Adhikarana shirorogabhedAH (1) · Śloka 1
অথ শিরোরোগনিদানম্|
শিরোরোগাস্তু জাযন্তে বাতপিত্তকফৈস্ত্রিভিঃ |
সন্নিপাতেন রক্তেন ক্ষযেণ ক্রিমিভিস্তথা |
সূর্যাবর্তানন্তবাতার্ধাবভেদকশঙ্খকৈঃ ||১||
(সু. উ. তং. অ. ২৫) |
View original
अथ शिरोरोगनिदानम्|
शिरोरोगास्तु जायन्ते वातपित्तकफैस्त्रिभिः |
सन्निपातेन रक्तेन क्षयेण क्रिमिभिस्तथा |
सूर्यावर्तानन्तवातार्धावभेदकशङ्खकैः ||१||
(सु. उ. तं. अ. २५) |
অথ কর্ণনাসানেত্রাণামধিষ্ঠানত্বেন শিরসো নযনরোগানন্তরং শিরোরোগনিদানারম্ভঃ| শিরোরোগাশ্চৈকাদশ, তত্র কারণভেদেন শিরোরোগভেদং দর্শযন্নাহ– শিরোরোগাস্ত্বিত্যাদি| বাতপিত্তকফৈরিত্যুক্তে গম্যত এব ত্রিভিরিতি, তত্ কথং তদুক্তিঃ? উচ্যতে– সর্বেষাং শিরোরোগাণাং সন্নিপাতজত্বখ্যাপনার্থং, বাতাদিভেদশ্চোত্কর্ষাত্; তদুক্তং শালাক্যে– “সর্ব এব শিরোরোগাঃ সন্নিপাতসমুত্থিতাঃ| ঔত্কট্যাদ্দোষলিঙ্গৈস্তে কীর্তিতাস্তদ্বিদা দশ||” ইতি| ত্রিভিঃ সন্নিপাতেনেতি পদদ্বযেন প্রকৃতিবিকৃতিসমবেতসন্নিপাতদ্বযমাহুরন্যে| অত্র পক্ষে সন্নিপাতজত্বাদেকত্বগণনযা ন সঙ্খ্যাতিরেকঃ; ত্রিভিরিতি পদং পৃথক্ত্বদ্যোতনার্থমিতি গদাধরঃ| ক্ষযেণেতি অসৃগ্বসাদীনাং ক্ষযেণ; ক্ষযজোঽযং ধাতুক্ষযজনিতবাতকোপেন সহসাকৃতবাতজন্যত্বেনাচযপূর্বকঃ, বাতজস্তু সঞ্চযপ্রকোপজনিত ইতি ভেদঃ; অত এবানুপশযোঽপ্যস্য সংস্বেদনাদিনা দোষক্ষযকৃদেবোপন্যস্তঃ| শিরোরোগশব্দেন শিরোগতশূলরূপা রুজাঽভিধীযতে, তেন সূর্যাবর্তানন্তবাতার্ধাবভেদকশঙ্খকৈরিত্যভিধানমুপপদ্যতে, অন্যথা তেষামেব শিরোরোগত্বাত্তৈঃ শিরোরোগা জাযন্ত ইত্যসঙ্গতং স্যাত্||১||
Adhikarana vAtajashirorogalakShaNam (2) · Śloka 2
যস্যানিমিত্তং শিরসো রুজশ্চ ভবন্তি তীব্রা নিশি চাতিমাত্রম্ |
বন্ধোপতাপৈঃ প্রশমশ্চ যত্র শিরোঽভিতাপঃ স সমীরণেন ||২||
(সু. উ. তং. অ. ২৫) |
View original
यस्यानिमित्तं शिरसो रुजश्च भवन्ति तीव्रा निशि चातिमात्रम् |
बन्धोपतापैः प्रशमश्च यत्र शिरोऽभितापः स समीरणेन ||२||
(सु. उ. तं. अ. २५) |
