Adhikarana udarasya vahniduShTijanyatvam (1) · Śloka 1
অথোদরনিদানম্ |
রোগাঃ সর্বেঽপি মন্দেঽগ্নৌ সুতরামুদরাণি চ |
অজীর্ণান্মলিনৈশ্চান্নৈর্জাযন্তে মলসঞ্চযাত্ ||১||
(বা. নি. অ. ১২) |
View original
अथोदरनिदानम् |
रोगाः सर्वेऽपि मन्देऽग्नौ सुतरामुदराणि च |
अजीर्णान्मलिनैश्चान्नैर्जायन्ते मलसञ्चयात् ||१||
(वा. नि. अ. १२) |
উদরোত্সেধসাধর্ম্যাদুদরনিদানম্| উদরস্য বিশেষেণ বহ্নিদুষ্টিজন্যত্বমাহ– রোগা ইত্যাদি| অগ্নিমান্দ্যং চ দোষত্রযজনকম্| যদুক্তম্– “বর্ষাস্বগ্নিবলে হীনে কুপ্যন্তি পবনাদযঃ|” (চ. সূ. অ. ৬) ইতি| মলিনৈরিতি অত্যর্থদোষজনকৈর্বিরুদ্ধাধ্যশনাদিভিঃ| মলসঞ্চযাদিতি মলা দোষাঃ পুরীষাদযশ্চ, তেষামতিবৃদ্ধত্বাত্| তন্ত্রান্তরং চ– “অতিসঞ্চিতদোষাণাং পাপং কর্ম চ কুর্বতাম্| উদরাণ্যুপজাযন্তে মন্দাগ্নীনাং বিশেষতঃ||” ইতি| যদ্যপি মন্দাগ্নিত্বমলিনান্নত্বযোঃ প্রত্যেকমপি দোষত্রযজনকত্বমস্তি, তথাঽপ্যত্রোভযহেতুজনকত্বেন দোষদুষ্টিপ্রকর্ষঃ খ্যাপ্যতে, অত এব দুষ্টিপ্রকর্ষখ্যাপনার্থং ‘মলসঞ্চযাত্’ ইত্যত্র সম্পূর্বং কৃতবান্||১||
Adhikarana udarasamprAptiH (2) · Śloka 2
রুদ্ধ্বা স্বেদাম্বুবাহীনি দোষাঃ স্রোতাংসি সঞ্চিতাঃ |
প্রাণাগ্ন্যপানান্ সন্দূষ্য জনযন্ত্যুদরং নৃণাম্ ||২||
(চ. চি. অ. ১৩) |
View original
रुद्ध्वा स्वेदाम्बुवाहीनि दोषाः स्रोतांसि सञ्चिताः |
प्राणाग्न्यपानान् सन्दूष्य जनयन्त्युदरं नृणाम् ||२||
(च. चि. अ. १३) |
সম্প্রাপ্তিমাহ– রুদ্ধ্বেত্যাদি| স্বেদাম্বুবাহীনীতি স্বেদবহানি অম্বুবহানি চ| অনযোশ্চ ভেদঃ, “উদকবহানাং স্রোতসাং তালুমূলং ক্লোম চ; স্বেদবহানাং স্রোতসাং মেদো মূলং লোমকূপাশ্চ|” (চ. বি. অ. ৫) ইত্যনেনোক্তো জ্ঞেযঃ| স্রোতোরোধশ্চাত্র বহিরেব ন পুনরন্তঃ| যদুক্তং চরকে– “স্বেদস্তু বাহ্যেষু স্রোতঃসু প্রতিহতগতিস্তির্যগবতিষ্ঠমানস্তদেবোদকমাপ্যাযযতি|” (চ. চি. অ. ১৩) ইতি| অত এবোদরপূর্ণতা অন্নরসেন| প্রাণাগ্নীতি পুনরগ্নিদূষণাভিধানেন মন্দস্যাপ্যগ্নেঃ পুনর্দোষকৃতং সুতরাং মান্দ্যং বোধযতি| দোষসঞ্চযগতেনাপি বাযুনা প্রাণাপানযোর্দূষণং ন বিরুদ্ধং, যতো বাযুনা বায্বন্তরদুষ্টিঃ ক্রিযত এব| সুশ্রুতে তু পূর্বরূপমস্যোক্তং; তদ্যথা– “তত্পূর্বরূপং বলবর্ণকাঙ্ক্ষাবলীবিনাশো জঠরে হি রাজ্যঃ| জীর্ণাপরিজ্ঞানবিদাহবত্যো বস্তৌ রুজঃ পাদগতশ্চ শোথঃ||” (সু. নি. অ. ৭) ইতি||২||
