Adhikarana udAvartanidAnam (1) · Śloka 1
অথোদাবর্তানাহনিদানম্ |
বাতবিণ্মূত্রজৃম্ভাশ্রুক্ষবোদ্গারবমীন্দ্রিযৈঃ |
ক্ষুত্তৃষ্ণোচ্ছ্বাসনিদ্রাণাং ধৃত্যোদাবর্তসম্ভবঃ ||১||
View original
अथोदावर्तानाहनिदानम् |
वातविण्मूत्रजृम्भाश्रुक्षवोद्गारवमीन्द्रियैः |
क्षुत्तृष्णोच्छ्वासनिद्राणां धृत्योदावर्तसम्भवः ||१||
উদাবর্তেঽপি শূলং ভবতীতি শূলানন্তরমুদাবর্তমাহ– বাতেত্যাদি| অস্রমশ্রু, ইন্দ্রিযশব্দেনাত্র শুক্রং, ক্ষুত্ বুভুক্ষা| ধৃত্যা বেগবিধারণেন| এতে বাতাদযস্ত্রযোদশ নিযমার্থাঃ; তেনান্যেষাং ক্রোধাদীনাং বেগবিধারণং ন তদ্ধেতুঃ, স্বাস্থ্যহেতুত্বাত্| যদাহ চরকঃ– “লোভশোকভযক্রোধমানবেগান্ বিধারযেত্|” (চ. সূ. অ. ৭) ইত্যাদি| সর্বোদাবর্তেষু চ বাযুরেব কারণম্| যদাহ সুশ্রুতঃ– “সর্বেষ্বেতেষু বিধিবদুদাবর্তেষু কৃত্স্নশঃ| বাযোঃ ক্রিযা বিধাতব্যাঃ স্বমার্গপ্রতিপত্তযে||” (সু. উ. তং. অ. ৫৫) ইত্যাদি| উদ্ভূতেন বেগবিধারণেনাবৃতস্য বাযোর্বর্তনমিত্যুদাবর্তনিরুক্তিঃ; অন্যে তু বাযোরূর্ধ্বমাবর্তো গমনমিত্যুদাবর্তমাহুঃ; তন্ন, অশ্রুস্রাবাদেরব্যাপকত্বাত্; ছত্রিণো গচ্ছন্তীতি ন্যাযেন বা সমাধেযম্||১||
Adhikarana vAtanirodhaja-purIShanirodhaja-mUtranirodhaja-jRumbhopaghAtaja-bAShpanirodhaja-kShavathunirodhaja-udgAranirodhaja-chardinigrahaja-shukranirodhaja-kShudhAnirodhaja-tRuShNAvighAtaja-niHshvAsavinigrahaja-nidrAbhighAtajodAvartalakShaNam (2-12) · Śloka 12
বাতমূত্রপুরীষাণাং সঙ্গো ধ্মানং ক্লমো রুজা |
জঠরে বাতজাশ্চান্যে রোগাঃ স্যুর্বাতনিগ্রহাত্ ||২||
(চ. সূ. অ. ৭) |
আটোপশূলৌ পরিকর্তিকা চ সঙ্গঃ পুরীষস্য তথোর্ধ্ববাতঃ |
পুরীষমাস্যাদথবা নিরেতি পুরীষবেগেঽভিহতে নরস্য ||৩||
(সু. উ. তং. অ. ৫৫) |
বস্তিমেহনযোঃ শূলং মূত্রকৃচ্ছ্রং শিরোরুজা |
বিনামো বঙ্ক্ষণানাহঃ স্যাল্লিঙ্গং মূত্রনিগ্রহে ||৪||
(চ. সূ. অ. ৭) |
মন্যাগলস্তম্ভশিরোবিকারা জৃম্ভোপঘাতাত্ পবনাত্মকাঃ স্যুঃ |
তথাঽক্ষিনাসাবদনামযাশ্চ ভবন্তি তীব্রাঃ সহ কর্ণরোগৈঃ ||৫||
আনন্দজং বাঽপ্যথ শোকজং বা নেত্রোদকং প্রাপ্তমমুঞ্চতো হি |
শিরোগুরুত্বং নযনামযাশ্চ ভবন্তি তীব্রাঃ সহ পীনসেন ||৬||