বাতিকশিরোরোগলক্ষণমাহ– যস্যানিমিত্তমিত্যাদি| অনিমিত্তমতর্কিতনিমিত্তং, বাযোর্বিষমক্রিযত্বাত্; তেন নিমিত্তানুষঙ্গিণা কালাদিনেত্যর্থঃ| নিশি চাতিমাত্রমিতি রাত্রৌ শীতেন বাযোরাধিক্যান্মহতী রুজা ভবতি, শীতযোনিত্বাদ্বাযোঃ| বন্ধোপতাপৈরিতি বন্ধো বন্ধনং বস্ত্রাদিভিঃ, উপতাপঃ স্বেদাদিভিঃ, ব্যক্ত্যপেক্ষযা বহুবচনম্; এতেনোপশযো দর্শিতঃ| শিরোঽভিতাপঃ শিরোরুজা||২||
Adhikarana pittajashirorogalakShaNam (3) · Śloka 3
যস্যোষ্ণমঙ্গারচিতং যথৈব ভবেচ্ছিরো ধূপ্যতি চাক্ষিনাসম্ |
শীতেন রাত্রৌ চ ভবেচ্ছমশ্চ শিরোভিতাপঃ স তু পিত্তকোপাত্ ||৩||
(সু. উ. তং. অ. ২৫) |
View original
यस्योष्णमङ्गारचितं यथैव भवेच्छिरो धूप्यति चाक्षिनासम् |
शीतेन रात्रौ च भवेच्छमश्च शिरोभितापः स तु पित्तकोपात् ||३||
(सु. उ. तं. अ. २५) |
পিত্তজলক্ষণমাহ– যস্যোষ্ণমঙ্গারচিতমিত্যাদি| অঙ্গারচিতং যথৈবেতি জ্বলদঙ্গারাচ্ছন্নমিবেত্যর্থঃ| ধূপ্যতি ধূমাযতে ধূমপূর্ণমিব ভবতীত্যর্থঃ| ধূপ্যতীতি দিবাদেরাকৃতিগণত্বাত্| অক্ষি চ নাসা চ ইত্যক্ষিনাসং, প্রাণ্যঙ্গত্বাদেকবদ্ভাবঃ| উপশযং দর্শযতি– শীতেন রাত্রৌ চেত্যাদি||৩||
Adhikarana shleShmajashirorogalakShaNam (4) · Śloka 4
শিরো ভবেদ্যস্য কফোপদিগ্ধং গুরু প্রতিষ্টব্ধমতো হিমং চ |
শূনাক্ষিকূটং বদনং চ যস্য শিরোঽভিতাপঃ স কফপ্রকোপাত্ ||৪||
(সু. উ. তং. অ. ২৫) |
View original
शिरो भवेद्यस्य कफोपदिग्धं गुरु प्रतिष्टब्धमतो हिमं च |
शूनाक्षिकूटं वदनं च यस्य शिरोऽभितापः स कफप्रकोपात् ||४||
(सु. उ. तं. अ. २५) |
শ্লেষ্মজলক্ষণমাহ– শিরো ভবেদিত্যাদি| কফোপদিগ্ধমিতি কফলিপ্তম্| গুরু গৌরবযুতম্| প্রতিষ্টব্ধং বদ্ধমিব| হিমং হিমস্পর্শম্| শূনাক্ষিকূটমিতি বদনবিশেষণম্| তথা হি চরকঃ– “শিরো মন্দরুজং তেন গুরুস্তিমিতভারিকম্|” (চ. সূ. অ. ১৭) ইতি| অত্রাপি স্বেদাদিনোপশযো জ্ঞেযঃ||৪||
Adhikarana tridoShajashirorogalakShaNam (5) · Śloka 5
শিরোঽভিতাপে ত্রিতযপ্রবৃত্তে সর্বাণি লিঙ্গানি সমুদ্ভবন্তি |৫|
(সু. উ. তং. অ. ২৫) |
View original
शिरोऽभितापे त्रितयप्रवृत्ते सर्वाणि लिङ्गानि समुद्भवन्ति |५|
(सु. उ. तं. अ. २५) |