Adhikarana udarANAM sAmAnyarUpam (3-4) · Śloka 5
আধ্মানং গমনেঽশক্তির্দৌর্বল্যং দুর্বলাগ্নিতা |
শোথঃ সদনমঙ্গানাং সঙ্গো বাতপুরীষযোঃ ||৩||
দাহস্তন্দ্রা চ সর্বেষু জঠরেষু ভবন্তি হি |
(সু. নি. অ. ৭) |
পৃথগ্দোষৈঃ সমস্তৈশ্চ প্লীহবদ্ধক্ষতোদকৈঃ ||৪||
সম্ভবন্ত্যুদরাণ্যষ্টৌ তেষাং লিঙ্গং পৃথক্ শৃণু |৫|
View original
आध्मानं गमनेऽशक्तिर्दौर्बल्यं दुर्बलाग्निता |
शोथः सदनमङ्गानां सङ्गो वातपुरीषयोः ||३||
दाहस्तन्द्रा च सर्वेषु जठरेषु भवन्ति हि |
(सु. नि. अ. ७) |
पृथग्दोषैः समस्तैश्च प्लीहबद्धक्षतोदकैः ||४||
सम्भवन्त्युदराण्यष्टौ तेषां लिङ्गं पृथक् शृणु |५|
উদরাণাং সামান্যরূপমাহ– আধ্মানমিত্যাদি| দুর্বলাগ্নিতেতি মন্দোঽগ্নির্যদ্যপ্যত্র হেতুস্তথাঽপ্যগ্নেরতিশযদৌর্বল্যং লিঙ্গত্বেন জ্ঞেযম্| উদরাণ্যষ্টাবিতি যকৃদ্দাল্যুদরস্য প্লীহোদরেণ সার্ধং সমানচিকিত্স্যতযা তথোত্পত্তিবিশিষ্টদকোদরাত্ ক্রমেণ ভূতদকোদরস্যাপি সমানলিঙ্গচিকিত্সিতত্বেনাভিন্নত্বাত্ অষ্টাবেবোদরাণি ভবন্তি| প্লীহোদরাদীনি চ যদ্যপি চত্বারি দোষজানি, তথাঽপি হেতুলিঙ্গচিকিত্সাভেদাত্ পৃথগুক্তানি||৩-৪||–
Adhikarana vAtodaralakShaNam (5-8) · Śloka 8
তত্র বাতোদরে শোথঃ পাণিপান্নাভিকুক্ষিষু ||৫||
কুক্ষিপার্শ্বোদরকটীপৃষ্ঠরুক্ পর্বভেদনম্ |
শুষ্ককাসোঽঙ্গমর্দোঽধোগুরুতা মলসঙ্গ্রহঃ ||৬||
শ্যাবারুণত্বগাদিত্বমকস্মাদ্বৃদ্ধিহ্রাসবত্ |
সতোদভেদমুদরং তনুকৃষ্ণসিরাততম্ ||৭||
আধ্মাতদৃতিবচ্ছব্দমাহতং প্রকরোতি চ |
বাযুশ্চাত্র সরুক্শব্দো বিচরেত্ সর্বতো গতিঃ ||৮||
(বা. নি. অ. ১২) |
View original
तत्र वातोदरे शोथः पाणिपान्नाभिकुक्षिषु ||५||
कुक्षिपार्श्वोदरकटीपृष्ठरुक् पर्वभेदनम् |
शुष्ककासोऽङ्गमर्दोऽधोगुरुता मलसङ्ग्रहः ||६||
श्यावारुणत्वगादित्वमकस्माद्वृद्धिह्रासवत् |
सतोदभेदमुदरं तनुकृष्णसिराततम् ||७||
आध्मातदृतिवच्छब्दमाहतं प्रकरोति च |
वायुश्चात्र सरुक्शब्दो विचरेत् सर्वतो गतिः ||८||
(वा. नि. अ. १२) |
