Adhikarana shlIpadasamprAptiH, vAtaja-pittaja-shlaiShmikashlIpadalakShaNaM ca (1-3) · Śloka 3
অথ শ্লীপদনিদানম্ |
যঃ সজ্বরো বঙ্ক্ষণজো ভৃশার্তিঃ শোথো নৃণাং পাদগতঃ ক্রমেণ |
তচ্ছ্লীপদং স্যাত্ করকর্ণনেত্রশিশ্নৌষ্ঠনাসাস্বপি কেচিদাহুঃ ||১||
বাতজং কৃষ্ণরূক্ষং চ স্ফুটিতং তীব্রবেদনম্ |
অনিমিত্তরুজং তস্য বহুশো জ্বর এব চ ||২||
পিত্তজং পীতসঙ্কাশং দাহজ্বরযুতং মৃদু |
শ্লৈষ্মিকং স্নিগ্ধবর্ণং চ শ্বেতং পাণ্ডু গুরু স্থিরম্ ||৩||
View original
अथ श्लीपदनिदानम् |
यः सज्वरो वङ्क्षणजो भृशार्तिः शोथो नृणां पादगतः क्रमेण |
तच्छ्लीपदं स्यात् करकर्णनेत्रशिश्नौष्ठनासास्वपि केचिदाहुः ||१||
वातजं कृष्णरूक्षं च स्फुटितं तीव्रवेदनम् |
अनिमित्तरुजं तस्य बहुशो ज्वर एव च ||२||
पित्तजं पीतसङ्काशं दाहज्वरयुतं मृदु |
श्लैष्मिकं स्निग्धवर्णं च श्वेतं पाण्डु गुरु स्थिरम् ||३||
উত্সেধসাধর্ম্যাদর্বুদেন সহ কফসম্বন্ধাব্যভিচারসাম্যাচ্চাথ শ্লীপদনিদানম্| তস্য সম্প্রাপ্তিমাহ– য ইত্যাদি| বঙ্ক্ষণাবস্থানমেবাস্য পূর্বরূপম্| ক্রমেণেতি শনৈঃ শনৈঃ| তত্ শ্লীপদং স্যাদিত্যনেন নিরুপাধিরেবেযং সঞ্জ্ঞেতি দর্শযতি; অন্যে শিলাবত্ পদং শ্লীপদমিতি বদন্তি, নৈরুক্ত্যেন চ বিধিনা সাধুত্বম্| করকর্ণাদিগতশ্লীপদানাং যথোক্তসম্প্রাপ্ত্যভাবাত্ কেচিদাহুরিতি পরমতেনোক্তিঃ||১-৩||
Adhikarana asAdhyashlIpadalakShaNam (4) · Śloka 4
বল্মীকমিব সঞ্জাতং কণ্টকৈরুপচীযতে |
অব্দাত্মকং মহত্তচ্চ বর্জনীযং বিশেষতঃ ||৪||
View original
वल्मीकमिव सञ्जातं कण्टकैरुपचीयते |
अब्दात्मकं महत्तच्च वर्जनीयं विशेषतः ||४||
এষামসাধ্যতামাহ– বল্মীকমিবেত্যাদি| সঞ্জাতং প্রবৃদ্ধং সত্ বল্মীকবদ্বহুশিখরাকারং গ্রন্থিভিরুপচিতং যদ্ভবতি তদসাধ্যম্| অন্যে তু পুনরমুং গ্রন্থিং কফজলক্ষণত্বেন বর্ণযন্তি; তন্ন মনো ধিনোতি, সুশ্রুতে বল্মীকবজ্জাতস্যাসাধ্যত্বেনাভিধানাত্| তদ্যথা– “তত্র সংবত্সরাতীতমতিমহদ্বল্মীকমিব সঞ্জাতং সম্প্রস্রুতমিতি বর্জনীযানি ভবন্তি|” (সু. নি. অ. ১২) ইতি| অব্দাত্মকমিত্যাদি| অব্দাত্মকং সংবত্সরাতীতম্, অব্দমেকমিতি পাঠে তু ‘অতিক্রান্তম্’ ইতি শেষঃ| মহদিতি অত্যন্তমুচ্ছূনম্| বর্জনীযং বিশেষত ইতি প্রত্যাখ্যেযম্||৪||
Adhikarana shlIpadeShu kaphasyAvyabhicAreNa prAdhAnyam (5) · Śloka 5