সান্নিপাতিকলক্ষণমাহ– শিরোঽভিতাপ ইত্যাদি| সর্বাণি লিঙ্গানি অনন্তরোক্তানি বাতাদিলিঙ্গানি| ( অযং চ সন্নিপাতো বিকৃতিবিষমসমবেতো জ্ঞেযঃ, অন্যথা সর্বেষামেব শিরোরোগাণাং ত্রিদোষজত্বাত্ পৃথগভিধানং ব্যর্থং স্যাত্; অস্য চ বিকৃতিবিষমসমবেতত্বং কারণভেদাত্ জ্ঞেযং, ন তু বিরুদ্ধলক্ষণতযা; স চাযং কারণভেদ উত্কটসর্বদোষজত্বাদেব বিজ্ঞেযঃ| যথা ত্রিদোষজে রাজযক্ষ্মণি স্বরভেদাদিজনকানাং বাতাদীনামুত্কটত্বমিতি| উক্তং হি চরকে– “ বাতাচ্ছূলং ভ্রমঃ কম্পঃ, পিত্তাদ্দাহো মদস্তৃষা| কফাদ্গুরুত্বং তন্দ্রা চ শিরোরোগে ত্রিদোষজে||” (চ. সূ. অ. ১৭) ইতি|৫|–
Adhikarana raktajashirorogalakShaNam (5) · Śloka 5
রক্তাত্মকঃ পিত্তসমানলিঙ্গঃ স্পর্শাসহত্বং শিরসো ভবেচ্চ ||৫||
(সু. উ. তং. অ. ২৫) |
View original
रक्तात्मकः पित्तसमानलिङ्गः स्पर्शासहत्वं शिरसो भवेच्च ||५||
(सु. उ. तं. अ. २५) |
রক্তজলক্ষণমাহ– রক্তাত্মক ইত্যাদি| পিত্তসমানলিঙ্গ ইতি পিত্তজশিরোরোগতুল্যলক্ষণঃ| পৈত্তিকলিঙ্গাধিকমিহ স্পর্শাসহত্বম্||৫||
Adhikarana kShayajashirorogalakShaNam (6) · Śloka 6
অসৃগ্বসাশ্লেষ্মসমীরণানাং শিরোগতানামিহ সঙ্ক্ষযেণ |
ক্ষযপ্রবৃত্তঃ শিরসোঽভিতাপঃ কষ্টো ভবেদুগ্ররুজোঽতিমাত্রম্ |
সংস্বেদনচ্ছর্দনধূমনস্যৈরসৃগ্বিমোক্ষৈশ্চ বিবৃদ্ধিমেতি ||৬||
(সু. উ. তং. অ. ২৫) |
View original
असृग्वसाश्लेष्मसमीरणानां शिरोगतानामिह सङ्क्षयेण |
क्षयप्रवृत्तः शिरसोऽभितापः कष्टो भवेदुग्ररुजोऽतिमात्रम् |
संस्वेदनच्छर्दनधूमनस्यैरसृग्विमोक्षैश्च विवृद्धिमेति ||६||
(सु. उ. तं. अ. २५) |
ক্ষযজলক্ষণমাহ– অসৃগিত্যাদি| বসাসৃজোঃ সর্বদেহস্থিতত্বাচ্ছিরসি স্থিতিঃ, শ্লেষ্মণশ্চ স্থানমেব শিরঃ, উদানবাযোরূর্ধ্বগতিত্বাচ্ছিরস্যবস্থানং, তেষাং ক্ষযেণ উগ্ররুজত্বং ব্যাধিপ্রভাবাত্; যতো বৃদ্ধে বাযাবুগ্ররুজা যুজ্যতে ন তু ক্ষীণে; যদুক্তম্– “ বাতে পিত্তে কফে চৈব ক্ষীণে লক্ষণমুচ্যতে| কর্মণঃ প্রাকৃতাদ্ধানিঃ” (চ. সূ. অ. ১৮) ইতি| অন্যৈঃ পুনরযং পাঠঃ সুশ্রুতে স্বীকৃতঃ; যথা– “বসাবলাসক্ষযসম্ভবানাং” (সু. উ. তং. অ. ২৫) ইতি| যুক্তশ্চাযং পাঠঃ, বাতক্ষযে হি কফবৃদ্ধৌ কফজঃ শিরোরোগঃ স্যাত্, “বৃদ্ধির্বাঽপি বিরোধিনাম্|” (চ. সূ. অ. ১৮) ইতি বচনাত্| কিং চৈতস্য চিকিত্সাযামুক্তং “পানে নস্যে চ সর্পিঃ স্যাদ্বাতঘ্নমধুরৈঃ শৃতম্|” (সু. উ. তং. অ. ২৬) ইতি| ততশ্চ সমীরণপাঠো ন সঙ্গতঃ, ন হি ক্ষীণে বাযৌ শমনমুক্তম্, অপি তর্হি বর্ধনবিধিঃ; যদুক্তম্– “ক্ষীণা বর্ধযিতব্যাঃ” (সু. চি. অ. ৩৩) ইতি| বসা দেহস্নেহস্যোপলক্ষণং, তেন মেদোমজ্জশুক্রমস্তিষ্কাণ্যপ্যবরুধ্যন্তে, তেষাং দেহস্নেহত্বাত্| পিত্তমাংসাদিক্ষযজস্তু চযাদিক্রমজক্ষযকৃতবাতশিরোরোগ এবাবরুধ্যতে, ইতি গদাধরঃ| শিরোভিতাপঃ শিরোরুজা| সংস্বেদনচ্ছর্দনধূমনস্যৈঃ কফক্ষযঃ, নাগরাদিতীব্রধূমেন বসামস্তিষ্কাদিক্ষযঃ, সিরামোক্ষাদিভিরসৃক্ক্ষযঃ, অত এবৈতৈঃ সংস্বেদনাদিভিঃ ক্ষযজস্য বৃদ্ধিঃ| অযং বিদেহেঽপি পঠ্যতে “ ভ্রমতি তুদ্যতে শূন্যং শিরো বিভ্রান্তনেত্রতা| মূর্ছা গাত্রাবসাদশ্চ শিরোরোগে ক্ষযাত্মকে||” ইতি| চক্ষুষ্যঽপ্যাহ– “স্ত্রীপ্রসঙ্গাদভিঘাতাদথবা দেহকর্মণা| ক্ষিপ্রং সঞ্জাযতে কৃচ্ছ্রঃ শিরোরোগঃ ক্ষযাত্মকঃ|| বাতপিত্তাত্মকং লিঙ্গং ব্যামিশ্রং তত্র লক্ষযেত্|” ইতি||৬||
Adhikarana krimijashirorogalakShaNam (7) · Śloka 7
নিস্তুদ্যতে যস্য শিরোঽতিমাত্রং সম্ভক্ষ্যমাণং স্ফুরতীব চান্তঃ |
ঘ্রাণাচ্চ গচ্ছেত্ সলিলং সপূযং শিরোভিতাপঃ ক্রিমিভিঃ স ঘোরঃ ||৭||
(সু. উ. তং. অ. ২৫) |
View original
निस्तुद्यते यस्य शिरोऽतिमात्रं सम्भक्ष्यमाणं स्फुरतीव चान्तः |
घ्राणाच्च गच्छेत् सलिलं सपूयं शिरोभितापः क्रिमिभिः स घोरः ||७||
(सु. उ. तं. अ. २५) |
ক্রিমিজমাহ– নিস্তুদ্যত ইত্যাদি| নিস্তুদ্যতে সূচীভিরিব তুদ্যতে| সম্ভক্ষ্যমাণম্ ইত্যত্র ‘ক্রিমিভিঃ’ ইতি শেষঃ, প্রকরণাত্| স্ফুরতীব মনাক্ চলতীব| ঘ্রাণাচ্চেতি চকারো ভিন্নক্রমেণ সলিলমিত্যত্র সম্বধ্যতে; তেন সলিলং পূযং চ গচ্ছেত্, তথা ক্রিমযশ্চ কদাচিদ্গচ্ছন্তীতি; তথা চ চরকঃ– “ক্রিমীণাং দর্শনেন চ|” (চ. সূ. অ. ১৭) ইতি||৭||
Adhikarana sUryAvartalakShaNam (8) · Śloka 8
সূর্যোদযং যা প্রতি মন্দমন্দমক্ষিভ্রুবং রুক্ সমুপৈতি গাঢা |
বিবর্ধতে চাংশুমতা সহৈব সূর্যাপবৃত্তৌ বিনিবর্ততে চ |
সর্বাত্মকং কষ্টতমং বিকারং সূর্যাপবর্তং তমুদাহরন্তি ||৮||
(সু. উ. তং. অ. ২৫) |
View original