বাতোদরলক্ষণমাহ– তত্রেত্যাদি| অকস্মাদ্বৃদ্ধিহ্রাসবদিতি অনিযতবৃদ্ধিহ্রাসযুক্তমুদরম্| আধ্মাতদৃতিবদিতি বাতপূর্ণচর্মপুটবদিতি||৫-৮||
Adhikarana paittikodaralakShaNam (9-10) · Śloka 10
পিত্তোদরে জ্বরো মূর্ছা দাহস্তৃট্ কটুকাস্যতা |
ভ্রমোঽতিসারঃ পীতত্বং ত্বগাদাবুদরং হরিত্ ||৯||
পীততাম্রসিরানদ্ধং সস্বেদং সোষ্ম দহ্যতে |
ধূমাযতে মৃদুস্পর্শং ক্ষিপ্রপাকং প্রদূযতে ||১০||
(বা. নি. অ. ১২) |
View original
पित्तोदरे ज्वरो मूर्छा दाहस्तृट् कटुकास्यता |
भ्रमोऽतिसारः पीतत्वं त्वगादावुदरं हरित् ||९||
पीतताम्रसिरानद्धं सस्वेदं सोष्म दह्यते |
धूमायते मृदुस्पर्शं क्षिप्रपाकं प्रदूयते ||१०||
(वा. नि. अ. १२) |
পৈত্তিকমাহ– পিত্তেত্যাদি| দহ্যত ইতি উদরমাত্রং দহ্যতে| দাহস্তু সকলদেহস্যৈব বোদ্ধব্যঃ| ধূমাযতে ধূম ইবোর্ধ্বমেতি| ক্ষিপ্রপাকমিতি ক্ষিপ্রপাকাজ্জলোদরতাং যাতীত্যর্থঃ| প্রদূযতে ব্যথতে||৯-১০||
Adhikarana shlaiShmikodaralakShaNaM, sannipAtodaralakShaNaM ca (11-14) · Śloka 14
শ্লেষ্মোদরেঽঙ্গসদনং স্বাপশ্বযথুগৌরবম্ |
নিদ্রোত্ক্লেশোঽরুচিঃ শ্বাসঃ কাসঃ শুক্লত্বগাদিতা ||১১||
উদরং স্তিমিতং স্নিগ্ধং শুক্লরাজীততং মহত্ |
চিরাভিবৃদ্ধং কঠিনং শীতস্পর্শং গুরু স্থিরম্ ||১২||
(বা. নি. অ. ১২) |
স্ত্রিযোঽন্নপানং নখলোমমূত্রবিডার্তবৈর্যুক্তমসাধুবৃত্তাঃ |
যস্মৈ প্রযচ্ছন্ত্যরযো গরাংশ্চ দুষ্টাম্বুদূষীবিষসেবনাদ্বা ||১৩||
তেনাশু রক্তং কুপিতাশ্চ দোষাঃ কুর্যুঃ সুঘোরং জঠরং ত্রিলিঙ্গম্ |
তচ্ছীতবাতে ভৃশদুর্দিনে চ বিশেষতঃ কুপ্যতি দহ্যতে চ ||১৪||
স চাতুরো মুহ্যতি হি প্রসক্তং পাণ্ডুঃ কৃশঃ শুষ্যতি তৃষ্ণযা চ |
দূষ্যোদরং কীর্তিতমেতদেব ...||
(সু. নি. অ. ৭) |
View original
श्लेष्मोदरेऽङ्गसदनं स्वापश्वयथुगौरवम् |
निद्रोत्क्लेशोऽरुचिः श्वासः कासः शुक्लत्वगादिता ||११||
उदरं स्तिमितं स्निग्धं शुक्लराजीततं महत् |
चिराभिवृद्धं कठिनं शीतस्पर्शं गुरु स्थिरम् ||१२||
(वा. नि. अ. १२) |
स्त्रियोऽन्नपानं नखलोममूत्रविडार्तवैर्युक्तमसाधुवृत्ताः |
यस्मै प्रयच्छन्त्यरयो गरांश्च दुष्टाम्बुदूषीविषसेवनाद्वा ||१३||
तेनाशु रक्तं कुपिताश्च दोषाः कुर्युः सुघोरं जठरं त्रिलिङ्गम् |
तच्छीतवाते भृशदुर्दिने च विशेषतः कुप्यति दह्यते च ||१४||
