Adhikarana sadyovraNanidAnaM, bhedAshca (1-2) · Śloka 2
নানাধারমুখৈঃ শস্ত্রৈর্নানাস্থাননিপাতিতৈঃ |
ভবন্তি নানাকৃতযো ব্রণাস্তাংস্তান্নিবোধ মে ||১||
ছিন্নং ভিন্নং তথা বিদ্ধং ক্ষতং পিচ্চিতমেব চ |
ঘৃষ্টমাহুস্তথা ষষ্ঠং তেষাং বক্ষ্যামি লক্ষণম্ ||২||
(সু. চি. অ. ২) |
View original
नानाधारमुखैः शस्त्रैर्नानास्थाननिपातितैः |
भवन्ति नानाकृतयो व्रणास्तांस्तान्निबोध मे ||१||
छिन्नं भिन्नं तथा विद्धं क्षतं पिच्चितमेव च |
घृष्टमाहुस्तथा षष्ठं तेषां वक्ष्यामि लक्षणम् ||२||
(सु. चि. अ. २) |
শারীরব্রণমভিধাযাগন্তুব্রণমাহ– নানাধারমুখৈরিত্যাদি| নানা ধারা মুখানি চ যেষাং তানি তথা| স্থানবিশেষোঽপি শস্ত্রনিপাততুল্যত্বেনাকৃতিবিশেষে হেতুরিত্যত উক্তং– নানাস্থাননিপাতিতৈরিতি||১-২||
Adhikarana chinnalakShaNam (3) · Śloka 3
তির্যক্ ছিন্ন ঋজুর্বাঽপি যো ব্রণস্ত্বাযতো ভবেত্ |
গাত্রস্য পাতনং তদ্ধি ছিন্নমিত্যভিধীযতে ||৩||
(সু. চি. অ. ২) |
View original
तिर्यक् छिन्न ऋजुर्वाऽपि यो व्रणस्त्वायतो भवेत् |
गात्रस्य पातनं तद्धि छिन्नमित्यभिधीयते ||३||
(सु. चि. अ. २) |
ছিন্নলক্ষণমাহ– তির্যগিত্যাদি| তির্যগিতি তির্যগ্ব্যবস্থিতঃ| ছিন্নঃ ছেদসম্পন্নঃ| ঋজুরবক্রঃ| গাত্রস্য পাতনমিতি গাত্রাবযবস্য তদেকদেশরূপস্য বা গাত্রস্য পাতনম্||৩||
Adhikarana bhinnalakShaNam (4) · Śloka 4
শক্তিদন্তেষু খড্গাগ্রবিষাণৈরাশযো হতঃ |
যত্কিঞ্চিত্ প্রস্রবেত্তদ্ধি ভিন্নলক্ষণমুচ্যতে ||৪||
(সু. চি. অ. ২) |
View original
शक्तिदन्तेषु खड्गाग्रविषाणैराशयो हतः |
यत्किञ्चित् प्रस्रवेत्तद्धि भिन्नलक्षणमुच्यते ||४||
(सु. चि. अ. २) |
ভিন্নলক্ষণমাহ– শক্তীত্যাদি| বিষাণং দন্তঃ শৃঙ্গং চ| এতদ্ভিন্নলক্ষণং পারিভাষিকং; তেন ব্যধ এবাশযদেশে ভেদ উচ্যতে, আশযদেশরহিতে তু ব্যধঃ| যত্কিঞ্চিদিত্যাদি| যস্য মূত্ররুধিরাদের্য আশযো ভিন্নঃ স তত্ প্রস্রবেত্; তেন বস্তির্ভিন্নো মূত্রং, রুধিরাশযো রুধিরমিত্যাদি||৪||
Adhikarana koShThanirUpaNaM, tadbhedalakShaNaM ca (5-10) · Śloka 10
স্থানান্যামাগ্নিপক্বানাং মূত্রস্য রুধিরস্য চ |
হৃদুণ্ডুকঃ ফুপ্ফুসশ্চ কোষ্ঠ ইত্যভিধীযতে ||৫||
তস্মিন্ ভিন্নে রক্তপূর্ণে জ্বরো দাহশ্চ জাযতে |