सूर्योदयं या प्रति मन्दमन्दमक्षिभ्रुवं रुक् समुपैति गाढा |
विवर्धते चांशुमता सहैव सूर्यापवृत्तौ विनिवर्तते च |
सर्वात्मकं कष्टतमं विकारं सूर्यापवर्तं तमुदाहरन्ति ||८||
(सु. उ. तं. अ. २५) |
সূর্যাবর্তলক্ষণমাহ– সূর্যোদযমিত্যাদি| সূর্যোদযং প্রতি লক্ষীকৃত্য যা রুগক্ষিভ্রুবং সমুপৈতীতি সম্বন্ধঃ| ‘অক্ষিভ্রুবৌ’ ইতি পাঠান্তরে প্রাণ্যঙ্গত্বেন প্রাপ্তৈকবদ্ভাবস্যাভাবঃ, নাসিকাস্তনযোরিতিবত্ লক্ষণব্যভিচারাত্| সূর্যোদযে প্রাতর্মন্দং মন্দং যথা স্যাত্তথা রুজাং সমুপৈতি, অংশুমতা চ সূর্যেণ সহ গাঢা যথা ভবতি তথা বর্ধতে| অযমর্থঃ– যথা সূর্যো বর্ধতে তথা বেদনা প্রবৃদ্ধা ভবতি, সূর্যস্যাপবৃত্তৌ সাযাহ্নে বিনিবর্ততে শাম্যতীত্যর্থঃ| ‘গাঢা’ ইত্যত্র ‘গূঢা’ ইতি পাঠান্তরং, তদা সূর্যাপগমে গূঢা রাত্রৌ লীনেত্যর্থঃ| সর্বাত্মকমিতি সন্নিপাতজম্| ব্যাধিস্বভাবাচ্চ কালবিশেষনিযমঃ| কষ্টতমং কৃচ্ছ্রসাধ্যম্| ননু, অযং সুশ্রুতে বাতপিত্তাভ্যাং পঠ্যতে, তদ্যথা– “আবর্তসঞ্জ্ঞঃ স তু সূর্যপূর্বো ব্যাধির্মতঃ পিত্তসমীরণাভ্যাম্| শীতেন শান্তিং লভতে কদাচিদুষ্ণেন জন্তুঃ সুখমাপ্নুযাচ্চ||” (সু. উ. তং. অ. ২৫) ইতি| তত্ কথং সর্বজত্বম্? উচ্যতে– সুশ্রুতে ঔত্কর্ষেণ ব্যপদেশ ইতি ন বিরোধঃ| ননু, এবং কথং রাত্রৌ বাযুসমানগুণশীতপ্রাদুর্ভাবে বেদনালীনতা, দিবসস্যাদ্যন্তযোর্মন্দরুক্ত্বং চ? উচ্যতে– অত্রাপি পিত্তস্য প্রবলতমত্বাত্| যত্তু চিকিত্সাযাং শিরীষমূলপিপ্পলীমূলবচাবপীডাদ্যভিহিতং তদ্ব্যাধিপ্রত্যনীকত্বাত্| অথ বাতপিত্তজত্ববর্ণনেন বিশিষ্টকালভবনে হেতুর্দর্শিতো ভবতি| যতো বাতপিত্তযোঃ শীতোষ্ণাত্মকত্বাত্ পূর্বাহ্ণে সূর্যবৃদ্ধিক্রমেণ স্রোতসাং সঙ্কোচক্রমাদবরুদ্ধমার্গযোর্বেদনাকরত্বম্, অপরাহ্ণে নিবর্তমানে সূর্যে তু স্রোতসাং বিবৃতত্বাত্ স্বমার্গব্যাঘাতবিরহেণ বেদনাযা অজনকত্বমিতি যুক্তঃ কালবিশেষনিযমঃ| তথা চাহ নিমিঃ– “সূর্যসোমাত্মকৌ নিত্যং স্বহেতূ পিত্তমারুতৌ| কুর্বতে বেদনাং তীব্রাং দিনাত্ পূর্বাহ্ণ এব তু|| আদিত্যতেজসা যুক্তে নিবৃত্তেঽপি চ ভাস্করে| স্রোতসাং বিবৃতত্বাচ্চ ততঃ শ্লেষ্মাঽধিগচ্ছতি|| উদ্গতো মাতরিশ্বা চ স্বমার্গং প্রতিপদ্যতে| তস্মান্মধ্যদিনাদূর্ধ্বং