Adhikarana shUlasya sannikRuShTanidAnam (1) · Śloka 1
অথ শূলপরিণামশূলান্নদ্রবশূলনিদানম্ |
দোষৈঃ পৃথক্ সমস্তামদ্বন্দ্বৈঃ শূলোঽষ্টধা ভবেত্ |
সর্বেষ্বেতেষু শূলেষু প্রাযেণ পবনঃ প্রভুঃ ||১||
View original
अथ शूलपरिणामशूलान्नद्रवशूलनिदानम् |
दोषैः पृथक् समस्तामद्वन्द्वैः शूलोऽष्टधा भवेत् |
सर्वेष्वेतेषु शूलेषु प्रायेण पवनः प्रभुः ||१||
আমবাতেঽপি শূলং ভবতীত্যতস্তদনন্তরং শূলনিদানম্| জ্বরাদিবত্ শূলস্যাপি প্রাগুত্পত্তিরস্তি| যদাহ হারীতঃ– “অনঙ্গনাশায হরস্ত্রিশূলং মুমোচ কোপান্মকরধ্বজশ্চ| তমাপতন্তং সহসা নিরীক্ষ্য ভযার্দিতো বিষ্ণুতনুং প্রবিষ্টঃ|| স বিষ্ণুহুঙ্কারবিমোহিতাত্মা পপাত ভূমৌ প্রথিতঃ স শূলঃ| স পঞ্চভূতানুগতং শরীরং প্রদূষযত্যস্য হি পূর্বসৃষ্টিঃ||” ইতি| এতেন শূলসম্ভবত্বাদস্য শূলমিতি সঞ্জ্ঞা, শূলনিখাতবদ্বেদনাজনকত্বাচ্চ| তদাহ বৃদ্ধসুশ্রুতঃ– “শঙ্কুস্ফোটনবত্তস্য যস্মাত্তীব্রা হি বেদনা| শূলাসক্তস্য ভবতি তস্মাচ্ছূলমিহোচ্যতে||” (সু. উ. তং. অ. ৪২) ইতি| কফপিত্তাদিশূলেষ্ববশ্যম্ভাবী বাযুরিত্যাহ– সর্বেষ্বিত্যাদি| প্রভুঃ কর্তা||১||
Adhikarana vAtikashUlasya nidAnAdipUrvakaM lakShaNam (2-5) · Śloka 5
ব্যাযামযানাদতিমৈথুনাচ্চ প্রজাগরাচ্ছীতজলাতিপানাত্ |
কলাযমুদ্গাঢকিকোরদূষাদত্যর্থরূক্ষাধ্যশনাভিঘাতাত্ ||২||
কষাযতিক্তাতিবিরূঢজান্নবিরুদ্ধবল্লূরকশুষ্কশাকাত্ |
বিট্শুক্রমূত্রানিলবেগরোধাচ্ছোকোপবাসাদতিহাস্যভাষ্যাত্ ||৩||
বাযুঃ প্রবৃদ্ধো জনযেদ্ধি শূলং হৃত্পার্শ্বপৃষ্ঠত্রিকবস্তিদেশে |
জীর্ণে প্রদোষে চ ঘনাগমে চ শীতে চ কোপং সমুপৈতি গাঢম্ ||৪||
মুহুর্মুহুশ্চোপশমপ্রকোপী বিড্বাতসংস্তম্ভনতোদভেদৈঃ |
সংস্বেদনাভ্যঞ্জনমর্দনাদ্যৈঃ স্নিগ্ধোষ্ণভোজ্যৈশ্চ শমং প্রযাতি ||৫||
View original
व्यायामयानादतिमैथुनाच्च प्रजागराच्छीतजलातिपानात् |
कलायमुद्गाढकिकोरदूषादत्यर्थरूक्षाध्यशनाभिघातात् ||२||
कषायतिक्तातिविरूढजान्नविरुद्धवल्लूरकशुष्कशाकात् |
विट्शुक्रमूत्रानिलवेगरोधाच्छोकोपवासादतिहास्यभाष्यात् ||३||
वायुः प्रवृद्धो जनयेद्धि शूलं हृत्पार्श्वपृष्ठत्रिकबस्तिदेशे |
जीर्णे प्रदोषे च घनागमे च शीते च कोपं समुपैति गाढम् ||४||
मुहुर्मुहुश्चोपशमप्रकोपी विड्वातसंस्तम्भनतोदभेदैः |