स चातुरो मुह्यति हि प्रसक्तं पाण्डुः कृशः शुष्यति तृष्णया च |
दूष्योदरं कीर्तितमेतदेव ...||
(सु. नि. अ. ७) |
সন্নিপাতোদরমাহ– স্ত্রিয ইত্যাদি| স্ত্রীগ্রহণমবিবেকিসন্নিহিতজনোপলক্ষণম্| গরং সংযোগজং বিষম্| দুষ্টমম্বু সগরপ্রাণিতৃণপর্ণাদিকোথযুতং, বিষমেবাগ্ন্যাদ্যুপহতং মন্দপ্রভাবং বা দূষীবিষমুচ্যতে| যদুক্তম্– “জীর্ণং বিষঘ্নৌষধিভির্হতং বা দাবাগ্নিবাতাতপশোষিতং বা| স্বভাবতো বা গুণবিপ্রহীনং বিষং হি দূষীবিষতামুপৈতি||” (সু. ক. অ. ২) ইতি| তেনাশু রক্তমিতি বিষস্যাগ্নেযত্বেন রক্তদুষ্টিঃ| কুপিতাশ্চ দোষা ইতি স্বভাবাত্ দোষত্রযপ্রকোপকং বিষং ভবতি| তচ্ছীতবাতাদিষু কুপ্যতীতি| দূষ্যোদরং কীর্তিতমেতদেবেতি এতদেব সন্নিপাতোদরং দূষ্যোদরং কীর্তিতং, ন পুনরধিকমিত্যর্থঃ| রক্তং দূষ্যং দূষযিত্বা ভবতীতি দূষ্যোদরং; কিংবা পরস্পরং দূষযন্তীতি দোষা এব দূষ্যাস্তৈঃ কৃতমুদরমিতি||১১-১৪||–
Adhikarana plIhodaralakShaNam (15-17) · Śloka 17
... প্লীহোদরং কীর্তযতো নিবোধ ||১৫||
বিদাহ্যভিষ্যন্দিরতস্য জন্তোঃ প্রদুষ্টমত্যর্থমসৃক্ কফশ্চ |
প্লীহাভিবৃদ্ধিং কুরুতঃ প্রবৃদ্ধৌ প্লীহোত্থমেতজ্জঠরং বদন্তি ||১৬||
তদ্বামপার্শ্বে পরিবৃদ্ধিমেতি বিশেষতঃ সীদতি চাতুরোঽত্র |
মন্দজ্বরাগ্নিঃ কফপিত্তলিঙ্গৈরুপদ্রুতঃ ক্ষীণবলোঽতিপাণ্ডুঃ |
সব্যান্যপার্শ্বে যকৃতি প্রবৃদ্ধে জ্ঞেযং যকৃদ্দাল্যুদরং তদেব ||১৭||
(সু. নি. অ. ৭) |
View original
... प्लीहोदरं कीर्तयतो निबोध ||१५||
विदाह्यभिष्यन्दिरतस्य जन्तोः प्रदुष्टमत्यर्थमसृक् कफश्च |
प्लीहाभिवृद्धिं कुरुतः प्रवृद्धौ प्लीहोत्थमेतज्जठरं वदन्ति ||१६||
तद्वामपार्श्वे परिवृद्धिमेति विशेषतः सीदति चातुरोऽत्र |
मन्दज्वराग्निः कफपित्तलिङ्गैरुपद्रुतः क्षीणबलोऽतिपाण्डुः |
सव्यान्यपार्श्वे यकृति प्रवृद्धे ज्ञेयं यकृद्दाल्युदरं तदेव ||१७||
(सु. नि. अ. ७) |
প্লীহোদরমাহ– প্লীহেত্যাদি| অসৃক্কফশ্চেত্যসৃগ্দুষ্ট্যৈব তত্তুল্যকারণতযা পিত্তদুষ্টিরপ্যুচ্যতে, বিদাহিনা রক্তং পিত্তং চ দূষ্যতে; অত এব পশ্চাত্ বক্ষ্যতি– “কফপিত্তলিঙ্গৈরুপদ্রুতঃ” ইতি| অত্র পিত্তস্য লিঙ্গং মন্দজ্বরঃ, কফস্য লিঙ্গং মন্দাগ্নিত্বমিতি গদাধরঃ| প্লীহোদর এব যকৃদ্দাল্যুদরস্যাবরোধং দর্শযন্নাহ– সব্যান্যপার্শ্ব ইত্যাদি| সব্যান্যপার্শ্বে দক্ষিণপার্শ্বে| তদেবেতি তাদৃশমেব, প্লীহোদরসমমেব; ন বিলক্ষণমিত্যর্থঃ| যকৃদ্দালযতি দোষৈর্ভেদযতীতি যকৃদ্দাল্যুদরম্||১৫-১৭||