বেদনাঽত্র প্রশাম্যতি||” ইতি| বাতপিত্তজত্বমস্য “অধিকত্বেন ব্যপদেশ” ইতি ন্যাযাত্; তেন পূর্বেণ সমং ন বিরোধঃ| বিদেহে সূর্যাবর্তবিপর্যযোঽপি পঠ্যতে– “তত্র বাতানুগং পিত্তং চিতং শিরসি তিষ্ঠতি| মধ্যাহ্নে তেজসাঽর্কস্য তদ্বিবৃদ্ধং শিরোরুজম্|| করোতি পৈত্তিকীং ঘোরাং সংশাম্যতি দিনক্ষযে| অস্তঙ্গতে প্রভাহীনে সূর্যে বাযুর্বিবর্ধতে|| পিত্তং শান্তিমবাপ্নোতি ততঃ শাম্যতি বেদনা| এষ পিত্তানিলকৃতঃ সূর্যাবর্তবিপর্যযঃ||” ইতি| অযমত্র সূর্যাবর্ত এবান্তর্ভাবনীযঃ, চাতুর্থিকে চাতুর্থিকবিপর্যযবত্||৮||
Adhikarana anantavAtalakShaNam (9-10) · Śloka 10
দোষাস্তু দুষ্টাস্ত্রয এব মন্যাং সম্পীড্য ঘাটাসু রুজাং সুতীব্রাম্ |
কুর্বন্তি যোঽক্ষিভ্রুবি শঙ্খদেশে স্থিতিং করোত্যাশু বিশেষতস্তু ||৯||
গণ্ডস্য পার্শ্বে তু করোতি কম্পং হনুগ্রহং লোচনজাংশ্চ রোগান্ |
অনন্তবাতং তমুদাহরন্তি দোষত্রযোত্থং শিরসো বিকারম্ ||১০||
(সু. উ. তং. অ. ২৫) |
View original
दोषास्तु दुष्टास्त्रय एव मन्यां सम्पीड्य घाटासु रुजां सुतीव्राम् |
कुर्वन्ति योऽक्षिभ्रुवि शङ्खदेशे स्थितिं करोत्याशु विशेषतस्तु ||९||
गण्डस्य पार्श्वे तु करोति कम्पं हनुग्रहं लोचनजांश्च रोगान् |
अनन्तवातं तमुदाहरन्ति दोषत्रयोत्थं शिरसो विकारम् ||१०||
(सु. उ. तं. अ. २५) |
অনন্তবাতলক্ষণমাহ– দোষা ইত্যাদি| মন্যা গ্রীবাসিরাদ্বযং, তাং সম্পীড্য; ঘাটাসু গ্রীবাপশ্চাদ্ভাগেষু, দোষাস্ত্রয এব রুজাং বেদনাং সুতীব্রাং কুর্বন্তি, তথা অক্ষিভ্রুবি শঙ্খদেশে চ স্থিতিমারব্ধত্বং যো বিশেষতঃ করোতি, তথা গণ্ডপার্শ্বে কম্পং হনুগ্রহাদিকং চ যঃ করোতি, তমনন্তবাতমুদাহরন্তীতি যোজ্যম্| গণ্ডস্য কপোলস্য, পার্শ্বে একদেশে| হনুগ্রহো বাতব্যাধিবিশেষঃ| অমুং চ সুশ্রুতে অন্যতোবাতেনৈব তুল্যত্বাদনন্তবাতং পরিত্যজ্য দশ শিরোরোগা অভিহিতাঃ, এবং তন্ত্রান্তরেঽপি “কীর্তিতাস্তদ্বিদা দশ” ইত্যভিধানং; মাধবকরেণ তু ত্রিদোষজত্বেন তদধিককম্পহনুগ্রহলিঙ্গযোগাচ্চ কেবলবাতজাদন্যতোবাতাদ্বিলক্ষণ এবাযমিতি অনন্তবাতোঽধিকঃ পঠিতঃ, ভেদো হি ভেদবতাং কারণভেদাদ্বিরুদ্ধধর্মাধ্যাসাচ্চ ভবতীতি||৯-১০||