ত্রীণ্যপ্যেতানি জানীযাচ্ছ্লীপদানি কফোচ্ছ্রযাত্ |
গুরুত্বং চ মহত্ত্বং চ যস্মান্নাস্তি কফং বিনা ||৫||
(সু. নি. অ. ১২) |
View original
त्रीण्यप्येतानि जानीयाच्छ्लीपदानि कफोच्छ्रयात् |
गुरुत्वं च महत्त्वं च यस्मान्नास्ति कफं विना ||५||
(सु. नि. अ. १२) |
শ্লীপদেষু কফস্যাব্যভিচারেণ প্রাধান্যমাহ– ত্রীণ্যপ্যেতানীত্যাদি| ননু, যদ্যব্যভিচারী সর্বত্র কফঃ কথং তর্হি একদোষজত্বব্যপদেশঃ, সর্বস্য দ্বিদোষজত্বপ্রসঙ্গাত্? উচ্যতে– অনুবন্ধোঽত্র কফঃ, ন ত্বনুবন্ধ্যঃ; এতেনাত্র ন দ্বিদোষজপ্রসঙ্গ ইত্যভিপ্রাযঃ||৫||
Adhikarana shlIpadasambhavaheturdeshaH (6) · Śloka 6
পুরাণোদকভূযিষ্ঠাঃ সর্বর্তুষু চ শীতলাঃ |
যে দেশাস্তেষু জাযন্তে শ্লীপদানি বিশেষতঃ ||৬||
(সু. নি. অ. ১২) |
View original
पुराणोदकभूयिष्ठाः सर्वर्तुषु च शीतलाः |
ये देशास्तेषु जायन्ते श्लीपदानि विशेषतः ||६||
(सु. नि. अ. १२) |
শ্লীপদসম্ভবহেতুং দেশমাহ– পুরাণোদকেত্যাদি| অনূপদেশে হি সলিলং পতিতং বহূদকং নিম্নতযা ন শোষমুপযাতি; জাঙ্গলে তু আগ্নেযোন্নতভূভাগত্বাত্ ন পুরাণোদকভূযিষ্ঠতা| স্তিমিতস্যানূপস্য মন্দাতপত্বেনোষ্ণর্তাবপি শীততেতি অত উক্তম্– “সর্বর্তুষু চ শীতলাঃ” ইতি| করকর্ণাদিগতশ্লীপদসন্দেহে কোপদ্বারেণ জ্বরেণ শ্লীপদাবধারণং করণীযম্||৬||
Adhikarana shlIpadasyAparamasAdhyalakShaNam (7) · Śloka 7
যচ্ছ্লেষ্মলাহারবিহারজাতং পুংসঃ প্রকৃত্যাঽপি কফাত্মকস্য |
সাস্রাবমত্যুন্নতসর্বলিঙ্গং সকণ্ডুরং শ্লেষ্মযুতং বিবর্জ্যম্ ||৭||
View original
यच्छ्लेष्मलाहारविहारजातं पुंसः प्रकृत्याऽपि कफात्मकस्य |
सास्रावमत्युन्नतसर्वलिङ्गं सकण्डुरं श्लेष्मयुतं विवर्ज्यम् ||७||
অপরমসাধ্যলক্ষণমাহ– যদিত্যাদি| অত্যুন্নতসর্বলিঙ্গমিতি যেন দোষেণারব্ধং শ্লীপদং তস্যাত্যুন্নতানি অতিবৃদ্ধানি সর্বাণি লিঙ্গানি যত্র তত্তথা| সকণ্ডুরমিতি অত্যন্তকণ্ডুমত্| শ্লেষ্মযুতমিতি শ্লেষ্মানুগম্||৭||
Adhikarana puShpikA · Śloka 39
ইতি শ্রীমাধবকরবিরচিতে মাধবনিদানে শ্লীপদনিদানং সমাপ্তম্ ||৩৯||
View original
इति श्रीमाधवकरविरचिते माधवनिदाने श्लीपदनिदानं समाप्तम् ||३९||
ইতি শ্রীকণ্ঠদত্তবিরচিতাযাং মধুকোশব্যাখ্যাযাং শ্লীপদনিদানং সমাপ্তম্||৩৯||