মূত্রমার্গগুদাস্যেভ্যো রক্তং ঘ্রাণাচ্চ গচ্ছতি ||৬||
মূর্ছা শ্বাসস্তৃষাঽঽধ্মানমভক্তচ্ছন্দ এব চ |
বিণ্মূত্রবাতসঙ্গশ্চ স্বেদাস্রাবোঽক্ষিরক্ততা ||৭||
লোহগন্ধিত্বমাস্যস্য গাত্রদৌর্গন্ধ্যমেব চ |
হৃচ্ছূলং পার্শ্বযোশ্চাপি বিশেষং চাত্র মে শৃণু ||৮||
আমাশযস্থে রুধিরে রুধিরং ছর্দযত্যপি |
আধ্মানমতিমাত্রং চ শূলং চ ভৃশদারুণম্ ||৯||
পক্বাশযগতে চাপি রুজা গৌরবমেব চ |
অধঃকাযে বিশেষেণ শীততা চ ভবেদিহ ||১০||
(সু. চি. অ. ২) |
View original
स्थानान्यामाग्निपक्वानां मूत्रस्य रुधिरस्य च |
हृदुण्डुकः फुप्फुसश्च कोष्ठ इत्यभिधीयते ||५||
तस्मिन् भिन्ने रक्तपूर्णे ज्वरो दाहश्च जायते |
मूत्रमार्गगुदास्येभ्यो रक्तं घ्राणाच्च गच्छति ||६||
मूर्छा श्वासस्तृषाऽऽध्मानमभक्तच्छन्द एव च |
विण्मूत्रवातसङ्गश्च स्वेदास्रावोऽक्षिरक्तता ||७||
लोहगन्धित्वमास्यस्य गात्रदौर्गन्ध्यमेव च |
हृच्छूलं पार्श्वयोश्चापि विशेषं चात्र मे शृणु ||८||
आमाशयस्थे रुधिरे रुधिरं छर्दयत्यपि |
आध्मानमतिमात्रं च शूलं च भृशदारुणम् ||९||
पक्वाशयगते चापि रुजा गौरवमेव च |
अधःकाये विशेषेण शीतता च भवेदिह ||१०||
(सु. चि. अ. २) |
যত্র ভূযসাঽঽমাশযানাং স্থানে ভেদব্যপদেশস্তমাহ– স্থানানীত্যাদি| আমস্য স্থানমামাশযঃ অগ্নেঃ পচ্যমানাশযঃ, মলস্য পক্বাশযঃ, মূত্রস্য বস্তিঃ, রুধিরস্য যকৃত্প্লীহানৌ, হৃত্ হৃদযং, উণ্ডুক ইক্ষুরসপাকমলবদ্যঃ শোণিতমলস্তজ্জ উণ্ডুকঃ, স চান্ত্রদেশে ব্যবস্থিতঃ পুরীষাধানমিতি, ফুপ্ফুস ইতি হৃদযস্য বামপার্শ্বে রক্তাধারঃ ‘ফুপ্ফুস’ ইতি খ্যাতঃ| মূত্রমার্গগুদাস্যেভ্যো রক্তং ঘ্রাণাচ্চ গচ্ছতীতি বস্ত্যাদৌ ভিন্নে মেহনগুদাভ্যাং রক্তং নিঃসরতি, আমাশযাদিভেদে তু মুখঘ্রাণাভ্যাং রক্তনির্গমঃ| স্বেদাস্রাব ইতি স্বেদস্যাত্যন্তস্রুতিঃ| পার্শ্বযোশ্চাপীতি শূলমিতি সম্বন্ধঃ| মে ইত্যব্যযং মত্ত ইত্যর্থঃ| আমাশযস্থ ইত্যাদি আধ্মানং রক্তাবততত্বাদ্বাযোঃ| রুজা শূলম্| গৌরবং রক্তবহুত্বাত্| অধঃকাযে বিশেষেণ শীততেতি ব্যাধিপ্রভাবাত্||৫-১০||
Adhikarana viddhalakShaNam (11) · Śloka 11
সূক্ষ্মাস্যশল্যাভিহতং যদঙ্গং ত্বাশযং বিনা |
উত্তুণ্ডিতং নির্গতং বা তদ্বিদ্ধমিতি নির্দিশেত্ ||১১||
(সু. চি. অ. ২) |
View original