Adhikarana ardhAvabhedalakShaNam (11-13) · Śloka 13
রূক্ষাশনাত্যধ্যশনপ্রাগ্বাতাবশ্যমৈথুনৈঃ |
বেগসন্ধারণাযাসব্যাযামৈঃ কুপিতোঽনিলঃ ||১১||
কেবলঃ সকফো বাঽর্ধং গৃহীত্বা শিরসো বলী |
মন্যাভ্রূশঙ্খকর্ণাক্ষিললাটার্ধেঽতিবেদনাম্ ||১২||
শস্ত্রারণিনিভাং কুর্যাত্তীব্রাং সোঽর্ধাবভেদকঃ |
নযনং বাঽথবা শ্রোত্রমতিবৃদ্ধো বিনাশযেত্ ||১৩||
View original
रूक्षाशनात्यध्यशनप्राग्वातावश्यमैथुनैः |
वेगसन्धारणायासव्यायामैः कुपितोऽनिलः ||११||
केवलः सकफो वाऽर्धं गृहीत्वा शिरसो बली |
मन्याभ्रूशङ्खकर्णाक्षिललाटार्धेऽतिवेदनाम् ||१२||
शस्त्रारणिनिभां कुर्यात्तीव्रां सोऽर्धावभेदकः |
नयनं वाऽथवा श्रोत्रमतिवृद्धो विनाशयेत् ||१३||
অর্ধাবভেদলক্ষণমাহ– রূক্ষাশনেত্যাদি| অধ্যশনমজীর্ণে ভোজনম্| অবশ্যাযেতি অবশ্যাযো হিমমুচ্যতে, ছন্দোঽনুরোধেন যকারলোপো হ্রস্বত্বং চেতি ব্যাচক্ষতে| কদাচিত্ সশ্লেষ্মবাতজত্বমিতি বিকল্পং দর্শযতি– কেবল ইত্যাদি| শস্ত্রারণিনিভাং শস্ত্রচ্ছেদনিভামরণিনিভাং চ; অরণিঃ অগ্ন্যুত্থাপনকাষ্ঠযন্ত্রং, তস্য মন্থনবত্ পীডা; কিংবা, অরণিনা কারণেন অগ্নিরেবোচ্যতে, তেনাগ্নিনিভাং চ বেদনাম্| সুশ্রুতে ত্বযং ত্রিদোষজঃ পঠিতঃ| তদ্যথা– “যস্যোত্তমাঙ্গং রুজতেঽর্ধমাত্রং সতোদভেদভ্রমমোহশূলৈঃ| পক্ষাদ্দশাহাদথবাঽপ্যকস্মাত্তমর্ধভেদং ত্রিতযাদ্ব্যবস্যেত্||” (সু. উ. তং. অ. ২৫) ইতি| অত্র তু কেবলোঽনিলঃ সকফো বেত্যৌত্কর্ষ্যাদভিধানং, “সোঽর্ধভেদঃ কফানিলাত্|” ইতি বিদেহেঽপ্যেবং বোদ্ধব্যম্| অযমুপেক্ষ্যমাণো নযনাদিকং হন্যাদিত্যাহ– নযনমিত্যাদি| অত্রৈব বিদেহঃ– “শিরসোঽন্যতরে পার্শ্বে কুপিতো মারুতো যদা| শ্লেষ্মণা রুধ্যতে জন্তোস্তোদস্ফুটনদালনৈঃ|| শূলাবদারণৈর্গাঢমর্ধং তদবরুধ্যতে| নযনং চাবদীর্যেত সোঽর্ধভেদঃ কফানিলাত্|| তথা ত্র্যহাত্ স পঞ্চাহাত্ পক্ষান্মাসাচ্চ দেহিনাম্|” ইতি| সুশ্রুতে “পবনাত্ সপিত্তাত্” (সু. উ. তং. অ. ২৫) ইতি কেচিত্ পঠন্তি| তেন বাতপিত্তজত্বমস্য| সাত্যকিনা “বাযুঃ শিরঃশঙ্খভ্রূনেত্রমবগৃহ্য” ইত্যাদিনা বাতজত্বমস্য দর্শিতম্| অন্যে তু সন্নিপাতাধিকারাত্ সন্নিপাতজং পঠন্তি, তথাচ সুশ্রুতঃ– ‘ত্রিতযাদ্ব্যবস্যেত্|’ (সু. উ. তং. অ. ২৫) ইতি| ব্যাধিস্বভাবাদচিরানুবন্ধকত্বং সান্নিপাতিকত্বেঽপি||১১-১৩||
