Adhikarana upadaMshanidAnam (1) · Śloka 1
অথোপদংশনিদানম্ |
হস্তাভিঘাতান্নখদন্তপাতাদধাবনাদ্রত্যতিসেবনাদ্বা |
যোনিপ্রদোষাচ্চ ভবন্তি শিশ্নে পঞ্চোপদংশা বিবিধাপচারৈঃ ||১||
View original
अथोपदंशनिदानम् |
हस्ताभिघातान्नखदन्तपातादधावनाद्रत्यतिसेवनाद्वा |
योनिप्रदोषाच्च भवन्ति शिश्ने पञ्चोपदंशा विविधापचारैः ||१||
স্থানপ্রত্যাসত্তেরুপদংশনিদানমাহ– হস্তেত্যাদি| নখদন্তপাতাদিতি বলবদনুরাগোদযাত্ নখদন্তচ্ছেদস্থানত্বেনানুক্তেঽপি মেহনে নখদন্তপাতঃ; যদুক্তং কামশাস্ত্রে– “শাস্ত্রস্য বিষযস্তাবদ্যাবন্মন্দরসা নরাঃ| প্রবৃত্তে রতিচক্রে তু ন শাস্ত্রং নাপি চ ক্রমঃ||” (কা. সূ. সাং. অ. ২) ইতি| কলহাদিবশাদ্বা মেহনে নখদন্তপাতঃ| অধাবনাদপ্রক্ষালনাত্| রত্যতিসেবনাদিতি ব্যবাযস্যাত্যন্তসেবনাত্| যোনিপ্রদোষাদিতি দীর্ঘকর্কশরোমাদিযোগাদ্যোনিদুষ্টেঃ| শিশ্নে মেহনে| বিবিধাপচারৈরিতি অশুদ্ধসলিলপ্রক্ষালনব্রহ্মচারিণীগমনাদিভিঃ| উপদংশসঞ্জ্ঞা চ দংশনোপাধিমন্তরেণাপি রূঢা বোদ্ধব্যা| যদ্যপ্যভিঘাতক্ষতে মেহনে উপদংশ আগন্তুঃ ষষ্ঠঃ সম্ভাব্যতে, তথাঽপি তস্য দোষলিঙ্গযুক্ততযা দোষজ এবান্তর্ভাবঃ||১||
Adhikarana vAtika-paittikopadaMshalakShaNam (2) · Śloka 2
সতোদভেদৈঃ স্ফুরণৈঃ সকৃষ্ণৈঃ স্ফোটৈর্ব্যবস্যেত্ পবনোপদংশম্ |
পীতৈর্বহুক্লেদযুতৈঃ সদাহৈঃ পিত্তেন... |২|
View original
सतोदभेदैः स्फुरणैः सकृष्णैः स्फोटैर्व्यवस्येत् पवनोपदंशम् |
पीतैर्बहुक्लेदयुतैः सदाहैः पित्तेन... |२|
পৈত্তিকমাহ– পীতৈরিত্যাদি| স্ফোটৈরিত্যনুসঞ্জনীযম্| এবমুত্তরত্রাপি|২|–
Adhikarana raktaja-kaphajopadaMshalakShaNam (2-3) · Śloka 3
...রক্তাত্ পিশিতাবভাসৈঃ ||২||
স্ফোটৈঃ সকৃষ্ণৈ রুধিরং স্রবন্তং রক্তাত্মকং পিত্তসমানলিঙ্গম্ |
সকণ্ডুরৈঃ শোথযুতৈর্মহদ্ভিঃ শুক্লৈর্ঘনৈঃ স্রাবযুতৈঃ কফেন ||৩||
View original
...रक्तात् पिशितावभासैः ||२||
स्फोटैः सकृष्णै रुधिरं स्रवन्तं रक्तात्मकं पित्तसमानलिङ्गम् |
सकण्डुरैः शोथयुतैर्महद्भिः शुक्लैर्घनैः स्रावयुतैः कफेन ||३||
রক্তজমাহ– রক্তাদিত্যাদি| রক্তাত্ পিশিতাবভাসৈরিতি মাংসবত্তাম্রৈঃ স্ফোটৈঃ রক্তাচ্ছোণিতাত্ উপদংশং ব্যবস্যেত্| ‘রক্তৈঃ’ ইতি পাঠান্তরে রক্তৈঃ শোণিতৈঃ||২-৩||
Adhikarana sannipAtajopadaMshalakShaNam (4) · Śloka 4
নানাবিধস্রাবরুজোপপন্নমসাধ্যমাহুস্ত্রিমলোপদংশম্ |৪|
View original
नानाविधस्रावरुजोपपन्नमसाध्यमाहुस्त्रिमलोपदंशम् |४|
সন্নিপাতজমাহ– নানাবিধেত্যাদি| নানাবিধস্রাবরুজোপপন্নমিতি প্রত্যেকদোষোক্তস্রাববেদনাযুক্তম্| ত্রিমলোপদংশমিতি ত্রিদোষোপদংশম্|৪|–