(সু. উ. তং. অ. ৫৫) |
মন্যাস্তম্ভঃ শিরঃশূলমর্দিতার্ধাবভেদকৌ |
ইন্দ্রিযাণাং চ দৌর্বল্যং ক্ষবথোঃ স্যাদ্বিধারণাত্ ||৭||
(চ. সূ. অ. ৭) |
কণ্ঠাস্যপূর্ণত্বমতীব তোদঃ কূজশ্চ বাযোরথবাঽপ্রবৃত্তিঃ |
উদ্গারবেগেঽভিহতে ভবন্তি ঘোরা বিকারাঃ পবনপ্রসূতাঃ ||৮||
(সু. উ. তং. অ. ৫৫) |
কণ্ডূকোঠারুচিব্যঙ্গশোথপাণ্ড্বামযজ্বরাঃ |
কুষ্ঠবীসর্পহৃল্লাসাশ্ছর্দিনিগ্রহজা গদাঃ ||৯||
(চ. সূ. অ. ৭) |
মূত্রাশযে বৈ গুদমুষ্কযোশ্চ শোথো রুজা মূত্রবিনিগ্রহশ্চ |
শুক্রাশ্মরী তত্স্রবণং ভবেচ্চ তে তে বিকারা বিহতে চ শুক্রে ||১০||
তন্দ্রাঙ্গমর্দাবরুচিঃ শ্রমশ্চ ক্ষুধাভিঘাতাত্ কৃশতা চ দৃষ্টেঃ |
কণ্ঠাস্যশোষঃ শ্রবণাবরোধস্তৃষ্ণাবিঘাতাদ্ধৃদযে ব্যথা চ ||১১||
শ্রান্তস্য নিঃশ্বাসবিনিগ্রহেণ হৃদ্রোগমোহাবথবাঽপি গুল্মঃ |
জৃম্ভাঽঙ্গমর্দোঽক্ষিশিরোঽতিজাড্যং নিদ্রাভিঘাতাদথবাঽপি তন্দ্রা ||১২||
(সু. উ. তং. অ. ৫৫) |
View original
वातमूत्रपुरीषाणां सङ्गो ध्मानं क्लमो रुजा |
जठरे वातजाश्चान्ये रोगाः स्युर्वातनिग्रहात् ||२||
(च. सू. अ. ७) |
आटोपशूलौ परिकर्तिका च सङ्गः पुरीषस्य तथोर्ध्ववातः |
पुरीषमास्यादथवा निरेति पुरीषवेगेऽभिहते नरस्य ||३||
(सु. उ. तं. अ. ५५) |
बस्तिमेहनयोः शूलं मूत्रकृच्छ्रं शिरोरुजा |
विनामो वङ्क्षणानाहः स्याल्लिङ्गं मूत्रनिग्रहे ||४||
(च. सू. अ. ७) |
मन्यागलस्तम्भशिरोविकारा जृम्भोपघातात् पवनात्मकाः स्युः |
तथाऽक्षिनासावदनामयाश्च भवन्ति तीव्राः सह कर्णरोगैः ||५||
आनन्दजं वाऽप्यथ शोकजं वा नेत्रोदकं प्राप्तममुञ्चतो हि |
शिरोगुरुत्वं नयनामयाश्च भवन्ति तीव्राः सह पीनसेन ||६||
(सु. उ. तं. अ. ५५) |
मन्यास्तम्भः शिरःशूलमर्दितार्धावभेदकौ |
इन्द्रियाणां च दौर्बल्यं क्षवथोः स्याद्विधारणात् ||७||
(च. सू. अ. ७) |
कण्ठास्यपूर्णत्वमतीव तोदः कूजश्च वायोरथवाऽप्रवृत्तिः |
उद्गारवेगेऽभिहते भवन्ति घोरा विकाराः पवनप्रसूताः ||८||
(सु. उ. तं. अ. ५५) |
कण्डूकोठारुचिव्यङ्गशोथपाण्ड्वामयज्वराः |
कुष्ठवीसर्पहृल्लासाश्छर्दिनिग्रहजा गदाः ||९||
(च. सू. अ. ७) |
मूत्राशये वै गुदमुष्कयोश्च शोथो रुजा मूत्रविनिग्रहश्च |