Adhikarana sha~gkhakasya samprAptipUrvakaM lakShaNam (14-15) · Śloka 15
রক্তপিত্তানিলা দুষ্টাঃ শঙ্খদেশে বিমূর্ছিতাঃ |
তীব্ররুগ্দাহরাগং হি শোথং কুর্বন্তি দারুণম্ ||১৪||
স শিরো বিষবদ্বেগী নিরুন্ধ্যাশু গলং তথা |
ত্রিরাত্রাজ্জীবিতং হন্তি শঙ্খকো নামতঃ পরম্ |
ত্র্যহাজ্জীবতি ভৈষজ্যং প্রত্যাখ্যায সমাচরেত্ ||১৫||
View original
रक्तपित्तानिला दुष्टाः शङ्खदेशे विमूर्छिताः |
तीव्ररुग्दाहरागं हि शोथं कुर्वन्ति दारुणम् ||१४||
स शिरो विषवद्वेगी निरुन्ध्याशु गलं तथा |
त्रिरात्राज्जीवितं हन्ति शङ्खको नामतः परम् |
त्र्यहाज्जीवति भैषज्यं प्रत्याख्याय समाचरेत् ||१५||
শঙ্খকলক্ষণমাহ– রক্তপিত্তানিলা ইত্যাদি| দুষ্টাশ্চযাদিমন্তঃ| মূর্ছিতাঃ অন্যোঽন্যমেকীভূতাঃ| কফোঽপ্যত্র বোদ্ধব্যঃ; তথা চ সুশ্রুতঃ– “শঙ্খাশ্রিতো বাযুরুদীর্ণবেগঃ কৃতানুতাপঃ কফপিত্তরক্তৈঃ|” (সু. উ. তং. অ. ২৫) ইতি| ( মারকত্বমাহ– ত্রিরাত্রাজ্জীবিতং হন্তীতি| কুশলেনোপক্রমে ক্রিযমাণে ত্রিরাত্রাত্ পরতো জীবত্যেবেত্যত আহ– পরং ত্র্যহাজ্জীবতীতি| অত্র অহঃসম্বন্ধিনী রাত্রিরুপলক্ষ্যতে, তেন ত্রিরাত্রাত্, পরং জীবতীত্যর্থঃ| তত্ কিমস্য ত্রিরাত্রাভ্যন্তরে সাধ্যত্বমসাধ্যত্বং বেত্যত আহ– ভৈষজ্যমিত্যাদি| তদনেন ত্রিরাত্রাভ্যন্তরে বিকল্পিতাসাধ্যত্বং, ত্রিরাত্রাত্ পরমসাধ্যত্বং দর্শিতম্| তত্রৈব বিদেহঃ– “চীযতে তু তদা পিত্তং শঙ্খযোরনিলাচিতম্| নিরুণদ্ধি ততো মর্ম পরিপূরিতমুল্বণম্|| ততঃ শঙ্খৌ প্ররুজ্যেতে দহ্যেতে ইব বহ্নিনা| সূচীভিরিব তুদ্যেতে নিকৃত্যেতে ইবাসিনা|| শঙ্খকো নাম শিরসি ব্যাধিরেষঃ সুদারুণঃ| তৃষ্ণামূর্ছাজ্বরকরস্ত্রিরাত্রাত্ পরমন্তকৃত্|| কুশলেন তূপক্রান্তস্ত্রিরাত্রাদেব জীবতি|” ইতি)||১৪-১৫||
Adhikarana puShpikA · Śloka 60
ইতি শ্রীমাধবকরবিচিতে মাধবনিদানে শিরোরোগনিদানং সমাপ্তম্ ||৬০||
View original
इति श्रीमाधवकरविचिते माधवनिदाने शिरोरोगनिदानं समाप्तम् ||६०||
ইতি শ্রীকণ্ঠদত্তকৃতাযাং মধুকোশব্যাখ্যাযাং শিরোরোগনিদানং সমাপ্তম্||৬০||