Adhikarana upadaMshanidAnam (1) · Śloka 1
অথোপদংশনিদানম্ | হস্তাভিঘাতান্নখদন্তপাতাদধাবনাদ্রত্যতিসেবনাদ্বা | যোনিপ্রদোষাচ্চ ভবন্তি শিশ্নে পঞ্চোপদংশা বিবিধাপচারৈঃ ||১||
अथोपदंशनिदानम् | हस्ताभिघातान्नखदन्तपातादधावनाद्रत्यतिसेवनाद्वा | योनिप्रदोषाच्च भवन्ति शिश्ने पञ्चोपदंशा विविधापचारैः ||१||
🔊 Audio coming soon
Adhikarana vAtika-paittikopadaMshalakShaNam (2) · Śloka 2
সতোদভেদৈঃ স্ফুরণৈঃ সকৃষ্ণৈঃ স্ফোটৈর্ব্যবস্যেত্ পবনোপদংশম্ | পীতৈর্বহুক্লেদযুতৈঃ সদাহৈঃ পিত্তেন... |২|
सतोदभेदैः स्फुरणैः सकृष्णैः स्फोटैर्व्यवस्येत् पवनोपदंशम् | पीतैर्बहुक्लेदयुतैः सदाहैः पित्तेन... |२|
🔊 Audio coming soon
Adhikarana raktaja-kaphajopadaMshalakShaNam (2-3) · Śloka 3
...রক্তাত্ পিশিতাবভাসৈঃ ||২|| স্ফোটৈঃ সকৃষ্ণৈ রুধিরং স্রবন্তং রক্তাত্মকং পিত্তসমানলিঙ্গম্ | সকণ্ডুরৈঃ শোথযুতৈর্মহদ্ভিঃ শুক্লৈর্ঘনৈঃ স্রাবযুতৈঃ কফেন ||৩||
...रक्तात् पिशितावभासैः ||२|| स्फोटैः सकृष्णै रुधिरं स्रवन्तं रक्तात्मकं पित्तसमानलिङ्गम् | सकण्डुरैः शोथयुतैर्महद्भिः शुक्लैर्घनैः स्रावयुतैः कफेन ||३||
🔊 Audio coming soon
Adhikarana sannipAtajopadaMshalakShaNam (4) · Śloka 4
নানাবিধস্রাবরুজোপপন্নমসাধ্যমাহুস্ত্রিমলোপদংশম্ |৪|
नानाविधस्रावरुजोपपन्नमसाध्यमाहुस्त्रिमलोपदंशम् |४|
🔊 Audio coming soon
Adhikarana upadaMshasyA sAdhyalakShaNam (4) · Śloka 4
বিশীর্ণমাংসং ক্রিমিভিঃ প্রজগ্ধং মুষ্কাবশেষং পরিবর্জযেচ্চ ||৪||
विशीर्णमांसं क्रिमिभिः प्रजग्धं मुष्कावशेषं परिवर्जयेच्च ||४||
🔊 Audio coming soon
Adhikarana upadaMshasyAsAdhyalakShaNam (5) · Śloka 5
সঞ্জাতমাত্রে ন করোতি মূঢঃ ক্রিযাং নরো যো বিষযে প্রসক্তঃ | কালেন শোথক্রিমিদাহপাকৈর্বিশীর্ণশিশ্নো ম্রিযতে স তেন ||৫||
सञ्जातमात्रे न करोति मूढः क्रियां नरो यो विषये प्रसक्तः | कालेन शोथक्रिमिदाहपाकैर्विशीर्णशिश्नो म्रियते स तेन ||५||
🔊 Audio coming soon
Adhikarana li~ggArsholakShaNam (6-7) · Śloka 7
অঙ্কুরৈরিব সঙ্ঘাতৈরুপর্যুপরিসংস্থিতৈঃ | ক্রমেণ জাযতে বর্তিস্তাম্রচূডশিখোপমা ||৬|| কোষস্যাভ্যন্তরে সন্ধৌ সর্বসন্ধিগতাঽপি বা | (সবেদনা পিচ্ছিলা চ দুশ্চিকিত্স্যা ত্রিদোষজা) | লিঙ্গবর্তিরভিখ্যাতা লিঙ্গার্শ ইতি চাপরে ||৭||
अङ्कुरैरिव सङ्घातैरुपर्युपरिसंस्थितैः | क्रमेण जायते वर्तिस्ताम्रचूडशिखोपमा ||६|| कोषस्याभ्यन्तरे सन्धौ सर्वसन्धिगताऽपि वा | (सवेदना पिच्छिला च दुश्चिकित्स्या त्रिदोषजा) | लिङ्गवर्तिरभिख्याता लिङ्गार्श इति चापरे ||७||
🔊 Audio coming soon
Adhikarana puShpikA · Śloka 47
ইতি শ্রীমাধবকরবিরচিতে মাধবনিদানে উপদংশনিদানং সমাপ্তম্ ||৪৭||
इति श्रीमाधवकरविरचिते माधवनिदाने उपदंशनिदानं समाप्तम् ||४७||
🔊 Audio coming soon