संस्वेदनाभ्यञ्जनमर्दनाद्यैः स्निग्धोष्णभोज्यैश्च शमं प्रयाति ||५||
বাতিকমাহ– ব্যাযামেত্যাদি| শীতজলাতিপানাত্ শীতলজলস্য প্রভূতপানাত্| আঢকী তুবরী, কোরদূষঃ কোদ্রবঃ, বিরূঢজান্নমঙ্কুরিতধান্যকৃতমন্নং, বিরুদ্ধং ক্ষীরমত্স্যাদিকং, বল্লূরং শুষ্কমাংসম্| যদ্যপি সর্বৈরেব বাতকোপনৈর্বাতশূলং স্যাত্তথাঽপি ব্যাযামাদিপাঠেনৈতদ্দর্শযতি– ব্যাযামাদযো যথা বাতহেতবস্তথা শূলহেতবোঽপীতি; দোষব্যাধিহেতব ইত্যর্থঃ| এবং পিত্তশূলাদিষু দ্রষ্টব্যম্| জীর্ণে ইত্যাহারে| ঘনাগমে বর্ষাসু, মেঘোদযে চ| মুহুর্মুহুরুপশমপ্রকোপৌ বাযোশ্চলত্বেন||২-৫||
Adhikarana paittikashUlasya nidAnAdipUrvakaM lakShaNam (6-8) · Śloka 8
ক্ষারাতিতীক্ষ্ণোষ্ণবিদাহিতৈলনিষ্পাবপিণ্যাককুলত্থযূষৈঃ |
কট্বম্লসৌবীরসুরাবিকারৈঃ ক্রোধানলাযাসরবিপ্রতাপৈঃ ||৬||
গ্রাম্যাতিযোগাদশনৈর্বিদগ্ধৈঃ পিত্তং প্রকুপ্যাশু করোতি শূলম্ |
তৃণ্মোহদাহার্তিকরং হি নাভ্যাং সংস্বেদমূর্ছাভ্রমচোষযুক্তম্ ||৭||
মধ্যন্দিনে কুপ্যতি চার্ধরাত্রে বিদাহকালে জলদাত্যযে চ |
শীতে চ শীতৈঃ সমুপৈতি শান্তিং সুস্বাদুশীতৈরপি ভোজনশ্চ ||৮||
View original
क्षारातितीक्ष्णोष्णविदाहितैलनिष्पावपिण्याककुलत्थयूषैः |
कट्वम्लसौवीरसुराविकारैः क्रोधानलायासरविप्रतापैः ||६||
ग्राम्यातियोगादशनैर्विदग्धैः पित्तं प्रकुप्याशु करोति शूलम् |
तृण्मोहदाहार्तिकरं हि नाभ्यां संस्वेदमूर्छाभ्रमचोषयुक्तम् ||७||
मध्यन्दिने कुप्यति चार्धरात्रे विदाहकाले जलदात्यये च |
शीते च शीतैः समुपैति शान्तिं सुस्वादुशीतैरपि भोजनश्च ||८||
পৈত্তিকমাহ– ক্ষারেত্যাদি| ক্ষারো যবক্ষারাদিঃ মুষ্ককাদিকৃতক্ষারদ্রব্যং চ, তীক্ষ্ণোষ্ণং মরিচরাজিকাদি, বিদাহি বংশকরীরাদি, তৈলং তিলবিকৃতিঃ, নিষ্পাবঃ শিম্বিঃ, পিণ্যাকো নিঃস্নেহঃ সর্ষপাদিকল্কঃ, কুলত্থযূষোঽত্র কুলত্থান্নপানোপলক্ষণঃ| সৌবীরং সন্ধানবিশেষঃ| রবিপ্রতাপো রৌদ্রঃ| গ্রাম্যাতিযোগো মৈথুনাতিসেবা| বিদাহীতি পূর্বং পঠিত্বাঽপি অশনৈর্বিদগ্ধৈরিত্যনেনাবিদাহিবস্তুনোঽপি দোষবশেন বিদাহিত্বং দর্শিতম্| যদাহ সুশ্রুতঃ– “স্রোতস্যন্নবহে পিত্তমগ্নৌ বা যস্য তিষ্ঠতি| বিদাহি ভুক্তমন্যদ্বা তস্যাপ্যন্নং বিদহ্যতে||” (সু. সূ. অ. ৪৬) ইতি| বিদাহকাল ইত্যাহারস্য| জলদাত্যযে শরদি||৬-৮||
Adhikarana shlaiShmikashUlasya nidAnAdipUrvakaM lakShaNam (9-10) · Śloka 10