Adhikarana upadaMshasyA sAdhyalakShaNam (4) · Śloka 4
বিশীর্ণমাংসং ক্রিমিভিঃ প্রজগ্ধং মুষ্কাবশেষং পরিবর্জযেচ্চ ||৪||
View original
विशीर्णमांसं क्रिमिभिः प्रजग्धं मुष्कावशेषं परिवर्जयेच्च ||४||
অসাধ্যতামাহ– বিশীর্ণেত্যাদি| মুষ্কাবশেষমিতি বিশীর্ণসমস্তমেহনমাংসত্বেনাবশিষ্টফলকোষমাত্রম্||৪||
Adhikarana upadaMshasyAsAdhyalakShaNam (5) · Śloka 5
সঞ্জাতমাত্রে ন করোতি মূঢঃ ক্রিযাং নরো যো বিষযে প্রসক্তঃ |
কালেন শোথক্রিমিদাহপাকৈর্বিশীর্ণশিশ্নো ম্রিযতে স তেন ||৫||
View original
सञ्जातमात्रे न करोति मूढः क्रियां नरो यो विषये प्रसक्तः |
कालेन शोथक्रिमिदाहपाकैर्विशीर्णशिश्नो म्रियते स तेन ||५||
উপক্রমে চিকিত্সাকরণার্থমাহ– সঞ্জাতেত্যাদি| বিষযে প্রসক্ত ইতি অতিব্যবাযরতঃ| কালেন চিরকালেন||৫||
Adhikarana li~ggArsholakShaNam (6-7) · Śloka 7
অঙ্কুরৈরিব সঙ্ঘাতৈরুপর্যুপরিসংস্থিতৈঃ |
ক্রমেণ জাযতে বর্তিস্তাম্রচূডশিখোপমা ||৬||
কোষস্যাভ্যন্তরে সন্ধৌ সর্বসন্ধিগতাঽপি বা |
(সবেদনা পিচ্ছিলা চ দুশ্চিকিত্স্যা ত্রিদোষজা) |
লিঙ্গবর্তিরভিখ্যাতা লিঙ্গার্শ ইতি চাপরে ||৭||
View original
अङ्कुरैरिव सङ्घातैरुपर्युपरिसंस्थितैः |
क्रमेण जायते वर्तिस्ताम्रचूडशिखोपमा ||६||
कोषस्याभ्यन्तरे सन्धौ सर्वसन्धिगताऽपि वा |
(सवेदना पिच्छिला च दुश्चिकित्स्या त्रिदोषजा) |
लिङ्गवर्तिरभिख्याता लिङ्गार्श इति चापरे ||७||
একস্থানত্বেনাত্র লিঙ্গার্শ আহ– অঙ্কুরৈরিত্যাদি| অঙ্কুরৈরঙ্কুরসদৃশৈরীষদ্দীর্ঘৈঃ, সঙ্ঘাতৈর্মাংসপ্রতানৈঃ, ‘সঞ্জাতৈঃ’ ইতি পাঠে ‘মাংসৈঃ’ ইতি শেষঃ| তাম্রচূডশিখোপমা ইতি তাম্রচূডঃ, কুক্কুটঃ, তচ্চূডাতুল্যা| সন্ধাবিতি মেঢ্ররন্ধ্রসন্ধৌ, সর্বসন্ধিগতেত্যনেন সর্বসন্ধেরুক্তত্বাত্| এষা ত্রিদোষজা, বর্তিরিতি যোজ্যম্; অত এব ‘সবেদনা পিচ্ছিলা চ দুশ্চিকিত্স্যা ত্রিদোষজা|’ ইতি ক্বচিত্ পাঠঃ| সুশ্রুতে ক্বচিত্ স্ত্রীণামপ্যুপদংশঃ পঠ্যতে| যথা– “মেঢ্রসন্ধৌ ব্রণাঃ কেচিত্ কেচিত্ সর্বাশ্রযাস্তথা| কুলত্থাকৃতযঃ কেচিত্ কেচিত্ পদ্মদলোপমাঃ|| রুজাদাহার্তিবহুলাঃ কৃষ্ণাস্তোদসমন্বিতাঃ| শীঘ্রং কেচিদ্বিসর্পন্তি শনৈঃ কেচিত্তথাঽপরে| স্ত্রীণাং পুংসাং চ জাযন্তে উপদংশাঃ সুদারুণাঃ||” ইতি| কিন্তু সমানতন্ত্রেষ্বদর্শনাদেতদনার্ষমাহুঃ||৬-৭||
Adhikarana puShpikA · Śloka 47
ইতি শ্রীমাধবকরবিরচিতে মাধবনিদানে উপদংশনিদানং সমাপ্তম্ ||৪৭||
View original
इति श्रीमाधवकरविरचिते माधवनिदाने उपदंशनिदानं समाप्तम् ||४७||
ইতি শ্রীকণ্ঠদত্তকৃতাযাং মধুকোশব্যাখ্যাযামুপদংশনিদানং সমাপ্তম্||৪৭||