Adhikarana shUkadoShanidAnam (1) · Śloka 1
অথ শূকদোষনিদানম্ |
অক্রমাচ্ছেফসো বৃদ্ধিং যোঽভিবাঞ্ছতি মূঢধীঃ |
ব্যাধযস্তস্য জাযন্তে দশ চাষ্টৌ চ শূকজাঃ ||১||
View original
अथ शूकदोषनिदानम् |
अक्रमाच्छेफसो वृद्धिं योऽभिवाञ्छति मूढधीः |
व्याधयस्तस्य जायन्ते दश चाष्टौ च शूकजाः ||१||
সমানস্থানত্বাচ্ছূকদোষনিদানমাহ– অক্রমাদিত্যাদি| শূকো জলশূকঃ, স তু বিষজন্তুর্জলমলোদ্ভবঃ সশূকঃ, তথা শূকপ্রধানো লিঙ্গবৃদ্ধিকরো বাত্স্যাযনাদ্যুক্তো যোগঃ শূক উচ্যতে; তস্য দোষো বৈকৃতমসম্যক্করণাত্, ততো বা দোষো বাতাদিঃ, তত্কৃতো বা বিকারঃ, “দোষা অপি ব্যাধ্যাখ্যাং লভন্তে” ইত্যাগমাত্; অত এব শূকদোষবিবরণে শূকদোষনিমিত্তা ব্যাধয এব বোদ্ধব্যাঃ| এবং চ যদত্র ‘কুম্ভিকা রক্তপিত্তোত্থা’ ইত্যাদিকারণান্তরোপবর্ণনং তত্ শূককৃতরক্তপিত্তাদিরূপং জ্ঞেযম্| অন্যে ত্বাদিশব্দলোপাত্ শূকাদিদোষনিদানমাহুঃ| আদিশব্দেন দুষ্টযোনিগূঢান্তর্লোমদুর্ভগাগমনাদি গৃহ্যতে; তন্ন মনোহরং, “বৃদ্ধিং যোঽভিবাঞ্ছতি” ইত্যনেন বিশেষণেন দুষ্টযোন্যাদেরযোগ্যস্য গ্রহীতুমনর্হত্বাত্| অন্যে তু দুষ্টযোন্যাদীন্যুপদংশহেতুত্বেনোক্তত্বাত্ নানুমন্যন্তে; তদনৈকান্তিকম্, একজাতীযহেতূনামনেকরোগকরণদর্শনাত্| অক্রমাদিত্যনুচিতবৃদ্ধিক্রমাত্; অনুচিতা চ বৃদ্ধির্ভূরিবিকারকরজলশূকযোগানামাচারণাত্, জলশূকযোগানাং বাত্স্যাযনাদৌ বিস্তরঃ| যথা– “ভল্লাতকাস্থিজলশূকমথাব্জপত্রমন্তর্বিদহ্য মতিমান্ সহ সৈন্ধবেন| এতদ্বিরূঢবৃহতীফলতোযপিষ্টমালেপনং মহিষবিড্বিমলীকৃতেঽঙ্গে|| স্থূলং মহত্তরতুরঙ্গমতুল্যমাশু শেফং করোত্যভিমতং ন হি সংশযোঽস্তি||” ইত্যাদি| যচ্চ জলশূকরহিতমশ্বগন্ধাদিতৈলং তদুচিতমেব লিঙ্গবর্ধনম্| যদুক্তম্– “অশ্বগন্ধাবরীকুষ্ঠমাংসীসিংহীফলান্বিতম্| চতুর্গুণেন দুগ্ধেন তিলতৈলং বিপাচযেত্|| স্তনলিঙ্গকর্ণপালিবর্ধনং ম্রক্ষণাদিদম্||” ইতি| গদাধরস্ত্বাহ– লিঙ্গবৃদ্ধিরেব কামপরাযণনিন্দিতপুরুষৈঃ ক্রিযমাণা অক্রমঃ| দশ চাষ্টৌ চেতি অষ্টাদশ; সঙ্খ্যেযনির্দেশাদেব লব্ধাযাং সঙ্খ্যাযাং পুনস্তদুক্তিঃ সম্মূঢপিডকাদৌ দ্বিত্বশঙ্কানিরাসার্থম্||১||
Adhikarana sarShapikAlakShaNam (2) · Śloka 2
গৌরসর্ষপসংস্থানা শূকদুর্ভুগ্নহেতুকা |
পিডকা শ্লেষ্মবাতাভ্যাং জ্ঞেযা সর্ষপিকা তু সা ||২||
(সু. নি. অ. ১৪) |
View original
गौरसर्षपसंस्थाना शूकदुर्भुग्नहेतुका |