सूक्ष्मास्यशल्याभिहतं यदङ्गं त्वाशयं विना |
उत्तुण्डितं निर्गतं वा तद्विद्धमिति निर्दिशेत् ||११||
(सु. चि. अ. २) |
বিদ্ধলক্ষণমাহ– সূক্ষ্মাস্যশল্যেত্যাদি| আশযং বিনেতি উক্তামাদ্যাশযং বিনা| উত্তুণ্ডিতমনির্গতশল্যোপলক্ষণং, তেনানুত্তুণ্ডিতমুত্তুণ্ডিতং চ বিদ্ধং গৃহ্যতে| নির্গতেন চ নির্গতমুখং বিদ্ধং সর্বথা নির্গতং চ গৃহ্যতে; তেন তন্ত্রান্তরে “বিদ্ধমুত্তুণ্ডিতমনুত্তুণ্ডিতং ভিন্নং নির্ভিন্নম্” ইতি যচ্চতুষ্প্রকারমভিহিতং তত্ সর্বং সঙ্গৃহীতম্||১১||
Adhikarana kShatalakShaNam (12) · Śloka 12
নাতিচ্ছিন্নং নাতিভিন্নমুভযোর্লক্ষণান্বিতম্ |
বিষমং ব্রণমঙ্গে যত্তত্ ক্ষতং ত্বভিধীযতে ||১২||
(সু. চি. অ. ২) |
View original
नातिच्छिन्नं नातिभिन्नमुभयोर्लक्षणान्वितम् |
विषमं व्रणमङ्गे यत्तत् क्षतं त्वभिधीयते ||१२||
(सु. चि. अ. २) |
ক্ষতমাহ– নাতিচ্ছিন্নমিত্যাদি| নাতিচ্ছিন্নং নাবগাঢচ্ছেদম্| নাতিভিন্নমিতি নাতিবিদীর্ণাশযম্| উভযোর্লক্ষণান্বিতমিতি স্তোকচ্ছেদস্তোকাবদরণযোগাদুভযলক্ষণযুক্তম্| বিষমং ব্রণমঙ্গে যদিতি অঙ্গবৈষম্যকরং ব্রণং যত্তত্ ক্ষতম্||১২||
Adhikarana piccitalakShaNam (13) · Śloka 13
প্রহারপীডনাভ্যাং তু যদঙ্গং পৃথুতাং গতম্ |
সাস্থি তত্ পিচ্চিতং বিদ্যান্মজ্জরক্তপরিপ্লুতম্ ||১৩||
(সু. চি. অ. ২) |
View original
प्रहारपीडनाभ्यां तु यदङ्गं पृथुतां गतम् |
सास्थि तत् पिच्चितं विद्यान्मज्जरक्तपरिप्लुतम् ||१३||
(सु. चि. अ. २) |
পিচ্চিতলক্ষণমাহ– প্রহারেত্যাদিনা| প্রহারো মুদ্গরাদিনা, পীডনং কপাটাদিনা| পৃথুতামিতি চিপ্পিটতাম্| মজ্জরক্তপরিপ্লুতমিত্যনেন ব্রণভাবাত্ মজ্জরক্তাগমং দর্শযতি| তেন যত্ ব্রণং পিচ্চিতং, তদ্ভগ্নস্য তথা সদ্যোব্রণস্য চ চিকিত্সাবিষযম্||১৩||
Adhikarana ghRuShTalakShaNam (14) · Śloka 14
ঘর্ষণাদভিঘাতাদ্বা যদঙ্গং বিগতত্বচম্ |
উষাস্রাবান্বিতং তচ্চ ঘৃষ্টমিত্যভিধীযতে ||১৪||
(সু. চি. অ. ২) |
View original
घर्षणादभिघाताद्वा यदङ्गं विगतत्वचम् |
उषास्रावान्वितं तच्च घृष्टमित्यभिधीयते ||१४||
(सु. चि. अ. २) |
ঘৃষ্টলক্ষণমাহ– ঘর্ষণাদিত্যাদি| ঘর্ষণাত্ কর্কশবস্ত্রাদিনা| বিগতত্বচমিতি পাঠং ত্যক্ত্বা ‘বিগতত্বচা’ ইতি পাঠঃ সাধুঃ, বিগতত্বচোপলক্ষিতমঙ্গম্| উষা ঊষ্মনির্গমবদ্ব্যথা||১৪||