আনূপবারিজকিলাটপযোবিকারৈর্মাংসেক্ষুপিষ্টকৃশরাতিলশষ্কুলীভিঃ |
অন্যৈর্বলাসজনকৈরপি হেতুভিশ্চ শ্লেষ্মা প্রকোপমুপগম্য করোতি শূলম্ ||৯||
হৃল্লাসকাসসদনারুচিসম্প্রসেকৈরামাশযে স্তিমিতকোষ্ঠশিরোগুরুত্বৈঃ |
ভুক্তে সদৈব হি রুজং কুরুতেঽতিমাত্রং সূর্যোদযেঽথ শিশিরে কুসুমাগমে চ ||১০||
View original
आनूपवारिजकिलाटपयोविकारैर्मांसेक्षुपिष्टकृशरातिलशष्कुलीभिः |
अन्यैर्बलासजनकैरपि हेतुभिश्च श्लेष्मा प्रकोपमुपगम्य करोति शूलम् ||९||
हृल्लासकाससदनारुचिसम्प्रसेकैरामाशये स्तिमितकोष्ठशिरोगुरुत्वैः |
भुक्ते सदैव हि रुजं कुरुतेऽतिमात्रं सूर्योदयेऽथ शिशिरे कुसुमागमे च ||१०||
শ্লৈষ্মিকমাহ– আনূপেত্যাদি| আনূপবারিজং মাংসাদিকং, কিলাটং তক্রকূর্চিকা, কৃশরা তিলতণ্ডুলমাষযবাগূঃ| সূর্যোদযে প্রাতঃ| কুসুমাগমে বসন্তে||৯-১০||
Adhikarana sAnnipAtikashUlalakShaNam (11) · Śloka 11
সর্বেষু দোষেষু চ সর্বলিঙ্গং বিদ্যাদ্ভিষক্ সর্বভবং হি শূলম্ |
সুকষ্টমেনং বিষবজ্রকল্পং বিবর্জনীযং প্রবদন্তি তজ্জ্ঞাঃ ||১১||
View original
सर्वेषु दोषेषु च सर्वलिङ्गं विद्याद्भिषक् सर्वभवं हि शूलम् |
सुकष्टमेनं विषवज्रकल्पं विवर्जनीयं प्रवदन्ति तज्ज्ञाः ||११||
সান্নিপাতিকমাহ– সর্বেষ্বিত্যাদি| ত্রিদোষাণাং মিলিতৈর্লক্ষণৈস্ত্রিদোষজং জানীযাত্| সুকষ্টমসাধ্যম্| বিষবজ্রতুল্যং মারণাত্মকত্বাত্||১১||
Adhikarana AmashUlalakShaNam (12) · Śloka 12
আটোপহৃল্লাসবমীগুরুত্বস্তৈমিত্যকানাহকফপ্রসেকৈঃ |
কফস্য লিঙ্গেন সমানলিঙ্গমামোদ্ভবং শূলমুদাহরন্তি ||১২||
View original
आटोपहृल्लासवमीगुरुत्वस्तैमित्यकानाहकफप्रसेकैः |
कफस्य लिङ्गेन समानलिङ्गमामोद्भवं शूलमुदाहरन्ति ||१२||
আমশূলমাহ– আটোপেত্যাদি| কফস্য লিঙ্গেন কফশূলোক্তলিঙ্গেন||১২||
Adhikarana dvandvajashUlalakShaNam (13-14) · Śloka 14
দ্বিদোষলক্ষণৈরেতৈর্বিদ্যাচ্ছূলং দ্বিদোষজম্ |
বস্তৌ হৃত্পার্শ্বপৃষ্ঠেষু স শূলঃ কফবাতিকঃ |
কুক্ষৌ হৃন্নাভিমধ্যেষু স শূলঃ কফপৈত্তিকঃ ||১৩||
দাহজ্বরকরো ঘোরো বিজ্ঞেযো বাতপৈত্তিকঃ |১৪|
View original
द्विदोषलक्षणैरेतैर्विद्याच्छूलं द्विदोषजम् |
बस्तौ हृत्पार्श्वपृष्ठेषु स शूलः कफवातिकः |
कुक्षौ हृन्नाभिमध्येषु स शूलः कफपैत्तिकः ||१३||
दाहज्वरकरो घोरो विज्ञेयो वातपैत्तिकः |१४|