पिडका श्लेष्मवाताभ्यां ज्ञेया सर्षपिका तु सा ||२||
(सु. नि. अ. १४) |
সর্ষপিকামাহ– গৌরেত্যাদি| শূকদুর্ভুগ্নহেতুকেতি দুর্ভুগ্নশূকহেতুকেত্যর্থঃ| পিডকাদিষু উভযবচনমিতি(?) পরনিপাতঃ দুর্ভুগ্নো দুরবচারিতঃ| ‘শূকদুর্ভগহেতুকা’ ইতি পাঠান্তরে শূকনিমিত্তা, দুষ্টযোনিনিমিত্তা চেত্যর্থঃ||২||
Adhikarana aShThIlikAlakShaNam (3) · Śloka 3
কঠিনা বিষমৈর্ভুগ্নৈর্বাযুনাঽষ্ঠীলিকা ভবেত্ |৩|
(সু. নি. অ. ১৪) |
View original
कठिना विषमैर्भुग्नैर्वायुनाऽष्ठीलिका भवेत् |३|
(सु. नि. अ. १४) |
অষ্ঠীলিকামাহ– কঠিনেত্যাদি| বিষমৈর্ভুগ্নৈরিতি বক্ষ্যমাণশূকৈরিত্যনেন সম্বধ্যতে| বিষমৈরিতি অপ্রশস্তৈঃ| অষ্ঠীলিকা লৌহকারস্য ভাণ্ডীবিশেষ, তত্তুল্যত্বাদষ্ঠীলিকা|৩|–
Adhikarana grathitalakShaNam (3) · Śloka 3
শূকৈর্যত্ পূরিতং শশ্বদ্গ্রথিতং নাম তত্ কফাত্ ||৩||
View original
शूकैर्यत् पूरितं शश्वद्ग्रथितं नाम तत् कफात् ||३||
গ্রথিতমাহ– শূকৈরিত্যাদি| শূকৈর্যত্ পূরিতং শশ্বদ্গ্রথিতমিতি শূকৈঃ সর্বদা পূরিতং লিঙ্গং যত্ গ্রন্থিলং তত্ গ্রথিতমিত্যর্থঃ; গ্রন্থিতুল্যত্বাত্ গ্রথিতসঞ্জ্ঞা||৩||
Adhikarana kumbhikAlakShaNam (4) · Śloka 4
কুম্ভিকা রক্তপিত্তোত্থা জাম্ববাস্থিনিভাঽশুভা |৪|
(সু. নি. অ. ১৪) |
View original
कुम्भिका रक्तपित्तोत्था जाम्बवास्थिनिभाऽशुभा |४|
(सु. नि. अ. १४) |
কুম্ভিকামাহ– কুম্ভিকেত্যাদি| কুম্ভী কুম্ভীলতা, তস্যাঃ ফলং কুম্ভী; তদ্ধিতস্য লুক্; ‘ইবে প্রতিকৃতৌ’ ইতি কন্ কুম্ভীফলবত্ কুম্ভিকা| অশুভেতি শুভং শুক্লং তদ্বিরোধে নঞ্, কৃষ্ণেত্যর্থঃ| ‘আশুজা’ ইতি পাঠান্তরম্|৪|–
Adhikarana alajIlakShaNam (4) · Śloka 4
তুল্যজাং ত্বলজীং বিদ্যাদ্যথাপ্রোক্তাং বিচক্ষণঃ ||৪||
(সু. নি. অ. ১৪) |
View original
तुल्यजां त्वलजीं विद्याद्यथाप्रोक्तां विचक्षणः ||४||
(सु. नि. अ. १४) |
অলজীমাহ– তুল্যজামিত্যাদি| তুল্যজামিতি প্রমেহপিডকা অলজী তত্তুল্যসম্ভবা, সা চ রক্তাঽসিতা স্ফোটচিতা| তুল্যত্বমেব বিবৃণোতি– যথাপ্রোক্তামিতি| অলজী যথাপ্রোক্তা যাদৃশলক্ষণা তথেযমপীত্যর্থঃ| এষা চ কারণচিকিত্সাভেদাত্ প্রমেহং বিনা লিঙ্গ এব সম্ভবাচ্চ ততঃ পৃথগ্ভূতা জ্ঞেযা||৪||
Adhikarana mRuditalakShaNam (5) · Śloka 5
মৃদিতং পীডিতং যচ্চ সংরব্ধং বাতকোপতঃ |৫|
(সু. নি. অ. ১৪) |
View original
मृदितं पीडितं यच्च संरब्धं वातकोपतः |५|