Adhikarana plIhodare doShasambandhena lakShaNAni (18) · Śloka 18
উদাবর্তরুজানাহৈর্মোহতৃড্দহনজ্বরৈঃ |
গৌরবারুচিকাঠিন্যৈর্বিদ্যাত্তত্র মলান্ ক্রমাত্ ||১৮||
(বা. নি. অ. ১২) |
View original
उदावर्तरुजानाहैर्मोहतृड्दहनज्वरैः |
गौरवारुचिकाठिन्यैर्विद्यात्तत्र मलान् क्रमात् ||१८||
(वा. नि. अ. १२) |
তত্র দোষসম্বন্ধমাহ– উদাবর্তেত্যাদি| উদাবর্তরুজানাহৈর্বাতং, মোহতৃড্দহনজ্বরৈঃ পিত্তং, গৌরবারুচিকাঠিন্যৈঃ কফং জানীযাত্||১৮||
Adhikarana baddhagudodaralakShaNam (19-20) · Śloka 20
যস্যান্ত্রমন্নৈরুপলেপিভির্বা বালাশ্মভির্বা পিহিতং যথাবত্ |
সঞ্চীযতে তস্য মলঃ সদোষঃ শনৈঃ শনৈঃ সঙ্করবচ্চ নাড্যাম্ ||১৯||
নিরুধ্যতে তস্য গুদে পুরীষং নিরেতি কৃচ্ছ্রাদপি চাল্পমল্পম্ |
হৃন্নাভিমধ্যে পরিবৃদ্ধিমেতি তস্যোদরং বদ্ধগুদং বদন্তি ||২০||
(সু. নি. অ. ৭) |
View original
यस्यान्त्रमन्नैरुपलेपिभिर्वा बालाश्मभिर्वा पिहितं यथावत् |
सञ्चीयते तस्य मलः सदोषः शनैः शनैः सङ्करवच्च नाड्याम् ||१९||
निरुध्यते तस्य गुदे पुरीषं निरेति कृच्छ्रादपि चाल्पमल्पम् |
हृन्नाभिमध्ये परिवृद्धिमेति तस्योदरं बद्धगुदं वदन्ति ||२०||
(सु. नि. अ. ७) |
বদ্ধগুদমাহ– যস্যান্ত্রমন্নৈরিত্যাদি| উপলেপিভিঃ পিচ্ছিলৈরন্নৈঃ শাকশালুকাদিভিঃ| পিহিতং বিবদ্ধম্| যথাবদিতি যথার্হম্| মলঃ পুরীষম্| সদোষ ইতি দোষত্রযসহিতঃ| নাড্যামিত্যন্ত্রনাড্যাম্| সঙ্করবদিতি সম্মার্জনীক্ষিপ্যমাণতৃণাদ্যবকরো যথা চীযতে ক্রমেণ তথেত্যর্থঃ| বদ্ধগুদমিতি গুদোপরি অন্ত্রস্য বদ্ধত্বাদ্বদ্ধগুদম্| যদুক্তং চরকে– “পক্ষ্মবালৈঃ সহান্নেন ভুক্তৈর্বদ্ধাযনে গুদে|” (চ. চি. অ. ১৩) ইতি| পুরীষাযতনস্য রুদ্ধত্বাত্ হৃন্নাভিমধ্যেঽন্নপাকস্থানে বৃদ্ধিঃ; গুদমাত্রনিরোধে তু মলদোষৈর্গুদাদূর্ধ্বমেবোদরবৃদ্ধিঃ স্যাত্||১৯-২০||
Adhikarana kShatodaralakShaNam (21) · Śloka 22
শল্যং তথাঽন্নোপহিতং যদন্ত্রং ভুক্তং ভিনত্ত্যাগতমন্যথা বা |