বাতপৈত্তিকশ্চরকোক্তবাতপৈত্তিকশূলস্থানে দ্রষ্টব্যঃ| এবং সান্নিপাতিকোঽপি উক্তদোষত্রযস্থানে| যদুক্তম্– “বাতাত্মকং বস্তিগতং বদন্তি, পিত্তাত্মকং চাপি বদন্তি নাভ্যাম্| হৃত্পার্শ্বকুক্ষৌ কফসন্নিবিষ্টং, সর্বেষু দেশেষু চ সন্নিপাতাত্||” ইতি||১৩-১৪||–
Adhikarana shUlasya sAdhyAsAdhyatvam (14) · Śloka 15
একদোষোত্থিতঃ সাধ্যঃ, কৃচ্ছ্রসাধ্যো দ্বিদোষজঃ ||১৪||
সর্বদোষোত্থিতো ঘোরস্ত্বসাধ্যো ভূর্যুপদ্রবঃ |১৫|
View original
एकदोषोत्थितः साध्यः, कृच्छ्रसाध्यो द्विदोषजः ||१४||
सर्वदोषोत्थितो घोरस्त्वसाध्यो भूर्युपद्रवः |१५|
সাধ্যত্বাদিলক্ষণমাহ– একেত্যাদি| ভূর্যুপদ্রব ইতি উপদ্রবাস্তু বেদনাদযঃ| যদুক্তম্– “বেদনা চ তৃষা মূর্ছা আনাহো গৌরবারুচী| কাসঃ শ্বাসশ্চ হিক্কা চ শূলস্যোপদ্রবাঃ স্মৃতাঃ||” ইতি||১৪||–
Adhikarana pariNAmashUlasya nidAnapUrvakaM lakShaNam (15-16) · Śloka 17
স্বৈর্নিদানৈঃ প্রকুপিতো বাযুঃ সন্নিহিতস্তদা ||১৫||
কফপিত্তে সমাবৃত্য শূলকারী ভবেদ্বলী |
ভুক্তে জীর্যতি যচ্ছূলং তদেব পরিণামজম্ ||১৬||
তস্য লক্ষণমপ্যেতত্ সমাসেনাভিধীযতে |১৭|
View original
स्वैर्निदानैः प्रकुपितो वायुः सन्निहितस्तदा ||१५||
कफपित्ते समावृत्य शूलकारी भवेद्बली |
भुक्ते जीर्यति यच्छूलं तदेव परिणामजम् ||१६||
तस्य लक्षणमप्येतत् समासेनाभिधीयते |१७|
পরিণামশূলমাহ– স্বৈরিত্যাদি| অস্য চ ত্রিদোষজস্যাপি নিযতপরিণামকালসম্ভবত্বেন পিত্তোল্বণত্বং দ্রষ্টব্যম্| যদুক্তমন্যত্র– “বলাসঃ প্রচ্যুতঃ স্থানাত্ পিত্তেন সহ মূর্ছিতঃ| বাযুমাদায কুরুতে শূলং জীর্যতি ভোজনে|| কুক্ষৌ জঠরপার্শ্বেষু নাভৌ বস্তৌ স্তনান্তরে| পৃষ্ঠমূলপ্রদেশেষু সর্বেষ্বেতেষু বা পুনঃ|| ভুক্তমাত্রেঽথবা বান্তে জীর্ণেঽন্নে চ প্রশাম্যতি| ষষ্টিকব্রীহিশালীনামোদনেন বিবর্ধতে|| তত্ পরিণামজং শূলং দুর্বিজ্ঞেযং মহাগদম্| তমাহূ রসবাহানাং স্রোতসাং দুষ্টিহেতুকম্|| কেচিদন্নদ্রবং প্রাহুরন্যে তত্ পক্তিদোষতঃ| পক্তিশূলং বদন্ত্যেকে কেচিদন্নবিদাহজম্||” ইতি| ভুক্তে জীর্যতি আহারে পচ্যমানে||১৫-১৬||—
Adhikarana pariNAmashUlasya vAtAdibhedena lakShaNAni (17-20) · Śloka 21
আধ্মানাটোপবিণ্মূত্রবিবন্ধারতিবেপনৈঃ ||১৭||
স্নিগ্ধোষ্ণোপশমপ্রাযং বাতিকং তদ্বদেদ্ভিষক্ |
