Adhikarana stanarogasamprAptiH (1) · Śloka 1
अथ स्तनरोगनिदानम् | सक्षीरौ वाऽप्यदुग्धौ वा प्राप्य दोषः स्तनौ स्त्रियाः | प्रदूष्य मांसरुधिरं स्तनरोगाय कल्पते ||१||
🔊 Audio coming soon
सूतिकारोगाधिकारात् स्तनरोगा उच्यन्ते| पारिभाषिकस्तनरोगसम्प्राप्तिमाह– सक्षीरौ वाऽपीत्यादि| सक्षीरौ गर्भवत्याः, अदुग्धौ वेति दोहदायोगेन प्रसूतायाः, स्तनौ प्राप्येति विवृतधमनीमुखेनाविश्य, स्तनरोगशब्देन ‘स्तनकोप’ इति प्रसिद्धो रोग उच्यते||१||
Adhikarana stanarogANAM lakShaNam (2) · Śloka 2
पञ्चानामपि तेषां हि रक्तजं विद्रधिं विना | लक्षणानि समानानि बाह्यविद्रधिलक्षणैः ||२||
🔊 Audio coming soon
तेषां वातपित्तकफसन्निपातागन्तुजानामतिदेशेन लक्षणमाह– पञ्चानामपीत्यादि| एतत् सुबोध्यम्| आगन्तुस्तनरोगोऽभिघातेन शल्येन च| रक्तजस्यासम्भवो व्याधिस्वभावात्||२||
Adhikarana puShpikA · Śloka 66
इति श्रीमाधवकरविरचिते माधवनिदाने स्तनरोगनिदानं समाप्तम् ||६६||
🔊 Audio coming soon
इति श्रीकण्ठदत्तकृतायां मधुकोशव्याख्यायां स्तनरोगनिदानं समाप्तम्||६६||