(सु. नि. अ. १४) |
মৃদিতমাহ– মৃদিতমিত্যাদি| পীডিতমিতি অধিকৃতত্বাত্ শূকপাতানন্তরং পীডিতমিতি জ্ঞেযং, পীডিতং ‘লিঙ্গম্’ ইতি শেষঃ| সংরব্ধং সশোথম্|৫|–
Adhikarana sammUDhapiDakAlakShaNam (5) · Śloka 5
পাণিভ্যাং ভৃশসম্মূঢে সম্মূঢপিডকা ভবেত্ ||৫||
(সু. নি. অ. ১৪) |
View original
पाणिभ्यां भृशसम्मूढे सम्मूढपिडका भवेत् ||५||
(सु. नि. अ. १४) |
সম্মূঢপিডকামাহ– পাণিভ্যামিত্যাদি| পাণিভ্যাং ভৃশসম্মূঢে ইত্যধিকারাত্ পাতিতশূকে লিঙ্গে পাণিভ্যাং ভৃশসম্মূঢে পিচ্চিতাবনতে, অত্রাপি ‘বাতকোপাত্’ ইত্যনুবর্ততে||৫||
Adhikarana adhimanthalakShaNam (6) · Śloka 6
দীর্ঘা বহ্ব্যশ্চ পিডকা দীর্যন্তে মধ্যতস্তু যাঃ |
সোঽধিমন্থঃ কফাসৃগ্ভ্যাং বেদনারোমহর্ষকৃত্ ||৬||
(সু. নি. অ. ১৪) |
View original
दीर्घा बह्व्यश्च पिडका दीर्यन्ते मध्यतस्तु याः |
सोऽधिमन्थः कफासृग्भ्यां वेदनारोमहर्षकृत् ||६||
(सु. नि. अ. १४) |
অধিমন্থমাহ– দীর্ঘা ইত্যাদি| কফাসৃগ্ভ্যামিতি শূকপাতকৃতাভ্যাম্| এবমন্যত্রাপি সামান্যেন শূকদোষাভিহিতে শূকপাতোঽনুক্তোঽপি জ্ঞেযঃ| বেদনারোমহর্ষকৃদিতি বেদনযা রোমহর্ষং করোতি||৬||
Adhikarana puShkarikAlakShaNam (7) · Śloka 7
পিডকা পিডকাব্যাপ্তা পিত্তশোণিতসম্ভবা |
পদ্মকর্ণিকসংস্থানা জ্ঞেযা পুষ্করিকা তু সা ||৭||
(সু. নি. অ. ১৪) |
View original
पिडका पिडकाव्याप्ता पित्तशोणितसम्भवा |
पद्मकर्णिकसंस्थाना ज्ञेया पुष्करिका तु सा ||७||
(सु. नि. अ. १४) |
পুষ্করিকামাহ– পিডেকেত্যাদি||৭||
Adhikarana sparshahAnilakShaNam (8) · Śloka 8
স্পর্শহানিং তু জনযেচ্ছোণিতং শূকদূষিতম্ |৮|
(সু. নি. অ. ১৪) |
View original
स्पर्शहानिं तु जनयेच्छोणितं शूकदूषितम् |८|
(सु. नि. अ. १४) |
স্পর্শহানিমাহ– স্পর্শহানিং ত্বিত্যাদি|৮|–
Adhikarana uttamAlakShaNam (8) · Śloka 8
মুদ্গমাষোপমা রক্তা রক্তপিত্তোদ্ভবা তু যা ||৮||
ব্যাধিরেষোত্তমা নাম শূকাজীর্ণনিমিত্তজা |
(সু. নি. অ. ১৪) |
View original
मुद्गमाषोपमा रक्ता रक्तपित्तोद्भवा तु या ||८||
व्याधिरेषोत्तमा नाम शूकाजीर्णनिमित्तजा |
(सु. नि. अ. १४) |
উত্তমামাহ– মুদ্গমাষেত্যাদিনা| এষোত্তমা ব্যাধিঃ শূকাজীর্ণনিমিত্তজা ভবতি, শূকাজীর্ণং পুনঃ পুনর্দুরবচারিতশূকবিকৃতিরূপমেব| “ব্যাধিরেষোত্তমো নাম” ইতি পাঠান্তরে এষোত্তম ইতি নির্দেশঃ পূর্বত্রাসিদ্ধবিধেরনিত্যত্বাত্ সাধুঃ||৮||–