Adhikarana sashalyavraNalakShaNaM, koShThagatashalyalakShaNaM ca (15-16) · Śloka 16
শ্যাবং সশোথং পিডকাচিতং চ মুহুর্মুহুঃ শোণিতবাহিনং চ |
মৃদূদ্গতং বুদ্বুদতুল্যমাংসং ব্রণং সশল্যং সরুজং বদন্তি ||১৫||
ত্বচোঽতীত্য সিরাদীনি ভিত্ত্বা বা পরিহৃত্য বা |
কোষ্ঠে প্রতিষ্ঠিতং শল্যং কুর্যাদুক্তানুপদ্রবান্ ||১৬||
(সু. চি. অ. ২) |
View original
श्यावं सशोथं पिडकाचितं च मुहुर्मुहुः शोणितवाहिनं च |
मृदूद्गतं बुद्बुदतुल्यमांसं व्रणं सशल्यं सरुजं वदन्ति ||१५||
त्वचोऽतीत्य सिरादीनि भित्त्वा वा परिहृत्य वा |
कोष्ठे प्रतिष्ठितं शल्यं कुर्यादुक्तानुपद्रवान् ||१६||
(सु. चि. अ. २) |
কোষ্ঠভেদমাহ– ত্বচ ইত্যাদি| ত্বচ ইতি সপ্ত ত্বচঃ| সিরাদীনীতি মাংসস্নায্বস্থিসন্ধীনি| পরিহৃত্য বেতি পরিহারপক্ষেঽপি কোষ্ঠভেদস্য সঙ্গতত্বাত্; সিরাব্যধলিঙ্গং চাত্রৈব ‘সুরেন্দ্রগোপপ্রতিমং’ ইত্যাদিনা ব্যক্তীভবিষ্যতি| উক্তানিতি প্রনষ্টশল্যবিজ্ঞানীযে| তত্র হ্যুক্তং– “কোষ্ঠগতে ত্বাটোপানাহৌ মূত্রপুরীষাহারদর্শনং চ ব্রণমুখাদ্ভবতি|” (সু. সূ. অ. ২৬) ইতি||১৫-১৬||
Adhikarana asAdhyakoShThabhedali~ggam (17) · Śloka 17
তত্রান্তর্লোহিতং পাণ্ডুশীতপাদকরাননম্ |
শীতোচ্ছ্বাসং রক্তনেত্রমানদ্ধং চ বিবর্জযেত্ ||১৭||
View original
तत्रान्तर्लोहितं पाण्डुशीतपादकराननम् |
शीतोच्छ्वासं रक्तनेत्रमानद्धं च विवर्जयेत् ||१७||
অসাধ্যকোষ্ঠভেদলিঙ্গমাহ– তত্রেত্যাদি| তত্র কোষ্ঠে| অন্তর্লোহিতমিতি অভ্যন্তরস্থিতরক্তম্, অনিঃসৃতরক্তমিতি যাবত্| আনদ্ধমিত্যানাহবন্তম্||১৭||
Adhikarana mAMsasirAsnAyvasthisandhimarmasu pa~jcasu kShateShu sAmAnyali~ggam (18-19) · Śloka 19
ভ্রমঃ প্রলাপঃ পতনং প্রমোহো বিচেষ্টনং গ্লানিরথোষ্ণতা চ |
স্রস্তাঙ্গতা মূর্ছনমূর্ধ্ববাতস্তীব্রা রুজা বাতকৃতাশ্চ তাস্তাঃ ||১৮||
মাংসোদকাভং রুধিরং চ গচ্ছেত্ সর্বেন্দ্রিযার্থোপরমস্তথৈব |
দশার্ধসঙ্খ্যেষ্বথ বিক্ষতেষু সামান্যতো মর্মসু লিঙ্গমুক্তম্ ||১৯||
(সু. সূ. অ. ২৫) |
View original
भ्रमः प्रलापः पतनं प्रमोहो विचेष्टनं ग्लानिरथोष्णता च |
स्रस्ताङ्गता मूर्छनमूर्ध्ववातस्तीव्रा रुजा वातकृताश्च तास्ताः ||१८||