তস্মাত্স্রুতোঽন্ত্রাত্সলিলপ্রকাশঃ স্রাবঃ স্রবেদ্বৈ গুদতস্তু ভূযঃ ||২১||
নাভেরধশ্চোদরমেতি বৃদ্ধিং নিস্তুদ্যতে দাল্যতি চাতিমাত্রম্ |
এতত্ পরিস্রাব্যুদরং প্রদিষ্টং ... |২২|
(সু. নি. অ. ৭) |
View original
शल्यं तथाऽन्नोपहितं यदन्त्रं भुक्तं भिनत्त्यागतमन्यथा वा |
तस्मात्स्रुतोऽन्त्रात्सलिलप्रकाशः स्रावः स्रवेद्वै गुदतस्तु भूयः ||२१||
नाभेरधश्चोदरमेति वृद्धिं निस्तुद्यते दाल्यति चातिमात्रम् |
एतत् परिस्राव्युदरं प्रदिष्टं ... |२२|
(सु. नि. अ. ७) |
ক্ষতোদরমাহ– শল্যমিত্যাদি| শল্যং কণ্টকশর্করাদি| অন্নোপহিতমন্নযুক্তম্| ভুক্তমাগতমিতি অর্থতঃ পাকাশযাত্; বিলোমেনাগতমন্ত্রং ভিনত্তি, ঋজ্বাগতং হি শল্যমপি নান্ত্রভেদকম্| অন্যথা বেতি জৃম্ভণাত্যশনাভ্যামন্ত্রং ভিদ্যতে| যদুক্তং চরকে– “শর্করাতৃণলোষ্টাস্থিকণ্টকৈরন্নসংযুতৈঃ| ভিদ্যেতান্ত্রং যদা ভুক্তৈর্জৃম্ভযাঽত্যশনেন বা||” (চ. চি. অ. ১৩) ইতি| স্রুত ইতি গলিতঃ| ‘স্রাবঃ স্রবেদ্বৈ গুদতস্তু ভূযঃ’ ইতি ভূযো বহু যথা ভবতি তথাঽন্ত্রাত্ স্রুতঃ; দোষজেষু পুনরুপস্নেহন্যাযেনাল্প এব স্রাবো ভূযঃ পুনঃ পুনঃ গুদতশ্চ স্রবেত্| তুশব্দশ্চার্থে, ভূযঃশব্দোঽত্রাবর্তনীযঃ; তেনোক্তা ব্যাখ্যা সাধ্বী ভবতি| ননু, ভিন্নান্ত্রাত্তির্যগত্র স্রাবনির্গমঃ; তত্ কথং “স্রাবঃ স্রবেদ্বৈ গুদতস্তু ভূয” ইত্যুপপদ্যতে? নৈবং, সচ্ছিদ্রান্ত্রমার্গেণ বহির্গতস্যাতিবৃদ্ধস্য পুনরাগমনাত্ উপস্নেহন্যাযাদ্বা গুদতঃ স্রাব উপপন্ন এব| চরকেঽপ্যুক্তম্– “পূরযন্ গুদমন্ত্রং চ জনযত্যুদরং নৃণাম্|” (চ. চি. অ. ১৩) ইতি| তেন স্রাবেণ দ্রবস্য নিম্নগত্বান্নাভেরধো জঠরং বৃদ্ধিমেতি; এতচ্ছিদ্রোদরং জলোদরমিতি ভণ্যতে ইতি গদাধরঃ| যতশ্চরকেণোক্তম্– “তদধো নাভেঃ প্রাযোঽভিনির্বর্তমানং জলোদরং স্যাত্|” (চ. চি. অ. ১৩) ইতি| তদন্যে নানুমন্যন্তে, যতশ্ছিদ্রোদরং শীঘ্রং জলোদরতাং যাতীত্যভিপ্রাযেণ চরকেণোক্তম্, অন্যথা দকোদরং পৃথঙ্ন স্যাত্||২১||–
Adhikarana dakodarasya nidAnasamprAptipUrvakaM lakShaNam (22-24) · Śloka 24
... দকোদরং কীর্তযতো নিবোধ ||২২||
যঃ স্নেহপীতোঽপ্যনুবাসিতো বা বান্তো বিরিক্তোঽপ্যথবা নিরূঢঃ |
পিবেজ্জলং শীতলমাশু তস্য স্রোতাংসি দূষ্যন্তি হি তদ্বহানি ||২৩||