शुक्राश्मरी तत्स्रवणं भवेच्च ते ते विकारा विहते च शुक्रे ||१०||
तन्द्राङ्गमर्दावरुचिः श्रमश्च क्षुधाभिघातात् कृशता च दृष्टेः |
कण्ठास्यशोषः श्रवणावरोधस्तृष्णाविघाताद्धृदये व्यथा च ||११||
श्रान्तस्य निःश्वासविनिग्रहेण हृद्रोगमोहावथवाऽपि गुल्मः |
जृम्भाऽङ्गमर्दोऽक्षिशिरोऽतिजाड्यं निद्राभिघातादथवाऽपि तन्द्रा ||१२||
(सु. उ. तं. अ. ५५) |
উক্তবাতাদ্যুদাবর্তানাং ক্রমেণ লক্ষণমাহ– বাতেত্যাদি| অন্যে ইতি তোদশূলাদযঃ| মেহনং শেফঃ| বিনাম আনাহপীডযা (বন্ধনবত্পীডযা) নতগাত্রত্বম্| বঙ্ক্ষণযোরানাহো বন্ধনবত্পীডা| নেত্রোদকমশ্রু, প্রাপ্তমাগতমমুঞ্চতো ‘নরস্য’ ইতি শেষঃ| চকারাত্তন্ত্রান্তরোক্তপ্রতিশ্যাযহৃদ্রোগারুচিপ্রভৃতীনাং গ্রহণম্| অর্ধাবভেদোঽর্ধশিরঃশূলম্| কূজোঽব্যক্তভাষণমিতি কার্তিকঃ| বাযোরপ্রবৃত্তিরুচ্ছ্বাসনিরোধঃ| ঘোরা বিকারাঃ পবনজা হিক্কাদযঃ| মূত্রাশযে বস্তৌ, ‘মূত্রাযন’ ইতি পাঠে স এবার্থঃ| বৈশব্দঃ পাদপূরণে| তত্স্রবণং শুক্রস্য স্যন্দনম্| অতিজাড্যং গৌরবম্| ‘শিরোগাত্রাক্ষিগৌরবম্’ ইতি তন্ত্রান্তরে পাঠঃ||২-১২||
Adhikarana rUkShAdikupitavAtajodAvartasya nidAna-samprApti-lakShaNAni (13-16) · Śloka 16
বাযুঃ কোষ্ঠানুগো রূক্ষৈঃ কষাযকটুতিক্তকৈঃ |
ভোজনঃ কুপিতঃ সদ্য উদাবর্তং করোতি হি ||১৩||
বাতমূত্রপুরীষাসৃক্কফমেদোবহানি বৈ |
স্রোতাংস্যুদাবর্তযতি পুরীষং চাতিবর্তযেত্ ||১৪||
ততো হৃদ্বস্তিশূলার্তো হৃল্লাসারতিপীডিতঃ |
বাতমূত্রপুরীষাণি কৃচ্ছ্রেণ লভতে নরঃ ||১৫||
শ্বাসকাসপ্রতিশ্যাযদাহমোহতৃষাজ্বরান্ |
বমিহিক্কাশিরোরোগমনঃশ্রবণবিভ্রমান্ |
বহূনন্যাংশ্চ লভতে বিকারান্ বাতকোপজান্ ||১৬||
(সু. উ. তং. অ. ৫৫) |
View original
वायुः कोष्ठानुगो रूक्षैः कषायकटुतिक्तकैः |
भोजनः कुपितः सद्य उदावर्तं करोति हि ||१३||
वातमूत्रपुरीषासृक्कफमेदोवहानि वै |
स्रोतांस्युदावर्तयति पुरीषं चातिवर्तयेत् ||१४||
ततो हृद्बस्तिशूलार्तो हृल्लासारतिपीडितः |
वातमूत्रपुरीषाणि कृच्छ्रेण लभते नरः ||१५||
श्वासकासप्रतिश्यायदाहमोहतृषाज्वरान् |
वमिहिक्काशिरोरोगमनःश्रवणविभ्रमान् |
बहूनन्यांश्च लभते विकारान् वातकोपजान् ||१६||
(सु. उ. तं. अ. ५५) |