তৃষ্ণাদাহারতিস্বেদং কট্বম্ললবণোত্তরম্ ||১৮||
শূলং শীতশমপ্রাযং পৈত্তিকং লক্ষযেদ্বুধঃ |
ছর্দিহৃল্লাসসম্মোহং স্বল্পরুগ্দীর্ঘসন্ততি ||১৯||
কটুতিক্তোপশান্তং চ তচ্চ জ্ঞেযং কফাত্মকম্ |
সংসৃষ্টলক্ষণং বুদ্ধ্বা দ্বিদোষং পরিকল্পযেত্ ||২০||
ত্রিদোষজমসাধ্যং তু ক্ষীণমাংসবলানলম্ |২১|
View original
आध्मानाटोपविण्मूत्रविबन्धारतिवेपनैः ||१७||
स्निग्धोष्णोपशमप्रायं वातिकं तद्वदेद्भिषक् |
तृष्णादाहारतिस्वेदं कट्वम्ललवणोत्तरम् ||१८||
शूलं शीतशमप्रायं पैत्तिकं लक्षयेद्बुधः |
छर्दिहृल्लाससम्मोहं स्वल्परुग्दीर्घसन्तति ||१९||
कटुतिक्तोपशान्तं च तच्च ज्ञेयं कफात्मकम् |
संसृष्टलक्षणं बुद्ध्वा द्विदोषं परिकल्पयेत् ||२०||
त्रिदोषजमसाध्यं तु क्षीणमांसबलानलम् |२१|
তস্য বাতাদিভেদেন লক্ষণান্যাহ– আধ্মানেত্যাদি| তৃষ্ণাদাহারতিস্বেদা যত্র সন্তি তত্তৃষ্ণাদাহারতিস্বেদম্| কট্বম্ললবণোত্তরং কট্বম্ললবণৈর্বৃদ্ধম্| শীতশমপ্রাযং শীতলোপশম(য)বহুলম্| ছর্দিহৃল্লাসসম্মোহলিঙ্গানি যস্মিন্ সন্তি তচ্ছর্দিহৃল্লাসসম্মোহম্| দীর্ঘসন্ততীতি চিরানুবন্ধি||১৭-২০||–
Adhikarana annadravashUlalakShaNam (21-22) · Śloka 1
জীর্ণে জীর্যত্যজীর্ণে বা যচ্ছূলমুপজাযতে ||২১||
পথ্যাপথ্যপ্রযোগেণ ভোজনভোজনন চ |
ন শমং যাতি নিযমাত্ সোঽন্নদ্রব উদাহৃতঃ ||২২||
(অন্নদ্রবাখ্যশূলেষু ন তাবত্ স্বাস্থ্যমশ্নুতে |
বান্তমাত্রে জরত্পিত্তং শূলমাশু ব্যপোহতি) ||১||
View original
जीर्णे जीर्यत्यजीर्णे वा यच्छूलमुपजायते ||२१||
पथ्यापथ्यप्रयोगेण भोजनभोजनन च |
न शमं याति नियमात् सोऽन्नद्रव उदाहृतः ||२२||
(अन्नद्रवाख्यशूलेषु न तावत् स्वास्थ्यमश्नुते |
वान्तमात्रे जरत्पित्तं शूलमाशु व्यपोहति) ||१||
ত্রিদোষবিকৃতিবিশেষমন্নদ্রবাখ্যং শূলমাহ– জীর্ণ ইত্যাদি| জীর্ণে ‘আহারে’ ইতি শেষঃ, এবং জীর্যত্যজীর্ণে বেত্যত্র, সর্বদেত্যর্থঃ| ন শমং যাতি নোপশেতে ইত্যর্থঃ, ন ত্বসাধ্যং, চিকিত্সাবিধানাদিতি||২১-২২||
Adhikarana puShpikA · Śloka 26
ইতি শ্রীমাধবকরবিরচিতে মাধবনিদানে শূলপরিণামশূলান্নদ্রবশূলনিদানং সমাপ্তম্ ||২৬||
View original
इति श्रीमाधवकरविरचिते माधवनिदाने शूलपरिणामशूलान्नद्रवशूलनिदानं समाप्तम् ||२६||
ইতি শ্রীবিজযরক্ষিতকৃতাযাং মধুকোশব্যাখ্যাযাং শূলনিদানং সমাপ্তম্||২৬||