স্নেহোপলিপ্তেষ্বথবাঽপি তেষু দকোদরং পূর্ববদভ্যুপৈতি |
স্নিগ্ধং মহত্তত্পরিবৃত্তনাভিসমাততং পূর্ণমিবাম্বুনা চ |
যথা দৃতিঃ ক্ষুভ্যতি কম্পতে চ শব্দাযতে চাপি দকোদরং তত্ ||২৪||
(সু. নি. অ. ৭) |
View original
... दकोदरं कीर्तयतो निबोध ||२२||
यः स्नेहपीतोऽप्यनुवासितो वा वान्तो विरिक्तोऽप्यथवा निरूढः |
पिबेज्जलं शीतलमाशु तस्य स्रोतांसि दूष्यन्ति हि तद्वहानि ||२३||
स्नेहोपलिप्तेष्वथवाऽपि तेषु दकोदरं पूर्ववदभ्युपैति |
स्निग्धं महत्तत्परिवृत्तनाभिसमाततं पूर्णमिवाम्बुना च |
यथा दृतिः क्षुभ्यति कम्पते च शब्दायते चापि दकोदरं तत् ||२४||
(सु. नि. अ. ७) |
উত্পত্তিবিশিষ্টং দকোদরমাহ– যঃ স্নেহপীত ইত্যাদি| স্নেহপীত ইতি কর্তরি ক্তঃ, তেন স্নেহং পীতবানিত্যর্থঃ| দূষ্যন্তীতি স্বকর্মসু দুষ্টানি ভবন্তি| তদ্বহানি উদকবহানি| তেষ্বিতি উদকবহস্রোতঃসু| পূর্ববদিতি যথা পূর্বমুক্তম্| অন্নরস উপস্নেহন্যাযেন বহির্নিঃসৃত্যোদরং জনযতীত্যর্থ ইতি জেজ্জটঃ| গদাধরস্ত্বাহ– ক্ষতান্ত্রোদরে যথা অধোনাভেরুদরাভিবৃদ্ধির্গুদস্রাবশ্চ তথা জলোদরেঽপি ভবতীতি| ননু, সর্বেষামেব উপস্নেহন্যাযেন বহির্নিঃসৃতান্নরসমূলত্বাত্ কথমনুদকত্বং? নৈবং, তেষু হি প্রথমতো নাতিমন্দত্বাদগ্নেরন্নরসস্যাল্পত্বাচ্চানুদকত্বম্, অল্পত্বেন তদ্ব্যপদেশাত্; অত্র তু প্রাগেব ভূরিজলোত্পত্তিরিতি বিশেষঃ| সমাততং বেদনযা বিস্তার্যমাণমিবোদরং ভবতি| যথা দৃতিঃ ক্ষুভ্যতীতি দৃতিরিব জলপূর্ণা ক্ষুভ্যতীতি, অন্তর্জলচলনমিব ধত্তে| শব্দাযতে গুডগুডাযতে||২২-২৪||
Adhikarana udarasya sAdhyAsAdhyavicAraH (25-26) · Śloka 27
জন্মনৈবোদরং সর্বং প্রাযঃ কৃচ্ছ্রতমং মতম্ |
বলিনস্তদজাতাম্বু যত্নসাধ্যং নবোত্থিতম্ ||২৫||
পক্ষাদ্বদ্ধগুদং তূর্ধ্বং সর্বং জাতোদকং তথা |
প্রাযো ভবত্যভাবায ছিদ্রান্ত্রং চোদরং নৃণাম্ ||২৬||
(চ. চি. অ. ১৩)০ |২৭|
View original
जन्मनैवोदरं सर्वं प्रायः कृच्छ्रतमं मतम् |
बलिनस्तदजाताम्बु यत्नसाध्यं नवोत्थितम् ||२५||
पक्षाद्बद्धगुदं तूर्ध्वं सर्वं जातोदकं तथा |
प्रायो भवत्यभावाय छिद्रान्त्रं चोदरं नृणाम् ||२६||
(च. चि. अ. १३)० |२७|