मांसोदकाभं रुधिरं च गच्छेत् सर्वेन्द्रियार्थोपरमस्तथैव |
दशार्धसङ्ख्येष्वथ विक्षतेषु सामान्यतो मर्मसु लिङ्गमुक्तम् ||१९||
(सु. सू. अ. २५) |
মাংসসিরাস্নায্বস্থিসন্ধিমর্মসু পঞ্চসু ক্ষতেষু সামান্যলিঙ্গমাহ– ভ্রম ইত্যাদি| বিচেষ্টনং বিরুদ্ধচেষ্টনং করচরণাদিক্ষেপাদিকম্| গ্লানির্বলক্ষযঃ| স্রস্তাঙ্গতা অঙ্গসন্ধিবিস্রংসবদ্ব্যথা| মূর্ছনমিন্দ্রিযমোহঃ| ইন্দ্রিযার্থোপরম ইন্দ্রিযাণাং স্ববিষযেষু রূপাদিষু উপরমো গ্রহণাশক্তিঃ| দশার্ধসঙ্খ্যেষু পঞ্চসু||১৮-১৯||
Adhikarana marmarahitAnAM sirAdInAM viddhali~ggam (20-23) · Śloka 23
সুরেন্দ্রগোপপ্রতিমং প্রভূতং রক্তং স্রবেত্তত্ক্ষযজশ্চ বাযুঃ |
করোতি রোগান্ বিবিধান্ যথোক্তান্ সিরাসু বিদ্ধাস্বথ বা ক্ষতাসু ||২০||
কৌব্জ্যং শরীরাবযবাবসাদঃ ক্রিযাস্বশক্তিস্তুমুলা রুজশ্চ |
চিরাদ্ব্রণো রোহতি যস্য চাপি তং স্নাযুবিদ্ধং পুরুষং ব্যবস্যেত্ ||২১||
শোফাভিবৃদ্ধিস্তুমুলা রুজশ্চ বলক্ষযঃ সর্বত এব শোথঃ |
ক্ষতেষু সন্ধিষ্বচলাচলেষু স্যাত্ সর্বকর্মোপরমশ্চ লিঙ্গম্ ||২২||
ঘোরা রুজো যস্য নিশাদিনেষু সর্বাস্ববস্থাসু চ নৈতি শান্তিম্ |
ভিষগ্বিপশ্চিদ্বিদিতার্থসূত্রস্তমস্থিবিদ্ধং পুরুষং ব্যবস্যেত্ ||২৩||
(সু. সূ. অ. ২৫) |
View original
सुरेन्द्रगोपप्रतिमं प्रभूतं रक्तं स्रवेत्तत्क्षयजश्च वायुः |
करोति रोगान् विविधान् यथोक्तान् सिरासु विद्धास्वथ वा क्षतासु ||२०||
कौब्ज्यं शरीरावयवावसादः क्रियास्वशक्तिस्तुमुला रुजश्च |
चिराद्व्रणो रोहति यस्य चापि तं स्नायुविद्धं पुरुषं व्यवस्येत् ||२१||
शोफाभिवृद्धिस्तुमुला रुजश्च बलक्षयः सर्वत एव शोथः |
क्षतेषु सन्धिष्वचलाचलेषु स्यात् सर्वकर्मोपरमश्च लिङ्गम् ||२२||
घोरा रुजो यस्य निशादिनेषु सर्वास्ववस्थासु च नैति शान्तिम् |
भिषग्विपश्चिद्विदितार्थसूत्रस्तमस्थिविद्धं पुरुषं व्यवस्येत् ||२३||
(सु. सू. अ. २५) |
সিরাদযো মর্মরূপা অমর্মরূপাশ্চ সন্তি, তত্র পূর্বং মর্মরহিতানাং সিরাদীনাং বিদ্ধলিঙ্গমাহ– সুরেন্দ্রগোপেত্যাদি| যথোক্তানিতি শোণিতবর্ণনীযোক্তান্| তত্র চোক্তং– “তদতিপ্রবৃত্তং শিরোভিতাপমান্ধ্যমাক্ষেপাদীংশ্চ করোতি|” ইতি| বিদ্ধাসু বাণাদিনা| ক্ষতাসু খড্গাদিনা| কৌব্জ্যং কুব্জতা| তুমুলা গহনাঃ| সন্ধিষ্বচলাচলেষ্বিতি অচলেষু নিশ্চেষ্টেষু, চলেষু চেষ্টাবত্সু; সন্ধযশ্চলাচলভেদেন দ্বিবিধাঃ| তথাচ সুশ্রুতঃ– “শাখাসু হন্বোঃ কট্যাং চ চেষ্টাবন্তশ্চ সন্ধযঃ| শেষাস্তু সন্ধযঃ সর্বে বিজ্ঞাতব্যাঃ স্থিরা বুধৈঃ||” (সু. শা. অ. ৫) ইতি||২০-২৩||