Adhikarana shataponakalakShaNam (9) · Śloka 11
ছিদ্রৈরণুমুখৈর্লিঙ্গং চিতং যস্য সমন্ততঃ ||৯||
বাতশোণিতজো ব্যাধিঃ স জ্ঞেযঃ শতপোনকঃ |
(সু. নি. ১৪) ||১১||
View original
छिद्रैरणुमुखैर्लिङ्गं चितं यस्य समन्ततः ||९||
वातशोणितजो व्याधिः स ज्ञेयः शतपोनकः |
(सु. नि. १४) ||११||
শতপোনকমাহ– ছিদ্রৈরণুমুখৈরিত্যাদিনা| ছিদ্রৈরিতি দুরবচারিতশূকদোষজনিতবাতশোণিতজৈঃ, চিতমুপচিতম্, অত এব চিকিত্সাযাং লেখনোপদেশঃ| শতপোনকশ্চালনিকা, তত্তুল্যত্বাত্ শতপোনকঃ||৯||–
Adhikarana tvakpAkalakShaNam (10) · Śloka 10
বাতপিত্তকৃতো জ্ঞেযস্ত্বক্পাকো জ্বরদাহকৃত্ ||১০||
(সু. নি. অ. ১৪) |
View original
वातपित्तकृतो ज्ञेयस्त्वक्पाको ज्वरदाहकृत् ||१०||
(सु. नि. अ. १४) |
ত্বক্পাকমাহ– বাতপিত্তকৃত ইত্যাদি| শূকদোষেষু ক্বচিত্ কস্যচিত্ দোষস্যাভিধানং শূকবিশেষাদাহারাচারভেদাচ্চ সমর্থনীযম্||১০||
Adhikarana shoNitArbudalakShaNam (11) · Śloka 11
কৃষ্ণৈঃ স্ফোটৈঃ সরক্তাভিঃ পিডকাভির্নিপীডিতম্ |
যস্য বাস্তুরুজশ্চোগ্রা জ্ঞেযং তচ্ছোণিতার্বুদম্ ||১১||
(সু. নি. অ. ১৪) |
View original
कृष्णैः स्फोटैः सरक्ताभिः पिडकाभिर्निपीडितम् |
यस्य वास्तुरुजश्चोग्रा ज्ञेयं तच्छोणितार्बुदम् ||११||
(सु. नि. अ. १४) |
শোণিতার্বুদমাহ– কৃষ্ণৈঃ স্ফোটৈরিত্যাদিনা| পিডকাভিরিতি স্বল্পাভির্নিপীডিতং লিঙ্গমিতি বোদ্ধব্যম্| যস্য বাস্তুরুজ ইতি বাস্তু ব্রণাধিষ্ঠানং, তত্র রুজঃ, অগাধোচ্ছ্রিতমাংসশোথত্বাত্| ‘বস্তিরুজশ্চোগ্রা’ ইতি পাঠান্তরম্| অর্বুদং দুরবচারিতশূকজশোণিতকৃতম্||১১||
Adhikarana mAMsArbudalakShaNam (12) · Śloka 12
মাংসদোষেণ জানীযাদর্বুদং মাংসসম্ভবম্ |১২|
(সু. নি. অ. ১৪) |
View original
मांसदोषेण जानीयादर्बुदं मांससम्भवम् |१२|
(सु. नि. अ. १४) |
মাংসার্বুদমাহ– মাংসদোষেণেত্যাদি| মাংসদোষেণেতি শূকপাতানন্তরং প্রহারাদিনা কৃতেন মাংসদোষেণ|১২|–
Adhikarana mAMsapAkalakShaNam (12) · Śloka 12
শীর্যন্তে যস্য মাংসানি যস্য সর্বাশ্চ বেদনাঃ ||১২||
বিদ্যাত্তং মাংসপাকং তু সর্বদোষকৃতং ভিষক্ |
(সু. নি. অ. ১৪) |
View original
शीर्यन्ते यस्य मांसानि यस्य सर्वाश्च वेदनाः ||१२||
विद्यात्तं मांसपाकं तु सर्वदोषकृतं भिषक् |
(सु. नि. अ. १४) |
মাংসপাকমাহ– শীর্যন্তে যস্যেত্যাদি| শীর্যন্তে গলন্তি, সর্বাশ্চ বেদনা ইতি বাতপিত্তকফজাঃ||১২||–
