ভৃশং শূনশ্চ মানবঃ ||১৯||
সরক্তাক্ষিমুখচ্ছর্দিবিণ্মূত্রো যশ্চ তাম্যতি |
দাহারুচিতৃডানাহতন্দ্রামোহসমন্বিতঃ ||২০||
নষ্টাগ্নিসঞ্জ্ঞঃ ক্ষিপ্রং হি কামলাবান্ বিপদ্যতে |
(চ. চি. অ. ১৬) |
View original
कृष्णपीतशकृन्मूत्रो भृशं शूनश्च मानवः ||१९||
सरक्ताक्षिमुखच्छर्दिविण्मूत्रो यश्च ताम्यति |
दाहारुचितृडानाहतन्द्रामोहसमन्वितः ||२०||
नष्टाग्निसञ्ज्ञः क्षिप्रं हि कामलावान् विपद्यते |
(च. चि. अ. १६) |
কামলাযা অসাধ্যলক্ষণমাহ– কৃষ্ণেত্যাদি| কৃষ্ণেত্যাদিনা তাম্যতীত্যন্তেনৈকমসাধ্যলক্ষণম্| তাম্যতি মুহ্যতি| দাহেত্যাদিনা বিপদ্যতে ইত্যন্তেনাপরমসাধ্যলক্ষণমিতি জেজ্জটঃ||১৯-২০||–
Adhikarana kumbhakAmalA~asAdhyalakShaNam (21) · Śloka 22
ছর্দ্যরোচকহৃল্লাসজ্বরক্লমনিপীডিতঃ ||২১||
নশ্যতি শ্বাসকাসার্তো বিড্ভেদী কুম্ভকামলী |২২|
View original
छर्द्यरोचकहृल्लासज्वरक्लमनिपीडितः ||२१||
नश्यति श्वासकासार्तो विड्भेदी कुम्भकामली |२२|
কুম্ভকামলিনোঽসাধ্যলক্ষণমাহ– ছর্দীত্যাদি||২১||–
Adhikarana halImakalakShaNam (22-23) · Śloka 23
যদা তু পাণ্ডোর্বর্ণঃ স্যাদ্ধরিতঃ শ্যাবপীতকঃ ||২২||
বলোত্সাহক্ষযস্তন্দ্রা মন্দাগ্নিত্বং মৃদুজ্বরঃ |
স্ত্রীষ্বহর্ষোঽঙ্গমর্দশ্চ দাহস্তৃষ্ণাঽরুচির্ভ্রমঃ |
হলীমকং তদা তস্য বিদ্যাদনিলপিত্ততঃ ||২৩||
( সন্তাপো ভিন্নবর্চস্ত্বং বহিরন্তশ্চ পীততা |
পাণ্ডুতা নেত্রযোর্যস্য পানকীলক্ষণং ভবেত্) |
(চ. চি. অ. ১৬) |
View original
यदा तु पाण्डोर्वर्णः स्याद्धरितः श्यावपीतकः ||२२||
बलोत्साहक्षयस्तन्द्रा मन्दाग्नित्वं मृदुज्वरः |
स्त्रीष्वहर्षोऽङ्गमर्दश्च दाहस्तृष्णाऽरुचिर्भ्रमः |
हलीमकं तदा तस्य विद्यादनिलपित्ततः ||२३||
( सन्तापो भिन्नवर्चस्त्वं बहिरन्तश्च पीतता |
पाण्डुता नेत्रयोर्यस्य पानकीलक्षणं भवेत्) |
(च. चि. अ. १६) |
পাণ্ডুরোগাবস্থাযাং হলীমকমাহ– যদেত্যাদি| যদা তু পাণ্ডোঃ পাণ্ডুরোগিণঃ হরিতাদিবর্ণযুক্তস্যৈতে উপদ্রবা ভবন্তি তদা তস্য বাতপিত্তকোপজং হলীমকং জানীযাত্| হরিতঃ শাকবর্ণঃ| শ্যাবো নীলবর্ণঃ| বলোত্সাহক্ষযো বলোত্সাহযোঃ ক্ষীণতা| স্ত্রীষ্বহর্ষঃ স্ত্রীরিরংসাযা অভাবঃ| অঙ্গমর্দঃ অঙ্গমোটনম্| লাঘবকালসকাদীনাং পাণ্ডুরোগাবস্থাবিশেষাণাং লক্ষণং সুশ্রুতদিষ্বনুস্মর্তব্যমিতি||২২-২৩||
Adhikarana puShpikA · Śloka 8
ইতি শ্রীমাধবকরবিরচিতে মাধবনিদানে পাণ্ডুরোগকামলাকুম্ভকামলাহলীমকনিদানং সমাপ্তম্ ||৮||
View original
इति श्रीमाधवकरविरचिते माधवनिदाने पाण्डुरोगकामलाकुम्भकामलाहलीमकनिदानं समाप्तम् ||८||
ইতি শ্রীবিজযরক্ষিতকৃতাযাং মধুকোশব্যাখ্যাযাং পাণ্ডুরোগকামলাকুম্ভকামলা হলীমকনিদানং সমাপ্তম্||৮||