Adhikarana sirAdimarmaviddhali~ggam (24) · Śloka 24
যথাস্বমেতানি বিভাবযেচ্চ লিঙ্গানি মর্মস্বভিতাডিতেষু |২৪|
(সু. সূ. অ. ২৫) |
View original
यथास्वमेतानि विभावयेच्च लिङ्गानि मर्मस्वभिताडितेषु |२४|
(सु. सू. अ. २५) |
মর্মরহিতানাং সিরাদীনাং বিদ্ধলক্ষণমভিধায সিরাদিমর্মবিদ্ধলিঙ্গমতিদেশযন্নাহ– যথাস্বমেতানীত্যাদি| বিভাবযেচ্চেতি চকারো ভিন্নক্রমে; তেন এতানি লিঙ্গানি তথা সামান্যলিঙ্গানি চ জানীযাদিত্যর্থঃ|২৪|–
Adhikarana mAMsamarmaNo viddhasya li~ggam (24) · Śloka 24
পাণ্ডুর্বিবর্ণঃ স্পৃশিতং ন বেত্তি যো মাংসমর্মণ্যভিপীডিতঃ স্যাত্ ||২৪||
(সু. সূ. অ. ২৫) |
View original
पाण्डुर्विवर्णः स्पृशितं न वेत्ति यो मांसमर्मण्यभिपीडितः स्यात् ||२४||
(सु. सू. अ. २५) |
অনুক্তমাংসমর্মণো বিদ্ধস্য লিঙ্গমাহ– পাণ্ডুর্বিবর্ণ ইত্যাদি| ননু, সিরাদিবিদ্ধলিঙ্গবত্ মাংসবিদ্ধলিঙ্গমপি পূর্বং কুতো নোপদিষ্টম্? উচ্যতে– কেবলমাংসবিদ্ধস্যাবহুব্যাপত্করত্বাত্ পূর্বমনুপাদানম্||২৪||
Adhikarana sarvavraNAnAmupadravAH (25-26) · Śloka 26
বিসর্পঃ পক্ষঘাতশ্চ সিরাস্তম্ভোঽপতানকঃ |
মোহোন্মাদব্রণরুজো জ্বরস্তৃষ্ণা হনুগ্রহঃ ||২৫||
কাসশ্ছর্দিরতীসারো হিক্কা শ্বাসঃ সবেপথুঃ |
ষোডশোপদ্রবাঃ প্রোক্তা ব্রণানাং ব্রণচিন্তকৈঃ ||২৬||
(চ. চি. অ. ২৫) |
View original
विसर्पः पक्षघातश्च सिरास्तम्भोऽपतानकः |
मोहोन्मादव्रणरुजो ज्वरस्तृष्णा हनुग्रहः ||२५||
कासश्छर्दिरतीसारो हिक्का श्वासः सवेपथुः |
षोडशोपद्रवाः प्रोक्ता व्रणानां व्रणचिन्तकैः ||२६||
(च. चि. अ. २५) |
সর্বব্রণানামুপদ্রবানাহ– বিসর্প ইত্যাদি||২৫-২৬||
Adhikarana puShpikA · Śloka 43
ইতি শ্রীমাধবকরবিরচিতে মাধবনিদানে সদ্যোব্রণনিদানং সমাপ্তম্ ||৪৩||
View original
इति श्रीमाधवकरविरचिते माधवनिदाने सद्योव्रणनिदानं समाप्तम् ||४३||
ইতি শ্রীকণ্ঠদত্তকৃতাযাং মধুকোশব্যাখ্যাযাং সদ্যোব্রণনিদানং সমাপ্তম্||৪৩||