উদররোগস্য সাধ্যত্বাদিলক্ষণমাহ– জন্মনৈবেত্যাদি| জন্মনৈবোদরমিতি উত্পন্নমাত্রেণৈব| অজাতোদকস্যোদরস্য লক্ষণং চরকেঽবগন্তব্যং; তদ্যথা– “অশোথমরুণাভাসং সশব্দং নাতিভারিকম্| সদা গুডগুডাযন্তং সিরাজালগবাক্ষিতম্|| নাভিং বিষ্টভ্য পাযৌ তু বেগং কৃত্বা প্রণশ্যতি| হৃদ্বঙ্ক্ষণকটীনাভিগুদপ্রত্যেকশূলিনঃ|| কর্কশং সৃজতো বাতং নাতিমন্দে চ পাবকে| লালযা বিরসে চাস্যে মূত্রেঽল্পে সংহতে বিশি|| অজাতোদকমিত্যেতৈর্যুক্তং বিজ্ঞায লক্ষণৈঃ|” (চ. চি. অ. ১৩) ইতি| অত্র কর্কশমিতি বেগবন্তম্| জাতোদকলক্ষণং চ চরকে যথা– “কুক্ষেরতিমাত্রং বৃদ্ধিঃ সিরান্তর্ধানগমনম্ উদকপূর্ণদৃতিসমানক্ষোভস্পর্শনং চ ভবতি|” (চ. চি. অ. ১৩) ইতি| পক্ষাদিত্যাদি| বদ্ধগুদমুদরং পক্ষাদূর্ধ্বং বিনাশায ভবতীতি| জাতোদকং পক্ষাত্| প্রাযোগ্রহণেন কদাচিত্ পক্ষাদূর্ধ্বমপি ন বিনাশায, তথা শল্যশাস্ত্রাভিমতযা চিকিত্সযা কদাচিজ্জাতোদকং ছিদ্রান্ত্রং বদ্ধগুদং চ সিধ্যতীতি দর্শযতি| জাতোদকং ছিদ্রান্ত্রং চ বিনাশায পক্ষাদূর্ধ্বমিতি সম্বন্ধ ইতি কেচিত্||২৫-২৬||
Adhikarana avasthAvisheSheNodarasyAsAdhyatvam (27-28) · Śloka 28
শূনাক্ষং কুটিলোপস্থমুপক্লিন্নতনুত্বচম্ |
বলশোণিতমাংসাগ্নিপরিক্ষীণং চ বর্জযেত্ ||২৭||
(চ. চি. অ. ১৩) |
পার্শ্বভঙ্গান্নবিদ্বেষশোথাতীসারপীডিতম্ |
বিরিক্তং চাপ্যুদরিণং পূর্যমাণং বিবর্জযেত্ ||২৮||
(সু. সূ. অ. ৩৩) |
View original
शूनाक्षं कुटिलोपस्थमुपक्लिन्नतनुत्वचम् |
बलशोणितमांसाग्निपरिक्षीणं च वर्जयेत् ||२७||
(च. चि. अ. १३) |
पार्श्वभङ्गान्नविद्वेषशोथातीसारपीडितम् |
विरिक्तं चाप्युदरिणं पूर्यमाणं विवर्जयेत् ||२८||
(सु. सू. अ. ३३) |
সাধ্যতযাঽভিহিতানামপ্যবস্থাবিশেষেণাসাধ্যতামাহ– শূনাক্ষমিত্যাদি| ‘উদরিণম্’ ইতি শেষঃ| কুটিলোপস্থমিতি বক্রমেহনম্| উপক্লিন্নতনুত্বচমিতি উপক্লিন্না তন্বী ত্বক্ যস্য তম্| অগ্নিপরিক্ষীণমিতি অগ্নিক্ষযশ্চ যদ্যপ্যুদরে পূর্বমেব ভবতি, তথাঽপ্যত্র বিশেষেণাগ্নিক্ষযো লক্ষণান্তরযুক্তশ্চাসাধ্যতালিঙ্গং সম্ভবতীতি জ্ঞেযম্||২৭-২৮||
Adhikarana puShpikA · Śloka 35
ইতি শ্রীমাধবকরবিরচিতে মাধবনিদানে উদরনিদানং সমাপ্তম্ ||৩৫||
View original
इति श्रीमाधवकरविरचिते माधवनिदाने उदरनिदानं समाप्तम् ||३५||
ইতি শ্রীকণ্ঠদত্তবিরচিতাযাং মধুকোশব্যাখ্যাযামুদরনিদানং সমাপ্তম্||৩৫||