Adhikarana vidradhilakShaNam (13) · Śloka 13
বিদ্রধিং সন্নিপাতেন যথোক্তমিতি নির্দিশেত্ ||১৩||
(সু. নি. অ. ১৪) |
View original
विद्रधिं सन्निपातेन यथोक्तमिति निर्दिशेत् ||१३||
(सु. नि. अ. १४) |
বিদ্রধিমাহ– বিদ্রধিমিত্যাদি| সন্নিপাতেন যথোক্তমিতি ‘নানাবর্ণরুজাস্রাবঃ’ ইত্যাদিনা সন্নিপাতজবিদ্রধিলক্ষণং বিদ্রধিমিহ জানীযাদিত্যর্থঃ||১৩||
Adhikarana tilakAlakalakShaNam (14-15) · Śloka 15
কৃষ্ণানি চিত্রাণ্যথবা শূকানি সবিষাণি বা |
পাতিতানি পচন্ত্যাশু মেঢ্রং নিরবশেষতঃ ||১৪||
কালানি ভূত্বা মাংসানি শীর্যন্তে যস্য দেহিনঃ |
সন্নিপাতসমুত্থাংস্তু তান্ বিদ্যাত্তিলকালকান্ ||১৫||
(সু. নি. অ. ১৪) |
View original
कृष्णानि चित्राण्यथवा शूकानि सविषाणि वा |
पातितानि पचन्त्याशु मेढ्रं निरवशेषतः ||१४||
कालानि भूत्वा मांसानि शीर्यन्ते यस्य देहिनः |
सन्निपातसमुत्थांस्तु तान् विद्यात्तिलकालकान् ||१५||
(सु. नि. अ. १४) |
তিলকালকমাহ– কৃষ্ণানীত্যাদি| চিত্রাণীতি নানাবর্ণানি| সবিষাণীতি শূকানাং সবিষত্বেঽপি বিশেষার্থমুক্তম্| কালানীতি কৃষ্ণানি, কৃষ্ণতিলতুল্যত্বাত্ তিলকালকসঞ্জ্ঞা| শীর্যন্তে গলন্তি||১৪-১৫||
Adhikarana shUkadoShANAM sAdhyAsAdhyavicAraH (16) · Śloka 16
তত্র মাংসার্বুদং যচ্চ মাংসপাকশ্চ যঃ স্মৃতঃ |
বিদ্রধিশ্চ ন সিদ্ধ্যন্তি যে চ স্যুস্তিলকালকাঃ ||১৬||
(সু. নি. অ. ১৪) |
View original
तत्र मांसार्बुदं यच्च मांसपाकश्च यः स्मृतः |
विद्रधिश्च न सिद्ध्यन्ति ये च स्युस्तिलकालकाः ||१६||
(सु. नि. अ. १४) |
শূকদোষেষ্বসাধ্যানাহ– তত্র মাংসার্বুদমিত্যাদি| যচ্চেতি চকারোঽযং ভিন্নক্রমঃ, স চ ন সিদ্ধ্যতীত্যনন্তরং দ্রষ্টব্যঃ; তেন সাধ্যতাঽপ্যেষামচিরত্বাদিনা ভবতি, অত এব প্রত্যাখ্যায চিকিত্সাবিধানমুপপন্নমিতি গদাধরঃ| দুর্জ্ঞানাত্ সাধ্যে এব অসাধ্যতারোপাদসম্পূর্ণাবস্থাযামসাধ্যেঽপি ক্রিযাসিদ্ধেশ্চ মা নিবর্ততাং ভিষগিতি প্রত্যাখ্যায চিকিত্সাং কারুণিকতযা আচার্য উপদিশতীতি মন্তব্যম্||১৬||
Adhikarana puShpikA · Śloka 48
ইতি শ্রীমাধবকরবিরচিতে মাধবনিদানে শূকদোষনিদানং সমাপ্তম্ ||৪৮||
View original
इति श्रीमाधवकरविरचिते माधवनिदाने शूकदोषनिदानं समाप्तम् ||४८||
ইতি শ্রীকণ্ঠদত্তকৃতাযাং মধুকোশব্যাখ্যাযাং শূকদোষনিদানং সমাপ্তম্||৪৮||