বেগনিরোধজানুদাবর্তানভিধায রূক্ষাদিকুপিতবাতজমাহ– বাযুরিত্যাদি| উদাবর্তযতি আবৃণোতি| অতিবর্তযেত্ শোষযেত্| কৃচ্ছ্রেণ লভতে ইতি কষ্টেন প্রবর্তযতি| অত্র কেচিত্ সুশ্রুতোক্তমসাধ্যলক্ষণং পঠন্তি– “তৃষ্ণার্দিতং পরিক্লিষ্টং ক্ষীণং শূলৈরুপদ্রুতম্| শকৃদ্বমন্তং মতিমানুদাবর্তিনমুত্সৃজেত্||” (সু. উ. তং. অ. ৫৫) ইতি||১৩-১৬||
Adhikarana AnAhalakShaNam (17-20) · Śloka 20
আমং শকৃদ্বা নিচিতং ক্রমেণ ভূযো বিবদ্ধং বিগুণানিলেন |
প্রবর্তমানং ন যথাস্বমেনং বিকারমানাহমুদাহরন্তি ||১৭||
তস্মিন্ ভবন্ত্যামসমুদ্ভবে তু তৃষ্ণাপ্রতিশ্যাযশিরোবিদাহাঃ |
আমাশযে শূলমথো গুরুত্বং হৃত্স্তম্ভ উদ্গারবিঘাতনং চ ||১৮||
স্তম্ভঃ কটীপৃষ্ঠপুরীষমূত্রে শূলোঽথ মূর্ছা শকৃতশ্চ ছর্দিঃ |
শোথশ্চ পক্বাশযজে ভবন্তি তথাঽলসোক্তানি চ লক্ষণানি ||১৯||
(সু. উ. তং. অ. ৫৬) |
তৃষ্ণার্দিতং পরিক্লিষ্টং ক্ষীণং শূলৈরভিদ্রুতম্ |
শকৃদ্বমন্তং মতিমানুদাবর্তিনমুত্সৃজেত্ ||২০||
(সু. উ. তং. অ. ৫৫) |
View original
आमं शकृद्वा निचितं क्रमेण भूयो विबद्धं विगुणानिलेन |
प्रवर्तमानं न यथास्वमेनं विकारमानाहमुदाहरन्ति ||१७||
तस्मिन् भवन्त्यामसमुद्भवे तु तृष्णाप्रतिश्यायशिरोविदाहाः |
आमाशये शूलमथो गुरुत्वं हृत्स्तम्भ उद्गारविघातनं च ||१८||
स्तम्भः कटीपृष्ठपुरीषमूत्रे शूलोऽथ मूर्छा शकृतश्च छर्दिः |
शोथश्च पक्वाशयजे भवन्ति तथाऽलसोक्तानि च लक्षणानि ||१९||
(सु. उ. तं. अ. ५६) |
तृष्णार्दितं परिक्लिष्टं क्षीणं शूलैरभिद्रुतम् |
शकृद्वमन्तं मतिमानुदावर्तिनमुत्सृजेत् ||२०||
(सु. उ. तं. अ. ५५) |
ইদানীং বিগুণানিলজত্বেন সমানচিকিত্স্যত্বেনানাহমাহ– আমমিত্যাদি| নেতি পূর্বেণ সম্বধ্যতে| এবং ছর্দিরিত্যেক এব ছকারশ্ছন্দোঽনুরোধাত্| স্তম্ভশব্দঃ কট্যাদেঃ স্তব্ধতাবাচী, মূত্রপুরীষযোশ্চাপ্রবৃত্তিবাচী| অলসোক্তানীতি আধ্মানবাতনিরোধাদীনি||১৭-২০||
Adhikarana puShpikA · Śloka 27
ইতি শ্রীমাধবকরবিরচিতে মাধবনিদানে উদাবর্তানাহনিদানং সমাপ্তম্ ||২৭||
View original
इति श्रीमाधवकरविरचिते माधवनिदाने उदावर्तानाहनिदानं समाप्तम् ||२७||
ইতি শ্রীবিজযরক্ষিতকৃতাযাং মধুকোশব্যাখ্যাযামুদাবর্তানাহনিদানং সমাপ্তম্||২৭||